|
رد: بدء حجز جاك B15 الجديدة
4 مرفق
جديد الوان جاك
|
رد: بدء حجز جاك B15 الجديدة
اقتباس:
|
رد: بدء حجز جاك B15 الجديدة
احلى لون الابيض عشان كدة منزلش مصر خالص الظاهر بيخلص هناك بدرى بدرى
وبعدية الرصاصى ويبقى احسن لون الاسود لو فى سواق للعربية ينزل يمسحها كل 3 دقاييييق ههههههههه |
رد: بدء حجز جاك B15 الجديدة
بصراحه العربيه دى الوحيده اللى كل الالوان لايئه عليها .........سندريلا بصحيح
|
رد: بدء حجز جاك B15 الجديدة
كلامك يمام ,قصدى تمام يادكتور والله يمام احسن لأنه لذيذ جدا --وعلى فكره انا هبطل اكل جلاس وادوب فى قلوب الناس --علشان متشفش غير الصفين اللولى -- وكان ليا سؤال يادكتور يمكن يكون محرج شويه !!!!!!!!! مش عارف بما إنك من العريش يبقى اكيد تعرف قضية خاصه بعائلة الحلو ---انت ايه رأيك فيها اى فى ملاباسات هذه القضيه---وشىء أخر حابب اتكلم فيه وهو موقف قد حدث لى على الطريق وكان كالأتى :: كنت راجع من المحله الى بورسعيد هذه القصه منذ حوالى ثلاثة سنوات وكان معى سياره نوبيرا(1) وكان الأولاد معى وكانت الساعه الواحده من صباحا اليوم التالى يعنى الطريق كحل وتعطلت السياره بسبب فردة كاوتش ووقفت فى مكان متشفش فيه اطراف اصابعك وبلطبع شاورت لسيارات كثيره ولاحياة لمن تنادى ولكن فجأه وقف لى شخص بعربيه هينداى اكسنت الجديده يعنى كانت موديل السنه لأنها كانت بكيسها المهم الراجل مسبنيش هو الى فك الكاوتش وأخذنى انا والأولاد الى اقرب صنيعى وصحناه من النوم وطبعا تركنا النوبيرا على الطريق وظبطنا الأستبن لأنه كان مريح ورجعنى تانى الى عربيتى وهو الركب الأستبن ومسبناش إلا لما اطمئن علينا موقف لن انساه عمرى لأن الراجل تصرف وكأنه أخ لى وبعدين مينفعش يمشى من غير ما أخد اى شىء يجعلنى على صله بلراجل المحترم وفعلا هو ادانى كارت ليه وسلمت عليه وهو توكل على الله والكارت وضعته فى جيب الجاكت وعلشان الجاكت يومها تعرض لبقعة شحم بعته للوندرى يتنضف ونسيت الكارت فى الجاكت ومن بعدها مش عارف اوصل لهذا الرجل المحترم جدا جدا ولو جلست اكتب من الأن الى اخر يوم فى عمرى مش هوفيه حقه --عارف الراجل ده منين من عندك بلدياتك ومن شمال شيناء من العريش وهو رجل اعمال يقوم بتصدير الموبيليا الى فلسطين وله مكتب فى مصر واتمنى من الله عزوجل ان اصل اليه واعتذر له عن عدم اتصالى به والسؤال عليه وبدعوا الله ان يوفقنى فى ان اتواصل معه بأذن الله ----تحياتى لك وله ....
|
رد: بدء حجز جاك B15 الجديدة
استاذنا الغالى استاذ أيمن كل جلاس ذى مانت عايز ودوب فى قلوب الناس ذى مانت عايز ومتخافش مادام انا معاك..........بالنسبه لقضيه عائله الحلو والله احنا استغربنا لها كثيراا خصوصا ان عائله الحلو من العائلات المحترمه جدا فى البلد واللى بينضرب بيهم المثل فى القيم والمثل العليا لاكن هيعملوا ايه كل عيله وفيها الصالح والطالح والقضيه باختصار واحده من العيله كانت بتشتغل فى توظيف الاموال وتجاره الدهب وضحكت على ناس كتير واخدت فلوس بالملايين وخصرتهم فى البورصه ذى ما سمعت وفى الاخر انتحرت وسابت لعيلتها العار وكلام الناس ......بصراحه انا مستغرب من الناس اللى تروح برجليها للنصاب وتديله فلوسها عشان يشغلهالهم انا فى اعتقادى دول يستاهلوا اللى يجرالهم .........بالنسبه للراجل اللى عمل معاك خدمه انا مش هعرف طريقه لان التجار عندنا كتير والموضوع مر عليه سنين وبعدين متستغربش احنا ناس سواحليه ذى بعض يعنى بنحن لبعض وبيربطنا بحر واحد ابيض وصافى ذى قلوبنا ومتوسط ذى حالنا وطبيعتنا .......وتحياتى لكل اهل بورسعيد
|
رد: بدء حجز جاك B15 الجديدة
اقتباس:
حقيقى بجد عباره موزونه ومترتبه صح ...... انا عاجبانى جداااااا . تسلم ايدك صحيح .. |
| الساعة الآن 02:02 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017