النيتروجين أفضل للكاوتش ولا لأ؟

[طارق السحت]

كنت بصلح الكاوتش بتاعى من دخول مسمار فيه وبعدين لقيت عند الراجل ماكينه مكتوب عليها نيتروجين ولما استفسرت عرفت انه يمكن ملئ الكاوتش بالنيتروجين وده موضوع مش قديم ياترى ممكن أعرف ايه هى مميزاته و عيوبه ؟ وياريت اللى عنده تجربه فى الموضع ده يتفضل مشكورا بالتوضيح،، وشكرا مقدما

[helmy_foad]

أنا مجربتش النيتروجين
لكن فية موضوعات فى المنتدى عن النيتروجين تلاقيها هنا
النيتروجين

[osa92003]

المشاركة الأصلية كتبت بواسطة طارق السحت كنت بصلح الكاوتش بتاعى من دخول مسمار فيه وبعدين لقيت عند الراجل ماكينه مكتوب عليها نيتروجين ولما استفسرت عرفت انه يمكن ملئ الكاوتش بالنيتروجين وده موضوع مش قديم ياترى ممكن أعرف ايه هى مميزاته و عيوبه ؟ وياريت اللى عنده تجربه فى الموضع ده يتفضل مشكورا بالتوضيح،، وشكرا مقدما

لايوجد عيوب ولكنك سوف تسمع مزايا كتير لكن معظمها وهميه وغير مظبوطه ولكن عن تجربه شخصيه هو ممتاز فى الصيف لانه لايتمدد بالحراره وبالتالى ضغط الهواء ثابت ةايضا فى الشتاء

[AbOnOrA]

طبعا زى ما اشار استاذ حلمى عن وجود موضوعات كثيرة متخصصة عن النيتروجين

لكن اجمالاً اقدر اقولك ان الهواء اصلا العادى تلت اربعة نيتروجين والباقى شوية غازات ( نيتروجين 78% أكسجين 23.15% أرجون 0.934% ثاني أكسيد الكربون 0.046%)
فاحضرتك لما تملا الكاوتش نيتروجين معاناها اقرب لانك بتملاء هواء افضل جودة وانقى
لان باقى الغازات غير النتروجين خاصة الاكسجين ليها خواص تمدد وتاثير على الجنوط والكاوتش سيئه

فمثلا فى الصيف ملىء العجل بنسبة نتروجين اكبر بيخلي الضغط ثابت ومتتمدش
كمان استخدامة فى الصيف بيقلل بشكل كبير جدا ان الهواء يكون فيه نسبة اكسين اكبر مع الرطوبة او بخار المية اللى ممكن تسبب صداء الجنوط خاصة الحديد

يعنى باختصار وبالبلدى هى نظافة وعناية اكتر شوية
ومهواش الحاجة الجبارة برضو اللى بعدها هتلاقى العربيه بقت حرير والكلام المبالغ فيه اللى بيكتبة بعض الناس عن النتروجين
وكون ان ملوش عيوب بيخلى الواحد يستخدمة زى ما قولت لعناية اداء افضل نسبياُ

[HaMaDa-ToUBaR]

بص انا بستخدم النتروجين عندى فى العربية والفرق الملحوظ عندى فعلا انى بقالى سنة تقريبا مجتش جمب الكوتش الضغط منتظم ومفيش اى تغير

المشكلة الوحيد ان لو فردة اتخرمت منك فى الطريق او كدة وهو لسة مش منتشر فى كل البلاد وتكلفتة عالية بس لو جيت تحسبها هتلاقى هى هى لما تروح تضبط هوا كل فترة بس دة فى حالة ان شوارعنا الجميلة اصبحت خالية من المسامير وخلافة