رد: عربيه اسمها سيمكا عاوز رايكم بالله عليكم
 

مبروك عليك العربيه وها ايه الاخبار وصلت لحد فين معاها

رد: عاوز رايكم بالله عليكم
 

عايزين نشوف صور وتطورات الموضوع وتجربتك مع الفياجو
منتظريييينايه ياترى[/QUOTE]
حبيبى ايمن والله وحشنى انا آسف جدا على التاخير كنت مشغول جدا الفترة اللى فاتت
اخر التطورات يا سيدى بعد ما ظبطنا السيمكا (الفياجو)وبدأنا حصص التعليم وكنت مبسوط بيها لانى اول مرة اسوق عربية وكمان بعدمعاناه مع العفشجى وباقى الصنيعية
واثناء التعليم كنت بمر من امام معرض سيارات مستعملة قريب من المنطقة بتعتنا
استوقفنى صاحب المعرض وسألنى العربية دى سميكا يابشمهندس ؟قولت له ايش عرفك داكل اللى يشفها يصدق ويقتنع بأنها 128قالى
عرفتها من ضهرها وكمان كان معايا واحدة زيها زمان
حكيت له على كل الشغل اللى اتعمل فيها واتصحبنا على بعض وطلع معايا وجرب العربية وعجبته ؤسألنى بايع ؟قولت له لأ بس ممكن ابدل
وبينى وبينك لقتها فرصة كويسة
وفرجنى على السيارات اللى عنده وكان معايا طبعا قريبى اللى بيعلمنى السواقة
ولقيت السيارات اللى عنده بعضها غالى شويه والبعض الاخرمحتاج مصاريف كتييييرة وانا استويت من موضوع المصاريف ده ع الاخر
قولتله لما تجيلك سيارة كويسة وسعرها هادى اتصل بيا وانا اجيلك
وبعد حوالى اسبوع عديت عليه لقيت عنده سياره رينو5 م|81 بصيت عليها من برة شكلها عجبنى فقال لى ايه باشا داخل معانا فى الرينو دى ؟
قولت له هيا شكلها حلو عاملة كام ؟ قالى يوم ماتنوى تعالى ونتكلم وندخلها فى السيميكاونشوف هتدفع فرق كام وسالنى هيا العربية مش معاك ليه؟
قولتله انا سايبها فى الجراج لانى بروح الشغل بعربية الشركة وكمان سواقتى على قدى ولسة ماعملتش رخصة قيادة وعلى العموم هجيلك انا وقريبى ونخلص
اخذت قريبى ومعنا ميكانيكى وجربنا العربية وكله تمام
اخذت الميكانيكى على جنب وقولتله ايه رايك ؟ قالى فرصة لان عربيتك فيما بعد محدش هيشتريها منك لأن التعديل مهما كان كويس لكن بيقلق ومشمضمون مع الوقت
اى نعم الرينو حاجتها غالية شوية بس موجودة فالسوق وبتا عتها يعنى مفيش تعديل
توكلنا على الله واخذناها ودفعنا فرق 2000 بالعا فية
وجارى العمل فى تخليص الاوراق
هوده ياسيدى اللى اخرنى وخلانى مشغول وهجيب الصور ان شا ءالله عشان تشوفها واسمع رايكم

رد: عربيه اسمها سيمكا عاوز رايكم بالله عليكم
 

ربنا يديلك خيرها ويكفيك شرها
والف مبروك على الرينو الفرنساوى فرنساوى برضه
المهم تكون اتعلمت كويس جدا سواء سواقة او تجديد او صيانه او اى شىء يخص العربيات
شوفت بقى نتيجه الصبر والجهد .... اديك لقيت اللى يطلب عربيتك بالاسم او على الاقل اللى يقدر هى كانت ايه بقت ايه
الف مبروك يا باشا مره تانيه
وهنستناك بقى فى قسم الرينو (عشان تتابع الناس الحلوة المتخصصة) ههههههه
وبإذن الله تطلع منها (الرينو5) على اللى احسن منها ولا اقولك .. اطلع منها عى الزيرو على طول
الف مبروك مره تانية.... وخليك معانا على طول ... احنا اتشرفنا بمعرفتك جدا:fun_36_3_13[1]:

رد: عربيه اسمها سيمكا عاوز رايكم بالله عليكم
 

رد: عربيه اسمها سيمكا عاوز رايكم بالله عليكم
 

ايه يا باشا الدلع ده كله .... دى عربية سبور هههههه
ربنا يباركلك فيها