المساعد الشخصي الرقمي

مشاهدة النسخة كاملة : أسباب زيادة أستهلاك السياره للبنزين


samirayad
09-02-2012, 10:52 PM
الكثير منا ممن يملكون السيارات يتمنون أن يكون

معدل إستهلاك سيارته للبنزين بأقل معدل ممكن

فهل أنت تشكو من زياده فى إستهلاك البنزين بسيارتك .....؟

وهل تلاحظ أن مؤشر البنزين دائما على خلاف معك

ولايريد أن يبرح مكانه على المؤشر بصوره معقوله

الأمور التاليه فى صورة نقاط متتابعه ستجعلك

تضع يدك على لصوص البنزين بسيارتك

1- حساس الأكسجين

حساس الأكسجين بسيارتك (ذات الحقن الإلكترونى ) بيقوم

بمراقبة درجة غناء أو فقر الخليط المحترق داخل غرف الحريق

ثم يقوم بإرسال إشاره لوحدة تحكم سيارتك لكى تقوم بتصحيح

نسبة الهواء للبنزين للوصول لنسبه صحيحه

حيث تقوم الوحده من خلال التحكم فى زمن قتح الرشاشات من

إضافة أو إستقطاع نسبه من البنزين بناءا عن تحريات حساس

الأكسجين

وحينما يعجز حساس الأكسجين بيبدأ يهنج ومن هنا بتكون إشارته

لوحدة التحكم غير دقيقه ولا تعبر عن الواقع الفعلى لنسبة الهواء

للبنزين ومن هنا بيحدث الخلل فى إستهلاك البنزين

2- حساس درجة الحراره للماء

حساس حرارة الماء يقوم بمراقبة درجة حرارة مية التبريد

التى تدور داخل المحرك

إذا كان الحساس تالفا ويقرأ حراره بدرجه أقل من ماهو موجود

ودايما بيبلغ وحدة التحكم بأن المكنه بارده

فأن كمبيوتر السياره ( وحدة التحكم ) سيظل جاعل دورة التشغيل

فى صورة OPEN LOOP والتى تعنى بأن الكمبيوتر سيجعل

الخليط دائما غنيا بالبنزين

ولكن فى الواقع فأن الخليط الغنى ليس مطلوبا إلا والمحرك باردا

أو فى فترة بدءالدواره لحين إستقرار حمل السلانسيه وعدم

إرتجاج وإرتعاش المحرك وهو فى فترة التحضير لسحب السياره

تخيل بأه أن المكنه سخنه فعلا ولكن علشان الحساس تالف

ووحدة التحكم تابعه لكلامه لها

هيحصل إيه .............؟

هتستمر وحدة التحكم فى جعل الخليط غنيا مما يعنى

فقد فى البنزين دون داعى

3- ثرموستات ميكانيكى معطوب

الثرموستات بينظم حرارة المكنه وفى نفس الوقت بيساعد على

وصول حرارة المكنه للدرجه المطلوبه للتشغيل فى أسرع وقت

بعد الدواره

بيوجد الثرموستات فى بيت على المكنه وبيخرج من هذا البيت

زور يركب عليه الخرطوم العلوى الذاهب لتبريد الماء

بالردياتير .

عندما يكون المحرك باردا بيقفل الثرموستات على المكنه

بحيث لايذهب ماء للردياتير

ويجب أن يظل الثرموستات مغلقا إلى أن يتم الوصول بالحراره

لدرجة التشغيل الطبيعيه

فلوفرضنا أن الثرموستات معلق وفاتح ومش قافل صح

فى اللحظات دى

الميه هتروح للردياتير على الرغم إن المكنه بتحاول تسخن

وهذا يمنع المكنه من السخونه سريعا ومن الوارد

عدم وصول حرارة المكنه لدرجة التشغيل الطبيعيه

( دايما تلاقى عداد الحراره نازل لتحت وأنت فرحان )

القصه دى بأه بتخللى وحدة التحكم متأخره فى إدخال دورة

الحريق فى إتجاه ال closed loop operation

مما يعنى أن الخليط ( هواء + بنزين ) سيستمر غنيا لفتره كبيره

مما يعنى إستهلاك بنزين دون داعى

والسبب مين ..........صاحبنا الثرموستات

4- حريق المكنه مش حلو

إذا كان حريق المكنه غير جيدا لأى سبب من الأسباب

فإنها ستفقد كثيرا من البنزين دون داعى

طيب إيه بأه الحاجات إللى ممكن تخللى حريق المكنه مش حلو

- مشاكل دورة الأشعال

( زى البوجيهات الوحشه - كابلات بوجيهات وحشه - بوبينا

ضعيفه - أقواس كهربيه شارده بين الكابلات والبوبينا - أقواس

كهربيه شارده بين الكابلات والبوجيهات )

- خطأ الحريق يمكن أن يتواجد أيضا بسبب

(عيوب رشاشات أو وجود هروب لهواء التخلخل من مجمع دخول

الهواء للمحرك - أو ضغط ضعيف فى خطوط البنزين )

- خطأ الحريق يمكن أن يكون سببه أيضا فقد ( تفويت )

لحبك غرف الحريق سواء من فوق أو أسفل

- فى عام 1996 وماتلاه للمحركات ذات الحقن الإلكترونى

تم إدخال نظام التشخيص الإلكترونى OBD II

إن تواجد أخطاء فى حريق المحركات بيسجل عطلا فى ذاكرة

وحدة التحكم مصحوبا بإناره للمبة الأعطال Check Engine

ومع الكشف بالإسكانر بيتم تحديد الأسطوانه المتواجد بها أخطاء

حريق ثم يتم التعامل مع المحرك لأزالة هذا العطل

5- تسريب من مجمع الدخول أو من خلال بلف الEGR

هروب هواء تخلخل من مجمع الدخول بسبب تلف جوان مجمع

الهواء ( المانيفولد ) أو من خلال أى خرطوم فاكيوم

بيؤدى إلى فقر خليط الهواء والبنزين وبالتالى يحدث خطأ حريق

داخل المحرك مما يؤدى إلى زياده فى إستهلاك البنزين

أيضا بلف ال EGR الذى لايغلق على السلانسيه عندما يكون

المحرك باردا أو عندما لا يكون مطلوب حمل ميكانيكى من

المحرك بيسمح بدخول عادم ساخن للدخول إلى مجمع دخول

الهواء للمحرك

وهذا يشكل عنصر إفقار للخليط مما يؤدى إلى أخطاء حريق

وبالتالى زياده فى إستهلاك البنزين .

____________

فى هذه الحاله فأنت تحتاج للكشف على

هل يوجد تخلخل هارب من خلال مجمع الهواء

أو إنك تحل بلف ال EGR تنظف قاعدته ومكان تركيبه

- إختبار هروب الفاكيوم يمكن تنفيذه أو التحقق من تواجده من

عدمه برش منظف الثروتل بودى على طول حواف مجمع الدخول

حينما يكون المحرك دائرا فى حالة سلانسيه

فإذا حدث تغير فجائى فى وضع المكنه ( رعشه أو هزه )

فأن هذا يعنى بأن كميه من المنظف إستطاعت من النفاذ لمجمع

الدخول والدخول لغرف الحريق مع مخلوط الهواء والبنزين

- ولإصلاح هذا العيب فإنه يلزم تغيير جوان المانيفولد أى

( مجمع دخول الهواء ) أو تغيير المجمع نفسه إذا كان مشروخا

ويوجد علاج أرخص وأسرع لهذه الحاله وهو سد الخلوصات

التى تلاحظها بجوان خارجى من السيلكون الحرارى
------------------------------
وللشروخ بالمجمع ...يمكن إجراء عملية اللحام بأنبوبة

معجون لحام بعد تنظيف مكان اللحام بصوره مقبوله

وإذا لم يكن هناك هروب للفاكيوم هيتم التعامل مع بلف الEGR

- حل البلف وأفحصه من أسفله وأفحص مكان تركيبه على

المانيفولد لكى تتخلص من كل البؤر الكربونيه الموجوده أسفل

البلف أو فى مكان تركيبه والتى تعوق عمل البلف

أيضا يجب التحقق من سلامة خرطوم فاكيوم البلف

وكذلك سولونويد تشغيل البلف كهربيا

-------------------

تتبع باقى الأسباب بإذن الله

تامر ديزل
09-02-2012, 11:11 PM
متابع باهتمام وتسلم ايدك شكر وتقدير
وعندي سؤال تعبت في حسابه لحد دلوقتي مش قادر اوصل لاجابه تقنعني
هل لما اشغل التكييف .. العربية تستهلك بنزين اكتر ولا لما اطفي التكييف وافتح القزاز .. لان هيبقا فيه قوة ناتجة عن دخول الهوا للعربية وبتعمل مقاومة اضافية للعربية ... عمال افكر ايه الاكتر في الاستهلاك ؟
كمان مش المفروض ان تكييف العربية ده نص حصان ؟ او حصان ؟ ولا بيبقى اكتر من كده ؟

samirayad
09-02-2012, 11:19 PM
عمال افكر ايه الاكتر في الاستهلاك ؟


الموضوع ده علشان تحسبه صح

لابد من التجربه العمليه

بمعنى

هتخوض التجربه على مرحلتين

1- مره تحسب الأستهلاك وأنت مشغل التكييف

2- مره تحسب الأستهلاك وأنت فاتح الشبابيك

من هنا ستسطيع حسابها صح وتقارن

كمان مش المفروض ان تكييف العربية ده نص حصان ؟ او حصان ؟ ولا بيبقى اكتر من كده ؟

أكتر من كده يا أخى

أعتقد قدرة الضاغط لن تقل عن تلاته أو أربعه حصان ( على سبيل المثال )

وهحاول أبقى أحددها بصوره أدق من خلال قرآتى

hamed2020
09-02-2012, 11:21 PM
متابع باهتمام وتسلم ايدك شكر وتقدير
وعندي سؤال تعبت في حسابه لحد دلوقتي مش قادر اوصل لاجابه تقنعني
هل لما اشغل التكييف .. العربية تستهلك بنزين اكتر ولا لما اطفي التكييف وافتح القزاز .. لان هيبقا فيه قوة ناتجة عن دخول الهوا للعربية وبتعمل مقاومة اضافية للعربية ... عمال افكر ايه الاكتر في الاستهلاك ؟
كمان مش المفروض ان تكييف العربية ده نص حصان ؟ او حصان ؟ ولا بيبقى اكتر من كده ؟

+1 :THE_PR~18::THE_PR~18:

osha_ahmed
10-02-2012, 12:08 AM
الله ينور يا بشمهندس
معلومات قيمة جدا

Emgrand
10-02-2012, 12:50 AM
انا عندى زيادفى استهلاك البنزين
الكشف سكانر مفيش اخطاء
اشياء كتير جدا جدا من الشايع عملتها ولا حل
امشى ازاى فى خطوات لو عايز اكشف على اللى حضرتك كاتبه
==============
سؤال هو 1- حساس الأكسجين

اللى هو حاسا الهوا airflow
اقل شئ حضرتك تبقى مشرف يا استاذ سميرشكر وتقدير

samirayad
10-02-2012, 06:59 AM
انا عندى زيادفى استهلاك البنزين
الكشف سكانر مفيش اخطاء
اشياء كتير جدا جدا من الشايع عملتها ولا حل
امشى ازاى فى خطوات لو عايز اكشف على اللى حضرتك كاتبه




دوس على هذا الرابط


http://www.masrmotors.com/vb/showthread.php?t=43049 (http://www.masrmotors.com/vb/showthread.php?t=43049)

وإدينى كل البيانات المطلوبه بدقه عاليه

وسأحاول معاك فى التعرف على السبب بقدر الإمكان من خلال

سؤال وجواب بينى وبينك

سؤال هو

1- حساس الأكسجين


اللى هو حاسا الهوا airflow


لا يوجد وجه صله بين الحساسين

فحساس الأكسجين لتصحيح نسبة الهواء للأكسجين 14:1

وحساس الهواء ( حسب نوعه لأن له أنواع )

ووظيفته إعلام كمبيوتر السياره بكمية

الهواء التى دخلت المكنه بعد ما السواق داس بقيمه معينه

على دواسة البنزين

تقدر تقول

أن تعامل الكمبيوتر مع إشارة حساس الهواء بتسبق تعامله

مع إشارة حساس الأكسجين

دا غير إن ده ليه مكان على المكنه والآخر له مكان مختلف

على المكنه

samirayad
10-02-2012, 01:33 PM
http://www.aa1car.com/library/fuel_gauge_analog.jpg


علشان أنا مبحبش أشوف مؤشر البنزين متجها إلى كوبرى هابط

هكمل مع حضراتكم باقى الأسباب التى تؤدى إلى زيادة الأستهلاك

فى البنزين

1- بوجيهات باليه أو مكربنه



لايوجد أدنى شك بأن تواجد بوجيهات باليه أو مهببه بمحرك

سيارتك سيؤدى إلى إستنزاف بنزين دون داعى

ومن أسباب تعرض البوجيهات للتكربن والتهبب

هو الإعتياد على القياده داخل المدن

وعدم التعود على عمل مشاوير طويله بالسياره من أجل

نظافة البوجيهات كأحد مكاسب السفر الطويل بالسياره

أيضا وجود محرك قديم ولا يوجد حبك جيد لشنابره

أو كاوتش صباب جيد يؤدى إلى تحشف وتكربن البوجيهات

عود نفسك حينما تستشعر خلل فى حريق المحرك أو تواجد إفراط

فى إستهلاك البنزين بأن تقوم بحل البوجيهات

للتعرف على شكل حريقها

فالبوجيهات هى أول تحليل مطلوب منك للتعرف

على سير عملية الحريق

فلو وجدت البوجيهات مكربنه ولكنك لسه مغيرها حديثا

أعد نظافتها وقم بضبط ثغرة البوجيه كما هو مقنن

لطراز محرك سيارتك

لكن لو وجدت حجم التكربن كبير أو حالة العازل الخزفى

محترقه بشكل كبير

فهنا يجب إستبدال البوجيهات بأخرى جديده وتناسب

محرك سيارتك

2- رشاشات ذات حاله سيئه



وجود بؤر ورنيشيه بالبنزين داخل الرشاشات يعوق عملها من

جهة ضخها للكميه الصحيحه من البنزين أثناء مرور المحرك

بدورات الحريق

لأن هذا يؤدى إلى إفقار خليط الهواء والبنزين داخل غرف

الحريق

مما يولد أخطاء حريق مما يعنى خساره فى إستهلاك البنزين

ولذا فإن إضافه زجاجة منظف لدورة البنزين ( منظف رشاشات )

ومن الأنواع الجيده بالسوق

فإذا لم تجدى تلك المحاوله ( حتى وإن كررتها لأكثر من مره )

فهنا يجب إخراج الرشاشات لإختبارها وتنظيفها على

جهاز الألتراسونيك



3- حبك غير جيد لغرف الحريق



إذا كنت تمتلك سياره قامت بقطع الكثير من الكيلومترات

( فوق ال 100 ألف ميلا )

يمكن أن تواتجهك مشكلة زيادة فى إستهلاك البنزين لأن مكنتك

بدأت بالفعل تفقد جزءا من كفاءة حبك غرف الحريق

لأنه مع كثرة الأستعمال فإنه ينشأ فقد تدريجى من جهة كفاءة

الحبك للغرف مما يعنى نقص فى كفاءة المحرك مما يعنى

زياده فى إستهلاك البنزين

إذا كنت تتوقع وجود خلل فى كفاءة حبك غرف المحرك فقم

بعمل إختبار كبس لقياس كفاءة الحبك للتعرف على كفاءة

حبك الغرف

فلو إتضح أن حبك الغرف فى الضياع فيجب إجراء رفع لكفاءة

الحبك من خلال تغيير طقم شنبر وإجراء عملية روديه

لوش السلندر

4- زيت ذو لزوجه خاطئه



معظم سيارات الركوب الحديثه هذه الأيام تحتاج لزيت قليل

اللزوجه ( بقدر الإمكان )

فهذه الأنواع من زيوت التزييت تحسن إستهلاك البنزين

وخصوصا أثناء برودة الجو ( حيث يميل الزيت للزياده فى

درجة اللزوجه مع إنخفاض درجة الحراره )

- إذا كنت تستخدم زيت ذو لزوجه أكبر من المقننه لسيارتك

فمن الممكن أن يزداد معك معدل إستهلاك البنزين بنسبه

تتراوح من 5 إلى 10 % فوق المعدل الطبيعى للإستهلاك



5- فلتر الهواء الغير نظيف




إذا كان فلتر الهواء غير نظيف فإنه يحدث خلل فى كمية الهواء

الداخله للمحرك ( نفس المكنه بينسد فى الحاله دى )

ومن هنا يحدث إستنزاف من البنزين دون داعى



6- خلل فى مكونات الشكمان



وجود أى خلل فى مكونات الشكمان

( علب باليه - ماسوره معوجه - خلافه ) يؤدى إلى إهدار البنزين

7- تفويت فى الدبرياج أو التورك كونفرتر فى الأوتو

إذا كان الدبرياج فى السيارات المانيوال بيفوت

أو يوجد خلل فى التورك كونفرتر للسيارات الأوتو

ف بالطبع سيحدث إهدار فى إستهلاك البنزين



8- نقصان ضغط هواء الإطارات



للوصول لأقصى توفير فى البنزين فإن إطارات سيارتك

يجب أن تكون منفوخه عند الضغط المقنن من قبل صانع السياره

يلاحظ أن معظم سيارات الركوب بيكون ضغط هواء الإطارات

فى الحدود من 32 إلى 34 رطل / البوصه المربعه

إذا أقل من المدى ده مش حلو على إستهلاك البنزين

لأنه كلما كان الإطار غير منفوخ صح بتزداد مقاومة الطريق

لتدحرج العجل وفى ذات الوقت فإن الضغط المنخفض يؤدى

إلى الأسراع بتآكل حواف الإطار

يلاحظ أن السياره ذات ضغط هواءمنخفض للإطارات

عن المقنن يؤدى إلى زياده فى إستهلاك البنزين بنسبه تتراوح

من 5 إلى 10 % من الإستهلاك الطبيعى



9- فرامل قفشه بعض الشىء



عندما لايقوم تيل الفرامل بترك الطنابير كلية وقت تركك للدواسه

فأن هذه الظاهره تعرف هندسيا ب إنجرار الفرامل

( كأن الطنابير هى عربة القطار وجره وراها التيل )

إذا تواجدت هذه الظاهره بسيارتك لأى خلل فى دورة الفرامل

بيحدث زياده فى إستهلاك البنزين



10 - زيادة الأحمال بالسياره



وجود ركاب بوزن زائد أو أشياء بشنطة السياره تؤدى إلى إجهاد

محرك السياره فى شد السياره ومن هنا بيزيد إستهلاك البنزين



11 - عادات القياده السيئه



تلك هى الطامة الكبرى فى زيادة إستهلاك

البنزين !!!!!!!!!!!

وأكبر مسببا لزيادة الأستهلاك حينما تكون حالة السياره بشكل عام

ليس لها دور فى زيادة الأستهلاك

فمثلا نجد المعتادون على الطلوع المفاجىء بالسياره

ومعتادى الكيك داون يعانون من زياده فى إستهلاك البنزين

عن قرنائهم العقلاء

ولذا فإنه يجب عليك أن تتحلى بالسواقه الهادئه

إذا كنت ترغب فى الحد من إستهلاك البنزين

nasr78
21-02-2012, 04:10 PM
وهل ترومستات المكنة الخاصة بالتبريد ليها علاقة بزيادة الأستهلاك عشان انا حاسس ان الأستهلاك عندى زاد شوية بالرغم من ان الشاوير واحدة

samirayad
21-02-2012, 06:41 PM
وهل ترومستات المكنة الخاصة بالتبريد ليها علاقة بزيادة الأستهلاك عشان انا حاسس ان الأستهلاك عندى زاد شوية بالرغم من ان الشاوير واحدة

نعم فهذا صحيح

وكلما كان المحرك لايصل لحرارة تشغيله الطبيعيه

بيكون الخليط المحترق من البنزين والهواء غنيا

مما يعنى نسبة البنزين تكون كبيره جدا عن النسب الصحيحه المقرره

فى الخليط

وقد يستمر المحرك فى العمل بنظرية ال open loop

أى أن إستهلاك البنزين بيكون مفتوح على البحرى أمام وحدة التحكم

........................

كما يوجد خطوره على غرف الحريق من الداخل

مع عدم وصول حرارة الماء للوضع الطبيعى

وقد تتسلخ جدران الغرف من الداخل

( لاقدر الله )

amr elsisi 1
21-02-2012, 09:04 PM
الله ينور عليك يا باشا

samirayad
21-02-2012, 09:37 PM
الله يخليك

shedo6
20-03-2012, 03:13 PM
موضوع ممتاااااااز

مشكووووووور عليه يا باشمهندس

:14FEAD~151::14FEAD~151::14FEAD~151:

samirayad
20-03-2012, 05:30 PM
الله يخليك

وتقبل خالص الود

Hisham.Elgazzar
20-03-2012, 06:03 PM
بقالى يومين العربية مجننانى بسبب موضوع البنزين
زودت بنزين من محطة قبل السندباد كانوا 15 لتر 92
ولما وصلت فولت العربية 80 من بنزينة المطار
وعليها
العربية بقت تنتش بالجامد و إتجننتسوقسوق
مشيت يومين وسايستها والنهردة بقى دارت الصبح خمسة
وبرجلت شوية وحلفت ماتدورش
فكيت الإسبراتير قلت يمكن الأبلتين او الكندينسر فيهم حاجه لقيتهم تمام قفلت تانى
فكيت العمة وفتحت مسمار الهوا شوية
وبعدين دارت بعد مناوشات كتير أيييييييه بك بك بك بك بلاف بليف بلوف
و اول مرة فى حياتى أشوف دخنه بنى محمر من الشكمان ( حد حصل معاه الموقف ده قبل كده )
المهم كنت خلاص هرقص من الفرحة
الحمدلله دارت
روحت مقفل العمة وربطت الإسبراتير بعد التأكد من ظبط توقيت الإشعال والذى منه
وطلعت بيها الحمدلله

اول ما وصلت آخر الشارع نتشت تانى

حطيت رجلى على البنزين والموتور عمال يتطنطط و بيغنى انا شارب سيجارة بنى

والحمد لله ظبطت تانى

روحت نازل على طول من الدائرى على طريق المطار هوب هوب وماشية زى الفل

كل كام كيلو تقعد تتنطط لحد ما الحمدلله وصلت الشغل

ركنت وسبتها ورجعتلها بعد صلاة الظهر وجيت أدور برضو نفس النظام بك بك بك بك بلاف بليف بلوف لحد ما إنتظمت بعد شوية
وكل ما أمشى ألاقيها بتنتش
ركنتها وطلعت على الشغل تانى
ونا مروح عملتها برضو شوية لحد ما الحمد لله بقت كويسة دلوقتى

أنا شاكك فى انه البنزين هو السبب
ياريت كل واحد بعد إذنكوا يقول رأيه

آسف للإطالة