مصر موتورز مجتمع السيارات - ندرة الحديث عن البيجو 504

والله انا شايف ان البيجو ال504 عربية مش هتتكرر تاني كفاية انها الوحيدة اللي شغالة اجرة للسفر العمر ده ومفيش موديل تاني غيرها قدر يشتغل كده

انا كان معايا هوندا وكنت بحب اجري مع عربيات كتير بصراحة البيجو عليها عززززززززززم رهيب
لما كنت بشد معاها عمري ما اطلع منها لحد سرعة 60او 70 كم ، بس طبعا كنت بعد كده بشوفها في المرايا لحد ما تختفي عربية بقالها فوق التلاتين سنة

بس عايز اقول حاجة بصراحة انا من رابع المستحيل اني افكر اشتريها خلاص شكلها راحت عليه عربية بقالها فوق ال30 سنة يعني اتغير فيها كل حاجة قبل كده 100مرة واترشت واتمعجنت بالهيل واكيد هيكون فيها بارومة وحتي لو صاجها كويس العربية هتكون خلا استههههههههلكت في حاجة اسمها عمر افتراضي للعربية ( والعربية كتر الف خيرها مقصرتش بس متشكرين ليها ونفتكرها بالخير دايما ) وان كان ليا واحد صاحبي عندهم عربية بيجو 504 بتاعت جده الله يرحمه فبريكة بره وجوه الماتور عمره ما اتعمله عمرة قبل كده (بس ده استثناء) لان العربية ديه بيتعملها صيانة وهي تحت البيت وبتتدور يومين في الاسبوع وممكن تمشي نص ساعة في الشهر
وطبعا العربية دريكسيونها تقيل وفي الملفات الديقة رخخمة بجد

حاجة اخيرة احب اضيفها انا من بورسعيد وعندنا الللي بيركبها غالبيتهم ناس مش تمام ( بتوع مخدرات )و تلاقيه مسقط العربية وماشي ولا كان الشارع بتاعه
وركوبتها تعتبر شبهة عندنا واحد صاحبي ابوه معاه عربية بيجو كان لما ياخد العربية من ابوه وننزل نلف بيها مفيش كامين الا لما يوقفنا ويدقق في كل حاجة

بس بيتهيألي ده عندنا في بورسعيد بس