مصر موتورز مجتمع السيارات - عملت كام حادثة مع الستات في حياتك؟

مصر موتورز مجتمع السيارات (https://www.masrmotors.com/vb/index.php)

- سيارات حواء (https://www.masrmotors.com/vb/forumdisplay.php?f=181)

- - عملت كام حادثة مع الستات في حياتك؟ (https://www.masrmotors.com/vb/showthread.php?t=24945)

رد: عملت كام حادثة مع الستات في حياتك؟

هى الرجالة بتعرف تسوق لما البنات هيسوقوا كويس, فيه بنات بتحب السواقة وعارفة كل قواعدها وبتعرف تسوق أحسن من معظم الرجالة.

لكن فيه ستات العربية بالنسبة لهم وسيلة مواصلات جابتها علشان متتبهدلش فى المواصلات العامة ودول أكثريتهم مالهمش فى السواقة بتاتا, وبيعملوا حوادث كتير على الفاضى وكلها خدوش وتجريح.

والرجالة معظمهم سواقتهم غبية وميعرفوش فى قواعد المرور, لكن حوادثهم قليلة ولما بيعملوا حادثة بتطير فيها رقاب.

وأحسن حاجة لما تشوف واحدة ماشية و أيدها على الكلاكس ولا الميكروباص.

اقتباس:

والله انا مافهمه.. يعنى انتوا عايزين تفهمونى ان محدش فيكوا عمل حادثة مع راجل واحد.. اتحداكوا ان ده صحيح.. دانتوا اكتر ناس بيتاخد عليكوا مخالفات والمرور شاهد.. رغم اننى انا جديدة فى السواقة لكن عمرى ما كسرت على حد ولو اضريت استخدم الموبايل لمكالمة طارئة بدى اشارة وبركن وبعد كدة اتكلم.. عمرى ما فووت اشارة او كلاكس فى اى ملف او تقاطع.. حتى قليل ما بستخدم التالت عشان عارفة شوارع مصر وبلاويها وخصوصا مع المكرباصات اللى ماليه البلد واللى سواقينها كلهم رجاله ;) ..

أتفق معاكى فى الرأى, بس دى حاجات مستفزة والرجالة بيعملوها بقصد وفى النهاية مفيش عربية بتتأذى, الستات بيعملوا حاجات زى دى من غير قصد لكن كلها بتنتهى بحوادث, والحوادث اللى فى الموضوع تشهد على كده.

رد: عملت كام حادثة مع الستات في حياتك؟

ظلم وافتراءات
على الستات لانهم دايما بيحبو يكونو ملتزمين فى سواقتهم وطبعا ده مش بيعجب الرجالة هنا لانهم متعودين ان السواقة عبارة عن استعراض وفرد عضلات الشاطر هنا فى السواقة هو اللى يقدر يعمل اكروبات على الطريق بدون مراعاة لاى حد تانى وللاسف بتكون النتيجة حوادث مرعبة بيضيع فيها ناس ابرياء مالهومش اى دنب
حد يقدر يقولنا على حادثة مميتة من اللى بنسمع عنهم كانت المسئولة عنها واحدة ست؟؟؟؟؟؟؟؟؟؟؟
وطبعا مش محتاجين اسألكم السؤال التانى ....

يا جماعة السواقة فن ولياقة وادب .... كل واحد ياريت يفكر هو فين من الكلام ده قبل ما يهاجم وينتقد

رد: عملت كام حادثة مع الستات في حياتك؟

اقتباس:

المشاركة الأصلية كتبت بواسطة خالدخليفة (المشاركة 203580)

لكن متقدريش تنكرى ان البنات اللى معندهومش فكرة عن السواقة اغلبية واحنا هنا بنتكلم عن اغلبية لان لكل قاعدة شواذ
لكن وبصراحة الاغلبية بتاعتكو معدية ال98% بالراحة منكو مبيعرفوش يسوقو ولاعندهم فكرة عن السواقة
وده بناء على تجارب شخصية لانى لفيت مصر كلها من شرقها لغربها واجازة بالعافية من السواقة دلوقت لان عضلات رجلى جالها اجهاد من السواقة
وانا منكرش انى اتعرضت مرة لواحدة راكبة شيروكى وعمالة تغتت على خلق الله وطبعا العرق الصعيدى نط وجريت وراها وعملت كام حركة اكروبات لمت نفسها بعدها ومشيت على المحور منتهى الادب وطبعا اللى ضايقتهم لحقوها وكل واحدة خبطها كلمتين لكن بصراحة متمكنة جدا من السواقة واللى غاظها اكتر ان عربيتى نيسان صنى فبالنسبة للشيروكى عربية على ادها بس حظها الزفت وقعت فيا وانا واخد فرقة ميكروباس وشهادة من كلية الميكروباس الدولية فلمت نفسها لحد الدائرى و كل واحد فينا مشى فى اتجاه مختلف
بس دى واحدة بس اللى قابلتنى متمكنة جدا فى سواقتها
ومشفتش حد بعد كده ولما قلت نسبة ال98% من البنات والستات معندهومش فكرة ده طبعا مجاملة ليكى لكن هما حوالى 99,9 %

يا سلااااااااااااااااااام
يعنى انت عاوز تقنعنى انك مشيت ورا كل البنات الى سايقين فى البلد وحكمت كمان انهم مش بيعرفوا يسوقوا
وهى بقى السواقه هى الى انت قولت عليها دى مع البنوته الى راكبه شيروكى؟؟؟

رد: عملت كام حادثة مع الستات في حياتك؟

اوووووووووووووووووووف النهاردة كان يوم صعب كان يوم السيئات قصدى (السيدات ) انا مبحبش الصحراوى بتاع اسكندرية فى الصيف بسبب انه بيبقى زحمة ونسبة المبتدئين او المتهورين والمتفذلكين عليه كتير المهم وقعت فى واحدة راكبة لانسر وماسكة الحارة ال3 يمين او التانية الشمال يعنى اللى تحت السريع مباشرة يعنى لو قلنا السرعة القصوى على الطريق ده 100 يبقى مفروض تمشى فى الحارة ال2 شمال دى 80 مثلا لكن تمشى فى ال2 شمال بسرعة 40 شىء يغيظ وكمان مشغلة الانتظار وعاملة زحمة لان فى كام لورى ماشيين حواليها بيعدو منها والشارع طبعا مقفول لحد م الباشوات عدوها ولما شاورت لها تمسك اليمين هزت راسها باستهزاء ولا كأنى بكلمهاا
وصلت المحور والسرعة عليه 90 وواحدرة راكبة 128 وماسكة الشمال وماشية بطييـــــــــــــىء وومخلية كل اللى جاى وراها يرمى شمال والمحور زحمة جداااااا فجيت جنبها وهديت السرعة لقيتها ماشية 40 طيب ماسكة الشمال ليه ياحاجة قالتىل خليك فى حالك طيب مهو ده حالى و حال غيرى م انتى معطلة الشارع امسكى اليمين معبرتنيش وراحت ماشية وبينى وبينكو الشيطان ركب دماغى وقال لاعبها بعربيتك شوية ياتلبس فى السور وتحرم ياتتلم وتيجى يمين وبعدين غيرت رايى وسبتها ومشيت
دخلنا المهندسين وعلى كوبرى 15 مايو واحدة راكبة النترا و كل م حد يعدى من جنبها تطلع دراعها وتزعق انا جاى من بعيد مش فاهم فى ايه فهديت السرعة ومشيت جنبها بالراحة لحد م عديت منها ولقيت واحد بيعدى منى ومنها راحت شاتماه ياحيوان كلكو حيوانات وفهمت انها بتخاف ومبتدئة وان كلنا حيوانات لاننا ماشيين من جنب الهانم
بصراحة شىء يزهق وادعولى امسك حكم مصر 48 ساعة فى اول يوم هنزل قانون بالغاء رخص السيئات(السيدات) وتانى يوم هعين وزير داخليه بيكرههم وهاخد عليه تعهد انه اللى تسوق عربيه يخنقها
واقدم استقالتى بعد كده

رد: عملت كام حادثة مع الستات في حياتك؟

اقتباس:

المشاركة الأصلية كتبت بواسطة shooshoo (المشاركة 204553)

هههههههههههههه انا كتبت التعليق اللى فات ومكنتش قريت كلامك ده انا بسوق شهريا حوالى 6000 كيلو متر فبقابلهم فى الطرق مش بمشى وراهم وهو اللى بيعمل بحث عن حاجة زى كده هيمشى ورا البنات ايه المزاج العنب ده
والبنت دى علشان متفهميش غلط انا لقيتها مستغلة حجم عربيتها وعمالة تكسر على ده وتهوش ده وتخنق ده فانا اتغظظت والصعيدى اللى جوايا قال لى دى لازم تتأدب وقد كان لكن بصراحة اى حد بعمل معاه حركتين من بتوعى بيلم نفسه لكن دى واصلت معايا لحد الأخر بس مش حاجة تانية
وطبعا كل واحد مننا هنا بيحكى تجاربه الشخصية وكلنا هنا بنحكى تجاربنا الشخصية