المساعد الشخصي الرقمي

مشاهدة النسخة كاملة : حقائق عن سيارات المعاقين


Payoo
16-06-2008, 04:51 PM
موضوع سيارات المعوقين كثر عليه الكلام والجدال وله دعاية جذابة جدا تجعل أي شخص مقدم على شراء سيارة أن يقوم بالتفكير في شراء سيارة من السيارات المخصصة للمعاقين من كثرة الكلام عن التوفير والحالة الرائعة للسيارة المستورده للمعاقين
وبما أنني غاوي أفتكاسات وتجارب قمت بشراء سيارة من سيارات المعاقين وكانت لي هذه التجربة التي ندمت عليها أشد الندم
والندم هنا ليس لحالة السيارة (فلعل حالة السيارة هي الشيء الوحيد الذي صبرني على تقبل التجربة) وإنما الندم جاء من كثرة الاجراءات المعقدة و من المبلغ الذي دفعته ثمن للسيارة والذي تخطى سعرها الحقيقي في الأسواق العادية

وإليكم التفاصيل

أولا أنا لست معوق ولكن لي قريبه تعاني من إعاقة قمت بالاتفاق معها على أن تأخذ مبلغ مقابل أن أتمتع بالأعفاء الذي سوف تأخذه من مصلحة الجمراك وهو 20.000 من القيمة الجمركيه للسياره ((هذا باإضافة إلى أنني سمعت أن السيارات هناك قيمتها منخفضه جدا جدا جدا)

وقلت في نفسي أنني سوف أستفيد من الإعفاء الجمركي ومن سعر السيارة المنخفض و أن قريبتي سوف تستفيد بالمبلغ الذي سوف تأخذه مني مقابل شراء سيارة باسمها حيث أن ظروفها وإمكانيتها المادية لن تسمح لها بشراء سيارة أبدا

ولكن بعد أن بدأت هذا المشوار الصعب وجدت أن كل ما يقال مبالغ فيه جدا جدا وأن الموضوع ليس فيه أي إفادة إلا للــمـــعــوق فـــــــــــقــــــــــط وأن سعر السيارة ليس النصف كما يُقال ولا يحزنون بل بالعكس السيارة سعرها يقارب سعر سوق المستعمل في مصر ولكنه يقل قليلا

وبما أنه يقل قليلا وليس كثيرا فإن هذا القليل لا يسمح لأحد سوى المعوق فقط أن يستفيد من الإعفاء
لأن الشخص العادي عندما يقوم بدفع مبالغ الكشف الطبي( 500جنيه مستعجل هذا بخلاف بعض النثريات) ثم المبلغ المتفق عليه للمعاق(بمتوسط 5000جنيه) ثم استخراج رخصة خاصة للمعاق (طبعا بعد دفع مبلغ تحت الترابيزه لضابط مرتشي أو ما شابه في حدود 1000جنيه) و دفع مبلغ ترخيص السيارة باسم المعاق (حوالي 500جنيه) ثم دفع مبلغ فك الحظر 9600جنيه ثم دفع رسوم نقل الملكيه في الشهر العقاري وهي بالنسبة لسيارتي 1050 جنيه

بعد كل ذلك ستجد انك قد دفعت أكثر من قيمة السيارة الفعلية في سوق الاستعمال المصري

وبكده هاتلاقي نفسك أخذت أكبر مقلب في حياتك وسوف تجد عزائك الوحيد هو حالة السيارة الممتازة التي تختلف عن حالة السيارة المستعملة في مصر



وأليكم صورة السيارة التي أشتريتها من بورسعيد

http://www4.0zz0.com/2008/02/20/15/188996800.jpg
http://www4.0zz0.com/2008/02/20/15/707281776.jpg
http://www4.0zz0.com/2008/02/20/15/959575090.jpg
http://www4.0zz0.com/2008/02/20/15/665555343.jpg
http://www4.0zz0.com/2008/02/20/15/303068583.jpg
http://www4.0zz0.com/2008/02/20/15/908095039.jpg
http://www4.0zz0.com/2008/02/20/15/942217225.jpg
http://www4.0zz0.com/2008/02/20/15/666137171.jpg
http://www4.0zz0.com/2008/02/20/15/645727910.jpg
http://www4.0zz0.com/2008/02/20/15/354692878.jpg

وأي أستفسار من اي عضو سوف أقوم بالأجابة عليه وتوضيح كافة الأجراءات المعقدة في رحلة العذاب للحصول على سيارة معفاة جزئيا من الجمارك للمعاقين


على فكرة الخطوات كثيره جدا ومعقده والمبالغ المدفوعه تأتي واحده واحده ولا يعلن أحد عنها إلا بعد أن تكون قد مشيت خطوات في الموضوع وكأنك وقعت في فخ
لذلك سوف اذكر لكم التفاصيل واحده بواحده كلما تذكرت شيئا أو كلما سال أحد عن شيئ


شكرا

Ahmed Anwer
16-06-2008, 05:56 PM
هاني باشا ،،

مبروك عليك العربية الجديدة

دايما انتا رائد كل جديد ،،

ممكن نضيف للمحاذير دي

محاذير الحالة

و توافر قطع الغيار لعربيات مبتنزلشي لمصر بنفس المواصفات

بالإضافة لدوخة الإجراءات

و في الآخر الفرق مش مستاهل

مستنين تحكيلنا تجربتك مع الميجان

نسيت حاجة ممكن تزعلك محذور الحكم الديني و الأخلاقي في الموضوع ده

MohabSaeed
16-06-2008, 06:02 PM
الف مبروك
ما شاء الله العربيه فعلا حالتها ممتازه و ربنا يباركلك فيها ...ويمكن هو ده العزاء الوحيد " والمهم " فى المبالغ المدفوعه و " الرشاوى " و التعب والسفر و وجع الدماغ .
حضرتك استفدت عربيه بحاله كويسه " احسن من حاله السياره لو كانت مستعمله فى مصر " + ان قريبة حضرتك استفادت بالمبلغ . وده الجانب الايجابى المهم .

و الجانب السلبى ان فعلا تجربه شراء سياره لمعاقين تجربيه" ممله للغايه " + الوقت والمجهود الضائع + ان لازم التاجر الى حيجيب العربيه يكون ثقه والى ممكن الواحد ياخد مقلب فى العربيه .

بس كل شئ ليه ميزه وليه عيب.

عموما يا استاذ هانى حاول تنسى الاجرائات والتعب الى تعبته فى شراء العربيه " علاشام ماتكرهش العربيه . :) .

أبو عبد الرحمن
16-06-2008, 07:01 PM
على فكرة أنا كنت ماشي في الموضوع ده وكنت عايز أجيب Tempra، وبعد ما دفعت 1000 جنيه (500 كشف طبي و500 مواصلات المعاق !!) لقيت الموضوع معقد ورخم ومتعب فوقفت على كده، وعوضي على ربنا في الألف جنيه !!!
مع العلم إن (بنديرة) المعاق مش 5000 ، أنا سايبها كانت 7000 وأكيد زادت مع غلاء الأسعار والبنزين !

Payoo
16-06-2008, 08:24 PM
هاني باشا ،،

مبروك عليك العربية الجديدة

الله يبارك فيك يا أبو حميد ... بس متأخرة قوي يا راجل ههههههههه


ممكن نضيف للمحاذير دي

محاذير الحالة

و توافر قطع الغيار لعربيات مبتنزلشي لمصر بنفس المواصفات

بالإضافة لدوخة الإجراءات

و في الآخر الفرق مش مستاهل
فعلا كلامك مظبوط 100% وبالنسبة للمواصفات هي فعلا مواصفات تختلف عن المواصفات المصرية ولكنها تفوقها بكثير
فعلى سبيل المثال لا الحصر من أي عربيه وارد أوروبا لابد من وجود فرامل ABS وأير باج واحده على الأقل في السيارة وهذه تعتبر مواصفات أساسية لا تنازل عنها بالنسبه لهم مهما كانت ماركة ونوع السيارة


مستنين تحكيلنا تجربتك مع الميجان
الميجان دي حكاية تانيه خالص محتاجه موضوع لوحده وإن شاء الله هاعمل موضوع للميجان (بس الميجان انا ماجبتهاش معوقين)
بس على أي حال مبدئيا كده الأستبن بتاع الأوكتافيا برقبة 1000 ميجان نسيت حاجة ممكن تزعلك محذور الحكم الديني و الأخلاقي في الموضوع ده [/SIZE

[SIZE="4"]بص يا أبو حميد أنا أكثر ما يسعدني هو الاختلاف أكثر من الأتفاق طالما أنه أختلاف في نطاق الحب والاحترام المتبادل
أي اسالة عندك أطرحها ببساطة وانا هاطرح وجهة نظري فيها ببساطة

Payoo
16-06-2008, 08:29 PM
الف مبروك
ما شاء الله العربيه فعلا حالتها ممتازه و ربنا يباركلك فيها ...ويمكن هو ده العزاء الوحيد " والمهم " فى المبالغ المدفوعه و " الرشاوى " و التعب والسفر و وجع الدماغ .
حضرتك استفدت عربيه بحاله كويسه " احسن من حاله السياره لو كانت مستعمله فى مصر " + ان قريبة حضرتك استفادت بالمبلغ . وده الجانب الايجابى المهم .

و الجانب السلبى ان فعلا تجربه شراء سياره لمعاقين تجربيه" ممله للغايه " + الوقت والمجهود الضائع + ان لازم التاجر الى حيجيب العربيه يكون ثقه والى ممكن الواحد ياخد مقلب فى العربيه .

بس كل شئ ليه ميزه وليه عيب.

عموما يا استاذ هانى حاول تنسى الاجرائات والتعب الى تعبته فى شراء العربيه " علاشام ماتكرهش العربيه . :) .

شكرا على مداخلتك يا أ/مهاب
وبالنسبة للعربية الأوكتافيا دي أنا بموت فيها وبحبها جدا جدا لانها فعلا عربية محترمة جدا لدرجة إن أنا و المدام كثيرا ما نختلف وأحيانا نتخانق عشان مين ياخد الميجان ومين ياخد الأوكتافيا angryhead هههههههههههه

بالرغم من أن الميجان موديل 2006 والأوكتافيا موديل 1998 وبالرغم من الأن الميجان "أستبترونيك" الأوكتافيا "مانيوال" إلا أن كلانا يشعر بالفرق بين السيارتين ومدى تفوق الأوكتافيا على الميجان بجدارة

Payoo
16-06-2008, 08:34 PM
على فكرة أنا كنت ماشي في الموضوع ده وكنت عايز أجيب Tempra، وبعد ما دفعت 1000 جنيه (500 كشف طبي و500 مواصلات المعاق !!) لقيت الموضوع معقد ورخم ومتعب فوقفت على كده، وعوضي على ربنا في الألف جنيه !!!
مع العلم إن (بنديرة) المعاق مش 5000 ، أنا سايبها كانت 7000 وأكيد زادت مع غلاء الأسعار والبنزين !

والله ريحت دماغك من وجع القلب يا "أبو عبدالرحمن"

ولو حسبتها بالعقل كده هاتلاقيك كنت هاتجيب العربية الـ"تيمبرا" من هناك في حدود 25 ألف وتدفع للمعاق 7 ألاف وألف جنيه مصروفات نثريه وحوالي 500 جنيه ترخيص العربيه بأسم المعوق وبعد كده فك الحظر 9600 جنيه عشان تبقى العربية بأسمك وبعد كده يبيع لك العربية بعقد مسجل باسمك عشان تقدر ترخص العربيه والعقد ده بحوالي 1050 جنيه و ترجع ترخص العربية تاني باسمك وتصرف حوالي500 جنيه تاني

احسبها كده وياريت الناس كلها تحسبها كده وتشوف العربية هاتبقى واقفه بكام وهي في مصر بكام ؟

Payoo
21-06-2008, 08:33 PM
أيه يا جماعه ماحدش عنده أي أستفسار عن رحلة العذاب المسماه سيارات المعوقين ؟

MosTafaFox
21-06-2008, 08:42 PM
والله يا استاذ بايو كلام حضرتك واللى بسمعة من زمايلى فى الشغل بيحسس الواحد انها رحلة من رحلات السندباد السبعة ويا ريت مضمونة كمان
بس انا كنت عايز افهم برضوا الموضوع ببساطة يعنى لو الواحد عايز يجيب عربية صغيرة جولف تسيعنات مثلا بولو 2000 وانت طالع يعنى حاجة فى رينج ال 50 - 60 الف كلة على بعضة شامل كل الاجراءات ممكن ولا الموضوع لازم عربية كبيرة

Semsem999999
21-06-2008, 11:15 PM
طيب أنا عندي استفسار :-

اللي أعرفه إنك علشان تنزل عربية مصر من بره لازم تكون شاريها في موديل سنتها وتكون أول مالك ليها وطبعا تكون زيرو .

المهم واحد صاحبي هنا مصري برضه قالي لو عايز تنزل الصني (أنا اشتريتها هنا مستعمله موديل 2004) مصر ممكن تنزلها معاقين !!!!!!!!!!!!!!!!! طبعا أنا ما فهمتش إزاي فلو حد يعرف إزاي ياريت يقولي .

وبعدين أنا برضه كلن ليا تجربه في موضوع يارات المعاقين ده في مصر قبل ما جيب اللانسر زيرو على طول وكنت هجيب نوبيرا وان معاقين وبعدين بدأت فعلا في الإجراءات لكن وقفت في آخر لحظه لأني سألت نفسي سؤال واحد بس :- (طبعا الأعمار بيد الله ) والعربية المفروض تكون لفترة باسم المعاق لحد ما تفك حظرها السؤال هو هيحصل إيه بقه بعد ما اشتري العربية باسم المعاق ولا قدر الله توفي قبل ما افك حظرها وانقلها باسمي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

في الالة ديه يعوض عليك ربنا وما تقولش إنك ناصح وواخد عليه ورق لأن الورثة مالهمش دعوه والموضوع هيخش في نيابة حزبية لو المعاق عنده ابن قاصر

Payoo
22-06-2008, 04:22 PM
والله يا استاذ بايو كلام حضرتك واللى بسمعة من زمايلى فى الشغل بيحسس الواحد انها رحلة من رحلات السندباد السبعة ويا ريت مضمونة كمان

والله زمايلك ناس بتفهم بس نسيوا يقولولك أنك محتاج مع إمكانيات "السندباد"
صبر "أيوب"
وقدرة سيدنا"سليمان" عشان تعرف تتكلم مع البشر إللي هاتشوفهم إللي مايعرفوش غير لغة الفلوس
وقوة "شمشون" عشان تقدر تتحمل المشاوير إللي مابتخلصش
ومال "قارون" عشان تدفعه في تمشية الحال

بس انا كنت عايز افهم برضوا الموضوع ببساطة يعنى لو الواحد عايز يجيب عربية صغيرة جولف تسيعنات مثلا بولو 2000 وانت طالع يعنى حاجة فى رينج ال 50 - 60 الف كلة على بعضة شامل كل الاجراءات ممكن ولا الموضوع لازم عربية كبيرة
الموضوع ماينفعش يتقال ببساطة لانه مش بسيط أساسا

بس أنا هجاوب على سؤالك من خلال رحلتي إللي أستغرقت حوالي أربعة شهور عشان أجيب العربية دي

اولا أي موديل موجود في المنطقة الحرة أيا كان كبير صغير يقدروا أخونا "المعوقين" انهم يشتروه بشرط واحد فقط هو ان لا تتعدى قدرة المحرك 1600cc

ثانيا ثمن السيارة
هتلاقي ثمن السيارة في المنطقة الحرة سعرها أقل من مثيلتها في سوق المستعمل المصري بحوالي 15 ألف جنيه تقريبا (وعلى فكرة التاجر بيبقى مظبط نفسه دايما على أن الفرق يكون في الحدود دي ولو تاجر مش طماع قوي هاتلاقي الفرق ممكن يصل لـ 20ألف جنيه)

واخوانا المعوقين يقدروا يشتروا العربيات دي من المناطق الحرية (وأشهرها بورسعيد) بعد أن يكونوا قد قاموا بعدة خطوات تتطلب مدة لا تقل عن شهرين واجراءات لا تقل عن 10 خطوات في القاهرة أولا لكي يستوفوا الأوراق التي تثبت أنهم يستحقوا الحصول على السيارة من المنطقة الحرة (ودي قصة تانيه ولا في الأساطير)

وعشان أثبت لك أنك لو مش معوق مش هاتستفيد حاجه من القصة دي وهاتلاقي نفسك في الاخر خسران كمان هو أنك لازم تدفع للمعوق حوالي 7 ألاف جنيه وبعدين ترخص العربية باسمه اولا بحوالي 500 جنيه وبعدين تفك حظرها بحوالي 10 ألاف جنيه وبعدين يعملك عقد بيع في حدود 1400 جنيه وبعدين ترخصها باسمك بحوالي 500 جنيه
ولو المعوق ممعهوش رخصة سواقة خاصة يبقى مش هاتقدر تنقل العربية باسمك إلا لما تطلعله رخصة في حدود 1500 جنيه من تحت الترابيزهangryhead

ودوخيني يا لامونه :k_crying77[1]:

Payoo
22-06-2008, 04:33 PM
طيب أنا عندي استفسار :-

اللي أعرفه إنك علشان تنزل عربية مصر من بره لازم تكون شاريها في موديل سنتها وتكون أول مالك ليها وطبعا تكون زيرو .



كلامك مظبوط 100%
لكن أخوانا المعاقين لهم أعفاء من هذا الشرط
أي انهم يستطيعوا أن يشتروا أي سياره ايا كان موديلها بدون شرط سنة الصناعه او شرط المالك الاول على أن لا تتدعى سعة المحرك أكثر من 1600cc

المهم واحد صاحبي هنا مصري برضه قالي لو عايز تنزل الصني (أنا اشتريتها هنا مستعمله موديل 2004) مصر ممكن تنزلها معاقين !!!!!!!!!!!!!!!!! طبعا أنا ما فهمتش إزاي فلو حد يعرف إزاي ياريت يقولي .


بص بقى يا أ/أسلام
لو عاوز تدخل دايرة الأنتقام دي؟ أسمع كلام صاحبك ودور على أي حد من أخوانا المعوقين ونزل العربيه باسمه وأمشي في الأجراءات الجهنمية إللي صنعها صانع البيروقراطية المصريه العتيقه
وصدقني هاتفضل تدعي على صاحبك لحد ما درعاتك توجعك من رفعهم لربنا
ومش بعيد تكتفه في شكمان العربيه وتسحله زي "محمود المليجي" في فيلم الأرض
ولو عملت كل ده مش هاتشفي غليلك برضه
:D


وبعدين أنا برضه كلن ليا تجربه في موضوع يارات المعاقين ده في مصر قبل ما جيب اللانسر زيرو على طول وكنت هجيب نوبيرا وان معاقين وبعدين بدأت فعلا في الإجراءات لكن وقفت في آخر لحظه لأني سألت نفسي سؤال واحد بس :- (طبعا الأعمار بيد الله ) والعربية المفروض تكون لفترة باسم المعاق لحد ما تفك حظرها السؤال هو هيحصل إيه بقه بعد ما اشتري العربية باسم المعاق ولا قدر الله توفي قبل ما افك حظرها وانقلها باسمي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

في الالة ديه يعوض عليك ربنا وما تقولش إنك ناصح وواخد عليه ورق لأن الورثة مالهمش دعوه والموضوع هيخش في نيابة حزبية لو المعاق عنده ابن قاصرangryheadangryheadangryheadangryheadangryheada ngryhead
طب ماهو هو ده إللي احنا بنقوله
وإللي عاوز يأمن نفسه من الموضوع ده لازم يفك حظر العربيه ويدفع 10 ألاف جنيه ده غير غللي خوا المعوق ده غير اجراءات الترخيص باسمه وغير اجراءات نقل الملكية باسمك وغير أجراءات الترخيص باسمك وكل خطوة من دول بمصاريف ومبالغ تخليك في الاخر تدفع اكثر من قيمة العربيه

http://www3.0zz0.com/2008/06/22/13/485863789.gif (http://www.0zz0.com)

amrtalaat
23-06-2008, 03:05 PM
طب الحمدلله أنى مبدأتش لأنى صبرى قليييييل ومش بثق ف حد بسهوله:w6w200504112236376d

amrtalaat
23-06-2008, 03:08 PM
والأهم من دة أنا كنت لسة هعمل مشاركة فى المنتدى القديم أسأل عليك .....إختقيييييييت فييين ولييييية؟؟؟؟؟؟؟؟؟؟؟:F_14WA~16[1]:
مشاركاتك دايما حلوة وبستناها:w6w2005041113562663

Xpert
25-06-2008, 12:21 PM
كفايه قوي انك بتاخد عربيه شركه بره و شركه جوه .. مواصفات اوروبي و دي الاوبشنز بتبقي زايده فيها و معظم العربيات بيبقي فيها ايرباج .. و عربيه مش متهانه ... اعتقد ان ده سبب يخليني ادفع زياده كمان عن سعر السوق ;)

Payoo
25-06-2008, 05:05 PM
طب الحمدلله أنى مبدأتش لأنى صبرى قليييييل ومش بثق ف حد بسهوله:w6w200504112236376d
أهو أصعب حاجه في الموضوع ده بقى أنك بتبقى فعلا قلقان خصوصا لو المعوق مش محل ثقة أو ماتعرفوش
وبتبقى عايش في قلق لو ماعملتش "فك الحظر" إللي بـ9600 جنيه

وعلى فكره بقى يا جماعه العربية لا يقدها إلا مالكها (المعوق) والكلام ده مقيد في الرخصة وإذا أتطلع اي شرطي على رخصة السيارة اثناء قيادتك لها سوف تسحب منك السيارة فورا وتصادر إلى جمارك بورسعيد إلى أن يتم دفع غرامة 2600 جنيه في مصلحة الجمارك ومقرها ش الطيران بجوار فندق سونستا
وفي حالة تكرار المخالفة يتم سحب ترخيص السايرة نهائيا

شوفتو بقى قلق اكثر من كده:k_crying77[1]:

والأهم من دة أنا كنت لسة هعمل مشاركة فى المنتدى القديم أسأل عليك .....إختقيييييييت فييين ولييييية؟؟؟؟؟؟؟؟؟؟؟:F_14WA~16[1]:
مشاركاتك دايما حلوة وبستناها:w6w2005041113562663
ربنا يخليك يا عموووووووور:w6w2005041122063463
وأنا ماختافيتش ولا حاجه وموجود اهه سواء هنا أو في أي حته المهم أننا نتواصل مع الناس إللي بنحبهم:w6w200504111340266d


كفايه قوي انك بتاخد عربيه شركه بره و شركه جوه .. مواصفات اوروبي و دي الاوبشنز بتبقي زايده فيها و معظم العربيات بيبقي فيها ايرباج .. و عربيه مش متهانه ... اعتقد ان ده سبب يخليني ادفع زياده كمان عن سعر السوق ;)

كلامك مظبوط طبعا وهو ده إللي مخليني ماسك في العربيه بجد ومش ناوي أغيرها بسرعه
لكن في الأول والفالأخر لما هاجي
أبيعها ماحدش هايدفع اكثر من سعر السوق
angryhead

hazem_khidr
30-06-2008, 04:11 PM
هاني باشا صباح الورد
ما شاء الله العربيه جميله ربنا يحمهالك :)و يكفيك شرها يا رب.
يا ريت يا باشا تقولي هو الكمسيون الطبي فين و ايه النظام هناك لاني لقيت معوق و ناوي اخش في الدوامه دي و عارف انه مشوار طويل بس لما روحت الاسبوع اللي فات اجيب عربيه لخالي بنفس النظام(نوبيرا 97 كوري) بجد اتوهمت من حاله العربيات اللي هناك و قولت اتوكل علي ربنا و اغير السويفت بواحده بالحاله دي.
ف يا ريت تقولي بس مكان الكمسيون الطبي فين و ايه الاجراءات هناك و يا تري بروح هناك كام مره

ahmedsalah
30-06-2008, 04:26 PM
ربنا يوفقك يا استاذ حازم بس ياريت تحكيلنا التفاصيل علشان انا بفكر اعملها انا كمان بصراحة الموضوع يستاهل شهر تعب فى مقابل جولف بحالة الفابيركا :showme

Payoo
19-07-2008, 03:25 AM
هاني باشا صباح الورد
ما شاء الله العربيه جميله ربنا يحمهالك :)و يكفيك شرها يا رب.
يا ريت يا باشا تقولي هو الكمسيون الطبي فين و ايه النظام هناك لاني لقيت معوق و ناوي اخش في الدوامه دي و عارف انه مشوار طويل بس لما روحت الاسبوع اللي فات اجيب عربيه لخالي بنفس النظام(نوبيرا 97 كوري) بجد اتوهمت من حاله العربيات اللي هناك و قولت اتوكل علي ربنا و اغير السويفت بواحده بالحاله دي.
ف يا ريت تقولي بس مكان الكمسيون الطبي فين و ايه الاجراءات هناك و يا تري بروح هناك كام مره

أنا أسف أني اتأخرت في الرد عليك يا حازم باشا

الكومسيون في القاهرة شارع مجلس الشعب عند إدارة أمن الدولة
ودي اول خطوه وبعد كده مش هانشوفك لمدة 7 شهور على الأقل

hazem_khidr
19-07-2008, 06:54 PM
الف شكر يا باشا علي ردك
متهيالي كده عرفت مكانه و ربنا يسهل ابتدي بعد رمضان كده يكون الجو بقي كويس شويه احسن من الحر:)
علشان الواحد يدوخ بمزاج برضه و نخلص علي اواخر الشتا علي راي اليسا هههههههه

AbOnOrA
20-07-2008, 07:15 AM
نهارك سعيد

بالتوفيق يا حزوم

osos_77
05-08-2008, 03:16 PM
أيه يا جماعه ماحدش عنده أي أستفسار عن رحلة العذاب المسماه سيارات المعوقين ؟

Pasha ana kont 3ayez a3raf 7aga haya el3rabya b2smaaak delwa2ty wala eh

MoSHaX
05-08-2008, 11:12 PM
ممكن اعرف سعر الاوكتافيا الى جبتها كام ؟؟
وازاى دى مانيوال ...مش المفروض تكون اتوماتيك ؟؟؟
متهيالى كل السيارات بتاعة المعاقيين .. بتكون مستعملة ؟؟؟

MoSHaX
05-08-2008, 11:25 PM
شكرا على مداخلتك يا أ/مهاب
وبالنسبة للعربية الأوكتافيا دي أنا بموت فيها وبحبها جدا جدا لانها فعلا عربية محترمة جدا لدرجة إن أنا و المدام كثيرا ما نختلف وأحيانا نتخانق عشان مين ياخد الميجان ومين ياخد الأوكتافيا angryhead هههههههههههه

بالرغم من أن الميجان موديل 2006 والأوكتافيا موديل 1998 وبالرغم من الأن الميجان "أستبترونيك" الأوكتافيا "مانيوال" إلا أن كلانا يشعر بالفرق بين السيارتين ومدى تفوق الأوكتافيا على الميجان بجدارة


هههههههه ptmnlo123per145انا عمرى ماشفت حد بيكرة الميجان قدك؟؟؟؟
ياعم دى عربية زى الفل ؟؟؟انت لو عاوز تبيعها بجد انا ممكن اشترى بس لو كانت بانوراما سقفية
انا ناوى ابيع عربيتى قريب ومش لاقى غير الميجان لرخص سعرها ...وكمان عجبانى؟؟

darch
04-10-2008, 10:00 PM
انا كنت ناوي اعمل زي صااحبنا
بس لما نزلت بورسعيد لقيت حجات غريبة جدا
اول حاجة كان معايا مكانيكي وبتاع دوكو المهم لقينا فعلا عربيات زي ما بيقولوا جديدة بحالة الفابريقة لكن ده للناس اللي زي حلاتنا المكانيكي بعد ساعتين فحص في العربية اكتشف ان الموتور معمر ولما واجهنا التاجر قال الماتور كان خفيف فروحنا عمرناه
وانا باخد جولة في السوق دلخلت مكان غريب كده بالصدفة لقيتهم بيرشوا العربيات ولما سالت قالوا يابية ده وش نظافة
المهم اخد بعض وكملت لقيت عربية نوبيرا تحفة موديل 2000 المهم قولت تمام عمرك ماتفرقها عن الجديدة قولت علي البركة بتاع الدوكو بيقلب في العربية لقاه مغيرة رفرف الخلفي بس قالي ده لايمكن حد يكتشفه الا لو دقق اوي اوي اوي
لانه معمول بحرفنة جامدة جدا
وده تجربتي مع بور سعيد وحسبي الله ونعم الوكيل
واخيرا الحمد لله لم اشتري

Xpert
05-10-2008, 02:09 AM
معروف بالحرفيه في الصنعه عند صنايعيه بورسعيد و المنصوره ... دي حاجه معروفه علي مستوي الجمهوريه .. و بص .. عيب العربيه بيبقي في البارومه مش في الخبطات ,, يعني مش عاوز اقولك علي ضمانتي علشان برضه انا بره ليله بورسعيد دي بقالي مده ,,, بس التاجر اللي بيشتري العربيات من بره ماعتقدش انه هايكلف نفسه و يجيب عربيه حوادث تكون محتاجه مصاريف جامده , اللي بيحصل انه بيروحو يجيبو العربيات اللي عامله كيلومتر عالي و عربيات تكون واخده خبطات قابله للتصليح بتكلفه قليله و عربيات تكون فيها مشكله مع الصداء ..
عمي لما حب ينزل بي ام هنا لف سويسرا بحالها علشان يجيب العربيه اللي في مزاجه .. لف لف و جاب عربيه 316 1600 سيسي فول اوبشن بعد معاناه في البحث (سويسرا مابينزلش فيها ال 316 1600 .. بيبقي نازل كله 1800 و 1900 سيسي ) .. و جابها باضعاف تمنها .. بس جاب في الاخر بي ام 316 فول اوبشن مانوال بحاله الشركه بره و جوه 4 باب لونها اسود (حاجه تستاهل يعني) .. سعر العربيه دخل في مثيلتها لو اشتريتها من هنا ... بس عمرك ما هاتلاقي واحده هنا بالحاله دي للبيع .. الافضل لو انت ليك حد بره يجيبلك العربيه اللي انت عاوزها تريبتيك و بعد كده تمشي في اجراءات الاعاقه دي .. (طبعاٌ خد بالك من شرط انها تكون 1600 سيسي )

darch
05-10-2008, 03:24 PM
نسيت اقولكم حاجة كل واحد اشتري العربية بتاعت المعاقين لازم يرفع قضية علشان يسترد قيمة ضريبة المبيعات المدفوعة اصلا

احمد بديع
25-10-2008, 10:58 PM
مشكورـمشكورــــ ـــــ ـــــــــــــــ مشكور ـمشكور
مشكورــــــــــ ـــــ ــمشكورــــــــ مشكور ـــــــــــــــ ــمشك ور
مشكورــــــــــ ـــــ ـــــــــــــــ ـــــ مشكورــــــــــ ـــــ ـــــــــــــــ ــــم شكور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ مشكور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ مشكور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ــــم شكور
مشكورــــــــــ ـــــ ـــــــــــــــ احمد بديع ـــــ ـــــــــــــــ ـــــ ــــــــــــمشك ور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ــــمشكور
مشكورــــــــــ ـــــ ـــــــــــــــ ـــــ ـــــــــــــــ ـــــ ــــــــــــــم شكور
مشكورــــــــــ ـــــ ـــــــــــــــ ـــــ ـــــــــــــــ ـــــ ــــمشكور
مشكورــــــــــ ـــــ ـــــــــــــــ ـــــ ــــــــــــــم شكور
مشكورــــــــــ ـــــ ـــــــــــــــ ـــــ ــمشكور
مشكورــــــــــ ـــــ ـــــــــــمشكو ر
مشكورــــــــــ ـــــ مشكور
مشكورـــــمشكور
مشكور
مشكورـمشكورــــ ـــــ ـــــــــــــــ مشكور ـمشكور
مشكورــــــــــ ـــــ ــمشكورــــــــ مشكور ـــــــــــــــ ــمشك ور
مشكورــــــــــ ـــــ ـــــــــــــــ ـــــ مشكورــــــــــ ـــــ ـــــــــــــــ ــــم شكور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ مشكور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ مشكور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ــــم شكور
مشكورــــــــــ ـــــ ــــــــــــ ـــــ احمد بديع ـــــ ـــــــــــــــ ـــــ ــــــــــــمشك ور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ــــمشكور
مشكورــــــــــ ـــــ ـــــــــــــــ ـــــ ـــــــــــــــ ـــــ ــــــــــــــم شكور
مشكورــــــــــ ـــــ ـــــــــــــــ ـــــ ـــــــــــــــ ـــــ ــــمشكور
مشكورــــــــــ ـــــ ـــــــــــــــ ـــــ ــــــــــــــم شكور
مشكورــــــــــ ـــــ ـــــــــــــــ ـــــ ــمشكور
مشكورــــــــــ ـــــ ـــــــــــمشكو ر
مشكورــــــــــ ـــــ مشكور
مشكورـــــمشكور
مشكور
مشكورـمشكورــــ ـــــ ـــــــــــــــ مشكور ـمشكور
مشكورــــــــــ ـــــ ــمشكورــــــــ مشكور ـــــــــــــــ ــمشك ور
مشكورــــــــــ ـــــ ـــــــــــــــ ـــــ مشكورــــــــــ ـــــ ـــــــــــــــ ــــم شكور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ مشكور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ مشكور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ــــم شكور
مشكورــــــــــ ـــــ ـــــــــــــــ ـــاحمد بديع ـــــ ـــــــــــــــ ـــــ ــــــــــــمشك ور
مشكورــــــــــ ـــــ ـــــــــــــــ ـــــ ـــــــــــــــ ـــــ ـــــــــــــــ ـــــ ــــمشكور
مشكورــــــــــ ـــــ ـــــــــــــــ ـــــ ـــــــــــــــ ـــــ ــــــــــــــم شكور
مشكورــــــــــ ـــــ ـــــــــــــــ ـــــ ـــــــــــــــ ـــــ ــــمشكور
مشكورــــــــــ ـــــ ـــــــــــــــ ـــــ ــــــــــــــم شكور
مشكورــــــــــ ـــــ ـــــــــــــــ ـــــ ــمشكور
مشكورــــــــــ ـــــ ـــــــــــمشكو ر
مشكورــــــــــ ـــــ مشكور
مشكورـــــمشكور
مشكور

احمد منير محمد
27-10-2008, 03:40 AM
اولا مبروك السيارة وربنا يباركلك فيها
بس انا عايز اعرف السيارة كان سعرها كام في السوق وانت خلصتها على كام

Payoo
27-10-2008, 09:58 AM
أنا أسف يا جماعه على عدم متابعتي الفترة إللي فاتت دي وهارد عليكم إن شاء الله في كل أستفسارتكم
بس أسمحولي أرد على الزميل الجديد الأولاولا مبروك السيارة وربنا يباركلك فيها
بس انا عايز اعرف السيارة كان سعرها كام في السوق وانت خلصتها على كام

بص يا أحمد باشا
العربيه دي كان تمنها في مصر في حدود 70 ألف وأنا جبتها من هناك بـ 65 الف
يعني كده تبقى ارخص من هنا
صح ؟
وطبعا حالة المستورده وأمكانيتها مش محتاجه كلام (كأنها زيرو)

بس المشكلة أنك بتحط على تمن العربيه المبلغ إللي هايخدوا المعوق منك وتقريبا كده بيبقى في حدود 5 ألاف جنيه

والمفاجأه بقى انك عشان تنقل الملكية ليك لازم تدفع 9600 جنيه في مصلحة الجمارك إللي في شارع الطيران بمدينة نصر

وعشان تدفع المبلغ ده لازم تكون العربيه مترخصة بأسم المعوق الأول

وعشان ترخص للمعوق لازم تطلع له رخصة قياده ptmnlo123per1106

وأحسب أنت بقى يا باشا التكاليف وأنت بتسمع اغنيه حزينه كده تكون مابتحبهاش خالص ptmnlo123per1123

DRSAMEHHABIB
29-10-2008, 08:36 PM
الاخ العزيز payoo

اخي يعمل بالسعودية وهيشتري عربية ويبعتها لي
انا لست معوق
وعايز انزلها باسم احد الاخوة المعاقين
اية الخطوات بالضبط وكيف اعمل نقل ملكية واذا كانت العربية مثلا تويوتا 2005 هل رسوم نقل الملكية تختلف

DRSAMEHHABIB
29-10-2008, 08:38 PM
الاخ payoo
عايز اعرف مواعيد تواجدك عالنت علشان استفسر منك علي شوية حاجات عن سيارات المعاقين

Payoo
30-10-2008, 01:11 AM
الاخ العزيز payoo

اخي يعمل بالسعودية وهيشتري عربية ويبعتها لي
انا لست معوق
وعايز انزلها باسم احد الاخوة المعاقين
اية الخطوات بالضبط وكيف اعمل نقل ملكية واذا كانت العربية مثلا تويوتا 2005 هل رسوم نقل الملكية تختلف

يا دكتور سامح ما أنصحكش أبدا بالحكاية دي لأنك في الأخر هاتدفع من 5 إلى 7 ألاف للمعوق وهاتدفع 9600 للجمارك ده غير ترخيص العربيه في الأول للمعوق ثم بيعها لك في الشهر العقاري برسوم حوالي 1500 جنيه ده غير أنك لازم تطلع رخصة قيادة خاصة للمعوق عشان يرضو يرخصوا العربيه له أصلا

المهم سيبك من القصة دي صدقني فاشله جدا

Payoo
30-10-2008, 01:11 AM
الاخ payoo
عايز اعرف مواعيد تواجدك عالنت علشان استفسر منك علي شوية حاجات عن سيارات المعاقين

أنا تحت أمرك في أي وقت

DRSAMEHHABIB
30-10-2008, 09:20 AM
الاخ payoo
معلش عايز اعرف التفاصيل لو اخي اشتري سيارة وطبعا هيبعتها علي ميناء السويس باسم المعاق طبعا المعاق
هيروح يستلمها
لو معاه رخصة يعمل ايه بالتفصيل و
ولو معاهوش رخصة يعمل ايه
انا عارف اني تقلت عليك
ثانيا اعتقد ان العربيات هناك مختلفة تماما حتي لو سعرها زاد شوية افضل من المستعمل هنا
ايضا عايز اعرف بالتفصيل ازاي انقل ملكية العربية فورا

DRSAMEHHABIB
31-10-2008, 03:03 AM
الاخ العزيز payoo
سمعت إن ممكن السيارة تترخص بإسم المعاق بدون رخصة قيادة مع دفع مبلغ 2500 جنيه تقريباً (كلام ناس أنا غير متأكد منه)
وبعد كده فك الحظر ونقل ملكيتها لك
ايه رايك في هذا الكلام
<!-- / message --><!-- sig -->

Payoo
31-10-2008, 02:29 PM
الاخ payoo
معلش عايز اعرف التفاصيل لو اخي اشتري سيارة وطبعا هيبعتها علي ميناء السويس باسم المعاق طبعا المعاق
هيروح يستلمها
لو معاه رخصة يعمل ايه بالتفصيل و
ولو معاهوش رخصة يعمل ايه
انا عارف اني تقلت عليك
ثانيا اعتقد ان العربيات هناك مختلفة تماما حتي لو سعرها زاد شوية افضل من المستعمل هنا
ايضا عايز اعرف بالتفصيل ازاي انقل ملكية العربية فورا

أنا تحت امرك

أولا
المعوق لازم يروح المجالس الطبيه عشان يعمل كشف على أعاقته واللجنة هي التي تحدد ما مدى اعاقته وإن كان يستحق سيارة معفاه من الـ20 ألف جنيه حمارك أو لا
واللجنه دي عشان تنعقد يجب أن يدفع 200 جنيه وينتظر مدة من 6 إلى 10 أشهر
وإن كان مستعجل يدفع 500 جنيه وتنعقد اللجنه بعد 1 شهر أو شهرين بحد أقصى

بعد أن يكشف المعوق ينتظر مدة شهر تقريبا لكي يأخذ النتيجة

وبعد أن يأخذ النتيجة ويكون مكتوب في التقرير أنه يستحق سيارة معاقين بها التجهيزات كذا وكذا وكذا
يذهب بعد ذلك غلى بورسعيد أو أسكندريه (حسب أختيار المعوق حينما قام بملئ الاستمارة)

وبعد أن يشتري السيارة يأتي إلى القاهرةلكي يقوم بتجهيز السيارة كما هو مكتوب في تقرير اللجنه بالظبط
ثم يذهب إلى وحدة المرور لكي يقوم بإصدار رخصة قيادة خاصة له لأنه لن يتم ترخيص السيارة إلا إذا كان يملك رخصة قيادة خاصة (وحتى لو قلت لهم أنك هاتأمن على سواق هايرفضوا برضه وهايقولولك إذا كان هو عنده مقدرة يجيب سواق يبقى عاوز عربية معوقين ليه؟)
وعشان تطلع رخصة القيادة الخاصة يبقى لازم تكشف تاني من الاول وجديد في حتة تانيه قبل مجرى العيون مش فاكر أسمها دلوقتي
المهم المعوق يكشف تاني نظر وعظام وبعد كده يروح المرور يمتحن وياخد على عربيته المجهزة وياخد رخصة القيادة الخاصة وبعد كده يرخص العربيه باسمه

وبعد كده تروح أنت وهو "مصلحة الجمارك" في شارع الطيران في مدينة نصر وتقوم بدقع 9600 جنيه مصالحة مع الجمارك لكي يقوموا بالسماح للمعوق أن يبيع السيارة

ثم يقوم ببيعها لك في الشهر العقاري بعقد مسجل بحوالي 1500 جنيه تقريبا "على حسب العربيه "

وبعد كده تروح المرور وترخص لنفسك من الأول وجديد باسمك بعد ما تشيل كل التجهيزات الخاصة بالمعوق إللي في العربيه وترجع العبيه زي ماكانت بالظبط



وبصراحة مش فاكر بالظبط إذا كانت دي هي كل الخطوات ولا أنا نسيت حاجه

بس على العموم لو أفتكرت حاجه هاجي أبلغك على طول

Payoo
31-10-2008, 02:35 PM
الاخ العزيز payoo
سمعت إن ممكن السيارة تترخص بإسم المعاق بدون رخصة قيادة مع دفع مبلغ 2500 جنيه تقريباً (كلام ناس أنا غير متأكد منه)
وبعد كده فك الحظر ونقل ملكيتها لك
ايه رايك في هذا الكلام

أنا سمعت الكلام ده برضه لكن مش متأكد منه على العموم دي نمرة الأستاذ عبدالوهاب من إدارة المعوقين في مصلحة الجمارك بشارع الطيران تقدر تسأله على كل حاجه بالظبط وهو هايفيدك بالتأكيد
0101990694

DRSAMEHHABIB
31-10-2008, 07:25 PM
الاخ العزيز payoo
اشكرك شكرا جزيلا وانا في انتظار اي تفاصيل تحب تضيفها

الزيبق
29-11-2008, 02:49 AM
ptmnlo123per1127نحن السابقون وانتم اللاحقون
بس انتة عندك الجرأة عنى ان شربت مقلب طلع من نفوخى فى بورا 2003
ونفسى انسى مش عارف واللة ياعم هانى ساعات بكلم نفسى
ياللة على كل حال هو دة اخر الطمع
والنبى متقلبش علية المواجع

AbOnOrA
29-11-2008, 02:34 PM
ptmnlo123per1127نحن السابقون وانتم اللاحقون
بس انتة عندك الجرأة عنى ان شربت مقلب طلع من نفوخى فى بورا 2003
ونفسى انسى مش عارف واللة ياعم هانى ساعات بكلم نفسى
ياللة على كل حال هو دة اخر الطمع
والنبى متقلبش علية المواجع
بصراحة انا مش عايز اقلب عليك المواجع بس ياريت تقولنا نصائحك لعدم الوقوع فى مقالب زى اللى بتحكى عنها
واهلا بيك يا باشا فى مصر موتورز .....

الزيبق
29-11-2008, 08:58 PM
من ارض الأستثمار فى بور سعيد الى مرور السلام بالقاهرة وانتظار مايقرب عن شهر
ثم
فحص السيارة بالمرور والتعقيدات اللى وجهتنى فى ترخصيها بأسم المعاق
ثم
من القاهرة لبور سعيد لأستعجال (كشف السيارة)
ثم
انتظار كشف السيارة ووصولة للجمارك بمدينة نصر فى مدة لاتقل عن 15 يوم
ثم
بعد وصول الكشف والذهاب بة للمطار ودفع مبلغ فك الحظر انتظار ذهاب الخطاب للمرورلأصدار شهادة البينات الأخيرة فى فترة لاتقل عن 15 يوم اخرى
ثم
السيارة B0RA
موديل2003
فى حالة ممتازة
ثمنها 85000الف جنية
+

+9600فك الحظر
+
9000 لمعاق لدية رخصة
+5000مبلغ مدفوعة بدون مبالغة بين المكاتب والترخيص والمرور
طبعا دة غير ان العربية لاقيتها عاوزة اربع فرد كوتش بحوالى 2200
ودة لأن الكوتش باظ من الوقفة داخل الأستثمار
دة غير بعض المصاريف النثرية على السيارة التى تجاوزت 2000
اية رايكم فى المقلب دة
انا لو كنت اشترتها من مصر كنت هجبها بنفس القيمة
وكنت ريحت نفسى من الموال الرخم دة
اة
قلولى ان عليها استرداد 16300
ارفع قضية وفى خلال 3 شهور هتسترد المبلغ
وطبعا رفعت بس عرفت ان القضية فشنك ومفيش فيها اى امل
لو عاوزين تعرفو لية انا تحت امركم
تحياتى

AbOnOrA
29-11-2008, 09:34 PM
هيا تعب وقرف طبعا مفيش كلام بس المكسب فى مقابل التعب ده مش فرق السعر ابدا المكسب فرق الحالة والاستخدام اللى صعب تلاقى زية هنا

امال (يكفيك الشر) اللى جاب عربية وطلعت بعد كده ملعوب فيها ومرشوشة يعمل ايه !

معلش يا باشا اهى جت وخلاص وربنا يباركلك فيها يارب ويكفيك شرها ويهبك خيرها

واهلا بيك مرة تانية فى اسرة المصراوية ptmnlo123per122

so0o0o0kr
01-12-2008, 05:56 PM
السلام عليكم اخى الكريم نفسى اخوض التجربه دى ونفسى فى دايو نوبيرا يارايت بعد ازنك رقم موبيلك علشان اعرف الاجرات ده رقم موبيلى اصل انا غاوى تجارب زى حضرتك 0121664689 ولك جزيل الشكر يارايت تتصل عليه او تبعت رساله وانا اتصل بحضرتك السلام عليكم والله يباركلك فى العربيه وكفيك شرهااااااااا

emadibrahim78
02-12-2008, 10:21 PM
1000 مبروك
بس السؤال , هو قطع الغيار المتوفرة هنا فى مصر تركب على السيارات اللى بتسجى وارد الخارج زى حالتك دى مثلا ؟

tyuyyyy
23-12-2008, 10:43 PM
السلام عاليكم ورحمة الله يوجد سيارات استيراد معوقين واكرر معوقين وارد المانيا وكوريا الجنوبية باسعار باسعار وحالات فوق الممتازة للاستعلام 0105196455 مهندس محمد حمودة يوجد باسات اتوكتافيا لانوس نوبيرا وان نوبيرا تو بيجو 406 جوليت كيا شوما هيونداى

tyuyyyy
23-12-2008, 10:48 PM
السلام عاليكم ورحمة الله يوجد سيارات استيراد معوقين واكرر معوقين وارد المانيا وكوريا الجنوبية باسعار باسعار وحالات فوق الممتازة للاستعلام 0105196455 مهندس محمد حمودة يوجد باسات اتوكتافيا لانوس نوبيرا وان نوبيرا تو بيجو 406 جوليت كيا شوما هيونداى
ولاى استفسار عن اى حاجة من عمل الكمسيون للحالات التى ينطبق عاليها الكمسيون انا مستعد للرد وموبيلى 0105196455

kemo_snoopy
31-12-2008, 01:00 PM
بوصو يا شباب اناكونت بس عاوز اوضح حاجه هو فعلا كلام بايو مظبوط انا راجل بورسعيدى و عارف الدنيا كلها ماشية ازاى بالنسبة لعربيات المعاقين فسعرها مبيختلفش عن سعر السوق المصرى غير 1000 او 2000 بس ده بعد متخلص كل الاجرائات فالواحد يقؤلك طب و لزمتها اية مانا اشترى عربية مترخصه احسن بس انت لو بصيت انت اه هتتعب شوية و هتلف كتير و هتدفع كتير بس فى الاخر بوص للموضوع من ناحيه تانيه هتاخد عربية استعمال الخارج انت اول يد ليها فى مصر عربية ماشية كليوات قليله عربية فابريكه برة و جوه و ساعات بتيجى حاجات لقطة بيكون فيها اوبشن زياده زى مثلا تكيف تاتش كراسى دفاية جنوط فوانيس مثبت سرعه ساوند كل ده وارد و بشوفو بعنيا بس نصيحة يا جماعه الى يفكر ينزل الاستثمار هناك لازم يكون معاه حد فاهم كويس اوى او معاه حد بورسعيدى على الاقل لان التجار هناك بجد حاجة فظيعه و بيكون جاية عربيات مضروبة كتير زى العربيات الى بتكون غرقانة فى الفيضان و الى بتكون فاتحه اير باج و مصلحنها و غيرها كتير و على فكرة المعاق دلوقتى بقى بياخد 9000 هو برضو بيختلف على حسب الموديل و الاوبشن و فكر الحظر 9600 و بعد مبتفك الحظر بتاع العربية فى قضيه كده بسيطة جدا مبتعتبرش قضية بتقعد حوالى 20 يوم شغالة بتسترد منها مبلغ من قيمة السيارة الى دفعتها و المحامى الى بيخلصلك الحوار بياخد 10% من القيمة المسترده يعنى مثال اشتريت عربية ميراج ب 55 كل الى دفعتو الاسترداد بتاعها بيكون حوال 5-6 على حسب الموديل و الاوبشن فالمحامى ياخد 10% الى هما 500 و العربية وقفت عليك ب 5000 بدل 55على شان الموضوع ده فيه ناس كتير على فكرة متعرفهوش موضوع الاسترداد ده

khhip
01-01-2009, 02:40 PM
شكرا اخي العزيز
لو سمحت ممكن اسم التاجر في بورسعيد الى اشتريت منه ورفم تلفونه ؟ وهل هو ثقة؟
هل الاسعار هي نفسها في بورسعيد والاسكندرية ولا في اختلاف؟
وجزاك الله خير

elgzar2010
06-01-2009, 04:23 PM
أولا أنا أحب اشكر كل المشاركيين في هذا الموضوع المهم جدا
وياريت أصدقاء المقع يقولوا تجاربهم علشان الكل يستفاد منها
وننتظر المزيد من هذا الموقع المهم جدا جدا جدا

HASBOO
08-01-2009, 02:39 PM
انا امعايا عربيه معوقين وامتحنت رخصه كمبيوتر ونجحت الحمد لله بس للاسف سقطت في السواقة ولازم امتحن كمان 3 اشهر
وانتو عارفين ان العربيه متنفعش تترخص من غير ماعمل الرخصه وانا محتاج العربيه ضروري للمشاوير ولو اخي بسقها هو معاه رخصه
بس العربيه معلهاش نمر
افيدوني اعمل ايه

DRSAMEHHABIB
11-01-2009, 02:17 AM
ابو نورا معلش عايز استفسر هو من حق المعاق عربية اتوماتيك ولا لاء

nono
11-01-2009, 04:34 PM
و الحقيقة فيه فكرة احسن يا جماعة وانا بسعى ف الموضوع دة ....
ان انت تجيب سيارة معاقين مستعملة يعني هيبقى كل حاجة باسمك كانك شاري عربية مستعملة عادية بس طبعا اقل كتيييييييير ف السعر
ادعولي بأة

nono
11-01-2009, 04:38 PM
افيدونييييييييي افادكم الله
انا كدة بفكر صح ولا ايه النظااااااااااااام

بدر144
21-01-2009, 12:38 AM
ممكن اعرف تفاصيل الموضوع دة و تبعت لي التفاصيل علي koky_1442000@yahoo.com
متشكر جدا و ربنا يبارك لك في عربيتك و يرزقك خيرها و يكفيك شرها
و كان عندى سؤال ممكن يكون بايخ شوية لو حبيت تجاوب علية ياريت الاجابة تكون في الايميل هو سعر العربية دى كان كام ؟ و صرفت كام عقبال ما رخصتها باسمك .
و شكرا جزيلا و بارك اللة فيك

د./أليشع ثابت
25-01-2009, 05:16 AM
الف مبروك يا باشا ربنا يديك خيرها و يكفيك شرها
هى طبعا لفة رخمة قووووى
لكن ماشاء الله حالة العربية تستاااااااااااهل
الف مبروك يا باشا

ابو حسناء
31-01-2009, 01:35 PM
يا شباب افادكم الله
انا فى الخارج واستتطيع ان انزل سياره الى قريبى المعاق
لاكنى سمعت والله اعلم عن قرار منع استيراد السيارات المستعمله
ما هى دقة هذة المعلومة

sam ram
31-01-2009, 03:58 PM
العربيه رخصتها بتكون باسم المعاق و مينفعش اي حد يسوقها غيره لو كان مين وبيكون مكتوب كده على الرخصه يعني لا سواق ولا اخ ولا ابن الا اذا عمل فك حظر و باعها للغير

بالنسبه لموضوع الاوتوماتيك فالمعوق بينزل العربيه حسب قرار الكوميسيون وحسب نوع الاعاقه ... يعني لو نازله قرار مانيوال يبقى مانيوال و لو اوتوماتيك يبقى اوتوماتيك .... كمان يبقى فيه اشتراطات زي مثلا يكون يكون الكونتاكت شمال بدل يمين و حاجات كده حسب نوع الاعاقه .... و دي بيغيروها هنا على العربيه بعد ما تدخل المنطقه الحره وممكن تخرج العربيه عادي بس تتظبط على اشتراطات الكومسيون قبل التراخيص

بالنسبه لقرار منع الاستيراد فكده كده العربيات كانت بتدخل المنطقه الحره و بعدين يكتبو ورقها بإسم المعاق ساعه الشرا ... و بالتالي ممكن اي معاق يدخل عربيه بأسمه او حد يبعتهاله من بره على اسمه ... لأن المهم خروج العربيه من المنطقه الحره يكون بإسم المعاق

وبالتالي قرار منع الاستيراد ملوش علاقه بالاعفاء الجمركي للمعاقين حتى تاريخه
الا اذا لغو استيراد العربيات المستعمله اللي هو اساسا ممنوع من الاول الا :-
للمعاقين
ودول وضعهم متغيرش
و سكان المنطقه الحره
اللي ينطبق عليهم القرار الجديد بالنسبه للمنطقه الحره اللي بتتلغي من الاساس

وساعتها اذا حصل حيكون الاعفاء على العربيات الزيرو فقط و بالتالي محدش حيقدر حتى يدخل عربيته اللي كانت معاه بالخارج و نبقى دخلنا في قصه تانيه خالص
فاعتقد ان وضع الاعفاء الجمركي للمعوق متغيرش وان القرار كان منع استيراد العربيات الجديده للتجار ( الا عن طريق الوكيل) و ليس للافراد
يعني اي حد ممكن يشتري عربيه جديده باسمه و يدخل بيها عادي
والمعوق يقدر يشتري عربيه مستمله من الخارج او المنطقه الحره طالما تستوفي اشترطات الكومسيون
والله اعلم

Payoo
01-02-2009, 05:31 PM
ابو نورا معلش عايز استفسر هو من حق المعاق عربية اتوماتيك ولا لاء
الكومسيون هو الذي يحدد ما إذا كانت السيارة مانيوال أو اوتوماتيك بعد الكشف على المعاق
لذلك يكون مكتوب في الأوراق التي يشتري بها المعاق إذا كانت اوتوماتيك أو لا

و الحقيقة فيه فكرة احسن يا جماعة وانا بسعى ف الموضوع دة ....
ان انت تجيب سيارة معاقين مستعملة يعني هيبقى كل حاجة باسمك كانك شاري عربية مستعملة عادية بس طبعا اقل كتيييييييير ف السعر
ادعولي بأة
بس كده يبقى أنت ماأخدتهاش بحالة أستعمال الخارج .... وأنت عارف بقى أستعمال هنا شكله أيه ptmnlo123per172 ..... وماتنساش إن المعاق مش هايقدر يبيع إلا بعد خمس سنين يعني العربية بتكون أتبهدلت في شوارع مصر

Marcedes Benz
17-02-2009, 07:39 PM
طب باسات 98 بحاله ممتازه متلاقيش نفس حالتها فى مصر عامله 176 الف كيلو ولا لانسر زيرو
اللانسر ب 106 الف
والباسات ب 97 الف
ارجو الافاده

AbOnOrA
17-02-2009, 08:07 PM
الزيرو زيرو طبعا

وايا كانت حالة الاستيراد فانت متضمنش انها متكونش مشغولة ليا اتنن اصدقائى جابو عربيات استيراد والعربيات تحفة من حيث الحالة بس اكتشفنا خبطات كانت فيهم واتعالجت هنا فى مصر وواحدة منهم كانت مغيرة قائم مش خبطة بسيطة وبالعفية رجعها

طبعا الباسات افضل من الانسر كركوبة مليون مرة بس بردو الزيرو افضل ده فى رائى الشخصى

Marcedes Benz
17-02-2009, 09:02 PM
طب لو جبت واحد من التوكيل وكشف عليها وقال فى حقها كلام كويس يبقى ايه رايك سعتها لانسر ولا فولكس

احمد محامى
18-02-2009, 03:00 PM
احب اشكر الموجودين بالوقع على الموضوعات الفيده والقيمه ودى اول مشاركه لى

AbOnOrA
18-02-2009, 03:35 PM
طب لو جبت واحد من التوكيل وكشف عليها وقال فى حقها كلام كويس يبقى ايه رايك سعتها لانسر ولا فولكس

فولكس طبعا وخاصة لو عدادها لسه قليل

احب اشكر الموجودين بالوقع على الموضوعات الفيده والقيمه ودى اول مشاركه لى


انا اللى بشكرك يا استاذ احمد على ذوقك ومداخلتك ويارب نكون عند حسن ظنك

Marcedes Benz
21-02-2009, 11:28 AM
طب بالنسبه لاستردا ضريبه المبيعات هل دا موجود فعلا صاحب المعرض بيقول انى هسترد على الباسات 14 الف جنيه فى خلال من 3 الى 6 شهور وباخد ضماناتى على الشخص اللى ربنا ارادله انه يكون صاحب اعاقه

الزرقا
05-03-2009, 03:24 PM
اهلا بيك اخى

للتوضيح ان اشتريت عربيه 2001 اوكتفيا واستلمتها من بور سعيد والمعوق اللى معايا عندة رخصه

لانه كان عامل حادثه ومن قبلها وهو مطلع رخصه خاصه بس رخصه مش معوقين

المهم الان اخى اريد اعرف ايه الاجرائات الباقيه لى الان

سمعت ان الورق بتاع العربيه حيوصل المرور خلال 20 يوم من استلامى للعربيه

فى انتظار رد الاخوة للتوضيح والمساعدة

zdo0
12-03-2009, 05:36 PM
بجد انت انسان جميل جميل جميل وانا استفدت معلومات كتيره جدا منك عن الموضوع ده وعلى فكره انا زوجتى معاقه وان شاء الله اول ما ابتدى اجراءاتى ها تابع معاك لكن ممكن بعد رمضان بأمر الله انا شاكر وممتن لك جدا جداptmnlo123per112

zdo0
12-03-2009, 05:52 PM
اشكرك للمره الثانيه على مجهودك العظيم فى تلبة الردود للجميع يا اخ هانى يابو قلب جميل

noaa11
14-03-2009, 02:45 AM
طب فى شىء سمعته انى ممكن اسيب العربية باسم المعاق وطبعا اخد عليه ايصال امانه واوراق تضمن حقى وهو يعملى توكيل هل فعلا الكلام ده صحيح ولا كلام فى الفشنك

وياريت ياغالى تقولى سكودا اوكتافيا 1600 A5 اوتوماتيك موديل 2005 تعمل كام لو جيت عن طريق المعاقين ولو جيت مستعمله من هنا تعمل كام

sam ram
14-03-2009, 02:11 PM
طب فى شىء سمعته انى ممكن اسيب العربية باسم المعاق وطبعا اخد عليه ايصال امانه واوراق تضمن حقى وهو يعملى توكيل هل فعلا الكلام ده صحيح ولا كلام فى الفشنك

وياريت ياغالى تقولى سكودا اوكتافيا 1600 A5 اوتوماتيك موديل 2005 تعمل كام لو جيت عن طريق المعاقين ولو جيت مستعمله من هنا تعمل كام

رخصه العربيه بتطلع بأسم المعاق ... و مكتوب عليها بالاحمر انه لا يصرح للغير بقيادتها ...
يعني مينفعش اي حد يسوق العربيه الا المعاق نفسه ... و بالتالي اي ورق او توكيلات ملوش اي معنى ... يعني زي ما حضرتك بتقول : كلام في الفشنك
الا اذا اتعمل فك حظر عن العربيه ... وساعتها تتغير الرخصه باسم المالك الجديد ...

للأسف مقدرش افيد حضرتك في موضوع السعر ...

c2bo
18-03-2009, 10:05 AM
السلام عليكم اخواتى الاعزاء اود اعرفكم بنفسى لان دى اول مشاركه ليا فى المنتدى الرائع انا خالد من بورسعيد مستورد سيارتات معوقين بس انا عايز اقولكم حاجه
انا قرائت كلام كتير فى الموضوع دى وشايف ان انتو ظالمنا اووى
ياجماعه زى مافى ناس حلوه فى ناس وحشى
يعنى ممكن تشترى عربيه تكون انت شايفها فبريكا وهى مش فابريكا
وبالنسبه للاجرائات هى سهلا جداااا بس سهله لليعرفها لاى استفسارت انا موجود ودى تلفونى للاستفسار الميباشر
0188013630

fadi2010
26-03-2009, 04:48 AM
السلام عليكم اخواتى الاعزاء اود اعرفكم بنفسى لان دى اول مشاركه ليا فى المنتدى الرائع انا خالد من بورسعيد مستورد سيارتات معوقين بس انا عايز اقولكم حاجه
انا قرائت كلام كتير فى الموضوع دى وشايف ان انتو ظالمنا اووى
ياجماعه زى مافى ناس حلوه فى ناس وحشى
يعنى ممكن تشترى عربيه تكون انت شايفها فبريكا وهى مش فابريكا
وبالنسبه للاجرائات هى سهلا جداااا بس سهله لليعرفها لاى استفسارت انا موجود ودى تلفونى للاستفسار الميباشر
0188013630

هو حضرتك اسمك خالد الكاستن

hazem_khidr
26-03-2009, 10:22 AM
انا قرائت كلام كتير فى الموضوع دى وشايف ان انتو ظالمنا اووى
يعني الناس ظلماكم؟؟؟
يعنى ممكن تشترى عربيه تكون انت شايفها فبريكا وهى مش فابريكا
و كلام حضرتك دا معناه ايه؟؟؟؟؟؟؟؟؟؟؟؟؟؟؟؟؟؟؟؟؟
العربيه اللي بتقف عليكم ب 10 و 15 الف و بتتباع ب 28 و 30 الف
دا بتسميه ايه حضرتك؟؟؟؟؟؟؟؟؟؟؟؟؟
وبالنسبه للاجرائات هى سهلا جداااا
مين قال لحضرتك ان الاجراءات سهله جداااااا
يا اخي الفاضل انا جايب عربيتين من عندكم
لولا ان خالي كان معايا(لواء شرطه) كنت دفعت في كل لجنه عديت عليها
و غيركده فيهعربيه منهم لسه ما اترخصتش من شهر 6 اللي فات لحد دلوقتي
بسبب حاجات كتير ومشاكل و عراقيل رغم ان لينا ناس تقال في كل حته
فياريت ماتهونش الموضوع علي الناس علشان الناس بتصدق
و انا كنت ناوي اعمل موضوع بعد ترخيص العربيه اشرح كل الخطواط
لكن شكلي كده حعمله للناس قريب علشان تاخد بالها و تبعد عن وهم سيارات المعاقين دا

c2bo
31-03-2009, 07:24 PM
يعني الناس ظلماكم؟؟؟

و كلام حضرتك دا معناه ايه؟؟؟؟؟؟؟؟؟؟؟؟؟؟؟؟؟؟؟؟؟
العربيه اللي بتقف عليكم ب 10 و 15 الف و بتتباع ب 28 و 30 الف
دا بتسميه ايه حضرتك؟؟؟؟؟؟؟؟؟؟؟؟؟

مين قال لحضرتك ان الاجراءات سهله جداااااا
يا اخي الفاضل انا جايب عربيتين من عندكم
لولا ان خالي كان معايا(لواء شرطه) كنت دفعت في كل لجنه عديت عليها
و غيركده فيهعربيه منهم لسه ما اترخصتش من شهر 6 اللي فات لحد دلوقتي
بسبب حاجات كتير ومشاكل و عراقيل رغم ان لينا ناس تقال في كل حته
فياريت ماتهونش الموضوع علي الناس علشان الناس بتصدق
و انا كنت ناوي اعمل موضوع بعد ترخيص العربيه اشرح كل الخطواط
لكن شكلي كده حعمله للناس قريب علشان تاخد بالها و تبعد عن وهم سيارات المعاقين دا


بعد احترامى لحضرتك ياريت تشرحلى التفاصيل مش تقول كدى وتمشى وهاقول لحضرتك ايه الغلطات؟؟
وياباشا احنا كل يوم بنمشى ناسى فى الموضيع دى وعارفين احنا بنعمل ايه
وباين من كلام حضرتك ان انت مشيت لوحدك فى الموضوع يعنى ماسئلتش حد فاهم
الموضوع ليه اصول وقواعده مش اى حد يروح يمشيه
تحياتى لك وفى انتظار التفاصيل

c2bo
31-03-2009, 07:28 PM
وعلى فكره الكلام بتاع الفبريكا والمش فبريكا دى الى يحددو المتخصص اوك
دى الى يفصل
وكمان مين الى قال الن احنا بنكسب كدى اولا مش كل صوابعك زى بعضها
وانا ارخنك لو حد بيكسب المكاسب دى وبحق ولو مش مصدق ممكن نتقابل وافرجك انا بشترى العربيا بكام
وياريت ياجماعه تعرفو ان كل مكان فى الوحش والحلو
وشكراا

Payoo
01-04-2009, 05:48 PM
مين قال لحضرتك ان الاجراءات سهله جداااااا
يا اخي الفاضل انا جايب عربيتين من عندكم
لولا ان خالي كان معايا(لواء شرطه) كنت دفعت في كل لجنه عديت عليها
و غيركده فيهعربيه منهم لسه ما اترخصتش من شهر 6 اللي فات لحد دلوقتي
بسبب حاجات كتير ومشاكل و عراقيل رغم ان لينا ناس تقال في كل حته

يعني أحنا بندن في مالطه يا عم حازم ؟ بقى كده برضه تيجي منك أنت؟
ما انا فاتح الموضوع ده من قبل ما تعمل في نفسك كده ما أخدتش عبره ليه من تجربتي ؟

المهم
وادي الأستاذ حازم خضر كمان قدامكم يا جماعه بيثبت بالدليل القاطع وعن تجربة إن حكاية سيارات المعوقين دي فاشلة جدا ومتعبه جدا جدا


رخصه العربيه بتطلع بأسم المعاق ... و مكتوب عليها بالاحمر انه لا يصرح للغير بقيادتها ...
يعني مينفعش اي حد يسوق العربيه الا المعاق نفسه ... و بالتالي اي ورق او توكيلات ملوش اي معنى ... يعني زي ما حضرتك بتقول : كلام في الفشنك
الا اذا اتعمل فك حظر عن العربيه ... وساعتها تتغير الرخصه باسم المالك الجديد ...


الكلام ده مظبوط جدا

hazem_khidr
02-04-2009, 04:07 AM
يعني أحنا بندن في مالطه يا عم حازم ؟ بقى كده برضه تيجي منك أنت؟
ما انا فاتح الموضوع ده من قبل ما تعمل في نفسك كده ما أخدتش عبره ليه من تجربتي ؟

المهم
وادي الأستاذ حازم خضر كمان قدامكم يا جماعه بيثبت بالدليل القاطع وعن تجربة إن حكاية سيارات المعوقين دي فاشلة جدا ومتعبه جدا جدا
ازيك يا هاني باشا الاول واحشني اوووي
الموضوع اللي حاكيه دا من شهر 6 اللي فات
ولحد دلوقتي العربيه ما اترخصتش!!!!!!!!!
عموما انا يومين و اعمل موضوع عن المأساه دي علشان محدش يكررها.
بس المنتدي يخف معايا لاني بفتح بالقوه
....................

mr_saber
09-04-2009, 09:21 AM
والله العظيم الله يبارك لك

انا من اسبوع بس جماعة عرضو عليا الموضوع ده

منهم واحد هو اللى بيخلص الاجراءات دى

بس انا من جوايا مكنتش مرتاح لكلامه

ptmnlo123per171

على العموم موضوعك متميز جدا أخى

ونحن فى انتظار المزيد من التميز

الزيبق
11-04-2009, 05:46 PM
الكسبان من هذة الفكرة بالتلاتة التاجر
والخسران من الفكرة ايضا بالتلاتة المشترى الغلبات اللى بيتذاكى
يخونا الفكرة فشلة واللة

Marcedes Benz
11-04-2009, 07:34 PM
احنا عايزين نعرف يا جماعه تجار بياخدوا العربيات دى ويخلصوها ويرخصوها ويعرضوها للبيع
بجد عايز اعرف فين
انا عايز بساااااااااااااات تكون استيراد من المانيا بس تكون خالصانه ومترخصه وهدفع فيها اللى اللى دفعوا التاجر علشان يخلصها سعرها اللى كانت معروضه بيه للمعاق +عشرين الف جنيه اللى هيدفعهم التاجر علشان يخلصها
وحلال عليه هو قيمة استرداد ضريبه المبيعات اللى هما بيحلفوا انها بتسترد
ان كان فى حد يقدر يدلنى على تاجر عنده عربيات كانت استيراد معاقين وخلصت ومعروضه للبيع ياريت يدلنى عليه
فى انتظار الرد

c2bo
14-04-2009, 09:26 PM
عايز بسات كاام

Marcedes Benz
16-04-2009, 06:13 AM
باسات 97 او 98 او 99 بس تكون مانيوال وياريت عدادها يكون قليل

Marcedes Benz
19-04-2009, 07:44 PM
لحد دلوقتى مفيش رد

hooba_eg
21-04-2009, 04:12 PM
قدامى عربية A4 وارد المانيا موديل 2000 Full Otion , Automatic هتخلص بكل الاجراءات بس من غير فك الحظر ب72000 عاملة 50 الف كيلو وجايبها من ناس موثوق فيهم جدا.
احب اعرف رأيكم ونصائحكم المفيدة

c2bo
21-04-2009, 06:56 PM
قدامى عربية A4 وارد المانيا موديل 2000 Full Otion , Automatic هتخلص بكل الاجراءات بس من غير فك الحظر ب72000 عاملة 50 الف كيلو وجايبها من ناس موثوق فيهم جدا.
احب اعرف رأيكم ونصائحكم المفيدة

لو الكلام دى بسعر المعوق تبئى غاليه من3 الى 5 الف جنيه حسب الحاله

c2bo
21-04-2009, 07:02 PM
باسات 97 او 98 او 99 بس تكون مانيوال وياريت عدادها يكون قليل

انا بحاول ابحثلك عن عربيه تكون هذه المواصفات خالصه بس عرفنى رينج حضرتك كام يعنى من كام لكام
على العلم انا ادامى عربيه بسات موديل 98 مانيول معوقين هاتخلص على95 الف جنيه بفك الحظر
واوتوماتيك 98 هاتخلص على 105 حاله زيرو بعد فك الحظر
اسف اخى على التاخير

Marcedes Benz
21-04-2009, 09:02 PM
انا مش هدخل فى اجراءات فك حظرها ومشوار المعاقين دا انا عايزها خالصه كانى بشتري عربيه عادى من مصر
وتقريبا الرينج مش اكتر من 95
على فكره ابن عمى فى النمسا كان راكب باسات موديل 2002 عامله 110 الف كيلو باعها هناك ب 4000 يورو
سمعنى احلى سلااااااام

c2bo
22-04-2009, 12:05 AM
انا مش هدخل فى اجراءات فك حظرها ومشوار المعاقين دا انا عايزها خالصه كانى بشتري عربيه عادى من مصر
وتقريبا الرينج مش اكتر من 95
على فكره ابن عمى فى النمسا كان راكب باسات موديل 2002 عامله 110 الف كيلو باعها هناك ب 4000 يورو
سمعنى احلى سلااااااام
على فكره هى ارخص من 4000 يورو فى اوروبا بس انا عايز حضرتك تشوف نسبت الجمارك على العربيات و على فكره نسبت الجمارك بتتحدد على اساس
1: الماركه
2:الموديل
3:الاوبشنز
راجع الجمارك واحسبها هاتلاقيها فى الرينج دى

virus
23-05-2009, 05:46 PM
أنا من رأيي الصبر جميل


بس المشكله في المعوق مضمون أم لا

tyuyyyy
24-05-2009, 06:04 PM
يوجد سيارات معوقين وارد كوريا والمانيا السيارة لاتتعدى 60 الف كيلو متر يوجد نوبيرا وان ابتداء من 15 الف الى 21 ويوجد نوبيرا تو ولانوس وجوليت وباسات واكوتفيا وبيجو ولا نسر وتيوتا كل هزة السيارات واردة المانية وكوريا وكل هزة السيارات بحالة المصنع كاملة ابوشن اتوماتيك ومنوال ونحن نقوم بعمل الكمسيون والحلات التى ينطبق عاليها هى شلل اطفال فى القدم او بتر فى الساق او فى الزراع فقط للاستعلام ممهندس محمد حمودة موبيل 0105196455

tyuyyyy
24-05-2009, 06:07 PM
موجودة يمكنك الاتصال على 0105196455

Marcedes Benz
28-05-2009, 02:04 AM
انا عايز بسات تكون جاهزه على فك الحظر ماليش انا دعوه بحوار المعاق دا
لو فى ياريت حد يدلنى

santaclose
29-05-2009, 12:31 PM
الأن التاجر في بورسعيد يقول ان عنده جوابات معوقين و ان الانوس 1 تعمل حوالي 21000 هل هناك جديد في الموضزع؟
هل سيارات اسكندريه تختلف عن بورسعيد في الحاله و الأجراءات

khaledsamo
07-06-2009, 12:40 AM
السلام عليكم و رحمة الله و بركاتة

انا عندي سيارة سكودا اوكتافيا موديل 99 كاملة اوتوماتيك - التابلوة الجديد - فابريقة برة و جوة و كماليات اخري و جاهزة علي فك الحظر
0180163913

khaledsamo
07-06-2009, 01:12 AM
بخصوص العضو اللي بيدور علي باسات بنظام المعاقين
احب اقولك و كلام انا واثق نمة تماما
تمن سيارة الباسات 99 مانيوال 75 الف من غير المعاق و اي اجراءات اخري
معني كدة ان السيارة هيوصل تمنها بعد فك الحظر علي الأقل 93 الف علي الأقل لأن الزبون اللي بيشتري بيتحمل اي مصاريف ايا كانت ..........

نصيحة مني انك لو اشتريت من السوق بالقاهرة (( بس تشيك علي اي عربية عينك عليها كويس ))
هيكون احسن
و ربنا يوفق الجميع

khaledsamo
08-06-2009, 07:48 PM
يا جماعة - خبر مهم جدا
مكتب الجمرك اللي بنخلص فية اوراق الحظر بتاع الجمارك اتنقل من شارع الطيران الي منطقة المطار القديم

Marcedes Benz
08-06-2009, 08:48 PM
يا جماعه انا عايز بسااااااااات مانيوال تكون جاهزه على فك الحظر
انما تكون لسه هدورلها على جواب معاقين والكلام دا انا مش همشى فى المشوار الفاشل دا
فى عربيتين قدامى ناس اعرفهم خادوهم من المنطقه الحره ومشيوا فى حوار المعاق دا وكانت النتيجه ان العربيتين دول من شهر يناير لشهر يونيو دلوقتى لسه مركونين مترخصوش
انا عايز عربيه تكون جاهزه على فك الحظر
اللى يعرف الطريق يدلنى

khaledsamo
09-06-2009, 09:26 PM
يا جماعه انا عايز بسااااااااات مانيوال تكون جاهزه على فك الحظر
انما تكون لسه هدورلها على جواب معاقين والكلام دا انا مش همشى فى المشوار الفاشل دا
فى عربيتين قدامى ناس اعرفهم خادوهم من المنطقه الحره ومشيوا فى حوار المعاق دا وكانت النتيجه ان العربيتين دول من شهر يناير لشهر يونيو دلوقتى لسه مركونين مترخصوش
انا عايز عربيه تكون جاهزه على فك الحظر
اللى يعرف الطريق يدلنى

السلام عليكم و رحمة الله و بركاتة
لو يلزمك عربية اوكتافيا اوتوماتيك ،، انا ببيع ،، جاهزة علي فك الحظر ،،،
لو تلزمك قولي !!!

khaledsamo
09-06-2009, 09:34 PM
يا جماعة :
انا عايز اعرف اجراءات فك الحظر بتاع سيارات المعاقين ..
اية اللي بيتم بالضبط ؟
ازاي استرد قيمة ضريبة المبيعات اللي للسيارة ؟

في حاجة كمان :
لو استخدمت السيارة من غير فك الحظر .. و لا قدر الله المعاق توفي ... اية اللي بيتم بالنسبة الأجراءات ؟؟؟
ايضا لو الورثة رجعوا عليا بالسيارة بعد وفاة المعاق -- اية الأجراءات اللي تتم علشان احمي السيارة ؟؟
ناس كتير عايزة تعرف الأجراءات دي

santaclose
10-06-2009, 01:35 AM
يا جماعه هل احد من الأسكندريه خاض هذا المجال يحكي لنا عن تجربته

Marcedes Benz
10-06-2009, 02:10 PM
انااااااااااااااا عايز مانيوال

MahmoudSelim
14-06-2009, 06:36 AM
يا جماعة يا ريت لو حد يعرف يدلني علي هوندا سيفيك 92 ل 95 si اوتوماتيك
جاهزة علي فك الحظر او حتي تكون اول يد بعد فك الحظر يدلني علي مكانهااااااااااا ptmnlo123per113
بجد زهقت بعد شهرين من الفرجة والكشف علي العربيات وتلاقيها في الاخر
طالع عينها ومتهانة ptmnlo123per1133

hanyreload
15-06-2009, 09:31 PM
السلام عليكم ورحمه الله
انا قريت جميع المشاركات الى موجوده بخصوص سيارات المعاقين واسمحولى اديكو رايى عن تجربه شخصيه .
اولا الموضوع مفهوش اى توفير فى الفلوس بل بالعكس ممكن تدفع اكتر شويه من تمن العربيه هنا فى مصر بس بتركب فى المقابل عربيه حاله ممتازه (فابريكه) اعتبر نفسك اول يد ونصيحه اوعى تفكر توفر وتقولى امشى بالعربيه وهى باسم المعاق ptmnlo123per184 لا والف لا لانك ممكن تخسر فلوسك والعربيه .
ثانيا الفرق بين العربيات الى فى بور سعيد والى فى اسكندريه

فرق كبير الى فى بور سعيد اغلبها عربيات بتيجى من تركيا وايطاليا واليونان يعنى بيلعبو فى العربيات اكتر من المصريين وعن تجربه ليا شخصيا روحت اجيب عربيه نوبيرا لواحد زميلى لقيت راكب فيها موتور لانوس .
اما عربيات الاسكندريه وهى موجوده فى السوق الحره فى العامريه وفى كذا معرض هناك متخصص فى المجال ده بتبقى جايه من المانيا و فرنسا و اليابان محدش مد ايده فيها وانضف بكتير جدا جدا من بور سعيد وعلى فكره بتكون اغلى بالفين تلاته من بور سعيد نظير الحاله الشاذه الى بتبقى فيها العربيه .
ثالثا لو ناوى تخوض التجربه لازم تختار معاق معاه رخصه عشان متدوخش نفسك .
رابعا الاجرائات بتاخد تقريبا شهر وتكون العربيه باسمك.

واخيرا ياريت اكون قدرت افيدكو وانا جاهز لاى استفسار فى هذا الموضوع .

khaledsamo
16-06-2009, 11:27 PM
السلام عليكم ورحمه الله
انا قريت جميع المشاركات الى موجوده بخصوص سيارات المعاقين واسمحولى اديكو رايى عن تجربه شخصيه .
اولا الموضوع مفهوش اى توفير فى الفلوس بل بالعكس ممكن تدفع اكتر شويه من تمن العربيه هنا فى مصر بس بتركب فى المقابل عربيه حاله ممتازه (فابريكه) اعتبر نفسك اول يد ونصيحه اوعى تفكر توفر وتقولى امشى بالعربيه وهى باسم المعاق ptmnlo123per184 لا والف لا لانك ممكن تخسر فلوسك والعربيه .
ثانيا الفرق بين العربيات الى فى بور سعيد والى فى اسكندريه

فرق كبير الى فى بور سعيد اغلبها عربيات بتيجى من تركيا وايطاليا واليونان يعنى بيلعبو فى العربيات اكتر من المصريين وعن تجربه ليا شخصيا روحت اجيب عربيه نوبيرا لواحد زميلى لقيت راكب فيها موتور لانوس .
اما عربيات الاسكندريه وهى موجوده فى السوق الحره فى العامريه وفى كذا معرض هناك متخصص فى المجال ده بتبقى جايه من المانيا و فرنسا و اليابان محدش مد ايده فيها وانضف بكتير جدا جدا من بور سعيد وعلى فكره بتكون اغلى بالفين تلاته من بور سعيد نظير الحاله الشاذه الى بتبقى فيها العربيه .
ثالثا لو ناوى تخوض التجربه لازم تختار معاق معاه رخصه عشان متدوخش نفسك .
رابعا الاجرائات بتاخد تقريبا شهر وتكون العربيه باسمك.

واخيرا ياريت اكون قدرت افيدكو وانا جاهز لاى استفسار فى هذا الموضوع .

السلام عليكمو رحمة الله و بركاتة : في البداية احب اشكرك علي رسالتك بس
اسمحلي يا هاني اعقب علي الموضوع و نفتح فية باب النقاش :
بالنسبة لموضوع حالات السيارات مقدرش احكم انما بالنسبة موضوع اجراءات السيارة احب اقول ان لاحتي لو المعاق معاة رخصة في المرور لا يعترف بها و بيمتحن تاني اختبار قيادة علشان رخصة السيارة اللي بيجيبها علي اسمة بتبقي مرتبطة برخصة القيادة الخاصة بة .

santaclose
17-06-2009, 02:17 AM
احكي لنا باتفصيل و الأرقام لو سمحت و هل عندك فكره لو سياره لانوس 2 تعمل كام بعد الأجراءات

khaledsamo
19-06-2009, 05:27 PM
احكي لنا باتفصيل و الأرقام لو سمحت و هل عندك فكره لو سياره لانوس 2 تعمل كام بعد الأجراءات

السلام عليكم و رحمة الله و بركاتة

اخي العزيز ،، طبعا انا تحت امرك ،

بالنسبة اسعار السيارات انا معرفوش لأني مش تاجر او صاحب معرض سيارات في بورسعيد او الأسكندرية ،، المهم اللي ان شاء الله اقدر افيدك في الأجراءات :
بالنسبة للأجراءات ::
اجمالي المبلغ اللي هيتم دفعة :
1 - ثمن السيارة من المكان اللي هتشتري منة السيارة - بورسعيد ( المناطق الصناعية هناك - اسكندرية
2 - اتفاق سيادتكم مع المعاق علي حسب ما هيأخد و يتراوح من 6الاف الي 7 الاف
3 - اجراءات الترخيص ( رخصة المعاق و رخصة السيارة ) في المرور
4 - اجراءات فك الحظر 9600 جم
5 - الشهر العقاري و اجراءات نقل الملكية
6 - ترخيص السيارة في المرور التابع لة

اول حاجة بتتقال انك هتسترد من السيارة اللي هتشتريها ضريبة المبيعات اللي علي السيارة بس يامين يعيش و تسترد منها حاجة

و يارب اكون افدت ،،،،،،،،،،،،،

santaclose
20-06-2009, 03:22 PM
بارك الله فيك و لك

c2bo
21-06-2009, 12:32 AM
ياجماااااااااااااااااعه فك الحذر اتوقف

Marcedes Benz
22-06-2009, 12:04 AM
هههههههههههههههههههههههههههههههههه
كمان فك الحظر اتوقف

khaledsamo
23-06-2009, 09:09 PM
يا جماعة
طبعا تقريبا الناس كلها عرفت ،،
فك الحظر اتوقف بقي بعد ثلاث سنوات من شراء السيارة ،،،،،،،،،
و برضة علشان الناس تبقي عارفة فك الحظر زي ما هو خمس سنوات للناس اللي مش هيدفعوا فلوس الفك اللي بقت بعد 3 سنوات
القرار دة كان يوم 14 / 6 / 2009

الزرقا
24-06-2009, 06:33 PM
الحمد لله يا جماعه

انا رفعت الحظر يوم السبت الماضى بتاريخ 12 - 6 2009

الحمد لله

بس الغريب ان فى الجمرك محدش قال ان فى قرار بايقاف رفع الحظر

دفعت 9546 جنيه

hooba_eg
26-06-2009, 01:21 AM
طب يا جماعة اية مصير العربيات اللى خرجت من شهرين او تلاتة فاتوا؟؟؟؟ لازم يبقى فى حل!!!!!

amk1912
01-07-2009, 04:21 AM
لو سمحت عايز اعرف عندك هيونداي النترا موديل حديث بعد 2004<?xml:namespace prefix = o ns = "urn:schemas-microsoft-com:office:office" /><o:p></o:p>
وما هو السعر و المستندات المطلوبة<o:p></o:p>
<o:p> </o:p>

momo44
11-07-2009, 11:55 AM
يا جماعة
طبعا تقريبا الناس كلها عرفت ،،
فك الحظر اتوقف بقي بعد ثلاث سنوات من شراء السيارة ،،،،،،،،،
و برضة علشان الناس تبقي عارفة فك الحظر زي ما هو خمس سنوات للناس اللي مش هيدفعوا فلوس الفك اللي بقت بعد 3 سنوات
القرار دة كان يوم 14 / 6 / 2009

lمش فاهم بالظبط
يعنى الرفع بقى بعد 3 سنوات
ولا لسة بعد 5 سنوات ولكن الدفع يتم بعد 3 سنوات
ولا الدفع الان والرفع يتم بعد 3 سنوات


موضوع سيارات المعوقين كثر عليه الكلام والجدال وله دعاية جذابة جدا تجعل أي شخص مقدم على شراء سيارة أن يقوم بالتفكير في شراء سيارة من السيارات المخصصة للمعاقين من كثرة الكلام عن التوفير والحالة الرائعة للسيارة المستورده للمعاقين
وبما أنني غاوي أفتكاسات وتجارب قمت بشراء سيارة من سيارات المعاقين وكانت لي هذه التجربة التي ندمت عليها أشد الندم
والندم هنا ليس لحالة السيارة (فلعل حالة السيارة هي الشيء الوحيد الذي صبرني على تقبل التجربة) وإنما الندم جاء من كثرة الاجراءات المعقدة و من المبلغ الذي دفعته ثمن للسيارة والذي تخطى سعرها الحقيقي في الأسواق العادية

وإليكم التفاصيل

أولا أنا لست معوق ولكن لي قريبه تعاني من إعاقة قمت بالاتفاق معها على أن تأخذ مبلغ مقابل أن أتمتع بالأعفاء الذي سوف تأخذه من مصلحة الجمراك وهو 20.000 من القيمة الجمركيه للسياره ((هذا باإضافة إلى أنني سمعت أن السيارات هناك قيمتها منخفضه جدا جدا جدا)

وقلت في نفسي أنني سوف أستفيد من الإعفاء الجمركي ومن سعر السيارة المنخفض و أن قريبتي سوف تستفيد بالمبلغ الذي سوف تأخذه مني مقابل شراء سيارة باسمها حيث أن ظروفها وإمكانيتها المادية لن تسمح لها بشراء سيارة أبدا

ولكن بعد أن بدأت هذا المشوار الصعب وجدت أن كل ما يقال مبالغ فيه جدا جدا وأن الموضوع ليس فيه أي إفادة إلا للــمـــعــوق فـــــــــــقــــــــــط وأن سعر السيارة ليس النصف كما يُقال ولا يحزنون بل بالعكس السيارة سعرها يقارب سعر سوق المستعمل في مصر ولكنه يقل قليلا

وبما أنه يقل قليلا وليس كثيرا فإن هذا القليل لا يسمح لأحد سوى المعوق فقط أن يستفيد من الإعفاء
لأن الشخص العادي عندما يقوم بدفع مبالغ الكشف الطبي( 500جنيه مستعجل هذا بخلاف بعض النثريات) ثم المبلغ المتفق عليه للمعاق(بمتوسط 5000جنيه) ثم استخراج رخصة خاصة للمعاق (طبعا بعد دفع مبلغ تحت الترابيزه لضابط مرتشي أو ما شابه في حدود 1000جنيه) و دفع مبلغ ترخيص السيارة باسم المعاق (حوالي 500جنيه) ثم دفع مبلغ فك الحظر 9600جنيه ثم دفع رسوم نقل الملكيه في الشهر العقاري وهي بالنسبة لسيارتي 1050 جنيه

بعد كل ذلك ستجد انك قد دفعت أكثر من قيمة السيارة الفعلية في سوق الاستعمال المصري

وبكده هاتلاقي نفسك أخذت أكبر مقلب في حياتك وسوف تجد عزائك الوحيد هو حالة السيارة الممتازة التي تختلف عن حالة السيارة المستعملة في مصر



وأليكم صورة السيارة التي أشتريتها من بورسعيد

http://www4.0zz0.com/2008/02/20/15/188996800.jpg
http://www4.0zz0.com/2008/02/20/15/707281776.jpg
http://www4.0zz0.com/2008/02/20/15/959575090.jpg
http://www4.0zz0.com/2008/02/20/15/665555343.jpg
http://www4.0zz0.com/2008/02/20/15/303068583.jpg
http://www4.0zz0.com/2008/02/20/15/908095039.jpg
http://www4.0zz0.com/2008/02/20/15/942217225.jpg
http://www4.0zz0.com/2008/02/20/15/666137171.jpg
http://www4.0zz0.com/2008/02/20/15/645727910.jpg
http://www4.0zz0.com/2008/02/20/15/354692878.jpg

وأي أستفسار من اي عضو سوف أقوم بالأجابة عليه وتوضيح كافة الأجراءات المعقدة في رحلة العذاب للحصول على سيارة معفاة جزئيا من الجمارك للمعاقين


على فكرة الخطوات كثيره جدا ومعقده والمبالغ المدفوعه تأتي واحده واحده ولا يعلن أحد عنها إلا بعد أن تكون قد مشيت خطوات في الموضوع وكأنك وقعت في فخ
لذلك سوف اذكر لكم التفاصيل واحده بواحده كلما تذكرت شيئا أو كلما سال أحد عن شيئ


شكرا


هل كان مع قريبة حضرتك رخصة او مؤهل ولا عملت ايه بالظبط
ارجو الرد للاهمية

momo44
11-07-2009, 12:17 PM
سمعت ان فك الحظر رجع تانى
هل الكلام ده صحيح

Marcedes Benz
11-07-2009, 07:48 PM
ههههههههههههههههههههههههههههههههههههههه
نكته

morieno
19-07-2009, 12:38 PM
حد يقلنا الحقيقه فين وياريت لو مؤكده بجد الموضوع حيوي ومش محتاج هذار
وياريت اللى عنده اى سكه يدلنا عليها
المشكله اكبر من فلوس العربيه
انا حاولت الاقى واحده زيها فى مصر مالقيتش
دى حتى احلى من الزيرو المصرى

khhip
19-07-2009, 01:18 PM
السلام عليكم
هو رفع الحظر لسة شغال يعني مكن تروح الجمارك وتدفع 9600 وترفع الحظر بس المشكلة ان نقل الملكية هو الى اتوقف يعني متقدرش تنقل ملكية العربية باسمك الى بعد 3 سنين
يعني الرخصة تبقى باسم المعوق ومكتوب عليها لا يقودها الى مالكها لمدة 3 سنين!!!!!!!!!!!!!!

مش فعلا بلد تضحك؟؟؟؟؟؟؟؟؟؟؟؟؟؟
وشكرا

morieno
19-07-2009, 01:35 PM
السلام عليكم
هو رفع الحظر لسة شغال يعني مكن تروح الجمارك وتدفع 9600 وترفع الحظر بس المشكلة ان نقل الملكية هو الى اتوقف يعني متقدرش تنقل ملكية العربية باسمك الى بعد 3 سنين
يعني الرخصة تبقى باسم المعوق ومكتوب عليها لا يقودها الى مالكها لمدة 3 سنين!!!!!!!!!!!!!!

مش فعلا بلد تضحك؟؟؟؟؟؟؟؟؟؟؟؟؟؟
وشكرا

طيب والحل ايه

rxrxrx
21-07-2009, 04:48 PM
ارجو الماعده انا زوجى توفى و عنده سيارة معاقين موديل 1994 هيونداى ماذا افعل و هل يوجب على فك الحظر؟
وكمان بيقولوا الحظر بقى ب 13 الف جنيه و السياره اشتراها فى 2007
افيدونى

rxrxrx
21-07-2009, 04:50 PM
ptmnlo123per144 ارجو المساعده انا زوجى توفى و عنده سيارة معاقين موديل 1994 هيونداى ماذا افعل و هل يوجب على فك الحظر؟
وكمان بيقولوا الحظر بقى ب 13 الف جنيه و السياره اشتراها فى 2007
افيدونى

year183
21-07-2009, 06:20 PM
موضوع فك اللحظر دا بقي غامض اوي ياريت احد المشرفين يوضح حقيقة الامر والمنتدي مليئ بالاشخاص المحترمة

الزرقا
25-07-2009, 01:16 PM
موضوع فك اللحظر دا بقي غامض اوي ياريت احد المشرفين يوضح حقيقة الامر والمنتدي مليئ بالاشخاص المحترمة
كلامك مظبوط فى انتظار توضيح احد المشرفين

momo44
26-07-2009, 02:05 PM
يا جماعة انا بفتح الاهرام اليوم وجدت الخبر كمان في الجرنال

وهذا نصة

عفاءات سيارات المعاقين وراء التلاعب بورقة الإفراج الجمركي‏!!‏
القاهرة ـ آمال علام‏:‏
استثناءات سيارات المعاقين من شرط سنة الموديل‏,‏ وتمتعها بتخفيضات علي الرسوم الجمركية‏,‏ رفعت عدد السيارات المفرج عنها لهذه الفئة إلي‏17‏ ألف سيارة العام الماضي‏,‏ مقابل نحو‏3‏ آلاف سيارة في المتوسط خلال السنوات السابقة‏,‏ وبنسبة نمو بلغت‏466%.‏

هذا ما أكده جلال أبوالفتوح مستشار وزير المالية لشئون الجمارك‏,‏ مشيرا إلي أن تلك الاستثناءات والإعفاءات شجعت البعض علي إساءة استخدام هذه التيسيرات‏,‏ والإفراج عن سيارات ترد باسم معاقين‏,‏ ليتم بيعها فورا وتغيير اسم المالك بالمرور في ثاني يوم الإفراج الجمركي‏.‏

وأوضح أنه في إطار مواجهة هذه المحاولات والتلاعبات فقد تم تعديل إجراءات نقل ملكية سيارات المعاقين للغير‏,‏ بحيث يتم حظر نقل الملكية قبل مرور‏3‏ سنوات من تاريخ الإفراج الجمركي عنها علي الأقل‏,‏ وذلك وفقا للمادة الثانية من القرار الوزاري الذي أصدره المهندس رشيد محمد رشيد وزير التجارة والصناعة رقم‏517‏ لسنة‏2009‏ بتعديل بعض أحكام لائحة القواعد المنفذة لأحكام الاستيراد والتصدير‏,‏ ونظام إجراءات فحص ورقابة السلع المستوردة والمصدرة‏.‏

وأشار إلي أنه تم إخطار المرور المختص بعدم تعديل ترخيص السيارة لغير المفرج باسمه من الجمارك قبل مضي‏3‏ سنوات علي الأقل‏.‏



واللينك كماااان


http://www.ahram.org.eg/Index.asp?Cu....htm&DID=10020 (http://www.ahram.org.eg/Index.asp?CurFN=fron10.htm&DID=10020)

محمد696969
07-08-2009, 05:04 PM
نفسى اعرف انواع الاعاقة التى على اساسها يتم منح المعاق التخفيض الجمركى ...... وهل الاعاقة البصرية لاحدى العينان مع وجود رخصة قيادة تم استخراجها قبل توقيع الكشف من قبل القومسيون الطبى وسارية لمدة عشر سنوات تسمح لى بالتمتع بالاعفاء المطبق على المعاقين
شكرا جزيلا ويا ريت اى اخ كريم يرد على سؤالى

Payoo
13-08-2009, 05:24 PM
ptmnlo123per144 ارجو المساعده انا زوجى توفى و عنده سيارة معاقين موديل 1994 هيونداى ماذا افعل و هل يوجب على فك الحظر؟
وكمان بيقولوا الحظر بقى ب 13 الف جنيه و السياره اشتراها فى 2007
افيدونى

sorry for write english because my mobile can't write arabic
Anyway I will come back with full answer

just 2 day

Payoo
18-08-2009, 04:13 PM
ptmnlo123per144 ارجو المساعده انا زوجى توفى و عنده سيارة معاقين موديل 1994 هيونداى ماذا افعل و هل يوجب على فك الحظر؟
وكمان بيقولوا الحظر بقى ب 13 الف جنيه و السياره اشتراها فى 2007
افيدونى

السيدة الفاضلة صاحبة السؤال
أعتذر عن التاخير في الرد ...وإليكي رد الأستاذ محمد جمال من إدارة الجمارك قسم الإفراج الجمركي عن سيارات المعوقين

أتصلت بالسيد محمد جمال لأحصل على إجابة شافيه لسؤالك وكان رده كالأتي

أولا العلاقة بين "المعوق" (صاحب الإعفاء الجمركي) و بين "دافع مبلغ السيارة" هي علاقه غير قانونيه من وجهة نظر إدارة الإعفاءات الجمركيه بإدارة الجمارك

ثانيا السيارة هي ملك للمعوق أمام الجهات الحكوميه كاملة ولا يحق للمعوق أن يوكل أحد على هذه السيارة طالما أنها محظورة جمركيا ولا يعتد بالتوكيل العام او الخاص في مثل هذه الحالة

ثالثا إذا تنازع الطرفان ("المعوق" و "دافع ثمن السيارة") على السيارة وكان بينهم أية أوراق أو توكيلات أو إيصالات امانه تكون بين "المعوق" ودافع ثمن السيارة" فهي أمام القانون لا علاقة لها بالسيارة محل النزاع

رابعا السيارة ملكيتها لا تؤل إلا للورثة من أهل المعوق فقط ولا تؤل ملكيتها إلى أي شخص اخر

--------------------------------------------------------------------------

أخيرا لن اطيل عليكي سيدتي فهذا الأمر ارى أنه يجب أن يـُحل بصفة وديه بينك وبين المعوق على أن يرضى بأن يقوم بإجراء خطوات فك الحظر وبعدها يقوم ببيع السيارة لكِ أو لأحد اولادك كما تشائين

وهذا هو الحل من وجهة نظري

شكرا

k.elsaman56
19-08-2009, 08:08 AM
بسم الله الرحمن الرحيم
لكل طماع مستحل لمال الغير من يرصد أعماله ... كما تدين تدان ... أنت طمعت فى الفرق و قيل لك أن الفرق كبير ... نعم هو كبير ولكن فى كلام النصابين ومن يستحلون مال الغير بدون حق ... وبعد أن تدخل فى الموضوع تجد نفسك السويه وقد لامتك على فعلتك وخسارتك التى منيت بها بالطمع .
أللهم أهدى كل الناس

mibrahem_jic
20-08-2009, 09:59 AM
على فكرة لدى صديق عنده سيارة دايو نوبيرا معاقيين ومش عارف يعمل فيها ايه

hashem1999
24-08-2009, 11:29 PM
انا ليا صديق اشترى دايو نوبيرا موديل 1998 من بور سعيد ب24000 جنيه
وبصراحه هى حالتها وكأنها 2009 بدون مبالغه
بس لما تابعت مشواره مع موضوع المعاقين والحوارات دى عرفت انها هتوصل معاه
تقريبا ل50000جنيه وده تقريبا سعرها هنا بالفعل فيما عدا الحاله
بس الصراحه ومن الاخر الحوار ده خساره فيه المجاذفه من البدايه
كفايه الخوف والقلق وانت بترمى فلوسك وتفضل دايخ وراها ومش عرف هتتم ولالا
اشتى بيهم نفس العربيه من هنا وضحى بالحاله ومش هتكون ضايعه يعنى ولا حاجه
بس كفايه تدفع فلوسك وانت مطمئن وحاجه ملكيتها مضمونه ومافيش من وراها حكايات

khaledsamo
01-09-2009, 01:26 AM
السيد الفاضل PAYOO
ليا سؤال و طلب من سيادتكم

بالنسبة لفك الحظر و نقل الملكية :
هل بعد الثلاث سنوات ( القرار الأخير ) سيتمكن كل من ممتلكي السيارات فك الحظر بدون دفع المبلغ المعروف ( 9600 ) ام بدفع المبلغ المشار ؟
ام سيتم فك الحظر بعد خمس سنوات بدون دفع المبلغ المشار
بمعني بعد 3 سنوات سيتم فك الحظر بالفلوس و لا اية بالضبط ؟؟؟؟؟؟؟؟؟؟
هو دة السؤال المحير الناس كلها اللي اشترت السيارات

و لسيادتكم جزيل الشكر

mosmafa
03-09-2009, 10:05 PM
بعد تلات سنين ب 9600
بعد خمسة ب 90 ج
المهم يا جماعة برضه شارطين رخصة قيادة مع فك الحظر بعد 3 سنين
ارجو ان اي حاد فاهم في الليلة دي يجاوب
لان الموضوع متوقف عليه فلوس كتير اوي هتضيع
من ناس تعبانين فيها والله

momo44
05-09-2009, 02:29 AM
انا سمعت ان ممكن تدفع 2400 حنيه غرامة عند فك الحظر لو رخصة القيادة مش موجودة
هتقولى امال العربية بتترخص ازاى
هقولك فى ناس ليها طرق ملتوية وبترخص العربية من غير رخصة معاق
ارجو من الخبراء تاكيد المعلومة او نفيها

على فكرة لدى صديق عنده سيارة دايو نوبيرا معاقيين ومش عارف يعمل فيها ايه
رخصها وعلقت نمر ام لا

mosmafa
05-09-2009, 11:00 AM
انا معلق نمر و واخد تصريح شهر انتهى بقاله سنتين
لحين استخراج رخصة قيادة وبعد ما علقت النمر راحو مانعين الترخيص الا بعد تطليع رخصة القيادة
ومضوع ال 2500 ده كان فعلا موجود بس لما جيت افك الحظر شهر 3 2008 قالولي اتلغى
ولازم تجيب رخصة قيادة
بقالي سنتين معايا عربية زي الفل وماشي من غير ورق
ومش عارف اعمل ايه دلوني بجد يا اهل الخبرة

Payoo
06-09-2009, 06:32 PM
السيد الفاضل PAYOO
ليا سؤال و طلب من سيادتكم

بالنسبة لفك الحظر و نقل الملكية :
هل بعد الثلاث سنوات ( القرار الأخير ) سيتمكن كل من ممتلكي السيارات فك الحظر بدون دفع المبلغ المعروف ( 9600 ) ام بدفع المبلغ المشار ؟
ام سيتم فك الحظر بعد خمس سنوات بدون دفع المبلغ المشار
بمعني بعد 3 سنوات سيتم فك الحظر بالفلوس و لا اية بالضبط ؟؟؟؟؟؟؟؟؟؟
هو دة السؤال المحير الناس كلها اللي اشترت السيارات

و لسيادتكم جزيل الشكر

اي وقت تحب تفك الحظر فيه قبل مرور الـ5 سنوات سوف تدفع 9600 جنيه

أما بعد مرور الـخمسة سنوات سوف تدفع بضعة جنيهات بسيطه لزوم الأوراق والدمغات التي سوف تشتريها لفك حظر السيارة ومن ثم بيعها بعد ذلك لمن تحب

محمد696969
06-09-2009, 08:24 PM
هل الاعاقة البصرية لاحدى العينان مع وجود رخصة قيادة تم استخراجها قبل توقيع الكشف من قبل القومسيون الطبى وسارية لمدة عشر سنوات تسمح لى بالتمتع بالاعفاء المطبق على المعاقين
شكرا جزيلا ويا ريت اى اخ كريم يرد على سؤالى<!-- / message -->

khaledsamo
06-09-2009, 10:31 PM
السيد الفاضل PAYOO
شكرا لأهتمام سيادتكم بالرد

معني ذلك انة بعد ثلاث سنوات ممكن فك الحظر بدفع المبلغ المعروف ( 9650 ) و نقل الملكية
اما في حال الأنتظار لمدة خمس سنوات لن يتم دفع المبلغ المشار .

محمد البدرى
08-09-2009, 01:03 AM
انا ولدى مصاب عمليات حربية فى الحرب واصابتة هى كسر فى الفقرة الثالثة + تسبيت الكاحل الايسر وكسر الكاحل وعاوز يعرف ممكن نسبة الاصابة دى يجيب بيها عربية معوقين واية هية الاجرات الى لازم تتعمل ويكشف فين بلظبط فى الكمسيون العسكرى ولا يكشف فى الكمسيون الطبى العادى اللى جمب مجلش الشعب واجوك الرد بسرعة جدا جدا جدا للاهمية او الرد على اميلى فى اسرع وقت

Payoo
10-09-2009, 04:08 PM
هل الاعاقة البصرية لاحدى العينان مع وجود رخصة قيادة تم استخراجها قبل توقيع الكشف من قبل القومسيون الطبى وسارية لمدة عشر سنوات تسمح لى بالتمتع بالاعفاء المطبق على المعاقين
شكرا جزيلا ويا ريت اى اخ كريم يرد على سؤالى<!-- / message -->
لا تقبل الإعاقة البصرية لا تدخل ضمن الإعاقات التي تتمتع بالخصم الجمركي

أما الإعاقة البصرية لا يسمح لها بالقيادة نهائيا

السيد الفاضل PAYOO
شكرا لأهتمام سيادتكم بالرد

معني ذلك انة بعد ثلاث سنوات ممكن فك الحظر بدفع المبلغ المعروف ( 9650 ) و نقل الملكية
اما في حال الأنتظار لمدة خمس سنوات لن يتم دفع المبلغ المشار .
من الممكن أن تفك الحظر في أي وقت كان بعد ترخيص السيارة باسم المعاق (حتى ولو بعد يوم واحد من ترخيصها) وتقوم بدفع مبلغ 9600 جنيه لفك هذا الحظر

أما لو أنتظرت مدة 5 سنوات سوف يتم فك الحظر دون دفع هذا المبلغ

انا ولدى مصاب عمليات حربية فى الحرب واصابتة هى كسر فى الفقرة الثالثة + تسبيت الكاحل الايسر وكسر الكاحل وعاوز يعرف ممكن نسبة الاصابة دى يجيب بيها عربية معوقين واية هية الاجرات الى لازم تتعمل ويكشف فين بلظبط فى الكمسيون العسكرى ولا يكشف فى الكمسيون الطبى العادى اللى جمب مجلش الشعب واجوك الرد بسرعة جدا جدا جدا للاهمية او الرد على اميلى فى اسرع وقت
أولا ألف سلامة والدك ولكل من ضحى من أجل هذا الوطن ومن اجل جيلنا والاجيال التي سوف تأتي من بعدهم
ثانيا على والدك التوجه إلى الكومسيون الطبي في شارع مجلس الشعب لكي يتم تحديد ما إذا كانت إصابته تندرج تحت قائمة إعاقات الإعفاء أم لا

dr_tamer_sh
11-09-2009, 02:56 PM
السلام عليكم
كل عام وانتم بخير جميعا
هذه اول مشاركه لى بالمنتدى وكان لى بعض الاستفسارات بخصوص سيارات المعاقين
فانا اخى الصغير لديه اعاقه بساقيه الاثنين (كشلل اطفال) ولا لايستطيع المشى بدون جهاز مساعد للساقين
فهل الاعاقه للساقين تمكنه من الحصول على سيارات للمعاقين
هو عمره الان 17 سنه هل يمكنه هذا العمر من استخراج رخصه للقياده للمعوقين وان كان لايمكنه فما هو العمر المناسب لذلك
وهل يتمكن من الذهاب للقمسيون الطبى لعمل اجراء استخراج الخطاب ام ان ايضا هناك حد ادنى من العمر المسموح به
وهل استخراج الرخصه يكون من المرور التابع له او مكان اخر مخصص للمعاقين
هل يمكن لوالده ان يقود السياره دون وجود الابن معه
واذا اراد ان يبيع السياره مثلا فبعد كم سنه يمكن له ان يبيعها خاصه بعد دفع الطرف الاخر مثلا لفك الحظر (9600 ج)
نعلش انى طولت عليكم ف الاسئله بس لانى شايف انى اهل الخبره ف المنتدى ماشاء الله كثيرين

Payoo
14-09-2009, 12:11 AM
فانا اخى الصغير لديه اعاقه بساقيه الاثنين (كشلل اطفال) ولا لايستطيع المشى بدون جهاز مساعد للساقين
فهل الاعاقه للساقين تمكنه من الحصول على سيارات للمعاقين

أهلا بك صديقنا العزيز
بالنسبة لسؤالك فالإجابه هي (نعم)
فإعاقة الساقين لها إعفاء جمركي مثلها مثل الإعاقة في قدم واحده
ولها أيضا رخصة قيادة بشرط أن تكون السيارة مجهزة طبيا ليتحو التحكم في السرعة والفارمل إلى اليدين بدلا من القدمين

هو عمره الان 17 سنه هل يمكنه هذا العمر من استخراج رخصه للقياده للمعوقين وان كان لايمكنه فما هو العمر المناسب لذلك
السن القانوني لاستخراج رخصة قيادة هو 18 عام

وهل يتمكن من الذهاب للقمسيون الطبى لعمل اجراء استخراج الخطاب ام ان ايضا هناك حد ادنى من العمر المسموح به
يجب أن يكون قد تجاوز السن القانونية وهو 18 عام



هل يمكن لوالده ان يقود السياره دون وجود الابن معه
السيارة لا يقودها إلا مالكها وهذا الشرط يكون مدون على رخصة السيارة

واذا اراد ان يبيع السياره مثلا فبعد كم سنه يمكن له ان يبيعها خاصه بعد دفع الطرف الاخر مثلا لفك الحظر (9600 ج)
بعد الترخيص مباشرة يمكن دفع مبلغ فك الحظر وبعده يمكن بيع السيارة
نعلش انى طولت عليكم ف الاسئله بس لانى شايف انى اهل الخبره ف المنتدى ماشاء الله كثيرين
أنت تشرف في أي وقت وأحنا تحت أمرك

dr_tamer_sh
14-09-2009, 06:31 AM
استاذ payoo
شاكر جدا لحضرتك على سرعه ردك ومعلوماتك القيمه
ودائما الى الافضل

lordluck
14-09-2009, 07:56 PM
كل سنة انتوا طيبين ورمضان ركريم عليكوا طب انا لو حبيت اجيب حاجة عالية من هناك معوقين يعنى هلاقى ولا فى عربيات محددة واخر موديل للعربيات المعوقيين فى بور سعيد بيكون كام وفى فعلا عربيات مش راشة برة فى بورسعيد يعنى انا عوز اسئل عن بى ام -هوندا -فولكس- اوبل-جراند شيروكى - شيروكى الحاجات العالية ptmnlo123per184

elhadad
16-09-2009, 12:23 PM
انا والدى مصاب بعجز 100% بالبصر نتيجة العمليات الحربية فهل لى ان اخذ السيارة و تكون باسمى لانه لا يستطيع القيادة ؟

Payoo
21-09-2009, 04:05 AM
كل سنة انتوا طيبين ورمضان ركريم عليكوا طب انا لو حبيت اجيب حاجة عالية من هناك معوقين يعنى هلاقى ولا فى عربيات محددة واخر موديل للعربيات المعوقيين فى بور سعيد بيكون كام وفى فعلا عربيات مش راشة برة فى بورسعيد يعنى انا عوز اسئل عن بى ام -هوندا -فولكس- اوبل-جراند شيروكى - شيروكى الحاجات العالية ptmnlo123per184
بالنسبة لسنة الصنع المسموج إستيرادها للمعوقين فهي مفتوحة (يعني أي سنة صنع مسموح بها)
أما بالنسبة للشيروكي والجراند شيروكي والعربيات الكبيره (على حد تعبيرك) فهي غير مسموح بها لأن أقصى قدرة موتور مسموح بها للمعوقين هي 1600سي سي وهذه السيارات لا يوجد منها بموتور 1600 سي سي

انا والدى مصاب بعجز 100% بالبصر نتيجة العمليات الحربية فهل لى ان اخذ السيارة و تكون باسمى لانه لا يستطيع القيادة ؟
الأعاقة البصريه لا يوجد لها إعفاء جمركي لأنه لا يجوز أن يقود السيارة غير المعوق فقط

حمودي جدة
05-10-2009, 11:26 AM
يااستاذ هاني مبروك عل عربيتك ربنا يباركلك فيها الحمدلله اني كنت عل وشك اعمل زيك وربنا سخرني ادخل واقرا موضوعك الحمدلله على كل حال بس كنت عايز اسال حضرتك لو عندك اي فكره انا قاعد فسعوديه وببيع واشتري فالعربيات وعاوز انزل عربيات مصر ومشعارف ايه الاجراءت الي اكيد هتبقى ممله زي الي حصل لحضرتك بس اي معلومه ممكن تفدني انا عايز انز ل /لانسر او/ريو كيا/او/افيو /وممكن يبقى اوبترا موديلات تقريبا 2006 بس لوعندك فكره عن اسعارها فمصر مستعمله تعمل كام

mattar
05-10-2009, 01:46 PM
اخي العزيز ماذا عن الاعاقه السمعيه مع العلم انه يتم استخدام سماعة اذن هل لها تصريح؟؟ و لكم جزيل الشكر

Payoo
06-10-2009, 08:57 PM
بس اي معلومه ممكن تفدني انا عايز انز ل /لانسر او/ريو كيا/او/افيو /وممكن يبقى اوبترا موديلات تقريبا 2006 بس لوعندك فكره عن اسعارها فمصر مستعمله تعمل كام
اللانسر في منها 1300 و 1600 وفي منها مانيوال وأوتوماتيك و في سبورت وهاف أسبورت وكذا نوع من نفس الموديل فلازم حضرتك تحدد عشان نقدر نساعدك
وعشان أسهل عليك في موضوع في المنتدى أسمه أسعار المستعمل هذا الأسبوع
http://www.masrmotors.com/vb/showthread.php?t=6189 (http://www.masrmotors.com/vb/showthread.php?t=6189)


اخي العزيز ماذا عن الاعاقه السمعيه مع العلم انه يتم استخدام سماعة اذن هل لها تصريح؟؟ و لكم جزيل الشكر
الإعاقة السمعية ليس لها إعفاء جمركي

elromance2006
08-10-2009, 03:43 PM
اتكلمت عن بيع وشراء المعاق

طيب اية رأيك ان المعاق نفسة موافق لانة هيستفيد وبعدين البلد كلها شغالة وسايط وفلوس ولو معاك الحاجتنين

هتجيب عربية المعاق على طول

انا معاق عايز اى حد يعمل العربية بتاعتى انا وهو هنستفيد هو هيستفيد بحالة العربية الى مفيش زيها فى مصر

وانا هستفيد بفلوس ابدأ بيها حياتى واحد صحبى معاة ورق العربية خالص وجاهز على شراء العربية من بورسعيد

وانا لسة معملتش اى حاجة وعايز واحد يعمل العربية بس يكون لية وسطة فى اللجنة الطبية انا عندى اعاقة فى

قدمى ودراعى الشمال بس ببيتحرك عادى انا كنت بسوق عربيات من غير تجهيزة عايز ابدأ حياتى ومشروع

ومش لاقى غير فلوس العربية وطبعا هى مش حرام ومتقوليش اجراءاتها طويلة اى حاجة بتخلص بالفلوس

والوسايط

momo44
09-10-2009, 03:27 PM
هل يمكن بيع العربية من معاق الى اخر قبل الترخيص
عشان الكلام يكون واضح
معاق اشترى عربية ومش عارف يرخصها عشان مش معاه رخصة قيادة
ينفع يبيعها لمعاق اخر معاه رخصة قيادة عشان تترخص
وايه هية الاجراءات

santaclose
19-10-2009, 03:14 AM
با جماعه هو الموضوع ده مش خلاص بح و مفيش تنازل من العاق و فك حظر و دياوله؟!!

شوقي بدوي
19-10-2009, 03:51 PM
شكرا على هذه النصيحة الغالية من شخص مجرب

coool3181
05-11-2009, 10:50 AM
thnxxxxxxxxxxxxxxxxxxxxxx

د احمد
30-11-2009, 12:22 PM
السلام عليكم ورحمة الله وبركاته
الاخوة الافاضل انا عندى سيارة معاقين باسم زوجتى وقد انتهىت فترة الحظر
5 سنوات فما هى اجراءات فك الحظر
ولكم جزيل الشكر

Attey268
05-12-2009, 11:56 PM
يشرفنى إنى انضم لهذا الموقع.. ولى استفسارات مهمة جداً خاصة بعد القوانين التى نسمعها فى الوقت الحالى عن سيارات المعوقين، مع الاخذ فى الاعتبار أن المعوق الذى سآتى بالسيارة بإسمه لن يتناول منى اى مليم فهو على صلة قرابة جامدة ومستعد لأى حاجة. الاستفسارات هى:
1-هل لابد ان يستخرج رخصة قيادة للمعوق.؟
2- هل القانون الجديد يمنع حتى الزوج من قيادة سيارة زوجته المعوقة؟
3-لو ان القانون يسمح للزوج هل يسمح بنزع الاجهزة التى بالسيارة؟
4- لو ان القانون لا يسمح يبقى ايه فايدة شراء السيارة لقريبى او قريبتى؟
ارجو الرد لأهمية ... مع خالص الشكر والامتنان

cute_guy_1
09-12-2009, 02:39 AM
السلام عليكم
والله انا اشكركم جداً جداً على المعلومات المفيدة والقيمة التى يقدمها المنتدى المتميز هذا
انا ليه 3 اسئلة اولا: هل فيه عربيات عالية حالتها حلوة واسعارها ايه مثلا سكودا اوكتافيا بى ام فولكس باسات ومرسيدس زلمكة مثلاً يا ريت متوسط الاسعار
ثانياً انا عضو نيابة ولما بدخل اى لجنة بطلع الكرنيه بس (كوسة بئه احنا الحكومة ) فايه رايكم اخلى العربية معايا 5 سنين وبعد كدة انقل ملكيتها ليه
ثالثا هل لا قدر الله لو حصلت حادثة كون العربية باسم معوق دا فيه مسئولية عليه وايه هى (السؤال دا قانون بس باب النجار مخلع ههههه هو ممرش عليه حاجة كدا بس يا ريت اعرف لو حد حصل معاه كدا
والف شكر

_amr.mostafa_
17-12-2009, 03:08 PM
السلام عليكم ورحمة الله وبركاته

انا عايش في السعوديه وعايز انزل عربية تكون معوقين ......

بس لقيت ناس كتير اشتكو من هذه الحكايه ....فانا عايز اعرف ايه المساوء

انا ليا واحد قريبي نزل بيجو 206 ب 10تلاف من السعوديه اشتراها مستعمله ونزلها معاقين

ودفع للمعاق 5 الاف جنيه .....وما اعدتش سنه ولا حاجه بالفلوس غير

الملكيه ....وهي طبعا الفائده هتكون ليا لاني لست اول مالك والجمارك ممكن

تكون نفسها بس النقطه الا فاتت في مصلحتي انو انا مش لازم اجيب زيرو

نفس السنه صح ....ولا لا ....

اتمنى ان اجد ردا وافيا

تحياتي
dr.amrptmnlo123per122

محمد حمزه2000
17-12-2009, 04:06 PM
الغالي د/ عمرو
في رابط بالمنتدى يتحدث عن هذا الموضوع وهو
http://www.masrmotors.com/vb/showthread.php?t=8612

لك وافر التحية

_amr.mostafa_
17-12-2009, 04:17 PM
شكرا على الدخول ....انا مش بتكلم على سعر الجمارك ولا حاجه

انا قصدي انت مثلا اشتريت عربية معوقين ايه رايك بالفكره هي موفره ولا لا

هل هي سهله وما هي الاجرائات .......

بالنسبه للجمارك كلنا عارفين عنها

شكرا....تحياتي

RAA
24-12-2009, 01:03 AM
ممكن اسال سؤال انا اعرف صديقة ليا عندها فرق فى طول رجليها رجلها الشمال اقصر بحوالى 5 سم من اليمين فهل تحسب ضمن الاعاقات وهل يحق لها شراء سيارة للمعاقين
شكرا

ali mmm
13-01-2010, 01:28 AM
ربنا يعوض عليك احنا مش من حقنا نركب عربيات زى باقى الناس وكاءننا مغتربين فى بلادنا

basameshak
01-02-2010, 03:43 PM
ممكن من فضلك استفسر عن سعر دوجان 92 حالتها 80% سنتر وكهرباء كاوتش جديد بطارية جديدة
تعمل كام ولو فيها تعب تقولي مميزاتها وعيوبها بأختصار عشان متعبكش ولك جزيل الشكر علي خدماتك المميزة .

hazem_khidr
01-02-2010, 08:32 PM
ممكن من فضلك استفسر عن سعر دوجان 92 حالتها 80% سنتر وكهرباء كاوتش جديد بطارية جديدة
تعمل كام ولو فيها تعب تقولي مميزاتها وعيوبها بأختصار عشان متعبكش ولك جزيل الشكر علي خدماتك المميزة .
ممكن حضرتك تفتح موضوع في قسم البيع و الشراء
تكتب استفساراتك كلها و ان شاء الله تلاقي الرد

el kobtan
21-02-2010, 03:27 AM
انا جديد هنا فى الموقع الجامد دا
انا كنت عايز اسئل هل موضوع سيارة المعاقين لسة شغال حتى الان ولا انتهى
وشكرا

hamadas2002us
25-02-2010, 11:09 PM
السلام عليكم ورحمه الله وبركاته
انا عندي سؤال لحضرتك يا استاذ بايو
انا عامل عمليه مفصل حوض كامل بالقدم اليمنى وعندي خشونه وتاكل بمفصل القدم اليسرى نتيجه عيب خلقي بالحوض و طول بالقدم اليسرى عن القدم اليمنى ب 2 سنتيميتر وللاسف الان لا استطيع المشي بسهوله هل بامكاني الحصول على كشف طبي والموافقه على الاجراءات الطبيه للحصول على سياره معاقين .
برجاء الرد حيث انني لا املك سوى 20000 جنيه ولا استطيع شراء سياره بهذا المبلغ اوتوماتيك لسهوله قيادتها.
ارجوك لو تقولي فين اقدر اعمل الكشف الطبي وايه الاجراءات المطلوبه علشان اروح في اقرب وقت وحتى اعمل محاوله.

hk_hk1985
26-02-2010, 07:39 PM
هو فعلا معمولة للمعاق فقط اللى يستفيد
لكن السؤال ليه ماتتعممش علينا كلنا ولا احنا مش مصريين
ياريت الدولة تقدر ده وتخفض الجمارك شوية

ahmed1_com
28-02-2010, 03:30 AM
يا جماعه لو فى عربية معاقين للبيع هو صاحبها بيقلى هو استخدمها 8 شهور ومتبقى مش عارف سنتين بس مش عارف سنتين على ايه المهم انا دلوقتى اقدر اعمل ايهعشان اشترى العربيه منه ياريت حد يجاوبنى وشكرا

hazem_khidr
28-02-2010, 06:51 PM
بلاش تشتريها لانك مشص حتقدر تركبها قبل ما تتم تلات سنين
و تفك الحذر من عليها

engmando
03-03-2010, 07:37 PM
شكرااااااااااااااااااااااااااااا

Elano
05-03-2010, 02:53 PM
السلام عليكم ..................
ده سؤال للمعاقين الى زى انا سمعت انى للمعاق شقة من الحكومة .. طب حد يفدنى ويقولى ازاى امشى فى المشوار ده علشان اجيب الشقة ويكون له الصواب عند ربنا .. ويقول كل حاجة عن مواصفات الشقة كم متر وفين وليها سنة محدد للمعاق وادفع فلوس ولا وتكون ملكى ولا ويعرفنى .............. شكرااااااااااااااااا ....

luckyman
05-03-2010, 03:04 PM
انا كنت اعرف ان دايو ايجيبت كن لها تجربة رائدة فى هذا المجال تمناياتى لجميع العضاء بالتوفيق وربنا يعوض لكن ياريت محدش يستغل استثناءات من الدوله لظروف ناس خاصة لتحقيق مصالحة حتى لو بالاتفاق اى كل شىء يذهب لمستحقية ولكم منى خلص الشكر والاحترام

kerooooo9
23-03-2010, 11:41 AM
السلام عليكم

اسامة سليمان
28-03-2010, 06:18 PM
علي فكرة انا اخوكم اسامة وقعت في نفس المشكلة واشتريت سيارة معاق في15\11\2007 ولم استطيع ان ارخص السيارة حتي اليوم لعدم حصول المعاق علي شهادة تعليمية وان سعر السيارة بعد المصاريف اغلي من سعرها بالسوق ونصيحة مني ابعدوا عن سيارات المعاقين مابيجي من وراها الي المشاكل ودي تجربتي مع سيارات المعاقين والي يعرف لي حل ياريت يدلني علية علشان ارخص العربية ويبالبة مني جذيل الشكر

swat
04-04-2010, 05:09 PM
شكرا...........لصاحب الموضوع

massoft
13-04-2010, 04:23 AM
موضوعك مميز جدا
و بالتوفيق ديما

Elano
02-05-2010, 05:04 PM
السلام عليكم.............
طب انا معاق وانا عاوز عربيه تكون شيك وامكانياتهااا كويسه ونوع العربيه ايه والتفاصيل والاجراءات الى هقوم بيهاا علشان العلابيه وانا سمعت مبلغ العربية بيكون حسب نسبة اعاقتى هل صحيح ........ ولو انا حبيبت مثل اجيب لواحد عربية 200.000 مثلا بتبقى نفس الفلوس و انا هشترى عربية 20.000 حنية ... من فضلك الاجابة .....

tamer abd allah mohammed
25-05-2010, 08:15 PM
مبروك السيارة يا اخى =========== تدوبهه فى عرق العافية

البيكس
30-05-2010, 04:35 AM
ارجوكم حد يرد لان الموضوع بجد محيرنى جداااااااااااا

انا معاق حركيا فى قدمى الاثنان وينطبق عليهما قرارات الكومسيون الطبى

ولكنى عندى اصابة فى عينى اليسرى ولا ارى بها اطلاقا

ولكن العين اليمنى جيدة جدا وبدون نظارة والحمد لله

فهل من الممكن ان استخرج رخصة قيادة واتقدم لاستكمال موضوع سيارة المعاقين

ام لا تنطبق على حالتى خصوصا موضوع عينى اليسرى قرارات استخراج الرخصة وقرارات الكومسيون

ارجوكم اجيبونى افادكم الله

Payoo
02-06-2010, 07:31 PM
ارجوكم حد يرد لان الموضوع بجد محيرنى جداااااااااااا

انا معاق حركيا فى قدمى الاثنان وينطبق عليهما قرارات الكومسيون الطبى

ولكنى عندى اصابة فى عينى اليسرى ولا ارى بها اطلاقا

ولكن العين اليمنى جيدة جدا وبدون نظارة والحمد لله

فهل من الممكن ان استخرج رخصة قيادة واتقدم لاستكمال موضوع سيارة المعاقين

ام لا تنطبق على حالتى خصوصا موضوع عينى اليسرى قرارات استخراج الرخصة وقرارات الكومسيون

ارجوكم اجيبونى افادكم الله


أستاذي الفاضل آسف جدا على التأخير في الرد

أي أصابه في العينين أو في إحداهما تمنع إستخراج رخصة قيادة خاصة سواء كانت للمعاقين أو للأصحاء

Payoo
02-06-2010, 07:34 PM
السلام عليكم.............
طب انا معاق وانا عاوز عربيه تكون شيك وامكانياتهااا كويسه ونوع العربيه ايه والتفاصيل والاجراءات الى هقوم بيهاا علشان العلابيه وانا سمعت مبلغ العربية بيكون حسب نسبة اعاقتى هل صحيح ........ ولو انا حبيبت مثل اجيب لواحد عربية 200.000 مثلا بتبقى نفس الفلوس و انا هشترى عربية 20.000 حنية ... من فضلك الاجابة .....

شوف حضرتك سعر العربيه ليس له أية علاقة بنوع الإعاقة ولا بنسبة الإعاقة

ثانيا العربيه إللي حضرتك بتشتريها من أي منفذ جمركي في مصر (زي بورسعيد مثلا) بتكون عربيه عادية (يعني غير مجهزة طبيا) وحضرتك بعد ما تشتريها بتقوم بعمل التجهيزات الطبيه التي تناسب نوع إعاقتك

Payoo
02-06-2010, 07:36 PM
علي فكرة انا اخوكم اسامة وقعت في نفس المشكلة واشتريت سيارة معاق في15\11\2007 ولم استطيع ان ارخص السيارة حتي اليوم لعدم حصول المعاق علي شهادة تعليمية وان سعر السيارة بعد المصاريف اغلي من سعرها بالسوق ونصيحة مني ابعدوا عن سيارات المعاقين مابيجي من وراها الي المشاكل ودي تجربتي مع سيارات المعاقين والي يعرف لي حل ياريت يدلني علية علشان ارخص العربية ويبالبة مني جذيل الشكر

ياريت الأعضاء والزوار يقرأوا المداخلة دي مرة تانيه ويفهموا إن موضوع سيارات المعاقين لا يستفيد منه غير المعاقين فقط وهم يستحقون بكل تاكيد

شروه
03-06-2010, 11:43 AM
لو سمحت عاوز اعرف بعد كم سنه يتم رفع حذر البيع عن سيارة المعاقين من تاريخ الشراء

popstif
07-06-2010, 01:38 AM
اولا انا بشكرك علي الموضوع
استفساري لحضرتك بالنسبه للعربيات في جمارك بورسعيد العربيات فعلا
استيراد ولا عربيات مصري يعني مش جايه من بره ودي الواحد يعرفها ازاي
وشكراً

jasmin78
26-07-2010, 03:59 AM
السلام عليكم انا زوجى معاق لكن اجنبى و معوش جنسية مصرى هل من الممكن انو يجيب عربية معاقين فى مصر?
و لو نزل عربية من برا يدفع عليها جمارك اد اية
وشكرا

Attey268
04-08-2010, 12:29 AM
الاخوة الأفاضل: كل عام و انتم بخير... أولاً
ثانياً: اعتقد ان تكلفة الشراء عندى ستكون أقل منكم حيث أن زوجتى معاقة ، و أخى يقيم بفرنسا
لذلك أرجو الإفادة عن إمكانية شراء سيارة بأقل تكليف ممكنة ، و الحد الأدنى للموديل المسموح به لدخول السيارة
علماً بأن زوجتى بالطبع لا تملك رخصة قيادة ، فإذا أرسل لى اخى السيارة بإسم زوجتى وقمت بالاجراءات ، هل يحق لى قيادتها بصفتى زوج مالكة السيارة.
ارجو الافادة للضرورة... لأنها أكيد ستكون افضل من سيارتى الحالية (فيات 128)
مع خالص الشكر

hossam eldin
04-08-2010, 12:44 AM
شكرا على الافادة كنت هدخل في هذا الموضوع

ALEX BOOY
19-08-2010, 01:06 PM
موضوع سيارات المعوقين كثر عليه الكلام والجدال وله دعاية جذابة جدا تجعل أي شخص مقدم على شراء سيارة أن يقوم بالتفكير في شراء سيارة من السيارات المخصصة للمعاقين من كثرة الكلام عن التوفير والحالة الرائعة للسيارة المستورده للمعاقين
وبما أنني غاوي أفتكاسات وتجارب قمت بشراء سيارة من سيارات المعاقين وكانت لي هذه التجربة التي ندمت عليها أشد الندم
والندم هنا ليس لحالة السيارة (فلعل حالة السيارة هي الشيء الوحيد الذي صبرني على تقبل التجربة) وإنما الندم جاء من كثرة الاجراءات المعقدة و من المبلغ الذي دفعته ثمن للسيارة والذي تخطى سعرها الحقيقي في الأسواق العادية

وإليكم التفاصيل

أولا أنا لست معوق ولكن لي قريبه تعاني من إعاقة قمت بالاتفاق معها على أن تأخذ مبلغ مقابل أن أتمتع بالأعفاء الذي سوف تأخذه من مصلحة الجمراك وهو 20.000 من القيمة الجمركيه للسياره ((هذا باإضافة إلى أنني سمعت أن السيارات هناك قيمتها منخفضه جدا جدا جدا)

وقلت في نفسي أنني سوف أستفيد من الإعفاء الجمركي ومن سعر السيارة المنخفض و أن قريبتي سوف تستفيد بالمبلغ الذي سوف تأخذه مني مقابل شراء سيارة باسمها حيث أن ظروفها وإمكانيتها المادية لن تسمح لها بشراء سيارة أبدا

ولكن بعد أن بدأت هذا المشوار الصعب وجدت أن كل ما يقال مبالغ فيه جدا جدا وأن الموضوع ليس فيه أي إفادة إلا للــمـــعــوق فـــــــــــقــــــــــط وأن سعر السيارة ليس النصف كما يُقال ولا يحزنون بل بالعكس السيارة سعرها يقارب سعر سوق المستعمل في مصر ولكنه يقل قليلا

وبما أنه يقل قليلا وليس كثيرا فإن هذا القليل لا يسمح لأحد سوى المعوق فقط أن يستفيد من الإعفاء
لأن الشخص العادي عندما يقوم بدفع مبالغ الكشف الطبي( 500جنيه مستعجل هذا بخلاف بعض النثريات) ثم المبلغ المتفق عليه للمعاق(بمتوسط 5000جنيه) ثم استخراج رخصة خاصة للمعاق (طبعا بعد دفع مبلغ تحت الترابيزه لضابط مرتشي أو ما شابه في حدود 1000جنيه) و دفع مبلغ ترخيص السيارة باسم المعاق (حوالي 500جنيه) ثم دفع مبلغ فك الحظر 9600جنيه ثم دفع رسوم نقل الملكيه في الشهر العقاري وهي بالنسبة لسيارتي 1050 جنيه

بعد كل ذلك ستجد انك قد دفعت أكثر من قيمة السيارة الفعلية في سوق الاستعمال المصري

وبكده هاتلاقي نفسك أخذت أكبر مقلب في حياتك وسوف تجد عزائك الوحيد هو حالة السيارة الممتازة التي تختلف عن حالة السيارة المستعملة في مصر



وأليكم صورة السيارة التي أشتريتها من بورسعيد

http://www4.0zz0.com/2008/02/20/15/188996800.jpg
http://www4.0zz0.com/2008/02/20/15/707281776.jpg
http://www4.0zz0.com/2008/02/20/15/959575090.jpg
http://www4.0zz0.com/2008/02/20/15/665555343.jpg
http://www4.0zz0.com/2008/02/20/15/303068583.jpg
http://www4.0zz0.com/2008/02/20/15/908095039.jpg
http://www4.0zz0.com/2008/02/20/15/942217225.jpg
http://www4.0zz0.com/2008/02/20/15/666137171.jpg
http://www4.0zz0.com/2008/02/20/15/645727910.jpg
http://www4.0zz0.com/2008/02/20/15/354692878.jpg

وأي أستفسار من اي عضو سوف أقوم بالأجابة عليه وتوضيح كافة الأجراءات المعقدة في رحلة العذاب للحصول على سيارة معفاة جزئيا من الجمارك للمعاقين


على فكرة الخطوات كثيره جدا ومعقده والمبالغ المدفوعه تأتي واحده واحده ولا يعلن أحد عنها إلا بعد أن تكون قد مشيت خطوات في الموضوع وكأنك وقعت في فخ
لذلك سوف اذكر لكم التفاصيل واحده بواحده كلما تذكرت شيئا أو كلما سال أحد عن شيئ


شكرا

كان عند حضرتك انك تستنى 5 سنين ومتدفعش ال9600 وكدة كدة العربية بتعتك لما تعمل في الرخصة بتاعت قريبتك حاجة اسمها تأمين سائق انك تسوق العربية عادي خالص ومحدش يكلمك ودة الله بيتعمل انا اسف لوكنت طولت على حضرتك

hazem_khidr
19-08-2010, 03:23 PM
كان عند حضرتك انك تستنى 5 سنين ومتدفعش ال9600 وكدة كدة العربية بتعتك لما تعمل في الرخصة بتاعت قريبتك حاجة اسمها تأمين سائق انك تسوق العربية عادي خالص ومحدش يكلمك ودة الله بيتعمل انا اسف لوكنت طولت على حضرتك
منور يا اليكس بوي
بالنسبه لسياره المعاقين لا يقودها الا مالكها
و لا يوجد اي طريقه يستطيع بها الفرد العادي قيادتها

amh
19-08-2010, 05:53 PM
السلام عليكم ورحمة الله
اهلاً بكم جميعاً
الحقيقة المنتدى ممتاز وانا استفدت منه كثيراً
والحقيقة انا عندى تساؤل وياريت حد يجاوبنى عليه
باختصار انا والدى عنده اعاقة فى رجله اليمين وسمعت عن موضوع السيارات ده وحبيت اجيب واحده سكودا سبيريب أو اوكتافياA5 أو تويوتا كامري وانا ليا واحد صاحبى بيشتغل مهندس فى الامارات فهل ممكن هو يجيبلى السيارة من هناك ولو استعمال ويبعتها على اسم والدى ونخلصها على موضوع المعاقين ده ولا ايه الموضوع بالظبط يعنى يتم ازاى وهل دا افضل ولا اشترى من المنطقة الحرة أفضل ولا مفيش فرق ياريت حد يرد عليا للأهمية .
وجزاكم الله خيراً

MFM
20-08-2010, 12:12 AM
نسيت اقولكم حاجة كل واحد اشتري العربية بتاعت المعاقين لازم يرفع قضية علشان يسترد قيمة ضريبة المبيعات المدفوعة اصلا

كلام مش مضبوط ان ضريبة مبيعات سبق سدادها لاسباب قانونية بنصوص القانون الضرائب على المبيعات رقم 11 لسنة 1991
واغلبية القضايا دى بتترفض

amh
20-08-2010, 03:15 PM
محدش رد عليا ليه يا جماعة الخير

ابوعبدالرحمن المصرى
25-10-2010, 03:08 PM
نريد سعر دايو نوبيرا 2001مجهزة لمعوق بتر فوق الكوع .ارجو الرد سريعا افادكم الله

ابن فنان
25-10-2010, 04:54 PM
جزاك الله خيرا و جعل ثواب الموضوع في ميزان حسناتك انشاء الله

ppeto
02-11-2010, 12:35 PM
سوف يتم استكمال الموضوع
اى اسألة انا جاهز للرد

خالد جودة
07-11-2010, 11:29 AM
السلام عليكم
هو رفع الحظر لسة شغال يعني مكن تروح الجمارك وتدفع 9600 وترفع الحظر بس المشكلة ان نقل الملكية هو الى اتوقف يعني متقدرش تنقل ملكية العربية باسمك الى بعد 3 سنين
يعني الرخصة تبقى باسم المعوق ومكتوب عليها لا يقودها الى مالكها لمدة 3 سنين!!!!!!!!!!!!!!


السلام عليكم:
مش عايز أعيد الكلام فى الموضوع !!!!!
لكن الموضوع متوقف علي اجابة هذا السؤال......
هل صحيح أن من يدفع ثمن فك الحظر يحق له قيادة السيارة ولكن بأسم المعاق...؟
أفيدونا يرحمكم الله.............................

ppeto
07-11-2010, 11:35 AM
السلام عليكم:
مش عايز أعيد الكلام فى الموضوع !!!!!
لكن الموضوع متوقف علي اجابة هذا السؤال......
هل صحيح أن من يدفع ثمن فك الحظر يحق له قيادة السيارة ولكن بأسم المعاق...؟
أفيدونا يرحمكم الله.............................
لا يمكن فك الحظر الا بعد 3 سنوات
يمكنك بعدها فك الحظر واى حد ممكن يقود السيارة او بيعها

خالد جودة
07-11-2010, 02:44 PM
لا يمكن فك الحظر الا بعد 3 سنوات
يمكنك بعدها فك الحظر واى حد ممكن يقود السيارة او بيعها
عزيزي ببيتو...!!!!
الي أعرفه ان هناك فك حظر ,, ونقل ملكية...
الملكية لا تنقل الا بعد 3 سنوات...
اما فك الحظر ففي أي وقت...
والسؤال هل اذا تم دفع مبلغ ال9600جنيه (تحت مسمي فك الحظر)هل يمكن"مروريا"قيادة السيارة لغير المعاق مع بقاء ملكيتها له..!!؟؟؟؟؟؟
مع جزيل الشكر......................

momo44
08-11-2010, 02:01 PM
لا يمكن فك الحظر الا بعد 3 سنوات
يمكنك بعدها فك الحظر واى حد ممكن يقود السيارة او بيعها

يعنى فك الحظر ممكن بعد 3 سنوات
طيب مع دفع مبلغ 9600 ولا من غير
؟؟؟؟

model_boy232
10-11-2010, 06:18 PM
انا اشتريت سياره نيسان سنترا معاقين والان المعاق صاحب السيلره لا يريد ان يطلع رخصه شخصيه ..... ماذا افعل الان علما انه باقي سنتان علي سقوطها من الجمارك ؟ ارجو المساعده .......

ko2525ka
14-11-2010, 12:31 AM
السلام عليكم ورحمة الله وبركاته
اولا : أحب توجيه الشكر الخاص لصاحب الموضوع ولكل من شارك في الموضوع
ثانيا لدي بعض الإسفسارات اتمنى الإجابة عليها


1- عندي سيارة معاقين ملكي الخاص مضي عليها خمس سنوات وأحتاج خطوات فك الحظر لها والأوراق المطلوبة وهل يجب ان أكون موجودا شخصيا لفك حظرالسيارة
حيث أنني أعمل في السعودية ولا يمكنني التواجد إلا في الأجازة الصيفية لمدة شهرين


2- خطوات الحصول علي سيارة أخري بعد فك حظر الأولي وهل تكفي شهرين لإنهاء فك حظر الأولي وتخليص إجراءات السيارة الأخري وما هي الأوراق المطلوبة


3- هل شراء السيارة من السعودية أفضل أم من المنطقة الحرة ببورسعيد من حيث السعر وحالة السيارة


آسف على الإطالة والرجاء أخذ إستفسارتي بعين الإهتمام
مع وافر الشكر والتقدير مقدما ROSE4U

nesquik
21-11-2010, 04:13 AM
السلام عليكم
مشكورين يا جماعة على المجهود الكبير ده بس فى سؤال لو سمحتم
ال3 سنين او ال5 سنين دول بيتحسبوا من ساعة الافراج ولا من بعد الترخيص ؟؟
و شكرا

rekaba
03-12-2010, 03:20 AM
الاخوه الافاضل: السلام عليكم ورحمة الله وبركاته أولا أود أن أخص بالشكر كل أنسان قائم على خدمة هذا المنتدى ولو بقدر بسيط من الافاده لآصحاب الاستفسارات وربنا يجعله فى ميزان حسناتكم 0
ثانيا: لى أستفسار بسيط: أنا أشتريت سياره معوقين ماركة (نوبيرا وان ) ومر على دخولها مصر ثلاث سنوات طبقا للقرار الصادر فى عام 2008 بعدم جواز فك الحظر قبل مرور ثلاث سنوات من تاريخ دخولها البلد والسؤال هو فى أى يوم من أيام الاسبوع أستطيع أن أذهب ألى جمارك مطار القاهره لفك حظر السياره عشان هم تقريبا محددين أيام معينه من الاسبوع لعمل فحص للسياره( أخذ رقم الموتور والشاسيه) ( الفحص الفنى) وأيام للآجرات الاداريه يعنى الاوراق وخلافه فياريت أى حد من الساده الافاضل لو يعرف المعلومه دى يفدنى وحتى لا أذهب ألى المطار مرتين وفيها مشقة وأهدار فى الوقت 0 وكمان ياريت حد يقلى أيه الاوراق المطلوبه عشان أخدها معايا بجانب رخصة المعاق ورخصة السياره وطبعا تكون سارية يعنى مش منتهيه هذا بالاضافة ألى المعاق نفسة لآنى أعرف أنو ماينفعش توكيل لازم المعاق بنفسه وطبعا بجانب مبلغ 9600 جنيه مصرى وطبعا بجانب شهادة البيانات من المرور وورقة الافراج الجمركى تقريبا هل ياترى فيه حاجه تانية مطلوبه أرجو من السادة الافاضل الافاده وشكرا لكم جميعا0

ganko
10-01-2011, 12:01 PM
والان اصبح قيمة الكشف الطبى المستعجل 600 والعادة 300
عموما مبروك على حضرتك السيارة

MISTERKEMO
14-01-2011, 06:42 PM
عندي نوبيرا 1 ونوبيرا 2 وكيا شوما وكلهم مرخصين وعلي فك الحظر

MISTERKEMO
14-01-2011, 06:46 PM
لو عاوزهم رقمي 0172500643

ابو على المصرى
23-01-2011, 02:47 PM
اخى العزيز لقد تالمت كثيرا لهذة التجربة التى مريت بها وانا كنت بلفعل ناوى اخوض هنة التجربة ولكن رسلتك جعلتنى اتريث لكن ظروفى تختلف عنك فانا عندى طفل معوق فعلا وفى حاجة الى سيارة مجهذة ولكنة صغير السن فانا ساكون سائقة
هل بماذا تنصحنى هل تعتقد ستكون بنفس الصعوبة التىصدفتك
افدنى جزك اللة كل خير

Payoo
26-01-2011, 04:03 PM
اخى العزيز لقد تالمت كثيرا لهذة التجربة التى مريت بها وانا كنت بلفعل ناوى اخوض هنة التجربة ولكن رسلتك جعلتنى اتريث لكن ظروفى تختلف عنك فانا عندى طفل معوق فعلا وفى حاجة الى سيارة مجهذة ولكنة صغير السن فانا ساكون سائقة
هل بماذا تنصحنى هل تعتقد ستكون بنفس الصعوبة التىصدفتك
افدنى جزك اللة كل خير
للأسف الشديد يا صديقي القانون لا يمنح الاطفال حق امتلاك سيارة مجهزة للمعاقين
وحتى بعد أن يبلغ السن القانوني لامتلاك السيارة فلن يستطيع أحد أن يقود السيارة غيره لأن القانون يحظر قيادة سيارة المعاقين لغير مالكها فقط ولا يجوز أن يعمل عليها سائق

shokololo
12-03-2011, 07:05 PM
انا عندي ظروف اعاقة وعايز اجيب عربية بس انا سمعت ان قطع غيار الاوكتافيا a4 غالية وفي قطع منها مش موجودة في السوق زي التابلوه مثلا. طب هل الاوكتافيا تعمل كام اوتوماتيك؟ وهل ممكن الاقي لانسر بومه او فيرنا او نيو اكسنت او الانترا او اوبترا او كورولا 2001 - 2008 او باسات او سيراتو الجديدة؟

tamer tawfik
11-04-2011, 03:19 PM
انا اخويا معوق وعاوز يجيب سيارة كيا كارينز 2002 حيكون جماركها كام وهل هيا في بيعها حتكون تقيلة

tamer tawfik
11-04-2011, 03:25 PM
اخويا معوق ولو عاوز يجيب كيا كارينز موديل 2008 ويجيبها من برة استيرا للمعوقين ممكن يعمل ايه وايه اجرائتها

momoo7777
11-04-2011, 03:54 PM
السلام عليكم .. انا عضو جديد فى الموقع و سجلت نفسى لما لاقيت الموقع فعلا مفيد ... انا ناوى أدخل على تجربة شراء سيارة معاقين , هى تمبرا 1990 الحظر سينتهى فى 8 / 2011 ... و ناوى أعمل نقل ملكية .. ممكن حد يفيدنى ؟؟؟؟؟

ebra_saleh68
26-04-2011, 12:11 AM
ارجو منكم الرد والافادة
اعاني من فقد احدى العينين واضع عين صناعية واملك رخصة خاصة فهل لي الحق في الحصول على سيارة معاقين ام لا؟
واذا كانت الاجابة بنعم فارجو توجيهي في اختيار السيارة المناسبة والمعقولة في سعرها وقطع غيارها وكذلك في الاجراءات للحصول على تلك السيارة ويا ريت لو في اجابة ارسالها على ebra_saleh68@hotmail.com
ولسيادتكم جزيل الشكر

محمد عبد النور
26-04-2011, 12:54 AM
انا بحييك عل صراحة
خالى كان عاوز يعمل الموضوع ده بس جبتله ادلة بما انى ازهرى ومش هغلب على انه حرام

وانه بياخد حق واحد تانى غيره وان الموضوع ده فى نظرى هو اللى بيغلى الاسعار من يوم للتانى
وانها مش هتفرق كتير اوى بين سعر السيارة المجهزة والسيارة الغير مجهزة

gupco2008
02-05-2011, 02:24 AM
a;vjjjjjjjjjjjjjjj

المؤمن المصرى
09-05-2011, 02:55 PM
اسعار لبعض السيارات المستعملة والموديلات المختلفة للمعوقين ببورسعيد
وياريت يكون فيه صور

التائهه في الحياه
08-06-2011, 01:02 AM
لو فيه سياره معاقين بقالها اكترمن 3 سنين مش مترخصه اقدر افك حظرها وتترخص باسم حد تاني

التائهه في الحياه
08-06-2011, 01:59 AM
ارجو الرد ع الخاص

tham1010
03-07-2011, 11:58 PM
لو فيه سياره معاقين بقالها اكترمن 3 سنين مش مترخصه اقدر افك حظرها وتترخص باسم حد تاني

يا أخى فك الحظر بيكون من يوم صدور رخصة العربية... يعنى لما تيجى ترخص هيقول لك هات ملف العربية ورخصتها علشان يعمل لك أجراءات فك الحظر وتدفع التصالح اللى بيبلغ 10 الالف. يبقى مش هينفع تفك الحظر على عربية هى بالنسبة للمرور لسة مش مترخصة...

crystalcar
18-07-2011, 01:13 PM
للأسف الشديد يا صديقي القانون لا يمنح الاطفال حق امتلاك سيارة مجهزة للمعاقين
وحتى بعد أن يبلغ السن القانوني لامتلاك السيارة فلن يستطيع أحد أن يقود السيارة غيره لأن القانون يحظر قيادة سيارة المعاقين لغير مالكها فقط ولا يجوز أن يعمل عليها سائق
يمكن شراء السياره بولاية والده

mohsensleem
02-08-2011, 10:54 PM
lموضوع مفيد جدا الف مليون شكر ROSE4U

kamalhessen
21-11-2011, 01:38 AM
ارجو المساعده للاهمية . ابن عمى معاق جاب سيارة بجواب معاق وامتحن اكثر من ست مرات ولكن المرور متعنت معه والان عدى على شراء السيارة اكثر من ثلاث سنوات فهل ممكن يدفع فك الحظر الجمركى ال9600 جنيه و يرخص السيارة بدون رخصة القياده له او اذا لديكم حل اخر ولكم جزيل الشكر
ولكم جزيل الشكر

momo44
22-11-2011, 12:18 PM
ارجو المساعده للاهمية . ابن عمى معاق جاب سيارة بجواب معاق وامتحن اكثر من ست مرات ولكن المرور متعنت معه والان عدى على شراء السيارة اكثر من ثلاث سنوات فهل ممكن يدفع فك الحظر الجمركى ال9600 جنيه و يرخص السيارة بدون رخصة القياده له او اذا لديكم حل اخر ولكم جزيل الشكر
ولكم جزيل الشكر

انا سمعت انه ينفع
بس بتدفع حوالى 2500جنيه زيادة غرامة رخصة

ولو عاوز تتأكد ممكن تروح تسأل فى مبنى الجمارك اللى فى شارع الطيران فى الدور التانى

وابقى قلنا عملت ايه

sharooo
22-11-2011, 09:25 PM
ارجو المساعده للاهمية . ابن عمى معاق جاب سيارة بجواب معاق وامتحن اكثر من ست مرات ولكن المرور متعنت معه والان عدى على شراء السيارة اكثر من ثلاث سنوات فهل ممكن يدفع فك الحظر الجمركى ال9600 جنيه و يرخص السيارة بدون رخصة القياده له او اذا لديكم حل اخر ولكم جزيل الشكر
ولكم جزيل الشكر
السلام عليكم
للاسف لازم يكون معاه رخصه
انا اعرف واحد دفع مبلغ في المرور عشان يطلع للمعاق رخصه يعني طلعله الرخصه على حسابو بالرشاوي بكل حاجه.ومفيش طريقه تانيه للاسف

kamalhessen
23-11-2011, 11:56 PM
لا والله مش هندفع اى رشوة للمرور الوسخ ده وربنا يحلها من عنده وربنا ينتقم منهم

tham1010
25-11-2011, 12:31 AM
ارجو المساعده للاهمية . ابن عمى معاق جاب سيارة بجواب معاق وامتحن اكثر من ست مرات ولكن المرور متعنت معه والان عدى على شراء السيارة اكثر من ثلاث سنوات فهل ممكن يدفع فك الحظر الجمركى ال9600 جنيه و يرخص السيارة بدون رخصة القياده له او اذا لديكم حل اخر ولكم جزيل الشكر
ولكم جزيل الشكر

الحكاية مش حكاية تعنت مع ابن عمك. انا متأكد انه بيسقط فى اختبار السواقة العملى اللى بيرجع بالعربية للخلف بين الأقماع. واعتقد ان السبب فى هذا انه جايب العربية فى الأساس مش للأستخدام الشخصى ولكن علشان يبيعها لان لو الفتره الطويلة دى كان بقة سواق بريموا ويعدى من اى امتحان. أنصحك أن ابن عملك يتعلم صح على ايد واحد محترف يعلمة امتحان السواقة العملى ويدرب عليه فى منطقة خالية لان لا أرى سبب لتعنت المرور معاه سوى انه مش بيعرف يقوم بالمطلوب.

أنا رسبت مرة واحدة ولكن قعد 10 ايام كل يوم ادرب ساعة على المرور بين جراكن دهان لحد ما بقى الإمتحان سهل خالص وعملت الأختبار العملى فى ثانية وبمهارة وأخذت الرخصة فى تانى مرة بدون وسطة ولا فلوس ولا اى حاجة...

mummy_47
11-10-2012, 06:08 PM
الحكاية مش حكاية تعنت مع ابن عمك. انا متأكد انه بيسقط فى اختبار السواقة العملى اللى بيرجع بالعربية للخلف بين الأقماع. واعتقد ان السبب فى هذا انه جايب العربية فى الأساس مش للأستخدام الشخصى ولكن علشان يبيعها لان لو الفتره الطويلة دى كان بقة سواق بريموا ويعدى من اى امتحان. أنصحك أن ابن عملك يتعلم صح على ايد واحد محترف يعلمة امتحان السواقة العملى ويدرب عليه فى منطقة خالية لان لا أرى سبب لتعنت المرور معاه سوى انه مش بيعرف يقوم بالمطلوب.

أنا رسبت مرة واحدة ولكن قعد 10 ايام كل يوم ادرب ساعة على المرور بين جراكن دهان لحد ما بقى الإمتحان سهل خالص وعملت الأختبار العملى فى ثانية وبمهارة وأخذت الرخصة فى تانى مرة بدون وسطة ولا فلوس ولا اى حاجة...

انا قالي اطلع قدام وتعالى ورا واخذت الرخصة في ساعتها مفيش ولا مليم اندفع وناس ذوق ذوق فوق الوصف(مرور الدقي) ولما رحت افك حظر السيارة الاولى جدد لي رخصة القيادة 10 سنوات اتوماتيك بدون ما اطلب ..

mr_ahmed1296
01-01-2013, 06:30 PM
سلام عليكم ممكن استفسار لو سمحتم هل الحظر يحسب من تاريخ الترخيص ام من تاريخ قرار الحظر للسياره حيث تم ترخبص السياره بعد عام من شرائها من بورسعيد

محمود عوض الله
14-01-2013, 09:59 PM
من فضلك كان عندى استفسار بسيط اخت مراتى عندها رجل اقصر من رجل حاجه بسيطه بالاضافه انى عندها ضمور فى الاعصاب والعضلات بيدها اليمنى هل تستحق سياره معاقين او لا ارجو الرد فى اسرع وقت ممكن انا رقمى 01007987373

nader10
27-03-2013, 10:15 PM
انا كنت بفكر فى الموضوع ده بس غيرت راى

محمد حسين14
09-06-2013, 06:16 PM
السلام عليكم
والدى كان جايب عربيه قبل كدا تبع المعاقين ودلوقتى معاه الرخصه وتمام وعدى على العربيه الخمس سنين
ودلوقتى من حقه يجيب عربيه تانيه
ياترى هو هايجيب العربيه التانيه ازاى هايلف نفس اللفه الاولى ولا ؟
وياريت الخطوات مع العلم انه معاه الرخصه وساريه كمان لخمس سنين قدام
وسؤال تانى هى العربيه دى ليها سن معين علشان يجيب العربيه يعنى لو عدى الستين من حقه يجيب عربيه ولا

ولو هايجيب عربيه نوبيرا 2 ليه هاتبقى بكام تقريبا

ويجيبها منين بالظبط


اسف على الاطاله

22 zico
19-06-2013, 07:01 PM
شكرا جداااا على المعلزمات القيمة دى :GROWIN~12:

Sheeko2010
28-08-2013, 09:28 AM
فى البداية اشكركم على المجهود الوافر فى الرد والايضاح لكل الاستفسارت ,,,
اريد ان استورد تويوتا كورولا من اليابان لنفسى بدون وسيط " معاقين عمليات قوات مسلحة"
ولكن كيف يتم تحويل القيادة من اليمين الى اليسار وكم تبلغ التكلفة ؟
هل يمكن الافراج عن السيارة قبل تحويل القيادة الى اليسار ؟
وشكرا لمجهوداتكم

Sheeko2010
03-09-2013, 02:46 PM
ارجوا المساعده
بالنسبة " لمصاب العمليات حربية "
كم تبلغ الرسوم الجمركية لسيارة هوندا سيفيك 2004 اوتوماتيك 1600 سى سى وارد الامارات ؟
وايضا ما هى الرسوم الجمركية على جولف باسات 1998 اوتوماتيك 1600 سى سى وارد المانيا ؟

Sheeko2010
11-10-2013, 11:41 PM
ما الوسيلة التى تمكن من قيادة السيارة بعد الافراج عنها ,,, حتى ورود الاوراق الخاصة بها من الجمرك الى ادارة المرور ؟
علماً بان الفترة قد تمتد الى ما يقرب من شهر كامل

abdelrahmana
22-10-2013, 01:14 PM
انا كنت عاوز اعرف بعد ما يتم فك الحزر الجمرك يقوم بارسال جواب فك الحزر الى المرور .
هل يتم نقل الملكية مباشرة ولا لازم تترخص الاول باسم المعاق بدون الحزر وبعدين ينقلى الملكية

abdelrahmana
23-10-2013, 01:09 PM
شكرا على موضوعك المهم والذى يهم اشخاص كثيرين ولا يعرف عنه الكثير
من فضلك انا كنت عاوز استفسر عن بعض الامور:
اولا: هل يتم احتساب مدة الخمس سنوات من تاريخ ترخيص السيارة ام من تاريخ جواب الافراج الجمركى.
ثانيا: بعد فك الحزر يتم ارسال جواب الفك الى المرور هل يتم نقل الملكية مباشرة ولا يجب ترخيصها اولا باسم المعاق وما هى الاجراءات المتبعة عند فك الحزر فى المرور

abdelrahmana
23-10-2013, 01:33 PM
لا لازم يكون المعاق معاة رخصة دة القانون الجديد

abdelrahmana
23-10-2013, 01:43 PM
[CENTER]من ارض الأستثمار فى بور سعيد الى مرور السلام بالقاهرة وانتظار مايقرب عن شهر
ثم
فحص السيارة بالمرور والتعقيدات اللى وجهتنى فى ترخصيها بأسم المعاق
ثم
من القاهرة لبور سعيد لأستعجال (كشف السيارة)
ثم
انتظار كشف السيارة ووصولة للجمارك بمدينة نصر فى مدة لاتقل عن 15 يوم
ثم
بعد وصول الكشف والذهاب بة للمطار ودفع مبلغ فك الحظر انتظار ذهاب الخطاب للمرورلأصدار شهادة البينات الأخيرة فى فترة لاتقل عن 15 يوم اخرى
ثم
السيارة B0RA
موديل2003
فى حالة ممتازة
ثمنها 85000الف جنية
+

+9600فك الحظر
+
9000 لمعاق لدية رخصة
+5000مبلغ مدفوعة بدون مبالغة بين المكاتب والترخيص والمرور
طبعا دة غير ان العربية لاقيتها عاوزة اربع فرد كوتش بحوالى 2200
ودة لأن الكوتش باظ من الوقفة داخل الأستثمار
دة غير بعض المصاريف النثرية على السيارة التى تجاوزت 2000
اية رايكم فى المقلب دة
انا لو كنت اشترتها من مصر كنت هجبها بنفس القيمة
وكنت ريحت نفسى من الموال الرخم دة
اة
قلولى ان عليها استرداد 16300
ارفع قضية وفى خلال 3 شهور هتسترد المبلغ
وطبعا رفعت بس عرفت ان القضية فشنك ومفيش فيها اى امل
لو عاوزين تعرفو لية انا تحت امركم
تحياتى
[/CENTER

يا باشا مفيش مقلب ولا حاجة ان شاء الله على الاقل هتلاقى العربية اللى معاك حالتها احسن من اللى فى مصر بكتير بس معلش كنت عاوز اعرف منك لما جواب فك الحزر يوصل للمرور لازم العربية تترخص باسم المعاق تانى بدون الحزر ولا ممكن انقل الملكية باسمى مباشرة

ابوتولين1106
26-02-2014, 12:30 PM
أولا جزاكم الله خيرا علي مجهودكم الرائع وتعاونكم جعله الله في ميزان حسناتكم
ثانيا كان عندي استفسارين اذا تكرمتوا
الاول انا ليا أخ عنده اعاقه في يده اليمني نوع من الشلل اسمه شلل ارب فهل يستحق سياره ام لا ؟؟؟؟واذا امكن توضيح الحالات التي تستحق الاعفاء
ثانيا انا اعمل في السعوديه وأود ان ارسل له سياره من هنا فأريد الاجراءات تفصيليا الاوراق المطلوبه هنا في السعوديه وهل لابد من تصديرها الي ميناء معين وما المطلوب من اخي من اوراق عند ذهابه لاستلام السيره والاجراءات ااتي سوف يقوم بها
اخيرا قرأت معلومه علي المنتديات تفيد بانه بالنسبه لاستيراد السيارت للمعاقين لابد ان تكون في حدود 5 سنوات من الموديل فهل هذه المعلومه صحيحه
وشكرا جزيلا

rohy_feek
11-11-2014, 01:30 PM
انا عاندى اعاقة فى ايدى الشمال ( بتر ) فى ثلاث صوابع باليد اليسرى وجزء كبير من كف اليد وعاندى شهادة اعاقة ب اكتر من 58 % عجز فى ايدى كنت عاوز اعرف لو قدمت كشف بالكمسيون الطبى ممكن يكون ليا سيارة معاقين ولا هيتم رفض الاعاقة وهل الاعاقة تقتصر على اعاقة القدم فقط ولا بالايد كمان بالله عليكم لو حد عندة خبرة بالموضوع دا يرد علي