المساعد الشخصي الرقمي

مشاهدة النسخة كاملة : رابطة ملاك ومحبى السفينه فيات 132


الصفحات : [1] 2 3 4 5

qzar
02-03-2012, 05:48 PM
برجاء من الساده الاعضاء محبى وملاك فيات 132 الاشتراك معنا وعرض موضوعاتكم وارائكم وخبراتكم لكى يستفيد كل محبى ومالكى هذه السياره من خبرات بعضنا البعض وادعو الشيخ طارق والاستاذ حازم خضر بتشجيع الرابطه والمشاركه معنا لخبرتهم الملحوظه من مشاركاتهم فى مختلف منتديات مصر موتورز

سواق
03-03-2012, 12:00 AM
عندي سياره 31 موديل 81 الماني 1400 سي سي التابلوه بتاعها مكسر وقديم عاوز واحد غيره
ياتري ايه ممكن ينفع ومنين وبكام

hazem_khidr
03-03-2012, 01:13 AM
يشرفني ذكرك لي بالاخص
و دي اول مشاركه ليا في الرابطه و علي بركه الله


و دا اولي موضوعاتي علي المنتديات عموما و كان عن الرائعه 132
http://masrmotors.com/vb/showthread.php?t=3168
ارجو ان يسعد الجميع و انا تحت امركم في اي سؤال

qzar
03-03-2012, 10:10 PM
استاذ حازم الرابطه نورت بحضرتك لما لك من اراء وخبره مميزه فى السيارات عايز اقولك وياريت تصدقنى ان سبب شرائى لسيارتى ال132 الموضوع بتاع حضرتك ده بالذات هو اللى شجعنى واشتريتها وفعلا مقتنع بيها جدا جدا :CONGRA~238:

qzar
03-03-2012, 10:20 PM
عندي سياره 31 موديل 81 الماني 1400 سي سي التابلوه بتاعها مكسر وقديم عاوز واحد غيره
ياتري ايه ممكن ينفع ومنين وبكام
اخى الكريم صاحب ال 131 الالمانى لو بتدور على تابلوه 131 مش هاتلاقى اطلاقا ولكن هاتلاقى تابلوه شاهين موديل اواخر التسعينات فى عزبة شلبى ثمنه من 1300 الى 1500 على حسب الحاله والراجل هايفكهولك قدامك من نص شاهين انا كنت هناك وشوفته بنفسى وانشاء الله تلاقيه ويعجبك لانه هايبقى احدث من 131 وبيركب على العربيه بتاعتك بالضبط

سواق
12-03-2012, 11:37 PM
هل يمكن تركيب باور وتكييف لسيارة 31 موديل 81 موتور 1400 سي سي والتكلفه اد اية

hazem_khidr
13-03-2012, 04:02 AM
استاذ حازم الرابطه نورت بحضرتك لما لك من اراء وخبره مميزه فى السيارات عايز اقولك وياريت تصدقنى ان سبب شرائى لسيارتى ال132 الموضوع بتاع حضرتك ده بالذات هو اللى شجعنى واشتريتها وفعلا مقتنع بيها جدا جدا :CONGRA~238:
دا شرف ليا و يا رب تكون مريحاك
و اي سؤال انا تحت امرك

أيمن الروبي
15-03-2012, 03:42 PM
يشرفني يا جماعة انضم لهذه الرابطة وياريت لو يتم التثبيت
الاسم :Aimooo
السيارة : 132 كداب 2000
السعة اللترية : 1600 سي سي
اللون : اخضر
ونفسي اي حد معاه 132 ويعمل فيها حاجة يقولنا
انا هبتدي بحاجات كنت عاملها قريب وفاكرها
1-غيرت السيرفو بتاع العربية عشان كان بايظ استيراد متغيرلوش طقم قبل كده 120ج
2-غيرت خزنة زيت باكم 2 مخرج 25ج
3-غيرت سير كاتينة 144 سنة اصلي 90ج
4-غيرت طقم بلي يوغسلافي امامي 80ج والالماني 250ج بس جبت يوغسلافي حلو
5-غيرت رادياتير 3ماسورة نحاس بالتركيب 340ج بس مخلي العربية تلاجة الحمد لله
لو افتكرت حاجة تانية هقول لحضراتكو عليها:iloveyou24:

أيمن الروبي
15-03-2012, 03:50 PM
احب اشكر الاستاذ حازم خضر لإنضمامه للرابطة عشان هو اضافة قوية وياريت الرابطة تتثبت في قسم الفيات
1-غيرت طرمبة مياه الماني اصلي 95ج
2-غيرت طقم اولسيهات الوش 4 اولسيه 20ج بس تركيبهم مقرف
3-غيرت زيت الكارونة بزيت التعاون 140 ب 30ج

أيمن الروبي
15-03-2012, 03:54 PM
نفسي تشاركوني في موضوع بس مش عاوز اكون السبب في اذية اصحاب الوحش 132
كنت عاوز اعرف كل واحد معاه الوحش 132 اقصي سرعة جبها بيها كام
انا هبتدي
1-طريق مصر اسكندريه الصحراوي 170 ولمدد طويلة
2-طريق الزعفرانة الغردقة 170 ولمدد طويلة
3-الطريق الدائري من المعادي لنزلة الشروق 160

محمد فيصل
15-03-2012, 06:53 PM
السادة اعضاء رابطة محبى وملاك الوحش 132 الكرام
سوف اتحدث عن هذة السيارة بعد عشرة عمر 25 سنة كاملة
النصيحة الاولى :أفضل قطع غيار تعمر مع 132 يفضل ان تكون المانى
النصيحة الثانية : ضبط تاكيهات الوحش جيداً عند متخصص يعطى اداء وسرعات قصوى ممتازة بالاضافة الى عدم سماع اى صوت للموتور
اقصى سرعة كانت 180كم صيف 2006 طريق مطروح بعد مارينا الساعة 3 صباحاً لمدة 30د بسبب الشد مع bmw ثم صاحبها توقف وطلب الشراء وفى وقتها رفضت العرض
السرعات الاعتيادية 120/140 كم على الطرق المفتوحة
غيرت طقم اولسيهات الوش 4 اولسيه 20ج بس تركيبهم مقرف السؤال للعضو :Aimooo
غيرتهم مع تغير سير التقسيمة والبلية:018A1D~146: ولكن بذلك إضمن عمر طويل للموتور لفترة طويلة إن شاء الله
:fun_36_3_9[1]:

أيمن الروبي
15-03-2012, 11:41 PM
طبعا غيرت سير التقسيمة والبلية جبتها ايطالي بس مكنتش حاسس انها اصلي كانت ب 55ج

أيمن الروبي
18-03-2012, 10:24 AM
ازيكو يا اعضاء الرابطة فينكو متخلوش الواحد محبط
لازم يكون في تفاعل ومشاركة اكتر
لازم نكتسح جميع الروابط عشان خاطر الوحش:fun_Meting:

أيمن الروبي
18-03-2012, 12:23 PM
ياريت يا جماعة كل واحد لو يقدر يحط صورة العربية بتاعتو وانا هبتدي
http://www.masr1.com/?di=H9TI
بس النمر اللي عليها دي مش بتاعتي

أيمن الروبي
19-03-2012, 03:09 PM
الووووووووووووووووووووووووووووووووووووووووووو
ايه يا جماعة فينكو وفين مشرف الرابطة

أيمن الروبي
20-03-2012, 05:30 PM
ايه يا جماعة هو مفيش عنده 132 في المنتدي غيري ولا ايه انا حاسس اني بكلم نفسي وفين مؤسس الرابطة :fun_36_1_30[1]:

hazem_khidr
21-03-2012, 03:37 AM
اقصي سرعه وصلت لها 200 كم /س
عربيه 132 2000 ايطالي موديل 81 والدي كان جايبها من السعوديه
اتباعت سنه 99 عامله 80 الف كيلو و فابريقه بالكامل
كانت عربيه لا ركبت و لا هركب زيها

أيمن الروبي
21-03-2012, 10:50 AM
ربنا يكرمك بواحدة (استاذ / حازم) نضيفة تخليها عندك علشان حضرتك شكلك بتحبها اوي

أيمن الروبي
21-03-2012, 10:55 AM
ازي حضرتك يا شيخنا
كنت بسأل حضرتك تنك البنزين يتاعي اتخرم شكلها بارومة فكنت عاوز اعرف عند حضرتك التنك ده ولا لأ وبكام ؟ بس للأمانة انا لسه منوتش اشتريه علشان لسه هفك التنك يوم السبت اللي جاي وهشوف الميكانيكي هيقول ايه لأني مش مفضل حكاية لحام التنك
وسؤال تاني لو الميكانيكي قالي الحم التنك الحمو ولا اشتري واحد استيراد افضل (فيات 132 كداب 2000)
شكرا

طارق ابوذيد
21-03-2012, 11:22 AM
اخى العزيز انضمامى الى هذه الرابطه شرف كبير ليه وأشكرك على الدعوى وجزاك الله خير .

أيمن الروبي
21-03-2012, 03:03 PM
اخى العزيز انضمامى الى هذه الرابطه شرف كبير ليه وأشكرك على الدعوى وجزاك الله خير .


شيخ طارق هو ليه حضرتك مردتش علي السؤال بتاعي عشان اعمل حسابي (كنت بسأل حضرتك تنك البنزين يتاعي اتخرم شكلها بارومة فكنت عاوز اعرف عند حضرتك التنك ده ولا لأ وبكام ؟ بس للأمانة انا لسه منوتش اشتريه علشان لسه هفك التنك يوم السبت اللي جاي وهشوف الميكانيكي هيقول ايه لأني مش مفضل حكاية لحام التنك
وسؤال تاني لو الميكانيكي قالي الحم التنك الحمو ولا اشتري واحد استيراد افضل (فيات 132 كداب 2000)
شكرا

طارق ابوذيد
21-03-2012, 03:08 PM
ازي حضرتك يا شيخنا
كنت بسأل حضرتك تنك البنزين يتاعي اتخرم شكلها بارومة فكنت عاوز اعرف عند حضرتك التنك ده ولا لأ وبكام ؟ بس للأمانة انا لسه منوتش اشتريه علشان لسه هفك التنك يوم السبت اللي جاي وهشوف الميكانيكي هيقول ايه لأني مش مفضل حكاية لحام التنك
وسؤال تاني لو الميكانيكي قالي الحم التنك الحمو ولا اشتري واحد استيراد افضل (فيات 132 كداب 2000)
شكرا
أخى الكريم ان شاء الله التانك 132 متوفر وسعره 200 جنيه وهو أقل من النصف بالنسبه لسعر السوق .
وأنصحك لله لا تلحم التانك ولكن أشترى معجون أستوك وأسحب المعجون على التانك بالكامل بالطول ثم بعد ساعتان سنفره بسنفره 300 وبعد ذلك أسحب المعجون بالعرض وذلك عن تجربه فى سياره استمرت على المعجون أكثر من عشر سنوات .

أيمن الروبي
21-03-2012, 03:14 PM
أخى الكريم ان شاء الله التانك 132 متوفر وسعره 200 جنيه وهو أقل من النصف بالنسبه لسعر السوق .
وأنصحك لله لا تلحم التانك ولكن أشترى معجون أستوك وأسحب المعجون على التانك بالكامل بالطول ثم بعد ساعتان سنفره بسنفره 300 وبعد ذلك أسحب المعجون بالعرض وذلك عن تجربه فى سياره استمرت على المعجون أكثر من عشر سنوات .



شكرا جدا علي الرد والافادة جعله الله في ميزان حسناتك

طارق ابوذيد
21-03-2012, 03:29 PM
شكرا جدا علي الرد والافادة جعله الله في ميزان حسناتك
جزاك الله كل خير أخى الحبيب .

أيمن الروبي
23-03-2012, 07:17 PM
سؤال لخبراء 132 سمعت ان ينفع اركب مساعدين لادا خلفي للسيارة 132 الكلام ده صح ولا غلط وايه الفرق وايهما اقوي وافضل

أيمن الروبي
25-03-2012, 04:32 PM
أخى الكريم ان شاء الله التانك 132 متوفر وسعره 200 جنيه وهو أقل من النصف بالنسبه لسعر السوق .
وأنصحك لله لا تلحم التانك ولكن أشترى معجون أستوك وأسحب المعجون على التانك بالكامل بالطول ثم بعد ساعتان سنفره بسنفره 300 وبعد ذلك أسحب المعجون بالعرض وذلك عن تجربه فى سياره استمرت على المعجون أكثر من عشر سنوات .



ايه اخبار حضرتك يا شيخ طارق
انا امبارح فكيت التنك ولقيت فيه خرم صغير اوي اسفل التنك وفيه صدا عملت الآتي بالخطوات علشان الكل يستفاد:
1-بعد ما فكيت التنك غسلته تمام بشوية بنزين حوالي لتر
2-جبت كيسين اريال غسيل ورحت غسله غسلة تمام
3-جبت صنفرة وصنفرت الجزء السفلي كله كويس
4-جبت مية نار ورحت مغرق الجزء السفلي علشان كان فيه نقط صدأ صغير علشان تتشال
5-نشفته كويس اوي وسبته في الشمس
6-جبت علبة معجون فايبر روحت معجنته علي 3 طبقات
7-سبته حوالي ساعة روحت مصنفرة ونعمته وسويته
8-جبت ربع كيلو لاكيه اسود وخفيته بنقطة بنزين وروحت دهنه
9-سبته في الجراج عندي تحت المروحه حوالي اربع ساعات
10-بعد هذا العناء تم تركيبه والحمد لله

أيمن الروبي
25-03-2012, 04:34 PM
استفسار للشيخ طارق هو الجنوط المروحة لل 132 مقاس 14 متوفرة ولا مش موجودة وهل ينفع اشتري جنط او جنطين ولا لازم الطقم كامل

أيمن الروبي
26-03-2012, 03:23 PM
يا جماعة عاوزين تفعيل اكتر للرابطة علشان نقدر نثبت الرابطة كمان ولا العربية متستاهلش مننا كده

aymanhassan
30-03-2012, 05:03 PM
ما هو مقاس الكاوتش الفابريكة للفيات 132 2000؟

hazem_khidr
30-03-2012, 07:52 PM
مقاس الكاوتش الاصلي 14 175
وكانت بتاخد معايا لحد 195 كمان

aymanhassan
30-03-2012, 08:47 PM
175على كام ؟
وايه افضل نوع كاوتش اركبه ليها؟

أيمن الروبي
30-03-2012, 08:49 PM
مقاس الكاوتش الاصلي 14 175
وكانت بتاخد معايا لحد 195 كمان

استاذ حازم ازي حضرتك انا عارف ان حضرتك شغوف وموسوعة معلومات بالنسبة للفيات 132 بس احب اصحح المعلومة لحضرتك ان مقاس الكاوتش الاصلي r14/185/70 ده من موقع فيات نفسه وياريت حضرتك تشرفنا بمشاركاتك في الرابطة بس انا مركب 195\70

aymanhassan
30-03-2012, 08:50 PM
معلش يا جماعة انا لسه جايب العربية جديد وكل شويه بسأل
عايز اعرف احط زيت نوعه ايه؟

aymanhassan
30-03-2012, 09:00 PM
انا عضو جديد وعندى مشكلة العربية لسه جايبها و بتحدف جامد يمين وخصوصا لما بدوس فرامل روحت بيها للعفشجية واكتر من واحد يظبطها وترجع تانى تحدف روحت لاكتر من واحد ظيط زوايا يظبط وترجع تانى لحد ما واحد قالى ان فردة الشاسيه اليمين و الركبة والقنطرة فيهم باروما من الربع الامامى فمع المطبات بيسيبو من بعض مما يؤدى الى تاخر العجلة اليمين فترجع تحدف تانى رووحت لحداد عفشة قالى الحل السليم نقطع ربع الشاسيه الامامى مع الركبة و القنطرة ونجيب ربع تانى مع الركبة والقنطرة ونلحمهم مكان دول , هل ده كده احسن حل ولا فيه حل تانى ؟ولو مشيت بيها كده عشان انا بسافر فبه خطورة ولا عادى ؟

أيمن الروبي
30-03-2012, 09:01 PM
معلش يا جماعة انا لسه جايب العربية جديد وكل شويه بسأل
عايز اعرف احط زيت نوعه ايه؟

انا بحط زيت شل الجركن الاصفر بيفضل لحد 5000 كيلو اذا غيرت الفلتر كل مرة وسعره 125 بالغيار وده ممتاز وبخره شبه معدوم وبيخلي الموتور هادي وممتاز برأي اغلب الاعضاء

أيمن الروبي
30-03-2012, 09:10 PM
معلش يا جماعة انا لسه جايب العربية جديد وكل شويه بسأل
عايز اعرف احط زيت نوعه ايه؟

ياريت حضرتك تعرفنا مواصفات عربيتك ايه وجايبها بكام ومش مهم حضرتك تسأل كتير بس المهم تتفاعل مع الرابطة واي حاجة تعملها في العربية اشرحهلنا واتكلفت كام علشان الكل يستفيد

aymanhassan
30-03-2012, 09:57 PM
ماشى يا سيدى هى 2000 كداب موديل 78 كانت عامله سمكره ودوكو انا لسه جديد فى السواقة بس لما قرصت عليها اخرها 120 بس معرفش ده عيب ايه ومرضيتش اقرص اوى سحبها 10\10 وهوريكم صورها

أيمن الروبي
30-03-2012, 10:21 PM
ماشى يا سيدى هى 2000 كداب موديل 78 كانت عامله سمكره ودوكو انا لسه جديد فى السواقة بس لما قرصت عليها اخرها 120 بس معرفش ده عيب ايه ومرضيتش اقرص اوى سحبها 10\10 وهوريكم صورها

ماشي يا عم شوف الصدف
انا معايا 132 كداب 2000 خضرا زي الصورة اللي تحت اسمي وكمان اسمي ايمن
بص يقي انا اول مااشتريت العربية برده كان اخرها 130 بس انا كنت عارف عيبها كانت عاوزة طقم شنبر عملتلها طقم شنبر وغيرت بوجيهات ووش اسبراتير وسلك بوجيهات ونضفت الكربراتير وعينك متشوف الا النور 160-170 وفي اكتر بس للأسف عندي جنط بيرف مبيخلنيش اجيب اكتر من كده بس انت لسه جديد في السواقة متحاولش تعمل زيي

aymanhassan
30-03-2012, 10:27 PM
ماشي يا عم شوف الصدف
انا معايا 132 كداب 2000 خضرا زي الصورة اللي تحت اسمي وكمان اسمي ايمن
بص يقي انا اول مااشتريت العربية برده كان اخرها 130 بس انا كنت عارف عيبها كانت عاوزة طقم شنبر عملتلها طقم شنبر وغيرت بوجيهات ووش اسبراتير وسلك بوجيهات ونضفت الكربراتير وعينك متشوف الا النور 160-170 وفي اكتر بس للأسف عندي جنط بيرف مبيخلنيش اجيب اكتر من كده بس انت لسه جديد في السواقة متحاولش تعمل زيي
طيب احط زيت نوعه ايه؟

أيمن الروبي
30-03-2012, 10:30 PM
انا بحط زيت شل الجركن الاصفر بيفضل لحد 5000 كيلو اذا غيرت الفلتر كل مرة وسعره 125 بالغيار وده ممتاز وبخره شبه معدوم وبيخلي الموتور هادي وممتاز برأي اغلب الاعضاء
ادي الرد يا سيدي

cars admire
30-03-2012, 10:54 PM
برجاء من الساده الاعضاء محبى وملاك فيات 132 الاشتراك معنا وعرض موضوعاتكم وارائكم وخبراتكم لكى يستفيد كل محبى ومالكى هذه السياره من خبرات بعضنا البعض وادعو الشيخ طارق والاستاذ حازم خضر بتشجيع الرابطه والمشاركه معنا لخبرتهم الملحوظه من مشاركاتهم فى مختلف منتديات مصر موتورز
السفينه فيات 132

http://www.carsfromitaly.net/fiat/concepts/132pinin_estate.jpg

http://farm4.staticflickr.com/3139/2805546867_9d70c6d78a_z.jpg


http://farm4.staticflickr.com/3176/2806402924_6e1f3593cf_z.jpg

Fiat, A1/S Aster 132 Zagato

http://cdn-1.thejameslist.com/data/images/7101732_large2.jpg

Fiat 132 Flares (Michelotti)

http://www.carstyling.ru/resources/studio/large/1972_Michelotti_Fiat_132_Coupe_Flares_02.jpg

http://www.carstyling.ru/Static/SIMG/420_0_I_MC_jpg_W/resources/studio/large/1972_Michelotti_Fiat_132_Coupe_Flares_04.jpg?51264 107C693BF31C835BB29FD17D23A

http://static2.carsablanca.de/files/medias/filename/Fiat_132_(1981)_2799.jpg?1280331280
Fiat 2.5 Diesel Engine
http://static3.carsablanca.de/files/medias/filename/FIAT%20132%20009_5970_big.jpg?1280332488


http://www.imcdb.org/i046502.jpg
Fiat 1.7 Diesel Engine
http://t3.gstatic.com/images?q=tbn:ANd9GcR_4n31k8CecBsKXLXeVbB4ORnlyQWKD hxEnuECO7eOu9T_1NTdUsiYudCHYg

محرك مرسيدس ديزل ل 132

http://t2.gstatic.com/images?q=tbn:ANd9GcRxU0tYmRgugGidGVarZi-DawfVhT9OA5s-wRNlxaJjBGfy8UrT

http://t0.gstatic.com/images?q=tbn:ANd9GcQnYFq1JcmWWpkwEk4YYOYX_aQJg_v6t 2YJewJfCS-5i7uAbfIS

اوتوماتيك

http://liveimages.carsales.com.au/carsales/car/private/6516894.jpg

http://i32.tinypic.com/2yuwmqv.jpg

http://t3.gstatic.com/images?q=tbn:ANd9GcSddjx5yZXWI_zBF9hn6ijldJz3iVyGP bGzDnulB3XZ6DkkGlv6

http://t1.gstatic.com/images?q=tbn:ANd9GcS8qS63ZI0pu9LGleZHEWsTYa1eGH3A2-UYblpw0MoDAynPsin_TA

http://t0.gstatic.com/images?q=tbn:ANd9GcSaWb6fCQ3LafRqxQglZ2WsMmbc-lHF-Hf9-38GIY0VfmpiHuTi

http://www.michaelvincent.net/wp-content/uploads/2010/02/logoevolution32.jpg
:THE_PR~18::THE_PR~18:

Hisham.Elgazzar
31-03-2012, 01:42 AM
انا عضو جديد وعندى مشكلة العربية لسه جايبها و بتحدف جامد يمين وخصوصا لما بدوس فرامل روحت بيها للعفشجية واكتر من واحد يظبطها وترجع تانى تحدف روحت لاكتر من واحد ظيط زوايا يظبط وترجع تانى لحد ما واحد قالى ان فردة الشاسيه اليمين و الركبة والقنطرة فيهم باروما من الربع الامامى فمع المطبات بيسيبو من بعض مما يؤدى الى تاخر العجلة اليمين فترجع تحدف تانى رووحت لحداد عفشة قالى الحل السليم نقطع ربع الشاسيه الامامى مع الركبة و القنطرة ونجيب ربع تانى مع الركبة والقنطرة ونلحمهم مكان دول , هل ده كده احسن حل ولا فيه حل تانى ؟ولو مشيت بيها كده عشان انا بسافر فبه خطورة ولا عادى ؟

معلش يباشا ربنا يعوضك خير بإذن الله
لو انت عاوز الشغل الصح
تفضى حوض الموتور تماما من أى قشاية
وسمكرى يكون صاحبك أوى يرمم كل سنتى فى الحوض
والأجزاء اللى عاوزة تتقطع وتتغير ماشى بس ده لسلامتك
وبعدين خدها منى نصيحة طالما العربية بقى بتحدف بسبب موضوع الشروخ ده
يبقى عاااجلا لازم تتعمل زى الورقة اموا 100 جنية بنجيب السلوتب ونلحق نلزقها قبل ما تفسخ ومحدش يرضى ياخدها ونضطر نغيرها من البنك
وربنا يوفقك بإذن الله

hazem_khidr
31-03-2012, 02:58 AM
استاذ حازم ازي حضرتك انا عارف ان حضرتك شغوف وموسوعة معلومات بالنسبة للفيات 132 بس احب اصحح المعلومة لحضرتك ان مقاس الكاوتش الاصلي r14/185/70 ده من موقع فيات نفسه وياريت حضرتك تشرفنا بمشاركاتك في الرابطة بس انا مركب 195\70
الله يخليك يا ايمن
هو المعلومه غلط فعلا انا كنت غلطان و انا بكتبو اخر كاوتش مر كبه كان 205 :)
مش عارف ليه اخرت في الرقمين كده
يالا حكم السن بقي:funny25:
انا عضو جديد وعندى مشكلة العربية لسه جايبها و بتحدف جامد يمين وخصوصا لما بدوس فرامل روحت بيها للعفشجية واكتر من واحد يظبطها وترجع تانى تحدف روحت لاكتر من واحد ظيط زوايا يظبط وترجع تانى لحد ما واحد قالى ان فردة الشاسيه اليمين و الركبة والقنطرة فيهم باروما من الربع الامامى فمع المطبات بيسيبو من بعض مما يؤدى الى تاخر العجلة اليمين فترجع تحدف تانى رووحت لحداد عفشة قالى الحل السليم نقطع ربع الشاسيه الامامى مع الركبة و القنطرة ونجيب ربع تانى مع الركبة والقنطرة ونلحمهم مكان دول , هل ده كده احسن حل ولا فيه حل تانى ؟ولو مشيت بيها كده عشان انا بسافر فبه خطورة ولا عادى ؟
ضبط عفشه ال 132 مربوط فعلا بشكل كبير بالشاسيه
انا اول مره اسمع موضوع الربع دا
بس كنا دايما بنعمل الركبه عادي عند اي سمكري
و مره فرده الشاسيه اخدت خبطه جامده قمت عاملها برضه عادي
انما الربع دا اول مره اسمع عنه

aymanhassan
31-03-2012, 12:05 PM
الله يخليك يا ايمن
هو المعلومه غلط فعلا انا كنت غلطان و انا بكتبو اخر كاوتش مر كبه كان 205 :)
مش عارف ليه اخرت في الرقمين كده
يالا حكم السن بقي:funny25:

ضبط عفشه ال 132 مربوط فعلا بشكل كبير بالشاسيه
انا اول مره اسمع موضوع الربع دا
بس كنا دايما بنعمل الركبه عادي عند اي سمكري
و مره فرده الشاسيه اخدت خبطه جامده قمت عاملها برضه عادي
انما الربع دا اول مره اسمع عنه
طيب يعنى الحل ايه اعملها تقوية ولا اغير الفردة كلها ولا نص ولا ربع

aymanhassan
31-03-2012, 06:07 PM
انا روحت اشتريتها النهاردة و جبتها ب 60 جنيه هى عبارة عن الركبة بالأضافة للجزء الامامى للشاسيه لحد المسمار

cars admire
31-03-2012, 10:43 PM
<TABLE class=tborder border=0 cellSpacing=1 cellPadding=6 width="100%" align=center><TBODY><TR vAlign=top><TD class=alt1>محمد فيصل (http://masrmotors.com/vb/member.php?u=55574), Hisham.Elgazzar (http://masrmotors.com/vb/member.php?u=118781)

</TD></TR></TBODY></TABLE>

:Wkiss5::Wkiss5::Wkiss5::Wkiss5::Wkiss5::Wkiss5:

Hisham.Elgazzar
01-04-2012, 02:27 AM
hazem_khidr (http://www.masrmotors.com/vb/member.php?u=23)

:12EA7A~153::CONGRA~238::CONGRA~238:

أيمن الروبي
01-04-2012, 03:23 PM
تخيلو يا جماعة امبارح قعدت ادور في الوكالة علي جنوط المروحة لل 132 ملقيتش خالص غير عند 3
1-الاول عنده جنط واحد بس زكله بارومة ويعني مينغعش يركب علي عربية كارو اصلا وعاوز فيه 120ج
2-الثاني لقيت عنده 4 جنوط بس شكلهم خلع مش استيراد يعني مخلوعين من عربية هنا لأنهم مرشوشين وفيهم برده شوية بارمة ومطبقين من عند الشفف ومطلوب في الواحد 180 وبرده مينفعوش
3-التالت عند طقم خرافة فعلا استيراد وجنوط سليمة بس تنك اوي ومستفز اول لما سألته بيقولي غاليين عليك قولتله انت مالك وش كده متقولي كام واخلص قالي 250ج الواحد مينقصوش جنيه قولتلو سلام
4-روحت لبتوع تصليح الجنوط في الملك الصالح فكهم وشافهم قالي مقدرش اعملك حاجة في البارومة قالي اصلحلك الرفة اللي فيهم بس قولتلو لأ قالي ملهومش حل لازم تغيرهم
واليوم راح علي كده
كل ده بعد المقلب اللي عملو فيه الشيخ طارق :01EDE7~120:
شكلي كده هغير الجنوط دي لما ربنا يكرمني علشان مستخسر اركب جنوط حديد عادية بتاعت 1600
وسلام:WEIGHT~173:

Hisham.Elgazzar
01-04-2012, 04:06 PM
تخيلو يا جماعة امبارح قعدت ادور في الوكالة علي جنوط المروحة لل 132 ملقيتش خالص غير عند 3
1-الاول عنده جنط واحد بس زكله بارومة ويعني مينغعش يركب علي عربية كارو اصلا وعاوز فيه 120ج
2-الثاني لقيت عنده 4 جنوط بس شكلهم خلع مش استيراد يعني مخلوعين من عربية هنا لأنهم مرشوشين وفيهم برده شوية بارمة ومطبقين من عند الشفف ومطلوب في الواحد 180 وبرده مينفعوش
3-التالت عند طقم خرافة فعلا استيراد وجنوط سليمة بس تنك اوي ومستفز اول لما سألته بيقولي غاليين عليك قولتله انت مالك وش كده متقولي كام واخلص قالي 250ج الواحد مينقصوش جنيه قولتلو سلام
4-روحت لبتوع تصليح الجنوط في الملك الصالح فكهم وشافهم قالي مقدرش اعملك حاجة في البارومة قالي اصلحلك الرفة اللي فيهم بس قولتلو لأ قالي ملهومش حل لازم تغيرهم
واليوم راح علي كده
كل ده بعد المقلب اللي عملو فيه الشيخ طارق :01EDE7~120:
شكلي كده هغير الجنوط دي لما ربنا يكرمني علشان مستخسر اركب جنوط حديد عادية بتاعت 1600
وسلام:WEIGHT~173:
انت لو عاوز المروحة جديد هتلاقيه عند حسين بتاع قطع غيار الفيات اللى فى شارع دمشق هو فى شارع جانبى كده من دمشق بس قريب منه اوى
بس قبل ماتاخد الجنط وتركبه هتقوله انا هوديه أكشف عليه الاول عند بتاع الترصيص
طبعا هتقوللى إزاى جنط جديد وعاوز ترصيص
هقولك فعلا لازم ترصيص والسبب انى عندى جنط بايظ وروحت إشتريت جنط جديد نوفى من بتاع قطع الغيار والله جديد و أبيض وسليم فبريكة
بعد ماركبت عليه الكاوتش قلت للواد إرفعة على مكنة الترصيص عشان تيوبلس وهركبه قدام ، والله وقدامى وعلى عينك ياتاجر الجنط طلع مش موزون
وانت ونصيبك بس حرص ولا تخون وإدخل عليه بالحنجل والمنجل عشان تعرف تاخد الجنط بالسعر اللى انت عاوزو

cars admire
01-04-2012, 07:46 PM
aimooo (http://masrmotors.com/vb/member.php?u=110368)
:14369D~149::14369D~149::14369D~149:ROSE4UROSE4URO SE4U

أيمن الروبي
02-04-2012, 10:26 PM
انت لو عاوز المروحة جديد هتلاقيه عند حسين بتاع قطع غيار الفيات اللى فى شارع دمشق هو فى شارع جانبى كده من دمشق بس قريب منه اوى
بس قبل ماتاخد الجنط وتركبه هتقوله انا هوديه أكشف عليه الاول عند بتاع الترصيص
طبعا هتقوللى إزاى جنط جديد وعاوز ترصيص
هقولك فعلا لازم ترصيص والسبب انى عندى جنط بايظ وروحت إشتريت جنط جديد نوفى من بتاع قطع الغيار والله جديد و أبيض وسليم فبريكة
بعد ماركبت عليه الكاوتش قلت للواد إرفعة على مكنة الترصيص عشان تيوبلس وهركبه قدام ، والله وقدامى وعلى عينك ياتاجر الجنط طلع مش موزون
وانت ونصيبك بس حرص ولا تخون وإدخل عليه بالحنجل والمنجل عشان تعرف تاخد الجنط بالسعر اللى انت عاوزو
استاذ هشام شكرا علي اهتمامك وياريت لو حضرتك تديلي تفاصيل اكتر عن العنوان والجنط تقريبا هيكون في حدود كام اصل انا عبان عليا اجيب جنط غير المروحة :140109~347:

Hisham.Elgazzar
03-04-2012, 03:19 AM
ونتا نازل على روكسى بعد بنزينة شيل هتلاقى بنزينة مصر على إيدك اليمين تاخد أول شارع شمال بعد بنزينة التعاون ،وتسأل على عم حسين بتاع الفيات
و إن شاء الله هتلاقى عنده الجنط المروحة ولو مالقتش تنزل على أحمد سعيد 80% هتلاقى هناك

أيمن الروبي
03-04-2012, 10:28 AM
ونتا نازل على روكسى بعد بنزينة شيل هتلاقى بنزينة مصر على إيدك اليمين تاخد أول شارع شمال بعد بنزينة التعاون ،وتسأل على عم حسين بتاع الفيات
و إن شاء الله هتلاقى عنده الجنط المروحة ولو مالقتش تنزل على أحمد سعيد 80% هتلاقى هناك

استاذ هشام معلش تقلت عليك بس انت اكيد عاذرني علشان انت عارف قيمة الجنط المروحة ومفيش اجمل منه يركب علي 132 ممكن حضرتك تقولي علي عنوان احمد سعيد وشكرا:01FDAB~189:

أيمن الروبي
05-04-2012, 12:10 PM
انا يا جماعة كنت عاوز افصل الكراسي والكنب جلد وانج الكرسيين الاماميين اصلهم هبطانين وافصل كسوة جلد عليهم وعندي كاوتش الببان عاوز يتغير وكنت عاوز اجلد الطابلوه من غير مفكو تفتكرو اعمل كل ده فين وتقريبا بكام انا من الجيزة؟

ahmed_sadek
13-04-2012, 11:50 PM
انا عضو جديد وعندى مشكلة العربية لسه جايبها و بتحدف جامد يمين وخصوصا لما بدوس فرامل روحت بيها للعفشجية واكتر من واحد يظبطها وترجع تانى تحدف روحت لاكتر من واحد ظيط زوايا يظبط وترجع تانى لحد ما واحد قالى ان فردة الشاسيه اليمين و الركبة والقنطرة فيهم باروما من الربع الامامى فمع المطبات بيسيبو من بعض مما يؤدى الى تاخر العجلة اليمين فترجع تحدف تانى رووحت لحداد عفشة قالى الحل السليم نقطع ربع الشاسيه الامامى مع الركبة و القنطرة ونجيب ربع تانى مع الركبة والقنطرة ونلحمهم مكان دول , هل ده كده احسن حل ولا فيه حل تانى ؟ولو مشيت بيها كده عشان انا بسافر فبه خطورة ولا عادى ؟
أنا كان عندي نفس المشكلة اشتريت العربية وبعد 15 يوم اكتشفت في البنزينه إن فردتين الشاسيه الأماميتين مشروختين والسمكري غير الربع الأمامي فردتين شاسيه الفرده 95 جنيه وركبت ستارة وحامل ريداتير وبقالي 4 شهور ماشي بيها كده والحمد لله بس بخاف أجيب بيها أكتر من 120 كيلو وربنا يستر

MOTOR HEAD
14-04-2012, 01:50 AM
:12EA7A~153:
لو سمحتم كنت عايز اعرف هل ماتور 132 2000سىسى بيركب على الشاهين و لا لأ
انا عرف ان السؤال ملوش دعوة بالموضوع :w6w200504112236376d
لكن قلت استفيد من خبراتكم

hazem_khidr
14-04-2012, 02:03 AM
الموتور يركب عادي علي الشاهين

MOTOR HEAD
15-04-2012, 01:32 AM
شكرا يا استاذ حازم
سؤال اخير هل بيحصل اى تعديلات على الموتور او فى حوض العربيه الشاهين:thnkr:
و لا فك و ركب على طول

محمدصلاح القاضى
15-04-2012, 08:32 PM
:fun_36_3_11[1]:اولا مساء الخير على الجميع
انا عندى عربيه 132 2000 سى سى
بس حاله فوق الممتازه
بس للاسف حصل لى بيها حادثه جامده جداا عرفت بعدها ان العربيه دى مش ممكن افرط فيها
العربيه دى شاريها من واحده كانت شغاله مذيعه فى التلفزيون وكانت شاريها زيرو وعملت بيها 15 ألف كيلو وبعدين رفعتها لظروف الشغل مطولش عليكم انا اشتريت العربيه وكانت عامله 15 الف كيلو كانت تحفه بجد كل حاجه اصليه فيها من الالف للياء وكنت بظبط الفرامل فى يوم وكان فى بنز فرامل رابط السيرفو بتاع الفرامل بالدواسه للاسف المكانيكى مركبهوش كويس وانا طبعا من طنطا وكنت مسافر تانى يوم القاهره وطلعت كوبرى قها وزى ماحضراتكم عرفين ان الكوبرى فيه فواصل علشان التمدد فى الصيف وانا طبعا طاير بالعربيه طيران ومشغل التكيف واخر روقان لحد وانا نازل من على الكوبرى بهدى علشان الطريق مشغول وادوس فرامل وكأن مفيش اختراع اسمه فرامل وطبعا كان قدامى عربيه نقل تريلا ولكن شمالى كان فاضى دخلت شمالى واذا بى الزق فى عربيه نص نقل من ورا فجأه والله العظيم دا حصل الكبوت طلع من مكانه وزحف على المساحات وكسرهم ودخل على الازاز اللى قدام لولا ان الازاز اصلى لكان الازاز اتشرخ ودخل كله فى وشى وعينى ودا اللى عرفته بعد الحادثه ان الازاز بتاعها الاصلى كان فى طبقة بلاستيك علشان ما يشرخش طبعا انا خبطت النص نقل من ورا وانا نازل بسرعه 100 كيلو مش اقل النص نقل خاد يمينه وانا نزلت من الكوبرى طااير ووقفت بعد الكوبرى يجى ب10 كيلو بعد اما عملت غيار عكسى للفتيس والحمد لله ربنا ستر معايا على الاخر وغيرت فى الحادثه الرفرفين اللى قدام وستاره ورداتير وكبوت ولكن لحد دلوقتى حاسس ان العربيه مش مظبوطه كل شهر تاخد حاجات يجى ب 500 جنيه لحد النهارده جايب طقم بيض للعفشه ب200 جنيه بس وطبعا مفيش صناعيه خالص السوك بتاعت العربيه كلها مدمره والابواب بتزيق والفروقات مش متظبه خالص والتكيف ايديك منه والارض لدرجه انى زهقت منها خالص عاوز اعرف ايه الحل مع العربيه دى ؟ شوفولى حل من فضلكم لانى تعبت من شكلها :fun_36_3_4[1]:
علما بانها العداد بتاعها عامل 180 الف كيلو بس العربيه تحفه من جوه والموتور بحاله ممتازه لكن صاج العربيه عامل زى مايكون حديده خرده :cry2W9:

محمدصلاح القاضى
15-04-2012, 08:34 PM
ارجوكم افيدونى لان الموضوع د ا مضياقينى اووى

محمد فيصل
15-04-2012, 09:15 PM
اخى الكريم
الحمدلله على سلامتك ونجاتك من الحادث
عليك بالذهاب لسمكرى صاحب اسم وخبرة ويكون محترف
ثم بعد ذلك التكييف

أيمن الروبي
16-04-2012, 05:35 AM
عربية حضرتك محتاجه صنايعيه مش اكتر صنايعيه يفهمو انك بترجع العربية زر ماكانت مش 132 قديمة وخلاص انا برده نفس مشكلتك عربيتي مش متهانه خالص وخصوصا كل دواخلها من جوه فيها حاجة الفابريكه ولو تشوف حتي ضفيرة الكهربه ربه ازاي عندي تعرف انها مش اي عربية ولذلك اي حاجه بتحصلها بتضايقني في اني الاقي الصنايعي اللي يقدرها ويكون عاوز يرجعها كما كانت
بالنسبه لشغل البويه انا ممكن افيدك بس لو انت من الجيزه ليك عندي صنايعي محترف بس السمكري مقدرش افيدك لو تعرف تعملها سمكره زي الكتاب مقال انا اعملهالك بويه زي مالكتاب قال وهحاول ارسيلك علي سمكري تمام علشان انا عارف اكتر من سمكري وقولي لو عندك استعداد تعملها في الجيزه ولا لأ والله انا حاسس بيك واد ايه انت زعلان علي عربيتك

aymanhassan
16-04-2012, 08:37 PM
يا جماعة حد يعرف البلاستيكه السوده العريضة اللى بتبقى راكبة فى الابواب من تحت اسمها ايه وسعرها كام تقريبا ومتوفرة ولا لأ؟

محمدصلاح القاضى
16-04-2012, 11:53 PM
اولا شكرا للأخ الكريم محمد فيصل والأخ
aimooo وشكرا على سرعة ردكم
المشكله انى كل اما اروح لواحد صنايعى يعمل لى انه فنان ويعنى ايه 132 ويطلب منى فلوس اعلى من اى عربيه اخرى دا لانى معايا 132 وعاوزها على ابوها وتيجى تبص فى النهايه تلاقى _سورى فى اللفظ_ تهجيص جامد فى الشغل وتحس انك لو عملت الشغل دا بنفسك هتعمله احسن منه لذلك مش لاقى حد يظبط سمكره العربيه من الناس بتوع زمان اللى كان بيدقوا لكن كل اما اروح لواحد يقولى احنا نجيب 4 ابواب استيراد و4 رفارف وكبوت يحسسك ان العربيه معيوبه مع ان الامر كله مش محتاج اكتر من دق بالشكاكوش وتسخين مش اكتر واذا كان على البويا مفيش فيها مشكله لانها فى الاول والاخر بتوقف على شغل السمكره وبعدين احنا فى طنطا عندنا اولاد الفلاح وناس تانيه ملهاش حل فى البويه لكن المشكله فى السمكره فلو فى حد من طنطا او من الغربيه عموما ويعرف حد كويس يدلنى عليه وليه كل الشكر لانى زعلان اووووووووى على العربيه

aymanhassan
17-04-2012, 02:23 AM
انا امن اسكندرية و اعرف سمكرى كويس اوى فى طنطا وكمان رخيص لو عايز ترحلو كلمنى وانا اودك ليه عشان انا شغلى فى طنطا وده رقمى 01229492745

محمدصلاح القاضى
17-04-2012, 06:48 PM
:Wkiss5: تسلم لى يا أستاذ ايمن
واكيد هكلم حضرتك

ash_rsi
22-04-2012, 12:16 PM
صباح الخير جميعا وسعيد بانضمامى اليكم افيد واستفيد منكم

محمدصلاح القاضى
22-04-2012, 06:59 PM
:balloons71::GROWIN~12:شرفتنا يا كبييير
ان شاء الله تكون مبسوط من العربيه ومش مضايق منها ومفيش فيها مشاكل

ash_rsi
23-04-2012, 03:17 PM
:balloons71::GROWIN~12:شرفتنا يا كبييير
ان شاء الله تكون مبسوط من العربيه ومش مضايق منها ومفيش فيها مشاكل

الحمد الله انا اصلا مش عشاق الوحش ومهما شوفت منها بستحمل بس بجد اللى بقى يضايقنى وقلقنى
قله قطع الغيار الاصليه وحاسس انه هيجى يوم العربيه تقف ومش هنلاقى شئ عدل ليها

محمدصلاح القاضى
23-04-2012, 04:35 PM
الحمد الله انا اصلا مش عشاق الوحش ومهما شوفت منها بستحمل بس بجد اللى بقى يضايقنى وقلقنى
قله قطع الغيار الاصليه وحاسس انه هيجى يوم العربيه تقف ومش هنلاقى شئ عدل ليها

طول ما فى ناس بتحب العربيه ان شاء الله حاجتها هتفضل موجوده

ash_rsi
23-04-2012, 04:46 PM
ان شاء الله اتمنى والله لانها بجد من احلى العربيات واعز العربيات على نفسى

qzar
28-04-2012, 12:02 AM
السلام عليكم ورحمة الله وبركاته بداية انا بعتذر للساده اعضاء الرابطه عن عدم وجودى طيلة شهر ونصف تقريبا بالرابطه وذلك لظروف قاسيه جدا حدثت لى اتمنى ما تحصلش لاى حد !!!!!!!!!!!!!
ولكن انا عايز ابدى اندهاشى لانى لما دخلت على الرابطه فوجئت بالتفاعل الرهيب الذى حدث بين الساده الاعضاء ماكنتش اعرف ان السياره دى ليها محبين لهذه الدرجه .................................................. .......................
وارجو تعتبرونى اخ لكم واستقى معلوماتى من حضراتكم لان واضح ان معظم الساده المشاركين لديهم خبره كبيره فى هذه السياره الرائعه

أيمن الروبي
28-04-2012, 01:49 PM
وانا برده بتأسف لكل اعضاء الرابطه علشان برده حصلتلي ظروف صعبه جدا خلتني قليل التواجد في المنتدي وربنا يفك كرب كل مهموم وشكرا

أيمن الروبي
28-04-2012, 01:51 PM
http://masrmotors.com/vb/showthread.php?p=660955#post660955

انا ياجماعه كان عندي استفسار عرضته في قسم الكاوتش والجنوط وعاوز منكم تتابعو معايا لعلكم تستفيدو وشكرا

محمدصلاح القاضى
28-04-2012, 11:32 PM
شرفتوناااااااااااااااااااااااااا :140109~347:
مع بعض هنقدر نفيد بعض

mOuStaFa_ERTU
28-04-2012, 11:33 PM
السلام عليكم يا ملاك السفينة..
تحية طيبة وبعد..
انا الحمد لله ربنا اكرمنى وقدرت اخطف سفينة 2000 موديل 80
خليجى وانا الحمد لله تانى يد من الزيرو
اللون نحاسى وليا طلبين
الاول : نعمل يوم نتقابل فيه كلنا ونتجمع ونتعرف على بعض وتبقى معرفه خير ان شاء الله وتكون برضوه تبادل افكار وكل واحد يقول الجديد واكيد هانستفيد جدا جدا جدا.

التانى : عايز بقه اظبط الدنيا عندى فى الشكل الخارجى انا عربيتى نحاسى فابريكة بره جوه
واكرر بره وجوه رشه بره نظافه ومفيهاش قلم معجون
بفكر اغير اللون واعمله برتقالى فى اسود وده يبقى طابع العربية الجديد كله برتقالى فى اصفر حتى الفرش الداخلى فايه رئيكم فى اللون ده اعمله ولا اخليها زى ما هى نحاااسى ؟
وارجو النظر فى الطلب الاول للافادة وشكرا

أيمن الروبي
28-04-2012, 11:46 PM
السلام عليكم يا ملاك السفينة..
تحية طيبة وبعد..
انا الحمد لله ربنا اكرمنى وقدرت اخطف سفينة 2000 موديل 80
خليجى وانا الحمد لله تانى يد من الزيرو
اللون نحاسى وليا طلبين
الاول : نعمل يوم نتقابل فيه كلنا ونتجمع ونتعرف على بعض وتبقى معرفه خير ان شاء الله وتكون برضوه تبادل افكار وكل واحد يقول الجديد واكيد هانستفيد جدا جدا جدا.

التانى : عايز بقه اظبط الدنيا عندى فى الشكل الخارجى انا عربيتى نحاسى فابريكة بره جوه
واكرر بره وجوه رشه بره نظافه ومفيهاش قلم معجون
بفكر اغير اللون واعمله برتقالى فى اسود وده يبقى طابع العربية الجديد كله برتقالى فى اصفر حتى الفرش الداخلى فايه رئيكم فى اللون ده اعمله ولا اخليها زى ما هى نحاااسى ؟
وارجو النظر فى الطلب الاول للافادة وشكرا

اولا مبارك علي العربية وربنا يباركلك فيها وتكون وش السعد عليك
ثانيا انا مش بحبذ تغيير اللون هتحس طعم العربية اتغير جواك وكمان انت لون عربيتك جميل جدا مش محتاج تغيره
وكمان خلي بالك انت عربيتك بتقول انها فابريكا جوه وبره زي حالاتي فمتحولش تخلي صنايعيه يلعبو فيها كتير وخصوصا صنايعية الايام دي لان اللي بيفك حاجة دلوقتي مبيقدرش العربية ومبيرجعش الحاجه كما كانت انا عندي حاجات في العربية لما بخلص شغل عند اي صنايعي بقفلها بنفسي يعني مثلا افتح شنطة العربية هتلاقي تحت الرفارف ورا من جوة الشنطه مجر للضفيرة البهوات الكهربائيه لما بيخلعو الضفيرة مبيرجعوش الضفيرة في المجر تاني انا بعملها بنفسي وخلي بالك عربيتك فيها فنيات كتير مش اي صنايعي يعرف يتعامل معاها
ليه واحد صاحبي معاه 2000 كداب زيي راح يكسي السقف لقي السروجي لغاله الشماسات الاماميه والجانبيه المشهورة بيها 2000 وكداب 2000 انا لو عربيتي كنت قتلت السروجي فيها وحاجات كتير
ظبط عربيتك كماليات من غير متغير طعمها عشان تفضل حلوة في عنيك

محمدصلاح القاضى
28-04-2012, 11:59 PM
انا عندى 132 نحاسى تانى يد برضه (بصره) ههههههههههههه
ربنا يحفظها ليك وبلاش اى تغير فى جوهر العربيه لو عايز تغيير ممكن تركب كماليات عاديه
زى فاميه وشويه كلام فيليكس وديفيدى وطقم صوت وحاجات تانيه كتير وطبعا حضرتك أكيد عارفها كلها
وان شاءالله نتقابل وتكون مقابله الخير

mOuStaFa_ERTU
29-04-2012, 11:11 PM
اولا مبارك علي العربية وربنا يباركلك فيها وتكون وش السعد عليك
ثانيا انا مش بحبذ تغيير اللون هتحس طعم العربية اتغير جواك وكمان انت لون عربيتك جميل جدا مش محتاج تغيره
وكمان خلي بالك انت عربيتك بتقول انها فابريكا جوه وبره زي حالاتي فمتحولش تخلي صنايعيه يلعبو فيها كتير وخصوصا صنايعية الايام دي لان اللي بيفك حاجة دلوقتي مبيقدرش العربية ومبيرجعش الحاجه كما كانت انا عندي حاجات في العربية لما بخلص شغل عند اي صنايعي بقفلها بنفسي يعني مثلا افتح شنطة العربية هتلاقي تحت الرفارف ورا من جوة الشنطه مجر للضفيرة البهوات الكهربائيه لما بيخلعو الضفيرة مبيرجعوش الضفيرة في المجر تاني انا بعملها بنفسي وخلي بالك عربيتك فيها فنيات كتير مش اي صنايعي يعرف يتعامل معاها
ليه واحد صاحبي معاه 2000 كداب زيي راح يكسي السقف لقي السروجي لغاله الشماسات الاماميه والجانبيه المشهورة بيها 2000 وكداب 2000 انا لو عربيتي كنت قتلت السروجي فيها وحاجات كتير
ظبط عربيتك كماليات من غير متغير طعمها عشان تفضل حلوة في عنيك


شكرا لردك ومرورك انا كنت ناوى ارجعها زيرو من غير لعب اكنها لسه خارجه من المصنع
وعشان كده كمان قولت ياريت الرابطه تتجمع يوم نناقش فيه كل جديد بخصوت البارجة وبالمرة نتعرف
وبجد ياريت هيكوووووون يوم جااااااااااااااااااااااااااامد

mOuStaFa_ERTU
29-04-2012, 11:15 PM
انا عندى 132 نحاسى تانى يد برضه (بصره) ههههههههههههه
ربنا يحفظها ليك وبلاش اى تغير فى جوهر العربيه لو عايز تغيير ممكن تركب كماليات عاديه
زى فاميه وشويه كلام فيليكس وديفيدى وطقم صوت وحاجات تانيه كتير وطبعا حضرتك أكيد عارفها كلها
وان شاءالله نتقابل وتكون مقابله الخير

شكرا لمرورك
اصل بصراحة عايز حد دماغو عاليه كده عشان نخربها وانا مطمن
الواحد مش لاقى صنايعى فاهم

محمدصلاح القاضى
29-04-2012, 11:19 PM
ههههههههههههههههه
الصناعيه يا استاذ مصطفى دماغها عاليه اوووووووووووووووووووى :fun_36_1_51[1]::fun_36_1_51[1]:
قليل اما تلاقى واحد عنده ضمير فى شغله والحمد لله دا بقى شبه مش موجود
وربنا يبارك لك فى العربيه

mOuStaFa_ERTU
30-04-2012, 02:13 AM
ههههههههههههههههه
الصناعيه يا استاذ مصطفى دماغها عاليه اوووووووووووووووووووى :fun_36_1_51[1]::fun_36_1_51[1]:
قليل اما تلاقى واحد عنده ضمير فى شغله والحمد لله دا بقى شبه مش موجود
وربنا يبارك لك فى العربيه

ما المصيبه انهم فاهمين الدماغ العاليه دى غلط خالص
بس رئى حضرتك ايه فى موضوع المقابله ده ؟؟ مش هيكون جامد

أيمن الروبي
30-04-2012, 01:24 PM
الله علي التفاعل الجميل
ياريت لو تخلو المقابله يوم سبت مثلا ويا سلام لو في الجيزة
ههههههههههههههههه

محمدصلاح القاضى
30-04-2012, 08:07 PM
اه موضوع المقابله دا هيبقى جامد جداااااااااااا
وياسلام لو المقابله فى طنطا بلد الاونطه ويوم سبت كمان تبقى فله ماشى يا aimooo:ROFL_C~118::ROFL_C~118:

mOuStaFa_ERTU
01-05-2012, 01:34 AM
طيب للناس اللى مكسله تفضى يوم للسفينه
فى اقتراح تانى نعمل دليل باسماء الاعضاء وارقام تليفوناتهم وانواع السيارات لمزيد من التواصل
واحب ابدء بنفسى
1. الاسم: مصطفى العيسوى
2. الموبايل: 01123040025
3. السيارة: فيات 132 موديل 1980 2000cc

ولا هنكسل فى دى كمان :fun_36_3_16[1]:

mOuStaFa_ERTU
01-05-2012, 02:33 AM
ادعولى بقه عشان بكرة ورايا حمله صيانة للسفينة يعنى اغير الرفاس واركب شراع جديد هاهاها.. لاء بجد ان شاء الله عايز اعمل الاتى:.
1. المسمار بتاع الدينمو اللى راكب فى الموتور من تحت مقطوم وهاروح لكهربائى وخراط عشان اعمله ويارب ينفع من غير ما احل الموتور عشان الليله ماتفتحش.
2.هاروح للسبكى بتاع الريداتير عشان اسيخه او لو مش هاينفع اغيره واجيب واحد جديد.
3. انظف الكاربراتر واغير فلتر البنزين عشان العربية بقت بتشرب البنزين بطريقه جامد.
4. اغير الساعة بتاعت الزيت وفلتر الزيت وزيت المحرك.
5. التشييك على زيت الباور وزيت الفتيس والكارونه. ويارب بقه الحق اعمل كل الحاجات دى بكرة عشان مش بحب اشوفها مركونه تحت البيت وزعلانة

محمدصلاح القاضى
01-05-2012, 04:12 PM
:260309~352::260309~352::260309~352:

aymanhassan
03-05-2012, 07:01 PM
السلام عليكم
انا عندى استفسار من اهل الخبرة:w6w200504112220146b
بلاحظ ان فيه ميه بتبجى عند تانى بوجيه من ادام بتنزل من المسمار اللى جنبها كل لما انشفها بتيجى تانى
رجاء الافادة من اهل الخبرة:k_crying77[1]:

أيمن الروبي
03-05-2012, 07:50 PM
السلام عليكم
انا عندى استفسار من اهل الخبرة:w6w200504112220146b
بلاحظ ان فيه ميه بتبجى عند تانى بوجيه من ادام بتنزل من المسمار اللى جنبها كل لما انشفها بتيجى تانى
رجاء الافادة من اهل الخبرة:k_crying77[1]:

تصدق انا كمان نفس الحكايه واقول انا متهيألي واستغرب الميه دي بتيجي منين وساعات كنت افتكر ان الحته دي بتلمع عندي وانا فاكر ان فيها مياه
يا تري بتيجي منين طب انا هشوف وهقولك اوك:CHUBBY~36::w6w200504111354306b:thnkr:

محمدصلاح القاضى
03-05-2012, 08:23 PM
تصدق انا كمان نفس الحكايه واقول انا متهيألي واستغرب الميه دي بتيجي منين وساعات كنت افتكر ان الحته دي بتلمع عندي وانا فاكر ان فيها مياه
يا تري بتيجي منين طب انا هشوف وهقولك اوك:CHUBBY~36::w6w200504111354306b:thnkr:
اولا:المكان اللى بتتكلموا فيه دا وش السلندر ويتكون من الصبابات وفتحات البوجيهات و اخرى للفرن (الشكمان) و الفتحه الاخرى لفرن الكربراتير بالاضافه انا داخل وش السلندر فتحات وتجاويف يمر بها المياه من جانب الشمايز والبساتم الى وش السلندر عبر هذه الفتحات وذلك للتبريد السياره
واذا اردت التأكد من هذا انظر الى الخرطوم اللى داخل الرداتير من اعلى ستجده متصل بوش السلندر من الامام _بين بكرتين الكتاينه_
والماء الخارج من وش السلندر يرجى التأكد من اى مكان يخرج !!!!!!!؟؟؟؟؟؟؟؟؟؟؟
اذاكان من جانب احد مسامير الوش فهذا يعنى ان السياره تحتاج لجوان وش سلندر جديد وذلك لعلاج المشكله
واذا كان يخرج من منطقه اخرى فهذا يعنى وجود شرخ طفييف فى وش السلندر
ومع الوقت تتكون المياه
والسببين يؤديان الى نتيجه واحده وهى ان العربيه بتسخن والامبير بيعدى الشرطه اللى قبل ال 90 وبيدخل ساعات على ال 90 درجه
ارجو ان اكون قد افدتكم بهذا التوضيح


:CHUBBY~36:

aymanhassan
04-05-2012, 03:07 AM
شكرا جدا يا اتاذ محمدعلى اهتمامك بس انا لاحظت ان الميه بتيجى من عند البوجيه رقم 2 من ناحية الراديتير والمسمار اللى جنب الوجيه ده مع العلم ان العربية عمرها ما سخنت و دايما مابتعديش ال 70 هل فى خوف من الموضوع ده ولا ممكن امشى عادى

محمدصلاح القاضى
04-05-2012, 12:12 PM
فى حل بسيط وسهل وان شاء الله ينفع
انك تفك المسمار دا عند الميكانيكى وتجيب ورده او اتنين فبر أو جنجريت وتركبها مع المسمار وان شاء الله هتتحل المشكله طالما ان المياه بتيجى من المسمار والعربيه مش بتسخن :CHUBBY~36:
اتمنى ان اكون قد افدت حضرتك

mOuStaFa_ERTU
04-05-2012, 03:30 PM
السلام عليكم ....
المسمار اللى راكب فيه الشداد بتاع الدينامو اتقطم ...
وده طبعا بيخلى سير الدينامو مرخى وبالتالى الدينامو مش بيشحن البطارية كويس وكل يومين تفضى واروح اشحنها وتفضى واشحنها
وده طبعا موضوع فى غاية الرخامة ومش لائيله غير حلين
الاول والسهل طبعا ان الخراط يسخنه ويكه ونركب واحد غيرة
التانى والارخم ان لو لاقدر الله ومنفعش هضطر اسفا اروح لميكانيكى ويحل الموتور عشان الخراط يعرف يسخنه ويفكه بس بصراحة خايف من موضوع حل الموتور ده لاميرجعش زى الاول

فياريت تشاركونى برئيكم ولو حد يعرف خراط على درجة كبير من الاحترافيه وشكرا

أيمن الروبي
05-05-2012, 12:20 AM
اولا:المكان اللى بتتكلموا فيه دا وش السلندر ويتكون من الصبابات وفتحات البوجيهات و اخرى للفرن (الشكمان) و الفتحه الاخرى لفرن الكربراتير بالاضافه انا داخل وش السلندر فتحات وتجاويف يمر بها المياه من جانب الشمايز والبساتم الى وش السلندر عبر هذه الفتحات وذلك للتبريد السياره
واذا اردت التأكد من هذا انظر الى الخرطوم اللى داخل الرداتير من اعلى ستجده متصل بوش السلندر من الامام _بين بكرتين الكتاينه_
والماء الخارج من وش السلندر يرجى التأكد من اى مكان يخرج !!!!!!!؟؟؟؟؟؟؟؟؟؟؟
اذاكان من جانب احد مسامير الوش فهذا يعنى ان السياره تحتاج لجوان وش سلندر جديد وذلك لعلاج المشكله
واذا كان يخرج من منطقه اخرى فهذا يعنى وجود شرخ طفييف فى وش السلندر
ومع الوقت تتكون المياه
والسببين يؤديان الى نتيجه واحده وهى ان العربيه بتسخن والامبير بيعدى الشرطه اللى قبل ال 90 وبيدخل ساعات على ال 90 درجه
ارجو ان اكون قد افدتكم بهذا التوضيح


:CHUBBY~36:

شكرا لاهتمام حضرتك جدا انا هحاول قريب اكشف علي العيب علشان وقتي ضيق جدا بس للعلم والحمد لله العربيه مبتسخنش تماما الحمد لله:30p[1]:
ده انا اصلا مبسوط من العربيه علشان موضوع السخونيه انا عاوز اقول لحضرتك اني لما بسافر بيها حتي في الحر مروحه الردياتير مبدورش تماما لحد موصل وامبير الحراره بيكون في الاول خالص مبيعديش الربع

ash_rsi
05-05-2012, 12:43 AM
السلام عليكم ....
المسمار اللى راكب فيه الشداد بتاع الدينامو اتقطم ...
وده طبعا بيخلى سير الدينامو مرخى وبالتالى الدينامو مش بيشحن البطارية كويس وكل يومين تفضى واروح اشحنها وتفضى واشحنها
وده طبعا موضوع فى غاية الرخامة ومش لائيله غير حلين
الاول والسهل طبعا ان الخراط يسخنه ويكه ونركب واحد غيرة
التانى والارخم ان لو لاقدر الله ومنفعش هضطر اسفا اروح لميكانيكى ويحل الموتور عشان الخراط يعرف يسخنه ويفكه بس بصراحة خايف من موضوع حل الموتور ده لاميرجعش زى الاول

فياريت تشاركونى برئيكم ولو حد يعرف خراط على درجة كبير من الاحترافيه وشكرا
لا الاول هتفك الدينامو من مكانه وبشنيور هتخرم فى الجزء المكسور من المسمار لغايه ماتعمل مكان لمفك الانكيه وتفك وان شاء الله يخرج معاك
ده اللى انا عملته فى نفس مشكلتك

ash_rsi
05-05-2012, 12:46 AM
شكرا جدا يا اتاذ محمدعلى اهتمامك بس انا لاحظت ان الميه بتيجى من عند البوجيه رقم 2 من ناحية الراديتير والمسمار اللى جنب الوجيه ده مع العلم ان العربية عمرها ما سخنت و دايما مابتعديش ال 70 هل فى خوف من الموضوع ده ولا ممكن امشى عادى

المشكله بتاعتك على مااعتقد فى كوعه المياه اللى راكبه على وش السلندر وبيركب فيها خرطومين للرديداتير فيها جوان بينشف ولما ينشف بيسرب مياه على البويجهات
شوف واتاكد احتمال كبير يكون ده

ash_rsi
05-05-2012, 12:54 AM
جماعه عاوز اسالكم سؤال
لما بنغير الكاتينه دايما الميكانيكى بياخر ترس البنزين حوالى سنتين
حد جرب فيكم انه يظبطها على علامات المصنع وحصل ايه فى السحب والسخونيه
لو حد عملها ياريت يقولنا

أيمن الروبي
05-05-2012, 01:46 AM
اللي اعرفه ان سير الكاتينه بتاع ال 132 لازم ميكانيكي فاهم يغيره مش اي حد علشان ولا يتأخر ولا يتقدم ولا يكون مشدود انا مره ركبته عند واحد مش اي كده حسيت ان العربيه تقيله ومبتقمش بسهوله حتي لما تيجي تفرك بيها مينفعش روحت لواحد تاني وركبهولي كويس وفرقت كتير جدا وحبة معلومات علي الماشي:
1- كاتينة ال 132 1600 سي سي 144 سنه وال 132 2000 146 سنه
2- كاتينه 144 سنه اصلي ب 90 جنيه:CHUBBY~36:

أيمن الروبي
05-05-2012, 01:50 AM
انا ياجماعه بكره الصبح هغير حاجات في العفشه
1- طقم جلب امامي كامل الماني 120 جنيه
2- طقم كاوتش شداد الماني 25 جنيه
3- طقم تيش النص بولندي 160 جنيه
4- علبة شحم 10 جنيه

طقم تيش النص تركي 85 جنيه (خفت منه) - الماني 240 جنيه
هقولكو اخر الاخبار لما اركبهم

mOuStaFa_ERTU
05-05-2012, 08:58 AM
لا الاول هتفك الدينامو من مكانه وبشنيور هتخرم فى الجزء المكسور من المسمار لغايه ماتعمل مكان لمفك الانكيه وتفك وان شاء الله يخرج معاك
ده اللى انا عملته فى نفس مشكلتك

طيب ممكن اعرف حضرتك عملت الموضوع ده عند مين وانا اروحله عشان الكل اجمع على ان الموتور لالالالالازم يطلع بره
الميكانيكى والكهربائى والخراط
وشكرا لمرورك الكريم

محمدصلاح القاضى
05-05-2012, 11:16 AM
السلام عليكم ....
المسمار اللى راكب فيه الشداد بتاع الدينامو اتقطم ...
وده طبعا بيخلى سير الدينامو مرخى وبالتالى الدينامو مش بيشحن البطارية كويس وكل يومين تفضى واروح اشحنها وتفضى واشحنها
وده طبعا موضوع فى غاية الرخامة ومش لائيله غير حلين
الاول والسهل طبعا ان الخراط يسخنه ويكه ونركب واحد غيرة
التانى والارخم ان لو لاقدر الله ومنفعش هضطر اسفا اروح لميكانيكى ويحل الموتور عشان الخراط يعرف يسخنه ويفكه بس بصراحة خايف من موضوع حل الموتور ده لاميرجعش زى الاول

فياريت تشاركونى برئيكم ولو حد يعرف خراط على درجة كبير من الاحترافيه وشكرا
ان شاء الله الحل الحل بسيط وهو انك بتحاول بشانيور ببنطه صغيره انك تفور المسمار من الموتور او حل تانى ودا اذا كان المسمار مقطوم على الوش انك تجيب سمبك او زنمبه وتحاول تعمل فيه سن وتفكه بطرقه بالشاكوش لحد ما طلع شويه
وبعدين بالكلابه وتمسكه وتلفه لحد ما يطلع
ان شاء الله خير :CHUBBY~36:
اتمنى انى اكون قد افدت حضرتك بمشاركتى

aymanhassan
06-05-2012, 09:48 PM
حبيت احسب استهلاك البنزين وفوجأت بان لتر البنزين بيعمل معايا متوسط 7 كيلو ونص مش عارف ده عادى و 132 ولا استهلاك كتير ياريت كل واحد يقول استهلاكه اد ايه ولو ده استهلاك عالى اعمل ايه عشان اظبطها

ash_rsi
06-05-2012, 10:38 PM
حبيت احسب استهلاك البنزين وفوجأت بان لتر البنزين بيعمل معايا متوسط 7 كيلو ونص مش عارف ده عادى و 132 ولا استهلاك كتير ياريت كل واحد يقول استهلاكه اد ايه ولو ده استهلاك عالى اعمل ايه عشان اظبطها

انا عن نفس بطلت اقيس الاستهلاك كفايه الشوارع اللى كلها مقفوله الله يعين المواتير ويعين ركبتنا اللى باظت من الدبرياج

محمدصلاح القاضى
06-05-2012, 10:47 PM
انا عن نفس بطلت اقيس الاستهلاك كفايه الشوارع اللى كلها مقفوله الله يعين المواتير ويعين ركبتنا اللى باظت من الدبرياج :shyy::shyy:
انا عن نفسى عربيتى بتعمل 230 كيلو فى الصفحه طوالى
180/190 كيلو داخل البلد
واذا كان من ناحيه الدبرياج فانا مفيش حد ركب عربيتى الا وقال العربيه دى دبرياجها زيت مستيحل انه يكون واير من نعومه الدواسه وسحب العربيه
ان عندى العربيه لو اديتها الغيار الاول وسبت رجلى من على الدبرياج واحده واحده بتسحب وتمشى مع جربتها فى عربيات كتيير القيها تفصل
الحمد لله انا راضى عن اداء عربيتى من ناحيه الموتور والعفشه

ash_rsi
06-05-2012, 10:56 PM
انا عن نفس بطلت اقيس الاستهلاك كفايه الشوارع اللى كلها مقفوله الله يعين المواتير ويعين ركبتنا اللى باظت من الدبرياج :shyy::shyy:
انا عن نفسى عربيتى بتعمل 230 كيلو فى الصفحه طوالى
180/190 كيلو داخل البلد
واذا كان من ناحيه الدبرياج فانا مفيش حد ركب عربيتى الا وقال العربيه دى دبرياجها زيت مستيحل انه يكون واير من نعومه الدواسه وسحب العربيه
ان عندى العربيه لو اديتها الغيار الاول وسبت رجلى من على الدبرياج واحده واحده بتسحب وتمشى مع جربتها فى عربيات كتيير القيها تفصل
الحمد لله انا راضى عن اداء عربيتى من ناحيه الموتور والعفشه

ربنا يملها بركه ويحفظك ويحفظها من كل شر

aymanhassan
07-05-2012, 02:23 AM
موضوع الدبرياج ده انا عندى تقيل يس انا سألت قالولى ان ال 132 كلها كده اما بالنسبة لموضوع انك تديها الاول وتشيل رجلك من على الدبرياج واحدة واحدة تمشى ده يمكن عشان انت معلى البنزين انما لو وطيت البنزين من المسمار بتاعه مش هتعمل كده انا قصدى ان استهلاك البنزين عالى اوى ايه السبب ؟
هل الاسطوانة بتأثر على استهلاك الوقود وعلى سحب العربية عشان الميكانيكى قالى ان الاسطوانة عندى مش قد كدة ده على كلامه

aymanhassan
07-05-2012, 02:29 AM
استاذ محمد انا كنت عايز اسألك عن موضوع العفشة ايه رايك فى المساعدين الاستعمال اللى هما ب50 جنيه دول افضل ولا اجيب جديد احسن ؟ ولو جديد اجيب ايه ؟ وبكام؟
وبرده السوسته جديد ولا استعمال من اللى ب 50؟
عشان عايز اظبط العفشة عندى من ورا من بعد الحادثة والعربية ملخبطة اوى ومع كل مطب حتى لو خفيف بسمع صوت هبد جامد اوى من ناحية اليمين مش عارف من ايه؟
انا فى الاول كنت مفكر الشاكمان عشان اتكسر فى الحادثة بس طلع مش منه؟؟؟؟؟؟؟؟؟؟؟؟؟؟؟؟؟؟؟؟؟؟؟

ash_rsi
07-05-2012, 01:10 PM
موضوع الدبرياج ده انا عندى تقيل يس انا سألت قالولى ان ال 132 كلها كده اما بالنسبة لموضوع انك تديها الاول وتشيل رجلك من على الدبرياج واحدة واحدة تمشى ده يمكن عشان انت معلى البنزين انما لو وطيت البنزين من المسمار بتاعه مش هتعمل كده انا قصدى ان استهلاك البنزين عالى اوى ايه السبب ؟
هل الاسطوانة بتأثر على استهلاك الوقود وعلى سحب العربية عشان الميكانيكى قالى ان الاسطوانة عندى مش قد كدة ده على كلامه

على فكره تقل الدبرياج من الديسك مش من السلك و اصلا كل الانواع اللى فى السوق زباله
اكيد ضعف الاسطوانه بياثر تأثير مباشر على اداء السياره وعلى استهلاكها لانك بتزود الحمل على الموتور والافضل انك تغيرها فى اقرب وقت والله يعينك لانى عارف فك الموتور ولا الفيس قرف مابعده قرف

aymanhassan
07-05-2012, 01:50 PM
ايه يا جماعة محدش رد على موضوع العفشة ولا موضوع استهلاك البنزين؟؟؟؟؟؟؟؟؟؟؟؟؟؟؟:w6w200504112236376d

أيمن الروبي
07-05-2012, 01:58 PM
استاذ محمد انا كنت عايز اسألك عن موضوع العفشة ايه رايك فى المساعدين الاستعمال اللى هما ب50 جنيه دول افضل ولا اجيب جديد احسن ؟ ولو جديد اجيب ايه ؟ وبكام؟
وبرده السوسته جديد ولا استعمال من اللى ب 50؟
عشان عايز اظبط العفشة عندى من ورا من بعد الحادثة والعربية ملخبطة اوى ومع كل مطب حتى لو خفيف بسمع صوت هبد جامد اوى من ناحية اليمين مش عارف من ايه؟
انا فى الاول كنت مفكر الشاكمان عشان اتكسر فى الحادثة بس طلع مش منه؟؟؟؟؟؟؟؟؟؟؟؟؟؟؟؟؟؟؟؟؟؟؟

بص حضرتك العفشه يفضل انها تكون جديده بس طبعا الميزانيه بتحكم وكمان عفشة ال 132 الاصليه غاليه اصل انا مقروص منها اوي بس بتستريح بعد كده
انا مركب عندي العفشة نصها الماني ونصها بولندي علشان مزيج من الاسعار
يعني انا مغير طقم البيض والبارات بولندي من كام شهر بس والله مش فاكر الاسعار بس العمليه دخلت في 750 جنيه ولسه من يومين مغير جلب المقصات كلها اماي 3يسمين و3 شمال الطقم جبته الماني ب 120 جنيه وجبت طقم تيش النص بولندي 170 جنيه والالماني 250 جنيه بس العفشه البولندي محترمه متخافش منها وسعرها معقول انما التركي والصيني لأ
اما بالنسبه للمساعدين مقدرش افيدك لأن بتوعي سلام ملعبتش فيهم بس لو الميزانيه كتير عليك خلي حد له معرفه للناس بتوع الاستيراد وهاتهوم استيراد وبقولك معرفه ليه علشان في ناس بتبيع الخلع والتوضيب علي انهم استيراد خلي بالك

محمدصلاح القاضى
07-05-2012, 05:03 PM
بص حضرتك العفشه يفضل انها تكون جديده بس طبعا الميزانيه بتحكم وكمان عفشة ال 132 الاصليه غاليه اصل انا مقروص منها اوي بس بتستريح بعد كده
انا مركب عندي العفشة نصها الماني ونصها بولندي علشان مزيج من الاسعار
يعني انا مغير طقم البيض والبارات بولندي من كام شهر بس والله مش فاكر الاسعار بس العمليه دخلت في 750 جنيه ولسه من يومين مغير جلب المقصات كلها اماي 3يسمين و3 شمال الطقم جبته الماني ب 120 جنيه وجبت طقم تيش النص بولندي 170 جنيه والالماني 250 جنيه بس العفشه البولندي محترمه متخافش منها وسعرها معقول انما التركي والصيني لأ
اما بالنسبه للمساعدين مقدرش افيدك لأن بتوعي سلام ملعبتش فيهم بس لو الميزانيه كتير عليك خلي حد له معرفه للناس بتوع الاستيراد وهاتهوم استيراد وبقولك معرفه ليه علشان في ناس بتبيع الخلع والتوضيب علي انهم استيراد خلي بالك
كلامك مظبوووووووووووط
ولو عاوز تجيب مساعدين هات مرنو حاجه نضيفه وتستحمل النقر والمطبات اللى عندنا
كمان انصحك بتغيير البيض الامامى بتاع المقصات وهاته تركى فى كرتونه حمرا
وهو عموما كويس معايا ومركبه يجى من 3 شهور واتأكد من التيش والبيض بتاعه وتتأكد من جلب المقصات
معلش الميزانيه هتخرم معاك لكن النضافه حلوه:010104~171:
وياريت ما تشتريش اى حاجه استعمال لانه مخلوع ومش استيراد ويمكن كمان معمول فيه شغل FLASHCar

aymanhassan
08-05-2012, 01:27 PM
اشكركم جدا على اهتمامكم انشاء الله الامور تتحسن شوية وهشترى مساعدين وسوست خلفية ولو فى حاجة تانية فى ورا محتاجة تتغير هغيرها وبعديها لما ربنال يكرم هخش على ادام بس ورا الاول عشان بايظة خالص عندى ورا
حد يعرف المساعد المرنو ده يعمله كام وصناعته ايه؟

محمدصلاح القاضى
09-05-2012, 08:22 PM
يعمل فى حدود 550 جنيه الاتنين الكلام دا من فتره
والله اعلم

أيمن الروبي
10-05-2012, 05:10 PM
لوقتي يا جماعه عاوزين نتكلم في المشاكل اللي بتحص للعربيه فجأه وكيفيه حلها لو مؤقتا لحد منوصل للميكانيكي يعني مثلا
1-انا من كام شهر كده طقم السيرفو باظ وانا ماشي وبالتالي راحت العربيه محجره في ساعتها كأنك دايس فرامل يعني طيب العربيه مش عاوزه تمشي ولو اصريت انها تمشي كده هخلي الموتور يفوت مني نعمل ايه بقي
الحل: انك هتهوي المسمارين ال 13 بتوع الماستر بتاع السيرفو (مكان ربط السيرفو بالماستر ) لحد متوصل للميكانيكي ويغيرلك طقم السيرفو

أيمن الروبي
10-05-2012, 05:32 PM
الواحد يعمل ايه في الحر ده يا جماعه انا عمال من الصبح كنت بلف في وسط البلد في الزحمه والشمس لحد ماستويت وانا جوه العربيه الواحد نفسه يركب تكييف بس لما نخلص مشروع التجنيط وتغيير الكاوتش وبعد كده ربنا يكرم من عنده

أيمن الروبي
10-05-2012, 05:34 PM
استاذ محمد ايه اخبار التكييف بتاع ال 132 بتاعت حضرتك حابب اعرف تفاصيل عن تركيب التكييف

محمدصلاح القاضى
10-05-2012, 09:44 PM
استاذ محمد ايه اخبار التكييف بتاع ال 132 بتاعت حضرتك حابب اعرف تفاصيل عن تركيب التكييف
الحمد لله النتيجه مرضيه جدااااا
لكنها كانت افضل من الان قبل تغيير الكمبورسر بتاع العربيه بسبب غباء واحد صناعيى وواحد تانى ضرب لى ساعة الكمبورسر الجديد انا اتهريت غلط من الصناعيه بتوع الفهلوه
لكن الحمد لله التكييف كويس جداا لحد الصيف اللى فات بس لسه ماشحنتش دلوقتى لسببين انىغيرت الكمبورسر بتاعها وركبت واحد يابانى ب 250 والكمبورسر بتاعها كان بيقولوا عليه انه ما ينزلش الا فى عربيتين بس هى المرسيدس 80 المكنه البيضا والفيات 132 ال 2000 سى سى ولكن واحد عمل فيها ابو الرجاله وحب يشحن التكييف لكن الحمد لله بوظه لكن بامانه بتاعها كان تكييف تكييف كنت تمسك المفاتيح تلاقيها تلج من البروده وياسلام لو جاى فى عز الحر تلاقى الازاز اللى قدام شبر من تحت من عز البروده لكن الله يسامحه اللى بوظه
و قمت مركب واحد يابانى جديد ب 250 جنيه
وكان كويس لحد مازودت الفريون فى مره وواحد زوده هواء مش فريون لحد ماساعة الفريون ضربت من كتر الضغط بتاع الهواء
وغيرتها ب 70 جنيه مرتين يعنى 140 جنيه
وشحنته مرتين المره ب 90 جنيه يعنى حرام دا ولا حلال
بس فى سؤال الى الخبراء
العربيه بتاعتنا فيها فلتر تكييف؟؟ ولا لا وبعدين
فين مكان التلاجه اللى جوه وازاى افكها ؟؟؟
عشان مش عاوز اشحن التكييف دلوقتى غير لما انضفها كويس لكن التكييف اذا كان مظبوط ومع عزل كويس هتحس انك راكب عربيه ممتازه

محمدصلاح القاضى
10-05-2012, 09:50 PM
ومن ناحيه السحب لاتوجود مشكله فى السحب مع تشغليه وبعدين عربيتى كان نازل فيها جهاز مع التكييف بس كان ملغى شغلته الصيف اللى فات ووظيفته انه بيعلى الموتور اول ماتشغل التكييف علشان العربيه ماتفصلش منك فى الزحمه او وانت بتعدى مطب واول ماتفصل التكييف تهدى العربيه تانى

mOuStaFa_ERTU
10-05-2012, 11:33 PM
ومن ناحيه السحب لاتوجود مشكله فى السحب مع تشغليه وبعدين عربيتى كان نازل فيها جهاز مع التكييف بس كان ملغى شغلته الصيف اللى فات ووظيفته انه بيعلى الموتور اول ماتشغل التكييف علشان العربيه ماتفصلش منك فى الزحمه او وانت بتعدى مطب واول ماتفصل التكييف تهدى العربيه تانى

استاذ محمد انا عربيتى التكييف بتاعها موجود بس مش عارف ايه اللى مش شغال بالظبط ورحت لواحد بتاع تكييفات وقالى برضوه هركب كمبروسر يابانى بس انا قلقت من الراجل بصراحة فممكن تبعتلى رقم حضرتك لمزيد من التواصل عشان فى حاجات عايز اسأل حضرتك فيها
او ممكن بس ترن عليا 01114448808
وشكرا لتعاونك

محمدصلاح القاضى
11-05-2012, 09:31 PM
استاذ محمد انا عربيتى التكييف بتاعها موجود بس مش عارف ايه اللى مش شغال بالظبط ورحت لواحد بتاع تكييفات وقالى برضوه هركب كمبروسر يابانى بس انا قلقت من الراجل بصراحة فممكن تبعتلى رقم حضرتك لمزيد من التواصل عشان فى حاجات عايز اسأل حضرتك فيها
او ممكن بس ترن عليا 01114448808
وشكرا لتعاونك
لا شكر على واجب
انتظر منى مكالمه بكرا بليل
لان موبايلى فى الصيانه وهجيبه بكرا
رقمى فودافون اخره 910

mOuStaFa_ERTU
12-05-2012, 05:01 PM
لا شكر على واجب
انتظر منى مكالمه بكرا بليل
لان موبايلى فى الصيانه وهجيبه بكرا
رقمى فودافون اخره 910

شكرا جزيلا لحضرتك ومستنى مكالمتك

محمدصلاح القاضى
12-05-2012, 10:43 PM
اعذرنى مره اخرى لعدم مقدرتى على مكالمة حضرتك لان الموبايل حالته مدهوره بعد ماوقع فى الميه

mOuStaFa_ERTU
12-05-2012, 10:55 PM
اعذرنى مره اخرى لعدم مقدرتى على مكالمة حضرتك لان الموبايل حالته مدهوره بعد ماوقع فى الميه

1000 سلامه على الموبايل ومستنى تليفونك فى اى وقت ويارب يقوم بالسلامه
:CONGRA~238:

mOuStaFa_ERTU
12-05-2012, 11:01 PM
اعذرنى مره اخرى لعدم مقدرتى على مكالمة حضرتك لان الموبايل حالته مدهوره بعد ماوقع فى الميه

يا استاذ محمد شكرا على ذوقك
وانا مستنى مكالمتك فى اى وقت حتى لو فجرا نظرا لاهمية الموضوع
والف سلامه على الموبايل

محمدصلاح القاضى
13-05-2012, 01:32 AM
يا استاذ محمد شكرا على ذوقك
وانا مستنى مكالمتك فى اى وقت حتى لو فجرا نظرا لاهمية الموضوع
والف سلامه على الموبايل

شكرا على ذوق حضرتك
وبعدين حضرتك منين ؟؟؟؟

أيمن الروبي
13-05-2012, 11:40 AM
ايه اخبار اعضاء الرابطه
يارب تكونو بخير كلكم
انا امبارح عملت حملة صيانه لفرامل العربيه ورا و قدام
المشتريات
طقم تيل امامي ايطالي 30ج نضيف جدا
عدد 2 ماستر ايطالي خلفي الواحد 30 جنيه
ملي تيل الفرامل الخلفي 70جنيه (كان في جديد تركي ب70 جنيه وايطالي 95 جنيه) بس انا فضلت املاهم
طقم سوست لطنابير خلفيه تركي 17جنيه
مصنعية ميكانيكي 60 جنيه
النتيجه الفرامل والحمد لله رجعت زيرو تاني حاجه كده بسم الله ماشاء الله
عقبالكو كلكو:joy23:

Hisham.Elgazzar
13-05-2012, 02:27 PM
ايه اخبار اعضاء الرابطه
يارب تكونو بخير كلكم
انا امبارح عملت حملة صيانه لفرامل العربيه ورا و قدام
المشتريات
طقم تيل امامي ايطالي 30ج نضيف جدا
عدد 2 ماستر ايطالي خلفي الواحد 30 جنيه
ملي تيل الفرامل الخلفي 70جنيه (كان في جديد تركي ب70 جنيه وايطالي 95 جنيه) بس انا فضلت املاهم
طقم سوست لطنابير خلفيه تركي 17جنيه
مصنعية ميكانيكي 60 جنيه
النتيجه الفرامل والحمد لله رجعت زيرو تاني حاجه كده بسم الله ماشاء الله
عقبالكو كلكو
1000 مبروك عمرة الفرامل الجميلة دى:fun_36_3_16[1]:
انا كمان بحب ملئ التيل عشان بشوف الخامة اللى بتتركب على التيل من الأول
سوست الطنابير دى مهمه اوى عشان ترجع التيل مكانة وميسخنش العجل لأن كلنا بنفك ومش بنغيرها وطبعا نرجع نشتكى بعد تغيير التيل أو اللعب فى منطقة النافورة ان العجل بيقفش :shwt:
بما انك غيرت الخزن اللى ورا ممكن كمان تغير أساتك الماستر الأمامى
وتكشف على الماستر العمومى ، وعمل غسيل لدورة الزيت فى المواسير
أخبار مكنة الضفدعة اللى بتبقى راكبة على الديفرنسل من فوق
ناس بتلغيها عشان الأربعة عجلات تقفش سوا ويتركب بدالها مشترك
عملتها فى عربيتى من زمان وماشاء الله بقت زى الفل

يلا بقى شد حيلك وعقبال الجنوط

سألت عليهم الأسبوع ده لما نزلت الحى السادس
التايوانى ب 1500 جديييد مش إستيراد أو خلع متصلح وبيتباع جديد
والصينى 1100 بس ماتركبوش حتى لو ببلاش خسارة فيه الفلوس
وماتنساش تجيب المسامير من برا عشان بيتباعوا مش بينزلوا مع الجنط

ash_rsi
13-05-2012, 02:54 PM
مبروك وربنا يملاها لك بركه وخير ان شاء الله
ماستر الضفدعه مهم جدا لانه بيتحكم فى ثبات العربيه فى المطبات الكبيره بس للاسف كل اللى فى السوق مضروب ولما بيركب مشكلته انه بيهرب زيت وبالتالى بتضعف الفرامل اللى ورا
الجنوط فى منها الاندونيسى جميل جدا اجدع من التايوانى بس فيه عند بتوع المستعمل انواع اصلى مفكوكين من عربيات استيراد والاسعار بتبدا من 800 جنيه وكل ماتنضف حالته بيبقى اغلى اكيد

أيمن الروبي
13-05-2012, 02:54 PM
1000 مبروك عمرة الفرامل الجميلة دى:fun_36_3_16[1]:
انا كمان بحب ملئ التيل عشان بشوف الخامة اللى بتتركب على التيل من الأول
سوست الطنابير دى مهمه اوى عشان ترجع التيل مكانة وميسخنش العجل لأن كلنا بنفك ومش بنغيرها وطبعا نرجع نشتكى بعد تغيير التيل أو اللعب فى منطقة النافورة ان العجل بيقفش :shwt:
بما انك غيرت الخزن اللى ورا ممكن كمان تغير أساتك الماستر الأمامى
وتكشف على الماستر العمومى ، وعمل غسيل لدورة الزيت فى المواسير
أخبار مكنة الضفدعة اللى بتبقى راكبة على الديفرنسل من فوق
ناس بتلغيها عشان الأربعة عجلات تقفش سوا ويتركب بدالها مشترك
عملتها فى عربيتى من زمان وماشاء الله بقت زى الفل

يلا بقى شد حيلك وعقبال الجنوط

سألت عليهم الأسبوع ده لما نزلت الحى السادس
التايوانى ب 1500
والصينى 1100 بس ماتركبوش حتى لو ببلاش خسارة فيه الفلوس
وماتنساش تجيب المسامير من برا عشان بيتباعوا مش بينزلوا مع الجنط

الجنوط ان شاء الله الاسبوع اللي جاي هبقي اكلم حضرتك والفرامل انا مبسوط بيها اوي اصلي بقالي مده ماشي من غير فرامل
وربنا يخف مصاريفها بقي عني احسن انا استويت
عاف حضرتك يا استاذ هشام العربيه كلها فابريكا الاسبوع اللي فات وانا بغير جلب المقصات الامامي لقيتها بتاعت الفابريكا متغيرتش من ساعتها وامبارح المساتر الخليفة اللي غيرتها بتاعت الفابريكا
علشان كده مرتاح للعربيه اوي ومبسوط منها
امبارح كشف علي عمود الكردان لقيت كرسي النص عاوز يتغير بالبليه علشان البليه بتون والكاوتشه مقطوعه وفي صليبه بايظه من الصليبتين هغيرهم كمان كام يوم كده ان شاء الله

ash_rsi
13-05-2012, 02:56 PM
صحيح ياجماعه
عاملين ايه مع خرطوم الباور اللى عندى شقق وغيرته بواحد مصرى عموله بيجيب زيت من عند الكوليهات
ونفسى فى واحد اصلى بس طبعا استحاله
ياترى حد غيره منكم

Hisham.Elgazzar
13-05-2012, 03:12 PM
صحيح ياجماعه
عاملين ايه مع خرطوم الباور اللى عندى شقق وغيرته بواحد مصرى عموله بيجيب زيت من عند الكوليهات
ونفسى فى واحد اصلى بس طبعا استحاله
ياترى حد غيره منكم

ممكن تعمله عند واحد كويس ويكبسه مظبوط وأهم حاجة الخامة
نوع جود يير أمريكى كويس

محمدصلاح القاضى
13-05-2012, 07:04 PM
مبروووك على شوي النضافه دول
والضفدعه كانت باظت عندى من يجى 6 شهور ومشكلتى انى بحب اجرى بالعربيه فى طرق مش مستويه
واما باظت شيلتها وعملت مشترك بس حسيت وانا بجرى بالعربيه حسيت ان فى حاجه مش مظبوطه ورا ودا اللى عرفته انها مفيده فى المطبات الهواء والطرق الغير مستويه واما ركبتها رجعت العربيه تانى لحالتها وورجعت اطير بالعربيه تانى

mOuStaFa_ERTU
14-05-2012, 02:52 AM
شكرا على ذوق حضرتك
وبعدين حضرتك منين ؟؟؟؟

لا شكر على واجب
وانا من عرب جسر السويس
عين شمس الشرقيه

Hisham.Elgazzar
14-05-2012, 05:56 PM
لا شكر على واجب
وانا من عرب جسر السويس
عين شمس الشرقيه
ده إحنا جيران بقى وانا معرفش :funny25:
مبروووك على شوي النضافه دول
والضفدعه كانت باظت عندى من يجى 6 شهور ومشكلتى انى بحب اجرى بالعربيه فى طرق مش مستويه
واما باظت شيلتها وعملت مشترك بس حسيت وانا بجرى بالعربيه حسيت ان فى حاجه مش مظبوطه ورا ودا اللى عرفته انها مفيده فى المطبات الهواء والطرق الغير مستويه واما ركبتها رجعت العربيه تانى لحالتها وورجعت اطير بالعربيه تانى
مكنة الضفدعة بتخلى المساتر الخلفية تفتح بعد دوسة فرامل معينة
يعنى التحميل بيبقى على العجلات الامامية وبعد كده لو ضغطت أقوى على الفرامل تقفش الأربع عجلات وفى معظم العربيات بتقدم وبترشح زيت عشان كده بتتلغى وبيركب بدالها مشترك
بس انا مشعارف اه فايدتها فى مطبات الهواء

mOuStaFa_ERTU
15-05-2012, 02:35 AM
[QUOTE=Hisham.Elgazzar;670738] ده إحنا جيران بقى وانا معرفش :funny25:
بجد والله يا فرج الله طيب ده كلام جميل
خلاص نتكلم ونتقابل بقه

وايه اخبار الموبايل ؟؟
خرج من العنايه المركزه ولا لسه :fun_36_3_11[1]:

محمدصلاح القاضى
17-05-2012, 12:45 AM
ان بكرا هشترى موبايل جديد واول مكالمه هتبقى لحضرتك
اما بالنسبه للضفدعه يا هشام باشا
حضرتك بتشوف افلام امريكانى ومش هقولك شوفت تياتنك ولا حاجه ههههه
اكيد شوفت مثلا عربيات دودج وفورد طايره من على الارض وهنا بقى بتظهر فايدة الضفدعه انها راكبه على الدفرنسيل بسلك صلب اول ما الدفرنسيل ياخد مطب هوا او المساعدين اللى وار ياكلوا مطب الدفرنسيل طبعا بنضغط عليه من المساعدين وجسم العربيه وبالتالى الضفدعه بتشتغل ووظيفتها هنا انها بتقلل سرعه العجل اللى ورا او بمعنى اصح بتهى العربيه من غير ماتدوس انت فرامل
والضفدعه موجوده فى كل العربيات الجديده

mOuStaFa_ERTU
18-05-2012, 03:17 AM
النهارده الصبح رحت اسيخ الريداتير عشان العربية بتسخن
اتارى العربية جايبه جوان وش سليندر
رحت للميكانيكى وحليت وش السليندر وغيرت الجوان وجوان الشكمان والحمد لله بقت فل ومطلعش من الريداتير
اسعار الحاجات للعلم فقط
2 جوان سليندر 34ج كان فيه نوع ارخص بس مش محمل زى ده
2 جوان شكمان 6ج نوع نظيف وبرضه كان فيه ارخص بس مش كويس
1 انبوبه سيلكون حرارى 10ج
1 لحام حديد امريكى 10ج
1 فلتر بنزين 5ج
1 ماكينه ريت 10ج

الميكانيكى خد 100ج مصنعية
والخراط خد 50ج

بعد صلاة الجمعه ان شاء الله هاروح لاحمد محرم اشترى قميص الشاهين بالمروحه القطش
واشترى مروحة تانية احطها على الاكس بتاع الكاتينه وانسى السخونية بقه
والحمد لله على كده م100 فل و 14

أيمن الروبي
18-05-2012, 03:02 PM
ازي اعضاء الرابطه الكرام يارب تكونو بخير
انا بتأسف علي عدم المشاركة الاسبوع اللي فات بسبب انشغالي في العمل
واحب ابعت سلامي ليكو كلكم
اخر اخبار سفينتي بقي
انا كنت حكتلكو عملت ايه في الفرامل الاسبوع اللي اللي فات
بعد ماعملتها ركنت العربية اربع ايام للسفر ولما رجعت روحت بيها كام مشوار لاحظت في صوت التيل الامامي للعجلتين عالي صوت حكه مع الطنابير يعني بس الفرامل مش محجره ولاقفشه بس الجنوط بتسخن اوي مولعه نار مع العلم العربيه مش قفشه يعني طلعت بيها علي المحور بليل من اكتوبر وجبت بيها 160 لحد موصلت المهندسين بس طبعا الجنوط مولعه
تفتكرو من ده من ايه
انا هاروح للميكانيكي بكره ان شاء الله واشوف في ايه بس اللي مجنني ان العربيه مش قفشه ولا محجره:sd: سلام

محمدصلاح القاضى
18-05-2012, 03:12 PM
دا قرص من التيل على الديسكات جايز انه يكون لسه مطبعش مع الديسكات
وجايز يكون فى مشكله فى البستم بتاع الفرامل ان اما تدوس فرامل بيطلع من مكانه ولكن فى رجوعه مش بيرجع كامل لمكانه وانت مابتحسش بمشكله فى السحب لان العربيه عندك شكلها والحمد لله الموتور بتاعها كويس جدا

rro2aa
18-05-2012, 04:54 PM
انا معايا 132(2000) العربية فوق الفابريقة بس عندى مشكلتين فى بعض الاحيان بحس ان الباور فى اللفة بتاعته تقيل شوية بالرغم من ان مغير مساعدين وظابط عفشة تمام ومرصص وعلى فكرة مركب جنوط اسبور . ثانيا بحس ان العربية بتعوم من ورا .. ارجو الافادة ضرورى والمعلومة علما بان العربية موديل 77 وشكرا

محمدصلاح القاضى
18-05-2012, 05:10 PM
اولا ربنا يحفظها لك
ثانيا احب اعرف مقاس الكاوتش اللى عندك
ثالثا حكاية بنعوم من ورا جديده اول مره اسمعها
ياريت توضح المشاكل بالظبط
عشان نقدر نساعد حضرتك

hazem_khidr
18-05-2012, 05:55 PM
لو بتعوم من ورا هتلاقي احدي الشدادات الخلفيه مكسوره

أيمن الروبي
18-05-2012, 05:58 PM
لو بتعوم من ورا هتلاقي احدي الشدادات الخلفيه مكسوره

فينك استاذ حازم وحشتنا بمشاركاتك

hazem_khidr
18-05-2012, 06:00 PM
موجود يا باشا معذره اني مش بشارك كتير لظروف خارجه عن ارادتي
لكن متابع جيد للرابطه
و اي سؤال انا تحت امركم انا حافظ العربيه دي بالمسمار

أيمن الروبي
18-05-2012, 06:05 PM
موجود يا باشا معذره اني مش بشارك كتير لظروف خارجه عن ارادتي
لكن متابع جيد للرابطه
و اي سؤال انا تحت امركم انا حافظ العربيه دي بالمسمار
ياريت حضرتك ترد عليا في المشكله دي
نا كنت حكتلكو عملت ايه في الفرامل الاسبوع اللي اللي فات
بعد ماعملتها ركنت العربية اربع ايام للسفر ولما رجعت روحت بيها كام مشوار لاحظت في صوت التيل الامامي للعجلتين عالي صوت حكه مع الطنابير يعني بس الفرامل مش محجره ولاقفشه بس الجنوط بتسخن اوي مولعه نار مع العلم العربيه مش قفشه يعني طلعت بيها علي المحور بليل من اكتوبر وجبت بيها 160 لحد موصلت المهندسين بس طبعا الجنوط مولعه
تفتكرو من ده من ايه
انا هاروح للميكانيكي بكره ان شاء الله واشوف في ايه بس اللي مجنني ان العربيه مش قفشه ولا محجره سلام

mOuStaFa_ERTU
19-05-2012, 03:02 AM
استكمال لمسلسل السخونه
رحت النهارده لمحمد السبكى اكبر موزع للريداتيرات عشان يسيخ الريداتير وينظفه بس للاسف بعد ما اتفك طلع ماينفعش بتعريفه
المهم سالته عن الجديد قالى فيه ب 375 وفى ب 425 والفرق ان ابو 425 ده خليجى يعنى اكبر ومخصص لل 2000 عشان التكييف
المهم اشتريته ورحت لاحمد محرم بتاع قطع غيار الفيات واشتريت مروحة الشاهين ( القطش ) بالقميص بتاعها
المروحه الاصليه اشتريتها ب 235 و 45 القميص واشتريت مروحة 8 ريشه عشان اركبها على اكس الكاتينه عشان مستهلكش مروحة الشاهين
وخدت بعضى ورحت للسبكى وركب القميص بالمروحة ترموستات 82 - 68 والحمد لله بقت فل ومحتاجتش اركب المروحة ال 8 ريشه
وان شاء الله يوم الاتنين هاروحله تانى عشان يغير المياه ب مياه خضراء هو محطهاش من الاول عشان نجرب الريداتير بالمياه العادية عشان لو فيه حاجه لاقدر الله ابقى ماخسرتش
ويوم الاتنين برضه هغير فلتر الزيت وزيت المحرك عشان الزيت القديم ينزل بالرايش بتاع وش السليندر
وكده ابقى عالجت موضوع السخونه نهائيا باذن الله
اجمالى المشتريات
235ج مروحة قطش
45ج قميص المروحة
14ج مروحة 8 ريشه يوغسلافى والتركى ب9ج
425ج ريداتير خليجى
12ج غطاء ريداتير
10ج مصنعية الكهربائى اللى وصل المروحة
10ج اكراميه للصنايعى بتاع الريداتير
20ج مصنعية فك وتركيب الريداتير
وحسب القديم ب50ج
ارجو اكون قدرت افيد اى حد مقدم على العمليه دى والله ولى التوفيق
اخوكم
مصطفى العيسوى
SLAM

mOuStaFa_ERTU
19-05-2012, 03:05 AM
استاذ محمد صلاح شكلك نسيتنى :sd:
عموما يارب يكون خير
عايز اقابلك عشان نشوف موضوع التكييف ده وخصوصا ان احنا جيران

hazem_khidr
19-05-2012, 03:37 AM
ياريت حضرتك ترد عليا في المشكله دي
نا كنت حكتلكو عملت ايه في الفرامل الاسبوع اللي اللي فات
بعد ماعملتها ركنت العربية اربع ايام للسفر ولما رجعت روحت بيها كام مشوار لاحظت في صوت التيل الامامي للعجلتين عالي صوت حكه مع الطنابير يعني بس الفرامل مش محجره ولاقفشه بس الجنوط بتسخن اوي مولعه نار مع العلم العربيه مش قفشه يعني طلعت بيها علي المحور بليل من اكتوبر وجبت بيها 160 لحد موصلت المهندسين بس طبعا الجنوط مولعه
تفتكرو من ده من ايه
انا هاروح للميكانيكي بكره ان شاء الله واشوف في ايه بس اللي مجنني ان العربيه مش قفشه ولا محجره سلام
بص علي الجنوط كلها لو كلها نفس الحراره يبقي دا طبيعي
لو اللي قدام سخن عن اللي ورا او اليمين اكتر من الشمال يبقي الفرامل قافشه
استحاله الجنط يسخن للدرجه دي الا لما تكون الفرامل قافشه
خليه يفك خزن الفرامل و يزيت ماستر الفرامل كويس
بالنسبه للصوت ممكن يكون شويه تراب من الركنه و التراب هما اللي عملوا كده

محمدصلاح القاضى
19-05-2012, 11:30 AM
استاذ محمد صلاح شكلك نسيتنى :sd:
عموما يارب يكون خير
عايز اقابلك عشان نشوف موضوع التكييف ده وخصوصا ان احنا جيران

انا والله مانسيتك بس مشغول عنك حبتين مش اكتر
واذا كنا جيران فانا من طنطا
بس هشام باشا الجزار هو اللى جنبك تقريبا
لكن لو حضرتك تجى لى طنطا تشرف وان شاء الله اقوم معاك بالواجب ونقدر نظبط التكييف زى ماحضرتك عاو ز

mOuStaFa_ERTU
19-05-2012, 02:19 PM
انا والله مانسيتك بس مشغول عنك حبتين مش اكتر
واذا كنا جيران فانا من طنطا
بس هشام باشا الجزار هو اللى جنبك تقريبا
لكن لو حضرتك تجى لى طنطا تشرف وان شاء الله اقوم معاك بالواجب ونقدر نظبط التكييف زى ماحضرتك عاو ز

ان شاء الله خير وفعلا انا راجعت الكلام اللى فات واستاذ حازم هو اللى جارى بس برضوه طنطا مش بعيده هاهاهاها
وباذن الله اول ما حضرتك تفضى ونتكلم هنزل طنطا على طول اصل المشبك واحشنى اوى والله
:w6w2005041113562663

محمدصلاح القاضى
19-05-2012, 02:36 PM
تشرفنى ياباشا والله انت والاعضاء كلهم
وزى ماقولت حضرتك طنطا مش بعيده
واذا كان على المشبك موجوووود

hazem_khidr
20-05-2012, 02:52 AM
و انا من المحله و يوم ما تتقابلوا قولوا علشان ابقي اجي اقابلكم ان شاء الله

أيمن الروبي
20-05-2012, 10:46 AM
(بسم الله)
يارب يكون اعضاء المنتدي والرابطه بخير
بركولي يا جماعه جبت جنوط وكاوتش جديد للعربيه والفضل يرجع لربنا ثم استاذ هشام الجزار علشان كان
معايا لحظة بلحظة لحد ماشتريت الكاوتش والجنوط وركبتهم
ومن هنا بشكر الاستاذ هشام الجزار جدا علي اللي عملو معايا وانه مسبنيش لحد ما خلصت موضوع التجنيط
الاسعار
طقم جنوط اندونيسي من اشرفكو الحي السادس مقاس 14 1300 ج بالترصيص والنيتروجين
4 فرد كاوتش بريللي تركي مقاس 14/185/70 نقشة P4 الجديده انتاج 12/2011 الفرده 430ج بعد الفصال من ابناء نصار الحي السادس قبل اشرفكو وطقم رينجات ( آرت لون ) 80ج
الحمد لله
وبشكر الاستاذ هشام الجزار مرة اخري:fun_36_1_39[1]:

Hisham.Elgazzar
20-05-2012, 11:07 AM
(بسم الله)
يارب يكون اعضاء المنتدي والرابطه بخير
بركولي يا جماعه جبت جنوط وكاوتش جديد للعربيه والفضل يرجع لربنا ثم استاذ هشام الجزار علشان كان
معايا لحظة بلحظة لحد ماشتريت الكاوتش والجنوط وركبتهم
ومن هنا بشكر الاستاذ هشام الجزار جدا علي اللي عملو معايا وانه مسبنيش لحد ما خلصت موضوع التجنيط
الاسعار
طقم جنوط اندونيسي من اشرفكو الحي السادس مقاس 14 1300 ج بالترصيص والنيتروجين والبلوف والمسامير
4 فرد كاوتش بريللي تركي مقاس 14/185/70 نقشة P4 الجديده انتاج 12/2011 الفرده 430ج بعد الفصال:23_10_13: من ابناء نصار الحي السادس قبل اشرفكو وطقم رينجات ( آرت لون ) 80ج
الحمد لله
وبشكر الاستاذ هشام الجزار مرة اخري:fun_36_1_39[1]:
ألف مبروك يا أستاذ أيمن ده يسعدنى ويشرفنى انى أكون فى مساعدتك او فى مساعدة أى أخ من السادة الزملاء
وألف 1000 مبروك مرة أخرى :fun_36_3_11[1]:

hazem_khidr
20-05-2012, 11:47 AM
الف مبرووك الجنط الجديد
بس الكاوتش ماله بقي غالي كده ليه
انا جايب جووديير في اخر 2009 ب 320 الفرده
معقول السعر يزيد بالطريقه البشعه دي

Hisham.Elgazzar
20-05-2012, 03:44 PM
الف مبرووك الجنط الجديد
بس الكاوتش ماله بقي غالي كده ليه
انا جايب جووديير في اخر 2009 ب 320 الفرده
معقول السعر يزيد بالطريقه البشعه دي
2009
وانا كمان كنت مشترى فردة كاوتش فى الوقت ده برضو مقاس 14/175/70 ب230 بالترصيص والنتروجين وكارت متابعة نتروجين للعربية كلها
وبالبطارية ايام 2009 برضو كانت ب 200 جنيه ال70 أمبير
ودلوقتى سعرها 400 جنيه:fun_36_3_11[1]:
2009
:23_10_13:

aymanhassan
20-05-2012, 04:42 PM
(بسم الله)
يارب يكون اعضاء المنتدي والرابطه بخير
بركولي يا جماعه جبت جنوط وكاوتش جديد للعربيه والفضل يرجع لربنا ثم استاذ هشام الجزار علشان كان
معايا لحظة بلحظة لحد ماشتريت الكاوتش والجنوط وركبتهم
ومن هنا بشكر الاستاذ هشام الجزار جدا علي اللي عملو معايا وانه مسبنيش لحد ما خلصت موضوع التجنيط
الاسعار
طقم جنوط اندونيسي من اشرفكو الحي السادس مقاس 14 1300 ج بالترصيص والنيتروجين
4 فرد كاوتش بريللي تركي مقاس 14/185/70 نقشة P4 الجديده انتاج 12/2011 الفرده 430ج بعد الفصال من ابناء نصار الحي السادس قبل اشرفكو وطقم رينجات ( آرت لون ) 80ج
الحمد لله
وبشكر الاستاذ هشام الجزار مرة اخري:fun_36_1_39[1]:
انا لسه شارى فردتين من شهر مقاس 185\70 \14 ونوعه ماكسيس كان ب 340

محمدصلاح القاضى
20-05-2012, 10:51 PM
المهم احنا عاوزين نحدد يوم نتقابل فيه وليكن فى طنطا

أيمن الروبي
21-05-2012, 02:57 PM
المهم احنا عاوزين نحدد يوم نتقابل فيه وليكن فى طنطا

خلاص يا جماعه انا موافق يبقي نتقابل في الجيزة زي ما تفضل استاذ محمد القاضي وقال :129E17~143:

mOuStaFa_ERTU
21-05-2012, 03:21 PM
انا شايف اجماع على مصر الجديدة وانا طبعا مقدرش ازعلكم
اذا اوافق
:w6w200504112257276b

aymanhassan
21-05-2012, 09:34 PM
ايه اخبار اعضاء الرابطه
يارب تكونو بخير كلكم
انا امبارح عملت حملة صيانه لفرامل العربيه ورا و قدام
المشتريات
طقم تيل امامي ايطالي 30ج نضيف جدا
عدد 2 ماستر ايطالي خلفي الواحد 30 جنيه
ملي تيل الفرامل الخلفي 70جنيه (كان في جديد تركي ب70 جنيه وايطالي 95 جنيه) بس انا فضلت املاهم
طقم سوست لطنابير خلفيه تركي 17جنيه
مصنعية ميكانيكي 60 جنيه
النتيجه الفرامل والحمد لله رجعت زيرو تاني حاجه كده بسم الله ماشاء الله
عقبالكو كلكو:joy23:
استاذ ايمن ازاى حضرتك
كنت عايز اسأل حضرتك لو الفرامل متحجرة يبقى حلها ايه ؟
عشان فى حد قالى ان هى من السرفو ؟
ولو من السرفو يبقى حله ايه وهيتكلف حوالى كام؟
ارجو الرد عشان انا ماشى من فير فرامل:08da300846c84943ae1

محمدصلاح القاضى
21-05-2012, 10:35 PM
رقم موبايلى
10 9 10 195 010
وهو متاح لكل الاعضاء لاى استفسار أو اسئله:soccer_372:

mOuStaFa_ERTU
22-05-2012, 01:58 AM
رقم موبايلى
10 9 10 195 010
وهو متاح لكل الاعضاء لاى استفسار أو اسئله:soccer_372:

هذا وقد تم بحمد الله معرفة رقم الاستاذ/ محمد صلاح القاضى
وان شاء الله اكون اول المتصليين
وياجماعه عايزين كل رموز ال 132 يسيبوا ارقام تليفوناتهم لو مافيهاش اى رخامة للاستفادة لانى واحد من الناس معنديش نت وبتبهدل عقبال ما اوصل لاى معلومة
وشكرا

Hisham.Elgazzar
22-05-2012, 02:22 AM
[QUOTE=mostafa3tef;6753]هذا وقد تم بحمد الله معرفة رقم الاستاذ/ محمد صلاح القاضى
وان شاء الله اكون اول المتصليين
وياجماعه عايزين كل رموز الـ 132 بس إنما الـ131 لأ يسيبوا ارقام تليفوناتهم لو مافيهاش اى رخامة للاستفادة لانى واحد من الناس معنديش نت وبتبهدل عقبال ما اوصل لاى معلومة
وشكرا[/OTE]

ash_rsi
22-05-2012, 01:11 PM
صباح الخير جميعا يارب تكونوا كلكم بخير
لى استفسار عن خرطوم الباور
اللى عندى اتقطع فعملت واحد عموله مكملش كام شهر وجاب زيت من اللاواكير مكان كبس الخرطوم ونظرا لانى بتجنن من رؤيه نقطه زيت على الموتور فبسال حد يعرف مكان بيبيع الاصلى
واكيد صادفت حد فيكوا المشكله دى فياريت يقولنا عمل ايه للاستفاده

ash_rsi
22-05-2012, 01:15 PM
حاجه تانيه معلش استحملونى
خرطوم الفايز بيقى فيه زى شبكه كده تمنع مرور اى زيت بس تسمح بمرور بخار الزيت الشبكه دى عندى باظت خالص
ودلوقتى بلاقى زيت متجمع فى المانيفول
حد مر بالموضوع ده وحله ازاى

أيمن الروبي
22-05-2012, 02:10 PM
استاذ ايمن ازاى حضرتك
كنت عايز اسأل حضرتك لو الفرامل متحجرة يبقى حلها ايه ؟
عشان فى حد قالى ان هى من السرفو ؟
ولو من السرفو يبقى حله ايه وهيتكلف حوالى كام؟
ارجو الرد عشان انا ماشى من فير فرامل:08da300846c84943ae1

بص حضرتك الحكاية بتاعت التحجير دي حصلت معايا من 8شهور تقريبا
وبيكون سببها قطع في كاوتش الداخلي للسيرفو
حلها انك تودي العربيه زق للميكانيكي وتجبلو طقم اصلاح سيرفو نوع كويس حوالي 18ج تقريا عبارة عن الكاوتشة المقطوعة وجوان وبيركبهم داخل السيرفو مكان الكاوتشة اللي اتقطعت بس خلي بالك علشان السيرفو لما بيتفك وتغيرلو الكاوتشة محتاج ميكانيكي كويس يقفلو تاني علشان السيرفو بيتفك لنصين وبيكب عاشق ومعشوق ولو الميكانيكي قفلو غلط ساعتها الكاوتشة الجديدة مش هتكمل معاك كام يوم وهتتقطع تاني
لو حصل ده يبقي حلها تجيب سيرفو استيراد 150ج او جديد 450 وتريح نفسك
لكن لو الميكانكي غير كاوتشة السيرفو ومحصلش مشاكل خير وبركه واسف علي التأخير

Hisham.Elgazzar
22-05-2012, 02:10 PM
حاجه تانيه معلش استحملونى
خرطوم الفايز بيقى فيه زى شبكه كده تمنع مرور اى زيت بس تسمح بمرور بخار الزيت الشبكه دى عندى باظت خالص
ودلوقتى بلاقى زيت متجمع فى المانيفول
حد مر بالموضوع ده وحله ازاى

كده واضح انه فيه مشكلة فى مبخر الزيت عندك لأن الخرطوم مش شرط الشبكة دى هيا اللى تمنعه ان الزيت يدخل فى المانيفولد
فك الخرطوم والمبخر ونظفه كويس
ولو إستمر بخرة الزيت جامد كده فى المانيفولد يبقى لازم تشوف طريقة ترشح بيها بخار الزيت علشان مايبوظش الدنيا
أو تفك الموتور وتشوف ليه بينفخ زيت جامد كده من المبخر
واى مساعدة انا مش هتأخر بإذن الله

أيمن الروبي
22-05-2012, 02:12 PM
انا شايف اجماع على مصر الجديدة وانا طبعا مقدرش ازعلكم
اذا اوافق
:w6w200504112257276b

انا موافق علي مصر الجديدة:0959C9~155:

أيمن الروبي
22-05-2012, 02:15 PM
رقم تليفوني 13 86 180 0100 لو في اي استفسار بس ياريت يكون الاتصال من 9-11 مساءا :THUMBS~220:

أيمن الروبي
22-05-2012, 02:24 PM
كده واضح انه فيه مشكلة فى مبخر الزيت عندك لأن الخرطوم مش شرط الشبكة دى هيا اللى تمنعه ان الزيت يدخل فى المانيفولد
فك الخرطوم والمبخر ونظفه كويس
ولو إستمر بخرة الزيت جامد كده فى المانيفولد يبقى لازم تشوف طريقة ترشح بيها بخار الزيت علشان مايبوظش الدنيا
أو تفك الموتور وتشوف ليه بينفخ زيت جامد كده من المبخر
واى مساعدة انا مش هتأخر بإذن الله

فين رقمك يا استاذ هشام علشان نستفيد منك :Bravo:

mOuStaFa_ERTU
22-05-2012, 03:16 PM
[QUOTE=mostafa3tef;6753]هذا وقد تم بحمد الله معرفة رقم الاستاذ/ محمد صلاح القاضى
وان شاء الله اكون اول المتصليين
وياجماعه عايزين كل رموز الـ 132 بس إنما الـ131 لأ يسيبوا ارقام تليفوناتهم لو مافيهاش اى رخامة للاستفادة لانى واحد من الناس معنديش نت وبتبهدل عقبال ما اوصل لاى معلومة
وشكرا[/OTE]

يا خبر ده ال 132 وال 131 وعلى المقيمين خارجها مرااة فروق التوقيت
خلاص يا استاذ هشام سيب رقمك ده حتى احنا جيران:Bravo:

Hisham.Elgazzar
22-05-2012, 06:45 PM
فين رقمك يا استاذ هشام علشان نستفيد منك :Bravo:

[QUOTE=Hisham.Elgazzar;675973]

يا خبر ده ال 132 وال 131 وعلى المقيمين خارجها مرااة فروق التوقيت
خلاص يا استاذ هشام سيب رقمك ده حتى احنا جيران:Bravo:
:fun_36_1_39[1]::fun_36_1_39[1]: على عينى والله يا جماعه
بس هو ينفع أسيب رقم تليفونى كده على المنتدى ولا ممكن تحصل مشكله
أستاذ مصطفى انا يوم الجمعه هنزل عين شمس بإذن الله

mOuStaFa_ERTU
22-05-2012, 08:01 PM
[QUOTE=mostafa3tef;676273]
:fun_36_1_39[1]::fun_36_1_39[1]: على عينى والله يا جماعه
بس هو ينفع أسيب رقم تليفونى كده على المنتدى ولا ممكن تحصل مشكله
أستاذ مصطفى انا يوم الجمعه هنزل عين شمس بإذن الله

:Bravo:
اولا تنور عين شمس يا استاذ هشام
ثانيا سيب رقمك عادى ومفيش مشاكل خالص
ثالثا اول ما توصل عين شمس كلمنى ونتقابل من غير نقااااااااااش
ومستنى تليفونك الخميس بالليل او الجمعه عشان نحدد المكان
ورقمى 01114448808

ولو الاستاذaimooo
يجى من مصر الجديده يبقى كده فل وكمان عشان بقيت الاعضاء يغيروا مننا ونتقابل كلنا

Hisham.Elgazzar
22-05-2012, 08:31 PM
[QUOTE=Hisham.Elgazzar;676405]

:Bravo:
اولا تنور عين شمس يا استاذ هشام
ثانيا سيب رقمك عادى ومفيش مشاكل خالص
ثالثا اول ما توصل عين شمس كلمنى ونتقابل من غير نقااااااااااش
ومستنى تليفونك الخميس بالليل او الجمعه عشان نحدد المكان
ورقمى 01114448808

ولو الاستاذaimooo
يجى من مصر الجديده يبقى كده فل وكمان عشان بقيت الاعضاء يغيروا مننا ونتقابل كلنا

الله يخليك يا أستاذ مصطفى
بإذن الله نتقابل الجمعه لو وقت الأستاذ أيمن يسمح
ورقمى أهو
01112082775

Hisham.Elgazzar
22-05-2012, 08:36 PM
:Bravo::Bravo::Bravo::Bravo:
http://www.masrmotors.com/vb/showthread.php?p=676478#post676478

محمدصلاح القاضى
22-05-2012, 11:54 PM
[QUOTE=mostafa3tef;6753]هذا وقد تم بحمد الله معرفة رقم الاستاذ/ محمد صلاح القاضى
وان شاء الله اكون اول المتصليين
وياجماعه عايزين كل رموز الـ 132 بس إنما الـ131 لأ يسيبوا ارقام تليفوناتهم لو مافيهاش اى رخامة للاستفادة لانى واحد من الناس معنديش نت وبتبهدل عقبال ما اوصل لاى معلومة
وشكرا[/OTE]
طبعا منقدرش نستغنى عنك يا H

محمدصلاح القاضى
22-05-2012, 11:56 PM
انا موافق علي مصر الجديدة:0959C9~155:

ايه الحلاوه دى
انا قولت طنطا يعنى طنطا
هههههههههههه
مش هتفرق المهم اننا نتعرف على بعض

محمدصلاح القاضى
23-05-2012, 12:13 AM
:Bravo::Bravo::Bravo::Bravo::Bravo::Bravo::Bravo:: Bravo::Bravo::Bravo::Bravo::Bravo::Bravo::Bravo::B ravo::Bravo::Bravo::Bravo::Bravo::Bravo::Bravo::Br avo::Bravo::Bravo::Bravo::Bravo::Bravo::Bravo::Bra vo::Bravo::Bravo::Bravo::Bravo::Bravo::Bravo::Brav o::Bravo::Bravo::Bravo::Bravo::Bravo::Bravo::Bravo ::Bravo::Bravo::Bravo::Bravo::Bravo::Bravo::Bravo: :Bravo::Bravo::Bravo::Bravo::Bravo::

محمدصلاح القاضى
23-05-2012, 12:15 AM
[QUOTE=Hisham.Elgazzar;676405]

:Bravo:
اولا تنور عين شمس يا استاذ هشام
ثانيا سيب رقمك عادى ومفيش مشاكل خالص
ثالثا اول ما توصل عين شمس كلمنى ونتقابل من غير نقااااااااااش
ومستنى تليفونك الخميس بالليل او الجمعه عشان نحدد المكان
ورقمى 01114448808

ولو الاستاذaimooo
يجى من مصر الجديده يبقى كده فل وكمان عشان بقيت الاعضاء يغيروا مننا ونتقابل كلنا
ماشى ياناس يابخت اللى سكان فى القاهره:Bravo:
مش من الاقاليم زى ( الفلاحين ) nononono وعموما يارب تتقابلوا على خير ومتنسوش تكلمونى وانتم قاعدين مع بعض عشان اتعرف على كل واحد منكم وان شاء الله نتقابل على خييير

Hisham.Elgazzar
23-05-2012, 12:46 AM
[QUOTE=mostafa3tef;676464]
ماشى ياناس يابخت اللى سكان فى القاهره:Bravo:
مش من الاقاليم زى ( الفلاحين ) nononono وعموما يارب تتقابلوا على خير ومتنسوش تكلمونى وانتم قاعدين مع بعض عشان اتعرف على كل واحد منكم وان شاء الله نتقابل على خييير

كلمتك على الموبايل الصبح ونتا مرديتش:fun_36_1_39[1]:

محمدصلاح القاضى
23-05-2012, 12:52 AM
رقم حضرتك اخره 526 واتصلت بيا الساعه واحده وربع تقريبا
اعذرنى والله مخدتش بالى معرفش انا سيبت الموبايل فين وقتها nononono
وعموما متعوضه وان شاء الله هكلم حضرتك

mOuStaFa_ERTU
23-05-2012, 04:59 AM
يا استاذ محمد طنطا والقاهرة ايد واحدة
وال 132 و اال 131 بردوه ايد واحدة
بس السؤال بقه انهى واحدة ؟؟؟

عموما والله انا منتظر مقابله يوم الجمعه دى وان شاء الله متبقاش الاخيرة
yesyes

محمدصلاح القاضى
23-05-2012, 04:41 PM
يا استاذ محمد طنطا والقاهرة ايد واحدة
وال 132 و اال 131 بردوه ايد واحدة
بس السؤال بقه انهى واحدة ؟؟؟

عموما والله انا منتظر مقابله يوم الجمعه دى وان شاء الله متبقاش الاخيرة
yesyes

يارب تتقابلوا على خييير وصحه وسعاده ومتكنش لا اول مقابله ولا اخر مقابله وربنا يديم علينا نعمة الحب والخييير

أيمن الروبي
23-05-2012, 05:08 PM
ايه يا جماعه انتو فين متخلو المقابله السبت ولو مش هينفع هقابلكو مرة تانيه ان شاء الله FLASHCar

Hisham.Elgazzar
23-05-2012, 05:13 PM
ايه يا جماعه انتو فين متخلو المقابله السبت ولو مش هينفع هقابلكو مرة تانيه ان شاء الله FLASHCar

انا أجازة الجمعة والسبت بإذن الله
نتفق ونشوف امتى

Hisham.Elgazzar
23-05-2012, 05:23 PM
انتوا هتظبطوا التاكيهات امتى يا إخواننا؟

أيمن الروبي
23-05-2012, 05:26 PM
انتوا هتظبطوا التاكيهات امتى يا إخواننا؟

انا احتمال اوديها السبت اللي بعد اللي جاي 2-6-2012

محمدصلاح القاضى
23-05-2012, 10:45 PM
انا النهارده كنت بوصل اهلى للجنة الانتخابات المهم نزلت من العربيه
وقفلت الباب وهنا حصلت المشكلة
الباب مش راضى يقفل خالص
قلت اشوف المسك بتاع الباب ماله لقيته مش بيطلع لفوق اما تفتح الباب وهو ع طول لتحت كأن الباب مقفول قولت اطلعه بأيدى طلع معايا فرحت وقولت هتقفل لكن محصلش تغيير فى شىء الباب برضه مش راضى يقفل خالص لكن الباب بيدخل مكانه مرتاح خالص لكن ان المسك يقفل مش راضى يقفل عقبال مايخلصوا انتخابات قولت اشوفه قارنت بينه وبين المسك بتاع الباب التانى لاقيت التانى اما بيجى يقفل بسمع صوت تكه فيه واما بفتحه برضه فى صوت تكه لكن البايظ ناعم جدا مفهوش اى تكه
مع العلم ان المسك بتاعى على شكل حرف U او عامل زى الشنكل بمعنى اصح فقلت قبل ما افك فرش الباب واشوف ايه المشكله اسأل جايز يكون حد قابلته المشكله قبل كدا وعرف الحل بدل ما اعد أخمن واعمل نظريات واعمل فيها أرشيمدس التانى وجايز يكون الحل بسيط
تخيل بقى المشكله دى بقى لو حصلت فى مشوار مهم لاقدر الله ومش معاك حد يقعد فى العربيه

hazem_khidr
23-05-2012, 11:13 PM
ما جربتش تفتح الباب من الاكره و تحاول
ممكن يكون الكالون مفوت سنه بتعمل الحركه دي

محمدصلاح القاضى
23-05-2012, 11:45 PM
ما جربتش تفتح الباب من الاكره و تحاول
ممكن يكون الكالون مفوت سنه بتعمل الحركه دي

جربتها لكن مفيش تغيير

mOuStaFa_ERTU
24-05-2012, 03:23 AM
يا ايها الاعضاء الكرام انا بإذن الله فاضى جمعه وسبت ومعنديش اى مشكله وبالنسبه لموضوع التاكيهات انا رحت لواحد عند التجنيد قبل كده وده تقريبا كان اشهر واحد لظبط التاكيهات وهكلم الاستاذ/ aimooo ان شاء الله ونتفق

Hisham.Elgazzar
24-05-2012, 06:14 AM
صباح الخير يا جماعه
مين اللى صاحى دلوقتى ؟
AHLNWSHALNAHLNWSHALN

محمدصلاح القاضى
24-05-2012, 10:52 AM
انا صاحى :12EA7A~153:
بس ماقولتش حل المشكله بتاعت الباب عندى يا H

Hisham.Elgazzar
24-05-2012, 11:07 AM
انا صاحى :12EA7A~153:
بس ماقولتش حل المشكله بتاعت الباب عندى يا H
صباح الفل AHLNWSHALN
تقصد السكاكة بتاعت الباب
الاول تمسك الباب من تحت وترفعه شوية ، بس مش جامد يعنى واحدة واحدة
وتفتح الاوكرة وتقفل السكاكة وبالمزيتة تدى السكاكة
وتجيب مفك صليبة كبير وتقرط على المسامير الى فى القايم مكان ما السكاكة بتبات فيه
وجرب كده وقولنا اه النظام

Hisham.Elgazzar
24-05-2012, 11:27 AM
صباح الخير ، كنت عاوز أقولكوا على حاجة
النهردة إكتشفت إنى ماظبتش التاكيهات صح:08da300846c84943ae1
وبكرة بإذن الله هكون عند الخراط من بدرى علشان أراجع عليها تانى وهظبط شوية حجات تانية كده فى الموتور
الخراط فى الحى العاشر مدينة نصر 3 دقايق من الطريق الدائرى زهراء م نصر
اللى يحب نتقابل بكرة يعمل لايك AHLNWSHALN

أيمن الروبي
24-05-2012, 12:10 PM
انا ان شاء الله يا جماعه مسافر اسكندريه بعد المغرب وهرجع بكرة بليل ان شاء الله بالسفينه قولت اجرب الجنوط بقي ولسه مغير زيت دلوقتي شل الاصفر وهبقي احكلكو علي العربيه لما ارجع

Hisham.Elgazzar
24-05-2012, 12:16 PM
انا ان شاء الله يا جماعه مسافر اسكندريه بعد المغرب وهرجع بكرة بليل ان شاء الله بالسفينه قولت اجرب الجنوط بقي ولسه مغير زيت دلوقتي شل الاصفر وهبقي احكلكو علي العربيه لما ارجع

تروح وترجع بالسلامة وأجازة سعيدة بإذن الله

محمدصلاح القاضى
24-05-2012, 12:41 PM
صباح الفل AHLNWSHALN
تقصد السكاكة بتاعت الباب
الاول تمسك الباب من تحت وترفعه شوية ، بس مش جامد يعنى واحدة واحدة
وتفتح الاوكرة وتقفل السكاكة وبالمزيتة تدى السكاكة
وتجيب مفك صليبة كبير وتقرط على المسامير الى فى القايم مكان ما السكاكة بتبات فيه
وجرب كده وقولنا اه النظام

صباح الفل عليك وعلى الجميع
المشكله ان السكاكه بتاعت الباب ع طول باصه لتحت ترفعها بأيديك وتقوم نازله تحت كأنها مكسوره من جوه او حاجه زى كدا لكن حكايه ظبطت الباب على السكاكه اللى فى القايم فأنا عارف الموضوع دا وهو سهل جدا لكن محتاج شغل على الهادى عشان تظبط لكن المشكله عندى فى السكاكه ذات نفسها

محمدصلاح القاضى
24-05-2012, 12:45 PM
انا ان شاء الله يا جماعه مسافر اسكندريه بعد المغرب وهرجع بكرة بليل ان شاء الله بالسفينه قولت اجرب الجنوط بقي ولسه مغير زيت دلوقتي شل الاصفر وهبقي احكلكو علي العربيه لما ارجع

خلى بالك من نفسك
وتروح وترجع بالسلامه
وابقى وانت معدى على طنطا متنساش ان ليك اخ هناك اسمه القاضى

Hisham.Elgazzar
24-05-2012, 12:46 PM
صباح الفل عليك وعلى الجميع
المشكله ان السكاكه بتاعت الباب ع طول باصه لتحت ترفعها بأيديك وتقوم نازله تحت كأنها مكسوره من جوه او حاجه زى كدا لكن حكايه ظبطت الباب على السكاكه اللى فى القايم فأنا عارف الموضوع دا وهو سهل جدا لكن محتاج شغل على الهادى عشان تظبط لكن المشكله عندى فى السكاكه ذات نفسها

فكها وغيرها بأختها إستيراد أو شوف السوستة بتاعتها مش شغالة ليه
وممكن تكون مقطومة من جوا
مع الأسف كده كده لازم تفك فرش الباب :129E17~143:

محمدصلاح القاضى
24-05-2012, 01:06 PM
ياريت تشرح لى يا H ازاى بتتفك من الباب وخصوصا انها مربوطه فى الباب بتلات مسمامير وماعليك من فك الفرش بتاع الباب

أيمن الروبي
24-05-2012, 01:33 PM
خلى بالك من نفسك
وتروح وترجع بالسلامه
وابقى وانت معدى على طنطا متنساش ان ليك اخ هناك اسمه القاضى

ربنا يكرمك حبيبي بس انا هخدها صحراوي وبحب اسلم علي استاذ هشام واستاذ مصطفي ومستني تليفونه نتقابل السبت

محمدصلاح القاضى
24-05-2012, 01:35 PM
ربنا ينور لك طريقك

محمدصلاح القاضى
25-05-2012, 11:38 AM
تم حل مشكلة السكاكه بتاعت الباب
تم فك الفرش وبعدين مجرة الازاز بمسمارين من الجنب وبعد كدا تم فك الكالون وتسليكه من سلك السنتر والمفتاح وطلع ولقى السوسته مقطومه وعشان انا نيتى صافيه لقى عنده سوسته اخت بتاعتى ركبها وتم حل المشكله
وأخد 10 جنيه شغل ايده بس هو سمكرى فنان ودا عن تجارب كتييير معاه

أيمن الروبي
26-05-2012, 01:20 AM
ازيكو يا اعضاء الرابطه الكرام انا لسه راجع من اسكندريه من نص ساعه تقريبا SLAM
احكلكو علي اداء الجنوط بصراحه كنت حاسس انهم هيقرفوني في السفر والاقي العربيه بتغربل معايا
لكن الحمد لله لحد 160 وتمام اوي لا في غربله ولا رعشه الحمد لله بعد ال 160 رعشه خفيفه اوي لا تذكر بصراحة فرحت من الجنوط دي وقلقي خلاص راح:286:

محمدصلاح القاضى
26-05-2012, 01:23 AM
مبرووووووووك
وحمد لله على السلامه

أيمن الروبي
26-05-2012, 01:23 AM
بس مقولكوش ختلي حفرتين وانا راجع علي الصحراوي ومعدي ال 140 وركبي سابت منهم حاجه تقرف معرفش ازاي سايبين الحفرتين دول بالمنظر ده في نص الطريق بس للأسف مش هاعرف احدد مكانهم علشان ابعدكو عنهم ربنا يستر علينا كلنا

محمدصلاح القاضى
26-05-2012, 01:31 AM
اهم حاجه اتأكد من العفشه وظبط الاداء تانى
لانك شكلك بتحب الجرى زى

أيمن الروبي
26-05-2012, 01:43 AM
انا بعشق حاجه اسمها الجري انا مش عارف ارفعلكو صور الجنوط علشان مركز تحميل الصور مش شغال

محمدصلاح القاضى
26-05-2012, 01:48 AM
شفت موضوع العفشه اللى انا كاتبه

Hisham.Elgazzar
27-05-2012, 02:33 PM
موضوع شيق ومجهود رائع والله

ياريت كنت تصور الحجات اللى مكتوبة

وخصوصا ماستر الضفدعة
والمقصات الأمامية فى الـ132

مجهود رائع تسلم إيدك:fun_36_3_11[1]::fun_36_3_11[1]:

محمدصلاح القاضى
27-05-2012, 04:15 PM
موضوع شيق ومجهود رائع والله

ياريت كنت تصور الحجات اللى مكتوبة

وخصوصا ماستر الضفدعة
والمقصات الأمامية فى الـ132

مجهود رائع تسلم إيدك:fun_36_3_11[1]::fun_36_3_11[1]:

والله يا H
ان مصور حاجات كتيير لكن مش عارف ارفعها خالص nononono

أيمن الروبي
27-05-2012, 05:04 PM
فعلا مركز تحميل الصور عطلان

ash_rsi
28-05-2012, 01:47 PM
صباح الخير جميعا اصحاب واحباب الوحش
استفسارى عن غطاء الرادياتير للاسف اكتشفت ان اللى موجود فى السوق نوع تركى وده ضغطه واحد بار وده ضغط بيمنع اى تمدد مياه من الرادياتير للقربه والعكس وده اكتشفته لما لقيت المياه فى القربه لا بتنقص ولا بتزيد نهائى المفروض الغطاء الاصلى 0.8 بار وانا مش لاقى خالص ولقيت بالصدفه واحد عنده 0.9 بس نفس المشكله مع العلم الخرطوم اللى بين الرادياتير والقربه سالك مش مسدود
مش عارف اعمل ايه وخصوصا ان خراطيم المياه لما العربيه بتسخن بحسها منفوخه على اخرها وخايف تنفجر من الضغط جواها
هل فيه اى غطاء لاى عربيه ينفع يركب عندنا

Hisham.Elgazzar
28-05-2012, 02:19 PM
صباح الخير جميعا اصحاب واحباب الوحش
استفسارى عن غطاء الرادياتير للاسف اكتشفت ان اللى موجود فى السوق نوع تركى وده ضغطه واحد بار وده ضغط بيمنع اى تمدد مياه من الرادياتير للقربه والعكس وده اكتشفته لما لقيت المياه فى القربه لا بتنقص ولا بتزيد نهائى المفروض الغطاء الاصلى 0.8 بار وانا مش لاقى خالص ولقيت بالصدفه واحد عنده 0.9 بس نفس المشكله مع العلم الخرطوم اللى بين الرادياتير والقربه سالك مش مسدود
مش عارف اعمل ايه وخصوصا ان خراطيم المياه لما العربيه بتسخن بحسها منفوخه على اخرها وخايف تنفجر من الضغط جواها
هل فيه اى غطاء لاى عربيه ينفع يركب عندنا

نفس المشكلة عندى لما جبت غطا سن طويل الخراطيم نفخت
ولما جبت غطا سن قصير القربة نفخت
فى نوع كده شغال بقاله فترة والحمدلله ماشية
ركب عندك ال0.9 وشوية والسوستة هتضعف
او انزل التوفيقية فى القاهرة فى رمسيس عند حد متخصص فى الحجات دى

ash_rsi
28-05-2012, 03:22 PM
انا لقيت واحد 0.9 مكتوب عليه ايطالى جبته بالظبط يومين ولقيته عمل صدأ والاهم بقى الجلد بتاعه ساح واتقطع هههههههههههههههههههههه
شكرت ايطاليا فى سرى

Hisham.Elgazzar
28-05-2012, 03:59 PM
انا لقيت واحد 0.9 مكتوب عليه ايطالى جبته بالظبط يومين ولقيته عمل صدأ والاهم بقى الجلد بتاعه ساح واتقطع هههههههههههههههههههههه
شكرت ايطاليا فى سرى

الصدا اكيد من دورة التبريد فى عربيتك لازم تتغسل الردياتير مظبوط
وحط الكولانت بتاع وطنية موجود ب20 جنيه وماتحطش مياه عادية
وحاول تجيب غطا تركى يكون الكاوتش بتاعه محمل لكن السوستة بتاعته تكون لينة شوية
او تغسل الردياتير وتحط ربع لتر جاز أبيض من عند الموان مع المياة علشان متصديش تانى

وحاول كل 6 شهور سواء هتحط ميه خضرا او ميه عاديه انك تقلبها وتحط ميه تانية علشان الصدأ
المياة البرتقانى اللى بتبقى مصدية بتساعد على تأكل وش السلندر
لأنها محملة بأكسيد والدليل على ذلك تغير لونها إلى البرتقالى فيلزم تغييرها
والله أعلم

mOuStaFa_ERTU
29-05-2012, 01:44 PM
صباح الخير جميعا اصحاب واحباب الوحش
استفسارى عن غطاء الرادياتير للاسف اكتشفت ان اللى موجود فى السوق نوع تركى وده ضغطه واحد بار وده ضغط بيمنع اى تمدد مياه من الرادياتير للقربه والعكس وده اكتشفته لما لقيت المياه فى القربه لا بتنقص ولا بتزيد نهائى المفروض الغطاء الاصلى 0.8 بار وانا مش لاقى خالص ولقيت بالصدفه واحد عنده 0.9 بس نفس المشكله مع العلم الخرطوم اللى بين الرادياتير والقربه سالك مش مسدود
مش عارف اعمل ايه وخصوصا ان خراطيم المياه لما العربيه بتسخن بحسها منفوخه على اخرها وخايف تنفجر من الضغط جواها
هل فيه اى غطاء لاى عربيه ينفع يركب عندنا

السلام عليكم
حضرتك غطاء الريداتير واى حاجه تانيه غير الغطاء هتلائيها عند السبكى وده اكبر مورد وموزع ريداتيرات انا لسه مغير الريداتير من 15 يوم وخدت منه الغطاء 0.8 بتاعها وعنده كل ما يخص الريداتير وعنوانه

ش احمد عرابى متفرع من ش احمد عصمت - جسر السويس
روح ومش هاتندم وهاتدعيلى

mOuStaFa_ERTU
29-05-2012, 01:49 PM
لمن يهمه الامر

ان شاء الله يوم السبت القادم فيه مقابله لاعضاء واصحاب ال 132 والدعوه عاااااامه لجميع الافراد
( القاهرة - الجيرة - وعلى المقيمين خارجها مراعاة فروق التوقيت )

ولكن لم نستقر على المكان الى الان ولمن يريد الحضور ارج التنسيق او الاتصال على 01123040025
اخوكم الصغير مصطفى وطبعا يسعدنى ويشرفنى حضور اكبر عدد ممكن وان شاء الله يكون يوم جميل
:THUMBS~220::THUMBS~220::THUMBS~220:

mOuStaFa_ERTU
29-05-2012, 01:52 PM
وبإذن الله لو المقابله تمت على خير وحازت الفكرة على الاهتمام ممكن نخليها بصفه دورية ونلف البلد كلها وخصوصا طنطا وتبقى فرصه نعرف بعض ونعرف الجديد ونتبادل الافكار وربنا يديم المعروف بينا

ash_rsi
29-05-2012, 04:27 PM
السلام عليكم
حضرتك غطاء الريداتير واى حاجه تانيه غير الغطاء هتلائيها عند السبكى وده اكبر مورد وموزع ريداتيرات انا لسه مغير الريداتير من 15 يوم وخدت منه الغطاء 0.8 بتاعها وعنده كل ما يخص الريداتير وعنوانه

ش احمد عرابى متفرع من ش احمد عصمت - جسر السويس
روح ومش هاتندم وهاتدعيلى

ربنا يخليك يارب انا هروح اكيد لانى خايف جدا من انفجار الخراطيم
وبرضوا فيه ناس قالت لى على عادل عواد بتاع اليابانى اللى فى شارع عين شمس

ash_rsi
29-05-2012, 04:29 PM
الصدا اكيد من دورة التبريد فى عربيتك لازم تتغسل الردياتير مظبوط
وحط الكولانت بتاع وطنية موجود ب20 جنيه وماتحطش مياه عادية
وحاول تجيب غطا تركى يكون الكاوتش بتاعه محمل لكن السوستة بتاعته تكون لينة شوية
او تغسل الردياتير وتحط ربع لتر جاز أبيض من عند الموان مع المياة علشان متصديش تانى

وحاول كل 6 شهور سواء هتحط ميه خضرا او ميه عاديه انك تقلبها وتحط ميه تانية علشان الصدأ
المياة البرتقانى اللى بتبقى مصدية بتساعد على تأكل وش السلندر
لأنها محملة بأكسيد والدليل على ذلك تغير لونها إلى البرتقالى فيلزم تغييرها
والله أعلم

الحمد الله انا معنديش اى صدا لانى لا استعمل نهائى مياه الحنفيه وعلطول بستخدم مياه موبيل الخضراء
اللى بستغرب له ان الغطاء نفسه صدا فى يومين والجلد داب

Hisham.Elgazzar
29-05-2012, 05:15 PM
الحمد الله انا معنديش اى صدا لانى لا استعمل نهائى مياه الحنفيه وعلطول بستخدم مياه موبيل الخضراء
اللى بستغرب له ان الغطاء نفسه صدا فى يومين والجلد داب

الحمدلله
هو السبكى بتاع قطع غيار الردياتير وفى محل تانى على جسر السويس امام فندق السلام بس حاول دايما تفاصل فى الأسعار علشان كله بيزود من بعد الثورة

ash_rsi
29-05-2012, 05:30 PM
الحمدلله
هو السبكى بتاع قطع غيار الردياتير وفى محل تانى على جسر السويس امام فندق السلام بس حاول دايما تفاصل فى الأسعار علشان كله بيزود من بعد الثورة

هههههههههههههههههههههههههههه كده الثوره هتقف علينا غالى
انت عارف انا اكتر شئ اكره فى حياتى موضوع الفصال ده

ash_rsi
29-05-2012, 05:35 PM
ياجماعه الخير
عندى موضوع واستفسار احب مشاركتكم فيه
الاسبراتير عندى الكترونى فيه جواه عدد 2 رمان بلى انا من فتره كبيييييييره كنت جبت قطع غيار ليه من فخرى زلط ايام ماكان بيشتغل فى الفيات من ساعتها ماغيرتش فيه شئ
الايام دى بيحصل انى كل مااظبط الكهرباء يعدى يوم ولا اتنين ولازم ارجع اظبطها تانى لانها يابتقدم يابتاخر واكتشفت ان رمان البلى عامل صوت خشونه فطبعا اكيد لازم هيتغير بس سؤالى هل البلى ده هو اللى مسبب عدم ثبات الكهرباء ولا ده اصلا مالوش علاقه مجرد صوت خشونه وبس
اللى يعرف يتصل ب 0900 ههههههههههههههههههههههههههههههه
فنفسى اعرف الاجابه عشان زهقت من فتى الصنايعيه وتقليب العيش هههههههههههههه

ash_rsi
29-05-2012, 05:39 PM
بالمناسبه بقى ( نظام غتاته يعنى ههههههههههههه )
افضل مكان لعمل خرطوم الباور فين فى القاهره

محمدصلاح القاضى
29-05-2012, 10:17 PM
لمن يهمه الامر

ان شاء الله يوم السبت القادم فيه مقابله لاعضاء واصحاب ال 132 والدعوه عاااااامه لجميع الافراد
( القاهرة - الجيرة - وعلى المقيمين خارجها مراعاة فروق التوقيت )

ولكن لم نستقر على المكان الى الان ولمن يريد الحضور ارج التنسيق او الاتصال على 01123040025
اخوكم الصغير مصطفى وطبعا يسعدنى ويشرفنى حضور اكبر عدد ممكن وان شاء الله يكون يوم جميل
:THUMBS~220::THUMBS~220::THUMBS~220:

طبعاااااااااااااااااا طنطااااااااااااااااااااااااااااااااااااااااااااااا ااااا
لان عندى امتحاناااااااااااااااااااااااااااااااااااااااااااا اااااااااااااااااات ياناس

cars admire
29-05-2012, 11:46 PM
ألف مبروك يا أستاذ أيمن ده يسعدنى ويشرفنى انى أكون فى مساعدتك او فى مساعدة أى أخ من السادة الزملاء
وألف 1000 مبروك مرة أخرى :fun_36_3_11[1]:
الاستاذ هشام الجزار
تلك هى اخلاق وطباع اعضاء مصر موتورز الحقيقيون !!!
:36_13_6[1]::Wkiss5::Wkiss5::Wkiss5::36_13_6[1]:

cars admire
30-05-2012, 12:09 AM
aimooo (http://masrmotors.com/vb/member.php?u=110368)


:36_13_6[1]::Wkiss5:

cars admire
30-05-2012, 12:19 AM
بالمناسبه بقى ( نظام غتاته يعنى ههههههههههههه )
افضل مكان لعمل خرطوم الباور فين فى القاهره
الخميس للهيدروليك (http://www.yellowpages.com.eg/profile-ar/NTc5NTc=/Al-Khamis-For-Hydraulic.html)
6 أ عمارات الفاروقية -
معالم الطريق: بجوار سوق القنال الدولى
جسر السويس, القاهرة
التليفون: 02-26206391, 02-26206392


رزق الله - هيدروليك (http://www.yellowpages.com.eg/profile-ar/MTI3MDIz/Rizkalla-_-Hydraulic.html) 55 ش جسر السويس تقسيم عمر بن الخطاب
جسر السويس, القاهرة
التليفون: 0122-3919658, 02-26998739

:36_13_6[1]::36_13_6[1]::36_13_6[1]::36_13_6[1]::36_13_6[1]::36_13_6[1]:

أيمن الروبي
30-05-2012, 11:06 AM
انا بقترح الميعاد يوم السبت للمقابله الساعه 10.30 بس اظن انه من الافضل يكون في الجيزة علشان محاكمة المخلوع او في اي مكان تاني انتو حبينه انا مش فارق معايا بس يكون الساعه 10.3
وتظبيط المكان والميعاد مع العضو مصطفي عاطف

ash_rsi
30-05-2012, 03:19 PM
[QUOTE=cars admire;682347]الخميس للهيدروليك (http://www.yellowpages.com.eg/profile-ar/NTc5NTc=/Al-Khamis-For-Hydraulic.html)
6 أ عمارات الفاروقية -
معالم الطريق: بجوار سوق القنال الدولى
جسر السويس, القاهرة
التليفون: 02-26206391, 02-26206392


رزق الله - هيدروليك (http://www.yellowpages.com.eg/profile-ar/MTI3MDIz/Rizkalla-_-Hydraulic.html) 55 ش جسر السويس تقسيم عمر بن الخطاب
جسر السويس, القاهرة
التليفون: 0122-3919658, 02-26998739
اشكرك جزيل الشكر

cars admire
30-05-2012, 04:09 PM
[QUOTE=cars admire;682347]الخميس للهيدروليك (http://www.yellowpages.com.eg/profile-ar/NTc5NTc=/Al-Khamis-For-Hydraulic.html)
6 أ عمارات الفاروقية -
معالم الطريق: بجوار سوق القنال الدولى
جسر السويس, القاهرة
التليفون: 02-26206391, 02-26206392


رزق الله - هيدروليك (http://www.yellowpages.com.eg/profile-ar/MTI3MDIz/Rizkalla-_-Hydraulic.html) 55 ش جسر السويس تقسيم عمر بن الخطاب
جسر السويس, القاهرة
التليفون: 0122-3919658, 02-26998739
اشكرك جزيل الشكر
ash_rsi (http://masrmotors.com/vb/member.php?u=13791)
AHLNWSHALNAHLNWSHALNAHLNWSHALNAHLNWSHALN

mOuStaFa_ERTU
30-05-2012, 05:47 PM
انا بقترح الميعاد يوم السبت للمقابله الساعه 10.30 بس اظن انه من الافضل يكون في الجيزة علشان محاكمة المخلوع او في اي مكان تاني انتو حبينه انا مش فارق معايا بس يكون الساعه 10.3
وتظبيط المكان والميعاد مع العضو مصطفي عاطف

واحشنى والله يا باشا وعموما انا معنديش مانع على الزمان والمكان وانا هكلم هشام الجزار واشوف لدنيا فيها ايه واكلمك الخميس ونشوف هنتقابل فين.

وبالنسبه لباقى الاعضاء شكلهم كده مخاصمينا.
والله المستعان

محمدصلاح القاضى
30-05-2012, 10:39 PM
انا اذا كان عليا
كان نفسى تبقى فى طنطا
لكن الامتحانات نفخانى اليومين دوووووول :10F925~165::10F925~165:

محمدصلاح القاضى
30-05-2012, 10:52 PM
كنت فاضى النهارده شويه
قولت ارووح اظبط المارش لانه كان بيصرخ وانا بدور
المارش اللى عندى الايطالى الكبيير
روحت عند الكهربائى فكه وكانت المفاجأه ان المارش اول مره يتفك من يوم العربيه ما مشيت يعنى من سنة 79 انا كنت مزهول من الحكايه دى المهم فكه وطلع الشربون لقاه تمام فكه وهنا الراجل اتفاجأ اكتر منى لقى الملف بتاع المارش من جوه نحاسى زى مايكون لسه ملفوف دلوقتى مفيش اى اثر للعمر عليه او للمشى وفك المعلقه وبعدين فك الاتوماتيك وكان طبعا ميرلى بتاع العربيه روحت جبت واحد زيه استيراد ب 70 جنيه وجبت كتاوت مارش (برميل) وركب الراجل وشحمه وركبه ودورت العربيه طبعا فرق فى الصوت خالص من صرخه لنعومه وسلاسه والراجل حبيت ارضيه وخصوصا انى عارف ان فك المارش فى 132 من ارخم الحاجات والراجل مخدتش اكتر من 30 جنيه شغل ايديه

أيمن الروبي
31-05-2012, 01:44 PM
طب خد عندك بقي انا غيرت جلب المقصات الاماميه الاسبوع اللي فات وطلع ان الجلب في المقصات الاماميه بتاعت الفابريكا متحلتش من سنة 1977 وفوانيس امامية جهة اليمين والفوانيس الخلفية بتاعت الفبريكا عمرها ماتحلت حاولت افك الوشوش معرفتش مساتر خلفية بتاعت الفبريكا غيرتها الاسبوع اللي فات طلعة مصدية من الطنابير

ash_rsi
31-05-2012, 02:04 PM
كنت فاضى النهارده شويه
قولت ارووح اظبط المارش لانه كان بيصرخ وانا بدور
المارش اللى عندى الايطالى الكبيير
روحت عند الكهربائى فكه وكانت المفاجأه ان المارش اول مره يتفك من يوم العربيه ما مشيت يعنى من سنة 79 انا كنت مزهول من الحكايه دى المهم فكه وطلع الشربون لقاه تمام فكه وهنا الراجل اتفاجأ اكتر منى لقى الملف بتاع المارش من جوه نحاسى زى مايكون لسه ملفوف دلوقتى مفيش اى اثر للعمر عليه او للمشى وفك المعلقه وبعدين فك الاتوماتيك وكان طبعا ميرلى بتاع العربيه روحت جبت واحد زيه استيراد ب 70 جنيه وجبت كتاوت مارش (برميل) وركب الراجل وشحمه وركبه ودورت العربيه طبعا فرق فى الصوت خالص من صرخه لنعومه وسلاسه والراجل حبيت ارضيه وخصوصا انى عارف ان فك المارش فى 132 من ارخم الحاجات والراجل مخدتش اكتر من 30 جنيه شغل ايديه

ربنا يملاها لك بركه يارب وامسك الخشب
عاوز اسالك ايه كتاوت المارش ده

Hisham.Elgazzar
31-05-2012, 02:33 PM
ربنا يملاها لك بركه يارب وامسك الخشب
عاوز اسالك ايه كتاوت المارش ده
http://i00.i.aliimg.com/photo/v0/222288538/Starter_Relay_Switch.jpg


كتاوت قوى علشان يدى المارش لما تيجى تدور العربية ومايحملش على الكونتاكت

ash_rsi
31-05-2012, 02:55 PM
ان شاء الله ياجماعه عندى بكره مشوار صيانه مع العربيه كبير شويه
من ضمن الحاجات اللى هتتعمل تغيير التروس وبليه الكاتينه وسير الكاتينه وتغير شويه جوانات
هل فيه نصيحه معينه حد يحب يقولها لى قبل الشغل ولشراء الحاجه

Hisham.Elgazzar
31-05-2012, 03:06 PM
هى التروس بايظة علشان تتغير ؟؟

اللى انا عارفه انها حديد مش بلاستيك علشان تتغير

الكاتينة الإيطالى الزرقا ، أو الأيسوران علبتها حمراء ISORAN
بلية الشداد يابانى SKF او GMB
وخلى بالك ظبطة الكاتينة ليها نظام
ممكن تظبط تاكل معاك بنزين والسحب مش هوا
ممكن تظبط وتبقى مخنوقة وماتسحبش ومتاكلش بنزين
المعلم بقى يظبتها صح ولا تاكل بنزين بس تخلى السحب معاك زى القطر

بالنسبة لجوان المانيفولد هاته جرنجريد بس قبل ماتركبه بربع ساعة حميه زيت
وكزلك جوان فرن الشكمان

اما جوان مشترك الشكمان اللى تحت هاته بتاع بره اللى بيبقى صاج ومن جواه ماده زى الجرنجريد والكاوتش

جوانين غطا التاكيهات لو بيجيبوا زيت غيرهم وماتنساش السيليكون الحرارى

جوان طرنبة البنزين وجوان طرنبة المياة لو ملقيتهمش بيتعملوا عند بتاع الجوانات وبرضو لازم لهم سيليكون حرارى
خليه يبص على مبخر الزيت لو معرق اعمله هو كمان جوان ولازم يتفك ويتنظف لو فيه شوائب ولا حاجة

لما تغير الزيت والفلتر هات الفلتر الكبير علشان يبرد الزيت أحسن

وفى الشتاء هات الفلتر الصغير علشان يحضر معاك الزيت بسرعة

ربنا يوفقك للى فيه الخير بإذن الله

ash_rsi
31-05-2012, 03:53 PM
Hisham.Elgazzar
هشام باشا طول عمر صاحب واجب كبير وربنا يكرمك يارب
الكاتينه اعتقد هتبقى الايطالى ISORAN هى دى اللى موجوده ولو انى سمعت عن ان فيه المانى نزل بس ماشوفتوش لسه
العربيه اصلا مظبوطه سلانسيه بس مكتوبه وحسبها مش هو عشان الترس الحديد بتاع صبابات الفرن مش بتاعها وانا شاكك انه اصلا مش ظابط العربيه فهغير الطقم كله وطبعا مافيش حديد فى البلد كلها فمضطر للبلاستيك
البليه اكيد هتبقى اليابانى
النقطه اللى مش عارفها هى جوان المانيفولد هو ينفع يبقى عليه زيت ويمسك فيه سيلكون
عموما انا بالليل ان شاء الله هروح اشترى الحاجه وهشوف ايه الاخبار واقولكم

Hisham.Elgazzar
31-05-2012, 04:06 PM
Hisham.Elgazzar
هشام باشا طول عمر صاحب واجب كبير:Bravo:
احنا إخوات ، وربنا يديم المعروف والمحبة

ويكفينى اوى والحمد لله انكم بتقتنعوا بكلامى

لأن ناس قريبين اوى ومع الآسف مبياخدوش بنصيحتى :fun_36_1_30[1]:
وربنا يكرمك يارب ربنا يخليك ويبارك فيك يارب

الكاتينه اعتقد هتبقى الايطالى ISORAN هى دى اللى موجوده ولو انى سمعت عن ان فيه المانى نزل بس ماشوفتوش لسه
العربيه اصلا مظبوطه سلانسيه بس مكتوبه وحسبها مش هو عشان الترس الحديد بتاع صبابات الفرن مش بتاعها وانا شاكك انه اصلا مش ظابط العربيه فهغير الطقم كله وطبعا مافيش حديد فى البلد كلها فمضطر للبلاستيك
البليه اكيد هتبقى اليابانى
النقطه اللى مش عارفها هى جوان المانيفولد هو ينفع يبقى عليه زيت ويمسك فيه سيلكون
عموما انا بالليل ان شاء الله هروح اشترى الحاجه وهشوف ايه الاخبار واقولكم
- طقم التروس هاتهم إستيراد أحسن ماتركب تروس بلاستيك
- يبقى ماتجيبش جوان جرنجريد للمانيفولد لو عاوز تركبه بالسيليكون هات جوان عادى

من وجهة نظرى حتى لو الترس بتاع العادم أكبر شوية
أهم حاجة يكون سليم والمحور بتاعه سليم ، والكاتينة مظبوطة

لو كل ده تمام يبقى حرام تغيره

ولو عاوز ضرورى تغيره يبقى الإستيراد أحسن

البلاستيك خسارة فيه الفلوس وتقريبا بيتباع طقم من ترسين على بعض
ده لو عاوز تجيب ماركة


الترس البلاستيك للكامة السفلية انما العلوية يفضل حديد يا جماعه ، والله أعلم

ash_rsi
31-05-2012, 04:12 PM
طبعا الحديد افضل بكتيييييييييييير بس معتقدش انه عاد ممكنم تلاقى تروس استيراد سليمه ده اذا قليتهم اصلا
وعلى فكره الترس اللى عندى مش كبير ده هو نفس المقاس بس اعتقد مش نفس السنون مش عارف بس هو فيه شئ مش صح عموما بكره هيبان وكمان مافيهوش الشفه اللى بتمنع خروج الكاتينه من مكانها

Hisham.Elgazzar
31-05-2012, 04:20 PM
موفق بإذن الله :Bravo:

ash_rsi
31-05-2012, 05:05 PM
ربنا يخليك يارب
بس لى استفسار
دلوقتى المفترض المصنع بينزل الكاتينه مظبوطه على علامات ثابته فى الكامات وفى البلوك ليه عندنا مابيظبوطوهاش على نفس العلامات وتلاقى واحد مقدم ترس الحرق وواحد ماخر ترس البنزيمن ومره ياتسحب ياتخنق يامره تاكل بنزين مش الصح اننا نظبطها على ظبط المصنع

Hisham.Elgazzar
31-05-2012, 05:31 PM
ربنا يخليك يارب
بس لى استفسار
دلوقتى المفترض المصنع بينزل الكاتينه مظبوطه على علامات ثابته فى الكامات وفى البلوك ليه عندنا مابيظبوطوهاش على نفس العلامات وتلاقى واحد مقدم ترس الحرق وواحد ماخر ترس البنزيمن ومره ياتسحب ياتخنق يامره تاكل بنزين مش الصح اننا نظبطها على ظبط المصنع


ماهى دى المعلمة اللى انا اقصدها انه مش اى حد يظبتها صح:thnkr:

زمان خلى بالك ماكانش همهم ولا العادم ولا إستهلاك البنزين

وبعدين هى الكامة مش حقها تريح شوية ؟؟

وبعدين شكل حضرتك عارف ازاى تظبط كاتينة ال32 اتنين كامة
عاوزين محاضرة فيها بقى :balloons71:

ash_rsi
31-05-2012, 05:54 PM
هههههههههههههههههههههههههههههههههههههههههههههههههه هههههههههههههههههه
استنى اتعلمها من الميكانيكى واقولهالكم هههههههه
لا هى كانت مجرد ملاحظه انا لاحظتها وكل مره اقول لاى ميكانيكى اتعامل معاه كل واحد يقولى على سبب شكل لبعده عن تقسيمه المصنع
المره دى ناوى ان شاء الله اخليه قبل مايفك يايعملها على المصنع ياهشوف غيره

ash_rsi
31-05-2012, 05:55 PM
على فكره انا سعيد جدا جدا انى بلاقى ناس بتحب الوحش 132 وسعيد اكتر اننا على تواصل ومناقشه
ربنا يديم المحبه والاخوه فى الله

Hisham.Elgazzar
31-05-2012, 06:18 PM
ربنا يخليك يارب
بس لى استفسار
دلوقتى المفترض المصنع بينزل الكاتينه مظبوطه على علامات ثابته فى الكامات وفى البلوك ليه عندنا مابيظبوطوهاش على نفس العلامات وتلاقى واحد مقدم ترس الحرق وواحد ماخر ترس البنزيمن ومره ياتسحب ياتخنق يامره تاكل بنزين مش الصح اننا نظبطها على ظبط المصنع

لو عاوز تظبطها صح وعلى ضمانتى قابلنى بكرة بإذن الله فى حدايق القبة امام قسم الحدايق بعد الصلاة بإذن الله

cars admire
31-05-2012, 07:43 PM
لو عاوز تظبطها صح وعلى ضمانتى قابلنى بكرة بإذن الله فى حدايق القبة امام قسم الحدايق بعد الصلاة بإذن الله
:36_13_6[1]::36_13_6[1]::36_13_6[1]::36_13_6[1]::Wkiss5::Wkiss5::Wkiss5:

محمدصلاح القاضى
01-06-2012, 11:08 PM
عربيتى زعلانه منى ومخصمانى اليومين دول :12BF86~159:ddd:
عشان كنت ناوى ابيعها لكن وعدتها انى مش هفرط فيها حتى لو هتتكهن ومش هتترخص
علامات زعل العربيه عندى
السخان الاتوماتيك كان عطل فكيته النهارده الصبح وظبطته ورجع اشتغل
وانا مروح النهارده الشكمان اتكسر من عند القنطره اللى فوق الكرونه
وهروح الحمه بكرا
النور مش متظبط هفك الشبكه وهركب شبكه استيراد نيكل بفوانيس الفبريقه بكرا واظبط النور تانى
طبعا كانت عندى جايه راكبه فى العربيه بس انا استخسرت انهم ينكسروا او يبوظوا
وهغسل الموتور وانضفه
خرطوم الباور بيرشح زيت هفكه واجيب له افيز حديد جديد واركبه

أيمن الروبي
02-06-2012, 12:14 AM
استاذ محمد ياريت تشرحلي ببساطه ازاي رجعت تشغل السخان الاوتوماتيك اصله عطل عندي من شهرين تقريبا بس نفضتله:fun_36_1_39[1]:

cars admire
02-06-2012, 03:13 PM
عربيتى زعلانه منى ومخصمانى اليومين دول :12BF86~159:ddd:
عشان كنت ناوى ابيعها لكن وعدتها انى مش هفرط فيها حتى لو هتتكهن ومش هتترخص
علامات زعل العربيه عندى
السخان الاتوماتيك كان عطل فكيته النهارده الصبح وظبطته ورجع اشتغل
وانا مروح النهارده الشكمان اتكسر من عند القنطره اللى فوق الكرونه
وهروح الحمه بكرا
النور مش متظبط هفك الشبكه وهركب شبكه استيراد نيكل بفوانيس الفبريقه بكرا واظبط النور تانى
طبعا كانت عندى جايه راكبه فى العربيه بس انا استخسرت انهم ينكسروا او يبوظوا
وهغسل الموتور وانضفه
خرطوم الباور بيرشح زيت هفكه واجيب له افيز حديد جديد واركبه
اختبار التصادم 132
http://www.youtube.com/watch?v=uGoSauHtC-8

تربو132

http://www.youtube.com/watch?v=03yTwrp0QuU

موتور تيبو لل 132

http://www.youtube.com/watch?v=yqvvK1NoFaA

131 و132

http://www.youtube.com/watch?v=V1QGQS658xU
:010104~171::12EA7A~153::CONGRA~238:FLASHCar

محمدصلاح القاضى
02-06-2012, 03:23 PM
ياربى مش عارف ارفع صور خالص
لكن الشرح
هو انك هتفك العمه خالص
كدا هبيقى الكربراتير بيان قدامك تمام
هتفك السخان وهو مربوط بثلاث مسامير
دون فك خراطيم المياه
هتلاقى داخل السخان ملف زنبركى سيبك منه مش وقته
لكن هتلاقى سن حديد طالع من الكربراتير ومشقوق من النص
وراكب عليه طبق فبر نفس لون الكبراتير طلع الطبق هتلاقى قدامك السن الحديد بيان تماما وليه سنون صغيره تحت
هتدوس بنزين من الاكسلاتير وتظبط السنون الصغيره على اول تكه
وبعدين تركب الطبق وتركب السخان بس بشرط انك تركب سن الملف الزنبركى داخل شق السن الحديد وبعدين دور هتلاقى السخان اشتغل واول ما تسخن هتهدى لوحدها او تدوس دوسة بنزين صغيره هيفصل
وتشغيله قبل الدوراه الصبح انك تدوس بنزين مره وتدور وهو هيشتغل لوحده
كان نفسى ارفع الصور للتوضيح لكن مش راضى يرفع ولا صوره

cars admire
02-06-2012, 03:28 PM
محمدصلاح القاضى (http://www.masrmotors.com/vb/member.php?u=58680)



:GROWIN~12::GROWIN~12::GROWIN~12::GROWIN~12::GROWI N~12::GROWIN~12:

محمدصلاح القاضى
02-06-2012, 03:30 PM
اختبار التصادم 132
http://www.youtube.com/watch?v=uGoSauHtC-8

تربو132

http://www.youtube.com/watch?v=03yTwrp0QuU

موتور تيبو لل 132

http://www.youtube.com/watch?v=yqvvK1NoFaA

131 و132

http://www.youtube.com/watch?v=V1QGQS658xU
:010104~171::12EA7A~153::CONGRA~238:FLASHCar
انا عاجز عن الشكر ليك يا ادمايرز

cars admire
02-06-2012, 03:45 PM
انا عاجز عن الشكر ليك يا ادمايرز

:THUMBS~220::THUMBS~220::12A96E~160::12A96E~160::1 2A96E~160::1281F1~121::1281F1~121:

cars admire
02-06-2012, 04:00 PM
http://a1.sphotos.ak.fbcdn.net/hphotos-ak-ash3/544843_10151794051005724_563086299_n.jpg

RAYAN
مشرف مساعد قسم التعديلات الشكلية


هشام الجزار
مشرف مساعد

الف مليون مليار مبروك وبالتوفيق

:THUMBS~220::THUMBS~220::THUMBS~220::THUMBS~220::T HUMBS~220:

أيمن الروبي
02-06-2012, 04:04 PM
شكرا ل محمد القاضي و cars admire

ash_rsi
02-06-2012, 04:46 PM
اصدقاء الوحش 132 كل التحيه ليكم
احكى ليكم يومين من الصيانه طلعوا عينى بس اعذورونى انى هعملها فى كذا مشاركه عشان النت عندى مش ضامنه

الحكايه بدأت برحله البحث عن قطع الغيار والمحاوله للوصول لانظف القطع
المهم اشتريت مجموعه تروس بتيجى مع بعضها عدد 2 ترس S وواحد ترس A ماركه OMC ايطالى وبيجوا فى كيس بلاستيك تحس ان معمول من الزباله
المهم فتحت الكيس ابص على التروس ( رغم انى مالقتش احسن منه بس احساسى انه معمول من بلاستيك الشباشب وربنا ولو زى ايام زمان ماكنت اركبه ولو هيدفعوا لى فلوس )
http://img812.imageshack.us/img812/1169/dsc01658w.jpg (http://img812.imageshack.us/i/dsc01658w.jpg/)
وسعر الترس 38 جنيه


وترس الرنك بصراحه كان من نفس الماركه بس بصراحه خامته جميله ونظيفه وعمل 54 جنيه
http://img835.imageshack.us/img835/5640/dsc01660x.jpg (http://img835.imageshack.us/i/dsc01660x.jpg/)

ash_rsi
02-06-2012, 04:56 PM
واشتريت بليه الكاتينه كنت دورت على اليابانى لكن غلبت بصراحه ولقيت انضف نوع Coram الايطالى وتقريبا زى الاصليه فى نفس العرض وخصوصا انى شوفت بلى رفيع على قد مقاس الكاتينه بالظبط وسعرها 55 جنيه
http://img804.imageshack.us/img804/367/dsc01659r.jpg (http://img804.imageshack.us/i/dsc01659r.jpg/)

وسير الكاتينه النوع الوحيد الايطالى هو الموجود فى السوق وسعرها مختلف من مكان لمكان وحبتها ب 50 جنيه
http://img716.imageshack.us/img716/6040/dsc01655g.jpg (http://img716.imageshack.us/i/dsc01655g.jpg/)

وكمان اولسيهات الكامات والكرنك الامامى نوع ايطالى ( وربنا تحس معمول فى الوكاله ) اعتقد كانوا 23 او 25 مش فاكر قوى
http://img204.imageshack.us/img204/1791/dsc01661j.jpg (http://img204.imageshack.us/i/dsc01661j.jpg/)

ash_rsi
02-06-2012, 05:10 PM
وطقم بوجيهات NGK الكترونى الميكانيكى صممم انه يكون سن رفيع بتاع العربيات الكورى قال انه احسن فى حرقه من البوجيهات العاديه ( بس انا مش مقتنع بصراحه ) بس انا اصلا كده كده هغير الطقم فمش هتفرق جبته ب 55 جنيه وكان فيه طقم بوجيهات بوش بيقول البايع انه روسى ب 36 وعليه ضمان سنه ( والضامن ربنا فى بلدنا كالعاده )
http://img33.imageshack.us/img33/8175/dsc01664p.jpg (http://img33.imageshack.us/i/dsc01664p.jpg/)

بس وبعد كده رجعنا وبدأنا العمل والعذاب بعد صلاه الجمعه وانا بتعشم الموضوع ساعتين وننتهى ( بس يظهر كنت بحلم )
المهم فكينا الرادياتير والفلتر ووصله الهوا لقينا الرادياتير بيسرب مياه من عند ماكينه الحراره ومعلم فوديته للحام ويبص عليه كله ونزلت المياه كلها من الموتور وفكيت الطبه فى البلوك عشان اضمن ان كل المياه تنزل لانى ناوى اعمل بالمره غسيل دوره ولان الجوه الصيف ده شكله جنهم وانفتح علينا ( ربنا يرحمنا برحمته)
بعد كده فك الوش البلاستيك وبص على التقسيمه القديمه وقالى ترس البنزين مأخر سنتين وده يعمل كتمه فى العربيه وقت الكبس لكن يوفر بنزين لقينا ترس الكرنك مغرق الدنيا وكذا ترس المناول برضوا جايب زيت لكن ترسين الكامه مش جايب زيت فقالى بلاش نغيرهم قلت له لا غير كله

ash_rsi
02-06-2012, 05:34 PM
المهم الصبى بعد فك كل حاجه جاب بنزين وغسل الموتور كله وانا بعد ماشوفت الموتور اتغسل كان ركبت موتور جديد اتارى الموتور كان وسخ قوى هههههههههههههههههههه
المهم الباشا الميكانيكى سابنى وراح لكذا عربيه يبص عليهم كالعاده المهم قعد ساعه ورجع اشتغل عندى ركب الاولسيهات
وجه عند اولسيه الكرنك لقيه فك السوسته بتاعته وقص جزء منها ورجع ركبها سالت ليه قالى عشان اضيق الاولسيه فميهربش اى زيت لو فيه اى تاكل فى جسم الكرنك ( ابقى قابلنى ههههههههه )
وبعد كده ركب التروس وجه لتروس الكامات قالى مش هنركب الجديد اللى فيهم حديد وانظف من الجديد وبعد كده قال اتغدى قاعد ساعه المهم الوقت بقى 7 مساء جه ركب الكاتينه والبليه دور لا التقسيمه مش حلوه قسم من تانى لا مش حلوه المشوار ده اخد ساعه بحالها اخيرا ظبطت قلت اروح اجيب الراداياتير رحت ورجعت لقيت مصيبه الباشا قال للصبى ركب الوش البلاستيك الواد تطوع مشكورا من نفسه وقال يقرط على المسامير كسر 2 مسمار اللى بتمسك الحديده اللى راكب عليها بليه الكاتينه والمسامير اتكسرت جوه البلوك مش هقولكم انا عملت ايه ولا هو عمل ايه فى الصبى عشان عيب
المهم فك كل اللى عمله وحاول بالسمبك يطلع المسمارين معرفش اتصل بالخراط هات العربيه ازاى العربيه مش بتدور قاله مش هينفع لازم تيجى جبنا عربيه نص نقل جرتها قعد ساعتين يطلع فيهم المهم خلصنا رجعنا بقت الساعه 11 قال خلاص مش هقدر الصبح
سبت العربيه والصبح 9 اتصل بى اجى رحت اشتغل فيها على 11 كان مخلص كل شء دارت العربيه بحمد الله وفضله بس بعد مانا كرهت نفسى والعربيه عاوزه تترمى فى بانيو تتغسل فيه اسبوع من كتر التراب والزيت اللى عليها
ودى الحكايه وللاسف ضاع على فرصه المقابله معاكم لكن تتعوض ان شاء الله
اتمنى ماكونش دوشتكم
طبعا فكك تانى كل اللى عمله

Hisham.Elgazzar
02-06-2012, 06:09 PM
حمدا لله على سلامتك يا مصطفى
Mostafa3atef
:fun_36_3_11[1]:

mOuStaFa_ERTU
02-06-2012, 10:20 PM
حمدا لله على سلامتك يا مصطفى
Mostafa3atef
:fun_36_3_11[1]:

الله يسلمك يا H وربنا يجعلها اخر الحوادث

cars admire
02-06-2012, 10:23 PM
شكرا ل محمد القاضي و cars admire
:CHUBBY~36:سوقسوق:CHUBBY~36:سوقسوق

mOuStaFa_ERTU
02-06-2012, 10:29 PM
اختبار التصادم 132
http://www.youtube.com/watch?v=uGoSauHtC-8

تربو132

http://www.youtube.com/watch?v=03yTwrp0QuU

موتور تيبو لل 132

http://www.youtube.com/watch?v=yqvvK1NoFaA

131 و132

http://www.youtube.com/watch?v=V1QGQS658xU
:010104~171::12EA7A~153::CONGRA~238:FLASHCar

سيبك انت
انا شوفت التصادم ده بنفسى ومحدش قالى انا عملت تصادم مع جامبووو لبس فيا من ورا وعينك ما ماتشوف غير النور:k_crying77[1]::k_crying77[1]::k_crying77[1]::k_crying77[1]:

محمدصلاح القاضى
02-06-2012, 10:38 PM
سيبك انت
انا شوفت التصادم ده بنفسى ومحدش قالى انا عملت تصادم مع جامبووو لبس فيا من ورا وعينك ما ماتشوف غير النور:k_crying77[1]::k_crying77[1]::k_crying77[1]::k_crying77[1]:

حمد لله على سلامتك اولااااااااا
بس ايه اللى حصل بالظبط

mOuStaFa_ERTU
02-06-2012, 10:50 PM
النهاردة الصبح تم بحمد الله اول خطوة فى تعارف ملاك السفينة وابتدى بانى قابلت الاخ الفاضل ايمن ايمووو
وجارى وزميل الدراسه هشام الجزاااار وقعدنا وطبعا مش هاحكيلكوا عليهم ناس فى قمة الذوق والاخلاق وخلصنا على قبل الظهر بشوية وده اجمل ما حدث اليوم بس خسارة الحلو مايكملش
وانا مروح ماشى فى جسر السويس لا بيا ولا عليا كان فيه عربية بترول بتعبر يو تيرن فوقفت عشان تعدى ومفيش 20 ث وجامبو محمل عفش لبس فبا من ورا نزلت طبعا اشوف اللى حصل لقيت الشنطة اتنت من الخبطة والرفرف دخل لجوة من عند الفانوس اليمين مع شرخ فى الاكصدام والشكمان وقع والشنطة طبعا مابقتش تقفل فقلتله مش تحاسب وبدل ما حتى يطيب خاطرى بكلمتين قالى انت اللى وقفت فجاءة اولتله انت كداب ونفرض انى فعلا وقفت فجاءة انت برضوه غلطان انك ماشى بسرعه ومش عامل مسافه كافيه والناس اللى واقفين فى الشارع برضوه قالوا بدل ما تصلحله عربيتة بتبجح وتتقل ادبك ؟؟
وبدون سابق انذار قفز 2 من الصندوق الخلفى من على العفش وفتحوا مطاوى وابتدينا قلت الادب وبرضه ماسكتش لائيت التالت ضلع فرد وضرب طلقتين فى الهوا تخيوا يحصل كده فى عز الظهر امام الناس جميعا ولا حياة لمن تنادى طبعا قلت طظ فى العربية وحسبى الله ونعم الوكيل المهم كان معايا كاميرتى حبيبتى ودى مش بتفارقنى جريت ورا العربية رغم الشكمان المدلدل والتقطت صورة للعربية بالرقم وكلمت اصدقائى ضباط شرطه ( امن دوله سابقا وامن قومى حاليا قالولى احنا جايين معاك المهم رحنا على القسم عين شمس اعمل محضر وبعد شويه ارف قالولى اروح قسم النزهه عشان المنطقه دى تابعه ليهم وقالى عادى ضرب النار بقه عادى المهم وبدون دخول فى تفاصيل رحت قسم النزهه وعملت المحضر السليم وربنا موجود بقه وكده كده صاحب العربية مش هاينفع يجدد غير لما يجيلى برجله الاول وساعتها هعمل السليمه ان شاء الله
واللى مضايقنى والله مش تمن التصليح هو لو كان نزل وقالى اسف سرحت الفرامل سابت اى حاجه كان ممكن النوضوع خلص واقول عوضى على الله انما شغل حى هارلم ده اللى ضايفنى وبقه اوفر اوى وبرضه حسبى الله ونعم الوكيل. وشكر خاص لهشان وايمن وشكلى كده هروح لايمن ارجع العربية كما كانت واحسن بس اللى مضايقنى انى اضريت افضى الشنطه كلها طبعا
استبن وكوريك وعدة وكافة شيئ وربنا ايوركوش حاجه وحشه

:w6w200504112220146b:w6w200504112220146b:w6w200504 112220146b:w6w200504112220146b
:01964E~163::01964E~163::01964E~163::01964E~163::0 1964E~163::01964E~163:

Hisham.Elgazzar
02-06-2012, 10:56 PM
الله يسلمك يا H وربنا يجعلها اخر الحوادث

معندكش فكرة انا اد اه زعلان ومتضايق علشانك يا صاحبى :w6w200504112220146b

على فكرة يا جماعه مصطفى زميلى من أيام المدرسة الإعدادى
لأ وكمان جارى ساكن فى العمارة اللى قصادى

محمدصلاح القاضى
02-06-2012, 11:04 PM
دا نفس اللى حصل مع والداى بس بال 132 ال GLS مش ال 2000
المهم انهم كانوا رايحين يعزوا فى واحد ميت واكبين العربيه ومعاه تلاته قريبنا وبيعدوا مطب ووالدى مشغل الويتنج وكله تمام وفجأه عربيه جامبو ركبت عليهم من ورا طبعا دغدغت الشنطه والاكصدام الحديد وكسرت التانك والبنزين نزل على الاسفلت ودنيا بقا غير انهم اما تخبطوا من شده الخبطه العربيه لفت حوالين نفسها يجى اربع مرات وفى الاخر لزقت فى الجزيره اللى فى النص وينزل والدى من العربيه هو وقريبنا ويكلم الراجل بالذوق لكن دون اى احترام من الراجل او اسف وهى هى قله الادب المعتاده من سواقين الجامبو والنص نقل والناس اتلمت والتانى كانه مش غلطان تحس انه هيطير من فوق الناس اللى بتعدى المطب طبعا والدى قعد شهر فى الجبس عشان دراعه الاتنين حصل فيهم ملخ وتمزق فى الاربطه نتيجه لف الدركسيون وجاب نص خواجه للعربيه من ورا وركبه لانه محبش يعمل سمكره وتخبيط ريح دماغه وقص ولحم وانتهى الموضوع على كدا ووالدى على فكرا كل الحوادث اللى عملها ديما هو اللى بينخبط من الناس
عموما حمد لله بالسلامه واللى يجى فى الصاج اهون بكتيييير من اللى يجى فى البنى آدم
*

mOuStaFa_ERTU
02-06-2012, 11:17 PM
معندكش فكرة انا اد اه زعلان ومتضايق علشانك يا صاحبى :w6w200504112220146b

على فكرة يا جماعه مصطفى زميلى من أيام المدرسة الإعدادى
لأ وكمان جارى ساكن فى العمارة اللى قصادى

عارف والله يا صاحبى وده برضوه كان هيبقى نفس شعورى لو لا قدر الله حصل مع اى حد من اخوانى واصدقائى بس تعرف لما نزلت بقه بعد ما اكلت ونمت وفضيت الشنطة وشيلت الاستبن وكل حاجه ويوم الاتنين هاشوف بقه حوار السمكرى ده وغالبا هاروح لايمن

Hisham.Elgazzar
03-06-2012, 12:00 AM
قدر الله وماشاء فعل
هقولكوا على ميزة فى البولونيز وال125 محدش يعرفها الا اللى ركبها

قضيب القطر اللى راكب ورا الإكصدام الخلفى

وياسلام لو العربية عالية شوية من ورا عن العادى

ياما زعلت عربيات كتير

واللى بيتخدش حياءه بس فى الإكصدام ده

بيكون جاب رفرفين ووش وإكصدام
بس نصيحة يا جماعه وإن شاء الله إن كان لينا عمر

القاطرة اللى بتتركب ورا الإكصدام امو رأس عامل زى البلية دى
قاتلة للى بس يفكر يخبط حد من ورا
وقبل ما يطول ضفر الإكصدام تكون القطرة دى مدياله طعنة فى مقتل

ولو حب يعمل فيها سبع رجالة وطلع وراك تديهالو تانى


أقل واحد هيجيب مكنة وش

كلكم عارفينها ، بتتباع فى بورسعيد لو نزلت هناك هجيبلكم منها بإذن الله
وكله يركبها
http://visual.merriam-webster.com/images/transport-machinery/rail-transport/car/automatic-coupler.jpg
http://upload.wikimedia.org/wikipedia/commons/d/d6/Coupling_caravan_car.jpg

لأ وكمان بدل مانعمل فيها كهربة ، نركب موبينة شرارة عالية علشان تديله شحنه تكتكتك صباح الفل جابت كنترول مكنة ، برضو وششش، انا مخنوق اوى

mOuStaFa_ERTU
03-06-2012, 12:11 AM
مخنوق من ايه يا صاحبى ؟؟ قولى مين اللى خانئق وانا ادخل فيه ازعله ماهى كده كده داخله سمكرة نعربد بقه شويه
:CHUBBY~36:

hazem_khidr
03-06-2012, 12:14 AM
لا حول ولا قوه الا بالله
ربنا يخلصنا من البلطجيه دول
و يجيب لك حقك

Hisham.Elgazzar
03-06-2012, 12:19 AM
لا حول ولا قوه الا بالله
ربنا يخلصنا من البلطجيه دول
و يجيب لك حقك

منور يا أستاذ حازم AHLNWSHALN
متشرفتش بمقابلة حضرتك يوم الإجتماع
لعل المانع خير بإذن الله

أيمن الروبي
03-06-2012, 01:11 AM
مصطفي حبيبي الف سلامة عليك والله زعلت اوي بس الحمد لله الذي لايحمد علي مكروه سواه
معلش متزعلش مني اتلهيت عنك انهارده علشان كنت في الشغل منتا عارف
وان شاء الله العربية ترجع زي ماكانت واحسن وسيبها علي الله ثم عليا
يمكن اللي حصل ده علشان تروشها وتحليها اكتر :CHUBBY~36:
وربنا يرحمنا من البلطجيه واللي واخدنها عافيه
دنا كل يوم خناقات مع سواقين الميكروباصات والصراصير اققصد التكاتك اللي بلانا بيها غبور الله يحرقه
بس شوف هتعمل ايه وكلمني
وسلامي لأستاذ هشام وعاوزين نكرر المقابله تاني بس عندي انا المره اللي جايه
وسلامي ل محمد القاضي و cars admire وحازم خضر:0369B3~177:

أيمن الروبي
03-06-2012, 01:21 AM
ايه رأيكو في الجنوط بتاعتي
http://www.masr1.com/?di=7L45

mOuStaFa_ERTU
03-06-2012, 02:03 AM
مصطفي حبيبي الف سلامة عليك والله زعلت اوي بس الحمد لله الذي لايحمد علي مكروه سواه
معلش متزعلش مني اتلهيت عنك انهارده علشان كنت في الشغل منتا عارف
وان شاء الله العربية ترجع زي ماكانت واحسن وسيبها علي الله ثم عليا
يمكن اللي حصل ده علشان تروشها وتحليها اكتر :CHUBBY~36:
وربنا يرحمنا من البلطجيه واللي واخدنها عافيه
دنا كل يوم خناقات مع سواقين الميكروباصات والصراصير اققصد التكاتك اللي بلانا بيها غبور الله يحرقه
بس شوف هتعمل ايه وكلمني
وسلامي لأستاذ هشام وعاوزين نكرر المقابله تاني بس عندي انا المره اللي جايه
وسلامي ل محمد القاضي و cars admire وحازم خضر:0369B3~177:

قدر الله وما شاء فعل والله عزائى الوحيد معرفتى بيكم النهاردة
وان شاء الله اجيبهالك وعايزها تويوتا قبل الحصة السادسه ما تخلص :w6w2005041113562663

ايه رأيكو في الجنوط بتاعتي
http://www.masr1.com/?di=7L45

ما شاء الله عليها وتدوبهم فى اسفلت العافية
:w6w2005041113562663

:w6w200504112257276b

mOuStaFa_ERTU
03-06-2012, 02:14 AM
انا الصبح فى ضوء الشمس هنزل اصور العربية كذا صوره من كذا زاوية اروفع الصور وبالمرة تبص عليهم ونشوف التكاليف متوسط كام عشان اعمل حسابى ان شاء الله على السبت اللى جاى ( المقابلة اللى جاية )

:fun_36_3_4[1]::fun_36_3_4[1]::fun_36_3_4[1]:

أيمن الروبي
03-06-2012, 01:46 PM
انا الصبح فى ضوء الشمس هنزل اصور العربية كذا صوره من كذا زاوية اروفع الصور وبالمرة تبص عليهم ونشوف التكاليف متوسط كام عشان اعمل حسابى ان شاء الله على السبت اللى جاى ( المقابلة اللى جاية )

:fun_36_3_4[1]::fun_36_3_4[1]::fun_36_3_4[1]:

مستني الصور حبيبي:w6w200504111340266d

محمدصلاح القاضى
04-06-2012, 01:30 PM
بسم الله ماشاء الله حاجه حلوه وجديده
بس كان فى ملحوظه انت مركب كرتيرات فبر جوه الرفارف جبتهم منين وقولت له ايه من ناحية النوع ؟؟
لانى جبتهم ومركبوش عندى نهائى
ثانيا اقترح عليك تركب جوز مريات الدوجان على العربيه وهتحس بالاختلاف فى الشكل تمام وياسلام لو خدم نفس لون العربيه

محمدصلاح القاضى
04-06-2012, 02:03 PM
اتفرج وقول رأيك ؟؟؟ايه ياترى
كدا :THUMBS~113: ولا كدا:THUMB_~112:

http://a7lashare.com/viewimages/d88c66c3fe.jpg (http://a7lashare.com/download/d88c66c3fe.html)
http://a7lashare.com/viewimages/54721c8cd1.jpg (http://a7lashare.com/download/54721c8cd1.html)
http://a7lashare.com/viewimages/5e2d1b04e8.jpg (http://a7lashare.com/download/5e2d1b04e8.html)
http://a7lashare.com/viewimages/f87ad45f9d.jpg (http://a7lashare.com/download/f87ad45f9d.html)
http://a7lashare.com/viewimages/6c6b704951.jpg (http://a7lashare.com/download/6c6b704951.html)
http://a7lashare.com/viewimages/f3cb92a361.jpg (http://a7lashare.com/download/f3cb92a361.html)
http://a7lashare.com/viewimages/f3cb92a361.jpg (http://a7lashare.com/download/f3cb92a361.html)
http://a7lashare.com/viewimages/e8f0f7acc2.jpg (http://a7lashare.com/download/e8f0f7acc2.html)
http://a7lashare.com/viewimages/033e9f9510.jpg (http://a7lashare.com/download/033e9f9510.html)

Hisham.Elgazzar
04-06-2012, 02:50 PM
اتفرج وقول رأيك ؟؟؟ايه ياترى
كدا :THUMBS~113: ولا كدا:THUMB_~112:

http://a7lashare.com/viewimages/d88c66c3fe.jpg (http://a7lashare.com/download/d88c66c3fe.html)
http://a7lashare.com/viewimages/54721c8cd1.jpg (http://a7lashare.com/download/54721c8cd1.html)
http://a7lashare.com/viewimages/5e2d1b04e8.jpg (http://a7lashare.com/download/5e2d1b04e8.html)
http://a7lashare.com/viewimages/f87ad45f9d.jpg (http://a7lashare.com/download/f87ad45f9d.html)
http://a7lashare.com/viewimages/6c6b704951.jpg (http://a7lashare.com/download/6c6b704951.html)
http://a7lashare.com/viewimages/f3cb92a361.jpg (http://a7lashare.com/download/f3cb92a361.html)
http://a7lashare.com/viewimages/f3cb92a361.jpg (http://a7lashare.com/download/f3cb92a361.html)
http://a7lashare.com/viewimages/e8f0f7acc2.jpg (http://a7lashare.com/download/e8f0f7acc2.html)
http://a7lashare.com/viewimages/033e9f9510.jpg (http://a7lashare.com/download/033e9f9510.html)

مع الأسف الصور مش باينة
ربنا معاك وتنجح ونفرح بيك بإذن الله
واوعى تبيع العربية
انا بإذن الله لو هشترى عربية تانى هتبقى 132 كداب

محمدصلاح القاضى
04-06-2012, 02:56 PM
تسلم لى يا H
ومن ناحية الصور :fun_36_3_1[1]:
ولا حتى باينه فى التوقيعايه ياترى

أيمن الروبي
04-06-2012, 03:08 PM
بسم الله ماشاء الله حاجه حلوه وجديده
بس كان فى ملحوظه انت مركب كرتيرات فبر جوه الرفارف جبتهم منين وقولت له ايه من ناحية النوع ؟؟
لانى جبتهم ومركبوش عندى نهائى
ثانيا اقترح عليك تركب جوز مريات الدوجان على العربيه وهتحس بالاختلاف فى الشكل تمام وياسلام لو خدم نفس لون العربيه

ال 132 نزلت من غير كارتيرات اصلا واللي يقول غير كده كداب المهم هات جوز كارتيرات شاهين
وعند التركيب الكرتيره الشمال ركبها ناحية اليمين وكرتيرة اليمين ركبها ناحية الشمال وادعيلي بس قبل ماتركبهم اغسل العربية من تحت وخصوصا الرفارف الاماميه وهات علبة شحم وادهن الرفارف من جوه وانساهم طول العمر وبعد كده ركب الكارتيرات وانا قدام شويه هاجيب كارتيرات الشاهين الخلفيه واركبها ورا

أيمن الروبي
04-06-2012, 03:10 PM
اتفرج وقول رأيك ؟؟؟ايه ياترى
كدا :THUMBS~113: ولا كدا:THUMB_~112:

http://a7lashare.com/viewimages/d88c66c3fe.jpg (http://a7lashare.com/download/d88c66c3fe.html)
http://a7lashare.com/viewimages/54721c8cd1.jpg (http://a7lashare.com/download/54721c8cd1.html)
http://a7lashare.com/viewimages/5e2d1b04e8.jpg (http://a7lashare.com/download/5e2d1b04e8.html)
http://a7lashare.com/viewimages/f87ad45f9d.jpg (http://a7lashare.com/download/f87ad45f9d.html)
http://a7lashare.com/viewimages/6c6b704951.jpg (http://a7lashare.com/download/6c6b704951.html)
http://a7lashare.com/viewimages/f3cb92a361.jpg (http://a7lashare.com/download/f3cb92a361.html)
http://a7lashare.com/viewimages/f3cb92a361.jpg (http://a7lashare.com/download/f3cb92a361.html)
http://a7lashare.com/viewimages/e8f0f7acc2.jpg (http://a7lashare.com/download/e8f0f7acc2.html)
http://a7lashare.com/viewimages/033e9f9510.jpg (http://a7lashare.com/download/033e9f9510.html)
لأ طبعا تمام بسم الله ماشاء الله ربنا يباركلك فيها وانا هصور عربيتي كامله وارفعها
بس ليا طلب عندك تسلفني التكييف بتاعك الصيف ده وارجعهولك في الشتا

Hisham.Elgazzar
04-06-2012, 11:21 PM
اتفرج وقول رأيك ؟؟؟ايه ياترى
كدا :THUMBS~113: ولا كدا:THUMB_~112:

http://a7lashare.com/viewimages/d88c66c3fe.jpg (http://a7lashare.com/download/d88c66c3fe.html)
http://a7lashare.com/viewimages/54721c8cd1.jpg (http://a7lashare.com/download/54721c8cd1.html)
http://a7lashare.com/viewimages/5e2d1b04e8.jpg (http://a7lashare.com/download/5e2d1b04e8.html)
http://a7lashare.com/viewimages/f87ad45f9d.jpg (http://a7lashare.com/download/f87ad45f9d.html)
http://a7lashare.com/viewimages/6c6b704951.jpg (http://a7lashare.com/download/6c6b704951.html)
http://a7lashare.com/viewimages/f3cb92a361.jpg (http://a7lashare.com/download/f3cb92a361.html)
http://a7lashare.com/viewimages/f3cb92a361.jpg (http://a7lashare.com/download/f3cb92a361.html)
http://a7lashare.com/viewimages/e8f0f7acc2.jpg (http://a7lashare.com/download/e8f0f7acc2.html)
http://a7lashare.com/viewimages/033e9f9510.jpg (http://a7lashare.com/download/033e9f9510.html)

بسم الله ماشاء الله ، اللهم صلى على سيدنا محمد عليه الصلاة والسلام
خسارة طبعا تبيعها ، اهم حاجة العتب والنقرة اللى فى الباب ماتنساهاش
ربنا يباركلك فيها ويكفيك شرها

* الصور مكانتش باينة فى جهاز الشغل

hazem_khidr
04-06-2012, 11:24 PM
بسم الله ما شاء الله
عربيتك شكلها نضيف و رايق يا قاضي
ربنا يباركلك فيها

ahmed_sadek
05-06-2012, 01:05 AM
بعد السلام والتحية على كل أعضاء رابطة ملاك ومحبي السفينة فيات 132 اللي ياما أتعلمنا منهم . أنا عربيتي محتاج شغل وكنت عايز أشدها بس مش عارف أشدها فين (عمرة ماتور - سمكرة ودوكو - وطقم كاوتش) يا ترى أروح فين يا ريت حد مجرب يدلني ويقولي تكلفة الحاجات ديه كام . وشكراً لأعضاء أحلى رابطة

mOuStaFa_ERTU
05-06-2012, 02:18 AM
ازيكم يا احبابى واحشنى اوى والله بس معلش بقه مدخلتش اليومين دول اصلى كنت مخنوق حبتين تلاته اربعه كده.

العربية صعبانة عليا وهى مركونه تحت البيت كده واللى زاد البله طين ان هفحص اخر الشهر يعنى لازم تبقى نمرة واحد بس بإذن الله هتبقى البريمو.

عربيتك بسم الله ماشاء الله يا محمد ربنا يحرصهالك ويكفيك شرها واحلى ما فيها انها محتفظة برونقها ومفيهاش لعب ناقص بقه الكارتيرات والعتب النيكل بتاعها وتبقى عروسه.
وانا ناوى اعمل كده بس مش عارف ابتدى بايه ؟؟
فرش واعزل الصالون الاول ولا سمكرة ودوكو الاول ولا عفشه وميكانيكا ولا ايه ؟
بس تقريبا لازم ابتدى بالسمكرة والدوكو عشان الفحق وغلاسة امه وخصوصا انى فى اسوء مرور عرفته البشرية على مر العصور
(( عذاب السلام )) قصدى مرور السلام.

يا جماعه عايزين اكبر عدد من الاعضاء يحضروا المقابلات والله الكل هيستفاد اوى والمقابلة اللى جايه السبت المقبل.


وان شاء المولى عز وجل اكون جمعت فلوس السمكرة والدوكو عشان مش عايز استخسر فيهم عشان احنا من بنشد كل يوم.

mOuStaFa_ERTU
05-06-2012, 02:20 AM
واحشنى اوى يا H انت وAimooo
والله شباب زى العسل وربنا يكرمنا كلنا ان شاء الله
مش هتنزل العرب قريب يا هشام ؟؟

عموما لو نزلت كلمنى ونتقابل
فى رعاية الله
:GROWIN~12:
:GROWIN~12:
:GROWIN~12:

mOuStaFa_ERTU
05-06-2012, 02:34 AM
بعد السلام والتحية على كل أعضاء رابطة ملاك ومحبي السفينة فيات 132 اللي ياما أتعلمنا منهم . أنا عربيتي محتاج شغل وكنت عايز أشدها بس مش عارف أشدها فين (عمرة ماتور - سمكرة ودوكو - وطقم كاوتش) يا ترى أروح فين يا ريت حد مجرب يدلني ويقولي تكلفة الحاجات ديه كام . وشكراً لأعضاء أحلى رابطة

اهلا بيك يا ابو حميد هكلمك على اللى اعرفه
عمرة الموتور كبيرها يوم ما يبقى الموتور مشنش وخرط كرنك والحوار ده تعمل فى رنج 2500ج
بس ان شاء الله يرجع بريمو من تانى

السمكرة على حسب هتعمل ايه بالظبط وهل فيه بارومه ولا لاء ممكن توصل ل 1000ج ده مثلا لو هتغير فى الصاج يعنى طبل ابواب والكلام ده ولو هتغير اكصدامات فبر بتاعت ال 2000 الواحد ب 140ج جديد بس طبعا من غير الكامر الحديد بتاع الفابريكة اما لو هاتجيبهم استيراد من 700 الى 1000ج من الوكاله او شلبى وممكن ارخص وانظف فى بورسعيد

الدوكو الصح من 2500 الى 3000 فى الحدود دى

الكاوتش حسب المقاس ولو هاتجيب بردجستون وده تقريبا ممتاز ممكن يعمل 400ج الفردة
الجنوط لو عايز مروحة 14 الطقم فى شلبى 1000ج 4 فرد استيراد مافيهمش الهوا اما لو سبور فايمن يفيدك بقه هو لسه شارى جنوط سبور وصورته رافعها

الاسعار دة متوسط قابله النقص او الزيادة بس ان شاء الله مفيش زيادة
:GROWIN~12: :GROWIN~12: :GROWIN~12:

mOuStaFa_ERTU
05-06-2012, 02:41 AM
ايه رئيكوا فى صورة التوقيع ؟؟
توقيع مستوحى من الحادث الاليم
:fun_36_1_7[1]:
:fun_36_1_7[1]:

محمدصلاح القاضى
05-06-2012, 07:45 AM
شكرا لمستر حازم خضر
وليك يا H انت و aimooo
على التعليقات الجميله جدااا
واحب اقول حكاية عربيتى دى
عربيتى كانت ملك السيده فيريال صالح بتاعت التلفزيون ( ام المذيع ادهم الكمونى ) من الزيروو
اشترت العربيه ومشيت بيها 30 الف كيلو وبعدين ركنتها فى الجنينه بتاعت الفيلا بتاعتها تحت شجره لحد سنة 2004 اتفرج على العربيه واحد تاجر من عندنا عجبته اوووى حالة العربيه ونضافتها من جوا والموتور
المهم قالها انتى طالبه فيها كام ؟؟ ردت انا عاوزه 35 الف جنيه لو نزلوا جنيه هى احسن عندى من فلوسها
دفع الفلوس وقالتله العربيه محتاجه بطاريه جديده وكهربائى يشوف المارش بتاعها عطلان ليه ؟؟
اشترى بطاريه ودور على كهربائى يشوف المارش لقى سلك اللقط مش مربوط ربطه وحط شوية بنزين فى الكربراتير ودور دارت العربيه وطبعا نزلها من على الدشم بعد ما نفخ الكاوتش وراح غسلها غسلة اللى هيا
وانا والدى كانا فى الفترة دى بندور على 132 2000 بعد اما بعنا واحده 2000 بس كانت المانى
المهم شوفنا العربيه بعد اما الراجل اشتراها بأسبوع وطلع والدى يجرب العربيه ولا الزيرووو موتور محترم وعفشه محترمه وفرش الكراسى زيرو والتكيييييف تلاجه لكن العيب الوحيد واللى بعانى منه لحد دلوقتى ان فرش الابواب الشمس والحراره قوسته شويه المهم والدى اشترى العربيه بكام بقا ؟؟؟؟ اشترى العربيه ب 38 الف جنيه بعد اما الراجل اشترى البطاريه وطقم كاوتش تيوبلس العربيه بأمانه تفتح الكابوت كل حاجه بتاعت العربيه مختومه وممضيه من فيات والحمد لله العربيه لحد دلوقتى من سنة 79 لحد وقتنا هذا لم تعمر نهائى ولم يحدث اى شغل بالموتور غير تفريز طقم صباب ودليل مش اكتر وحالة الموتور مش عاوز ابالغ واقول 100% لكن مشيها 90%
الريداتير بتاعها وكل حاجه فيها بتاعتها مفيش غير شغل الموتور بتاع الصبابات دا ومحافظ على الصيانه الدوريه للعربيه من موتور وعفشه وكل حاجه وعندى نقرة برومه فى الباب اللى ورا اللى H لقطها فى لحظه هى دا اللى عاوزه شغل بس انا مكسل لان العربيه لسه واخده بويا من سنه ومش عاوز ابهدلها
ياريت كل واحد يعرض عربيته ويكتب قصة شرائها

mOuStaFa_ERTU
05-06-2012, 09:01 AM
شكرا لمستر حازم خضر
وليك يا H انت و aimooo
على التعليقات الجميله جدااا
واحب اقول حكاية عربيتى دى
عربيتى كانت ملك السيده فيريال صالح بتاعت التلفزيون ( ام المذيع ادهم الكمونى ) من الزيروو
اشترت العربيه ومشيت بيها 30 الف كيلو وبعدين ركنتها فى الجنينه بتاعت الفيلا بتاعتها تحت شجره لحد سنة 2004 اتفرج على العربيه واحد تاجر من عندنا عجبته اوووى حالة العربيه ونضافتها من جوا والموتور
المهم قالها انتى طالبه فيها كام ؟؟ ردت انا عاوزه 35 الف جنيه لو نزلوا جنيه هى احسن عندى من فلوسها
دفع الفلوس وقالتله العربيه محتاجه بطاريه جديده وكهربائى يشوف المارش بتاعها عطلان ليه ؟؟
اشترى بطاريه ودور على كهربائى يشوف المارش لقى سلك اللقط مش مربوط ربطه وحط شوية بنزين فى الكربراتير ودور دارت العربيه وطبعا نزلها من على الدشم بعد ما نفخ الكاوتش وراح غسلها غسلة اللى هيا
وانا والدى كانا فى الفترة دى بندور على 132 2000 بعد اما بعنا واحده 2000 بس كانت المانى
المهم شوفنا العربيه بعد اما الراجل اشتراها بأسبوع وطلع والدى يجرب العربيه ولا الزيرووو موتور محترم وعفشه محترمه وفرش الكراسى زيرو والتكيييييف تلاجه لكن العيب الوحيد واللى بعانى منه لحد دلوقتى ان فرش الابواب الشمس والحراره قوسته شويه المهم والدى اشترى العربيه بكام بقا ؟؟؟؟ اشترى العربيه ب 38 الف جنيه بعد اما الراجل اشترى البطاريه وطقم كاوتش تيوبلس العربيه بأمانه تفتح الكابوت كل حاجه بتاعت العربيه مختومه وممضيه من فيات والحمد لله العربيه لحد دلوقتى من سنة 79 لحد وقتنا هذا لم تعمر نهائى ولم يحدث اى شغل بالموتور غير تفريز طقم صباب ودليل مش اكتر وحالة الموتور مش عاوز ابالغ واقول 100% لكن مشيها 90%
الريداتير بتاعها وكل حاجه فيها بتاعتها مفيش غير شغل الموتور بتاع الصبابات دا ومحافظ على الصيانه الدوريه للعربيه من موتور وعفشه وكل حاجه وعندى نقرة برومه فى الباب اللى ورا اللى H لقطها فى لحظه هى دا اللى عاوزه شغل بس انا مكسل لان العربيه لسه واخده بويا من سنه ومش عاوز ابهدلها
ياريت كل واحد يعرض عربيته ويكتب قصة شرائها

ربنا يحرسهالك يا جميل ويكفيك شرها

محمدصلاح القاضى
05-06-2012, 09:19 AM
ربنا يحرسهالك يا جميل ويكفيك شرها

الله يكرمك ويسملنا ويسلمك من شر الطرق( المطبات) وعفاريت الطرق(الميكربوصات) وصراصير الطرق (التكاتك)

Hisham.Elgazzar
05-06-2012, 11:42 AM
نفس قصة عربيتك كانت عربيتى البولونيز
كانت بتاعت سفير ، مشيت شوية وإتركنت فى الجنينة

المشكلة فى العربيات اللى خرج جناين ان الجناينى بيسقيها ميه مع الزرع

غير كده بقى عادى ، ممكن تلاقى فيها حشرات وحجات كده ،
لكن ماشاء الله كانت فبريكة وحالة موتورها زى الفل
غيرت موتور من 10 سنين انا بإذن الله هحاول
ارفع صور قريب ، ربنا يسهل وأشترى كاميرا :CHUBBY~36:

محمدصلاح القاضى
05-06-2012, 12:04 PM
نفس قصة عربيتك كانت عربيتى البولونيز
كانت بتاعت سفير ، مشيت شوية وإتركنت فى الجنينة

المشكلة فى العربيات اللى خرج جناين ان الجناينى بيسقيها ميه مع الزرع

غير كده بقى عادى ، ممكن تلاقى فيها حشرات وحجات كده ،
لكن ماشاء الله كانت فبريكة وحالة موتورها زى الفل
غيرت موتور من 10 سنين انا بإذن الله هحاول
ارفع صور قريب ، ربنا يسهل وأشترى كاميرا :CHUBBY~36:

ماشى يا H انا واثق انها هتطلع احلى من عربيتى

أيمن الروبي
05-06-2012, 01:18 PM
بعد السلام والتحية على كل أعضاء رابطة ملاك ومحبي السفينة فيات 132 اللي ياما أتعلمنا منهم . أنا عربيتي محتاج شغل وكنت عايز أشدها بس مش عارف أشدها فين (عمرة ماتور - سمكرة ودوكو - وطقم كاوتش) يا ترى أروح فين يا ريت حد مجرب يدلني ويقولي تكلفة الحاجات ديه كام . وشكراً لأعضاء أحلى رابطة
انا ممكن اعملهالك سمكره ودوكو انا من الجيزه

أيمن الروبي
05-06-2012, 01:20 PM
واحشنى اوى يا H انت وAimooo
والله شباب زى العسل وربنا يكرمنا كلنا ان شاء الله
مش هتنزل العرب قريب يا هشام ؟؟

عموما لو نزلت كلمنى ونتقابل
فى رعاية الله
:GROWIN~12:
:GROWIN~12:
:GROWIN~12:
الحمد لله حبيبي واحشني والله هنتقابل اكيد

أيمن الروبي
05-06-2012, 01:22 PM
ايه رئيكوا فى صورة التوقيع ؟؟
توقيع مستوحى من الحادث الاليم
:fun_36_1_7[1]:
:fun_36_1_7[1]:
هههههههههه جميله
احلي حاجه في الفيلم ده انك بتشوفه كل يوم علي الطبيعه

Hisham.Elgazzar
05-06-2012, 01:42 PM
انت فين يا قاضى بعتلك الحاجة على صفحتك علشان البريد مليان :Bravo:

أيمن الروبي
05-06-2012, 03:53 PM
عربيتي 132 كداب 2000 اللي في صورة التوقيع
اللي اعرفه عنها اني تالت يد وتاني يد كان واحد معرفه بس مكملتش معاه شهرين وباعها لظروف ماليه ويعلم الله اني لم استغله ولم افاصل معه في جنيه واحد لأنه كان يمر بضائقه ماليه
اللي عرفته منه ان اشتراها من مالكها الاولاني وكان رافعها 27 سنه و85% من حاجتها الفابريكا
لدرجة المشتري الثاني اللي انا اشترتها منه كان اول مرة يشتري عربيه
اللي حصل كالتالي الكلام ده شهر 6/2011 ان العربيه كانت لسه بالردياتير الفابريكا بتاعها اللي هو حديد
الباشا راح مسافر بالعربيه الساحل شغل ومكنش يعرف ان الردياتير الحديد معمول علشان يسخن الجو لأن الردياتير ده معمول لجو اوروبا فطبعا دي كانت اول سفريه ليه وهو عنده عربيه وهو سايق والباشا طبعا جاب فيها وش سلندر والروحه باظت منه وساعتها انا قابلته عند الكهربائي بيغريلو المروحه وكان هيتجنن العربيه
بتسخن ليه منه بسرعه والكهربائي برده غشيم ميعرفش ان الردياتير الحديد بيفرفر العربيه من السخونيه طبعا قابلت صاحبها عند الكهربائي وعرفت انه عارضها للبيع لأنه بيمر بضائقه ماليه ولحسن الحظ ان هو والكهربائي مكانوش عارفين قيمة العربيه
هقولكو علي الحاجات الفابريكا اللي لاقيتها فيها علي ما اتذكر
1-الردياتير الحديد والمروحه اللي باظت وكانو بيغيروها
2-الركب الاماميه مفيهاش لحامات بنط الفابريكا
3-سماعة الطابلوه اللي في جهة اليمين
4-ايريال الفابريكا ابو مفتاح
5-جلب المقصات وتيش النص لما عملت العفشه
6-الفوانيس الخلفيه لحد دلوقتي محدش عارف يفكها علشان انضفها مسمامير الفابريكا مصديه
وحاجات تانيه كتير
قولو بسم الله ما شاء الله
انا بقي خدتها مكدبتش خبر
1-عملتلها طقم شنبر والماتور لحد دلوقتي معمرش قبل كده
2-غيرت الردياتير جبت واحد نحاس 3ماسوره
3-عملت عمرة فرامل كامله
4-عفشه كامله
5-غيرت الزيوت كلها وطقم بوجيهات وابلاتين وكوندنسر وطقم سيور
6-طقم كاوتش بريللي وطقم جنوط اندونيسي
واللي مخوفني ان ناس كتير في المنطقه عندي كانت عنيهم علي العربيه بس مكنوش يعرفو ان صاحبها
كان عاوز يبعها
وجالي فيها 23الف من ناس تجار كبار اوي في عابدين
:Bravo::playing_music:(ص)
http://www.masr1.com/?di=7L45

أيمن الروبي
05-06-2012, 04:11 PM
عندي اربع جنوط مروحه 14 للبيع بالكاوتش مواصفاتهم كالتالي
اولا الجنوط
1-عدد 2جنط يشتغلو تيوبلس - عدد 2جنط يفضل يشتغلو بشمبر داخلي
ثانيا الكاوتش
1-عدد 2 كاوتش كورسا جديد مقاس 14/175/70 تيوبلس
2-عدد 1 كاوتش كورسا قديم نفس المقاس شمبر داخلي
3-عدد 1 كاوتش aurora مقاس 14/175/65 تيوبلس

السعر 750 جنيه
هحاول ارفعلكو الصور لما اصورهم

محمدصلاح القاضى
05-06-2012, 06:03 PM
عربيتي 132 كداب 2000 اللي في صورة التوقيع
اللي اعرفه عنها اني تالت يد وتاني يد كان واحد معرفه بس مكملتش معاه شهرين وباعها لظروف ماليه ويعلم الله اني لم استغله ولم افاصل معه في جنيه واحد لأنه كان يمر بضائقه ماليه
اللي عرفته منه ان اشتراها من مالكها الاولاني وكان رافعها 27 سنه و85% من حاجتها الفابريكا
لدرجة المشتري الثاني اللي انا اشترتها منه كان اول مرة يشتري عربيه
اللي حصل كالتالي الكلام ده شهر 6/2011 ان العربيه كانت لسه بالردياتير الفابريكا بتاعها اللي هو حديد
الباشا راح مسافر بالعربيه الساحل شغل ومكنش يعرف ان الردياتير الحديد معمول علشان يسخن الجو لأن الردياتير ده معمول لجو اوروبا فطبعا دي كانت اول سفريه ليه وهو عنده عربيه وهو سايق والباشا طبعا جاب فيها وش سلندر والروحه باظت منه وساعتها انا قابلته عند الكهربائي بيغريلو المروحه وكان هيتجنن العربيه
بتسخن ليه منه بسرعه والكهربائي برده غشيم ميعرفش ان الردياتير الحديد بيفرفر العربيه من السخونيه طبعا قابلت صاحبها عند الكهربائي وعرفت انه عارضها للبيع لأنه بيمر بضائقه ماليه ولحسن الحظ ان هو والكهربائي مكانوش عارفين قيمة العربيه
هقولكو علي الحاجات الفابريكا اللي لاقيتها فيها علي ما اتذكر
1-الردياتير الحديد والمروحه اللي باظت وكانو بيغيروها
2-الركب الاماميه مفيهاش لحامات بنط الفابريكا
3-سماعة الطابلوه اللي في جهة اليمين
4-ايريال الفابريكا ابو مفتاح
5-جلب المقصات وتيش النص لما عملت العفشه
6-الفوانيس الخلفيه لحد دلوقتي محدش عارف يفكها علشان انضفها مسمامير الفابريكا مصديه
وحاجات تانيه كتير
قولو بسم الله ما شاء الله
انا بقي خدتها مكدبتش خبر
1-عملتلها طقم شنبر والماتور لحد دلوقتي معمرش قبل كده
2-غيرت الردياتير جبت واحد نحاس 3ماسوره
3-عملت عمرة فرامل كامله
4-عفشه كامله
5-غيرت الزيوت كلها وطقم بوجيهات وابلاتين وكوندنسر وطقم سيور
6-طقم كاوتش بريللي وطقم جنوط اندونيسي
واللي مخوفني ان ناس كتير في المنطقه عندي كانت عنيهم علي العربيه بس مكنوش يعرفو ان صاحبها
كان عاوز يبعها
وجالي فيها 23الف من ناس تجار كبار اوي في عابدين
:Bravo::playing_music:(ص)
http://www.masr1.com/?di=7L45

بسم الله ماشاء الله ربنا يحفظها من العين واللى بيحسدوا


والجنوط ربنا يسهل امرهم بدرى بدرى

محمدصلاح القاضى
05-06-2012, 06:06 PM
انت فين يا قاضى بعتلك الحاجة على صفحتك علشان البريد مليان :Bravo:


ايون معلش يا H :sycho26::sycho26: البريد مليان لكن انا فضيته وبعت لك رساله على الخاص

ahmed_sadek
05-06-2012, 09:25 PM
شكراً يا درش - على فكرة شغل السمكرة عندي حاجات خفيفة يعني شوية مرمات هتدخل في حدود 100 جنيه - والدوكو العربية فيه تكحيت بسيط في الجنب اليمين ومقدمة الكبوت - بس إنتا مش جوبتني على سؤالي أشد فين العربية فييييين وميين أسلمه العربية يعمل فيها الحاجات ديه وشكراً على جميل ردك

ahmed_sadek
05-06-2012, 09:40 PM
عربيتي فيات 132 موديل 78 2000 سي سي - العربية لما بدوس فرامل بتحدف معايا شمال
وهي ماشيه كمان بلاقيه بتروح سنة يمين ضبط زوايا ونفس المشكلة , روحت لميكانيكي قالي فردة الشمال اليمين متاكلة من الجنب عشان كده بتحدف معاك شمال هل الكلام ده مضبوط ولا فيه مشكلة تانيه وهل لو غيرت فردة الكاوتش اليمين هحتاج أضبط زوايا تاني وتحياتي لأعضاء المنتدى والرابطة الجميلة وشكراً لكل من أفادني ودلني بمعلومة من المعلومات

محمدصلاح القاضى
05-06-2012, 10:21 PM
كنت عاوز اعرف سعر ساعة الزيت للسفينه 2000 سى سى ؟؟؟

أيمن الروبي
05-06-2012, 11:49 PM
عربيتي فيات 132 موديل 78 2000 سي سي - العربية لما بدوس فرامل بتحدف معايا شمال
وهي ماشيه كمان بلاقيه بتروح سنة يمين ضبط زوايا ونفس المشكلة , روحت لميكانيكي قالي فردة الشمال اليمين متاكلة من الجنب عشان كده بتحدف معاك شمال هل الكلام ده مضبوط ولا فيه مشكلة تانيه وهل لو غيرت فردة الكاوتش اليمين هحتاج أضبط زوايا تاني وتحياتي لأعضاء المنتدى والرابطة الجميلة وشكراً لكل من أفادني ودلني بمعلومة من المعلومات

لازم تخلي بتاع الزوايا يديلك تقرير عن العفشه واحنا نفيدك وفي اي وقت تغير كاوتش لازم تظبط زوايا علشان حتي الكاوتش الجديد نيتكلش

أيمن الروبي
05-06-2012, 11:53 PM
انا يا جماعه عندي العربيه مكنش فيها فلتر بنزين قبل الكربراتير ولذلك كل شويه العربيه تبرجل وانضف بك السلانسيه انهارده بعد المغرب عملت فيها ميكانيكي :waving:
وجبت فلتر وركبته وفكيت بك السلانسيه ونضفته وظبت الكربراتير والهوا بتاعه والحمد لله ال RPM مبقاش يلعب تاني وفرت عليك شغل يا HHHHHHHHH :fun_36_3_16[1]:

أيمن الروبي
06-06-2012, 12:01 AM
سفينتي هرفعلكو الصورة بتاعتها

محمدصلاح القاضى
06-06-2012, 12:04 AM
محدش رد عليا فى موضوع ساعة الزيت:01964E~163::01964E~163:

أيمن الروبي
06-06-2012, 12:06 AM
بسم الله

http://www.masr1.com/?di=IMPG

أيمن الروبي
06-06-2012, 12:11 AM
محدش رد عليا فى موضوع ساعة الزيت:01964E~163::01964E~163:

انا بصراحه معرفش بتتباع ولا لأ
طب انا عندي الساعه اللي في التابلوه مش شغاله ليه بقي (الساعه العقارب)

أيمن الروبي
06-06-2012, 12:29 AM
الصور اللي جايه علشان محمد القاضي ومصطفي عاطف

متيجي نشوف

http://www.masr1.com/?di=3H65

http://www.masr1.com/?di=2YA6

http://www.masr1.com/?di=U9OE

http://www.masr1.com/?di=XX4Z

محمدصلاح القاضى
06-06-2012, 12:29 AM
يا ايمن باشا وظيفة ساعة الزيت انها بتبين مدى النقص فى الزيت وكمان بتظهر مدى حجم الزيت اللى بتضخه طرمبه الزيت والمفروض انه الامبير بيعلم على الصفر يعنى لو قل عن الصفر تبقى الساعه بايظه ودا اللى حصل عندى ولو زادت عن الصفر يبقى فى نقص فى الزيت والزيت محتاج بتزود والمشكله اللى عندى دلوقتى انها ضربت وبتسيل زيت كتيير وانا بسخن الصبح غير انها ساعات تشتغل وتقرا وساعات لا
ودى صوره الامبير للتوضيح
http://a7lashare.com/viewimages/3c214c779b.jpg (http://a7lashare.com/download/3c214c779b.html)

أيمن الروبي
06-06-2012, 12:36 AM
يا ايمن باشا وظيفة ساعة الزيت انها بتبين مدى النقص فى الزيت وكمان بتظهر مدى حجم الزيت اللى بتضخه طرمبه الزيت والمفروض انه الامبير بيعلم على الصفر يعنى لو قل عن الصفر تبقى الساعه بايظه ودا اللى حصل عندى ولو زادت عن الصفر يبقى فى نقص فى الزيت والزيت محتاج بتزود والمشكله اللى عندى دلوقتى انها ضربت وبتسيل زيت كتيير وانا بسخن الصبح غير انها ساعات تشتغل وتقرا وساعات لا
ودى صوره الامبير للتوضيح
http://a7lashare.com/viewimages/3c214c779b.jpg (http://a7lashare.com/download/3c214c779b.html)

حبيبي والله انا عارفها ماهي عندي في الطابلوه وعندي شغاله كمان وزي الفل طب متجرب تشوف السلك بتاعها
هتلاقيه فوق فلتر الزيت جمب طرمبة البنزين يمكن الكلبس عاوز يتضيق او يتركب كويس انا عندي كانت بتعمل كده وبعد كده ظبطها
انا بقي بسالك علي الساعه العقارب اللي في التابلوه تحت امبير العقارب مش شغاله عندي تفتكر ليه:thnkr:

Hisham.Elgazzar
06-06-2012, 12:40 AM
يا ايمن باشا وظيفة ساعة الزيت انها بتبين مدى النقص فى الزيت وكمان بتظهر مدى حجم الزيت اللى بتضخه طرمبه الزيت والمفروض انه الامبير بيعلم على الصفر يعنى لو قل عن الصفر تبقى الساعه بايظه ودا اللى حصل عندى ولو زادت عن الصفر يبقى فى نقص فى الزيت والزيت محتاج بتزود والمشكله اللى عندى دلوقتى انها ضربت وبتسيل زيت كتيير وانا بسخن الصبح غير انها ساعات تشتغل وتقرا وساعات لا
ودى صوره الامبير للتوضيح
http://a7lashare.com/viewimages/3c214c779b.jpg (http://a7lashare.com/download/3c214c779b.html)
طالما بتسيل تغيرها بواحدة إستيراد
بس شوفها لو عاوزة جوان وترملة وتتوصل تانى تجربها
لأنها قليلة فى السوق ولما أنزل هسألك عليها
وخلى بالك فيه ترملتين واحدة للساعة وواحدة للمبة علشان متلخبطهمش

محمدصلاح القاضى
06-06-2012, 12:40 AM
كنت عاوز اعرف سعر ساعة الزيت للسفينه 2000 سى سى ؟؟؟

[/SIZE]ooo;687976]الصور اللي جايه علشان محمد القاضي ومصطفي عاطف

متيجي نشوف

http://www.masr1.com/?di=3H65

http://www.masr1.com/?di=2YA6

http://www.masr1.com/?di=U9OE

http://www.masr1.com/?di=XX4Z
تسلم لى يا ايمن دا بس من ذوقك
بس فى حاجه مضيقانى اووووووووووووووى
شايف العلامه الالومنيا اللى ورا على الشنطه العلامه كانت عندى متركبه لحد فتره قريبه لكن ولاد الحرام مخلوش لولاد الحلال حاجه كنت موقف العربيه ونزلت اقضى مصلحه رجعت لقيتها متفلشه على الاخر واشتريت العلامتين الزباله البلاستيك اللى عندى دلوقتى شكلهم عراااا اووووى غير انهم بينطفوا بعد فتره ولفيت كتيير اوووى على العلامه الاصليه وخصوصا ان كلمة 2000 كانت جنبها كلمه بالانجليزى اسمها CAMLIMZAZITA معلش اذا ماكنتش بالظبط لكن قريبه منها وكانم شكلهم جميل اووووى فلو لقيت عندك فى القاهره العلامات الاصليه فى اى غطا شنطه عند بتوع الاستيراد اشتريه ليا ضرورى وانا احسابك عليه بس بالله عليك ماتنسى:fun_36_3_16[1]:

Hisham.Elgazzar
06-06-2012, 12:42 AM
حبيبي والله انا عارفها ماهي عندي في الطابلوه وعندي شغاله كمان وزي الفل طب متجرب تشوف السلك بتاعها
هتلاقيه فوق فلتر الزيت جمب طرمبة البنزين يمكن الكلبس عاوز يتضيق او يتركب كويس انا عندي كانت بتعمل كده وبعد كده ظبطها
انا بقي بسالك علي الساعه العقارب اللي في التابلوه تحت امبير العقارب مش شغاله عندي تفتكر ليه:thnkr:
أيمن باشا إزيك :fun_36_1_39[1]:
الساعة اللى فى التبلوه يتتغير بواحد إستيراد من عند بتاع عدادات
بس مع الأسف صعب تلاقيها


هو مصطفى فين ياريت تتصلوا تتطمنوا عليه علشان موبايلة مقفولبقالى ساعتين بتصل بيه ، وكان المفروض أنى اقابله النهردة

Hisham.Elgazzar
06-06-2012, 12:48 AM
تسلم لى يا ايمن دا بس من ذوقك
بس فى حاجه مضيقانى اووووووووووووووى
شايف العلامه الالومنيا اللى ورا على الشنطه العلامه كانت عندى متركبه لحد فتره قريبه لكن ولاد الحرام مخلوش لولاد الحلال حاجه كنت موقف العربيه ونزلت اقضى مصلحه رجعت لقيتها متفلشه على الاخر واشتريت العلامتين الزباله البلاستيك اللى عندى دلوقتى شكلهم عراااا اووووى غير انهم بينطفوا بعد فتره ولفيت كتيير اوووى على العلامه الاصليه وخصوصا ان كلمة 2000 كانت جنبها كلمه بالانجليزى اسمها CAMLIMZAZITA معلش اذا ماكنتش بالظبط لكن قريبه منها وكانم شكلهم جميل اووووى فلو لقيت عندك فى القاهره العلامات الاصليه فى اى غطا شنطه عند بتوع الاستيراد اشتريه ليا ضرورى وانا احسابك عليه بس بالله عليك ماتنسى:fun_36_3_16[1]:

Climatizatta دى يعنى مسخن يعنى Heated
والمفروض انها بتنزل فى المواتير اللى الكربراتير فيه سخان :fun_36_3_16[1]:
حاجتها نادرة جدا إستيراد هنا فى عزبة شلبى
بس لو نزلت هدورلك عليها بإذن الله

انا عندى مفيش اى علامة على العربية فى الشنطة

لسه راجع من عين شمس ، وعديت على بتاع الشكمانات
العربية عاوزة شكمان كامل من المشترك للديل
حد عنده أى فكرة ؟

انا بإذن الله هركبلها مواسير 2 بوصة اللى فيها 1ونص بس تعبانين اوى
وهتحتاج علبتين والموضوع تقريبا هيعمل 250 جنيه أه رأيكم ؟؟

أيمن الروبي
06-06-2012, 12:48 AM
تسلم لى يا ايمن دا بس من ذوقك
بس فى حاجه مضيقانى اووووووووووووووى
شايف العلامه الالومنيا اللى ورا على الشنطه العلامه كانت عندى متركبه لحد فتره قريبه لكن ولاد الحرام مخلوش لولاد الحلال حاجه كنت موقف العربيه ونزلت اقضى مصلحه رجعت لقيتها متفلشه على الاخر واشتريت العلامتين الزباله البلاستيك اللى عندى دلوقتى شكلهم عراااا اووووى غير انهم بينطفوا بعد فتره ولفيت كتيير اوووى على العلامه الاصليه وخصوصا ان كلمة 2000 كانت جنبها كلمه بالانجليزى اسمها CAMLIMZAZITA معلش اذا ماكنتش بالظبط لكن قريبه منها وكانم شكلهم جميل اووووى فلو لقيت عندك فى القاهره العلامات الاصليه فى اى غطا شنطه عند بتوع الاستيراد اشتريه ليا ضرورى وانا احسابك عليه بس بالله عليك ماتنسى:fun_36_3_16[1]:
انا عندي العلامه اليمين الحديد راكبه جميله اوي والشمال اتسرقت وجبت بدالها واحده عره بلاستيك فيات 132 واتسرقت برده شوفت التخلف ولو لقيت هجيب ليك وليا

أيمن الروبي
06-06-2012, 12:49 AM
أيمن باشا إزيك :fun_36_1_39[1]:
الساعة اللى فى التبلوه يتتغير بواحد إستيراد من عند بتاع عدادات
بس مع الأسف صعب تلاقيها


هو مصطفى فين ياريت تتصلوا تتطمنوا عليه علشان موبايلة مقفولبقالى ساعتين بتصل بيه ، وكان المفروض أنى اقابله النهردة

ازيك اتش حبيبي واحشني والله:fun_36_3_16[1]: هحاول اكلم مصطفي ولو لقيته هكلمك

أيمن الروبي
06-06-2012, 12:52 AM
Climatizatta دى يعنى مسخن يعنى Heated
والمفروض انها بتنزل فى المواتير اللى الكربراتير فيه سخان :fun_36_3_16[1]:
حاجتها نادرة جدا إستيراد هنا فى عزبة شلبى
بس لو نزلت هدورلك عليها بإذن الله

انا عندى مفيش اى علامة على العربية فى الشنطة

لسه راجع من عين شمس ، وعديت على بتاع الشكمانات
العربية عاوزة شكمان كامل من المشترك للديل
حد عنده أى فكرة ؟

انا بإذن الله هركبلها مواسير 2 بوصة اللى فيها 1ونص بس تعبانين اوى
وهتحتاج علبتين والموضوع تقريبا هيعمل 250 جنيه أه رأيكم ؟؟

توكل علي الله المهم تكون حاجه نضيفه وتريح نفسك
مش انا ركبت فلتر بنزين للعربيه وظبطت الكربراتير بنفسي وال RPM مبقاش يلعب بس مستنيك تشيك
عليا ماشي يا اتش

Hisham.Elgazzar
06-06-2012, 12:56 AM
الفولت بتاعها بيبدأ من 40 ألف يعنى ضعف العادية

سعرها على النت 42 دولار يباشا

بس أكيد علشان تعمل اوردر هتتكلف
بس الصراحة تستاهل
http://www.eastcoastpullingparts.com/items/69flamethrower.jpg

http://www.facebook.com/#!/groups/259489839034/
الجروب ده جامد ، انا اعرف صحابه

أيمن الروبي
06-06-2012, 12:58 AM
Climatizatta دى يعنى مسخن يعنى Heated
والمفروض انها بتنزل فى المواتير اللى الكربراتير فيه سخان :fun_36_3_16[1]:
حاجتها نادرة جدا إستيراد هنا فى عزبة شلبى
بس لو نزلت هدورلك عليها بإذن الله

انا عندى مفيش اى علامة على العربية فى الشنطة

لسه راجع من عين شمس ، وعديت على بتاع الشكمانات
العربية عاوزة شكمان كامل من المشترك للديل
حد عنده أى فكرة ؟

انا بإذن الله هركبلها مواسير 2 بوصة اللى فيها 1ونص بس تعبانين اوى
وهتحتاج علبتين والموضوع تقريبا هيعمل 250 جنيه أه رأيكم ؟؟

بقولك يا اتش حاول تروح لبتاع شكمانات تاني لو انت مش واثق فيه ليه؟
علشان حصل معايا موقف قبل كده الشكمان بتاعي كان واقع والعلبه الخلفيه مخرومه اول منزل تحت العربيه قالي الشكمان عاوز يتغير قولتلو طب خلاص اطلع من تحتيها علشان امشي ولما ربنا يسهل ابقي اغيرو
وانا عارف ان الشكمان بتاعي سليم مفهوش حاجه
لقيتو بيقولي طب انا هعملهولك واظبطهولك بدل متركب واحد جديد قولتلو وريني هتعمل ايه
راح عملو وكلفني 25 جنيه ولحد دلوقتي الحمد لله مفهوش حاجه كان عاوز يقرطسني في علبة شكمان
حسبي الله

Hisham.Elgazzar
06-06-2012, 01:03 AM
توكل علي الله المهم تكون حاجه نضيفه وتريح نفسك
مش انا ركبت فلتر بنزين للعربيه وظبطت الكربراتير بنفسي وال RPM مبقاش يلعب بس مستنيك تشيك
عليا ماشي يا اتش
بإذن الله حاضر من عنيا
هنظبط خلوص البوجيهات بالفلر
وبالنسبة لصوت الموتور اللى قلتلى عليه
CarsAdmire قاللى تحط موبيل دلفاك أم اكس وعليه كانز أبرو
مع الإلتزام بمقاس ومعيار الزيت وإن شاء الله الصوت هيختفى
انا زعلان اوى ومتضايق علشان مصطفى يا جماعة ، لكن الحمدلله انها جت على أد كده

أيمن الروبي
06-06-2012, 01:06 AM
بإذن الله حاضر من عنيا
هنظبط خلوص البوجيهات بالفلر
وبالنسبة لصوت الموتور اللى قلتلى عليه
CarsAdmire قاللى تحط موبيل دلفاك أم اكس وعليه كانز أبرو
مع الإلتزام بمقاس ومعيار الزيت وإن شاء الله الصوت هيختفى
انا زعلان اوى ومتضايق علشان مصطفى يا جماعة ، لكن الحمدلله انها جت على أد كده

وعسي ان تكرهوا شيئا وهو خير لكم

Hisham.Elgazzar
06-06-2012, 01:12 AM
بقولك يا اتش حاول تروح لبتاع شكمانات تاني لو انت مش واثق فيه ليه؟
علشان حصل معايا موقف قبل كده الشكمان بتاعي كان واقع والعلبه الخلفيه مخرومه اول منزل تحت العربيه قالي الشكمان عاوز يتغير قولتلو طب خلاص اطلع من تحتيها علشان امشي ولما ربنا يسهل ابقي اغيرو
وانا عارف ان الشكمان بتاعي سليم مفهوش حاجه
لقيتو بيقولي طب انا هعملهولك واظبطهولك بدل متركب واحد جديد قولتلو وريني هتعمل ايه
راح عملو وكلفني 25 جنيه ولحد دلوقتي الحمد لله مفهوش حاجه كان عاوز يقرطسني في علبة شكمان
حسبي الله
ربنا يكفينا شر النصابين ولعلمك 90% من الشكمانجية بيضحكوا ع الناس
بس سيد ده جارى فى عين شمس والمشكلة انى معرفش حد كويس للشكمان
وبعدين انا كده كده هضطر أفك مجموعة المانيفولد والفرن لأنها بجوان واحد ومسامير واحدة

هو ده عيب ال131 والشاهين الرخم :3_8_14:
لأن المشترك من اول الشكمان شغال على 3 جوايط والمفروض 4
ومش هينفع غير يروح للخراط مينفعش وهو راكب

يعنى هفك المانيفولد وهغير جوان علشان جاويط :3_8_14:
فلازم اعمل الحوار ده فى منطقتى علشان الخراط والحوارات والجوانات وكده :3_8_14:

انت عارف انكم ممكن تركبوا هيدر فى ال132 بدل من الفرن العادى
هيعلى معاك الهورس باور بتاع 10 حصان ولا حاجة
لأنك عندك الكربراتير فى ناحية والفرن فى ناحية
وشوف المكنة اللى فى التوقيع هتلاقى لها هيدر مش فرن عادى :fun_36_3_16[1]:

Hisham.Elgazzar
06-06-2012, 01:18 AM
واضح برضو فى الصور دى
ياجماعه بجد عاوزين مواتير من دى
http://www.autobelle.it/annunci/public0003/4img-1314379890.jpg


اهو
http://www.autobelle.it/annunci/public0001/1img-1295192068.jpg



واسمع الأسعار وماتتصدمش
http://www.autobelle.it/annunci/dettid.php?gb_id=125653

mOuStaFa_ERTU
06-06-2012, 07:19 AM
محدش رد عليا فى موضوع ساعة الزيت:01964E~163::01964E~163:

خلى بالك عشان لو قولت لبتاع قطع الغيار عايز ساعة زيت هيجبلك الساعه اللى بتخلى لمبى الزيت تنور ودى ب 12ج

انا بصراحه معرفش بتتباع ولا لأ
طب انا عندي الساعه اللي في التابلوه مش شغاله ليه بقي (الساعه العقارب)

الساعه موجودة ب30ج

الصور اللي جايه علشان محمد القاضي ومصطفي عاطف

متيجي نشوف

http://www.masr1.com/?di=3H65

http://www.masr1.com/?di=2YA6

http://www.masr1.com/?di=U9OE

http://www.masr1.com/?di=XX4Z

تسلم يا ايمن

أيمن باشا إزيك :fun_36_1_39[1]:
الساعة اللى فى التبلوه يتتغير بواحد إستيراد من عند بتاع عدادات
بس مع الأسف صعب تلاقيها

موجودة يا اتش


هو مصطفى فين ياريت تتصلوا تتطمنوا عليه علشان موبايلة مقفولبقالى ساعتين بتصل بيه ، وكان المفروض أنى اقابله النهردة

خلونى فى الاخر عشان حوار عجيب

Climatizatta دى يعنى مسخن يعنى Heated
والمفروض انها بتنزل فى المواتير اللى الكربراتير فيه سخان :fun_36_3_16[1]:
حاجتها نادرة جدا إستيراد هنا فى عزبة شلبى
بس لو نزلت هدورلك عليها بإذن الله

انا عندى مفيش اى علامة على العربية فى الشنطة

لسه راجع من عين شمس ، وعديت على بتاع الشكمانات
العربية عاوزة شكمان كامل من المشترك للديل
حد عنده أى فكرة ؟

انا بإذن الله هركبلها مواسير 2 بوصة اللى فيها 1ونص بس تعبانين اوى
وهتحتاج علبتين والموضوع تقريبا هيعمل 250 جنيه أه رأيكم ؟؟

mOuStaFa_ERTU
06-06-2012, 07:25 AM
هههههههههه جميله
احلي حاجه في الفيلم ده انك بتشوفه كل يوم علي الطبيعه

دا طلع مسلسل تركى عشان بيتكرر كول يوم ومش هايخلص

انت فين يا قاضى بعتلك الحاجة على صفحتك علشان البريد مليان :Bravo:


عليك وعلى الحمام الزاجل
شكراً يا درش - على فكرة شغل السمكرة عندي حاجات خفيفة يعني شوية مرمات هتدخل في حدود 100 جنيه - والدوكو العربية فيه تكحيت بسيط في الجنب اليمين ومقدمة الكبوت - بس إنتا مش جوبتني على سؤالي أشد فين العربية فييييين وميين أسلمه العربية يعمل فيها الحاجات ديه وشكراً على جميل ردك

ايمن يظبطلك الكلام
عربيتي فيات 132 موديل 78 2000 سي سي - العربية لما بدوس فرامل بتحدف معايا شمال
وهي ماشيه كمان بلاقيه بتروح سنة يمين ضبط زوايا ونفس المشكلة , روحت لميكانيكي قالي فردة الشمال اليمين متاكلة من الجنب عشان كده بتحدف معاك شمال هل الكلام ده مضبوط ولا فيه مشكلة تانيه وهل لو غيرت فردة الكاوتش اليمين هحتاج أضبط زوايا تاني وتحياتي لأعضاء المنتدى والرابطة الجميلة وشكراً لكل من أفادني ودلني بمعلومة من المعلومات

زوايا العربية دى ببتعتمد على الشاسية بنسبه كبيرة جدا خلى بتاع الزوايا ينزل تحت العربية ويقولك على اللى فيها ومهما تظبط زوايا والشاسية مش مظبط عمرها ما هاتتظبط ولو عايز ممكن اوصفلك واحد فى القاهرة بس برنس وان شاء الله يعجبك

انا يا جماعه عندي العربيه مكنش فيها فلتر بنزين قبل الكربراتير ولذلك كل شويه العربيه تبرجل وانضف بك السلانسيه انهارده بعد المغرب عملت فيها ميكانيكي :waving:
وجبت فلتر وركبته وفكيت بك السلانسيه ونضفته وظبت الكربراتير والهوا بتاعه والحمد لله ال RPM مبقاش يلعب تاني وفرت عليك شغل يا HHHHHHHHH :fun_36_3_16[1]:

حلاوتك يا ايمن شكلنا هنقعد الميكانيكية فى البيت

mOuStaFa_ERTU
06-06-2012, 07:30 AM
الفولت بتاعها بيبدأ من 40 ألف يعنى ضعف العادية
سعرها على النت 42 دولار يباشا

بس أكيد علشان تعمل اوردر هتتكلف
بس الصراحة تستاهل
http://www.eastcoastpullingparts.com/items/69flamethrower.jpg

http://www.facebook.com/#!/groups/259489839034/
الجروب ده جامد ، انا اعرف صحابه

هو ايه ده يا هشان ابو 42 دولار ؟؟
بإذن الله حاضر من عنيا
هنظبط خلوص البوجيهات بالفلر
وبالنسبة لصوت الموتور اللى قلتلى عليه
CarsAdmire قاللى تحط موبيل دلفاك أم اكس وعليه كانز أبرو
مع الإلتزام بمقاس ومعيار الزيت وإن شاء الله الصوت هيختفى
انا زعلان اوى ومتضايق علشان مصطفى يا جماعة ، لكن الحمدلله انها جت على أد كده

انا رجعت البيت بالسلامة والله مبسوطط ان لسه فيه ناس كويسه بتسأل على بعض ومجتش من الاقربون

mOuStaFa_ERTU
06-06-2012, 07:44 AM
انا رحت الشغل النهاردة وكلمت هشام عشان نتقابل امبارح وعديت على التحرير وكانت غلطة عمرى الجو حار والدنيا زحمة واتخنئت من الزحام وجالى هبوط وفوئونى وجابولى ميه بسكر وبئيت كويس المهم مشيت لحد ما وصلت الاوبرا عشان كان عندنا حفلة فى المسرح الكبير ونسيت اخد الانسولين قبل ما انزل وطبعا مجهودى قليل عشان السكر ربنا يعافيكوا كلكوا بعد ما وصلت لائيت عربيات الشغل فى البارك بتاع الاوبرا ومفيش سوائين مشيوا عشان مكنش فيه تصريح للعربيات بالدخول.

المهم التصريح جه بس للاسف السوائين كانوا روحوا ومحدش بيسوق نقل غيرى فى الشغل بعد السوائين المهم دخل 4 عربيات نقل جوا وطبعا واحدة بس فيهم اللى باور والباقى عادى المهم مع الحر والقرف وعربيات زى دى بتاخد مجهود عشان المكان ضيق ومليان عربيات.
المهم العربيات دخلت واتركنت والحمد لله نزلت جالى هبوط تانى وجابولى عصائر وساندوتش واكلت وقلت قاعد نص ساعه وبقيت كويس وقولت اشتغل بقى
المفروض احنا 3 محدش جه غيرى والحفلة مهمة ولو ما اتذاعتش فى تحقيق وحاجات كتير كده فطبعا الشغل اللى المفروض يقوم بيه 3 عملتوا لوحدى وموبيلى كان هيفصل شحن قولت لما اخلص اتوضى واصلى واحطه على الشاحد المهم دخلت الحمام بتاع الاوبرا بس حمام حكاية مشغالين ميوزك وتكييف تلاجة ونظافه وبرفان المهم دخلت الحمام ومدرتش بنفسى غير والدنيا ضلمة كحل ومفيش صوت لبنى ادم والباب بتاع المام العمومى مقفول والموبايل قاطع شحن قفلوا عليا الحمام ومشيوا

طبعا احاسيس كتيرة كنت حاسسر بيها طبعا القلق والخوف وجان والموبيل فاصل ومليش امل فى الحياة
وبعد الفجر بشويه الفرج جه ودخلوا 4 بتوع الكير سيرفس وطبعا شعرهم وقف من الخضه وفضلت اقنع فيهم انى بنى ادم مش عفريت وخرجت ومش عارف حتى انا روحت البيت ازاى.
والحمد لله انها جت لحد كده

:30p[1]::30p[1]::30p[1]:

mOuStaFa_ERTU
06-06-2012, 07:47 AM
وبعتذر ل هشام على اللى حصل والله متضايق انى اخلفت ميعادى ودى من النوادر وحقك عليا ومعاك فى المرات القادمة عشان انا كمان الشكمان اتكسر من الحادثة ووفى يوم اقابل ونصور العربيات ونرفع الصور

بس انا اغيب شوية الائى النشاط ده كله فى الرابطة ؟؟
لو كده اغيب بقه على طول
بس لو غبت هاتوحاشونى برده
:THE_PR~18:

mOuStaFa_ERTU
06-06-2012, 09:24 AM
استشارة صغننه على الماشى
عربيتى القديمة لما جيت اشدها كنت عامل حسابى على كل حاجه
فرش وصالون بالكامل طقم جنوط وكاوتش سمكرةة ودوكو وعدة صوت المهم عملت السمكرة والدوكو الصالون والجنوط ووقفت على الفينش والاكسسوار وحبه حاجات لزوم الترويش والسبب ان زوجتى شاء الله انها تولد قيصرى وليس طبيعى فبصراحة الفلوس عجزت ومحستش بالعربية رغم المصاريف.

دلوقتى بقه انا برضه محتاس المفروض اخر الرخصه 30-6-2012 والعربية داخلة فحص وانتوا عارفين التلكيك اللى على كل حاجة ومراتى هاتعمل عملية الشهر ده برضه وفى نفس الوقت مش عايز اكروت العربية غة السمكرة والدوكو عشان الواحد مش بيعمل الحوار ده كل يوم فاهم حاجه الحاجه تبقى مظبطه عالشعرة.

العربية محتاجة
1 سمكرة ودوكو
2 تجديد الفرش
3 اكصدامات جديدة
4 فوانيس خلفى وامامى بالشبكة
5 مرايات 132
6 حبة نواكل واكسسوارات
7 عزل المقصورة بالكامل
8 تظبيط عفشه وكهرباء وميكانيكه

العقل والمنطق بيقول ان العفشة والميكانيكة والكهرباء الاول بس انا مضطر اخليهم اخر حاجه عشان الفحص اهم حاجه الشكل الخارجى والموتور فقط والطفاية

والفلوس اللى معايا متكملش انى اعمل كل دول مع بعض وخصوصا لو فعلا زوجتى هتحتاج العملية
ده غير انى كنت ناوى ارخص 3 سنين عشان وجع الدماغ ويبقى كل 3 سنين اروح مره افحص واجدد

فى نفس الوقت مرور السلام زباله لابعد الحدود والكل بيقولى كده كده هدفع عشان اخلص فبفكر ادفع واخلص نفسى ولما اخلص من اللى ورايا ادخل على العرية وامزمز مع نفسى اظبط الداخل والاساسى واخير الشكل الخارجى

وارجع واقول ان الرشوه حرام بس انا سالت شيخ قالى لو زى ما بتقول ان كده كده لازم تدفع سوء شديت العربية ولا لاء يبقى متشدهاش وادفع بقه وامرك لله واستغفر ربنا بس بصراحة برضه برضه مش مرتاح لموضوع الدفع ده والمشكله مش فى الفلوس المشكله فى ان الله لعن الراشى والمرتشى وانا عمرى ما دفعت رشوه لحد.
ولو مجددتش فى الميعاد بدفع ضريبه وتلت ده غير قرف وشهادة بيانات والحوارات دى

السوال بقه المهم هو
هل ينفع اروح ادفع الضريبة والتأمين عشان الضريبة ما تسقطش واركن العربية لحد ما ربنا يكرم بفلوس واشدها زى ما انا عايز ولا ماينفعش ؟
لان لو ينفع يبقى كده الموضوع اتحل ادفع الفلوس واصبر شهرين ولما اشد العربية افحص واجدد الرخصه
ياريت اللى عارف يقولى عشان يريح قلبى
وشكرا مقدما :THE_PR~18:

Hisham.Elgazzar
06-06-2012, 10:08 AM
استشارة صغننه على الماشى
عربيتى القديمة لما جيت اشدها كنت عامل حسابى على كل حاجه
فرش وصالون بالكامل طقم جنوط وكاوتش سمكرةة ودوكو وعدة صوت المهم عملت السمكرة والدوكو الصالون والجنوط ووقفت على الفينش والاكسسوار وحبه حاجات لزوم الترويش والسبب ان زوجتى شاء الله انها تولد قيصرى وليس طبيعى فبصراحة الفلوس عجزت ومحستش بالعربية رغم المصاريف.

دلوقتى بقه انا برضه محتاس المفروض اخر الرخصه 30-6-2012 والعربية داخلة فحص وانتوا عارفين التلكيك اللى على كل حاجة ومراتى هاتعمل عملية الشهر ده برضه وفى نفس الوقت مش عايز اكروت العربية غة السمكرة والدوكو عشان الواحد مش بيعمل الحوار ده كل يوم فاهم حاجه الحاجه تبقى مظبطه عالشعرة.

العربية محتاجة
1 سمكرة ودوكو
2 تجديد الفرش
3 اكصدامات جديدة
4 فوانيس خلفى وامامى بالشبكة
5 مرايات 132
6 حبة نواكل واكسسوارات
7 عزل المقصورة بالكامل
8 تظبيط عفشه وكهرباء وميكانيكه

العقل والمنطق بيقول ان العفشة والميكانيكة والكهرباء الاول بس انا مضطر اخليهم اخر حاجه عشان الفحص اهم حاجه الشكل الخارجى والموتور فقط والطفاية

والفلوس اللى معايا متكملش انى اعمل كل دول مع بعض وخصوصا لو فعلا زوجتى هتحتاج العملية
ده غير انى كنت ناوى ارخص 3 سنين عشان وجع الدماغ ويبقى كل 3 سنين اروح مره افحص واجدد

فى نفس الوقت مرور السلام زباله لابعد الحدود والكل بيقولى كده كده هدفع عشان اخلص فبفكر ادفع واخلص نفسى ولما اخلص من اللى ورايا ادخل على العرية وامزمز مع نفسى اظبط الداخل والاساسى واخير الشكل الخارجى

وارجع واقول ان الرشوه حرام بس انا سالت شيخ قالى لو زى ما بتقول ان كده كده لازم تدفع سوء شديت العربية ولا لاء يبقى متشدهاش وادفع بقه وامرك لله واستغفر ربنا بس بصراحة برضه برضه مش مرتاح لموضوع الدفع ده والمشكله مش فى الفلوس المشكله فى ان الله لعن الراشى والمرتشى وانا عمرى ما دفعت رشوه لحد.
ولو مجددتش فى الميعاد بدفع ضريبه وتلت ده غير قرف وشهادة بيانات والحوارات دى

السوال بقه المهم هو
هل ينفع اروح ادفع الضريبة والتأمين عشان الضريبة ما تسقطش واركن العربية لحد ما ربنا يكرم بفلوس واشدها زى ما انا عايز ولا ماينفعش ؟
لان لو ينفع يبقى كده الموضوع اتحل ادفع الفلوس واصبر شهرين ولما اشد العربية افحص واجدد الرخصه
ياريت اللى عارف يقولى عشان يريح قلبى
وشكرا مقدما :THE_PR~18:
ألف حمدا لله على سلامتك يا اخى الكريم وربنا يطمنا عليك يارب ، ويشفى زوجتك بإذن الله
علشان تأمن على العربية لازم يعرفوا ان العربية حالتها كويسة علشان يمضوا على الوثيقة ، كمان تقدر ب 40 جنيه تغير الطفاية من بافاريا اللى جنبك عند سوق الكنال الدولى
وبالنسبة للإكصدامات ممن ننزل سوا نجيبها من شلبى وبإذن الله هنلاقيها
بس انا بيتهيألى ان الامامى ممكن يتلم

وبالنسبة للسمكرة اخى الكريم أيمن انا متأكد انه بإذن الله هيساعدنا
والكهربا بإذن الله امرها سهل والعفشة كمان مش لازمة اوى دلوقت

بالنسبة للفحص المهندس والعامل اللى بيرفع البصمة وإن شاء الله كله هيبقى زى الفل
بس اهم حاجة :fun_Whispering: علشان تخلص بدرى بإذن الله

Hisham.Elgazzar
06-06-2012, 10:14 AM
انت أخبار استهلاك البنزين اه ؟؟

أيمن الروبي
06-06-2012, 12:02 PM
انا رحت الشغل النهاردة وكلمت هشام عشان نتقابل امبارح وعديت على التحرير وكانت غلطة عمرى الجو حار والدنيا زحمة واتخنئت من الزحام وجالى هبوط وفوئونى وجابولى ميه بسكر وبئيت كويس المهم مشيت لحد ما وصلت الاوبرا عشان كان عندنا حفلة فى المسرح الكبير ونسيت اخد الانسولين قبل ما انزل وطبعا مجهودى قليل عشان السكر ربنا يعافيكوا كلكوا بعد ما وصلت لائيت عربيات الشغل فى البارك بتاع الاوبرا ومفيش سوائين مشيوا عشان مكنش فيه تصريح للعربيات بالدخول.

المهم التصريح جه بس للاسف السوائين كانوا روحوا ومحدش بيسوق نقل غيرى فى الشغل بعد السوائين المهم دخل 4 عربيات نقل جوا وطبعا واحدة بس فيهم اللى باور والباقى عادى المهم مع الحر والقرف وعربيات زى دى بتاخد مجهود عشان المكان ضيق ومليان عربيات.
المهم العربيات دخلت واتركنت والحمد لله نزلت جالى هبوط تانى وجابولى عصائر وساندوتش واكلت وقلت قاعد نص ساعه وبقيت كويس وقولت اشتغل بقى
المفروض احنا 3 محدش جه غيرى والحفلة مهمة ولو ما اتذاعتش فى تحقيق وحاجات كتير كده فطبعا الشغل اللى المفروض يقوم بيه 3 عملتوا لوحدى وموبيلى كان هيفصل شحن قولت لما اخلص اتوضى واصلى واحطه على الشاحد المهم دخلت الحمام بتاع الاوبرا بس حمام حكاية مشغالين ميوزك وتكييف تلاجة ونظافه وبرفان المهم دخلت الحمام ومدرتش بنفسى غير والدنيا ضلمة كحل ومفيش صوت لبنى ادم والباب بتاع المام العمومى مقفول والموبايل قاطع شحن قفلوا عليا الحمام ومشيوا

طبعا احاسيس كتيرة كنت حاسسر بيها طبعا القلق والخوف وجان والموبيل فاصل ومليش امل فى الحياة
وبعد الفجر بشويه الفرج جه ودخلوا 4 بتوع الكير سيرفس وطبعا شعرهم وقف من الخضه وفضلت اقنع فيهم انى بنى ادم مش عفريت وخرجت ومش عارف حتى انا روحت البيت ازاى.
والحمد لله انها جت لحد كده

:30p[1]::30p[1]::30p[1]:

الف سلامه عليك وعلي زوجتك وان شاء الله تكونو بأحسن حال
والواجب ان احنا نقف كلنا جنب بعض

محمدصلاح القاضى
06-06-2012, 12:58 PM
حمد لله على سلامتك يا مستر مصطفى :THE_PR~18:
وان شاء ربنا يعفيك ويعافى زوجتك من اى مكروه
واذا كان على العربيه معاك شهر بعد الميعاد يعنى ممكن تفحص قبل انتهاء شهر المهله
واهم حاجه تظبط الدكو والسمكره اوووى لانهم اصعب حاجه اووى
واذا كان على الباقى ممكن تعمله تسالى ووحده وحده
ربنا يكرمك ويفك كربك وكرب الجميع

محمدصلاح القاضى
06-06-2012, 01:02 PM
انت أخبار استهلاك البنزين اه ؟؟

[COLOR="DarkRed"][SIZE="6"]عربيتى وبلا فخر يا H
بتعمل 220 230 فى الصفيحه طوالى يعنى على السريع
190 210 جوه البلد
ومع التكيف بينعكس الامر الطوالى 180 210
وجوا البلد 170 190
ايه رأيك فى الاستهلاك كدا يا H :fun_36_3_9[1]:????

Hisham.Elgazzar
06-06-2012, 01:09 PM
[COLOR=darkred][SIZE=6]عربيتى وبلا فخر يا H
بتعمل 220 230 فى الصفيحه طوالى يعنى على السريع
190 210 جوه البلد
ومع التكيف بينعكس الامر الطوالى 180 210
وجوا البلد 170 190
ايه رأيك فى الاستهلاك كدا يا H :fun_36_3_9[1]:????

ماشاء الله كده تمام بالنسبة للـ2000 سى سى
جرب تظبط خلوص البوجيهات على 0.5 او 0.6
واحسب تانى

أيمن الروبي
06-06-2012, 01:21 PM
انا بقي وبلا فخر الكربراتير عندي اتجنن MADDRIVE
وعاوز دكتور نفساني
الصفيحه في الطوالي 220كم في الزحمه 130 كم ازاي معرفش هتجنن من استهلاكها جوه البلد

محمدصلاح القاضى
06-06-2012, 01:25 PM
انا بس اخلص امتحانات
عندى شويه نضافه وصيانه للعربيه
هجرب فكره الماء المقطر وازيل الكربون والجلح
اشترى فيلر وطقم بوجيهات NKG او BOSH
واظبط مقاس الخلوص بالنسبه للبوجيهات
واجرب كداا لعل وعسا تظبط اكتر
وكله على الله
بس انت متأكد من حكاية المايه المقطره دى اصل بشتريها ومش عارف هى ميه نار ولا مياه عاديه واحط قد ايه منها ؟؟؟؟؟؟؟؟ خايف استخدمها تضرب جوان وش السلندر او تبوظ شنبر ولا حاجه

محمدصلاح القاضى
06-06-2012, 01:26 PM
انا بقي وبلا فخر الكربراتير عندي اتجنن MADDRIVE
وعاوز دكتور نفساني
الصفيحه في الطوالي 220كم في الزحمه 130 كم ازاي معرفش هتجنن من استهلاكها جوه البلد

دا ممكن بك الباب الاول اللى هوا تقريبا لحد ال 80 كيلو واسع حبتين جرب تركب واحد اصغر نمره او اتنين

أيمن الروبي
06-06-2012, 01:41 PM
دا ممكن بك الباب الاول اللى هوا تقريبا لحد ال 80 كيلو واسع حبتين جرب تركب واحد اصغر نمره او اتنين

ياريت يطلع ده السبب لما هقابل اتش هنفكه وببص عليه

Hisham.Elgazzar
06-06-2012, 01:47 PM
انا بس اخلص امتحانات
عندى شويه نضافه وصيانه للعربيه
هجرب فكره الماء المقطر وازيل الكربون والجلح
اشترى فيلر وطقم بوجيهات NKG او BOSH
واظبط مقاس الخلوص بالنسبه للبوجيهات
واجرب كداا لعل وعسا تظبط اكتر
وكله على الله
بس انت متأكد من حكاية المايه المقطره دى اصل بشتريها ومش عارف هى ميه نار ولا مياه عاديه واحط قد ايه منها ؟؟؟؟؟؟؟؟ خايف استخدمها تضرب جوان وش السلندر او تبوظ شنبر ولا حاجه


مياه مقطرة او مياه من الفلتر بس بترشها بالبخاخة بتاعت المكواة اوعى ترش من الزجاجة على طول لازم بخاخ
والكمية نص إزازة مثلا

الفديو اهو ؟؟
http://www.youtube.com/watch?v=7LTY0ip5NOg (http://www.youtube.com/watch?v=7LTY0ip5NOg)

انا مجرب الموضوع بنفسى ، ماشاء الله بيخلى العربية رايقة اوى
وقريب بإذن الله عندنا موضوع جديد كده تحت التجربة ، ممكن يوفر علينا نص التنك فى المشوار

محمدصلاح القاضى
06-06-2012, 01:58 PM
مياه مقطرة او مياه من الفلتر بس بترشها بالبخاخة بتاعت المكواة اوعى ترش من الزجاجة على طول لازم بخاخ
والكمية نص إزازة مثلا

الفديو اهو ؟؟
http://www.youtube.com/watch?v=7LTY0ip5NOg (http://www.youtube.com/watch?v=7LTY0ip5NOg)

انا مجرب الموضوع بنفسى ، ماشاء الله بيخلى العربية رايقة اوى
وقريب بإذن الله عندنا موضوع جديد كده تحت التجربة ، ممكن يوفر علينا نص التنك فى المشوار

ادماير قالى انك مشغول اليومين فى حكايه جديده وعندك اصرار انك تنفذها على الحقيقه
ربنا يوفقك :260309~352:

Hisham.Elgazzar
06-06-2012, 02:06 PM
ادماير قالى انك مشغول اليومين فى حكايه جديده وعندك اصرار انك تنفذها على الحقيقه
ربنا يوفقك :260309~352:
قاللك إمتى الكلام ده ؟؟

أيمن الروبي
06-06-2012, 02:08 PM
انتو بتتكلمو عن ايه يا جدعان متشركونا نعاكو بقي كده يا اتش انت والقاضي :260309~352:
ده احنا كنا هنجيلك اسكندريه بعد الامتحانات قشطه جدا والديك بيدن

Hisham.Elgazzar
06-06-2012, 02:18 PM
انتو بتتكلمو عن ايه يا جدعان متشركونا نعاكو بقي كده يا اتش انت والقاضي :260309~352:
ده احنا كنا هنجيلك اسكندريه بعد الامتحانات قشطه جدا والديك بيدن
عادى والله الموضوع انى عاوز أعمل حقن للمياه مع البنزين فى الكربراتير
بجركن كبير 20 لتر فى شنطة العربية معاك وطرنبة جواه
وتعمل اتنين خرطوم واحد رايح وواحد راجع على الجركن فايظ يعنى
والرشاش راكب فى العمة من فوق قصاد الباب الاولانى ، برشاش من بتوع الإنجيكشن

والرشاش بياخد كهربا من الموبينة كل ما الار بى ام يزيد يرش أكتر جوا الكربراتير

وكده كده الميه وهى نازلة مع البنزين جوا الكربراتير بتتبخر ومش هتأثر على الوش فى حاجة
لأنها هتبقى بخار والزيادة عن حاجة الرشاش ترجع ع التنك فى الشنطة (تنك الميه)

يعنى تدور الصبح العربية لما تسخن تروح مشغل الطرنبة وتعيش مياه وبنزين

الموضوع ده يوديك إسكندرية ويرجعك بنص التنك والله أعلم

أيمن الروبي
06-06-2012, 02:26 PM
عادى والله الموضوع انى عاوز أعمل حقن للمياه مع البنزين فى الكربراتير
بجركن كبير 20 لتر فى شنطة العربية معاك وطرنبة جواه
وتعمل اتنين خرطوم واحد رايح وواحد راجع على الجركن فايظ يعنى
والرشاش راكب فى العمة من فوق قصاد الباب الاولانى ، برشاش من بتوع الإنجيكشن

والرشاش بياخد كهربا من الموبينة كل ما الار بى ام يزيد يرش أكتر جوا الكربراتير

وكده كده الميه وهى نازلة مع البنزين جوا الكربراتير بتتبخر ومش هتأثر على الوش فى حاجة
لأنها هتبقى بخار

يعنى تدور الصبح العربية لما تسخن تروح مشغل الطرنبة وتعيش مياه وبنزين

الموضوع ده يوديك إسكندرية ويرجعك بنص التنك والله أعلم


يا سلام عليك يا اتش لما تشغل دماغك انا هشتري منك الاختراح ده ب 10 مليون دولار
يالا ياعم هفتحلك مزاد علشان تتشبرق بس وحياتك ابقي افتكر اخوك ولو بمليون :Wkiss5:

أيمن الروبي
06-06-2012, 02:28 PM
شوفت موضوع تركيب تكييف ساندن علي شاهين 1300 سي سي انا الموضوع دخل دماغي وبفكر اروح للكهربائي اشوف الدنيا عندو ماشيه ازاي ايه رأيك تيجي نبقي نروحلو كلنا في مره انامعايا عنوانه العمليه شعللت في دماغي تاني

محمدصلاح القاضى
06-06-2012, 05:55 PM
انتو بتتكلمو عن ايه يا جدعان متشركونا نعاكو بقي كده يا اتش انت والقاضي :260309~352:
ده احنا كنا هنجيلك اسكندريه بعد الامتحانات قشطه جدا والديك بيدن

شوفت بقا يا أيمن ان ك نيستنى انا من طنطا يا جدعان بلد الفلاحييييييييييييييين

محمدصلاح القاضى
06-06-2012, 05:59 PM
شوفت موضوع تركيب تكييف ساندن علي شاهين 1300 سي سي انا الموضوع دخل دماغي وبفكر اروح للكهربائي اشوف الدنيا عندو ماشيه ازاي ايه رأيك تيجي نبقي نروحلو كلنا في مره انامعايا عنوانه العمليه شعللت في دماغي تاني

طيب روحوا وتعالوا بسرعه ومتنسوش السندوتشات ( التفاصيل ) وياريت تسأله عن الكويل اللى مركبه جوا دا تمنه كام لوحده ؟؟؟؟

cars admire
06-06-2012, 07:50 PM
عادى والله الموضوع انى عاوز أعمل حقن للمياه مع البنزين فى الكربراتير
بجركن كبير 20 لتر فى شنطة العربية معاك وطرنبة جواه
وتعمل اتنين خرطوم واحد رايح وواحد راجع على الجركن فايظ يعنى
والرشاش راكب فى العمة من فوق قصاد الباب الاولانى ، برشاش من بتوع الإنجيكشن

والرشاش بياخد كهربا من الموبينة كل ما الار بى ام يزيد يرش أكتر جوا الكربراتير

وكده كده الميه وهى نازلة مع البنزين جوا الكربراتير بتتبخر ومش هتأثر على الوش فى حاجة
لأنها هتبقى بخار والزيادة عن حاجة الرشاش ترجع ع التنك فى الشنطة (تنك الميه)

يعنى تدور الصبح العربية لما تسخن تروح مشغل الطرنبة وتعيش مياه وبنزين

الموضوع ده يوديك إسكندرية ويرجعك بنص التنك والله أعلم
الرابط المهم للمشاركة مع استاز هشام الجزار والاراء الايجابية !!!!!!!!!!!!!!!!!!
http://www.masrmotors.com/vb/showpost.php?p=688650&postcount=19
:THE_PR~18::fun_Whispering::THE_PR~18::fun_Whisper ing::THE_PR~18:

أيمن الروبي
06-06-2012, 11:59 PM
شوفت بقا يا أيمن ان ك نيستنى انا من طنطا يا جدعان بلد الفلاحييييييييييييييين

منقدرش ننساك انا عارف انك من طنطا بلد المشبك
بس اقصد ان اسكندريه اققربلك وبالمره نغير جو هناك مع بعض

أيمن الروبي
07-06-2012, 10:31 AM
صباح الفل علي الكل

Hisham.Elgazzar
07-06-2012, 11:00 AM
صباح الفل علي الكل

صباح الجمال ، ربنا يصلح الحال :fun_36_3_9[1]:
امبارح المشترك بتاع الشكمان نفس جوا الحوض
بيخلى العربية تسخن جامد وطبعا كل ماتدوس بنزين الحرارة بتزيد
النهردة بإذن الله هروح أغيره ، لأن تركه ممكن يعمل لاقدر الله مشكلة كبيرة ، ده غير ان عندى مواسير الشكمان ضيقة والعلبة مكتومة وهو ده سبب انه ضرب الجوان من عند المشترك

أيمن الروبي
07-06-2012, 11:05 AM
صباح الجمال ، ربنا يصلح الحال :fun_36_3_9[1]:
امبارح المشترك بتاع الشكمان نفس جوا الحوض
بيخلى العربية تسخن جامد وطبعا كل ماتدوس بنزين الحرارة بتزيد
النهردة بإذن الله هروح أغيره ، لأن تركه ممكن يعمل لاقدر الله مشكلة كبيرة ، ده غير ان عندى مواسير الشكمان ضيقة والعلبة مكتومة وهو ده سبب انه ضرب الجوان من عند المشترك
ربنا معاك ويسهلهالك
امبارح مصطفي كلمني

أيمن الروبي
07-06-2012, 11:21 AM
بقولك يا اتش عاوزين نشوف مسامير الدليل دي ونركبها عملالي كالو في دماغي:01AD96~139:

Hisham.Elgazzar
07-06-2012, 11:32 AM
أقابلك فى عين شمس يوم السبت بإذن الله هنظبط كل الكلام ده :fun_36_3_9[1]:

محمدصلاح القاضى
07-06-2012, 11:37 AM
بقولك يا اتش عاوزين نشوف مسامير الدليل دي ونركبها عملالي كالو في دماغي:01AD96~139:

مسامير الدليل اللى فى الطنابير ورا موجوده الواحد ب 5 جنيه انا كنت مغيرهم من سنه

أيمن الروبي
07-06-2012, 11:39 AM
مسامير الدليل اللى فى الطنابير ورا موجوده الواحد ب 5 جنيه انا كنت مغيرهم من سنه

المشكله عندي ان مش نافع اركبهم مع الجنوط الجديده بس بدور علي مسامير الانكيه تغطس جوه الطنبوره

أيمن الروبي
07-06-2012, 11:45 AM
http://youtu.be/iCc3S0h3ISU

اتفرجو علي العربيات مش تقولولي سفينه و 132

Hisham.Elgazzar
07-06-2012, 11:49 AM
http://youtu.be/iCc3S0h3ISU
اتفرجو علي العربيات مش تقولولي سفينه و 132
:fun_36_3_9[1]::fun_36_3_9[1]:

أيمن الروبي
07-06-2012, 11:52 AM
<iframe width="420" height="315" src="http://www.youtube.com/embed/2tpo_kDieYg" frameborder="0" allowfullscreen></iframe>

أيمن الروبي
07-06-2012, 11:53 AM
http://youtu.be/2tpo_kDieYg

أيمن الروبي
07-06-2012, 11:54 AM
الفيديو ده علشان خاطر هشام بيه

http://youtu.be/RN4OCAwEG5o

أيمن الروبي
07-06-2012, 12:00 PM
http://youtu.be/N2iDKF8C-jg

132VS131

محمدصلاح القاضى
07-06-2012, 12:11 PM
المشكله عندي ان مش نافع اركبهم مع الجنوط الجديده بس بدور علي مسامير الانكيه تغطس جوه الطنبوره

طيب ما تفكر تخرط الجنط عشان يركب عليه الدليل عند واحد خراط محترم وافتكر انه مش هيقصر على حاجه فى الجنط

أيمن الروبي
07-06-2012, 12:18 PM
طيب ما تفكر تخرط الجنط عشان يركب عليه الدليل عند واحد خراط محترم وافتكر انه مش هيقصر على حاجه فى الجنط
انا خايف يأثر علي اتزان الجنط وساعتها يبقي الجنط ملوش لازم ولا ينفع يترصص

محمدصلاح القاضى
07-06-2012, 12:24 PM
http://youtu.be/N2iDKF8C-jg

132VS131

المعلم بتاع 132 مش عارف يعمل درفت خالص
انا مره واحد صاحبى كان معاه 132 1600 فكنت قاعد معاه قالى انا عمرى ماشفت عربيتى بتفحط قولته سهله بس هات انت عربيه وانا اوريك قالى قدامك عربيتى من زمان وانا نفسى اشوفها بتفرك الكاوتش وبتصرخ شجعنى اووووى انه بايع القضيه قولته اركب ركب وخدته فى حته عندنا طنطا عند الاستاد وهاتك يافرك ودرفت خليت العربيه تاكل من تحتها لدرجه تانى يوم جابت ديسك واسطوانه :01AD96~139:

محمدصلاح القاضى
07-06-2012, 12:27 PM
انا خايف يأثر علي اتزان الجنط وساعتها يبقي الجنط ملوش لازم ولا ينفع يترصص

بص ياأيمن خد هشام معاك وروح عند واحد خراط يكون هشام عارفه وهو هيعمل اللازم وهيظبط الاداء
لدرجة اننا بنخرم الجنط ال 4 اخرام ل 5 اخرام عند الخراط العمليه سهله بس خد هشام معاك وهو هيظبط الاداء

أيمن الروبي
07-06-2012, 12:34 PM
المعلم بتاع 132 مش عارف يعمل درفت خالص
انا مره واحد صاحبى كان معاه 132 1600 فكنت قاعد معاه قالى انا عمرى ماشفت عربيتى بتفحط قولته سهله بس هات انت عربيه وانا اوريك قالى قدامك عربيتى من زمان وانا نفسى اشوفها بتفرك الكاوتش وبتصرخ شجعنى اووووى انه بايع القضيه قولته اركب ركب وخدته فى حته عندنا طنطا عند الاستاد وهاتك يافرك ودرفت خليت العربيه تاكل من تحتها لدرجه تانى يوم جابت ديسك واسطوانه :01AD96~139:
ههههههههه يعني غرمت الراجل ده لما بعمل درفت صغير كده نرفزه يعني من الزحمه مثلا ببقي مضايق علي العربيه ويالا يا عم خلص امتحانات علشان نعمل مقابله في ALEX

محمدصلاح القاضى
07-06-2012, 12:38 PM
ههههههههه يعني غرمت الراجل ده لما بعمل درفت صغير كده نرفزه يعني من الزحمه مثلا ببقي مضايق علي العربيه ويالا يا عم خلص امتحانات علشان نعمل مقابله في ALEX

ياعمى هو اللى عاوز يتغرم اعمله ايه بايع القضيه على الاخر
وبعدين مقابلة الكس اكيد هتبقى تحفه اخلص امتحانات على اخر الشهر دا ونتقابل

أيمن الروبي
07-06-2012, 01:18 PM
ابعاد 132
http://www.carsfromitaly.net/fiat/popups/132dims.html

أيمن الروبي
07-06-2012, 01:23 PM
الله علي جمال الصوره


http://www.masr1.com/?di=C0PX

محمدصلاح القاضى
07-06-2012, 01:27 PM
الله علي جمال الصوره


http://www.masr1.com/?di=C0PX

يا سلام لو الوان

أيمن الروبي
07-06-2012, 01:33 PM
يا سلام لو الوان
يا عم احنا نلونها هنغلب يعني وكمان هحطلك صوريت وانا سايقها

محمدصلاح القاضى
07-06-2012, 02:07 PM
شوف بقا عربيتى مرميه فى الشوارع فى اوربا معاها كذا صوره على الماشى
http://a7lashare.com/viewimages/5f247e89b7.jpg (http://a7lashare.com/download/5f247e89b7.html):danceW7:
http://a7lashare.com/viewimages/38f860ec4c.jpg (http://a7lashare.com/download/38f860ec4c.html)
http://a7lashare.com/viewimages/fcd2ff9d2a.jpg (http://a7lashare.com/download/fcd2ff9d2a.html)
http://a7lashare.com/viewimages/85646a253c.jpg (http://a7lashare.com/download/85646a253c.html)
http://a7lashare.com/viewimages/8daff9fb22.jpg (http://a7lashare.com/download/8daff9fb22.html)
http://a7lashare.com/viewimages/b68cf461b2.jpg (http://a7lashare.com/download/b68cf461b2.html)

احنا بقا بنستورد العربيات دى ههههههههههههههههههه
http://a7lashare.com/viewimages/b9cc80ddaa.jpg (http://a7lashare.com/download/b9cc80ddaa.html)
http://a7lashare.com/viewimages/68b8594b7e.jpg (http://a7lashare.com/download/68b8594b7e.html)
http://a7lashare.com/viewimages/546b25091f.jpg (http://a7lashare.com/download/546b25091f.html)
يارب تكون الصور عجبتك

أيمن الروبي
07-06-2012, 02:38 PM
مش حرام الصور اللي في الاخر دي كانو سابو العربيات سليمه علي الاقل نستوردها قطع غيار وميخلوش التجار عندنا يفضلو يقولو العربيه ملهاش قطع غيار وماتت وكلام فاضي

محمدصلاح القاضى
07-06-2012, 02:43 PM
العربيات دى بتروح تتسيح وتتعمل حديد تانى او واحد ابن حلال ياخدهم يشترى العربيه الواحده بجنيه ويصدرها ب 5 وتاجر قطع الغيار يشترى ب 7 والزبون اللى هو احنا نشترى ب 100 ايه رأيك فكره نار :CHUBBY~36:

Hisham.Elgazzar
07-06-2012, 02:53 PM
العربيات دى بتروح تتسيح وتتعمل حديد تانى او واحد ابن حلال ياخدهم يشترى العربيه الواحده بجنيه ويصدرها ب 5 وتاجر قطع الغيار يشترى ب 7 والزبون اللى هو احنا نشترى ب 100 ايه رأيك فكره نار :CHUBBY~36:
بقولك يا محمد
بالنسبة للموضوع ده بالذات حساس جدا
واحد صاحبى بيحكيلى على واحد يعرفه
عمل 7 رجالة وجاب كونتينر من برة محمل بما لذ وطاب
علشان يبيعه هنا فى المحروسة

ويا فرحة ماتمت

الكونتينر ولع بالكامل قبل ما يتهنى بيه
وحسبى الله ونعم الوكيل

محمدصلاح القاضى
07-06-2012, 03:06 PM
بقولك يا محمد
بالنسبة للموضوع ده بالذات حساس جدا
واحد صاحبى بيحكيلى على واحد يعرفه
عمل 7 رجالة وجاب كونتينر من برة محمل بما لذ وطاب
علشان يبيعه هنا فى المحروسة

ويا فرحة ماتمت

الكونتينر ولع بالكامل قبل ما يتهنى بيه
وحسبى الله ونعم الوكيل

بص يا هشام
انا جوز اختى بالولايات المتحده الامريكيه ومعاه الجنسيه
ومقيم بالتحديد فى واشنطن
بيقولى ان الناس هناك ممكن تغيير حاجتها زى ما تكون بتغير هدومها
يعنى العربيه ما تعدش اكتر من سنتين التلفزيونات بتتغير يجى اكتر من 7 مرات فى السنه
وبعدين هما هناك مش بيبيعوا الحاجات الاستعمال رغم ان استعمالهم خفييف
لا يطلعها قدام البيت بجميع مشتملاتها يعنى التلفزيون بيطلع بالكرتونه والريموت والكتالوج ولو معاه اريال بيطلع معاه تخيل بقى كام واحد بيعمل هناك كدا
لدرجه ان معاه واحد مصرى زميله هناك عامل مخزن من الحاجات دى وكل فتره يشحن كونتينر وينزله مصر ويبيع هنا على اساس انه زيرو او كسر الزيرو تخيل مقدار الثروه اللى بيعملها من الشغل دا (طبعا ان مش بقر انا بحسد) هههههههههههههههه

Hisham.Elgazzar
07-06-2012, 03:21 PM
مش حرام الصور اللي في الاخر دي كانو سابو العربيات سليمه علي الاقل نستوردها قطع غيار وميخلوش التجار عندنا يفضلو يقولو العربيه ملهاش قطع غيار وماتت وكلام فاضي

مصالح الناس التانيين يا أستاذ ايمن ، يعنى لو احنا عربياتنا اللى راكبينها احلى من الزيرو تفتكر فى حد هيشترى جديد
لازم يموتلك العربية
ويسهل شرا الجديد والإحلال
انا شفت بنفسى على الطريق الدائرى 3 مقاطير محملة عربيات بولونيز و132 مهروسة تكاسى إحلال :01AD96~139:
واصحاب التكاسى دى دلوقتى بيجروا فى الشوارع علشان يلموا الأقساط ، ويروحوا لبتوع التوكيلات يقطموا وسطهم أكتر:01AD96~139:

أيمن الروبي
07-06-2012, 03:30 PM
مصالح الناس التانيين يا أستاذ ايمن ، يعنى لو احنا عربياتنا اللى راكبينها احلى من الزيرو تفتكر فى حد هيشترى جديد
لازم يموتلك العربية
ويسهل شرا الجديد والإحلال
انا شفت بنفسى على الطريق الدائرى 3 مقاطير محملة عربيات بولونيز و132 مهروسة تكاسى إحلال :01AD96~139:
واصحاب التكاسى دى دلوقتى بيجروا فى الشوارع علشان يلموا الأقساط ، ويروحوا لبتوع التوكيلات يقطموا وسطهم أكتر:01AD96~139:
لا اله الا الله
معرفش الغني في البلد دي بيستسهل يدوس علي الغلبان ويقاسمو في رزقه ويصعب عليه الحياه

اسوأ حاجه لما اللي معندوش ضمير ولا احساس يتحكم في الناس

محمدصلاح القاضى
07-06-2012, 03:51 PM
[SIZE="6"]المشاركة الأصلية كتبت بواسطة Hisham.Elgazzar
مصالح الناس التانيين يا أستاذ ايمن ، يعنى لو احنا عربياتنا اللى راكبينها احلى من الزيرو تفتكر فى حد هيشترى جديد
لازم يموتلك العربية
ويسهل شرا الجديد والإحلال
انا شفت بنفسى على الطريق الدائرى 3 مقاطير محملة عربيات بولونيز و132 مهروسة تكاسى إحلال
واصحاب التكاسى دى دلوقتى بيجروا فى الشوارع علشان يلموا الأقساط ، ويروحوا لبتوع التوكيلات يقطموا وسطهم أكتر


لا اله الا الله
معرفش الغني في البلد دي بيستسهل يدوس علي الغلبان ويقاسمو في رزقه ويصعب عليه الحياه

اسوأ حاجه لما اللي معندوش ضمير ولا احساس يتحكم في الناس

فى ايه اما العربيات دى كانت تفكك وتنباع فى السوق والفلوس بتاعتها تروح للحكومه برضه عادى مش هنقول حاجه بس تبقى قضت مصلحه وفكت ازمه فى سوق قطع الغيار بدل الاستيراد والقرف دا وهى كدا كدا عاوزه فلوس فبدل من انها تفرهما وتشترى فرامه من برا فى ايه لم كانت تفك العربيات دى !!!!!!!!!!!!
وبرا بيكهنوا العربيات بديل الصور اللى كنت رافعها من شويه
لكن برضه اما يجوا يكهنوا العربيات مش بيبوصوا لموديل العربيه لكن بيبصوا على الحاله ودا لان فى عربيات موديل من خمس سنين فاتت لكن اعفن واوسخ من عربيات موديل السبعينات
وانا لو اطبق الموضوع دا على العربيات الملاكى عمرى ما هفرط فيها ابدا اديهم نمرهم ورخصتهم واقولهم سلام عليكم العربيه عندى احسن من الجديده لدرجه ان والدى بيتحايل عليا اركب الاسبرانزا لكن انا مش بحب غير 132

mOuStaFa_ERTU
07-06-2012, 04:13 PM
ده دليل قاطع انهم عارفين ان العربيات القديمة برقبة الجديد عشان كده بيموتهم

Hisham.Elgazzar
07-06-2012, 04:15 PM
[SIZE=6]المشاركة الأصلية كتبت بواسطة Hisham.Elgazzar
مصالح الناس التانيين يا أستاذ ايمن ، يعنى لو احنا عربياتنا اللى راكبينها احلى من الزيرو تفتكر فى حد هيشترى جديد
لازم يموتلك العربية
ويسهل شرا الجديد والإحلال
انا شفت بنفسى على الطريق الدائرى 3 مقاطير محملة عربيات بولونيز و132 مهروسة تكاسى إحلال
واصحاب التكاسى دى دلوقتى بيجروا فى الشوارع علشان يلموا الأقساط ، ويروحوا لبتوع التوكيلات يقطموا وسطهم أكتر




فى ايه اما العربيات دى كانت تفكك وتنباع فى السوق والفلوس بتاعتها تروح للحكومه برضه عادى مش هنقول حاجه بس تبقى قضت مصلحه وفكت ازمه فى سوق قطع الغيار بدل الاستيراد والقرف دا وهى كدا كدا عاوزه فلوس فبدل من انها تفرهما وتشترى فرامه من برا فى ايه لم كانت تفك العربيات دى !!!!!!!!!!!!
وبرا بيكهنوا العربيات بديل الصور اللى كنت رافعها من شويه
لكن برضه اما يجوا يكهنوا العربيات مش بيبوصوا لموديل العربيه لكن بيبصوا على الحاله ودا لان فى عربيات موديل من خمس سنين فاتت لكن اعفن واوسخ من عربيات موديل السبعينات
وانا لو اطبق الموضوع دا على العربيات الملاكى عمرى ما هفرط فيها ابدا اديهم نمرهم ورخصتهم واقولهم سلام عليكم العربيه عندى احسن من الجديده لدرجه ان والدى بيتحايل عليا اركب الاسبرانزا لكن انا مش بحب غير 132

من وجهة نظرى بالنسبة للإحلال
العربية البولونيز او 132 لو سيحتها هتفردلك عربيتين تلاتة من بتوع دلوقتى سواء هيوندايات أو شيفروليهات
انا بقى صاحب توكيل كبييييير اوى
هاخد العربيات الاحلال وأطلعها برا تتفكك وتتسيح وتتختم وترجع تانى قطع غيار
ابواب رفارف والذى منه

Hisham.Elgazzar
07-06-2012, 04:20 PM
ده دليل قاطع انهم عارفين ان العربيات القديمة برقبة الجديد عشان كده بيموتهم

حمدا لله على السلامة يا مصطفى :danceW7:
اخبارك اه ؟

محمدصلاح القاضى
07-06-2012, 04:26 PM
حمدا لله على السلامة يا مصطفى :danceW7:
اخبارك اه ؟

ازيك يا مستر مصطفى اخبارك ايه ؟؟؟
ايه الجديد عندك فى العربيه

محمدصلاح القاضى
07-06-2012, 04:53 PM
انفراد صورة هشام باشا الجزار
حبيبـــــــــــــــــــــــــــ:fun_36_3_9[1]:ــــــــــــــــــــــــــــــــــــــــى
http://a7lashare.com/viewimages/dd0ccff1b6.jpg (http://a7lashare.com/download/dd0ccff1b6.html)

mOuStaFa_ERTU
07-06-2012, 05:22 PM
حمدا لله على السلامة يا مصطفى :danceW7:
اخبارك اه ؟

الحمد لله بخير طالما عندى اصحاب زيكم :fun_36_3_9[1]:

ازيك يا مستر مصطفى اخبارك ايه ؟؟؟
ايه الجديد عندك فى العربيه

الحمد لله كويس يا محمد :fun_36_3_9[1]:
الجديد انى راكن العربية تحت البيت ونزلت النهاردة لائيت الباب اللى ورا فى خبطة غريبة وجامدة لدرجة ان الصاج بتاع الباب عامل اكنك فاتح علبة تونه :01AD96~139: انا قرفت من الشارع الزباله اللى انا فيه ده بس الحمد لله انها قبل التجديد وبإذن الله لما اشدها هاشترى غطاء واتر بروف حلو كده واركنا فى جراج محترم
:danceW7:

Hisham.Elgazzar
07-06-2012, 05:38 PM
:fun_36_1_47[1]:شغل قرآن فى العربية دى ، والله ربنا يسترها ، انا مشعارف الناس دى مش بتبطل ليه ؟:w6w200504112220146b
حسبنا الله ونعم الوكيل

mOuStaFa_ERTU
07-06-2012, 05:51 PM
:fun_36_1_47[1]:شغل قرآن فى العربية دى ، والله ربنا يسترها ، انا مشعارف الناس دى مش بتبطل ليه ؟:w6w200504112220146b
حسبنا الله ونعم الوكيل

جربت كل حاجه والله يا هشام واللى يشل انى انزل والاقى اللى خبط الدوكو بتاعى على عربيتة ويقول مش انا ممكن العفاريت اللى قتلوا الثوار فى التحرير هما اللى خبطوها :01AD96~139:

المهم فى حاجة غريبه اوى كنت بدور على كريستاله لواحد صاحبى وقولت ادخل اشوف اسعار الفيات واتصدمت لائيت ال 132 ب 9 وب 10 والفاجرة اوى ب 15 هو ايه الاسعار دى ؟؟
واللى غايظنى ان العربيات شده حيلها يعنى مش مبهدله كانت فين الاسعار دى من زمان

كنت فين يا خشب لما كنت انا مسمار