مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)
-   -   عيوب و مميزات الفيرنا ال 1600cc (https://www.masrmotors.com/vb/showthread.php?t=4084)

sonata 22-02-2009 03:31 PM

رد: فيرنا 1600cc
 
ممكن خبير الهيونداى يشرح لى ايه اللى المفروض يحصل لما اروح زيارة للوكيل عشان اشترى العربية من البداية لحد الاتفاق النهائى-- بحيث يبقى عندى خلفية بكل حاجة يعنى حتعامل ازاااى مع الناس جوه التوكيل وايه الاوراق اللى لازم اشوفها والسعر اخره كام للفيرنا عند غبور -- يعنى كل حاجة عن الزيارة دى لو سمحت بالتفصيييييل
-- مع تحياتى وشكرا--

AHMEDCAR 23-02-2009 11:59 AM

رد: فيرنا 1600cc
 
مبدائيا حضرتك بتقرر هاتشترى الهاف اوبشن و لا الفول اوبشن

عموما الفاف اوبشن ب 64 و الفول اوبشن ب 68

و اول الخطوات مع المندوب المسئول انك بتدفعى 1000 جنيه رسوم حجر للسياره و ده بيكون من قيمه السياره

و بتختارى اللون اللى انتى عاوزاه هايقولك اختارى لون احتياطى علشان لو مالقيناش اللون اللى انتى عاوزره قوليله لا انا عاوزه اللون ده فقط و ماتتصلش بيا غير لما يكوت جاهز

و بعد اسبوعين او 3 بيتصل بيكى تانى علشان تروحى تكملى بقيه المبلغ (ساعتها بتكون العربيه خلاص على خط الانتاج و قربت تنتهى علشان كده بيخلوكى تدفعى بقيه المبلغ لضمان جديه التعاقد )

و الاستلام بيكون بعد ما بتدفعى ب 10 ايام غالبا او اسبوعين بالكتير اوى لانها فى الفتره دى بتكون فى مرحله التشيك النهائى على العربيه

لما بتروحى تستلمى بيسلموكى ورقه بيانات العربيه فيها رقم الموتور و رقم الشاسيه و اثبات انها تجميع محلى بس الورقه دى بتروحخى بيها المرور علشان ترخصى

ده بالنسب للكاش لكن القسط نفس الاجرائت لكن بيزيدعليها ان بتجيبى ليهم شيك من البنك بتمنالعربيه

sonata 23-02-2009 08:41 PM

رد: فيرنا 1600cc
 
طبعا باشكرك جدا على التفصيل دة واجاباتك اللى فعلا بتفدنى جدا بس عندى سؤال
إيه الأفضل الهاف او الفول اوبشن بغض النظر عن ان كلمة فول بتعبر عن الافضلية هل دة كمان بيكون حسب االاحتياجات ؟؟؟
بالنسبة للألوان هل إختيارها له علاقة بالحفاظ على العربية بمعنى ان مثلا الالوان التقليدية زى الابيض والاسود وغيرها دى سهل لو حصل خدش فى العربية انها تتعالج ولكن فيه الوان صعب انها تتعالج لصعوبة الحصول على الدرجة او ان مفيش اللون دة فياترى هل اعتقادى صح ام لا ؟؟؟؟؟؟؟
وعلى فكرة اللى بيفكر كويس لاااازم يجيب عربيته كااااش توفير لمشاكل كتيييييرة وعشان يريح دماااااغه

----- وشكرا جزيلا على الرد-----

AHMEDCAR 24-02-2009 11:37 AM

رد: فيرنا 1600cc
 
الانتين مافيش بينهم فرق جوهرى
الموتور و الشاسيه واحد فى الاتنين نفس التصميم و كل حاجه الاختلاف بيكون فى الكماليات الداخليه و هيه بصراحه من وجهه نظرى مفيده و كمان معظم اللى جابوا فيرنا هاف اوبشن ابتدوا يعدلوا و يخلوها فول اوبشن و طبعا التكلفه اعلى من لو جايوها فول اوبشن من الاول و الفروق هيه

1- زجاج كهرباء
2- عداد ار بى ام (بيعد عدد لفات الموتور )
3- مفتاح ريموت بانذار
4- كنبه قابله للطى و فتحها على الشنطه
5- ساعه ديجيتال بالتابلوه
6- مسند لذراع السائق
7- كرسى السائق قايل للحركه اعلى و اسفل
8- كاسيت سى دى
9- فتح الشنطه من داخل السياره
10-مرايات جانبيه بلون السياره
11- عدد 5 مخادع للراس
دول كده اللى جم فى بالى حاليا و غالبا مش فيش فروق تانى

بالنسبه للالون انا افضل الفيرانى و الاسود و النبيتى

الفيرانى احسنهم من حيث النظافه مش بيبان فيه التراب نهائى ممتاز بصراحه
الاسود فخم جدا
النبيتى رقيق اوى عليها

افضل الالوان من حيث المعالجه الابيض

انا ارشحلك الفيرانى زى عربيه العبد لله

sonata 24-02-2009 11:17 PM

رد: فيرنا 1600cc
 
انا فعلا معايا دلوقتى نشرة فيها الفروق بين الاثنين وحوالى 11 لون للعربية انا مووش بفضل الاسود عشان بعد فترة شكله بيبقى وحش وخصوصا لما العربية بتتخدش -- الفيرانى بغض النظر عن اسمه اوافقك تماما انه لون كويس كتيير اما النبيتى موش واضح اوى فى الصورة عشان اختاره لااازم اشوفه على الواقع رغم انى حاسة انه حيكون لون ملفت شوية-- يمكن ارسى على واحد من الاثنين دول --
على فكرة غبور اسكندرية قال الهاف اوبشن ب64500 هل دة فرق سعر زى فرق التوقيت بينا ؟؟؟؟
-- مع تحياتى ---


الساعة الآن 06:08 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017