رد: متابعه يوم بيوم ل فك ماتور و عمل طقم شنبر
 

رحت يوم الخميس و خدت العربية وحاسبت الميكانيكي المصنعيه 400 جنيه
مشيت بالعربية ما بين 30 : 40 اول يوم
وروحت ونزلت يوم الجمعه الصبح قست الزيت والمياه لقيت الزيت ناقص ومعلم تحت علامه min ولاحظت وجود ترشيح على الماتور من الخارج مصدرها الجوانات وراجعت المياه مش لقيت فيها مشكله رحت غيرت الزيت والفلتر و غسلت الماتور علشان الترشيح الجديد يبان مصدره
وسبتها كام ساعه و بصيت عليها لقيت الريداتير بينقط مياه وعامل تحتها بقعه مياه و مفيش بقعه زيت
بس الترشيح لسه موجود فكده هروح تاني للميكانيكي يشوفها

رد: متابعه يوم بيوم ل فك ماتور و عمل طقم شنبر
 

يوم الجمعه امس عايرت استهلاك العربية فى البنزين وذلك بالطريقة المعهوده
وطلعت فولت التنك ومشيت مشوار 19 كيلو على سرعه 40 : 50 : 60 و رجعت فولت تاني من نفس البنزينه لقتها خدت 2 لتر
كده المعدل بتاعها بسم الله ما شاء الله
1 لتر بنزين تم استهلاكه فى 9.50 كيلو متر بسرعه 40: 50 : 60 كيلومتر /ساعه

رد: متابعه يوم بيوم ل فك ماتور و عمل طقم شنبر
 

انا كمان ان شاء الله بكرة هفك ماتور فيات131 عشان اعمل شمبر
كمان اركب ديسك واسطوانة
بالمرة اطمن على الموتور هو 1600 سى سى 2 كامة
وهعمل عند عم سمير رسلان فى النكارية
وربنا يسهل وتعدى على خير

رد: متابعه يوم بيوم ل فك ماتور و عمل طقم شنبر
 

لو حد عنده اى مشورة يفيدنى الله يخليكم

رد: متابعه يوم بيوم ل فك ماتور و عمل طقم شنبر
 

خليك مع عم سمير وخليه ينزل ينقي قطع غيارة بنفسه ( علشان تبقي عارف انه شغال بقطع غيار كويسه)
و سلم لى على عم سمير قول له مجدي اللى عمل عندك العمره لل 131 الالماني ( موتوري زي موتورك ) اللى من طرف السيد ابو عبدالله السمكري

رد: متابعه يوم بيوم ل فك ماتور و عمل طقم شنبر
 

استهلاك البنزين يزيد فى السرعات البطيئة عن السرعة العالية وانسب سرعة لتوفير البنزين هى 90 واقل من كدة او اكتر بتاكل بنزين والمعدل دة ممتاز لأن الموتور اتنين كامة ، والمقلق هو موضوع نقص الزيت ، اطمن على الجوانات كويس وغير الزيت تماما وحط زيت محترم لأن الزيت الموجود فيها مليان برادة من اثر التليين وكمان تغير فلتر وتتابع الزيت يوميا فى الصباح واذا لقيتة بينقص يبقى الشغل غلط والشمبر مش مظبوط و لف منة وهو بيثبتة وفى الحالة دى هتعملة على حسابة عند ميكانيكى تانى مش عندة هو وربنا يسلم.

رد: متابعه يوم بيوم ل فك ماتور و عمل طقم شنبر
 

الاخ مجدى على فكرة انا كلمت عم سمير عليك وهو فاكرك
واحنا نزلنا انا وعم سمير اشترينا الحاجة وهو جه معايا المخرطة وقالهم على اللى هو عاوزة وعلى فكرة هما بيعملو ليه حساب قوى فى المخرطة يعنى لازم الشغل يطلع تمام
كمان قفلنا العربية يوم الاربعاء بليل وسقط الموتور ودورنا وكله تمام وانا دلوفت بلين وجبت العربية البيت بعد 12 ساعة تليين وجيت بيها على الهادى كدا لغاية البلد انا من البيوم
بس فيه حاجة مش عجبانى وهرجع لعم سمير بكرة

وهبقى اقول عليها
بس على فكرة عم سمير ده بصراحة راجل كويس ومحترم ومش بيغش
ولا بيعمل مصالح مع بتوع قطع الغيار
ولا المخرطة
ودى عن تجربة
بس هو عصبى شوية وانا سالته عن سبب كدا وفتحنا حوار طويل وان شاء الله هقولكم قال ايه