المساعد الشخصي الرقمي

مشاهدة النسخة كاملة : ماهي الافضل نيسان صني -بي واي دي اف ثري والفرق 20 الف جنيه


د/محمد علي
19-04-2012, 12:12 PM
ارجو الافادة اخواني العزاء بالرد والنصيحة لشراء سيارة عائلية واسعة وقطع غيار متوفرة ومعقولة وبها وسائل امان فما هي الافضل بي واي دي اف ثري ولا نيسان صني هاي لاين والفرق 20 الف جنيه وشكرااااااااااا:36_1_1[1]:

د/محمد علي
19-04-2012, 12:15 PM
ارجو الافادة اخواني العزاء بالرد والنصيحة لشراء سيارة عائلية واسعة واتوماتيك وقطع غيار متوفرة ومعقولة وبها وسائل امان فما هي الافضل بي واي دي اف ثري ولا نيسان صني هاي لاين والفرق 20 الف جنيه وشكرااااااااااا:01FDAB~189:

jojojojojo
19-04-2012, 01:30 PM
الصني افضل بكتير بس يعيبها فقط استهلاك البنزين وكفايه ان مكوناتها ياباني بس علي فكره الصني الهاي لاين 105 الف

mahshahin
19-04-2012, 01:31 PM
المقارنة في صالح BYD
موتور 1600 سي سي
فتيس الاتوماتيك : نيسان صني
ABS +EBD
2 air bag
فتحة سقف
سنسور بارك
طارة مالتي فنكشن
كراسي جلد
طابلوة وابواب ابانوس
قطع غيار متوفرة ورخصية
السعر : 81000 جنيه
واسعة وعالية عن الارض ( عائلية من الدرجة الاولى )

يعني هاتوفر حوالي 20 الف جنيه وهتاخد كماليات وامكانيات أعلى وأداء ممتاز

كيا سيفيا
19-04-2012, 01:37 PM
فعلا هى اسعار قطع الغيار طبعا فى صالح الـ BYD
لدرجة المرايه الجانبيه الكامله الخاصه بالـ BYD بـ 150 جم فى حين أن مراية الصنى تصل الى حوالى 600 جم . وقيس على ذلك باقى قطع الغيار وخاصة الخارجية كثيرة الاستهلاك مثل الفوانيس والصاج والاكصدامات علاوة على التوفير فى استهلاك البنزين بشكل واضح مقارنة بالصنى . ومن وجهة نظرى المقارنه بالشكل المعروض اكيد فى صالح الـ BYD خاصة وان مبلغ الـ 20000 جـــــم مش قليل ده بيمثل تقريبا 20% من قيمة الصنى

hanyshokry2000
19-04-2012, 01:40 PM
ههههههههههه يا باشا طبعا مفيش وجه مقارنه - لو مستعد تدفع العشرين الف الفرق طبعا هات نيسان صنى بدون تفكير - على فكره انا معايا بى واى دى الاتوماتيك - العربيه ممتازه - بس برضو الصينى حاجه واليابانى حاجه

Hisham.Elgazzar
19-04-2012, 01:43 PM
الصنى الهاى لاين أحسن بكتير
موتور يابانى وعفشة رياضى
عربية معمرة وكل الناس مجرباها

د/محمد علي
19-04-2012, 02:20 PM
الصنى الهاى لاين أحسن بكتير
موتور يابانى وعفشة رياضى
عربية معمرة وكل الناس مجرباها


:Wkiss5:مشكور اخي الفاضل على سرعة الرد ولكن موتور بي واى دي ايضا ياباني ومتسويببيشي كما هو مكتوب على الموتور وأظن ايضا ان العفشة تويوتا كرولا ولا ايه رايك

د/محمد علي
19-04-2012, 02:30 PM
ههههههههههه يا باشا طبعا مفيش وجه مقارنه - لو مستعد تدفع العشرين الف الفرق طبعا هات نيسان صنى بدون تفكير - على فكره انا معايا بى واى دى الاتوماتيك - العربيه ممتازه - بس برضو الصينى حاجه واليابانى حاجه
شكرا على سرعة الرد بس لو تفيدني اكثر عن حالة السيارة مع الاتوماتيك ايه يعني السحب مع تشغيل المكيف ايه اخباره ايه وعن حالة الفتيس اذا كان به اي عيوب وشكرا افادكم الله

د/محمد علي
19-04-2012, 02:34 PM
المقارنة في صالح BYD
موتور 1600 سي سي
فتيس الاتوماتيك : نيسان صني
ABS +EBD
2 air bag
فتحة سقف
سنسور بارك
طارة مالتي فنكشن
كراسي جلد
طابلوة وابواب ابانوس
قطع غيار متوفرة ورخصية
السعر : 81000 جنيه
واسعة وعالية عن الارض ( عائلية من الدرجة الاولى )

يعني هاتوفر حوالي 20 الف جنيه وهتاخد كماليات وامكانيات أعلى وأداء ممتاز


مشكور اخي الفاضل على الافادة ولكن هل تعتقدان البي واى دي هل ستكون معمرة مثل النيسان صني واداء الموتور وقوته لصالح مين:Wkiss5:

د/محمد علي
19-04-2012, 02:37 PM
فعلا هى اسعار قطع الغيار طبعا فى صالح الـ BYD
لدرجة المرايه الجانبيه الكامله الخاصه بالـ BYD بـ 150 جم فى حين أن مراية الصنى تصل الى حوالى 600 جم . وقيس على ذلك باقى قطع الغيار وخاصة الخارجية كثيرة الاستهلاك مثل الفوانيس والصاج والاكصدامات علاوة على التوفير فى استهلاك البنزين بشكل واضح مقارنة بالصنى . ومن وجهة نظرى المقارنه بالشكل المعروض اكيد فى صالح الـ BYD خاصة وان مبلغ الـ 20000 جـــــم مش قليل ده بيمثل تقريبا 20% من قيمة الصنى
شكرااااا على الرد وواضح من خلال خبرتك العملية والمالية ان حساباتك صح تقريبا:120105~352:

zmzm0000
19-04-2012, 02:41 PM
طبعا ربنا ادي كل واحد عقل يميزه عن باقي مخلوقات الكوكب سيبك من الفتايين والهجاصين عقلك في راسك تعرف خلاصك انت زي ماتكون بتقارن بين جرام ذهب عيار 18 ب 200 جنيه وجرام دهب عيار 21 ب 100 جنيه !!!!!!!!!! زمان كنا بنقول يااااي ياباني ايه وقرف ايه وعدي الياباني طلع الكوري قولنا ياي كوري ايه الزباله دي وفعلا عدي الكوري والماليزي حصلهم وبرضه عدي الماليزي يبقي الصيني اللي بدايته اقوي ملياااااااااار مره من بدايه الياباني والكوري وقلب الدنيا في زمن قياسي يبقي تتوقع ليه ايه ؟؟؟؟؟؟؟؟؟؟
:Wkiss5::Wkiss5::Wkiss5::Wkiss5:

د/محمد علي
19-04-2012, 02:44 PM
الصني افضل بكتير بس يعيبها فقط استهلاك البنزين وكفايه ان مكوناتها ياباني بس علي فكره الصني الهاي لاين 105 الف
:Wkiss5:شكرا على سرعة الرد افادكم الله ولكن على ما سمعت عن السيارة بي واى دي ان الموتور ياباني ايضا ومكتوب متسوبيشي عليه وان العفشة تويوتا كرولا وان الجير اتوماتيك تابعا الى نيسان صني اى مكونات ياباني وهذا ما دفعني للمقارنة ومع فارق السعر الذي يصل تقريبا 20-25 الف جنيه ارجو الرد والتعليق وشكرااااااااااا

mahshahin
19-04-2012, 02:45 PM
ههههههههههه يا باشا طبعا مفيش وجه مقارنه - لو مستعد تدفع العشرين الف الفرق طبعا هات نيسان صنى بدون تفكير - على فكره انا معايا بى واى دى الاتوماتيك - العربيه ممتازه - بس برضو الصينى حاجه واليابانى حاجه

فعلاً الياباني حاجة وأي ماركة تانية حاجة
لكن تعرف ان نيسان تتبع شركة رينو الفرنسية ( يعني مش زي تويوتا مثلاً )
وتعلم ان طراز نيسان صني يتم تجميعه في مصر وليه مشاكل كتير حالة حال أي عربية بتتجمع في مصر وتحياتي ليك ياباشا

د/محمد علي
19-04-2012, 02:46 PM
الصنى الهاى لاين أحسن بكتير
موتور يابانى وعفشة رياضى
عربية معمرة وكل الناس مجرباها


:Wkiss5:شكرا على سرعة الرد افادكم الله ولكن على ما سمعت عن السيارة بي واى دي ان الموتور ياباني ايضا ومكتوب متسوبيشي عليه وان العفشة تويوتا كرولا وان الجير اتوماتيك تابعا الى نيسان صني اى مكونات ياباني وهذا ما دفعني للمقارنة ومع فارق السعر الذي يصل تقريبا 20-25 الف جنيه ارجو الرد والتعليق وشكرااااااااااا

zmzm0000
19-04-2012, 02:48 PM
http://www.masrmotors.com/vb/showthread.php?t=84694

mahshahin
19-04-2012, 03:19 PM
مشكور اخي الفاضل على الافادة ولكن هل تعتقدان البي واى دي هل ستكون معمرة مثل النيسان صني واداء الموتور وقوته لصالح مين:Wkiss5:
من حيث انها معمرة هاقولك المقولة الشهيرة
v
v
v
((( أي عربية مهما كان نوعها هاتصونها هاتصونك )))

يعني معمرة ديه متوقفة عليك انت وأستخدامك ودرجة محافظتك على ممتلاكاتك
من حيث الموتور
أداءه قوي وعزمه عالي

MKN
19-04-2012, 03:55 PM
انا رأيى لنيسان صنى أحسن لو معاك فلوسها بسبب السمعة الطيبة و الاعتمادية و الموتور و الفتيس المعمر و متجربة بقالها سنين و عيوبها قليلة و معروفة و لا تتعدى الضفيرة الكهربائية و ضيق الكنبة الخلفية ودلوقتى موديل 2012 الهاى لاين بها 2 ايرباج و ABS يعنى فيها جميع وسائل الامان أما ال BYD فهى عربية ممتازة فى المواصفات و الشكل و الامان بس عيوبها اكثر من الصنى نوعا ما و التوكيل سيى و سعر اعادة البيع مش كويس غير ان على المدى البعيد اعتماديتها مش معروفة خاصة المونور و الفتيس و اتوقع نكون اقل من الصنى فى تلك النقطة

f3_byd
19-04-2012, 04:28 PM
طب الحمد لله اننا خرجنا من مقارنات ال byd مع الفيرنا و اللانوس و بقينا الحمد لله بنقارن بحجات عالية صني اهه و البقية تأتي

باختصار : الصني احسن طبعا .........بس لما تبص لانك هتوفر 20 الف يبقا

طبعا ال byd f3 احسن

المقصود ال 20 الف احسن من الفرق بين العربيتين

الي مش فارقة معاه ال 20 الف يتفضل بالف هنا و شفا يجيب الصني و برضو فيها عيوب و مفيش عربية في مصر و خصوصا المتقفل في مصر مفيهاش عيوب

كيا سيفيا
19-04-2012, 04:39 PM
الاستاذ / f3_byd
بعد التحيه .....
والله زمان حمدالله ع السلامه
:12EA7A~153:

lonedoctor
19-04-2012, 07:49 PM
اللى يشترى نيسان صنى بفارق 20 الف جنيه طبعا يبقى شرب اكبر مقلب فى حياته وانا نصيحة منى خليك فى البى واى دى وموش هتندم ان شاء الله وافضل لك تشترى g 3 احسن بس جير عادى هو ده العيب الوحيد بس اعلى فى كل حاجة من النيسان
وبعدين البى واى دى موتورها وسحبها قوى فوق ما تتخيل فانت بتجيب الخامس وتفضل ماشى عليه معاك لغاية سرعة 50 وتطلع تانى يعنى اعتبرها هاف اوتوماتيك

f3_byd
20-04-2012, 01:08 AM
الاستاذ / f3_byd
بعد التحيه .....
والله زمان حمدالله ع السلامه
:12EA7A~153:
الله يسلمك و الف شكر على السؤال الواحد فيه ناس عارفاه اهه الحمد لله و الظاهر ليا شعبية و مش واخد بالي هههههههههه

انا متابع المنتدى و خصوصا قسم البي واي دي و مش بفوت موضوع و لا مشاركة فيه بس مش بشارك الا وقت اللزوم بس و لما يكون عندي حاجة لازم تتقال

معرفناش رايك ايه في النقاش الممتع ده ؟؟؟

kimo10
20-04-2012, 01:12 AM
والله بعد مقارنتك لل byd والصنى
رفعت معنويات كل ملاك byd
وانا واحد منهم
:260309~146::ff5a34af6efef0e643e

f3_byd
20-04-2012, 08:55 AM
والله بعد مقارنتك لل byd والصنى
رفعت معنويات كل ملاك byd
وانا واحد منهم
:260309~146::ff5a34af6efef0e643e
تيجي الناس الي بتقارنها بفيرنا و لانوس و يقولوا يعععععععععع صيني يتفرجوا

hanyshokry2000
20-04-2012, 05:55 PM
[QUOTE=mahshahin;655296]
فعلاً الياباني حاجة وأي ماركة تانية حاجة
لكن تعرف ان نيسان تتبع شركة رينو الفرنسية ( يعني مش زي تويوتا مثلاً )
وتعلم ان طراز نيسان صني يتم تجميعه في مصر وليه مشاكل كتير حالة حال أي عربية بتتجمع في مصر وتحياتي ليك ياباشا
[/QUOTE

يا باشا كلام حضرتك مظبوط 100 100 بس انا بتكلم عن تجربه
لان اخويا معاه نيسان صنى بقالها اربع سنين - وعلشان انا عارف سواقة اخويا :dzy: معنى ان الصنى تقعد معاه الفتره دى انها عربيه قويه - ده غير انى بركبها ساعات وهى عربيه ممتازه طبعا والا مكنتش احتفلت شركة نيسان من كام شهر بتصنيع وبيع العربيه رقم 40 الف داخل السوق المصرى
وكلامى ده مش معناه ان البى واى دى وحشه - بالعكس انا اشتريتها عن اقتناع تام والحمد لله مش ندمان - بس برضو انا برجع اقوله لو مش فارقه معاك فرق السعر بين العربيتين اشترى اليابانى

hanyshokry2000
20-04-2012, 06:11 PM
شكرا على سرعة الرد بس لو تفيدني اكثر عن حالة السيارة مع الاتوماتيك ايه يعني السحب مع تشغيل المكيف ايه اخباره ايه وعن حالة الفتيس اذا كان به اي عيوب وشكرا افادكم الله
بص معاليك العربيه الحمد لله زى الفل موتور وفتيس - الملاحظه الوحيده ان الار بى ام بيكون تقريبا على 3 عند سرعة 100 كيلو وده طبعا بيكون على الغيار الرابع الاوتوماتيك - لما الار بى ام بيزيد عن 3 كل ما يطلع لفوق صوت الموتور بيعلى اوى - انا جربت لحد سرعة 140 والصوت كان عالى بس ثبات العربيه ممتاز - انا سألت اصحاب عربيات مانيوالعلى موضوع صوت الموتور قالولى لا مش للدرجه دى - بس طبعا المانيوال فيه غيار خامس
بالنسبه للتكييف مالهوش اى تأثير على السحب او ممكن يكون تأثير بسيط جدا

mhamdy75
20-04-2012, 06:27 PM
BYD

وتوكل على الله

jojojojojo
21-04-2012, 04:39 AM
اولا حضرتك غلطت عشان انت بتقارن بين عربيتين واحده منهم في قسم الخاص بها وهي البي واي فهتلاقي معظم الاراء منحازه للبي واي دي وده الطبيعي جدا عشان انت بتسال ملاكها واللي اكيد مقتنعين بيها عشان كده اشتروها تاني حاجه غلط فيها ان حضرتك بتقارن عربيتين في فئتين من السعر مختلفين وده فيها ظلم للبي واي دي عشان المفروض كل ما السعر يعلي كل ما الامكانات والاعتماديه تعلي اما نصحيتي لحضرتك مع احترامي للبي واي دي بس لسه العربيه في مرحله اثبات في السوق المصري وعلينا ان نصبر 5 سنين لنتاكد من اعتماديتها وجودتها وهل هي من العربيات المعمره ام لا ودليل علي كلامي الاسبرانزا اول مظهرت عملت ضجه ودلوقتي ظهر عيوبها وقل الاقبال عليها فانا رايي لو حضرتك معاك تجيب نيسان صني توكل علي الله وكفايه ان العربيه بقالها سنين ومحدش اشتكي منها المصنع اللي في مصر يتبع شركه نيسان الام في اليابان ويعمل به مهندسين يابانين وتحت اشارف ياباني كامل ودلوقت تويوتا بتجمع فورتشنر في مصر ومرسيدس بجمع بعض الموديلات في مصر فمعدش مشكله التجميع عيب وخصوصا ان مكونات الصني الاساسيه ياباني كالعفشه والموتور واتمني محدش يزعل مني واكون ضيف خفيف علي قسم البي واي دي اللي بحترمها كعربيه في حدود 70 الف وشكرا

mahshahin
22-04-2012, 12:38 PM
اولا حضرتك غلطت عشان انت بتقارن بين عربيتين واحده منهم في قسم الخاص بها وهي البي واي فهتلاقي معظم الاراء منحازه للبي واي دي وده الطبيعي جدا عشان انت بتسال ملاكها واللي اكيد مقتنعين بيها عشان كده اشتروها تاني حاجه غلط فيها ان حضرتك بتقارن عربيتين في فئتين من السعر مختلفين وده فيها ظلم للبي واي دي عشان المفروض كل ما السعر يعلي كل ما الامكانات والاعتماديه تعلي اما نصحيتي لحضرتك مع احترامي للبي واي دي بس لسه العربيه في مرحله اثبات في السوق المصري وعلينا ان نصبر 5 سنين لنتاكد من اعتماديتها وجودتها وهل هي من العربيات المعمره ام لا ودليل علي كلامي الاسبرانزا اول مظهرت عملت ضجه ودلوقتي ظهر عيوبها وقل الاقبال عليها فانا رايي لو حضرتك معاك تجيب نيسان صني توكل علي الله وكفايه ان العربيه بقالها سنين ومحدش اشتكي منها المصنع اللي في مصر يتبع شركه نيسان الام في اليابان ويعمل به مهندسين يابانين وتحت اشارف ياباني كامل ودلوقت تويوتا بتجمع فورتشنر في مصر ومرسيدس بجمع بعض الموديلات في مصر فمعدش مشكله التجميع عيب وخصوصا ان مكونات الصني الاساسيه ياباني كالعفشه والموتور واتمني محدش يزعل مني واكون ضيف خفيف علي قسم البي واي دي اللي بحترمها كعربيه في حدود 70 الف وشكرا

ياباشا أهلا وسهلاً بيك وقسم البي واي دي نور بيك وكلامك يحترم GIFT4U
ولازم الاراء تختلف عشان الكل يستفيد انا ممكن اكون شايف حاجةوحضرتك مش شايفها والعكس وتقبل تحياتي

Elsebily
22-04-2012, 02:23 PM
حضرتك بتظلم البي واي دي بالمقارنه دي وبعدين فرق عشرين الف مش حاجه قليله لاني ده مبلغ كبير بس انا شخصيا ارشحلك الصني طبعا وصدقني الفرق اللي هتدفعه هتلاقيه وهتلاقي ضعفه كمان وده طبعا ميقللش من البي واي دي لكن بردو الصني حاجه تانيه وعلي فكره انا شخصيا بفضل البي واي دي عن اللانوس لكن بردو مش معني كده انها تطلع لمقارنتها بالصني وصدقني حتي قطع الغيار اللي انت مستغليها هتلاقيها بتعيش اكتر بردو ومع احترامي طبعا لملاك البي واي دي بس انا شايف اني دي مقارنه صعبه قوي بالرغم من اني شايف اني العربيه دي ممكن تثبت نفسها بعدين بس طول ما فيه احتمال انها متثبتش يبقي ابعد عنها وخليك في المضمون اما لو من هواة المغامره فخليك في البي واي دي واستني خمس سنين وخليها معاك وشوف سمعتها هتبقي عامله ازاي وسوقها هيحصله ايه هل هيبقي زي الكوري في بدايته ولا هيحصله اللي حصل لاسبرانزا

بالتوفيق

lonedoctor
23-04-2012, 03:30 PM
اذا كنت تريد مقارنة حقيقية وعملية تستفيد منها وتاخذ قرارك على بينة يجب ان تكون من اشخاص على خبرة ودراية بالسيارتين حتى تكون المقارنة مقبولة وللاسف معظم المشجعين للنيسان لم يجربوا البى وادى دى او يقودوها فترة من الزمن كفيلة بالحكم الحقيقى --سيدى الفاضل انا عندى كورولا 2010 وعندى بى واى دى وقمت بقيادة النيسان صنى اللى فى السعودية موش اللى فى مصر يؤسفنى ابلغك انه النيسان سيارة فاشلة جدا جدا ومن اسوء السيارات التى قدتها فى حياتى والبى واى دى افضل منها بمراحل من حيث الثبات والتسارع ووسائل الامان والرفاهية حتى مكيفها اقوى والشخص اللى غاوى وبيركب سيارات كتير وبيحب يجرب بيكون عنده احساس بالسيارة اول ما يركبها غير اى حد تانى فلو هتبص على الموضوع انه يابانى وصينى وخلاص يبقى فكك من المقارنة اصلا اما اذا كنت راجل خبرة وركيب ومحترف روح اجر السيارتين كل واحدة يوم ولا اتنين ومعلش اخسر الف جنيه تجربة بس هتشترى بعد كدة وانت عارف انت شارى ايه وليه
تقبل تحياتى

zmzm0000
23-04-2012, 05:22 PM
اذا كنت تريد مقارنة حقيقية وعملية تستفيد منها وتاخذ قرارك على بينة يجب ان تكون من اشخاص على خبرة ودراية بالسيارتين حتى تكون المقارنة مقبولة وللاسف معظم المشجعين للنيسان لم يجربوا البى وادى دى او يقودوها فترة من الزمن كفيلة بالحكم الحقيقى --سيدى الفاضل انا عندى كورولا 2010 وعندى بى واى دى وقمت بقيادة النيسان صنى اللى فى السعودية موش اللى فى مصر يؤسفنى ابلغك انه النيسان سيارة فاشلة جدا جدا ومن اسوء السيارات التى قدتها فى حياتى والبى واى دى افضل منها بمراحل من حيث الثبات والتسارع ووسائل الامان والرفاهية حتى مكيفها اقوى والشخص اللى غاوى وبيركب سيارات كتير وبيحب يجرب بيكون عنده احساس بالسيارة اول ما يركبها غير اى حد تانى فلو هتبص على الموضوع انه يابانى وصينى وخلاص يبقى فكك من المقارنة اصلا اما اذا كنت راجل خبرة وركيب ومحترف روح اجر السيارتين كل واحدة يوم ولا اتنين ومعلش اخسر الف جنيه تجربة بس هتشترى بعد كدة وانت عارف انت شارى ايه وليه
تقبل تحياتى

ربنا يحميك لعقلك لو بس ربع المصريين بيفكروا زيك كنا عدينا المانيا واليابان بس تقول ايه
انا معاك
وادمير معاك
و mms
معاك
هه في حد تاني قال جاي يركب معانا مركب العقل والعلم ايه ياترىايه ياترى

lonedoctor
23-04-2012, 05:33 PM
ربنا يحميك لعقلك لو بس ربع المصريين بيفكروا زيك كنا عدينا المانيا واليابان بس تقول ايه
انا معاك
وادمير معاك
و mms
معاك
هه في حد تاني قال جاي يركب معانا مركب العقل والعلم ايه ياترىايه ياترى


جزاك الله خيرا اخى الكريم

jojojojojo
23-04-2012, 05:58 PM
اذا كنت تريد مقارنة حقيقية وعملية تستفيد منها وتاخذ قرارك على بينة يجب ان تكون من اشخاص على خبرة ودراية بالسيارتين حتى تكون المقارنة مقبولة وللاسف معظم المشجعين للنيسان لم يجربوا البى وادى دى او يقودوها فترة من الزمن كفيلة بالحكم الحقيقى --سيدى الفاضل انا عندى كورولا 2010 وعندى بى واى دى وقمت بقيادة النيسان صنى اللى فى السعودية موش اللى فى مصر يؤسفنى ابلغك انه النيسان سيارة فاشلة جدا جدا ومن اسوء السيارات التى قدتها فى حياتى والبى واى دى افضل منها بمراحل من حيث الثبات والتسارع ووسائل الامان والرفاهية حتى مكيفها اقوى والشخص اللى غاوى وبيركب سيارات كتير وبيحب يجرب بيكون عنده احساس بالسيارة اول ما يركبها غير اى حد تانى فلو هتبص على الموضوع انه يابانى وصينى وخلاص يبقى فكك من المقارنة اصلا اما اذا كنت راجل خبرة وركيب ومحترف روح اجر السيارتين كل واحدة يوم ولا اتنين ومعلش اخسر الف جنيه تجربة بس هتشترى بعد كدة وانت عارف انت شارى ايه وليه
تقبل تحياتى


كلامك محترم جدا بس حضرتك جربت البي واي دي كام سنه يعني سنه سنتين بكتير طبعا عشان العربيه لسه جديده والعربيه في الاساس بتعتبر من السلع المعمره اللي لازم نقيم ادائها بعد كم سنه استهلاك عشان نقدر نقيمها صح بس الصني بقالها سنين ومحدش اشتكي منها شكوي عامه زي مثلا فتيس او فرامل او اي حاجه تانيه كبيره مع احترامي طبعا للبي واي دي كعربيه في حدود ال70 الف بس اعتقد ان اسم نيسان كفايه في انها تتفوق علي الاقل مع السيارات في الفئه السعريه بين ال70 ل100 الف وخاصه ان الصني من اشهر موديلات النيسان واللي حققت نجاح كبير جدا والدليل استمرار انتاجها حتي الان واقبال الناس علي شرائها ده رايي وانا طبعا بحترم رايك جدا واختلاف الاراء بيفيد اكتر وكنت نفسي من صاحب الموضوع انه يقارن مثلا بين البي واي دي واللوجان او اللانوس او يقارن بين الصني والاوبترا عشان تبقي مقارنه عادله

ramy01011
23-04-2012, 09:44 PM
كلامك محترم جدا بس حضرتك جربت البي واي دي كام سنه يعني سنه سنتين بكتير طبعا عشان العربيه لسه جديده والعربيه في الاساس بتعتبر من السلع المعمره اللي لازم نقيم ادائها بعد كم سنه استهلاك عشان نقدر نقيمها صح بس الصني بقالها سنين ومحدش اشتكي منها شكوي عامه زي مثلا فتيس او فرامل او اي حاجه تانيه كبيره مع احترامي طبعا للبي واي دي كعربيه في حدود ال70 الف بس اعتقد ان اسم نيسان كفايه في انها تتفوق علي الاقل مع السيارات في الفئه السعريه بين ال70 ل100 الف وخاصه ان الصني من اشهر موديلات النيسان واللي حققت نجاح كبير جدا والدليل استمرار انتاجها حتي الان واقبال الناس علي شرائها ده رايي وانا طبعا بحترم رايك جدا واختلاف الاراء بيفيد اكتر وكنت نفسي من صاحب الموضوع انه يقارن مثلا بين البي واي دي واللوجان او اللانوس او يقارن بين الصني والاوبترا عشان تبقي مقارنه عادله

انا دخلت بالصدفة و قريت كلام حضرتك و حضرتك بتقول ان الصني عربية ناجحة و الدليل انها لسة بتنتج !!!!!!!!!
الصني من 2006 و وقف انتاجها عالميا و في اليابان و حل محلها عربيتين التيدا و الصني الكوري اللي اسمها في مصر رينو موش فاكر اية الصراحة بس هي صني
و فيه صني 2012 ودي اللي لسة نازلة و هي نسخة مصغرة من الالتيما و بردو منزلتش مصر.
زي ما اللانوس و الافيو اتوقف انتاجهم في العالم ما عدا مصر زي ما الصني الشكل تبع 2006 الموجوده في مصر بردوا اتوقف انتاجها لاكن موجوده في مصر فقط

lonedoctor
23-04-2012, 11:13 PM
انا دخلت بالصدفة و قريت كلام حضرتك و حضرتك بتقول ان الصني عربية ناجحة و الدليل انها لسة بتنتج !!!!!!!!!
الصني من 2006 و وقف انتاجها عالميا و في اليابان و حل محلها عربيتين التيدا و الصني الكوري اللي اسمها في مصر رينو موش فاكر اية الصراحة بس هي صني
و فيه صني 2012 ودي اللي لسة نازلة و هي نسخة مصغرة من الالتيما و بردو منزلتش مصر.
زي ما اللانوس و الافيو اتوقف انتاجهم في العالم ما عدا مصر زي ما الصني الشكل تبع 2006 الموجوده في مصر بردوا اتوقف انتاجها لاكن موجوده في مصر فقط

الكلام ده انا كنت عارفه ولم اذكره --الحقيقة المرة هى ان ثقافة المستهلك المصرى فى موضوع السيارات بالذات متاخرة عن العالم تقريبا 5 سنوات وكنت هاتجنن لما نزلت من السعودية عام 2006 ووجدت لسة فى ناس بتشترى دايو والمصنع فلس واتباع لشيفورليه من عدة سنوات ومافيش حد واخد باله ونفس الحكاية بالنسبة للانوس وااللوجان كلها سيارات بتكنولوجيا وتصميم قديم من نهاية التسعينات لكن المستلك المصرى غريب الاطوار عنده المنظرة اهم من الواقع العملى خليه يشرب

khmt1970
25-04-2012, 02:43 AM
الكلام ده انا كنت عارفه ولم اذكره --الحقيقة المرة هى ان ثقافة المستهلك المصرى فى موضوع السيارات بالذات متاخرة عن العالم تقريبا 5 سنوات وكنت هاتجنن لما نزلت من السعودية عام 2006 ووجدت لسة فى ناس بتشترى دايو والمصنع فلس واتباع لشيفورليه من عدة سنوات ومافيش حد واخد باله ونفس الحكاية بالنسبة للانوس وااللوجان كلها سيارات بتكنولوجيا وتصميم قديم من نهاية التسعينات لكن المستلك المصرى غريب الاطوار عنده المنظرة اهم من الواقع العملى خليه يشرب
سيدى الفاضل ارجو ان يكون اسلوب حوارك افضل من ذلك فالحوار الغرض منه الوصول الى احسن البدائل اوالحلول او الحصول على معلومه جديده وليس التهكم والتعالى على الاخرين وشكرا لك

Elsebily
25-04-2012, 03:21 AM
ايه يا جماعه فيه ايه انتو بتهزروا ولا بتتكلمو جد انتو ازاي اصلا مقتنعين بالمقارنه دي وبعدين انا نفسي افهم هو ليه كل حد بيحب يدافع عن عربيته حتي لو كان هيجور علي حق عربيات الغير وبعدين السؤال اللي نفسي اساله لملاك العربيات الصيني عامة هو ليه فيه ناس كتير بتبيع العربيات دي في نفس سنة الموديل وميكنوش جايبينها بقالهم كام شهر وليه بردو بيخسروا فيها مبالغ خياليه يا جماعه خلينا نكون واقعيين ونعترف اني فعلا العربيات الصيني فيه في المعظم منهم مشاكل كتير وفيه ماركات كتير مينفعش اصلا تخش اي سوق عالمي انا اسف لو كنت غلطت في عربية حد او ضايقت حد بكلامي بس بجد دفاع ملاك الصيني عن عربياتهم لدرجة انهم بقو يفضلوها عن عربيات اعلي منها في الفئه وفي كل حاجه بقي شئ مستفز وانا شخصيا شايف اني فيه تضليل للي بيسأل وطبعا كامل احترامي لملاك العربيات الصيني وانا شخصيا كنت بفكر اشتري البي واي دي جديده لاني كان عاجبني الاوبشن الكتير اللي فيها بس بصراحه خفت وقلت استني لما اشوفها هتعمل ايه في السوق المصري لكن حتي لو كنت جبتها وبقت بتاعتي كنت بردو هدخل واقول نفس الكلام ده لاني من وجهة نظري البي واي دي تقارن بالفيرنا واللانوس والساجا واللوجان لكن ليسه موصلتش لمرحلة انها تبقي في مرحلة مقارنه مع فئة النيسان او الاكسنت ار بي واخيرا هي وجهة نظر واكيد فيه كتير هيختلف معايا ان مكنش هيشتمني :01AD96~139: بس انا بحب اكون واقعي وبالتوفيق للجميع

lonedoctor
26-04-2012, 11:00 PM
سيدى الفاضل ارجو ان يكون اسلوب حوارك افضل من ذلك فالحوار الغرض منه الوصول الى احسن البدائل اوالحلول او الحصول على معلومه جديده وليس التهكم والتعالى على الاخرين وشكرا لك

اخى الكريم
اظن انى باتكلم كلام عام ولم اوجه اى اهانة لاى احد ولا باتعالى اعوذ بالله هاتعالى على ايه ؟انا عرضت راييى ولك مطلق الحرية فى القبول او الرفض او النقاش
تقبل تحياتى

lonedoctor
27-04-2012, 07:42 AM
ايه يا جماعه فيه ايه انتو بتهزروا ولا بتتكلمو جد انتو ازاي اصلا مقتنعين بالمقارنه دي وبعدين انا نفسي افهم هو ليه كل حد بيحب يدافع عن عربيته حتي لو كان هيجور علي حق عربيات الغير وبعدين السؤال اللي نفسي اساله لملاك العربيات الصيني عامة هو ليه فيه ناس كتير بتبيع العربيات دي في نفس سنة الموديل وميكنوش جايبينها بقالهم كام شهر وليه بردو بيخسروا فيها مبالغ خياليه يا جماعه خلينا نكون واقعيين ونعترف اني فعلا العربيات الصيني فيه في المعظم منهم مشاكل كتير وفيه ماركات كتير مينفعش اصلا تخش اي سوق عالمي انا اسف لو كنت غلطت في عربية حد او ضايقت حد بكلامي بس بجد دفاع ملاك الصيني عن عربياتهم لدرجة انهم بقو يفضلوها عن عربيات اعلي منها في الفئه وفي كل حاجه بقي شئ مستفز وانا شخصيا شايف اني فيه تضليل للي بيسأل وطبعا كامل احترامي لملاك العربيات الصيني وانا شخصيا كنت بفكر اشتري البي واي دي جديده لاني كان عاجبني الاوبشن الكتير اللي فيها بس بصراحه خفت وقلت استني لما اشوفها هتعمل ايه في السوق المصري لكن حتي لو كنت جبتها وبقت بتاعتي كنت بردو هدخل واقول نفس الكلام ده لاني من وجهة نظري البي واي دي تقارن بالفيرنا واللانوس والساجا واللوجان لكن ليسه موصلتش لمرحلة انها تبقي في مرحلة مقارنه مع فئة النيسان او الاكسنت ار بي واخيرا هي وجهة نظر واكيد فيه كتير هيختلف معايا ان مكنش هيشتمني :01AD96~139: بس انا بحب اكون واقعي وبالتوفيق للجميع

اخى الكريم حياك الله
لك مطلق الحرية فى ان تعبر عن وجهة نظرك وقناعتك الشخصية ولك كل الاحترام بغض النظر عن اتفاقنا او اختلافنا فى ذلك
السيارة التى تختارها سعادتك الذى ستستخدمها وتستمتع بها وتتحمل كل تبعات قرار الشراء وبالتالى لا يمكن ان تستعير عقل الاخرين ليفكروا لك
انا عن نفسى كانت النيسان الصنى من الاختيارات المتاحة لى عند الشراء وكذلك الانترا الشكل القديم 2011 وكانت الامكانيات المادية متاحة لدى للشراء والاوبتيرا ايضا ولكن انا اخترت البى واى دى عن قناعة شخصية لانى ازعم واعتقد انها افضل من كل هذه السيارات وبمنتهى الثقة فى ذلك بعد بحث وتمحيص لمدة 3 سنوات ومقارنات وتجربة وسؤال اصحابها وقراءة التقارير والعيوب والمميزات لكل من هذه السيارات وانا الان بعد شراء البى واى دى ومقارنتها بالكورولا التى امتلكها فى السعودية وهى يقينا افضل من كل هذه الماركات ولا يوجد خلاف على ذلك لكل من يقتنع بالماركات وليس بالواقع العملى فضلا عن الواقع طبعا -اقول انى وجدت فيها كل ما كنت اظنه وافضل منه كمان وهذه قناعتى الشخصية عن دراسة وتجربة وللاخرين مطلق الحرية فى القبول او الرفض لهذا الامر وهذا لا يضرنى فى شئ لانها سيارتى انا وانا الذى استعملها ومقتنع بها تماما
تقبل تحياتى

ramy01011
27-04-2012, 03:07 PM
ايه يا جماعه فيه ايه انتو بتهزروا ولا بتتكلمو جد انتو ازاي اصلا مقتنعين بالمقارنه دي وبعدين انا نفسي افهم هو ليه كل حد بيحب يدافع عن عربيته حتي لو كان هيجور علي حق عربيات الغير وبعدين السؤال اللي نفسي اساله لملاك العربيات الصيني عامة هو ليه فيه ناس كتير بتبيع العربيات دي في نفس سنة الموديل وميكنوش جايبينها بقالهم كام شهر وليه بردو بيخسروا فيها مبالغ خياليه يا جماعه خلينا نكون واقعيين ونعترف اني فعلا العربيات الصيني فيه في المعظم منهم مشاكل كتير وفيه ماركات كتير مينفعش اصلا تخش اي سوق عالمي انا اسف لو كنت غلطت في عربية حد او ضايقت حد بكلامي بس بجد دفاع ملاك الصيني عن عربياتهم لدرجة انهم بقو يفضلوها عن عربيات اعلي منها في الفئه وفي كل حاجه بقي شئ مستفز وانا شخصيا شايف اني فيه تضليل للي بيسأل وطبعا كامل احترامي لملاك العربيات الصيني وانا شخصيا كنت بفكر اشتري البي واي دي جديده لاني كان عاجبني الاوبشن الكتير اللي فيها بس بصراحه خفت وقلت استني لما اشوفها هتعمل ايه في السوق المصري لكن حتي لو كنت جبتها وبقت بتاعتي كنت بردو هدخل واقول نفس الكلام ده لاني من وجهة نظري البي واي دي تقارن بالفيرنا واللانوس والساجا واللوجان لكن ليسه موصلتش لمرحلة انها تبقي في مرحلة مقارنه مع فئة النيسان او الاكسنت ار بي واخيرا هي وجهة نظر واكيد فيه كتير هيختلف معايا ان مكنش هيشتمني :01AD96~139: بس انا بحب اكون واقعي وبالتوفيق للجميع

بص يا سيدي انا معايش البي واي دي و معرفش حتي اي شخص معرفة معاة العربية دي بس انا تعقيبي علي كلامك انها العربية الصيني الوحيدة التي المستعمل فيها قليل جدااا يعني ادخل علي كونتاكت كار مثلا فيثن و فين لما تلاقيها معروضة للبيع مستعمل بعكس باقي الماركات الصيني انا كل علاقتي بالماركات الصيني الاسبرانزا مع صديقي و عربية زي الزفت علي كلامة و باعها قريب
العربية التانية مع صديق ايضا و هي بريليانس جالينا 2000 سي سي و الالفين سي سي بس هي اللي جيدة ده من كلام ناس في مصنع بي ام دابليو و قالوا ابعد عن اي حاجة تانية

jojojojojo
27-04-2012, 06:22 PM
اخى الكريم حياك الله
لك مطلق الحرية فى ان تعبر عن وجهة نظرك وقناعتك الشخصية ولك كل الاحترام بغض النظر عن اتفاقنا او اختلافنا فى ذلك
السيارة التى تختارها سعادتك الذى ستستخدمها وتستمتع بها وتتحمل كل تبعات قرار الشراء وبالتالى لا يمكن ان تستعير عقل الاخرين ليفكروا لك
انا عن نفسى كانت النيسان الصنى من الاختيارات المتاحة لى عند الشراء وكذلك الانترا الشكل القديم 2011 وكانت الامكانيات المادية متاحة لدى للشراء والاوبتيرا ايضا ولكن انا اخترت البى واى دى عن قناعة شخصية لانى ازعم واعتقد انها افضل من كل هذه السيارات وبمنتهى الثقة فى ذلك بعد بحث وتمحيص لمدة 3 سنوات ومقارنات وتجربة وسؤال اصحابها وقراءة التقارير والعيوب والمميزات لكل من هذه السيارات وانا الان بعد شراء البى واى دى ومقارنتها بالكورولا التى امتلكها فى السعودية وهى يقينا افضل من كل هذه الماركات ولا يوجد خلاف على ذلك لكل من يقتنع بالماركات وليس بالواقع العملى فضلا عن الواقع طبعا -اقول انى وجدت فيها كل ما كنت اظنه وافضل منه كمان وهذه قناعتى الشخصية عن دراسة وتجربة وللاخرين مطلق الحرية فى القبول او الرفض لهذا الامر وهذا لا يضرنى فى شئ لانها سيارتى انا وانا الذى استعملها ومقتنع بها تماما
تقبل تحياتى

تحياتي لحضرتك انا عارف ان حضرتك مقتنع بالعربيه جدا وده طبيعي طبعا عشان اي واحد يملك سياره بيبقي شايفها افضل سياره وانا كده طبعا بس حضرتك ممكن تلاقي عربيه بي ام 1600 سي سي 120 حصان مثلا وعربيه مثلا صيني او نيسان او لانسر 1600 سي سي 120 حصان مش معني كده ان الاتنين زي بعض في الكفاءه او الجوده او من ناحيه الحفاظ علي نفس الاداء لفتره طويله هوه ده الفرق بين التويوتا مثلا والبي واي دي اه فعلا الاوبشنات كتير وممكن يكون اكتر من التويوتا الكرولا بس استحاله تكون في كفاءه التويوتا والا مكنش يبقي سعر التويوتا 160 الف والبي واي دي 73 الف انا قولت الكلام الكتير ده وصدعتك عشان بس اوصلك انا العربيات فئات وكل فئه عل قد فلوسها ومينفعش اقارن عربيه في فئه سعريه منخفضه بعربيه في فئه سعريه مرتفعه عشان ده في ظلم للفئه السعريه المنخفضه ده وجهت نظري وانا مش عايز اختلاف الاراء يسبب خلافات فيما بيننا وخصوصا ان انا بعتبر كل اعضاء المنتدي اخواتي وبننقل وجهات النظر للافاده ولا استطيع انا احجر رايي علي احد وياريت تاني ابقي ضيف خفيف علي قسم البي واي دي

khaabas
27-04-2012, 06:28 PM
طبعا الصني وانا ليه اشتري عربية مرقعة من كل مصنع حته موتور متسيوبيشى وعفشة تويوتا ومرايا جانبية من منيا القمح + سعر أعادة البيع واكيد من غير كلام لصالح الصنى طبعا

zmzm0000
27-04-2012, 06:34 PM
يا جماعه كلامكم للاسف وماحدش يزعل مني مغلوط مغلوط مغلوط يا ولدي ....
المقارنات لا تكون من ناحيه الفئه السعريه الكلام ده مش صحيح بالمره
المقارنه تكون بين فئه السيارات سواء كانت كروس اوفر..ميني...سيدان..هاتشباك...رودستر...رياضية...كو بيه....ام بي في .... اس يو في
المقارنه من الفئه السعريه دي مش موجوده الا عندنا في مصر ما صحيح المصرين هما ابو الاختراعات :CHUBBY~36:
ما ينفعش اقارن جيب شيروكي بعربيه باسات لانهم في نفس الفئه السعريه ؟
ولا ينفع يا بشمهندسين ؟؟؟؟؟؟؟؟؟؟؟؟

zmzm0000
27-04-2012, 06:37 PM
وعلي فكره زي ما في عربيات كوري افضل من عربيات ياباني
وزي ما في عربيات ايطالي افضل من عربيات الماني
برضه في عربيات صيني افضل من سيارات كتير كوري وياباني

lonedoctor
28-04-2012, 01:19 AM
تحياتي لحضرتك انا عارف ان حضرتك مقتنع بالعربيه جدا وده طبيعي طبعا عشان اي واحد يملك سياره بيبقي شايفها افضل سياره وانا كده طبعا بس حضرتك ممكن تلاقي عربيه بي ام 1600 سي سي 120 حصان مثلا وعربيه مثلا صيني او نيسان او لانسر 1600 سي سي 120 حصان مش معني كده ان الاتنين زي بعض في الكفاءه او الجوده او من ناحيه الحفاظ علي نفس الاداء لفتره طويله هوه ده الفرق بين التويوتا مثلا والبي واي دي اه فعلا الاوبشنات كتير وممكن يكون اكتر من التويوتا الكرولا بس استحاله تكون في كفاءه التويوتا والا مكنش يبقي سعر التويوتا 160 الف والبي واي دي 73 الف انا قولت الكلام الكتير ده وصدعتك عشان بس اوصلك انا العربيات فئات وكل فئه عل قد فلوسها ومينفعش اقارن عربيه في فئه سعريه منخفضه بعربيه في فئه سعريه مرتفعه عشان ده في ظلم للفئه السعريه المنخفضه ده وجهت نظري وانا مش عايز اختلاف الاراء يسبب خلافات فيما بيننا وخصوصا ان انا بعتبر كل اعضاء المنتدي اخواتي وبننقل وجهات النظر للافاده ولا استطيع انا احجر رايي علي احد وياريت تاني ابقي ضيف خفيف علي قسم البي واي دي
مع احترامى لسعادتك انا الفلوس كانت اخر حاجة بافكر فيها وكنت ناوى اصلا على تويوتا لانى كنت مستحيل اركب صنى او اوبترا او حاجة من السيارات التاريخية دى لان السيارات دى لما ركبتها فى السعودية لقيتها تعبانة على الاخر ولما سمعت على البى واى دى بدات ادرس الموضوع ووجدت فيها ضالتى والمناسبة الكورولا احسن منها فى الخامات وده سبب فرق السعر وده تم تداركه فى موديلg3
لكن البى واى دى تسارع افضل وفرامل اقوى بكتير واوسع من الداخل -والاتزان افضل بدرجة بسيطة

said hamdy99
11-02-2013, 07:29 PM
سالت اليوم 11 - 2 - 2013 عن سعر سياره بي واي دي اف ثري مانيوال تصوروا بكام 78 الف جنيه هل هذا معقول افيدوني و اريد ان اعرف السعر الحقيقي لاني فعلا ان شاء الله ناوي اشتريها بس ازاي تزيد حوالي 6 الاف جنبها ---- الرد ياريت يكون سريع ---- وشكرا لكم
\

magdy_c_c
11-02-2013, 07:39 PM
:joy23::joy23::joy23:

said hamdy99
12-02-2013, 02:06 AM
سالت امبارح بوم 11-2-2013 عن سعر سياره بي واي دي اف ثري قالي 78 الف جنيه هل هذا معقول فيدوني الله يخليكوا و عايز اعرف فعلا هي بالسعر ده ياريت علشان عايز اشتري هذه السياره الموضوع مهم جدا --- جدا ---- جدا ولكم جزيل الشكر و الاحترام:140109~347:R]

said hamdy99
12-02-2013, 06:11 PM
[COLOR="Red"][/COاي حد ياجماعه عنده فكره عن السعر الحالي شهر قبراير 2013 انا سالت عن سعر البي واي دي اف ثري قالولي 78 الف جنيه هل الكلام ده معقول ياجماعه ان شاء الله ناوي اشتريها بس من حوالي اسبوعين كان سعرها 73 الف و لما كملت الفلوس كان سعر السياره ارتفع هل سعرها زي مهوه ولا فعلا ارتفع استحلفكم بالله حد يفيدني --- هام و عاجل:Wkiss5::Wkiss5::Wkiss5:LOR]

sherifabden
15-02-2013, 06:34 PM
من حيث انها معمرة هاقولك المقولة الشهيرة
v
v
v
((( أي عربية مهما كان نوعها هاتصونها هاتصونك )))

يعني معمرة ديه متوقفة عليك انت وأستخدامك ودرجة محافظتك على ممتلاكاتك
من حيث الموتور
أداءه قوي وعزمه عالي


كلام مضبوط 100%

بخصوص المقارنة
اولا مينفعش ابدا اننا نقارن العربيتين دول ببعض
لان دي في فئة ودي في فئة تانية خاااالص
ولو على الافضلية اقدر اقول ان مفيش واحدة احسن من التانية
يعني الصني شكلها اسوا من البي واي دي وكمان مش فخمة لكن مشاكلها اقل من البي واي دي
لكن البي واي دي شكلها احسن وافخم