رد: هزة مع الغيارات فى نيسان صنى 2011
 

ههههههههه

الأقامه أسماعلاوى .....بس بلد المنشأ ( غرباوى )

خيرا بإذن الله

رد: هزة مع الغيارات فى نيسان صنى 2011
 

ازى حضرتك يا باشمهندس
انا امبارح رحت عملت صيانة الالف
قالولى ان دة مش ترشيح زيت و ان ده سليكون ساح بفعل الحرارة( اللى على الموتور و الفتيس و بين الموتور و الفتيس)
وجاب لى عربية تانية بصيت عليها لقيت نفس المنظر اللى عندى فى نفس الاماكن بس اقل شوية
كشفو على القواعد حسب كلامهم قالولى سليمة
بالنسبة للهزة قالولى تعالى جرب عربية زيها و جابولى عربية عاملة الف كم برضه
موديل 2011 كانت و اقفة بالصدفة جنبنا
الغريب انى لاقيت هزة اسوأ من الهزة اللى عندى بس مش منتظمة و خاصة مع التكييف
قولتله عاوز اشوف عربية تالتة
و فعلا جابلى عربية عاملة الف كيلو برضة كان الكبوت مفتوح المرة دى لقيت برضه هزة فى الموتور قول كل 3 او 5 ثوانى تقريبا يعنى مش منتظمة
دخلت قعدت فى العربية لاقيت الهزة دى مش باينة و لكن الرعشة السريعة بتاعة حركة الموتور نفسه باينة جدا لدرجة انى شفت بعنيا vibration فى الدركسيون
و دة كله طبعا مع التكييف و الغيار
قلت للمهندس يعنى ايه دة بقا؟
قالى عادى جدا
العفشة بتاع العربية لسة ناشفة و هى السبب و اطمن خالص و انا معاك لحد 100 الف كم لو حاجة عاوزة تتغير هاغيرهالك
طبعا دماغى اتبرجلت معرفتش اقول ايه
شكرته و مشيت
ايه رأى حضرتك؟

رد: هزة مع الغيارات فى نيسان صنى 2011
 

ههههههههههه

الصراحه مش عارف أأقولك أيه يادكتور

يمكن تكون سعادتك ....حساس زياده عن اللزوم

والهزه دى طبيعيه فعلا بسبب أنخفاض سرعة السلانسيه إلى حد ما

__________________

خللى بالك

فعلا السلانسيه المنخفض جدا بيعمل رعشه أو رجه بالمحرك

فهل أصحاب السيارات إللى أنت شوفتها كان رأيهم أيه فى قصة الهزه طالما

موجود عندهم زى عندك

بس حقيقى كلام المهندس بهذا الشكل

بحاجه إلى مضاد حيوى

وليكن أمبسيلين

يعنى كلام مش دقيق

والهدف منه الأقناع غير المبرر

رد: هزة مع الغيارات فى نيسان صنى 2011
 

اهلا بيك د.خالد ربنا معاك بمشكلة عربيتك انا متابع مشكلة حضرتك وكنت منتظر ذهابك لصيانة الف لانى مقدم ع شراء نيسان مانيول ولسة جاى من الوكيل عندنا ببنى سويف شوفت وشغلت مانيول واتوماتيك مع التكييف كل اللى لاحظتة صوت عالى لحد ما للموتور واعتقد دة طبيعى لان العربيات لسة زيرو ارجو حضرتك تطمنا على مشكلتك واية اخر التطورات معاكى ويارب تلاقى حل سريع وجذرى امين

رد: هزة مع الغيارات فى نيسان صنى 2011
 

ماشفتش اصحاب السيارات
انا مش حساس و لا حاجة
انا كان معايا تويوتا كورولا 2005 استلمتها زيرو سنة 2005 ما كانش فيها الهوا
كنت و انا فاتح الكبوت ماعرفش ان الموتور داير و لا لأ وانا قاعد جوة بقى قصة تانية
كنت ساعات كتير ادور العربية تطلع دايرة
وكان معايا قبلها كورولا 97 و 99 و جراند ماركيز و لسة كان معايا كرايسلر نيون اللى فيها العبر كلهم كانوا تمام
على فكرة مهندس الاستقبال فضل دايس بنزين حاجة بسيطة بقى الrpm على 900 والغيار على ال d و الهزة فضلت موجودة
حتى هو قاللى تحس الموتور بيعلى و يوطى و قاللى غريب ان الهزة دى مش باينة فى الrpm
اعمل ايه فى رايك؟
انتحر؟