مصر موتورز مجتمع السيارات - التحايل "الاخوانى"!!

إسماعيل ياسين في قناة الشرق: هنضرب الودع ونخبط عالحلل ونصفر بالصفافير
آه يا شلاضيمى يانى يابا من ذاك المورستان.. قال إيه ياخويا الإخوان الإرهابيين عايزين يرجعوا للحكم بالصفافير والتخبيط عالحلل..
يا داهية دُقى ووسعيلى بُقى.. زغردى يا سومة.. الإخوان عايزين يرجعوا للحكومة.. وقال إيه أخونا "معتز مطر" هو اللى هيرجعهم بالتخبيط على الحلل.. إنها هذلت وذبلت واتنيلت بستين نيلة.. بركاتك يا شيخ معتز يا أبو زمارة يا ساكن تركيا.
آه يا بوليس النجدة الحقنى والنبى.. إننى أخاف من الصفافير.. أنهم يخبطون على الحلل، ويحاربوننا بأدوات المطبخ من أطباق وملاعق وشوك وسكاكين.. إنهم يستخدمون كُبايات الشاى البالسيتية وقذائف النيش المدمرة.. الثورة قادمة على صينية الشاى.. إننى أشعر بالانعياى.. آه يا دهوتى السودة يانى يابا
طب الأسبوع الجاى هنحارب النظام بإيه يا مطرطر؟!.. يكونش هنشد الاستك بتاع "الأندر وير" ونلسع بعض في الشوارع، واللى يتلسع يصرخ ويقول عاااااااا؟!.. أم أننا سنجرى خلف عربات الرش ونصرخ ونقول اطمن أنت مش لوحدك؟!
الله يخسفك في سابع أرض يادى الجدع.. إننى أشعر بالهيافة والمساخة وجنون البقر.. خلاص ياخويا.. اعتبرنا من النهار ده هنضرب الودع ونخبط عالحلل ونصفر بالصفافير.. جايز النظام يخاف ويسيب لنا الحكم نبرطع فيه أنا وأنت والإخوان.. آآآأأخ ياما نفسى أدب صباعى جوه عينك أيها المعتز مطر.. ياما نفسى أجيب فنجان شاى سخن بيغلى وادلقه فوق نافوخك يا دى الثورى الثائر أبو صفارة.. يا راجل يا أجوف يا مجفف.. أنا مش عارف انت منفوخ زى الديك الرومى كده ليه يا هباب البرك أنت.. إلهى يخسفك في سابع أرض يادى الجدع
إننى أشعر بالعودة للجاهلية الأولى.. آه والنبى إنها فكرة جميلة.. أن نخرج معا الأربعاء القادم ونردد "نحن غرابا عك عك.. عك إليك عانية.. نحن عبادك الإخوانية.. جئنا نحج الثانية.. كى نحكمهم ثانية.. لبيك اللهم هُبل.. لبيك يحدونا الأمل.. الحمد لك.. والشكر لك.. والكل لك.. لبيك اللهم هبل"
وما ننساش الصفافير علشان نشوشر على الناس اللى بتصلى في مسجد الفتح.. يلا بقى.. سلامو عليكوووووووووووووووووو