رد: سيارتى أتخبطيت فى أول يوم أستلام "أستفسار بعد أذنكم"
 

السلام عليكم استاذى الفاضل اولا مبروك على السيارة الجديدة
ثانيا ربنا يكفيك شر العين جت سليمة الصاج يتعوض

بالنسبة للتامين على السيارة الان لابد السيارة تتصلح الاول و بعد كدة تامن عليها معلش بقى المفروض كنت تامن عليها بسرعة
موضوع شركات التامين انا فى قناة السويس للتامين اقوى شركة فى مصر GIFT4U

رد: سيارتى أتخبطيت فى أول يوم أستلام "أستفسار بعد أذنكم"
 

رد: سيارتى أتخبطيت فى أول يوم أستلام "أستفسار بعد أذنكم"
 

اولا الف مبروك علي العربية وربنا يديك خيرها ويكفيك شرها حضرتك حتي لو مأمن علي العربية قبل الخبطة كنت هنصح حضرتك بأنك متدخلهاش في التامين وتعملها بعيد عن التامين لان الواحد مبيلجئش للتامين الا في الحاجات الكبيرة يعني انا عندي الازاز اتكسر قبل كدا ومرضتش اطلب تعويض من التامين علشان لما تيجي اخر السنة تجدد التامين بيتعملك خصم علي عدم المطالبه وانا اتعملي خصم 500 جنيه لما جيت جددت والازاز تمنه بالتركيب لا يتعدي 250 جنيه فانا في الاخر طلعت كسبان

انا عن نفسي مأمن في قناة السويس وانا كنت مأمن قبل كدا في كونتكت كارز ولاقيتهم بيطولو وبيدفعوا الواحد نسبة في التصليحات مع اني كنت مامن بدون نسبة تحمل وبعدين نسبتهم عالية زي مصر للتامين

لاكن قناة السويس نسبتهم معقولة ومعملتهم ممتازة

بالنسبة للخبطة لو امنت في التقرير اللي بيتعمل بيثبتوا كل خدش في العربية علشان متجيش تطالبهم باي حاجه قبل ما كنت تامن

انا مامن بنسبة تحمل 4 في الالف يعني بدفع 4 جنيه عن كل 1000 جنيه من تمن العربية بس بتوفر معايا في حاجات كتير يعني عن كل حاجه لا قدر الله تحصل في العربية بدفع 250 جنيه مبلغ ثابت

وربنا يسترها علينا وعليك ويديك خيرها ويكفيك شرها

رد: سيارتى أتخبطيت فى أول يوم أستلام "أستفسار بعد أذنكم"
 

ونصيحة الحاجات الصغير اللي بتبقي في الصاج ابعد عن الوكيل لانه هيدبحك في المصنعية ولو عملتها عند سمكري شاطر بره مش هياخد فيها بتاع 50 جنيه وهيرجعها احسن من الاول ونصحية مترشهاش خليها تاخد العين

رد: سيارتى أتخبطيت فى أول يوم أستلام "أستفسار بعد أذنكم"
 

ايه ياعم كورسير ميروشهاش ازاى:crazyW14:
يعنى عشان تاخد العين
العربيه تجلها برومه اى ازاله للبوهيه يجب تغطيه فورا منعا لنتشار الصدا