المساعد الشخصي الرقمي

مشاهدة النسخة كاملة : مشاكل الغسالات الاتوماتيك


محمد السيد 78
15-07-2012, 11:35 PM
يقابل العديد منا وخاصة المتزوجين مشكلة تعطل الغسالة الاتوماتيك بالمنزل ويبدا العذاب النفسى للزوجة اولا عند تعطل الغسالة فهى قد تعودت على نشر الغسيل فقط واحيانا لا يوجد نشر غسيل كمان فى حالة وجود مجفف وليس كامهاتنا غلى وغسل وشطف وعصر ونشر وكل هذا بالمجهود العضلى والذى لا يتوفر لنساء هذه الايام .ثم يبدا العذاب بالنسبة للزوج فى البحث عن التوكيل اذا كانت الغسالة مازالت فى الضمان وماادراك ما الضمان عند بعض الشركات .او يبدا رحلة البحث عن فنى موثوق ومجرب من قبل المعارف والاصدقاء كل هذا وكم الغسيل يرتفع مع لوى بوز من الزوجة اذا كانت دون خبرة بالغسيل اليدوى اولها خبرة ولاتريد استخدامها (دلع مرق) ويبدا الزوج بحمل هم تكلفة الاصلاح التى غالبا تكون مرتفعة واحيانا تشترط بمبلغ للكشف ومبلغ اخر للاصلاح وياعالم العطل هيتصلح ولا هتجيب فنى تانى مع ان الاولانى مش هيسيب تمن الزيارة رغم انه ماصلحش حاجة ولذلك اتتنى فكرة استشارة بعضنا البعض بخصوص اعطال الغسالات الاتوماتيك والتى من الممكن التعامل معها بدون الاستعانة باحد وتوفير الوقت والمال وتقليلا لوقت لوى بوز الزوجة .ايه رايكم؟

احمد على 1999
16-07-2012, 05:38 AM
موضوع جميل
مرة الغسالة بقت تتملى ميه بدون توقف لغاية لما الميه تنزل من كل حتة
فمراتى قالتلى نجيب الراجل
قولتلها ما انا راجل هههههههههههههههههههه
و قعدت على جوجل و فصصت الغسالة لغاية لما توصلت ان احتمال يكون WATER LEVEL SENSOR و هو عبارة عن منظم مزود برق بيحس بضغط الهواء من خرطوم نتيجة ارتفاع مستوى سطح الميه فيقوم يفصل الكهربا عن مضخة الميه
رحت اشتريه مستعمل و بقول للبياع حخده على تجربة قالى لا يا حلو لو على تجربة حبعت معاك الراجل !!!!!
خدته من غير الراجل و الحمد لله طلع هو السبب

sayed2077
16-07-2012, 06:35 AM
بص للاسف
احنا عندنا غسالة اتوماتيك بقالها حوالى 20 عاما
و غسالة اطباق بقالها حوالى 7 سنوات

من خلال تجربتنا الطويلة لهم

اقدر اقولك
ان مهما كان التوكيل غالى بس بيلخص وبتبقى زيارة واحده وخلاص
ومفيش فتى خصوصا لو كانت الغسالة او الجهاز الكهربائى عموما تبع شركة قوية ولها تاريخ مشرف
مثل زانوسى مثلا
اللى الغسالة الاتوماتيك وغسالة الاطباق من عندهم

وبصراحه تكلفة الاصلاح بتكون عالية جدا يعنى مثالا ترس بلاستيك صغير فى غسالة الاطباق يكلف 600 جنية
بس ه مره وخلاص على كده

حتى الثلاجه عندنا ثلاجه كريازى 18 قدم

اول ما جبنها من حوالى 8 سنوات قعدت سنه عدل وبعدين بقت مش بتسقع فريزر فقط اللى شغال
وقعدنا كل هذه السنوات ومع بعض الاحتكاك عرفت ان السخان اللى فيها بايظ
المهم اتصلنا بالشركة وكانت الغسالة ماتور بتاعها مش بيشتغل اصلا خلاص
الكلام ده من اقل من شهر حط جهاز كدا فى الغسالة وقالى كل الحكاية ان السخانين بتوعها بايظين قلتله ماشى صلحهم قام مبدلهم باتنين جداد نوفى و كان فيه عجينة بالداخل تمنع التسريب بتاع الهوا وكدا بدلها وظبط كل شىء والثلاجه رجعت احسن من الاول كمان
بس تكلفة الاصلاح كانت بسيطه المره ديه مش عارف التوكيل بيضحى ولا ايه
كان كل الحاكية حوالى 90 جنية فقط لا غير

وفى النهاية صلح تبع التوكيل افضل لك
والله يعينك

محمد السيد 78
16-07-2012, 02:23 PM
موضوع جميل
مرة الغسالة بقت تتملى ميه بدون توقف لغاية لما الميه تنزل من كل حتة
فمراتى قالتلى نجيب الراجل
قولتلها ما انا راجل هههههههههههههههههههه
و قعدت على جوجل و فصصت الغسالة لغاية لما توصلت ان احتمال يكون WATER LEVEL SENSOR و هو عبارة عن منظم مزود برق بيحس بضغط الهواء من خرطوم نتيجة ارتفاع مستوى سطح الميه فيقوم يفصل الكهربا عن مضخة الميه
رحت اشتريه مستعمل و بقول للبياع حخده على تجربة قالى لا يا حلو لو على تجربة حبعت معاك الراجل !!!!!
خدته من غير الراجل و الحمد لله طلع هو السبب

الله ينور عليك يا استاذ احمد بس كنت عايز اسال حضرتك هو ليه حضرتك جبته مستعمل و تمنه كام؟
وسؤال تانى هو حضرتك مقيم فين فى الاسكندرية اصل انا من العجمى- هانوفيل

احمد على 1999
17-07-2012, 12:57 AM
انا جبته مستعمل ب 40 ج من واحد فى شارع لاجيتيه و الصراحة معرفش هل فيه جديد و لا لأ بس لو كان فيه جديد كان اكيد حيبقى على الاقل ب 200 مثلا
و فرصة سعيدة يا استاذ محمد حضرتك انا ساكن فى مساكن اسيد اللى جنب جرين بلازا

AbOnOrA
17-07-2012, 01:07 AM
والله انا الحمد لله عندنا الايديال زانوسى بقالها 7 سنين شغالة زى الفل محتاجتش حاجة خالص مفيش غير مرة الخرطوم بتاع داخل المية باظ فجبنا واحد مش اصلى طبعاً وحاولت ام اسلام تركبة معرفتش وملقيتش بيتباع غيرة وكنت هتدبس انا فى التدوير على الاصلى
بصيت على الخرطوم لقيت ليه فى الصامولة بتاعته زى ريش كده او نتوءات بلاستيك علشان تسهل مسكته ولفه وهى الريش ديه المشكلة لان مقاسها كبير اكبر من تجويف فتحة الغسالة جبت سكينة حامية وسخنتها على البوتجاز وسويت الريش ديه كلها لحد ما خليت مقاسها من مقاس الغساله وركب يا جدع اشتغلت :010104~171:

وربنا يجعل كلامنا خفيف عليها :angel2W22:

M.TONSY
17-07-2012, 01:30 AM
موضوع حلو خصوصا الناس اللى زى حالتنا اللى بتحب الشغل بايديها
انا بقى عندى كريازى الصراحة حلوة وبتاعة شغل بقالها معايا 7سنين بس مشكلتها فى Lock بتاعها باظ وكان بيعلق وبيخلى الباب مش عايز يفتح
نزلت اشتريت واحد ايطالى جديد من ش كلوت بك بالعتبة وركبته بنفسى
بس عندى اليومين دول مشكلى جديدة وهى الكاوتشة بتاعة الباب اتقطعت وبتنقط احيانا ميه بكميات متفاوتة بسيطة او كتيرة وكنت عايز اغيرها بنفسى بس مش عارف شكلها مش سهلة اوى زى اللوك ... يا ترى حد غيرها بنفسه قبل كدة ولا فى الشركة وياريت يقولنا هتتكلف قد ايه

محمد السيد 78
17-07-2012, 03:49 AM
ده فيديو يوضح طريقة تغيير كاوتشة الباب
http://www.youtube.com/watch?v=yhpBQTPmyNs
يارب يفيد حضرتك

محمد السيد 78
17-07-2012, 04:17 AM
انا جبته مستعمل ب 40 ج من واحد فى شارع لاجيتيه و الصراحة معرفش هل فيه جديد و لا لأ بس لو كان فيه جديد كان اكيد حيبقى على الاقل ب 200 مثلا
و فرصة سعيدة يا استاذ محمد حضرتك انا ساكن فى مساكن اسيد اللى جنب جرين بلازا

انا اسعد يا باشمهندس احمد
واتمنى من جميع قارئى هذا الموضوع عرض الاعطال التى مرت عليهم او الموجودة لديهم حاليا لاستفادة الجميع

محمد السيد 78
17-07-2012, 06:30 PM
انا بقى صادفنى ارخم عطل يحصل فى غسالة اتوماتيك وهو تغيير رولمان بلى الحلة بدا الموضوع بتغير صوت الغسالة اثناء الدوران المهم كبرت دماغى لحد مافى يوم المدام قالتلى الغسالة شغالة بس الحلة مابتلفش رغم انى سامعة صوت الموتور الاول شكيت ان السير يكون اتقطع لكن للاسف لقيت السير سليم (على نفس مثال للاسف الثورة نجحت) ولكنه مخلوع من مكانه المهم شكيت فى الرولمان بلى و بهز الحلة الداخلية لقبتها مبوشة على الاخر وبدات المعاناة لانه فى الغسالات الحديثة يلزم فك الحلة بالكامل من الغسالة لانها حلة من الفيبر والبلى يكون من الداخل المهم قعدت اشتغل فيها يومين لعدم توافر بعض العدد عندى وغيرت البلى ومانع تسريب المياه وكان الطقم سعره 35 جنيه(2بلية +مانع تسريب) المهم ان العطل ده بيتكلف فى التوكيل مالا يقل عن 500 جنيه يعنى ربع تمن غسالة جديدة وكأن الغسالة مافيهاش قطع غيار الا البلى بس نصيحة اول ماتسمع صوت غريب فى الغسالة صلحها على طول علشان ممكن العطل يكبر ويتجاوز البلى الى اكس حلة او الى حلة كاملة وربنا يستر

احمد على 1999
18-07-2012, 08:02 AM
مش عارف ليه الكلام عن الغسالات بيكركبلى معدتى :HAPPY_~211:
بس انا متابع الموضوع عشان مفيد جدا
يا رب ما استفيد منه ..افيد غيرى ماشى :angel2W22:

محمد السيد 78
18-07-2012, 04:55 PM
بسم الله الرحمن الرحيم
"قل لن يصيبنا الا ما كتب الله لنا"
صدق الله العظيم

tham1010
19-07-2012, 08:16 PM
أنا عندى غسالة ويرل بول Whirlpool إيطالى بضمان العبد. جبتها بالغلط يعنى أنا كنت رايح على زانوس العبد ولكن قلت للراجل انا عاوزها بأثنين بكرة علشان أتحكم فى درجة الحرارة ببكرة وأختار البرنامج ببكرة. الراجل بص فى المخزن وقال لى موجودة ببكرتين زى ما انت عاوز. أخذتها ومشيت ورحت البيت وبكشف لقيت مكتوب عليها موديل AWG 5404 - Whirlpool. رحت متصل بيه قال لى مكن ترجعها ولكن زانوسى العبد ببكرة واحدة بتتحكم فى البرنامج والدرجة. فكرت شوية ولقيت انها مركة برضوا. سبتها وركبتها وبقلها 4 سنين شغال. العيب الوحيد الموجود فيها الان من شهر هو صوتها عن العصر. هى 500 لفة فى الدقيقة. ففى ساعة برنامج العصر للمياة تسمع صوت عالى جدا وهذا الصوت ظهر مرة ولا مرتين، وساعات مش بيظهر. وساعات بيكون فى صوت ماتور والحلة مش تلف زى ما يكون حاجة مكلبشاها ولكن بعد دقيقة تشتغل عادى... يعنى عطل غير دائم... هل حد عارف ممكن العيب من أيه؟؟

عند الوالد زانوسى العبد الإيطالى برضوا ولكن بقلها 8 سنين شغالة فل ومفيش غير مرة واحدة أتغير لها حاجة زى الدينموا كدة وكان رخيص

محمد السيد 78
20-07-2012, 01:38 AM
غالبا العيب اللى عند حضرتك هو بداية العطل اللى حصل عندى وهو تلف رولمان بلى الحلة وده ممكن تكشف عليه عن طريق عمل الاتى تفتح باب الغسالة وتمسك الحلة الداخلية وتحاول تهزها فوق وتحت ومن بره لجوه لو لقيتها مبوشة ابدا فورا بتغيير الرولمان بلى قبل ما يحصل تلفيات تانية لان زى ما قلت فى المشاركة السابقة ممكن الموضوع يتطور وتضطر تغير اكس الحلة اذا كان بيتغير او تغير الحلة الداخلية بالكامل اذا كانت من النوع ذات الاكس الثابت

محمد السيد 78
21-07-2012, 11:40 PM
tham1010
ايه الاخبار جربت اللى قلت لك عليه ولا لسه ؟ يا ريت نكمل الموضوع للاستفادة الكاملة لاعضاء المنتدى

tham1010
22-07-2012, 05:54 PM
tham1010
ايه الاخبار جربت اللى قلت لك عليه ولا لسه ؟ يا ريت نكمل الموضوع للاستفادة الكاملة لاعضاء المنتدى


أنا شفت الحلة بتاع الغسالة. الحلة مش مبوشة بل بالعكس انا حاسس انها تقيلة. انا فاكر لما كنت بحط ايدى والف الحلة عند الوالد كانت بتلف كذا لفة من قوة الدفع ولكن بتعتى بتلف مرة ولا اثنين وتقف. بحس انها زى ما ممسوكة او بتحك فى حاجة. انا هشغلها دلوقتى فاضية بدون ملابس واشوف كدة هل هتشتغل عادى ولا الا. يمكن بحط ملابس كثيرة فالماتور بيريح. هقول لك على النتيجة بعد الفطار

محمد السيد 78
22-07-2012, 06:45 PM
على كلامك كده الشك هيكون ان فى قطعة صغيرة من الغسيل محشورة بين الحلتين ممكن حضرتك تسال الزوجة اذا كان فى مرة بعد الغسيل اختفت احدى القطع على العموم مستنى ردك بعد الفطار" صوما مقبولا وافطارا شهيا"

محمد السيد 78
24-07-2012, 01:14 AM
tham1010
فى انتظار الرد

tham1010
25-07-2012, 01:20 AM
tham1010
فى انتظار الرد


متشكر على صبرك علىّ. انا اليوم سألت الجماعة قالوا مفيش حاجة راحت من الهدوم. كمان أنا مش فاهم أزاى الغسالة تبلع حتى ولو زرار أصل الحلة كلها مصمته مفيش فيها غير ثقوب رفيعة لتسريب الماء ولكن ليس فيها أى فتحات سواء من الجوانب أو الخلف..

أنا اليوم حطيت شوية قمصان وقعدت أمامها ساعة وربع لحد ما خلصت غسل.والملاحظات كالتالى::

1- أثناء عملية الغسل الأولى كل حاجة طبيعية جدا والصوت مقبول جدا.

2- الصوت العالى بيظهر فى شفط الماء من الحلة بتاع الغسالة. طرمبة الطرد صوتها وحش وعالى وهى كدة من يوم ما جاءات عالية بالمقارنة بزانوسى العبد.

3- الصوت العالى بيظهر ايضا فى وقت العصر عندما تسير الحلة بأقصى سرعة. وبيكون صوت العصر زى صوت الشنيور كدة. على فكرة الصوت العالى دة من يوم ما جبتها.


أنا صورت كليب صغير للغسالة وهى بتعصر هبقى ارفعة واحط لنك..

اليوم كان فى صنايعى عندى بيصلح البوتاجاز. ولما قلت له على الغسالة وأخد رأية قال لى ان له تجربة سيئة مع العبد لانه اشترى منه غسالة وايت بوينت وبعد 3 سنين الغسالة جابت رمان بلى ولكنها كنت خرجت من الضمان وقعد يشتكى ويروح حماية المستهلك والشركة تتفاوض وكان الحل تغير الحلة كلها لان رمان البلى موجود جوه الحلة نفسها. والحلة كانت 1500 جنية وعملوا له خصم 200 جنية ولكنه رفض ولما يأس من طول المدة جاب غسالة زانوسى مستعملة ب 700 جنية وشغالة معاه بقلها 2سنين بدون مشاكل رغم انها مستعملة...ونصحنى بالغسالات الأتوماتك زانوسى الإيطالى 5 او6 كيلوا وأبعد عن اللى فيها كمييوتر لان البوردة بتاعت الكمبيوتر بتضرب بسرعة

محمد السيد 78
25-07-2012, 04:49 AM
شوف يا سيدى الغسالة ممكن اى قطع صغيرة من الغسيل زى الشرابات او فوط صغيرة ممكن تعدى بين الحلة الداخلية وكاوتش الباب الى الحلة الخارجية (يعنى بتكون بين الحلتين) وعلشان كده يفضل اى قطع صغيرة الحجم توضع بداخل كيس قماش شبك (يباع بالمحلات) لمنع حدوث ذلك.
بالنسبة للغسالة وايت بوينت ماسمعتش عنها كلمة كويسة من اى حد
اما ويرلبول فهى ماركة ممتازة
نرجع لمشكلة حضرتك وهى الصوت اثناء صرف الماء ده ممكن يكون سببه وجود رواسب بالفلتر الموجود على طلمبة الطرد والتى من الممكن ان تلامس ريش الطلمبة وتعمل الصوت ده وعلى فكرة اثناء العصر طلمبة الطرد بتفضل شغالة وده دليل ثانى على ان الصوت مصدره الطلمبة. جرب فك الفلتر والغسالة فاضية طبعا وشوفه نضيف ولا فيه رواسب وجرب شغل الغسالة والفلتر مفكوك على برنامج الصرف او العصر (بس من غير ما الغسالة يكون فيها مياه او غسيل) وشوف الصوت هيتغير ولا لأ.

tham1010
25-07-2012, 10:56 PM
شوف يا سيدى الغسالة ممكن اى قطع صغيرة من الغسيل زى الشرابات او فوط صغيرة ممكن تعدى بين الحلة الداخلية وكاوتش الباب الى الحلة الخارجية (يعنى بتكون بين الحلتين) وعلشان كده يفضل اى قطع صغيرة الحجم توضع بداخل كيس قماش شبك (يباع بالمحلات) لمنع حدوث ذلك.
بالنسبة للغسالة وايت بوينت ماسمعتش عنها كلمة كويسة من اى حد
اما ويرلبول فهى ماركة ممتازة
نرجع لمشكلة حضرتك وهى الصوت اثناء صرف الماء ده ممكن يكون سببه وجود رواسب بالفلتر الموجود على طلمبة الطرد والتى من الممكن ان تلامس ريش الطلمبة وتعمل الصوت ده وعلى فكرة اثناء العصر طلمبة الطرد بتفضل شغالة وده دليل ثانى على ان الصوت مصدره الطلمبة. جرب فك الفلتر والغسالة فاضية طبعا وشوفه نضيف ولا فيه رواسب وجرب شغل الغسالة والفلتر مفكوك على برنامج الصرف او العصر (بس من غير ما الغسالة يكون فيها مياه او غسيل) وشوف الصوت هيتغير ولا لأ.


أنا متشكر لحضرتك جدا على المساعدة. ممكن حضرتك تقول لى الفلتر دة موجود فين؟ يعنى أقلب الغسالة وأشوف من تحت ولا قصد حضرتك الخرطوم البلاستك اللى داخل فى ماسورة الصرف. معلش محتاج توضيح لمكان الفلتر...

كويس أن فى حد بيشكر فى الويرل بول. هى أيطالى وبرضوا بضمان العبد وجبتها بالغلط وقلت يمكن ربنا هو اللى حطها فى طريقى لانى كنت ناوى اجيب زانوسى العبد زى كل العيلة.

محمد السيد 78
25-07-2012, 11:07 PM
الفلتر ده موجود فى اسفل الواجهة الامامية للغسالة يعنى مش محتاج تقلب الغسالة ولا حاجة وساعات بيكون فى رف تحت باب الغسالة يتم ازالته ثم فك الفلتر .

tham1010
25-07-2012, 11:51 PM
متشكر لسرعة الرد.. حضرتك أنا لقيت على النت غسالة تقريبا زى بتاعتى والصوت بتعها تقريبا نفس الصوت اللى بسمعة من طرمبة الطرد...الظاهر الشركة دى حاجتها صوتها بيكون عالى مش زى الزانوسى.. هشوف الفلتر

http://www.youtube.com/watch?v=i6LeN5qSuO8

محمد السيد 78
27-07-2012, 12:10 AM
اذا كان عندك نفس الصوت اللى فى الفيديو ساعة عصر الغسيل فده احتمال ان مسامير الشحن تكون ماتشالتش كلها من الغسالة
مسامير الشحن دى بتبقى راكبة فى الغسالة وبتبقى مثبتة الحلة وتخليها ماتتحركش اثناء النقل والتحميل لعدم التلف فهل لما حضرتك اشترتها التوكيل هو اللى قام بالتركيب ولا حد تانى؟
وفى احتمال تانى برضه ان يكون فى عيب فى المساعدين

tham1010
27-07-2012, 08:46 PM
اذا كان عندك نفس الصوت اللى فى الفيديو ساعة عصر الغسيل فده احتمال ان مسامير الشحن تكون ماتشالتش كلها من الغسالة
مسامير الشحن دى بتبقى راكبة فى الغسالة وبتبقى مثبتة الحلة وتخليها ماتتحركش اثناء النقل والتحميل لعدم التلف فهل لما حضرتك اشترتها التوكيل هو اللى قام بالتركيب ولا حد تانى؟
وفى احتمال تانى برضه ان يكون فى عيب فى المساعدين


متشكرين يا هندسة على المشاركة والإهتمام. ايوه التوكيل هو اللى ركب وشغل الغسالة فى الأول وطبعا أكيد شال كل المسامير. أنا بقول لحضرتك صوتها كدة من أول يوم وعلشان كدة مش كانت عجبانى. والفديوا اللى حطيته لحضرتك دة بتاع غسالة من نفس الشركة ولكن بتاع شخص اخر فى اوربا باين. ولكن الصوت واحد. الظاهر هو الشركة كدة يعنى الطرمبة والماتور هو صوتهم عالى. والحقيقة الغسالة ثابتة على الارض ومفيش هزة مع السرعة العليا فى العصر...

هو أحسن حاجة الواحد يشيل الموضوع من دماغة لحد ما حاجة تحصل ويتعامل مع الموقف يومها. لان مجرد تعطل مرة واحدة ( كان فى صوت ماتور ولكن الحلة مش كانت بتلف) يمكن كان سببة كثرة الملابس فى هذه المرة ويكون فى برنامج فى الغسالة بيريح الماتور لو كان الحمل شديد عليه او حاجة..

محمد السيد 78
28-07-2012, 04:10 PM
انا عايز حضرتك تتاكد من ان الحلة الخارجية حرة الحركة وده عن طريق انك تسند كف ايدك على الحلة الداخلية وتحاول تضغط عليها لتحت المفروض ان حضرتك هتلاقى انها بتتحرك لتحت وترجع تانى لو ماتحركتش معاك يبقى لسة فى مسامير شحن ماتشالتش

tham1010
29-07-2012, 02:15 PM
انا عايز حضرتك تتاكد من ان الحلة الخارجية حرة الحركة وده عن طريق انك تسند كف ايدك على الحلة الداخلية وتحاول تضغط عليها لتحت المفروض ان حضرتك هتلاقى انها بتتحرك لتحت وترجع تانى لو ماتحركتش معاك يبقى لسة فى مسامير شحن ماتشالتش


الحقيقة الحلة الداخلية مش بتتحرك لا لفوق ولا لتحت. أنا جربت كذا مرة. ماسكة جامد ولكنها بتتحرك للامام والخلف. يعنى بتتهز جامد للامام ناحية الباب وللخلف زى ما يكون على سويته ولكن لا تتحرك نهائيا لاعلى ولاسفل,.

هو المفروض الغسالة يكون فيها كام مسمار تثبيت يتشال

محمد السيد 78
29-07-2012, 10:45 PM
فى الطبيعى 4 او 5 مسامير بيكونو راكبين فى ضهر الغسالة ولكن فى بعض الموديلات بيكون فى مسامير مثبتة الحلة الخارجية من تحت على العموم شوف الفيديو ده وشوف المسامير اللى تحت موجودة عندك ولا لأ
http://www.youtube.com/watch?v=VjaBG8TkseE

محمد السيد 78
03-08-2012, 12:07 AM
tham1010
ايه الاخبار ؟

محمد السيد 78
14-08-2012, 05:55 AM
يا جماعة اللى عنده مشكلة فى الغسالة الاتوماتيك عنده يقول عليها وان شاء الله اقولكم اسباب العيوب و خطوات الاصلاح. احنا داخلين على عيد والغسيل هيكتر وكل سنة وانتو طيبين

tham1010
14-08-2012, 08:24 PM
يا جماعة اللى عنده مشكلة فى الغسالة الاتوماتيك عنده يقول عليها وان شاء الله اقولكم اسباب العيوب و خطوات الاصلاح. احنا داخلين على عيد والغسيل هيكتر وكل سنة وانتو طيبين

أستاذ محمد، ازاى حضرتك. انا أسف على التأخير فى الرد الحقيقة الموضوع راح عن بالى لمدة وكنت مشغول. المهم أنا لقيت كل المسامير مش موجودة وكله تمام. اعتقد انا اللى كنت موسوس شوية.. على العموم أنا جاى فى مشكلة ثانية. غسالة الوالد زانوسى العبد بقلها 7 سنين وكويسة. من كام يوم بيلحظوا نزول مياة اسفل الغسالة بعد الغسيل بمقدر كوباية مثلا بعد نهاية الغسل. فما هو سبب هذا العطل وهل إصلاحة يحتاج لمتخصص أم ينفع ان الواحد يعمل لها الصيانة بنفسها

محمد السيد 78
14-08-2012, 10:12 PM
أستاذ محمد، ازاى حضرتك. انا أسف على التأخير فى الرد الحقيقة الموضوع راح عن بالى لمدة وكنت مشغول. المهم أنا لقيت كل المسامير مش موجودة وكله تمام. اعتقد انا اللى كنت موسوس شوية.. على العموم أنا جاى فى مشكلة ثانية. غسالة الوالد زانوسى العبد بقلها 7 سنين وكويسة. من كام يوم بيلحظوا نزول مياة اسفل الغسالة بعد الغسيل بمقدر كوباية مثلا بعد نهاية الغسل. فما هو سبب هذا العطل وهل إصلاحة يحتاج لمتخصص أم ينفع ان الواحد يعمل لها الصيانة بنفسها

كل سنة وحضرتك طيب استاذ tham1010
بالنسبة لموضوع تسريب المياه ده له احتمالات كتير اوى
1- كاوتشة الباب
2- كاوتشة دخول الماء الى الغسالة
3- الكاوتشة الموصلة الى طلمبة الطرد
4- خرطوم الصرف
5- مانع تسريب المياه المركب مع البلى
وعلشان تحدد العيب فين بالضبط لازم تشغل الغسالة وتتابعها وتحدد بالضبط مكان تسريب المياه تحت الغسالة وتوقيت نزول المياه
بمعنى لو كان التسريب طوال وقت عمل الغسالة والتسريب اسفلها من النص يبقى الاحتمال الاكبر جوان الباب

لو كان التسريب وقت دخول المياه الى الغسالة فقط للغسل او الشطف والتسريب اسفل الغسالة جهة الشمال يبقى الاحتمال الاكبر كاوتشة دخول المياه

لو كان التسريب جهة اليمين اسفل الغسالة يبقى كاوتشة دخول المياه الى طلمبة الطرد

لو كان التسريب اسفل الغسالة من الخلف والمياه بها صدى يبقى العيب بالبلى ومانع التسريب

لو كان التسريب اثناء صرف المياه فقط يبقى العيب بخرطوم الصرف
ياريت حضرتك تجرب زى ماقلت لك وتقوللى توقيت نزول المياه ومكان التسريب عشان اقولك خطوات الاصلاح

ashrafleader2007
01-08-2013, 09:02 PM
السلام عليكم.
غسالتي ذات التعبئة العلوية فوجئت بها اليوم تقوم بتسريب الماء دون الاحتفاظ به فتأخذ الماء من أعلى و تسربه من لي الصرف و لا تمتلئ الحلة. هل من حل لهذه المشكلة؟ و شكراً

msr1192
06-08-2013, 09:35 AM
عندي مشكلة لسة ظاهرة امبارح الغسالة بدات تعمل صوت عند العصر فقط والغسالة لغاية دلوقتى مبقلهاش 5سنين
برجاء الافادة

محمد السيد 78
06-08-2013, 11:37 PM
السلام عليكم.
غسالتي ذات التعبئة العلوية فوجئت بها اليوم تقوم بتسريب الماء دون الاحتفاظ به فتأخذ الماء من أعلى و تسربه من لي الصرف و لا تمتلئ الحلة. هل من حل لهذه المشكلة؟ و شكراً

تاكد من تثبيت خرطوم الصرف على الارتفاع الموصى به بكتالوج الغسالة

محمد السيد 78
06-08-2013, 11:39 PM
عندي مشكلة لسة ظاهرة امبارح الغسالة بدات تعمل صوت عند العصر فقط والغسالة لغاية دلوقتى مبقلهاش 5سنين
برجاء الافادة

احتمال االعيب عندك برولمان بلى الحلة وللتاكد افتح باب الغسالة وقم بتحريك الحلة الداخلية لاعلى ولاسفل لو وجدت بوش بالحلة اذن الرولمان بلى تالف ويلزم تغييره فورا لعدم تلف عمود الحلة

sherif sadeek
07-08-2013, 01:59 AM
السلام عليكم وكل عام وانتم بخير
ارجو الافادة عن غسالات ال جى واعتماديتها والموديل الاحسن فى ال7كيلووتوافرها وهل لها مراكز للصيانه وشكرا

الطيب هلال
12-08-2013, 08:00 PM
أستاذ شكرا على المجهود
أنا عندي مشكلة في الغسالة حيث أنها لما تأخذ الماء تشتغل عادي وتمر بكل مراحل الغسل من 1إلى 4 أي غسل اول ثم غسل ثاني ثم ثالث دون دوران إلا عند عصر الثياب فإنها تدور وشكرا أخي

الطيب هلال
12-08-2013, 08:08 PM
أستاذي للتوضيح الغسالة من نوع أرتير مارتن ARTHUR MARTIN
هي تأخذ الماء في كل مرة وبالقدر المناسب ثم ترميه بعد انتهاء كل مرحلة أي كل شيئ عادي المشكل العويص أنها لاتدور طيلة عملية الغسل إلا في مرحلة العصر

الطيب هلال
12-08-2013, 08:10 PM
أستاذي للتوضيح الغسالة من نوع أرتير مارتن ARTHUR MARTIN
هي تأخذ الماء في كل مرة وبالقدر المناسب ثم ترميه بعد انتهاء كل مرحلة أي كل شيئ عادي المشكل العويص أنها لاتدور طيلة عملية الغسل إلا في مرحلة العصر

مييموو
22-08-2013, 08:53 AM
السلام ع ليكم

يا باشا انا سجلت مخصوص فيه
علشان عندي غساله من نوع دايو

بتسرب الميه اثناء الغسيل من درج الصابون
يعني اثناء الغسيل والشطف
ارجو الافادة

مييموو
22-08-2013, 11:30 AM
ارجو الرد

وشكرا

ميدو267
23-11-2013, 10:24 AM
عندى غساله بوش عطلت امس من يعرف فنى محترم متخصص غسالات بوش يتصل بى على رقم 01222937980 اويعصيه للفنى ولكم جزيل الشكر