رد: اى استفسار بخصوص البنوك
 

يجوز بيعها بس بدون تسجيل وعندك حلين لباقي الاقساط
اما تتفق مع المشتري انه يدفع باقي المبلغ الاقساط وتخلص
او تحول الاقساط باسمه وده يبقي حسب نظام البنك المتعاقد معه ممكن يوافق او يرفض
او تبقي تدفع انت الاقساط من خلال المشتري انه يديك كل شهر قسط بس ده خطر شويه لانه ممكن ميدفعش وانت اي اجراء قانوني هيبقي ضدك

والله المعين

الضامن في قرض السيارة
 

استفسار لخبرا البنوك
انا موظف بشركة بيترول
وضامن ابن عمي في قرض سيارة في حالة عدم سدادة للاقساط هل يمكنني الامتناع عند السداد مثلة ولا لا

رد: الضامن في قرض السيارة
 

لو عامل ورقة تحويل راتب فى حالة عدم السداد سيتم الرجوع عليك
للاستفسار السريع
09009488

رد: اى استفسار بخصوص البنوك
 

لو سمحت انا وخطيبي عايزين نشتري تقسيط ونبعها ونشتري بتمنها شقة
عايزة عربية بحدود 40 الف ممكن اعرف افضل بنك فايدته قليلة واقساطه قليلة ومش بيعمل حظر بيع هيكون بنك ايه؟
وهندف اقساط ومقدم اد ايه؟
شكرا

رد: اى استفسار بخصوص البنوك
 

لا يجوز وانصح بعمل قرض شخصى من بداية الامر اسهل من شراء عربية واعادة بعها مرة ثانية
للاستفسار السريع
09009488

رد: اى استفسار بخصوص البنوك
 

انا كنت عايزه استفسر عن بنك CIB
مع العلم انى فتحت عليه حساب من اسبوع واحد بس لتحويل المرتب وانا مرتبى 2500 جنيه وعايزة اشترى افيو اوتوماتيك ودى تقريبا ب 88 الف جنيه او بروتون ساجا اوتوماتيك ودى تقريبا ب 73 الف جنيه مع العلم انى مش معايا غير 15 الف جنيه بس انا موظف خدمه العملا فى البنك قالى احسنلى اعمل قرض شخصى مش قرض سياره بس انا مش عارفه الفرق بينهم انا كل اللى عايزاه اقصى تموين البنك ممكن يدهولى على اطول فتره سداد اللى عرفت انها 7 سنين بحيث انى اسدد للبنك الف جنيه شهريا ياترى فى حاجه ممكن تسمحلى بكده واقدر ابدا فى الاجراءات بعد كام شهر بالظبط من تحويل المرتب عشان ميبقاش فى احتمال انهم يرفضو يدونى القرض

رد: اى استفسار بخصوص البنوك
 

القرض الشخصي افضل من عدة نواحي :
أولا : هتاخدي الفلوس منهم و تشتري بيها العربية او اي حاجة و تبقى انتي المالكة الوحيدة ليها ، لكن قرض السيارة هيتعمل حفظ ملكية على السيارة لصالح البنك الى حين الانتهاء من سداد كامل الاقساط .
ثانيا : لو حبيتي تبيعي العربية بعد كده و هيا عليها حفظ ملكية مش هينفع الا لو كيشتي العربية كلها للبنك ، لكن لو كنتي شارية العربية باسمك انتي بس بالقرض الشخصي يبقى تبعيها في اي وقت براحتك .
ثالثا : غالبية البنوك بتشترط في حالة قرض السيارة انك تأمني عليها و تجددي التأمين كل سنة من سنوات القرض ، و ده هيكلفك مبلغ كبير جدا اذا كنتي لا ترغبي في التأمين من الأصل .
رابعا : فايدة قرض السيارة في غالبية البنوك بتكون اعلى من غيرها ( مثلا 9.5% في بنك كريدي اجريكول مصر )
خامسا : اجراءات ترخيص السيارة اللي بقرض بتكون مقرفة جدا ، جواب من البنك للمرور و بعدين تعطي للبنك صورة من الرخصة ، و كل سنة تروح البنك تاخد جواب للمرور بتجديد الترخيص ، و الترخيص بيكون سنة بسنة مينفعش مثلا 3 سنين ، و في المرور بيعملك الرخصة مكتوب عليها حفظ ملكية بيكون شكلها بايخ لو حد شافها خاصة لو انتي رغبتي في ان يكون تقسيط السيارة سر شخصي .
اخر حاجة لو هتاخدي قرض شخصي ده يكون طبعا افضل حتى لو فايدته اعلى بس متقوليش للبنك ان الغرض منه شراء سيارة اكتبي اي غرض ( ضيق مالي - ظروف خاصة - السفر للسياحة - الزواج - العلاج - اي حاجة تناسبك )
ارجو ان اكون افدت حضرتك