المساعد الشخصي الرقمي

مشاهدة النسخة كاملة : مؤشر الحرارة والسخونة الزيادة


mr_strong
25-05-2012, 05:53 PM
اشتريت للاسف pyd f32012 \\\\\ولكن صدمت فى امكانيتها المتواضعة ورداءة مكوناتها---اولا سخونة المحرك بعد صيانة1000 كم وقبلها وارتفاع المؤشر فجاءة والتوكيل مش عارف يصلحه لو فية حد عندة حل يقولى من
ف ضلكم

samirayad
25-05-2012, 08:02 PM
لو إرتفاع الحراره ليس بالشكل الخطير

يبقى ممكن تكون محتاج مراجعه للتاكيهات

الخاصه بالمكنه

--------------

ولو الإرتفاع متذبذب

أى غير ثابت على حال

يبقى ممكن يكون عيب فى صباع حرارة مؤشر عداد الحراره

mr_strong
25-05-2012, 08:50 PM
لو إرتفاع الحراره ليس بالشكل الخطير

يبقى ممكن تكون محتاج مراجعه للتاكيهات

الخاصه بالمكنه

--------------

ولو الإرتفاع متذبذب

أى غير ثابت على حال

يبقى ممكن يكون عيب فى صباع حرارة مؤشر عداد الحراره
اشكرك اخ سمير على الرد لكن انا رحت التوكيل من اسبوع فقط وتم الاصلاح واكدوا لى ان العطل بسيط وكان بسبب الارضى بتاع البطاري كان عايز يتربط كويس وفعلا الشكوى اختفت لمدة ااسبوع واحد المشكلة انا عايز حل جذرى مش كل اسبوع اروح التوكيل واضيع يوم عمل على الاصلاح وبعدين انا اعتقد ان دة عيب ترومستات او رداءة الاسلاك ومكونات الكهرباء

mr_strong
25-05-2012, 09:01 PM
المشكلة الثانية اللى اكتشفتها العفشة سيئة واى واحد يركب ورا العربية تهبط للنص وتحك فى جميع المطبات---وبعدين العجل ماركة gt لكن صينى من ارداء وارخص الانواع وينصح من بتوع الكاوتش بتغييرة \\\\

samirayad
25-05-2012, 09:08 PM
المشكله التانيه دى

سببها أن السوست الخلفيه عندك ليست قويه

بالشكل المطلوب لتحمل أى أحمال خلفيه

---------------------

وحل هذا هو تغيير السوست الخلفيه

كما فعلت أنا منذ شرائى لسيارتى عام 2007

Dr.Khaled Youssef
26-05-2012, 11:52 AM
المشكله التانيه دى

سببها أن السوست الخلفيه عندك ليست قويه

بالشكل المطلوب لتحمل أى أحمال خلفيه

---------------------

وحل هذا هو تغيير السوست الخلفيه

كما فعلت أنا منذ شرائى لسيارتى عام 2007

السوست ولا المساعدين؟

lonedoctor
26-05-2012, 12:13 PM
سعادتك متاكد انك اشتريت سيارة بى واى دى فعلا ؟امال العيوب العجيبة دى موش عندنا ليه؟ عموما لو موش عاجباك يبقى موش هيعجبك اى سيارة فى مصر تمنها اقل من 200000 الف جنيه

محمدصلاح القاضى
26-05-2012, 12:15 PM
هتغير سوست المساعد ين اللى ورا وممكن تزود كاوتش لو عاوز تعلى العربيه

mr_strong
26-05-2012, 01:42 PM
اعتقد اخ سمير للتغلب على شكوى السوست وغيرها من مشاكل السيارة ليس تغيير السوست فقط انما تغيير السيارة لماركة تانية ---هو الواحد هيغير اية ولا اية؟:01964E~163:

mr_strong
26-05-2012, 02:28 PM
سؤال للاخوة--- عندى عضة فى الفتيس وصوت عالى فى النقلات فى العصايا هل دة طبيعة العربية ولا يمكن الاصلاح فى التوكيل؟

mr_strong
26-05-2012, 02:31 PM
سعادتك متاكد انك اشتريت سيارة بى واى دى فعلا ؟امال العيوب العجيبة دى موش عندنا ليه؟ عموما لو موش عاجباك يبقى موش هيعجبك اى سيارة فى مصر تمنها اقل من 200000 الف جنيه
يا دكتور هى ارتفاع الحرارة دة حاجة بسيطة فى عربية مشيت 1000كم فقط؟ومتشكر على نصيحتك الغالية

samirayad
26-05-2012, 03:38 PM
السوست ولا المساعدين؟

السوست فقط

لأنها عنصر التحميل الرئيسى بجهاز تعليق مكونات السياره

أما المساعدين

فماهى إلا لإمتصاص الذبذبات والصدمات على الكاوتش الناتجه

عن عدم إستواء نقاط تدحرج العجلات أثناء السير

وبهذا الشكل تعمل على راحة الركاب

ولهذا يطلق على المساعد علميا

ماصص أو مخمد الصدمات

shock absorber

m.raafat
27-05-2012, 11:12 PM
انا كمان عندى مشكلة الحرارة وعربيتى اوتوماتيك ولسه مكملتش 1000 كيلو ياريت لو حضرتك وصلت لحل فى الموضوع ده قولى لأن التوكيل مش عارف يعمله

Ma7moud ShedeD
28-05-2012, 12:27 AM
استاذ رفعت حضرتك حسيت ان السخونة دى من العربية عشان ممكن يكون العيب فى مؤشر الحرارة بس..انما مسألة التوكيل مش عارف يعملة فدى صعبة شوية ازاى التوكيل مش عارف يعمل عيب زى كدة لو فعلا العيب استمر معاك كلم استاذ عماد حبيب و روح التوكيل كذا مرة لحد لما تصلح العطل دة..لو ما اتصلح اجرى على جهاز حماية المستهلك..

m.raafat
28-05-2012, 01:27 AM
انا رحت التوكيل ياباشا اربع مرات ومتحلتش كل مرة العربية تتظبط يومين ويرجع نفس العيب تانى وانا هعمل محاولة اخيرة ولو متصلحتش هروح حماية المستهلك

Ma7moud ShedeD
28-05-2012, 02:22 AM
انا زعلان بجد و الله من القصة دى ربنا يصلح الحال و يا ريت تطمنى عملت اية..و ياريت يكون دة عيب فردى مش مشكلة عامة فى الاوتومتك

emad habib700
28-05-2012, 05:25 PM
الاستاذ/ الفاضل
تحياتى برجاء الاتصال على الفاكس رقم 22678676 او 01097771747 او برساله خاصه على الموقع بها بيانات سيادتك او على الميل : emadhabib700@yahoo.com

ابوعاصم83
04-06-2012, 04:02 PM
المشكله التانيه دى

سببها أن السوست الخلفيه عندك ليست قويه

بالشكل المطلوب لتحمل أى أحمال خلفيه

---------------------

وحل هذا هو تغيير السوست الخلفيه

كما فعلت أنا منذ شرائى لسيارتى عام 2007
هل التغيير يكون فى التوكيل خرجه
ثم
ازاى اول ما الواحد يشترى عربية يروح يغير فيها حاجات اما هو شاريعا زيرو ليه

samirayad
04-06-2012, 04:25 PM
للأسف التوكيل بيكون غير مقتنع بطراوة السوست

حتى لو لسه شارى منه العربيه من أسبوع

--------------------------

وفى مثل هذه الظروف

بيكون الحل

هو تغييرها خارج التوكيل

مثل ماحدث معى تماما

حينما ذهبت لتوكيل دايو بأبو رواش

لم يقتنعوا على الرغم من مجادلتى الكبيره معهم

وفى النهايه

قمت بتغييرها خارج التوكيل

بمجرد مارجعت من التوكيل

Vanditta
04-06-2012, 06:09 PM
بشمهندس سمير
هو اية هى اعراض تلف مؤشر الحرارة ؟!
اصل انا قبل كدة العربية سخنت منى مرتين بسبب نقص المياة والمؤشر لم يتعدى النص ؟؟!
واكتشفت السخونة بالصدفة

samirayad
04-06-2012, 07:54 PM
1- مؤشر آداؤه غير سليم

2- صباع حراره غير سليم

3- خلل فى عزل الضفيره بين الصباع والمؤشر

4- خلل فى ثرموستات الكوعه

لو كان موجود وبليه لم يقوم بإستبعاده من دايرة التبريد من قبل

Vanditta
05-06-2012, 09:17 PM
1- مؤشر آداؤه غير سليم

2- صباع حراره غير سليم

3- خلل فى عزل الضفيره بين الصباع والمؤشر

4- خلل فى ثرموستات الكوعه

لو كان موجود وبليه لم يقوم بإستبعاده من دايرة التبريد من قبل

طب لو المؤشر قرايتة طبيعية
يعنى ولا بيعلى فجأة ولا بيوطى فجأة ولا ييجى مرة مثلا مايشتغلش ويفضل على ال c
وامابيوصل للنص ويعلى سنة بسيطة الاقى المروحة اشتغلت والمؤشر نزل السنة دى ورجع تانى للنص
اعتقد كدة المؤشر شغال طبيعى صح ؟!!!

طب اية بقى اللى خلاة يفضل على النص والعربية سخنة وماشية تقريبا بتلت كمية المياة اللى المفروض تمشى بيها ؟!!!

وبالنسبة لنقطة ثرموثتات الكوعة فعلا اتضح ان بلية كان شايلها اما جيت اركب كوعة غير اللى شققت

هل الثرموثتات دى ليها تأثير كبير على المحرك يا بشمهندس ؟؟!
علما بأنى ما بتحركش بالعربية غير لما المؤشر يبتدى يتحرك ويقرب على النص !

samirayad
06-06-2012, 12:11 AM
يعنى ولا بيعلى فجأة ولا بيوطى فجأة ولا ييجى مرة مثلا مايشتغلش ويفضل على ال c
وامابيوصل للنص ويعلى سنة بسيطة الاقى المروحة اشتغلت والمؤشر نزل السنة دى ورجع تانى للنص
اعتقد كدة المؤشر شغال طبيعى صح ؟!!!



صح

طب اية بقى اللى خلاة يفضل على النص والعربية سخنة وماشية تقريبا بتلت كمية المياة اللى المفروض تمشى بيها ؟!!!



مش فاهم تقصد إيه من دول الصراحه

هل الثرموثتات دى ليها تأثير كبير على المحرك يا بشمهندس ؟؟!


طبعا

أمال محطوطه فى الكوعه ليه

فدورها بالضبط زى محبس ميه

ومنظم فى نفس الوقت

----------------

المحبس يفتح مع سخونة الماء

ويقفل مع برودة الماء

وبدرجات معينه من الفتح والقفل

حسب الحراره والبروده

ومتفرقش بأه أنت بتمشى أو مبتمشيش بالعربيه

--------------------------

عموما كده حرارة المكنه غير واقعه تحت تنظيم لدرجة الحراره

طبعا ده مش صح فنيا لإعتبارات كتير ( لاداعى للدخول بها )

وليه تأثير غير مباشر على المكنه

لكن بيظهر على المدى البعيد

---------------------

كمان فيه حاجه

لو تعودت على الدواره والطلوع بالسياره على طول

دون الإنتظار لحين سخونة المكنه بشكل جيد

مفيش شك

هتقصر عمر المكنه وبسرعه

كمال....
06-06-2012, 02:09 AM
:THE_PR~18::THE_PR~18::THE_PR~18::THE_PR~18:

Vanditta
06-06-2012, 11:05 PM
مش فاهم تقصد إيه من دول الصراحه



---------------------

كمان فيه حاجه

لو تعودت على الدواره والطلوع بالسياره على طول

دون الإنتظار لحين سخونة المكنه بشكل جيد

مفيش شك

هتقصر عمر المكنه وبسرعه

اللى اقصدة يا بشمهندس انى حصلى حاجة غريبة هو ان العربية كانت ماشية بكمية قليلة جدا من المياة وسخنت وكوعت المياة قعدت تنفس بخار من كتر السخونية واكتشفت ان العربية سخنت بالصدفة عشان بخار المياة اللى طالع من الكوعة دة جة على فيشة بوجية فى الاسبراتير ففصلها ودة اللى خلانى اقف واشوف العربية تلتت لية
غير كدة ماكنتش هاعرف ان العربية سخنة عشان المؤشر كان معلم على النص او اعلى سنة بسيطة والمروحة كانت شغالة

ف عشان كدة كنت عايز اعرف اعراض تلف المؤشر

بالنسبة للدوارة والمشى على طوول عمرى ماعملتها الحمد لله متعود اسخن اقل حاجة 5 دقايق قبل التحرك

وشاكر جدا يا بشمهندس على الاهتمام والرد :01F577~130:

mr_strong
08-06-2012, 12:37 AM
اللى اقصدة يا بشمهندس انى حصلى حاجة غريبة هو ان العربية كانت ماشية بكمية قليلة جدا من المياة وسخنت وكوعت المياة قعدت تنفس بخار من كتر السخونية واكتشفت ان العربية سخنت بالصدفة عشان بخار المياة اللى طالع من الكوعة دة جة على فيشة بوجية فى الاسبراتير ففصلها ودة اللى خلانى اقف واشوف العربية تلتت لية
غير كدة ماكنتش هاعرف ان العربية سخنة عشان المؤشر كان معلم على النص او اعلى سنة بسيطة والمروحة كانت شغالة

ف عشان كدة كنت عايز اعرف اعراض تلف المؤشر

بالنسبة للدوارة والمشى على طوول عمرى ماعملتها الحمد لله متعود اسخن اقل حاجة 5 دقايق قبل التحرك

وشاكر جدا يا بشمهندس على الاهتمام والرد :01F577~130:

على فكرة تصميم البى واى دى زى الانسر تماما بالنسبة للموتور ومؤشر الحرارة والللانسر مؤشرها ثابت على النصف تماما مهما كانت ظروف التشغيل لدرجة انى مشيت بيها اكثر من600كم والمؤشر ثابت على النصف كاءنة مرسوم بقلم فاى حركة للمؤشر دليل على عيب تصنيع او رداءة خامات خاصة للمودلايات الاخيرة

Vanditta
08-06-2012, 02:11 PM
على فكرة تصميم البى واى دى زى الانسر تماما بالنسبة للموتور ومؤشر الحرارة والللانسر مؤشرها ثابت على النصف تماما مهما كانت ظروف التشغيل لدرجة انى مشيت بيها اكثر من600كم والمؤشر ثابت على النصف كاءنة مرسوم بقلم فاى حركة للمؤشر دليل على عيب تصنيع او رداءة خامات خاصة للمودلايات الاخيرة

حضرتك تقصد بالنقطة دى ان لو المؤشر طلع فوق النص مثلا يبقى عيب تصنيع؟!

طب دلوقتى هعرف منين ان العربية سخنت ؟!
ولا زى الناس ما بتقول العربيات اليابانى ما بتسخنش :CHUBBY~36:

mr_strong
08-06-2012, 02:26 PM
عندى سؤال محيرنى وهو مقاس الكاوتش وضغط الهواء النتروجين30ام32لاختلاف بتوع الكاوتش وكل واحد لية راى؟فياريت من حضارتكم الافادةسوقسوق

mhamdy75
08-06-2012, 03:33 PM
عندى سؤال محيرنى وهو مقاس الكاوتش وضغط الهواء النتروجين30ام32لاختلاف بتوع الكاوتش وكل واحد لية راى؟فياريت من حضارتكم الافادةسوقسوق
أنا عن نفسى بظبط على 30

أعتقد أن الكاوتش يبقى مريح

فى المطبات عن 32

mr_strong
09-06-2012, 09:29 PM
شكرا على الرد استاذ محمدى لى سؤال تانى عن استهلاك البنزين داخل المدينة عربيتى بتعمل160كم فى الصفيحة وببعنى تانى انا فولت التنك لحد الزور والوؤشر نزل للنصف بالضبط بعد المشى لمسافة220كم يعنى حوالى 30لتر بنزين--مع العلم انى رحت بعد صيانة الاف كم واشتكيت من زيادة استهلاك الوقود وقاللولى انهم ظبطو الموتور بالكمبيوتر لكن مافيش تحسن يذكر --

mr_strong
06-08-2012, 05:38 AM
سخونة سيارتى مو2012 وعاملة 3500كم كارثة وصدمة لى منذ شراء العربية ورحت توكيل القطامية3مرات بسبب هذة المشكلة ومافيش فايدة رغم انى قابلت السيد الفاضل المدير ومعقول التوكيل مش عارف يصلح العيب دةاالمهندس المحترم صبحى واخر مرة العيب ظهر تانى بعد 24ساعة ---لو حد من مسؤلى الشركة عندة حل يرد عليا قبل التوجة لجهاز حماية المستهلك وبريدى mr_strong2000@yahoo.com

mr_strong
06-08-2012, 05:40 AM
دلوقت اقتنعت تماما ان اللونس والفيرنا انسب سيارة فى السوق المصرى رغم كل شئ

NASERELFHHAM
07-08-2012, 11:30 AM
انا بعد اقتناعى بهذه السياره

للاسف العيوب دى كرهتنى فيها

على كده اللوجان افضل منها بس ينقصها abs >>ebd

mr_strong
08-08-2012, 08:26 AM
فين عنوان جهاز حماية المستهلك لان دى عالم بتتضحك عللا العميل

الدكتور خالد
09-08-2012, 12:36 PM
فين عنوان جهاز حماية المستهلك لان دى عالم بتتضحك عللا العميل
انا المشكلة دي ظهرت عندي من فترة و كتبت موضوع بكده و لما روحت توكيل الغد هنا في المنصورة قال لي لازم تروح القطامية .............و انا عامل بردو 3000 كيلو ........من كلامك ده افهم ان مفيش فايده من مشواري للقطامية و لا إيه ؟؟؟؟؟ بجد لازم يبقي في حل ........

Khaled Suleiman
10-08-2012, 12:16 AM
السلام عليكم وكل عام وانتم بخير علاج المشكلة دية وحلها النهائى كما حدث معى رحت لكهربائى كويس بيشوف العطل عن طريق الكمبيوتر راح عمل كبل ارضى اضافى 6مم من البطارية وربطه فى مسمار من القاعدة اللى شايلة البطارية وشيك على جميع أرضى السيارة والموتور وانتهت عندى المشكلة دية تماما بقالها اهى حوالى شهرين خد اجرة ايدة 40 جنية ولا توكيل ولا----------- سلام:Wkiss5:

mr_strong
14-08-2012, 08:46 AM
استاذ خالد بعد التحية --عنوان الكهربائى فين بالضبط؟وشكرا

Khaled Suleiman
14-08-2012, 01:34 PM
حضرتك ده عندنا فى الفيوم اسمه سيكا معروف هنا حضرتك اى كهربائى فاهم ممكن يعمله هى الفكرة ان العربية مش واخدة ارضى كويس بيصنفر مكان ربط كابل الارضى اللى تحت البطارية ويربطة كويس وفى كابل تانى مربوط فى الفتيس بيفكه ويصنفر ويربطه كويس ويجيب كابل 6مم او اكبر ( اضافى) بيضع فيه ترمله مسمار 14من الناحيتين ويربطة
من ارضى البطارية الى شاشيه السيارة ممكن فيه مسمار من القاعدة اللى شايلة البطارية رحت لواحد الاول قال العيب فى مؤشر الحرارة وكان هيفك ويخترع فيها قالى روح الاول التوكيل رحت التوكيل علشان مرحتش صيانة 5000ولا 10000كم قالى تصلح على حسابك علشان العربية كدة برة الضمان طيب كام قالى تدفع الاول 40جنيه للجهاز للكشف على العطل وبعدين يتحدد تكلفة التصليح لقيت هناك واحد معاه تاكسى نفس العطل عمله ورجع تانى طبعا مرضتش اعملها فى التوكيل وعلى فكرة عربيتى تاكسى سلام

mr_strong
17-08-2012, 11:34 AM
سؤال مهم لاهل الخبرة ارتفاع مؤشر الحرارة عايز ميكانيكى ولا كهربائى لان اخر مرة فى التوكيل افادونى بان وش الموتور عايز يتقرط علية ويتربط كويس بعد ما ربطو الارضى عدة مرات

mr_strong
17-08-2012, 11:36 AM
وهو تزويد المياة يتم عن طرق قربة المياة فقط ولا ممكن نزود من ؟الرادياتير؟مع العلم ان مياة القربة مضبوطة على طول

mr_strong
17-08-2012, 11:37 AM
:120105~352:سؤال مهم لاهل الخبرة ارتفاع مؤشر الحرارة عايز ميكانيكى ولا كهربائى لان اخر مرة فى التوكيل افادونى بان وش الموتور عايز يتقرط علية ويتربط كويس بعد ما ربطو الارضى عدة مرات

mr_strong
17-08-2012, 12:04 PM
سؤال لاهل الخبرة حد يعرف اى مركز بيصلح البى واى دى غير التوكيل فى القاهرة لان توكيل القطامية مش عارف يحل لى مشكلة سخونة الموتور المقلب وجزاكم اللة خير وللعلم عربيتى عاملة 3000كم فقط ورحت التوكيل 5مرات

mr_strong
17-08-2012, 12:13 PM
د-خالد انا رحت اخر مرة توكيل القطامية قالو انهم هيصلحوها مؤقتا ولكن العيب دة اذا ظهر تانى يبقى هنقرط على الموتور---يعن ى هنجرب طريقة تانية لالالصلاح-- وبالفعل تانى يوم العربية سخنت وسوف اضطر للتوجة مرة تانية بعد العيد--

mr_strong
17-08-2012, 12:15 PM
وبعد التصليح هابيع العربية علشان ماغشش اللى هاى يشترى من دة اذا اتصلحت:120105~352:

mhamdy75
17-08-2012, 02:44 PM
طالما مياه القربة مانقصتش

يبقى المياه فى دورة التبريد سليمة

يبقى التزويد من القربة فقط

------------

أما لو العربية سخنت وسحبت المياه

يبقى التزويد من الرادياتير

ولمدة لاتقل عن عشر دقائق

لغاية ما كل الهواء يطلع من الدورة

:Wkiss5:

peter magdy
17-08-2012, 02:59 PM
بص حضرتك
انا صاحب موضع -- مقبل على شراء سيارة byd f3 و شوفت حجتين زعلومى (http://www.masrmotors.com/vb/showthread.php?t=95089)
انا ناوى على شراء العربية دى علشان سعرها مناسب ليا و عمال اجمع معلومات عنها
و عرفت ان فى اعضاء هنا بتشتكى من مؤشر السخونة فى عضو عرف حل المشكلة دى و هو كاتب الكلام دة
متقلقش خالص .... الحل بأذن الله عندى
على العموم انا لسه عامل صيانة الـ 10000كيلو من يومين وعملتها فى فرع الشرابية اللى عجبنى بنسبة اكبر من فرع القطامية ومن ضمن شكوتى المرة دى فى الجوب بتاع العربية اللى عملهولى المهندس كان مؤشر الحرارة .

وكانت الحرارة عندى على النص وشوية الاقيها طلعت لتانى او تالت شرطه بعد النص تقوم المروحة تشتغل فتنزل الحرارة الى النص مرة تانية بس التكرار هنا كان بمعدل كبير ورا بعض ورا بعض

المهم وهما شغاليين فيها فى الورشة بالتوكيل روحت متكل على الله وعملت فدائى ودخلت للكهربائى اللى وصلتلوا العربية علشان يحل مشاكل المرحلة بتاعته وكلمتوا فى الموضوع فكان الكلام ياسادة كاللآتى ........

ان ارتفاع مؤشر الحرارة ناتج عن ضعف الكابل الارضى تحت البطارية وفى مكان آخر بس مش فاكر فين علشان كده الحرارة بتعلى ودى حرارة كذابة وبيعمل تقوية للكابل الارضى والحرارة مبتعلاش تانى والموضوع ده خد فى ايده ربع ساعة بالظبط يعنى متقلقش خالص على فكرة الفنى اسمه (صابر) وده اللى حصل معايا والكلام ده كان يوم السبت السابق يعنى فات بتاع 5 ايام والحرارة عندى مزادتش عن النصف.
و الرابط اهو http://www.masrmotors.com/vb/showthread.php?t=91818&page=5يفيدك
كلمة و استفسر منة على التفاصيل بالظبط و انشاء اللة
و ارجو من حضرتك بعد ما مشكلتك تتحل تقولى وصلت لفين
و انشاء اللة خير و تتحل المشكلة

mr_strong
17-08-2012, 11:32 PM
شكرا يابشا على الرد وكل عام وانتم بخير

skoda77
20-08-2012, 11:38 PM
سبحان الله نفس المشكلة اللى عندى فى عربيتى وهى عاملة حوالى 2200 كم لحد دلوقتى مؤشر الحرارة بيرتفع بشكل كبير وبضطر ابطل العربية واشغلها تانى عشان المؤشر يتهد شوية روحت بيها التوكيل فى القطامية وكان عندى مشكلة تانية انها كانت بتبطل منى !! ايوه متستغربوش اوتوماتيك وبتبطل منى المهم المشكلة دى اتحلت وفى طريق عودتى من القاهرة للمنصورة كانت تمام التمام والحرارة مظبوطة وكام يوم ورجعت تخرف تانى وبصراحة مش ناوى اروح توكيل تانى وشكلى هعتمد على كهربائى شاطر يظبطها بعد ماافدتونى بحل المشكلة وجزاكم الله كل خير علىالحلول اللى قولتوها .. وعلى فكرة العربية بخلاف مشكلة الحرارة دى عربية ممتازة جدا جدا جدا .. وموفرة جدا فىالبنزين .. ليا اقارب معاهم تويوتا 2007 وتويوتا 2012 مبهورين بيها وبالصين كلها

كل سنة وانتم طيبين يارجالة

الدكتور خالد
23-08-2012, 08:56 PM
سبحان الله نفس المشكلة اللى عندى فى عربيتى وهى عاملة حوالى 2200 كم لحد دلوقتى مؤشر الحرارة بيرتفع بشكل كبير وبضطر ابطل العربية واشغلها تانى عشان المؤشر يتهد شوية روحت بيها التوكيل فى القطامية وكان عندى مشكلة تانية انها كانت بتبطل منى !! ايوه متستغربوش اوتوماتيك وبتبطل منى المهم المشكلة دى اتحلت وفى طريق عودتى من القاهرة للمنصورة كانت تمام التمام والحرارة مظبوطة وكام يوم ورجعت تخرف تانى وبصراحة مش ناوى اروح توكيل تانى وشكلى هعتمد على كهربائى شاطر يظبطها بعد ماافدتونى بحل المشكلة وجزاكم الله كل خير علىالحلول اللى قولتوها .. وعلى فكرة العربية بخلاف مشكلة الحرارة دى عربية ممتازة جدا جدا جدا .. وموفرة جدا فىالبنزين .. ليا اقارب معاهم تويوتا 2007 وتويوتا 2012 مبهورين بيها وبالصين كلها

كل سنة وانتم طيبين يارجالة
ممكن اكلمك علي التليفون او اقابلك بالمنصورة قريبابدام حضرتك من المنصورة رقم تليفوني 01007654726 و لك جزيل الشكر

skoda77
24-08-2012, 04:21 PM
ممكن اكلمك علي التليفون او اقابلك بالمنصورة قريبابدام حضرتك من المنصورة رقم تليفوني 01007654726 و لك جزيل الشكر

اتصلت بحضرتك دلوقتى رقمى 61.........01008

GINERAL
25-08-2012, 11:35 AM
يعني طلع ليها حل جزري ؟ ولا كلها تجارب

والاخ ألي بيقول مش هروح التوكيل .. صدقني هتندم .. لاني لو وديت العربية لصنايعي مش هتسيبو اسبوع علي بعضو

mr_strong
26-08-2012, 06:55 PM
مالهاهاش حل لغاية دلوقت وانا ارسلت شكوى لجهاز حماة المستهلك علشان يشوفو لنا حل لان العاملين بالتوكبل غير مدربين على اصلاح الاعطال وانما صيانة منظر فقط

mr_strong
27-08-2012, 07:58 PM
انا رايح بكرة الثلاثاء توكيل القطامية للمرة الاخيرة علشان مؤشر الحرارة وسخونة الموتور لو حد عندة نفس المشكلة يروح بكرة علشان المهندسين العباقرة يفهمو ان الشكوى جماعية وهايتخرب بيتهم وبيت شركة الامل عن قريب جدااااا

mr_strong
27-08-2012, 08:08 PM
انا رايح بكرة الثلاثاء توكيل القطامية للمرة الاخيرة علشان مؤشر الحرارة وسخونة الموتور لو حد عندة نفس المشكلة يروح بكرة علشان المهندسين العباقرة يفهمو ان الشكوى جماعية وهايتخرب بيتهم وبيت شركة الامل عن قريب جدااااا من مواضيع mr_strong في مصر موتورز0 مؤشر الحرارة والسخونة الزيادة

skoda77
27-08-2012, 10:59 PM
ياريت تقولنا بكره لما ترجع بالسلامة ان شاء الله عملت ايه والعالم دى اتصرفت ازاى ؟؟

hanyyyyyy
28-08-2012, 10:02 AM
يا جماعة قولتلكم روحوا فرع الشرابية انا عملتها هناك وبقت زى الفل رايحين فرع القطامية تعملوا ايه بس والفنى اللى فى الشرابية اسمه تقريبا صابر وهو كهربائى وقام بالواجب وزيادة

mr_strong
29-08-2012, 07:58 PM
انا ةكان عندى مشكلة سخونة الموتور وارتفاع مؤشر الحرارة بشكل متغير وامس رحت توكيل القطامية للمرة الخامسة وقام المهندسن الاجلاء بتغير حساس الحرارة وعمل كبل ارضى اضافى للبطارية ولحد دلوقت الحرارة منتظمة تماما بس لاحظت شئ فى منتهى الغرابة وهو ان العربية لما تسخن تشتغل مروحة الرادياتير ومعها مروحة التكييف لمدة دقيقة تقريبا ويطفو مع بعض والمؤشر مضبوط على النص والشئ التانى ان لو شغلت التكييف ولو حتى العربية باردة وماتحركتش مروحة الرادياتير تشتغل وتطفى مع مروحة التكييف وكلمت الصنايعى علشان اشتكى من تشغيل المروحتين معا قاللى دة طبيعى واللدايو والفرنا شاغلين على نفس النظام --- حد من الاخوة الافاضل يعرف يفيدنا افادكم اللة

skoda77
29-08-2012, 10:37 PM
يا جماعة قولتلكم روحوا فرع الشرابية انا عملتها هناك وبقت زى الفل رايحين فرع القطامية تعملوا ايه بس والفنى اللى فى الشرابية اسمه تقريبا صابر وهو كهربائى وقام بالواجب وزيادة

ممكن توصفلى فرع الشرابية اروحله ازاى وانا جاى من بره القاهرة طريق اسكندريةالزراعى
عشان لو حبيت اروحلهم

Khaled Suleiman
30-08-2012, 12:42 AM
:ff5a34af6efef0e643eمبروك ياباشا اخيرا بالنسبة للمروحتين ده الطبيعى بالتوفيق ان شاء الله:THUMB_~112:

mr_strong
30-08-2012, 01:13 AM
اللة يبارك فيك وعقبال عندكم---يا خالد بك بس دة مش تحميل على الدينامو والبطارية بدون داعى بالاضافة ان العربية من ساعة ماشتريتها زيرو كان مروحة التكييف تشتغل مع تشغيل التكييف فقط ودة الطبيعى والمنطقى لكن انا اول مرة اشوف المروحتين يشتغلو مع بعض ولادة فى العربيات الصينى فقط وهل يمكن تشغيل مروحة التكييف فقط مع التكييف زى باقى العربيات؟ ولا الصح اية بالنسبة للبى واى دى اللى مجننانى؟

mr_strong
30-08-2012, 01:33 AM
سؤال لاهل الخبرة هل فية ضرر لو مروحة التكييف اشتغلت مع مروحة الرادياتير فى نفس الوقت؟ وهل فية ضرر لو اشتغلت مروحة الرادياتير مع التكييف على طول بدون توقف لحد ما نطفى التكييف ولو بعد 5ساعات من تشغيل التكييف فى السفر؟ ارجو رد سريع وجزاكم اللة خيرا

احمد على 1999
30-08-2012, 02:08 AM
سؤال لاهل الخبرة هل فية ضرر لو مروحة التكييف اشتغلت مع مروحة الرادياتير فى نفس الوقت؟ وهل فية ضرر لو اشتغلت مروحة الرادياتير مع التكييف على طول بدون توقف لحد ما نطفى التكييف ولو بعد 5ساعات من تشغيل التكييف فى السفر؟ ارجو رد سريع وجزاكم اللة خيرا

من خبرتى فى اللانوس و تقريبا كل العربيات كده بالظبط زيى ما حضرتك بتوصف
طبعا فى اللانوس انا متاكد 100% ان دا الوضع الطبيعى
ان الاتنين بيشتغلوا و يفصلوا مع بعض
و الاتنين بيشتغلوا مع التكيف حتى لو 24*7 ميقفوش غير لما تفصل التكيف
و عندى احساس ان كل العربيات الحديثة كده لانى شفت بعضهم

Khaled Suleiman
30-08-2012, 02:55 PM
الكلام ده مش مظبوط امال منظم درجة البرودة( الترموثتات) بيعمل ايه اول مفتاح على اليمين فيه اربع درجات زى نظام الثلاجة فى البيت مثلا لو على 1 التكييف يفصل بسرعة برودة اقل 2 يطول فى الفصل شوية برودة اكثر 3 يطول اكثر وبرودة اكثر 4 اقصى تبريد وطبعا مع الفصل بتفصل المراوح مروحة الريداتير ومروحة سربنتينة التكييف وطبعا بعد العوامل بيكون ليها تاثير فى سرعة التبريد درجة الحرارة الخارجية لو كنت على طريق سريع او داخل البلد لو العربية مفيمة بس ممنوع من المرور

احمد على 1999
30-08-2012, 06:45 PM
كلام منطقى خصوصا لو نظام التكييف مزود بثرموستات
بس انا متاكد من اللانوس مثلا مفيهاش ثرموستات للتكيف يعنى الكومبريسور فى اللانوس مبيفصلش خالص غير لما تطفيه من الزرار
فهل فى ال byd ثرموستات ؟
و ديى سهل التاكد منها
تشغل التكييف فى مكان ظل و تجيبه على واحد و تقفل العربية كويس و تفتح الكابوت و لو انت خبرة تراقب كلاتش الكومبريسور و تشوف بيفصل و لا لأ و لو مشوفتهوش يبقى تركز بودانك هل حتسمع لقط و فصل كلاتش الكومبيرسور
لو بتسمعه كل شوية يفصل و بعد شوية يعشق و هكذا يبقى فيها ثرموستات لو بيبقى معشق على طول يبقة زيى اللانوس مفيش ثرموستات

mr_strong
30-08-2012, 08:04 PM
يعتى الصح فى البى واى دى المروحتين يشتغلو مع بعض ولا نروح لواحد بتاع تكييف يصحح الوضع ويخلى مروحة التكييف تتشتغل مع التكييف بس زى الاول؟

احمد على 1999
30-08-2012, 10:00 PM
من الواضح ان مفيش اختلاف على ان الاتنين بيشتغلوا مع بعض حتى دا اللى فهمته من كلام الاستاذ خالد سليمان
اللى اقدر ااكدهولك ان اللانوس كده و عربيات تانية كتير كده
مفيش حاجة اسمها مروحة رادياتير و مروحة تكييف الاتنين شغالين مع بعض سواء مع التكييف او من غيره
من الواضح انها سمة العربيات الحديثة
انا لو مكانك اقلق لو مروحة واحدة بس اللى شغالة حتى مش منطقية ان نص الرادياتير يتبرد

mr_strong
30-08-2012, 11:40 PM
يا سلام--امال لما رحت التوكيل عدة مرات كانت مروحة التكييف مابتشتغلش مع مروحة الرادياتير ابدا والفنيين والمهندسين ماقلوش لية وشغلو المروحتين من اول مرة؟ ولادة اكتشاف وفكرة جديدة؟ برجاء الافادة

يسري أبو الخير
31-08-2012, 12:01 AM
انا عندي اللانوس مروحة الرداتير بتشتغل لوحدها .. و مروحة التكييف لا تعمل الا مع استخدام التكييف و طبعا انا متأكد من الكلام دا .. لانو في مرة مؤشر الحرارة ارتفع معايا شوية و اتصلت بالكهربائي قلي شغل التكييف .. و تعالى على طول و بالفعل لما شغلت التكييف .. الحرارة ما زادتش .. و ثبتت لغاية ما وصلت للكهربائي ..

احمد على 1999
31-08-2012, 12:34 AM
قولى النهائى مع احترامى لجميع الاراء
انا لا اعرف شىء عن ال byd و نصيحتى ليك بص على عربية byd تانية

Khaled Suleiman
31-08-2012, 03:26 AM
الكلام ده مش مظبوط امال منظم درجة البرودة( الترموثتات) بيعمل ايه اول مفتاح على اليمين فيه اربع درجات زى نظام الثلاجة فى البيت مثلا لو على 1 التكييف يفصل بسرعة برودة اقل 2 يطول فى الفصل شوية برودة اكثر 3 يطول اكثر وبرودة اكثر 4 اقصى تبريد وطبعا مع الفصل بتفصل المراوح مروحة الريداتير ومروحة سربنتينة التكييف وطبعا بعد العوامل بيكون ليها تاثير فى سرعة التبريد درجة الحرارة الخارجية لو كنت على طريق سريع او داخل البلد لو العربية مفيمة بس ممنوع من المرور انا اسف يا جماعة المفتاح اللى قصدى علية هو درجات وليس ارقام طبعا احمر دفاية واخضر تبريدhttp://www.fannat.com/news/3911_files/image017.jpg

mr_strong
03-09-2012, 08:28 PM
يعنى كل العربيات اتظبطت حراراتها الان ؟على تشغيل المروحتين وخلاص ويبقى براءة اختراع لمركز صيانة الامل ولا الواحد يفقد الامل فى التصليح الصح ؟

mr_strong
08-09-2012, 10:52 PM
موضوع تشغيل المروحتين طلع اونطة يا رجالة العربية بقالها يومين واتجننت من الحرارة انا شاكك ان دة عيب موتور

mhamdy75
09-09-2012, 01:03 AM
موضوع تشغيل المروحتين طلع اونطة يا رجالة العربية بقالها يومين واتجننت من الحرارة انا شاكك ان دة عيب موتور

أدمير قال الحل

حضرتك روح لميكانيكى

يظبط التاكيهات كلها على 25

موضوع سهل

إن شاء الله

mr_strong
09-09-2012, 06:22 PM
الاخ الفاضل محمدى --اعتقد انة ليس عيب تكيهات اللى بيسسبب السخونة لان العربيىة ممكن تفضل اسبوع ماتسخنش وبعدين الحرارة والؤشر بيعلى ابالتدريج-- يعنى لما اروح التوكيل يكشفو على دورة التبريد وجميع وصلات الكهرباء والسيارة تقعد اسبوع ومؤشر الحرارة ثابت على النص فى جميع الاحوال وحتى لو قرصت على العربية وبعد كدة الحرارة تعلى بالتدريج يوم بعد يوم لحد مالسخونة توصل لعدة مرات والمؤشر يعلى ويوطى اكثر م10 مرات فى الساعة ودة لو عيب تكيهات العربية تسخن فى جميع الاحوال خاصة لو قرصت على العربية

ziabassem
09-09-2012, 09:27 PM
أنا مقدر المعاناة اللي أنت فيها .. والله يكون في عونك .. بس نصيحة مني خليك مع التوكيل للنهاية وخد حقك منه .. وأخد الحق حرفة زي ما بيقولوا .. وإن شاء الله المشكلة تتحل وتكون مبسوط وسعيد بالعربية .

وحاول تتصل بالمسئولين عن التوكيل في المنتدى يساعدوك في حل المشكلة .

mr_strong
10-09-2012, 05:18 AM
رسالة لكل وحد من الاخوة الافاضل عندة مشكلة سخونة وارتفاع مؤشر الحرارة --انة يفحص او يغير الريلات او الموصلات الموجودة فى علبة الفيوزات وهم3 خاصين بمروحة الردياتير ويبدلهم ب3 يابانى بتاعة تويتا او على الاقل ينزعهم من مكانهم ويعيد تثبتهم مرة اخرى واعتقد ان دة اللى بيلخبط موضوع حرارة العربية--وياريت نعرف النتائج

ziabassem
10-09-2012, 10:09 AM
هل حضرتك جربت الموضوع ده وجاب نتيجة معاك .. مزيد من التفاصيل لو سمحت .

mr_strong
11-09-2012, 08:39 AM
ايوة بالصدفة سائق تاكسى قاللى انة غير الريلات ب3 يابانى وحل مشكلة تذبذب مؤشر الحرارة--- ولمل نزع الفيوزات من عندى واعاد تركيبها مرة ثانية اختفت المشكلة من عندى لمدة 24 ساعة وقريبا هاغير باليابانى بس بدور على كهربائى يكون بيفهم فى العربيات التحفة بتعاعتنا واهى محاولة بعيد عن توكيل القطامية الوهمى والفاشل

ziabassem
11-09-2012, 09:18 AM
إن شاء الله تنفع وتبقى مبسوط من العربية بعد كدة .. وفي انتظار نتيجة التجربة

mr_strong
12-09-2012, 10:10 PM
حد عندة فكرة عن موضوع ضبط التكيهات دة؟وحدعملة ؟ واعرلضة اية بالنسبة للسيارة؟

peter magdy
13-09-2012, 12:03 AM
حضرتك تاعب نفسك لية
استاذ عماد قالك انة مش هسيبك الا لما يحل المشكلة
انت كلمتة علشان فلقتش فايدة و هتتصرف برة و تدور على ميكانيكى
كلمة وجرب و الراجل ساب تيلفونة دليل على الاهتمام
و انا كتبتلك قبل كدة من اكتر من اسبوع على حل المشكلة و عضو كمان حلها و قالك على حلها
مستنى اية بقى
و المية تكدب الغطاس

skoda77
13-09-2012, 07:08 PM
يا جماعة انا روحت توكيل القطامية بالامس وتم حل مشكلة السخونة اللى كانت بسبب الكابلات وحساس الجرارة والحمدلله العربية حتى الان زى الفل .. دعواتكم تفضل كده علطول ان شاء الله .. ولن انسى ان اقدم الشكر الجزيـــــــــــــــــــــــــــــــــــــــــــــ ـل جدا جدا للاستاذة داليا من خدمة العملاء بصراحة تعمل كالدينامو ولا يهدأ لها بال الا لما العميل يمشى ويكون خلص كل مشاكله مع التوكيل .. مرة تانية بشكرك يا ا. داليا وبشكر كمان الاستاذ عماد سليمان ناءب رئيس مجلس الادارة لاهتمامه الشخصى بمشكلتى .. انا حسيت امبارح انى جبت عربية جديدة .. شكرا ليكم جميعا وياااااااااااااااااارب كل اللى عنده مشكلة فى العربية تتحل

mr_strong
13-09-2012, 07:41 PM
اتوجة بالشكر الجزيل للاستاذ محمد رمضان والباشمهندس اشرف الخلوق وباقى اسرة توكيل القطامية على الاهتمام البالغ والحضارى بشكواى من مؤشر الحرارة----ولاننسى الاستاذة داليا كمان---والى الامام واللة ولى التوفيق

mr_strong
17-09-2012, 08:49 PM
توجهت اليوم الاثتين لتوكيل القطامية والاستاذ الفاضل محمد رمضان مدير التوكيل قام بالواجب وزيادة لحل شكواى باخلاص تام-- وكذللك المهندسين الافاضل صبحى وزملاؤة قامو بالواجب تماما--وكمان الاستاذة داليا بمتابعتها الحضارية لكل العملاء

ziabassem
17-09-2012, 10:54 PM
الحمد لله على حل المشكلة .. وألف مبروك باستمتاعك بالعربية لأني كنت حاسس بيك وبالمنغصات اللي كانت مسببهالك .. ويا ريت متنساش بعد فترة تقولنا أيه الأخبار برضه .

mr_strong
18-09-2012, 10:26 PM
شكرا لكل من اهتم بمشكلة مؤشر الحرارة وانا حاسس انة بالفعل تم حل المشكلة المرة دى بجد بعد ماقام الفنيين بتركيب ارضى تانى 12 مم اضافى -- وشكرا

hzem
19-09-2012, 01:28 PM
شكرا لكل من اهتم بمشكلة مؤشر الحرارة وانا حاسس انة بالفعل تم حل المشكلة المرة دى بجد بعد ماقام الفنيين بتركيب ارضى تانى 12 مم اضافى -- وشكرا

و ده توكيل ايه لو سمحت و عنوانه

mr_strong
26-09-2012, 07:10 PM
توكيل القطامية

mr_strong
19-10-2012, 11:29 PM
السلام عليكم --تم حل مشكلة ارتفاع مؤشر الحرارة منذ اكثر من شهر وذلك بعد قيام الفنيين العباقرة فى توكيل القطامية بتركيب ارضى 12مم--ولحد دلوقتى الممؤشر مضبوط --وبادعى انة يكون مضبوط على طول لان سبب هذا العيب هو ضعف حالة الضفيرة االلىى نازلة فى الموديلات الاخيرة لانها صناعة مصرية

mhamdy75
19-10-2012, 11:59 PM
السلام عليكم --تم حل مشكلة ارتفاع مؤشر الحرارة منذ اكثر من شهر وذلك بعد قيام الفنيين العباقرة فى توكيل القطامية بتركيب ارضى 12مم--ولحد دلوقتى الممؤشر مضبوط --وبادعى انة يكون مضبوط على طول لان سبب هذا العيب هو ضعف حالة الضفيرة االلىى نازلة فى الموديلات الاخيرة لانها صناعة مصرية

مبروووووووووووك

وشكرا على المتابعة

الاستاذ/ علاء
20-10-2012, 12:16 PM
السلام عليكم --تم حل مشكلة ارتفاع مؤشر الحرارة منذ اكثر من شهر وذلك بعد قيام الفنيين العباقرة فى توكيل القطامية بتركيب ارضى 12مم--ولحد دلوقتى الممؤشر مضبوط --وبادعى انة يكون مضبوط على طول لان سبب هذا العيب هو ضعف حالة الضفيرة االلىى نازلة فى الموديلات الاخيرة لانها صناعة مصرية

الحمد لله
يارب تكون راضى عن السيارة ككل ......

ابوجنى2112
11-11-2012, 06:34 AM
* استهلاك البنزين الفعلي وليس من واقع البروشور : 8 من( 10 الى11 فى200km)

ابوجنى2112
24-11-2012, 05:23 PM
* استهلاك البنزين الفعلي وليس من واقع البروشور : 8 من( 10 الى11 فى200km)


استهلاك البنزين الفعلي ..(220 كم * الصفيحة ) على سرعة تتراواح من 100- 140 كم على


الصحراوى ... ياريت حد يفيدنا الاستهلاك .ده عالى ولا مزبوط ...

لدلك وجب تصحيح المعلومة والتنبية .. وتقبلوا مرورى.. :014FDA~117:

lonedoctor
24-11-2012, 06:19 PM
السلام عليكم --تم حل مشكلة ارتفاع مؤشر الحرارة منذ اكثر من شهر وذلك بعد قيام الفنيين العباقرة فى توكيل القطامية بتركيب ارضى 12مم--ولحد دلوقتى الممؤشر مضبوط --وبادعى انة يكون مضبوط على طول لان سبب هذا العيب هو ضعف حالة الضفيرة االلىى نازلة فى الموديلات الاخيرة لانها صناعة مصرية

الف مبروك وربنا يبارك لك فى سيارتك
وكويس انه الفنيين اللى فى توكيل القطامية طلعوا عباقرة لانى موش باحس بالعبقرية دى خالص لما باروح هناك

mr_strong
25-11-2012, 04:52 PM
بس خلى باللك العبقرية عندهم بالمقلوب--الاصلاح عندهم بالبركة

WALEED MOH.
27-11-2012, 03:17 PM
معلش يا جماعه يمكن أنا لسه شايف الموضوع ده دلوقتى وقرأة تقريبآ الموضوع وأراء بعض الأعضاء وارجو أنى أفيدكم بحكم خبريتى البسيطه. 1- بالنسبه لموضوع الحراره وطبعآ هتكلم بالزات على موديل 2012 وانا معايا موديل 2012 أوتوماتيك والحمد لله محصلش معايا موضوع الحراره أنها ترتفع بس أحب أتكلم على أللى انا شوفته وأنا فى مركز القطاميه اولا أغلبية الناس بتشتكى من الحراره بعد صيانة ال 1000 كم وأللى بيحصل الأتى فى الصيانه بيتم رش الموتور بالمياه وليس غسيله علشان محدش يقؤل أنهم بيغسلوا الموتور فى التوكيل هما بيرشوا الموتور بالهوا والمياه وبالتالى بيحصل صدأ على كابل الأرضى الملامس لجسم السياره وده طبعآ غير أن الكابل ضعيف وبعيد بقى عن التوكيل عند البيت أو عند أى كهربائى سيارات نعمل سبورت كابل للأرضى 16 م ونحاس ونراجع على الفيشه أللى راكبه فى ثيرموستات الحراره ممكن يكون فيها صدأ أو كربون من السخونه وأن شاء الله كله بعد كده يبقى تمام. 2- موضوع المراوح أو المبردات أللى حصل أمامى فى التوكيل أن الكهربائى بيوصل مروحة التكيف مع مروحه الريداتير وده فى حد زاتة لعب مش كويس هوه بيعمل كده علشان يزود الهواء أللى بيبرد مياه الريداتير فى حالة أرتفاع درجه الحراره وبكده أنا بحمل على الثيرموستات وبحمل كمان او بمعنى أصح بقصر العمر الأفتراضى لماتور مروحة التكيف مهى شغاله معايا عاطل مع باطل. نوضح بقى الصح وأللى هوه المفروض موجود فى أى عربيه مش ملعوت فى اساسها أن مروحة الريداتير تعمل فقط عند صعود درجة حرارة مياه التبريد وحتى يتم تبريد المياه عند درجه معينه تفصل طب ولما نشغل التكيف مع بداية تشغيل الكومبريسور تبدأ مروحة التبريد الخاصة بالتكيف بالعمل طب ليه علشان يا جماعه التكيف ليه سربنتينة تبريد منفصله عن الريداتير وكمان خالوا بالكو التكيف برضه بيعتمد على شغل ببعض من مياه الريداتير وممكن تبقى مروحة التكيف شغاله ومروحة التبريد لاء طالما درجة حرارة المياه مظبوطه وكمان الخواجة عامل مروحتين فى أى عربيه فيها تكيف علشان التكيف بيبقى حمل على الموتور وبالتالى تعلوا درجه حرارة مياه الريداتير أرجو أنى أكون أفدكم ومكونشى طولت عليكم.

JILANCO
27-11-2012, 04:01 PM
الحمد لله على حل المشكلة .. وألف مبروك باستمتاعك بالعربية لأني كنت حاسس بيك وبالمنغصات اللي كانت مسببهالك .. ويا ريت متنساش بعد فترة تقولنا أيه الأخبار برضه .

:Bravo::Bravo::Bravo: مبروك

mr_strong
19-12-2012, 06:47 PM
بالنسبة لمؤشر الحرارة مضبوط حتى الان ولا يعلو على النصف ----لكن اللى قالقنى ان فنى الكهرباء مصصممم على تشغيل مروحة التكييف مع مروحة الرادياتر ولالااسف المهندسين اللى فى التوكيل مش فاهمين ورافضين يقولو ان دة صح اوغلط --يمكن مهندسين الصين يعرفوا؟

mr_strong
12-01-2013, 04:51 PM
سؤال هام ---زيت موبيل وان5w50افضل ولا زيت شل الترا5w40 لببب واى دى الزيرو؟لو حد غير منموبيل الى شل ياريت يقول لنا على الزيت الافضل

mr_strong
02-02-2013, 06:11 AM
السلام عليكم هل زيت شل التر 10000كم افضل من زيت موبيل وان5W50؟لعربية بى واى دى عاملة9000كم؟واية احسن زيت لموتور العربية؟

lonedoctor
02-02-2013, 08:15 AM
بصراحة انا لااستخدم الا شل الاصفر اللى مفروض 5000 ك بس انا باغيره عند 3 الاف كيلو بمجرد ما استخدمته حسيت بفارق كبير جدا فى النعومة وصوت السيارة ورميت زيت الموبيل اللى حطوه فى التوكيل وانا انصحك بيه بشدة
مرة جربت احط زيت فيسكو بعد ثناء بعض اعضاء المنتدى عليه بصراحة وجدت صوت المحرك مرتفع وسئ للغاية فرميته بعد 500 كيلو ولم اكرر التجربة مع اى زيت تانى
كنت اريد استخدام شل 10000 ك الرمادى لكن االسيارة مركونة تقريبا طول الوقت وممكن السنة تعدى ولا نتتحرك حتى 5000 ك ولذلك انا لا استعمله ولكن ارشحه لك قوة اذا كانت تحركاتك بالسيارة كتير
تقبل تحياتى

mr_strong
02-02-2013, 07:57 PM
شكرا على الرد---معنى كدة ان ى ممكن احط زيت نصف تخليقى لعربيتى وهى لسة عاملة 8000كم ومافيش ضرر على الموتور؟والاداء يبقى احسن؟

mr_strong
02-02-2013, 07:58 PM
بس انا سمعت عن زيت ليكو مولى 5w40 وعايز اجربة لانة بيقعد 10000كم اية راى سيادتك؟

lonedoctor
03-02-2013, 12:52 AM
هناك من استخدم ليكوى مولى والنتيجة غير مرضية تماما خليك فى شل افضل وياريت يكون فى بنزينة شل نفسها وتاكد من العبوة واغلاقها وتاريخ الانتاج بنفسك
:GROWIN~12:

mody112
20-02-2013, 10:32 AM
هناك من استخدم ليكوى مولى والنتيجة غير مرضية تماما خليك فى شل افضل وياريت يكون فى بنزينة شل نفسها وتاكد من العبوة واغلاقها وتاريخ الانتاج بنفسك
:GROWIN~12:

فعلا ليكوى مولى غير جيد على الاطلاق عن تجربة شخصية

aljazari
29-03-2013, 03:34 PM
طبعا أولا حاجة في أختبار الحرارة لازم نشوف فرق الحرارة على دخل الردياتير و خرجة وبيكون من 5 ل 8 درجات فرق دي حاجة و الحاجة التانية بنشوف درجة حرارة العادم لكل غرفه على حدى و أرتفاع درجة الحرارة بالغرفة بيدل على أنه فيه مشكله في الحريق....طاب فرضا كل حاجة طلعت تمام يبقى لازم مبص على الكهربه بتاعت العربيه و أنا حقدم لكم تقرير فني من الشركة المصنعة بيبين المشكله دي(غالبا أكتر من مستخدم أشتكى للشركة المصنعه منها) فهم عملوا التقرير الفني دي و أزاي تحل المشكلة دي و كيفيه عمل ال troubleshooting
الرابط
http://www.scribd.com/doc/113520472/BYD-AUTO-Technical-Monthly-August
وممكن تنزله بأنك تدخل بحساب الفيس و حتلاقي ع اليمين من تحت كلمه download

mr_strong
07-10-2013, 09:37 PM
هل حد من ملاك واى بى دى جرب زيت فولفالين40 دبليو10؟وهل ىفضل من موبيل وان؟

mr_strong
09-10-2013, 04:34 AM
ماهو افضل زيت موتور وفتيس للبى واى دى؟ارجو سرعه الرد من الاخوة المحترمين فى المنتدى

احمد على 1999
09-10-2013, 05:54 AM
ان شاء الله حد يفيدك
بس انصحك للماتور استخدم زيت تخليقى
انا بستخدم فى اللانوس شيل الترا هيلكس و بغيره عبى 25 الى 30 الف كم
الفتيس عندك اتوماتيك ؟
لو مانيوال عايز تغيره ليه ؟ الا لو دليل المستخدم ينص على التغيير

mr_strong
09-10-2013, 09:44 PM
شكرا على ردك اللطيف---الفتيس عندى مانويل لكن عايز اغيرة على25000كمعلشان صوت العربيىة عالى بعد100كم----وىاتري شل الترا احسن من موبيل وان بتاع التوكيل ارجو سرعة الرد علشان هاغير زيت قريب

احمد على 1999
09-10-2013, 11:21 PM
شيل الترا احسن من موبيل وان

mr_strong
11-10-2013, 09:47 PM
حد من الاعضاء المحترمين جرب فولفولين10w40وماهو انطباعك عنة؟

mr_strong
14-10-2013, 07:51 PM
هو مافيش زيت فولفالين فى مصر ولا اية؟

hanyghanem
15-10-2013, 01:24 AM
العربيات الحديثة لا تحتاج لتسخين فقط 30 ثانية لنشر الزيت داخل المحرك ثم التحرك علي سرعة بطيئة لحين ارتفاع مؤشر الحرارة للنصف ( ده خلاصة ما قرأت عن موضوع التسخين )

hanyghanem
15-10-2013, 01:27 AM
موضوع ان العربية بتحك - ممكن حضرتك تركب علايات ( معدن ) عشان في كاوتش ده بيخلي السست تكرش - المعدن دي زي الماسورة بتركب علي المساعد الخلفي وان شاء الله مش هتحس بمشكلة الحكة تاني - تمن العلايات 80 جنية وتركيبها 60 جنية

mr_strong
22-11-2013, 09:10 PM
حد من الاعضاةء المحترمين يقدر يقولى اية احسن زيت للموتور 10000كم؟وكمان للفتيس علشان انا عايز اغيرهم فى صيانة ال20000كم الاسبوع القادم لكن خارج التوكيل؟

mr_strong
24-11-2013, 05:21 PM
حد جرب زيوت كاسترول؟

mr_strong
27-11-2013, 05:36 PM
سؤال للاعضاء المحترمين--مامعنى اضااءة لمبة بيان الاير باج اللى فى التابلوة اثناء سير السيارة؟واية نوع العطل اللى بيخلى اللمبة تننور؟ وهل فية خطورة ادا مشيت عليها كتير قبل ماروح التوكيل؟ --برجاء سرعة الرد من ذوى الخبرة علشان انا مسافر وبعيد عن التوكيل وشكرا

mr_strong
07-12-2013, 10:13 PM
حد جرب زيت شل الترا

mr_strong
19-12-2013, 08:07 PM
حد جرب زيت شل الترا؟ او كاسترول ايدج للبى واى دى؟