المساعد الشخصي الرقمي

مشاهدة النسخة كاملة : اية رايكم ستروين اكسرا 1


eslamanwar
24-05-2009, 01:18 PM
يا جماعة اية رايكم فى ستروين اكسرا 1 مانيوال موديل 2000
المميزات و العيوب و اسعار قطع الغيار

وشكرا

fepsceasar
26-05-2009, 07:30 PM
أنا كمان يا باشا ناوى بس ان شاء الله على اكسارا 2 بقالى اكثر من شهر ومسيرها تفرج ومغلب ايمن باشا عبد الرزاق معايا ابقى اساله اكيد هيفيدك هتلاقى نمرة تليفونه فى مشاركة قبل كده، وبص يا باشا من ضمن اللى سمعته الاتى:
من صديق:
اكسارا 1 او زي مابيقولو عليها N60 السيارة تحفة بكل المقاييس وانا هحاول اشرحلك شرح مفصل عله قد يكون افادة للاخوة المهتمين
الاكسارا وان هي سيارة ممتازة جدا محركها 1600 cc والهور بور بتاعها 97 تثبتها علي الطريق عمرك ماهتشوف زيه غير في الالماني يكفي اني اقولك اني انا بسافر بيها كتير لاني عملي في شرم الشيخ عمر ماعددي نزل عن 160كم / ساعة وبوصل بيها لغاية 215كم / ساعة
العربية معمرة جدا في قطع الغيار انا عندي المساعدين والسوست لسه بتوع المصنع
والعربية عداها 198 الف كيلو بس لازم تعرف برضه عيوب العربية دي وهي
1- العربية العزل بتاع الماتور سي جدا بمعني ان قوة ماتورها تسمعه وانته جوه الكابينة بمجرد ماتوصل سرعة 120 كم تحس انك قاعد فو ق الماتور ههه.
2- العربية الزجاج كلها مش كهرباء الاتنين اللي قدام بس بالاضافة الي ان الزراير الكهرباء راكبة علي التابلوه اللي كلها بلاستيك مما يحدث انا تلاقي الزرير داخلت جوه وكل شويا تروح لبتاع البلاستيك عشان يعملك قاعدة .
3- فرامل العربية للاسف غير جيدة في السرعات العالية تلاقيها علطول تزحف وداه السبب اني عايز ابيعها بس ليها تعديل بيركبولها جندول خلفي بتاع الاكسارا 2 اللي بيسموها N70 وتكلفته 1000 جنيه .
4- العربية حاجاتها غالية بس زي ماقولت بتعيش وبعض الاجزاء بتكون غير اصلية خصوصا السيور والفلاتر .
5- العيب الاكبر اهمية هو ان العربية دي الناس بتخاف منها جدا وتلاقي دايما سعرها في النازل عشان مافيش عليها طلب ان شاري عربيتي 52 الف من سنتين والنهاردة لو اتنططت مش هتجيب اكتر من 42 الف جنيه
اما لو هنتكلم عن الاكسارا 2 اللي هي N70 عربية حلوة يميزها عن الاكسارا 1 اولا انها تقفيل فرنسي مش مصانع حربية وثانيا انها 2 كامة مش كامة وحدة وزيادة في عدد الاحصنة 10 حصان كمان 4 زجاج كهرباء وصلحو العيب الزراير راكبة جنب نقل الدريكسيون مش علي التابلوه بالاضافة الي ان فراملها تحفة ومجهزة لركوب ABS
يعيبها ان قطع غياره اغلي بمعدل النصف .
نصائح للاخوة اللي بيفكرو في الاكسارا :
1- اياك ان تشتري سيارة اكسارا اتوماتيك الحساسات بتاعت الاتوماتيك كلها مشاكل وتكلفت تغيرها مكلف جدا جدا 2
اتاكد كويس اواي من ان تسجيل السيارة هو الاصلي الذي يعمي علي تارة الدريكسيون واوعي تشتري من غير تسجيلها الاصلي لان تكلقة تسجيلها الاصلي 3000 جنيه .
3 - اتاكد كمان ان مفتاح العربية السنتر بتاعه شغال لان تكلفة المفتاح داه في الاكسارا 1 بيعمل 1000 ج والله اعلم في 2 بيعمل كام .
4- لازم تتاكد من حالة العربية الميكانيكة اواي اواي قبل الشراء لان لازم تعرف اني اي حاجة في العربية دي هتكلف جامد بمعني ان لو عربية نص نص ممكن تدفعلك بالسبعة والتمانيه علي ماتوقفها علي حالتها تاني فلازم تحدد مصريفها قبل ماتشتري عشان تقف علي سعر العربية الحقيقي .
يارب اكون قد افدتكم علي قد ماقدر ولو حد عنده اي سوال يتفضل وانا لو اقدر اجوبه عليه اكيد هعمل داه

Mohamed Dahab
02-06-2009, 01:17 PM
الف شكر لحضرتك على هذه المعلومات القيمه
بعد اذن حضرتك لو ممكن بعض اسعار قطع الغيار

Mohamed Dahab
03-06-2009, 05:00 PM
يعنى مفيش حد ناوى يساعدنى انا محتاج اعرف بعض اسعار قطع الغيار
مثلا زى المساعدين والكبالن وانا اسمع انها اغلى حاجه
تيل الفرامل و المقاصات
واى اضافه اخرى واكون شاكر جدا ptmnlo123per127

fepsceasar
04-06-2009, 08:43 AM
أنا رأيى اسال بنفسك لكن دى أسعار قطع الغيار منقولة من كلام حد مش تجربة شخصية
قطع الغيار والله انا زاكرتي مش قوية اواي خصوصا ان العربية دي خمسة وخميسة نادرا لما بتروح للمكانيكي ههههههه ، الفانوس اللي قدام كنت جايبة كوري 275 ج والمراية اللي علي يمينك وانته سايق عشان هي كهرباء ب175 ج وطقم الديابريج بتاعها كامل بالبلية 850 ج وتيل الفرامل الامامي 175 ج طبعا الخلفي انا في حياتي ماغيرتوش غير مرة وحدة اعتقد كان 235 ج طنابير العربية عاملة 500 ج السيور هو سير واحد اسمه سير المجموعة تقريبا برضه 60ج وسير التكييف 40 جو فلتر البنزين 30 ج وفلتر الهواء 25 ج انا بقة قصة العفشة لو خاصة بجلب مقصات وبيض ماتعديش 500 ج

Mohamed Dahab
04-06-2009, 11:43 AM
يا باشا الله يكرمك والف شكر لحضرتك
اصل العربيه عجبانى جدا جدا وحاسس لا ومتاكد انها مظلومه جدا جدا فى بلدنا
شكل شيك جدا (وجهات نظر طبعا) موتور قوى, استهلاك بنزين ممتاز , فول اوبشن ماعدا طبعا انها 2 زجاج كهرباء
و الوحيده اللى فى فئتها طاره مالتى فانكشن
فوق كده زى ماحضرتك قولت من النادر انها تروح للتوكيل

بيرو
04-06-2009, 11:57 AM
انت عايز رأيى فى العربية الاكسارا

هقولك ابعد عنها خالص واشترى دماغك

العربية عيوبها اكتر بكتير من مميزاتها

وكل حاجة فيها مكلفة جدا

دة غير كمان انها لما بيحصل اى عطل حتى ولو خفيف العربية كلها بتقف لانها كلها كهرباء(الكلام دة حسب ما سمعت) لانى كنت هاشترى واحدة هنا فى ليبيا .

وعلى فكرة العربية هنا سمعتها وحشة جدا برضو

ومميزتها الوحيدة ان سعرها مقبول لان الناس مش عايزة تشتريها

ونصيحتى ليك


ابعد عن كل الفرنساوى

الا اذا كان معاك فلوس

Mohamed Dahab
04-06-2009, 01:27 PM
انت عايز رأيى فى العربية الاكسارا

هقولك ابعد عنها خالص واشترى دماغك

العربية عيوبها اكتر بكتير من مميزاتها
انا بصراحه عارف مميزاتها وشايف ايضا ان عيوبها قليله ويا ريت لو حضرتك عارف عيوب فيها تفدنا

وكل حاجة فيها مكلفة جدا
انا مقتنع تماما ان الغالى رخيص بمعنى ان انا اغير قطعه الغيار وادفع فيها احسن من دفع فلوس قليله وغيرها كل شويه وعلى فكره هى قطع غيارها مش غاليه قوى كده وفى نفس الوقت فى منها استيراد عندنا
دة غير كمان انها لما بيحصل اى عطل حتى ولو خفيف العربية كلها بتقف لانها كلها كهرباء(الكلام دة حسب ما سمعت) لانى كنت هاشترى واحدة هنا فى ليبيا .
انا معاك فى الموضوع ده بس مش هى العربيه الوحيده اللى الموضوع ده بس برضو مش للدرجه دى مش اى عطل بسيط
وعلى فكرة العربية هنا سمعتها وحشة جدا برضو
انا شايف ان العربيه عندنا سمعتها مش وحشه ولا حاجه الناس كلها بتشكر فيها بس اغلبهم بيشتكوا من غلو قطع الغيار
ومميزتها الوحيدة ان سعرها مقبول لان الناس مش عايزة تشتريها
اللى بيحدد السعر زى ما حضرتك عارف العرض والطلب وده شىء طبيعى

ونصيحتى ليك


ابعد عن كل الفرنساوى

الا اذا كان معاك فلوس
الحمد الله ربنا يرزقنا جميعا يا رب

والف شكر لحضرتك مره ثانيه

بيرو
04-06-2009, 05:23 PM
انا مقصدش بان سمعتها وحشة ان العربية وحشة ولكن لما تقول لواحد انا هشترى ستروين اكسارا اية رايك؟

يقولك ياعم ابعد عنها احسن

وعلى العموم الرأى ليك فى الاخر

Mohamed Dahab
05-06-2009, 12:31 PM
الف شكر لحضرتك
انا بس باقول ان العربيه جميله جدا وده راى مش اكتر

fepsceasar
07-06-2009, 04:32 AM
الله ينور عليك يا ابو حميد

Mohamed Dahab
09-06-2009, 12:55 PM
الف شكر يا باشا لذوق حضرتك ptmnlo123per1105

ayman abdelrazek
09-06-2009, 01:48 PM
أنا رأيى اسال بنفسك لكن دى أسعار قطع الغيار منقولة من كلام حد مش تجربة شخصية
قطع الغيار والله انا زاكرتي مش قوية اواي خصوصا ان العربية دي خمسة وخميسة نادرا لما بتروح للمكانيكي ههههههه ، الفانوس اللي قدام كنت جايبة كوري 275 ج والمراية اللي علي يمينك وانته سايق عشان هي كهرباء ب175 ج وطقم الديابريج بتاعها كامل بالبلية 850 ج وتيل الفرامل الامامي 175 ج طبعا الخلفي انا في حياتي ماغيرتوش غير مرة وحدة اعتقد كان 235 ج طنابير العربية عاملة 500 ج السيور هو سير واحد اسمه سير المجموعة تقريبا برضه 60ج وسير التكييف 40 جو فلتر البنزين 30 ج وفلتر الهواء 25 ج انا بقة قصة العفشة لو خاصة بجلب مقصات وبيض ماتعديش 500 ج



باشا والله يابوحميد ده انت عاوز تنافسنى بقى

ماشى ياعم.......

اولا موتور الاكسار 1 اسمه N6 وده معتمد جدا وحاجته منتشره وهو كله على بعضه استيراد
بحوالى 2500 الى 3500 حسب الحاله

ثانيا : اسعار قطع الغيار بالنسبه للمساعدين هى هى الاكسارا 2 N7 لكن اللى بيفرق السوست الخاصه بالمساعدين و البطاحات برضه مختلفه اما السعر فهى تترواح فى حدود من450 الى 900 وده المونرو الايطالى غاز على فكره. والمستعمل اقل طبعا بس الجديد احسن.
اسعار الفلاتر تقريبا زى مانت جايبها اما اسعار الطنابير فهى كالتالى :
الاماميه بريمبو ايطالى بتعمل 375 جنيه حكااااااااااااايه وبريمبو دى شركه بتعمل طنابير الفيرارى
بيندكس وبيقولوا انها الاصلى ودى 420 جنيه
التيل : اسبانى ونوعه ريمسا وده بيعمل 120 جنيه
Bendex الاصلى او Valeo بحوالى 185
الفوانيس الاماميه التايوانى ب 170 جنيه من عند نافع فى دمشق او رفقى فى الحرفيين.
الخلفيه اقل حاجه بسيطه تايوانى برضه وخد بالك التايوانى انواع وافضل نوع DEPO


أما العفشه جوز المقصات اسبانى معتبر بجلبهم ببيضهم بسلاطتهم بباباغنجهم يعملوا
500 الجووووووووووووز

اما لو هتجيب بيض وجلب هيعملوا 170 للجوز برضه

أما بالنسبه للصيانات والميكانيكا عليك وعلى

أمجد ستروين فى الحرفيين كان فى التوكيل وحافظ العربيه صم فضلا عن الفهم ايضا

ورقمه : 0122822870

واى خدمه يامعلم ياللى بتسأل

Mohamed Dahab
09-06-2009, 03:54 PM
اه المعلومات الجامده والقيمه دى يا باشا ربنا يكرمك
ومستنين المزيد ptmnlo123per154

fepsceasar
10-06-2009, 01:17 AM
أيمن باشا العين ما تعلاش على الحاجب والكبير كبير يا باشا، بس دى أسعار فوانيس الاكسارا 1 ولا 2 وياريت يا باشا سعر المرايات الجانبية والاكصدام اكسارا2

ayman abdelrazek
10-06-2009, 03:01 AM
أيمن باشا العين ما تعلاش على الحاجب والكبير كبير يا باشا، بس دى أسعار فوانيس الاكسارا 1 ولا 2 وياريت يا باشا سعر المرايات الجانبية والاكصدام اكسارا2



لأ ياباش العفو وياريت حد يبقى معايا فى الستروين ونتعاون ونكما بعض لمصلحة المنتدى

أنا معاك ان مافيش حد بيسأل على ستروين اصلا بس هه يعنى لو حد سأل...

اللى فوق دى اسعار اكسارا 1 اما فوانيس الاكسارا 2

التايوانى Depo بتعمل 375 جنيه ماتفرقش عن الاصلى حاجه بس بتشيل موتور تعلية النور الللى فى الاصلى تركبه فى التايوانى علشان فى زرار بيعلى النور ويوطيه من التابلوه ده غير العالى والواطى اللى فى الدراعات بتاعة النور.


سعر المرايا الجانبيه: هى بتاعة الاكسارا 1 مش هى بتاعة ال2 ولكن تركب وما بتفرقش خالص
لكن سعرها تقريبا حوالى 200 جنيه وفى الاكسارا 2 الاتنين كهربا اما الاكسارا 1 اليمين هى اللى كهربا والتانيه مانيوال.وبرضه فيه منها الاتنين كهربا
اما سعر مرايات الاكسارا 2 غاليه بتعدى ال400 جنيه تقريبا
(انا اتكسرت عندى واحده غيرت الاتنين وجبت بتوع الاكسار 1 بس كهربا وشغالين تماااااام)


أسعار الاكصدام فى التوكيل عز العرب اصلى بالكامل 1250 جنيه
واسعار الاستيراد منه هيقولك 1000 (رضا أو ياسر أو مؤمن بتوع الحرفيين ) يخلص 750 من الاخر
وانا جبت واحد قبل كده من عند مؤمن ب375 جنيه السنه اللى فاتت والله

اما الشبكه الاماميه اللى دايما تلاقى العلامه بتاعتها واقعة وخاصة اللى فوق دى غاليه ب600
لأن العلامه مش بتتباع لوحدها لازم تاخد الشبكه كامله

وأى خدمه يا معلم أحمد
انت لسه ماخلصتش؟
خد عربيتى واخلص.......!

fepsceasar
10-06-2009, 04:16 PM
انت ناوى تبيع على كام يا باشا وناوى على ايه بعد السيتروين؟؟

ayman abdelrazek
11-06-2009, 02:36 AM
انت ناوى تبيع على كام يا باشا وناوى على ايه بعد السيتروين؟؟

يا أحمد انا لو الدنيا اتطربقت مش هبيع اقل من 55000 الف
ولو ماجبتش كده اهى معايا وامنى راكب 307 او سى فور ......هى هى
نفس الموتور ونفس العفشه مش فارق غير البودى

يكفى ان عربيتى عامله 80000 كيلو وانا صراحه صارف عليها جامد ولو شفتها هتحس انها غير اى عربيه فى السوق تماما وارفعها فى اى مكااااااااااااان وقيمها فى التوكيل لو عاوز

ولو بعت ان شاء الله هجيب سى فور على طول

fepsceasar
11-06-2009, 02:22 PM
يا أحمد انا لو الدنيا اتطربقت مش هبيع اقل من 55000 الف

يعنى استخسرتها فى اخوكptmnlo123per144

ayman abdelrazek
12-06-2009, 01:20 AM
يعنى استخسرتها فى اخوكptmnlo123per144



ياباشا ماتقولش كده دى تروح لحد الهرم وحقها وصل

بس فعلا العربيه بتاعتى اللى مخلينى متمسك بيها انها مرزقه جدا وشافت معايا احلى ايام حياتى

فى الشغل وبحس كده ان قدمها خير عليا

عشان كده مابستخسرش حاجه فيها وانت والله لو شفتها هتحس انها مختلفه
عن اى سيارره اكسارا2 انت شفنها قبل كده ولعلمك انا لسه شاددها قريب مفيهاش خدش

وماتغلاش عليك والله يابوحميدptmnlo123per144

fepsceasar
21-06-2009, 05:51 PM
كلك ذوق يا باشا بس اوعى تكون علامة الستروين اللى فوق واقعة الا دى بتغظنى اوى؟ هى صورتها اللى جنب الأسم يا باشا؟؟

mahmoudfs
21-06-2009, 07:06 PM
السلام عليكم
انا عندي اكسارا من 6 سنوات.. و السياره ممتازه جدا ولا اعرف شئ عن المشاكل البتكلمو عنها الشباب يعني عمرها ماسوتلي مشاكل ابدا . طبعا لا زم تغير فلاتر كل 6 شهو او حسب الكيلو متر.
و مثل ما قال الاخ الاكسارا 2 افضل بكثير من 1 انا كان عندي قبل 4 سنوات اكسارا 1 منول محرك 2000 بقوه 147 حصان مديل 2000 ما كان حد يتحداني بلسرعه..هههه. بعتها و اشتريت اكسارا 2 محرك 1600 اوتومتيك بقوه 120 حصان مديل 2003 انا لقيت الاوتوماتك ممتاز جدا و بدون اي مشكله حتي الان. بعد مرور 2سنه فقط تغير فلتر هواء و زيت الخ..
تحياتي محمود
http://www.masrmotors.com/vb/http://www.giantup.com/get-6-2009-Giantup_CoM_b372cn40.jpg (http://www.giantup.com)

qwertyuiop
08-09-2009, 09:42 AM
أيمن باشا ياريت الله يكرمك لو ادامك ستروين اكسارا 2 زي بتاعتك او قريبة منها ياريت تؤلي لإني محتاجها ضروري جدا

وده رقم تليفوني: 0103310496

شكرا

ahmadmounir
06-12-2009, 12:02 AM
سلام عليكم
ممكن يا شباب حد يدلنى على سيارة اكسارا 1 بس تكون حالة جيدة

و فيه سؤال بس ..

هل الاكسارا 1 و اكسارا 2 تجميع محلى 100 % بالكامل فى مصر فى المجموعة العربيه الامريكية ؟

mmordy
20-03-2010, 02:52 PM
طيب ورايكم ايه فى الاكسارا اتوماتك موديل 2001 و 2002 وبعدين ايه المشاكل الى ممكن تسسبها الحساسات بتاعت الاتوماتيك ؟

mahmoudfs
20-03-2010, 06:41 PM
طيب ورايكم ايه فى الاكسارا اتوماتك موديل 2001 و 2002 وبعدين ايه المشاكل الى ممكن تسسبها الحساسات بتاعت الاتوماتيك ؟
اخي المشكله بسيطه جدا اذا بتغير الزيت كل 6 الف كيلو .الحقيقه ما في مشاكل اذا تتبع دليل الشركه
ما بتواجه اي مشاكل في الحساسات او اي شي تاني.
تاني شي الاهم زيت الاوماتيك لازم تشتريه من وكالك ستروين بيجو من نوع فقط
ATF LT 71141
و اذا جبت زيت من اي محل بتبش عندك المشاكل.
و رقم الزيت في
شركه ستروين بيجو تحت رقم 9736 22
http://www.rpmgo.com/images2009/peugeot_citroen.jpg

انته فقط اعطهم هذه الرقم فقط بيعطيك الزيت بدون ما تقول له اسمه.
تحياتي

tofy24
26-03-2010, 08:15 PM
اية احسن موديل فى الاكسارا ا، احسن موديل فى الاكسارا2

omarsami2009
26-03-2010, 10:20 PM
اية احسن موديل فى الاكسارا ا، احسن موديل فى الاكسارا2
بص يا باشا مافيش فرق بين موديلات اكسارا 1 او 2
يعنى فى اكسارا 1 موديل 99 متفرقش حاجه عن 2002
و اكسارا 2 باردو نفس الحكايه

mous
06-10-2010, 01:19 PM
انا كان معى اكسارا 1 كاملة اوتماتيك موديل 2002 بصراحة كانت فى الركوب او على الطريق ملهاش حل جرى عفشة كلة كانت تمام بس انا كان ايدى فية على طول اى حاجة كنت بعملها واجيب الاصلى وبعدين عندك فريد شوقى فى صيانة العربيات دية ملوش حل بصراحة انا بعت الربية وجيبت لانسر زيرو بس انا زعلان على العربية دية لانها كانت فى الجرى والثبات ملهاش زى بصراحة

agamemnon
19-10-2010, 08:00 AM
شكراااااااااااااااااااااااااااااااااااااا

سيف الدين ابراهيم
26-01-2011, 01:54 AM
السلام عليكم يااخوانا انا بس لقيتكم بتتكلموا في الاسعار ولقيتكم مجاملين جدا فقلت اقول اللي عملته انا انا غيرت كبالن بحوالي 1900 مش من التوكيل طبعا وغيرت تيل امامي مرتين تقليد كان بحوالي 180 جنيه الاصلي ب320 ومساعدين الشنطة كانت بحوالي 360جنيه دا غير سلك الدبرياج الاصلي تمنه370 قلاب فتيس استراد 400جنيه طبعا بقي السيور مش اصلي سير الكاتينة كان بحوالي 120 تقليد والدينامو 90 طرمبة مياه 300 تقليد غطاء رادياتير بيجو 40جنيه وياعيني علي عنده اي عربية اوروبي في بلدنا والله

amrmaismail
06-02-2011, 03:18 PM
السلام عليكم يااخوانا انا بس لقيتكم بتتكلموا في الاسعار ولقيتكم مجاملين جدا فقلت اقول اللي عملته انا انا غيرت كبالن بحوالي 1900 مش من التوكيل طبعا وغيرت تيل امامي مرتين تقليد كان بحوالي 180 جنيه الاصلي ب320 ومساعدين الشنطة كانت بحوالي 360جنيه دا غير سلك الدبرياج الاصلي تمنه370 قلاب فتيس استراد 400جنيه طبعا بقي السيور مش اصلي سير الكاتينة كان بحوالي 120 تقليد والدينامو 90 طرمبة مياه 300 تقليد غطاء رادياتير بيجو 40جنيه وياعيني علي عنده اي عربية اوروبي في بلدنا والله

مش عارف اقولك ايه الصراحة اتضحك عليك اكيد
انا اشتريت بعض حاجات من اللي انت كاتبها بأقل بكتير
يعني التيل الامامي ب ١٢٠ جنيه
سير الكاتينه ب ٨٠ جنيه والدينامو ٦٠
الكبالن ب ١٢٠٠ جنيه الاصلي

حاول تدور احسن من كده وتسأل عالأسعار في اكتر من مكان قبل ما تشتري

Simon_Scorpion
04-04-2012, 11:49 PM
انا دغعت عربون اكسارا 1 امبارح و هاستلمها بكرة انشاء الله ادعولي مايكونش فيها مشاكل انشاء الله هي بس منغير الكاست الاصلي و طبعا الملتي فانكشن مش شغال علي الكاسيت اللي راكب و التكييف عايز شحن و المالك هايعملو و خراطيم بخاخات المياو مقطوعه قالي هايعملها و ربنا يستر بأة لو حد عندو اي معلومه ممكن تفيدني يا ريت بسرعه انا رايح الصبح استلمها