مصر موتورز مجتمع السيارات - انا جبت السايبا برايد الجديده وده كل شيى عنها بالصور

مصر موتورز مجتمع السيارات (https://www.masrmotors.com/vb/index.php)

- برايد Pride (https://www.masrmotors.com/vb/forumdisplay.php?f=136)

رد: انا جبت السايبا برايد الجديده وده كل شيى عنها بالصور

اقتباس:

المشاركة الأصلية كتبت بواسطة AboNoRa (المشاركة 143748)

بالنسبة لسلبيات العربية فهى كالتالى

- تواضع مكونات الصالون الداخلى والبلاستيكات والاكسسوارات عامة
- عدم وجود عزل جيد سواء للموتور او للكابينة

بالنسبة للصاج فهو ضعيف فعلاً مقارنة بالعربيات القديمة لكن زيه زى صاج الاكسنت او الانوس نفس الصاج ونفس السمك
بالنسبة للدعامات فى الابواب فهى موجودة فى كل الابواب عبارة عن بار دائرى صلب موضوع بشكل عرضى فى التلت الاخير من الابواب لو حضرتك شيلت السوليتكس بتاع الابواب الداخلى هتشوفة
ده بالاضافة للاكصدامات اللى وراها حشو سفنج ووراها كمر حديد وده مش موجود فى العربيات بتاعة اليومين دول خالص
فعامة من الصاج زى عربيات الوقت ده لكن الدعامات جيدة جداًُ

وانصحك فى حالة الشراء انك تراجع كل تفاصيل العربية سواء صاج او اكسسوارات او كماليات كهربية لان التجميع الايرانى او المصرى وارد فيه عيوب تقفيل كتير

ومبروك مقدماً

كماليات الكهربائيه زى ايه ؟ يا اخى

رد: انا جبت السايبا برايد الجديده وده كل شيى عنها بالصور

اقتباس:

المشاركة الأصلية كتبت بواسطة kw ltd (المشاركة 156688)

الف شكر على المعلومات القيمه ديه
انا ليا استفسار عن ميعاد استلام السياره بعد دفع المقدم بكام يوم؟؟؟
وهل بيتم دفع 500ج حجز ؟؟
والف شكر

انا للاسف ماقدرشى افيدك فى النقطه دى علشان انا كنت رابع واحد يشتريها يوممم 14 /1 /2009 بعد اعلانها فى الجرائد بتاريخ 11/1/2009 ولما رحت شوفتها تانى يوم دفعت الفلوس كاش وختها وانا واقف من فرع جامعه الدول وبعديها ب3 ايام رحت خدت جواب المرور ورخصت

رد: انا جبت السايبا برايد الجديده وده كل شيى عنها بالصور

اقتباس:

المشاركة الأصلية كتبت بواسطة tawfic (المشاركة 157161)

الف شكر على ردك توفيق باشا
ايه اخبارها معاك دلوقتى ؟؟
وبتسحب كام لتر كل 100 كيلو؟؟ واى بنزين يفضل لها؟

رد: انا جبت السايبا برايد الجديده وده كل شيى عنها بالصور

اقتباس:

المشاركة الأصلية كتبت بواسطة kw ltd (المشاركة 157193)

الف شكر على ردك توفيق باشا
ايه اخبارها معاك دلوقتى ؟؟
وبتسحب كام لتر كل 100 كيلو؟؟ واى بنزين يفضل لها؟

الحمد لله العربيه ممتازه معايا جدا وعامل بيها دلوقتى20500 وزى الفل
وبالنسبه للبنزين انا بحط 92
وبتستهلك حاليا جوه البلد 9 ليتر كل 100 كيلو
وعلى السريع حوالى 7.5 ليتر كل 100 كيلو

رد: انا جبت السايبا برايد الجديده وده كل شيى عنها بالصور

انا معايا شاهين مو 2000 من و هى زيرو و كويسه لغايه دلوقت ماسكه نفسها و ثابته على الارض و جر خلفى مش كبالن و دى تفرق كثير و حتبقى ارخص من السيبيا على الاقل ب 10 الاف جنيه ممكن تستخدمهم فى حاجه تانيه

رد: انا جبت السايبا برايد الجديده وده كل شيى عنها بالصور

هل الموتور بيسخن بسرعة

رد: انا جبت السايبا برايد الجديده وده كل شيى عنها بالصور

اقتباس:

المشاركة الأصلية كتبت بواسطة alaashoukry (المشاركة 157326)

يا علاء باشا عمرى ما شوفت حد بيقارن الشاهين بالبرايد انا نفسى كان معانا دوجان مش شاهين وبعديها على طول بعناها وجبنا البرايد وعمرى ما حطيت الاتنين فى مقارنة ابداً مع ان ديه كانت 1600 والبرايد كانت 1100

ديه ركوبة وديه ركوبة الدوجان والشاهين فيات والاداء ايطالى والبرايد فى الاصل مازدا والاداء اسيوى اكيد لو ركبت ده وده هتعرف ان مفيش مجال للمقارنة

============

بالنسبة للموضوع السخونة هى مش بتسخن زيادة لكن الايرانى الترموستات بيشغل المروحة على النص زى العربيات الجديدة لكن البرايد الكورى كان بيشغل المروحة على الربع او التلت اذا كان ده قصدك
غير كده العربية بنزل فيها ترموستات كوعة وده بيبوظ بسرعة خاصة مع المياة الخضراء والحمراء المغشوشة وطبعاً لما بيبوظ بيعمل مشكلة السخونة
لكن الموتور بيستحمل السخونة ومش من المواتير اللى اول ما تشم سخونة تجيب جوان حتى فحاول تتجنب المياة الملونة وكفاية المية العادية مع مانع الصداء او تشيل ترموستات الكوعة وتريح نفسك خالص