المساعد الشخصي الرقمي

مشاهدة النسخة كاملة : كيفية التخلص على البلغم


محمد اشرف
06-08-2011, 05:23 PM
السلام عليكم اعضاء مصر موتورز انا عايز اعرف كيفية التخص من البلغم بس ضرورى يا جماعه :070104~242:

Explorer
06-08-2011, 05:45 PM
ماتشربش سجاير كليوباترا

محمد اشرف
06-08-2011, 05:53 PM
يا عم سجاير اه انا مش بشرب الحجات الزباله دى انا جالى من البرد بس البرد قل عندى والبلغم زاد مش عارف اعمل اه

sherif fersh
06-08-2011, 10:44 PM
ماتشربش سجاير كليوباترا

:286: :drnk:

:fun_rofl::fun_rofl::fun_rofl:

محمد اشرف
06-08-2011, 10:46 PM
اه يا جماعه انا مش بهزر انا بتكلم بجد ILIL

nktis
07-08-2011, 12:56 AM
بص يا ا.محمد ...
لو عايز حاجه طبيعيه بعيدا عن الادويه ...اشرب عرق سوس كتير لانه طارد للبلغم
لو عايز ادويه وديت ارجحها بجانب العرق سوس عندك برونكو شراب ب5 ج
او بلسم كبار شراب ب7 ودول حاجات طبيعيه...

nktis
07-08-2011, 01:05 AM
بلسم ب7 ونصف

m.genedy
07-08-2011, 03:58 AM
فى اقتراح تانى وبرضة طبيعى جدا
حمام بخار
كل اللى ح تعملة ان تشغل الماء الساخن فى مكان الدش
لمدة لا تقل عن ربع ساعة
وبعدها تدخل ح يكون المكان كلة معباء بالبخار
استنشاق هذا البخار سوف يساعدك على التخلص من البلغم ان شاء الله.
والف سلامة ..

د.هبه77
07-08-2011, 04:24 AM
معلش هو انت حاليا في سخونية مع البرد ولا اية؟
وهل خف مع علاج مضاد حيوي مثلا ؟
في كحة؟
لون (البلغم ) اية؟
بص هو غالبا لو دي نهايات البرد عندك يبقي حضرتك ممكن تعمل الحل الخفيف زي ما استاذ جنيدي قال وتشرب سوائل دافية كتير طول وقت الفطار سوائل دافية وممكن مغلي ورق الجوافة كويس جدا برضة والحل الجميل جدا بتاع شاي بليمون بعسل ابيض هيساعدك كتير بعد ما تبسمل عليه وممكن تقرا سورة الفاتحة كرقية (هو الليمون طبعا هيحتفظ بخواصه كمطهر ولكن في فيتامينات هتضيع منه مع الشاي المغلي!!)
اما لو البلغم كتير ومضايقك يبقي ادوية زي ما دكتور نوح قالك علي بلسم كويس
شفاك الله وعافاك

محمد اشرف
07-08-2011, 02:36 PM
معلش هو انت حاليا في سخونية مع البرد ولا اية؟
وهل خف مع علاج مضاد حيوي مثلا ؟
في كحة؟
لون (البلغم ) اية؟
بص هو غالبا لو دي نهايات البرد عندك يبقي حضرتك ممكن تعمل الحل الخفيف زي ما استاذ جنيدي قال وتشرب سوائل دافية كتير طول وقت الفطار سوائل دافية وممكن مغلي ورق الجوافة كويس جدا برضة والحل الجميل جدا بتاع شاي بليمون بعسل ابيض هيساعدك كتير بعد ما تبسمل عليه وممكن تقرا سورة الفاتحة كرقية (هو الليمون طبعا هيحتفظ بخواصه كمطهر ولكن في فيتامينات هتضيع منه مع الشاي المغلي!!)
اما لو البلغم كتير ومضايقك يبقي ادوية زي ما دكتور نوح قالك علي بلسم كويس
شفاك الله وعافاك


اول حاجه شكرا يا جماعه جدا لكل الى رد عليه
ثانيا انا هبتدى اعمل من بعد الفطار اليوم كل الى انتو قلتوا
ثالث حاجه يا دكتوره هبه معنديش سخونه خالص بس فى كحه بس صوتها غريب وده اكيد من البرد وانا كنت باخذ مضاد حيوى ومش بيعمل اى حاجه فبطلتوا ولون البلغم انا مش عرفه عشان مش عارف اتفه اصلا عشان بيكون بكميه كبيره ولزج جامد فمش بعرف اتفه بس شكرا ليكى جدا وهبتدى اعمل كل الى انتو قلتولى عليه من اليوم بعد الفطار وشكررررررررررررررررررررررااااااااااااااااا جدااااا

ironheart
07-08-2011, 03:52 PM
نفس المشكلة عندى وبقالى اسبوع حاسس ان فية استبن عربية على صدرى ومخلينى فى حالة مزاجية سيئه جدا ولما كشفت الدكتورة قلتلى انا مش سامعه نبض القلب من كتر الهباب الى على صدرك اخت نوعين من المضاد الحيوى وادوية كتير طاردة للبلغم وموسع للشعب الهوائية بتحسن فى الفطار ولك مع الصيام الحالة بتسوء والدنيا بتخرب عندى مع اى شوية هوا من المراوح بحس انى رجعت تانى من نقطة الصفر لدرجة انى بقيت اطفى المراوح واقعد فى عز الحر بحس انى احسن من وجود مراوح ربنا يشفينا جميعا

محمد اشرف
07-08-2011, 04:04 PM
ربنا يشفينا ان شاء الله وشوف المكتوب من دكتوره هبه والموضوع كله وممكن تستفيد

ابو جودة
07-08-2011, 04:32 PM
:110105~127::110105~127::110105~127:

nktis
08-08-2011, 12:06 AM
نصيحه لمن يشغل المروحه اثناء نومه وانا واحد منكم ... يا ريت نوجها لاسفل الجسم ( الارجل )
انما لو جات علي النص العلوي هتعمل برد والدور ده ماشي اليومين دول كتير وخصوصا الاطفال...

د.كمال
08-08-2011, 03:09 AM
الف سلامه على حبايبنا
من الصيدليه طارد للبلغم مع زيسروسين كبسوله واحده يوميا
والمراوح توجه بعيد عن الجسم

ironheart
08-08-2011, 10:39 AM
الف سلامه على حبايبنا
من الصيدليه طارد للبلغم مع زيسروسين كبسوله واحده يوميا
والمراوح توجه بعيد عن الجسم



اخدت علبتين من زيسروسين

مهند سالم
08-08-2011, 11:33 AM
أمال فين لبان الدكر، إيه يا جماعة معقول ما حدش ذكره
بص يا سيدي لبان الدكر ده ممتاز للكحة والبلغم، وطريقته إنك تنقعه بالليل وتشربه على الريق، ونصيحتي الخاصة بق لأن الدور ده كان عندي بشدة ، امضغ لبان الدكر طول اليوم زي أي لبان ، هو مر لكن هتتعود عليه، هيريح صدرك بإذن الله، واسمع كلامي طول اليوم لبان الدكر في بقك على طول واشرب على الريق، وألف سلامة، شفاك الله وعافاك.

boshah
08-08-2011, 12:07 PM
فى دواء اسمه استيل سستايين عباره عن فوار لازالة البلغم بسبعه جنية ونص بس ممتاز جدا انا جربتة قبل كده وربنا يشفيك ويعافيك

محمد اشرف
08-08-2011, 04:06 PM
أمال فين لبان الدكر، إيه يا جماعة معقول ما حدش ذكره
بص يا سيدي لبان الدكر ده ممتاز للكحة والبلغم، وطريقته إنك تنقعه بالليل وتشربه على الريق، ونصيحتي الخاصة بق لأن الدور ده كان عندي بشدة ، امضغ لبان الدكر طول اليوم زي أي لبان ، هو مر لكن هتتعود عليه، هيريح صدرك بإذن الله، واسمع كلامي طول اليوم لبان الدكر في بقك على طول واشرب على الريق، وألف سلامة، شفاك الله وعافاك.

لبان الدكر ودي هلاقيها فين في الصيدليه ولا عند اي حد بيبيع حلويات اصلي اول مره اسمع عنها

د.كمال
09-08-2011, 03:29 AM
اخدت علبتين من زيسروسين
فى الحاله دى إنت محتاج تعمل مزرعه للبلغم فى معمل تحاليل عشان نعرف نوع الميكروب ونوع المضاض الحيوى إللى يمشى معاك
الموضوع سهل لكن متسكتش عشان ميحصلش مضاعفات

مهند سالم
09-08-2011, 11:14 AM
لبان الدكر ودي هلاقيها فين في الصيدليه ولا عند اي حد بيبيع حلويات اصلي اول مره اسمع عنها

عند أي عطار، مشهور جدا، إزاي ما سمعتش عنه.

aymangalal
09-08-2011, 01:44 PM
اسأل الله العظيم رب العرش الكريم ان يشفيك
اسأل الله العظيم رب العرش الكريم ان يشفيك
اسأل الله العظيم رب العرش الكريم ان يشفيك
اسأل الله العظيم رب العرش الكريم ان يشفيك
اسأل الله العظيم رب العرش الكريم ان يشفيك
اسأل الله العظيم رب العرش الكريم ان يشفيك
اسأل الله العظيم رب العرش الكريم ان يشفيك
:GROWIN~12::GROWIN~12::GROWIN~12::GROWIN~12::GROWI N~12: