المساعد الشخصي الرقمي

مشاهدة النسخة كاملة : متوسط اسعار المستعمل هذا الاسبوع


الصفحات : 1 2 3 4 5 6 7 8 9 10 [11] 12 13 14 15 16 17 18 19 20 21 22 23 24 25 26 27 28 29 30 31 32

m_m_m_M_taha
03-12-2009, 12:02 PM
اريد شراء سيارةهوندا سيفيك موديل 2007 او 2008
فأريد معرفة السعر

جزاك الله خيرا

د0تامر محمد
03-12-2009, 02:26 PM
دكتور تامركل سنة وانت طيب ارجو الافادةفى السيارة سكودافليشيا 95 عيوب ومميزات علما انها معروضة ب26 الف ارجو الرد سريعالو تكرمت جزاكم الله خيرا


سعر مناسب لو نزل شوية
المميزات والعيوب راجع قسم سكودا بالمنتدى لكن أهم عيب السخونة وغلو قطع الغيار نسبيا

د0تامر محمد
03-12-2009, 02:33 PM
السلام عليكم ورحمت الله وبركاته


انا عاوز اشتري عربيه

ومعروض عليا اثنين

الاولى : الانترا 2009
اللون فضي
1600 سي سي
اوتوماتيك
جنوط
فتحة سقف
ايرباج سائق فقط
فوج لايت
ماشيه 35 الف
من غير ولا خربوشه
تكيف عادي مش تتش
خليجي مش مصري


الثانية : لانسر 2007
1600 سي سي
سبورت
جنوط
فتحه
سي دي تشينجر
سبويلار
عتب
لون فيراني
ماشيه 60 الف
ابنيوس
فوج لايت
مصري مش خليجي

ياليت جزاك الله خير تقولي يعملو قد ايه

وايه الافضل من حيث القوه وقطع الغيار الرخيصه


اللانسر تساوى 83000
اللانتراتساوى 87000
الاتنين حلوين
الألنترا أفضل من وجهة نظرى

د0تامر محمد
03-12-2009, 02:38 PM
السلامو عليكم
يا جماعة انا ان شاء اللة مشارك جديد فى المنتدى وكان ليا طلب ارجو الافادة فية
اريد شراء سيارة ومحتار بين البورا 2002 واوبل استرا 2005 - 2004 اية رايكم وما الفارق بينهم سعرا وكماليات
ولكم جزيل الشكر
البورا 2002=70-75
الاسترا 2004-2005=60-65
البورا أفضل من كافة الجهات والاسترا تقفيل مصرى!!

mdserry
03-12-2009, 03:14 PM
اريد ببيع لانسر بومة 2008 خليجى لون شامبين 1600 سىسى 122 حصان كاملة سبورت فتحة سقف عتب حنوط فرش جلد - كاسيت سى دى تشينجر - فبريكة - 15000 كيلو متر - 110000 جنيها ت 0170222970

حامد الله
03-12-2009, 05:37 PM
مشكورين على المجهود الطيب

isaac1963
03-12-2009, 05:54 PM
ارجو من الاعضاء اللي هيروحوا السوق بكره الجمعه الاستفسار عن سعر الفيكترا 97-98-99 لاني من بورسعيد وناوي اروح السوق الاسبوع القادم

طالب في مصر
03-12-2009, 08:29 PM
اخواني الكرام
السلام عليكم ورحمت الله وبركاته

انا اخوكم من اليمن

وتعبت وانا بدور على عربيه ولقيت لكن يا مضروبه يا فيها حاجه
وبصراحه انا خايف لاني ما افهم

واتمنا منكم يا رجال الشهامه والكرامه ان تفيدوني

محتاج سيارة ممكن يا دكتورنا انت او اخواني الخبراء يفيدوني

عاوز عربيه النترا 2009 لون فضي او فيراني
اوتوماتيك جنوط وفتحة سقف وايرباج
ماشيه قليل يعني من 20 الى 35
تكون نظيفه وخليجي
وانا معايا 88 الف
اتمنا ما تبخلو عليا وانت اهل الكرم واهل مساعده

اتمنا يادكتور لو تفدر تدلني على مكان او لو تعرفو احد

اسف على الاطاله وسامحوني

م/محمد
03-12-2009, 09:31 PM
الدكتور الكريم
انا معايا 105000 و ممكن اخد قرض ب 50000
و عاوز اجيب سياره علي الزيرو
بس تكون كامله اتوماتيك
و محتار اجيب ايه
انا بحب اركب العربيه اعلي فئه
فا ياريت ترشحلي سياره عائليه مناسبه
كنت فكرت في
لانسر بومه
لانسر الشكل الجديد
تويوتا كرولا الشكل الجديد
هوندا سيفك
اوبل فيكترا
اوكنافيا A5 لو ينفع السعر ده

maxim82
03-12-2009, 10:35 PM
ارجو من الاعضاء اللي هيروحوا السوق بكره الجمعه الاستفسار عن سعر الفيكترا 97-98-99 لاني من بورسعيد وناوي اروح السوق الاسبوع القادم


غريبة من بورسعيد وهتجيب عربية من القاهرة غريبة انا اسمع ان عندكم العربيات رخيصة جداptmnlo123per111

bebo1074
03-12-2009, 11:07 PM
لانسر 2007 بحالة جيدة عاملة حوالى 80 الف ك فابريكة بارة و جوه مرشوش برة نطافة اللون فضي كاملة غيارات أوتوماتيك و فرش جلد اسود كاسيت اصلي و2 ايرباج بس محتاجة كوتش
من فضلك ارجوا تقييم السعر ضروي

د0تامر محمد
03-12-2009, 11:30 PM
اخواني الكرام
السلام عليكم ورحمت الله وبركاته

انا اخوكم من اليمن

وتعبت وانا بدور على عربيه ولقيت لكن يا مضروبه يا فيها حاجه
وبصراحه انا خايف لاني ما افهم

واتمنا منكم يا رجال الشهامه والكرامه ان تفيدوني

محتاج سيارة ممكن يا دكتورنا انت او اخواني الخبراء يفيدوني

عاوز عربيه النترا 2009 لون فضي او فيراني
اوتوماتيك جنوط وفتحة سقف وايرباج
ماشيه قليل يعني من 20 الى 35
تكون نظيفه وخليجي
وانا معايا 88 الف
اتمنا ما تبخلو عليا وانت اهل الكرم واهل مساعده

اتمنا يادكتور لو تفدر تدلني على مكان او لو تعرفو احد

اسف على الاطاله وسامحوني

مرحبا بك فى بلدك مصر
هوه فيه مو2008 بس بدون جنوط وفتحة سقف ج0الكماليات اوتو عداد 11000ب85000

bebo1074
04-12-2009, 12:20 AM
ازايك يا دكتر تامر
دي عربية اوبل استرا موديل 2001 مانيوال هي 1200 سي سي عاملة 87000 كم فابريقة برة وجوة كاسيت حالة جيدة لو سمحت ممكن التقييم وشكراااااااا يا ريت ترد في تقييم الانسر كسعر تقربي تعمل كام لان العربية ملك لواحد صديق لي وهي مفصولة ب75000 وهو حاسس ان هيخسر كتير لانة اول يد

د0تامر محمد
04-12-2009, 12:34 AM
الدكتور الكريم
انا معايا 105000 و ممكن اخد قرض ب 50000
و عاوز اجيب سياره علي الزيرو
بس تكون كامله اتوماتيك
و محتار اجيب ايه
انا بحب اركب العربيه اعلي فئه
فا ياريت ترشحلي سياره عائليه مناسبه
كنت فكرت في
لانسر بومه
لانسر الشكل الجديد
تويوتا كرولا الشكل الجديد
هوندا سيفك
اوبل فيكترا
اوكنافيا A5 لو ينفع السعر ده

ال105000 مفيش ولا واحدة
أرخص واحدة بومة سبورت 1600 123000
لانسر شارك سبورت 1500 =155000
كورولا 1600 أعلى فئة 160000
سيفيك أعلى فئة 188000
فيكترا أعلى فئة=180000
اوكتافيا a5 فانتازيا أعلى فئة 200000

كلها سيارات محترمة وسمعتها ممتازة

يدخل معها كيا سيراتو أعلى فئة 126000 سيارة ممتازة

د0تامر محمد
04-12-2009, 12:39 AM
ازايك يا دكتر تامر
دي عربية اوبل استرا موديل 2001 مانيوال هي 1200 سي سي عاملة 87000 كم فابريقة برة وجوة كاسيت حالة جيدة لو سمحت ممكن التقييم وشكراااااااا يا ريت ترد في تقييم الانسر كسعر تقربي تعمل كام لان العربية ملك لواحد صديق لي وهي مفصولة ب75000 وهو حاسس ان هيخسر كتير لانة اول يد
سعر ال75 معقول جدا على اللانسر
الاسترا تساوى 53000
عن تجربة سيارة جيدة وثابته ومتينة ومعدومة الأعطال عن تجربة سنتين وتتحمل السفر لمشاوير طويلة مشكلتها تكمن فى غلو قطع الغيار وصعوبة صيانتها إلا بواسطة متخصصين

د0تامر محمد
04-12-2009, 12:43 AM
اريد شراء سيارةهوندا سيفيك موديل 2007 او 2008

فأريد معرفة السعر

جزاك الله خيرا



مو2007=110000 للكاملة اوتو
مو2008=120000

د0تامر محمد
04-12-2009, 12:46 AM
اريد ببيع لانسر بومة 2008 خليجى لون شامبين 1600 سىسى 122 حصان كاملة سبورت فتحة سقف عتب حنوط فرش جلد - كاسيت سى دى تشينجر - فبريكة - 15000 كيلو متر - 110000 جنيها ت 0170222970
ربنا يوفقك بإذن الله

isaac1963
04-12-2009, 01:17 AM
عربيات بورسعيد لها 90 يوم فقط خارج بورسعيد واتا بسافر كتير ده السبب

maxim82
04-12-2009, 01:22 AM
عربيات بورسعيد لها 90 يوم فقط خارج بورسعيد واتا بسافر كتير ده السبب


اول مرة اغرف المعلومة دية شكرا يا اسحاق على المعلومة دية:HAPPY_~211:

maxim82
04-12-2009, 01:23 AM
عربيات بورسعيد لها 90 يوم فقط خارج بورسعيد واتا بسافر كتير ده السبب

شكرت على المعلومة و انا مكنتش تعرف الموضوع دة:HAPPY_~211:

amnpop
04-12-2009, 01:36 AM
في جولف 89 فابريقه دواخل جنط 15 عفشه وبطاريه جديده بس عايزه تصليح بلي دبرياج تساوي كام

bahaabadr
04-12-2009, 02:46 AM
السلام عليكم
لو سمحت يا دكتور تقولنا سعر البيجو 206 "2001" ؟
وياتري هي ، ولا الكورسا ، ولا الإبيزا ، ولا "اللانسر 98&99" الأفضل ؟

ASHROF
04-12-2009, 12:20 PM
السلام عليكم و رحمة الله و بركاتة
لوسمحت يا دكتور تامر عايز اعرف سعر العربية الفيتارا ال4 باب اوتوماتيك موديل 95 الي 99 1600 سى سى و لك جزيل الشكر

د0تامر محمد
04-12-2009, 12:32 PM
السلام عليكم و رحمة الله و بركاتة
لوسمحت يا دكتور تامر عايز اعرف سعر العربية الفيتارا ال4 باب اوتوماتيك موديل 95 الي 99 1600 سى سى و لك جزيل الشكر
مو95 تساوى55 مو96=60 مو79-98=65 مو99=70 أوتو حالة جيدة جدا

د0تامر محمد
04-12-2009, 12:35 PM
السلام عليكم

لو سمحت يا دكتور تقولنا سعر البيجو 206 "2001" ؟

وياتري هي ، ولا الكورسا ، ولا الإبيزا ، ولا "اللانسر 98&99" الأفضل ؟



بيجو 206 مو2001=42000 لحالة جيدة جدا
هى افضل من الكورسا والابيزا لكن اللانسر فئة أخرى

د0تامر محمد
04-12-2009, 12:38 PM
في جولف 89 فابريقه دواخل جنط 15 عفشه وبطاريه جديده بس عايزه تصليح بلي دبرياج تساوي كام
تساوى 30000

هامر
04-12-2009, 02:06 PM
دكتور تامر : فى إعلانات السيارات المستعملة على مواقع النت أشاهد إعلانات قديمة منذ خمسة أو ستة شهور مثلاً ، فهل يعنى ذلك أن هذه السيارات لم يتم بيعها إلى الآن ، وأن العرض مازال سارياً ؟ وإذا كانت هذه السيارات قد بيعت فلماذا لم يتم حذفها من الإعلانات ؟ وهل هناك دلالات معينة فى هذه المواقع توضح أن هذه السيارات قد بيعت دون الاتصال بأصحابها منعا ً للإحراج ، والإزعاج ؟ .. تحياتى ..

د0تامر محمد
04-12-2009, 02:30 PM
دكتور تامر : فى إعلانات السيارات المستعملة على مواقع النت أشاهد إعلانات قديمة منذ خمسة أو ستة شهور مثلاً ، فهل يعنى ذلك أن هذه السيارات لم يتم بيعها إلى الآن ، وأن العرض مازال سارياً ؟ وإذا كانت هذه السيارات قد بيعت فلماذا لم يتم حذفها من الإعلانات ؟ وهل هناك دلالات معينة فى هذه المواقع توضح أن هذه السيارات قد بيعت دون الاتصال بأصحابها منعا ً للإحراج ، والإزعاج ؟ .. تحياتى ..

هيه فعلا مشكلة وغالبا ماتكون معظمها بيعت او تم صرف النظر عن بيعها وقليلا ما تكون مازالت مطروحة للبيع وايضا هناك سيارات معروضة للتهريج
المشكلة لها شقين الاول يقع على الموقع الذى لا يقوم بحذف القديم والآخر على العارض الذى يفتقد للمصداقية ولا يقوم بتجديد اعلانه لو مازال العرض قائما او يعدله باضافة كلمة مباعة

هامر
04-12-2009, 02:46 PM
هيه فعلا مشكلة وغالبا ماتكون معظمها بيعت او تم صرف النظر عن بيعها وقليلا ما تكون مازالت مطروحة للبيع وايضا هناك سيارات معروضة للتهريج
المشكلة لها شقين الاول يقع على الموقع الذى لا يقوم بحذف القديم والآخر على العارض الذى يفتقد للمصداقية ولا يقوم بتجديد اعلانه لو مازال العرض قائما او يعدله باضافة كلمة مباعة

المفروض التواصل بين الموقع والعارض لمعرفة آخر التطورات أو حذف الإ علان تلقائياً بعد أسبوعين إذا لم يتم تحديثه من العارض ...

yoseftaha
04-12-2009, 05:51 PM
مشكورا أريد شرأ سيارة كورسا مقطعة عندك فكرة

maxim82
04-12-2009, 07:33 PM
انا لسة جاى من شوق الجمعة الاسعار هية هية بس فى حركة شراء و بيع جامدة جدا النهاردة و الاسعار شكلها هتعلى مش هترخص انا بدات ايأس من شراء هيونداى كوبية 2005 الى نفسى فيها
ومن الصعب شراء سيارة من السوق من المالك لان كل الى هناك تجار و اى مواطن جديد جاى يبيع عربية حلوة التجار مش بيسبوة فى حالة لغاية ميشتروها و يعرضوها تانى فى السوق بسعر اغلى

ASHROF
04-12-2009, 10:51 PM
السلام عليكم و رحمة الله و بركاتة جميعا
سلامي الي جميع الأخوة في هذا المنتدي المتميز و أخص بالذكر العميد أديب المنتدي الدكتور تامر محمد
يا جماعة انا عندي سيارة بي ام دبليو 520i موديل1982 العربية حالتها بأمانة حلوة مش رشة دواخل كاملة مانيوال تكييف باور سنتر انذار دي في دي و شاشات 4 زجاج كهرباء و مكن رفع و مرايات كهرباء و اريال كهرباء و جنوط 14 كاوتش جديد و بطارية جديدة موتور حالتة جيدة جدا 2000 سي سي 6 سلندر انجكشن فرش بلادها الجلد الاسمر و علية كسوة انا كنت عارضها علي 32500 بس الكتور نامر تمنها ب 30000 وانا راضي بحكمه لو حد عايزها انا موبايلي رقمه 0123982990 و شكراً.

ASHROF
04-12-2009, 10:58 PM
السلام عليكم و رحمة الله و بركاتة جميعا
سلامي الي جميع الأخوة في هذا المنتدي المتميز و أخص بالذكر العميد أديب المنتدي الدكتور تامر محمد
يا جماعة انا عندي سيارة بي ام دبليو 520i موديل1982 العربية حالتها بأمانة حلوة مش رشة دواخل كاملة مانيوال تكييف باور سنتر انذار دي في دي و شاشات 4 زجاج كهرباء و مكن رفع و مرايات كهرباء و اريال كهرباء و جنوط 14 كاوتش جديد و بطارية جديدة موتور حالتة جيدة جدا 2000 سي سي 6 سلندر انجكشن يعني ما بتاكلش بنزين فرش بلادها الجلد الاسمر و علية كسوة و علي فكرة الضريبة بتاعتها 200 جنية في السنة انا كنت عارضها علي 32500 بس الكتور تامر تمنها ب 30000 وانا راضي بحكمه لو حد عايزها انا موبايلي رقمه 0123982990 و شكراً.
ملاحظة :- علي فكرة انا اعدت الموضوع تاني علشان غلطت في اسم الدكتور تامر

monuir
04-12-2009, 11:04 PM
دكتور تامر اولا احييك على المجهود الرائع والرأى الصائب والرؤيه الثاقبه وبذلك نحصل من سيادتكم على تقدير عادل ونصيحه ممتازه ثانيا نرجوا من سيادتكم اعطائنا قرائه للسوق بالنسبه للسيارات الجديده مطلع شهر يناير القادم ومأعلن بالنسبه للجمارك هل التجار سينفذون ولاحجه المخزون وارتفاع سعر البترول والحجج الواهيه مع عدم وجود رقابه وتحديد هامش ربح ستذوب تلك التخفيضات وتسير الامور وكله ايضا فى صالح دينسورات التجميع المحلى واخيرا لك منى كل الاحترام

د0تامر محمد
04-12-2009, 11:12 PM
انا لسة جاى من شوق الجمعة الاسعار هية هية بس فى حركة شراء و بيع جامدة جدا النهاردة و الاسعار شكلها هتعلى مش هترخص انا بدات ايأس من شراء هيونداى كوبية 2005 الى نفسى فيها
ومن الصعب شراء سيارة من السوق من المالك لان كل الى هناك تجار و اى مواطن جديد جاى يبيع عربية حلوة التجار مش بيسبوة فى حالة لغاية ميشتروها و يعرضوها تانى فى السوق بسعر اغلى

ده للاسف واقع
الكل ماسك على أسعار كانت بتنباع بيها عربيات من سنتين تلاته
وهناك مافيا حقيقية من التجار اللى كلهم تقريبا رابطة معلم
أنا أعرف ناس من عندنا بيتعاملوا مع تجار زملاء من المنصورة والاسماعيلية والقاهرة وطنطا وأسكندرية وغيرها وكأنهم رابطة واحدة

د0تامر محمد
04-12-2009, 11:21 PM
دكتور تامر اولا احييك على المجهود الرائع والرأى الصائب والرؤيه الثاقبه وبذلك نحصل من سيادتكم على تقدير عادل ونصيحه ممتازه ثانيا نرجوا من سيادتكم اعطائنا قرائه للسوق بالنسبه للسيارات الجديده مطلع شهر يناير القادم ومأعلن بالنسبه للجمارك هل التجار سينفذون ولاحجه المخزون وارتفاع سعر البترول والحجج الواهيه مع عدم وجود رقابه وتحديد هامش ربح ستذوب تلك التخفيضات وتسير الامور وكله ايضا فى صالح دينسورات التجميع المحلى واخيرا لك منى كل الاحترام
أسعار الجديد سوف تنخفض ولكن لفترة محدودة جدا تعاود بعدها الارتفاع بشكل تدريجى وفى هذه القترة اللى ح ينقصوه سعر ح يلهفوه صيانة وقطع غيار ماعدا أقلية صادقة مع نفسها وتراعى ضميرها أمام الله ولن تصمد
من الآخر السوق المصرية لا تخضع لمعايير عادلة وليست بها أمانه وهذا قدرنا
وربما ينسحب الوضع على المستعمل وهو السوق الاغرب
أذكر تقريبا فى مطلع عام 2004 نزلت الجمارك والمستعمل تدهور أسعاره بعض الشىء
وقتها إشتريت سيارة سويفت مو96 فابريقة بالكامل وبها تكييف وباور وزجاج كهرباء وسنتر وإنذار وجنوط وكاسيت سونى رائع ب30000 وكانت حالتها ممتازة كانت معروضة قبل التخفيضات ب36000 ولما السوق وقع جت بالتمن ده
ركبتها سنتين لحد ماجابت آخرها!!
تعرف بعتها بكام ؟
ب36000 فى دقيقة!!!
وعلى فكرة أول وآخر عربية أكسب فيها فى حياتى والحمد لله
هذا هو السوق المصرى وحاله

د0تامر محمد
04-12-2009, 11:24 PM
مشكورا أريد شرأ سيارة كورسا مقطعة عندك فكرة

عليك وعلى بورسعيد أفضل مكان لهذا

monuir
04-12-2009, 11:35 PM
دكتور تامر شكرا على الرد وبعدين حضرتك مبتكسبش فى السيارات لانك دلوقتى بتكسب فينا ثواب كبير واحنا دايما بندعيلك وربنا يزيدك وشكرا

maxim82
05-12-2009, 12:08 AM
دكتور تامر انا يأست من ايجاد هيونداى كوبية 2005 بالسعر 60000 جنية كل الى عارض الكوبية عايش على احلام و شكلهم مش هيفوقوا منها قريب و انا مش هستنى بفكر اجيب شيفورلية افيو فى واحدة امامى موديل 2007 بس صاحبها صريح قالى العيوب التالية فيها على فكرة هومش تاجر دة شاب صغير
عيوبها
رشة خارج ماعدا السقف
مغير فنوسين امامى
رفرف خبطة جانبية
بيقولى فى شغل بسيط من فوق الكابوت انا مفهمتش قصدة اية لانى مش بفهم فى العربيات
بس العربية شكلها الخارجى حلو اكنها جديدة و من جوة بس هو افلى رشة برة
اية رأيك و هو طالب 52000 من بؤة
هو كان فى السوق و انا اخدت رقم تليفونة

isaac1963
05-12-2009, 12:17 AM
استاذنا العزيز قبل ما تيجي بورسعيد اعرف الاسعار عندك كويس علشان تعرف تقارن مع وضع مصاريف الشحن في الاعتبار و الحاله العامه لان كل ده بيفرق

وربنا الموفق

isaac1963
05-12-2009, 12:26 AM
استاذنا العزيز قبل ما تيجي بورسعيد اعرف الاسعار عندك كويس علشان تعرف تقارن مع وضع مصاريف الشحن في الاعتبار و الحاله العامه لان كل ده بيفرق

وربنا الموفق
انا اقصد الاستاذ اللي عايز كورسا مقطعه

د0تامر محمد
05-12-2009, 12:29 AM
دكتور تامر انا يأست من ايجاد هيونداى كوبية 2005 بالسعر 60000 جنية كل الى عارض الكوبية عايش على احلام و شكلهم مش هيفوقوا منها قريب و انا مش هستنى بفكر اجيب شيفورلية افيو فى واحدة امامى موديل 2007 بس صاحبها صريح قالى العيوب التالية فيها على فكرة هومش تاجر دة شاب صغير
عيوبها
رشة خارج ماعدا السقف
مغير فنوسين امامى
رفرف خبطة جانبية
بيقولى فى شغل بسيط من فوق الكابوت انا مفهمتش قصدة اية لانى مش بفهم فى العربيات
بس العربية شكلها الخارجى حلو اكنها جديدة و من جوة بس هو افلى رشة برة
اية رأيك و هو طالب 52000 من بؤة
هو كان فى السوق و انا اخدت رقم تليفونة

السعر رائع جدا
راشة برة متعبش العربية
لو الدواخل فابريقة والأساسيات سليمة وحالة السيارة جيد جدا بعد الفحص والكشف عليها والتأكد من هذه التغيرات ليست نتيجة لحادث مؤثر فلا تعد هذه عيوب وتوكل على الله

amnpop
05-12-2009, 12:51 AM
لوسمحت برايد سيدان مو 98 فابريقه بره وجوه 1300 c.c تكييف سنتر زجاج كهربا اريال كهربا حاله جيده 115000 كم ارجو التقييم و شكرا

mmm aa
05-12-2009, 01:11 AM
لو سمحت أنا عايز أعرف من حضرتك
أنا قدامي بيجو 405 موديل 94 وحسب كلام صاحبها هي فرنساوي وكربراتير مش إنجكشن (هو حسب ما عرفت مغيرلها موتور) وهي متظبطه أقوي ومش محتاجه حاجة وهو طالب مني 38 وهو بيقولي إنه كده عملي واجب فيها مع العلم إنه معرفه
إيه رأي حضرتك علشان أنا مبفهمش في العربيات أقوي

mmm aa
05-12-2009, 01:13 AM
وعايز أعرف من حضرتك أنا معايا 128 موديل 80 حالتها جيدة
لو عايز أبيعها أطلب فيها كام
وشكراً لحضرتك

د0تامر محمد
05-12-2009, 01:21 AM
لوسمحت برايد سيدان مو 98 فابريقه بره وجوه 1300 c.c تكييف سنتر زجاج كهربا اريال كهربا حاله جيده 115000 كم ارجو التقييم و شكرا

تساوى 30000

د0تامر محمد
05-12-2009, 01:23 AM
لو سمحت أنا عايز أعرف من حضرتك
أنا قدامي بيجو 405 موديل 94 وحسب كلام صاحبها هي فرنساوي وكربراتير مش إنجكشن (هو حسب ما عرفت مغيرلها موتور) وهي متظبطه أقوي ومش محتاجه حاجة وهو طالب مني 38 وهو بيقولي إنه كده عملي واجب فيها مع العلم إنه معرفه
إيه رأي حضرتك علشان أنا مبفهمش في العربيات أقوي

هيه فعلا فرنساوى
والسعر جيد وممكن 37
إكشف عليها وإن كانت جيدة توكل على الله

د0تامر محمد
05-12-2009, 01:26 AM
وعايز أعرف من حضرتك أنا معايا 128 موديل 80 حالتها جيدة
لو عايز أبيعها أطلب فيها كام
وشكراً لحضرتك
تطلب 13000 مع المرونة عند اللزوم

mmm aa
05-12-2009, 01:43 AM
ألف ألف شكر لحضرتك

khaledcare
05-12-2009, 07:33 AM
ياباشا موضوع هايل وكنت عاوز اسال عن سعر الهيونداي الكوبيه ال2005/2006 بكام في ناس عرضنها ب70 الف و75 ده سعرها؟ وعن الاوبل الفكترا موديل 97 موتور 2000 سيسي اوتوماتيك سعرها بكام والCDX منها بكام؟ ياسلام لو تقلي على مكان انزل اشتري منو العربية يكون اسعارة تمام

amnpop
05-12-2009, 09:17 AM
تساوى 30000


متشكر يا دكتور

د0تامر محمد
05-12-2009, 10:41 AM
ياباشا موضوع هايل وكنت عاوز اسال عن سعر الهيونداي الكوبيه ال2005/2006 بكام في ناس عرضنها ب70 الف و75 ده سعرها؟ وعن الاوبل الفكترا موديل 97 موتور 2000 سيسي اوتوماتيك سعرها بكام والCDX منها بكام؟ ياسلام لو تقلي على مكان انزل اشتري منو العربية يكون اسعارة تمام
الصراحة اليومين دول فيه إستهبال فى الاسعار00هوه فيه إيه؟؟؟؟!!!!
الكوبيه آخرها 60-65
الفيكترا 97 ال2000cc تساوى 51000-52000
cdx توصل ل58000

فتح الله محمد
05-12-2009, 10:45 AM
الدكتورتامر الراجل المحترم صراحه سمعت عنك كتير قبل مخش النت وعن احترامك
عندى لانسرالرياضيه 2005بره وجوه فرش جلد جميع الكماليات60000كيلو وعايز ابيع
واحد فصلها لى79000جنيه وقالى بيع بسرعه لان اسعار العربيات هتنزل ارجومعرفه
السعر واتجاهات السوق؟ وشكرا لمعاليك

فتح الله محمد
05-12-2009, 10:59 AM
ptmnlo123per122الدكتورتامر الراجل المحترم صراحه سمعت عنك كتير قبل مخش النت وعن احترامك
عندى لانسرالرياضيه 2005بره وجوه فرش جلد جميع الكماليات60000كيلو وعايز ابيع
واحد فصلها لى79000جنيه وقالى بيع بسرعه لان اسعار العربيات هتنزل ارجومعرفه
السعر واتجاهات السوق؟ وشكرا لمعاليك

د0تامر محمد
05-12-2009, 11:04 AM
الدكتورتامر الراجل المحترم صراحه سمعت عنك كتير قبل مخش النت وعن احترامك
عندى لانسرالرياضيه 2005بره وجوه فرش جلد جميع الكماليات60000كيلو وعايز ابيع
واحد فصلها لى79000جنيه وقالى بيع بسرعه لان اسعار العربيات هتنزل ارجومعرفه
السعر واتجاهات السوق؟ وشكرا لمعاليك
شكر لك
السعر جيد جدا
موضوع بيع بسرعة العلم عند الله
مع التخفضيات المنتظرة السيارات أسعارها زادت !!
سوق غريب ومتقلب لكنها فقاعات تجار والاسعار ستنزل قليلا لفترة ثم تعاود الارتفاع

فتح الله محمد
05-12-2009, 11:31 AM
طيب بعد اذنك ايه راى حضرتك فى المرسيدس1984؟رشه بره ودواخل سليمه

د0تامر محمد
05-12-2009, 11:37 AM
طيب بعد اذنك ايه راى حضرتك فى المرسيدس1984؟رشه بره ودواخل سليمه
مرسيدس أيه؟

فتح الله محمد
05-12-2009, 11:51 AM
مرسيدس200دواخل سليمه اتوماتيك فتحه سقف1984

maxim82
05-12-2009, 12:21 PM
ياباشا موضوع هايل وكنت عاوز اسال عن سعر الهيونداي الكوبيه ال2005/2006 بكام في ناس عرضنها ب70 الف و75 ده سعرها؟ وعن الاوبل الفكترا موديل 97 موتور 2000 سيسي اوتوماتيك سعرها بكام والCDX منها بكام؟ ياسلام لو تقلي على مكان انزل اشتري منو العربية يكون اسعارة تمام

بس يابرنس انا بقالى 3 شهور بدور على هيونداى كوبية و شفت تقريبا كل الهيوندلى الى معروضة للبيع عىل المواقع و فى الاسواق المهم كلهم ب 75 لعاية 70 زى انت ما قلت و طبعا غالية جدا الكوبية من 60 لعاية 65 للحالة الممتازة جدا بلن الكوبية تقيلة فى البيع و كمان طالبين مبالغ مبالغ فيها لانهم اشتروها بنفس السعر من 4 سنين و عاوزين يبعوها بنفس السعر الى اشتروها بية من اربع سنين لانى فاكر كانت الكوبية استعمال خفيف فى حالة الزيرو من ارع سنين كانت بي 70 - 75 و فات ارع سنين المفروض تنزل لاهم استعملوها ارع سنين لكن جشع البياع طالبين اسعار خيالية كان فى واحدة ب60000 بس اتبعات من تاجر و التاجر دة عاؤضها 69000 و انا قررت اصرف نظرى على الكوبية و اجيب شيفورلية لو انت عاوز ارقام ناس عارضين كوبية ادهوملك هم لسة للبيع بس اخرهم من 70 لغاية 75 و بجد حرام فيها و انا ادفع الفوس دية فى لنسر او النترا احسن
وخد بالك لو حبيت تبيع الكوبية مش هتجبلك الى انت دفعتة و هتخسر كتير

د0تامر محمد
05-12-2009, 12:27 PM
مرسيدس200دواخل سليمه اتوماتيك فتحه سقف1984

تساوى 55000 -60000كاملة اوتو حسب حالة جيدة جدا

khaledcare
05-12-2009, 02:46 PM
الصراحة اليومين دول فيه إستهبال فى الاسعار00هوه فيه إيه؟؟؟؟!!!!
الكوبيه آخرها 60-65
الفيكترا 97 ال2000cc تساوى 51000-52000
cdx توصل ل58000
شكرا يا دكتور وكنت عاوز اعرف ايه رايك مين احسن الانسر 98 ولا الاوبل 98؟
وياريت لو تقلي على احسن عربية في حدود 50 -65 الف كدة ولو قدامك حاجة بالسعر ده قلي

د0تامر محمد
05-12-2009, 03:11 PM
شكرا يا دكتور وكنت عاوز اعرف ايه رايك مين احسن الانسر 98 ولا الاوبل 98؟
وياريت لو تقلي على احسن عربية في حدود 50 -65 الف كدة ولو قدامك حاجة بالسعر ده قلي
الاوبل أفضل كقوة ومتانة وجودة صناعة وعمر إفتراضى
الانسر أفضل كأقتصادية وقطع غيار وإعادة بيع
طالما وصلت 65 يبقى فيرنا أو لوجان زيرو وكمان لانوس

drtasamir
05-12-2009, 03:12 PM
كنت عاوز اسال حضرتك عن سكودا فليشيا موديل 98 او 99 ايه رايك فيها وقطع غيارها اخبارها ايه و هل ممكن الواحد يخلى العربية بور و يزودلها تكييف ولا لا ودا يكلف حوالى كام والعربية تعمل كام تقريبا

khaledcare
05-12-2009, 03:15 PM
بس يابرنس انا بقالى 3 شهور بدور على هيونداى كوبية و شفت تقريبا كل الهيوندلى الى معروضة للبيع عىل المواقع و فى الاسواق المهم كلهم ب 75 لعاية 70 زى انت ما قلت و طبعا غالية جدا الكوبية من 60 لعاية 65 للحالة الممتازة جدا بلن الكوبية تقيلة فى البيع و كمان طالبين مبالغ مبالغ فيها لانهم اشتروها بنفس السعر من 4 سنين و عاوزين يبعوها بنفس السعر الى اشتروها بية من اربع سنين لانى فاكر كانت الكوبية استعمال خفيف فى حالة الزيرو من ارع سنين كانت بي 70 - 75 و فات ارع سنين المفروض تنزل لاهم استعملوها ارع سنين لكن جشع البياع طالبين اسعار خيالية كان فى واحدة ب60000 بس اتبعات من تاجر و التاجر دة عاؤضها 69000 و انا قررت اصرف نظرى على الكوبية و اجيب شيفورلية لو انت عاوز ارقام ناس عارضين كوبية ادهوملك هم لسة للبيع بس اخرهم من 70 لغاية 75 و بجد حرام فيها و انا ادفع الفوس دية فى لنسر او النترا احسن
وخد بالك لو حبيت تبيع الكوبية مش هتجبلك الى انت دفعتة و هتخسر كتير
طب هما بيعرضوا بالاسعار ديه وبيبعوا على كدة؟؟!!

khaledcare
05-12-2009, 03:24 PM
الاوبل أفضل كقوة ومتانة وجودة صناعة وعمر إفتراضى
الانسر أفضل كأقتصادية وقطع غيار وإعادة بيع
طالما وصلت 65 يبقى فيرنا أو لوجان زيرو وكمان لانوس
لالا محبش اجيب جديد انا عاوز حاجة مستعملة نظيفة وعفشتها ومتورها كويسين تستاهل فلوسها وشكلها يكون شيك شبابي

maxim82
05-12-2009, 06:53 PM
طب هما بيعرضوا بالاسعار ديه وبيبعوا على كدة؟؟!!

معظم الى معاهم الكوبية شباب و اهليهم هم الى بيشتريهم يعنى مش فارقة معاهم و لما بيبيعم بيبعم لتجار علشان كدة السعر بتاعها كدة

بنفسج
05-12-2009, 08:09 PM
عايز اعرف سعر النترا 2005 فبريكا برة وجوة
وشكرا
ارجو الرد سريعا

ahmadmounir
05-12-2009, 11:40 PM
سلام عليكم



انا حابب اعرف سعر السوق الحالى لاكسارا 1 كام ,, و الأوتوماتك منها كان حد قالى مش كويس .. طب المانوال بكام ؟

و هل هى سيارة اكبر فعلاً من تمنها وتتحمل فى مصر,, اتمنى لو تفيدنى فى الموضوع ده .. لأنى نفسى فى الفرنساوى و محتار بين فئة الاكسارا و بين رينو كليو رغم ان الكليو حالياً اغلى

لو ينفع ترد على على الايميل ده يكون افضل لى

ahmadmounir@hotmail.com
و شكراً ,..

egypt_farmer
05-12-2009, 11:52 PM
ممكن سعر شيفورليه اوبيترا 2006
ptmnlo123per1127

yaseralharere
06-12-2009, 12:01 AM
السلام عليكم ازيك يا دكتور
سمعت ان السوق يوم الجمعة عالى هى دى ردة عيد و اتلاسعار عالية و لا التجار متحكمين فى اسعار السوق اية اخبار الاكسنت الى انا طلبتها من حضرتك تشوفها وانت قلت بعد العيد وبعد اعيد قلت لى استنى شوية هو ممكن تتوفر الايام دى و لا راي حضرتك اية اصل انا مستعجل شوية وانا اسف بتقل عليك وانا عارف انك مشغول بس بالله عليك مش تنسانى لانى معنديش ثقة فى حد غيرك جارك الكوابري

khaledcare
06-12-2009, 01:06 AM
يادكتور ولسا سؤال تاني
اكترية الاوبل اللي بشوفها بتكون عامل 140 الف كيلوا و سعات 200 الف كيلوا واكتر كدة تبقا حالتها وحشة

ASHROF
06-12-2009, 01:11 AM
السلام عليكم يا دكتور تامر
يا تري سعر الكريستالة حالة جبدة اتوماتك او عادة موديل 99 كام و جزال الله خيرا

د0تامر محمد
06-12-2009, 01:30 AM
لالا محبش اجيب جديد انا عاوز حاجة مستعملة نظيفة وعفشتها ومتورها كويسين تستاهل فلوسها وشكلها يكون شيك شبابي
يبقى لانسر 2004 فى حدود 65
إلنترا مو2005 فى حدود 60
نوبيرا مو2006 فى حدود 53
لانوس مو2007 فى حدود 50
فيرنا مو2008 فى حدود 55

د0تامر محمد
06-12-2009, 01:32 AM
السلام عليكم يا دكتور تامر
يا تري سعر الكريستالة حالة جبدة اتوماتك او عادة موديل 99 كام و جزال الله خيرا

فيه قدامى لانسر مو98 كاملة اوتو كاوتش جديد وبطارية
فابريقة بالكامل عدا رفرف خلفى أثر حكة مطلوب 535000 نهائى
العادة دواخل تساوى 48 والاوتو50

د0تامر محمد
06-12-2009, 01:33 AM
يادكتور ولسا سؤال تاني
اكترية الاوبل اللي بشوفها بتكون عامل 140 الف كيلوا و سعات 200 الف كيلوا واكتر كدة تبقا حالتها وحشة
مش شرط حسب الاستعمال والصيانة الدورية والاوبل عربية سفر وتلاقى معظم الكيلوات سفر

د0تامر محمد
06-12-2009, 01:34 AM
كنت عاوز اسال حضرتك عن سكودا فليشيا موديل 98 او 99 ايه رايك فيها وقطع غيارها اخبارها ايه و هل ممكن الواحد يخلى العربية بور و يزودلها تكييف ولا لا ودا يكلف حوالى كام والعربية تعمل كام تقريبا
تم الرد على الخاص

د0تامر محمد
06-12-2009, 01:36 AM
عايز اعرف سعر النترا 2005 فبريكا برة وجوة
وشكرا
ارجو الرد سريعا
تساوى 60-65 حسب الحالة

د0تامر محمد
06-12-2009, 01:40 AM
سلام عليكم



انا حابب اعرف سعر السوق الحالى لاكسارا 1 كام ,, و الأوتوماتك منها كان حد قالى مش كويس .. طب المانوال بكام ؟

و هل هى سيارة اكبر فعلاً من تمنها وتتحمل فى مصر,, اتمنى لو تفيدنى فى الموضوع ده .. لأنى نفسى فى الفرنساوى و محتار بين فئة الاكسارا و بين رينو كليو رغم ان الكليو حالياً اغلى

لو ينفع ترد على على الايميل ده يكون افضل لى

ahmadmounir@hotmail.com
و شكراً ,..
إكسارا مو200-2001=34-37
الاكسارا جيدة لكن قطع الغيار والصيانة وإعادة البيع
الكليو ماشية أكتر
فية كليو مو2002 تكييق وباور وسنتر ال1200cc معروضة على 39000

د0تامر محمد
06-12-2009, 01:41 AM
ممكن سعر شيفورليه اوبيترا 2006


ptmnlo123per1127


فابريقة دواخل مانيوال من60-65

د0تامر محمد
06-12-2009, 01:44 AM
السلام عليكم ازيك يا دكتور
سمعت ان السوق يوم الجمعة عالى هى دى ردة عيد و اتلاسعار عالية و لا التجار متحكمين فى اسعار السوق اية اخبار الاكسنت الى انا طلبتها من حضرتك تشوفها وانت قلت بعد العيد وبعد اعيد قلت لى استنى شوية هو ممكن تتوفر الايام دى و لا راي حضرتك اية اصل انا مستعجل شوية وانا اسف بتقل عليك وانا عارف انك مشغول بس بالله عليك مش تنسانى لانى معنديش ثقة فى حد غيرك جارك الكوابري

التجار بقوا مافيا
كان فيه واحده مو98 1300 فاضية إتباعت ب29500 بس مش حلوة
لازم تصبر عشان تلاقى حاجة نضيفة وقل لى على آخرك كام

د0تامر محمد
06-12-2009, 01:46 AM
أعتذر عن عدم دخول المنتدى غدا لظروف السفر

zerab
06-12-2009, 06:04 AM
دكتور ربنا يوصلك بالسلامة في استفسار بسيط
انا عيايز عربية لانسر مستعملة موديل 2008 او 2009 تكون مش ماشية كثيراوتماتيك تعملها كام الايام دي ومع العلم ان قدامي الانترا اوتماتيك فيها خبطة خفيفة وطالبين 80الف اية رايك اخذها والا لانسر احسن او استنا لما تهدي اسعار المستعمل لو سمحت الرد اول ماتوصل

zizophone
06-12-2009, 10:26 AM
دكتور ربنا يوصلك بالسلامة في استفسار بسيط
انا عيايز عربية لانسر مستعملة موديل 2008 او 2009 تكون مش ماشية كثيراوتماتيك تعملها كام الايام دي ومع العلم ان قدامي الانترا اوتماتيك فيها خبطة خفيفة وطالبين 80الف اية رايك اخذها والا لانسر احسن او استنا لما تهدي اسعار المستعمل لو سمحت الرد اول ماتوصل

بص يا جميل بدور على لانسر من قبل العيد وكل يوم جمعة وحد في السوق الناس بتستعبط وبتتكلم في اسعار غريبة جدا عموما انا حقولك على الحاجات الي كانت معروضة وانت تعامل بقي

لانسر 2007 سوبر اكشن رشة برا - كحلي - ماشية 85 ألف كم 1600 اوتماتيك طبعا ماشية كتير جدا دي صاحبها كان طالب نهائي 80000ج ((المفروض تمنها ميزدش عن 75الف جنيه ))

لانسر 2007 سوبر اكشن رشة برا - فيراني - يقال انها ماشية 55 ألف كم 1600 اوتماتيك طبعا هي ماشية اكتر من كده ومبهدلة من جوه دي صاحبها كان طالب نهائي 85000ج وبعد الفحص والحالة العامة السيئة ((المفروض تمنها ميزدش عن 75-76 )) ربنا يوفقه في بيعها لانه راجل ذوق ومحترم .


لانسر 2007 هاف سبورت فبريكة بالكامل - أول يد بضمان الوكيل سوداء 28 ألف كم 1600 اوتماتيك دي صاحبها كان طالب نهائي 92000ج ((المفروض تمنها ميزدش عن82 )) ما علينا بس ده ليه حق لان العربية زيرو .

لانسر 2007 ـ هاف سبورت ـ فيرانى- بيقول فابريكة معادا الاكصدامات 70 الف كم 1600 اوتوماتيك وكانت من جوه مش نضيفة دي صاحبها كان طالب نهائي 80000 ج (( المفروض تمنها ميزدش عن73- 75 )) برضة ما علينا .

لانسر 2007 كلاسيك فضى فابريكة من "الداخل"رشة خوارج ماشية 100 الف كم اوتوماتيك 1600 سى سى كاملة دي صاحبها كان طالب فيها 73000 ج (( المفروض يتكلم في 68-70 الف جنية )) حالتها ملهاش دعوة بموديل 2007 يلا برضة ما علينا .

لانسر 2006 - سوبر اكشن -فضي فابريكة بالكامل 51000 كم اول يد - 1600 سى سى لانسر 2006 -اتوماتك فتحة سقف وجنط اسبويلر دي صاحبها كان طالب فيها 85000 ج (( المفروض سعرها 80 )) يلا برضة ما علينا .

لانسر 2006 -هاف سبورت - نبيتي - فابريكة -37000 كم ـ 1600 سى سى ـ اتوماتيك دي كانت حلوة جدا واتباعت على 78000 ج

دي الحاجات الي انا فاكرها لحد دلوقتي حقيقة :HAPPY_~211: بفكر اجيب اكسنت امشي بيها نفسي لحد ما الاقي لانسر عدلة وبسعر كويس ربنا معانا

zerab
06-12-2009, 12:34 PM
زيزو ربنا يعنا الايام دية فية استهبال فضييييييع في المستعمل انا سمعت عن سوق البساتين وعاوز اعمل طلة انت عارف هو فين بالضبط وامتي هو بيكون الجمعة والا الاحد ومتشكر اقوووووي

zizophone
06-12-2009, 12:59 PM
زيزو ربنا يعنا الايام دية فية استهبال فضييييييع في المستعمل انا سمعت عن سوق البساتين وعاوز اعمل طلة انت عارف هو فين بالضبط وامتي هو بيكون الجمعة والا الاحد ومتشكر اقوووووي

يارب والله يا باشا حاجة تشل , لسه من على كونتكت اهو مكلم اصحاب عربيتين واحدة 2006 كاملة سبورت ماشية 85 الف كيلو صاحبها بيتكلم في 78 الف جنيه . والتانية 2007 سودا كلاسيك بس هو كاتب انها هاف سبورتptmnlo123per154 ماشية 50 الف كيلو وعايز 80 الف جنية.

موضوع سوق البساتين ده اول مرة اسمع عنه , عموما انا حبقي اتابع معاك كل الي يقابلني يمكن حد فينا يشتري ptmnlo123per144

x0xahmedx0x
06-12-2009, 03:12 PM
لو سمحت عايز اعرف سعر الرينو كليو 2002 كاملة ودهان المصنع برة وجوة وعايز اعرف اية الفرق بين الرينو كليو 2002 و 2003 هل يوجد فرق و فرق السنة بس

alrabeh
06-12-2009, 06:36 PM
دكتور تامر لو عربية نيسان صنى 2007 ماشية 60000 كيلو اوتوماتيك رشة برة ما عدا السقف نظافة تساوى كام وهل الفروقات بين الشكل القديم و الشكل الجديد جوهرية وهل النيسان افضل ولا اللانسر

waelsalah
06-12-2009, 06:58 PM
معايا 20000 او ممكن 250000 ممكن يجيبولى ايه كويس خصوصا انى عايزها لعائلة
ومن ا ى مكان افضل للشراء
أرجو الافادة اخوانى فى الله

maxim82
06-12-2009, 10:40 PM
طب هما بيعرضوا بالاسعار ديه وبيبعوا على كدة؟؟!!


بس ياخالد انا لسة جاى من السوق دلوقتى (يوم الاحد) شفت عربية كوبية جامدة جدا موديل 2005 فضى بس و اللة العظيم ما فيها خادشة و فاريكة برة و جوة و شكلها تحفة انا اتكلمت مع صاحبها كان طالب فيها 80000 المهم انى اخرى فيها 65000 المهم الكلام وصل لغاية 70000 اخرها منة و انا اخرى 65000 لانهم بسراحة الى معايا و من الاخر مش هدفع اكتر من 65000 قى كوبية لو هية من السما بس هوة مرديش 65000 و قالى اخرها 70000 لانى اعدت معة اليوم كلة و بصراحة و صلنى لغاية البيت لانة شتب عسولة و قالى اخرها علشانى 70000 بس طبعا انا اخرى 65000 زى ماقلت لو انت حابب تشتريها انا ممكن اديك رقمة:260309~146:

mohammedmoustfa
07-12-2009, 12:05 AM
لانسر 2007 سوبر اكشن رشة برا - فيراني - يقال انها ماشية 55 ألف كم 1600 اوتماتيك طبعا هي ماشية اكتر من كده ومبهدلة من جوه دي صاحبها كان طالب نهائي 85000ج وبعد الفحص والحالة العامة السيئة ((المفروض تمنها ميزدش عن 75-76 )) ربنا يوفقه في بيعها لانه راجل ذوق ومحترم[/SIZE] .




و الله العظيم انت اللي ذوق جدا و محترم جدا
كفايه انك نزلت مخصوص من عندك لغايه عندي علي الفاضي
و انا اخري 81000 مش 85000 و الله المستعان

د0تامر محمد
07-12-2009, 12:28 AM
دكتور ربنا يوصلك بالسلامة في استفسار بسيط
انا عيايز عربية لانسر مستعملة موديل 2008 او 2009 تكون مش ماشية كثيراوتماتيك تعملها كام الايام دي ومع العلم ان قدامي الانترا اوتماتيك فيها خبطة خفيفة وطالبين 80الف اية رايك اخذها والا لانسر احسن او استنا لما تهدي اسعار المستعمل لو سمحت الرد اول ماتوصل
أنت محددتش لانسر بومة ولا شارك والبومة 1300 ولا 1600
الإلنترا لو 2008 ممتازة لكن اليابانى عمره أطول

د0تامر محمد
07-12-2009, 12:32 AM
بص يا جميل بدور على لانسر من قبل العيد وكل يوم جمعة وحد في السوق الناس بتستعبط وبتتكلم في اسعار غريبة جدا عموما انا حقولك على الحاجات الي كانت معروضة وانت تعامل بقي

لانسر 2007 سوبر اكشن رشة برا - كحلي - ماشية 85 ألف كم 1600 اوتماتيك طبعا ماشية كتير جدا دي صاحبها كان طالب نهائي 80000ج ((المفروض تمنها ميزدش عن 75الف جنيه ))

لانسر 2007 سوبر اكشن رشة برا - فيراني - يقال انها ماشية 55 ألف كم 1600 اوتماتيك طبعا هي ماشية اكتر من كده ومبهدلة من جوه دي صاحبها كان طالب نهائي 85000ج وبعد الفحص والحالة العامة السيئة ((المفروض تمنها ميزدش عن 75-76 )) ربنا يوفقه في بيعها لانه راجل ذوق ومحترم .


لانسر 2007 هاف سبورت فبريكة بالكامل - أول يد بضمان الوكيل سوداء 28 ألف كم 1600 اوتماتيك دي صاحبها كان طالب نهائي 92000ج ((المفروض تمنها ميزدش عن82 )) ما علينا بس ده ليه حق لان العربية زيرو .

لانسر 2007 ـ هاف سبورت ـ فيرانى- بيقول فابريكة معادا الاكصدامات 70 الف كم 1600 اوتوماتيك وكانت من جوه مش نضيفة دي صاحبها كان طالب نهائي 80000 ج (( المفروض تمنها ميزدش عن73- 75 )) برضة ما علينا .

لانسر 2007 كلاسيك فضى فابريكة من "الداخل"رشة خوارج ماشية 100 الف كم اوتوماتيك 1600 سى سى كاملة دي صاحبها كان طالب فيها 73000 ج (( المفروض يتكلم في 68-70 الف جنية )) حالتها ملهاش دعوة بموديل 2007 يلا برضة ما علينا .

لانسر 2006 - سوبر اكشن -فضي فابريكة بالكامل 51000 كم اول يد - 1600 سى سى لانسر 2006 -اتوماتك فتحة سقف وجنط اسبويلر دي صاحبها كان طالب فيها 85000 ج (( المفروض سعرها 80 )) يلا برضة ما علينا .

لانسر 2006 -هاف سبورت - نبيتي - فابريكة -37000 كم ـ 1600 سى سى ـ اتوماتيك دي كانت حلوة جدا واتباعت على 78000 ج

دي الحاجات الي انا فاكرها لحد دلوقتي حقيقة :HAPPY_~211: بفكر اجيب اكسنت امشي بيها نفسي لحد ما الاقي لانسر عدلة وبسعر كويس ربنا معانا

شكرا على مساهمتك القيمة جدا
فعلا السوق كانغريب جدا وأسعاره مستفزه والسبب التجار اللى عاملين رباطية عشان خايفين من الانهيار
كل هذه الاسعار مبالغ فيها جدا وحرام حد يشترى بهذه الاسعار حتى لو كان مضطر

amro_s
07-12-2009, 12:43 AM
أولا الف شكر علي مجهودك ووقتك
كنت بسأل علي عربية اوكتافيا A5 موديل 2007 مثلا أوتوماتيك و تكون حالة جيدة جدا ومش محتاجة مصاريف و لا ماشية كتير سعرها يكون كم؟ - و يا ريت تقولي هية تعتبر ماشية كتير من كم كيلو كده- و جزاك الله خيرا

د0تامر محمد
07-12-2009, 12:56 AM
لو سمحت عايز اعرف سعر الرينو كليو 2002 كاملة ودهان المصنع برة وجوة وعايز اعرف اية الفرق بين الرينو كليو 2002 و 2003 هل يوجد فرق و فرق السنة بس

السعر
2002=38
2003=42

alrabeh
07-12-2009, 12:59 AM
دكتور تامر لو عربية نيسان صنى 2007 ماشية 60000 كيلو اوتوماتيك رشة برة ما عدا السقف نظافة تساوى كام وهل الفروقات بين الشكل القديم و الشكل الجديد جوهرية وهل النيسان افضل ولا اللانسر

د0تامر محمد
07-12-2009, 01:01 AM
دكتور تامر لو عربية نيسان صنى 2007 ماشية 60000 كيلو اوتوماتيك رشة برة ما عدا السقف نظافة تساوى كام وهل الفروقات بين الشكل القديم و الشكل الجديد جوهرية وهل النيسان افضل ولا اللانسر

اللانسر أفضل بقدر طفيف وهذا رأيى وهناك ناس تفضل النيسان وهى وجهة نظر
الفرق بين الشكل القديم والجديد فرق شكلى
صنى مو2007 دواخل اوتو= 69000

alrabeh
07-12-2009, 01:08 AM
اللانسر أفضل بقدر طفيف وهذا رأيى وهناك ناس تفضل النيسان وهى وجهة نظر
الفرق بين الشكل القديم والجديد فرق شكلى
صنى مو2007 دواخل اوتو= 69000

بجد أدعو لك من كل قلبى اللهم بارك لك فى الدنيا والآخرة بعمر طويل وعمل صالح وحسن خاتمة وسلمك الله من كل شر ومن كل مرض انت وكل من تحب

1- لو كانت الميزانية بتاعتى فى حدود ال 70000 هل فيه عربية تانى تكون احسن من الصنى ما أكونشى واخد بالى منها بس تكون اوتوماتيك. فماذا تفعل لو كنت فى مكانى (محتار جدا)
2- هل النوبيرا الأوتوماتيك كويسة خاصة ان سعرها قليل
3- انا واخد قرار بأننى ما أشتريش غير اوتوماتيك فى ظل الزحمة الرهيبة الموجودة فهل توافقنى على هذا الرأى على الرغم من ان اختيارات الأوتوماتيك أقل بكثير من المانيوال وأغلى

ولك جزيل الشكر

د0تامر محمد
07-12-2009, 01:58 AM
أولا الف شكر علي مجهودك ووقتك
كنت بسأل علي عربية اوكتافيا A5 موديل 2007 مثلا أوتوماتيك و تكون حالة جيدة جدا ومش محتاجة مصاريف و لا ماشية كتير سعرها يكون كم؟ - و يا ريت تقولي هية تعتبر ماشية كتير من كم كيلو كده- و جزاك الله خيرا

تساوى 115000-120000 حسب الحالة
وهية مش أوتوماتيك بل ستبترونيك
موضوع ماشية كام مش مشكلة مقارنة بالاستعمال والحالة
مثلا ممكن نقول أن أقصى عدد كيلوات للسنة فى الاستخدام المعقول 20000 كيلو
يعنى لو 2007 وماشية 60 يبقى شىء جيد جدا

د0تامر محمد
07-12-2009, 02:03 AM
معايا 20000 او ممكن 250000 ممكن يجيبولى ايه كويس خصوصا انى عايزها لعائلة
ومن ا ى مكان افضل للشراء
أرجو الافادة اخوانى فى الله
عشرين مبلغ صعب يجيب حاجة كويسة
25 ممكن سوزوكى سويفت وممكن فيليشيا وممكن برايد
تابع موضوع سيارات مستعملة للبيع

د0تامر محمد
07-12-2009, 02:09 AM
بجد أدعو لك من كل قلبى اللهم بارك لك فى الدنيا والآخرة بعمر طويل وعمل صالح وحسن خاتمة وسلمك الله من كل شر ومن كل مرض انت وكل من تحب

1- لو كانت الميزانية بتاعتى فى حدود ال 70000 هل فيه عربية تانى تكون احسن من الصنى ما أكونشى واخد بالى منها بس تكون اوتوماتيك. فماذا تفعل لو كنت فى مكانى (محتار جدا)
2- هل النوبيرا الأوتوماتيك كويسة خاصة ان سعرها قليل
3- انا واخد قرار بأننى ما أشتريش غير اوتوماتيك فى ظل الزحمة الرهيبة الموجودة فهل توافقنى على هذا الرأى على الرغم من ان اختيارات الأوتوماتيك أقل بكثير من المانيوال وأغلى

ولك جزيل الشكر

عندك لانسر 2006
أوكتافيا مو2004A4
إلنترا مو2006
سيارات جيدة جدا وفى حدود مبلغ ال70000
النوبيرا الاوتوماتيك مالهاش سوق وسيئة مع طول الاستعمال علاوة على مشكلة العفشة
بصفة عامة لا يعلى على اليابانى فى الاوتوماتيك خاصة مع موتور ال1600

pardleo1
07-12-2009, 03:08 PM
لو سمحت ممكن اعرف سعر التمبرا موديل 90 استيراد

amro_s
07-12-2009, 06:57 PM
تساوى 115000-120000 حسب الحالة
وهية مش أوتوماتيك بل ستبترونيك
موضوع ماشية كام مش مشكلة مقارنة بالاستعمال والحالة
مثلا ممكن نقول أن أقصى عدد كيلوات للسنة فى الاستخدام المعقول 20000 كيلو
يعنى لو 2007 وماشية 60 يبقى شىء جيد جدا


ألف شكر علي ردك
و كان ليه استفسار لو حضرتك تفيدني بخبرتك

يعني 60000 كم او اكتر شوية ده متحتجش تصليحات باستمرار؟ مع العلم اني معنديش خبرة في العربيات

تاني حاجة انا كنت عايز حاجة في حدود ال 120000 و مش عارف ايه الاحسن هل اشوف a4 كسر زيرو-لانهم بطلوا استيرادها خلاص من اول 2010 و مفيش منها خلاص في السوق- و لا a5 موديل 2006 او 2007؟ و لا اشتري حاجة تانية خالص بس زيرو لانسر مثلا؟

و اسف لازعاج حضرتك باسئلتي
و في انتظار ردك

<input id="gwProxy" type="hidden"><!--Session data--><input onclick="jsCall();" id="jsProxy" type="hidden">

ASHROF
07-12-2009, 09:21 PM
السلام عليكم و رحمة الله و بركاته
حمدا لله علي السلامة يا دكتور منور
يعني ايه ستبترونيك

maxim82
07-12-2009, 09:29 PM
حمد للة على السلامة يا دكتور تامر

ASHROF
07-12-2009, 09:45 PM
سيدي العزيز د/ تامر
ايه اخبار الدايو سبيرو كسيارة من ناحية قطع الغيار و جودة السيارة و سعرها كام لو كانت موديل 94 او 96 اتوماتيك
و حالة جيدة،،،،،،،،،، و جزاك الله عني و عن كل المسلمين خيرا

yaseralharere
07-12-2009, 10:09 PM
السام عليكم يا دكتوراناعارف ان مشاغلك كتير انا قلت لحضرتك ان معاية 35 الف وحضرتك قلت دة مبلغ كويس للاكسنت مو 2000 انا مش فارق معايا الموديل و لكن المهم الحالة والمهم تكون كاملة ومش اوتوماتيك

mohammedmoustfa
07-12-2009, 10:33 PM
السلام عليكم و رحمة الله و بركاته
حمدا لله علي السلامة يا دكتور منور
يعني ايه ستبترونيك

الستبترونيك
او الايزي ترونيك او الجير ترونيك
هيا كلها مسميات لحاجه واحده تختلف باختلاف ماركه اعربيه
و هيا بتدل علي ان ناقل الحركه يجمع ما بين الجير التوماتيك و الناقل اليدوي مع عدم وجود دواسه دبرياج
يعني لو حضرتك قدت عربيه اتوماتيك قبل كده هيا فيها عصا الفيتيس مجرد ان حضرتك بتجيبها علي ال D العربيه بتمشي و نت مش محتاج غي انك تدوس بنزين
و في المانيول معروف ان العربيه مش ها تنقل علي الجير الاعلي يعني مثلا من الاول للثاني الا لما حضرتك تدوس دبرياج و تنقل عصا الفيتيس يدوي
الستيبترونيك بقي
هو انك ممكن تجيبها علي الدي و تمشي عادي خالص
و ممكن و انت ماشي و تقوم جايب العصا علي اليمين فا تبان في تابلوه السياره انت علي اي جير الاول او التاني او التالت
و السياره في هذه الحاله لن تقوم بالصعود للجير الاعلي الا لو حضرتك قدمت عصا الفيتيس للمام
مع عدوم ضغطك علي دواسه الدبرياج لعدم وجودها اصلا
ارجو ان اكون وضحت لحضرت سؤالك

ASHROF
07-12-2009, 10:43 PM
شكرا سيدي العزيز محمد مصطفي و جزاك الله خيرا
يعني ممكن نقول انها زي الأتوبيسات بتاعة الهيئة صح؟؟؟

ادهم 2000
07-12-2009, 11:15 PM
السلام عليكم دكتورد ادهم وربنا يديك الصحة وتفضل تفيدنا بخبرتك انا الصراحة عايز اجيب كيا سبكترا 2006 او 2007 اوتامتيك كاملة ايه رايك فيها وتعمل كام وانا مش موجود حاليا بمصر يعني لو نزلت مصر حلاقي ولا صعب الاقي منها ولو مش كامل تعمل كام ومعلش لو حغلبك معايا عايز كمان اسال حضرتك عن افيو اوتماتيك 2006
ولا نوس اوتماتيك 2006 يعملوا كام وبجد حتعبك معايا بس الصراحة انا مش في مصر وعايز اعرف عشان انزل اشتري فورا واسف لو اطلت عليك وشكرا

ASHROF
07-12-2009, 11:46 PM
جزاكم الله خيرا جميعا و شكرا كم

isaac1963
07-12-2009, 11:55 PM
سيدي العزيز د/ تامر
ايه اخبار الدايو سبيرو كسيارة من ناحية قطع الغيار و جودة السيارة و سعرها كام لو كانت موديل 94 او 96 اتوماتيك
و حالة جيدة،،،،،،،،،، و جزاك الله عني و عن كل المسلمين خيرا
استاذنا العزيز

انا كان عندي نوبيرا 1 موديل 1997 وطلعت عيني علشان اتوماتك كل شويه يعطل وتصليحه مكلف ثمن الفتيس الاوتوماتك حوالي 2000 جنيه وللعلم هو كده رخص لانه كان 3500
الاسبيرو هي نفس موتور و فتيس النوبيرا 1

ده تجربتي معها ارجو اكون افادتك

ASHROF
08-12-2009, 12:18 AM
السلام عليكم
الف شكر لك يا استاذ اسحاق

ASHROF
08-12-2009, 12:21 AM
اين انت يا دكتور تامر يا عميد واديب المنتدي
و الله وحشني ردودك

shero128
08-12-2009, 12:22 AM
دكتور تامر جزاك الله كل خير ياريت تفيدنى قدامى النترا 1600 مو1993 حالة جيدة ولا اشترى تمبرا 1991 1400 وبصفة عامة تنصحنى بالانجيكشن ولا الكاربيراتير وايه عيوب الانجيكشن ومميزاته

ادهم 2000
08-12-2009, 12:30 AM
انا اسف دكتور تامر انا قلتلك دكتور ادهم بالغلط انا كان قصدي انا ادهم وشكرا على مجهودك

د0تامر محمد
08-12-2009, 01:15 AM
لو سمحت ممكن اعرف سعر التمبرا موديل 90 استيراد
تساوى 28000 حالة جيدة

د0تامر محمد
08-12-2009, 01:21 AM
دكتور تامر جزاك الله كل خير ياريت تفيدنى قدامى النترا 1600 مو1993 حالة جيدة ولا اشترى تمبرا 1991 1400 وبصفة عامة تنصحنى بالانجيكشن ولا الكاربيراتير وايه عيوب الانجيكشن ومميزاته
التمبرا أفضل كجودة وخامات
الالنترا القديم خاماته سيئة
الانجكشن يجعل السيارة أنعم وأكثر توفيرا للوقود
التمبرا 91 نضيفة ح تبقى فى حدود 31000

ASHROF
08-12-2009, 01:26 AM
مرحبا يا دكتور تامر
و الله منور الدنيا

ASHROF
08-12-2009, 01:29 AM
يا دكتور تامر
سعر الفورد مونديو كام موديل 98 تكييف و باور و سنتر فبريقة ماعدا رفرف امامي

د0تامر محمد
08-12-2009, 01:39 AM
ألف شكر علي ردك
و كان ليه استفسار لو حضرتك تفيدني بخبرتك

يعني 60000 كم او اكتر شوية ده متحتجش تصليحات باستمرار؟مع العلم اني معنديش خبرة في العربيات
هذا ليس شرطا لو تمت صيانتها على مايرام وقد تكون سيارة عاملة 100ألف أفضل من 50 حسب الاستعمال

تاني حاجة انا كنت عايز حاجة في حدود ال 120000 و مش عارف ايه الاحسن هل اشوف a4 كسر زيرو-لانهم بطلوا استيرادها خلاص من اول 2010 و مفيش منها خلاص في السوق- و لا a5 موديل 2006 او 2007؟ و لا اشتري حاجة تانية خالص بس زيرو لانسر مثلا؟
شوف أنا معايا أوكتافيا a5 مو2008 ولسه راكب بى أم مو2000 الصراحة الاوكتافيا
ولا حاجة جنبها
لو عايز تركب عربية بجد يابانى يبقى هوندا سيفيك أو سوبارو إمبريزا
ألمانى يبقى بى أم أو أى حاجة فولكس
كورى يبقى زيرو يبقى سيراتو أو إلنترا وفرق كبير بينهم وبين اللى فوق

و اسف لازعاج حضرتك باسئلتي
و في انتظار ردك

<INPUT id=gwProxy type=hidden><!--Session data--><INPUT id=jsProxy onclick=jsCall(); type=hidden>

اللانسر جميلة فى ال1600 وكذلك المازدا3 لو نويت زيرو
لو مستعمل ونفسك فى إسكودا يبقى a5
لو غاوى حاجة محترمة دور على بى أم
تمنياتى لك بالتوفيق

د0تامر محمد
08-12-2009, 01:44 AM
يا دكتور تامر
سعر الفورد مونديو كام موديل 98 تكييف و باور و سنتر فبريقة ماعدا رفرف امامي

تساوى 42000

د0تامر محمد
08-12-2009, 01:49 AM
السلام عليكم و رحمة الله و بركاته
حمدا لله علي السلامة يا دكتور منور
يعني ايه ستبترونيك
والله إنت اللى منور الموضوع وشكرا على ذوقك الدائم
سبق وأن جاوبت على السؤال فى صفحة سابقة ولكن فى الاعادة إفادة
هو الفتيس المانيوال الاوتوماتيك !!
يعنى هوه اوتو زى الاوتو D,R,P,2 أى غيارات الاوتو ويوجد عند الd علامة زائد وناقص +و- فيها يتم تحويل الاوتو إلى مانيوال والعكس بتغيير الحارة للفتيس فيصبح مانيوال ويتم الرجوع من نفس العلامة

د0تامر محمد
08-12-2009, 01:53 AM
سيدي العزيز د/ تامر
ايه اخبار الدايو سبيرو كسيارة من ناحية قطع الغيار و جودة السيارة و سعرها كام لو كانت موديل 94 او 96 اتوماتيك
و حالة جيدة،،،،،،،،،، و جزاك الله عني و عن كل المسلمين خيرا

الدايو عامة فى الاوتوماتيك مشاكله كتيرة وغير مرغوب
قطع الغيار غير متوفرة كثيرا لكنها موجودة وبصراحة هيه كانت جميلة فى أولها زمان لكن دلوقتى سيارة راحت عليها
السعر من 25-33 حسب الحالة العامة للسيارة

ASHROF
08-12-2009, 01:54 AM
جزاك الله خيرا

د0تامر محمد
08-12-2009, 01:58 AM
السام عليكم يا دكتوراناعارف ان مشاغلك كتير انا قلت لحضرتك ان معاية 35 الف وحضرتك قلت دة مبلغ كويس للاكسنت مو 2000 انا مش فارق معايا الموديل و لكن المهم الحالة والمهم تكون كاملة ومش اوتوماتيك
والله ما نسيتك لكن أنا لو كان فيه نصيب أرشح لك حاجة يبقى لازم أكون شفتها وحالتها على الاقل جيد جدا وهذا صعب
لو تحب أقولك على حاجة معرفهاش كويس موجود كتير
تابع موضوع سيارات مستعملة للبيع ربما تظهر حاجة وتجد طلبك
تمنياتى لك بالتوفيق

د0تامر محمد
08-12-2009, 02:07 AM
السلام عليكم دكتورد ادهم وربنا يديك الصحة وتفضل تفيدنا بخبرتك انا الصراحة عايز اجيب كيا سبكترا 2006 او 2007 اوتامتيك كاملة ايه رايك فيها وتعمل كام وانا مش موجود حاليا بمصر يعني لو نزلت مصر حلاقي ولا صعب الاقي منها ولو مش كامل تعمل كام ومعلش لو حغلبك معايا عايز كمان اسال حضرتك عن افيو اوتماتيك 2006
ولا نوس اوتماتيك 2006 يعملوا كام وبجد حتعبك معايا بس الصراحة انا مش في مصر وعايز اعرف عشان انزل اشتري فورا واسف لو اطلت عليك وشكرا
أولا تعبك راحة وتحت أمرك
ثانيا أستبعد لك لانوس أوتوماتيك لان الاوتو فى الدايو سىء ومشاكلة كتير
أفيو أوتو أرحم شوية وإن كان الاوتو يابانى هوه المضمون
الإسبكترا عربية جيدة لكن سوقها مش ماشى وقطع غيارها مش كتير
سبكترا مو2006 أوتو=55 كاملة فابريقة لو لقيت
أفيو 2006 اوتو قليلة الإنتشار وتساوى 60000

ادهم 2000
08-12-2009, 02:26 AM
أولا تعبك راحة وتحت أمرك
ثانيا أستبعد لك لانوس أوتوماتيك لان الاوتو فى الدايو سىء ومشاكلة كتير
أفيو أوتو أرحم شوية وإن كان الاوتو يابانى هوه المضمون
الإسبكترا عربية جيدة لكن سوقها مش ماشى وقطع غيارها مش كتير
سبكترا مو2006 أوتو=55 كاملة فابريقة لو لقيت
أفيو 2006 اوتو قليلة الإنتشار وتساوى 60000

شكرا الك دكتور وغلبتك معايا بس معلش حبقى غلس شويا واسالك انا عايز عربية من 55 الف ل 60 الف بس اوتوماتيك وحلوة ممكن الاقي ايه

abomosa
08-12-2009, 02:53 AM
ياريت سعر فيات 128 موديل 1996 وكمان ميتسوبيشي جالانت موديل 1979 ومين الاحسن فيهم من حيث الاستعمال وقطع الغيار وشكرا

د0تامر محمد
08-12-2009, 03:04 AM
شكرا الك دكتور وغلبتك معايا بس معلش حبقى غلس شويا واسالك انا عايز عربية من 55 الف ل 60 الف بس اوتوماتيك وحلوة ممكن الاقي ايه

نيسان صنى مو2002 وتعمل 60000 لحالة جيدة جدا
تويوتا كورولا مو2001 تعمل 60 لحالة جيدة
لانسر مو99-2000 تعمل 55-57 حالة جيدة جدا و2001 =60 حالة جيدة جدا

د0تامر محمد
08-12-2009, 03:08 AM
ياريت سعر فيات 128 موديل 1996 وكمان ميتسوبيشي جالانت موديل 1979 ومين الاحسن فيهم من حيث الاستعمال وقطع الغيار وشكرا

فيات 128 مو96=15000
جالانت مو79=16000
كسيارة وركوبة الجالانت أفضل
كقطع غيار وإعادة بيع وسهولة صيانة ال128
قطع الغيار الجالانت موجودة لكن قليلة جدا

ادهم 2000
08-12-2009, 03:11 AM
نيسان صنى مو2002 وتعمل 60000 لحالة جيدة جدا
تويوتا كورولا مو2001 تعمل 60 لحالة جيدة
لانسر مو99-2000 تعمل 55-57 حالة جيدة جدا و2001 =60 حالة جيدة جدا
شكرا ليك يادكتور وجزاك الله كل خيرررر

ashraf2808
08-12-2009, 04:10 AM
السلام عليكم الاخ الفاضل د تامر تحية طيبة وخالصة لسيادتك على مجهودك الهائل فى المتابعه والردود المفيدة جزاك الله عنا خيرا اما بالنسبة لسؤالى اذا سمح وقت سيادتك فهو بخصوص الفورد انا عايز اشترى عربية فورد ايسكورت موديل 99 بس مش عارف اخبار الفورد بالنسبة لقطع الغيار والصيانه واعادة البيع من خلال خبرة سيادتك فى سوق السيارات وشكرا لاهتمامك

amnpop
08-12-2009, 11:31 AM
ايك يا دكتور تامر وحمدا لله علي سلامتك
في اكسنت 1300 مو2005 فابريقه بالكامل بره وجوه عداد 85000 اكترهم سفر استعمال راقي جدا ياتري تساوي كام
شكرا

ASHROF
08-12-2009, 12:18 PM
السلام عليكم يا شباب
السلام عليكم يا دكتور تامر
ايه رأي حضرتك في سيارة تويوتا مواصفات خليجى ( لفت باك )، دواخل فبريكة- رش خارجى، 4اطارات جديدة من شهر، طقم سمعات 4 قطع كنود cd بايونير، بطارية جافة جديدة 4 زجاج كهرباء، سنتر لوك، باور، (كاملة مانيوال) رخصة سنة ده اللي مكتوب و سعرها كام و ايه اخبار قطع الغبار و الصيانة؟
و شكرا جزيلا

ASHROF
08-12-2009, 12:20 PM
السلام عليكم يا شباب
السلام عليكم يا دكتور تامر
ايه رأي حضرتك في سيارة تويوتا مواصفات خليجى ( لفت باك )، دواخل فبريكة- رشه خارجى، 4اطارات جديدة من شهر، طقم سمعات 4 قطع كنود cd بايونير، بطارية جافة جديدة 4 زجاج كهرباء، سنتر لوك، باور، (كاملة مانيوال) رخصة سنة ده اللي مكتوب و سعرها كام و ايه اخبار قطع الغيار و الصيانة؟

و دي صورة السيارة http://www.contactcars.com/Images/PostedCars/6122009_174150_g8ngajq.jpg
http://www.contactcars.com/Images/PostedCars/6122009_174150_fe5wfu2.jpg
و شكرا جزيلا

طالب في مصر
08-12-2009, 04:03 PM
لو سمحت يا دكتورنا العزيز

انا معايا 88 الف ممكن تجيب لي كرولا اوتوماتيك اي موديل

yaseralharere
08-12-2009, 06:23 PM
لا يا دكتور انا معاك وواثق فيك وفى اى وقت مش واثق فى حد غيرك وربنا يسهل واللة انا تاعبك وانت مش فاضى بس ربنا ييسر

gabr_sayed
08-12-2009, 10:23 PM
السلام عليكم
ازيك يا دكتور وربنا انت حد جميل اوي ومرسي اوي علي مجهودك الجامد ده
ياريت تقللي انا ادامي عربيه دايو لانوس 2002 فاضيه من غير كمليات ورشه بره اكصام وجوانب بس
وفبريكه جوه وماتورها حالته جيده جدا يا تري سعرها كام

waelsalah
08-12-2009, 11:01 PM
اشكرك شكرا جزيلا د/ تامر محمد وجزاك الله كل خير
حضرتك سمعت عن سيارات المنطقة الحره فى بورسعيد وارد الخليج بس مش للمعوقين
واحد اعرفه جاب لانوس 97 ب 28000 وصرف عليها كهربا بس ده ممكن هناك ولا راي حضراتكم ايه
واشكركم لسعة صدر حضراتكم
والسلام عليكم ورحمة الله

ASHROF
09-12-2009, 10:04 AM
السلام عليكم
ايه يا جماعة من امبارح مفيش ردود لعل المانع خير ان شأ الله
سلامي لك يا د/تامر و لكل الموجودين

د0تامر محمد
09-12-2009, 12:25 PM
السلام عليكم
ايه يا جماعة من امبارح مفيش ردود لعل المانع خير ان شأ الله
سلامي لك يا د/تامر و لكل الموجودين

آسف يا جماعة لانقطاع النت منذ عصر أمس

د0تامر محمد
09-12-2009, 12:29 PM
السلام عليكم الاخ الفاضل د تامر تحية طيبة وخالصة لسيادتك على مجهودك الهائل فى المتابعه والردود المفيدة جزاك الله عنا خيرا اما بالنسبة لسؤالى اذا سمح وقت سيادتك فهو بخصوص الفورد انا عايز اشترى عربية فورد ايسكورت موديل 99 بس مش عارف اخبار الفورد بالنسبة لقطع الغيار والصيانه واعادة البيع من خلال خبرة سيادتك فى سوق السيارات وشكرا لاهتمامك

تساوى 30000
قطع الغيار غالية لكن معقولة والصيانة عادية
إعادة البيع تقيلة
وهى سيارة جيدة

د0تامر محمد
09-12-2009, 12:33 PM
ايك يا دكتور تامر وحمدا لله علي سلامتك
في اكسنت 1300 مو2005 فابريقه بالكامل بره وجوه عداد 85000 اكترهم سفر استعمال راقي جدا ياتري تساوي كام
شكرا
تساوى 46000

د0تامر محمد
09-12-2009, 12:36 PM
السلام عليكم يا شباب
السلام عليكم يا دكتور تامر
ايه رأي حضرتك في سيارة تويوتا مواصفات خليجى ( لفت باك )، دواخل فبريكة- رشه خارجى، 4اطارات جديدة من شهر، طقم سمعات 4 قطع كنود cd بايونير، بطارية جافة جديدة 4 زجاج كهرباء، سنتر لوك، باور، (كاملة مانيوال) رخصة سنة ده اللي مكتوب و سعرها كام و ايه اخبار قطع الغيار و الصيانة؟

و دي صورة السيارة http://www.contactcars.com/Images/PostedCars/6122009_174150_g8ngajq.jpg
http://www.contactcars.com/Images/PostedCars/6122009_174150_fe5wfu2.jpg
و شكرا جزيلا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مو كام

د0تامر محمد
09-12-2009, 12:43 PM
لو سمحت يا دكتورنا العزيز



انا معايا 88 الف ممكن تجيب لي كرولا اوتوماتيك اي موديل


ممكن جدا بإذن الله
فابريقة بالكامل وحالة ممتازة مو2005

د0تامر محمد
09-12-2009, 12:49 PM
السلام عليكم
ازيك يا دكتور وربنا انت حد جميل اوي ومرسي اوي علي مجهودك الجامد ده
ياريت تقللي انا ادامي عربيه دايو لانوس 2002 فاضيه من غير كمليات ورشه بره اكصام وجوانب بس
وفبريكه جوه وماتورها حالته جيده جدا يا تري سعرها كام

تساوى 42000
أنا بعت من يومين الكاملة نفس المواصفات ب44000

د0تامر محمد
09-12-2009, 01:18 PM
اشكرك شكرا جزيلا د/ تامر محمد وجزاك الله كل خير
حضرتك سمعت عن سيارات المنطقة الحره فى بورسعيد وارد الخليج بس مش للمعوقين
واحد اعرفه جاب لانوس 97 ب 28000 وصرف عليها كهربا بس ده ممكن هناك ولا راي حضراتكم ايه
واشكركم لسعة صدر حضراتكم
والسلام عليكم ورحمة الله
ياريت حد من إخوانا البورسعيدية يفيدك فى التفاصيل
وما أعرفه أن سيارات بورسعيد لها فترة محدودة خارج بورسعيد لاتزيد عن 90 يوم فى السنة

عماد الدين عز
09-12-2009, 01:47 PM
معايا 34 ومش عارف اجيب كيا برايد سيدان موديل 1999 او هيونداى اكسنت موديل 1998

talal
09-12-2009, 02:31 PM
للبيع نوبيرا 2006 سوداء رش خارجي رخصه بأسم المالك لا تحتاج مصاريف نهائيا 0115050151

egypt_farmer
09-12-2009, 02:55 PM
ارجو الافاده
معروضه اسبرنزا 620 موديل 2008 عامله 80 الف كيلو
على كلام صاحبها .. شرخ بسيط فى الاكصدام الخلفى .. الستاره الخلفيه بتعلق
طالب 68000 جنيه
ايه رئيك يا دكتور تامر
؟

isaac1963
09-12-2009, 06:49 PM
ياريت حد من إخوانا البورسعيدية يفيدك فى التفاصيل
وما أعرفه أن سيارات بورسعيد لها فترة محدودة خارج بورسعيد لاتزيد عن 90 يوم فى السنة
السيارات المنطقه الحره علشان تشتريها لازم تكون مقيم في بورسعيد 10 سنوات علي الاقل
و لها فترة محدودة خارج بورسعيد لاتزيد عن 90 يوم فى السنة

واذا اشتريت بتوكيل واي كمين قابلك هيسحب السياره وتتحجز في قريه البضائع وتبقي قضيه اموال عامه لان مثبت علي الرخصه < حظر جمارك > معني كده لا يقودها الا مالكها ولا تباع الا بعد موافقه الجمارك اللي من شروطه 10 سنوات اقامه في بورسعيد ولايمكن فك الحظر

ASHROF
09-12-2009, 07:53 PM
السلام عليكم و رحمة الله و بركاتة
و الله يا دكتور تامر الموقع كان كئيب من غيرك ده بأمانة انت و الله العظيم منور الدنيا كلها ptmnlo123per122
السيرة موديل 93................... جزاك الله خيراً

waelsalah
09-12-2009, 08:11 PM
شكرا لاهتمامكم
ولكن اللى جاب اللانوس ده كانت من غير ورق وهو اللى رخصها بورق جديد مش موضوع جمارك
ارجو الافاده وارجو نصائح لخير مكان لشراء السيارات من حيث السعر والامانه
ولكم جزيل الشكر
www.yaqob.com

ادهم 2000
10-12-2009, 12:36 AM
انا اسف يادكتور على الازعاج مرة تانية انا سالت حضرتك اني عايز اشتري كيا سبكترا 2006 قلتلي حلوة بس ممكن ماتلاقيش وقطعها صعب الحصول عليها شويا بس سؤالي لحضرتك انا حاليا مش في مصر وسالت واحد بس مش واثق بمعلوماته اوي قلي مش موجود سبكترا 2006 خالص في مصر ممكن اعرف لو كانت المعلومة دي صحيحة ولو كانت صحيحة موديل اي سنة ممكن الاقي وشكرا ليك واسف على الازعاج مرة اخرى

د0تامر محمد
10-12-2009, 09:51 PM
السلام عليكم و رحمة الله و بركاتة
و الله يا دكتور تامر الموقع كان كئيب من غيرك ده بأمانة انت و الله العظيم منور الدنيا كلها ptmnlo123per122
السيرة موديل 93................... جزاك الله خيراً

آسف بصراحة معنديش تسعير دقيق

د0تامر محمد
10-12-2009, 10:53 PM
معايا 34 ومش عارف اجيب كيا برايد سيدان موديل 1999 او هيونداى اكسنت موديل 1998

الاتنين حلوين اللى حالتها أحسن إتوكل على الله

د0تامر محمد
10-12-2009, 10:55 PM
انا اسف يادكتور على الازعاج مرة تانية انا سالت حضرتك اني عايز اشتري كيا سبكترا 2006 قلتلي حلوة بس ممكن ماتلاقيش وقطعها صعب الحصول عليها شويا بس سؤالي لحضرتك انا حاليا مش في مصر وسالت واحد بس مش واثق بمعلوماته اوي قلي مش موجود سبكترا 2006 خالص في مصر ممكن اعرف لو كانت المعلومة دي صحيحة ولو كانت صحيحة موديل اي سنة ممكن الاقي وشكرا ليك واسف على الازعاج مرة اخرى

أنا شخصيا آخر حاجة شوفتها كانت 2005 المعلومة صحيحة إلى حد كبير

x0xahmedx0x
10-12-2009, 11:29 PM
السلام عليكم
لو سمحت عايز استفسر عن سعر عربية لانسر كريستالة موديل 98 بافتراض ان حالتها ممتازة ودهان المصنع برة وجوة

د0تامر محمد
10-12-2009, 11:30 PM
ارجو الافاده

معروضه اسبرنزا 620 موديل 2008 عامله 80 الف كيلو
على كلام صاحبها .. شرخ بسيط فى الاكصدام الخلفى .. الستاره الخلفيه بتعلق
طالب 68000 جنيه
ايه رئيك يا دكتور تامر

؟


السعر بالنسبة للزيرو ممتاز فرق 40 ألف تقريبا
لو عندك ثقة فيها إشتريها

isaac1963
11-12-2009, 02:21 AM
شكرا لاهتمامكم
ولكن اللى جاب اللانوس ده كانت من غير ورق وهو اللى رخصها بورق جديد مش موضوع جمارك
ارجو الافاده وارجو نصائح لخير مكان لشراء السيارات من حيث السعر والامانه
ولكم جزيل الشكر
www.yaqob.com
انا قلت اللي اعرفه الاحتمال الثاني انه اشتري السياره بورق معوق لان من 16 يناير 2009 تم وقف العمل بنظام المنطقه الحره للسيارات اي لا يمكن ترخيص سياره جديده منطقه حره بعد كده

walidouida
11-12-2009, 11:56 AM
السلام عليكم د/ تامر
ارجو معرفة رأيك في فيات لينيا وما سعر المستعمل منها وهل يوجد امامك مستعمل منها
مع خلص الشكر والتقدير لمجهودكم العظيم
وليد عويضة

د0تامر محمد
11-12-2009, 08:13 PM
نصيحة بلاش شراء مستعمل هذه الأيام لأن الناس بتستهبل جدا فى الأسعار المبالغ فيها
هوه فيه إيه؟!!!!!
أنا أدعوكم لمقاطعة سوق التجار بتاع العاشر بمدينة نصر
وكفاية إستهبال
حافظوا على أموالكم حتى تعود الناس لرشدها

د0تامر محمد
11-12-2009, 08:26 PM
السلام عليكم
لو سمحت عايز استفسر عن سعر عربية لانسر كريستالة موديل 98 بافتراض ان حالتها ممتازة ودهان المصنع برة وجوة

لو مانيوال تبقى 50000
أو تو 52000

هامر
11-12-2009, 10:14 PM
نصيحة بلاش شراء مستعمل هذه الأيام لأن الناس بتستهبل جدا فى الأسعار المبالغ فيها
هوه فيه إيه؟!!!!!
أنا أدعوكم لمقاطعة سوق التجار بتاع العاشر بمدينة نصر
وكفاية إستهبال
حافظوا على أموالكم حتى تعود الناس لرشدها

والمواقع أيضا ًيادكتور تامر .. قرأت اليوم إعلانا ًلبيع صنى سوبرصالون 2006 مصرى ب 95000 جنيه !!! وأنا مندهش جدا ً... الزيرو منها 2010 ب 106000 وعليه خصم للدفع النقدى .. وأنا معك فى هذه النصيحة . الزيرو أفضل وأضمن إذا استمرت أسعار المستعمل بهذه المغالاة وهذا من وجهة نظرى ..

ahmed1981
11-12-2009, 10:16 PM
د تامر
أولاً أشكرك كثيراً على مشوراتك الطيبة على العام والخاص وربنا يجعله في موازيين حسناتك
ولي سؤال:

ما رأيك في البرايد الأوتوماتيك ؟؟
ولو معايا 30000 جنيه ممكن يجيبولي برايد نظيفة أوتو مثلاً ؟ موديل كام ؟

طالب في مصر
11-12-2009, 10:47 PM
بيجو 307 2008\
نظيفه بدون اي رشه
خليجي اوتوماتيك جنوط وفتحه
عمله كام لاني خلاص قررت اخذ بيجو بدال الانترا

mmm aa
12-12-2009, 01:15 AM
لو معايا 33000 ممكن أجيب بيها إيه
أنا عايز رأي حضرتك
عربية تكون بتستحمل وتكون قطع غيارها رخيصة

ولو سمحت عايز أعرف لو عندي عربية 124 موديل 78 حالتها مش أوي لو عايز أبيعها أعرضها على كام

وألف شكر مقدماً لحضرتك

mmm aa
12-12-2009, 01:17 AM
هو فيه ناس قالولي الإكسيل وناس تانيه قالتلي الإكسارا موديل 2001؟؟؟؟:sycho26:

د0تامر محمد
12-12-2009, 09:34 AM
د تامر

أولاً أشكرك كثيراً على مشوراتك الطيبة على العام والخاص وربنا يجعله في موازيين حسناتك
ولي سؤال:

ما رأيك في البرايد الأوتوماتيك ؟؟

ولو معايا 30000 جنيه ممكن يجيبولي برايد نظيفة أوتو مثلاً ؟ موديل كام ؟

البرايد عموما سيارة جيدة ويعتمد عليها
لكن بلاش أوتوماتيك منها المانيوال أفضل
وال30 ممكن يجيبوا مو99 حالة جيدة

د0تامر محمد
12-12-2009, 09:36 AM
هو فيه ناس قالولي الإكسيل وناس تانيه قالتلي الإكسارا موديل 2001؟؟؟؟:sycho26:
وأنا بقولك الأكسنت أكثر عملية وإن كانت الإكسار أكثر جودة لكن قطع الغيار والصيانة

د0تامر محمد
12-12-2009, 09:38 AM
لو معايا 33000 ممكن أجيب بيها إيه
أنا عايز رأي حضرتك
عربية تكون بتستحمل وتكون قطع غيارها رخيصة

ولو سمحت عايز أعرف لو عندي عربية 124 موديل 78 حالتها مش أوي لو عايز أبيعها أعرضها على كام

وألف شكر مقدماً لحضرتك
33 ممكن أكسنت مو98
ممكن برايد مو2001 وهما أفضل خيار
ال124 مو78 تعرضها على 12000

د0تامر محمد
12-12-2009, 09:42 AM
بيجو 307 2008\

نظيفه بدون اي رشه
خليجي اوتوماتيك جنوط وفتحه

عمله كام لاني خلاص قررت اخذ بيجو بدال الانترا


بيجو 307 مو2008= 95000
إختيار موفق

هامر
12-12-2009, 10:15 AM
دكتور تامر : متى يتساوى الشعور بقيادة سيارة سعة 1300 سى سى وأخرى سعة 1600 سى سى ؟ ومتى تتميز كل واحدة منهما على الأخرى ؟

د0تامر محمد
12-12-2009, 10:27 AM
دكتور تامر : متى يتساوى الشعور بقيادة سيارة سعة 1300 سى سى وأخرى سعة 1600 سى سى ؟ ومتى تتميز كل واحدة منهما على الأخرى ؟
حسب الماركة !!
يعنى كورولا 1300 واليابانى عامة تقترب من 1600 من الكورى
الاسترا ال1200 تقترب من لانوس 1500 وربما أفضل
عموما الموتور ال1600 عادة يعطى قدرة حصانية اكبر وسحب أقوى ولكن الموتور ماركته أيه؟
يعنى لا يمكن مقارنة موتور بى أم 316 بموتور نوبيرا أو حتى إلنترا 1600

هامر
12-12-2009, 10:38 AM
وهل الأوتوماتيك فى 1600 أفضل كثيرا ًعنه فى 1300 ؟ أم يتساوى الإثنان فى الشعور بالقيادة ؟

khaled al sharif
12-12-2009, 11:56 AM
ياجماعة عندي عربية فيرنا 2007 مانيوال زجاج كهرباء سنتر لوك ريموت وإنذار وجنوط سبور عاملة 81000 والله صيانة وكيل عايز أبيعها عشان أغير ... موبايلي 0160065062 رجاء عدم الإتصال في مواعيد الصلاة أو بعد الشاعة 11 مساء والمعاينة في مدينة العبور

khaled al sharif
12-12-2009, 12:00 PM
نسيت أقول بالنسبة للفيرنا 2007 لونها فضي إن شاء الله عربية ممتازه ربنا يبارك لمن تكون من نصيبه وياريت حد يديني سعر من الخبراء الكرام بتوعنا تقريبا عشان أنا ماعنديش فكرة عن الأسعار .... ولا تنسو ولا تبخسوا الناس أشيائهم

ahmed1981
12-12-2009, 06:17 PM
البرايد عموما سيارة جيدة ويعتمد عليها
لكن بلاش أوتوماتيك منها المانيوال أفضل
وال30 ممكن يجيبوا مو99 حالة جيدة
بلاش الأوتوماتيك بسبب ماذا؟
هل بيخرب بسرعة مثل النوبيرا ؟
أم أن أداءه ليس على المستوى المطلوب لا أكثر ؟

وشكراً جزيلاً مقدماً

x0xahmedx0x
12-12-2009, 11:09 PM
<!-- google_ad_section_start -->لو سمحت هي اساعر العربيات بتاعت المعاقين الي في بورسعيد بتتحدد على اساس اية بافتراض اني معاق وعايز اشتري لنفسي فلو حضرتك عندك فكرة عن الاسعار او الانواع المفضلة مثلا<!-- google_ad_section_end -->

د0تامر محمد
13-12-2009, 12:07 AM
وهل الأوتوماتيك فى 1600 أفضل كثيرا ًعنه فى 1300 ؟ أم يتساوى الإثنان فى الشعور بالقيادة ؟
لا طبعا ال1600 مع الاوتو أفضل بكثير خاصة مع تشغيل التكييف وإن كانت هناك سيارات الاداء فيها جيد بالنسبة للاوتو مع ال1300 مثل الكورولا والصنى اليابانى بخلاف اللانسر علة مع ال1300
مع ال1600 السحب أفضل وأنعم والقوة أكبر

د0تامر محمد
13-12-2009, 12:09 AM
<!-- google_ad_section_start -->لو سمحت هي اساعر العربيات بتاعت المعاقين الي في بورسعيد بتتحدد على اساس اية بافتراض اني معاق وعايز اشتري لنفسي فلو حضرتك عندك فكرة عن الاسعار او الانواع المفضلة مثلا<!-- google_ad_section_end -->
الأسعار بتتحدد على مزاج التجار اللى بيستوردوها 00بيجيبوها ببلاش ويبيعوهوا على مزاجهم
وأفضل حاجة الكورولا والاوكتافيا بتبقى ممتازة بس كل حاجة بتمنها

د0تامر محمد
13-12-2009, 12:17 AM
نسيت أقول بالنسبة للفيرنا 2007 لونها فضي إن شاء الله عربية ممتازه ربنا يبارك لمن تكون من نصيبه وياريت حد يديني سعر من الخبراء الكرام بتوعنا تقريبا عشان أنا ماعنديش فكرة عن الأسعار .... ولا تنسو ولا تبخسوا الناس أشيائهم

بإعتبار أنها 1600
وفابريقة بالكامل
السعر المبدئى 53000

د0تامر محمد
13-12-2009, 12:19 AM
بلاش الأوتوماتيك بسبب ماذا؟

هل بيخرب بسرعة مثل النوبيرا ؟
أم أن أداءه ليس على المستوى المطلوب لا أكثر ؟


وشكراً جزيلاً مقدماً

إعتبره زى النوبيرا وكل الكورى عمره قصير ومشاكله كتير والأداء فقير
لو تحب تركب اوتو يبقى يابانى

x0xahmedx0x
13-12-2009, 01:12 AM
الأسعار بتتحدد على مزاج التجار اللى بيستوردوها 00بيجيبوها ببلاش ويبيعوهوا على مزاجهم
وأفضل حاجة الكورولا والاوكتافيا بتبقى ممتازة بس كل حاجة بتمنها

حضرتك الوكتافيا هتبقى غالية عليا ماتعرفش حضرتك عربية في حدود من 20 ل 25 الف

د0تامر محمد
13-12-2009, 12:01 PM
حضرتك الوكتافيا هتبقى غالية عليا ماتعرفش حضرتك عربية في حدود من 20 ل 25 الف
المبلغ ده يجيب واحدة لانوس حالة جيدة جدا

x0xahmedx0x
13-12-2009, 12:53 PM
المبلغ ده يجيب واحدة لانوس حالة جيدة جدا
الف شكر يا دكتور تامر

د_سعيد
13-12-2009, 12:58 PM
ممتاززززززززززززززززززززززززززززززززززززززززز

hamzagamil
13-12-2009, 02:50 PM
طيب أكسنت 2005 عداد 150000 وراشة رفرفين وكبوت وجزء من الدواخل سنتر وفرش جلد وكاسيت سي دي تعمل كام تقريبا؟ بس حالة الموتور كويسة جدا.

QaySeR
13-12-2009, 05:43 PM
لو سمحت يا دكتور 25000 يجيبو ايه وتكون حاجة شبابى

quietness
13-12-2009, 06:31 PM
السلام عليكم د.تامر العزيز لو تكرمت
لانوس -1-2000 /123000كلم/فبريكه دواخل راشه بره نضافه من سنه ونصف وفيها بعض الخدوش البسيطه
فرش جلد سنتر إنذار زجاج كهرباء باور/كاوتش عامل 15000 /بطاريه من سنه / صاحبها مهتم بيها باستمرار
وبيحط بنزين - 92 رخصه حتى 7--2010 بإسم صاحبها الي بيبيعها

كيكووو
13-12-2009, 06:55 PM
شكراااااااااا على المجهود

maherco
13-12-2009, 07:41 PM
اود ان اشكر الدكتور \ تامر على ذلك المجهود

maherco
13-12-2009, 07:43 PM
من فضلك اريد معرفة سعر النترا خليجى كاملة اتوماتيك جنوط وفوج موديل 2009 وماشية 25000كم
وشكرا

maxim82
13-12-2009, 08:20 PM
نصيحة بلاش شراء مستعمل هذه الأيام لأن الناس بتستهبل جدا فى الأسعار المبالغ فيها
هوه فيه إيه؟!!!!!
أنا أدعوكم لمقاطعة سوق التجار بتاع العاشر بمدينة نصر
وكفاية إستهبال
حافظوا على أموالكم حتى تعود الناس لرشدها

و اللة يا دكتور انا اخدت القرار دة من فترة تخيل يا دكتور انا شفت عربية اوبل فكترا موديل 1998 جامدة اوى كانت معروضة علية بي 44000 وواحد خدها و بعدين رحت السوق لقيتها مع الراجل الى اشترى عارضها 56000 ههههههه نصيحة لكل رجل ابعد عن السوق و المواقع مثل عربيتى او كار100 100 حليك فى سيارة بتاعت مواطن عادى و هتلاقيها رخيصة و حلوة لكن السوق كلة تجار و نصابين و ناس ميخفوش ربنا
و اللة العظيم ابن عمطى اشترى عربية بولو 2001 فابريكة رشة برة خوارج بى 35000 و شفت اختعا فى السوق بى 47000 جنية زيتى وكلهم معارض و نصابين و مع بعض عاملين كماين للناس الغلابة

mohamed_atef_mohamed
13-12-2009, 09:26 PM
شكرا تامر على امشاركة الجميلة

mohamed_atef_mohamed
13-12-2009, 09:31 PM
ممكن اعرف سعر كيا ريو 2003 حالة جيدة ارجوكم بسرعة

mmm aa
13-12-2009, 11:26 PM
سعر سوزوكي سويفت فول أوبشنز 93-94 الياباني

وهي الأحسن والا الأكسنت

وأنا لما سألت حضرتك عن أحسن عربية في حدود المبلغ إللي معايا قولتلي الأكسنت هي أحسن من الإكسيل

وبالنسبة للسوزوكي سويفت أحسن منهم والا لأ
وأنا أسف جداً إني دوشت حضرتك

walidouida
13-12-2009, 11:43 PM
السلام عليكم د/ تامر
ارجو معرفة رأيك في فيات لينيا وما سعر المستعمل منها وهل يوجد امامك مستعمل منها
مع خلص الشكر والتقدير لمجهودكم العظيم
وليد عويضة
لية مابتردش عليا يا دكتور

د0تامر محمد
13-12-2009, 11:54 PM
طيب أكسنت 2005 عداد 150000 وراشة رفرفين وكبوت وجزء من الدواخل سنتر وفرش جلد وكاسيت سي دي تعمل كام تقريبا؟ بس حالة الموتور كويسة جدا.
راشة جزء من الدواخل يعنى كانت هناك مشكلة !!!
ياترى قايم ولا شنطة ولا صدر ؟

arousi4
14-12-2009, 12:03 AM
بجد مجهود اكتر من رائع يا دكتور جزاك الله كل خير

انا كنت بسال بس عن سعر كيا برايد سيدان موديل 98 علشان رايح اشوفها بكرة باذن الله وحبيت اعرف سعرها

وكنت عايز اعرف كيا برايد العصفورة احسن ولا برايد سيدان من حيث الاداء والتحمل وكمان الفرق بين كيا برايد سيدان وكيا سايبا الايرانى انهى احسن انا سف جدا على الاطالة

د0تامر محمد
14-12-2009, 12:09 AM
السلام عليكم د.تامر العزيز لو تكرمت
لانوس -1-2000 /123000كلم/فبريكه دواخل راشه بره نضافه من سنه ونصف وفيها بعض الخدوش البسيطه
فرش جلد سنتر إنذار زجاج كهرباء باور/كاوتش عامل 15000 /بطاريه من سنه / صاحبها مهتم بيها باستمرار
وبيحط بنزين - 92 رخصه حتى 7--2010 بإسم صاحبها الي بيبيعها
تساوى 40000 لو حالتها جيد جدا

د0تامر محمد
14-12-2009, 12:14 AM
لو سمحت يا دكتور 25000 يجيبو ايه وتكون حاجة شبابى

يجيبوا إبيزا مو92
كورسا مو93
فيات بونتو مو93
ممكن على 25 حالة جيدة لو يزيدوا ألف ألفين تبقى حالة السيارة جيد جدا

QaySeR
14-12-2009, 12:28 AM
ايه رايك حضرتك فى الفورد k a
ويا ترى سعرها عامل كام وهى مناسبة ولا ايه اسف للاطالة

د0تامر محمد
14-12-2009, 12:30 AM
من فضلك اريد معرفة سعر النترا خليجى كاملة اتوماتيك جنوط وفوج موديل 2009 وماشية 25000كم
وشكرا
تساوى 90000 حالة ممتازة

د0تامر محمد
14-12-2009, 12:35 AM
ممكن اعرف سعر كيا ريو 2003 حالة جيدة ارجوكم بسرعة

تساوى 40000

د0تامر محمد
14-12-2009, 12:37 AM
سعر سوزوكي سويفت فول أوبشنز 93-94 الياباني

وهي الأحسن والا الأكسنت

وأنا لما سألت حضرتك عن أحسن عربية في حدود المبلغ إللي معايا قولتلي الأكسنت هي أحسن من الإكسيل

وبالنسبة للسوزوكي سويفت أحسن منهم والا لأ
وأنا أسف جداً إني دوشت حضرتك

الأكسنت أفضل من السويفت والإكسيل برضه أفضل من السويفت
سعر سويفت مو93-94=25-29

mmm aa
14-12-2009, 01:07 AM
الأكسنت أفضل من السويفت والإكسيل برضه أفضل من السويفت
سعر سويفت مو93-94=25-29


أنا أسف ممكن أعرف من حضرتك أحسن من جهة إيه بعد إذنك

وألف ألف شكر مقدماً

د0تامر محمد
14-12-2009, 01:19 AM
بجد مجهود اكتر من رائع يا دكتور جزاك الله كل خير

انا كنت بسال بس عن سعر كيا برايد سيدان موديل 98 علشان رايح اشوفها بكرة باذن الله وحبيت اعرف سعرها

وكنت عايز اعرف كيا برايد العصفورة احسن ولا برايد سيدان من حيث الاداء والتحمل وكمان الفرق بين كيا برايد سيدان وكيا سايبا الايرانى انهى احسن انا سف جدا على الاطالة

تساوى 30000 حالة جيدة جدا
السيدان طبعا أفضل وموتور 1300 أقوى من ال1100
سايبا هى البرايد الإيرانى والبرايد الكورى بالتأكيد أفضل ولكن ليس منها جديد لانها توقفت فى 2004

د0تامر محمد
14-12-2009, 01:24 AM
أنا أسف ممكن أعرف من حضرتك أحسن من جهة إيه بعد إذنك

وألف ألف شكر مقدماً

من جهة قوة الموتور والشاسية والثبات والأداء

د0تامر محمد
14-12-2009, 01:35 AM
لية مابتردش عليا يا دكتور
مقدرش مردش عليك
الصراحة مشفتش منها مستعمل معروض للبيع
سعر الجديد يبدأ من 108000

د0تامر محمد
14-12-2009, 01:37 AM
ايه رايك حضرتك فى الفورد k a
ويا ترى سعرها عامل كام وهى مناسبة ولا ايه اسف للاطالة

الكا كاكا هذا هو رأيى
سعرها بين 25-29 حسب الحالة

elbanna
14-12-2009, 07:05 AM
د . تامر
تحياتي وخالص الشكر لتميزك وبعد
أرغب في شراء سيارة في حدود 70 ألف ماركة متسوبتشي (لانسر) فما هي المواصفات التي أحصل عليها في حدود هذا المبلغ
وهل عندك مقترحات أفضل من ماركات أخري..مع خالص الشكر

Jemy
14-12-2009, 12:52 PM
انا عايز لانسر فى حدود 40 ألف بحد اقصى ممكن يزيدوا 1 او 2

وتكون حالتها جيدة اخلينى فى موديل كام

وهل ممكن اجيب اتوماتيك منها وتكون حالتها كويسة

ولا ابعد عن الاتوماتيك المستعمل ؟

ولو فى قدامك حاجة ياريت تعرفنى انا من المنصورة

د0تامر محمد
14-12-2009, 11:43 PM
د . تامر
تحياتي وخالص الشكر لتميزك وبعد
أرغب في شراء سيارة في حدود 70 ألف ماركة متسوبتشي (لانسر) فما هي المواصفات التي أحصل عليها في حدود هذا المبلغ
وهل عندك مقترحات أفضل من ماركات أخري..مع خالص الشكر

سيارة ممتازة لكن مع ال1600 وممكن واحدة كاملة أوتوماتيك مو2007 فى هذا الرينج
أنا شخصيا أفضل الصنى عن اللانسر وأقتنى واحدة يابانى وهى سيارة رائعة بمعنى الكلمة

د0تامر محمد
14-12-2009, 11:46 PM
انا عايز لانسر فى حدود 40 ألف بحد اقصى ممكن يزيدوا 1 او 2

وتكون حالتها جيدة اخلينى فى موديل كام

وهل ممكن اجيب اتوماتيك منها وتكون حالتها كويسة

ولا ابعد عن الاتوماتيك المستعمل ؟

ولو فى قدامك حاجة ياريت تعرفنى انا من المنصورة

الاوتو فى اليابانى بيعيش 20 سنة وزى الفل
40 مبلغ ضعيف يعنى حتى نققول 45 نوصل لواحدة 96 حالة جيدة جدا
وممكن كورولا مو94

د0تامر محمد
14-12-2009, 11:48 PM
أعتذر عن عدم دخولى للمنتدى كثيرا هذه الأيام لظروف مرضيه
أسألكم الدعاء بالشفاء

هامر
15-12-2009, 12:31 AM
أعتذر عن عدم دخولى للمنتدى كثيرا هذه الأيام لظروف مرضيه
أسألكم الدعاء بالشفاء

شفاك الله وعافاك أيها الزميل الودود ...

x0xahmedx0x
15-12-2009, 04:03 PM
ربنا يشفيك ويعافيك يا دكتور

hoshos
15-12-2009, 05:06 PM
عايز اعرف سعر سيتروين اكسارا موديل 2002 فابريكه جوه وبره تعمل كام

hoshos
15-12-2009, 05:11 PM
وياريت كمان سعر بى ام دبليو 525 موديل 2001 عامله 170000 كم

د0تامر محمد
15-12-2009, 11:18 PM
عايز اعرف سعر سيتروين اكسارا موديل 2002 فابريكه جوه وبره تعمل كام

تساوى 38000

د0تامر محمد
15-12-2009, 11:23 PM
وياريت كمان سعر بى ام دبليو 525 موديل 2001 عامله 170000 كم

تساوى 150000

http://t2.gstatic.com/images?q=tbn:EuIuoD1QOKs4uM:http://images03.olx.com/ui/2/31/43/f_17432843_1.jpeg (http://images.google.com.eg/imgres?imgurl=http://images03.olx.com/ui/2/31/43/f_17432843_1.jpeg&imgrefurl=http://dallas.olx.com/2001-silver-bmw-525i-for-sale-in-dallas-tx-75205-iid-17432843&usg=__iNDBB9UHpK9MOBBClYe0FSLpKH4=&h=375&w=500&sz=39&hl=ar&start=6&tbnid=EuIuoD1QOKs4uM:&tbnh=98&tbnw=130&prev=/images%3Fq%3Dbmw%2B525i%2B2001%26gbv%3D2%26hl%3Dar %26sa%3DG)

aamas
16-12-2009, 12:11 AM
الف الف سلامة يا دكتور تامر و ربنا يعافيك ,,,,,,,,,,,,,,,,,,:THE_PR~18:

هامر
16-12-2009, 01:02 AM
دكتور تامر
لعلك بصحة جيدة الآن .
مارأيك فى السيارة فولكس بورا ؟

ehabahmed
16-12-2009, 12:09 PM
الف الف سلامه يا تامر انا احبك في الله
ايهاب الشرقاوي:THE_PR~18:

imiibr
16-12-2009, 02:02 PM
السلام عليكم

دكتور انا معروض عليا سياره دايو لانوس 2 موديل 2007 عمله 14 الف من غير زجاج كهربا و لا سنتر لوك
بحاله المصنع لونه اسود تعمل كام يا دكتور
و استفسار اخير عربيه زى ده ممكن اخاف من ايه فيها مثلا الباروما و البطاريه ؟؟؟

mahfouz_80
16-12-2009, 02:26 PM
ممكن اعرف العربيه فيات سيينا استخدامها كويس و موفره في البنزين و قطع الغيار و انه الفضل هل اجيب 1400ولا سي سي 1600 انا معايا 37000 و عايز اعرف المقارنه بينها وبين البولو و الاكسيل و البنتو و الابيزا من حيث السعر و الكفاءه و قطع الغيار

الكشفى
16-12-2009, 02:53 PM
الف مليون سلامة ليك يا دكتور
ياترى ممكن اسألك عن افضل عربية ممكن اجيبها فى حدود 30 الف وتكون اعطالها قليلة وفى نفس الوقت بتمشى كويس مسافات طويلة

quietness
16-12-2009, 09:17 PM
لا باس عليك يا دكتور تامر
وخد راحتك ريح شويه
شافاك الله وعافاك

maxim82
16-12-2009, 09:42 PM
الف سلامة دكتور تامر

د0تامر محمد
17-12-2009, 12:20 AM
الف مليون سلامة ليك يا دكتور


ياترى ممكن اسألك عن افضل عربية ممكن اجيبها فى حدود 30 الف وتكون اعطالها قليلة وفى نفس الوقت بتمشى كويس مسافات طويلة


ربنا يخليك وينعم عليك بالصحة والعافية
مبلغ التلاتين ممكن يجيب برايد مو99 حالة جيدة جدا وهى أفضل خيار
ممكن أكسنت 98 فاضية ال1300 حالة جيدة
ممكن سويفت مو95-96 حالة جيدة جدا

د0تامر محمد
17-12-2009, 12:21 AM
دكتور تامر
لعلك بصحة جيدة الآن .
مارأيك فى السيارة فولكس بورا ؟
الحمد لله
سيارة ممتازة كفاية أنها من فولكس عيبها الوحيد الصيانة وقطع الغيار مكلفة

د0تامر محمد
17-12-2009, 12:28 AM
السلام عليكم

دكتور انا معروض عليا سياره دايو لانوس 2 موديل 2007 عمله 14 الف من غير زجاج كهربا و لا سنتر لوك
بحاله المصنع لونه اسود تعمل كام يا دكتور
و استفسار اخير عربيه زى ده ممكن اخاف من ايه فيها مثلا الباروما و البطاريه ؟؟؟
تعمل 52000
اللانوس عن تجربة سيارة جيدة وتتحمل كافة ظروف التشغيل عيبها الكهرباء ومع عمل كتاوت تنتهى مشكلتها
وكذلك العزل سىء
قطع غيارها رخيصة جدا وصيانتها سهلة وغير مكلفة ولا توجد بها مشاكل برومة وكان معايا مو2002 لحد شهر فات كانت زى الفل
أما عن البطارية فقعدت فيها تلت سنين !!!!

د0تامر محمد
17-12-2009, 12:29 AM
ممكن اعرف العربيه فيات سيينا استخدامها كويس و موفره في البنزين و قطع الغيار و انه الفضل هل اجيب 1400ولا سي سي 1600 انا معايا 37000 و عايز اعرف المقارنه بينها وبين البولو و الاكسيل و البنتو و الابيزا من حيث السعر و الكفاءه و قطع الغيار
تصدق كلهم أفضل منها
ليه مفكرتش فى الأكسنت ؟؟؟؟؟

QaySeR
17-12-2009, 01:46 AM
دكتور حمدلله ع الف سلامة هو انا اقدر اجيب كورسا مو 94 ب 25000 ؟

د0تامر محمد
17-12-2009, 10:44 AM
دكتور حمدلله ع الف سلامة هو انا اقدر اجيب كورسا مو 94 ب 25000 ؟
طبعا ممكن بس حتحتاج شوية مصاريف وتظبيطات

halawasony
17-12-2009, 11:22 AM
موضوع هايل الف شكر على المتابعه والردود
عندى بولونيز87 موتور132 1600 زجاج كهرباء وسنتر تعمل كام
ولو عايز اشترى حاجه اتوماتك ب45000 اشترى ايه

د0تامر محمد
17-12-2009, 12:15 PM
موضوع هايل الف شكر على المتابعه والردود
عندى بولونيز87 موتور132 1600 زجاج كهرباء وسنتر تعمل كام
ولو عايز اشترى حاجه اتوماتك ب45000 اشترى ايه

تساوى 16000
لو عايز اوتو يبقى يابانى كورولا مو96-97أو لانسر مو97 أو مازدا 323 مو99

د_سعيد
17-12-2009, 12:47 PM
شكرررررررررررررررررررررررررررررررررررررررررررررررر ررررررررررررررررررررااا

momta78
17-12-2009, 01:38 PM
ممكن اعرف الفيات سيينا موديل 2001 تعمل كام لو كاملة ولو متشال منها التكييف تعمل كام .. وشكرا

ISLAMCLERK
17-12-2009, 02:21 PM
حمد لله على سلامتك يا دكتور تامر من كل مرض

Teto tt
17-12-2009, 03:39 PM
فيات 128 موديل 1986 الي 1989 تعمل كام والاحسن 1100 سي سي او 1300 سي سي
فيات 132 اى الموديلاات احسن
فيات ريجاتا اي الموديلاات احسن

hamzagamil
17-12-2009, 06:13 PM
طيب أكسنت 2005 عداد 150000 وراشة رفرفين وكبوت وجزء من الدواخل سنتر وفرش جلد وكاسيت سي دي تعمل كام تقريبا؟ بس حالة الموتور كويسة جدا.


راشة جزء من الدواخل يعنى كانت هناك مشكلة !!!
ياترى قايم ولا شنطة ولا صدر ؟


العربية كانت عاملة حادثة امام شمال والجزؤ اللي تحت البطارية اتأثر واترش يا ريت تقوللي تعمل كام تقريبا

imiibr
17-12-2009, 06:22 PM
دكتور ربنا يجزيك عنا كل خير
سياره اسبيرنسا A516 موديل 2007 عمله 40000 فابريكه تعمل كام

حمدى على
17-12-2009, 07:15 PM
ياريت لو تفيدونى هوندا سيفيك موديل 86 تكييف و باور وبحالة جيدة تعمل كام؟

zerab
17-12-2009, 10:45 PM
الف سلامة يادكتورنا العزيز
استفسار بسيط فية سيارة اوبترا 2008 معروض للبيع وعدادها 28000 وبتاعت صاحبي ونظيفة اقوية هية اوتماتيك وعايز فيها 80 الف اية رايك في السعر اخذها والا لا مع العلم انها فابريكة برا وجوة ارجو الرد بسرعة وشكرا

الرفاعى
17-12-2009, 11:40 PM
السلام عليكم

اخوانى انا عضو جديد بينكم وكنت عايز اعرف سعر الفورد الفيستا كام دلوقتى

الرفاعى
17-12-2009, 11:44 PM
اخوانى انا اقصد الفيستا ال 96 او 97 او 98

د0تامر محمد
18-12-2009, 10:45 PM
الف سلامة يادكتورنا العزيز
استفسار بسيط فية سيارة اوبترا 2008 معروض للبيع وعدادها 28000 وبتاعت صاحبي ونظيفة اقوية هية اوتماتيك وعايز فيها 80 الف اية رايك في السعر اخذها والا لا مع العلم انها فابريكة برا وجوة ارجو الرد بسرعة وشكرا
الله يسلمك وشكرا لاهتمامك
السعر المعقول جدا 78000 ومرضى للطرفين

د0تامر محمد
18-12-2009, 10:48 PM
ياريت لو تفيدونى هوندا سيفيك موديل 86 تكييف و باور وبحالة جيدة تعمل كام؟
تساوى 30000