المساعد الشخصي الرقمي

مشاهدة النسخة كاملة : تشطيب الشقة و الديكور


lol64
18-04-2011, 06:03 AM
بما انى تقريبا على وشك افنش تشطيب شقتى الجديده فى المريوطيه
هاكتبلك مراحل مرورى بيها فى خطوات والمشاكل اللى مريت بيها وحليناها ازاى لانها هاتفيد ناس كتير قوى قوى
وهادعمهالكم بالصور من الشقه بتاعتى ويارب تعجبكم
ان شاء الله فى المشاركات القادمه اجمعهم بس

GIFT4UGIFT4U:14369D~149:

sad-bird
18-04-2011, 02:25 PM
الله الله الله الله
ده الانتخابات عملت شغل اهووووووووو
ماشي ياعم الكبيييييييييييييير

GIFT4U
على فكرة انا كنت عملت حاجة زي كده عن دهانات الشقة
بس تقريبا راح مع اللي راح
ايام الهجمة المرتدة على مصر موتورز
في الموقعة المشئومة اول العام

m.genedy
18-04-2011, 03:08 PM
موضوع رائع استاذ احمد
دائما صاحب افكار
مختلفة



بما انى تقريبا على وشك افنش تشطيب شقتى الجديده فى المريوطيه
هاكتبلك مراحل مرورى بيها فى خطوات والمشاكل اللى مريت بيها وحليناها ازاى لانها هاتفيد ناس كتير قوى قوى
وهادعمهالكم بالصور من الشقه بتاعتى ويارب تعجبكم
ان شاء الله فى المشاركات القادمه اجمعهم بس

GIFT4UGIFT4U:14369D~149:

مبروك عليك الشقة الجديدة
استاذ/lol64
ياريت تقولنا تفاصيلها بقى بالمرة
يعنى سعرها مساحتها كافة تفاصيلها
طلبى هذا لانى من سكان المريوطية
تقبل تحيتي.

sad-bird
18-04-2011, 03:16 PM
عاوز تدهن الشقة
الميزانية مخرمة
تقدر تعمل حاجتك بنفسك
طيب حضر نفسك وشد الهمة وتعالى ورايا

هنتكلم عن الدهان على اساس ان الشقة مدهونة قبل كده وانت هتعمل التجديد بس مش اكثر
وبعدين نبقى نتكلم على تأسيس الشقة من جديد

1. تفضي نص الشقة او على الاقل غرفة غرفة بقدر الامكان ، لو مش هنقدر نفضي الاوضة خالص يبقى نفضي منها على قد ما نقدر والباقي نخليه في نص الاوضة ونغطيه بمشمع كبير بيتباع عن ايحد بتاع ادوات منزليه
2. تشوف اي تعديلات او وصلات عاوز تعملها في الحيطة او في النجارة ( عاوز توزد فيشه عاوز تعمل مكان لمبة عاوز تريح النجارة عاوز تغير باب )
3. لو عملت اي حاجة فيها تكسير في الحيطة يبقى هتعملها باسمنت يبقى تصبر عليها شويبة قبل ما تدهنها على الاقل اسبوع لو صيف وشهر لو شتاء علشان مش تقبب الدهان من فوقها بعد كده لو مش هتقدر تصبر الفترة دي يبقى تعملها وتزود جبس وربنا يسترها ، وكذلك لو فيه اي اماكن متجرحة في الحيطه او مكسورة بتعملها باسمنت وجبس لو حجمها صغير ولو حجمها كبير بتعملها باسمنت ورمل ( ومن الافضل في الحالة دي يكون مبيض محارة اللي يعملها )
4. تجيب معجون وتقلبه على السكينة وتفرده على الحيطة وتمسحه مسح خفيف على الاماكان اللي فيها اسمنت مرة بالطول من تحت لفوق وثاني يوم او في نفس اليوم اخر النهار تعمل مرة بالعرض من اليمين للشمال وتسيبه يعضم لثاني يوم
5. تجيب صنفرة حيطة تقريبا رقمها 220 وتصنفر الحتت اللي اديتها تلقيط معجون وطبعا مش عاوز توصية لو عندك حساسية متنساش تلبس كماماة او منديل على الانف علشان العفار ولو فيه اطفال طبعا وقت الصفنة ده يكونو بعيد عنها تماما ( لو اني اشك انك هتقدر تمنع طفل انه يعك معاك ده ما هيصدق )
6. الحيطة طبعا مدهونة قبل كده يبقى على حسب الدهان اللي مدهون كان ايه لو كان زيت او لاكية يبقى لازم نديها وش سانيتون ( لاكيه مط ) لعزل الدهان القديم عن الجديد وفيه انوااع كتييييييييييييييييييييير افضلهم سايبس - باكين - كابسي - ناشيونال
طيب لو الحيطة كانت مدهونة بلاستك قبل كده يبقى مفيش مشكلة كل اللي هنعمله هنفضها بالمقشة بس ونديها وش وان كان برضة من الافضل تاخد وش عزل زي الزيت خصوصا الاجناب اللي عليها حركة كتير ومعلمة في الايادي لان غالبا الاوساخ دي بيكون فيهادهون وتراب فيا اما تتغسل يا اما تاخد وش عزل وتريح دماغك
7. تسيب وش المط ينشف من 6-8 ساعات ومن الافضل تكمل تاني يوم الباقي
8. تجيب الدهان اللي انت هتدهنه ( وهتكلم هنا على البلاستيك لانه حاليا هو بقى الشائع دلوقتي )
أ. تجيب نوع بلاستيك نضيف ومش غالي حاجة وسط ولا غالي ولا رخيص
تخففه على حسب التعليمات المكتوبة على العلبة وتزود شوية صغننه كمان
تجيب علب الوان مركزة
فيه انواع كتيرة افضلها سكيب او باكين
بس خلي بالك تحط في الاول كمية
وبعد كده نقطة نقطة لان نقطتين منها كفيلين انهم يغيرولك درجة اللون درجتين على الاقل
لما توصل لدرجة اللون اللي انت عاوزها
تدي الحيطة وش وتراعي دايما انك تكون في اتجاه واحد
يا اما فوق وتحت يا اما يمين وشمال
تسيبها تنشف لتاني يوم او اذا عملتها الصبح تسيبها لاخر النهار وممكن تدي الوش التاني

الوش التاني هنا بقى فيه 3 حاجات
1. ياما تدي وش بلاستك برضة من نفس النوع وفوق منه تدي وش بولش
2. يا اما تجيب كميتون وتاخد شوية على قد الاوضة اللي هتعملها تخففهم وتلونهم بنفس الطريقة وتدي وش
3. انك تجيب بوسة متضربه وبالوان جاهزة من اي مركز تلوين وغالبا بتكون باكين او يوتن او سايبس

خلصت الوش التاني
سيب الحيطة تنشف وعلى حسب بقى انت عاوز تلزق حاجت ديكور او تلون تصميمات على الحيطة او لو الجزء اللي تحت في الحيط مش معموله وزره بتلونه وممكن تعمله اشكال هندسيه وده بيتعمل بلاكيه وباللون اللي انت عاوزه
بعد ما تخلص كل شغلك خالص تنضف بقى الشقة
( مهمات حريمي المفروض بس ابقى قابلني لو عرفوا يعملوها شاطرين في الرغي والاوامر بس والخناق على الالوان )
التنضيف كب مياه على الارض وسيبها ربع ساعه
هات سكينه معجون وحك بيها الارضية ويا سلام لو سلك مواعين من بتاع زمان الناعم ده وتقعد تفرك بيه الارضية هتبقى مرايه
(وبلاش السكينة اللي انت بتستخمدها للمعجون علشان مش تبوط من الحك)

فيه ناس بتجيب ميه نار وتكبها وتمسح وخلاص هيا اسهر واسرع بس مش هتنضف كله ده اولا وثانيا هتطفي الارضية لو سيراميك ولو بلاط عادي هتفور البلاط وتخلي الحصوة بتاعته شكلها بارز

رجع كل حاج مكانها
والف مبروك الاوضة الاولى
وتعالى ورايا على الثانية
ههههههههههههههه

sad-bird
18-04-2011, 03:25 PM
نسيت حاجة مهمة
السقف
بيتعمل من بلاستيك عادي بيتخفف بس وياخد وشين او تلاته وتسيبه ينشف
بعد كده تجيب لزق دوكو وتعمل علامات على الحيط بالمقدار اللي انت عاوزه بنفس لون السقف وتبدأ مرحلة الدهان الي قلنا عليها قبل كده بس لو هتدهن كيمتون لازم بمجرد وما تخلص وهو لسه اخضر تشيل اللزق لان الكيميتون بيمسك بعضه وبيبقى عامل زي الكاوتش بيمط بمجرد ما ينشف ويشد معاكط تبص تلاقي الجنب طله طالع معاك في اللزق فلازم لازم لازم تخلص جنب جنب على الاقل وتفك اللزق

lol64
19-04-2011, 05:28 AM
موضوع رائع استاذ احمد

دائما صاحب افكار
مختلفة





مبروك عليك الشقة الجديدة
استاذ/lol64
ياريت تقولنا تفاصيلها بقى بالمرة
يعنى سعرها مساحتها كافة تفاصيلها
طلبى هذا لانى من سكان المريوطية

تقبل تحيتي.

الله يخليك يااستاذ محمد
انا اخدت الشقه من حوالى سنتين هى 170 متر وتقريبا الصافى 148 تقريبا مش فاكر بالضبط
فى المريوطيه فيصل قريبه من الدائرى حوالى 5 دقايق بالعربيه
كنت واخدها على الطوب الاحمر
دور سادس والدور 3 شقق
كانت بالقسط ب 110 الف ايامها دفعت النص والباقى على سنتين خلصتهم والحمد لله فى سنه وشهر ونزلت من التمن 12 الف بالعافيه
سبب انتقالى للمريوطيه علشان ابقى قريب من اختى وابن عمتى وابن خالى سكنين هناك مع العلم كلنا من مواليد جمهوريه شبرا مصر بس الشقق هناك نار

حاليا انا لسه فى شقه 120 متر كانت بتاعتى بس بعتها لاخو مراتى وطبعا قاعد فيها بلطجه لحد ماشطب نهائى فى المريوطيه

lol64
19-04-2011, 05:34 AM
غلطاتى اللى باحذر اى واحد منها
الشقه اخدتها ولسه العماره بتتبنى والاسانسير بالخناق مع صاحب العماره بيركب دلوقتى بعد سنتين
اكبر غلط تاخد الشقه بدون مايكون راكب بالفعل عداد الكهرباء وطبعا اتعذبنا علشان التتعاقدات كانت موقوفه لان 90 فى الميه من اصحاب العمارات نصابين وبيبيعلك الهوى
حاجه كمان على الطوب الاحمر معناها انك هاتتعذب مع العمال والصنايعيه وطبعا اخوك شغال فى نويبع واجازاتى مابلحقش اعمل فيها اى حاجه فالوقت والجهد كان مضاعف
بس فى النهايه بتكون برضه فرحتك دوبل لانك عملت كل خيالك فى شقتك :playing_music:

lol64
19-04-2011, 05:43 AM
الشقه كلفت تشطيبات داخليه بس حوالى 78 الف جنيه بس انت لو متفرغ او تقدر تعمل زى محمد على (sad bird) يبقى هاتوفر كتير يمكن الافات ولو اديت للمدام بتاعتك مع احترامى حريه الراى الكامله فى تشطيبات الشقه يبقى هاتكع كتيييييير ياجميل YAKHBR
اخوك بقى كان مضطر :CONGRA~238: بس فى الاخر اثناء الثوره كانت فرصتى لان الشغل وقف فتحولت طبعا للديكتاتوريه :110105~127: وتفرغت للتشطيبات اللى فاضله :wave2W21: والحمد لله فاضل وشوش الكهرباء الخارجيه بس

lol64
19-04-2011, 05:46 AM
اكتر حاجه كلفتنى فلوس بهبل هو السيراميك بس كليوباترا يستاهل بصراحه ومتطور والصنايعيه بيتنططوا على الواحد مع ان مافيش شغل حاجه تغيظ
واكتر حاجه مجهده فى الوقت بصراحه الدهانات افكار كتييييييييييييييير وبتبقى محتار تعمل ايه وتغير رايك وهكذا

طارق ابوذيد
19-04-2011, 05:49 AM
بسم الله الرحمن الرحيم . ان شاء الله هتتشطب وتكون قصرك الجميل لك ولاسرتك ان الله مع الصابرين والله الموفق .

lol64
19-04-2011, 05:58 AM
بسم الله الرحمن الرحيم . ان شاء الله هتتشطب وتكون قصرك الجميل لك ولاسرتك ان الله مع الصابرين والله الموفق .
ربنا يخليك ياشيخ طارق تسلم على زوقك
تحياتى GIFT4UGIFT4UGIFT4U

xabi
19-04-2011, 06:04 AM
الف مبروك يا lol ويارب تبقى قدم السعد عليك وعلى اسرتك بإذن اللهGIFT4U

lol64
19-04-2011, 06:27 AM
الف مبروك يا lol ويارب تبقى قدم السعد عليك وعلى اسرتك بإذن اللهGIFT4U
الله يخليك ياتشابى عقبالك ياجميل
بس برضه هاتتقطعوا يوم الاربع :crazyW14:

sad-bird
19-04-2011, 10:35 AM
الشقه كلفت تشطيبات داخليه بس حوالى 78 الف جنيه بس انت لو متفرغ او تقدر تعمل زى محمد على (sad bird) يبقى هاتوفر كتير يمكن الافات ولو اديت للمدام بتاعتك مع احترامى حريه الراى الكامله فى تشطيبات الشقه يبقى هاتكع كتيييييير ياجميل YAKHBR
اخوك بقى كان مضطر :CONGRA~238: بس فى الاخر اثناء الثوره كانت فرصتى لان الشغل وقف فتحولت طبعا للديكتاتوريه :110105~127: وتفرغت للتشطيبات اللى فاضله :wave2W21: والحمد لله فاضل وشوش الكهرباء الخارجيه بس


يا لول انت لو كنت قلتلي كنت جيت وقفت معاك
بس اللي انا قولته ده عن التجديد لما تحب تغير اللون او تدهن تاني
لسه فيه موضوع تاني عن التأسيس

بس سواء كده او كده طالما دخلت فيها الحكومة
لازم لازم لازم لاااااااااااااااااااااااازم
تتدبسسسسسسسسسس في اي حاجة
وخد عندك الموقف ده

واحد حبيبي فكر في يوم يجدد دهان غرفتين في الشقة
الحكومة بقى عملت اييييييييييييه
بعد ما رتب نفسه وافكاره وفلوسه
ايه رأيك يا حبيبي نفتح الاوضة دي على الصالة ويبقى ارج ( بتعطيش الجيم)
حاضر فكرة كويسة واهي تدي احساس بالوسع والعيال تعرف تلعب
بس احنا لما نعمل كده هيبقى فيه أثر للحيطة في الارضية ومش ينفع نسيبه كده
يا ستي نحط سجادة عليه
لالالالالالالالا
احنا نعمل الارج ده مع الصالة سيراميك جديد
MADMAD حاااااااااضر
نزلوا يجيبو السيراميك
لالالالالالالالا سيراميك ايه ده فيه حاجة احلى منه
البورسيلين أحلى واشيك يا راااااجل هو احنا هنعمل كل يوم توضيب في الشقة
MADMAD حاااااااااضر
جابو صنايعي يبص على الشغل راح قايلهم على اقتراحات ديكوريه مهلبية ملوخية
اشي سقف معلق واشي بيت نور واشي شلال وحاجات بارزة وديكور

ودي شغاااااااااااااله ماشي والله فكرة
وعمنا رده المعتاد MADMAD حاااااااااضر

والصنايعي جاب اللي هيعمل شغل الديكور علشان يبص على الشقة وايه اللي هيتعمل علشان يعمل الميزانية بتاع الديكور وقال هعمل كذا وكذا والتكاليف كذا
وطبعا الهانم لمت كل حاجة من الشقة علشان الشغل اللي هيبدأ خلاص بقى
عمنا كان بيكتب كل حاجة واسعارها وتكاليفها وبيجمع في ورقه على جنب
المعلم نام
وصحي تاني يوم الصبح
مش هنعمل حاجة في حاجة
امسحي الشقة ونضفيها ورجعي كل حاجة مكانها ولو ناوية على توضيب اخرك معايا بستلتين بلاستيك تدهني بيهم الحيطة وانتي اللي هتدهنيهم مش حجيب حد
وان كان عاجبك
:shy::shy::shy::shy::shy:
وطبعا كانت غضبة كبييييييييييييييييرة وزعلت وراحت بيت اهلها وانت بخيل وانت جلدة وانت وانت وانت وانت وانت
وطبعا محدش عرف ياخد حق ولا باطل معاه لانها قال لابوها باختصار شديد بنتك عاوزة تعمل كذا كذا كذا كذا وانا مش معايا فلوس
اجيب منيييييييييين
ورجعت طبعا قفاها يقمر عيش

:THUMBS~220::THUMBS~220::THUMBS~220::THUMBS~220:


بس صعبت عليه فكان جاب صنايعي وهي في بيت ابوها والشقة ملمومة ودهنها بالالوان اللي كااااااااااااااااااااااان متفق معاها عليها قبل الفتحة دي



وربنا معاك ومعانا يا نجم
واوعي الحكومة تسمع الموضوع ده
او تعرفها طريق مصر موتورز
:shy::shy::shy:

nktis
19-04-2011, 07:45 PM
اكتر حاجه كلفتنى فلوس بهبل هو السيراميك بس كليوباترا يستاهل بصراحه ومتطور والصنايعيه بيتنططوا على الواحد مع ان مافيش شغل حاجه تغيظ
واكتر حاجه مجهده فى الوقت بصراحه الدهانات افكار كتييييييييييييييير وبتبقى محتار تعمل ايه وتغير رايك وهكذا
الف مبروك الشقه الجديده يا علاء باشا...
عندك حق في موضوع تكلفه التشطيب... بالنسبالي انا مشطب قريب وكنت هتهبل من اختيار الالوان وكان تحديدا دهانات الجزيره والنقاش بيقلي انه ممكن يعملهالي شمواه...بصراحه انا مستغرب ...هل فعلا فيه دهانات شمواه.؟

sad-bird
19-04-2011, 07:53 PM
الف مبروك الشقه الجديده يا علاء باشا...
عندك حق في موضوع تكلفه التشطيب... بالنسبالي انا مشطب قريب وكنت هتهبل من اختيار الالوان وكان تحديدا دهانات الجزيره والنقاش بيقلي انه ممكن يعملهالي شمواه...بصراحه انا مستغرب ...هل فعلا فيه دهانات شمواه.؟

فيه خامات معينه بتيجي وبيتعمل اساس للحيطة عادي في الاول وبيجي عند التشطيب يستعمل الخامات دي مع رولة معينة خاصة بيها بتديك الشكل اللي انت عاوزة
لكن الجنب الواحد في الحيطة 3×4 بيتكلف حوالي 300 جنية

أحمد فاروق سيد
20-04-2011, 03:01 AM
فيه خامات معينه بتيجي وبيتعمل اساس للحيطة عادي في الاول وبيجي عند التشطيب يستعمل الخامات دي مع رولة معينة خاصة بيها بتديك الشكل اللي انت عاوزة
لكن الجنب الواحد في الحيطة 3×4 بيتكلف حوالي 300 جنية

فى حاجات أشيك وأروع
الأستوك أنتيك ،،، والفلفيت
وأحسن شركة بتعملهم هى ناشيونال

http://www.g4z4.com/semsem/Pal/13.gif


http://www.nationalpaints.com/aboutus.aspx?L=ar-JO


كيلو الفيلفت بحوالى 260 ج
بسحاجة روعة ملهوش حل

وأعتقد أن النقاش يقصد بالقطيفة الأستوك أنتيك

sad-bird
20-04-2011, 03:19 AM
فى حاجات أشيك وأروع
الأستوك أنتيك ،،، والفلفيت
وأحسن شركة بتعملهم هى ناشيونال

http://www.g4z4.com/semsem/Pal/13.gif


http://www.nationalpaints.com/aboutus.aspx?L=ar-JO


كيلو الفيلفت بحوالى 260 ج
بسحاجة روعة ملهوش حل

وأعتقد أن النقاش يقصد بالقطيفة الأستوك أنتيك





ما هو الكيلو يا باشا بيعمل جنب واحد
يعني لو هيعمل في كل اوضة فيها جنب وفي الصالون بيعمل جنبين وممكن الاربعة ( هو كده طالما فيها رأي الحكومة ) يبقى اضرب بقى والحساب يجمع
الكيلو 260
مصنعية 75 -100

أحمد فاروق سيد
20-04-2011, 03:27 AM
ما هو الكيلو يا باشا بيعمل جنب واحد
يعني لو هيعمل في كل اوضة فيها جنب وفي الصالون بيعمل جنبين وممكن الاربعة ( هو كده طالما فيها رأي الحكومة ) يبقى اضرب بقى والحساب يجمع
الكيلو 260
مصنعية 75 -100

الله ينور عليك
هو فعلاً جنب واحد
بس أنا من رأي أن الأشيك جنب واحد ويكون درجة اللون الأغمق
أو لون تانى يليق على لون باقى الحجرة
أنا مثلاً عامل الحجرة بيچ فاتح وجنب لبنى غامق فيلفيت
روعة بكل المقاييس
بخلاف أنى عملت العواميد أستوك أنتيك بيچ
فطلعت بصراحة فوق الوصف
بخلاف چيبسونبورد فى الأسقف وكرانيش فيوتك لونتها
بلاستيك دهبى سكيب
وبيت نور وأسبوتات
مع شبابيك ألوميتال BS زجاج أزرق عاكس
فطلع الجو العام تحفة

sad-bird
20-04-2011, 03:28 AM
ده جليز
الكيلو منه تقريبا ب 60 جنية
وبيجي معاه اما رولة او رول مشمع
الرولة تقريبا ب 50 جنية
رول المشمع ب 12 جنية الجنب 4 متر بياخد تقريبا 2.5 او 3 رول
بيدهن الجليز بعد ما يتخفف بجاز او نفض معدني
ويتفرد عليه المشمع ده بيكرمش وبيعمل اشكال عشوائية
لو جبت رولة
بعد ما تتدهن بتمشي علي الحيطة الرولة
لكن بتحتاج ضبط وهيا ماشية على الحيط
علشان الشكل يطلع مظبوط لأن فيه انواع كتيييييييييير منها
فيه حاجات بتعمل شكل عشواي
فيه حاجات بتعمل مربعات
فيه حاجة بتعمل خطوط

sad-bird
20-04-2011, 03:32 AM
الله ينور عليك

هو فعلاً جنب واحد
بس أنا من رأي أن الأشيك جنب واحد ويكون درجة اللون الأغمق
أو لون تانى يليق على لون باقى الحجرة
أنا مثلاً عامل الحجرة بيچ فاتح وجنب لبنى غامق فيلفيت
روعة بكل المقاييس
بخلاف أنى عملت العواميد أستوك أنتيك بيچ
فطلعت بصراحة فوق الوصف
بخلاف چيبسونبورد فى الأسقف وكرانيش فيوتك لونتها
بلاستيك دهبى سكيب
وبيت نور وأسبوتات
مع شبابيك ألوميتال BS زجاج أزرق عاكس
فطلع الجو العام تحفة



يا باشا انت فناااااااااااااااان
:THUMBS~220::THUMBS~220::THUMBS~220:
الموضوع ده مش كان ناقصة غير سقف معلق ونافورة
مش مهم بقى يا ريس نبقى نعمله في البيت التاني
444546444546444546444546


وانا معاك ان الغرفة يكون فيها جنب غامق والباقي فاتح
لكن فيه ناس بتعمل كل جنب بلون
ويا سلام بقى لو يبقى شغل استعباط حريمي وتقولك لااااا انا عاوزاها كلها تكون قطيفة او الفلفيت ده
:HAPPY_~211::HAPPY_~211::HAPPY_~211:

sad-bird
20-04-2011, 03:38 AM
ودي شوية حاجات ع الماشي علشان لما تيجي تعمل الشقة التانية
:playing_music::playing_music::playing_music:


بس خلي بالك ده شغل ثابت مش متحرك يعني بيتعمل قبل الدهانات وبيتعمله حديد وسلك وبيجي مبيض محارة يحط اساس ويكمل بتاع الديكور او ممكن مبيض المحارة هو يعمل كله

sad-bird
20-04-2011, 03:42 AM
وكمان شوية

أحمد فاروق سيد
20-04-2011, 03:42 AM
مش مهم بقى يا ريس نبقى نعمله في البيت التاني
444546444546444546444546




أحلى حاجة قلتها
يسلم فُمك يا حاج محمد

:14FEAD~151::14FEAD~151::14FEAD~151::14FEAD~151:

حسسنى أن فيه أمل وأن حيجى علىّ يوم
أجمع شجاعة الدنيا كلها وأعملها

التعدد عز يا جدعان
امرأة واحدة لا تكفى

lol64
20-04-2011, 03:47 AM
فيه خامات معينه بتيجي وبيتعمل اساس للحيطة عادي في الاول وبيجي عند التشطيب يستعمل الخامات دي مع رولة معينة خاصة بيها بتديك الشكل اللي انت عاوزة
لكن الجنب الواحد في الحيطة 3×4 بيتكلف حوالي 300 جنية
فعلا مكلفه جدا طحن خالص

sad-bird
20-04-2011, 03:48 AM
أول صورة الجزء اللي علي اليمين ده نافورة او شلال مياه

sad-bird
20-04-2011, 03:50 AM
أحلى حاجة قلتها

يسلم فُمك يا حاج محمد

:14FEAD~151::14FEAD~151::14FEAD~151::14FEAD~151:

حسسنى أن فيه أمل وأن حيجى علىّ يوم
أجمع شجاعة الدنيا كلها وأعملها

التعدد عز يا جدعان
امرأة واحدة لا تكفى





خلي بالك واقفة وراك
:hd::hd::hd::hd:


انا بقول انت تخلي بالك بعد كده
ومتفتحش المواضيع الوحشة دي وانت في البيت
خليها وانت في الشغل ابقى اتكلم براحتك
لكن انت راجل وديع وطيب وقلبك ابيض
ولا يمكن تعمل الحاجات الوحشة دي خاااااااااااااااااااااالص

انا مالي ياعم انا عاوز اعيييييييييييييييييييييييش

أحمد فاروق سيد
20-04-2011, 03:52 AM
فعلا مكلفه جدا طحن خالص

بس بتبقى حلوة وشيك قوى يا علاء
أعمل جنب واحد فقط
وتعلق عليه برواز شيك بصور مرسومة باليد

http://www.sarkosa.com/vb/imgcache/57862.imgcache.jpg

sad-bird
20-04-2011, 03:54 AM
فعلا مكلفه جدا طحن خالص


ممكت عمل الجليز لو عاوز تكلفته اقل وبيدي نفس الاحساس وبيضرب في مركز التلوين زي ما انت عاوز
ولو عاوز تعمله سادة ممكن تعمل الدرجة اللي انت عاوزها باللاكية بس تجيب نوع نضيف باكين او سايبس او تجيب اللون اللي عاوزه وعلبه ابيض وعلبه اسود عاوز تفتح الابيض موجود عاوز تغمق الاسود موجود بس الاصل على اللون اللي انت عاوزه

lol64
20-04-2011, 03:56 AM
انا عايز صوره للقطيقه دى ماليش دعوه

sad-bird
20-04-2011, 03:57 AM
ممكن تعمل حاجة زي كده
بيقولو عليها ستاير
وابن خالتي عاملها على نبيتي ودهبي
جاب حليه دهبي لزقها تحت الكرانيش فوق ونزل بيها خطوط نبيتي عرض 10 سم وخطود دهبي عرض 5 سم
والجزء اللي تحت بارتفاع متر عمله نبيتي ساده كله وعمل فاصل بشريط دهبي منقرش

lol64
20-04-2011, 03:59 AM
ممكت عمل الجليز لو عاوز تكلفته اقل وبيدي نفس الاحساس وبيضرب في مركز التلوين زي ما انت عاوز
ولو عاوز تعمله سادة ممكن تعمل الدرجة اللي انت عاوزها باللاكية بس تجيب نوع نضيف باكين او سايبس او تجيب اللون اللي عاوزه وعلبه ابيض وعلبه اسود عاوز تفتح الابيض موجود عاوز تغمق الاسود موجود بس الاصل على اللون اللي انت عاوزه
تمام ياباشا انا فاكر الاسامى دى زى الجليز ده ههههههه
بس بجد انت خبره جامده يابو حميد

أحمد فاروق سيد
20-04-2011, 04:01 AM
على فكرة يا أستاذ محمد ....
أنت لازم مشاركاتك ده إن شاء الله
تتفصل عن الموضوع وتكون موضوع لوحده
فيها بصراحة كمية معلومات جميلة جداً

sad-bird
20-04-2011, 04:01 AM
نصيحة يا جماعة محدش يدخل مراته على الصفحة دي والا هيتدبس تدبيس جااااااااااااااااااااااامد

sad-bird
20-04-2011, 04:03 AM
تمام ياباشا انا فاكر الاسامى دى زى الجليز ده ههههههه
بس بجد انت خبره جامده يابو حميد


اي خدمة ياعم علاء
خبرة بناء 3 بيوت وتشطيب 10 شقق للعيلة
7 صنايع هههههههههه
بس برضة خبرتي على قدي فيه حاجات كتير معرفهاش او نسيتها

lol64
20-04-2011, 04:05 AM
حلوه الستاره دى يامحمد انا عاملها شكل تانى او الوان تانيه غى حجره خاصه living room انا هانزل قريب واصور لكوا الشقه كلها واخد رايكم

sad-bird
20-04-2011, 04:05 AM
على فكرة يا أستاذ محمد ....
أنت لازم مشاركاتك ده إن شاء الله
تتفصل عن الموضوع وتكون موضوع لوحده
فيها بصراحة كمية معلومات جميلة جداً




يا باشا انا ليا الشرف ان مشاركاتي في موضوعك
على الاقل الناس هتيجي تدور على احمد فاروق
ويجبروا على انهم يشوفي مشاركااتي

lol64
20-04-2011, 04:06 AM
:crazyW14:نصيحة يا جماعة محدش يدخل مراته على الصفحة دي والا هيتدبس تدبيس جااااااااااااااااااااااامد
:crazyW14::crazyW14::crazyW14::crazyW14::fun_36_1_ 26[1]::fun_36_1_26[1]::crazyW14:

sad-bird
20-04-2011, 04:06 AM
حلوه الستاره دى يامحمد انا عاملها شكل تانى او الوان تانيه غى حجره خاصه living room انا هانزل قريب واصور لكوا الشقه كلها واخد رايكم


عاوز الحق والا ابن عمه

sad-bird
20-04-2011, 04:09 AM
وكمان شوية

aboelesaad
20-04-2011, 04:15 AM
بالنسبه لغرفه الاطفال
خلي من ورا السراير كده رسومات زيت بتبقي روعه
انا عاملها لواحد حبيبي انا الي رسمتها و لونتها
كلفتني الوان 211 ج بعرض الحيطه 3 متر و 60 سم بعرض 2 متر و 80 سم
اخدت مني 4 ايام كل يوم 12 ساعه شغل

اخدت مني الوان كتير لانها كانت رسمه ديزني لاند ففيها الوان كتير جدا واشكال كتير
بس بجد طلعت ولا اروع من كده
بس الصوره تايه مني خالص

وفي نجوم بتتعلق بالسقف لونها فسفوري بتبقي روعه بالضلمه بتخلي السقف اكنه سما و بتعمل ضوء خفيف اوي زي البرق كده مع بعضها اكنها وناسه للاطفال و منها شياكه
العلبه فيها 18 نجمه مختلفه الاحجام ب 12 ج

sad-bird
20-04-2011, 04:18 AM
شوية كمان
وفيه حتتين رخام

lol64
20-04-2011, 04:22 AM
ياخواننا ثراء المشاركات والمعلومات هنا مجننىىىىىىىىىىىىىىىىىىىىىىى
انا فرحان بالموضوع ده بجد تسلم ايدك يااستاذ احمد فاروق بتطلع المواهب والطاقات المكنونه جوا الاعضاء اصدقاءك:playing_music:

sad-bird
20-04-2011, 04:23 AM
بالنسبه لغرفه الاطفال

خلي من ورا السراير كده رسومات زيت بتبقي روعه
انا عاملها لواحد حبيبي انا الي رسمتها و لونتها
كلفتني الوان 211 ج بعرض الحيطه 3 متر و 60 سم بعرض 2 متر و 80 سم
اخدت مني 4 ايام كل يوم 12 ساعه شغل

اخدت مني الوان كتير لانها كانت رسمه ديزني لاند ففيها الوان كتير جدا واشكال كتير
بس بجد طلعت ولا اروع من كده
بس الصوره تايه مني خالص

وفي نجوم بتتعلق بالسقف لونها فسفوري بتبقي روعه بالضلمه بتخلي السقف اكنه سما و بتعمل ضوء خفيف اوي زي البرق كده مع بعضها اكنها وناسه للاطفال و منها شياكه

العلبه فيها 18 نجمه مختلفه الاحجام ب 12 ج



فيه اسطمبات برسوم اطفال جاهزة
ممكن تجيبها وتلونها زي ما انت عاوز او تعملها لون واحد
وممكن تستعمل بوية لاكية عادية او جليز

aboelesaad
20-04-2011, 04:28 AM
صحيح عندي ليك كام فكره كده

لو بتحب احواض السمك

ممكن خلي تروح ناحيه اكبر حيطه عريضه و تحفر في الجدار بس يكون جدار طوب و ركز في ده و فضي مكان علي قد الحوض الي تحبه " اي مقاس في اي مقاس " وبطنها باسمنت و فوقيه ازاز و استيكر و قفله بحيث ان يكون من برا بماسواه الحيطه و خليه من فوق له غطا خشب حلو

هيبقي حوض سمك جميل جدا و رخيص و له طابع جميل جدا

الفكره دي انا شوفتها و نفزتها

aboelesaad
20-04-2011, 04:30 AM
فيه اسطمبات برسوم اطفال جاهزة
ممكن تجيبها وتلونها زي ما انت عاوز او تعملها لون واحد
وممكن تستعمل بوية لاكية عادية او جليز

جربتها كتير لقيت الزيفت افضل لانه بيحسسك بجو طبيعي جدا من كل حاجه اما الاستيكر من دقته المتناهيه تحس انك مرسوم مش جو طبيعي

lol64
20-04-2011, 04:34 AM
صحيح عندي ليك كام فكره كده


لو بتحب احواض السمك

ممكن خلي تروح ناحيه اكبر حيطه عريضه و تحفر في الجدار بس يكون جدار طوب و ركز في ده و فضي مكان علي قد الحوض الي تحبه " اي مقاس في اي مقاس " وبطنها باسمنت و فوقيه ازاز و استيكر و قفله بحيث ان يكون من برا بماسواه الحيطه و خليه من فوق له غطا خشب حلو

هيبقي حوض سمك جميل جدا و رخيص و له طابع جميل جدا


الفكره دي انا شوفتها و نفزتها

طب والنبى انا حلفتك اهو يابو الاسعاد صور لى اللى انت عملتها ونزلها هنا

aboelesaad
20-04-2011, 04:34 AM
بالنسبه لوصله التكييف

لو انت لسه علي الغفق ياريت تربط علي التككيف و يجو يحطولك مواسير الفريون يدفنوها جوا الحيطه هي و سلوك الكهربه لان الديزن الي عامله ده مينفعش بقي تبين مواسير التككيف

وياسلام لو طبقت بقي نظام تكيف مركزي علي الاوضه بمعني
الاوضه دي محتاجه تكييف 3 حصان
تعمل بقي فتحات في جوانب الاوضه من كل حته وتخلي التكييف كله برا الاوضه ويوصل الهوا في الفتحات مباشره
هيديك طابع عالي جدا و الحوار ده هيكلفك مواسير الومنيوم و خلافه في حدود 600 جنيه
وفتحات فيا لحيطه قول 250 جنيه

الموضوع حلو لو اتنفز صح بجد بيبقي روعه فعلا و هو هو التككيف مش هتجيب حاجه مركزيه ولا حاجه

aboelesaad
20-04-2011, 04:36 AM
طب والنبى انا حلفتك اهو يابو الاسعاد صور لى اللى انت عملتها ونزلها هنا

عنيا ليك
باذن واحد احد اول ما انزل طنطا هصولهالك و انزلهالك مخصوص
" احتمال انزل طنطا الخميس " قول يارب بقي

aboelesaad
20-04-2011, 04:48 AM
بالنسبه لميه الشقه
في مواتير صيني نزلت جديده حلوة جدا و انا شاري واحد
0.8 حصان ب 350 جنيه
ده يطلع مايه ل 40 متر يعني في حدود 13 دور
" وطبعا الادوار هتختلف مع اختلاف قطر المواسير لان التصرف هيزيد "
الموتور حلو وكفاءه و شغال كويس

أحمد فاروق سيد
20-04-2011, 04:50 AM
الله يكرمك يا أبو الإسعاد أنت ومحمد على
بصراحة معلوماتكم وتجاربكم مفيدة جداً جداً جداً
بارك الله فيكما

aboelesaad
20-04-2011, 04:52 AM
بالنسبه لسلك التليفون

خلي الكهربائي يدككلك سلك التليفون وسلك النت في كل الاوض وسلك الدش برضو بحيث انك لو جبت اي تلفزيون او عده تليفون توصلها مباشره بدل حوارا لسلوك و القرف ده

انا بالاول كنت معترض علي الفكره بس ساعه الجد لقتها بتسهل حاجات كتير اوي و مفيده فعلا و مش خساره فيها الفلوس

sad-bird
20-04-2011, 04:53 AM
بالنسبه لميه الشقه

في مواتير صيني نزلت جديده حلوة جدا و انا شاري واحد
0.8 حصان ب 350 جنيه
ده يطلع مايه ل 40 متر يعني في حدود 13 دور
" وطبعا الادوار هتختلف مع اختلاف قطر المواسير لان التصرف هيزيد "

الموتور حلو وكفاءه و شغال كويس




هههههههههههههههههه
برضة صييييييييييييييييييييني
على فكرة الماتور بيبقى حلو وكويس في الاول بعد كده بيبدأ صوت هيعلي قوي وتحس انه كراكه في البيت بس الكلام ده بعد 3 سنين مثلا
احنا لسه جايبين واحد ايطالي
نوع اسمه Conferto كان ب 950
وساير ب 1100 وكالبيدا ب 1200 ومش موجود

sad-bird
20-04-2011, 04:55 AM
الله يكرمك يا أبو الإسعاد أنت ومحمد على

بصراحة معلوماتكم وتجاربكم مفيدة جداً جداً جداً
بارك الله فيكما


اللهم آمين وأياكم

aboelesaad
20-04-2011, 05:03 AM
هههههههههههههههههه
برضة صييييييييييييييييييييني
على فكرة الماتور بيبقى حلو وكويس في الاول بعد كده بيبدأ صوت هيعلي قوي وتحس انه كراكه في البيت بس الكلام ده بعد 3 سنين مثلا
احنا لسه جايبين واحد ايطالي
نوع اسمه Conferto كان ب 950
وساير ب 1100 وكالبيدا ب 1200 ومش موجود


شوفت انت قولت اي
بعد 3 سنين
معلش يعني 3 سنين و ب 350 جنيه
يابلاش

يا عم انا كنت جايب واحد ايطالي مكملش 8 شهور و طلع عيني
وجبت غيره كالبيدا برضو باظ بعد سنه و شهر
فبوظان ببوظان يبقي الصيني ارخص بقي
وكمان حتي لو صوته عالي مهو اساسا العمارات الجديده كلها علي مناور للعدادت المايه يعني الموتور مش هيبقي ناحيتك خالص
خليه يطلع براحتو بقي

aboelesaad
20-04-2011, 05:23 AM
ها نفسك في تاني يا علاء باشا

انكشنا بس و احنا بعون الله هنفيدك

sad-bird
20-04-2011, 10:38 AM
ها نفسك في تاني يا علاء باشا



انكشنا بس و احنا بعون الله هنفيدك



اصبر عليا بس لما انكشك انا بس لما افكرلك في حاجة
ههههههههههههههه

:shy::shy::shy:

sad-bird
20-04-2011, 10:53 AM
عنيا ليك

باذن واحد احد اول ما انزل طنطا هصولهالك و انزلهالك مخصوص

" احتمال انزل طنطا الخميس " قول يارب بقي



:thinkW19::thinkW19::thinkW19::thinkW19::thinkW19: :thinkW19::thinkW19::thinkW19::thinkW19::thinkW19: :thinkW19::thinkW19::thinkW19::thinkW19::thinkW19: :thinkW19:
مش مطمنلك يا حمادة
شكلك قاعد في المنصورة الايام دي
يا تري فيه اييييييييييييييييييييه

sad-bird
20-04-2011, 11:00 AM
صحيح عندي ليك كام فكره كده


لو بتحب احواض السمك

ممكن خلي تروح ناحيه اكبر حيطه عريضه و تحفر في الجدار بس يكون جدار طوب و ركز في ده و فضي مكان علي قد الحوض الي تحبه " اي مقاس في اي مقاس " وبطنها باسمنت و فوقيه ازاز و استيكر و قفله بحيث ان يكون من برا بماسواه الحيطه و خليه من فوق له غطا خشب حلو

هيبقي حوض سمك جميل جدا و رخيص و له طابع جميل جدا


الفكره دي انا شوفتها و نفزتها


ما هو مش هيلاقي حيطه عريضة في الشقة
ده الطوب الايام دي بقى 11 سم
لو عاوز ينفذها يبقى يجيب الحوض ويحفرله في الحيط ويخلي الظهر للحيطية دي فاضي على قد الحوض بس
يا اما لو فيه عمود في ركن يعمل على قد الركن ده دولاب خشب وفيه الحوض

aboelesaad
20-04-2011, 04:28 PM
اصبر عليا بس لما انكشك انا بس لما افكرلك في حاجة
ههههههههههههههه

:shy::shy::shy:
حبيب قلبي والله يا حماده
GIFT4U

aboelesaad
20-04-2011, 04:37 PM
ما هو مش هيلاقي حيطه عريضة في الشقة
ده الطوب الايام دي بقى 11 سم
لو عاوز ينفذها يبقى يجيب الحوض ويحفرله في الحيط ويخلي الظهر للحيطية دي فاضي على قد الحوض بس
يا اما لو فيه عمود في ركن يعمل على قد الركن ده دولاب خشب وفيه الحوض


حل الحيطه العريضه سهل بس هيقلل من عرض الغرفه مقام طوبه
يعني ممكن يزود جدار طوب بس يعمل اي
يرص الاجناب بطول الطوبه ويكمل الجدار بعرض الطوبه بحيث يعمل فراغ في ظهر الحيطه دي بمقدار طول الطوبه ويعمل في النصف الحوض والاجناب يعمل تجويف برضو لكل برواز مثلا او سنادات للانتيكات او مكتبه داخليه
لو فعلا زود الجدار ده هيبقي معاه تجويف رائع يبدع فيه براحتو بقي و منه حصل علي فراغ مناسب لحاجات كتير و منه استفاد برضو مهدرش حاجه و وفر عليه طربيزه انتيكات مثلا او مكتبه تاخد حيز كبير

aboelesaad
20-04-2011, 04:42 PM
:thinkW19::thinkW19::thinkW19::thinkW19::thinkW19: :thinkW19::thinkW19::thinkW19::thinkW19::thinkW19: :thinkW19::thinkW19::thinkW19::thinkW19::thinkW19: :thinkW19:
مش مطمنلك يا حمادة
شكلك قاعد في المنصورة الايام دي
يا تري فيه اييييييييييييييييييييه


انا فعلا بالمنصوره يا شقي
بخلص شغلانه كده وهرجع بعون الله الخميس قولو يارب بس

sad-bird
20-04-2011, 05:20 PM
انا فعلا بالمنصوره يا شقي


بخلص شغلانه كده وهرجع بعون الله الخميس قولو يارب بس



444546444546444546

منا قلت مش مطمنلك
قاعدتك في المنصورة كتير مش مرتاحلها
ومن كام يوم عمال تقولي 11 سنة مستني وخلاص وحوارات
444546444546
مش مرتاحلك

sad-bird
20-04-2011, 05:25 PM
حل الحيطه العريضه سهل بس هيقلل من عرض الغرفه مقام طوبه

يعني ممكن يزود جدار طوب بس يعمل اي
يرص الاجناب بطول الطوبه ويكمل الجدار بعرض الطوبه بحيث يعمل فراغ في ظهر الحيطه دي بمقدار طول الطوبه ويعمل في النصف الحوض والاجناب يعمل تجويف برضو لكل برواز مثلا او سنادات للانتيكات او مكتبه داخليه

لو فعلا زود الجدار ده هيبقي معاه تجويف رائع يبدع فيه براحتو بقي و منه حصل علي فراغ مناسب لحاجات كتير و منه استفاد برضو مهدرش حاجه و وفر عليه طربيزه انتيكات مثلا او مكتبه تاخد حيز كبير



يابني ركزززززززز
علاء خلاص شطب الشقة
لو بتنصح حد تاني بقى يبقى تقوله يعمل حسابه لو عاوز يعمل الفكرة دي
يروح واخد جنب في الحيط وعامل فيه متر بارز بروزة لا يقل عن 35-40 سم
لان عرض احواض السمك اقل حاجة 30 سم
والطول بقى زي ما هو عاوز لكن لو عاوز يتعمل سمك صحج لازم الحوض ميقلش عن 90 سم
وحوار السمك ده موضوع تاني لوحده
نيجي بقى للبروز اللي اتعمل هيعمل فيه ايه
على ارتفاع متر مثلا يعمل خوصة حديد ويحمل عليها رف خشب
ويعمل ارتفاعه 75 سم ( للحوض والحركة فوق منه )
وبعدين يعمل رف تاني بقى لغايه السقف او يقسمها رفين للسقف زي ما يحب
ويحط بقى ابليكات او مناظر او انتيكات اي حاجة بقى زي ما يحب او حتى يعملها ضلفة مقفولة
وتحت الحوض هيبقى فيه متر فاضي يعمل فيه رف ويقفل عليه ضلفتين ويبقى مخزن للحاجات اللي بيستعملها للسمك او اي حاجة

corsair
20-04-2011, 05:26 PM
بالنسبه لميه الشقه

في مواتير صيني نزلت جديده حلوة جدا و انا شاري واحد
0.8 حصان ب 350 جنيه
ده يطلع مايه ل 40 متر يعني في حدود 13 دور
" وطبعا الادوار هتختلف مع اختلاف قطر المواسير لان التصرف هيزيد "

الموتور حلو وكفاءه و شغال كويس



حتي الموتور صيني اانا خايف تتكلم بالصيني بعد كدا وعينك تتضيق وشعرك ينزل علي عنيك

sad-bird
20-04-2011, 05:40 PM
حتي الموتور صيني اانا خايف تتكلم بالصيني بعد كدا وعينك تتضيق وشعرك ينزل علي عنيك


متقلقش متقلقش
هيا بدأت تتضيق اهي من ورا النظاره
بس بجنب شوية بس علشان تبان معاك
ايوااااااااااااااا كده
اهوووووووووووو
:crazyW14::crazyW14::crazyW14:
وبعدين ما الصيني والكوري جنب بعض
كله على خط زلزال واحد
بكرة ينزلكم الوحش الجديد المصري وتتروقوا كلكم

444546444546444546

aboelesaad
20-04-2011, 05:41 PM
يابني ركزززززززز
علاء خلاص شطب الشقة
لو بتنصح حد تاني بقى يبقى تقوله يعمل حسابه لو عاوز يعمل الفكرة دي
يروح واخد جنب في الحيط وعامل فيه متر بارز بروزة لا يقل عن 35-40 سم
لان عرض احواض السمك اقل حاجة 30 سم
والطول بقى زي ما هو عاوز لكن لو عاوز يتعمل سمك صحج لازم الحوض ميقلش عن 90 سم
وحوار السمك ده موضوع تاني لوحده
نيجي بقى للبروز اللي اتعمل هيعمل فيه ايه
على ارتفاع متر مثلا يعمل خوصة حديد ويحمل عليها رف خشب
ويعمل ارتفاعه 75 سم ( للحوض والحركة فوق منه )
وبعدين يعمل رف تاني بقى لغايه السقف او يقسمها رفين للسقف زي ما يحب
ويحط بقى ابليكات او مناظر او انتيكات اي حاجة بقى زي ما يحب او حتى يعملها ضلفة مقفولة
وتحت الحوض هيبقى فيه متر فاضي يعمل فيه رف ويقفل عليه ضلفتين ويبقى مخزن للحاجات اللي بيستعملها للسمك او اي حاجة

انت مش فاهمي علي فكره خالص
لو علاء باشا خلص يبقي اي حد يستفاد يا عمنا مش اشكال
وبالنسبه للحوض انا مبقولش نجيب حوض نحطه
انا بقول نعمله عموله بالمقاس الي نحبه
بس انا معرفش بصراحه حوار ال 30 سم دول لاني عاملها زي ما بقولك بعرض طوبه و السمك زي القرد مفهوش مشاكل
عموما كلها افكار و اجتهادات و ازواق و كلو علي التكلفه في الاول و الاخر
بس انا دايما في شغلتي بندور علي الماديات في المقام الاول لان بالوقت الحالي مفيش حاجه اسمها صعب تنفيزها
اي حاجه مهما كانت تصورها بتتعمل و تتنفز بس التكلفه بتفرق فعشان كده بقول كل حاجه نعملها احنا وبتطلع زي ما انت عايز بالظبط اما الحاجات الاستندر بتاخد مكان اكبر و تكاليف اكتر

sad-bird
20-04-2011, 05:45 PM
احواض السمك بيكون العمق 30 سم والعرض من 60 فما فوق والارتفاع 50 سم
وعلشان تربي سمك صح تبدأ من 90 سم

aboelesaad
20-04-2011, 05:46 PM
حتي الموتور صيني اانا خايف تتكلم بالصيني بعد كدا وعينك تتضيق وشعرك ينزل علي عنيك

هههههههههههههههههههههههههههه
وحياتك اضيقتك لوحدها من كتر التمقيق في ام اللوح

تعرف بقي ان كنت هسافر الصين السنه دي بس ربنا مكتبليش الحوار ده
اما لو كنت روحت
والله كنت هروقك صيني

sad-bird
20-04-2011, 06:03 PM
هههههههههههههههههههههههههههه

وحياتك اضيقتك لوحدها من كتر التمقيق في ام اللوح

تعرف بقي ان كنت هسافر الصين السنه دي بس ربنا مكتبليش الحوار ده
اما لو كنت روحت

والله كنت هروقك صيني



444546444546444546

مش كفاية المنصورة
كمان هيبقى الصين

sad-bird
21-04-2011, 07:44 PM
أبو شرووووووووووووق
GIFT4UGIFT4UGIFT4U
تصدق يا ابو شروق
انا عمال اقول من امبارح
انت منزلتش ليه بخبرتك في الادوات الصحية

ابوشروق
21-04-2011, 09:11 PM
تكمله لما سبق
واتمنى استفادة الزملاء واى استفسار انا مستعد
وليكم بعض صور مواسير الصرف ومياه الشرب

ابوشروق
21-04-2011, 10:12 PM
على فكره كل الصور والمرفقات
أعمال من تنفيذ اخوكم أيمن ابوشروق

ابوشروق
21-04-2011, 10:15 PM
انا رايح مشوار ساعه وراجعGIFT4U

مهند النجار
21-04-2011, 10:19 PM
على فكره كل الصور والمرفقات
أعمال من تنفيذ اخوكم أيمن ابوشروق




انت بتشتغل ومعاك كاميرا
ما حدش بيسالك بتعمل اية يا جاسوس ؟؟ ههههههههه

انا رايح مشوار ساعه وراجعGIFT4U

تروح وترجع بالسلامة

gadix
21-04-2011, 11:23 PM
موضوع اكتر من رائع احييك عليه

ابوشروق
22-04-2011, 01:04 AM
انت بتشتغل ومعاك كاميرا
ما حدش بيسالك بتعمل اية يا جاسوس ؟؟ ههههههههه

ياراجل يكفينا الشر جاسوس مره واحده
دى صور الشغل الى بعمله بصوره بالموبيل
واحتفظ بيه عندى على الكمبيوتر

تروح وترجع بالسلامة
الله يسلمك يا مهند
انا رجعت:joy23::joy23:

gadix
22-04-2011, 01:59 AM
نصيحة يا جماعة محدش يدخل مراته على الصفحة دي والا هيتدبس تدبيس جااااااااااااااااااااااامد

سؤال رفيع بعد اذنك
الحاجات الي في الصور الي انا مش عارفها اصلا دي بتتكلف كام حضرتك
و ياريت تقولهالي بالتدريج و حاول تكدب عليا عشان الصدمة

gadix
22-04-2011, 02:14 AM
يابني ركزززززززززز
علاء خلص الشقة خلاص وشطبها
هيحفر فين تاني دلوقتي
وبعدين سلك النت مش ينفع يترمي كده ويتساب
لأنه لازم يتأرج
وكمان المواسير اقصي قطر ينفع تحت البلاط 16 مم
والا هيقعد يرمي مواسير والمواسير رفعت سعرها يبقى الشقة كده هتاخدلها مش اقل من 4 لفف مواسير علشان بس اداري سلك النت


- راوتر وايرلس و كروت شبكة وايرلس
- تليفون لاسلكي
يبقي كدة مش فاضل غير سلك الدش بس

sad-bird
22-04-2011, 07:36 AM
سؤال رفيع بعد اذنك

ازاي تسأل واحد تخين سؤال رفيع
انت بتذلني بقى

:shy::shy:


الحاجات الي في الصور الي انا مش عارفها اصلا دي بتتكلف كام حضرتك
و ياريت تقولهالي بالتدريج و حاول تكدب عليا عشان الصدمة

بلاش احسن تتصدم
ههههههههههههههههههههههههههه

المهم ان مراتك متدخلش على الصفحة دي لحسن هيكون يومك ما يعلم بيه الا ربنا





























خد الصدمة دي بقى

الاسعار بقى على حسب الحاجة وعلى حسب اللي بيعملها
التابلوهات الصغيرة في الحيط بعرض متر تقريبا بتعملها تقريبا 300- 500 جنية
العمود الجبس بيعمله تقريبا 100 - 150
الحاجات الكبيرة بقى على حسب هتعمل فيها ايه وهل فيها ماتور مياه علشان الشلال والا مش فيها دي بقى بتعملها تقريبا 2000 فما فوق

البوابة الجبس اللي في صورة في الاخر بتتكلف حوالي 600والدهان بينطقها قوي
السرة الجبس اللي في السقف على حسب الحجم والشغل اللي فيها فيه حاجات صغيره ب 20 جنية وفيه حاجات تهههههههههههمة ب 200 جنية
شغل الرخام على حسب اللي بيتعمل فيه وعلى حسب الخامة
يعني حاجة فيها رخام اسباني المتر فيه ب 500 جنية
مش زي حاجة فيها رخام كرارة المتر فيه ب 200 جنية
مش زي حاجة فيها رخام عادي المتر فيه ب 70 جنية

ابن خالتي قرر يعمل نجمة ثمانية في الصالة عنده
عجبته واحده عند بتاع الرخام راح يسأل عليها
كانت تقريبا بقطر متر وربع او متر ونص لقاها ب 600 جنية

طبعا فيه حاجات ارخص من كده بس هو راح ينفي رخام اسباني اسود
ورجع جاب مترين بورسلين اسود وخلى المبلط يعملهاله بلاط ا

sad-bird
22-04-2011, 07:42 AM
- راوتر وايرلس و كروت شبكة وايرلس
- تليفون لاسلكي
يبقي كدة مش فاضل غير سلك الدش بس


يتعمل في المواسير تحت البلاط عادي ومعاه التليفون كمان لكن انا كان كلامي لاحمد عن علاء مش عن الفكرة نفسها

سلك الدش لو مش معمول مواسير تحت البلاط ومحتاج تعمله له حل بسيط ومش مكلف
تعمل ايه بقى
لو الشقة خلصانه خالص تجيب شنيور وتخرم خرم صغير في الحيط جنب حلق الشباك على طول وتثبت فيه ماسورة من بتوع الكهرباء
وتعمل الحطة دي في كل مكان ممكن تحط فيه التلفزيون
وتدخل السلك من السطح للمكان اللي انت فيه


عيبها
انك كل ما تحب تنقل التلفزيون هتضطر تفك السلك وتنقله من مكان لمكان

لها حل تاني وهو انك تجيب المواسير البيضاء ام غطاء
وتمشيها فوق الوزرة وتمشي فيها السلك
بس هتلف بيها كتير وتتكلف جامد

sad-bird
22-04-2011, 07:48 AM
شوية كماان علشان خاطر اخويا وحبيبي محمد جاد

sad-bird
22-04-2011, 07:50 AM
GIFT4UGIFT4U

sad-bird
22-04-2011, 07:53 AM
الخير كتير متقلقوش

sad-bird
22-04-2011, 08:00 AM
:14369D~149::14369D~149:

sad-bird
22-04-2011, 08:06 AM
:14369D~149::14369D~149:

sad-bird
22-04-2011, 08:10 AM
:14369D~149::14369D~149::14369D~149:

sad-bird
22-04-2011, 08:16 AM
:14369D~149::14369D~149:

sad-bird
22-04-2011, 08:19 AM
:14369D~149::14369D~149::14369D~149:

sad-bird
22-04-2011, 08:23 AM
:fun_36_3_3[1]::fun_36_3_3[1]::fun_36_3_3[1]::fun_36_3_3[1]:

كفاية بقى كده لحسن انا اتعقدت
ومتنسووووووووووووووش
انا نبهت


































:hd::hd::hd::hd::hd::hd::hd::hd::hd:
مفيش حد فيكم يخلي مراته تشوف الصفحة دي

corsair
22-04-2011, 12:46 PM
اياكم ومكاتب تشطيب الشقة بالكامل

ايام ما كنت بعمل الشقه في اكتوبر ناس اقترحت عليا اني اتعاقد مع شركة تستلم الشقة وتشطبها بالكامل وتتابع العمال وهكذا وفوجئت بأسعار خياليه

يعني لقيته بيكلمني علي شغل النقاشه مصنعيه بس 7000 جنيه

الكرانيش بتبتدي المتر من 25 جنيه لحد 75 جنيه

السباكه 8000 جنيه

الكهربا 4000 جنيه

السيراميك المتر ب 19 جنيه

ده غير عمولتهم

والدي من النوع اللي بيحب يشتري دماغه ولقيته بيقولوه اوكيه الحاج جابلي الضغط ساعتها بس ماشي مفيش مشكله ماهو ابويا بردك

المهم اتفقت معاه علي تشطيب الشقة ديه بمعرفتي وهوفرله ال 3/4 من المبلغ ده

هو طبعا مصدق وقالي بس اي غلطه انتا اللي هتشيل الليله يا معلم قولتله ماشي

المهم في الاخر عملتله متر الكرانيش 3 سنون و نصف دائره وبيت نور المتر ب 9 جنيه

مصنعية النقاشه للشقه بالكامل 2100 جنيه 3 وشوش معجون ووشين دهان

سباكة الماني بالكامل مصنعية 3000 جنيه السباكة الحاجه الوحيده اللي مقدرش افاصل فيها علشان يدي الشغل حقه وديه نصيحة لاي حد انا مبهدلنيش في موضوع السباكه ده قد السباك نفسه لاني كل يوم لازم اغديه يا كفته مشوية يا فراخ مشوية وكنت مدلعه علي الاخر ومصدقت انه خلص شغل السباكه وكنت هطفحه اللي كله هههههههههههههههه

بالنسبة للكهربا كلفتني مصنعيه 1500 جنيه

و بالنسبة للسيراميك جبته من المهاجرين المتر ب 25 جنيه فرز اول كيلوباترا

والدهانات كانت كابسي بس مش فاكر التكلفه دلوقتي واكيد طبعا اتغيرت التكلفة للاعلي



وطبعا اتفحت في الشقه ديه 5 شهور بالكامل في عز الحر وربنا يرحم ال 128 اللي كنت بحملها اسمنت وجبس علي السقف والشنطة والكابوت العربية كان بيبقي بينها وبين الارض مفيش 5 سم

sad-bird
22-04-2011, 03:03 PM
تسلم ايدك يا باشا و الحمد لله ان الاسعار طلعت معقولة مش في العالي اوي زي ما كنت متخيل


بص يا ابو جاد
الموضوع ده نسبي الى حد كبير
ازاي بقى
ممكن الاسعار اللي قلتلك عليها دي تاخدها من صنايعي
وتيجي تروح مكتب ديكور تقوله اعملي الشغل ده يقولك السعر كذا وكذا دي يعني تضرب في 2 أو 3 من الاسعار اللي انا قلتلك عليها
ليه بقى
لان ده صنايعي على قده وده مكتب وعاوز يطلع مكسب وايجار وسكرتيرة وتليفون ألخ ألخ ألخ


نرجع بقى تاني للصنايعي نفسه
تيجي تتفق معاه يقولك اشوف الشغل الاول
تاخده توريه الشغل يلاقي الشقة في عماره في المهندسين يقولك سعر كذا
يلاقي عمارة في عين شمس يقولك السعر كذا


و انا بشكركم كلكم انا اكبر مشكلة في حياتي اني من الناس الي مبتعرفش تعمل اي حاجة بايدها خالص :THUMBS~113: يعني لما داواية لمبة تبوظ عندي للاسف بجيب الكهربائي فلا تتخيلوا انا مبسوط بالموضوع ده اد ايه علي الاقل بطلع منه بافكار جديدة عليا


اي خدمة ياعم محمد
ولو عاوز اجيلك اعلمك كورس عملي في كل حاجة
الحمد لله اخوك مش بيدخل البيت اي صنايعي غير في الحاجات التقيلة لكن اي صيانه اي حاجة خفيفة بعملها

sad-bird
22-04-2011, 03:09 PM
اياكم ومكاتب تشطيب الشقة بالكامل


ايام ما كنت بعمل الشقه في اكتوبر ناس اقترحت عليا اني اتعاقد مع شركة تستلم الشقة وتشطبها بالكامل وتتابع العمال وهكذا وفوجئت بأسعار خياليه

يعني لقيته بيكلمني علي شغل النقاشه مصنعيه بس 7000 جنيه

الكرانيش بتبتدي المتر من 25 جنيه لحد 75 جنيه

السباكه 8000 جنيه

الكهربا 4000 جنيه

السيراميك المتر ب 19 جنيه

ده غير عمولتهم

والدي من النوع اللي بيحب يشتري دماغه ولقيته بيقولوه اوكيه الحاج جابلي الضغط ساعتها بس ماشي مفيش مشكله ماهو ابويا بردك

المهم اتفقت معاه علي تشطيب الشقة ديه بمعرفتي وهوفرله ال 3/4 من المبلغ ده

هو طبعا مصدق وقالي بس اي غلطه انتا اللي هتشيل الليله يا معلم قولتله ماشي

المهم في الاخر عملتله متر الكرانيش 3 سنون و نصف دائره وبيت نور المتر ب 9 جنيه

مصنعية النقاشه للشقه بالكامل 2100 جنيه 3 وشوش معجون ووشين دهان

سباكة الماني بالكامل مصنعية 3000 جنيه السباكة الحاجه الوحيده اللي مقدرش افاصل فيها علشان يدي الشغل حقه وديه نصيحة لاي حد انا مبهدلنيش في موضوع السباكه ده قد السباك نفسه لاني كل يوم لازم اغديه يا كفته مشوية يا فراخ مشوية وكنت مدلعه علي الاخر ومصدقت انه خلص شغل السباكه وكنت هطفحه اللي كله هههههههههههههههه

بالنسبة للكهربا كلفتني مصنعيه 1500 جنيه

و بالنسبة للسيراميك جبته من المهاجرين المتر ب 25 جنيه فرز اول كيلوباترا

والدهانات كانت كابسي بس مش فاكر التكلفه دلوقتي واكيد طبعا اتغيرت التكلفة للاعلي




وطبعا اتفحت في الشقه ديه 5 شهور بالكامل في عز الحر وربنا يرحم ال 128 اللي كنت بحملها اسمنت وجبس علي السقف والشنطة والكابوت العربية كان بيبقي بينها وبين الارض مفيش 5 سم



بالشفا يا ابو دنيا
اديك بتتعلم علشان تبقى تبني البيت طوبة طوبة من الاساس
444546444546444546

فكرة مكاتب التشطيب دي كنت هعملها من حوالي 6 سنين في الشروق والعبور بس الفكرة اتلغت لن اللي كان هيبقى معايا خلع

alymonir
22-04-2011, 03:39 PM
شكر وتقدير
ايه دة ايه دة ايه دة ؟؟؟!!!!!
هو انا كل ما أغيب شوية ارجع ألاقي موضوع جامد كدةyesyes
موضوع جامد جدا و أكثر من رائع جزاك الله عنا خير الجزاء يا أستاذ أحمد يامبدع ( كالعادة ) , بس هو الموضوع دة علشان الانتخابات فعلا ولا ايه؟:CHUBBY~36:
طب ياريت نعمل انتخابات كل أسبوع علشان تعملنا حاجة جامدة كدة على طول:14369D~149:
بس واضح إن فيه ناس احتلت الموضوع:bat_467: هما عارفين نفسهم طبعا و أنا مش حاقول أسماء
ماشي يا محمد يا علي انت و أبو الاسعاد !!444546444546
المهم الموضوع قلب على مقاولات تشطبيات مش عارف ليه بس كله خير
كان نفسي ألاقي وقت احكيلكم على مصايب ( قصدي تجارب ) كتير ليا بس يا خسارة وقتي ضيق شوية اليومين دول
و بعدين أنا كل ما أقرا حاجة على التشطيبات اتعقدANAA7TGANAA7TGANAA7TG لأني خذت مجموعة كبيرة جدا من المقالب في شقتي و أنا باشطبها و للأسف لها ذكريات أليمة جدا بحاول أنساها و أتعالج منها لحد دلوقتي
أشكر الجميع على المساهمات الفعالة و قريبا أوافيكم بالتجارب إن شاء اللهROSE4UROSE4UROSE4U

gadix
22-04-2011, 08:02 PM
ولو عاوز اجيلك اعلمك كورس عملي في كل حاجة
الحمد لله اخوك مش بيدخل البيت اي صنايعي غير في الحاجات التقيلة لكن اي صيانه اي حاجة خفيفة بعملها

تسلم يا باشا في البيت التاني ان شاء الله هسألك قبل ما اعمل اي حاجة
و ربنا يستر و مراتي ماتقراش الكلام ده :)

corsair
22-04-2011, 09:28 PM
بالشفا يا ابو دنيا
اديك بتتعلم علشان تبقى تبني البيت طوبة طوبة من الاساس
444546444546444546

فكرة مكاتب التشطيب دي كنت هعملها من حوالي 6 سنين في الشروق والعبور بس الفكرة اتلغت لن اللي كان هيبقى معايا خلع


ده اكيد امه داعياله يا محمد يا علي اللي خلع منك ده هههههههههههههههههههه

The MERCURY
23-04-2011, 11:05 AM
مش عارف لي حاسك قاعدلي تعترض و خلاص
هههههههههههههههههههههههههههههه

حبيب قلبي و الله يا حماده

بس فعلا الافكار دي مكنتش مربوطه بالبيوت " كل حاجه كانت بتتعمل في المنشات العاليه زي المصانع " لان اساسا كنا رابطنها زي ما بتقول بالتكييف و خلاص المهندسين مكنوش علي قد التفكير و الثقافه بتوع دلوقتي ومكنش في تبادل معارف زي دلوقتي
وبنفس الوقت مكنش له الحاجه زي دلوقتي يعني الجو زمان مكنش زي دلوقتي ضروري فيه التكيف و العزل كمان

فمكنش في حاجه اسمها لا عزل حراري ولا يحزنون انت كنت تحمد ربنا اوي انك ساكن في بيت 5 ادوار يااااه ده ابتكار عجيب

زمان كان في حاجات كتير الانسان بيقف قدامها ميعرفش يحلها دلوقتي لا خالص




موضوع جميل و مفيد و يستحق الشكر و الثناء لصاحب الموضوع و لجميع المشاركين ، و جزاكم الله خير عنا (خيركم من تعلم العلم و علمه).

الاخ العزيز أبو الاسعاد:
كأخ اود التعليق على رسالتك
هل حضرتك فعلا مهندس ؟ أى خريج احدى كليات الهندسة؟ (حتى تحكم على المهندسين!!!!!)
لو حضرتك خريج احدى كليات الهندسة ، دفعة كام؟
لان كل قواعد و اصول و علوم و انواع العزل الهندسية تدرس من زمن (من قبل ولادة اى منا ان او انت او حتى احد المشاركين فى المنتدى) ،


إن التطوركان فقط فى طبيعة المواد المستعملة للعزل و سهولة و طرق استعمالها و خلافه.

الذى تغير هو ثقافة الناس ، و اهتمامها بالرفاهية و تغير النظرة للكماليات و الاساسيات و ليس معرفة المهندسين او تفكيرهم و ثقافتهم.
ناهيك عن تغير الثقافة الاستهلاكية للشعب المصرى.
اخى الكريم لا تنسى ابدا ان المهندسين المصريين السابقين لنا من الابرع على مستوى العالم.
و نتيجة للانخفاض مستوى التعليم فى مصر فان مستوى جميع الخريجين اسوأ من الاجيال السابقة التى لا تعانى اى قصر فى التفكير او الثقافة.
عذرا للإطالة و لا اقصد المساس بشخصك ، بل هى قضية ثقافة عامة جديدة على المجتمع المصرى ككل.

aboelesaad
23-04-2011, 12:42 PM
موضوع جميل و مفيد و يستحق الشكر و الثناء لصاحب الموضوع و لجميع المشاركين ، و جزاكم الله خير عنا (خيركم من تعلم العلم و علمه).


الاخ العزيز أبو الاسعاد:
كأخ اود التعليق على رسالتك
هل حضرتك فعلا مهندس ؟ أى خريج احدى كليات الهندسة؟ (حتى تحكم على المهندسين!!!!!)
لو حضرتك خريج احدى كليات الهندسة ، دفعة كام؟
لان كل قواعد و اصول و علوم و انواع العزل الهندسية تدرس من زمن (من قبل ولادة اى منا ان او انت او حتى احد المشاركين فى المنتدى) ،


إن التطوركان فقط فى طبيعة المواد المستعملة للعزل و سهولة و طرق استعمالها و خلافه.

الذى تغير هو ثقافة الناس ، و اهتمامها بالرفاهية و تغير النظرة للكماليات و الاساسيات و ليس معرفة المهندسين او تفكيرهم و ثقافتهم.
ناهيك عن تغير الثقافة الاستهلاكية للشعب المصرى.
اخى الكريم لا تنسى ابدا ان المهندسين المصريين السابقين لنا من الابرع على مستوى العالم.
و نتيجة للانخفاض مستوى التعليم فى مصر فان مستوى جميع الخريجين اسوأ من الاجيال السابقة التى لا تعانى اى قصر فى التفكير او الثقافة.
عذرا للإطالة و لا اقصد المساس بشخصك ، بل هى قضية ثقافة عامة جديدة على المجتمع المصرى ككل.


اولا احب اشكرك علي المشاركه
ثانيا " انا مهندس بالفعل شعبه مدني ديزينر اساسات واشتغلت باكتر من شركه من المقاولين العرب فرع الدلتا بطنطا وشركه الدلتا للصناعات الكميائيه بالمنصوره

وشركه طنطا للبترول "بعون الله عن قريب "

حاليا بدرس كورسات في مجال تخصصي في جامعه المنصوره " دراسات خاصه " وهي ما بين الدراسات العليا وبين الدراسه العاديه

بالنسبه لكلامي
انا خصصت كلامي علي مصر و ده كان قصدي
يعني اقل مثال الموبايل اخُترع من قديم الازل و مجلناش في مصر الا في التسعينات وكان زي الشبشب علي النقيد في دول اوروبا كانو اخترعو اصغر موبايل
قصدي اننا بيوصلنا التكنولوجيا متاخر و الافكار متاخر لسببين
الاول اننا نفتقد العلم " وده سبب تقدم الغرب "
ثانيا طبيعه مصر زمان كان جو قمه الاعتدال لا محتاج تكيف ولا محتاج عزل غير اساسا كان معدل الرفاهيه صغير و مقتصر علي ناس معينه
انا مقصدش ان العالم كلو متخلف و مكنش في افكار
والمهندسين المصريين " الفراعنه " هما من ابتدعو العلوم الهندسيه
بس دلوقتي بقي العكس
احنا ولا حاجه و الغرب كل حاجه " ودي الحقيقه "
اتمني اننا ندل الحقيقه دي و نرجع زي زمان مناره العلوم

اتمني الاهتمام بالمبتكرين والمخترعين " امنيه من القلب فعلا "

بالنهايه
تقبل خالص تحياتي واحترامي

ابوشروق
24-04-2011, 12:18 AM
اياكم ومكاتب تشطيب الشقة بالكامل


ايام ما كنت بعمل الشقه في اكتوبر ناس اقترحت عليا اني اتعاقد مع شركة تستلم الشقة وتشطبها بالكامل وتتابع العمال وهكذا وفوجئت بأسعار خياليه

يعني لقيته بيكلمني علي شغل النقاشه مصنعيه بس 7000 جنيه

الكرانيش بتبتدي المتر من 25 جنيه لحد 75 جنيه

السباكه 8000 جنيه

الكهربا 4000 جنيه

السيراميك المتر ب 19 جنيه

ده غير عمولتهم

والدي من النوع اللي بيحب يشتري دماغه ولقيته بيقولوه اوكيه الحاج جابلي الضغط ساعتها بس ماشي مفيش مشكله ماهو ابويا بردك

المهم اتفقت معاه علي تشطيب الشقة ديه بمعرفتي وهوفرله ال 3/4 من المبلغ ده

هو طبعا مصدق وقالي بس اي غلطه انتا اللي هتشيل الليله يا معلم قولتله ماشي

المهم في الاخر عملتله متر الكرانيش 3 سنون و نصف دائره وبيت نور المتر ب 9 جنيه

مصنعية النقاشه للشقه بالكامل 2100 جنيه 3 وشوش معجون ووشين دهان

سباكة الماني بالكامل مصنعية 3000 جنيه السباكة الحاجه الوحيده اللي مقدرش افاصل فيها علشان يدي الشغل حقه وديه نصيحة لاي حد انا مبهدلنيش في موضوع السباكه ده قد السباك نفسه لاني كل يوم لازم اغديه يا كفته مشوية يا فراخ مشوية وكنت مدلعه علي الاخر ومصدقت انه خلص شغل السباكه وكنت هطفحه اللي كله هههههههههههههههه

بالنسبة للكهربا كلفتني مصنعيه 1500 جنيه

و بالنسبة للسيراميك جبته من المهاجرين المتر ب 25 جنيه فرز اول كيلوباترا

والدهانات كانت كابسي بس مش فاكر التكلفه دلوقتي واكيد طبعا اتغيرت التكلفة للاعلي




وطبعا اتفحت في الشقه ديه 5 شهور بالكامل في عز الحر وربنا يرحم ال 128 اللي كنت بحملها اسمنت وجبس علي السقف والشنطة والكابوت العربية كان بيبقي بينها وبين الارض مفيش 5 سم

كده يا كورسير تعمل الشغل عند حد غيرى
وبعدين تسيب كل الصنيعيه فى طيفة المعمار
ومتتريقش غير على السباك :fun_36_1_4[1]:
انا كنت هعملك الشغل من غير فراخ ولا كفته

corsair
24-04-2011, 12:48 AM
كده يا كورسير تعمل الشغل عند حد غيرى
وبعدين تسيب كل الصنيعيه فى طيفة المعمار
ومتتريقش غير على السباك :fun_36_1_4[1]:
انا كنت هعملك الشغل من غير فراخ ولا كفته



هههههههههههههههههههههههههههههه

والله يا غالي الكلام ده كان في 2008 يعني قبل ما المنتدي ده حتي يتنشأ ههههههه

وبعدين والله بتكلم بجد السباك ده كان مشكلة بس كان دمه زي العسل مع ان طلباته مبتخلصش

وبعدين ده انتا تنورني يا كبير واجيبلك الراجل اللي بيعمل الكفته نفسه اشويهولك واجيبهولك يا كبير احنا يجلنا اعز منك

ابوشروق
24-04-2011, 12:53 AM
هههههههههههههههههههههههههههههه

والله يا غالي الكلام ده كان في 2008 يعني قبل ما المنتدي ده حتي يتنشأ ههههههه

وبعدين والله بتكلم بجد السباك ده كان مشكلة بس كان دمه زي العسل مع ان طلباته مبتخلصش

وبعدين ده انتا تنورني يا كبير واجيبلك الراجل اللي بيعمل الكفته نفسه اشويهولك واجيبهولك يا كبير احنا يجلنا اعز منك
ههههههههههههههههههههههههههههههههه
ايه ياكورسير حد قالك عليه من أكلى لحوم البشر
هههههههههههههههههههههههههههههههههههه
هتشوهولى كمان
أن شاء الله تتعوض فى شقه أخوك أو أختك

corsair
24-04-2011, 01:17 AM
يا باشا الجيات اكتر متقلقش هو انا هسيبك بعد كدا

أحمد فاروق سيد
29-04-2011, 03:30 AM
يا باشا ... تحت أمرك

بالمناسبة صحيح .... أستشارة يا كبير

عندى فى الحيطة اللى فى ظهر الحمام
اللى فيها حوض الوش
ظهر بقليله قد عقلة الصباع
تفتكر يكون فى تسريب من مواسير حوض الوش ؟؟؟؟
مع أن المواسير مكبوسه كويس

sam ram
06-05-2011, 10:35 AM
ده ايه الموسوعه العظيمه دي ....
فعلا اراء و افكار جميله و شويه صور تحفه



يا باشا ... تحت أمرك




بالمناسبة صحيح .... أستشارة يا كبير

عندى فى الحيطة اللى فى ظهر الحمام
اللى فيها حوض الوش
ظهر بقليله قد عقلة الصباع
تفتكر يكون فى تسريب من مواسير حوض الوش ؟؟؟؟
مع أن المواسير مكبوسه كويس



اعتقد يا استاذ احمد ان المشكله غالبا حتكون بين مواسير التغذيه و الخلاط
ممكن تكون مش متربطه كويس او في حاجه بينهم تربطهم ببعض مش متثبته كويس
بيتقال عليها جلبه او جلبه تطويل
بتكون زي وصله صغيره كده بتتعمل نتيجه ان تركيب السيراميك خلا خط التغذيه غاطس لجوا ومحتاج للوصله دي علشان تربطه بالخلاط
ونتيجه انها جوه الحيطه فساعات مش بتتركب كويس فتجيب مياه و طبيعي تظهر في الناحيه التانيه
والحل يتفك الخلاط و تتثبت الوصلات تاني كويس مع خط البولي بتفلون او كتان ويتركب الخلاط تاني
اما البقليله فاستنى عليها شويه لحد الرطوبه ما تطلع من الحيطه وتتعالج حسب نوع التشطيب

أحمد فاروق سيد
06-05-2011, 02:40 PM
جزاك الله خيراً أستاذ سامح
وأعتقد صحة كلامك بنسبة كبيرة
لأن مُبلط السيراميك ... الله يسامحه
غطس كل الوصلات جامد
نتيجة كثرة المونه

go-lanos
12-06-2011, 02:07 PM
بما انى تقريبا على وشك افنش تشطيب شقتى الجديده فى المريوطيه
هاكتبلك مراحل مرورى بيها فى خطوات والمشاكل اللى مريت بيها وحليناها ازاى لانها هاتفيد ناس كتير قوى قوى
وهادعمهالكم بالصور من الشقه بتاعتى ويارب تعجبكم
ان شاء الله فى المشاركات القادمه اجمعهم بس

شكرا يا أستاذ lol64 على الموضوع المهم ده
انا لسه شايفه النهارده
لكن انا لسه شقتى على الطوب الأحمر ومتبهدل فيها ومش عارف أبدأ منين وحضرتك وعدت بأنك تكمل موضوعك عن تأسيس الشقه
خاصة ان شقتى فى فيصل جنبك وممكن ان تساعدنى بمعرفة أفضل الصنايعيه
انا فى انتظار موضوعك

epnmasr
12-06-2011, 03:06 PM
عاوز تدهن الشقة
الميزانية مخرمة
تقدر تعمل حاجتك بنفسك
طيب حضر نفسك وشد الهمة وتعالى ورايا

هنتكلم عن الدهان على اساس ان الشقة مدهونة قبل كده وانت هتعمل التجديد بس مش اكثر
وبعدين نبقى نتكلم على تأسيس الشقة من جديد

1. تفضي نص الشقة او على الاقل غرفة غرفة بقدر الامكان ، لو مش هنقدر نفضي الاوضة خالص يبقى نفضي منها على قد ما نقدر والباقي نخليه في نص الاوضة ونغطيه بمشمع كبير بيتباع عن ايحد بتاع ادوات منزليه
2. تشوف اي تعديلات او وصلات عاوز تعملها في الحيطة او في النجارة ( عاوز توزد فيشه عاوز تعمل مكان لمبة عاوز تريح النجارة عاوز تغير باب )
3. لو عملت اي حاجة فيها تكسير في الحيطة يبقى هتعملها باسمنت يبقى تصبر عليها شويبة قبل ما تدهنها على الاقل اسبوع لو صيف وشهر لو شتاء علشان مش تقبب الدهان من فوقها بعد كده لو مش هتقدر تصبر الفترة دي يبقى تعملها وتزود جبس وربنا يسترها ، وكذلك لو فيه اي اماكن متجرحة في الحيطه او مكسورة بتعملها باسمنت وجبس لو حجمها صغير ولو حجمها كبير بتعملها باسمنت ورمل ( ومن الافضل في الحالة دي يكون مبيض محارة اللي يعملها )
4. تجيب معجون وتقلبه على السكينة وتفرده على الحيطة وتمسحه مسح خفيف على الاماكان اللي فيها اسمنت مرة بالطول من تحت لفوق وثاني يوم او في نفس اليوم اخر النهار تعمل مرة بالعرض من اليمين للشمال وتسيبه يعضم لثاني يوم
5. تجيب صنفرة حيطة تقريبا رقمها 220 وتصنفر الحتت اللي اديتها تلقيط معجون وطبعا مش عاوز توصية لو عندك حساسية متنساش تلبس كماماة او منديل على الانف علشان العفار ولو فيه اطفال طبعا وقت الصفنة ده يكونو بعيد عنها تماما ( لو اني اشك انك هتقدر تمنع طفل انه يعك معاك ده ما هيصدق )
6. الحيطة طبعا مدهونة قبل كده يبقى على حسب الدهان اللي مدهون كان ايه لو كان زيت او لاكية يبقى لازم نديها وش سانيتون ( لاكيه مط ) لعزل الدهان القديم عن الجديد وفيه انوااع كتييييييييييييييييييييير افضلهم سايبس - باكين - كابسي - ناشيونال
طيب لو الحيطة كانت مدهونة بلاستك قبل كده يبقى مفيش مشكلة كل اللي هنعمله هنفضها بالمقشة بس ونديها وش وان كان برضة من الافضل تاخد وش عزل زي الزيت خصوصا الاجناب اللي عليها حركة كتير ومعلمة في الايادي لان غالبا الاوساخ دي بيكون فيهادهون وتراب فيا اما تتغسل يا اما تاخد وش عزل وتريح دماغك
7. تسيب وش المط ينشف من 6-8 ساعات ومن الافضل تكمل تاني يوم الباقي
8. تجيب الدهان اللي انت هتدهنه ( وهتكلم هنا على البلاستيك لانه حاليا هو بقى الشائع دلوقتي )
أ. تجيب نوع بلاستيك نضيف ومش غالي حاجة وسط ولا غالي ولا رخيص
تخففه على حسب التعليمات المكتوبة على العلبة وتزود شوية صغننه كمان
تجيب علب الوان مركزة
فيه انواع كتيرة افضلها سكيب او باكين
بس خلي بالك تحط في الاول كمية
وبعد كده نقطة نقطة لان نقطتين منها كفيلين انهم يغيرولك درجة اللون درجتين على الاقل
لما توصل لدرجة اللون اللي انت عاوزها
تدي الحيطة وش وتراعي دايما انك تكون في اتجاه واحد
يا اما فوق وتحت يا اما يمين وشمال
تسيبها تنشف لتاني يوم او اذا عملتها الصبح تسيبها لاخر النهار وممكن تدي الوش التاني

الوش التاني هنا بقى فيه 3 حاجات
1. ياما تدي وش بلاستك برضة من نفس النوع وفوق منه تدي وش بولش
2. يا اما تجيب كميتون وتاخد شوية على قد الاوضة اللي هتعملها تخففهم وتلونهم بنفس الطريقة وتدي وش
3. انك تجيب بوسة متضربه وبالوان جاهزة من اي مركز تلوين وغالبا بتكون باكين او يوتن او سايبس

خلصت الوش التاني
سيب الحيطة تنشف وعلى حسب بقى انت عاوز تلزق حاجت ديكور او تلون تصميمات على الحيطة او لو الجزء اللي تحت في الحيط مش معموله وزره بتلونه وممكن تعمله اشكال هندسيه وده بيتعمل بلاكيه وباللون اللي انت عاوزه
بعد ما تخلص كل شغلك خالص تنضف بقى الشقة
( مهمات حريمي المفروض بس ابقى قابلني لو عرفوا يعملوها شاطرين في الرغي والاوامر بس والخناق على الالوان )
التنضيف كب مياه على الارض وسيبها ربع ساعه
هات سكينه معجون وحك بيها الارضية ويا سلام لو سلك مواعين من بتاع زمان الناعم ده وتقعد تفرك بيه الارضية هتبقى مرايه
(وبلاش السكينة اللي انت بتستخمدها للمعجون علشان مش تبوط من الحك)

فيه ناس بتجيب ميه نار وتكبها وتمسح وخلاص هيا اسهر واسرع بس مش هتنضف كله ده اولا وثانيا هتطفي الارضية لو سيراميك ولو بلاط عادي هتفور البلاط وتخلي الحصوة بتاعته شكلها بارز

رجع كل حاج مكانها
والف مبروك الاوضة الاولى
وتعالى ورايا على الثانية
ههههههههههههههه








شكراً وفي إنتظار المزيد من إبداعاتك

motez
28-10-2011, 12:59 AM
السلام عليكم

يا جماعة انا عندى بابين بلكونة قصيرين اوى لانهم كانوا شباكين وعملتهم بابين بلكونه لان الاوض عندى بطل على البلكونه المهم طولتهم بس اضطرت انى اشيل العتب اللى بيبقى فوقيهم ده فلازم اركب غيرهم ولا مش مشكلة مع العلم ان الطوب اللى كان فوق العتب القديم متماسك ..

ecavalier
10-08-2014, 02:39 PM
موضوع جميل جدا