|
|
رد: الحكومة سوف تلغى ترخيص السيارات القديمة
ده شئ صعب جدا او شبه مستحيل
يا ناس دي ملكيه خاصه محدش يقدر ياخدها مني وبعدين العربيه طالما سليمه ( امن ومتانه ) والعادم مظبوط ( عشان البيئه )و موتور وعفشه سلام ( عشان الاسفلت ما يتجرحش )ptmnlo123per1127 حتيي لو كانت مو 1940 يبقي تتلغي ليه دي العربيات دي بيتعمل عليها مزادات بره واحنا نعدمها ptmnlo123per1116 غريبه بجد وفكره غير قابله للنقاش ولو طبقوها همشي من غير رخصه ptmnlo123per111 |
رد: الحكومة سوف تلغى ترخيص السيارات القديمة
مين ده ياعم ده الناس كانت كلتهم أكل والله الحكومة كلها ممكن تتشال فى حركة ذى دى أنا ذات نفسى والله لأكون ماسك فى رقبة أقرب مسئول وأقعد أخنق فيه ptmnlo123per1116:10F925~1 65: هو لو أربعين سنة أوكى مفيش مشكلة لكن مش يستهبلوا بقى
|
البرادعى يثبت من جديد عدم صلاحيته
(منقول من ردى على تعليق البرادعى على مجزرة قافلة الحريه فى جروب البرادعى على الفيس بوك ) http://www.youtube.com/watch?v=XDaMtjI7ils والله يا جدعان الراجل ده ساذج جداً بجد وهيضيع وقتنا معاه اول حاجة موضوع نقف على رجلينا الاول نغمه خيبانه وكان بيدندن بيها قبله عبد الناصر وبيتحاشى الصدام مع اسرائيل لحد ما اخدنا فوق دماغنا ثانياً كل اللى بيحصل حوالينا يعلمنا ان مش شرط نكون دولة قويه اقتصاديا وصناعياً ونوويا وبتنجانياً علشان يكون لينا كرامه وموقف اهوه ايران وتركيا والبرازيل تحال... See Moreفوا ووقعوا اتفاقيه احرجت الدول العظمى كلها وادى حماس وادى حزب الله وهم شويه مليشيات بيفرضو مواقف على دول تفوقهم بمراحل فى القوة انت عايز تفهمنا ان مصر والدول العربيه معاها كمان لسه ياعينى مش هيقدرو يكون ليهم وزن الا لما يقفو على رجليهم لا سيادة الخبير فى القانون الدولى اسمحلى افهمك الحقيقة اسرائيل لا تخشى احد فى العالم بقدر ما تخشى مصر وطالما ربطتك بمعاهدة سلام وشايفة منك مواقف مطمئنه بدوام المحبه والوءام وكله تمام التمام يبقى مش هتخاف من حد تانى وحماس بالحصار اللى عليها ده لا تشكل اى خطورة بالنسبة لامن اسرائيل وانت من ناحيه تانيه قافل على حماس لمصلحتك انت قبل مصلحة اسرائيل لانك بتحارب الاخوان وبتعتبرهم عدوك الاساسى والاكثر خطورة ونجاح الاخوان بصورتهم الغزاويه (حماس) ان تحقق هيدعم الاخوان فى الداخل واخوان الداخل بتدعم اخوان الخارج (حماس) وبالتالى المصلحة واحدة وان شاء الله يتحرق الشعب الفلسطينى ديه الحكايه اللى مش عارف حضرتك عارفها وعامل مش عارف ولا مش عارفها بجد وديه تبقى مصيبه اكبر بس السؤال هنا فين موقفك انت وانت دلوقتى رمز وطنى ولاعب اساسى فى معترك السياسة المصرية بل وممثل لفئه كبرى من شباب ومثقفين مصر عقدو امالهم عليك فين التصريحات الناريه التى تصف جرم الحدث وفين انتقاداتك للمواقف الدولية وفين اطروحاتك الفكرية او القانونيه لحل الازمه تقدر تقولى دلوقتى ايه موقف جبهه التغيير من اللى حصل يعنى هو شجب ولا ادانه ولا ايه مسمعتش ومش فاهم ايه نقف على رجلينا يعنى ؟ نقول لاخواتنا فى غزه معلش اصبرو شويه لما نلم توقيعات للبرادعى بعدين نقف على رجلينا بعدين نبقى نيجى ننصركم ؟؟؟ ازاى ميتحركش حد بخطوات عملية غير نواب الاخوان فين نواب الجبهه وفينك انت وفييييين من اللى احنا فيه يا راجل ده بان كى مون الامريكانى تقفيل كوريا قال شويه كلام اجدع من اللى بتقوله ده ميت مره قال جبت يا عبد المعين تعينى اتاريك انت اللى عايز تقف على رجليك |
رد: البرادعى يثبت من جديد عدم صلاحيته
على فكره البرادعي صرح بجرم العمليه الاسرائيليه على السفينه ونادى بفتح المعابر المصريه لدخول المساعدات من مصر ....انا عايز اقول لحضرتك ان البرادعي لم يعلن انه يريد الترشح للرئاسه لكن ما ينادي به الان فقط وفقط هو ان يقوم الشعب المصري بالمشاركه الحقيقيه والفعاله في ان يختار بنفسه رئيسه والتخلص من استبداد النظام الحاكم وهذا من خلال التغيير السلمي بجمع التوقيعات على بيان تغيير يستخدمه كطريقه شرعيه وقانونيه للضغط على النظام هذا ما ينادي به الان وهذا هو ما يجب ان ندعمه كشعب وحين نبلغ هذا الهدف لك الحق في ان تختار من تراه مناسبا ليصبح رئيسا لمصر ولك الحق ان تعترض على البرادعي كرئييس لك وان تعترض على رد فعله وكلامه لكن البرادعي ليس له منصب رسمي حتى يحرك الاحداث ويحرك توجهات مصر . ارجو ان يوضع الدكتور البرادعي في موضعه الحقيقي كناشط سياسي يريد تغيير البلد للافضل حتى انه يرفض ان يكون عملية التغيير من خلاله فقط فلو تابعت تصريحاته تعرف انه يريد شيء اعلى وارقى من ذلك فهو يريد ان يكون التغيير نابع من الشعب ليس بمحرك خارجي لان الشعوب العربيه جميعا من القدم دائما ما تحتاج وتسيير وراء البطل والزعيم من عهد صلاح الدين الايوبي الى عهد جمال عبدالناصر دائما لا يتحرك الوطن العربي الا وراء زعيم وهذا خطأ ففي عصرنا الحالي يجب ان يسعى كل شخص لحريته وتغيير حياته للافضل واعتقد ان هذا ما ينشده البرادعي في وقتنا الحالي
|
رد: البرادعى يثبت من جديد عدم صلاحيته
والله ياوائل باشا انا مش مقتنع بيه من الاساس واحد قاعد بره البلد حاجة وعشرين سنة ايش عرفه مشاكلنا وهمومنا وسيبكم هو مش حيشوفها اصلا
|
| الساعة الآن 01:12 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017