المشاركة الأصلية كتبت بواسطة Limoway (المشاركة 315103)

للأسف رأي غير صحيح

السوناتا لا يمكن مقارنتها بالأكورد إطلاقا

السوناتا تخسر بكل المقايس أمام الأكورد

الصور لا تعطي الإنطباع الكامل بسبب أنك لا يمكنك أن تلمس المواد المستخدمة

بحكم ركوبي لهذه السيارات أأكد أن الأكورد هي الأفخم داخليا بمراااااااااااااحل (من وجهة نظري تفوقت علي المرسيدس C وقاربت للوصل لفخامة بي إم 3)

بالنسبة للثبات لم أقد غير البي إم وأشعر بثبات يضاهي الأكورد
مع الأخذ في الإعتبار أن الأكورد أنعم وأخف من البي إم ولكن البي إم علي السرعات العالية أثبت.

بالنسبة للإعتمادية لن أتكلم. يمكنك مراجعة الإنترنت وستجد الأكورد متصدرة فئتها في الإعتمادية والكثير من النقاط الأخري

يا جماعة الي ميقدرش يشتري ألماني.
يجيب هوندا ومش هيندم.

المشاركة الأصلية كتبت بواسطة bmkbmk (المشاركة 315111)

شكرا يا باشا على رأيك الصائب
و لكن لا يمكن مقارنة الهوندا بالمرسيدس و خصوصا فى الخامات و التقفيل و طبعا فى القوة و الثبات مع انى معاك فى ان الهوندا هى احسن اليابانى و( خصوصا فى التقفيل )
و اللى مايقدرش يجيب المانى يجيب هوندا (اكورد) و مش هيندم (قوى) انما مش كل الهوندا يا باشا

المشاركة الأصلية كتبت بواسطة Limoway (المشاركة 315130)

لا شكر علي واجب (مشكور علي الدعم)

هو المنطق والسعر بيقول إن المرسيدس C لازم تكون أفخم

بس رأي الشخصي مختلف

أنا ركبت المرسيدس سي الجديدة ومعجبتنيش من جوه أبدا

1. المواد بقت بلاستيك ناشف وخشن (مش ناعم وطري زي البي إم)
2. الشكل سئ خصوصا والشاشة طالعة من العلبة بتاعتها
3. اللون الإسود بتاعها مزفت
4. ضيقة جدا من ورا (البي إم أوسع كتير بالنسبة لمساحة الأرجل بالكنبة الخلفية)
5. الشنطة الخلفية بالمرسيدس صغيرة جدا (البي إم أوسع خصوصا بعد إزالة الإطار الإحتياطي وتحويل كل الإطارات لرن فلات)

البي إم الفئة الثالثة الحالية متفوقة بمراحل

والأكورد كذلك بخامتها الممتازة واللون الداخلي الجملي الرائع

طبعا كل الملاحظات دي علي الشكل والتصميم الشكلي فقط وليس لها علاقة بالأداء أو مضمون السيارة

إنت رأيك إيه؟ وركبت العربيات في الواقع ولا لأ؟؟

"و اللى مايقدرش يجيب المانى يجيب هوندا (اكورد) و مش هيندم (قوى) انما مش كل الهوندا يا باشا"

عندك حق أنا قصدت بتعليقي يجيب هوندا أكورد بالذات ومش كل الهوندا.

لإن في فئات أخري مش شرط الهوندا تكون الأحسن.

المشاركة الأصلية كتبت بواسطة bmkbmk (المشاركة 315159)

انا يا باشا ركبت التلات عربيات (فى التوكيل يعنى :) )
بالنسبة لملاحظاتك على مرسيدس انا معاك فى بعضها مش كلها .. خصوصا الشكل لأن ده حاجة نسبية بتفرق من واحد للتانى ... بس بصراحة يا باشا انا لما بروح جولات بركز أكتر على الفئات الاكبر من العربيات دى زى الفئة الخامسة و السابعة فى بى ام و طبعا ال إى و الإس فى مرسيدس .. بس اوعدك المرة الجاية ان شاء الله هركز على الفئات دى من العربيات وعموما انا واثق فى رأى حضرتك

و انا مانكرش انى اصبت بخيبة أمل فى أول مرة شفت فيها الاى كلاس الجديدة على الطبيعة ... و برده شكل التابلوه و الخامات ماعجبتنيش بس لما رحت شفتها كذا مرة بعدها اقتنعت شوية و لما شفت كمان فئات متفرقة منها و ماقولكش على الايه ام جى .. هتجننى

و خلى بالك من نقطة تانية يا باشا ان الاكورد فى الحجم اكبر من السى كلاس و الفئة الثالثة يعنى المفروض انها تتقارن بالسيدان المتوسط الحجم اللى هو الإى و الفئة الخامسة ,, بس ده طبعا هيبقى ظلم جامد جدا ليها و خصوصا فى الأداء

عموما هوندا من العربيات اللى بحترمها بس مابحبش الصغيرين بتوعها ... السيفيك و السيتى و على فكرة انا كنت عملت تست درايف قبل كدة للبايلوت و عجبتنى جدا و حضرتك هتلاقى موضوع فى المنتدى عن التجربة دى ...
و شكرا ليك يا باشا