المساعد الشخصي الرقمي

مشاهدة النسخة كاملة : لا أعلم ما الحل فى عمرة موتور


LADA2107
25-07-2012, 10:06 AM
الأول كل سنة وأنتم طيين.
روحت أفك المكنة عشان أعمل شنبر لاقيت الأتى :


محتاجة طقم شنبر .
صبابات وخرط وش السلندر للصبابات.
خرط الشميز وأحتماليه يا الخراط يظبط على البساتم الموجودة أو أشترى بساتم أكبر لسه مش عارفين .
طلمبة زيت .
طقم جوانات وسير كاتينى جنزير ..........
شوية حاجات العمرة زى طقم الكهرباء والجوانات وكدة .

أيه رأيكم أعمر على كدة ولا أشترى موتور أستيراد ولا أعمل أيه لأنى قريت كذا حاجة ةلا أعلم ما الحل فيها والميكانيكى مستعجلنى وأنا خايف بصراحة لأن بعض الناس قلولى خرط الشمييز يعنى لعب فى أساسيات الموتور ومش مضمونة .
وناس تانية قالتلى أشترى نص موتور بس ومش فاهم مناها أيه ولكن وكدة فكرة .
وواحد جارى عندة موتور 1200 هل ممكن أخدة منة وأعركب عليه باقة الحاجة ؟
معلش أنا تعبان ومقرفت بجد وبقول ياريتنى ما كنت فكيت المكنة أيه الحل الله يرضى عليكم

thunder2006
25-07-2012, 10:39 AM
وانت بالصحة والسلامة
1- الميكانيكى مستعجلك علشان فلوس العمره اللى هاياخدها.
2- العمره كده هاتكلف عليك كتير والميكانيكى شكله محتاج فلوس وعايز يكمل رمضان من جيبك :)
3- موتور استيراد وريح دماغك وخلى موتورك قطع غيار او بيعه خرده هايجيبله 300- 600 جنيه والله اعلم.

Ahmed Elsahhar
25-07-2012, 11:29 AM
موتور استيراد طبعا وريح بالك وخلى القديم قطع غيار لان كدة العمرة هاتكلف اكتر من ثمن الاستيراد

amr elsisi 1
25-07-2012, 11:45 AM
توكل علي الله وهات موتور استيراد
بس فلية كويس
لان ممكن تلائي السبايك فيها مشكلة او محتاج خرط كرنك وتفتح معاك
بس توكل علي الله

LADA2107
25-07-2012, 01:28 PM
وانت بالصحة والسلامة
1- الميكانيكى مستعجلك علشان فلوس العمره اللى هاياخدها.
2- العمره كده هاتكلف عليك كتير والميكانيكى شكله محتاج فلوس وعايز يكمل رمضان من جيبك :)
3- موتور استيراد وريح دماغك وخلى موتورك قطع غيار او بيعه خرده هايجيبله 300- 600 جنيه والله اعلم.

شكرا حضرتك على الرد طيب سعرة كام الموتور الجديد وأشترية منين لأنى بسمع أرقام كبيرة قوى

LADA2107
25-07-2012, 01:30 PM
توكل علي الله وهات موتور استيراد
بس فلية كويس
لان ممكن تلائي السبايك فيها مشكلة او محتاج خرط كرنك وتفتح معاك
بس توكل علي الله

طب دة حضرتك الميكانيك هايعفها من التجربة ولا تقصد لما أشترية أفكة وأشوفة ؟
وسعر الموتور الأستيراد كام واحسن مكان

amr elsisi 1
25-07-2012, 03:30 PM
والله يا اخي موضوع الاستيراد انت وحظك
واحنا ما بنلجأش الية الا لما الموتور يفتح زي حالت حضرتك
بس ياريت يكون موتور موديلة عالي
الميكانيكي لو شاطر حيعرف يحدد موديلة
اما عن حالتة بيبان علية ومفيش بائع حيخليك تفتح مكنة
ولاكن ممكن تكشف علية عن طريق هذة التجربة اقراها
وقولي تعليقق
http://www.masrmotors.com/vb/showthread.php?t=90049

LADA2107
25-07-2012, 03:45 PM
والله يا اخي موضوع الاستيراد انت وحظك
واحنا ما بنلجأش الية الا لما الموتور يفتح زي حالت حضرتك
بس ياريت يكون موتور موديلة عالي
الميكانيكي لو شاطر حيعرف يحدد موديلة
اما عن حالتة بيبان علية ومفيش بائع حيخليك تفتح مكنة
ولاكن ممكن تكشف علية عن طريق هذة التجربة اقراها
وقولي تعليقق
http://www.masrmotors.com/vb/showthread.php?t=90049

جزاك الله كل خير ياترى أخى الميكانيكى هايعمل الأختبارات دى وأنا عايز أعرف سعرة والأماكن المحترمة والأجراءات الورقية

فادى
25-07-2012, 04:51 PM
شراء محرك استيراد مغامرة غير مضمونة العواقب دائما, و لا ينصح بها.
دائما العمرة أفضل, مع العناية فى شراء قطع الغيار الأصلية, و طبعا بتعتمد على شطارة الميكانيكى.
رأيى الشخصى اجراء العمرة, فى حالة ظهور مشاكل هترجع للميكانيكى و هو مسئول أمامك. أما فى حالة المحرك الاستيراد فلو ظهرت مشاكل هترجع لمين؟ و كيف ضمان حالة المحرك الاستيراد؟

محمدصلاح القاضى
25-07-2012, 05:33 PM
العمره افضل بكتييير من وجة نظرى
لانى بنضف لنفسى عشان اركب
وببقى مطمن على الاخر للى انا مركبه وطبعا بشترى قطع الغيار الصح ومش بسترخص
ثانيا الموتور دا عامل زى البطيخه يا أبيض يا أسود انت ونصيبك
ممكن يشتغل سنه وممكن شهر
لذلك اما تعمل عمره هتلاقى نفسك بقيت عارف عربيتك فيها ايه وكله تمام
من ناحية خرط الشمايز وتركيب بساتم اكبر مش مشكله خالص لانه بيخف شويه من تخانه الشميز لانه كان معتب
ومفيش اى مشاكل خالص
وفكرة تجيب نص تحت
دا معناها انك بتشترى نص الموتور السفلى
يعنى فارغة الموتور & البساتم & البيلات & الكرنك & السبايك وممكن يجى معاه طرمبة زيت وغطا كرتير زيت

ودا هيكون ليه بصمه واوراق تنثبت فى المرور

amr elsisi 1
25-07-2012, 05:53 PM
جزاك الله كل خير ياترى أخى الميكانيكى هايعمل الأختبارات دى وأنا عايز أعرف سعرة والأماكن المحترمة والأجراءات الورقية
موضوع الاستيراد سبق وقلت ما بنلجأش الية الا لو المكنة فيها خرط شمايز وكرنك وتغير بستم
الموتور لما بيوصل للحالة دي
وبعد العمرة صوتة بخشن وعمرة بيكون قصير
انا لا اعلم حضرتك منين؟؟؟؟
لو من الاسكندرية اذهب الي ش صلاح الدين
واهم حاجة تأخذ ورق الافراج الجمركي وتتأكد من رقم الموتور مظبوط مع الورق
اما عن بائعي الاستيراد في ناس كتيرة سمعتها سبقاها
مجرد ما بتسأل اغلب الميكانيكية بيدلوك علية
وسمعتة جاية من انة لو المكنة فيها حاجة بيأخذها تاني
وبيكرمك اكتر في التانية
بس الموضوع علشان ما تهوش حترجع الي شطارت الميكانيكي
وربنا يوفقق وكل عام وانت بخير

LADA2107
25-07-2012, 06:36 PM
موضوع الاستيراد سبق وقلت ما بنلجأش الية الا لو المكنة فيها خرط شمايز وكرنك وتغير بستم
الموتور لما بيوصل للحالة دي
وبعد العمرة صوتة بخشن وعمرة بيكون قصير
انا لا اعلم حضرتك منين؟؟؟؟
لو من الاسكندرية اذهب الي ش صلاح الدين
واهم حاجة تأخذ ورق الافراج الجمركي وتتأكد من رقم الموتور مظبوط مع الورق
اما عن بائعي الاستيراد في ناس كتيرة سمعتها سبقاها
مجرد ما بتسأل اغلب الميكانيكية بيدلوك علية
وسمعتة جاية من انة لو المكنة فيها حاجة بيأخذها تاني
وبيكرمك اكتر في التانية
بس الموضوع علشان ما تهوش حترجع الي شطارت الميكانيكي
وربنا يوفقق وكل عام وانت بخير

جزاك الله كل خير أخى الكريم ولكن كنتعايز أعرف السعر لأنى أنا من القاهرة ممكن حضرتك تقولى سعر الموتور 1600 سى سى لادا بكام

amr elsisi 1
25-07-2012, 07:27 PM
والله يا اخي لا اعلم الاسعار
وربنا يو فقق

LADA2107
25-07-2012, 09:03 PM
والله يا اخي لا اعلم الاسعار
وربنا يو فقق

جزاك الله كل خير شكرا لحضرتك وأسف لتعبك .
ولكن أخى أجيبة وأغيرله شنبر ولا أركبة على طول

thunder2006
27-07-2012, 07:42 AM
والله يا اخي موضوع الاستيراد انت وحظك
واحنا ما بنلجأش الية الا لما الموتور يفتح زي حالت حضرتك
بس ياريت يكون موتور موديلة عالي
الميكانيكي لو شاطر حيعرف يحدد موديلة
اما عن حالتة بيبان علية ومفيش بائع حيخليك تفتح مكنة
ولاكن ممكن تكشف علية عن طريق هذة التجربة اقراها
وقولي تعليقق
http://www.masrmotors.com/vb/showthread.php?t=90049
من خبرتى المتسطه فى مجال الاستعمال موديل الموتور مش بيفرق نهائى .. اللى بيفرق بلد الاستيراد ... لان هى اللى بتحدد مدى استهلاك الموتور من عدمه
انا شوفت مواتير استيراد اليونان بتكون مواتير ممتاذه جدا جدا .. اما استيراد مناطق معينه من روسيا بتكون محتاجه شغل.
اما بخصوص تجارة المواتير .. الناس اللى اتعاملت معاهم لو الموتور محتاج طقم شنبر بيحاسب على ثمن الشنبر وانت اشتريه من مكان ما تحب او بيديلك الشنبر اللى انت محتاجه حسب القياس اللى بتطلبه
لكن لو المكنه محتاجه اكتر من شنبر من حقك انك ترجعها وتاخد مكنه اخرى او تسترد فلوسك ودى حصلت امامى وانا بشترى الكراسى بتاعتى والراجل اخد مكنه لانه محتاج مكنه مش الفلوس.
بخصوص الموديل بيكون مكتوب على الموتور 2101 - 2102-2106 مثلا
وده بيحدد موديله حسب التجار اللى سألتهم بخلاف البحث فى المواقع الروسية
وكما قلت مش مهم موديل الموتور ... الاهم بلد الاستيراد

thunder2006
27-07-2012, 07:49 AM
شكرا حضرتك على الرد طيب سعرة كام الموتور الجديد وأشترية منين لأنى بسمع أرقام كبيرة قوى
اولا فى القاهره فى محلات كتير جدا بس بصراحه مقدرش اقول شخص معين لانى متعاملتش مع حد منهم ولا اعرفهم الا بالتليفون فقط .. وبدون مبالغه الكثير منهم لايفى بوعوده او ممكن يتفق على شئ مش موجود باعتباره سيوجد فى القريب .. لكن من الاسهل ان تنزل بورسعيد ارخص واضمن لانك هتاخد ورقك وكل ضماناتك وانت واقف بس معرفش هل عندهم مبداء انه يدفع ثمن الشنبر او يبدل الموتور لو تالف ام لأ
لو حبيت تشتريه من الاسكندريه هابعتلك على الخاص رقم تجار تسألهم بنفسك وتعرف الموجود وسعره ولو ارتحت لهم أسالهم برضه على موضوع الشنبر والتبديل او الترجيع وانت تتأكد من كلامى.