مصر موتورز مجتمع السيارات - يا شباب ...مين واخد من التاني ...

مصر موتورز مجتمع السيارات (https://www.masrmotors.com/vb/index.php)

- ريفيوهات (https://www.masrmotors.com/vb/forumdisplay.php?f=3)

- - يا شباب ...مين واخد من التاني ... (https://www.masrmotors.com/vb/showthread.php?t=11251)

رد: يا شباب ...مين واخد من التاني ...

اقتباس:

المشاركة الأصلية كتبت بواسطة mazenmedo (المشاركة 65523)

ده كل الشركات طلعت واخده من بعض مش الصيني بس ده الاوروبي والياباني والالمانى كمان, هما بيكسلوا يخترعوا حاجه جديده ولا ايه.

هو الحقيقة فى فرق يا مازن فى موضوع الصينى دة ...

التصميمات الصينى هى مجرد تصميمات منقولة نقل مسطرة مع تغير بعض الكماليات حتى لا يقال انة حدث سرقة للتصميم ...و دة واضح فى تصميمات كتير ..

اما باقى الدول منقدرش نقول انها ماشيا بنفس الطريقة ...لانة زى ما حازم وضح كدة بيكون فى اتجاة معين او تريند معين بيكون موضة هذا الموسم و ممكن يمتتد لكذا موسم بكذا تصميم .

دة غير انك حتلاقى معظم الشركات الكبيرة بتشتغل مع بيوت تصميم معروفة و دى اللى بتحدد اتجاة التصميم للمرحلة المقبلة ...

عشان كدة مش شرط كل تشابة يعتبر نقل ... لكن بيكون جزء كبير من الموضوع هو تريند معين او اتجاة جديد كل التصميمات بتتبعة ...و انت شوفت ازى الفورد و المازدا و الاوبل وخدين نفس البروفيل مثلا فى تصميمتهم الاخيرة ...
محدش سرق من حد لكن اكيد كل شكل جديد مبتكر بيغرى باقى الشركات انها تدخل منة حاجات فى تصميمتها ..و دة لا يعيبها فى شىء .

هو الموضوع قريب شوية من الموضة كدة ..لما تلاقى بيوت الازياء اتفقت على موضة معينة كدة فى سنة معينة كل التصميمات بتتجة نحيتها مع اضافة روح كل بيت منهم عليها ..

دة غير ان المصممين الكبار فى تنقل دائم بين هذة الشركات و خطوطهم و علامتهم بتنتقل معاهم للشركة الجديدة .

دة غير كمان التعاون اللى بين الشركات فى انتاج سيارة معينة و بيتكون فى الاخر خطوطها واحدة فى كل شركة و دة بيتم بالاتفاق بين الشركات فى هذة الحالة زى حالة بيجو و متسوبيشى و ستروين كدة

انما موضوع الصينى دة منفصل لانة نقل صريح بدون اذن اصحاب التصميم الاصلى ..و يريت بيكون نقل مع تطوير جيد لكن فى معظم الاوقات بيكون تطوير مشوة عشان يحولو يهربو من اى مطالبة قضائية ..
و هو ما حدث مع مودلات كتير تم سرقتها .

رد: يا شباب ...مين واخد من التاني ...

اقتباس:

المشاركة الأصلية كتبت بواسطة sam ram (المشاركة 65539)

بس البيجو 4007 والسيتروين سي كروس كانو تعاون مع الميتسويشي اوت لاندر ...
وواضح ان تابلوه الاوت لاندر هو نفسه الانسر شارك .. يعني هي ميتسوبيشي كانت متفقه مع بيجو و سيتروين انها تعمم شكل التابلوه لدرجه انه يكون في عربيه كروس اوفر و عربيه عائليه !!!!
ده طبعا غير التشابه الخارجي مع الافا روميو ..لكن مجرد تشابه .. مقدرش اقول نقل

تابلوه الشارك .. هو هو تابلوه الاوت لاندر !!!!

وانا اللي كنت بتضايق من فولكس ان تابلوهاتها كلها شبه بعض !!!

ايوة يا سام هو هو تابلوة الشارك هو الاوت لاندر هو البيجو 4007 هو السى كروس ....
واضح انهم عملو اوكزيون و نزلو التبلوه على اربع مودلات حتة واحدة ..

طبعا دة كسل من متسوبيشى و من باقى الشركات ...لكن اكيد كان فى اسباب اقتصادية وراء هذا التعميم ..

على فكرة الاوت لاندر الجديدة التبلوة اختلف كتير و بعد عن الشارك تمام ...يلا عشان متزعلش و تشتريلك حتة ...

رد: يا شباب ...مين واخد من التاني ...

http://xoomer.virgilio.it/fiat124/im...iat/4f_1_b.jpg
هي دي الأولي
http://englishrussia.com/images/new_2107/1.jpg
و دي التانيه
يارب يكونوا بانوا

رد: يا شباب ...مين واخد من التاني ...

اقتباس:

المشاركة الأصلية كتبت بواسطة wawoo (المشاركة 65467)

ياة ....دة انت طلعت زميل بجد بقى يا احمد باشا .. انا كنت نفس القسم بالضبط بس فى الدفعة الى قبلك بكام سنة كدة :)
اهلا بيك ....

اة و كان الدكتور محمد سليمان اللى قالنا الكلام دة :)

يااا ه الراجل ده من الناس اللي متستفدشي منهم اي حاجة ،، و لا ليه اي لازمه غير انه شخصية ظريفة

ههههههه

احنا كان بيقولن هتفشلوا و تشتغلوا مندوبين مبيعات سيراميك

اللي كان مؤثر فيا فعلا د/ ناجي شاكر

رد: يا شباب ...مين واخد من التاني ...

اقتباس:

المشاركة الأصلية كتبت بواسطة wawoo (المشاركة 65572)

ايوة يا سام هو هو تابلوة الشارك هو الاوت لاندر هو البيجو 4007 هو السى كروس ....

واضح انهم عملو اوكزيون و نزلو التبلوه على اربع مودلات حتة واحدة ..

طبعا دة كسل من متسوبيشى و من باقى الشركات ...لكن اكيد كان فى اسباب اقتصادية وراء هذا التعميم ..

على فكرة الاوت لاندر الجديدة التبلوة اختلف كتير و بعد عن الشارك تمام ...يلا عشان متزعلش و تشتريلك حتة ...

هو مش كسل على اد ما هو تخفيض نفقات
يا خوفي مع الازمه الاقتصاديه نلاقي العربيات كلها من جوه بقت واحد ... لدرجه انك متعرفش تابلوه العربيه الا من اللوجو!!!
بس حاجه تغيظ انك تبقى راكب العربيه و عارف ان التابلوه ده متوزع في السوبر ماركت !!!!ptmnlo123per111