مصر موتورز مجتمع السيارات - ازاي تكشف الردار موضوع مهم لكل المصرين

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - ازاي تكشف الردار موضوع مهم لكل المصرين (https://www.masrmotors.com/vb/showthread.php?t=25781)

رد: ازاي تكشف الردار موضوع مهم لكل المصرين

اقتباس:

المشاركة الأصلية كتبت بواسطة oldman (المشاركة 193473)

يا جماعة خدعوك فقالو الكلام دة لان فى الصحراوى الضباط عارفين الكلام دة كويس وانا شفتها بعينى فية بعض سواقين المكروباص معروفين لدى الضباط وبيجرو وعند الكمين بيقول للضايط استلم يا باشا اى خدمة ويمسك كل اللى بيجرو وراء الميكروباص

وعلى فكرة يوجد تصوير ليلى

انتا متاكد ان في مصر تصوير ليلي يا راجل يا طيب ده انا السنه اللي فاتت روحت اسكندرية وضربت في دماغي اني اركب ميكروباص التويوتا الجديد الراجل طول الطريق منزلش عن سرعة 180 وصلنا اسكندرية في ساعة وربع لدرجة انه حسسني انه ماشي علي الطريق الدولي في الكويت ومفيش حاجه اسمها ردار

رد: ازاي تكشف الردار موضوع مهم لكل المصرين

فى طبعا تصوير ليلى بس بكاميرات حديثة جدا لكن لم تنتشر(يظهر والله اعلم ان وزارة الداخليه ممعاهاش فلوس لانى اللى بياخدوه منى غرامات سرعة مش مكفى الكاميرات) فهى على المحور بس والمهندسين وميدان رمسيس ومنطقة وسط البلد بالقاهرة اما الرادار القديم العبيط ده فبالليل مش بيصور يدوب يدى فلاش يفوقك لو انت بتجرى يعنى بيلعبو على نفسيتك لانك لما تاخد الفلاش ف وشك هتقلق وتنزل السرعة وتمشى على مهلك
بالمناسبة واحد حبيبى فى مرور الدراسة قال وقفنا عملنا لجنة فى الاميرية لمدة 4 ساعات لمينا مليون جنيه غير لامؤاخذة شوال مليان رخص طلعنا بيها على الادارة وطبعا دول اللى مكانش معاهم فلوس تكفى ( مش بقول لكم وزارة الداخليه غلااااااااااااابة ويستحقو المعونة)
خلى بالك ياكروزير فى لجنة دايما واقفة عند مدخل شاطىء المعمورة بيقلبو على اى حكاية حزام/ سرعة/ اى تلاكيكو
واما انا علشان متعبش الداخلية وحرصا على راحتهم شلت امين الشرطة اللى كان فى الشنطة وجبت مكانه رتبه مهمة فى المرور ومعاه ييجى 50 دفتر غرامات اول ميخلصو باديله اجازة يجيب غيرهم وييجى للشنطة تانى
وبعدين انت حبيبى من ايام الجيزة ياعم كروزير الله لايرجعها ايام ههههههههه

رد: ازاي تكشف الردار موضوع مهم لكل المصرين

اقتباس:

المشاركة الأصلية كتبت بواسطة خالدخليفة (المشاركة 193631)

ههههههههههههههههههههههههه ههه مش بقولك فقري ولا هيلاقوك ربنا يستر وبعدين خلي بالك علشان اللي بيخطف رتبه في شنطة العربية اليومين دول بيتروق وانتا مش ناقص

رد: ازاي تكشف الردار موضوع مهم لكل المصرين

اقتباس:

المشاركة الأصلية كتبت بواسطة oldman (المشاركة 193473)

تصور انت فسرت لى ليه سواقين الميكروباس بيجرو رغم ان اماكن الرادار شبه معروفة واتمسك انا والواحد من دول وده واقف ولا كأنه هيدفع 150 جنيه بل وممكن تلاقيه قاعد جوه العربية والا قى الملاكى اللى معاه كله عمال يجرى على الظابط او بيتناقش او بيدفع وده الظابط ولاسائل فيه وهو واقف بعيد ولاسائل برضه
ومن كام يوم مسافر اسكندرية وقبل مدخل السادات لقيت سواق ميكروباس بيجرى واستغربت جدا لان اى عيل صغير عارف ان فى رادار من قبل السادات لحد مدخل الساحل الشمالى يطلع ادام شوية يرجع ورا شوية وكلنا بناخد حذرنا من قبلها ولقيت سواق ملاكى بيجرى وراه فطلعت ايدى من الشباك وشاورت له علشان يهدى السرعة علشان التصوير وقد كان وصلنا الكمين بعدها بشوية وملقيتش سواق الميكروباس ده
ومعنى كده انهم فيهم خونة متواطئين عارفك هتسمع كلام كروزير وتجرى وراه ويسلمك للكمين وهو يمشى وانت تدفع
وصحيح لو كلنا التزمنا الداخليه تجيب فلوس منين مهو لازم يبقى فى خونة يوقعوك فى شر اعمالك علشان يلمو فلوس

رد: ازاي تكشف الردار موضوع مهم لكل المصرين

اقتباس:

المشاركة الأصلية كتبت بواسطة mshamy (المشاركة 192490)

السلام عليكم ورحمة الله وبركاته
بمناسبة دخول الصيف و إحتمال ذهاب الكثير منا الى الغردقة
أحب أصحح بعض المعلومات المقتبسة أعلاه و ذلك من واقع الخبرة العملية حيث اني اسافر على هذا الطريق بصفة شهرية تقريبا
1- السرعة من بداية الزعفرانة - راس غارب - وصولا إلى بوابة الغردقة هي 110 كم/س و العكس صحيح
2- الرادار متواجد 24 ساعة على الطريق
3- بشكل كبير ممكن تواجه على الأقل 2 رادار في الطريق الى الغردقة
4- بدايةتوقع وجود الرادار 20-30 كيلو قبل رأس غارب ثم بعد راس غارب ب 10-20 كيلو ثم في الكيلو 100 ثم في الكيلو 80 (منطقة جبل الزيت) ثم في الكيلو 50
5- السرعة بعد بوابة الغردقة الأولي (نطاق الجونه) تصبح 90 كيلو/س و هناك رادار شبه دائم على الطريق الدائري الداخلي قبل مخرج المطار و أحيانا على الطريق الدائري الخارجي المؤدي الى سفاجا
6- السرعة داخل الغردقة 60 كم/س و هناك رادارات كثيرة منتشرة داخل الغردقة و يتم تغيير أماكنها بصفة مستمرة (الحذر الكامل في طريق المطار) حيث يوجد شبه تغطية كاملة للأتجاهين
7- بعد قضاء الأجازة للأخوة المغادرين يجب الحذر ايضا في طريق العودة (على الأقل 2 رادار) الأول في الكيلو 40 و الأخر قبل رأس غارب بحوالي 30 كيلو ثم بعد رأس غارب ب 30-50 كيلو

إضافة لما سبق ذكره للأخوة المسافرين إلى الغردقة
تم أمس رصد مكان رادار جديد بطريق الغردقة
المكان الجديد يقع بعد حوالي 30 كيلو من كمين الزعفرانة في إتجاه رأس غارب