المساعد الشخصي الرقمي

مشاهدة النسخة كاملة : أقصى قوة ممكن يوصلها موتور ١٦٠٠ cc بعد التعديل


SAbuhashem
26-05-2009, 01:52 AM
لو أخدنا مثال عربية ١٦٠٠ cc ١٠٥ حصان وصاحبها عاوز يعدلها لأقصى قوة حصانيه ممكنه بدون تأثير على المكونات الداخليه أو تدميرها


الموضوع بيعتمد على الميزانية لكن في الموضوع دة أنا بدي مثال لأقصى قوة ممكنه قد تحصل عليها


هنستخدم تربو كيت ويفضل ال-T25 كتربينة مناسبة لسعة ١٦٠٠ هيكون البوست ٦ PSI أو أقل والخرج الناتج هيكون حوالي ٤٠ ٪ من القوه الحصانيه للموتور الستوك


كدة وصلناه لحوالي ١٤٥ حصان


فلتر هواء رياضي مع الكولد أير كيت ود بتدي حوالي ٤٪ مما سبق وصلنا حوالي ١٥٠ حصان


شكمان كامل من الهيدر للعلبة الخلفية ٢٫٥ بوسة ودة بيطلع ٧٪ تقريباً مما سبق وكده وصلنا الحوالي ١٦٠ حصان


MSD مع بوجيهات رياضية وأسلاك ذات توصيل كهربائي عالي ويفضل منظم بنزين لزيادة كمية البنزين بيزودوا حوالي ٥ ٪ وصلنا حوالي ١٦٥ - ١٧٠ حصان


تعديلات مكانيكية زي فلاي وييل وكرانك بولي خفيفة ومننساش الكلاتش الرياضي ويفضل تريبل بلات


كمبيوتر (ECU)ستاند ألون لظبط نسبة الهواء والبنزين و طبعاً بيزود القوه الحصانيه


تغير الرشاشات إلى ٣٠٠ cc


وصلنا مع التركيب المحترف وظبط التيربو بدقة elaa أكتر من ٢٠٠-٢١٠ حصان


مع تخفيف وزن العربية بأجزاء من الفايبر يبقى معاك سوبر كار بالمقاييس المصرية


المشروع اتنفذ السنة إلي فاتت وفي الدراج تفوقت العربية اللي كانت لانسر ١٠٥ حصان على لانسر Mivec ١٧٥ حصان ستوك .

في مصطلحات معرفتش اكتبها إلا بالفرنك عرب وممكن اشرح معناها عند الطلب


الموضوع إهداء إلى مصر متورز


Thanks
Eng.Sherif Shaker

AbOnOrA
26-05-2009, 02:21 AM
عوداً حميداً يا باشمهندس والف الف شكر على موضوعك وهديتك القيمة ديه ptmnlo123per122

بالنسبة للمصطلحات هى مش صعبة لاى حد مهتم ولو بشكل سطحى بالتعديلات

بس اعتقد مع شرح مبسط ومختصر منك هتبقى اضافة قيمة جداً للموضوع

كمان امكانية تنفيذ روشتة التعديلات ديه على انواع عربيات ايه اعتقد هتبقى معلومة قيمة جداً برضو

كمان حضرتك اديت مثال بمشروع الانسر واعتقد تقصد الكريستالة ايه تانى فى ال 1600 المتوفر عندنا فى مصر ممكن تطبق علية التعديلات ديه ونلاقيله after market performance parts وايه من الحاجات ديه لازم يكون مصمم خصيصاً لنوع العربية وايه ممكن يتجاب حاجة يونفيرسال تركب على اى موتور وايه اشهر العربيات اللى سهل وفعال تركيب التعديلات ديه فيها

طبعاً كلنا عارفين مدى خبرتك واطلاعك فاكيد اضافاتك هتبقى قيمة جداً ومميزة

ISL@M
26-05-2009, 08:41 AM
more than great topic ;)

bas kol el tuning da kalef kam ba2a ?

thanx eng sherif shaker

sam ram
26-05-2009, 09:32 AM
توبيك هااايل ...
بس ممكن معرفه رينج تكلفه كل تعديل ... و ايه التعديلات اللي ممكن تتعمل منفصله .. او لازم تتعمل مع بعضها علشان تدي اعلا كفاءه ممكنه ...
الف شكر مهندس شريف

محمد شهاب
26-05-2009, 01:57 PM
موضوع ظريف جدا
الف شكر ياباشمهندس
ماتحرمناش من الجديد

تحياتى للجميع

SAbuhashem
26-05-2009, 03:36 PM
شرح مبسط ورانج الاسعار

التيربو كيت بيكون سعرها من ٥٠٠٠ ال-٧٠٠٠ على حسب ماركات اجزائها
وبصراحة د مينفعش معاها شرح مبسط لكن هي بتتكون من التربينة مع الواست جات ، بلو أف فالف وإنتر كولر ومواسير التوصيل استانلس كمكونات أساسية .


الفلتر الرياضي مع التيربو يفضل HKS ستايل أو زي ما بيسموها شكل المشروم غير كدة التاني أفضل وهو الشكل المخروطي ولازم معاه الكولد أير كيت وهي ماسوره ستاينلس لتوصيله بالمانيفولد وأنبوبة تانية عازلة علشان تجيب هوا بارد من برة الحوض ودة بحوالي ٢٠٠ جنيه نوع سيموتا و-١٥٠ جنيه للماسورة الستاينلس و-٢٥٠ للبايب الخارجية


الهيدر ويفضل 4 X ١ يعني ٤ مواسير خارجين من الموتور متجمعين مباشرةً في ماسوره واحده على الشكمان ودة بييجي مع التيربو كيت


الشكمان الكامل على حسب النوع في أنواع تايواني صناعتها جيدة بتبدأ من ١٠٠٠ جنيه بدون العلبة الاخيرة ( المفلر )


ال-MSD هو جهاز بيقوي الشرارة الكهربائية إلي داخلة للموتور وسعره حوالي ١٣٠٠ جنيه

منظم البنزين صمام ضغط عليه عداد بيتحكم في كمية البنزين الداخله للموتور سعره حوالي ٢٥٠ جنيه


الفلاي ويل ( الحدافه ) إذا كان دة الاسم الشائع وسعرها في الانسر بيبدأ من حوالي ٢٠٠٠ جنيه على حسب النوع والوزن وبتفرق فرق رهيب



الكلاتش الرياضي ودة بردو مينفعش نمر عليه بسرعة لكن كفاية نعرف إن أشهر الاصناف هو Exeedy ودة في الانسر إسطوانة ودسك بيبدأ من ٣٠٠٠ جنيه وكمان بيفرق عن العادي فرق كبير جداً


ال-ECU أشهر الانواع Appexi و-Greedy E-Manegment سعر الاول حوالي ٢٧٠٠ جنيه والتاني حوالي ٣٠٠٠ جنيه ودة يونيفرسال لأي عربية


أجزاء الكربون اسعارها غالية لكن بيكون لها تأثير واضح في تسارع أي عربية إرتباطاً بمعادلة الوزن للقوة المعروفة

كمثال كبوت الانسر الكربون فايبر ب-٢٥٠٠ جنيه .


كل عربية لها الاجزاء الخاصة بها وأشهر عربية بتتعدل في مصر هي الانسر ونقدر نقول أسهلها يليها الهوندا سيفيك لكن أي عربية ممكن تتعدل ويجيلها حاجتها بس بتاخد وقت


عموماً في مشروع تاني بيتعمل وهيشوف النور عن قريب وهو عربية ١٦٠٠ cc هنوصلها ال-٣٥٠ حصان إن شاء الله وربنا يبارك لصاحبها فيها


Thanks
Eng.Sherif Shaker

ISL@M
26-05-2009, 04:19 PM
shokran ya basha 3al motab3a el sare3a de

fe3lan mawdo3 el as3ar da kan mo7ayer bl nesbaly la2en mafesh 7ad 3aref

we law sa2lt 7ad makansh haygaweb detailed zayak keda

bas da keda da5al fe se3r 3arabya tanya, lol :)

great work ;)

عبدالمجيد احمد
26-05-2009, 05:30 PM
الف شكر يا باشمهندس علي المعلومات القيمه دي وربنا يوفقك وينفعنا بالعلم ده

ehab 49
23-06-2009, 08:04 PM
شكرا علي الموضوع الاكثر من الرائع .
بس لي سوال هل ممكن اعرف اذي اوصل لاقصي قوة ممكنة لموتور شاهين 1300 س س كفاءة 78% موديل 1996
ويارت توضح لي اقصي قوة حصانية هتوصل لية كام. والتكلفة لو ممكنة علشان الواحد يعرف
والشكر الي باشمهندس

SAbuhashem علي الرد مقدمأ................................

mohamed ibiza
23-06-2009, 08:45 PM
يا ريت حضرتك توضح عربيتك كربراتير ولا انجكشن ؟

kingtefa
23-06-2009, 09:03 PM
يا باشمهندس انا معايا شاهين 1400 موديل 2001
و طبعا عشان ازود الحصنة حركب فلتر و بوجيهات و كابلاتها و كرونة اسبور و تربو طبعا و شجرة شكمان كاملة
ليا بقى سوالين اذا تكرمت
فى حاجة تانية ممكن تتركب غير كده مع العلم ان العربية كربراتير و التكلفة حتوصل لكام تقريبا و كنت عاوز اعرف سعر super charger او اى حاجة زيه تطلع شرارات من الشكمان و سعرها و الف شكر

Nour_peugeot
23-06-2009, 09:12 PM
اولا شكرا علي الوضوع الاكثر من رائع و مبروك المشروع و عقبال ما نقول مبروك علي المشروع الجديد

الاسعار معقولة و ان شاء الله ممكن استعين بحضرتك ان شاء الله لما افضي للعربية و ابدا مشروع التعديل

koky_90
24-06-2009, 02:03 AM
عموماً في مشروع تاني بيتعمل وهيشوف النور عن قريب وهو عربية ١٦٠٠ cc هنوصلها ال-٣٥٠ حصان إن شاء الله وربنا يبارك لصاحبها فيها


Thanks
Eng.Sherif Shaker


شكرااا يابشمهندس
الف شكر على الموضوع الرائــــــــــــــع ده

بس هى ايه نوع العربيه ده 350 حصان ptmnlo123per160 وهم يعنى بصراحه ربنا يبارك لصاحبها ptmnlo123per144ptmnlo123per1129
واحنا اكيد اكيد في انتظار التفاصيل والصور على نااااااااااااااااااااار ptmnlo123per143 وهم حاجه صارفت كاااام ؟ptmnlo123per1128

شكرا ليك
مره تانيه ptmnlo123per122

tronky
12-07-2009, 06:38 PM
شكراً يا باشمهندس......موضوع هايل.....ربنا يجعله فى ميزان حسناتك

بس معلش أسمحلى أضيف حاجة بسيطة

قبل أى تعديلات فى الموتور عشان تزود القدرة الحصانية لازم تعرف هتوقف عربيتك أزاى.....الفرامل اللى توقف 105 حصان مش زى اللى توقف 150 حصان يبقى لازم تعدل الفرامل.....و كمان العفشة عشان تعرف تتحكم فى العربية على السرعات
اللى يحضر عفريت.....لازم يعرف يصرفه.....و لا أيه ؟ ptmnlo123per1126
تعديل الفرامل ممكن يكون بسيط زى تغيير الطنابير و التيل بأنواع معروفة بكفائتها العالية زى بريمبو و EBC و طبعاً الطنابير بتاعتهم بتبقى مهواه.....زى دى
http://i32.tinypic.com/v5ebo9.jpg
و لو الطنابير الخلفية drums أو حلل زى ما الميكانيكية بتقول يبقى يستحسن نغيرها ب طنابير سكينة زى اللى فى الصورة.

و تعديل الفرامل بيشمل حاجات تانية لو الواحد عاوز يوصل لقوة فرملة عالية.....يعنى ممكن تغيير الماستر العمومى بواحد أكبر _ تغيير مساتر العجل بنوع أكبر و كذلك تغيير خراطيم الباكم بأنواع أستانلس و أكبر فى الحجم.

تعديل العفشة بيشمل مبدأياً تغيير السوست و المساعدين بأخرين رياضيين و من أشهر الأنواع فى المجال ده كونى و أبيكس و h&r و عادة السوست الرياضية بتوطى العربية من 3 الى 4 سم و المساعدين بتبقى ناشفة مش زى المساعدين العادية.
ممكن مع تغيير السوست و المساعدين تغيير الجنوط و الكاوتش بطقم أخر أكبر و أعرض مما يساعد على أعطاء المزيد من الثبات.

Nour Elmansy
20-09-2009, 03:09 AM
كيف يمكن تطبيق تعديلات علي الفيرنا 2009 ؟ في حدود 15 الف جنيه لـ :

1 - زيادة القدرة الحصانية
2 - زيادة قوة و ضبط الفرامل
3 - اتزان و ثبات السيارة علي الطريق


( ياريت كل بند مع الاسعار )

horas3000
20-09-2009, 05:57 AM
الف شكر يا باشمهندس علي الموضوع الرائع ده و في انتظار تفصيل اكتر عن المشروع الجديد و يا ريت شوية صور للانسر المعدلة مع ابراز اكبر قدر من التعديلات في الصور و شكرا

cobra
22-09-2009, 07:05 AM
موضوع اكثر من رائع و فى انتظار اخبار التعديل الذى حدثتنا عنه للوصول الى 350 حصان

m_o_sakr
06-10-2009, 03:07 PM
Wlahi Alah ynwr bgd, klam gmil w 3rd aktr mn gmil ll edafat wl as3ar, mia mia wlahi

MO
25-10-2009, 08:13 PM
موضوع رائع رائع رائع
تسلم ايدك يا باش مهندس

Brave Heart
31-10-2009, 04:44 PM
كيف يمكن تطبيق تعديلات علي الفيرنا 2009 ؟ في حدود 15 الف جنيه لـ :

1 - زيادة القدرة الحصانية
2 - زيادة قوة و ضبط الفرامل
3 - اتزان و ثبات السيارة علي الطريق


( ياريت كل بند مع الاسعار )



ياريت حد يرد على الاسئله دى علشان انا كمان معايا فيرنا 2009 وعاوز اظبط فيها الحاجات اللى استاذ نور بيقول عليها دى
بس اهم حاجه الفرامل

mohamed ibiza
31-10-2009, 05:05 PM
1-تربو كيت+msd+فلتر سبورk&n+ديفل كامل+سبليت فاير بوجيهات+سلوك

2-استبدال الطنابير بأكبر و التيل يستبدل بنوع افضل و يفضل يكون تيلebc

3-طقم سوست سبور و مساعدين سبور يستحسن يبقوا koni و طقم جنوط 15 و كاوتش 195/50

خالدخليفة
08-12-2009, 12:21 AM
مع احترامنا لكل اللى اتكلمو بما فيهم اخونا صاحب المشروع نفسه لكن انا ببقى عارف ان تصميم العربية وحجمها مرتبط بقدرة الموتور يعنى موتور قوى يبقى عربية طويلة وعريضة طبعا الكلام ده بعيد عن التهريج الصينى والكورى ولذلك كلما كبرت قدرت الموتور زاد طول العربية وعرضها ولذلك فى اليابنى والاوروبى والامريكى تلاقى موتور قدرته عاليه فيكبر حجم العربية طيب احنا هنا هنكبر قدرة الموتور وهنعا لج الفرامل طيب وجسم العربيه للى هيجرى بالكلام ده كله سبناه زى مهو يبقى هرجنا تهريج الكوري والصينى ياسادة احنا عندنا فى السوق عربيات موتورها قدرته كبيرة لاتناسب حجم العربية واكبر مثال على كده الفيرنا ونظرا لانى بسافر كل يوم شفت بلاوى كتيـــــــــــرة للفيرنا بالذات موتورها 1500 او 1600 وجسمها غير متناسب خالص لانها صغيرة وطبعا الموتور العالى القدرة يغرى على الجرى ويكون الناتج اختلال عجلة القيادة لان جسم العربية هندسيا مش مناسب لقدرة الموتور وطبعا تنقلب وربنا يستر عليا وعليكو ولو بصيت فى الكتالوج يقوللك السرعة القصوى كذا والمفروض نلتزم بيها لكن اكلف عربيه 19000 على الاقل بدون سبب وجيه ده شىء صعب جدا ياريت حد يشرح لى لو قدرة الموتور عليت ده هيفيد فى ايه ثم هنعالج نظرية جسم العربية ازاى وانا شفت بعينى كذا عربية بتتقلب لاختلال عجلة القيادة بسبب السرعة وسبحان الله كلهم فيرنا وربنا يستر علينا وعليكو ونرجو من اصحاب الفيرنا عدم زيادة سرعتها عن 120 ويبقى كتيرعليها والله

SAbuhashem
14-12-2009, 06:14 PM
مع احترامنا لكل اللى اتكلمو بما فيهم اخونا صاحب المشروع نفسه لكن انا ببقى عارف ان تصميم العربية وحجمها مرتبط بقدرة الموتور يعنى موتور قوى يبقى عربية طويلة وعريضة طبعا الكلام ده بعيد عن التهريج الصينى والكورى ولذلك كلما كبرت قدرت الموتور زاد طول العربية وعرضها ولذلك فى اليابنى والاوروبى والامريكى تلاقى موتور قدرته عاليه فيكبر حجم العربية طيب احنا هنا هنكبر قدرة الموتور وهنعا لج الفرامل طيب وجسم العربيه للى هيجرى بالكلام ده كله سبناه زى مهو يبقى هرجنا تهريج الكوري والصينى ياسادة احنا عندنا فى السوق عربيات موتورها قدرته كبيرة لاتناسب حجم العربية واكبر مثال على كده الفيرنا ونظرا لانى بسافر كل يوم شفت بلاوى كتيـــــــــــرة للفيرنا بالذات موتورها 1500 او 1600 وجسمها غير متناسب خالص لانها صغيرة وطبعا الموتور العالى القدرة يغرى على الجرى ويكون الناتج اختلال عجلة القيادة لان جسم العربية هندسيا مش مناسب لقدرة الموتور وطبعا تنقلب وربنا يستر عليا وعليكو ولو بصيت فى الكتالوج يقوللك السرعة القصوى كذا والمفروض نلتزم بيها لكن اكلف عربيه 19000 على الاقل بدون سبب وجيه ده شىء صعب جدا ياريت حد يشرح لى لو قدرة الموتور عليت ده هيفيد فى ايه ثم هنعالج نظرية جسم العربية ازاى وانا شفت بعينى كذا عربية بتتقلب لاختلال عجلة القيادة بسبب السرعة وسبحان الله كلهم فيرنا وربنا يستر علينا وعليكو ونرجو من اصحاب الفيرنا عدم زيادة سرعتها عن 120 ويبقى كتيرعليها والله

معلش كلام حضرتك مش مقنع نهائي . تابع اليو تيوب وشوف احجام العربيات الصغيرة اللي قدرتها أعلى من 500 حصان واستعمال يومي مش للسباق وبس يا ريت تقنعني بكلام علمي وأرقام

AHMEDCAR
14-12-2009, 06:16 PM
هو غالبا الاستاذ خالد خليفه داخل علشان يتريق على الفيرنا فقط لا غير و جابها فى الموضوع ده من سبيل المثل

SAbuhashem
14-12-2009, 06:18 PM
كيف يمكن تطبيق تعديلات علي الفيرنا 2009 ؟ في حدود 15 الف جنيه لـ :

1 - زيادة القدرة الحصانية
2 - زيادة قوة و ضبط الفرامل
3 - اتزان و ثبات السيارة علي الطريق


( ياريت كل بند مع الاسعار )

1 - راجع التعديلات اللي أنا كاتبها واختار منها اللي يناسبك لكن كبداية اهتم بمدخل الهوا ومخارجه من الموتور
2 هات تيل رياضي لو هتعديل حوالي 20 أو 30 حصان زيادة لو ناوي على أعلى من كده هتضطر تجيب فرامل رياضية وفي الغالب هتضطر تغير الجنط إلى مقاس 16''

هتجيب سوست رياضية ومش هتحتاج مساعدين إلا لو ناوي على تعديل تقيل

شداد على الموتور وشداد في الشنطة وشداد القنطرة هتحس بثبات رائع

juba
16-01-2010, 10:42 PM
thankssssssssssssssssss

bingo
30-01-2010, 07:08 PM
THx Ya Man

medo akef
26-03-2010, 04:19 PM
طب حبي انا 1.3 اوتو 2009 يمفع ارمي فيها نفس التربو ولا هجيب تربو اقل قوه؟
و باقي الاجزاء نفسها هحطه في العربيه؟
و و هو الموضوع كله هيتكلف اد ايه كدا يا مان؟
الف شكر علي الموضوع المفيد الحقيقه

mohamed ibiza
26-03-2010, 04:36 PM
طب حبي انا 1.3 اوتو 2009 يمفع ارمي فيها نفس التربو ولا هجيب تربو اقل قوه؟
و باقي الاجزاء نفسها هحطه في العربيه؟
و و هو الموضوع كله هيتكلف اد ايه كدا يا مان؟
الف شكر علي الموضوع المفيد الحقيقه



ممكن تركب عندك تربو garrett فرده من الفردتين بتوع النيسان r32 هيركب عندك و هيخلي العربية معفرته بس لازم حد فاهم يظبط و يركب صح و الا عليه العوض في المكنة :HAPPY_~211:

خالدخليفة
27-03-2010, 05:46 AM
معلش كلام حضرتك مش مقنع نهائي . تابع اليو تيوب وشوف احجام العربيات الصغيرة اللي قدرتها أعلى من 500 حصان واستعمال يومي مش للسباق وبس يا ريت تقنعني بكلام علمي وأرقام

هو غالبا الاستاذ خالد خليفه داخل علشان يتريق على الفيرنا فقط لا غير و جابها فى الموضوع ده من سبيل المثل
والله يااخى اقسم بالله هذا غير صحيح ظلمتونى انتم ال 2 وانا هتريق ليه ده واقع مشاهداتى العملية من كتر السفر والترحال لطبيعة عملى فانا بسافر مايقرب من 5000 كيلو شهريا ولفيت مصر كلها و دى ملاحظاتى ولما سالت ناس متخصصة فقالو الكلام بتاع جسم العربية ده اما حتة مش مقتنع فده حقك و اما انا بتريق فدى مظلمة وعيب فى حقى وغالبا هاخده يوم القيامة

corsair
27-03-2010, 08:48 AM
والله يااخى اقسم بالله هذا غير صحيح ظلمتونى انتم ال 2 وانا هتريق ليه ده واقع مشاهداتى العملية من كتر السفر والترحال لطبيعة عملى فانا بسافر مايقرب من 5000 كيلو شهريا ولفيت مصر كلها و دى ملاحظاتى ولما سالت ناس متخصصة فقالو الكلام بتاع جسم العربية ده اما حتة مش مقتنع فده حقك و اما انا بتريق فدى مظلمة وعيب فى حقى وغالبا هاخده يوم القيامة


متزعلش نفسك يا عم خالد انتا كلامك بالنسبالي 100% انا معايا الفيرنا وناس كتير فعلا جوه التوكيل نفسه قالولي نفس الكلام اللي انتا بتقوله ده العربية فعلا متقدرش تستحمل اكتر من ال 1600 اللي موجود فيها ده

خالدخليفة
05-04-2010, 03:00 AM
متزعلش نفسك يا عم خالد انتا كلامك بالنسبالي 100% انا معايا الفيرنا وناس كتير فعلا جوه التوكيل نفسه قالولي نفس الكلام اللي انتا بتقوله ده العربية فعلا متقدرش تستحمل اكتر من ال 1600 اللي موجود فيها ده
وال 1600 اللى فيها كتير عليها بس سيبك انت
يسلم بؤك ياعم كروزير ياناصفنى ptmnlo123per122 انا مش غايظنى فيك غير وديع وصاحبه اللى انت جايبهوملى دول ptmnlo123per111

AHMEDCAR
05-04-2010, 11:48 PM
لسه زعلان يا استاذ خالد حتى بعد قعده القهوه :)

medo akef
08-04-2010, 06:35 PM
مع احترامنا لكل اللى اتكلمو بما فيهم اخونا صاحب المشروع نفسه لكن انا ببقى عارف ان تصميم العربية وحجمها مرتبط بقدرة الموتور يعنى موتور قوى يبقى عربية طويلة وعريضة طبعا الكلام ده بعيد عن التهريج الصينى والكورى ولذلك كلما كبرت قدرت الموتور زاد طول العربية وعرضها ولذلك فى اليابنى والاوروبى والامريكى تلاقى موتور قدرته عاليه فيكبر حجم العربية طيب احنا هنا هنكبر قدرة الموتور وهنعا لج الفرامل طيب وجسم العربيه للى هيجرى بالكلام ده كله سبناه زى مهو يبقى هرجنا تهريج الكوري والصينى ياسادة احنا عندنا فى السوق عربيات موتورها قدرته كبيرة لاتناسب حجم العربية واكبر مثال على كده الفيرنا ونظرا لانى بسافر كل يوم شفت بلاوى كتيـــــــــــرة للفيرنا بالذات موتورها 1500 او 1600 وجسمها غير متناسب خالص لانها صغيرة وطبعا الموتور العالى القدرة يغرى على الجرى ويكون الناتج اختلال عجلة القيادة لان جسم العربية هندسيا مش مناسب لقدرة الموتور وطبعا تنقلب وربنا يستر عليا وعليكو ولو بصيت فى الكتالوج يقوللك السرعة القصوى كذا والمفروض نلتزم بيها لكن اكلف عربيه 19000 على الاقل بدون سبب وجيه ده شىء صعب جدا ياريت حد يشرح لى لو قدرة الموتور عليت ده هيفيد فى ايه ثم هنعالج نظرية جسم العربية ازاى وانا شفت بعينى كذا عربية بتتقلب لاختلال عجلة القيادة بسبب السرعة وسبحان الله كلهم فيرنا وربنا يستر علينا وعليكو ونرجو من اصحاب الفيرنا عدم زيادة سرعتها عن 120 ويبقى كتيرعليها والله
انا معاك يا مان كلام تمام 100% مفهوش غلطه الحقيقه و معلشي يا ملاك الكوري هي دي الحقيقه
اما ملاك الصيني نو كومنت ميدوروش علي حاجه و ميخفوش لان محركتها مش بتجري اصلا
اليباني مناس و مظروط يا مان اغلب الاوقات و اعتبرها الوسط بين الامريكي و الالماني اما المريكي بيرمو اجسام كبيره اوي و ده طبعا بيعلي الثبات و الفرامل بس بيعجز المحرك شويه و صوته مش بيطلع زي المحركات الكوري مع انه افضل منهم اصلا و الالماني هو افضل فئه حجم وزن محرك نظام تعليق مفهمشي غلطه و الايطالي و رمزه فيات مركه العجائب في رايي حجم صغير و وزن ثقيل و محرك جبار و ثبات عالي و باقي الصناعات الاوروبيه جميعها رائعه ولكن دول ابرز الصناعات

qaMpa
15-05-2010, 03:27 PM
http://www8.0zz0.com/2010/04/24/12/130191065.gif (http://www.0zz0.com)
________________________________________

http://www9.0zz0.com/2010/05/06/14/844862699.jpg (http://www.0zz0.com)
الكبير دايماً كبير
________________________________________

mohamed ibiza
15-05-2010, 04:37 PM
متزعلش نفسك يا عم خالد انتا كلامك بالنسبالي 100% انا معايا الفيرنا وناس كتير فعلا جوه التوكيل نفسه قالولي نفس الكلام اللي انتا بتقوله ده العربية فعلا متقدرش تستحمل اكتر من ال 1600 اللي موجود فيها ده

طب ايه يا رأيك في فيرنا 2.0 سي سي الموتور ده ستوك 140 حصان و راكب عليه تربو و العربية دي في مصر و هتظهر قريب و كانت مشيت فعلا بالتربو و فرمت bmw M3 بس بيتعمل فيها شوية تعديلات دلوقتي .. ايه رأيك:HAPPY_~211:

mansho
21-05-2010, 09:30 PM
شكرا يا باشمهندس على المعلومات الجميله ptmnlo123per171دى

BoPPoS
31-05-2010, 10:03 PM
جااااااااااااااااااااااااااامد

lido123
01-06-2010, 12:03 PM
تســــلم إيـــــــــــــــدك ............. موضــــــــــــــوع جامــــــــــــــــــــد:HAPPY_~211::HAPPY_~211:

medo akef
03-06-2010, 07:18 AM
طب ايه يا رأيك في فيرنا 2.0 سي سي الموتور ده ستوك 140 حصان و راكب عليه تربو و العربية دي في مصر و هتظهر قريب و كانت مشيت فعلا بالتربو و فرمت bmw M3 بس بيتعمل فيها شوية تعديلات دلوقتي .. ايه رأيك:HAPPY_~211:
طب ايه رائيك في فيات 128 مسقطه موتور 2.0 و حطه عفشه جولف 4 كامله و مش فاكر جنط 16 ولا 17:HAPPY_~211:
و ايه رئيك في فرنا استوك بكسب اوتفيا a5 استوك بردو و ده طبيعي جدا
لكن تبقي الهيونداي هيونداي و تبقي bmw bmw ولا انت رأيك ايه؟ptmnlo123per154

خالدخليفة
04-06-2010, 08:49 PM
لسه زعلان يا استاذ خالد حتى بعد قعده القهوه :)
ياعم انا بنسى بسرعة وبعدين هيا فين قعدة القهوة والله الواحد نفسه يقعد قعده زيها تانى

خالدخليفة
04-06-2010, 09:04 PM
طب ايه رائيك في فيات 128 مسقطه موتور 2.0 و حطه عفشه جولف 4 كامله و مش فاكر جنط 16 ولا 17:HAPPY_~211:
و ايه رئيك في فرنا استوك بكسب اوتفيا a5 استوك بردو و ده طبيعي جدا
لكن تبقي الهيونداي هيونداي و تبقي bmw bmw ولا انت رأيك ايه؟ptmnlo123per154


مهو ممكن نعمل كل حاجة المهم الطريق اخباره ايه يعنى ممكن تركب موتور 10000 حصان على 128 طب وبعدين ؟؟؟
مستغنى عن عمرك ؟ طب واللى حواليك فى الطريق ذنبهم ايه؟؟؟
اى عربية موتور كبير يبقى لازم عفشة متينة وكاوتش عريض وجسم طويل وعريض
وده على حد خبراتى الضيقة
مهو مينفعش ابنى عمارة 15 دور والاساسات تتحمل 5 بس

خالدخليفة
04-06-2010, 09:21 PM
طب ايه رائيك في فيات 128 مسقطه موتور 2.0 و حطه عفشه جولف 4 كامله و مش فاكر جنط 16 ولا 17:HAPPY_~211:
و ايه رئيك في فرنا استوك بكسب اوتفيا a5 استوك بردو و ده طبيعي جدا
لكن تبقي الهيونداي هيونداي و تبقي bmw bmw ولا انت رأيك ايه؟ptmnlo123per154


مهو ممكن نعمل كل حاجة المهم الطريق اخباره ايه يعنى ممكن تركب موتور 10000 حصان على 128 طب وبعدين ؟؟؟
مستغنى عن عمرك ؟ طب واللى حواليك فى الطريق ذنبهم ايه؟؟؟
اى عربية موتور كبير يبقى لازم عفشة متينة وكاوتش عريض وجسم طويل وعريض
وده على حد خبراتى الضيقة
مهو مينفعش ابنى عمارة 15 دور والاساسات تتحمل 5 بس

خالدخليفة
04-06-2010, 09:33 PM
طب ايه رائيك في فيات 128 مسقطه موتور 2.0 و حطه عفشه جولف 4 كامله و مش فاكر جنط 16 ولا 17:HAPPY_~211:
و ايه رئيك في فرنا استوك بكسب اوتفيا a5 استوك بردو و ده طبيعي جدا
لكن تبقي الهيونداي هيونداي و تبقي bmw bmw ولا انت رأيك ايه؟ptmnlo123per154


مهو ممكن نعمل كل حاجة المهم الطريق اخباره ايه يعنى ممكن تركب موتور 10000 حصان على 128 طب وبعدين ؟؟؟
مستغنى عن عمرك ؟ طب واللى حواليك فى الطريق ذنبهم ايه؟؟؟
اى عربية موتور كبير يبقى لازم عفشة متينة وكاوتش عريض وجسم طويل وعريض
وده على حد خبراتى الضيقة
مهو مينفعش ابنى عمارة 15 دور والاساسات تتحمل 5 بس

خالدخليفة
04-06-2010, 09:47 PM
طب ايه رائيك في فيات 128 مسقطه موتور 2.0 و حطه عفشه جولف 4 كامله و مش فاكر جنط 16 ولا 17:HAPPY_~211:
و ايه رئيك في فرنا استوك بكسب اوتفيا a5 استوك بردو و ده طبيعي جدا
لكن تبقي الهيونداي هيونداي و تبقي bmw bmw ولا انت رأيك ايه؟ptmnlo123per154


مهو ممكن نعمل كل حاجة المهم الطريق اخباره ايه يعنى ممكن تركب موتور 10000 حصان على 128 طب وبعدين ؟؟؟
مستغنى عن عمرك ؟ طب واللى حواليك فى الطريق ذنبهم ايه؟؟؟
اى عربية موتور كبير يبقى لازم عفشة متينة وكاوتش عريض وجسم طويل وعريض
وده على حد خبراتى الضيقة
مهو مينفعش ابنى عمارة 15 دور والاساسات تتحمل 5 بس

medo akef
04-06-2010, 10:44 PM
مهو ممكن نعمل كل حاجة المهم الطريق اخباره ايه يعنى ممكن تركب موتور 10000 حصان على 128 طب وبعدين ؟؟؟
مستغنى عن عمرك ؟ طب واللى حواليك فى الطريق ذنبهم ايه؟؟؟
اى عربية موتور كبير يبقى لازم عفشة متينة وكاوتش عريض وجسم طويل وعريض
وده على حد خبراتى الضيقة
مهو مينفعش ابنى عمارة 15 دور والاساسات تتحمل 5 بس
حضرتك انت مش ملاحظ انا عامل اقتباس لرد و قلت الكلام ده بقول بس ان ال128 لو عوزها تبقا طلقه هتبقا صاروخ لكن هتفضل 128 انا برد بس علي ان فرنا كسبت بي ام مع احترامي لملاك هيونداي هتفضل هونداي هيونداي و بي ام بي ام:HAPPY_~211:
و علي فكره مش بعرض العربيه بس يا مان احنا قلنا عفشه جولف4 يعني ثبات خرافي المشكله الوحيده في قاعده العجل لانها صغيره اوي في ال128 بس اكيد شافو ليها حل و لو كانت بالجسم كان زمان المني كوبر عربيه حقيره!
الي بيلعب صح بيقول عربيه رياضيه فرامل ثبات موتور
و لك ان تتخيل هندا سفك بمحرك سوبرا تولد 1600 حصان و عيش يا مانptmnlo123per154
لكن دي عربيت ريسنج دراج مش بيستخدمو قوتها في المشي العادي عشان كدا تلاقي اقوي العربيات المعدله و القويه بيكون ماشي عادي و اقل من العادي وسط الناس لانه عارف خطوره العربيه بتعته و عارف هي تقدر تعمل ايه لكن الي بيجري عادي علطول و عاوز يسخن اي حد عشان يجري معاه لانه عارف انه مش محاجه و عاوز يعمل نفسه حاجه
فمتخفشي ال128 بتمشي تنكه اوي وسط الناس و لعبها علي الطرق الفضيه الكبيره بس لان في الزحام يتساوي وال1 حصان بال1000 حصان و السواق هو الحكم

mansho
08-06-2010, 01:05 PM
لو انا عملة الموضوع ده تكلفته اد ايه

smasherone
29-06-2010, 11:04 AM
والله يااخى اقسم بالله هذا غير صحيح ظلمتونى انتم ال 2 وانا هتريق ليه ده واقع مشاهداتى العملية من كتر السفر والترحال لطبيعة عملى فانا بسافر مايقرب من 5000 كيلو شهريا ولفيت مصر كلها و دى ملاحظاتى ولما سالت ناس متخصصة فقالو الكلام بتاع جسم العربية ده اما حتة مش مقتنع فده حقك و اما انا بتريق فدى مظلمة وعيب فى حقى وغالبا هاخده يوم القيامة

معلومه صغيره يا أستاذ خالدعن حجم و طول السياره

اللوتس اليس وزنها لا يتعدى ال 900 كجم يعني و زن سياره متيز و مع ذلك هي سياره صغيره سرعتها تتعدى 240 كم/س و هي ثابته تماما و اداءها لا غبار عليه

حاجه ثانيه السياره الكابريس كلاسيك طويله عريضه ة تقيله ةلكنها لا تتفوق بأي شكل من الاشكال على سياره الفورملا ون المصنعه بالكامل من الفيبر جلاس

الثقافه المصريه عن ثقل السياره وعلاقته بالثبات خاطئه
لأن الثبات له علاقه باحتكاك الاطارات على الارض ومدى تماسكها و تعليق السياره في المقام الاول و الذي يمتص قوه الطرد المركزي في المنحنيات الصعبه و الجدير بالذكر ان حجم و ووزن السياره يؤثر بالسلب على ثبات السياره في المنحنيات لأن الوزن يتناسب ترضيا مع قوه الطرد المركزي بمعنى كلما زاد الوزن اثر سلبا على الاداء الرياضي لذلكيوجد تعديل شهير جدا ذكره البشمهندس مشكورا وهو weight reductionأو تقليل وزن السياره مع وجود تعليق جيد و airo Dynamicسليم للسياره ساعتها مش تكون 350 حصان انشاالله تكون 1350 و مثال السياره m3 بي ام دبليو يوجد منها من اول 1600 سي سي على نفس البودي حتى 4000 سي سي و أكثر

smasherone
29-06-2010, 11:29 AM
انا معاك يا مان كلام تمام 100% مفهوش غلطه الحقيقه و معلشي يا ملاك الكوري هي دي الحقيقه

اما ملاك الصيني نو كومنت ميدوروش علي حاجه و ميخفوش لان محركتها مش بتجري اصلا
اليباني مناس و مظروط يا مان اغلب الاوقات و اعتبرها الوسط بين الامريكي و الالماني اما المريكي بيرمو اجسام كبيره اوي و ده طبعا بيعلي الثبات و الفرامل بس بيعجز المحرك شويه و صوته مش بيطلع زي المحركات الكوري مع انه افضل منهم اصلا و الالماني هو افضل فئه حجم وزن محرك نظام تعليق مفهمشي غلطه و الايطالي و رمزه فيات مركه العجائب في رايي حجم صغير و وزن ثقيل و محرك جبار و ثبات عالي و باقي الصناعات الاوروبيه جميعها رائعه ولكن دول ابرز الصناعات


الامريكي مبقاش كبيروانظر للنيون اللى اصغر من النوبيرا و مع ذلك 2000 سي سي و الفيات عربيات ممتازه ولكن ليست ثقيله البونتو وزنها اقل من 1000 كيلو جرام و ثابته بالنسبه للفئه بتاعتها وأرجوقراءه ردي على أستاذ خالد
تاني حاجه المعلومات واضح انها قديمه الخريطه العالميه تغيرت و في يوم من الايام الياباني كان بيتقال عليه زي الكوري و اكثر الان شركه هيونداي الثالث على العالم بالاضافه لانه لا يمكن مقارنه سياره وقف انتاجها خارج مصر مثل الفيرنا بالسيارات الحديثه هيونداي و ده مثل ليس أكثرلدبه السياره جينيسيس التي تتفوق على سيارات الفئه الخامسه و الايكلاس في المرسيديس من حيث الثبات و قوه الاداء و حتى الفخامه بلاش نعمل زي الكفار زمان لما قالوا هذا ما وجدنا عليه اباءنا انا بهزر عشان محدش يزعل مني

لكن بجد يا جماعه طبعا كامل احترامي لزوي الخبره في تصنيع السيارات لكن النهارده مينفعش تقول ده كوري زي زمان النهارده المونديو كان فيه مشاكل الالنترامبتعطلش!!!فاهمني انا بس كل اللي ارجوه انكوا تتطلعوات على السوق العالميه و ما حدث من تطور

اللى عايزاقوله على الصيني مع تحفظي عليه احنا صنعنا عربيات من قبليهم زي الرمسيس ولكن هما عمرهم كله في صناعه السيارت قصيرمثلا شيري بقالها 10 سنين من 2000 شوفوا فرق التطور ون كانت لا تخلوا من العيوب و تخيلوا ان التطورده حصل في 10 سنين بس!! تخيلوا كمان 10 سنين زيهم و حتفهموا قصدي متقارنش طفل زكي جدا عنده 10 سنين بمسن عادي جدا بس عند100 سنه

خالدخليفة
30-06-2010, 05:33 AM
معلومه صغيره يا أستاذ خالدعن حجم و طول السياره

اللوتس اليس وزنها لا يتعدى ال 900 كجم يعني و زن سياره متيز و مع ذلك هي سياره صغيره سرعتها تتعدى 240 كم/س و هي ثابته تماما و اداءها لا غبار عليه

حاجه ثانيه السياره الكابريس كلاسيك طويله عريضه ة تقيله ةلكنها لا تتفوق بأي شكل من الاشكال على سياره الفورملا ون المصنعه بالكامل من الفيبر جلاس

الثقافه المصريه عن ثقل السياره وعلاقته بالثبات خاطئه
لأن الثبات له علاقه باحتكاك الاطارات على الارض ومدى تماسكها و تعليق السياره في المقام الاول و الذي يمتص قوه الطرد المركزي في المنحنيات الصعبه و الجدير بالذكر ان حجم و ووزن السياره يؤثر بالسلب على ثبات السياره في المنحنيات لأن الوزن يتناسب ترضيا مع قوه الطرد المركزي بمعنى كلما زاد الوزن اثر سلبا على الاداء الرياضي لذلكيوجد تعديل شهير جدا ذكره البشمهندس مشكورا وهو weight reductionأو تقليل وزن السياره مع وجود تعليق جيد و airo Dynamicسليم للسياره ساعتها مش تكون 350 حصان انشاالله تكون 1350 و مثال السياره m3 بي ام دبليو يوجد منها من اول 1600 سي سي على نفس البودي حتى 4000 سي سي و أكثر
اولا اشكر ليك تصحيحك للمعلومة ليا
ثانيا انا قلت ان دى ملاحظاتى ولما سالت من اظن انهم اهل الخبرة فقالو كده

smasherone
30-06-2010, 12:08 PM
اولا اشكر ليك تصحيحك للمعلومة ليا
ثانيا انا قلت ان دى ملاحظاتى ولما سالت من اظن انهم اهل الخبرة فقالو كده
لا شكر على واجب يا خالد وكلنا هنا بنستفيد من بعض على رغم خبرتي و حبي للسيارات الا انني أكتسبت خبرات من كثير من الاعضاء حتى و ان كانوا أقل خبره و الغرض هنا الاستفاده للجميع و ليس فرد العضلات على الاطلاق و انا سعيد اني عرفت أقدم معلومه اتمني انها تكون مفيده ليك و للاعضاء المحترمين

و شكرا يا خالد على حسن ردك

خالدخليفة
01-07-2010, 03:32 AM
لا شكر على واجب يا خالد وكلنا هنا بنستفيد من بعض على رغم خبرتي و حبي للسيارات الا انني أكتسبت خبرات من كثير من الاعضاء حتى و ان كانوا أقل خبره و الغرض هنا الاستفاده للجميع و ليس فرد العضلات على الاطلاق و انا سعيد اني عرفت أقدم معلومه اتمني انها تكون مفيده ليك و للاعضاء المحترمين

و شكرا يا خالد على حسن ردك
ربنا يبارك فيك وانت راجل محترم و ذوق

Sky_Bird
19-07-2010, 06:47 AM
شكرا علي الموضوع الاكثر من رائع

Mshawky
19-09-2010, 09:43 PM
طب انا عايز ازبط السيراتو 2010 بتاعتى لكن مش عايز تكلفه كتير لانى لسه ملسوع فى سعرها طبعا وهى ادائها حلو بالاخص بعد مافتحت الموتور وهى بتحسب جامد فحت بس عايز ازود الهورس باور مش مجرد سحب كويس وبس عايز تشد جامد لانى متعود على العربيات 2000 سى سى فهل اقدر اعمل حاجه كده ؟

انا كنت بعت لمهندس فى سيموتا مصر وقالى ان الكيت الانتاك كلها ب 650 جنيه وهتزودك 5 حصان بس بس لقتهم قليلن مش هيدو فرق ملحوظ ولا ايه رايك ؟

fathiesam
29-09-2010, 02:54 PM
شرح مبسط ورانج الاسعار

التيربو كيت بيكون سعرها من ٥٠٠٠ ال-٧٠٠٠ على حسب ماركات اجزائها
وبصراحة د مينفعش معاها شرح مبسط لكن هي بتتكون من التربينة مع الواست جات ، بلو أف فالف وإنتر كولر ومواسير التوصيل استانلس كمكونات أساسية .


الفلتر الرياضي مع التيربو يفضل HKS ستايل أو زي ما بيسموها شكل المشروم غير كدة التاني أفضل وهو الشكل المخروطي ولازم معاه الكولد أير كيت وهي ماسوره ستاينلس لتوصيله بالمانيفولد وأنبوبة تانية عازلة علشان تجيب هوا بارد من برة الحوض ودة بحوالي ٢٠٠ جنيه نوع سيموتا و-١٥٠ جنيه للماسورة الستاينلس و-٢٥٠ للبايب الخارجية


الهيدر ويفضل 4 X ١ يعني ٤ مواسير خارجين من الموتور متجمعين مباشرةً في ماسوره واحده على الشكمان ودة بييجي مع التيربو كيت


الشكمان الكامل على حسب النوع في أنواع تايواني صناعتها جيدة بتبدأ من ١٠٠٠ جنيه بدون العلبة الاخيرة ( المفلر )


ال-MSD هو جهاز بيقوي الشرارة الكهربائية إلي داخلة للموتور وسعره حوالي ١٣٠٠ جنيه

منظم البنزين صمام ضغط عليه عداد بيتحكم في كمية البنزين الداخله للموتور سعره حوالي ٢٥٠ جنيه


الفلاي ويل ( الحدافه ) إذا كان دة الاسم الشائع وسعرها في الانسر بيبدأ من حوالي ٢٠٠٠ جنيه على حسب النوع والوزن وبتفرق فرق رهيب



الكلاتش الرياضي ودة بردو مينفعش نمر عليه بسرعة لكن كفاية نعرف إن أشهر الاصناف هو Exeedy ودة في الانسر إسطوانة ودسك بيبدأ من ٣٠٠٠ جنيه وكمان بيفرق عن العادي فرق كبير جداً


ال-ECU أشهر الانواع Appexi و-Greedy E-Manegment سعر الاول حوالي ٢٧٠٠ جنيه والتاني حوالي ٣٠٠٠ جنيه ودة يونيفرسال لأي عربية


أجزاء الكربون اسعارها غالية لكن بيكون لها تأثير واضح في تسارع أي عربية إرتباطاً بمعادلة الوزن للقوة المعروفة

كمثال كبوت الانسر الكربون فايبر ب-٢٥٠٠ جنيه .


كل عربية لها الاجزاء الخاصة بها وأشهر عربية بتتعدل في مصر هي الانسر ونقدر نقول أسهلها يليها الهوندا سيفيك لكن أي عربية ممكن تتعدل ويجيلها حاجتها بس بتاخد وقت


عموماً في مشروع تاني بيتعمل وهيشوف النور عن قريب وهو عربية ١٦٠٠ cc هنوصلها ال-٣٥٠ حصان إن شاء الله وربنا يبارك لصاحبها فيها


Thanks
Eng.Sherif Shaker
لو سمحت يا بشمهندس انا عربية والدى 132 2000 بس انا ركبت موتور 1600
و مش مستريح لية خالص ممكن تفيدنى ازاى ازود قوة العربية مع عدم الاضرار بها ان امكن
لان ادائها وحش اوى وبصراحة انا عايز اجمع بين قوة الموتور والبودى اما الكماليات فدى امرها سهل
ويا ريت لو فى خطة لتعديل ال132 تبقى حضرتك خدمتنى
وشكرا

محمد الحايس
02-10-2010, 12:56 AM
هذا الموضوع شيق جدا وياريت لو يكون هناك تليفون او E.mail للأخ الذى كتب الموضوع
للتواصل معه
فأنا أريد الاستفسار منه عن اى السيارات افضل لتركيب التيربو
وهل هناك تأثير على عمر السيارة او الموتور بعد تركيب التيربو حيث انها ستتحمل عدد احصنة اكثر من المجهزة له السيارة
alhayes66@yahoo.com

ahmedtuning
06-10-2010, 07:43 AM
موضوووووووووووووووووع جامد جدا جدا

venom9x2008
07-10-2010, 03:43 AM
شكراً على المعلومات

amrodardiry
14-10-2010, 02:00 PM
اللادا 2107 المصري ممكن يتعدل فيها ايه يا باشمهندس؟

mnznzm
24-01-2011, 09:57 AM
موضوع جامد أوي يا معلم
:playing_music:

mnznzm
24-01-2011, 10:02 AM
هو ما ينفعش يتظبط الكلام ده على الفيرنا ؟ :playing_music:

mik
30-06-2011, 12:24 PM
شرح مبسط ورانج الاسعار

التيربو كيت بيكون سعرها من 5000 ال-7000 على حسب ماركات اجزائها
وبصراحة د مينفعش معاها شرح مبسط لكن هي بتتكون من التربينة مع الواست جات ، بلو أف فالف وإنتر كولر ومواسير التوصيل استانلس كمكونات أساسية .


الفلتر الرياضي مع التيربو يفضل HKS ستايل أو زي ما بيسموها شكل المشروم غير كدة التاني أفضل وهو الشكل المخروطي ولازم معاه الكولد أير كيت وهي ماسوره ستاينلس لتوصيله بالمانيفولد وأنبوبة تانية عازلة علشان تجيب هوا بارد من برة الحوض ودة بحوالي 200 جنيه نوع سيموتا و-150 جنيه للماسورة الستاينلس و-250 للبايب الخارجية


الهيدر ويفضل 4 X 1 يعني 4 مواسير خارجين من الموتور متجمعين مباشرةً في ماسوره واحده على الشكمان ودة بييجي مع التيربو كيت


الشكمان الكامل على حسب النوع في أنواع تايواني صناعتها جيدة بتبدأ من 1000 جنيه بدون العلبة الاخيرة ( المفلر )


ال-MSD هو جهاز بيقوي الشرارة الكهربائية إلي داخلة للموتور وسعره حوالي 1300 جنيه

منظم البنزين صمام ضغط عليه عداد بيتحكم في كمية البنزين الداخله للموتور سعره حوالي 250 جنيه


الفلاي ويل ( الحدافه ) إذا كان دة الاسم الشائع وسعرها في الانسر بيبدأ من حوالي 2000 جنيه على حسب النوع والوزن وبتفرق فرق رهيب



الكلاتش الرياضي ودة بردو مينفعش نمر عليه بسرعة لكن كفاية نعرف إن أشهر الاصناف هو Exeedy ودة في الانسر إسطوانة ودسك بيبدأ من 3000 جنيه وكمان بيفرق عن العادي فرق كبير جداً


ال-ECU أشهر الانواع Appexi و-Greedy E-Manegment سعر الاول حوالي 2700 جنيه والتاني حوالي 3000 جنيه ودة يونيفرسال لأي عربية


أجزاء الكربون اسعارها غالية لكن بيكون لها تأثير واضح في تسارع أي عربية إرتباطاً بمعادلة الوزن للقوة المعروفة

كمثال كبوت الانسر الكربون فايبر ب-2500 جنيه .


كل عربية لها الاجزاء الخاصة بها وأشهر عربية بتتعدل في مصر هي الانسر ونقدر نقول أسهلها يليها الهوندا سيفيك لكن أي عربية ممكن تتعدل ويجيلها حاجتها بس بتاخد وقت


عموماً في مشروع تاني بيتعمل وهيشوف النور عن قريب وهو عربية 1600 cc هنوصلها ال-350 حصان إن شاء الله وربنا يبارك لصاحبها فيها



Thanks
Eng.Sherif Shaker\\\




يا باشا لية ناسي ال bmw e30 دي من اشهر العربيات لي بتتعدل علي مستوي مصر والعالم

samirsaid1
30-06-2011, 04:11 PM
ممكن تعديلات على النيو أكسنت

بس مش عاوز اصرف كتير أوى

وهل الموتور يتحمل التربو ودرجة السخونة

ولو عاوز اشترى الشدادات اشتريها منين ولا بتتعمل عمولة

Eng\Mohamed
09-08-2011, 11:35 PM
هل يمكن التعديل علي بيجو 405 موديل 90 موتور 1600cc

كمال....
18-01-2012, 01:46 PM
شكرا على الافادة

Vanditta
04-02-2012, 06:33 PM
هو اى موتور ممكن يتعدل ويركبلة تربو ؟؟!
مش المفروض تغير بساتم عشان تتحمل الضغط العالى اللى هيولدة التربو !!

hamed2020
09-02-2012, 10:22 PM
:CONGRA~238::010104~171:

Ahmed ELmonshed
09-12-2012, 01:55 PM
طب إيه يا بشمهندسين اللي ممكن يتعمل للوجان مانيوال 2009 هي بتجيب سرعة عالية بس التسارع ضعيف

dragon xp
08-11-2013, 09:57 PM
تعديل المحركات كما يقول الاخ صاحب الموضوع سيؤدي في النهاية الى تزويد كمية الوقود في السلندر و ده هيخلي الاستهلاك مميت و غير طبعا التربو لاج و غير الريدياتير الي لازم يتغير تماما و غيره و غيره التعديلات جيدة في تزويد كفاءة الحرق و الحفاظ على المحرك لاطول وقت ممكن لا مانع من بضعة احصنة اضافية مادامت التكلفة معقولة جدا غير كده ملوش لزمة التعديل
الزحمة اكتر من حصان العربية اصلا (في رايي عربية 60 حصان و باستهلاك لا يذكر احسن بكتير من 200 حصان بياكل اكل)