رد: هل ممكن تركب عربية صيني
بصراحه الصيني جميل وعملي وقطع غياره متوفره بالنسبه لينا كعامه الشعب...
بس انا عن نفسي ان شاء الله لو معايا فلوس الصيني جديد وفيه بي ام مستعمل ..هجيب البي ام... |
رد: هل ممكن تركب عربية صيني
اصدقائي الاعزاء
خدوا الخبر ده مرسيدس خصصت للعامين القادمين ميزانية تطوير اربعة مليار يورو طبعا ده منين ؟ مش من هامش الربح - ده بيكون محسوب كجزء من تكلفة الانتاج اكيد التطوير مهم والبحث العلمي هو سر التقدم في عالم السيارات بس السؤال - مين يدفع ده ؟ الموضوع ببساطة اكثر كانك بتشتري بدلة فخمة وسعرها معقول او بتشتري بدلة ارماني اصلية ده قماش ذي ده بس الغاوي ينقط بفلوسه والاتنين كويسين وماحدش يقولي خامات ومش عارف ايه هو فيه قماش بعشرين الف جنيه ؟ المسالة ان في كل منتج يوجد ماركات كبري ولازم تكون متاكد وانت بتشتري مرسيدس ان اكثر من نصف ما دفعته هو ثمن الماركة فقط وده مش معناه ان الصيني او الكوري او غيره زبالة كما يقول البعض ده جلد للذات لا داعي له والتقييم العادل انها عربيات زي اي عربيات باستثناء الدفعات الاولانية اللي تصنيفها الحقيقي هو غش تجاري سببه جشع التجار |
رد: هل ممكن تركب عربية صيني
اقتباس:
بالنسبه لموضوع الخامات : الخامات الداخليه بتبقي مكونه من حاجتين بلاستيك و جلد تمام في العربيات الصيني نسبه البلاستيك اعلي من الجلد و للتجربه العمليه حط ايدك علي فرش الابواب و التابلوه بتاع اي عربيه و شوف مدي ال Flexibility بتاعته يعني لو بيخش لجوه يبقي نسبه الجلد كبيره و مش بالضروره ان خامات الجلد نفسها تكون كويسه او خامات البلاستيك تكون كويسه برضه مثال تاني تعالي خبط بصباعك علي تابلوه مثلا الفيرنا هتلاقي صوت خبط جامد ليه ؟ عشان معظمه بلاستيك و الجلد فيه قليل جدا يعني كل ما زادت نسبه الجلد يكون افضل بغض النظر عن خامته لان مفيش حد يعرف يميزها بالنسبه لموضوع التوكيلات : التوكيلات المتنيله اللي مش فاهمه حاجه كلها كده في مصر من اول الالماني لحد الكوري و ده سبب مشترك لفشل بعض السيارات في مصر بغض النظر عن بلد المنشأ بالنسبه لقطع الغيار : في ناس كتير دايخين علي قطع غيار عربيات معينه زي ال M11 مثلا و مش لاقينها و لما يتلاقوها بتبقي ذات جوده سيئه و غاليه علي عكس الكوري اللي قطع غياره في كل حته باسعار و مستويات جوده متفاوته و بالوقت الصيني هيتغلب علي الموضوع ده و عموما حتي لو قطع الغيار متوافره بتبقي غاليه برضه و جودتها سيئه اقتباس:
لا يفرق ليه ؟ معظمه جلد و شكله من نوع نضيف و نسبه البلاستيك فيه قليله مش زي الكوري و الصيني نسبه البلاستيك اعلي من الجلد و جوده البلاستيك نفسها مش حلوه |
رد: هل ممكن تركب عربية صيني
اقتباس:
الماركات الصينيه الحديثه لا تفرق عن الماركات العالميه الأخرى مع ملاحظة الفارق الكبير بين خبرة وعمر كلا الطرفين . وياريت لو حضرتك تعاين هذه الماركات مره اخرى فى الموديلات الحديثه . وبعدين نتكلم تانى . |
رد: هل ممكن تركب عربية صيني
اقتباس:
انا ركبت ال Jac ال B15 مؤخرا و عجبتني خاماتها و لكنها لا ترقي حتي للخامات الكوريه متوسطه الجوده . |
الساعة الآن 01:43 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017