مصر موتورز مجتمع السيارات - موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة efat_555 (المشاركة 586203)

كنت عايز اعرف هل ينفع تركيب الفلتر الرياضي في ا128

هو ينفع بس مش هتلاقى اى فرق خالص وهتبقى دفعت فلوس على الفاضى
ولو انت عاوز الاداء يبقى تمام معاك يبقى كل 6 شهور غير فلتر الهوا بتاعها العادى وهتلاقيه فى حدود 12 جنية لا اكثر ولا اقل
ومع كل غيار زيت
غير
فلتر الزيت=15 جنية
و
فلتر البنزين=5 جنية

وكل 5 الى 6 شهور

نضف الكربيرتير

وكل
6 شهور غير البوجيهات
ببوجيهات بوسنة الاصلية والاصلية هتلاقيها
علبه لونها اصفر وكتوب عليها بالانجليزى
بوسنة سوبر وعليها علامة مائية
وكل
شهر او شهرين حسب الاستخدام
غير الابلتين والكوندينسر
الاتنين بيتباعوا بحوالى
25 جنية
وادى للمكانيكى اللى هيغيرهم
25 جنية

ولو بتعمل الحجات اللى بقولك عليها ديه ان شاء الله عمر ما العربيه تبطل منك ولا تقرفك فى المشاوير

وسيبك من الفلتر الرياضى فى ال 128 لان فعلا عمرك ما هتحس باى فرق خالص وهتبقى فى الاخر دفعت فلوس ااااد كده على الفاضى كانت اولى تعمل بيها حاجه تانية وصدقنى فلتر الهوا العادى بتاع العربية لما تغيرة كل 6 شهور زى ما بقولك هتبقى الدنيا معاك تمام
:fun_36_3_13[1]:

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

سؤال :
انا اشتريت 128 وغيرت فيها حاجات كتيره اول ما اشتريتها (الاساسيه طبعا) زى سير الكاتينه و الدينمو والاسبراتير و البوجيهات و الكوندنسر و غيرت الزيت(shell) و الفلاتر . وبعد كده شيكت ع الكهربا بتاعتها وانا عملت بيها حوالى الان 750ك والحمد لله كويسه -لكن- من يومين وانا راجع بيها عند اى تهديه او بداية حركه بسطه اسمع صوت غريب كده كأن حد بيحك سكاكين فى بعض او صوت خروشة بلى الله اعلم وانا قلت وانا راجع عشان مسمعتوش فى الذهاب فياريت حد يقوللى ايه ده قبل ما اروح لحد يخلينى اعمل فيها حاجات مش مطلوبه عشان انا لسه مبتدىء وخبرتى فى ميكانيكا السيارات شبه منعدمه واكون شاكر جدا.

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة sayed2077 (المشاركة 502933)

السلام عليكم ورحمة الله وبركاته

نظرا لكثرة ملاك سيارة الشعب 128

وانا من محبيها وملاكها :lvly::lvly::lvly:

قررت عمل هذا الموضوع

ليكون موسوعة ل 128 فى اغلب مشكلاتها وحلولها

وطبعا نرجوا من الخبراء ان يشاركونا فى الرد على اسئلة الاعضاء الكرام

واللى فيه الخير يجيبة ربنا

ونبداء موسوعة الاسئلة على بركة الله

اخوكم فى الله سيد

سبحان الله وبحمده سبحان الله العظيم

السلام عليكم
لو سمحتوا يارجالة انا كنت غيرت العفشة الامامية كلها ومع كده وانا ماشي العربية خشنة جدا معايا وبسمع اصوات تزييق في العجل الامامي مش عارف اعمل ايه بصراحة ؟

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

عايز اعرف من حضراتكم حجم تانك البنزين في 128 حاسس انه صغير جدا مع خالص تحياتي

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة منتصر حلمي (المشاركة 618698)

عايز اعرف من حضراتكم حجم تانك البنزين في 128 حاسس انه صغير جدا مع خالص تحياتي

لو فاضي على الأرضية 35 لتر