المساعد الشخصي الرقمي

مشاهدة النسخة كاملة : انا جبت السايبا برايد الجديده وده كل شيى عنها بالصور


tawfic
18-02-2009, 09:12 PM
انا جبت السيبا برايد الجديده وهاطرح هنا كل ايجابياتها وسلبيتها اناجايبها من يو 14/1/2009ودى امكانتياتها / 1 -السياره انجيكشن / 2-الباور هايل/ 3- الشنطه واسعه بس ليا تحفظ على الفرش الداخلى للشنطه/ 4-الصالون اوسع من الطراز القديم/ 5-اما التبلوه تقريبا 90%من الشيفوليه اسبارك خامه كويسه/ 6-قطع الغيار مرفق مع التقرير الاسعار / 7-الموتور ايرانى تحت اشراف كيا / 8 -المساعدين ماكفرسون / 9-كبالن 10-خزان الوقود 37 ليتر 11/-العربيه عاليه عن الارض كويس 160سم/ 12-الضمان سنتان او40 الف كيلو فى التوكيل شركه الكويت والبلاد العربيه 58ش التحرير الدقى وبالمناسبه الشركه دى وكيل فولفو وده اسعار قطع الغيار من التوكيل فانوس امامى 215
فانوس خلفى 145
رفرف امامى 160
شبكة امامية 95
اكصدام امامى 280
اكصدام خلفى 280
فلتر هواء 20
فلتر الزيت 20
فلتر بنزين 17
مساعد امامى 140
مساعد خلفى140
تيل فرامل 65
طقم بوجيهات 45
سلك دبرياج 18
اسطوانة دبرياج 110
دسك دبرياج 110
طنبورة عجلة امامى 85
نيجى بقه للتقيم الشخصى انا عملت بيها 1400 ورحت صيانه الالف التوكيل محترم جدا نيجى للثبات وصلت بيها الى 130 وكانت هايله ثبات ممتاز وعند 120 تصفر تحذير العفشه ممتازه سحب العربيه هايل الباور ممتاز بصراحه عربيه عجبانى جداptmnlo123per122 ودى صورها

tawfic
18-02-2009, 09:46 PM
http://img21.imageshack.us/img21/31/19768629zu8jz6.jpghttp://img147.imageshack.us/img147/4109/24163173xm5ds3.jpghttp://img147.imageshack.us/img147/331/33837655wr8jb0.jpghttp://img3.imageshack.us/img3/2150/63752991re7sw9.jpghttp://img179.imageshack.us/img179/1760/77991943ph2ko9.jpghttp://img23.imageshack.us/img23/7818/80285316yc1od0.jpghttp://img258.imageshack.us/img258/2644/dsc01389td4kr1.jpghttp://img252.imageshack.us/img252/6675/dsc01391jr2ac5.jpghttp://img8.imageshack.us/img8/8417/dsc01392dn2oc0.jpghttp://img258.imageshack.us/img258/8550/dsc01395hr1cn9.jpghttp://img14.imageshack.us/img14/4318/dsc01401hr9xy1.jpghttp://img3.imageshack.us/img3/3254/dsc01402zd4hc6.jpghttp://img11.imageshack.us/img11/6789/dsc01403qu4al5.jpg

Ahmed Anwer
18-02-2009, 10:54 PM
ربنا يباركلك فيها يا رب

و يملاهالك بركة

ماشاء الله العربية شكلها جميل جدا ،،

tawfic
18-02-2009, 10:56 PM
ربنا يباركلك فيها يا رب

و يملاهالك بركة

ماشاء الله العربية شكلها جميل جدا ،،


الف شكر لحضرتك

sam ram
18-02-2009, 11:13 PM
الف مبروك يا استاذ توفيق
ربنا يديك خيرها و يحفظك من شرها ... ويباركلك فيها

tawfic
18-02-2009, 11:31 PM
الف مبروك يا استاذ توفيق
ربنا يديك خيرها و يحفظك من شرها ... ويباركلك فيها
الله يبارك لحضرتك والف شكر

هيمو
19-02-2009, 01:04 AM
الف مبروك ربنا يديلك خيرها ويكفيك شرها. بس كنت عايز اعرف استهلاكها في البنزين قد ايه؟

tawfic
19-02-2009, 02:38 AM
الف مبروك ربنا يديلك خيرها ويكفيك شرها. بس كنت عايز اعرف استهلاكها في البنزين قد ايه؟
التنك انا باملاه 37 ليتر بيستهلك حوالى 550 كيلو

hazem_khidr
19-02-2009, 05:48 AM
الف الف مبروك يبا توفيق باشا
ربنا يديك خيرها و يحميك من شرها يا رب
يا تري اخبار التقفيل معاك ايه؟؟ حلو ولا وحش؟؟

AbOnOrA
19-02-2009, 06:47 AM
الف مبروك يا استاذ توفيق وربنا يهبك خيرها ويبعد عنك شرها

اولا انا معايا برايد (الكورى) ومعايا البرايد الايرانى (سابا) الموديل اللى قبل بتاعة حضرتك

والاتنين ماشاء الله ممتازين وعربيات شقى فأطمئن تماماً لاختيارك وحافظ على العربية

وديه بعض النصائح البسيطة :

1- يفضل عمل مراجعة على تقفيل العربية بنفسك ويشمل الاتى
تربيط عفشة - تربيط مسامير مفصلات الابواب والتابلوه وتربيط الكراسى ومالى ذلك

2- لو حسيت ان الدبرياج تقيل معاك اظبط وضعيتة من حوض العربية هتلاقية على يمين الموتور ومتعلبش فى اى ريجلاش او حاجة مجرد ظبط السلك ومستوى الشد بتاعة فقط

3- اهتم بالكشف على البطارية شهرياً (معلش) لان 80% من البطاريات الايرانية مبتكملش السنة

4- مهم جدا
عود نفسك على طريقة قيادة العربية لان العربية بتمشى لمجرد انك ترفع رجلك من على الدبرياج فاظبط ارتفاع الدبرياج زى ماقولتلك فوق وخلى رجلك خفيفة على الدبرياج ومتدوسش بنزين الا بعد ما رجلك تترفع من على الدبرايج وبكده تضمن افضل استخدام واطول عمر لاسطوانة الدبرياج - علماً بان ناس كتير فوتت الاسطوانة بتاعة الدبرياج للسبب ده

5- زود مياة الريداتير من القربة دايماً وبلاش من الريداتير نفسة علشان غطاء الريداتير بيبوظ بسرعة

6- اوعى اوعى اوعى تغسل العربية بالجاز لان العربية انجكشن وفيه سنسورز بتبوظ بسرعة من الجاز زى ال TPS وكمان علشان الكاوتش والخراطيم متتأكلش
فالافضل انك تغطى العربية على طول علشان متتوسخش من جوة بسرعة ولما تحب تغسل الحوض يبقى هواء ووممكن فوم ويزال بالهواء ايضاً وبس

7- ربنا يحفظا جميعاً خد بالك ان العربية جراية جدا وسحبها ماشاء الله ممتاز لكن ثبات بالكاوتش الفابريكا مستحيل حضرتك هتلاقيها ثابتة فى السير الطوالى ماشى (ومع السحب والعزم) لكن لو رفعت رجلك من على البنزين وحاولت تاخد غرزة فوق 120 - 130 (بالنسبة للسيدان) هتلاقى العربية بتعوم منك فيا اما تغير الكاوتش لو بتحب الجرى او تمشى بالعقل بيها

ديه الحاجات اللى فى بالى دلوقتى ولو حضرتك احتجت اى حاجة انا تحت امرك

والف مبروك مرة تانية على شهاب 3 ptmnlo123per1126

ben harb
19-02-2009, 11:03 AM
الف مبروك يا استاذتوفيق علي العربية الجديدة وربنا يباركلك فيها
لكن انت جبت منه اي موديل؟
انا اسمع ان في منها تلات موديلات لكن بصراحة معرفش الفرق بينهم غير فرق السعر بس
ياريت حضرتك او الاستاذابو نورا تدينا مواصفات الموديلات التلاتة
لاني بفكر جديا اشتري سايبا.

Nissan
19-02-2009, 08:45 PM
الف مبروك و ربنا يباركلك فيها
و مستنيين تقييمك بعد ألف كم

tawfic
20-02-2009, 03:55 AM
الف الف مبروك يبا توفيق باشا
ربنا يديك خيرها و يحميك من شرها يا رب
يا تري اخبار التقفيل معاك ايه؟؟ حلو ولا وحش؟؟
الله يبارك فيك اما التقفيل عاجبنى بس حرام اقارنها بعربيه ب100 الف جنيه

tawfic
20-02-2009, 03:57 AM
الف مبروك يا استاذ توفيق وربنا يهبك خيرها ويبعد عنك شرها

اولا انا معايا برايد (الكورى) ومعايا البرايد الايرانى (سابا) الموديل اللى قبل بتاعة حضرتك

والاتنين ماشاء الله ممتازين وعربيات شقى فأطمئن تماماً لاختيارك وحافظ على العربية

وديه بعض النصائح البسيطة :

والف مبروك مرة تانية على شهاب 3 ptmnlo123per1126

الله يبارك فى حضترتك ونصائح مهمه جدا الف شكر وياريت اى نصائح اخرى لو فيه

tawfic
20-02-2009, 04:03 AM
الف مبروك يا استاذتوفيق علي العربية الجديدة وربنا يباركلك فيها
لكن انت جبت منه اي موديل؟
انا اسمع ان في منها تلات موديلات لكن بصراحة معرفش الفرق بينهم غير فرق السعر بس
ياريت حضرتك او الاستاذابو نورا تدينا مواصفات الموديلات التلاتة
لاني بفكر جديا اشتري سايبا.
الله يبارك فى حضرتك اما الموديلات 1- ب46500 بدون تكيف وباور 2-51500 كامله مانيوال 3-53500 كامله مانيوال +جنوط وفوج لايت اما بالنسبالى جبت الموديل التانى ب 51500 وقلت اركب الجنوط ب1000 جنيه واجدع فوج ليت ب150 جنيه وفى التوكيل مسامحين اركب الجنوط بره بس الفوج لايت اشتريه من بره بس اركبه عندهم ب 100 جنيه علشان ضفيره الكهرباء والضمان

AbOnOrA
20-02-2009, 08:10 AM
الف مبروك يا استاذتوفيق علي العربية الجديدة وربنا يباركلك فيها
لكن انت جبت منه اي موديل؟
انا اسمع ان في منها تلات موديلات لكن بصراحة معرفش الفرق بينهم غير فرق السعر بس
ياريت حضرتك او الاستاذابو نورا تدينا مواصفات الموديلات التلاتة
لاني بفكر جديا اشتري سايبا.

هو افضل موديل اللى ب 51 الموديل اللى فى جنوط ده ملوش لازمة بصراحة تدفع الفرق ده

وعامة الكماليات اللى فى العربية كالتالى:
تكييف هواء
زجاج كهرباء امامى فقط
ستوب لايت فى الزجاج الخلفى وفى الابواب الامامية
سنتر لوك
راديو وكاسيت وسماعات
باور هيدروليك
مرايات قابلة للطى (عادية مش كهرباء)
الدريكسيون يمكن تعديل وضعيتة (لاعلى واسفل)
ساعة ديجتال - اريال كهرباء - ولاعة - حامل اكواب
فتح التنك والشنطة من الداخل
عداد RPM



الله يبارك فى حضترتك ونصائح مهمه جدا الف شكر وياريت اى نصائح اخرى لو فيه

العفو يا استاذ توفيق وتحت امرك فى اى استفسار باذن الله

tawfic
21-02-2009, 03:30 AM
الجديدفى العربيه ان التوكيل باع الدفعه الاوله بالكامل 1000 عربيه فى 32 يوم جوز اختى راح يجيب واحده قلولو خلصت واحجز من الدفعه التانيه بعد 15يوم 3500 عربيه جديده ولسه والله العربيه دى جامده بجد بس محتاجه دعايه كويسه وانا عرفت ان اللى متبنيها جريده ومجله اخبار السيارات وتدخل الاستاذ خالد اباظه عند الوكيل لعدم زياده سعرها عن هذا الرقم

عادل الجباظ
22-02-2009, 02:11 PM
اللهم بارك لعبدك فيها وارزقه خيرها واكفيه شرها وشر الطريق يارب العالمين

tawfic
22-02-2009, 11:52 PM
اللهم بارك لعبدك فيها وارزقه خيرها واكفيه شرها وشر الطريق يارب العالمين
اجمل دعاء الله يباركلك

m_masoud
27-02-2009, 02:48 AM
الف مبرووك يا باشا عربية سعرها و امكانياتها حلوين جدا ربنا يبارك لك فيها

بوكي شوماخر
04-03-2009, 09:04 PM
مبروووووووووووك ptmnlo123per177ptmnlo123per177ptmnlo123per177
أنا فعلا بفكر أجيب واحده بس لسه ما رحتش شفتها
بقولك يا باشا..هيه ألوانها إيه عشان الموقع بتاعها لينك الألوان مش شغالptmnlo123per176
وكمان كنت عايزه أعرف أخبار المساعدين إيه في المطبات والشوارع المكسرة..وكلمنا عن التقفيل لو سمحت..هل فعلا فيه فرق فراغ في الشنطة والأبواب وكده؟؟؟ولك جزييييييييييييل الشكرptmnlo123per179

assem59
12-04-2009, 04:55 PM
السلام عليكم
عايز اعرف هو لازم اسخن العربية الصبح قبل ما اطلع (سايبا برايد) انجكشن
وشكرا

AbOnOrA
13-04-2009, 02:58 PM
مبروووووووووووك ptmnlo123per177ptmnlo123per177ptmnlo123per177
أنا فعلا بفكر أجيب واحده بس لسه ما رحتش شفتها
بقولك يا باشا..هيه ألوانها إيه عشان الموقع بتاعها لينك الألوان مش شغالptmnlo123per176
وكمان كنت عايزه أعرف أخبار المساعدين إيه في المطبات والشوارع المكسرة..وكلمنا عن التقفيل لو سمحت..هل فعلا فيه فرق فراغ في الشنطة والأبواب وكده؟؟؟ولك جزييييييييييييل الشكرptmnlo123per179


للاسف الالوان لازم شتوفها بنفسك لان مفيش ريفرنس معايا بيها

بالنسبة لمستوى التقفيل بتاع الصاج فهى زيها زى البرايد القديم وزى العربيات اللى فى الفئة ديه (شاهين - لادا) مثلاً
بس طبعاً ديه مشكلة فى انها بتلم تراب جواها بسرعة لو راكنها فى الشارع من غير غطاء وبتأثر شوية على اداء التكييف


السلام عليكم
عايز اعرف هو لازم اسخن العربية الصبح قبل ما اطلع (سايبا برايد) انجكشن
وشكرا

اي عربية الصح انك تسخنها بس المهم تسخنها ازاى
المفروض تسخينك للعربية ميزدش عن دقيقة او دقيتين ومتسناش ان ال RPM ينزل للمستوى الطبيعى لان اكتمال تسخين العربية بيبقى بالمشى

يعنى انت تسخنها على الواقف دقيقة فى المتوسط وبعدين تمشى بيها على سرعة الغيار (الاول - التانى - التالت) او سرعة السلانسية من غير ما تضغط بنزين وفى خلال دقيقة اواتنين كمان هتكون العربية سخنت تمام

ده كمان لو ترموثتات التسخين مش موجود لو موجود والدنيا شتاً ممكن دقيقتين بالكتير وتكمل مشى على الهادى زى ماشرحت

massoud
29-04-2009, 03:01 PM
الف مبروك ياباشا وعقبالى علشان انا ناوى اشتريها
بس كدة انت خوفتنى لما قلت ان الموتور ايرانى ptmnlo123per1127
انا كنت فاكر انة موتور مازدا

abosamra
07-05-2009, 05:54 PM
الف مبروك
ربنا يديك خيرها و يحفظك من شرها ... ويباركلك فيها
كنت عايز أسأل عن التكييف قوى و لا ضعيف و بيضعف من سحب العربية و هل بيسخن العربية؟

AbOnOrA
08-05-2009, 12:39 AM
بالنسبة للموتور فهو تكنولوجيا مازدا وتحديداً كوده B3

http://en.wikipedia.org/wiki/Mazda_B_engine

لكن يصنع فى ايران باشراف من كيا والكلام ده من سنة 2000 ومفيش مشاكل منة اطلاقاً حتى الان

المشكلة فقط فى قطع غيار مجموعة الانجيكشن لانها مكانتش متوفرة فى مصر فى الفترة اللى فاتت لكن ناشيونال موتورز قالو انهم جابو كل قطع الغيار الخاصة بالانجكشن

بالنسبة للتكييف فهو ممتاز وده عن تجربة
التكييف 3 مستويات ممكن فى الاول تخليه على 3 وتعملة ريسايكل علشان يخرج الهواء السخن وبعدين تشغلة على اتنين وتقفل الريسايكل وهيبقى كافى جداً واحيانا بخليه على واحد بس

بالنسبة لتاثيرة على الاداء فهو طبعاً بياثر لكن مش التأثير اللى يخنق العربية لان العربية اصلا ال rpm بتاعها عالى وبتظبط بشكل مناسب مع تشغيل التكييف بحيث متحسش بتأثيرة لكن ممكن تحس بتأثيرة لو التكييف شغال والعربية فيها خمس اشخاص وتبقى طالع مطلع او بتشد بالعربية طبعاً هتحس بتأثيرة لكن عادة مش مؤثر بدرجة كبيرة

alref
08-05-2009, 01:21 AM
مبروك يا باشا عال عربية
و ربنا يكفيك شر الطريق

Nour_peugeot
08-05-2009, 01:42 AM
الف مبرووك يا باشا و يكفيك شرها ان شاء الله

و قولنا رايك الكامل بقي

amhmk1511
30-05-2009, 08:13 PM
السلام عليكم
اتمنى من حضرتك توضح لنا ايه اخبار العربية معاك دلوقتى بعد 5 شهور من استعمالها عشان بصراحة هى عاجبانى جدا وعايز اشتريها بس خايف منها على المدى الطويل
ولكم جزيل الشكر

khggk74
08-06-2009, 10:25 AM
بس طبعاً ديه مشكلة فى انها بتلم تراب جواها بسرعة لو راكنها فى الشارع من غير غطاء وبتأثر شوية على اداء التكييف



هو واضح ان سيارة ممتازة بس لى كام تعليق وارجو الرد :
1-زى ما قراءة لو العربية فيها مشاكل زى التضبط والبطارية و غطاء الريداتير وغسيل السيارة كل ده مقدور علية بس ملاحظ مهمة وهى ان بدخولها تراب ويجب تغطينتها .
2- بالنسبة لمستوى السيارات الايرادنى ومدى كفائتها وجودة تقفيل .

اسد الفرات
01-07-2009, 12:55 AM
مبروك ورينا يبارك فيها بس على فكرة الكل بيحذر من مركز الخدمة الي فى الدقى المعاملة فيه سيئة للغاية وكمان لما تروح هتلاقى المهندس بيقولك قطع الغيار مش موجودة وهنستوردها لك من ايران وتعال بعد شهر ولو زعت واتخانقت هتلاقى القطع موجودة وانptmnlo123per144 المهندس كان بيشتغلك للأسف ده الى بيحصل فى المركز وربنا ما يحوجك ليهمptmnlo123per111

اسد الفرات
01-07-2009, 01:11 AM
السلام عليكم يا شباب العربية ممتازة ومناسبة ومتوافقة مع الطرق فى مصر والمساعدين فيها 100% والعربية عالية عن الارض وناعمة جدا المهم انك تقراء كتاب التعليمات بتاعها وتنفذ الصيانة فى مواعيدها .ده كمان الشركة بتعمل صيانة مجانية كل فترة وألوانها جميلة ( نبيتي _ اسود _ ابيض _ احمر _ وزيتي _ فضي _ ودهبي ) على فكرة انا صاحبي وأخويا اشتروا العربية دي ومعجبين بيها قوي . وعلى قكرة العربية دي ثابتة على سرعة ال130 كم ثبات غير عادي .هى فعلا عربية اقتصادية وقطع غيارها موجودة عند الشركة .ptmnlo123per154ptmnlo123per154ptmnlo123per154ptmn lo123per154

hosamby
11-07-2009, 06:56 PM
شكرا على المعلومات القيمة

hany_samy1985
23-08-2009, 12:16 AM
كنت محتاج اسأل علي البدي بتاع السايبا برايد اخباره ايه هل هو ضعيف ولا قوي زي الادا مثلا؟

m_o_sakr
11-10-2009, 04:30 PM
alf alf mbrok, mfish klam ynf3 yt2al b3d klam kberna AboNora

ابو جودة
11-10-2009, 05:23 PM
الف مبروك انا اشتريت واحدة لزميلى وبيشكر فيها اوى وبعدين النجم ابو نورا ماخلاش حاجة نقولها وربنا يباركلك فيها

ام منه
11-10-2009, 07:54 PM
الف مبروك ربنا يديلك خيرها ويكفيك شرها. بس كنت عايزه اعرف اخي


سعرها كام

و لو قسط ها يكون مقدمها وقسطها كام

وشكرا

AbOnOrA
11-10-2009, 09:46 PM
سعرها 53 الف والقسط بيتحدد حسب نظام البنك والضمانات

ahmed1981
11-10-2009, 10:25 PM
كنت محتاج اسأل علي البدي بتاع السايبا برايد اخباره ايه هل هو ضعيف ولا قوي زي الادا مثلا؟
أكيد أضعف من اللادا
لكن بالنسية للخامات الداخلية يتضح عليها الرخص والرداءة
لدرجة أنني حسيت إن ظهر الكرسي هيتقطم لو ريحت عليه

الصراحة خامات البرايد التي كانت تنتج في مصنع الهيئة العربية في مصر كانت برقبة الإيراني وأحسن من الخامات الإيراني ألف مرة

لكن المثل يقول: مصر للخلف در

AbOnOrA
11-10-2009, 11:18 PM
أكيد أضعف من اللادا
لكن بالنسية للخامات الداخلية يتضح عليها الرخص والرداءة
لدرجة أنني حسيت إن ظهر الكرسي هيتقطم لو ريحت عليه

الصراحة خامات البرايد التي كانت تنتج في مصنع الهيئة العربية في مصر كانت برقبة الإيراني وأحسن من الخامات الإيراني ألف مرة

لكن المثل يقول: مصر للخلف در
مع كل التقدير والاحترام ليك يا استاذ احمد بس البرايد بتاعة ال AAV من اسواء البرايد اللى اتعملت فى الدنيا ومش هتلاقى ليها اى ذكر فى اى مكان وكان الكل يستنكرها اصلاً

البرايد ال AAV هى اللى سوقت سمعة البرايد السيدان فى مصر وده اللى خلى الهاتش باك تتباع اكتر مع ان كلنا عارفين مدى حب المصريين للسيدان والمحركات الاكبر عامة

البرايد ال AAV نقلاً عن لسان كبير مهندسى (عبر البلاد) اللى ورا سوق القنال الدولى ودول كانو من اكبر مراكز الخدمة للعربية ديه ايام وليد توفيق كان فيها مشاكل كتير وعيوب تقفيل اكتر بكتيييييييير

والشىء الصادم بقى ان فيه مهندسين فى التوكيل القديم اكدولى ان البرايد بتاعة AAV كانت بتيجى من مصنع ايران اصلاً وتتقفل فى مصر (الكلام ده بعد 2000 طبعاً)

وبناء على تجربتى الواقعية (انا معايا برايد مو 96 الكورى هاتش باك وبرايد 2006 الايرانى)
واحدة داخلة فى 200 الف كم والجديدة داخلة فى 60 الف كم والاتنين بحالة جيدة والحمد لله
عايز اقول لحضرتك ان والدتى بتفضل تركب الايرانى عن الكورى لانها انعم فى القيادة والسحب من الكورى وده راجع لفرق الموتور وتغذية الوقود MPI

لكن لا انكر ان معايير الجودة مختلفة لكن الخامات صدقنى مش لاقى فرق خالص
وبستغرب لما الاقى ناس بتفرق بين الاتنين كان واحدة مرسيدس والتانية لادا اوكا
او بعض الناس اللى بتقول ان الايرانى تقليد والكورى هى الاصلى
مع ان الكورى اصلاً اعادة تصنيع ايضاً من المازدا 121 بخامات وجودة اقل ونجحت عن المازدا 121
كذلك البرايد الايرانى نجحت جداً فى سوريا وايران كسيارة تجارية (تاكسى) وفى البلدين حققت اعلى مبيعات وتحديداً فى سوريا كانت الاعلى مبيعاً بالتساوى مع الهيونداى اكسنت

وعن تجربة برضو العربية معايا بقالها 3 سنين لم يتلف فيها الا
كاوتشة الميزان جنب واحد (بخمسة جنية)
تيل امامى وخلفى (واتغير الخلفى بعد 40 الف كم )
شرخ بسيط فى التابلوه (وده حصل لاغلب موديلات 2006 لانها اتركنت فى الشمس كتير فى التوكيل انا شاريها فى شهر 2 / 2007)

غيرت البطارية الاصلية بواحدة جديدة فى الضمان
غيرت الولاعة فى الضمان
غيرت سلك الدبرياج والديسك والاسطوانة (بسبب تلف السلك واهمالى فى تغييرة على 40 الف كم )
غيرت الكاوتش اللى جاى معاها بكاوتش وجنوط سبور لتعزيز الثبات
غيرت بعض ازرار رفع الزجاج الكهرباء
غيرت علبة الدريكسيون بسبب حادثة دخلت فيا عربية فى العجل الادمانى

اقسم بالله العظيم ده اللى اتغير فىالعربية بكل امانة واغلبها حاجات بسبب الحواث (انا رشيت حزام مرتين وهرش التالتة)
واستخدامى عنيف جداً والناس عارفة كده كويس
ولاحظ ان كل الحاجات اللى اتغيرت تعتبر اكسسوارات مش من اساسيات العربية

علشان كده انا شايف انها افضل سيارة اقتصادية بمعنى الكلمة فى الفئة ديه

اما بالنسبة للصاج فهو ضعيف فعلاً بنفس ضعف الهيونداى اكسنت او اكسيل او السويفت او العربيات بتاعة الجيل ده ومابعدة
لكن العربية فيها دعامات فى الابواب ده غير كامرات صلب (كمرات بجد مش فيبر زى عربيات اليومين دول) فى الاكصدامات الامامية والخلفية فوقيها طبقة من السفنج المضغوط ثم الاكصدام الفيبر

دخلت فى شاهين رزع من وراء اتكسرت عندى الشبكة وهو فوانيس واكصدام فى الارض
دخلت فيا نص نقل من الجنب غيرت علبة الدريكسيون وزرجينة وشكراً
دخل فيا توكتوك من ورا الاكصدام اتقشر
دخلت فيا تاكسى رينو فى بوز الاكصدام الورانى الاكصدام اتكسر وهو اكصدام بكبوت برفارف والريداتير ركب فوق الموتور
خبطتت فيا 131 من الجنب على سرعة اكثر من 60 الرفر الورانى اتطبق والقدمانى عنده وبس
وفيه امثلة كتيييييييييير وصور كل خبطة عندى لو عايزين اورفعالكم
وكل تجديد (سمكرة ورش حزام مع زرجينة) مش بيتكلف اكتر من 1000 او 1500 مع الاكسسوارات والفوانيس والصيانة الدورية والذى منه

بجد يا استاذ احمد العربية ديه نعمة يمكن كتير بتمنى اجيب حاجة اشيك خاصة موضوع خامات الصالون ديه والعزل لكن لحد دلوقتى مش لاقى حاجة بالاعتمادية ديه ورخص تكاليف الاصلاح وقطع الغيار

معلش يا استاذ احمد انت استاذنا طبعاً بس انت جيت فى ملعبى ptmnlo123per122

flashfox
11-10-2009, 11:28 PM
الف مبرووووك وربنا يباركلك فيها ويحفظهالك

ahmed1981
12-10-2009, 12:38 AM
شكراً على ردك يا أبو نورا
أنتم أهل مكة وأدرى بشعابها

أنا عارف إنك أكثر خبرة مني في البرايد بكل موديلاتها

لكن لدي خبرة بسيطة حيث كنت أنوي شراء كيا برايد كسر زيرو قبل شراء الجولف2
وإتفرجت وقلبت في برايد مصري موديل 2002 تقريباً وكاملة أوتوماتيك وقعدت فيها والتقفيل الداخلي كان معقول جداً
يعتبر تقفيل بمستوى جيد مقارنة بالسيارات المحلية الأخرى

وبعدها بفترة نزل الإيراني
رحت شفتها في معرض سايبا بشارع الطيران
وركبت فيها
حسيت إن تنجيد الكراسي رديء
وفرش الأبواب كأنه مشمع
الخلاصة كانت خامات رخيصة

قارنتها بالبرايد المصري في الخامات الداخلية فقط
فالمصري فازت بتقدير كبير عنها
وهذا في الخامات الداخلية فقط


لكن طبعاً لم أتطرق لنعومة القيادة والموتور في المصري أو الإيراني لأني لم أقد هذه أو تلك
حضرتك بتقول إن نعومة الإيراني أكبر في القيادة وأنا موافق على تجربتك

لكن الحقيقة أحزنني أن تجمع مصر سيارة بتصريح من بلد المنشأ
وبعد قليل تتطور مصر للتوقف عن تجميع تلك السيارة
بل وتستوردها من منتج درجة ثانية بعد أن كانت تجمعها من المنتج الأصلي
والأسوأ أن أجد ميزة (جودة التقفيل الداخلي) في المصري الموؤده عن الإيراني المستوردة

لكن أنا معاك أن الأمر الواقع هو الحكم على السيارة بمجملها تشطيب داخلي وخارجي وميكانيكا

لكن لسه في أمل في مصر
وجايز نكون الجيل الذي سيصنع السيارة المصرية المتميزة
وشكراً

mohamed9999
28-10-2009, 04:39 PM
طيب يا جماعه التقسيط بتاعها نظامه ايه ومنين

Dantes010
28-10-2009, 04:47 PM
ربنا يبارك لك في سيارتك

Rekaa
28-10-2009, 06:03 PM
حاليا بدور علي عربيه اشتريها

ومن الردود بتاعتكم بتشكروا في الكيا اوي

بس عايز اشوف شكل العربيه من بره عشان مش في صور الموضوع ايه وسعرها

AbOnOrA
28-10-2009, 06:24 PM
حاليا بدور علي عربيه اشتريها

ومن الردود بتاعتكم بتشكروا في الكيا اوي

بس عايز اشوف شكل العربيه من بره عشان مش في صور الموضوع ايه وسعرها
ده شكل الموديلات القديمة حتى 2006

http://i370.photobucket.com/albums/oo142/meroo99/12052009035.jpg
http://i370.photobucket.com/albums/oo142/meroo99/12052009036.jpg
http://i370.photobucket.com/albums/oo142/meroo99/12052009037.jpg
http://i370.photobucket.com/albums/oo142/meroo99/12052009038.jpg

وده شكل الموديلات الحديثة2006

http://i301.photobucket.com/albums/nn43/waelmagdy/19092007536.jpg


وده شكل الموديلات الحديثة بعد 2006


http://rtoosh.com/up/images/xuwh6w8s1xktduwogs7q.jpg

http://i388.photobucket.com/albums/oo323/kourshey/132.jpg

Rekaa
30-10-2009, 04:29 PM
شكرا يا ابو نورا علي الصور

تسلم ايدك

a7lahamada
30-10-2009, 04:55 PM
يسلمو ايديك يا حبيبي

max_ziro
16-11-2009, 06:17 PM
مبروك عليك يا باشا و ربنا يباركلك فيها ..

moaaazmh
30-01-2010, 05:20 PM
الف مبروك متأخرة واشكرك جدا وانا رحت التوكيل النهاردة 30/1/2010 واتفرجت علي العربية وهي كوسة جدا وادعيلي ربنا يرشدني الي الخير في اختيار السيارة

بلبل الكوتش
04-02-2010, 08:27 PM
هايل ربنا معاك

hhhhani
11-02-2010, 05:23 PM
الف مبروك ...بس انت قبل ماتجيبها سوقت عربية نوعها اية ؟؟؟
ثانيا : الباور فيها شكلة اية ..وزيت ولا كهرباء
ثالثا : التكييف .جودتة شكلها اية
رابعا : جبتها بكام؟
خامسا ودة مهم : الدبرياش على سلك ولا زيت
ارجو الرد ..وشكرا لمحهودك

ahmed-alaa
12-02-2010, 11:17 PM
ربنا يباركلك فيها العربية فعلا ممتازة علي سعرها

ahmed-alaa
12-02-2010, 11:55 PM
شكراً على ردك يا أبو نورا

أنتم أهل مكة وأدرى بشعابها

أنا عارف إنك أكثر خبرة مني في البرايد بكل موديلاتها

لكن لدي خبرة بسيطة حيث كنت أنوي شراء كيا برايد كسر زيرو قبل شراء الجولف2
وإتفرجت وقلبت في برايد مصري موديل 2002 تقريباً وكاملة أوتوماتيك وقعدت فيها والتقفيل الداخلي كان معقول جداً
يعتبر تقفيل بمستوى جيد مقارنة بالسيارات المحلية الأخرى

وبعدها بفترة نزل الإيراني
رحت شفتها في معرض سايبا بشارع الطيران
وركبت فيها
حسيت إن تنجيد الكراسي رديء
وفرش الأبواب كأنه مشمع
الخلاصة كانت خامات رخيصة

قارنتها بالبرايد المصري في الخامات الداخلية فقط
فالمصري فازت بتقدير كبير عنها
وهذا في الخامات الداخلية فقط


لكن طبعاً لم أتطرق لنعومة القيادة والموتور في المصري أو الإيراني لأني لم أقد هذه أو تلك
حضرتك بتقول إن نعومة الإيراني أكبر في القيادة وأنا موافق على تجربتك

لكن الحقيقة أحزنني أن تجمع مصر سيارة بتصريح من بلد المنشأ
وبعد قليل تتطور مصر للتوقف عن تجميع تلك السيارة
بل وتستوردها من منتج درجة ثانية بعد أن كانت تجمعها من المنتج الأصلي
والأسوأ أن أجد ميزة (جودة التقفيل الداخلي) في المصري الموؤده عن الإيراني المستوردة

لكن أنا معاك أن الأمر الواقع هو الحكم على السيارة بمجملها تشطيب داخلي وخارجي وميكانيكا

لكن لسه في أمل في مصر
وجايز نكون الجيل الذي سيصنع السيارة المصرية المتميزة

وشكراً

مع احترامي لكلام حضرتك بس انا وانت واحنا المصريين كلنا اللي بنقتل اقل صناعة عندنا حضرتك تقدر تنكر ان احنا اول ما بنلاقي بنبوناية حتي مش هاقولك عربية متصنعة في مصر بنقع نشتم فيها ونقول طبعا متوقع منها ايه ماهي تقفيل مصري واي رجل اعمال طموح بيحب بلده بيحاول يجمع او يصنع عربية في مصر بتفشل فشل ذريع (باستثناء الفيرنا وكام عربية كده) وده كلو بسببنا احنا اللي بنحكم علي اي حاجة متصنعة في مصر حتي قبل مانجربها انها سيئة
من الاخر عندنا عقدة الخواجة
انا اسف اني بتكلم بحده بس ده والله لاني بعشق البلد دي ونفسي بجد اعمل اول عربية مصرية وتنجح كده وتملي الدنيا (هي ماليزيا يعني اللي كنا بنديهم منح يدرسو في مصر ببلاش عشان فقرا احسن مننا)
ادعولي اقدر احقق حلمي وبجد ده حلم حياتي وانا جاد فيه وهاحاول احققه انشاء الله وامشي علي الطريق خطوة خطوة ومفيش مستحيل

ahmed1981
13-02-2010, 04:26 PM
مع احترامي لكلام حضرتك بس انا وانت واحنا المصريين كلنا اللي بنقتل اقل صناعة عندنا حضرتك تقدر تنكر ان احنا اول ما بنلاقي بنبوناية حتي مش هاقولك عربية متصنعة في مصر بنقع نشتم فيها ونقول طبعا متوقع منها ايه ماهي تقفيل مصري واي رجل اعمال طموح بيحب بلده بيحاول يجمع او يصنع عربية في مصر بتفشل فشل ذريع (باستثناء الفيرنا وكام عربية كده) وده كلو بسببنا احنا اللي بنحكم علي اي حاجة متصنعة في مصر حتي قبل مانجربها انها سيئة
من الاخر عندنا عقدة الخواجة
الحقيقة أنا أختلف مع حضرتك بنسبة 100%

وحكاية إننا بنقعد نشتم في صنع بلدنا أنا مبعملوش ومشفتش حد بيعملوا الصراحة
وحكاية إننا بنحاول نقتل صناعة بلدنا أنا برضه مختلف معاك فيها

أكيد كل نجاح له أعداء
لكن التعميم بهذه الطريقة خطأ وظلم للمصريين

dy_dy
18-02-2010, 01:11 AM
الف مبروك علي العربيه وادعيلي تكون دي اختياري السليم ان شاء الله

Karim george
24-02-2010, 03:09 PM
العربيه دي مو كام و إيه الفرق بينها و بين مو 2006

tarek elbadry
24-02-2010, 04:10 PM
الف شكر على المعلومات القيمة وربنا يباركلك فيها ويكفيك شرها الف مبروك

محمود محسن
27-02-2010, 08:36 PM
ألله يباركلك فيها بس ممكن نعرف سعرها الاجمالى كام .. مع الشكر

drasd
04-03-2010, 02:21 AM
السلام عليكم
ان شاء الله انا ناوي اشتري السيارة دي وجاد في شرائها
وقريت المواضيع الخاصة بها في المنتدى
أرجو من حضرتك انك تقولي عن سلبياتها فقط
لان انا بصراحة حاسس ان الصاج بتاعها مش قد كدا
وعايز اعرف هل الابواب جوها دعامات ولا لاء وازاي اعرف موديلها هل بيبقى مكتوب على الموتور او في العقد لاني ان شاء الله ناوي اشتريه زيرو وما هي نصائحك اللي اخد بالي منها
وانا ب اعيان العربية
في انتظار الرد للاهمية

AbOnOrA
04-03-2010, 04:19 PM
بالنسبة لسلبيات العربية فهى كالتالى

- تواضع مكونات الصالون الداخلى والبلاستيكات والاكسسوارات عامة
- عدم وجود عزل جيد سواء للموتور او للكابينة

بالنسبة للصاج فهو ضعيف فعلاً مقارنة بالعربيات القديمة لكن زيه زى صاج الاكسنت او الانوس نفس الصاج ونفس السمك
بالنسبة للدعامات فى الابواب فهى موجودة فى كل الابواب عبارة عن بار دائرى صلب موضوع بشكل عرضى فى التلت الاخير من الابواب لو حضرتك شيلت السوليتكس بتاع الابواب الداخلى هتشوفة
ده بالاضافة للاكصدامات اللى وراها حشو سفنج ووراها كمر حديد وده مش موجود فى العربيات بتاعة اليومين دول خالص
فعامة من الصاج زى عربيات الوقت ده لكن الدعامات جيدة جداًُ

وانصحك فى حالة الشراء انك تراجع كل تفاصيل العربية سواء صاج او اكسسوارات او كماليات كهربية لان التجميع الايرانى او المصرى وارد فيه عيوب تقفيل كتير

ومبروك مقدماً

aboyoussef
08-03-2010, 08:21 PM
افادكم الله ربنا يباركلك يس انت ماقلتش عيوبها

AbOnOrA
08-03-2010, 08:36 PM
افادكم الله ربنا يباركلك يس انت ماقلتش عيوبها
قولت يا باشا اقراء الرد تانى ptmnlo123per1127

tawfic
17-03-2010, 04:27 AM
لنهارده كنت فى صيانه ال20 الف ودى كانت تجربتى فيها
اولا انا مازلت اذهب الى مركز الكويت والبلاد العربيه حتى بعد ان فتحت شركه ناشونال موتورز مركزين لسايبا واحد فى جسر السويس والثانى فى اكتوبر وذالك لسبب اننى ارتحت فى التعامل نفسيأ وشطاره مهنيه من الفنين بها
=========
نجى للصيانه وماحدث بها



قبل الذهاب للصيانه كنت انوى ان اغير تيل افرامل الامامى والخلفى واسطوانه الدبرياج وذالك بسبب سؤ المرور فى البلد من ناحيه ومن ناحيه اخرى بسبب اسلوب سواقتى من ناحيه تانيه http://www.**********.net/Nile/images/smilies/shyy.gif
المهم كنت كلمت مهندس الصيانه قالى ان التيل موجود بس الاسطوانه خلصت من عنده وهايبعت يجيبها وسائلته هى بكام قالى ب350 جنيه كامله والفرامل اللامامى ب 79 جنيه والخلفى ب 90 جنيه
سائلته امكانيه اجيب الاسطوانه من بره ايه وهما يركبوها
قالى مافيش مانع بس هما هايضمنو التركيب بس ومش هايقدرو يضمنو قطع الغيار من بره المركز
بصراحه انا كنت عايز اعرف هل قطع الغيار بتاعه الكيا البرايد بتركب على السايبا زى ماهما قالو ولا له
وبالفعل رحت جبت الاسطوانه الاصلى الكورى من ابو زيد ب320 جنيه بتاعه الكيا برايد
ورحت للتوكيل كنت هناك الساعه 8 صباحا وجاء المهندس واخذ منى الاسطوانه وادخل السياره للمركز وقال انى سوف استلمها الساعه 4 عصرا
المهم روحت والساعه 3 لقيتهم بيطلوبونى لتذكيرى باستلام السياره الساعه 4
ورحت استلمتها وسئالت ايه اللى اتعمل فيها وكان الاتى
تغير زيت موبيل 1
تغير فلتر زيت
تغير فلتر هواء
تغير فلتر بنزين
تغير اسطوانه الدبرياج ( مع ان مهندس الصيانه قالى ممكن تقعد معاك 10 الاف كيلو بس انا قررت اغيرها بدل ما يحصل حاجه تانيه وتفتح بقها --- دى اساسا طبيعتى مابستناش الحاجه تبوظ http://www.**********.net/Nile/images/smilies/Oc_sun1%5B1%5D.gif
تغير تيل فرامل امامى وخلفى
تربيط عفشه
كشف على التكيف
تزويد زيت الفتيس
تزويد مياه المساحات والريداتير
الكشف على البطاريه
غسيل المتور
------------------
المهم دفعت 962 جنيه بعد كل ده علشان المصناعيه كانت كبيره المرادى علشان تركيب الاسطوانه وتيل الفرامل
وقالولى ان التيل والتركيب عليه ضمان لو فيه حاجه ارجعلهم
وكمان يوجد ضمان لمده اسبوع فيما يخص تركيب الاسطوانه لو فيه حاجه ارجعلهم
لقيتهم حطين كل قطع الغيار القديمه على دواسه الكرسى اللى جنبى

المهم خدت العربيه وروحت
الاداء بقى مذهل
السحب اجمد من الاول بمراحل مع انى ماكونتش بحس بمشاكل فيه بس الاداء زاد بدرجه ملحوظه
البوجيهات القديمه كانت جيده جدا بعد 20 الف كيلو ( كان ممكن تقعد 10 الف كمان )
انا عن نفسى مبسوط جدا بس كان ليه ملاحظات على المركز كانت زعجانى شويه
عدم اهتمامهم اذا كان جاء شحم على الفرش او الدوسات والمراجعه على ذالك قبل تسليمهم السياره للعميل
الى جانب انهم بيهتمو بغسيل المتور فقط ولا يهتمو ما حدث للسياره من جراء الصيانه على البودى من وجود شحم او اتساخه
لكن غير كده المعامله جيده وصيانه راوعه ( فيما يخص التركيب وليس النظافه )
ارجو ان اكون نقلت التجربه بصوره جيدهhttp://www.**********.net/Nile/images/smilies/S_thum1%5B1%5D.gif

zadgo
21-03-2010, 12:02 PM
كلامكم عنها عجبنى بصراحه
هنزل اتفرج عليها النهارده وربنا يسهل

drasd
23-03-2010, 02:25 PM
السلام عليكم
ياريت حد يقولنا اخر سعر للعربيةى دي دلوقتي عاملة كام

tawfic
23-03-2010, 02:35 PM
السلام عليكم
ياريت حد يقولنا اخر سعر للعربيةى دي دلوقتي عاملة كام
47500 فئه اولى ( سنتر وزجاج كهرباء امامى ومفتاح ريموت (( بدون باور وتكيف )
52500 فئه ثانيه ( اضافه للفئه الاولى + باور وتكيف )
54500 فئه ثالثه ( نفس الفئه الثانيه + جنوط اسبور وفوج لايت )
بس للاسف انا مش عارف دى اسعار موديل 2009 ولا 2010

zadgo
23-03-2010, 04:12 PM
انا نزلت شوفتها ياجماعه وفعلا ده سعرها النهارده
هى سيارة معقوله جدا وان شاء الله اجيبها

tawfic
23-03-2010, 04:36 PM
انا نزلت شوفتها ياجماعه وفعلا ده سعرها النهارده
هى سيارة معقوله جدا وان شاء الله اجيبها
ربنا يكرمك فيها انشاء الله وتكون قدم سعد عليك ويكفيك شرها
بس ارجوك قبل ماتمضى على محضر الاستلام اتأكد تماما من وجود الكوريك والمفتاح وشنطه العده ( بها مفتاح العجل وده هام جدا الى جانب مفك ومفتاح 13 ومفتاح بيجوهات )
والاستبن والولاعه وطفايه سجائر الصالون
وده الى جانب التركيز تماما فى كل النواحى الاخرى العامه
وربنا يوفقك

acounter01
23-03-2010, 06:13 PM
يا باشا الف شكر علي المجهود الرائع
وربنا يحفظهالك من العين ويديك خرها ويكفيك شرها
ويحفظهالك وهي واقفة تحت البيت ويسترها معاك

acounter01
23-03-2010, 06:14 PM
بس يا تري في منها اوتوماتيك و لا لا

drasd
25-03-2010, 07:09 PM
ممكن حد يقوللي انهي احسن السايبا برايد الجديدة ولا شاهين مستعملة موديل 2000 مثلا مع العلم ان الشاهين هاتبقى ارخص

tawfic
26-03-2010, 09:09 AM
ممكن حد يقوللي انهي احسن السايبا برايد الجديدة ولا شاهين مستعملة موديل 2000 مثلا مع العلم ان الشاهين هاتبقى ارخص
بصراحه ماقدرشى افيدك علشان انا عمرى ماامتلكت الشاهين بس سوقتها كتير والمعروف ان السياره الشاهين عربيه محترمه واستحملت كتير فى طرق البلد
بس لو هاتعمل مقارنه عامه
الشاهين مستعمله والسايبا زيرو موديل السنه ( فرق 10 سنين )
ميكانيكا الاثنين وقطع غيارهم رخيصه
التكيف والباور فى السايبا احسن بمراحل من شاهين ( ده لو فى حاله ان الشاهين اللى هاتجبها فيها تكيف وباور)
سوق اعاده البيع الشاهين يكسب والسايبا لسه بدرى عليها ( العربيه بقالها 14 شهر ومشوفتش حد بيبعها )
السايبا اوسع كتير من الشاهين فى الصالون
ماتور السايبا اجمد بمراحل من الشاهين فى السحب والعزم
ثبات الشاهين احسن من السايبا بعد ال120 كيلو
دى وجه نظرى وممكن اكون متحامل غصب عنى للسايبا وده علشان اولا انا حبيت العربيه دى جدا وثانيا علشان انا اساسا للاسف مابحبش الشاهين ( مع انها عربيه كويسه ) بس حاولت اقارن بحياد

tawfic
26-03-2010, 09:12 AM
بس يا تري في منها اوتوماتيك و لا لا
للاسف مافيش منها اوتوماتك بس سمعت ان الموديل اللى نازل جديد فيها اتوماتك والله اعلم من المعلومه

خالداعزالناس
26-03-2010, 10:25 AM
الف الف الف مبروك عليك السياره الجديده
ربنا يديك خيرها ويكفيك شرها

remonds
26-03-2010, 11:15 AM
سؤال للاخوة الافاضل

هو عرض التقسيط علي 24 شهر بدون فوايد هيكون علي العربيه اللي ب( 47500 الف) وبس ( الخاليه من التكييف , الباور ) , ولا هيكون كمان علي العربيه اللي ب ( 52000 ) ( فيها تكييف , باور )

واخيرا ..هل العربيه دي تستحق ام العربيات الصيني ؟؟؟؟؟؟؟؟؟؟؟؟؟....... بما ان دي ايراني والتاني صيني يعني كله محصل بعضه

برجاء الافادة وشكرا جزيلا

tawfic
26-03-2010, 12:43 PM
الف الف الف مبروك عليك السياره الجديده
ربنا يديك خيرها ويكفيك شرها
الف شكر لاهتمام حضرتك

tawfic
26-03-2010, 12:53 PM
سؤال للاخوة الافاضل

هو عرض التقسيط علي 24 شهر بدون فوايد هيكون علي العربيه اللي ب( 47500 الف) وبس ( الخاليه من التكييف , الباور ) , ولا هيكون كمان علي العربيه اللي ب ( 52000 ) ( فيها تكييف , باور )

واخيرا ..هل العربيه دي تستحق ام العربيات الصيني ؟؟؟؟؟؟؟؟؟؟؟؟؟....... بما ان دي ايراني والتاني صيني يعني كله محصل بعضه

برجاء الافادة وشكرا جزيلا
اولا العرض على كل الموديلات
ثانيا انا اختلف مع حضرتك فى وجهه نظرك فى السياره الصينى او الايرانى
الصينى شئنأ ام ابينا اصحبت جز لايتجزء من الشارع المصرى بارقام مبيعات كبيره جدا وانواع وموديلات ايضا كبيره جدا
منها من اثبتت كفائتها ومنها ما اتنسى انه دخل مصر من اساسه
ودائما الكمال لله وحده وبالتالى اى موديل او نوع سياره ليس كامل بما فيها المرسيدس و ال BMW والدليل مايحدث الان من استدعاء انواع فاخره من السيارات اليابنيه والكوريه والالمانيه الى اخره
وعليه لابد ان نقيم السياره ايأ كان نوعها بسعرها والتكنولوجيا المقدمه بها ومدى توافر قطع غيارها ورخص ثمنها ومركز صيانتها والرفاهيه والتقفيل المتوفر فيها وهل يناسب سعرها
كل هذه الحوانب من وجه نظرى تحدد نوع السياره التى ينوى الشخص ان يشتريها
قد اكون على صواب او على خطئ ولكننى ارتاح كثيرا عندما اقيم الامور من هذه الناحيه حتى لايصيبنى الحيره فى الاختيار

remonds
27-03-2010, 08:13 AM
اولا العرض على كل الموديلات
ثانيا انا اختلف مع حضرتك فى وجهه نظرك فى السياره الصينى او الايرانى
الصينى شئنأ ام ابينا اصحبت جز لايتجزء من الشارع المصرى بارقام مبيعات كبيره جدا وانواع وموديلات ايضا كبيره جدا
منها من اثبتت كفائتها ومنها ما اتنسى انه دخل مصر من اساسه
ودائما الكمال لله وحده وبالتالى اى موديل او نوع سياره ليس كامل بما فيها المرسيدس و ال BMW والدليل مايحدث الان من استدعاء انواع فاخره من السيارات اليابنيه والكوريه والالمانيه الى اخره
وعليه لابد ان نقيم السياره ايأ كان نوعها بسعرها والتكنولوجيا المقدمه بها ومدى توافر قطع غيارها ورخص ثمنها ومركز صيانتها والرفاهيه والتقفيل المتوفر فيها وهل يناسب سعرها
كل هذه الحوانب من وجه نظرى تحدد نوع السياره التى ينوى الشخص ان يشتريها
قد اكون على صواب او على خطئ ولكننى ارتاح كثيرا عندما اقيم الامور من هذه الناحيه حتى لايصيبنى الحيره فى الاختيار


ا / توفيق ... شكرا علي الافادة , وجهه نظرك جديرة بالاحترام وكلها معلومات قيمه

mazen_99
27-03-2010, 02:59 PM
طب ممكن اعرف هل فى الدفعات القادمة ممكن يبقى منهم اتوماتيك؟؟؟

frag665
27-03-2010, 03:10 PM
الف مبرووووووووووك وانا كمان هاشترى واحده

drasd
27-03-2010, 07:29 PM
ممكن حد يقوللي انهي احسن السايبا برايد الجديدة ولا شاهين مستعملة موديل 2000 مثلا مع العلم ان الشاهين هاتبقى ارخص

kw ltd
28-03-2010, 01:08 PM
ربنا يكرمك فيها انشاء الله وتكون قدم سعد عليك ويكفيك شرها
بس ارجوك قبل ماتمضى على محضر الاستلام اتأكد تماما من وجود الكوريك والمفتاح وشنطه العده ( بها مفتاح العجل وده هام جدا الى جانب مفك ومفتاح 13 ومفتاح بيجوهات )
والاستبن والولاعه وطفايه سجائر الصالون
وده الى جانب التركيز تماما فى كل النواحى الاخرى العامه
وربنا يوفقك

الف شكر على المعلومات القيمه ديه
انا ليا استفسار عن ميعاد استلام السياره بعد دفع المقدم بكام يوم؟؟؟
وهل بيتم دفع 500ج حجز ؟؟
والف شكر

meemee
28-03-2010, 01:20 PM
مبرووووووووووك

kw ltd
28-03-2010, 01:29 PM
بالنسبة لسلبيات العربية فهى كالتالى

- تواضع مكونات الصالون الداخلى والبلاستيكات والاكسسوارات عامة
- عدم وجود عزل جيد سواء للموتور او للكابينة

بالنسبة للصاج فهو ضعيف فعلاً مقارنة بالعربيات القديمة لكن زيه زى صاج الاكسنت او الانوس نفس الصاج ونفس السمك
بالنسبة للدعامات فى الابواب فهى موجودة فى كل الابواب عبارة عن بار دائرى صلب موضوع بشكل عرضى فى التلت الاخير من الابواب لو حضرتك شيلت السوليتكس بتاع الابواب الداخلى هتشوفة
ده بالاضافة للاكصدامات اللى وراها حشو سفنج ووراها كمر حديد وده مش موجود فى العربيات بتاعة اليومين دول خالص
فعامة من الصاج زى عربيات الوقت ده لكن الدعامات جيدة جداًُ

وانصحك فى حالة الشراء انك تراجع كل تفاصيل العربية سواء صاج او اكسسوارات او كماليات كهربية لان التجميع الايرانى او المصرى وارد فيه عيوب تقفيل كتير

ومبروك مقدماً

كماليات الكهربائيه زى ايه ؟ يا اخى

tawfic
29-03-2010, 09:32 AM
الف شكر على المعلومات القيمه ديه
انا ليا استفسار عن ميعاد استلام السياره بعد دفع المقدم بكام يوم؟؟؟
وهل بيتم دفع 500ج حجز ؟؟
والف شكر

انا للاسف ماقدرشى افيدك فى النقطه دى علشان انا كنت رابع واحد يشتريها يوممم 14 /1 /2009 بعد اعلانها فى الجرائد بتاريخ 11/1/2009 ولما رحت شوفتها تانى يوم دفعت الفلوس كاش وختها وانا واقف من فرع جامعه الدول وبعديها ب3 ايام رحت خدت جواب المرور ورخصت

kw ltd
29-03-2010, 11:01 AM
انا للاسف ماقدرشى افيدك فى النقطه دى علشان انا كنت رابع واحد يشتريها يوممم 14 /1 /2009 بعد اعلانها فى الجرائد بتاريخ 11/1/2009 ولما رحت شوفتها تانى يوم دفعت الفلوس كاش وختها وانا واقف من فرع جامعه الدول وبعديها ب3 ايام رحت خدت جواب المرور ورخصت

الف شكر على ردك توفيق باشا
ايه اخبارها معاك دلوقتى ؟؟
وبتسحب كام لتر كل 100 كيلو؟؟ واى بنزين يفضل لها؟

tawfic
29-03-2010, 11:12 AM
الف شكر على ردك توفيق باشا
ايه اخبارها معاك دلوقتى ؟؟
وبتسحب كام لتر كل 100 كيلو؟؟ واى بنزين يفضل لها؟
الحمد لله العربيه ممتازه معايا جدا وعامل بيها دلوقتى20500 وزى الفل
وبالنسبه للبنزين انا بحط 92
وبتستهلك حاليا جوه البلد 9 ليتر كل 100 كيلو
وعلى السريع حوالى 7.5 ليتر كل 100 كيلو

alaashoukry
29-03-2010, 03:50 PM
انا معايا شاهين مو 2000 من و هى زيرو و كويسه لغايه دلوقت ماسكه نفسها و ثابته على الارض و جر خلفى مش كبالن و دى تفرق كثير و حتبقى ارخص من السيبيا على الاقل ب 10 الاف جنيه ممكن تستخدمهم فى حاجه تانيه

وائل13
03-04-2010, 01:56 AM
هل الموتور بيسخن بسرعة

AbOnOrA
03-04-2010, 05:58 AM
انا معايا شاهين مو 2000 من و هى زيرو و كويسه لغايه دلوقت ماسكه نفسها و ثابته على الارض و جر خلفى مش كبالن و دى تفرق كثير و حتبقى ارخص من السيبيا على الاقل ب 10 الاف جنيه ممكن تستخدمهم فى حاجه تانيه
يا علاء باشا عمرى ما شوفت حد بيقارن الشاهين بالبرايد انا نفسى كان معانا دوجان مش شاهين وبعديها على طول بعناها وجبنا البرايد وعمرى ما حطيت الاتنين فى مقارنة ابداً مع ان ديه كانت 1600 والبرايد كانت 1100

ديه ركوبة وديه ركوبة الدوجان والشاهين فيات والاداء ايطالى والبرايد فى الاصل مازدا والاداء اسيوى اكيد لو ركبت ده وده هتعرف ان مفيش مجال للمقارنة

============

بالنسبة للموضوع السخونة هى مش بتسخن زيادة لكن الايرانى الترموستات بيشغل المروحة على النص زى العربيات الجديدة لكن البرايد الكورى كان بيشغل المروحة على الربع او التلت اذا كان ده قصدك
غير كده العربية بنزل فيها ترموستات كوعة وده بيبوظ بسرعة خاصة مع المياة الخضراء والحمراء المغشوشة وطبعاً لما بيبوظ بيعمل مشكلة السخونة
لكن الموتور بيستحمل السخونة ومش من المواتير اللى اول ما تشم سخونة تجيب جوان حتى فحاول تتجنب المياة الملونة وكفاية المية العادية مع مانع الصداء او تشيل ترموستات الكوعة وتريح نفسك خالص

drasd
10-04-2010, 04:52 AM
لو سمحت انا ليا سوال مهم وقبل ما اسالو احب اقولك اني من المعجبين جدا بالسايبا برايد ولكني متردد في شرائها
السوال بيقول
العربيى دي تمنها بيوصل لغاية 50 او 52 الف
طيب هي افضل ولا الهيونداي الفيرنا المستعملة علما بان السعر واحد
في انتظار ردك

ahmed1981
10-04-2010, 06:35 PM
لو سمحت انا ليا سوال مهم وقبل ما اسالو احب اقولك اني من المعجبين جدا بالسايبا برايد ولكني متردد في شرائها
السوال بيقول
العربيى دي تمنها بيوصل لغاية 50 او 52 الف
طيب هي افضل ولا الهيونداي الفيرنا المستعملة علما بان السعر واحد
في انتظار ردك
ممكن أقول رأيي

الفيرنا فئة أعلى من البرايد

الميزان هو:
البرايد تقارن بال 128
الفيرنا تقارن بالشاهين

يبقى مينفعش نقارن البرايد بالفرنا أو بالشاهين


الزيرو زيرو
لكن الفيرنا أعلى من البرايد
لكن لو حالة الفيرنا كويسة أفضلها عن البرايد

drasd
14-04-2010, 01:40 AM
طيب ممكن حد يكون جرب السايبا برايد والشاهين ويقوللي ايهما افضل علما بان الشاهين تكون موديل 2000 في انتظار الرد للاهمية

drasd
17-04-2010, 10:19 AM
هو ما فيش حد بيرد عليا ليه

tawfic
17-04-2010, 10:24 AM
هو ما فيش حد بيرد عليا ليه
علشان حضرتك طالبت طلب صعب جدا
وهو ان اللى يرد على السؤال يكون من مالكى الشاهين وبعدين امتلك السايبا ويقارن بينهم
وده صعب جدا والدليل عدم رد حد الى الان على سؤالك
والاصعب ان حد يجرب مجرد التجربه السيارتين وبعدين يعطى نتائجه

noureymo
18-04-2010, 09:43 AM
السلام عليكم يا جماعة
انا مسافر برة مصر والعربية مع المدام وحصل موقف وحش جدا من 3 ايام
سير الدينامو قطع والبكرة وقعت
المهم اخوها اخد العربية للميكانيكي ولفوا على البكرة والسيور (دينامو وتكييف) التكييف علشان الميكانيكي لقاه وحش
المهم ما لقوهمش خالص
وفي الاخر لقوا سير صيني ينفع يركب وده كان بعد حوالي 3 ساعات لف

دلوقت ارجوكم فهموني
هي السيور مش موجودة ولا ايه
ولو موجودة نلاقيها فين
ويا ترى سير الكاتينة بيتغير بعد كام الف
شكرا جزيلا

tawfic
18-04-2010, 11:37 AM
السلام عليكم يا جماعة
انا مسافر برة مصر والعربية مع المدام وحصل موقف وحش جدا من 3 ايام
سير الدينامو قطع والبكرة وقعت
المهم اخوها اخد العربية للميكانيكي ولفوا على البكرة والسيور (دينامو وتكييف) التكييف علشان الميكانيكي لقاه وحش
المهم ما لقوهمش خالص
وفي الاخر لقوا سير صيني ينفع يركب وده كان بعد حوالي 3 ساعات لف

دلوقت ارجوكم فهموني
هي السيور مش موجودة ولا ايه
ولو موجودة نلاقيها فين
ويا ترى سير الكاتينة بيتغير بعد كام الف
شكرا جزيلا

معلشى اريد توضيح شى من حضرتك
هى العربيه برايد ولا سايبا برايد
وليه مارحوش مركز الصيانه على طول
وليه قعدو 3 ساعات يلفو على السير ( هو هو البرايد القديمه بدون تغير )
معلشى ياريت التوضيح

noureymo
18-04-2010, 12:10 PM
شكرا على اهتمامك يا استاذ توفيق
العربية سايبا برايد 2006
السيور مختلفة عن سيور الكيا برايد (ده كلام الميكانيكي)
مرة قبل كده الردياتير اتخرم ورحنا مركز صيانة الامل وطبعا قالوا مفيش
رحنا مركز الصيانة الجديد الي في الدقي(التوكيل الجديد) رفضوا يصلحوا وبيقولوا ان عربيات الامل هما مش مسؤولين عنها

هي السيور مش موجودة ولا ايه
ولو موجودة نلاقيها فين
ويا ترى سير الكاتينة بيتغير بعد كام الف
شكرا جزيلا واسف على ازعاج حضرتك ويا ريت توضحلي اكتر

tawfic
18-04-2010, 09:31 PM
شكرا على اهتمامك يا استاذ توفيق
العربية سايبا برايد 2006
السيور مختلفة عن سيور الكيا برايد (ده كلام الميكانيكي)
مرة قبل كده الردياتير اتخرم ورحنا مركز صيانة الامل وطبعا قالوا مفيش
رحنا مركز الصيانة الجديد الي في الدقي(التوكيل الجديد) رفضوا يصلحوا وبيقولوا ان عربيات الامل هما مش مسؤولين عنها

هي السيور مش موجودة ولا ايه
ولو موجودة نلاقيها فين
ويا ترى سير الكاتينة بيتغير بعد كام الف
شكرا جزيلا واسف على ازعاج حضرتك ويا ريت توضحلي اكتر

مع احترامى لكلام الميكانيكى انا اختلف معاه
وبالذات فى موديلات سايبا لغايه 2007 هى نفسها البرايد العاديه
وممكن حضرتك تسأل عند اى حد بتاع قطع غيار الكيا
وبالمناسبه توكيل الدقى ( الكويت والبلاد العربيه ) مش وكيل ليها هو وكيل السايبا برايد 2009 وعربيه حضرتك كيا برايد سايبا تبع الامل
والمتبع تغير السير كل 40 الف كيلو بس انا بفضل كل 30 الف كيلو افضل

noureymo
19-04-2010, 05:33 AM
كلام حضرتك فعلا صحيح ان المعروف ان قطع غيارها هي قطع غيار الكيا
وانا فعلا كنت غيرت اكتر من قطعة غيار كانت هيا الكيا برايد ما عدا فلتر البنزين وفلتر الهوا .
يا استاذ توفيق انا عارف ان الكويت والبلاد العربية هو التوكيل الجديد فعلا وده الي قلت لحضرتك اننا سالناه قبل كده ورفض يصلح عربيات شركة الامل
اما بخصوص موضوع السير ففعلا هو مختلف عن سير الكيا برايد سير الدينامو في السايبا عرضه اقل من سير الدينامو في البرايد
عموما يا ريت حضرتك لو كنت غيرت السيور قبل كده تفيدني الاقيها فين وشكرا جزيلا على اهتمام حضرتك بالرد

tawfic
19-04-2010, 06:06 AM
كلام حضرتك فعلا صحيح ان المعروف ان قطع غيارها هي قطع غيار الكيا
وانا فعلا كنت غيرت اكتر من قطعة غيار كانت هيا الكيا برايد ما عدا فلتر البنزين وفلتر الهوا .
يا استاذ توفيق انا عارف ان الكويت والبلاد العربية هو التوكيل الجديد فعلا وده الي قلت لحضرتك اننا سالناه قبل كده ورفض يصلح عربيات شركة الامل
اما بخصوص موضوع السير ففعلا هو مختلف عن سير الكيا برايد سير الدينامو في السايبا عرضه اقل من سير الدينامو في البرايد
عموما يا ريت حضرتك لو كنت غيرت السيور قبل كده تفيدني الاقيها فين وشكرا جزيلا على اهتمام حضرتك بالرد

يافندم شكرا على ايه بس احنا كلنا بنساعد بعض لاكثر ولااقل
اما بخصوص تغير السيور انا لسه ماغيرتشى اى نوع منهم علشان لسه يادوبك 20000 الف بس
وبرضه انا ليه تحفظ على موضوع ان سير الدينمو مختلف عن الكيا العاديه
انا واثق انها نفس السير الا اذا حضرتك كنت مغير الدينمو بنوع غير الاصلى بتاعها
او تكون شارى العربيه من حد مغير الدينمو
اصل ثقتى ده من ناتج تجربه مع قريبى كانت معاه وكان عمل بيها حاذثه ( ربنا يحفظك ويحفظنا جميعا ) واضطر يغير تقريبا كل ما له علاقه بالماتور والدينمو ----- الخ
وساعتها غير كل شى زى اللى كان موجود فيه بالضبط واصلى وجاب كل قطع الغيار من مراكز كيا المنتشره
الكلام ده من حوالى سنتين
وبالمناسبه الكويت والبلاد العربيه تم سحب الصيانه منها علشان ناشونال موتورز فتحت مركزين صيانه خاص بالسايبا فقط
بس ده مايمنعشى انهم بيصلحو بس طبعا بمصنعيه كامله بدون خصم
وانا مازلت بتعامل معاهم لانهم ناس محترمه جدا ومش فرق كتير الفلوس عن مركز سايبا

noureymo
19-04-2010, 07:25 AM
يافندم شكرا على ايه بس احنا كلنا بنساعد بعض لاكثر ولااقل
اما بخصوص تغير السيور انا لسه ماغيرتشى اى نوع منهم علشان لسه يادوبك 20000 الف بس
وبرضه انا ليه تحفظ على موضوع ان سير الدينمو مختلف عن الكيا العاديه
انا واثق انها نفس السير الا اذا حضرتك كنت مغير الدينمو بنوع غير الاصلى بتاعها
او تكون شارى العربيه من حد مغير الدينمو
اصل ثقتى ده من ناتج تجربه مع قريبى كانت معاه وكان عمل بيها حاذثه ( ربنا يحفظك ويحفظنا جميعا ) واضطر يغير تقريبا كل ما له علاقه بالماتور والدينمو ----- الخ
وساعتها غير كل شى زى اللى كان موجود فيه بالضبط واصلى وجاب كل قطع الغيار من مراكز كيا المنتشره
الكلام ده من حوالى سنتين
وبالمناسبه الكويت والبلاد العربيه تم سحب الصيانه منها علشان ناشونال موتورز فتحت مركزين صيانه خاص بالسايبا فقط
بس ده مايمنعشى انهم بيصلحو بس طبعا بمصنعيه كامله بدون خصم
وانا مازلت بتعامل معاهم لانهم ناس محترمه جدا ومش فرق كتير الفلوس عن مركز سايبا

شكرا جزيلا يا استاذ توفيق على اهتمامك والله انا نفسي يكون كلامك ده هو صح ويكون كلام الميكانيكي غلط وان كنت انا بميل لكلام حضرتك
عموما انا هنزل مصر بعد اسبوعين ان شاء الله وهشوف الموضوع ده بنفسي من غير ميكانيكي
وعلى فكرة انا كنت شاري العربية زيرو سنة 2006 من شركة الامل وما غيرتش فيها حاجة ابدا وعاوز اقول لحضرتك ان دي اول مرة تقابلني مشكلة في العربية
يا ريت حضرتك تقولي فين المراكز بتاعة ناشيونال موتورز وهل بيقبلوا فيها عربيات شركة الامل موديلات 2006
هو حضرتك شاري العربية من ناشيونال موتورز ولا من الامل؟
وشكرا جزيلا مرة تانية

رامى3
20-04-2010, 02:46 PM
بعد مرور اكتر من سنه العربيه اخبرها ايه

tawfic
20-04-2010, 06:07 PM
بعد مرور اكتر من سنه العربيه اخبرها ايه


السياره شاريها يوم 14 - 1 -1 2009
واليوم 20 - 4 2010
يعنى 15 شهر
عامل بيها 21450 كيلو الى الان ( منهم شهر كنت مسافر فيه بره مصر والسياره راكنه تحت البيت )
نجى لتقيم العام طوال هذه الفتره
المزايا :-
السياره وربنا يشهد على كلامى ممتازه خصيصا انى محمل عليها كتير جدا يا فى المشاوير يا اما فى اسلوب السواقه بتاعى
لم يختلف ادائها طوال هذه الفتره نهائى
سهوله شديده فى صيانتها وتوافر قطع غيارها فى كل مكان ( هى نفس قطع غيار البرايد تماما ما عدا الانشجكشن وفوانيس الامام والخلف ) ودول متوفرين فى مراكز الصيانه وكل قطع الغيار متوفره فى مراكز الصيانه حتى الزجاج

العيوب :-
مازلت اشك فى قدره المتور على اساس انها 1300 cc والاسباب كتير
اولا كانو بيقول 62 حصان وبعدين صححو المعلومه سريعا ووضحو انها 92 حصان
واننا اشك انها 100 حصان ( والله بتكلم بجد )
العربيه ادائها مش اقل من 1500 cc حتى استهلاكها للبنزين قريب قوى من استهلاك اللانوس
فا بجد مش عارف ايه اللى ورا الموضوع ده
انا عن نفسى مش مضايق بالعكس انا بشد مع اللانسر والتيوتا اليارس حلو قوى كمان
بالنسبه لنظام التعليق ممتاز والثبات هايل لغايه 120 كيلو
الكاوتش الاصلى بتاعها وحش جدا وماينسبش الاراضى والشوارع المصريه ده عايز شوارع حرير وبالتالى انا غيرتهم اول 500 كيلوptmnlo123per195

بعد فواصل الابواب عن بعضها بيخلى الهواء بيعمل صوت على السرعات العاليه من سرعه 120 وحسب قوه الرياح ( بيحتاج كوتش اعرض للابواب )
الفرامل الفبريكه بتاعتها بتصفر لغايه 1000 كيلو ( انا ماستحملتش اوصل لكده وصممت اغيرهم بعد 3مشاوير ليهم بنوع كيا برايد الكورى ومن ساعتها زى الفل ) ptmnlo123per111
لابد الكشف على الزوايه كل 3 شهور مره لضبطها
التكيف ممتاز ممتاز ولايقصر على السحب بدرجه كبيره
الباور هايل جداptmnlo123per154


دى كل ملاحظاتى على السياره طوال هذه الفتره

ahmed mado
22-04-2010, 01:54 PM
السلام عليكم ورحمة الله و بركاته
يا جماعة انا كنت عاوز اشترى سايبا برايد 132 وكنت عايز اعرف سعرها كام من التوكيل واية مميزاتها وعيوبها وتنصحونى بشرائها ولا لا وسمعت ان التكييف مش شغال والكاسيت مش شغال
ارجو الافادة ولكم جزيل الشكر مع سرعة الرد لانى فى حيرة من امرى

tawfic
22-04-2010, 03:36 PM
السلام عليكم ورحمة الله و بركاته
يا جماعة انا كنت عاوز اشترى سايبا برايد 132 وكنت عايز اعرف سعرها كام من التوكيل واية مميزاتها وعيوبها وتنصحونى بشرائها ولا لا وسمعت ان التكييف مش شغال والكاسيت مش شغال
ارجو الافادة ولكم جزيل الشكر مع سرعة الرد لانى فى حيرة من امرى

ممكن حضرتك تقراء الموضوع من الاول من ساعه الشراء الى الان وتقيمها حتى 20000الف كيلو
اما الاسعار زادت 1000 جنيه
الفاضيه 47500
الكامله 52500
الكامله + فوجات + جنوط اسبور 54500
اما التكيف والكاسيت اللى سمعت انهم مش شغالين فتقصد حضرتك موضوع الزميل اللى شارها وكان استفساره عن التكيف والكاسيت وكان يوجد اقتراحات انها فيوزات واعتقد انها كده مش اكتر
لكن ده موقف فردى وليس عام علشان دى بصراحه عمرى ماسمعتها من حد قبل كده لانه بأختصار لو انا شارى عربيه والتكيف مش شغال فيها ناتج عيب هايتخرب بيت التوكيل وهايتقفل

مصطفى طراد
26-04-2010, 11:23 AM
الاستاذ / توفيق

بعد هذا التقديم الرائع للسيارة سيبا برايد

شجعتني اشتريها

و على ضمانتك و مسئوليتك

شكرا ما تفضلت به من معلومات قيمة عن السيارة

محمدبتروتك
10-05-2010, 02:02 PM
شكرا جزيلالالالالالالالالالالالالالالالالا

emadgkhalil
24-05-2010, 12:12 AM
مع كل التقدير والاحترام ليك يا استاذ احمد بس البرايد بتاعة ال AAV من اسواء البرايد اللى اتعملت فى الدنيا ومش هتلاقى ليها اى ذكر فى اى مكان وكان الكل يستنكرها اصلاً

البرايد ال AAV هى اللى سوقت سمعة البرايد السيدان فى مصر وده اللى خلى الهاتش باك تتباع اكتر مع ان كلنا عارفين مدى حب المصريين للسيدان والمحركات الاكبر عامة

البرايد ال AAV نقلاً عن لسان كبير مهندسى (عبر البلاد) اللى ورا سوق القنال الدولى ودول كانو من اكبر مراكز الخدمة للعربية ديه ايام وليد توفيق كان فيها مشاكل كتير وعيوب تقفيل اكتر بكتيييييييير

والشىء الصادم بقى ان فيه مهندسين فى التوكيل القديم اكدولى ان البرايد بتاعة AAV كانت بتيجى من مصنع ايران اصلاً وتتقفل فى مصر (الكلام ده بعد 2000 طبعاً)

وبناء على تجربتى الواقعية (انا معايا برايد مو 96 الكورى هاتش باك وبرايد 2006 الايرانى)
واحدة داخلة فى 200 الف كم والجديدة داخلة فى 60 الف كم والاتنين بحالة جيدة والحمد لله
عايز اقول لحضرتك ان والدتى بتفضل تركب الايرانى عن الكورى لانها انعم فى القيادة والسحب من الكورى وده راجع لفرق الموتور وتغذية الوقود MPI

لكن لا انكر ان معايير الجودة مختلفة لكن الخامات صدقنى مش لاقى فرق خالص
وبستغرب لما الاقى ناس بتفرق بين الاتنين كان واحدة مرسيدس والتانية لادا اوكا
او بعض الناس اللى بتقول ان الايرانى تقليد والكورى هى الاصلى
مع ان الكورى اصلاً اعادة تصنيع ايضاً من المازدا 121 بخامات وجودة اقل ونجحت عن المازدا 121
كذلك البرايد الايرانى نجحت جداً فى سوريا وايران كسيارة تجارية (تاكسى) وفى البلدين حققت اعلى مبيعات وتحديداً فى سوريا كانت الاعلى مبيعاً بالتساوى مع الهيونداى اكسنت

وعن تجربة برضو العربية معايا بقالها 3 سنين لم يتلف فيها الا
كاوتشة الميزان جنب واحد (بخمسة جنية)
تيل امامى وخلفى (واتغير الخلفى بعد 40 الف كم )
شرخ بسيط فى التابلوه (وده حصل لاغلب موديلات 2006 لانها اتركنت فى الشمس كتير فى التوكيل انا شاريها فى شهر 2 / 2007)

غيرت البطارية الاصلية بواحدة جديدة فى الضمان
غيرت الولاعة فى الضمان
غيرت سلك الدبرياج والديسك والاسطوانة (بسبب تلف السلك واهمالى فى تغييرة على 40 الف كم )
غيرت الكاوتش اللى جاى معاها بكاوتش وجنوط سبور لتعزيز الثبات
غيرت بعض ازرار رفع الزجاج الكهرباء
غيرت علبة الدريكسيون بسبب حادثة دخلت فيا عربية فى العجل الادمانى

اقسم بالله العظيم ده اللى اتغير فىالعربية بكل امانة واغلبها حاجات بسبب الحواث (انا رشيت حزام مرتين وهرش التالتة)
واستخدامى عنيف جداً والناس عارفة كده كويس
ولاحظ ان كل الحاجات اللى اتغيرت تعتبر اكسسوارات مش من اساسيات العربية

علشان كده انا شايف انها افضل سيارة اقتصادية بمعنى الكلمة فى الفئة ديه

اما بالنسبة للصاج فهو ضعيف فعلاً بنفس ضعف الهيونداى اكسنت او اكسيل او السويفت او العربيات بتاعة الجيل ده ومابعدة
لكن العربية فيها دعامات فى الابواب ده غير كامرات صلب (كمرات بجد مش فيبر زى عربيات اليومين دول) فى الاكصدامات الامامية والخلفية فوقيها طبقة من السفنج المضغوط ثم الاكصدام الفيبر

دخلت فى شاهين رزع من وراء اتكسرت عندى الشبكة وهو فوانيس واكصدام فى الارض
دخلت فيا نص نقل من الجنب غيرت علبة الدريكسيون وزرجينة وشكراً
دخل فيا توكتوك من ورا الاكصدام اتقشر
دخلت فيا تاكسى رينو فى بوز الاكصدام الورانى الاكصدام اتكسر وهو اكصدام بكبوت برفارف والريداتير ركب فوق الموتور
خبطتت فيا 131 من الجنب على سرعة اكثر من 60 الرفر الورانى اتطبق والقدمانى عنده وبس
وفيه امثلة كتيييييييييير وصور كل خبطة عندى لو عايزين اورفعالكم
وكل تجديد (سمكرة ورش حزام مع زرجينة) مش بيتكلف اكتر من 1000 او 1500 مع الاكسسوارات والفوانيس والصيانة الدورية والذى منه

بجد يا استاذ احمد العربية ديه نعمة يمكن كتير بتمنى اجيب حاجة اشيك خاصة موضوع خامات الصالون ديه والعزل لكن لحد دلوقتى مش لاقى حاجة بالاعتمادية ديه ورخص تكاليف الاصلاح وقطع الغيار

معلش يا استاذ احمد انت استاذنا طبعاً بس انت جيت فى ملعبى ptmnlo123per122

كل دة جرالها ؟
كتر خيرها انها لسة ماشية علي الطريق اصلا

رامى3
10-06-2010, 06:01 PM
لو سمحت عايز اعرف مصروفها الشهرى كام و هل هى اقتصاديه ولا لا

khboty
15-06-2010, 11:10 PM
حقيقى روعة و أنا شخصيا إقتنعت بها جــدا و لكن ماذا أفعل فى صيانة السيارة إذا كنت من أهل الإسكندرية ptmnlo123per144ptmnlo123per1127ptmnlo123per1127ptm nlo123per144 هل أذهب إلى التوكيل فى مصر كلما إحتجت أى شئ ؟؟؟؟ !!!!
أرجو من أهل الإسكندرية الذين إشتروا هذه السيارة إفادتى فى أســـرع وقت ممكن لأننى جــادة فى الشراء

هالة صلاح
18-06-2010, 03:36 PM
عايزة افضل و ارخص مكان اشترى منة سواء زيرو او مستعمل

خالداعزالناس
18-06-2010, 03:41 PM
عايزة افضل و ارخص مكان اشترى منة سواء زيرو او مستعمل

الاخت العزيزه / هــالـــه :waving:

فكرى فى سياره أخرى بديله عن كيا برايد
انا شايف ان السياره من الداخل سيئه جدا جدا ..... وتابلوه متواضع جدا
وضعيف جدا فى شكله
ولا يتناسب مع آنسه أو سيده تركب سياره حديثه
وسعر السياره غالى على مواصفات السياره

سامح السيد على
11-07-2010, 03:02 PM
السلام عليكم عنوان مركز الخدمة و الصيانة بالاسكندرية هو 26ك طريق مصراسكندرية الصحراوى بعد توكيل الامل وبعد وحدة ترخيص النقل الثقيل تليفونة(0354003400)او(0102214331)

سامح السيد على
17-07-2010, 02:31 PM
السلام عليكم انصح الاخوة مالكى البرايد من اهل الاسكندرية لطبيعة الجو فيها بتركيب( كفرات)تحت العجل الخلفى لان السيارة نازلة( بكفرات)امامية فقط -واللى عاوز يجيب كفرات خلفية بتاعة الشاهين او اللانوس و اى سمكرى يحل العجل الخلفى ويطبعهم بالنار------------نسالكم الدعاء

figaro
01-08-2010, 10:19 PM
عايز اعرف لو معايا 10000الاف وعايز اجيب البرايد وقسط الباقى اروح لمين او فى معرض قريب

amrmohamed1975
01-08-2010, 11:18 PM
تقرير رائع و ربنا يديك خيرها و يكفيك شرها ROSE4U

sherif sadeek
18-08-2010, 02:58 AM
نبدا الكلام بلسلام اما بعد انا يا جماعه اشتريت العربيه من شهر بس التوكيل بيقول ما فيش كتلوجات وانا محتاجه ضرورى فهل ممكن اى اخ من الاخوة يرفعو لى واكون مدين له بوافر الشكر وربنا يجعلو فى ميزان حسنتكوا بأذن الله وشكر ا.

محمد عليوة
24-08-2010, 10:56 PM
سلام عليكم انا اول يوم ليا فى المنتدى عايز اعرف سعر البرايد كام دلوقتى

kira
14-09-2010, 04:30 AM
الف مبروك ربنا يديلك خيرها ويكفيك شرها

وائل قابيل
29-09-2010, 11:27 PM
شكرا جزيلا يا استاذ توفيق على اهتمامك والله انا نفسي يكون كلامك ده هو صح ويكون كلام الميكانيكي غلط وان كنت انا بميل لكلام حضرتك
عموما انا هنزل مصر بعد اسبوعين ان شاء الله وهشوف الموضوع ده بنفسي من غير ميكانيكي
وعلى فكرة انا كنت شاري العربية زيرو سنة 2006 من شركة الامل وما غيرتش فيها حاجة ابدا وعاوز اقول لحضرتك ان دي اول مرة تقابلني مشكلة في العربية
يا ريت حضرتك تقولي فين المراكز بتاعة ناشيونال موتورز وهل بيقبلوا فيها عربيات شركة الامل موديلات 2006
هو حضرتك شاري العربية من ناشيونال موتورز ولا من الامل؟
وشكرا جزيلا مرة تانية
السلام عليكم
انا اخوكم وائل قابيل
اشتريت السايبا برايد من ثلاث سنوات
وفعلا السياره جيده جدا
لكن يا استاذ توفيق
السيور مختلفه وفلتر الهواء والبنزين
ده عن تجربه لاني عملت بيها 65000 كم
ولما كنت بغير السيور في احدى مراكز صيانه كيا في العبور
قالولي ان السيور مش زي الكيا برايد الكوري لكن هما اللي جابو السيور ومعرفتش طبعا منين
لكن لو توكيل ناشونال موتورز ناس محترمين زي ما حضرتك بتقول ياريت تبعتلي عنوانهم

وائل قابيل
29-09-2010, 11:37 PM
الف مبروك ربنا يديك خيرها ويكفيك شرها
من فضلك انا عايز اعرف الفرق بين موديل سايبا 2006 و 2009 وهل ناشونال موتورز بتصين السايبا 2006
ولك جزيل الشكر

tawfic
30-09-2010, 07:17 PM
السلام عليكم
انا اخوكم وائل قابيل
اشتريت السايبا برايد من ثلاث سنوات
وفعلا السياره جيده جدا
لكن يا استاذ توفيق
السيور مختلفه وفلتر الهواء والبنزين
ده عن تجربه لاني عملت بيها 65000 كم
ولما كنت بغير السيور في احدى مراكز صيانه كيا في العبور
قالولي ان السيور مش زي الكيا برايد الكوري لكن هما اللي جابو السيور ومعرفتش طبعا منين
لكن لو توكيل ناشونال موتورز ناس محترمين زي ما حضرتك بتقول ياريت تبعتلي عنوانهم

الف مبروك ربنا يديك خيرها ويكفيك شرها
من فضلك انا عايز اعرف الفرق بين موديل سايبا 2006 و 2009 وهل ناشونال موتورز بتصين السايبا 2006
ولك جزيل الشكر


اهلاء بيك يا استاذ وائل
اما بخصوص فلتر البنزين والهواء والفرامل واسطوانه الدبرياج كلهم واحد ودول اللى عن تجربه غيرتهم واشترتهم انا بنفسى من محلات قطع الغيار
انا بخصوص السيور انا لغايه دلوقتى ماعرفشى
اما بخصوص التوكيل كان كلامى على مركز الكويت والبلاد العربيه اللى كان واخد الصيانه لغايه ما ناشونال فاتحو مركزين ليهم
بالنسبه للكويت كانو ناس قمه فى الاحترام
لكن من تجربه اعضاء اخرين ان فرع صيانه ناشونال اللى فى اكتوبر مش فاهمين حاجه وفرع جسر السويس احسن ولكن مش زى بتوع الكويت
انا عن نفسى بعمل صيانتى بره التوكيل من اول ما عملت 30000 كيلو
وماعتقدتشى انهم بيصونو سايبا القديمه
===============================
الفرق بين موديل سايبا القديم والجديد الانشجكشن بالنسبه للمتور والاختلافت الشكليه داخليا وخارجيا

abdo982
09-10-2010, 10:03 AM
السلام عليكم
استاذ توفيق... انا ان شاء الله نويت اشترى السايبا برايد بعد كلام حضرتك .. انا اتصلت ب ناشيونال موتورز و قاللى ان مفيش عنده عربيات دلوقتى .. و ان الشحنة الجديدة هتيجى على شهر 2 اللى جاى ...حضرتك متعرفش اذا كانت الشحنة اللى جاية ديه هتكون موديل 2010 ولا 2011 و لا ايه بالضبط ؟ و يا ترى هيكون فيه نفس نظام التقسيط اللى كان موجود قبل كده .. اللى هو دفع 50% و الباقى اقساط على سنتين بدون فوايد ... و يا ترى فى معارض عندها العربية دلوقتى ؟ اسف جدا على الاطالة ... مستنى رد حضرتك ROSE4U

tawfic
09-10-2010, 10:11 AM
للاسف ماعنديش معلومات تفيد حضرتك بس فيه معارض كتير بتعرض السياره بس الاول لازم تعرف اللى هاتنزل دى موديل كام علشان لو موديل 2011 وده اللى متوقعه اعتقد تستاهل تستناها

الكشفى
09-10-2010, 10:27 AM
ربنا يحفظهالك والف مليون مبروك

abdo982
09-10-2010, 10:27 AM
ربنا يجزيك خير .... شكرا جزيلا

abdo982
09-10-2010, 10:33 AM
انا سئلت عليها ناشيونال موتورز ... بس للاسف مخدتش منهم عقاد نافع ... كل ما اسئلهم على حاجة ... منعرفش ... هو العربية اللى جايه موديل كام ؟ منعرفش .. طب هيكون سعرها كام ؟ منعرفش ....طب هيكون فيه تقسيط و لا لأ ؟ منعرفش ... و دى بصراحة حاجة مضايقانى جدا ازاى توكيل و ميعرفش اى حاجة عن الحاجة اللى هتجيلو ؟؟ ANAA7TG

ابو جودة
09-10-2010, 11:45 AM
شكرا على التقرير الرائع

عادل مصطفي
14-10-2010, 03:26 PM
ربنا يديك خيرها ويكفيك شرها ماجور بأذن الله

adel hammouda gouda ebeid
11-11-2010, 01:40 AM
هل يوجد أوتوماتيك فى موديلات البرايد سيدان سايبا

adel hammouda gouda ebeid
11-11-2010, 01:56 AM
أنا فعلا فت منها أوتوماتيك

tawfic
11-11-2010, 04:23 PM
هل يوجد أوتوماتيك فى موديلات البرايد سيدان سايبا

الى الان لا يوجد منها اوتوماتيك

محمد السيد عبده محمد
20-11-2010, 10:59 AM
السلام عليكم / انا فكرت اشتريها بس ناس كتير خوفونى منها انها عربية سيئة ونصحونى انى مشتريش العربية دى انتم ايه رأيكم

tawfic
20-11-2010, 01:12 PM
السلام عليكم / انا فكرت اشتريها بس ناس كتير خوفونى منها انها عربية سيئة ونصحونى انى مشتريش العربية دى انتم ايه رأيكم

والله يا استاذ محمد العربيه معايا داخل على سنتين وماشوفتش منها حاجه وحشه غير مركز الصيانه بس الحمد لله العربيه سهله فى صيانتها وانتشرت ليها مراكز صيانه خارجيه
الى جانب ان المنتدى مثلا منتدى مفتوح يعنى اى حد جابها وشاف فيها مشكله هايقول
وممكن تعمل ليها بحث على النت يمكن فى منتدى اخر حد جايبها وبيشتكى منها مع انى مالاقتشى
غير كده اللى مخوفينك منها مخوفينك على اساسا ايه هل حد جبها او يعرف حد جابها وبنائا عليه بيخوفك منها ولا العادى بتاعنا ادعائنا اننا بنفهم فى كل شى وبقول ده حلو وده وحش وخلاص بدون تجربه

mahmoudsamy7
20-01-2011, 03:44 PM
لو سمحت يا استاذ توفيق حضرتك بتعمل الصيانه فين و اجيب فلتر هواء ليها منين لانه مش متوافر في التوكيل (اكتوبر ) و انا ساكن في الهرم
و لك جزيل الشكر

tawfic
20-01-2011, 03:50 PM
لو سمحت يا استاذ توفيق حضرتك بتعمل الصيانه فين و اجيب فلتر هواء ليها منين لانه مش متوافر في التوكيل (اكتوبر ) و انا ساكن في الهرم
و لك جزيل الشكر
فلتر الهواء هاتلاقيه عند ابو زيد اللى فى نهايه فيصل قبل المريوطيه او الجندى اللى فى بدايه فيصل قبل كليه التربيه الرياضيه
وياريت يكون معاك الفلتر القديم

mahmoudsamy7
22-01-2011, 03:19 PM
ربنا يكرمك يا باشا وشكرا لزوق حضرتكGIFT4U

mahmoudsamy7
11-04-2011, 12:12 PM
والله يا استاذ محمد العربيه معايا داخل على سنتين وماشوفتش منها حاجه وحشه غير مركز الصيانه بس الحمد لله العربيه سهله فى صيانتها وانتشرت ليها مراكز صيانه خارجيه
الى جانب ان المنتدى مثلا منتدى مفتوح يعنى اى حد جابها وشاف فيها مشكله هايقول
وممكن تعمل ليها بحث على النت يمكن فى منتدى اخر حد جايبها وبيشتكى منها مع انى مالاقتشى
غير كده اللى مخوفينك منها مخوفينك على اساسا ايه هل حد جبها او يعرف حد جابها وبنائا عليه بيخوفك منها ولا العادى بتاعنا ادعائنا اننا بنفهم فى كل شى وبقول ده حلو وده وحش وخلاص بدون تجربه
معلش يا استاذ توفيق حضرتك بتعمل الصيانه فين GIFT4U

A7MED NASSER
11-04-2011, 12:35 PM
حلوه العربيه (ما شاء الله) و ربنا يحفظهالك يارب

DR-HEMA
14-05-2011, 04:58 AM
هل فى منها موديل 2012 هينزل ولا العربيه ده ماتت على كده

سمسوماه
24-06-2011, 02:09 AM
مبروووووووووووووك
عليك العربيه
تتهنى بيها ويجعلك فيها السلامه يارب

alpopm
03-01-2013, 09:02 PM
ربنا يوفق ويبارك للك فيها ويكفيك شرهاSLAM

رامى3
27-08-2013, 03:28 PM
هى العربيه ده لسه فى منها زيرو