مصر موتورز مجتمع السيارات - للرد على استفسارات الاعضاء والدعم الفنى لمالكى الفيرنا

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

رد: للرد على استفسارات الاعضاء والدعم الفنى لمالكى الفيرنا

اقتباس:

المشاركة الأصلية كتبت بواسطة nsamooo (المشاركة 768458)

لو سمحت ممكن اسأل عن الفتيس الاوتوماتيك للفيرنا زيرو , انا عرفت انه فتيس الماتريكس , بس بسأل لو حصل مشكلة فيه هينفع اشتري فتيس كامل استيراد لأني عرفت ان سعره غالي جدا في التوكيل , ولو استيراد هيكون في حدود كام , اخر سؤال لو قدرت اشتري فتيس استيراد هيكون تركيبه عند التوكيل ولا في مراكز متخصصة لأني بسمع ان الاوتوماتيك مش اي يعرف يركبه كويس وعلى فكرة انا من الاسكنرية

فتيس الفيرنا الاوتو هو فعلا نفس فتيس الماتريكس والنيو اكسنت كمان
وسعره جوة التوكيل 26000 جنيه لانه توكيل حرامى بيبيع فتيس العربية ب 1/3 تمن العربية
انما سعره استيراد ب 2500 جنيه فى الحرفيين واى ميكانيكى كويس يركبه
بس عموما عربيتك طالما لسة زيرو وبتابع صيانتها وصيانة الفتيس من تغيير زيوت وفلاتر وخلافه يبقى متقلقش من حاجة واهم حاجة للحفاظ على الفتيس بلاش الكيك داون

رد: للرد على استفسارات الاعضاء والدعم الفنى لمالكى الفيرنا

السلام عليكم
فوانيس الشبورة بكام من فضلكم وايه افضل انواعها جديده
وهل فى استيراد ؟
وهل تركيبها يلزم حل الاكصدام ؟
والافضل يكون ليها زرار منفصل ولا عادى تركب على النور الصغير ؟
وهل المرور والكمائن تعاقب عليها ولا عادى خصوصا ان عربيتي اجره ؟
وشكرا جزيلا

رد: للرد على استفسارات الاعضاء والدعم الفنى لمالكى الفيرنا

اقتباس:

المشاركة الأصلية كتبت بواسطة M.TONSY (المشاركة 768578)

ألف شكر لمجهود حضرتك بس معلش انا مش فاهم ايه الكيك داون ؟
وهو الفتيس الاسيتراد ممكن اشتريه من الاسكندرية ولا ساعتها لازم اسافر القاهرة ؟

رد: للرد على استفسارات الاعضاء والدعم الفنى لمالكى الفيرنا

بليز صيانه ال 10,000 بكام فى غبور و ايه الى هايحصل فيها :fun_36_1_39[1]:

رد: للرد على استفسارات الاعضاء والدعم الفنى لمالكى الفيرنا

اقتباس:

المشاركة الأصلية كتبت بواسطة waelsalah (المشاركة 768781)

السلام عليكم
فوانيس الشبورة بكام من فضلكم وايه افضل انواعها جديده
الصينى ب 75 جنيه والاصلى من الموزع المعتمد 600 جنيه
وهل فى استيراد ؟
فى استيراد بس قليل جدا وفى الغالب لازم يشيلك الاكصدام معاه
وهل تركيبها يلزم حل الاكصدام ؟
لا من غير حل الاكصدام بيقطع بالكتر مكانهم وبعد كدة يركبهم من تحت الاكصدام انا عندى عمل كدة
والافضل يكون ليها زرار منفصل ولا عادى تركب على النور الصغير ؟
اوعى تركبهم على النور الصغير والعك بتاع الكهربائية ده
فوانيس الشبورة فى الفيرنا الكاملة ليهم ضفيرة موجودة تحت الفانوس الكبير بيشدهم لتحت والفيش موجودة فيهم وليهم مكان للكتاوت فى علبة الفيوزات وليهم زرار منفصل بيركب جنب زرار الانتظار بيعمل حوالى 45 جنيه ويفضل انك تركبهم عند كهربائى فاهم فى الفيرنا انا عملت كدة الصراحة ولقيت عنده كمان السوكت بتاع الزرار لانك مش هتلاقيه غير استيراد
وهل المرور والكمائن تعاقب عليها ولا عادى خصوصا ان عربيتي اجره ؟
اطلاقا المرور ملهوش علاقة بفوانيس الشبورة بس هو ممكن يسحب منك الرخص لو ركبتلهم لمض زينون هو ده الممنوع
وشكرا جزيلا

تحت امرك يا غالى