رد: اسال عن لوحات الخاص و الاجرة والرحلات والمدارس واجراءات اللوط
 

لو سمحتم يا اخوانى انا كنت بسال انا ناوى ان شاء الله اشترى عربية ميكروباص زيرو وطبعا عارف ان مفيش تراخيص جديدة فانا ناوى اشترى رخصة اجرة بس كنت عايز اعرف المفروض اعمل اية هو مينفعش انى اشترى النمرة بس مش العربية كلها وينفع اشتريها قبل ما اشترى الميكروباص ياريت تفيدونى لان دة اول مرة لي فى الاجرة
بارك الله فيكم

رد: اسال عن لوحات الخاص و الاجرة والرحلات والمدارس واجراءات اللوط
 

عمار الهوارى كل عام وانت بخير .. حضرتك من اى محافظة ثانيا حدد انت عايز نمر اية اجرة ولا خاص ولا رحلات هو عموما مهما كان نوع الترخيص الناس بتستخدم السيارة اجرة ولو فكرت ترخص اجرة يبقى لازم عشان تاخد اللوحات يبقى لازم حل من 2 انك تشترى السيارة الجديدة باسم مالك السيارة القديمة الي عليها نمر اجرة عشان يعمل احلال وتجديد باسمة وبعد كدة يبعهالك . او العكس وهو انك تشترى العربية منه وتعمل احلال وتجديد باسمك وبعد كدة تبيع العربية القديمة بس الافضل انك تشترى القديمة وبعد كدة تبعهاله عشان رسوم الشهر العقارى للقديمة هتكون اقل بكثير جدا من الجديدة لو انك رجعت سجلتها باسمك من المالك بتاع الاجرة . واى استفسار عن ترخيص خاص او رحلات ودة الشائع حاليا ابعت وانا ارد عليك وشكرا

رد: اسال عن لوحات الخاص و الاجرة والرحلات والمدارس واجراءات اللوط
 

فى حد عندة اى استفسار

رد: اسال عن لوحات الخاص و الاجرة والرحلات والمدارس واجراءات اللوط
 

السلام عليكم ... كنت عايز استفسر عن حاجة .. انا معايا عربية 7 راكب ومركب عليها نمر اجرة سرفيس العبور .. هل ينفع اغير العربية ب 14 وانقل النمر عليها

رد: اسال عن لوحات الخاص و الاجرة والرحلات والمدارس واجراءات اللوط
 

ممكن تقول موديل وماركه السيارة ؟ بس اذا كانت السيارة سوزوكى فان او بنفس الحجم يبقى وفر على نفسك التعب فى مروحاك ومجيك للمرور