سؤال ؟؟

[SpinAxe]

هو يعني اية طارة مالتي فنكشن ؟ , و اية لازمة الجنوط سبور ؟؟

معلش انا لسة بتعلم

[dr tamer naguib]

يا باشا كلنا بنتعلم
التارة الملتي عبارة عن تارة دركسيون فيها زراير للتحكم ببعض وظائف السيارة
وضمان ان السائق لا يتشتت انتباهه عن الطريق - مثل التحكم في الكاسيت والصوت والرد علي التليفون واحيانا في بعض الماركات ممكن نقل السرعات كمان من الدركسيون
الجنوط السبور لها اكتر من فايده اهمها :
- الشكل الجمالي
- خفة الوزن وده يقلل من الوزن الكلي للعربية ويحسن التسارع بتاعها
- عادة اللي بيغير بجنوط سبور بيجيب مقاس اكبر وده بيدي ثبات اعلي للعربية خاصة في السرعات - بس ده بيكون عادة علي حساب الراحة اللي بتكون اقل شوية

يا زعيم ولا يهمك كلنا كنا بنتعلم ومنعرفش حاجه عن اي حاجه

بالنسبة لموضوع الطاره المالتي بالعمية كدا الدركسيون بيكون فيه زراير تتحكم في الكاسيت او الاضاءة او مكالمات هاتفية وهكذا

بالنسبة للجنوط الاسبور كل اللي بتعمله انها بتدي شكل جمالي للعربية وبترفع نسبة ثباتها في الملفات وعلي الطرق السريعة