مصر موتورز مجتمع السيارات

على فكرة .. للإضافة بخصوص الحالة بتاعتى ، قبل قصة التطحين (ويمكن معاها الله أعلم لأنى ماعرفش التطحين من امتى) ، يعنى من حوالى شهر ونص ، كنت نازل مشوار صغير ، ولقيت لمبة الزيت نورت نور ثابت وقوى ومش راضية تطفى ، أنا نزلت قست الزيت لقيته تمام ، فقلت بمعلوماتى الضئيلة يبقى أكيد فيه سلك واقع واللا حاجة، وكملت مشوارى بس لقيت سلوك العربية غريب ، بتعتل وبتبطل والسحب بايظ فرحت سايقها للميكانيكى (حوالى 5 كيلو بعد بدء اضاءة لمبة الزيت) ، فهو فتح غطاء تنك الزيت وبص فيه ماعرفش شاف ايه بس حكم بإن ترس الزيت اللى تحت الاسبيراتير مفوت فبالرغم من ان المقاس مظبوط إلا ان الزيت مش بيروح للمكنة كويس ، وجبنا ترس تانى ومجرد ما ركبه اللمبة طفت. وقال لى احمد ربنا ان ماحصلش حاجة ، بس بناءاً على تفسير الباشمهندس سمير واضح انه حصل وحصل ..