سؤال لاهل الخبره فى الكاوتش

[ملك القلوب سوفت]

السلام عليكم

العربيه مقاس 185/65/14 ده المقاس الاصلى ليها

وانا عند محل بيع كوتش وبسال البائع قالى ممكنيركب عندى 185/70/14

يا ترى ايه الفرق وينفع يركب عندى المقاس ده ولا لا وثبات العربيه هيفظل زى ما هوه
ولا هيقل وكمان ايه المقسات الى ممكن توفر ثبات للعربيه بشرط يكون 14

تحياتى للجميع وفى انتظار الرد من اهل الخبره

[احمد على 1999]

الرد الفصل هو الرجوع لدليل المستخدم او التوكيل
لان فيه فارق 5% فى ارتفاع الحائط الجانبى بين المقاسين و بغض النظر عن التاثير على الثبات

المقاس الاصلى ارتفاع الحائط = 12 سم و 2 و نص مليمتر
المقاس المعروض ارتفاع الحائط = 12 سم و 95 مليمتر

الفارق يكاد يكون 1 سم فى نصف القطر
فى رايى و الله اعلم التاثير على الثبات يكاد لا يذكر
لكن فى تاثير على قرائة عداد المسافة و عداد السرعة و ده برضه مش عارف مدى تاثيره

[mr_astra]

كما قال لك اخونا الفاضل "احمد على "
المقاس المقترح من صاحب المحل بيزيد عن المقاس الاصلى بمقدار 4.6مم
من وجهه نظرى انة مش فارق كتير العربية هاتعلى بالمقدار المذكور مش اكتر ومش هايكون لة تاثير فى عدم الثبات او خلافة لكن من الافضل تركيب المقاس الاصلى

[bmkbmk]

الاخوة الافاضل كلامهم تمام يا باشا

و اضافة بسيطة

بص على طرف باب السواق عندك هتلاقى لستة بالمقاسات اللى ممكن تركب فى عربيتك .. مقاسات الجنوط و مقاسات الكوتش المناسب لكل جنط

التزم بتلك المقاسات فقطط لأنها الانسب و الاصح للسيارة و اما اللى بقولك عليه البياع صحيح مش هيفرق فى الثبات لكن اكيد هيفرق فى عداد السرعة بالزيادة

يعنى العداد مثلا هيبقى على 100 و انت ماشى فعليا على 105 او 107 ... فا لو ظابط سرعتك عشان رادار ولا حاجة ممكن تتصور لأن السرعة الفعلية أعلى من السرعة اللى ظاهرة على العداد ...

و ربنا معاك يا باشا

[essamenen]

اجابات مميزه وسليمه وعلميه