المساعد الشخصي الرقمي

مشاهدة النسخة كاملة : سؤال في نقل ملكية سياره من محافظه لمحافظه اخرى


mando800
10-09-2011, 11:50 AM
السلام عليكم
انا اشتريت سياره بعقد بيع مسجل
و كتبتها باسم زوجتي و هي من محافظه غير القاهره
العربيه مرور عابدين و المفروض تجديد الرخصه الشهر الجاي
اعمل ايه علشان انقل ملكية العربيه باسم زوجتي اللي عنوانها على محافظه تانيه
ارجو الشرح بالتفصيل الممل لاني اول مره اشتري عربيه

.
.
.
.

mr_astra
10-09-2011, 12:51 PM
سهلة جدا يا باشا
اول حاجة انت اكيد اخت شهادة مخالفات من المالك القديم
وعلى افتراض ان العربية رخصتها سارية
هاتروح المرور التابع لية زوجتك ......يعنى الزوجة مكتوب فى البطاقة بتعتها العنوان تشوف انت بقى العنوان دة تبع مرور اية وتتجة الية مباشرة الساعة 9 الصبح
اول ما تروح المرور تشترى نموذج فحص
وتملى البيانات اللى فية
وتشترى طفاية لو ان العربية مفهاش طفاية
وتشترى مثلث وشنطة اسعافات لو مش موجودة ف العربية
مهندس الفحص هايكون لسة مجاش الشغل كالعادة
استغل الوقت دة بقى وروح ادفع تامين اجبارى من اى شركة تامين موجودة داخل المرور وانت ورحت هاتجدد سنة او 3 سنين بس تخلية وهو بيكتب البيانات بتاعة التامين الاجبارى تلفت نظرة انك بتنقل ملكية
وتروح تختم شهادة صلاحية الطفاية من الموظف المختص
دلوقتى تدور على العامل اللى بياخد البصمة وبياخد 5 جنية اكرامية
لو مهندس الفحص وصل بالسلامة تصبح علية كويس اوى وتديلة الدوسية بالاوراق عشان يمضى علية
تتجه الى الشبابيك وتديلة كل الاوراق هايطلعك ايصال سداد نقدية على حسب برضة سنة او 3 سنين
هاتدفع وترجعلة تانى يؤلك استنى هاننده عليك تاخد الرخصة وطبعا لازم المدام هى اللى تكون موجودة
اما فى حالة لو ان العربية لسة ارقام بس مش ارقام وحروف ليها سيناريو تانى ...............
بالتوفيق

mando800
10-09-2011, 06:21 PM
الف شكر يا غالي
بس مش الاول فيه حاجه اسمها نقل الملكيه ؟
ولا اعمل الاجراءات دي بالعقد اللي معانا ؟ و بعد كده ننقل الملكيه ؟
المهم دلوقتي كمان ان العربيه رخصتها ساريه و مخدتش مخالفات من المالك القديم و النمر اللي معانا هي الجديده

abb
10-09-2011, 08:43 PM
الموضوع ببساطه
الزوجه تعملك توكيل قياده والتعامل مع شباك المرور وكده دورها ينتهى وانتا تكمل بقيت اجرات النقل
2 تعمل فحص للسياره فى المرور اللى هيتنقل عليه وبيعملك مهندس الفحص رساله الى مرور السياره الاصلى بيطلب فيه مطابقه البصمه وتتختم
3 تروح الى المرور السياره بى ورقه الفحص وفى الدهر مكتوب الرساله بيراجع عليه ويرد بصحه البصمه ويختم وقبل ما تمشى بتاخد شهاده المخالفات
4بترجع المرور بتاعك وتسلم الاورق دى كله معها التامين الاجبارى والضريبه وصوره بطاقتك وعقد البع وصوره التوكيل وصوره بطاقه الزوجه +الاصل وتسلمهم فى الشباك
5 بيديك لوحه معدنيه جديده بس الاول بيخليك تسلم القديمه وبعد كده بلتوكيل اللى معاك بتستلم الرخصه انشاء الله

mr_astra
11-09-2011, 09:11 AM
الف شكر يا غالي
بس مش الاول فيه حاجه اسمها نقل الملكيه ؟
ولا اعمل الاجراءات دي بالعقد اللي معانا ؟ و بعد كده ننقل الملكيه ؟
المهم دلوقتي كمان ان العربيه رخصتها ساريه و مخدتش مخالفات من المالك القديم و النمر اللي معانا هي الجديده

اخى الفاضل انا قلتلك الموضوع بالتفصيل الممل والموضوع اللى انا حكتهولك دة هو تجديد ونقل ملكية فى وقت واحد ..........حضرتك اما بتروح لموظف الشباك بنموذج الفحص وشهادة صلاحية الطفاية والتامين الاجبارى بيطلب منك عقد البيع المسجل وبيطلعلك ايصال سداد نقدية تسددة فى الخزنة وترجعلة تانى وبعدها بتستلم الرخصة باسم المدام
وربنا يوفقك

mr_astra
11-09-2011, 09:18 AM
الموضوع ببساطه
الزوجه تعملك توكيل قياده والتعامل مع شباك المرور وكده دورها ينتهى وانتا تكمل بقيت اجرات النقل
2 تعمل فحص للسياره فى المرور اللى هيتنقل عليه وبيعملك مهندس الفحص رساله الى مرور السياره الاصلى بيطلب فيه مطابقه البصمه وتتختم
3 تروح الى المرور السياره بى ورقه الفحص وفى الدهر مكتوب الرساله بيراجع عليه ويرد بصحه البصمه ويختم وقبل ما تمشى بتاخد شهاده المخالفات
4بترجع المرور بتاعك وتسلم الاورق دى كله معها التامين الاجبارى والضريبه وصوره بطاقتك وعقد البع وصوره التوكيل وصوره بطاقه الزوجه +الاصل وتسلمهم فى الشباك
5 بيديك لوحه معدنيه جديده بس الاول بيخليك تسلم القديمه وبعد كده بلتوكيل اللى معاك بتستلم الرخصه انشاء الله


ما بقاش فى حاجة اسمها مطابقة بصمة بقت نادر جدا الا لو كان فى خناقة بين صاحب العربية والموظف

abb
11-09-2011, 03:42 PM
مفيش مطابقه بصمه طيب هو برخصلك العربيه ازاى واورق العربيه مش موجوده عندوه

mr_astra
11-09-2011, 03:48 PM
والله ما فى مطابقة بصمة .....انا كنت فى المرور من شهر ومن شهرين ومن 3 شهور كل مرور مختلف عن التانى ولا واحد قلنا نطابق بصمة ومن ضمنهم نقل ملكية من محافظة للتانية
والاجابة بيرخصلك برخصة العربية وبشهادة المخالفات ونموذج الفحص ودفع الضريبة والتامين الاجبارى وبيعملك دوسية عندة وبعدين دوسية العربية بيجى من المرور بتعها

mando800
11-09-2011, 11:37 PM
والله ما فى مطابقة بصمة .....انا كنت فى المرور من شهر ومن شهرين ومن 3 شهور كل مرور مختلف عن التانى ولا واحد قلنا نطابق بصمة ومن ضمنهم نقل ملكية من محافظة للتانية
والاجابة بيرخصلك برخصة العربية وبشهادة المخالفات ونموذج الفحص ودفع الضريبة والتامين الاجبارى وبيعملك دوسية عندة وبعدين دوسية العربية بيجى من المرور بتعها
فعلا الكلام ده انا سمعته
على العموم شكرا يا شباب