مصر موتورز مجتمع السيارات - ايمجراند .....خدعه جديده من غبور

مصر موتورز مجتمع السيارات (https://www.masrmotors.com/vb/index.php)

- جيلى اميجراند - مابلEmgrand Geely (https://www.masrmotors.com/vb/forumdisplay.php?f=128)

- - ايمجراند .....خدعه جديده من غبور (https://www.masrmotors.com/vb/showthread.php?t=101343)

رد: ايمجراند .....خدعه جديده من غبور

اقتباس:

المشاركة الأصلية كتبت بواسطة hyundai 2005 (المشاركة 788813)

يا حبيبي سيبك منهم .
انا ما قولت انا حجزت عربيه اسمها انجلون الناس كلها هاجمتني وعابو عليا وقالك عربيه مش معروفه و و والخ
المهم العربيه طلعت والله احسن من كتير ياباني واكتر كوري فكل حاجه وسيبك من اللي يقول عكس كده جرب ومش حتندم يعني في السعوديه والعراق وسوريا بيشكروا فيها واحنا اللي ولاد ......................... .
حتطلع عربياتنا وحشه علي اساس ان اللي بيتكلم معاه مرسيدسs500 ولا bmw الفئه السابعه
حسبي الله ونعم الوكيل بص يا حبي اول ماتستلم العربيه امانه عليك نعمل مقابله وكل اللي بيقاوح ويهجص يجي ويشوف ويجرب العربيه كمان ونقيم ونشوف مين الظالم ومين المظلوم ؟؟؟؟؟؟؟؟؟
وانا اول واحد بسجل حضوري فاي وقت واي مكان

تسلم على الرد !!!
شكر وتقدير

رد: ايمجراند .....خدعه جديده من غبور

اقتباس:

المشاركة الأصلية كتبت بواسطة mms (المشاركة 788835)

شوف حضرتك انا هرد عليك :
اولا - بخصوص ال 10 ايرباج او غيره هسال حضرتك هى الباسات والا الكامرى والا البى ام بتاعه اوربا هى هى اللى بتنزل مصر ؟ ..... لا طبعا ... دا ياراجل بلاش نبقى زى اوربا نبقى ولو زى اشقاءنا الخليجيين ...دا اصبح عندنا كلمه مواصفات خليجى الدنيا وما فيها . وده فى كل السيارات . يبقى ما يصحش ابد نعيب عالامجراند بهذا العيب .
ثانيا - السياره دخلت اوربا فى عقر دار الماركات الاشهر عالميا لتنافس فى المجال اللى اتعيب بيه على السيارات الصينيه بشكل اساسى وهو مجال الامان . وكانت النتيجه انها اكتسحت وتفوقت على الجراند شيروكى اللى بشيئ وشويات . فكان من الطبيعى ان الدنيا تقوم وما تقعدش وان الاعجاب بيها يكون على هذا المستوى واكتر .
ثالثا - ان الانبهار بالسياره دى مهواش طيش من الناس العاديه . بل ان المنافسين مرعوبين . وخلى بالك ان ابو الفتوح خفض تمن الام 11 ل 72000 جنيه باعتباره اكبر المنافسين من حيث المبيعات . ووكيل جاك خفض البى كلاس الى 78000 جنيه باعتباره اقرب المنافسين من حيث الفئه وجوده السياره . وغيره وغيره . حضرتك مش فى الصوره......... خالص العربيه قالبه الدنيا .
رابعا - وبعدين ايه عيوب التقفيل !! والدليات !! السياره بشهاده الاخوه اللى عاينوها وهم محل ثقه اكثرمن رائعه من ناحيه الفنيش .
خامسا - الوكيل غبور . آى نعم جشع . لكنه قوى وبيلعب تجاره صح ...بمعنى دقيق ارجو ان حضرتك تفهمه وهو انه جشع عشان يكسب مش جشع عشان يخسر زى وكيل جاك مثلا . بمعنى انه بيكسب للحد اللى لا يؤثر على انتشار السياره بالسلب .
سادسا - وده كلام اتحاسب عليه ان الامجراند هتكسر الدنيا وهتقلب سوق السيارات فى مصر . تحياتى .

كلام جميل يتفق لما اراه شخصيا ....
شكر وتقدير

رد: ايمجراند .....خدعه جديده من غبور

انا ملاحظ ان الفكرة كلها ان كل اللي بيسوقوا للعربية و بيدافعوا عنها غالبا حاجزين السيارة فاللي بيحصل دا ليه مصدرين يا اما محاولة اقناع ذاتية لنفسه ان السيارة ممتازة و ان اختياره صائب عن طريق انه يعيد و يزيد في النقطة دي - السيارة ممتازة - السيارة روعة - السيارة فلة شمعة منورة و هو بالطريقة دي بيقنع نفسه قبل غيره و بيحاول يريح باله انه مغلطش و غيره

يا اما لما وقع اختياره على السيارة عقله الباطن بيدفعه انه يعمل دعاية ايجابية للسيارة علشان الكثيرين غيره يشتروها و بالتالي يحقق الشعبية للسيارة و تتوافر قطع غيارها و ترخص بغض النظر عن قيمة السيارة و جودتها الفعلية - و مش مهم تكون حلوة او وحشة

اخي انا رأيي انك تلتزم الصمت و تتوقف عن الدعاية للسيارة لحد ما تستلمها و بعد الاستلام اعمل تقرير اسبوعي او كل 500 كم حتى و قول كل ملاحظاتك عن السيارة سواءا سلبية او ايجابية و ساعتها بس رايك حيكون محل ثقة و احترام لان المثل بيقول اسال مجرب و لا تسأل طبيب (او خبير )
و اوعدك لما تكون السيارة تحت رجلك ان انا اول واحد حصدق كل بيوت الشعر و النثر اللي حتالفها فيها

رد: ايمجراند .....خدعه جديده من غبور

عيني عليكي يامصر بقيتي سوق لتجارة ارخص السيارات بقى ليها قيمة عندك علشان كام تاجر يتعدوا على صوابع اليد الواحدة بيتحكموا فيكي وعجبي......اتمنى مرسي يبطل خطب ويبتدي يشتغل على مواضيع ملموسة زي الجمارك و التوكيلات والمواصفات ولا حول ولا قوة الا بالله ......:cry2W9::cry2W9::cr y2W9::cry2W9::cry2W9::cry 2W9::cry2W9::cry2W9::cry2 W9::cry2W9:

رد: ايمجراند .....خدعه جديده من غبور

اقتباس:

المشاركة الأصلية كتبت بواسطة MmFFoR (المشاركة 788880)

اولا يا اخي احب اوضح لحضرتك ان المشاركات كلها تمت ووصفت على اساس المعاينة في المعارض.. محدش قال انه خادها لفة .. و مش انا ولا انت ممكن ننجح عربية و ننشرها او نفشلها عن طريق مشاركة على النت .. اقل من 5% فقط من العملاء هم من يقرؤن هذا .. العربية الناجحة بتفرض نفسها على الكل حتى لو مش عاجبة بعض الناس .. و العربية الفاشلة بتثبت فشالها للكل حتى لو ليها بعض المحبين المنحازين اليها ... وبرضو مش هبطل اعبر عن اللي انا شايفة حتى بعد ما حضرتك طلبت منا التزام الصمت .. من يريد ان يلتزم الصمت فله هذا .. ومن يريد ان يتكلم فله هذا ..

شكر وتقدير

انتظر التقارير ...