رد: مشكلة فى سيينا 1400 ارجو الرد
 

يا جماعة انا عندي نفس مشكلة السيينا اللي حضراتكم بتتكلموا فيها...انا عربيتي سيينا موديل 2000 و 1400 سي سي.....بس الفرق ان بتحصل نتشة في الطلعة علي الاول بس ولما تكون العربية سخنة بس....اما علي باقي الغيارات العربية طبيعية جدا وزي الفل.....لما بادور العربية الصبح واطلع بيها بتبقي طبيعية جدا علي جميع الغيارات....وبعد شويتين تبدا تنتش في الغيار الاول وكمان ممكن تفصل خالص والحل طبعا اللي انا باعملة اني باكبسلها بنزين جامد....واكيد دة مش حل ... بس مضطر اعمل كدة فالاشارات والزحمة عشان باوقف الدنيا ورايا.....المهم عشان ماحكيش قصة طويلة واعطلكم...كنت عند واحد بتاع تاكيهات وقاللي انها مظبوطة تمام لكن عمل حاجة انا مش فاهمها الحقيقة...فصل اول بوجيه من عالشمال لقي الموتور بيتهز جامد قوي وكانة عاوز يبطل....ولما فصل البوجية التالت من الشمال الهزة قلت جدا جدا....فقاللي علي تفسير معين انا مش مصدقة لاني مش واثق لا في الميكانيكي ولا بتاع التاكيهات وحاسس انهم بيلقموني لبعض عشان يعملوا مصلحة....فارجو منكم الافادة لان الموضوع دة مجنني جدا....

ملحوظة مهمة

لما بادور العربية الصبح بالاحظ ان الار بي ام بيبقي علي 11 ولما بتبدا تسخن بينزل علي 9 ....غالبا بالاقي الموتور زي ما يكون عاوز يبطل بالافي الاربي ام علي 9 وفجأة ينزل ل 4 ويرجع تاني ل9 وبعدين ينزل ويرجع وهكذا.....ارجو الافادة ارجوكم

رد: مشكلة فى سيينا 1400 ارجو الرد
 

السلام عليكم......كم يكلفني عمل اسكان لسيارة فيات سيينا لتحديد الاعطال.....لكم جزيل الشكر.

رد: مشكلة فى سيينا 1400 ارجو الرد
 

غالبا البوجيه التالت او سلكه او الموبينة اللى بتغذيه حاجة منهم عايزة تتغير

هل فيها لمبة شيك ؟ و هل منورة ؟
السكان بيبقى فى حدود 20 ل 40 ج تقريبا

رد: مشكلة فى سيينا 1400 ارجو الرد
 

[QUOTE=احمد على 1999;726030]غالبا البوجيه التالت او سلكه او الموبينة اللى بتغذيه حاجة منهم عايزة تتغير



اشكرك يا استاذ احمد علي الرد السريع....انا معلوماتي فالعربيات تكاد تكون ضئيلة...لان دي اول عربية ليا جايبها من 6 شهور ....لكن زي ما حضرتك قلت انا حاسس ان فيه مشكلة فالبوجيه التالت بالرغم من اني لسة مغير بوجيهات....لما بافصل البوجية التالت من مكانة لاحس ان الموتور بقي ضعيف جدا جدا وكانة خلاص هايبطل علي عكس ما افصل اي بوجية تاني طبعا انا مش عارف ايه المشكلة دي....سالت ميكانيكي لا اثق فيه بالمرة قاللي العربية دي قطعت سير كاتينة قبل كدة ولما جت اتصلحت ماتعملتش صح.وفيه صباب مش مظبوط او معووج علي ما افتكر...وقاللي انها قصة كبيرة عشان لازم اجيب صبابات جديدة وتتخرط عند خراط وتتركب وكمان لازم اجيب 4 جوانات للموتور جديدة ودة هايكلفني حدود 600 جنيه....ارجوك ساعدني لاني حاسس ان الميكانيكي معندوش ضمير والمشكلة بالرغم من بساطتها الا انها بتسببلي مشكلة كبيرة فالاشارات والزحمة....بالنسبة بقي للمبة الاتشيك فهي مش منورة بتنور لما اجي ادور بس وبعدين بتفصل ...يعني الطبيعي لكن انا باسال علي الاتشيك لان ميكانيكي تاني قاللي ان دة تظبيط كهربه الموتور ولازم اعمل اتشيك عشان اعرف اذا كان فيه ارور.....انا دلوقتي كل واحد بيقوللي علي حل غير التاني وحاسس ان محدش فيهم فاهم حاجة.....ارجو المساعدة.ومشكووووووووووور جدا اخي احمد

رد: مشكلة فى سيينا 1400 ارجو الرد
 

يا رب خير ان شاء الله
يفضل البداية بالارخص
ضرورى طالما لمبة الشيك بتنور (حتى لو مرة واحدة و طفت ) يبقى فعلا فى إرور مسجل لازم يقرأ الاول