|
رد: لانسر 2010
اقتباس:
فاليابان ولا يوجد شىء حتى الان فى الانسر تحديداً خارج اليابان ويؤكد هذا الافراج الجمركى بيتكتب بة بلد المنشأ ( اليابان ) والموضوع كلة مواصفات ليس الا فمثلا ً يوجد جرس على سرعة ال 120 كم/س فالخليجى ولا يوجد فالمصرى وهذا لان السرعة المسموح بها فى بعض طرق دول الخليج هى ال 120 اما فى مصر فهى غالباً 90 بخلاف طريق القاهرة - الاسكندرية 100 وطريق الكريمات الوحيد 120 السرعة بة اى ان الموضوع مش تجميع ولا تقفيل وهو ليس اكثر من اوبشن ومواصفات وموضوع الثلاث مواسير اتلغى من فترة والموجود كلة الان ماسورة واحدة وتقبل تحياتى [/quote]
|
رد: لانسر 2010
ازيكوا يا شباب
هوه الخليجي كام حصان والمصري كام حصان؟ وهوه في مانيوال خليجي وبكام وفين عشان ان شاء الله نويت اجيبها مانيوال وسألت عند سمير ريان لقتها ب 108 الف وضمان الوكيل مش خليجي |
رد: لانسر 2010
اقتباس:
بالصفحة السابقة من الموضوع ذكرت انة ( قيل لى ) ان المصرى 105 حصان والخليجى 122 حصان وسمير ريان من اكبر المعارض بل وارخصهم حتى عن الوكلاء وسبق ان ذكرت ولكنى اعيدها بما إنك مقدم على الشراء وربنا يوفقك حتى اسهل عليك الموضوع - الوكيل المصرى ضمان 3 سنوات او 100.000 كم - الخليجى دبى ( الامارات ) ضمان 3 سنوات او 60.000 كم - الخليجى كويتى او سعودى او اردنى ليس علية ضمان ولو حد قلك ضمان اسأل علية وشوف الضمان تبع اية وروح اتأكد منة لانى سمعت ان هذا الموضوع مش مضبوط ولو عايز تسأل على المانيوال خليجى ( وبضمان ) روح معرض الرواس وهو بجوار معرض المصرية ( 3 أ ) برج معروف بشارع رمسيس ناحية التحرير وتليفونة هتلاقية داخل الموضوع معلش مش عارف بأى صفحة وربنا يوفقك وان احتجت اى استشارة انا فالخدمة |
رد: لانسر 2010
السلام عليكم
العربية فعلآ خفيفة نسبيآ و ده شبه طبيعي في العربيات الجديده ضيف لده عدم شعور السائق بالسرعة بشكل حقيقي بالأخص مع غلق الزجاج و ده بيخليك تاخد الملف بسرفة و طبعآ بتحس بعدم تحكم كامل بالعربيه ربنا يسترها معانا جميعآ خفف السرعة لحد ما تحس أنك أتعودت على العربيه و بالأخص في المنحنيات دي سلام |
رد: لانسر 2010
اقتباس:
والامانة اقتضت ان اذكر اننى كنت على نفس الطريق ( الوادى الجديد - الاقصر ) والذى ذكرت بة مشكلة ملفاتة الصعبة واحساسى بها عند السرعات العالية فالانسر فحدث انى كنت على نفس الطريق من اسبوع تقريبا ً وكان اخى ( ومعلمى للقيادة ) هو من يقود السيارة وبرغم من تحذيرى لة من صعوبة الملفات الا انة فى احد تلك المنحنيات وكان يسير على سرعة 130 كم/س ليلا ً وفجىء بالملف فأخذة على نفس السرعة بالرغم من حدة الملف حتى ان جميع من فالسيارة بالكنبة الخلفية استيقظ وسقطت اشياء كانت على التابوة واخرى كانت كانت امام الزجاج الخلفى ولكن الحمد لله كان اختبار - وان كان قاسى على اعصابى - الا انة مر بسلام وشعرت فعلا ً بإمكانيات السيارة وقدرتها على المناورة فى ظروف صعبة وحدث شىء مشابة بعدها فى ملف واستطيع ان اجزم ان زاويتة تقل عن 90ْ لكن السرعة كانت اقل والحمد لله ايضا ً مرت بسلام ملحوظة من سار فى طريق ( اسيوط - القاهرة ) تعتبر منحنياتة مثالية بالنسبة للطريق السابق واخذتها على سرعة تجاوزت 150 كم /س دون الاحساس بالملف تقريبا ً |
| الساعة الآن 04:33 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017