المساعد الشخصي الرقمي

مشاهدة النسخة كاملة : متوسط اسعار المستعمل هذا الاسبوع


الصفحات : 1 2 3 4 5 6 7 8 9 10 11 12 13 14 15 16 17 [18] 19 20 21 22 23 24 25 26 27 28 29 30 31 32

د0تامر محمد
12-04-2010, 11:12 PM
متشكر جدا يا محترم بس لو مش هضايقك عاوز حضرتك ترشحلى يا اما ماتريكس يا اما ياريس معلش بقى اسئلتى كتيير بس اعذرنى دى اول عربيه ptmnlo123per154

ماتريكس أفضل كأداء وقوة

alb elasd
13-04-2010, 11:52 AM
استفسار بسيط د/ تامر لو سمحت ايه الفرق بين المواصفات الخليجى و المصرى خصوصا فى الادا مو 91 لانى امامى سياره طالب فيها 20000 جنيه منزلتش رفرف

Ali-Ben
13-04-2010, 12:38 PM
الـمـــاركـــــــــــة : فيات
الـفـئـــــــــــــــــة :أونو
الـمــــوديـــــــــل : 2002
الـســــــعـــــــــر : في حدود 28.000
سعــــة المحــرك : 1000
الدهان الخارجى:أزرق ميتالك
الدهان الداخلى : أزرق ميتالك فابريكة
الـعــــــــــــــــداد : 24.000
الـغـيــــــــــــــــار :
الـتـكـــيـيـــــــف : لا يوجد
بــــــــــــــــــــاور :
مرايات كهربائية :
زجاج كهربائــي :
جنــــوط سبــور :
كــاســـــــيــــت : يوجد
جـهـــاز إنـــــذار :
سـنـتــرلــــــوك :
فـتـحــة سقــف :
عـمــر البطاريه :
عــمـر الكاوتش :
انتهـاء الرخصـه :2011
اســـم المــالك : آية عصفور
رقــم التليفــون :0106635406
أريد أن أعلن عن بيع سيارتي فيات أونو فابريكة دواخل موديل 2002 أزرق ميتالك 42.000 كيلو، حالتها جيدة جداً.

kiki78
13-04-2010, 03:14 PM
مشكور على المجهود
امامى 131 ايطالى موديل 79 كانت فى الجمرك محجوز عليها لسه مرخصه من 6 شهور
عايزه شغل فى حدود 2000 جنيه ( صاحبه طالب 21000 ج )

اشترى و لا ............ ( الاساسيات سليمه وفرش كويس وكوتش )

ارجو الافاده

د0تامر محمد
13-04-2010, 04:33 PM
استفسار بسيط د/ تامر لو سمحت ايه الفرق بين المواصفات الخليجى و المصرى خصوصا فى الادا مو 91 لانى امامى سياره طالب فيها 20000 جنيه منزلتش رفرف
اللادا لادا مصرى ولا خليجى ولا روسى

د0تامر محمد
13-04-2010, 04:35 PM
مشكور على المجهود
امامى 131 ايطالى موديل 79 كانت فى الجمرك محجوز عليها لسه مرخصه من 6 شهور
عايزه شغل فى حدود 2000 جنيه ( صاحبه طالب 21000 ج )

اشترى و لا ............ ( الاساسيات سليمه وفرش كويس وكوتش )

ارجو الافاده

إخصم المصروف من تمنها

kamal hakim
13-04-2010, 06:22 PM
مساء الخير يادكتور تامر عايز أخد رأيك فى عربية كيا عصفورة او كيا بيكانتو وياترى متوسط سعرهم كام ولو هاقارن بين أكتر من نوع ياترى دول احسن ولا فيرنا
ولا افكر فى المستعمل لانسر كريستاله مثلا او اوتيوتا كرولا 99 او 2000
ولكم جزيل الشكر

sweeetgirl_eg
13-04-2010, 06:37 PM
لو سمحت عاوزه اعرف سعر لانسر 2007 1600cc A/T كلاسيك عامله 65 الف كم فابريكه برا وجوا
سعر نيسان صني 1600cc A/T ex-saloon 2007 فابريكه برا وجوا
وعاوزه اعرف ايه احسن من ناحية اسعار قطع الغيار وسعر اعادة البيع واستهلاك البنزين والاعطال ومساحة الشنطه :
لانسر 2007 ولا نيسان صني 2007 ولا اكسنت 2008

sweeetgirl_eg
13-04-2010, 06:44 PM
ياريت لو حد يعرف ايه الفرق بين موديلات اللانسر classic - half sport - sport - super action
وتقريبا السعر لكل فئه لو 2007 1600cc A/T فابريكه بالكامل

zizophone
13-04-2010, 10:27 PM
بعد اذن صديقي الدكتور تامر انا ممكن اجاوب على السؤال دة لاني قعدت فترة اكتر من 6 شهور في موضوع لانسر ولا صني ولا تويوتا :HAPPY_~211: فالحمد الله دلوقتي بقي عندي معلومات كويسة عنهم بعد ماركبت وجربت جميع الطرازات والفئات من ال 3 انواع دول , وبالنسبة بقي للاستفسار :

ياريت لو حد يعرف ايه الفرق بين موديلات اللانسر classic - half sport - sport - super action
وتقريبا السعر لكل فئه لو 2007 1600cc A/T فابريكه بالكامل


اولا احسن حاجة حضرتك عملتها انك بعدت خالص عن فكرة ال 1300 في الانسر خالص لانها وحشة جدا وخاصة الاوتماتيك .

* حضرتك بالنسبة لل classic1600 automatic :

فبتكون كمليتها ( اوتماتيك - تكيف - باور - سنتر - زجاج كهربا - ايرباج -اريال على القايم ) .

سعر هذة الفئة في موديل 2007 يتراوح بين ( 75 و 78 ) حسب حاله السيارة و عدد الكيلو مترات .


* بالنسبة لل Half sport 1600 automatic : ودي حتلاقي منها فئتين :-

1- هاف سبورت مصري ( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - اسبويلر ) .

2- هاف سبورت خليجي ( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - جنط سبور ) .

سعر هذة الفئة في موديل 2007 يتراوح بين (77 و 80 ) حسب حاله السيارة و عدد الكيلو مترات .

ويبقي الفرق بين الكلاسيك والهاف سبورت في 3 حاجات فقط ( اريال على السقف - فوجات شبورة - اسبويلر او جنط سبور ) .


* بالنسبة لل sport 1600 automatic :

( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - جنط سبور - اسبويلر - فتحة سقف - سي دي تشانجر 6 اسطوانات ) .

سعر هذة الفئة في موديل 2007 يتراوح بين ( 80 و 85 ) حسب حاله السيارة و عدد الكيلو مترات.

* بالنسبة لل Super action1600 automatic :

( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - جنط سبور - اسبويلر - فتحة سقف -سي دي تشانجر 6 اسطوانات - فرش جلد طبيعي ) .

سعر هذة الفئة في موديل 2007 يتراوح بين ( 82 و 87 ) حسب حاله السيارة و عدد الكيلو مترات .

لو سمحت عاوزه اعرف سعر لانسر 2007 1600cc A/T كلاسيك عامله 65 الف كم فابريكه برا وجوا
سعر نيسان صني 1600cc A/T ex-saloon 2007 فابريكه برا وجوا
وعاوزه اعرف ايه احسن من ناحية اسعار قطع الغيار وسعر اعادة البيع واستهلاك البنزين والاعطال ومساحة الشنطه :
لانسر 2007 ولا نيسان صني 2007 ولا اكسنت 2008

1-سعر الانسر دي يعمل في حدود 75 ل 76 الف جنيه وطبعا حسب الحالة .

2- سعر الصني ما بين 70 ل 75 الف جنيه .

3- بالنسبة للمقارنة :

1- كقطع غيار الارخص طبعا اكسنت وبعديها لانسر وبعديها الصني .
ب- استهلاك البنزين كله واحد لانهم كلهم 1600 مع ملاحظة ان الصني بتسحب اكتر لانها اتقل شوية .
ج- مساحة النشطة الصني اوسع طبعا وبعديها الانسر .

نصيحتي ليك : لو عايز تركب عربية تتمتع بثبات ووسع وشكل غير تقليدي ومكنة احسن واعطال أقل وتكيف اقوي , وتقدر تتحمل تكاليف الصيانة اعلي حاجة بسيطة الصني تكسب وعن تجربة احسن كتييييييييييير من الانسر .

farawl
13-04-2010, 10:33 PM
ماعلش هتعبك معايا في سؤال محيرني لية الاكسيل سعرها قريب من الاكسنت مع العلم ان الاكسنت احدث في الموديل عموما

اشرف اوربت
13-04-2010, 11:07 PM
ربنا يباركلك يا زعيم بس انا ليا سؤال هيه اسعار العربات بترفع فى الصيف وكام بالضبط وشكرا

د0تامر محمد
13-04-2010, 11:24 PM
ربنا يباركلك يا زعيم بس انا ليا سؤال هيه اسعار العربات بترفع فى الصيف وكام بالضبط وشكرا
طبعا أسعار السيارات بتزيد فى الصيف عشان الأجازات والمصاريف ورجوع المعارين ولكن بحدود معقولة

د0تامر محمد
13-04-2010, 11:26 PM
ماعلش هتعبك معايا في سؤال محيرني لية الاكسيل سعرها قريب من الاكسنت مع العلم ان الاكسنت احدث في الموديل عموما
ثقافة مستهلك لا أكثر على الرغم من أن الأكسنت بها تعديل عن الإكسيل والتى بها عيب بالتعليق

د0تامر محمد
13-04-2010, 11:30 PM
مساء الخير يادكتور تامر عايز أخد رأيك فى عربية كيا عصفورة او كيا بيكانتو وياترى متوسط سعرهم كام ولو هاقارن بين أكتر من نوع ياترى دول احسن ولا فيرنا
ولا افكر فى المستعمل لانسر كريستاله مثلا او اوتيوتا كرولا 99 او 2000
ولكم جزيل الشكر
لو حتختار من بينهم طبعا الترتيب
كورولا مو99-2000
لانسر كريستالة (وقد تضع الكريستالة قبل الكورولا أذواق)
بعدهم الفيرنا
البيكانتو
البرايد
لو ممكن توصل لفيرنا زيرو أو كسر زيرو يبقى أفضل بكتير من الكل

د0تامر محمد
13-04-2010, 11:45 PM
بعد اذن صديقي الدكتور تامر انا ممكن اجاوب على السؤال دة لاني قعدت فترة اكتر من 6 شهور في موضوع لانسر ولا صني ولا تويوتا :HAPPY_~211: فالحمد الله دلوقتي بقي عندي معلومات كويسة عنهم بعد ماركبت وجربت جميع الطرازات والفئات من ال 3 انواع دول , وبالنسبة بقي للاستفسار :




اولا احسن حاجة حضرتك عملتها انك بعدت خالص عن فكرة ال 1300 في الانسر خالص لانها وحشة جدا وخاصة الاوتماتيك .

* حضرتك بالنسبة لل classic1600 automatic :

فبتكون كمليتها ( اوتماتيك - تكيف - باور - سنتر - زجاج كهربا - ايرباج -اريال على القايم ) .

سعر هذة الفئة في موديل 2007 يتراوح بين ( 75 و 78 ) حسب حاله السيارة و عدد الكيلو مترات .


* بالنسبة لل Half sport 1600 automatic : ودي حتلاقي منها فئتين :-

1- هاف سبورت مصري ( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - اسبويلر ) .

2- هاف سبورت خليجي ( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - جنط سبور ) .

سعر هذة الفئة في موديل 2007 يتراوح بين (77 و 80 ) حسب حاله السيارة و عدد الكيلو مترات .

ويبقي الفرق بين الكلاسيك والهاف سبورت في 3 حاجات فقط ( اريال على السقف - فوجات شبورة - اسبويلر او جنط سبور ) .


* بالنسبة لل sport 1600 automatic :

( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - جنط سبور - اسبويلر - فتحة سقف - سي دي تشانجر 6 اسطوانات ) .

سعر هذة الفئة في موديل 2007 يتراوح بين ( 80 و 85 ) حسب حاله السيارة و عدد الكيلو مترات.

* بالنسبة لل Super action1600 automatic :

( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - جنط سبور - اسبويلر - فتحة سقف -سي دي تشانجر 6 اسطوانات - فرش جلد طبيعي ) .

سعر هذة الفئة في موديل 2007 يتراوح بين ( 82 و 87 ) حسب حاله السيارة و عدد الكيلو مترات .



1-سعر الانسر دي يعمل في حدود 75 ل 76 الف جنيه وطبعا حسب الحالة .

2- سعر الصني ما بين 70 ل 75 الف جنيه .

3- بالنسبة للمقارنة :

1- كقطع غيار الارخص طبعا اكسنت وبعديها لانسر وبعديها الصني .
ب- استهلاك البنزين كله واحد لانهم كلهم 1600 مع ملاحظة ان الصني بتسحب اكتر لانها اتقل شوية .
ج- مساحة النشطة الصني اوسع طبعا وبعديها الانسر .

نصيحتي ليك : لو عايز تركب عربية تتمتع بثبات ووسع وشكل غير تقليدي ومكنة احسن واعطال أقل وتكيف اقوي , وتقدر تتحمل تكاليف الصيانة اعلي حاجة بسيطة الصني تكسب وعن تجربة احسن كتييييييييييير من الانسر .

شكرا زيزو على المعلومات والتسعير
أحب أتفق معك أن الصنى أفضل من اللانسر كأداء وسيارة بلا أعطال وموضوع قطع الغيار للصنى فى نفس سعر اللانسر تقريبا ويوجد منها خيارات متعددة من يابانى إلى تايلاندى إلى كورى إلى ماليزى ولك أن تتخيل أن تيل الفرامل مثلا ماليزى ب40 جنيه للصنى علاوة على أن الصنى هى أقوى موتور فى فئتها وأفضل سيارة أوتوماتيك عامة فى فئتها من حيث التسارع والقوة

sweeetgirl_eg
14-04-2010, 12:18 AM
بعد اذن صديقي الدكتور تامر انا ممكن اجاوب على السؤال دة لاني قعدت فترة اكتر من 6 شهور في موضوع لانسر ولا صني ولا تويوتا :HAPPY_~211: فالحمد الله دلوقتي بقي عندي معلومات كويسة عنهم بعد ماركبت وجربت جميع الطرازات والفئات من ال 3 انواع دول , وبالنسبة بقي للاستفسار :




اولا احسن حاجة حضرتك عملتها انك بعدت خالص عن فكرة ال 1300 في الانسر خالص لانها وحشة جدا وخاصة الاوتماتيك .

* حضرتك بالنسبة لل classic1600 automatic :

فبتكون كمليتها ( اوتماتيك - تكيف - باور - سنتر - زجاج كهربا - ايرباج -اريال على القايم ) .

سعر هذة الفئة في موديل 2007 يتراوح بين ( 75 و 78 ) حسب حاله السيارة و عدد الكيلو مترات .


* بالنسبة لل Half sport 1600 automatic : ودي حتلاقي منها فئتين :-

1- هاف سبورت مصري ( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - اسبويلر ) .

2- هاف سبورت خليجي ( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - جنط سبور ) .

سعر هذة الفئة في موديل 2007 يتراوح بين (77 و 80 ) حسب حاله السيارة و عدد الكيلو مترات .

ويبقي الفرق بين الكلاسيك والهاف سبورت في 3 حاجات فقط ( اريال على السقف - فوجات شبورة - اسبويلر او جنط سبور ) .


* بالنسبة لل sport 1600 automatic :

( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - جنط سبور - اسبويلر - فتحة سقف - سي دي تشانجر 6 اسطوانات ) .

سعر هذة الفئة في موديل 2007 يتراوح بين ( 80 و 85 ) حسب حاله السيارة و عدد الكيلو مترات.

* بالنسبة لل Super action1600 automatic :

( اوتماتيك - تكيف - باور - سنتر - زجاج كهربا - 2 ايرباج -اريال على السقف - فوجات شبورة - جنط سبور - اسبويلر - فتحة سقف -سي دي تشانجر 6 اسطوانات - فرش جلد طبيعي ) .

سعر هذة الفئة في موديل 2007 يتراوح بين ( 82 و 87 ) حسب حاله السيارة و عدد الكيلو مترات .



1-سعر الانسر دي يعمل في حدود 75 ل 76 الف جنيه وطبعا حسب الحالة .

2- سعر الصني ما بين 70 ل 75 الف جنيه .

3- بالنسبة للمقارنة :

1- كقطع غيار الارخص طبعا اكسنت وبعديها لانسر وبعديها الصني .
ب- استهلاك البنزين كله واحد لانهم كلهم 1600 مع ملاحظة ان الصني بتسحب اكتر لانها اتقل شوية .
ج- مساحة النشطة الصني اوسع طبعا وبعديها الانسر .

نصيحتي ليك : لو عايز تركب عربية تتمتع بثبات ووسع وشكل غير تقليدي ومكنة احسن واعطال أقل وتكيف اقوي , وتقدر تتحمل تكاليف الصيانة اعلي حاجة بسيطة الصني تكسب وعن تجربة احسن كتييييييييييير من الانسر .
متشكره جدا عالشرح الوافر ده
بما ان امكانياتي مش هتسمح باكتر من 76 تقريبا كده قدامي لانسر كلاسيك او صني
الحاجه الاخيره اللي محيراني
ان اللانسر شكلها من جوا كانها قديمه مش زي صني
بس بحس صني حجمها اكبر من برا وضخمه ومش شبابيه
وياترى فرق الشنطه في الاتنين كبير
وسعر اعادة البيع في الصني مرتفع زي اللانسر
معلش تعبتكوا معايا

dramr40
14-04-2010, 01:05 AM
السلام عليكم

عربيه شيفروليه اوبترا 2008 فابريكه دواخل وكانت واخده خبطه من ناحية الفانوس الامامى يمين ولم تصل الخبطه للمكنه وتم تصليحها بحرفنه وتمام التمام

العربيه كامله اوتوماتك

ياترى تعمل كام

الف شكر وربنا يجازيك خير

وهل ليها مشاكل ولا بتستحمل وبتعيش؟؟؟؟؟؟

سؤال أخير هل يمكن تحويلها غاز وكم التكلفه تقريبا؟؟؟؟

شكرا جزيلا

bebo1074
14-04-2010, 01:18 AM
هل نفهم من هذا ان الموديلات بعد 2006 تفقيل ياباني ليس مصري ولو كانت كذلك فكم يبلغ سعر موديل 2007 و 2008 ال1600 سي سي كل ماذكرت لأن كل ماقبل ال2006 -وليس 2006 ومابعده- صناعة وتقفيل يابانى 100% ولا تتعجب من أن سعر بعضهم قد يصل أو يقترب من موديلات حديثة نسبيا

love-legend
14-04-2010, 01:37 AM
اية رايك فى العربية دى يا دوك Subaru 1983 كماليات

د0تامر محمد
14-04-2010, 01:39 AM
هل نفهم من هذا ان الموديلات بعد 2006 تفقيل ياباني ليس مصري ولو كانت كذلك فكم يبلغ سعر موديل 2007 و 2008 ال1600 سي سي
كده إنت عكستها لحد ال2005 يابانى وبداية من 2006 لحد 2010 تقفيل مصرى
مو2007-2008=70-73للمانيوال و75-80 للأوتو طبعا حالة الفابريقة

د0تامر محمد
14-04-2010, 01:43 AM
السلام عليكم

عربيه شيفروليه اوبترا 2008 فابريكه دواخل وكانت واخده خبطه من ناحية الفانوس الامامى يمين ولم تصل الخبطه للمكنه وتم تصليحها بحرفنه وتمام التمام

العربيه كامله اوتوماتك

ياترى تعمل كام

الف شكر وربنا يجازيك خير

وهل ليها مشاكل ولا بتستحمل وبتعيش؟؟؟؟؟؟

سؤال أخير هل يمكن تحويلها غاز وكم التكلفه تقريبا؟؟؟؟

شكرا جزيلا
يمكن تحويل السيارة للغاز
السعر 65000
لاتوجد مشاكل شائعة لللاوبترا

د0تامر محمد
14-04-2010, 01:46 AM
متشكره جدا عالشرح الوافر ده
بما ان امكانياتي مش هتسمح باكتر من 76 تقريبا كده قدامي لانسر كلاسيك او صني
الحاجه الاخيره اللي محيراني
ان اللانسر شكلها من جوا كانها قديمه مش زي صني
بس بحس صني حجمها اكبر من برا وضخمه ومش شبابيه
وياترى فرق الشنطه في الاتنين كبير
وسعر اعادة البيع في الصني مرتفع زي اللانسر
معلش تعبتكوا معايا
الصنى بدأت تأخذ مكانة جيدة فى إعادة البيع ولكن طبعا اللانسر أكثر رواجا
فرق الشنطة لصالح الصنى ولكن بقدر بسيط

د0تامر محمد
14-04-2010, 01:48 AM
اية رايك فى العربية دى يا دوك Subaru 1983 كماليات




مش بس قطع غيار نار لكن مش ح تلاقيها
مع كامل إحترامى لسيارة يابانية محترمة جدا وقد تكون الأفضل

zizophone
14-04-2010, 02:58 AM
متشكره جدا عالشرح الوافر ده
بما ان امكانياتي مش هتسمح باكتر من 76 تقريبا كده قدامي لانسر كلاسيك او صني
الحاجه الاخيره اللي محيراني
ان اللانسر شكلها من جوا كانها قديمه مش زي صني
بس بحس صني حجمها اكبر من برا وضخمه ومش شبابيه
وياترى فرق الشنطه في الاتنين كبير
وسعر اعادة البيع في الصني مرتفع زي اللانسر
معلش تعبتكوا معايا

والله انا نصحتي لاي حد يبعد عن الانسر دي خااالص عربية منتشرة في السوق وواخدة اكتر من حقها ومعظم الي في السوق يايجار لشركات البترول والسياحة يا شغل حوادث وتنزل تشوف في الحرفيين عربيات متدمرة وبيركبولها انصاص واربع بلون العربية وترجع زي الفبريكة فنصيحة بلاش الانسر .

وحضرتك بال 75 او 76 دول ممكن تجيبي نيسان صني سوبر صالون موديل 2008 بجد موديل السوبر صالون دة راااااائع وشكله تحفة اصلا انصحك خليك في النيسان والله عربية محترمة جدا .



شكرا زيزو على المعلومات والتسعير
أحب أتفق معك أن الصنى أفضل من اللانسر كأداء وسيارة بلا أعطال وموضوع قطع الغيار للصنى فى نفس سعر اللانسر تقريبا ويوجد منها خيارات متعددة من يابانى إلى تايلاندى إلى كورى إلى ماليزى ولك أن تتخيل أن تيل الفرامل مثلا ماليزى ب40 جنيه للصنى علاوة على أن الصنى هى أقوى موتور فى فئتها وأفضل سيارة أوتوماتيك عامة فى فئتها من حيث التسارع والقوة
العفو يا دوك دة احنا بنتعلم منك :HAPPY_~211:

almostshar2005
14-04-2010, 03:35 AM
السلام عليكم دكتور كيا ريو 2003 ماشية 88900ك تعمل كام و نيسان صنى 93 تكيف و بور وسنترو انزار و جنوط و فتح التنك و الشنطه من الداخل موتور ممتاز مانيوال تعمل كام وشكرا لسعة صدرك

sweeetgirl_eg
14-04-2010, 01:25 PM
والله انا نصحتي لاي حد يبعد عن الانسر دي خااالص عربية منتشرة في السوق وواخدة اكتر من حقها ومعظم الي في السوق يايجار لشركات البترول والسياحة يا شغل حوادث وتنزل تشوف في الحرفيين عربيات متدمرة وبيركبولها انصاص واربع بلون العربية وترجع زي الفبريكة فنصيحة بلاش الانسر .

وحضرتك بال 75 او 76 دول ممكن تجيبي نيسان صني سوبر صالون موديل 2008 بجد موديل السوبر صالون دة راااااائع وشكله تحفة اصلا (انا دورت على سوبر صالون 2007 او 2008 كلهم فوق ال 80 ) انصحك خليك في النيسان والله عربية محترمة جدا .

حضرتك كده قلقتني من المستعمل كله شكلي هرجع افكر ف الزيرو
ممكن اعرف الفرق بين نيسان صني الشكل الجديد والقديم والشكل الجديد بيبدأ من سنة كام؟؟؟
لو عاوزه اجيب الشكل الجديد سوبر صالون حضرتك تنصحني اجيب واحده مستعمله (وسعرها هيكون كام تقريبا لو فابريكه بالكامل)؟؟؟؟ ولا اجيب واحده زيرو وادفع فيها اللي معايا واقسط الباقي على سنتين وأأمن عليها؟؟؟

د0تامر محمد
14-04-2010, 03:37 PM
حضرتك كده قلقتني من المستعمل كله شكلي هرجع افكر ف الزيرو
ممكن اعرف الفرق بين نيسان صني الشكل الجديد والقديم والشكل الجديد بيبدأ من سنة كام؟؟؟
لو عاوزه اجيب الشكل الجديد سوبر صالون حضرتك تنصحني اجيب واحده مستعمله (وسعرها هيكون كام تقريبا لو فابريكه بالكامل)؟؟؟؟ ولا اجيب واحده زيرو وادفع فيها اللي معايا واقسط الباقي على سنتين وأأمن عليها؟؟؟
فيه الشكل اليابانى من2001-2005 فانوسها الخلفى بالعرض(زى صورة التوقيع) وفيه ال2005-2008 (فانوس خلفى يطلق عليه بطيخة) والشكل الجديد 2009-2010
طبعا الأفضل لو 2005 حالتها ممتازة فابريقة بالكامل لأن هذا آخر اليابانى وممكن توصل ل70000 كاملة

د0تامر محمد
14-04-2010, 03:39 PM
السلام عليكم دكتور كيا ريو 2003 ماشية 88900ك تعمل كام و نيسان صنى 93 تكيف و بور وسنترو انزار و جنوط و فتح التنك و الشنطه من الداخل موتور ممتاز مانيوال تعمل كام وشكرا لسعة صدرك
الصنى مو93=35000
الريو 2003=38-40

sweeetgirl_eg
14-04-2010, 05:23 PM
فيه الشكل اليابانى من2001-2005 فانوسها الخلفى بالعرض(زى صورة التوقيع) وفيه ال2005-2008 (فانوس خلفى يطلق عليه بطيخة) والشكل الجديد 2009-2010
طبعا الأفضل لو 2005 حالتها ممتازة فابريقة بالكامل لأن هذا آخر اليابانى وممكن توصل ل70000 كاملة
هيا فعلا الصني تقفيل مصري؟؟؟ ولا كوري ؟؟ وحتى السوبر صالون مش تقفيل ياباني؟؟

sweeetgirl_eg
14-04-2010, 05:25 PM
قصدي الصني اللي بعد 2006

classboy
14-04-2010, 05:40 PM
لانوس 2001 ولا كريستاله 2000

ياتري حضرتك ترشحلي ايه .... ولو في عيب ظاهر في اي عربيه فيهم ياريت توضحهالي

zizophone
14-04-2010, 11:10 PM
هيا فعلا الصني تقفيل مصري؟؟؟ ولا كوري ؟؟ وحتى السوبر صالون مش تقفيل ياباني؟؟

اها الصني من اول 2006 تقفيل مصري بس احب اوضح لحضرتك انت التقفيل المصري بتكون عيوبة في الفينيش الاخير فقط وليس في السيارة وجودتها كموتور وعفشة وخلافة لان في مراقبة جودة وشركة زي نيسان مش صغيرة في السوق . بمعني ادق ان العيب الي ممكن تلاقية يبقي حاجة زي فرش الارضية خامتة سيئة , السماعات وحشة , اقصي حاجة ممكن توصلها انك تلاقي الازاز وحش في الفتح والقفل . وطبعا اي واحد جابها زيرو ودفع فيها ال 100 الف جنية اكيد ميرضاش بكدة , انما اكيد مع شراء اي سيارة مستعملة في حاجات بتتنازل عنها وتصلحها على حسابك .

حضرتك كده قلقتني من المستعمل كله شكلي هرجع افكر ف الزيرو
ممكن اعرف الفرق بين نيسان صني الشكل الجديد والقديم والشكل الجديد بيبدأ من سنة كام؟؟؟
لو عاوزه اجيب الشكل الجديد سوبر صالون حضرتك تنصحني اجيب واحده مستعمله (وسعرها هيكون كام تقريبا لو فابريكه بالكامل)؟؟؟؟ ولا اجيب واحده زيرو وادفع فيها اللي معايا واقسط الباقي على سنتين وأأمن عليها؟؟؟

ههههههههههههههههههه اكيد طبعا يا فندم شراء اي عربية مستعمله يالهوووي دة قصص ومغامرات دة حاجة خطيرة جدا , انا والله حقول لحضرتك على حاجة علشان تبقي فاهم الدنيا بردك ان مش علشان العربية فبريكة متفحصهاش كويس بالعكس مفيش عربية اسمها مايتبصش عليها كويس .

عايز اقولك ان في لانسر 2009 قدامي ماشية 9000 كم والعربية فابريكة بالكامل وفيها رخصة سنتين وصاحبها طالب فيها 90 الف جنية :HAPPY_~211: والعربية دي مغيرة نص ورا وكانت جاية حوادث ب 45 الف جنية واتصرف عليها 20 الف وجت الحاجة بلون العربية وتشوفها تقول زيرووووو .

نصيحتي ليكي بجد خليكي في السوبر صالون 2007 او 2008 يا اما زي ما صديقي وعزيزي الدوك تامر نصحك بمو 2005 .

وان شاء الله لو ظهر قدامي سوبر صالون بحاله ممتازة حبقي ابلغك لاني بعشق العربية دي من بعد ماركبتها وجربت الثبات العالي الي فيها والمكنة ال 1600 بجد النسيان عربية تحفة عيبها الوحيد استهلاك عالي شوية في البنزين .

zizophone
14-04-2010, 11:32 PM
لانوس 2001 ولا كريستاله 2000

ياتري حضرتك ترشحلي ايه .... ولو في عيب ظاهر في اي عربيه فيهم ياريت توضحهالي

والله بص يا فندم هي اذواق طبعا , وطبعا صعب انك تقارن بين حاجة يباني وحاجة كوري بس المرة دي انا مع الانوس :HAPPY_~211:, وانا حقول لحضرتك انطباعي عن العربيتين وانت الي تختار بقي .

نبتدي نقارن بقي ptmnlo123per135:
1- بالنسبة للسعر : سعرالانوس مابين 40 ل 43 حسب الحالة وان كنت انصحك تجيب انضف حالة علشان لو ركبت حالة تعبانة حتكره اليوم الي جبتها فيه .

الانسر لو 99 او 2000 حتكون مابين 50 الف ل 53 الف حسب الحالة وطبعا انا بكلمك على فابريكة بالكامل .

2- مكنة 1500الانوس سي سي ولكن تجميعها مش 1500 قوي ياعني الهورس باور بتاع الاكسنت ال 1500 احسن ولو اني بحبها عن الاكسنت لكثرة انتشار الاكسنت وشويعها في مكاتب التأجير .

- مكنة الانسر 1300 سي سي وممكن تلاقي ال 1500 و ال 1600 منها بس للاسف قطع غيارة مش منتشرة ولكن المكنة ال 1300مع المانيول قشطة جدا كنت بجيب بيها 180 مستريح ptmnlo123per171

3- بالنسبة للثبات دي نقطة مهمة قوي بالنسبة للانوس فثابتها زي اي عربية كوري بعد ال 120 عفوا لقد نفذ ثباتكم :00020080:
انما الانسر بقي لان اكيد مع جسم العربية المفرود وانها واطية جدا فاكيد لازم تكون ثابتة بطريقة مش ممكن .

4- قطع الغيارللاتنين رخيصة وزي الفل واي حد بيشتغل فيهم واعادة البيع مفيش اسهل من كدة الاتنين مطلوبين جدا.

4- قاعدة وكراسي العربيتين واسعة مش ضيقة .

5- تكيف الاتنين حلو ولكن استهلاك في البنزين الانسر تكسب ومع ذلك في الانوس معقول بردك .

من الاخر بقي لو حضرتك مش فارق معاك حتة الثبات دي خليك في الانوس فارق معاك وبتجري وحركات يبقي هات الانسر واتحمل موضوع الوطي دة .

د0تامر محمد
15-04-2010, 12:22 AM
والله بص يا فندم هي اذواق طبعا , وطبعا صعب انك تقارن بين حاجة يباني وحاجة كوري بس المرة دي انا مع الانوس :HAPPY_~211:, وانا حقول لحضرتك انطباعي عن العربيتين وانت الي تختار بقي .

نبتدي نقارن بقي ptmnlo123per135:
1- بالنسبة للسعر : سعرالانوس مابين 40 ل 43 حسب الحالة وان كنت انصحك تجيب انضف حالة علشان لو ركبت حالة تعبانة حتكره اليوم الي جبتها فيه .

الانسر لو 99 او 2000 حتكون مابين 50 الف ل 53 الف حسب الحالة وطبعا انا بكلمك على فابريكة بالكامل .

2- مكنة 1500الانوس سي سي ولكن تجميعها مش 1500 قوي ياعني الهورس باور بتاع الاكسنت ال 1500 احسن ولو اني بحبها عن الاكسنت لكثرة انتشار الاكسنت وشويعها في مكاتب التأجير .

- مكنة الانسر 1300 سي سي وممكن تلاقي ال 1500 و ال 1600 منها بس للاسف قطع غيارة مش منتشرة ولكن المكنة ال 1300مع المانيول قشطة جدا كنت بجيب بيها 180 مستريح ptmnlo123per171

3- بالنسبة للثبات دي نقطة مهمة قوي بالنسبة للانوس فثابتها زي اي عربية كوري بعد ال 120 عفوا لقد نفذ ثباتكم :00020080:
انما الانسر بقي لان اكيد مع جسم العربية المفرود وانها واطية جدا فاكيد لازم تكون ثابتة بطريقة مش ممكن .

4- قطع الغيارللاتنين رخيصة وزي الفل واي حد بيشتغل فيهم واعادة البيع مفيش اسهل من كدة الاتنين مطلوبين جدا.

4- قاعدة وكراسي العربيتين واسعة مش ضيقة .

5- تكيف الاتنين حلو ولكن استهلاك في البنزين الانسر تكسب ومع ذلك في الانوس معقول بردك .

من الاخر بقي لو حضرتك مش فارق معاك حتة الثبات دي خليك في الانوس فارق معاك وبتجري وحركات يبقي هات الانسر واتحمل موضوع الوطي دة .


شكرا زيزو على الردود فى غيابى بقيت خبير
فى كافة الأحوال الأفضلية للانسر ولا يصح مقارنة لانسر بلانوس

د0تامر محمد
15-04-2010, 12:25 AM
هيا فعلا الصني تقفيل مصري؟؟؟ ولا كوري ؟؟ وحتى السوبر صالون مش تقفيل ياباني؟؟
الصنى الجديد مثلا موديل 2010 المستورد وليس الموجود بمصر صناعة كورى تحت إسم نيسان صنى ونفس السيارة تحت إسم سامسونج (لا أذكر ربما s40 أو شىء من هذا القبيل)التى تمتلكها نيسان

love-legend
15-04-2010, 04:41 PM
اية رايك فى الديهاتسو شاريد موديل 1997 سيدان كماليات حالة العربية ممتازة ، على 25000 ، وهل قطع الغيار متوفرة يا دكتور ورخيصة ولا لا .

د0تامر محمد
16-04-2010, 12:04 AM
اية رايك فى الديهاتسو شاريد موديل 1997 سيدان كماليات حالة العربية ممتازة ، على 25000 ، وهل قطع الغيار متوفرة يا دكتور ورخيصة ولا لا .
هى كسيارة جيدة لكن مشكلتها قطع الغير غير منتشرة وإعادة البيع ليست جيدة

mesho70
16-04-2010, 12:45 AM
ياريت تفيدونى بر أيكم فى عربية

اكسنت 1500 CC
موديل 2000
راشة خارجى
بيقول الموتور متغير بموتور زيرو والموتور عامل 30 الف كم
بها زجاج كهرباء - تكييف - سنتر وانزار بريموت

بداية اتأكد ازاى من موضوع ان الموتور زيرو وانة عامل 30 الف كم بس
العربية تساوى كام مع العلم انة طالب 40 الف ودة اول كلام

د0تامر محمد
16-04-2010, 02:09 AM
ياريت تفيدونى بر أيكم فى عربية

اكسنت 1500 CC
موديل 2000
راشة خارجى
بيقول الموتور متغير بموتور زيرو والموتور عامل 30 الف كم
بها زجاج كهرباء - تكييف - سنتر وانزار بريموت

بداية اتأكد ازاى من موضوع ان الموتور زيرو وانة عامل 30 الف كم بس
العربية تساوى كام مع العلم انة طالب 40 الف ودة اول كلام
لابد من الكشف على الموتور بواسطة مركز صيانة أو توكيل
السعر من 36-38

almostshar2005
16-04-2010, 03:41 AM
جزاك اللة خيرا يا دكتور ميتسوبيشى لانسر م89 عيون صفية 1500c c خليجى تكييف الكاسيت الاصلى فرش الفابر يقة كاوتش و بطارية جداد مساعدين و كبالن جداد عفشة جيدة موتور بحالة ممتازة لونها ابيض لا تحتاج مصاريف
تعمل كام وهل قطع الغيار موجودة وصيانتها سهل واعادة بيعها وبارك اللة فيك

quietness
16-04-2010, 08:35 PM
السلام عليكم دكتورنا الكبير
أكتافيا 2006 A4 كاملة أوتو
فبريكه جوه وبره كل شيء يعمل
تحتاج شغل بسيط في العفشة
تعمل كام

lido
16-04-2010, 08:59 PM
ممكن حد يساعدني عربية تويوتا كورولا 2007 عملة 60000 ك متور 1300 خليجي كاملة اتوماتيك بدون فتحة سقف رشة بره عدا السقف وفي حزء من الكرتيرة اتعمل من اثر حبطة في الرفر اليمين تحتاج كوتش صحبها عازو 77 الف جنية هل كدة دة كويس ممكن الرد بسرعة علشان ناوي اشتري وانا مش هبيع انا ناوي اخليها ارجو النصيحة

hema_hn
16-04-2010, 09:58 PM
الباشا الطبيب الكبير
نيسان صنى 94 يابانى تقفيل خليجى تكييف ثلاجة وياوور كاسيت مانيوال 1300 سسى عاملة 200000 كم
ايه رأى سيادتكم فيها قطع غيار فى اسكندرية وسعرها كام

borsawy
17-04-2010, 01:00 AM
السلام عليكم
ياريت يادكتور تقولى رأيك فى البولو 96 مغيرة متور 1400 سى سى فابريكة دواخل عاملة كام و رأيك فيها ايه

EGYCARS
17-04-2010, 01:58 PM
الصنى الجديد مثلا موديل 2010 المستورد وليس الموجود بمصر صناعة كورى تحت إسم نيسان صنى ونفس السيارة تحت إسم سامسونج (لا أذكر ربما s40 أو شىء من هذا القبيل)التى تمتلكها نيسان

دكتور تامر ... و الله انت أكتر من محترم
لو تسمحلي أضيف معلومة أعتقد إنها صح ... سامسونج موتورز دي مملوكة لشركة رينو (تقريبا 80% ملك رينو) و هي اسمها Renault Samsung Motor.
و طبعا رينو و نيسان بينهم cross share و دي ميزة جامدة جدا و بالتالي معظم ال platforms بتاعتهم بقت مشتركة.

أما sunny اللي هي Pulsar أو Sentra و كل دي موديلات نيسان و الاسم كان بيتغير اما من بلد لبلد أو مع تغيير في ال platform بس في النهاية هما تقريبا واحد و علي فكرة التيدا هي التطور الطبيعي للصني (أو بمعني أدق هي بديل الصني).

رينو-سامسونج برضه عملت ال SM3 علي نفس ال platforms دي أيا كان في النهاية اسمها ايه ... و علي فكرة رينو-سامسونج اعتمدت علي موديلات نيسان و مافيش حاجة تقريبا من موديلات رينو يمكن باستثناء الموديلات الحديثة 2009 - 2010 من ال SM3 دي اللي اعتمدت اكتر علي الميجان

و علي فكرة من 2007 فعلا ال SM3 دي كانت في الشرق الاوسط بتنزل باسم نيسان صني.

سؤال صغير بقي يا دكتورلو سمحت ... نعمل ايه بقي ماهو حبك في الصني دي عدوي و كلنا وصلنا لنفس المرحلة ptmnlo123per1106 ... الصني الياباني ياباني اللي هي لحد 2005 كانت كلها 1300 سي سي و لا كان في حاجة من الموديلات دي 1600سي سي؟

محمد التهامى
17-04-2010, 02:01 PM
د تامر السلام عليكم انا امامى 128 حالة جبدة ب10000 وانا اريد سيارة سفر وسيكون معى باذن الله بعد شهرين 16000 هل اشترى الفبات ثم ابيعها بعد شهرين ولا انتظر واجيب حاجة احسن

magofun
18-04-2010, 02:13 AM
ارجو الافادة عن سعر مرسيدس 200 مو 1976 كاملة اوتومك ولكم جزيل الشكر

mohammedmoustfa
18-04-2010, 09:00 AM
امامي سيارة شاهين موديل 1996 1300 سي سي بدزن تكييف رشه بره و فابريكه جوه و العربيه بصفه عامه جيده
تساوي كام من فضلك و هي اول يد

يارا سيد
18-04-2010, 11:30 AM
انا معايا 32 الف وعايز اشترى اكسنت مستعمل اية رايك فى العربية دية وهل فية قدامك حاجة 1300 او 1500 حضرتك ترشحلى اية

manalamin
18-04-2010, 11:55 AM
السلام عليكم
انا متابعه من زمان عشان عايزة اشتري عربيه
عندك فكرة شانا بيني مستعمله نضيفه 2008 بكام عاجل و هام الله يخليك

dr_maged
18-04-2010, 01:59 PM
د/تامر حبيب الملايين واللى واجعين دماغة بأسئلتنا دايما
معلش استحملنا احنا اخواتك بقى

دلوقتى قدامى عربية دوجان 96 تكييف وباور وبتشتغل غاز طبيعى عاوزة شوية شغل بسيط برة حوالى 1000 جنيه اساسيتها حلوة مطلوب فيها 30 الف اية نظام السعر ده

وفى فيات اونو على 25 الف مش محتاجة شغل بس فاضية من غير كماليات

ترشحلى مين فيهم

د0تامر محمد
18-04-2010, 03:50 PM
د/تامر حبيب الملايين واللى واجعين دماغة بأسئلتنا دايما
معلش استحملنا احنا اخواتك بقى

دلوقتى قدامى عربية دوجان 96 تكييف وباور وبتشتغل غاز طبيعى عاوزة شوية شغل بسيط برة حوالى 1000 جنيه اساسيتها حلوة مطلوب فيها 30 الف اية نظام السعر ده

وفى فيات اونو على 25 الف مش محتاجة شغل بس فاضية من غير كماليات

ترشحلى مين فيهم
الدوجان تساوى 28000
والاونو محددتش موديل أيه؟
لكن طبعا الدوجان أفضل من الاونو

د0تامر محمد
18-04-2010, 03:52 PM
السلام عليكم
انا متابعه من زمان عشان عايزة اشتري عربيه
عندك فكرة شانا بيني مستعمله نضيفه 2008 بكام عاجل و هام الله يخليك
طبعا سعر إعادة البيع ليست له قواعد فى الصينى وكل واحد وشطارتة
فى حدود 30000

د0تامر محمد
18-04-2010, 03:54 PM
انا معايا 32 الف وعايز اشترى اكسنت مستعمل اية رايك فى العربية دية وهل فية قدامك حاجة 1300 او 1500 حضرتك ترشحلى اية
لاتوجد 1500 بهذا السعر بحالة جيدة
ممكن ال1300 مو98

د0تامر محمد
18-04-2010, 03:55 PM
امامي سيارة شاهين موديل 1996 1300 سي سي بدزن تكييف رشه بره و فابريكه جوه و العربيه بصفه عامه جيده
تساوي كام من فضلك و هي اول يد
تساوى 27000

د0تامر محمد
18-04-2010, 03:59 PM
ارجو الافادة عن سعر مرسيدس 200 مو 1976 كاملة اوتومك ولكم جزيل الشكر
تساوى 24-26

د0تامر محمد
18-04-2010, 04:04 PM
د تامر السلام عليكم انا امامى 128 حالة جبدة ب10000 وانا اريد سيارة سفر وسيكون معى باذن الله بعد شهرين 16000 هل اشترى الفبات ثم ابيعها بعد شهرين ولا انتظر واجيب حاجة احسن
ال128 ليست سيارة سفر خاصة مع موديل قديم
لو كنت بتتعلم سواقة جديد إشتريها وبعدين بعها لن تخسر كثيرا لكن لو ممكن الانتظار لتدبير مبلغ أكبر وشراء سيارة أفضل فعليك الغنتظار وإن كان مبلغ ال16 لن يعطيك خيار أفضل إلا فى الحالة فقط

د0تامر محمد
18-04-2010, 04:06 PM
دكتور تامر ... و الله انت أكتر من محترم
لو تسمحلي أضيف معلومة أعتقد إنها صح ... سامسونج موتورز دي مملوكة لشركة رينو (تقريبا 80% ملك رينو) و هي اسمها Renault Samsung Motor.
و طبعا رينو و نيسان بينهم cross share و دي ميزة جامدة جدا و بالتالي معظم ال platforms بتاعتهم بقت مشتركة.

أما sunny اللي هي Pulsar أو Sentra و كل دي موديلات نيسان و الاسم كان بيتغير اما من بلد لبلد أو مع تغيير في ال platform بس في النهاية هما تقريبا واحد و علي فكرة التيدا هي التطور الطبيعي للصني (أو بمعني أدق هي بديل الصني).

رينو-سامسونج برضه عملت ال SM3 علي نفس ال platforms دي أيا كان في النهاية اسمها ايه ... و علي فكرة رينو-سامسونج اعتمدت علي موديلات نيسان و مافيش حاجة تقريبا من موديلات رينو يمكن باستثناء الموديلات الحديثة 2009 - 2010 من ال SM3 دي اللي اعتمدت اكتر علي الميجان

و علي فكرة من 2007 فعلا ال SM3 دي كانت في الشرق الاوسط بتنزل باسم نيسان صني.

سؤال صغير بقي يا دكتورلو سمحت ... نعمل ايه بقي ماهو حبك في الصني دي عدوي و كلنا وصلنا لنفس المرحلة ptmnlo123per1106 ... الصني الياباني ياباني اللي هي لحد 2005 كانت كلها 1300 سي سي و لا كان في حاجة من الموديلات دي 1600سي سي؟
شكرا على المعلومات
فيه 1600 مو2005 يابانى

د0تامر محمد
18-04-2010, 04:08 PM
السلام عليكم
ياريت يادكتور تقولى رأيك فى البولو 96 مغيرة متور 1400 سى سى فابريكة دواخل عاملة كام و رأيك فيها ايه
تساوى 30000
سيارة جيدة
قطع الغيار والصيانة مكلفة بعض الشىء

د0تامر محمد
18-04-2010, 04:12 PM
الباشا الطبيب الكبير
نيسان صنى 94 يابانى تقفيل خليجى تكييف ثلاجة وياوور كاسيت مانيوال 1300 سسى عاملة 200000 كم
ايه رأى سيادتكم فيها قطع غيار فى اسكندرية وسعرها كام

تساوى 32-33
قطع الغيار معقولة وموجودة

د0تامر محمد
18-04-2010, 04:15 PM
ممكن حد يساعدني عربية تويوتا كورولا 2007 عملة 60000 ك متور 1300 خليجي كاملة اتوماتيك بدون فتحة سقف رشة بره عدا السقف وفي حزء من الكرتيرة اتعمل من اثر حبطة في الرفر اليمين تحتاج كوتش صحبها عازو 77 الف جنية هل كدة دة كويس ممكن الرد بسرعة علشان ناوي اشتري وانا مش هبيع انا ناوي اخليها ارجو النصيحة
سعر مناسب لو 75بإعتبار أن السليمة فابريقة بالكامل بتعمل متوسط 95 مو2007

الغزاوى
18-04-2010, 04:22 PM
من فضلك عربية لادا تافريا م94 موتور1200 مميزات وعيوب وسعروهى ولا لادا اوكا م2000

د0تامر محمد
18-04-2010, 05:21 PM
السلام عليكم دكتورنا الكبير
أكتافيا 2006 A4 كاملة أوتو
فبريكه جوه وبره كل شيء يعمل
تحتاج شغل بسيط في العفشة
تعمل كام
تساوى 90000

د0تامر محمد
18-04-2010, 05:22 PM
من فضلك عربية لادا تافريا م94 موتور1200 مميزات وعيوب وسعروهى ولا لادا اوكا م2000
سيارة سيئة جدا عن تجربة لصديق

lido
18-04-2010, 09:59 PM
سعر مناسب لو 75بإعتبار أن السليمة فابريقة بالكامل بتعمل متوسط 95 مو2007
شكرا علي المساعدة

eng_horass
18-04-2010, 10:04 PM
السلام عليكم
لو سمحت يا دكتور تامر كنت عايز أعرف سعر لانوس 2007 تكييف باور سنتر انذار زجاج كهرباء أمامي فتح التانك والشنطه من الداخل العربية فابريكة دواخل حالة ممتازة بها رخصة سنة

hema_hn
19-04-2010, 12:02 AM
تساوى 32-33
قطع الغيار معقولة وموجودة
شكرا باشا
ممكن اعرف سعر هيونداى اكسيل موديل 97 حالة 90% رشه برده فبريكة جوا 1300 سىسى فاضية وفيها اقفال مركزى مفهاش شغل غير الكبوت عايز يتمعجن ويدهن
شكرا ليك باشا معل تعبينك معانا

love-legend
19-04-2010, 12:21 AM
بقولك اية يا دكتور : لو واحد معاة حوالى من 20 ل 22 الف جنية ، انتة اية رايك يجيب اى السيارات التالية :

* لادا 2107 موديل 1994
* فيات 128 موديل 1990
*جيلى Mk موديل 2004

*ولو فى حاجة تانية قدامك شايفها احسن ياريت تقولى

borsawy
19-04-2010, 12:43 AM
معلش يا دكتور ها تعبك معايا دلوقتى البولو ال 96 اللى سالت حضرتك عليها صاحبها ملسك فى 35.000 وقدامى تويوتا 88 تكيف باور زجاج كهربا طالب 32000 وأكسنت 97 اوتوماتيك كاملة طالب 32000 ايه راى سيادتك انهى افضل<!-- / message --><!-- sig -->

د0تامر محمد
19-04-2010, 01:01 AM
شكرا باشا
ممكن اعرف سعر هيونداى اكسيل موديل 97 حالة 90% رشه برده فبريكة جوا 1300 سىسى فاضية وفيها اقفال مركزى مفهاش شغل غير الكبوت عايز يتمعجن ويدهن
شكرا ليك باشا معل تعبينك معانا
تساوى 30000

د0تامر محمد
19-04-2010, 01:05 AM
معلش يا دكتور ها تعبك معايا دلوقتى البولو ال 96 اللى سالت حضرتك عليها صاحبها ملسك فى 35.000 وقدامى تويوتا 88 تكيف باور زجاج كهربا طالب 32000 وأكسنت 97 اوتوماتيك كاملة طالب 32000 ايه راى سيادتك انهى افضل<!-- / message --><!-- sig -->
خللى بالك السعر دائما فى المتوسط ولا يعنى نهائى إلا إذا أتبع بكلمة آخرها كذا وهذا يعنى أن هناك سيارة تزيد عن السعر أو تقل طبقا لحالتها لاننا نأخذ متوسط لكن 35 على هذا الموديل لا يجوز إلا فى سيارة حالتها ممتازة وهذا نادر

الكورولا كتير عليها هذا السعر فقد إشتريت لزميل واحدة موديل 90 كاملة أوتو بحالة جيدة ب31000
الأكسنت أوتو لا أنصحك (الأوتو الكورى القديم عامة) فالمانيوال أفضل وطبعا سعرها معقول جدا

د0تامر محمد
19-04-2010, 01:08 AM
بقولك اية يا دكتور : لو واحد معاة حوالى من 20 ل 22 الف جنية ، انتة اية رايك يجيب اى السيارات التالية :

* لادا 2107 موديل 1994
* فيات 128 موديل 1990
*جيلى Mk موديل 2004

*ولو فى حاجة تانية قدامك شايفها احسن ياريت تقولى

عايز الصراحة التلاته أسوأ من بعض
أفضلهم أداء وقطع غيار وصيانة وتحمل اللادا
ممكن تدخل معاهم فى الإختيار الريجاتا مو-90

abdo_mimo
19-04-2010, 01:14 AM
بجد الموضوع هايل

abdo_mimo
19-04-2010, 01:28 AM
عايز عربية فيات 131 موديل مش أقل من 81 أو جيب رانجلر أسعارهم كام و لو فى حد عنده ده اميلى
abdo_mimo77@yahoo.com

abdo_mimo
19-04-2010, 01:31 AM
عايز عربية فيات 131 موديل مش أقل من 81 أو جيب رانجلر أسعارهم كام و لو فى حد عنده ده اميلى
abdo_mimo77@yahoo.com (abdo_mimo77@yahoo.com)

لطفى هاشم
19-04-2010, 02:03 AM
السلام عليكم / د. تامر
أولا شكراً جزيلاً على مجهودك المميز.
أستفسارى بخصوص أسعار الريجاتا / و ماهى أفضل موديلاتها
و أيهما أفضل الفيات 131 أم الريجاتا و شكراً جزيلاً

mido2402
19-04-2010, 03:40 AM
ازيك يادكتور يارب تكون بخير
دكتورة انا محتاج عربية في حدود 35000
وتكون اوتوماتيك وقطع غيارها تكون كويسة ومش غالية ترشحلى ايه يادكتور
انا بقالى كتير بدور ومش عارف اجيب ايه

د0تامر محمد
19-04-2010, 11:03 AM
ازيك يادكتور يارب تكون بخير

دكتورة انا محتاج عربية في حدود 35000
وتكون اوتوماتيك وقطع غيارها تكون كويسة ومش غالية ترشحلى ايه يادكتور
انا بقالى كتير بدور ومش عارف اجيب ايه

لانسر بطة مو 90-92

د0تامر محمد
19-04-2010, 11:07 AM
السلام عليكم / د. تامر
أولا شكراً جزيلاً على مجهودك المميز.
أستفسارى بخصوص أسعار الريجاتا / و ماهى أفضل موديلاتها
و أيهما أفضل الفيات 131 أم الريجاتا و شكراً جزيلاً
الريجاتا أفضل موديلاتها الأحدث طبعا
الريجاتا جر أمامى أنعم من ال131 وبها كماليات لا توجد فى ال131 وأعتقد الشكل العام أفضل
ال131 أقوى وأكثر تحملا لأنها جر خلفى وعضمتها ناشفة لاتعانى من البرومة المزمنة مثل الريجاتا
قطع الغيار متقاربة بالنسبة للإثنين ومتوفرة ورخيصة والصيانة بلا مشاكل
أسعار الريجاتا من 16-25 حسب الموديل والحالة

عبدالرحمن المتوكل
19-04-2010, 11:51 AM
السلام عليكم ورحمة الله
تحيه ليك يا دكتور
عربيه فيات 124 عليها موتور 132 2000 اتنين كامه...الحاله العامه متوسطه فى كل شىء بويا وفرش وحالة موتور وعفشه يعنى كله كله متوسط بالاضافه للسنتر والانذار...تعمل كام يا دكتور ....بس الله يكرمك الرد بسرعه....وشكرا جزيلاً

د0تامر محمد
19-04-2010, 12:04 PM
السلام عليكم ورحمة الله

تحيه ليك يا دكتور
عربيه فيات 124 عليها موتور 132 2000 اتنين كامه...الحاله العامه متوسطه فى كل شىء بويا وفرش وحالة موتور وعفشه يعنى كله كله متوسط بالاضافه للسنتر والانذار...تعمل كام يا دكتور ....بس الله يكرمك الرد بسرعه....وشكرا جزيلاً

بس مقلتش موديل كام؟؟؟؟؟؟؟؟؟؟؟؟؟؟؟
عموما هى تتراوح ما بين 10-12

farahatfarahat
19-04-2010, 01:17 PM
لو سمحت يا دكتور تار انا عندي عربية فيات 132 وهي حالتها كويسة لو عاوز ابيعها تقريبا كده تجيب كام

farahatfarahat
19-04-2010, 01:44 PM
لو سمحت يا دكتور تامر انا عندي عربية فيات 132 وهي حالتها كويسة لو عاوز ابيعها تقريبا كده تجيب كام

عبدالرحمن المتوكل
19-04-2010, 10:32 PM
الف شكر يا دكتور تامر على الاهتمام .ورفع الله قدرك فى الدارين.....هى موديل 75

bebo1074
20-04-2010, 01:10 AM
دكتور تامر صاحب المجهود الوافر
اود ان اسالك عن تسعير الصني سوبر صالون 2007 كاملة اوتو
و 2006 يا تري تعمل كام
وهل لو فيها كماليات اضافها صاحبها كيف يتم تسعيرها

د0تامر محمد
20-04-2010, 01:56 AM
لو سمحت يا دكتور تامر انا عندي عربية فيات 132 وهي حالتها كويسة لو عاوز ابيعها تقريبا كده تجيب كام
محددتش الموديل؟؟؟؟؟

د0تامر محمد
20-04-2010, 01:58 AM
دكتور تامر صاحب المجهود الوافر

اود ان اسالك عن تسعير الصني سوبر صالون 2007 كاملة اوتو
و 2006 يا تري تعمل كام

وهل لو فيها كماليات اضافها صاحبها كيف يتم تسعيرها

ال2006-2007 =70-75 للفابريقة بالكامل عداد قليل
عادة الإضافات لا يلتفت إليها أو تقدر أقل بكثير من قيمتها

د0تامر محمد
20-04-2010, 02:00 AM
الف شكر يا دكتور تامر على الاهتمام .ورفع الله قدرك فى الدارين.....هى موديل 75



فى هذه الحالة تساوى 10000

mido2402
20-04-2010, 02:31 AM
انا اولا بشكرك يادكتور تامر على المجهود الرائع ده
انا بدور على عربية في حدود 30000
ياريت لو كانت اوتوماتيك ولو مانيوال برده تبقى ايه وتكون قطع غيارها متوفرة ورخيصة شويه

love-legend
20-04-2010, 03:00 AM
اية رايك فى العربية دى يا دكتور تامر :
هيونداى النترا 94 ، فبريكه دواخل تكييف مرايات كهرباء 4 زجاج كهرباء جنوط اسبور فرش الفبريكه رشه بره جديد كاسيت سي دي سماعات اصليه عفشه جديده موتور 100% ، العرية سعرها 26500
هل سوقها كويس وقطع غيارها ، واية رايك فيها كعربية .

وفى واحدة تانية مازدا 121 موديل 1997 ، كماليات وجنوط سبور وبطارية جديدة
العربية دى سعرها 28000
*اية رايك يا دوك انهى احسن

zizenia
20-04-2010, 03:38 AM
سبحان الله وبحمده سبحان الله العظيم

د تامر احب اشكر حضرتك على المجهود الرائع اللى لمسته وشوفته رغم ان دى اول مشاركه ليا فى اول يوم اسجل فيه معاكم فى المنتدى الاكثر من رائع ورغم انى لسه ما تعديتش الساعه ونصف مسجله معاكم لكن لاحظت مجهود حضرتك الفوق رائع وانا بتصفح وبنتقل بين المواضيع
انا ما عنديش اى اسئله حاليا لانى اكتفيت بانى استفاد من اراء وردود حضرتك والاخوه الاعضاء

" إيــــــــــــــاك وأن يجدك الله حيث نهــــاك ويفقدك حيث أمـــــــــرك "
لا اله الا انت سبحانك انى كنت من الظالمين

loka boss
20-04-2010, 05:53 AM
تسلم ياباشا على الافاده ولو ممكن تقولى سعر ال128 2باب موديل التمانينات تعمل كام بحاله جيده

farahatfarahat
20-04-2010, 09:37 AM
لو سمحت يا دكتور تامر انا عندي عربية فيات 132 موديل 74 والموتور بتاعها 1800 سي سي والعربية حالتها كويسة وانا عاوز ابيعها فعاوز اعرف تجيبلي كام وازاي وفين انا ممكن ابيعها واسف للاطالة

د0تامر محمد
20-04-2010, 10:41 AM
اية رايك فى العربية دى يا دكتور تامر :
هيونداى النترا 94 ، فبريكه دواخل تكييف مرايات كهرباء 4 زجاج كهرباء جنوط اسبور فرش الفبريكه رشه بره جديد كاسيت سي دي سماعات اصليه عفشه جديده موتور 100% ، العرية سعرها 26500
هل سوقها كويس وقطع غيارها ، واية رايك فيها كعربية .

وفى واحدة تانية مازدا 121 موديل 1997 ، كماليات وجنوط سبور وبطارية جديدة
العربية دى سعرها 28000
*اية رايك يا دوك انهى احسن

السعر مناسب وهى سيارة معقولة 00سوقها يعنى وقطع غيارها معقولة
ال121 سيارة غير منتشرة وقطع غيارها غير متوفرة لكنها سيارة جيدة
لو قرار شراء أفضل اللإلنترا

د0تامر محمد
20-04-2010, 10:43 AM
لو سمحت يا دكتور تامر انا عندي عربية فيات 132 موديل 74 والموتور بتاعها 1800 سي سي والعربية حالتها كويسة وانا عاوز ابيعها فعاوز اعرف تجيبلي كام وازاي وفين انا ممكن ابيعها واسف للاطالة
14000 تمنياتى لك بالتوفيق

د0تامر محمد
20-04-2010, 10:44 AM
تسلم ياباشا على الافاده ولو ممكن تقولى سعر ال128 2باب موديل التمانينات تعمل كام بحاله جيده
10000 فى المتوسط

hema_hn
20-04-2010, 12:06 PM
باشا ايهم افضل وده بعيد عن موضوع الفلوس
اكسيل 97 فاضية
نيسان صنى 94 كاملة
والاتنين حالتهم حلوة

smsima
20-04-2010, 12:08 PM
السلام عليكم ورحمة الله وبركاته
جزاك الله خيراً يا دكتور على المجهود الكبير
كنت عايزة من فضلك خدمة انا معايا 20 الف وكنت عايزة عربية كويسة وبفكر فى الرينو أو الريجاتا
ايه رأى حضرتك وياريت لو فى واحدة عندك كويسة تقولى عليها

EGYCARS
20-04-2010, 12:27 PM
دكتور تامر المحترم ... جزاكم الله خير
أنا كنت سألتك علي الصني الياباني 1300 و لا في ال1600 و حضرتك قولتلي

شكرا على المعلومات
فيه 1600 مو2005 يابانى


فلو تكرمت ياريت برضه تقولي الاتو الفابريكة 1600 مو2005 تعمل في حدود كام
و ياتري لو دورت هلاقي و لا صعب .. يعني بيقابلك حاجة زي كده و لا اللي معاههم مش بيفرطوا فيها ptmnlo123per171

mse
20-04-2010, 02:13 PM
دكتورنا العزيز صاحب الفضل ممكن مشكورا ترتب السيارات الأتية زيرو 2010 من الأفضل إلى الأسوأ

نيسان صني - شيفروليه أوبترا- نيوأكسنت-هيونداي النترا-بروتون جين- ماتريكس

ahmedromance
20-04-2010, 04:29 PM
ستروين اكسارة مو 2001 مانيوال -زجاج كهرباء- سنتر -باور- تكييف- مرايا كهرباء- كل حاجة تعمل بكفاءة عالية ماشية 109000 كم رشة بره نضافة فبريكة دواخل اول يد الصالون حالته ممتازة العربية من الداخل زيرووو صاحبها بيحطلها زيت موبيل 1 وبنزين 92 السيارة بالكتالوجات بتاعتها اللون فراني تعمل كااام ؟ وعذرا للاطالة.

remo12
20-04-2010, 05:05 PM
دكنور /محمد ارجو معرفة سعر اكسنت 2006

miam0502788391
20-04-2010, 08:47 PM
دكتور تامر
السلام عليكم
فى فيات 131 موديل 1983 مع واحد صاحبى فاضية فابريكة دواخل حالتها جيدة تساوى كام
وشكرا لك

zizenia
20-04-2010, 11:43 PM
سبحانك اللهم وبحمدك استغفرك وأتوب اليك
د تامر يارب تكون بخير وصحه جيده رجاء لى استفسارين
الاول
ما هى اسماء الاجزاء فى السيارة اللى من خلالها اقدر احكم على السيارة بان حالتها جيده او جيده جدا او غير ذلك بعيدا عن شكلها ممكن يكون جميل بس حالتها وحشه
الاستفسار الثانى
سياره فى حدود 30000 بالكتير تناسب بنت وحضرتك عارف ان سواقه السيدات كارثه فالمطلوب ان السياره تكون تتحمل سواقه بنت وتكون اعطالها مش متتاليه على اى حاجه انا عارفه ان ما فيش سياره ما بتعطلش وخصوصا مع السيدات لكن فى سيارات بتتحمل شويه وبتعطل بس على فترات مش كل يوم وكل شويه ومع اى حركه
اكون شاكره مجهوداتك
وجزاك الله كل خير

من وجد الله ماذا فقد ؟...... ومن فقد الله فماذا وجد ؟

د0تامر محمد
20-04-2010, 11:54 PM
باشا ايهم افضل وده بعيد عن موضوع الفلوس
اكسيل 97 فاضية
نيسان صنى 94 كاملة
والاتنين حالتهم حلوة
طبعا الصنى ولا مجال للمقارنة

د0تامر محمد
20-04-2010, 11:57 PM
سبحانك اللهم وبحمدك استغفرك وأتوب اليك
د تامر يارب تكون بخير وصحه جيده رجاء لى استفسارين
الاول
ما هى اسماء الاجزاء فى السيارة اللى من خلالها اقدر احكم على السيارة بان حالتها جيده او جيده جدا او غير ذلك بعيدا عن شكلها ممكن يكون جميل بس حالتها وحشه
الاستفسار الثانى
سياره فى حدود 30000 بالكتير تناسب بنت وحضرتك عارف ان سواقه السيدات كارثه فالمطلوب ان السياره تكون تتحمل سواقه بنت وتكون اعطالها مش متتاليه على اى حاجه انا عارفه ان ما فيش سياره ما بتعطلش وخصوصا مع السيدات لكن فى سيارات بتتحمل شويه وبتعطل بس على فترات مش كل يوم وكل شويه ومع اى حركه
اكون شاكره مجهوداتك
وجزاك الله كل خير

من وجد الله ماذا فقد ؟...... ومن فقد الله فماذا وجد ؟
سيارة فى حدود 30 إكسيل -أكسنت-برايد
ممكن تراجعى موضوع(كيفية فحص سيارة مستعملة )بمنتدى الصيانة والمكتبة الفنية

د0تامر محمد
20-04-2010, 11:59 PM
السلام عليكم ورحمة الله وبركاته
جزاك الله خيراً يا دكتور على المجهود الكبير
كنت عايزة من فضلك خدمة انا معايا 20 الف وكنت عايزة عربية كويسة وبفكر فى الرينو أو الريجاتا
ايه رأى حضرتك وياريت لو فى واحدة عندك كويسة تقولى عليها
الريجاتا قطع غيارها متوفرة ورخيصة وصيانتها سهلة

د0تامر محمد
21-04-2010, 12:00 AM
دكتور تامر المحترم ... جزاكم الله خير
أنا كنت سألتك علي الصني الياباني 1300 و لا في ال1600 و حضرتك قولتلي




فلو تكرمت ياريت برضه تقولي الاتو الفابريكة 1600 مو2005 تعمل في حدود كام
و ياتري لو دورت هلاقي و لا صعب .. يعني بيقابلك حاجة زي كده و لا اللي معاههم مش بيفرطوا فيها ptmnlo123per171
صعب تلاقى ال1600 لأنها قليلة فى هذا الموديل السعر فى حدود 70

د0تامر محمد
21-04-2010, 12:02 AM
دكتورنا العزيز صاحب الفضل ممكن مشكورا ترتب السيارات الأتية زيرو 2010 من الأفضل إلى الأسوأ

نيسان صني - شيفروليه أوبترا- نيوأكسنت-هيونداي النترا-بروتون جين- ماتريكس
صنى
إلنترا
جين
ماتريكس
اوبترا
نيو اكسنت

د0تامر محمد
21-04-2010, 12:04 AM
ستروين اكسارة مو 2001 مانيوال -زجاج كهرباء- سنتر -باور- تكييف- مرايا كهرباء- كل حاجة تعمل بكفاءة عالية ماشية 109000 كم رشة بره نضافة فبريكة دواخل اول يد الصالون حالته ممتازة العربية من الداخل زيرووو صاحبها بيحطلها زيت موبيل 1 وبنزين 92 السيارة بالكتالوجات بتاعتها اللون فراني تعمل كااام ؟ وعذرا للاطالة.
تساوى 36-37

د0تامر محمد
21-04-2010, 12:06 AM
دكتور تامر
السلام عليكم
فى فيات 131 موديل 1983 مع واحد صاحبى فاضية فابريكة دواخل حالتها جيدة تساوى كام
وشكرا لك
تساوى 24000

د0تامر محمد
21-04-2010, 12:07 AM
دكنور /محمد ارجو معرفة سعر اكسنت 2006
بإعتبار أنها آخر الأكسنت ال1300 وليست النيو أكسنت
تساوى 45000 فابريقة

kamal hakim
21-04-2010, 12:36 PM
من فضلك يادكتور عايز أسألك عن عربية شاهين 2002 مرفوعه من 3 سنين وأنا شوفتها بعينى لونها نبيتى فابريكه بالكامل 1600 سى سى فيها باور وتكييف العداد مش مكمل 50 ألف حاله شاذه بس طبعا عايزه طقم كاوتش وبطاريه
عايز اعرف رأيك فى العربية دى يعنى حلوه ولا لأ وتساوى كام فلوس على وضعها كدا
بس من فضلك عايز رد بسرعه لانى رايح أقابل صاحبها تانى النهارده وألف شكر ليك يادكتور على تعبك مع الجميع

محمد التهامى
21-04-2010, 12:54 PM
شكرا د تامر

محمد التهامى
21-04-2010, 12:56 PM
د تامر اشكرك بجد ممكن ترشحلى سيارة جامدة وواسعة فى حدود 20000

د0تامر محمد
21-04-2010, 01:10 PM
من فضلك يادكتور عايز أسألك عن عربية شاهين 2002 مرفوعه من 3 سنين وأنا شوفتها بعينى لونها نبيتى فابريكه بالكامل 1600 سى سى فيها باور وتكييف العداد مش مكمل 50 ألف حاله شاذه بس طبعا عايزه طقم كاوتش وبطاريه
عايز اعرف رأيك فى العربية دى يعنى حلوه ولا لأ وتساوى كام فلوس على وضعها كدا
بس من فضلك عايز رد بسرعه لانى رايح أقابل صاحبها تانى النهارده وألف شكر ليك يادكتور على تعبك مع الجميع
تساوى 38000

د0تامر محمد
21-04-2010, 01:11 PM
د تامر اشكرك بجد ممكن ترشحلى سيارة جامدة وواسعة فى حدود 20000
فيات ريجاتا

amraction
21-04-2010, 04:38 PM
يا دكتور تامر.. جولف 4 موديل 99 موتور 1800 سى سى بحاله نضيفه جدا جدا فبريكه دواخل وبره رشه نضافه.. تعملها كام؟؟

samehemary79
21-04-2010, 05:45 PM
أحب اشكر الدكتور تامر لمجهودي الكبير
واحب اساله انا هيبقي معايا مبلغ في حدود 40000 جنيه
هل ممكن اجيب عربية عالية جيب يعني تكون حالتها كويسة
ولو مش ممكن يا ريت ترشحلي كام عربية كدا
انا عايزها تكون عائلية وشنطتها كبيرة وتتحمل مطبات امبابة هههه ومصر عامة
وجزاك الله خيرا

د0تامر محمد
22-04-2010, 12:35 AM
أحب اشكر الدكتور تامر لمجهودي الكبير
واحب اساله انا هيبقي معايا مبلغ في حدود 40000 جنيه
هل ممكن اجيب عربية عالية جيب يعني تكون حالتها كويسة
ولو مش ممكن يا ريت ترشحلي كام عربية كدا
انا عايزها تكون عائلية وشنطتها كبيرة وتتحمل مطبات امبابة هههه ومصر عامة
وجزاك الله خيرا
الجيب اللى ح يكون مناسب لمبلغك هو الفيتارا مو95-96-97 لكن لا تصلح كسيارة عائلية
أما عائلية فالأكسنت مو2000-2002 ال1500 أو لانوس مو2000 وح يكون عيبها إنخفاض إرتفاعها
وفيه الشاهين وأنا غير مقتنع بها لكن هى من تتحمل المطبات ومرتفعة عن الارض

محمد التهامى
22-04-2010, 11:16 AM
ربنا يجعل تعبك يا د / تامر فى ميزان حسناتك
مش شرقاوى لازم تكون كدة

love-legend
22-04-2010, 12:45 PM
اخبارك اية يا دكتور تامر ، استفسار بسيط ، قدامى عرية Mazda 929 model 1985
العربية تحفة يا دكتور فابريكة برة وجوة جميع الكماليات تكييف باور سنتر جنوط اسبور ، كاوتش جديد ، بس التكييف محتاج كباس ، اية رايك فى العربية دى يا دكتور ، هية بصراحة العربية شكلها جامد بس المهم عاوز اعرف اية اخبار العربية دى من ناحية سوقها ، وهل ممكن الاقى ليها قطع غيار وكدة ولا لا ، وهل هى عربية جيدة ام لا ، سعرها 22000

zizophone
22-04-2010, 01:01 PM
اخبارك اية يا دكتور تامر ، استفسار بسيط ، قدامى عرية Mazda 929 model 1985
العربية تحفة يا دكتور فابريكة برة وجوة جميع الكماليات تكييف باور سنتر جنوط اسبور ، كاوتش جديد ، بس التكييف محتاج كباس ، اية رايك فى العربية دى يا دكتور ، هية بصراحة العربية شكلها جامد بس المهم عاوز اعرف اية اخبار العربية دى من ناحية سوقها ، وهل ممكن الاقى ليها قطع غيار وكدة ولا لا ، وهل هى عربية جيدة ام لا ، سعرها 22000


عربية سفييييينة بحبها جدا ثابتة وواسعة ومتينة جدا , بس عيبها قطع غيارها مقرفة شوية ياعني كان ديما الناس تشتكي من طقم الكهربا الي بيدوخوا عليه وبردك سحب البنزين نااااااااااااار يا حبيبي نااااااااااار بس بامانة عربية جاااااامدة والسعر الي انت بتتكلم فيه دة معقول لو حالتها زي ما انت بتوصف كدة , صلي استخارة واكشف عليها كويس ولو عجباك توكل

mido2402
22-04-2010, 06:28 PM
ازيك يادكتور يارب تكون بخير
اولا شكرا على مجهودك ويارب يكون في ميزان حسناتك ان شاء الله

انا كنت محتاج عربية في حدود 30000 وتكون اوتوماتيك او 32000 اجيب ايه وتكون قطع الغيار رخيصة ومتوفرة انت قولتلى قبل كده اللانسر البطة بس قطع غيارها ايه نظامها ؟

banhaawy
23-04-2010, 12:10 AM
باشا سويفت 1994 كاملة اوتو وقابريقة دواخل تعمل كام ؟؟

د0تامر محمد
23-04-2010, 01:58 AM
باشا سويفت 1994 كاملة اوتو وقابريقة دواخل تعمل كام ؟؟

تساوى 28-30 حسب الحالة

ahmed helal
23-04-2010, 02:14 AM
السلام عليكم
كيف حالك يا دكتور
النترا 2005 كاملة اوتو خليجى اول يد 65000 كم فبريكا جوا وبرة ماعدا الرفارف
لانسر 2007 كاملة سبورت اوتو ثانى يد 100000 كم فابريكة جوة وراشة بره
يعملوا كام
واختار مين فيهم هو فرق السعر عالى بس ممكن يمشى
شكرا دايما على مجهودك وزوقك معايا

د0تامر محمد
23-04-2010, 03:20 PM
السلام عليكم
كيف حالك يا دكتور
النترا 2005 كاملة اوتو خليجى اول يد 65000 كم فبريكا جوا وبرة ماعدا الرفارف
لانسر 2007 كاملة سبورت اوتو ثانى يد 100000 كم فابريكة جوة وراشة بره
يعملوا كام
واختار مين فيهم هو فرق السعر عالى بس ممكن يمشى
شكرا دايما على مجهودك وزوقك معايا
إلنترا 2005=62000-64
لانسر 2007=72000 -73

mido2402
23-04-2010, 05:01 PM
باشا فى نيسان صنى 94 كاملة اوتوماتيك حالتها كويسة
محتاجة كونتكت بس عشان فيه ماس العربية ده قطع غيارها ايه نظامها
العربية عاملة 35000 وهل السعر ده عليها كويس ولا ايه
وفي اوبل فكترا نفس السعر برده كاملة اوتوماتيك انا عاوز اعرف ايه الاحسن ولو في عربية تانية نفس السعر وتكون اوتوماتيك وقطع غيارها تكون كويسة ارجو الافادة

remo12
23-04-2010, 06:43 PM
د/ تامر اية سعر اكسنت 2006 وكيا ريو اتومامتك 2005

ahmed helal
23-04-2010, 09:33 PM
إلنترا 2005=62000-64
لانسر 2007=72000 -73

شكرا يا غالى

بس ممكن تقولى مين فيهم اجمد واتقل على الطريق
وتكون عائلية وكفاءة

borsawy
23-04-2010, 11:13 PM
لو سمحت سعر كورولا 90 اوتو كامله
وايه رايك فى السويفت 94 اوتو وتعمل كام

bebo1074
24-04-2010, 12:43 AM
دكتور تامر نريد القول الفصل في سعر
سوبر أكشن موديل 2008 مواصفات خليجي فابريقه والحاله العامه ممتازه
عاملة 57000 كم يا تري تعمل كام
وكمان اية اخبار سوق الانسر بوجة عام هذة الايام انا ملاحظ ان هناك تفوت كبير بين العرض والطلب فالذي يعرض يطلب اسعار مبالغ فيها والاسعار متقلبة يا تري اية اسبب تك الظاهرة خصوصا مع الانسر
ولك مني جزيل الشكر

د0تامر محمد
24-04-2010, 12:58 AM
باشا فى نيسان صنى 94 كاملة اوتوماتيك حالتها كويسة

محتاجة كونتكت بس عشان فيه ماس العربية ده قطع غيارها ايه نظامها
العربية عاملة 35000 وهل السعر ده عليها كويس ولا ايه

وفي اوبل فكترا نفس السعر برده كاملة اوتوماتيك انا عاوز اعرف ايه الاحسن ولو في عربية تانية نفس السعر وتكون اوتوماتيك وقطع غيارها تكون كويسة ارجو الافادة


الصنى سيارة محترمة وقطع غيارها معقولة اليابانى عموما فى الاوتو ممتازة والسعر جيد
الأوبل أيضا سيارة محترمة لكن قطع غيارها غالية

د0تامر محمد
24-04-2010, 01:03 AM
دكتور تامر نريد القول الفصل في سعر
سوبر أكشن موديل 2008 مواصفات خليجي فابريقه والحاله العامه ممتازه
عاملة 57000 كم يا تري تعمل كام
وكمان اية اخبار سوق الانسر بوجة عام هذة الايام انا ملاحظ ان هناك تفوت كبير بين العرض والطلب فالذي يعرض يطلب اسعار مبالغ فيها والاسعار متقلبة يا تري اية اسبب تك الظاهرة خصوصا مع الانسر
ولك مني جزيل الشكر

تساوى 80000
تخيل زميل لى شارى هذا الموديل ب73000 (الجمعة الماضية)وبعد الشراء من سوق الجمعة على أنها فابريقة بالكامل وهو ما أدهشنى وجدتها راشة خارجى ماعدا السقف وأيضا راشة شنب ومغيرة فوانيس أمامى وإكصدام ورادياتير !!!!
عموما الغالى تمنه فيه لكن هناك فعلا مبالغات فى الأسعار للسيارة التى بحالة جيدة جدا وأعتقد كل واحد حر فى ثمن البيع (ومن حكم فى ماله فما ظلم )وليس هناك مشكلة للشارى فى هذا فعليه عرض سعر السوق وإذا لم يقبل البائع فشكرا وتمنياتنا له بالتوفيق

د0تامر محمد
24-04-2010, 01:04 AM
لو سمحت سعر كورولا 90 اوتو كامله
وايه رايك فى السويفت 94 اوتو وتعمل كام
الكورولا تساوى 30000
السويفت من 28-30
طبعا السويفت سيارة على قدها لكنها فى المجمل جيدة إقتصاديا

د0تامر محمد
24-04-2010, 01:06 AM
شكرا يا غالى

بس ممكن تقولى مين فيهم اجمد واتقل على الطريق
وتكون عائلية وكفاءة
أنا دائما ميال لليابانى على حساب الكورى

bebo1074
24-04-2010, 01:39 AM
ودة مربط الفرس هو غياب الضمير فلو البائع افصح من تلقاء نفسة عن عيوب سيارتة لما انخدع زميلك وهذا ما يجعلني انا والكثيرين ممن يريدون شراء سيارة محترمة مترددين في الشراء بناءاا علي تجارب الاخرين الغير موفقة وقدوصل الامر الي الجديد ايضا فقد حكي لي احد تجار السيارات في سوق الجمعه ان سيارة قد سقطت من اعلي كوبري عندما كان يتم نقلها الي المعرض ادي ذلك الي خبطة في السقف والشطنة فتم اصلحهم بيعت علي انها جديدة فيالعجب من ضمائر قد ماتت تساوى 80000
تخيل زميل لى شارى هذا الموديل ب73000 (الجمعة الماضية)وبعد الشراء من سوق الجمعة على أنها فابريقة بالكامل وهو ما أدهشنى وجدتها راشة خارجى ماعدا السقف وأيضا راشة شنب ومغيرة فوانيس أمامى وإكصدام ورادياتير !!!!
عموما الغالى تمنه فيه لكن هناك فعلا مبالغات فى الأسعار للسيارة التى بحالة جيدة جدا وأعتقد كل واحد حر فى ثمن البيع (ومن حكم فى ماله فما ظلم )وليس هناك مشكلة للشارى فى هذا فعليه عرض سعر السوق وإذا لم يقبل البائع فشكرا وتمنياتنا له بالتوفيق

mercedes
24-04-2010, 01:54 AM
السلام عليكم و رحمة الله و بركاته

أنا كنت عاوز أسأل عن السعر الحالى بتاع :

المرسيدس العيون موديل 1998 الألمانى , فابريقة بره و جوة و عاملة 90000 كم جميع الكماليات و أتوماتيك ؟؟؟

شكرا و جزاكم الله كل خير

MERCEDES S430

dr_maged
24-04-2010, 02:51 AM
د/تامر

شاهين 2007 كاملة حالتها كويسة جدااا تعمل كام وهل سهلة فى اعادة البيع ؟؟؟

dr_ahmed222
24-04-2010, 12:13 PM
سوزوكي سويفت
موديل 1994
1300سى سى | 94000كم


صاحبها بيقول العربيه ياباني كامله اوتوماتيك الفتيس بتاع بلادها فابريقه دواخل حاله ممتازه
بيقول 34 ألف قابل للتفاوض البسيط
لو الحاله زي ما وصف تساوي كام؟

د0تامر محمد
24-04-2010, 01:31 PM
سوزوكي سويفت
موديل 1994
1300سى سى | 94000كم


صاحبها بيقول العربيه ياباني كامله اوتوماتيك الفتيس بتاع بلادها فابريقه دواخل حاله ممتازه
بيقول 34 ألف قابل للتفاوض البسيط
لو الحاله زي ما وصف تساوي كام؟
مع كامل إحترامى له ده سعر يمكن الحصول علية فى الحلم فقط فمعقول يكون تمن سويفت مثل لانسر بطة موديل السنة وكذلك أكسنت موديل 98 كاملة؟؟؟؟؟؟؟؟؟؟؟؟

د0تامر محمد
24-04-2010, 01:34 PM
د/تامر



شاهين 2007 كاملة حالتها كويسة جدااا تعمل كام وهل سهلة فى اعادة البيع ؟؟؟


تساوى 55000
سوقها ماشى ولها محبيها

د0تامر محمد
24-04-2010, 01:36 PM
السلام عليكم و رحمة الله و بركاته


أنا كنت عاوز أسأل عن السعر الحالى بتاع :

المرسيدس العيون موديل 1998 الألمانى , فابريقة بره و جوة و عاملة 90000 كم جميع الكماليات و أتوماتيك ؟؟؟

شكرا و جزاكم الله كل خير

MERCEDES S430

تساوى 180000 لهذه الحالة المتميزة

sasahassan
24-04-2010, 01:39 PM
السلام عليكم ورحمه الله
انا الأول بجد احييك على الموضوع اللى اكتر من رائع
بجد ربنا يجزيك خير عنا و عن كل واحد بيستفاد منه
بص بقى يادكتور انا بابا قفشه معاه انو يجيب عربيه صينى
واللل ادمنا نوعين هما ال مابل و ال بى واى دى اف 3
ياترا انت تنصحنى ب ايه
وايه احسن نوع صينى موجود
ولو عايز جيب مستعمل فى حدود 40000-50000 اجيب ايه
وجزاك الله خير

yousrysss
25-04-2010, 12:35 AM
السلام عليكم ورحمه الله وبركاته
جزاكم الله خير الجزاء على هذا المجهود الاكثر من رائع وان شاء الله في ميزان حسناتك
كنت اريد ان اعرف ثمن هيونداي اكسنت موديل 98 او 99 كامله 1500 - سي سي تعمل كام لاني نازل السوق يوم الجمعه وعاوز اعرف العربيه في حدود من كام الى كام
والف شكر على مجهودك معانا

د0تامر محمد
25-04-2010, 02:54 AM
السلام عليكم ورحمه الله وبركاته
جزاكم الله خير الجزاء على هذا المجهود الاكثر من رائع وان شاء الله في ميزان حسناتك
كنت اريد ان اعرف ثمن هيونداي اكسنت موديل 98 او 99 كامله 1500 - سي سي تعمل كام لاني نازل السوق يوم الجمعه وعاوز اعرف العربيه في حدود من كام الى كام
والف شكر على مجهودك معانا

تساوى من 35-38 تمنياتى لك بالتوفيق

د0تامر محمد
25-04-2010, 02:57 AM
السلام عليكم ورحمه الله
انا الأول بجد احييك على الموضوع اللى اكتر من رائع
بجد ربنا يجزيك خير عنا و عن كل واحد بيستفاد منه
بص بقى يادكتور انا بابا قفشه معاه انو يجيب عربيه صينى
واللل ادمنا نوعين هما ال مابل و ال بى واى دى اف 3
ياترا انت تنصحنى ب ايه
وايه احسن نوع صينى موجود
ولو عايز جيب مستعمل فى حدود 40000-50000 اجيب ايه
وجزاك الله خير
من آراء المجربين البى واى دى سمعتها جيدة والناس بتتكلم عنها كويس والمابل ككل الجيلى عليها ملاحظات(ربما الإم كيه الأفضل فى الجيلى)
بالنسبة للجيب فى هذه الفئة السعرية القيتارا

yousrysss
25-04-2010, 10:40 AM
تساوى من 35-38 تمنياتى لك بالتوفيق

الف شكر على ردك يا دكتور سؤال اخر لو سمحت
لو معايا ال 35 الف جنيه ياترى الاكسنت اختيار كويس ولا ممكن اجيب حاجه ثانيه بدل الاكسنت وموديل 99
انا برضو عاوز حاجه باور وتكييف وسنتر
وشكرا على اهتمامك

د0تامر محمد
25-04-2010, 02:20 PM
الف شكر على ردك يا دكتور سؤال اخر لو سمحت
لو معايا ال 35 الف جنيه ياترى الاكسنت اختيار كويس ولا ممكن اجيب حاجه ثانيه بدل الاكسنت وموديل 99
انا برضو عاوز حاجه باور وتكييف وسنتر
وشكرا على اهتمامك
الأكسنت تعد أفضل إختيار فى هذه الفئة السعرية

dr_maged
25-04-2010, 05:13 PM
كنت عاوز اعرف متوسط اسعار العربيات دى يا د / تامر

اكسيل 93 - 97 حالتها كويسة 1500 كاملة مانيوال
شاهين من 93 - 99
فليشيا 95 - 98 حالتها كويسة برضوا

د0تامر محمد
26-04-2010, 12:40 AM
كنت عاوز اعرف متوسط اسعار العربيات دى يا د / تامر

اكسيل 93 - 97 حالتها كويسة 1500 كاملة مانيوال
شاهين من 93 - 99
فليشيا 95 - 98 حالتها كويسة برضوا

الإكسيل من 28-34
الشاهين من 24-33
الفيليشيا من25-30

ihab negm
26-04-2010, 04:56 AM
السلام عليكم عايز اشتري عربية ب42000 تكون كويسة عائلية قطع غيار رخيصة ومتوفرة ومشاكلها قليلة ومطلوبة عند البيع وشكلها الخارجي محترم فهل لانوس 2 تنفع ولا في حاجه افضل وياريت الموديل ولكم جزيل الشكر

ihab negm
26-04-2010, 05:01 AM
لو سمحت يا دكتورعربية في حدود 42000 لعائلة قطع غيارهامتوفرة ورخيصة ومشاكلها مش كتير ومتورها جامد وفخمة شويه ومطلوبة عند البيع تنفع اللانوس2 ولو تنفع موديل كام ولو لأ ايه البديل

د0تامر محمد
26-04-2010, 12:35 PM
لو سمحت يا دكتورعربية في حدود 42000 لعائلة قطع غيارهامتوفرة ورخيصة ومشاكلها مش كتير ومتورها جامد وفخمة شويه ومطلوبة عند البيع تنفع اللانوس2 ولو تنفع موديل كام ولو لأ ايه البديل
أفضل إختيار فى هذه الفئة السعرية

shimooo
26-04-2010, 01:06 PM
ياريت لو امكن عرض بعض السيارات المستعملة لديكم التى يمكن شرائها بالتقسيط واضافة ولو قليل من التفاصيل حتى نتمكن من الاختيار انا فى حاجة لشراء سيارة بالتقسيط

zizophone
26-04-2010, 01:46 PM
ياريت لو امكن عرض بعض السيارات المستعملة لديكم التى يمكن شرائها بالتقسيط واضافة ولو قليل من التفاصيل حتى نتمكن من الاختيار انا فى حاجة لشراء سيارة بالتقسيط


احب بس اوضح ان الدوك تامر مش تاجر ولا صاحب معرض هو بيرد وبيسعر العربيات من خبرته الواسعة في مجال السيارات , انما هو في فعلا موضوع في المنتدي بخصوص طلب حضرتك ممكن تراجع اللينك دة http://masrmotors.com/vb/forumdisplay.php?f=62

els3idy
26-04-2010, 04:21 PM
أنصحك وبشدة بال نوبيرا 97-98 مانيوال
أو كريستالة لانسر لو ربنا وفقك لواحدة رخيصة

ramy01011
26-04-2010, 06:34 PM
لو رايح اشتري عربية مستعملة اخد معايا مين بالظبط تاجر عربيات بيفهم في العربيات بحكم شغلة و لا ميكانيكي ؟ انا معروض عليا كورولا 2003 اوتوماتك فبريكة برة و جوة اوتوماتك فل اوبشن ماشية 130 الف كيلو صاحبها عايز فيها 75000 يا تري ده كويس و لا اية؟

zizophone
26-04-2010, 07:49 PM
لو رايح اشتري عربية مستعملة اخد معايا مين بالظبط تاجر عربيات بيفهم في العربيات بحكم شغلة و لا ميكانيكي ؟ انا معروض عليا كورولا 2003 اوتوماتك فبريكة برة و جوة اوتوماتك فل اوبشن ماشية 130 الف كيلو صاحبها عايز فيها 75000 يا تري ده كويس و لا اية؟

اولا الف مبروك مقدما :GROWIN~12: وربنا يكرمك بيها ان شاء الله لو كانت كويسة وحلوة ويبعدك عنها لو كانت وحشة .




ثانيا بانسبة للسعر ptmnlo123per118 هي تعتبر غالية حبتين ياعني 2003 وماشية 130 الف كيلو كتير بردك ياعني انا في رايي لو تعرف تخلصها على 71 72 يبقي حلو انما كدة تعتبرغالية , الا لو كنت ركبتها وشايف ان حالتها كويسة دي حاجة ترجعلك.



ثالثا بقي موضوع الكشف عليها والله حضرتك لما كنت بشتري عربيتي الكورولا ال 2005 كان ليا راي مش عارف يعجب حضرتك ولا ايه :CHUBBY~36:

وانا رايح اشتري كنت بفكر ptmnlo123per118 في اني اخد سمكري و ميكانيكي بس لما قعدت افكر قولت طيب هو الميكانيكي حيفهم ايه في المكنة ولو فهم حيقدر يقولي حالتها ايه ولو قال حيعرف في الفتيس الاوتماتيك اصلا ولا في العفشة ولا حتي حيعرف الزيت المستخدم كويس ولا وحش والسمكري طيب مهي لو معموله صح قوووي مش حتبان وبردك حتدخل عليه .

قولت ptmnlo123per147 ماندي العيش لخبازة واروح التوكيل واعمل كشف بيع وشراء و صيانة كاملة وهو الي يقولي حالة العربية من ( مكنة - عفشة - الات جر - فتيس - كهربا - كاوتش ) واهو اعرف راي التوكيل فيها , وقولت مش بيقول فبريكة برا وجوة والتوكيل كدة كدة بيتلكك اصلا على اي حاجة متغيرة او مرشوشة برا وفي الكشف بيبص على القنطرة وعلى الشاسية بالكامل و العفشة ولو في اي خربوش في الدواخل بيقول عليه .


رابعا بالنسبة لتوكيل تويتا عندهم كشف البيع دة طريقتين

أ- كشف من غير زوايا (صاج - عفشة - كبس ماتور - كبس فتيس ) ودة بياخد وقت ساعة ونص وبيكلف 150 جنية .

ب- كشف بزوايا ( صاج - عفشة - كشف على القنطرة والزوايا والعفشة - كبس ماتور - كبس فتيس - سيور - فلاتر - كهربا -الحالة العامة للسيارة - تكاليف الصيانة) + ظبط زوايا للسيارة ودة بياخد وقت ساعتين ونص وبيكلف 250 جنية .

واكيد طبعا انا اخترت ابو 250 جنية لان دي فلوس وبتتدفع .

ويا باشا انا تحت امرك في اي حاجة تحتاجها ويارب اكون افدتك ptmnlo123per133

ramy01011
26-04-2010, 08:08 PM
اولا الف مبروك مقدما :GROWIN~12: وربنا يكرمك بيها ان شاء الله لو كانت كويسة وحلوة ويبعدك عنها لو كانت وحشة .




ثانيا بانسبة للسعر ptmnlo123per118 هي تعتبر غالية حبتين ياعني 2003 وماشية 130 الف كيلو كتير بردك ياعني انا في رايي لو تعرف تخلصها على 71 72 يبقي حلو انما كدة تعتبرغالية , الا لو كنت ركبتها وشايف ان حالتها كويسة دي حاجة ترجعلك.



ثالثا بقي موضوع الكشف عليها والله حضرتك لما كنت بشتري عربيتي الكورولا ال 2005 كان ليا راي مش عارف يعجب حضرتك ولا ايه :CHUBBY~36:

وانا رايح اشتري كنت بفكر ptmnlo123per118 في اني اخد سمكري و ميكانيكي بس لما قعدت افكر قولت طيب هو الميكانيكي حيفهم ايه في المكنة ولو فهم حيقدر يقولي حالتها ايه ولو قال حيعرف في الفتيس الاوتماتيك اصلا ولا في العفشة ولا حتي حيعرف الزيت المستخدم كويس ولا وحش والسمكري طيب مهي لو معموله صح قوووي مش حتبان وبردك حتدخل عليه .

قولت ptmnlo123per147 ماندي العيش لخبازة واروح التوكيل واعمل كشف بيع وشراء و صيانة كاملة وهو الي يقولي حالة العربية من ( مكنة - عفشة - الات جر - فتيس - كهربا - كاوتش ) واهو اعرف راي التوكيل فيها , وقولت مش بيقول فبريكة برا وجوة والتوكيل كدة كدة بيتلكك اصلا على اي حاجة متغيرة او مرشوشة برا وفي الكشف بيبص على القنطرة وعلى الشاسية بالكامل و العفشة ولو في اي خربوش في الدواخل بيقول عليه .


رابعا بالنسبة لتوكيل تويتا عندهم كشف البيع دة طريقتين

أ- كشف من غير زوايا (صاج - عفشة - كبس ماتور - كبس فتيس ) ودة بياخد وقت ساعة ونص وبيكلف 150 جنية .

ب- كشف بزوايا ( صاج - عفشة - كشف على القنطرة والزوايا والعفشة - كبس ماتور - كبس فتيس - سيور - فلاتر - كهربا -الحالة العامة للسيارة - تكاليف الصيانة) + ظبط زوايا للسيارة ودة بياخد وقت ساعتين ونص وبيكلف 250 جنية .

واكيد طبعا انا اخترت ابو 250 جنية لان دي فلوس وبتتدفع .

ويا باشا انا تحت امرك في اي حاجة تحتاجها ويارب اكون افدتك ptmnlo123per133



شكرا للإفاده انا ناوي اعمل كده فعلا ان شاء الله انا بس كنت يتكلم عن الفحص المبدئي قبل ما ادفع عربون لصاحب العربية يعني مين اللي يقدر يقول العربية دي تمام عربن وروح اعمل الفحص ؟

ramy01011
26-04-2010, 08:40 PM
شكرا للإفاده انا ناوي اعمل كده فعلا ان شاء الله انا بس كنت يتكلم عن الفحص المبدئي قبل ما ادفع عربون لصاحب العربية يعني مين اللي يقدر يقول العربية دي تمام عربن وروح اعمل الفحص ؟
سؤال كمان 2003 يعني بقالها 7 سنين يعني هنقول 130 / 7 يعني حوالي 18600 كيلو في السنة ياتري ده ستعمال معقول ولا كتير , طيب الاستخدام المعقول يكون كام كيلو في السنة ؟

HUMMER2009
26-04-2010, 09:17 PM
اناا عاوز اعرف سعر هوندا سيفيكSIRوSIموديل 1994و1998
وايهما افضل والسيفيك1994فيها ABS

د0تامر محمد
27-04-2010, 12:14 AM
لو رايح اشتري عربية مستعملة اخد معايا مين بالظبط تاجر عربيات بيفهم في العربيات بحكم شغلة و لا ميكانيكي ؟ انا معروض عليا كورولا 2003 اوتوماتك فبريكة برة و جوة اوتوماتك فل اوبشن ماشية 130 الف كيلو صاحبها عايز فيها 75000 يا تري ده كويس و لا اية؟
مش المهم التصنيف لكن المهم الأمانة والخبرة وكشف التوكيل هو الأفضل
السعر يبدو جيد مقارنة بالحالة ولو نزلت ألف ولا إتنين تبقى ممتازة

نادر الشحات
27-04-2010, 12:15 AM
يا استاذك الكريم انا ناوى والنيه لله انى اشترى تيمبرا ايه راى سياتك فيها هل هى عمليه وايه اخبار قطع الغيار هل هى فى الاسعار المعقوله وله غاليه وحدود ثمنها لو موديل 97الى 99 وكويسه ولك جزيل الشكر

د0تامر محمد
27-04-2010, 12:19 AM
يا استاذك الكريم انا ناوى والنيه لله انى اشترى تيمبرا ايه راى سياتك فيها هل هى عمليه وايه اخبار قطع الغيار هل هى فى الاسعار المعقوله وله غاليه وحدود ثمنها لو موديل 97الى 99 وكويسه ولك جزيل الشكر
سيارة جيدة وقطع غيارها موجودة ومعقولة
مو97-99=34-39 حسب الحالة

hemaabdalla
27-04-2010, 12:51 AM
فيرنا حالة شاذة 2008

د0تامر محمد
27-04-2010, 01:10 AM
اناا عاوز اعرف سعر هوندا سيفيكSIRوSIموديل 1994و1998


وايهما افضل والسيفيك1994فيها ABS


مو94=45
مو95=48
مو96-97=50-55

مو98= 58
الsi = موتور 1600 إنجكشن DOHCيولد قدرة 130 حصان وبها عفشة رياضية والsirهى بموتور v-tech وهو أكثر تطورا وتوفيرا للوقود
وقطع غيار الsi يقال أنها متوفرة أكثر

د0تامر محمد
27-04-2010, 01:12 AM
فيرنا حالة شاذة 2008

1500 ولا 1600 كاملة ولا هاف ؟ فابريقة ولا0000

د0تامر محمد
27-04-2010, 01:14 AM
سؤال كمان 2003 يعني بقالها 7 سنين يعني هنقول 130 / 7 يعني حوالي 18600 كيلو في السنة ياتري ده ستعمال معقول ولا كتير , طيب الاستخدام المعقول يكون كام كيلو في السنة ؟
إستخدام معقول فى المتوسط يعنى من 15-20

tramadol22
27-04-2010, 12:29 PM
السلام عليكم دكتور تامر:
معروض عليه سياره jetta 2008 base line مطلوب فيها 115.000 حاله ممتازه رشه كله نظافة ما عدا السقف عمله 70.000 فيها زيادة جنوط. أرجو الرد السريع للأهمية

بانوراما*
27-04-2010, 12:49 PM
السلام عليكم يا دكتور تامر

استأذنك تقيم لى السيارات التاليه من حيث

القوة والقدرة على التحمل

وقطع الغيار هلى هى معمرة ام ضعيفة ومدى توافرها وسعرها غالى ام معقول

واخيرا السعر العادل لكل سيارة


ميرا 92 -94
ماروتى 98 -2000
برودوا كانشيل 98 - 2000

انا حدود ميزانيتى من 18000 الى 20000 هل هناك حاجة افضل فى ظل الميزانيه المحددة

مع العلم انى سوف اتنقل بها داخل المدينه واستخدامى الاساسى سوف يكون توصيل اولادى المدرسه وبالتالى عايزة عربيه ما توقفش منى فى الطريق وماينفعش ادورها الصبح ماتدورش

جزاك الله خيرا
مع خالص شكرى وتحياتى

yousrysss
27-04-2010, 02:21 PM
السلام علكيم ورحمه الله وبركاته
انا عاوز اشتري عربيه اكسنت موديل 2000 عاوز اعرف سعرها كام
وهل تفرق كتير عن موديل 98 1500 سي سي ولا مش هتفرق اوي
وشكرا

baktrya
27-04-2010, 07:51 PM
كورسا 2003 2004 2005 تعملها كام وى ماكنش ظالم صحبها ولا ظالم نفسى ptmnlo123per122

أبو اياد
27-04-2010, 07:58 PM
مشكور على المجهود الجبار كنت عايز أسأل عن فولكس بولو 2000 أو 2001

remo12
27-04-2010, 08:17 PM
د/تامر ارجو معرفة سعر اكسنت موديل 2006 1500سىسى وشكرا على المجهود الرائع

د0تامر محمد
28-04-2010, 12:12 AM
د/تامر ارجو معرفة سعر اكسنت موديل 2006 1500سىسى وشكرا على المجهود الرائع
أعتقد ان الاكسنت ال2006 آخر القديم ال1300 والنيو أكسنت ال1600 !!

د0تامر محمد
28-04-2010, 12:17 AM
مشكور على المجهود الجبار كنت عايز أسأل عن فولكس بولو 2000 أو 2001

تساوى 38-42

د0تامر محمد
28-04-2010, 12:22 AM
كورسا 2003 2004 2005 تعملها كام وى ماكنش ظالم صحبها ولا ظالم نفسى ptmnlo123per122
من 45-53 للفابريقة

د0تامر محمد
28-04-2010, 12:35 AM
السلام علكيم ورحمه الله وبركاته
انا عاوز اشتري عربيه اكسنت موديل 2000 عاوز اعرف سعرها كام
وهل تفرق كتير عن موديل 98 1500 سي سي ولا مش هتفرق اوي
وشكرا
فيه 2000 ال1500 وال1300 هل تقصد الفرق بين ال1300 وال1500 طبعا ال1500 موتور إنجكشن وأقوى وفيها كماليات ولا تقصد الفرق السعرى وده يفرق فى حدود 5000

د0تامر محمد
28-04-2010, 12:39 AM
السلام عليكم يا دكتور تامر

استأذنك تقيم لى السيارات التاليه من حيث

القوة والقدرة على التحمل

وقطع الغيار هلى هى معمرة ام ضعيفة ومدى توافرها وسعرها غالى ام معقول

واخيرا السعر العادل لكل سيارة


ميرا 92 -94 =19-23
ماروتى 98 -2000 =17-20
برودوا كانشيل 98 - 2000=19-22

انا حدود ميزانيتى من 18000 الى 20000 هل هناك حاجة افضل فى ظل الميزانيه المحددة

مع العلم انى سوف اتنقل بها داخل المدينه واستخدامى الاساسى سوف يكون توصيل اولادى المدرسه وبالتالى عايزة عربيه ما توقفش منى فى الطريق وماينفعش ادورها الصبح ماتدورش

جزاك الله خيرا
مع خالص شكرى وتحياتى



وجهة نظرى الشخصية الميرا أفضل لكن قطع غيارها ليست متوفرة مثل الماروتى

massoft
28-04-2010, 12:43 AM
بشكرك كل الشكر على التوبك المميز ده
يا دكتور تامر

د0تامر محمد
28-04-2010, 12:43 AM
السلام عليكم دكتور تامر:
معروض عليه سياره jetta 2008 base line مطلوب فيها 115.000 حاله ممتازه رشه كله نظافة ما عدا السقف عمله 70.000 فيها زيادة جنوط. أرجو الرد السريع للأهمية

سعر جيد لكن إفحصها جيدا لأنها راشة بره بالكامل وموديلها قريب

massoft
28-04-2010, 12:48 AM
استسمحك بس فى طلب.....

**سكودا اكتافيا 2009 لو غيرت شنطة
اعرف ابيعها بكام

**و لو بعتها على حالتها دى تجيب كام

ارجو الافادة

و بكرر شكرى ليك على موضوعك الاكثر من مميز و رائع

farawl
28-04-2010, 01:19 AM
انا كنت سالتك قبل كدة عن الاكسل ولااكسنت وكنت محتار فيهم دلوقت في ناس اقتراحت عليا اشترى بيجو 405 1600 موديل قبل 94
بس انا خايف من قطع غيار مع العلم ان الاكسل او الاكسنت قطع الغير رخصية لكن غير معمرة فا يا ترى هل اشترى البيجو وكنت عايز اعرف بيجو سعرها كام وموديلاتها الفرنساوى بكام واية هو ومميزاتها وعيوبها المموديلات

massoft
28-04-2010, 01:48 AM
استسمحك بس فى طلب.....


**سكودا اكتافيا 2009 لو غيرت شنطة
اعرف ابيعها بكام

**و لو بعتها على حالتها دى تجيب كام

ارجو الافادة


و بكرر شكرى ليك على موضوعك الاكثر من مميز و رائع
<!-- / message --><!-- sig -->

د0تامر محمد
28-04-2010, 01:50 AM
استسمحك بس فى طلب.....

**سكودا اكتافيا 2009 لو غيرت شنطة
اعرف ابيعها بكام

**و لو بعتها على حالتها دى تجيب كام

ارجو الافادة


و بكرر شكرى ليك على موضوعك الاكثر من مميز و رائع

مغيرة شنطة يعنى ربع ولا غطاء الشنطة الخلفى فقط والسيارة أيه فايف؟

د0تامر محمد
28-04-2010, 01:52 AM
انا كنت سالتك قبل كدة عن الاكسل ولااكسنت وكنت محتار فيهم دلوقت في ناس اقتراحت عليا اشترى بيجو 405 1600 موديل قبل 94
بس انا خايف من قطع غيار مع العلم ان الاكسل او الاكسنت قطع الغير رخصية لكن غير معمرة فا يا ترى هل اشترى البيجو وكنت عايز اعرف بيجو سعرها كام وموديلاتها الفرنساوى بكام واية هو ومميزاتها وعيوبها المموديلات
البيجو كسيارة طبعا أفضل أداء وثبات وعمر إفتراضى لجودة الخامات لكن مكلفة فى قطع الغيار والصيانة عن الهيونداى
موديلات أوائل التسعينات النظيفة تدور حول الأربعين ألف

love-legend
28-04-2010, 03:14 PM
اية الاخبار يا دكتور ، عاوزك تقيملى العربيات التالية بالنجوم يا دكتور ، كل عربية تاخد كام نجمة :
* هيونداى اكسل 95 كماليات
* فيات بونتو 95 كماليات
* سوزوكى سويفت 95 كماليات
* سيات ابيزا 94 كماليات

love-legend
28-04-2010, 07:33 PM
وياريت يا دكتور تضيف ضمن التقييم الفيات فلوريدا 2005 & الفيات الاونو 94

د0تامر محمد
29-04-2010, 12:41 AM
اية الاخبار يا دكتور ، عاوزك تقيملى العربيات التالية بالنجوم يا دكتور ، كل عربية تاخد كام نجمة :
* هيونداى اكسل 95 كماليات *****
* فيات بونتو 95 كماليات ***
* سوزوكى سويفت 95 كماليات ***
* سيات ابيزا 94 كماليات ****



أونو 94 **
فلوريدا *

banhaawy
29-04-2010, 01:54 AM
ياريت يادكتور رأى حضرتك ..
الافضل اكسيل كاملة اوتو 97 ولا اكسنت 98 كاملة اوتو ولا سويفت 95 برضه كاملة اوتو واسعارهم حوالى كام وكله فابريقه جوه وسبب تفضيل حضرتك لنوع معين

د0تامر محمد
29-04-2010, 11:18 AM
ياريت يادكتور رأى حضرتك ..
الافضل اكسيل كاملة اوتو 97 ولا اكسنت 98 كاملة اوتو ولا سويفت 95 برضه كاملة اوتو واسعارهم حوالى كام وكله فابريقه جوه وسبب تفضيل حضرتك لنوع معين
الأكسنت بعديها إكسيل بعديها أكسنت
الاكسيل 97=34
الاكسنت 98=38
السويفت95=28
الاكسنت اكثر إعتمادية وقليلة الاعطال وقطع غيارها متوفرة جدا

MahmoudSelim
29-04-2010, 02:22 PM
السلام عليكم يا دكتور تامر
سيارة تويوتا كورولا موديل 94 1300cc فابريقة بالكامل عدا مرمات خفيفة من الاجناب اوتوماتيك وحالتها جيدة جدا ورشة اكصادمين وكاوتش جديد . تعمل كام يا دكتور طبقا لاسعار السوق الحقيقية؟
واذا تكرمت رأي حضرتك في الموديل دا من الكورولا؟

avocato_mm
29-04-2010, 02:33 PM
ايه افضل سيارة ممكن اجيبها ب 35000

banhaawy
29-04-2010, 09:10 PM
معلش يادكتور تعبتك معايا بس ليا استفسار وعايز رأيك فى الهيونداى اكسيل اوتو لأن فى ناس بتقول الاوتو فيها مش كويس .. وانا محتار بينها وبين السويفت اوتو

smartghost911
29-04-2010, 09:55 PM
دايو لانوس 2010 كاملة عاملة 6000 كيلو مترخصة سنة مرور مدينتى و العربية بحالة الزيرو ..فابريقة و جميع الكماليات تعمل بكفاءة ..
يا ترى أشتريها كأول عربية ليا هبيعها بعد سنتين و مش عايز أجوع قلبى مع الميكانيكية و أريد سيارة أعتمادية و موفرة ؟؟
و يا ترى أدفع فيها كام ؟؟؟

د0تامر محمد
30-04-2010, 12:54 PM
دايو لانوس 2010 كاملة عاملة 6000 كيلو مترخصة سنة مرور مدينتى و العربية بحالة الزيرو ..فابريقة و جميع الكماليات تعمل بكفاءة ..
يا ترى أشتريها كأول عربية ليا هبيعها بعد سنتين و مش عايز أجوع قلبى مع الميكانيكية و أريد سيارة أعتمادية و موفرة ؟؟
و يا ترى أدفع فيها كام ؟؟؟
تساوى 60000
سيارة جيدة وقليلة الاعطال

د0تامر محمد
30-04-2010, 12:56 PM
معلش يادكتور تعبتك معايا بس ليا استفسار وعايز رأيك فى الهيونداى اكسيل اوتو لأن فى ناس بتقول الاوتو فيها مش كويس .. وانا محتار بينها وبين السويفت اوتو
كل الكورى عليه ملاحظات فى الاوتو وكذلك السويفت وأعتقد أن الاكسيل كسيارة افضل من السويفت

د0تامر محمد
30-04-2010, 12:57 PM
ايه افضل سيارة ممكن اجيبها ب 35000
اكسنت ال1300 مو99-2000

د0تامر محمد
30-04-2010, 12:58 PM
السلام عليكم يا دكتور تامر
سيارة تويوتا كورولا موديل 94 1300cc فابريقة بالكامل عدا مرمات خفيفة من الاجناب اوتوماتيك وحالتها جيدة جدا ورشة اكصادمين وكاوتش جديد . تعمل كام يا دكتور طبقا لاسعار السوق الحقيقية؟
واذا تكرمت رأي حضرتك في الموديل دا من الكورولا؟


تساوى 45000
سيارة جيدة ومحبوبة وذات سمعة جيدة

ramy6_1
30-04-2010, 02:21 PM
Tab ya Dr aeh ra2yk fe el Daihatsu Mira aw Shareed ..aeh el range beta3ha we bafkar agebha,ya reeet 7ad yefhmne
<!-- / message --> <!-- controls --> http://www.masrmotors.com/vb/AboNoRa_BlueBlack/buttons/quote.gif (http://www.masrmotors.com/vb/newreply.php?do=newreply&p=173465)

engsisi
30-04-2010, 06:21 PM
بقولك اية يا دكتور : لو واحد معاة حوالى من 20 ل 22 الف جنية ، انتة اية رايك يجيب اى السيارات التالية :

* لادا 2107 موديل 1994
* فيات 128 موديل 1990
*جيلى Mk موديل 2004

*ولو فى حاجة تانية قدامك شايفها احسن ياريت تقولى

هل الجيلى ال MK سعرها من 20 الى 22 الف ؟؟؟
ال MK الى اعرفها شكلها الى حد ما مقتبس من الاوبل فيكترا ؟ ياريت لو امكن الدكتور تامر يقول لنا اسعار موديلاتها وتقييمه لها

smartghost911
30-04-2010, 07:00 PM
عزيزى الدكتور تامر (عسى أن يرزقنى الله صداقتك يوماُ)
نظراُ لعدم وجود أى سيارة مستعملة مناسبة بحالة ترضينى قررت أشترى جديد و أهو بالمرة أجيب أوتوماتيك علشان الزحمة و لأنى لسه مبتدأ
و فى حدود الفلوس اللى معايا أقدر أجيب I10 أوتوماتيك زيرو ..
يا ريت يا دكتور أعرف رأى حضرتك و لو فى ترشيحات أحسن ؟

و كمحاولة أخيرة فى سوق المستعمل هناك سيارة سبارك 2008 كاملة مانيوال فريكة برة و جوة و خبطة بسيطة فى الرفرف و هى استعمال دكتور زميلى و جارى من الزيرو و كان شاريها لنفس استخدامى .. و بثق فى ذوقه و أمانته ..
أنا عارف إنها معجبتش حضرتك من مشاركة سابقة بس معرفتش برضه سعرها العادل ؟!

د0تامر محمد
01-05-2010, 02:24 AM
هل الجيلى ال MK سعرها من 20 الى 22 الف ؟؟؟
ال MK الى اعرفها شكلها الى حد ما مقتبس من الاوبل فيكترا ؟ ياريت لو امكن الدكتور تامر يقول لنا اسعار موديلاتها وتقييمه لها
الموديلات الأولى من جيلى يا أما سى كيه يا فروته يا سباركى وأفضلهم السى كيه اما السباركى والفروته فسمعتهم سيئة اما الإم كيه فاحدث اعتقد من2006 وهى من أفضل موديلات الجيلى التى نزلت مصر

د0تامر محمد
01-05-2010, 02:28 AM
عزيزى الدكتور تامر (عسى أن يرزقنى الله صداقتك يوماُ)
نظراُ لعدم وجود أى سيارة مستعملة مناسبة بحالة ترضينى قررت أشترى جديد و أهو بالمرة أجيب أوتوماتيك علشان الزحمة و لأنى لسه مبتدأ
و فى حدود الفلوس اللى معايا أقدر أجيب I10 أوتوماتيك زيرو ..
يا ريت يا دكتور أعرف رأى حضرتك و لو فى ترشيحات أحسن ؟

و كمحاولة أخيرة فى سوق المستعمل هناك سيارة سبارك 2008 كاملة مانيوال فريكة برة و جوة و خبطة بسيطة فى الرفرف و هى استعمال دكتور زميلى و جارى من الزيرو و كان شاريها لنفس استخدامى .. و بثق فى ذوقه و أمانته ..
أنا عارف إنها معجبتش حضرتك من مشاركة سابقة بس معرفتش برضه سعرها العادل ؟!
الi10 سيارة جيدة وأفضل من السبارك
سبارك مو2008= 42000
وصداقتك شرف لى بالتأكيد

Sp!deR_MaN
01-05-2010, 09:26 AM
لو سمحت يا دكتور الابيزا 94 تعملها كام دلوقتى

لان سمعت تناقض فى السعر جامد

وشكرا

ramy6_1
01-05-2010, 12:35 PM
Tab ya Dr aeh ra2yk fe el Daihatsu Mira aw Shareed ..aeh el range beta3ha we bafkar agebha,ya reeet 7ad yefhmne

د0تامر محمد
01-05-2010, 03:22 PM
لو سمحت يا دكتور الابيزا 94 تعملها كام دلوقتى

لان سمعت تناقض فى السعر جامد

وشكرا
ومازال التناقض موجود يعنى ممكن تسمع 30 وممكن 25 وممكن فوق التلاتين وهذا يعود للحالة أحيانا وللأهواء أحيانا

rrzzkk
02-05-2010, 12:47 PM
السلام عليكم ممكن اسعار سيارة ريجاتا مو85 الحالة العامة فوق المتوسط

د0تامر محمد
03-05-2010, 01:06 AM
السلام عليكم ممكن اسعار سيارة ريجاتا مو85 الحالة العامة فوق المتوسط


تساوى 17000

tarek.saad
03-05-2010, 03:05 AM
Pasha,I need to know your openion about Hyundai Elantra 2006 Automatic.Also what is the current price of this used car.What should I do to check well this car not be a fraud case,
thank you for your support

د0تامر محمد
03-05-2010, 10:31 AM
Pasha,I need to know your openion about Hyundai Elantra 2006 Automatic.Also what is the current price of this used car.What should I do to check well this car not be a fraud case,
thank you for your support
تساوى 65000

محمد التهامى
03-05-2010, 11:39 AM
من فضلك يا دكتور سيارة فيات 131 مو81 اوتوماتيك الحالة العامة كويسة بها سنتر وباور تعمل كام

etsh1413202
03-05-2010, 02:01 PM
بعد اذنك يا دكتور عند عمي عربيه اوبل فكترا 95 اوتوماتيك عامله حوالي 200 الف كيلو بس فابريكا بره وجوه الحاله العامه فوق المتوسط ...... عايز يبيعها تجيب كام

شكرا مقدما

عاطف عبد الرحيم
03-05-2010, 02:42 PM
[شكرا يادكتور علي العلومات الجميلة عن الاسعار وارغب في شراء سيارة النترا موديل 2009 اوتوماتيك ياتري سعرها كام وشكرا

DR_ALIMO
03-05-2010, 11:50 PM
دكتور تامر مساء الانوار ويارب تكون بالف خير
فى 3 سيارات فيات 128
واحدة مو 77 عايزه شغل مطلوب فيها 13000
وواحدة تانيه مو 92 مطلوب 16 جيدة الحالة
وواحدة فى معرض سيارات فى القاهرة زميلى بيقللى انها لقطة مو 2006 مشيت 30000 كيلو بس ومطلوب 21 نهائى

ايه راى حضرتك فى الاسعار وهل هى منطقية
ومعلش فى السؤال (انا هدى الميكانيكى اللى جايبلى السيارة فى حدود كام مثلا )لانى معرفش التعاملات بتمشى الزاى
وشكرا

د0تامر محمد
04-05-2010, 12:46 AM
[شكرا يادكتور علي العلومات الجميلة عن الاسعار وارغب في شراء سيارة النترا موديل 2009 اوتوماتيك ياتري سعرها كام وشكرا
تساوى 85000

د0تامر محمد
04-05-2010, 12:49 AM
دكتور تامر مساء الانوار ويارب تكون بالف خير
فى 3 سيارات فيات 128
واحدة مو 77 عايزه شغل مطلوب فيها 13000
وواحدة تانيه مو 92 مطلوب 16 جيدة الحالة
وواحدة فى معرض سيارات فى القاهرة زميلى بيقللى انها لقطة مو 2006 مشيت 30000 كيلو بس ومطلوب 21 نهائى

ايه راى حضرتك فى الاسعار وهل هى منطقية
ومعلش فى السؤال (انا هدى الميكانيكى اللى جايبلى السيارة فى حدود كام مثلا )لانى معرفش التعاملات بتمشى الزاى
وشكرا

الأولى تساوى 10000
الثانية تساوى 18-22 حسب الحالة
الثالثة تساوى 25 يبقى فيه حاجة غلط أكيد
الميكانيكى تديله 100 جنيه لو جابلك سيارة حلوة ولكن لا تثق فيه أبدا

د0تامر محمد
04-05-2010, 12:50 AM
من فضلك يا دكتور سيارة فيات 131 مو81 اوتوماتيك الحالة العامة كويسة بها سنتر وباور تعمل كام
تساوى 20000-22000

د0تامر محمد
04-05-2010, 12:51 AM
بعد اذنك يا دكتور عند عمي عربيه اوبل فكترا 95 اوتوماتيك عامله حوالي 200 الف كيلو بس فابريكا بره وجوه الحاله العامه فوق المتوسط ...... عايز يبيعها تجيب كام

شكرا مقدما
تساوى 38000

elfaisal
04-05-2010, 04:36 AM
د تامر شكرا على ابداعك وتميزك فى المنتدى
رجاء
ياريت تذكر لى عيوب ومميزات المتسوبيشى جالانت 1990 اوتوماتيك
وتقولى ايه رأيك فيها بأمانه وصدق
والعربية حسب كلام الراجل راشه بره وفيها سمكره برضو بس مفيهاش اى حاجه جوا خالص
ياريت السعر وبعض البيانات علشان مش لاقى ناس كتير متكلمه عليها
شكرا لك

د0تامر محمد
04-05-2010, 08:47 AM
د تامر شكرا على ابداعك وتميزك فى المنتدى

رجاء
ياريت تذكر لى عيوب ومميزات المتسوبيشى جالانت 1990 اوتوماتيك
وتقولى ايه رأيك فيها بأمانه وصدق
والعربية حسب كلام الراجل راشه بره وفيها سمكره برضو بس مفيهاش اى حاجه جوا خالص
ياريت السعر وبعض البيانات علشان مش لاقى ناس كتير متكلمه عليها

شكرا لك

هى كسيارة من أفضل إصدارات ميتسوبيشى ولكن قطع الغيار غير متوفرة وإعادة البيع مش تمام
تساوى 36000

saidhosny
04-05-2010, 12:13 PM
دكتور تامر الخبير المحترم
شكرا لك على مساعداتك للجميع
ارجو الافادة عندى سيارة بيجو 405 موديل 97 مصرى حالتها جيدة جدا وفابريكة دواخل عاملة 160 الف كيلو تحتاج لسمكرة الكبوت وبوية ارجو الافادة عن السعر العادل فى حالة البيع
ولك تقديرى وتحياتى
سعيد

خالدعطا
04-05-2010, 01:49 PM
السلام عليكم لوسمحت دكتور تامر عاوز اعرف سعر العربية تويوتا يارس هاتشباك موديل 2004 فابريكة برة وجوة راشة رفرف فقط سعة موثور1000 وهل قطع الغيار متوفرة وتداولها في السوق كويس والالا ونشكر جهودك المتمرة معنا

elfaisal
04-05-2010, 04:44 PM
اسف يا دكتور
العربية لانسر 1990 مش جالانت
هيا لانسر 1990عيون صفيه وزى ما قولتلك باقى المواصفات
تكييف محتاج شحن وحاجه تانيه وبعض الاشياء الاخرى
والراجل عارضها على 27 الف جنيه بس فيها كلام تانى كتير يعنى تخلص على 24 ولسه عامله عمره وكدا ايه رأيك
أكمل >>!!!

ahmahm1981
04-05-2010, 09:17 PM
دكتور تامر عاوز اعرف سعر العربية <meta http-equiv="Content-Type" content="text/html; charset=utf-8"><meta name="ProgId" content="Word.Document"><meta name="Generator" content="Microsoft Word 11"><meta name="Originator" content="Microsoft Word 11"><link rel="File-List" href="file:///C:%5CUsers%5Ctcmc%5CAppData%5CLocal%5CTemp%5Cmsoht ml1%5C01%5Cclip_filelist.xml"><!--[if gte mso 9]><xml> <w:WordDocument> <w:View>Normal</w:View> <w:Zoom>0</w:Zoom> <w:PunctuationKerning/> <w:ValidateAgainstSchemas/> <w:SaveIfXMLInvalid>false</w:SaveIfXMLInvalid> <w:IgnoreMixedContent>false</w:IgnoreMixedContent> <w:AlwaysShowPlaceholderText>false</w:AlwaysShowPlaceholderText> <w:Compatibility> <w:BreakWrappedTables/> <w:SnapToGridInCell/> <w:WrapTextWithPunct/> <w:UseAsianBreakRules/> <w:DontGrowAutofit/> </w:Compatibility> <w:BrowserLevel>MicrosoftInternetExplorer4</w:BrowserLevel> </w:WordDocument> </xml><![endif]--><!--[if gte mso 9]><xml> <w:LatentStyles DefLockedState="false" LatentStyleCount="156"> </w:LatentStyles> </xml><![endif]--><style> <!-- /* Style Definitions */ p.MsoNormal, li.MsoNormal, div.MsoNormal {mso-style-parent:""; margin:0cm; margin-bottom:.0001pt; text-align:right; mso-pagination:widow-orphan; direction:rtl; unicode-bidi:embed; font-size:12.0pt; font-family:"Times New Roman"; mso-fareast-font-family:"Times New Roman";} @page Section1 {size:612.0pt 792.0pt; margin:72.0pt 90.0pt 72.0pt 90.0pt; mso-header-margin:36.0pt; mso-footer-margin:36.0pt; mso-paper-source:0;} div.Section1 {page:Section1;} --> </style><!--[if gte mso 10]> <style> /* Style Definitions */ table.MsoNormalTable {mso-style-name:"جدول عادي"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} </style> <![endif]-->ميتسوبيشي
لانسر 2006
1600 سى سى
68000 كيلو
رشه بره بالكامل فبريكه جوه

imiibr
05-05-2010, 09:41 AM
السلام عليكم
اخبارك ايه يا دكتور تامر اتمنى ان تكون بخير
من فتره كنت ناوى اشترى نيو اكسنت اوتومتك الشيب العادى بعد التخفيض بتاع الشهر ده عامله 82 الف جنيه بس لما سئلت ايه السبب فى التخفيض قالوا لى بسبب الموديل الجديد 2011 الى هينزل السنه ديه فى ناس بتقول انه هينزل بشكل جديد بس بصراحه انا اتردد بسبب لو المودل ده نزل سعر العربيه النيو اكسنت العاديه اكيد هينذل كتير فانا هخسر طبعا
فانا قولت اشترى مستعمل فامامى نيو اكسنت 2008 اوتومتك 41000 ك فابريكة برا و جوا، رخصة تنتهي سبتمبر 2011، رايك اخدها بكام و حضرتك شايف العربيه ديه حلوه ولو بسعر الى انت هتقول عليه حضرتك شايف ممكن اكيب ايه بدلها

Sp!deR_MaN
05-05-2010, 12:28 PM
لو سمحت يا دكتور ممكن اعرف سعر جولف 2 كماليات

وايه مميزاتها وعيوبها

tarek.saad
05-05-2010, 12:44 PM
Alsalam 3alaykom,
I need your support to know the current matket price for Elantra 2006 F/O ,A/T.
If available a car in a very good condition , please i need to C it immediately.Also , what would you buy if you have 65,000? Elantra 2006 or Lancer 2006 or Optra 2007.
Sorry , i can't write in Arabic because my computer problem.
Tarek Saad 0113373348
Thank you

د0تامر محمد
05-05-2010, 12:45 PM
دكتور تامر الخبير المحترم
شكرا لك على مساعداتك للجميع
ارجو الافادة عندى سيارة بيجو 405 موديل 97 مصرى حالتها جيدة جدا وفابريكة دواخل عاملة 160 الف كيلو تحتاج لسمكرة الكبوت وبوية ارجو الافادة عن السعر العادل فى حالة البيع
ولك تقديرى وتحياتى
سعيد
تساوى 45000

د0تامر محمد
05-05-2010, 01:05 PM
Alsalam 3alaykom,
I need your support to know the current matket price for Elantra 2006 F/O ,A/T.
If available a car in a very good condition , please i need to C it immediately.Also , what would you buy if you have 65,000? Elantra 2006 or Lancer 2006 or Optra 2007.
Sorry , i can't write in Arabic because my computer problem.
Tarek Saad 0113373348
Thank you
لانسر مو 2006 الافضل والاكثر إقتصادية

د0تامر محمد
05-05-2010, 01:06 PM
السلام عليكم لوسمحت دكتور تامر عاوز اعرف سعر العربية تويوتا يارس هاتشباك موديل 2004 فابريكة برة وجوة راشة رفرف فقط سعة موثور1000 وهل قطع الغيار متوفرة وتداولها في السوق كويس والالا ونشكر جهودك المتمرة معنا
للاسف معنديش فكرة عنها

د0تامر محمد
05-05-2010, 01:09 PM
اسف يا دكتور

العربية لانسر 1990 مش جالانت
هيا لانسر 1990عيون صفيه وزى ما قولتلك باقى المواصفات
تكييف محتاج شحن وحاجه تانيه وبعض الاشياء الاخرى
والراجل عارضها على 27 الف جنيه بس فيها كلام تانى كتير يعنى تخلص على 24 ولسه عامله عمره وكدا ايه رأيك

أكمل >>!!!

سعر جيد جدا

DR_ALIMO
05-05-2010, 01:10 PM
د تامر شاكرين مجهودك معانا
وعايز راى سعتك فى هوندا سيفيك مو 81 حالة عامة جيدة
وايه عيوب الهوندا وهل قطع غيارها غالية او صيانتها مكلفة
العربية مطلوب فيها 15000 هل السعر مناسب وشكرا
ام ان الفيات 128 احسن منها

د0تامر محمد
05-05-2010, 01:10 PM
دكتور تامر عاوز اعرف سعر العربية <META content=Word.Document name=ProgId><META content="Microsoft Word 11" name=Generator><META content="Microsoft Word 11" name=Originator><LINK href="file:///C:%5CUsers%5Ctcmc%5CAppData%5CLocal%5CTemp%5Cmsoht ml1%5C01%5Cclip_filelist.xml" rel=File-List><STYLE> <!-- /* Style Definitions */ p.MsoNormal, li.MsoNormal, div.MsoNormal {mso-style-parent:""; margin:0cm; margin-bottom:.0001pt; text-align:right; mso-pagination:widow-orphan; direction:rtl; unicode-bidi:embed; font-size:12.0pt; font-family:"Times New Roman"; mso-fareast-font-family:"Times New Roman";} @page Section1 {size:612.0pt 792.0pt; margin:72.0pt 90.0pt 72.0pt 90.0pt; mso-header-margin:36.0pt; mso-footer-margin:36.0pt; mso-paper-source:0;} div.Section1 {page:Section1;} --> </STYLE>ميتسوبيشي
لانسر 2006
1600 سى سى
68000 كيلو
رشه بره بالكامل فبريكه جوه


تساوى 67000

د0تامر محمد
05-05-2010, 01:11 PM
د تامر شاكرين مجهودك معانا
وعايز راى سعتك فى هوندا سيفيك مو 81 حالة عامة جيدة
وايه عيوب الهوندا وهل قطع غيارها غالية او صيانتها مكلفة
العربية مطلوب فيها 15000 هل السعر مناسب وشكرا
ام ان الفيات 128 احسن منها
السعر جيد ولكن قطع الغيار والصيانة ستكون مكلفة خاصة مع عدم توافر قطع الغيار للموديلات القديمة

د0تامر محمد
05-05-2010, 01:15 PM
السلام عليكم
اخبارك ايه يا دكتور تامر اتمنى ان تكون بخير
من فتره كنت ناوى اشترى نيو اكسنت اوتومتك الشيب العادى بعد التخفيض بتاع الشهر ده عامله 82 الف جنيه بس لما سئلت ايه السبب فى التخفيض قالوا لى بسبب الموديل الجديد 2011 الى هينزل السنه ديه فى ناس بتقول انه هينزل بشكل جديد بس بصراحه انا اتردد بسبب لو المودل ده نزل سعر العربيه النيو اكسنت العاديه اكيد هينذل كتير فانا هخسر طبعا
فانا قولت اشترى مستعمل فامامى نيو اكسنت 2008 اوتومتك 41000 ك فابريكة برا و جوا، رخصة تنتهي سبتمبر 2011، رايك اخدها بكام و حضرتك شايف العربيه ديه حلوه ولو بسعر الى انت هتقول عليه حضرتك شايف ممكن اكيب ايه بدلها
حتكون فى حدود 70000 وممكن تفكر فى صنى مو2006-2007

Sp!deR_MaN
05-05-2010, 02:26 PM
لو سمحت يا دكتور ممكن اعرف سعر جولف 2 كماليات

وايه مميزاتها وعيوبها

دكتور تامر

yousrysss
05-05-2010, 11:27 PM
السلام عليكم
في عربيه يا دكتور اكسنت موديل 2000 حالتها حلوه رشه بره وفابريكه جوه عامله 100.000 كيلو كان فيه خبطه كدا في الشنب بتاعها ومردوده كويس بس باينه الرده دي الماتور بيقولي حالته 80% العربيه دواخل فابريكه طالب فيها 39 الف انتا راي حضرتك ايه

د0تامر محمد
06-05-2010, 12:33 AM
السلام عليكم
في عربيه يا دكتور اكسنت موديل 2000 حالتها حلوه رشه بره وفابريكه جوه عامله 100.000 كيلو كان فيه خبطه كدا في الشنب بتاعها ومردوده كويس بس باينه الرده دي الماتور بيقولي حالته 80% العربيه دواخل فابريكه طالب فيها 39 الف انتا راي حضرتك ايه
هيه طبعا 1500
برده كتير على حالتها لو 36000 تبقى مبلوعة

د0تامر محمد
06-05-2010, 12:37 AM
دكتور تامر

ميزتها إنها من فولكس الألمانية يعنى ثبات وقوة وعمر إفتراضى طويل وأداء متميز
عيبها قلة قطع الغيار وغلوها وتكلفة الصيانة وقدم الموديل
السعر للجولف 2 من 25-35 حسب الموديل والحالة

mahmoud othman
06-05-2010, 12:49 AM
salam alycom dr tamer. please help me. lanos 99 146000 kiloe painted from outside . give me range of the price. and do you think about peugot 206 2001 and its price please.

tarek.saad
06-05-2010, 01:10 AM
Alsalamo 3alaykom,ana m7tar beeen two cars , sa3edny l sama7t,

1-Optra 2008 3amla 20000 KM F/O , A/T fabrique price 68000 LE
2-Lancer 2006 3amla 60000 KM, 1600 A/T classic price 71000 LE

Thank you for your great efforts & suuport to us

dr_maged
06-05-2010, 01:18 AM
د/ تامر
لادا موديل 94
1 - تعمل كام لو حالتها كويسة

2- هل افضل لو كانت مرفوعة بقالها سنتين علشان صاحبها عندة عربية تانية ومبيستخدمهاش بس لسة عاملها عمرة من 5 شهور علشان كانت تجديد الرخصة

3- ولا الافضل لادا موديل 94 بس صاحبها بيركبها

4 - وهل فعلا ال لادا اسرع حاجة بتتباع وزبونها دايما حاضر ؟؟؟

DR_ALIMO
06-05-2010, 01:43 AM
راي حضرتك يا د تامر فى عربية 131 مو 77 متوسطة الحالة وصاحبها عايز 19000

yousrysss
06-05-2010, 01:06 PM
هيه طبعا 1500
برده كتير على حالتها لو 36000 تبقى مبلوعة

امتدادا لكلام حضرك اكسنت مو 2000 1500 سي سي كامله الطبيعي بتاعها من كام لكام يعني لحد كام اوافق على السعر المعروض عليه

أبو عامر
06-05-2010, 01:33 PM
عايز استفسر لو معايا 15000 جنيه ايه هي الخيارات اللي قدامي؟

imiibr
06-05-2010, 02:05 PM
السلام عليكم

د.تامر عاوز عربيه لنسر مودل 2006 او 2007 مش عمله اكتر من 50000 اوتومتك تعمل كام