المساعد الشخصي الرقمي

مشاهدة النسخة كاملة : حملة أنقاص الوزن


phantiza
03-08-2010, 03:28 PM
اخوكم خريج جامعة القاهرة
تحت امر اعضاء المنتدي في اي سؤال او استفسار في اي مجال يخص العلاج الطبيعي والتخسيس
مع العلم هذة الخدمة ليست للشهرة ابدا او المنفعة الخاصة انما المقصد بها وجة الله تعالي علي ماعطاة لي ورد الجميل للمنتدي علي الاضافات اليومية في مجال السيارات

corsair
04-08-2010, 10:20 AM
اهلا بيك يا دكتور ونورت المنتدي

انا عن نفسي كبرت دماغي من موضوع التخسيس ده لان خسيت يجي 20 مره وبرجع ازيد تاني ليه لاني مبعرفش امشي علي سيستم ثابت

وده عيب فيا

مع ان انا من النوع اللي بيخس بسرعه جدا يعني لو مشيت اسبوع صح ممكن انزل 8 كيلو

بس زي ما قولتلك برجع الخبط تاني

احمد بدر1978
04-08-2010, 10:27 AM
وانا زية بطلع وانزل لما زهقت ابر صينى ونظام اكل
ونورت المنتدى

بدر بسيونى
04-08-2010, 10:29 AM
اخوكم خريج جامعة القاهرة
تحت امر اعضاء المنتدي في اي سؤال او استفسار في اي مجال يخص العلاج الطبيعي والتخسيس
مع العلم هذة الخدمة ليست للشهرة ابدا او المنفعة الخاصة انما المقصد بها وجة الله تعالي علي ماعطاة لي ورد الجميل للمنتدي علي الاضافات اليومية في مجال السيارات

اهلا بيك فى اسرتنا المتواضعة

phantiza
04-08-2010, 12:17 PM
شوف ياخي
المشكلة كلها الي بيعاني منها 90%من حالات التخسيس اللي هيا نقص العزيمة والحافز اللي بيكونو موجودين اول الريجيم بمرور الوقت بيحصا حالة من المللل والرتابة وهي دي اكبر مشكلة دي بقي بتعتمد علي الدكتور نفسة واسلوبةمع الحالات لزيادة الحافز والتشجيع لازم ولابد انك تحط هدف امامك اللي هو الرقم اللي انت تثبت وزنك علية اللي مفروض تعرفة مع اول كشف للدكتورلو حاطتة في دماغك صدقني حتوصل في اسرع وقت وتثبت وزنك عشان متزدش تاني خالص

corsair
04-08-2010, 12:30 PM
المشكلة ان كل الدكاتره اللي اتعاملت معاهم مفيش حد فيهم فهمني وكل واحد فيهم يقولي طب خد النظام ده امشي عليه لما كرهت كلمة نظام

أحمد فاروق سيد
04-08-2010, 01:15 PM
أهلاً وسهلاً بيك يا دكتور ... نورت المنتدى
وجزاك الله خيراً على تعاونكم وزادك الله فى العطاء

أنا كمان حالتى بالظبط زى أحمد ممدوح corsair
الفتور ... لأن طبيعة عملى بتخلينى طول اليوم برا البيت
وبالتالى الوجبة الأساسية هى العشاء وأعتقد أنها المسبب الرئيسى للسمنة
أنا بعمل رچيم مع نفسى بيجيب نتيجة بطيئة شوية
وهى أنى آكل نص الطبيعى
بس أنا كنت سمعت أن فى نظام غذائى للى وجبتهم الأساسية بالليل
يعتمد على وجبات تحرق بعضها ...
فلو أمكن أيه هو النظام المناسب لنا

وكمان كنت عايز تمرين لتقوية عضلات الظهر يكون سهل
لأنى كان جالى من فترة
إنزلاق غضروفى " رابعة وخامسة "
وكان قالى الدكتور لازم تعمل تمارين فى البيت
ونظراً لعدم وجود وقت لم أذهب للعلاج الطبيعى
أطلت عليكم وجزاكم الله خيراً

منعم الكنج
04-08-2010, 03:03 PM
مساء الخير يا دكتور عمرو كنت عايز اتكلم معاك على الخاص وده الايميل بتاعى LAHZABAREAA@YAHOO.COM او الاكونت بتاعى على الفيس http://www.facebook.com/?ref=home#!/profile.php?id=100001289433346ومستنى رد حضرتك

x94
05-08-2010, 05:11 AM
ممكن تعملي اضافة ؟
emmo_cool_94@live.com

phantiza
05-08-2010, 04:57 PM
شوف ياخي من كلامك واضح ان المشكلة بسيطة جدا بمعني انك لو ظبط الوجبة بتاعة بليل يبقي معندكش مشكلة
اولا ممنوع الاكل قبل النوم مباشرة لازم ساعتين علي الاقل
ثانيااولا ماترجع البيت اشرب علي الاكل 2كوب ماء وبعدين خلص طبق السلطة وبعد تلت ساعة ممكن تبدا الاكل
ثالثا حتخلي الوجبة الاساسية ليك الافطار مش العشاء يعني تاكل فيها العيش مع اي حاجة فول جبن بيض زبادي لانشون
بالنسبة للتمارين جايhttp://www.youtube.com/watch?v=qe-N71CDCCgبللك فيديو يوضح التمارين

أحمد فاروق سيد
05-08-2010, 06:28 PM
جزاك الله خيراً وألف مليون شكر يا دكتور على الرد الوافي

phantiza
07-08-2010, 12:59 PM
مش بقعد علي النت كتير معلش اي استفسار ممكن علي الخاص او الموبايل تحت امرك

phantiza
05-04-2011, 12:32 PM
من خلال خبرتي المتواضعة لاحظت اكتر من معلومة مغلوطة منتشرة بين الناس عن التخسيس وللاسف كتير بيطبقها وليها اثارها الجانبية مثلا

عدم تناول الافطار
يؤدي بنتيجة عكسية حيث يتم تناول كميات كبيرة من الاكل في وجبتي الغداء والعشاء لتعويض حرمان الجسم من قلة السعرات المطلوبة لاتمام الفرد نشاطة اليومي .
من ناحية اخري يؤدي لبطء عملية الاحتراق في الجسم وعدم خسارة الوزن بسهولة

شرب مياة ساخنة علي الريق
وهذة مصيبة كبري حيث انها تؤدي الي قرحة المعدة للخلل الذي يحث في العصارة الموجودة في المعدة مع تكرار شرب المياة الساخنة لفترة طويلة
المفاجاة ان الي بينزل الوزن المياة الباردة لسبب بسيط ان الجسم بيحتاج عدد من السعرات يفقدها لمعادلة درجة حرارة الجسم مع الماء البارد بيصل لحوالي 4 سعر حراري

الرياضة تزيد من سرعة نزول الوزن
هذة المقولة غير كاملة حيث ان نزول الوزن اساسا يعتمد علي نظام اكل غير مرتبط بممارسة الرياضة (يعني يكفي فقط نظام الاكل لنزول الوزن بغض النظر عن الرياضة )

اتباع نوع واحد فقط من الاكل
هذا النظام اسمةالريجيم الكيميائي يعتمد في فكرتة علي التفاعلات الكيميائية الحيوية التي تحدث داخل الجسم لاعاقة الجسم لتكوين اي دهن اضافي بالاضافة لحرق الدهن الموجود .يعتمد علي فهم وتوجية العمليات الكيميائية داخل الجسم عن طريق التحوير في نظام الاكل ونوعياتة
بيكون مثلا اول يوم فاكهة تاني يوم جبن تالت يوم شورية خضار .... وهكذا ..
هذا النظام من مزاياة سرعة نزول الوزن في اقرب وقت ..اما عيوبة حدث ولاحرج اولا حرمان الجسم من كمية الفيتامينات والبروتينات الاساسية للجسم بعد مرور الوقت ممكن يحدث انيميا ..سقوط الشعر .. شحوب الوجة ..لاقدر الله سقوط كلية في بعض الحالات

عدم تثبيت الوزن
بعد مرور وقت معين يصل الشخص للوزن المطلوب في هذة المرحلة تكون العزيمة قلت وكمان بيكون وصل لحالة من الملل .. يقوم باكبر غلطة في مرحلة نزول الوزن وهيا عدم التثبيت وللاسف بيخسر كل الي بدء فية لانة ببساطة بيرجع للوزن الي كان علية وفي حالات كثييرة اكبر من الوزن الاساسي ..وكمان النزول لايكون بنفس السهولة لاول مرة (يطلق علي هذة الحالات اصحاب الوزن اليويو)

الوجبة الاساسية وجبة العشاء
كثير منا يعتبر الوجبة الاساسية هيا العشاء علي اساس انها المكافاة الي بيحصل عليها بعد يوم طويل من التعب والارهاق ..عشان كدة معظمهم يكونوا من اصحاب الكرش لعدم توافر الوقت الازم لاتمام عملية الهضم السليم بالتالي يسمح بفرصة تكون نسبة اكبر من الدهون في البطن يؤدي لضعف عضلة البطن النتيجة زيادة الكرش
لابد من ترك فترة لاتقل عن ساعتين عن اخر وجبة قبل النوم
حساب الوزن علي اكثر من ميزان
طبعا للاستعجال وعدم الصبر يقوم الفرد بوزن نفسة كل يوم او يومين لمتابعة نزول الوزن وهنا تكون الصدمة انة يواجهة حقيقة ان وزنة يكاد يكون ثابت او احيانا يكون فية زيادة طبعا بيحصل عملية احباط وعدم تكملة الريجيم
طبعا الموضوع يتلخص ان مفيش موازين زي بعض يعني كل ميزان حضرتك توزن علية حيديك وزن مختلف
عشان كدة لازم تثبت الميزان وكمان ممنوع منعا باتا الوزن الا بعد اسبوع عشان تلاقي الوزن المطلوب تحقيقة
لكم جزيل الشكر وسلم الله الجميع

فادي مكرم
05-04-2011, 12:38 PM
شكرا للمعلومات
مفيدة برضه :)

corsair
05-04-2011, 12:39 PM
الله عليك يا دكتور عمر ربنا ما يحرمنا من معلوماتك الجميلة ديه ومنتظر افتتاحك لعيادة بالقاهره ربنا يوفقك يا دكتور

sad-bird
05-04-2011, 12:56 PM
تسلم ايدك يا دكتورعمرو على النصائح الجامدة دي

بس مقلتلناش
هتعمل ايه معانا
احمد ممدوح
عمرو مصطفي
كريم علي
احمد عماد
والعبد لله
GIFT4UGIFT4U

phantiza
05-04-2011, 01:05 PM
ياااااااااااة
انت لسة فاكر انا يحسبك صرفت نظر عن الموضوع ...علي العموم ممكن نظبط علي حسب احتياجك

sad-bird
05-04-2011, 01:12 PM
ياااااااااااة
انت لسة فاكر انا يحسبك صرفت نظر عن الموضوع ...علي العموم ممكن نظبط علي حسب احتياجك

ظبط يا باشا ظبط
لا مصرفتش بس احنا توقفنا لانك قلتلي ان الجهاز بيقلل محيط البطن وانا محجتاج اخس في كل مناطق الجسم لان بدأت الدهون ترسب في اكتر من مكان

phantiza
05-04-2011, 01:45 PM
يبقي محتاج من حضرتك تقولي الطول والوزن ونبدء النظام الغذائي

sad-bird
05-04-2011, 01:54 PM
بعتلك على الخاص يا باشا
شكرا على الاهتمام
GIFT4UGIFT4U

د.كمال
05-04-2011, 01:58 PM
معلومات قيمه ومجهود تشكر عليه

_amr.mostafa_
05-04-2011, 03:07 PM
طب ممكن طلب يا باشا لو مفيش ازعاج هل ممكن طريقة نزول للوزن

سريعه وسهله؟ وياريت تعملنا موضوع عن ده عشان احنا في رشاقه جامده عندنا:crazyW14:

kimocyc
05-04-2011, 04:25 PM
شكرا للمعلومات المفيدة

MIDO-SPICY
05-04-2011, 04:41 PM
تسلم ايدك يا دكتورعمرو على النصائح الجامدة دي

بس مقلتلناش
هتعمل ايه معانا
احمد ممدوح
عمرو مصطفي
كريم علي
احمد عماد
والعبد لله
GIFT4UGIFT4U

ايه التشريد دا يا محمد يا على ؟؟؟

sad-bird
05-04-2011, 04:47 PM
ايه التشريد دا يا محمد يا على ؟؟؟



هوه ده تشريد
444546444546


امال مقاس البنطلون اللي انت عامله في موضوع احمد ممدوح يبقى ايه
اقول مقاس البنطلون


















والا بلااااااااااااااااااااااااااش

خلي الطابق مستووووووووووووووووووور

mesho70
05-04-2011, 05:05 PM
- شكرا ً دكتور على المعلومات
- لكن المشكلة انك كل فترة تسمع عن سحب نوع من ادوية التخسيس من السوق
- بعد ما تكون الناس بلبعت منة كثير

_amr.mostafa_
05-04-2011, 05:09 PM
تسلم ايدك يا دكتورعمرو على النصائح الجامدة دي

بس مقلتلناش
هتعمل ايه معانا
احمد ممدوح
عمرو مصطفي
كريم علي
احمد عماد
والعبد لله
GIFT4UGIFT4U

حتى هنا .. بتفضحني يعني ها ...

ادي اخرت اللي يقولك حاجه..تحب نتطلع اسرار بعض .444546

twlight
05-04-2011, 05:34 PM
مساء الخير دى اول مشاركه ليه فى الموقع وحابه انها تكون فى الموضوع ده لانه مهم بالنسبالى جدا علشان الصحه العامه .
اولا: ميرسى على المعلومات القيمه ده
ثانيا: ياريت حضرتك تقولنا على طريقه فعلا للتثبيت سوء كان بعد ريجيم او عموما

phantiza
05-04-2011, 05:41 PM
طب ممكن طلب يا باشا لو مفيش ازعاج هل ممكن طريقة نزول للوزن

سريعه وسهله؟ وياريت تعملنا موضوع عن ده عشان احنا في رشاقه جامده عندنا:crazyW14:
فية عدة طرق للتخسيس طبعا بعد البدء في النظام الغذائي
تحت امرك

phantiza
05-04-2011, 05:53 PM
مساء الخير دى اول مشاركه ليه فى الموقع وحابه انها تكون فى الموضوع ده لانه مهم بالنسبالى جدا علشان الصحه العامه .

اولا: ميرسى على المعلومات القيمه ده

ثانيا: ياريت حضرتك تقولنا على طريقه فعلا للتثبيت سوء كان بعد ريحيم او عموما

طبعا التثبيت بيكون برضة نظام غذائي للاسف فية اشاعات طلعت ان فية حقن او جلسات تثبيت

_amr.mostafa_
05-04-2011, 06:00 PM
فية عدة طرق للتخسيس طبعا بعد البدء في النظام الغذائي
تحت امرك


ما هو المشكله كلها في النظام الغذائي

وانا حاولت قبل كده محاوله فاشلة جدا فيه

walidelwahsh
05-04-2011, 06:16 PM
مشكوررررررررررررررررر جدا
:14369D~149::14369D~149::14369D~149:

phantiza
06-04-2011, 12:25 AM
ما هو المشكله كلها في النظام الغذائي

وانا حاولت قبل كده محاوله فاشلة جدا فيه
اتمني تكون بدات مع دكتور وبعد اسبوع تقدر تحكم علي نفسك ..

_amr.mostafa_
06-04-2011, 01:18 AM
هو انا كنت بدات بس للاسف انو النظام الغذائي بيعتمد على اكل معين

واهلي بيكلو اكل وبتبقى لخبطه وحوسه على راي واحد يا البيت كله يخس يا بلاش

وكنت عايز اسالك فيه ابر صينية بتتركب في الودن رايك فيها ايه ؟

ياريت تفتح موضوع للاستفسارات

corsair
06-04-2011, 01:31 PM
يا ريت فعلا تقولنا يا دكتور عمر الابر الصينيه اللي بتتحط في الودان ديه ليها لازمه ولا ايه

المشكله فعلا زي ما قال عمر مصطفي ان البيت كله مبيسعدش حد في انه ينزل جسمه تبقي ليك وجبات معينه والمفروض اروح من الشغل الالقيها جاهزه

افوجء بانهم عاملين اكل تاني خالص ويبقي غصب عن الواحد لازم يعك

_amr.mostafa_
06-04-2011, 02:01 PM
يا ريت فعلا تقولنا يا دكتور عمر الابر الصينيه اللي بتتحط في الودان ديه ليها لازمه ولا ايه

المشكله فعلا زي ما قال عمر مصطفي ان البيت كله مبيسعدش حد في انه ينزل جسمه تبقي ليك وجبات معينه والمفروض اروح من الشغل الالقيها جاهزه

افوجء بانهم عاملين اكل تاني خالص ويبقي غصب عن الواحد لازم يعك


وبتبقى مشكله انو يتعمل كذا نوع للاكل ليك نوع وليهم انواع ..وسعات بيكون في النظام الغذائي حاجات

عجيبة زي سمك مشوي في العشا ..:crazyW14:

phantiza
06-04-2011, 05:30 PM
هو انا كنت بدات بس للاسف انو النظام الغذائي بيعتمد على اكل معين

واهلي بيكلو اكل وبتبقى لخبطه وحوسه على راي واحد يا البيت كله يخس يا بلاش

وكنت عايز اسالك فيه ابر صينية بتتركب في الودن رايك فيها ايه ؟

ياريت تفتح موضوع للاستفسارات
سيدي الفاضل لازم الاول اول كلمة الدكتور يقولهاللك انك تاكل لوحدك لاكن نوع الاكل زيهم بس طبعا بكميات مناسبة لظروفك
الابر الصينية الي في الودن مسئولة عن فقدان الشهية بس طبعا مش مع اي حد ممكن تكون مجدية
فعلا كنت فتحت موضوع الاستفسارات اول ماشتركت في المنتدي بس للاسف الادارة لم تقم بتثبيت الموضوع

_amr.mostafa_
06-04-2011, 06:00 PM
سيدي الفاضل لازم الاول اول كلمة الدكتور يقولهاللك انك تاكل لوحدك لاكن نوع الاكل زيهم بس طبعا بكميات مناسبة لظروفك
الابر الصينية الي في الودن مسئولة عن فقدان الشهية بس طبعا مش مع اي حد ممكن تكون مجدية
فعلا كنت فتحت موضوع الاستفسارات اول ماشتركت في المنتدي بس للاسف الادارة لم تقم بتثبيت الموضوع


ياريت تكتب رد فيه وان شاء الله هنتابع حضرتك

phantiza
06-04-2011, 06:02 PM
up up upGIFT4U

_amr.mostafa_
06-04-2011, 06:04 PM
ايه افضل نظام واسهل نظام للمشي عليه

وهل لو تركنا العشاء مفيد ؟؟

sad-bird
06-04-2011, 06:06 PM
دكتور عمرو
سمعت ان فيه مربي بتتعمل من الاعشاب عند حراز اللي في باب الخلق بتسد النفس
هل دي تنفع تستعمل بدل الابر الصينية ومع الريجيم المتبع والا لأ

phantiza
06-04-2011, 06:36 PM
عاوزك بس الاول تجرب من غير اي عامل مساعد لاكن لو حسيت انك حتضعف ممكن تجيب المربي دي وكمان عند حراز اعشاب اسمها سفوف التخسيس برضة حتساعدك

sad-bird
06-04-2011, 06:42 PM
عاوزك بس الاول تجرب من غير اي عامل مساعد لاكن لو حسيت انك حتضعف ممكن تجيب المربي دي وكمان عند حراز اعشاب اسمها سفوف التخسيس برضة حتساعدك

شكرا يا باشا على الرد
GIFT4UGIFT4U
ده الاكيد اني هضعف لان مفيش حد هيشجع في البيت
بالعكس انا مشكلتي زي ما قلتلك لما بتعصب بااااااااااكل
ومش بستني حد يجيبلي اكل
بدخل انا واعمل
فالحل عندي حاجة من اثنين
1. اني ابعد عن البيت خااااااااااااااالص
2. اني اجرب العوامل المساعدة

وكمان عمرو مصطفي وعدني انه لما ينزل الاجازة الجاية هيجي يمشي معايا كل يوم

phantiza
06-04-2011, 06:48 PM
فية ثوابت لازم تاخد باللك منها
اولا : اخر وجبة ليك قبل النوم بساعتين
ثانيا:تجنب شرب الماء اثناء وبعد الاكل (المفروض تشرب قبل كل وجبة 2 كوب ماء )
ثالثا:اكل النشويات بكميات معتدلة (لاتصل لمرحلة الشبع )
رابعا:الفاكهة تكون بعد الوجبات الاساسية علي الاقل بساعة
خامسا:ممنوع العيش في العشاء
سادسا:لابد من الحفاظ علي 3 ملاعق سكر علي مدار اليوم

كل هذة الملحوظات بجانب الممنوعات من الاكل زي مثلا (مياة غازية -قصب-لبان- مخلل ........الي اخر قائمة الممنوعات المعروفة
صدقني في ظرف اسبوع حتلاقي تغيير في الوزن بدون اي مساعد خارجي (الادوية -اعشاب .....................)
تقبل تحياتي

phantiza
06-04-2011, 07:02 PM
افضل انك تاخد السفوف دي بعد ماتكون لخبطت في الاكل واعمل حسابك انك تكون في البيت عشان حتخليك تدخل الحمام
يعني متخدهاش الا في الضرورة

sad-bird
06-04-2011, 07:11 PM
افضل انك تاخد السفوف دي بعد ماتكون لخبطت في الاكل واعمل حسابك انك تكون في البيت عشان حتخليك تدخل الحمام
يعني متخدهاش الا في الضرورة


هيا السفوف دي فيها Ferosimed
:hd::hd:

sad-bird
06-04-2011, 07:20 PM
برجاء التثبيت من الادارة حتى تعم الفائدة

_amr.mostafa_
06-04-2011, 07:24 PM
فية ثوابت لازم تاخد باللك منها
اولا : اخر وجبة ليك قبل النوم بساعتين
ثانيا:تجنب شرب الماء اثناء وبعد الاكل (المفروض تشرب قبل كل وجبة 2 كوب ماء )
ثالثا:اكل النشويات بكميات معتدلة (لاتصل لمرحلة الشبع )
رابعا:الفاكهة تكون بعد الوجبات الاساسية علي الاقل بساعة
خامسا:ممنوع العيش في العشاء
سادسا:لابد من الحفاظ علي 3 ملاعق سكر علي مدار اليوم

كل هذة الملحوظات بجانب الممنوعات من الاكل زي مثلا (مياة غازية -قصب-لبان- مخلل ........الي اخر قائمة الممنوعات المعروفة
صدقني في ظرف اسبوع حتلاقي تغيير في الوزن بدون اي مساعد خارجي (الادوية -اعشاب .....................)
تقبل تحياتي

طيب هل ينصح بالغاء العشاء .تماما .

وهل من الممكن شرب مياه غازية دايت زي سيفن اب

_amr.mostafa_
06-04-2011, 07:26 PM
برجاء التثبيت من الادارة حتى تعم الفائدة


وخصوصا انو كل المنتدى مش عايز يخس:hd:

_amr.mostafa_
06-04-2011, 07:31 PM
شكرا يا باشا على الرد
GIFT4UGIFT4U
ده الاكيد اني هضعف لان مفيش حد هيشجع في البيت
بالعكس انا مشكلتي زي ما قلتلك لما بتعصب بااااااااااكل
ومش بستني حد يجيبلي اكل
بدخل انا واعمل
فالحل عندي حاجة من اثنين
1. اني ابعد عن البيت خااااااااااااااالص
2. اني اجرب العوامل المساعدة

وكمان عمرو مصطفي وعدني انه لما ينزل الاجازة الجاية هيجي يمشي معايا كل يوم

اخر نقطه دي مشكوك في صحتها ..

_amr.mostafa_
06-04-2011, 07:33 PM
هي السفوف دي ايه ؟؟

nktis
06-04-2011, 07:33 PM
جزاك الله خيرا دكتور عمرو
انا مشكلتي اني زي كتير من الاخوه اغلب شغلتي قاعد ووجبتي الاساسيه لما بروح وبتبع بعض نصايحك اللي ذكرتها كشرب 2 كوب ماء او عصير قبل الاكل وتناول السلطه بس مش اول الوجبه ( ببلع بيها هي والشربه) ومشكلتي كرش فقط لان وزني والحمدلله مظبوط...
فكنت عايز من معاليك تقولي تمرينات لتقويه عضلات البط غير نام علي ضهرك وشد وارفع رجليك لمده زمنيه.

sad-bird
06-04-2011, 07:57 PM
هي السفوف دي ايه ؟؟


اعشاب لما تنزل مصر هنروج نجيبها انا وانت

_amr.mostafa_
06-04-2011, 07:59 PM
اعشاب لما تنزل مصر هنروج نجيبها انا وانت


من سابع المستحيلات اني اكل اعشاب ولا شاي بالاعشاب

ده انا والدي كان جايب كيسين شاي اعشاب عشان نجرب

كنت هاموت وانا بشرب من الريحه حرام عليك يا عم .

twlight
06-04-2011, 08:41 PM
انا عارفه انه بيبقى نظام غذائى بس لازم يكون برده مع دكتور ؟ ولا ممكن اعمله مع نفسى اما بالنسبه ان بيحصل لخبطه بدال البيت كله مش ماشى على ريجيم الانسان لو عنده عزيمه وعاوز يعمل حاجه هيعملها بس المهم هو يكون عاوز من جوه

phantiza
07-04-2011, 12:13 AM
هيا السفوف دي فيها Ferosimed
:hd::hd:
السفوف دي فيها عشبة رجل الاسد وجنزبيل وكمون وقرفة وسنامكي

sad-bird
07-04-2011, 12:26 AM
السفوف دي فيها عشبة رجل الاسد وجنزبيل وكمون وقرفة وسنامكي


يبقى هو السنامكي ده اللي هيبهدل الدنياااااااااااااااااااااااااااا

phantiza
07-04-2011, 12:50 AM
ههههههههههه
برافووووووووو صح

ابو حسين
07-04-2011, 02:58 AM
شكرا للمعلومات المفيدة

corsair
07-04-2011, 01:18 PM
والله احنا عايزين سيوف مش سفوف علشان نخس

ادعيلنا يا دكتور الواحد حاسس ان الاسانسير والعربية والقاعده في المكتب جابو اجل الواحد

phantiza
08-04-2011, 09:26 AM
طيب هل ينصح بالغاء العشاء .تماما .

وهل من الممكن شرب مياه غازية دايت زي سيفن اب
نعم يفضل الغاء العشاء الالو حسيت بالجوع
ممكن تبدل المياة الغازية الدايت بااي عصر فريش او عصير بيور او ممكن h2o

phantiza
08-04-2011, 09:33 AM
جزاك الله خيرا دكتور عمرو
انا مشكلتي اني زي كتير من الاخوه اغلب شغلتي قاعد ووجبتي الاساسيه لما بروح وبتبع بعض نصايحك اللي ذكرتها كشرب 2 كوب ماء او عصير قبل الاكل وتناول السلطه بس مش اول الوجبه ( ببلع بيها هي والشربه) ومشكلتي كرش فقط لان وزني والحمدلله مظبوط...
فكنت عايز من معاليك تقولي تمرينات لتقويه عضلات البط غير نام علي ضهرك وشد وارفع رجليك لمده زمنيه.
تمارين البطن حتكون عامل مساعد الي حضرتك محتاجة فقط تنظيم الاكل بمعني
عدم تناول بين الوجبات(مياة غازية او .....) وبعد الوجبات (فاكهة مثلا بعد الوجبات)
لو فعلا حضرتك مظبط الاكل وفقط البطن الي حجمها زائد في اكتر من جهاز للقضاء علي الموضوع دة لان 99% من الي بيعانو من السمنة ليهم كرش
قريب حعمل موضوع عن نوع الاجهزة دي وفائدة كل واحد والاسعار كمان

MIDO-SPICY
08-04-2011, 11:28 AM
هل فيه اى ادويه يا دوك بتساعد فى انقاص الوزن بدون ما تلعب فى الهرمونات او المخ
او يكون ليها اى تاثير سلبى على جميع وظايف الجسم ؟؟؟
وتسلم ايدك على الموضوع
فيه ناس كتير محتاجه الموضوع دا
طبعا انا مش منهم خال
:crazyW14::crazyW14::crazyW14:

corsair
08-04-2011, 12:28 PM
هو يا دكتور لازم موضوع تنظيم مواعيد الاكل ده

phantiza
08-04-2011, 02:13 PM
هل فيه اى ادويه يا دوك بتساعد فى انقاص الوزن بدون ما تلعب فى الهرمونات او المخ

او يكون ليها اى تاثير سلبى على جميع وظايف الجسم ؟؟؟
وتسلم ايدك على الموضوع
فيه ناس كتير محتاجه الموضوع دا
طبعا انا مش منهم خال

:crazyW14::crazyW14::crazyW14:

ازيك ياميدو
ادوية التخسيس ملهاش دعوة بالهرمونات ..اما ادوية الي بتاثر علي المخ اتلغت بقالها 3شهور
فية طبعا ادوية كتييييييير عشان السمنة فية منها الي بيقلل الشهية وفية الي بيقلل امتصاص الدهون وفية انواع كتير منها
طبعا الي بيحدد الدواء المناسب الدكتور المعالج علي حسب نسبة الدهون في الجسم وكمان توزيعها وطبيعة الشخص نفسة ...الخ الخ

phantiza
08-04-2011, 02:20 PM
هو يا دكتور لازم موضوع تنظيم مواعيد الاكل ده
طبعا ياباشا يعني مينفعش اضرب بيتزا بليل واقول ماكلتش طول النهار ..اول فطيرة حلوة كدة الصبح واقول مش حاكل باقية اليوم
واخدلي باللك ياعم احمد هههههههههههههههه

مصراوى اصلى
08-04-2011, 02:57 PM
طب ازاى اعرف الوزن المثالى ليا علشان اقدر احافظ على صحتى باذن الله:14369D~149:

phantiza
09-04-2011, 12:33 AM
طب ازاى اعرف الوزن المثالى ليا علشان اقدر احافظ على صحتى باذن الله:14369D~149:

في عدة طرق ابسطها والاكثر شيوعا انك تنقص 100 من الطول
يعني لو وزنك 85 كيلو وطوللك 155 سم الطبيعي في حدود من 55 كيلو ل 60 كيلو

سالم سلامه
09-04-2011, 12:38 AM
هل صحيح انه كلما اكتئب الانسان يصبح عنده قابليه للاكل بشراهه:WEIGHT~173:

MIDO-SPICY
09-04-2011, 10:49 AM
ازيك ياميدو
ادوية التخسيس ملهاش دعوة بالهرمونات ..اما ادوية الي بتاثر علي المخ اتلغت بقالها 3شهور
فية طبعا ادوية كتييييييير عشان السمنة فية منها الي بيقلل الشهية وفية الي بيقلل امتصاص الدهون وفية انواع كتير منها
طبعا الي بيحدد الدواء المناسب الدكتور المعالج علي حسب نسبة الدهون في الجسم وكمان توزيعها وطبيعة الشخص نفسة ...الخ الخ
تسلم ايدك يا عمور على الرد
وبجد موضوعك مفيد جدا جدا جدا
ارجوا التواصل دايما فيه
انا بس ليه سؤال بناء على ردك
هل اخد الدوا دا معناه انه لازم مع الدوا انى اعمل ريجيم ولا مجرد الدوا مع التقليل بنسبة قليله فى الاكل يجيب نتيجه
وممكن بعد اد ايه مع الادويه دى الواحد يحس بفرق فى جسمه وليكن 10 كيلو مثلا ؟

ahmedlion599
09-04-2011, 02:36 PM
السلام عليكم ورحمة الله وبركاته,,
مبدئيا بشكر حضرتك عالموضوع الجميل ده وجزاك الله كل الخير ,
انا عندى فلات فوت , بس لما بتنى رجلى القوس بيبان , فهل ممكن اتخلص من الموضوع ده بالعلاج الطبيعى؟؟؟

phantiza
09-04-2011, 03:13 PM
هل صحيح انه كلما اكتئب الانسان يصبح عنده قابليه للاكل بشراهه:WEIGHT~173:
نعم عند بعض الناس بيحصل ليهم خلل في عملية الهضم بداية من المضغ حتي الاخراج لتناول الاكل بنهم وعدم الاكتراث بكميات محددة من الاكل
وهناك عامل اخر مهم وهو افراز الجسم لهرمون crhالمحفز لافراز الكورتيكوبروتين المسئول عن عدة وظائف منها رفع مستوي السكر في الدم

phantiza
09-04-2011, 03:18 PM
تسلم ايدك يا عمور على الرد

وبجد موضوعك مفيد جدا جدا جدا
ارجوا التواصل دايما فيه
انا بس ليه سؤال بناء على ردك
هل اخد الدوا دا معناه انه لازم مع الدوا انى اعمل ريجيم ولا مجرد الدوا مع التقليل بنسبة قليله فى الاكل يجيب نتيجه

وممكن بعد اد ايه مع الادويه دى الواحد يحس بفرق فى جسمه وليكن 10 كيلو مثلا ؟

طبعا الريجيم اساسي لاكن الدواء عامل مساعد فقط ..علي فكرة مش بنكنتب ادوية التخسيس الا في حالة بطء نزول الوزن لاكن غير كدة غير محبذ ابدا استعمال الادوية وكمان بتكون بوقت معين ويتم ايقافها
طبعا تنزل 10 كيلو مثلا علي حسب نسبة الدهون عندك اد اية ونسبة الماء في جسمك نقدر نحددللك الفترة الي محتاجها
لاكن عموما النزول الطبيعي في الشهر من 7 ل 10 كيلو بتختلف من شخص لاخر

phantiza
09-04-2011, 03:22 PM
السلام عليكم ورحمة الله وبركاته,,
مبدئيا بشكر حضرتك عالموضوع الجميل ده وجزاك الله كل الخير ,
انا عندى فلات فوت , بس لما بتنى رجلى القوس بيبان , فهل ممكن اتخلص من الموضوع ده بالعلاج الطبيعى؟؟؟
ياتري حضرتك بتعاني من اي الام في المفاصل ولا فقط الشكل فقط؟؟؟

ahmedlion599
09-04-2011, 03:57 PM
ياتري حضرتك بتعاني من اي الام في المفاصل ولا فقط الشكل فقط؟؟؟
لما بمد وانا ماشى أو ببذل مجهود أو بجرى , بس بعد شوية بيكون الألم راح , والألم ده بيكون بس فى مشط رجلى بس ومبحسش بأى ألم فى المفاصل.
أنا نفسى أعالجها عشان يمكن أرجع وأقدم فى كلية عسكرية , أنا متقبلتش فى الأكاديمية بسبب الموضوع ده ...

phantiza
09-04-2011, 04:10 PM
لما بمد وانا ماشى أو ببذل مجهود أو بجرى , بس بعد شوية بيكون الألم راح , والألم ده بيكون بس فى مشط رجلى بس ومبحسش بأى ألم فى المفاصل.
أنا نفسى أعالجها عشان يمكن أرجع وأقدم فى كلية عسكرية , أنا متقبلتش فى الأكاديمية بسبب الموضوع ده ...
افضل حضرتك تزور اي طبيب عظام لتحديد درجة الفلات فوت لتحديد نوع العلاج سواء جراحة او تركيب سيلكون في الحذاء او حتي علاج طبيعي

ahmedlion599
09-04-2011, 04:44 PM
افضل حضرتك تزور اي طبيب عظام لتحديد درجة الفلات فوت لتحديد نوع العلاج سواء جراحة او تركيب سيلكون في الحذاء او حتي علاج طبيعي
شكرا يا باشا

phantiza
09-04-2011, 06:05 PM
لاشكر علي واجب
تحت امرك واعضاء المنتدي الكرام

MIDO-SPICY
09-04-2011, 06:21 PM
طبعا الريجيم اساسي لاكن الدواء عامل مساعد فقط ..علي فكرة مش بنكنتب ادوية التخسيس الا في حالة بطء نزول الوزن لاكن غير كدة غير محبذ ابدا استعمال الادوية وكمان بتكون بوقت معين ويتم ايقافها
طبعا تنزل 10 كيلو مثلا علي حسب نسبة الدهون عندك اد اية ونسبة الماء في جسمك نقدر نحددللك الفترة الي محتاجها
لاكن عموما النزول الطبيعي في الشهر من 7 ل 10 كيلو بتختلف من شخص لاخر
تسلم يدك يا دوك

nktis
10-04-2011, 09:27 PM
والله احنا عايزين سيوف مش سفوف علشان نخس

ادعيلنا يا دكتور الواحد حاسس ان الاسانسير والعربية والقاعده في المكتب جابو اجل الواحد
بيني وبينك ...الوزن كام ؟
وهقلك من الاخر تخس ازاي............بس هتضحي بالفلوس شويه

_amr.mostafa_
10-04-2011, 09:29 PM
بيني وبينك ...الوزن كام ؟
وهقلك من الاخر تخس ازاي............بس هتضحي بالفلوس شويه


ادوية يعني ولا ايه يادوكتور؟؟

hananelhosiny
12-04-2011, 09:31 AM
مش عارفة الفكرة دى متهيألى تكون مفيدة للكل



تيجو نشجع بعض علشان نقلل من أوزاننا



وللى عاوز يشارك بالحملة يدخل يسجل الوزن والطول



و دكاترة مكافحة السمنة والعلاج الطبيعى بالمنتدى يتابعونا .



ويتابعوا معانا أون لاين وتكون دى خدمة من الموقع للأعضاء وياريت تثبيت الموضوع لأهميته مش عارفة أيه رأيكم


ياريت تشاركونا جميعآ وتدخلوا تقولوا آرائكم


يلا نشجع بعض ونتسابق من أجل وزن مثالى


<?xml:namespace prefix = o ns = "urn:schemas-microsoft-comGIFT4UGIFT4UGIFT4UGIFT4U</o:p>

<o:p></o:p>

hananelhosiny
12-04-2011, 09:43 AM
فييييييييييييين الدكاترة اللى هيتبرعوا ويشاركونا ..... هاه ياجماعة

عاوزين مشجعين يلا نبتدى

:danceW7::danceW7::danceW7:

drbakr
12-04-2011, 09:45 AM
انا دكتور بشري.............وبرضة عايز أخس............يعني مشارك من الناحيتين.....متزعلش يا برنس

hananelhosiny
12-04-2011, 10:05 AM
انا دكتور بشري.............وبرضة عايز أخس............يعني مشارك من الناحيتين.....متزعلش يا برنس


وماله يادكتور .... واضح أن باب النجار مخلع ... بس ميجراش حاجة ...... طباخ السم بيدوقة .

بس مقولتش الطول والوزن ؟؟؟؟؟ايه ياترىايه ياترىايه ياترى

sad-bird
12-04-2011, 10:37 AM
فيه فعلا موضوعين معمولين لنفس الغرض
الروابط

http://www.masrmotors.com/vb/showthread.php?t=31515


http://www.masrmotors.com/vb/showthread.php?t=51599

hananelhosiny
12-04-2011, 10:53 AM
فيه فعلا موضوعين معمولين لنفس الغرض
الروابط

http://www.masrmotors.com/vb/showthread.php?t=31515


http://www.masrmotors.com/vb/showthread.php?t=51599

أشكر مرورك .... وبقول نعمل حملة علشان نشجع بعض يعنى كله يوزن فى موعد محدد نتفق عليه جميعآ وليكن 15/4/2011 ونأخذ نظام غذائى أسبوع بأسبوع ونتابع مع الدكتور عمرو أو الدكاتره المتبرعيين بالحملة وده لكى تعم الفائده على الجميع ان شاء الله .
:0369B3~177::0369B3~177::0369B3~177:

phantiza
12-04-2011, 11:13 AM
معاكو باذن الله
تحت امر اعضاء المنتدي للي فعلا عاوز يخس بجدية بكرر بجدية مش مجرد مشاركة والسلام
صدقوني النتايج حتكون مبهرة للي حيشترك خلال اسبوع فقط اوعد الي حيكون معانا حيلاقي تغيير للافضل من ناحية الوزن
اللي عاوزينو نجمع عدد الاول ونبتدي المسابقة زي مثلا الربح الاكبر كدة ونشوف مين اكتر واحد حيخس وطبعا لية مكافاة( مش شرط مالية )
ها مين قال يكون معانا ؟؟؟

sad-bird
12-04-2011, 11:15 AM
انت بتغريني والا ايييييييييييه

hananelhosiny
12-04-2011, 11:22 AM
معاكو باذن الله
تحت امر اعضاء المنتدي للي فعلا عاوز يخس بجدية بكرر بجدية مش مجرد مشاركة والسلام
صدقوني النتايج حتكون مبهرة للي حيشترك خلال اسبوع فقط اوعد الي حيكون معانا حيلاقي تغيير للافضل من ناحية الوزن
اللي عاوزينو نجمع عدد الاول ونبتدي المسابقة زي مثلا الربح الاكبر كدة ونشوف مين اكتر واحد حيخس وطبعا لية مكافاة( مش شرط مالية )
ها مين قال يكون معانا ؟؟؟


معاك يا دكتور وأنا هبدأ علشان براءة الأختراع من حقى بعد أذنك طبعآ يادكتور

الوزن 83 الطول 160

ROSE4UROSE4UROSE4U

sad-bird
12-04-2011, 11:28 AM
الطول 180



:hd::hd::hd::hd:

هو لازم حكاية الوزن دي

hananelhosiny
12-04-2011, 11:30 AM
ادعوكم جميعآ للأنضمام الى حملتنا الجديدة لانقاص الوزن Biggest Looser

والتى ندعو بها الجميع للحصول على الجسم المثالى

وسوف يفوز من ينجح فى أنقاص وزنه ( :12A96E~160:) ايه ياترىايه ياترىايه ياترى ؟؟؟؟؟؟؟؟

لتشجيع الجميع بالأنضمام لهذه الحملة

واتمنى لكم المزيد من النجاحات والانجازات

hananelhosiny
12-04-2011, 11:33 AM
الطول 180




:hd::hd::hd::hd:


هو لازم حكاية الوزن دي


خليك شجاع يلا وتوكل على الله عاوزين نجمع العدد قبل 15/4/
2011

ابو جودة
12-04-2011, 12:05 PM
مشكوررررررررررر

twlight
12-04-2011, 02:09 PM
الطول 180




:hd::hd::hd::hd:


هو لازم حكاية الوزن دي

ايوه لازم حكايه الوزن ده عادى يعنى فكها مش مهم انت كمان المهم انت عاوز تبقى كام

twlight
12-04-2011, 02:10 PM
انا كمان معاكو بس المشكله انى بعمل ريجيم فعلا دلوقتى والمفروض اوزن يوم السبت اعمل ايه بقى :fun_36_3_3[1]:

sad-bird
12-04-2011, 02:12 PM
ايوه لازم حكايه الوزن ده عادى يعنى فكها مش مهم انت كمان المهم انت عاوز تبقى كام


انا عن نفسي
الواحد نفسه يبقى في حدود 85-90 بالكثير
علشان الواحد يتحرك زي زمان
:hd::hd::hd:

hyundai2005
12-04-2011, 02:14 PM
انا عن نفسي
الواحد نفسه يبقى في حدود 85-90 بالكثير
علشان الواحد يتحرك زي زمان
:hd::hd::hd:

يا نهار هو انت اكتر من كده دانا .......... وخايف اتكلم !!!!!!!!
بس لو الموضوع جاد حكون اول مشترك

sad-bird
12-04-2011, 02:15 PM
خليك شجاع يلا وتوكل على الله عاوزين نجمع العدد قبل 15/4/



2011



انا معاكم اهو
والدكتور عمرو عارف الميزان من اسبوعين
:hd::hd:

sad-bird
12-04-2011, 02:17 PM
يا نهار هو انت اكتر من كده دانا .......... وخايف اتكلم !!!!!!!!


بس لو الموضوع جاد حكون اول مشترك



ركز ياعم احمد انا طولي 180 يعني لو انا 85 هخس لييييييييييييييييييه

وراعي اني كنت بلعب رياضة عنيفه يعني لو انا ميزاني ...... مش هيبان عليا
وانا مشكلتي الاساسية في قلة الحركة حاليا

twlight
12-04-2011, 02:22 PM
يا نهار هو انت اكتر من كده دانا .......... وخايف اتكلم !!!!!!!!


بس لو الموضوع جاد حكون اول مشترك

خايف ليه عادى ياجماعه جدا بس والله كويس ان الموضوع مهم برده بالنسبه للرجاله زى السيدات فين بقى الدكتور الى هيتابع علشان نقول الوزن والطول

sad-bird
12-04-2011, 02:26 PM
خايف ليه عادى ياجماعه جدا بس والله كويس ان الموضوع مهم برده بالنسبه للرجاله زى السيدات فين بقى الدكتور الى هيتابع علشان نقول الوزن والطول



الدكتور عمرو Phntazia هو اللي بيتابع معانا والوزن والطول هنا في الموضوع ده

انا اللي مخوفني ومخليني عاوز انزل بسرعة
ان واحد صاحبي عنده 45 سنة
راح خسس 40 كيلو في 6 شهور
يعني معدل معقول
لكن طبعا مش لسنه
وبالتالي حصله مشاكل كتير قوي
فعاوز الحق نفسي قبل ما اوصل السن الحرج
:hd::hd:

hyundai2005
12-04-2011, 02:26 PM
طب علي البركه
اخوكم احمد
الطول : 180
الوزن :91
ايه رأيكم نا عايز اخس حوالي 10 كيلو

sad-bird
12-04-2011, 02:28 PM
طب علي البركه

اخوكم احمد
الطول : 180
الوزن :91

ايه رأيكم نا عايز اخس حوالي 10 كيلو



ايه التهريج ده
10 كيلو وعاملنا موال عليهم
ياعم روح روح بيتكم اجري
انت ديتك تمشي كلي يوم ساعه الصبح وساعه المغرب
وتشيل نص رغيف من كل وجبه هتجيبهم في شهر

hyundai2005
12-04-2011, 02:29 PM
ايه التهريج ده
10 كيلو وعاملنا موال عليهم
ياعم روح روح بيتكم اجري
انت ديتك تمشي كلي يوم ساعه الصبح وساعه المغرب
وتشيل نص رغيف من كل وجبه هتجيبهم في شهر

تفتكر كده دا انا مقضيها شاي اخضر لما اخضريت
:hd::crazyW14::crazyW14:

twlight
12-04-2011, 02:31 PM
ايه التهريج ده
10 كيلو وعاملنا موال عليهم
ياعم روح روح بيتكم اجري
انت ديتك تمشي كلي يوم ساعه الصبح وساعه المغرب
وتشيل نص رغيف من كل وجبه هتجيبهم في شهر

لا لا 10 كيلو دول بيبقوا اصعب 10 كيلو ده الى سمعته لان كل ماتقرب من الوزن المثالى بيبقى النزول اصعب

sad-bird
12-04-2011, 02:35 PM
لا لا 10 كيلو دول بيبقوا اصعب 10 كيلو ده الى سمعته لان كل ماتقرب من الوزن المثالى بيبقى النزول اصعب



الكلام ده لما يكون هو اصلا كان وزنه كبير ونزل ودول اخر 10 كيلو
لكن هو من يوم ما اتخرج وهو بدأ يكسل عن الحركة لما بجددأ يزيد فاللي زادة ده هو اللي هينزله

hyundai2005
12-04-2011, 02:37 PM
ده انا كان طول عمري وزني 65 كيلو ماوصلتش 91 غير لما اتجوزت !!!!!!!!

sad-bird
12-04-2011, 02:41 PM
تفتكر كده دا انا مقضيها شاي اخضر لما اخضريت

:hd::crazyW14::crazyW14:


يا عم احمد انت عملت زي احمد ممدوح وكمل اعتمادك على العربية

عاوز تخس يا باشا شوف انت محتاج كام سعر في اليوم وكل اقل منهم 100 سعر وزود في المجهود ما يعادل 100 سعر
يبقى انت يوميا تنزل 200 سعر حراري

النصيحة الثانية اللي قالي عليها دكتور عمرو
كوبايتين مياه قبل الاكل
وممنووووووووووووووووع مياه اثناء الاكل او بعده على طول
ونقصلي من كل وجبة جزء من العيش لاني اكول

والله انا بحاول بقالي اسبوع انتظم بس بمشي يومين صح ويومين اعك

نبيل عبدالرحمن
12-04-2011, 02:43 PM
ده انا كان طول عمري وزني 65 كيلو ماوصلتش 91 غير لما اتجوزت !!!!!!!!

طب خلى بالك بقه لو سبت نفسك هاتزيد أكتر من كده وبعدين الـ 10 كيلو دول سهل جداً ينزلوا ولا إيه رأى دكاترة المنتدى ؟

hyundai2005
12-04-2011, 02:43 PM
يا عم احمد انت عملت زي احمد ممدوح وكمل اعتمادك على العربية

عاوز تخس يا باشا شوف انت محتاج كام سعر في اليوم وكل اقل منهم 100 سعر وزود في المجهود ما يعادل 100 سعر
يبقى انت يوميا تنزل 200 سعر حراري

النصيحة الثانية اللي قالي عليها دكتور عمرو
كوبايتين مياه قبل الاكل
وممنووووووووووووووووع مياه اثناء الاكل او بعده على طول
ونقصلي من كل وجبة جزء من العيش لاني اكول

والله انا بحاول بقالي اسبوع انتظم بس بمشي يومين صح ويومين اعك

الوصفه هايله الوصفه سهله نجرب الوصفه ويارب تجيب نتيجه معايا

hyundai2005
12-04-2011, 02:45 PM
طب خلى بالك بقه لو سبت نفسك هاتزيد أكتر من كده وبعدين الـ 10 كيلو دول سهل جداً ينزلوا ولا إيه رأى دكاترة المنتدى ؟

ربنا يستر ؟ منتظرين اراء الدكاتره . وتسلم استاذي الفاضل

sad-bird
12-04-2011, 02:46 PM
ده انا كان طول عمري وزني 65 كيلو ماوصلتش 91 غير لما اتجوزت !!!!!!!!



هوه ده اخره الجواز واللي بيتجوزوا
كان مالك يا بني انت بالموال ده ما كنت في حالك
مش تتعظ من اخواتك
:crazyW14::crazyW14::crazyW14::crazyW14:

sad-bird
12-04-2011, 02:47 PM
طب خلى بالك بقه لو سبت نفسك هاتزيد أكتر من كده وبعدين الـ 10 كيلو دول سهل جداً ينزلوا ولا إيه رأى دكاترة المنتدى ؟


يا دي الهنا يا دي النور
عمدتنا هيدخل معانا في المسابقة
GIFT4UGIFT4U

hyundai2005
12-04-2011, 02:48 PM
هوه ده اخره الجواز واللي بيتجوزوا
كان مالك يا بني انت بالموال ده ما كنت في حالك
مش تتعظ من اخواتك
:crazyW14::crazyW14::crazyW14::crazyW14:

انه القضاء والقدر وكأس مسموم والكل شارب منه ودورك جاي جاي لا محاله444546444546444546

mr_astra
12-04-2011, 02:50 PM
بامر الله عاوز انضم معاكم
90كجم
174سم
39 سنة

hyundai2005
12-04-2011, 02:50 PM
يا دي الهنا يا دي النور
عمدتنا هيدخل معانا في المسابقة
GIFT4UGIFT4U

يا حبي بسم الله ما شاء الله استاذ نبيل مش محتاج يخس هو ده الجسم المثالي

MIDO-SPICY
12-04-2011, 03:28 PM
الطول 180




:hd::hd::hd::hd:


هو لازم حكاية الوزن دي

ما هى الشرده هنا
:crazyW14::crazyW14:

sad-bird
12-04-2011, 03:31 PM
يا حبي بسم الله ما شاء الله استاذ نبيل مش محتاج يخس هو ده الجسم المثالي


الله أكبر

ربنا يديله الصحة ويبارك في عمره

MIDO-SPICY
12-04-2011, 03:31 PM
خايف ليه عادى ياجماعه جدا بس والله كويس ان الموضوع مهم برده بالنسبه للرجاله زى السيدات فين بقى الدكتور الى هيتابع علشان نقول الوزن والطول

قولى انتى بس وزنك وطولك وبعدين نشوف موضوع الدكتور دا
وبعدين حضرتك بتقولى انك متابعه دلوقتى مع دكتور فياريت تقوليلنا اول ما بدأتى ريجيم كان وزنك كام

MIDO-SPICY
12-04-2011, 03:32 PM
ايه التهريج ده
10 كيلو وعاملنا موال عليهم
ياعم روح روح بيتكم اجري
انت ديتك تمشي كلي يوم ساعه الصبح وساعه المغرب
وتشيل نص رغيف من كل وجبه هتجيبهم في شهر
الناس دى بتتدلع يا عم محمد ولا المفروض اننا احنا اللى نروح ننتحر
444546444546

sad-bird
12-04-2011, 03:33 PM
انه القضاء والقدر وكأس مسموم والكل شارب منه ودورك جاي جاي لا محاله
444546444546444546

انا عامل نادي للعزاب انا وكورسير ماسكين مجلس الادارة بعد هروب المدعو حازم خضر والمدعو نوح

sad-bird
12-04-2011, 03:34 PM
ما هى الشرده هنا


:crazyW14::crazyW14:



انا ماسك لساااااااااااااا.... اقصد الكي بورد من الصبح ومش عاوز اشردلك انت وكورسير وعمرو ونوح واحمد بدر ومستنيكم لما تدخلوا بنفسكم بالذووووووووووووووق

MIDO-SPICY
12-04-2011, 03:35 PM
هوه ده اخره الجواز واللي بيتجوزوا
كان مالك يا بني انت بالموال ده ما كنت في حالك
مش تتعظ من اخواتك
:crazyW14::crazyW14::crazyW14::crazyW14:
المفروض يا محمد يا على نرفق الموضوع دا بالموضوع اللى عامله احمد فاروق بتاع الزوجه التانيه

MIDO-SPICY
12-04-2011, 03:36 PM
يا دي الهنا GIFT4UGIFT4U
حد عايز حاجه من هنا بنتى ؟؟؟

MIDO-SPICY
12-04-2011, 03:37 PM
انا ماسك لساااااااااااااا.... اقصد الكي بورد من الصبح ومش عاوز اشردلك انت وكورسير وعمرو ونوح واحمد بدر ومستنيكم لما تدخلوا بنفسكم بالذووووووووووووووق

ولا اعرفك
:crazyW14::crazyW14::crazyW14:

sad-bird
12-04-2011, 03:43 PM
الناس دى بتتدلع يا عم محمد ولا المفروض اننا احنا اللى نروح ننتحر


444546444546



اسكت لحسن فيه واحد هيجي دلوقتي يقولك انتو اللي تخان انما هو ريشة وبيلعب بالية

sad-bird
12-04-2011, 03:45 PM
حد عايز حاجه من هنا بنتى ؟؟؟



هيا هنا دي لازقه في قفايا كل ما اروح في حته الاقيها طالعالي
هات ياعم وامري لله ما هي قدري













مقلتليش فين البامبرز
:crazyW14::crazyW14::crazyW14:

sad-bird
12-04-2011, 03:53 PM
المشتركين حتى الان

hananelhosiny
hyundai2005
twlight
mrastra
mido-spicy
العبد لله

الاستاذ نبيل معانا والا مش معانا


وفي انتظار الباقي
مش هقول اسماء خليهم يدخلوا بالذوق احسنلهم
444546444546

MIDO-SPICY
12-04-2011, 04:12 PM
المشتركين حتى الان

hananelhosiny
hyundai2005
twlight
mrastra
mido-spicy
العبد لله

الاستاذ نبيل معانا والا مش معانا


وفي انتظار الباقي
مش هقول اسماء خليهم يدخلوا بالذوق احسنلهم
444546444546
يا عم انا مشتركتش ... هو انا جبت سيرة اشتراكات ؟؟؟

sad-bird
12-04-2011, 04:16 PM
يا عم انا مشتركتش ... هو انا جبت سيرة اشتراكات ؟؟؟



هتسكت والا اقول مقاس البنطلوووووووووون
444546

_amr.mostafa_
12-04-2011, 04:31 PM
انا ماسك لساااااااااااااا.... اقصد الكي بورد من الصبح ومش عاوز اشردلك انت وكورسير وعمرو ونوح واحمد بدر ومستنيكم لما تدخلوا بنفسكم بالذووووووووووووووق



مين عمرو ده
ولا اعرفك
:crazyW14::crazyW14::crazyW14:

+1000000000
المشتركين حتى الان

hananelhosiny
hyundai2005
twlight
mrastra
mido-spicy
العبد لله

الاستاذ نبيل معانا والا مش معانا


وفي انتظار الباقي
مش هقول اسماء خليهم يدخلوا بالذوق احسنلهم
444546444546


انا انصحهم انهم يدخلو بالذوق هما مين دول ؟؟؟444546

sad-bird
12-04-2011, 04:43 PM
مين عمرو ده


واحد حبيبي متعرفوش


انا انصحهم انهم يدخلو بالذوق هما مين دول ؟؟؟444546

شطووووووووووووووووور
برافو عليك

_amr.mostafa_
12-04-2011, 04:46 PM
واحد حبيبي متعرفوش



شطووووووووووووووووور
برافو عليك



بس هما مين ..؟؟؟نفسي اعرفهم

sad-bird
12-04-2011, 05:01 PM
بس هما مين ..؟؟؟نفسي اعرفهم


444546444546

مبلاش
انا ساكت
خليني ساكت احسن

_amr.mostafa_
12-04-2011, 05:16 PM
444546444546

مبلاش
انا ساكت
خليني ساكت احسن



براحتك

انا انصحكم كلكم تبقو زي كده رشيـــــــــــــــــــــــــــــــــــــــــــــــ ـــــــــــق

phantiza
12-04-2011, 05:55 PM
بسم الله ماشاء الله بداية جيدة
الي فعلا قرر يخس حيبعتلي علي الخاص وزنة وطولة وطبيعة شغلة بيخلص الساعة كام وبينام امتي
وعند بدء المسابقة كل واحد حيستلم النظام الغذائي المناسب لية وبعد اسبوع كل واحد يقولي وزنة الجديد
شرط المسابقة الجدية كررت الموضوع دة كتيييييييير
انا مستني رسايلكم GIFT4U

twlight
12-04-2011, 06:04 PM
قولى انتى بس وزنك وطولك وبعدين نشوف موضوع الدكتور دا


وبعدين حضرتك بتقولى انك متابعه دلوقتى مع دكتور فياريت تقوليلنا اول ما بدأتى ريجيم كان وزنك كام

هو انا حضرتك وزنى 78 وطولى 162 ده حاليا وانا دلوقتى متابعه مع دكتورعلشان اكمل الى بداته علشان بعد الولاده كان الوزن زاد جدا وكان 103 وفضلت اعمل ريجيم سنه الااربع شهور والحمد الله الاربع الشهور الى بطلت فيعم الريجيم فضلت محافظه على الوزن ده بس انا عاوزه اوصل ل 70

sad-bird
12-04-2011, 06:16 PM
هو انا حضرتك وزنى 78 وطولى 162 ده حاليا وانا دلوقتى متابعه مع دكتورعلشان اكمل الى بداته علشان بعد الولاده كان الوزن زاد جدا وكان 103 وفضلت اعمل ريجيم سنه الااربع شهور والحمد الله الاربع الشهور الى بطلت فيعم الريجيم فضلت محافظه على الوزن ده بس انا عاوزه اوصل ل 70


بيتهيألي ان حضرتك محتاجة تفضلي على كده فترة ومتنزليش تاني على الاقل لما جسمك يستقر وترجعي تنزليه بعد فترة لان كده ممكن يدخل في اضرار تانية انتي في غنى عنها
والرأي طبعا اولا واخيرا للدكاترة

twlight
12-04-2011, 06:26 PM
بيتهيألي ان حضرتك محتاجة تفضلي على كده فترة ومتنزليش تاني على الاقل لما جسمك يستقر وترجعي تنزليه بعد فترة لان كده ممكن يدخل في اضرار تانية انتي في غنى عنها
والرأي طبعا اولا واخيرا للدكاترة
انا حضرتك وقفت فتره شهرين ورجعت بدات دلوقتى من اسبوع واحد والدكتور ممكن يقول رأيه ايه

maka
12-04-2011, 06:37 PM
الدكتور عمرو Phntazia هو اللي بيتابع معانا والوزن والطول هنا في الموضوع ده

انا اللي مخوفني ومخليني عاوز انزل بسرعة
ان واحد صاحبي عنده 45 سنة
راح خسس 40 كيلو في 6 شهور
يعني معدل معقول
لكن طبعا مش لسنه
وبالتالي حصله مشاكل كتير قوي
فعاوز الحق نفسي قبل ما اوصل السن الحرج
:hd::hd:

ايه المشاكل اللى حصلت له و نزل ازاى 40 كيلو فى 6 اشهر ؟؟؟

_amr.mostafa_
12-04-2011, 06:38 PM
انا هبعت لحضرتك الوزن والطول دلوقتي .بس يارب انفع

phantiza
12-04-2011, 07:04 PM
انا حضرتك وقفت فتره شهرين ورجعت بدات دلوقتى من اسبوع واحد والدكتور ممكن يقول رأيه ايه



مفيش مشكلة بتكملي الريجيم عادي بلا خطورة اطمني

_amr.mostafa_
12-04-2011, 07:05 PM
تم الارسال لك يا دوكتور عمرو

phantiza
12-04-2011, 07:13 PM
ايه المشاكل اللى حصلت له و نزل ازاى 40 كيلو فى 6 اشهر ؟؟؟
طبعا كلنا عارفين ان كل جزء في الجسم علية دهون (القلب -الكبد- الكلي ) مع نزول الوزن تبدء الدهون علي هذة الاجهزة بتقل
لو كمية الدهون قلت بسرعة بنواجة مشاكل لاحصر لها اولا سقوط احدي الكليتين اختلال في ضربات القلب وظائف الكبد طبعا بتتاثر
غير المشاكل الاخري زي (سقوط الشعر -انيميا حادة -هزال عام وزيادة فترة النوم للفرد- التهابات شديدة في المرارة )
مش بقول كدة عشان اخوف الي بيعمل ريجيم لا بالعكس عشان الي بيبدء بيكون مستعجل اووووووي وعاوز يخلص في اقل فترة
زي ماتفقنا النزول الطبيعي لايزيد في الشهر عن 10 كيلو

nktis
12-04-2011, 07:17 PM
متابع...
الطول 181
الوزن 92

maka
12-04-2011, 07:18 PM
طبعا كلنا عارفين ان كل جزء في الجسم علية دهون (القلب -الكبد- الكلي ) مع نزول الوزن تبدء الدهون علي هذة الاجهزة بتقل
لو كمية الدهون قلت بسرعة بنواجة مشاكل لاحصر لها اولا سقوط احدي الكليتين اختلال في ضربات القلب وظائف الكبد طبعا بتتاثر
غير المشاكل الاخري زي (سقوط الشعر -انيميا حادة -هزال عام وزيادة فترة النوم للفرد- التهابات شديدة في المرارة )
مش بقول كدة عشان اخوف الي بيعمل ريجيم لا بالعكس عشان الي بيبدء بيكون مستعجل اووووووي وعاوز يخلص في اقل فترة
زي ماتفقنا النزول الطبيعي لايزيد في الشهر عن 10 كيلو

ربنا يفيدك من علمه يا دكتور عمرو

bmkbmk
12-04-2011, 09:33 PM
السلام عليكم يا شباب
موضوع هايل و فكرة هايلة و يا ريت كلنا نلتزم مع بعض
و انا كنت عملت موضوع زمان عن فقد الوزن برده و كنت خسيت 25 كيلو فى 4 شهور
بس للأسف تخنت تانى و عاوز ارجع أخس و انا بحب اشكر الدكتور عمر على مبادرته الطيبة و هبعت له بياناتى
و ده رابط الموضوع القديم ...............

http://www.masrmotors.com/vb/showthread.php?t=9309

nktis
12-04-2011, 09:37 PM
يا اخوانا علي فكره الوزن الزايد بيجي غالبا من
اولا.....الاستسلام للراحه...قاعد علي مكتب او في عربيتك .مفيش اي مجهود يخليك تعرق وتنتر اي دهون زائده
ثانيا....نظامنا الغذائي المتفرنج زي امريكا...زي البيرجر او الوجبات السريعه وديت اخطر شيء لزياده الوزن..

twlight
12-04-2011, 09:59 PM
مفيش مشكلة بتكملي الريجيم عادي بلا خطورة اطمني
ماشى يادكتور ميرسى لحضرتك ومستنين الانظمه الغذائيه

_amr.mostafa_
12-04-2011, 10:21 PM
عايزين نعرف بدا توزيع الانظمة الغذائية على الاعضاء

وياريت ندي مهلة وليكن الى نهاية الاسبوع عشان اكتر عدد

يخش معانا ويستفيد

phantiza
12-04-2011, 10:43 PM
انا رديت علي كل الاعضاء الي بلغوني انهم معانا في رسايل خاصة ليهم
ارجو من الادارة الكريمة نشر الموضوع في الصفحة الرئيسية في كل الاقسام حتي يتنسني للجميع المشاركة لانشغال الجميع بالانتخابات
حيت فتح بابا التقدم للمسابقة حتي اسبوع اخر
اخر يوم للتقدم 19/4/2001

_amr.mostafa_
13-04-2011, 01:02 AM
انا رديت علي كل الاعضاء الي بلغوني انهم معانا في رسايل خاصة ليهم
ارجو من الادارة الكريمة نشر الموضوع في الصفحة الرئيسية في كل الاقسام حتي يتنسني للجميع المشاركة لانشغال الجميع بالانتخابات
حيت فتح بابا التقدم للمسابقة حتي اسبوع اخر
اخر يوم للتقدم 19/4/2001


هو الميعاد كان من 10 سنين :crazyW14:

sad-bird
13-04-2011, 01:42 AM
متابع...
الطول 181
الوزن 92

:hd::hd::hd:
ايه الناس اللي داخله تهرج دي
10 كيلو وزعلانين وبيعانو
:hd::hd::hd:
امال اللي زي حالاتي يعمل ايه بقى
يروح ينتحر

hananelhosiny
13-04-2011, 12:31 PM
بسم الله ما شاء الله الحمد لله الحملة جابت نتيجة .. ربنا يجعله فى ميزان حسناتك يا دكتور عمرو ... وأنا عند وعدى ال :12A96E~160::12A96E~160::12A96E~160: عليه ... وفى أنتظار باقى المشاركين معنا .

phantiza
13-04-2011, 06:38 PM
اية يجماعة المنتدي نايم لية
فين المشتركين الجداد
محدش عاوز يخس ولا اية

nktis
13-04-2011, 07:21 PM
:hd::hd::hd:
ايه الناس اللي داخله تهرج دي
10 كيلو وزعلانين وبيعانو
:hd::hd::hd:
امال اللي زي حالاتي يعمل ايه بقى
يروح ينتحر

يا باشا لا والله بس حبيت اشترك في الحمله واستفيد من خبرات د.عمرو
وكان الشرط الوزن والطول..............مش تهريج444546

sad-bird
13-04-2011, 10:24 PM
يا باشا لا والله بس حبيت اشترك في الحمله واستفيد من خبرات د.عمرو
وكان الشرط الوزن والطول..............مش تهريج444546


مش ده الي اقصده يا حبيبي
اللي اقصده انك بتلعب في 10 كيلو
امال اخواتك الغلابة اللي بيلعبو في ........ يعملوا ايييييييييييييه
:hd::hd::hd:

hananelhosiny
13-04-2011, 11:38 PM
طب خلى بالك بقه لو سبت نفسك هاتزيد أكتر من كده وبعدين الـ 10 كيلو دول سهل جداً ينزلوا ولا إيه رأى دكاترة المنتدى ؟


:1200F8~158:نورت المسابقة بمرورك يا باشمهندس... ياترى أنت مشارك ... ولا مشاهد ايه ياترى.

hananelhosiny
13-04-2011, 11:46 PM
عدم الأقبال على الحملة .... مؤشر أن كل الأعضاء أوزانهم مثالية ويمارسون الرياضة بشكل منتظم .

:10FEE3~144::10FEE3~144::10FEE3~144:

أمال مين هيكسب الهدية ؟؟؟؟

:080105~462::080105~462::080105~462:

nktis
13-04-2011, 11:48 PM
منقول................

كشف باحثون فى جامعة /ويلينغ جيسويت/ فى ولاية /فيرجينيا/ الامريكية أن رائحة الياسمين تريح الاعصاب وتشجع على نوم هادىء ومريح ما يحافظ على النشاط والحيوية عند الاستيقاظ وفى فترات ما بعد الظهيرة والمساء.
وكشف العلماء أن الاشخاص الذين استنشقوا رائحة الياسمين ناموا أسرع من الاخرين الذين ناموا فى غرف معطرة بزهرة الخزامى /اللافندر/ أوغرف غير معطرة اذ ظلوا يتقلبون فى فراشهم لفترات أطول.
كما أوضح باحثون فى جامعة /الينوى/ الامريكية أن الروائح الطيبة كالنعناع الاخضر والفانيلا والموز تساعد الاشخاص المصابين بالبدانة على التخلص من الوزن الزائد.
و أجرى البحث على أكثر من 3 الاف متطوع مصابين بافراط الوزن وتبين أن الذين يتمتعون بقدرات شم قوية واستنشاق روائح طيبة عند شعورهم بالجوع فقدوا حوالى 5ر2 كيلوغرام شهريا لمدة 6 أشهر دون أن يغيروا من طبيعة غذائهم اليومي.
وفقد المتطوعون وزنا معقولا عند استنشاق الروائح الطيبة خصوصا النعناع والموز والتفاح الاخضر بالرغم من تناولهم وجبتين الى أربع وجبات يوميا دون تغيير عاداتهم الغذائية أو أنماط الحركة والرياضة التى يتبعونها.

sad-bird
13-04-2011, 11:53 PM
وتبين أن الذين يتمتعون بقدرات شم قوية واستنشاق روائح طيبة عند شعورهم بالجوع فقدوا حوالى 5ر2 كيلوغرام شهريا لمدة 6 أشهر دون أن يغيروا من طبيعة غذائهم اليومي.
وفقد المتطوعون وزنا معقولا عند استنشاق الروائح الطيبة خصوصا النعناع والموز والتفاح الاخضر بالرغم من تناولهم وجبتين الى أربع وجبات يوميا دون تغيير عاداتهم الغذائية أو أنماط الحركة والرياضة التى يتبعونها.

ربنا يبشرك بالخير يا دكتره
ده انا على كده ممكن اخس وزني كله في خلال شهر لان عندي حساسية قوية للروائح
GIFT4U

hananelhosiny
14-04-2011, 12:23 AM
منقول................
وتبين أن الذين يتمتعون بقدرات شم قوية واستنشاق روائح طيبة عند شعورهم بالجوع فقدوا حوالى 5ر2 كيلوغرام شهريا لمدة 6 أشهر دون أن يغيروا من طبيعة غذائهم اليومي.
وفقد المتطوعون وزنا معقولا عند استنشاق الروائح الطيبة خصوصا النعناع والموز والتفاح الاخضر بالرغم من تناولهم وجبتين الى أربع وجبات يوميا دون تغيير عاداتهم الغذائية أو أنماط الحركة والرياضة التى يتبعونها.

:01F577~130:مشكوووووووووور يادكتور ... بس لو كده مكنش حد غلب وكل الناس كانوا أستنشقوا النعناع اللى هو أرخص حاجة وبكده هيقعدوا دكاترة السمنة فى بيوتهم يعيطوا . :sd:

phantiza
14-04-2011, 12:48 AM
99% من الي بيعانو من السمنة ميعرفوش انهي نوع من الادوية المناسب ليهم ..كل الي بيسمع عن دواء كويس يجيبة من غير مايعرف عيوبة او مزياة اية
حبيت اجمع معظم الادوية الموجودة دلوقتي في السوق ونتكلم عنها
1 مادة السيبوترمين
ودي كانت موجودة في صورة كبسولات 10 و15 مجم منة الدايت ماكس والسيلماكس والريجيتريم والسيبوتريم المادة الفعالة تعتبر ثورة في عالم التخسيس لانها تاثر كمثبط للشهية للمخ عن طريق الجهاز العصبي المركزي
يقوم بتقليل الشهية لدرجة انك لاتفكر نهائيا في الاكل طوال اليوم
من العيوب الخطيرة له زيادة عدد ضربات القلب -الاكتئاب -الصداع النصفي
الحمد لله وزارة الصحة لغيتة من حوالي 3 شهور
2 فاتشي وفاتشية جايد
انا شايف ان الدمج بين الاتنين هو البديل الامن لمادة السيبوترمين ومفيد لتقليل الشهية بدون اي اعراض جانبية وكمان لامانع في حالات الرضاعة بالنسبة للسيدات
عيوبة اظطرابات في الجهاز الهضمي (مش مع كل الحالات)
3 ادوية الردة
منها البران وشايف انة بطء جدا لتكرار الجرعة اكتر من 5 حبات في اليوم للحصول علي النتيجة المرجوة
4 مدرات البول
طبعا في منتهي الخطورة الي بيعتمد علي الادوية دي في نزول الوزنلانة بيؤدي لهبوط شديد في ضغط الدم وقصور الدم الواصل للمخ ومشاكل في السمع والكلي
مسموح فقط للي بيعانو من زيادة الضغط الدم المرتفعويؤدي الي رشح في الاطراف بنستخدمة في حالات معينة وبسيطة جدا لنزول الوزن
5 الاورليستات
طبعا مصر كلها عارفة الاورليستات وكمان الاورلي والزينيكال (بيعتمد علي تقليل كمية امتصاص الدهون في الوجبة ل 30 % )
عيوبة
غالي العلبة ب90 جنية
البراز دهني وعدم التحكم فية
عدم الفاعلية الكبيرة لنزول الوزن
فقد الجسم لفيتامينات k d a e
فية ادوية تانية اكملها معاكو بكرة عشان انا داخال انااااااااام
تصبحو علي خير

hananelhosiny
14-04-2011, 01:27 AM
:018A1D~146::018A1D~146::018A1D~146:

:01F577~130::01F577~130::01F577~130:

شكر وتقديرشكر وتقديرشكر وتقدير

MOUSTAFA_SAAD
14-04-2011, 07:51 AM
انا عملت رجيم من 6 سنين خسيت 26 كيلو فى 3 شهور ونص
وللاسف مشيت حوالى 4 سنين كويس وبعدين ضربت تانى وزدت 20 كيلو منهم ودلوقتى بعمل رجيم من اول السنه وخسيت تسعه كيلو فقط ماشى بالعافيه بصراحه ومعنديش نفس العزيمه اللى كانت موجوده الاول وربنايسهل عاوز اخس 7 كيلو كمان علشان ابقى معقول فى الوزن ومش الوزن المثالى

hananelhosiny
14-04-2011, 11:17 AM
انا عملت رجيم من 6 سنين خسيت 26 كيلو فى 3 شهور ونص
وللاسف مشيت حوالى 4 سنين كويس وبعدين ضربت تانى وزدت 20 كيلو منهم ودلوقتى بعمل رجيم من اول السنه وخسيت تسعه كيلو فقط ماشى بالعافيه بصراحه ومعنديش نفس العزيمه اللى كانت موجوده الاول وربنايسهل عاوز اخس 7 كيلو كمان علشان ابقى معقول فى الوزن ومش الوزن المثالى

:12EA7A~153:أبدأ من جديد الحل هنا أدخل وسجل الطول والوزن وأرسل رسالة خاصة لدكتور / عمرو علشان نبدأ الحملة لاتتردد عاوزين نشجع بعض كلنا .:clapW15::clapW15::clapW15:

phantiza
14-04-2011, 02:42 PM
انا عملت رجيم من 6 سنين خسيت 26 كيلو فى 3 شهور ونص
وللاسف مشيت حوالى 4 سنين كويس وبعدين ضربت تانى وزدت 20 كيلو منهم ودلوقتى بعمل رجيم من اول السنه وخسيت تسعه كيلو فقط ماشى بالعافيه بصراحه ومعنديش نفس العزيمه اللى كانت موجوده الاول وربنايسهل عاوز اخس 7 كيلو كمان علشان ابقى معقول فى الوزن ومش الوزن المثالى
ممكن حضرتك تبعتلي وزنك وطوللك وطبيعة شغاللك ووقت النوم والاستيقاظ علي الخاص

phantiza
15-04-2011, 12:38 AM
نكمل موضوع ادوية التخسيس
في حبوب الشاي الاخضر وكمان الشاي الاخضر
طبعا تاثيرهم بطء ويحتاج التكرار وهو امن جدا بلا مضاعفات
شاي الرويال
بيعمل اسهال ويسبب ارتخاء لعضلة المعدي ويسبب امساك شديد بعد تركة
ليس لة دور في التخسيس

مهند النجار
15-04-2011, 01:06 AM
خدوا المعلومات دي

انا 80 كيلو

182سم

بسهر وبنام علي حسب التعب والمزاج

لا امارس الكثير من الرياضة شتاءا

امارس السباحة وكرة القدم صيفا

اناااااااااااا تخين؟؟؟؟؟؟؟؟؟؟؟

hananelhosiny
15-04-2011, 05:00 PM
خدوا المعلومات دي

انا 80 كيلو

182سم

بسهر وبنام علي حسب التعب والمزاج

لا امارس الكثير من الرياضة شتاءا

امارس السباحة وكرة القدم صيفا

اناااااااااااا تخين؟؟؟؟؟؟؟؟؟؟؟



؟؟؟؟؟؟؟؟؟؟؟؟؟؟؟؟؟؟؟؟؟؟؟ :thinkW19:

phantiza
16-04-2011, 03:07 PM
حضرتك مش تخين لو في اماكن محتاجة تنزل زي البطن يبقي التركيز علي الاماكن دي

sad-bird
16-04-2011, 04:04 PM
امارس السباحة وكرة القدم صيفا

اناااااااااااا تخين؟؟؟؟؟؟؟؟؟؟؟

حضرتك مش تخين لو في اماكن محتاجة تنزل زي البطن يبقي التركيز علي الاماكن دي


ازاااااااااااااااااااااي اصلا بيمارس سباحه ويكون عنده بطن
اذا كان السباحة نفسها بتعتمد على عضلات البطن والذراعين
ممكن نبلعها ان عنده شحوم زيادة في الشتا مع قلة المجهود
والدهون دي تروح في الصيف مع زيادة المجهود
لكن ازاااااااااااااااااااااااااااي يبقى عنده بطن
:hd::hd::hd:

mf
16-04-2011, 04:43 PM
الطول 185

الوزن 83

محتاج أخس من 5 الي 10 كيلو علي الاقل عشان طبيعه شغلي

sad-bird
16-04-2011, 04:51 PM
الطول 185

الوزن 83



ايه يا جماعة ده
ما تراعو شعورنا طيب
ايه الاوزان دي
:hd::hd::hd::hd:




محتاج أخس من 5 الي 10 كيلو علي الاقل عشان طبيعه شغلي


وبعدين طبيعة شغلك ايه يا ريس
444546
انت ديتك تطلع على ميدان الحواجز 3 مرات في الاسبوع وعيش حياتك مش هتخس 5 كيلو ده انتا هتخس 20 كيلو


وبعدين تعالى هنا ياعم
فين السبووووووع

mf
16-04-2011, 04:57 PM
ههههههههههههه

ايه ياعم دا اانا وزني زايد جدا وبعدين انا نسيت ميدان الحواجز

انته ناسي اننا واقفين في الشارع من 40 يوم يعني مفيش شغل

هههههههههههههه

والله فكرتني بالسبوووووع

دا انا نزلت اجازة يومين لقيتهم عملوا العقيقه وفرقوا السبوع

وجيت اشيل الواد عملها عليا

قلت اه يابن ال............

ياباشا بس انته ابعتلي رقم الفاكس وانا ابعتلك السبووع عليه


وحشتني مشاركاتك ياباشا

phantiza
16-04-2011, 06:44 PM
ازاااااااااااااااااااااي اصلا بيمارس سباحه ويكون عنده بطن
اذا كان السباحة نفسها بتعتمد على عضلات البطن والذراعين
ممكن نبلعها ان عنده شحوم زيادة في الشتا مع قلة المجهود
والدهون دي تروح في الصيف مع زيادة المجهود
لكن ازاااااااااااااااااااااااااااي يبقى عنده بطن
:hd::hd::hd:
عادي جدا يكون فية بطن
الي عاوز يخس عشان سببين ياما الوزن كتييير او الوزن معقول وفية مناطق محتاجة تنزل ومن هنا كان السؤال

hananelhosiny
17-04-2011, 12:33 PM
عادي جدا يكون فية بطن
الي عاوز يخس عشان سببين ياما الوزن كتييير او الوزن معقول وفية مناطق محتاجة تنزل ومن هنا كان السؤال


:THUMBS~220::GROWIN~12:

hananelhosiny
17-04-2011, 11:02 PM
:bb127bc6eab060e3e23سجلت مشاهدة الحملة حتى الآن 1071 مشاهدة

ANAA7TGوعدد المسجلين بالحملة لم يتجاوز العشرة .

كام يا دكتور عمرو عدد المشتركين علشان أنت عارف الزهايمر

أيه يا جماعة كلكم أوزان مثالية :w6w200504112245306e

مهند النجار
17-04-2011, 11:09 PM
:bb127bc6eab060e3e23سجلت مشاهدة الحملة حتى الآن 1071 مشاهدة

ANAA7TGوعدد المسجلين بالحملة لم يتجاوز العشرة .

كام يا دكتور عمرو عدد المشتركين علشان أنت عارف الزهايمر

أيه يا جماعة كلكم أوزان مثالية :w6w200504112245306e


يا عم انا مسجل معاكم

بس عايزني اعمل اية اتفق معاكم اني كل يوم العب 20 ضغط

hananelhosiny
17-04-2011, 11:21 PM
يا عم انا مسجل معاكم

بس عايزني اعمل اية اتفق معاكم اني كل يوم العب 20 ضغط

يا أستاذ مهند

أولآ : ANAA7TG لأنى مش عم

ثانيآ : أبعت ل د/ عمرو الوزن والطول على الخاص

وعندما يكتمل العدد سيبدأ د عمرو بأعطائنا جميعآ النظام

الغذائى المناسب لكل حالة أسبوعيآ (أون لاين )

مهند النجار
17-04-2011, 11:25 PM
يا أستاذ مهند

أولآ : ANAA7TG لأنى مش عم

ثانيآ : أبعت ل د/ عمرو الوزن والطول على الخاص

وعندما يكتمل العدد سيبدأ د عمرو بأعطائنا جميعآ النظام

الغذائى المناسب لكل حالة أسبوعيآ (أون لاين )

التمس العذر

يا حنان يارب ما اكنش لبخت تاني

بس العدد اللي انتو عايزينه كام؟؟؟

hananelhosiny
17-04-2011, 11:40 PM
التمس العذر

يا حنان يارب ما اكنش لبخت تاني

بس العدد اللي انتو عايزينه كام؟؟؟




:12422A~17: : لأنك لبخت تانى :014FDA~117:

العدد والأشراف والمتابعة مع د / عمرو

أنا بس صاحبة الفكرة ومشاركة معاكم

مهند النجار
17-04-2011, 11:46 PM
:12422A~17: : لأنك لبخت تانى :014FDA~117:

العدد والأشراف والمتابعة مع د / عمرو

أنا بس صاحبة الفكرة ومشاركة معاكم

:014FDA~117:

انتي قد الحركة دي


معلش ع التلبخ انا بعت المعلموات خلاص مشكورة ع الفكرة

phantiza
19-04-2011, 06:42 PM
بعت النهاردة النظام الغذائي لكل المتسابقين الي بعتولي علي الخاص ياريت لو نسيت حد يفكرني
النظام لحد الثلاثاء القادم 26-4-2011
الي يوزن نفسة يبعتلي خس اد اية عشان نكمل الاسبوع الجديد
ونتمني مشاركة جادة للجميع

Mr.Shams
19-04-2011, 07:02 PM
ايه استنوا خدونى معاكم
انا عايز اشارك :shwt:
انا وزنى 100 كيلوا وطولى 173
جسمى متناسق (يعنى مش مفشول)بس مشكلتى فى الكرش:011:
نفسى البس باديهات زى زمان ايام العزوبيه ولعب الحديد:WEIGHT~173:

hananelhosiny
19-04-2011, 10:58 PM
بعت النهاردة النظام الغذائي لكل المتسابقين الي بعتولي علي الخاص ياريت لو نسيت حد يفكرني
النظام لحد الثلاثاء القادم 26-4-2011
الي يوزن نفسة يبعتلي خس اد اية عشان نكمل الاسبوع الجديد
ونتمني مشاركة جادة للجميع


:1200F8~158:مشكوووووووووووووور يا دكتور .... جعله الله فى ميزان حسناتك ... هنفذ التعليمات بأذن الله . والله الموفق .
:GROWIN~12:

MOUSTAFA_SAAD
20-04-2011, 07:49 AM
انت ناسيتنى يادكتور

وعاوز منك علاج يقلل من سقوط الشعر فى الصلع الوراثى لان انا ابويا اصلع وانا فى الطريق اليه :k_crying77[1]: شعرى خف جامد عن 5 سنين ورا وعمرى 32 سنه الان بس لسه مطارشى يعنى وفيه صيدلى عندنا محترم عاملى تركيبه بدهن منها كل يوم وخفت سقوطه عن الاول بس لسه بردوه بيقع وخصوصا ان انا بحاول اعمل رجيم دلوقتى وده اللى زود الموضوع شويه فهل يوجد حل لتخفيف حدة سقوط الشعر انا عارف انه حيقع حيقع بس عاوز اطول المده شويه لانى لسه ماتجوزتش وخايف لما اجى اروح اخطب تقولى مشى يااقرع :k_crying77[1]:
ياريت اى نصيحه منكم غير بخاخة الهير باك لان تمنها غالى بصراحه ومش حاقدر اواظب عليها يعنى عاوز حاجه تطول المده على قد مااقدر مش تلغى الموضوع خالص لانى عارف انه مستحيل

hananelhosiny
20-04-2011, 09:12 AM
انت ناسيتنى يادكتور

وعاوز منك علاج يقلل من سقوط الشعر فى الصلع الوراثى لان انا ابويا اصلع وانا فى الطريق اليه :k_crying77[1]: شعرى خف جامد عن 5 سنين ورا وعمرى 32 سنه الان بس لسه مطارشى يعنى وفيه صيدلى عندنا محترم عاملى تركيبه بدهن منها كل يوم وخفت سقوطه عن الاول بس لسه بردوه بيقع وخصوصا ان انا بحاول اعمل رجيم دلوقتى وده اللى زود الموضوع شويه فهل يوجد حل لتخفيف حدة سقوط الشعر انا عارف انه حيقع حيقع بس عاوز اطول المده شويه لانى لسه ماتجوزتش وخايف لما اجى اروح اخطب تقولى مشى يااقرع :k_crying77[1]:
ياريت اى نصيحه منكم غير بخاخة الهير باك لان تمنها غالى بصراحه ومش حاقدر اواظب عليها يعنى عاوز حاجه تطول المده على قد مااقدر مش تلغى الموضوع خالص لانى عارف انه مستحيل

السلام عليكم / أ مصطفى

اذا كان الأنسان يعانى من أنيميا فهذا يعجل بسقوط الشعر وهيجى يوم تلاقى شكلك من الصيف والحر كده :fun_36_1_7[1]: أذا لم تعالج الأنيميا هيبقه ده الحال :sd: ياريت تعمل تحاليل علشان تاخد الدواء المناسب للأنيميا قبل ما الوقت يعدى ..


وتقبل مرورى
:THE_PR~18:

MOUSTAFA_SAAD
20-04-2011, 04:33 PM
السلام عليكم / أ مصطفى

اذا كان الأنسان يعانى من أنيميا فهذا يعجل بسقوط الشعر وهيجى يوم تلاقى شكلك من الصيف والحر كده :fun_36_1_7[1]: أذا لم تعالج الأنيميا هيبقه ده الحال :sd: ياريت تعمل تحاليل علشان تاخد الدواء المناسب للأنيميا قبل ما الوقت يعدى ..


وتقبل مرورى
:THE_PR~18:

يااستاذه حنان انا الموضوع عندى وراثه من ابويا فحيقع يعنى حيقع بس انا عاوز حاجه تاجل الموضوه على قد ماقدر لغاية لما اعجز شويه حتى

phantiza
21-04-2011, 10:14 PM
انت ناسيتنى يادكتور

وعاوز منك علاج يقلل من سقوط الشعر فى الصلع الوراثى لان انا ابويا اصلع وانا فى الطريق اليه :k_crying77[1]: شعرى خف جامد عن 5 سنين ورا وعمرى 32 سنه الان بس لسه مطارشى يعنى وفيه صيدلى عندنا محترم عاملى تركيبه بدهن منها كل يوم وخفت سقوطه عن الاول بس لسه بردوه بيقع وخصوصا ان انا بحاول اعمل رجيم دلوقتى وده اللى زود الموضوع شويه فهل يوجد حل لتخفيف حدة سقوط الشعر انا عارف انه حيقع حيقع بس عاوز اطول المده شويه لانى لسه ماتجوزتش وخايف لما اجى اروح اخطب تقولى مشى يااقرع :k_crying77[1]:
ياريت اى نصيحه منكم غير بخاخة الهير باك لان تمنها غالى بصراحه ومش حاقدر اواظب عليها يعنى عاوز حاجه تطول المده على قد مااقدر مش تلغى الموضوع خالص لانى عارف انه مستحيل
معلش والله مشفتكش خالص
بالنسبة للنظام الغذائي علي الخاص
اما موضوع الشعر الدواء الي حكتبة لحضرتك اتمني تمشي علية لمدة شهر علي الاقل عشان تلاقي نتيجة
hairtone كبسولة واحدة يوميا بعد الافطار
performa extrasterngth ترش 6 رشات صباحا ومساء
revital شامبو مرتين في الاسبوع

_amr.mostafa_
21-04-2011, 10:31 PM
انا اسف يا دوكتور عمرو انا عملت عكس الريجيم عشان كان عيد ميلادي فا صحابي قايمين بالواجب

وزياده بكره معزوم على الغدا .:crazyW14: بس وعد من يوم السبت هبدا

MOUSTAFA_SAAD
22-04-2011, 08:39 AM
معلش والله مشفتكش خالص
بالنسبة للنظام الغذائي علي الخاص
اما موضوع الشعر الدواء الي حكتبة لحضرتك اتمني تمشي علية لمدة شهر علي الاقل عشان تلاقي نتيجة
hairtone كبسولة واحدة يوميا بعد الافطار
performa extrasterngth ترش 6 رشات صباحا ومساء
revital شامبو مرتين في الاسبوع

الف شكر يادكتور

nktis
22-04-2011, 08:19 PM
مع احترامي للجميع............
موضوع تساقط الشعر للاسف نتايج الادويه في محاربته خاصه وان كان وراثي بتكون ضعيفه جدااا..........
ولا هير باك ولا بانتوجار ولا اي شيء حوق معايا وسبتها تصلع لان الارضيه بتاعه النفوخ بدات تلمع مع الشمس............بس لله الحمد اتجوزت وخلاص معدش مهم الشعر

maroguidehouse
22-04-2011, 09:12 PM
مساء الخير يا دكتور
انا لسه اول مره اشوف الموضوع ده و حبيت اشارك
انا كان وزني 74 و طولي 150
وبعد عناء مع الرجيمات سنوات فجئه بدات اخس و فعلآ وصل وزني 50ك و استمريت لفتره حوالي سنتين على نفس الوزن علمآ باني اراعي الاكل و الشرب حتى لا يزيد وزني مره اخرى
ولكن في اخر 4 او 5 شهور بدأت ازيد تاني و بدون اسباب و احاول التخسيس بلا فائده او اي استجابه حتى وصل وزني الان حوالي 60ك و مستمره في الزياره فمازا افعل
ملحوظه اصبحت اشعر بالجوع كثيرآ عكس ما كنت طول عمري و لكني احاول السيطره على شهيتي بشرب الماء و الاعشاب و الشاي و اكل الخيار و الخص
منتظره الرد للاهميه الشديده
شكرآ

phantiza
23-04-2011, 10:11 AM
مساء الخير يا دكتور
انا لسه اول مره اشوف الموضوع ده و حبيت اشارك
انا كان وزني 74 و طولي 150
وبعد عناء مع الرجيمات سنوات فجئه بدات اخس و فعلآ وصل وزني 50ك و استمريت لفتره حوالي سنتين على نفس الوزن علمآ باني اراعي الاكل و الشرب حتى لا يزيد وزني مره اخرى
ولكن في اخر 4 او 5 شهور بدأت ازيد تاني و بدون اسباب و احاول التخسيس بلا فائده او اي استجابه حتى وصل وزني الان حوالي 60ك و مستمره في الزياره فمازا افعل
ملحوظه اصبحت اشعر بالجوع كثيرآ عكس ما كنت طول عمري و لكني احاول السيطره على شهيتي بشرب الماء و الاعشاب و الشاي و اكل الخيار و الخص
منتظره الرد للاهميه الشديده
شكرآ
ياريت اطمن عليكي الاول بتحليل هيموجلوبين وتحليل براز

hananelhosiny
24-04-2011, 11:18 AM
عاوزين نطمئن على المشاركين بالحمله

ياترى ملتزمين بالبرنامج الغذائى ولا .........

وبالتوفيق :14369D~149:

إنسانة
24-04-2011, 06:43 PM
حقيقى فكرة الموضوع رائعة جدا وبالنسبة لى انا كان عندى زيادة فى الوزن حوالى 10 كيلوا جرام والحمد لله كنت ماشية على نظام اللقيمات والحمد لله نزلت 6 كيلوا ونصيحة للأخوة الـ بيستعملوا كبسولات الحرق عندى البديل وجابت معايا نتيجة ممتازة جدا هى غريبة وطعمها شوية صعب لكن استحملوا
الوصفة هى

كمية مناسبة من قشر البصل الأحمر المغلى ويؤخذ كوب قبل الأكل ثلاث مرات ودعواتكم

_amr.mostafa_
24-04-2011, 07:59 PM
عاوزين نطمئن على المشاركين بالحمله

ياترى ملتزمين بالبرنامج الغذائى ولا .........

وبالتوفيق :14369D~149:

:crazyW14:

ولا تقريبا

phantiza
24-04-2011, 11:03 PM
احزروا من الفسيخ والرنجة
فاضل علي الاعادة يومين
اتمني نتايج طيبة ليكم جميعا

michohat
25-04-2011, 12:08 AM
ما تاخدونى معاكم يا جماعه عاوز اخس

hananelhosiny
25-04-2011, 01:26 AM
ما تاخدونى معاكم يا جماعه عاوز اخس


AHLNWSHALN بك معنا فى الحملة :CONGRA~238:
( الجسم المثالى حق للجميع )

انا رديت علي كل الاعضاء الي بلغوني انهم معانا في رسايل خاصة ليهم
ارجو من الادارة الكريمة نشر الموضوع في الصفحة الرئيسية في كل الاقسام حتي يتنسني للجميع المشاركة لانشغال الجميع بالانتخابات
حيت فتح بابا التقدم للمسابقة حتي اسبوع اخر
اخر يوم للتقدم 19/4/2001


مش عارفه رأى الدكتور عمرو هيكون أيه ؟؟

لأنه قال اخر يوم للتقدم 19/4/2001 :12422A~17:

:waving:

michohat
25-04-2011, 12:26 PM
طب ايه شروط الانضمام لانى تهت فى الموضوع (بسم الله ماشاء الله صفحاته كتيره)

_amr.mostafa_
25-04-2011, 01:36 PM
احزروا من الفسيخ والرنجة
فاضل علي الاعادة يومين
اتمني نتايج طيبة ليكم جميعا



ممنوع ؟؟؟؟

phantiza
25-04-2011, 01:49 PM
طب ايه شروط الانضمام لانى تهت فى الموضوع (بسم الله ماشاء الله صفحاته كتيره)
ممكن حضرتك تبعتلي وزنك وطوللك وميعاد النوم والصحيان وطبيعة شغللك علي الخاص

phantiza
25-04-2011, 01:50 PM
ممنوع ؟؟؟؟
طبعا ياعمرو من كبائر الريجيم الفسيخ والرنجة احذر اووي تقع في اي غلطة

phantiza
25-04-2011, 01:55 PM
ان شاء الله انا مستني ردكم بكرة علي اول اسبوع ريجيم وكل واحد يكتبلي خس اد اية علي الخاص

MOUSTAFA_SAAD
25-04-2011, 05:44 PM
يادكتور انت نسيتنى برده ومابعتش النظام
والشعب يريد تنفيذ النظام

حسام البورسعيدى
25-04-2011, 07:00 PM
طيب .. تمام اوى كده .. انا عاوز اشترك معاكوا ...


بس انا عندى مشكلة صغيرة :crazyW14:

















:w6w200504112246446a :w6w200504112246446a انا عاوز اتخن مش اخس :w6w200504112246446a :w6w200504112246446a

nktis
25-04-2011, 08:38 PM
اولا انا طبعا بستفيد من د.عمرو كاخصائي تخسيس وتغذيه...
بس المعلومه ديت انا سمعتها من دكتور انه يجب علي الشخص العادي او اللي ماشي بنظام تغذيه انه يمشي حوالي 150 خطوه عسكريه ( قالها كده باللفظ ) بما يعادل 3 دقائق...

_amr.mostafa_
25-04-2011, 08:41 PM
ممكن ابدل رغيف بلدي بي رغيف فينو


















انا في الرياض هضرب مشوار كل يوم عشان اجيب بلدي:crazyW14:

شل ما عني خسيت:crazyW14:

nktis
26-04-2011, 12:12 AM
منقول...........

الرياض 28 من شهر اغسطس ، 2009 – تقوم إدارة الغذاء والدواء الأميركية بمراجعة معلومات السلامة الدوائية التي تتعلق بتقارير أعراض جانبية تصيب الكبد لدى المرضى الذين يستخدمون دواء اورليستات <SUP>®</SUP>Orlistat والذي يتم تسويقه تحت الاسم التجاري الزينيكال <SUP>®</SUP>Xenical أو قد يسوق في بعض الدول كدواء لا وصفي تحت اسم اللاي <SUP>®</SUP>Alli
http://pharmaxp.files.wordpress.com/2009/09/orlistat2.jpg?w=150&h=124 (http://pharmaxp.files.wordpress.com/2009/09/orlistat2.jpg)
تم تسجيل دواء <SUP>®</SUP>Xenical (اورليستات <SUP>®</SUP>Orlistat) لدى إدارة الغذاء والدواء الاميركية في عام 1999 كدواء يصرف بوصفة طبية لعلاج السمنة المفرطة بالتزامن مع الحمية الغذائية قليلة السعرات الحرارية. وايضاً لمنع عودة زيادة الوزن المفرط للمريض. وفي عام 2007 ميلادي تم الموافقة على دواء اللاي<SUP> ®</SUP>Alli وذلك جعله كمنتج لا وصفي يستخدم للبالغين الذين كانوا يعانون من السمنة المفرطة.في الوقت الحالي يتم تسويق دوائي اورليستات <SUP>®</SUP>Orlistat و زينيكال ®Xenical في أكثر من 100 دولة حول العالم. وفي عام 2009 تم الموافقة على تسويق دواء اورليستات بعينته اللاوصفية في الاتحاد الاوروبي.
الجدير بالذكر انه تسجيل 32 حالة من الإصابات الكبدية الخطيرة بين عامي 1999 و 2008 منها 6 حالات أصيبت بالفشل الكبدي نتيجة لاستخدام هذا الدواء وقد تم تسجيل هذه الحالات في نظام الإبلاغ عن الاعراض الجانبية الأمريكي التابع لإدارة الغذاء والدواء الأميركية. وكانت الاعراض الجانبية الشائعة التي ظهرت على المرضى اليرقان ( اصفرار الجلد والعينان ) وإرهاق عام والآلام في المعدة. وكان عدد الحالات التي تم إدخالها للمستشفى 27 حالة من اصل 32 حالة وردت لإدارة الغذاء و الدواء الأميركية.
بالإضافة إلى رصد 32 حالة لدى إدارة الغذاء والدواء الأميركية تم الإبلاغ عنها فإن إدارة الغذاء والدواء الأميركية تقوم بمراجعة وتحليل بيانات تم استلامها من الشركة المصنعة للعقار اورليستات <SUP>®</SUP>Orlistat بخصوص علاقته بإصابات كبدية لدى المرضى المستخدمين لهذا العقار. وهي حالياً في طور البحث والتقصي ولا يوجد علاقة واضحة ومباشرة بين الإصابات الكبدية وعقار اورليستات <SUP>®</SUP>Orlistat حتى الآن.
الإجراءات التي ينبغي على الممارسين الصحيين إتباعها :

· بناءاً على المعلومات المتوفرة حالياً لدى الهيئة العامة للغذاء والدواء ، فإنها تنصح جميع الممارسين الصحيين بعدم تغيير طريقة وصف عقار ( اورليستات <SUP>®</SUP>Orlistat ، <SUP>®</SUP>Xenical للمرضى.
ينبغي على المرضى إتباعها :

ينبغي على المرضى المستخدمين حالياً لعقار زينيكال <SUP>®</SUP>Xenical متابعة استخدام هذا العقار كما في الوصفة الطبية الخاصة به، كما ينبغي على المرضى المستخدمين لعقار اللاي <SUP>®</SUP>Alli الاستمرار على الاستخدام حسب تعليمات الطبيب المعالج .
على المرضى المستعملين لعقار اورليستات <SUP>®</SUP>Orlistat أن يستشيروا الممارس الصحي المسئول عنهم عند ظهور أي من الأعراض الجانبية التالية : إرهاق أو خمول ، حرارة مرتفعة أو اصفرار في الجلد أو العينان أو بول يميل إلى اللون البني.

nktis
26-04-2011, 12:13 AM
العقار ده متوفر في الصيدليات المصريه بالاسم التجاري.
اورلي لشركه ايفا فارم
اورليستات لسيجما...

حسام البورسعيدى
26-04-2011, 03:41 AM
:w6w200504112246446a :w6w200504112246446a انا عاوز اتخن مش اخس :w6w200504112246446a :w6w200504112246446a



ايه يا جدعان انا طنشتونى كده ليه ؟؟

على فكرة انا بتكلم جد ..

انا طولى 187 ووزنى 62 :crazyW14:

كارثة صح ههههههههههههه

hananelhosiny
26-04-2011, 08:26 AM
ممكن حضرتك تبعتلي وزنك وطوللك وميعاد النوم والصحيان وطبيعة شغللك علي الخاص

كلك ذوق يا دكتور جعله الله فى ميزان حسناتك

يادكتور انت نسيتنى برده ومابعتش النظام
والشعب يريد تنفيذ النظام

دكتور عمرو لا يبخل على أحد وواضح من المداخلة السابقه أعلاه رغم بداية الحمله من أسبوع أرسل له مثلما قال أعلاه

طيب .. تمام اوى كده .. انا عاوز اشترك معاكوا ...
بس انا عندى مشكلة صغيرة :crazyW14:

:w6w200504112246446a :w6w200504112246446a انا عاوز اتخن مش اخس :w6w200504112246446a :w6w200504112246446a





AHLNWSHALNنورت الموضوع يا حسام باشا أنت فى نعمه .... بس برضه لازم تزود وزنك عن طريق تناول (الحلويات بكافة أنواعها / المفتقه / الفول السودانى / كل ما هو ممنوع للتخسيس أنت يكون مسموح لك ) وفى أنتظار رأى د عمرو

ممكن ابدل رغيف بلدي بي رغيف فينو
انا في الرياض هضرب مشوار كل يوم عشان اجيب بلدي:crazyW14:
شل ما عني خسيت:crazyW14:
من أولها هنجيب ورا أهو ؟؟؟ هتفضل على الحال ده كتيييييييير :w6w200504111354306b


اولا انا طبعا بستفيد من د.عمرو كاخصائي تخسيس وتغذيه...
بس المعلومه ديت انا سمعتها من دكتور انه يجب علي الشخص العادي او اللي ماشي بنظام تغذيه انه يمشي حوالي 150 خطوه عسكريه ( قالها كده باللفظ ) بما يعادل 3 دقائق...
:01F577~130: مشكوووووووور ... بس الأكيد أن المشى يوميآ لمده نصف ساعة على الأقل ( خطوه عسكريه ) يساعد فى نجاح النظام الغذائى والتخسيس .

وربنا يوفق الجميع .... :THE_PR~18:

hananelhosiny
26-04-2011, 08:37 AM
ايه يا جدعان انا طنشتونى كده ليه ؟؟

على فكرة انا بتكلم جد ..

انا طولى 187 ووزنى 62 :crazyW14:

كارثة صح ههههههههههههه

:12422A~17: أيه ده حرام عليك ياشيخ :014FDA~117: .... أنت بتعمل أيه علشان وزنك يقل كده ايه ياترى


أنت محتاج تزيد على الأقل 10 :12 ك ربنا يديك الصحه والعافيه

:waving:

phantiza
26-04-2011, 10:05 AM
يادكتور انت نسيتنى برده ومابعتش النظام
والشعب يريد تنفيذ النظام
معلش يامصطفي انا اسف محتاج تبعتلي وزنك وطوللك تاني وطبيعة شغللك وميعاد النوم والصحيان

phantiza
26-04-2011, 10:07 AM
ايه يا جدعان انا طنشتونى كده ليه ؟؟

على فكرة انا بتكلم جد ..

انا طولى 187 ووزنى 62 :crazyW14:

كارثة صح ههههههههههههه
محتاج من حضرتك تحليل براز وتحليل هيموجلوبين (دم)

phantiza
26-04-2011, 11:47 AM
ممكن ابدل رغيف بلدي بي رغيف فينو


















انا في الرياض هضرب مشوار كل يوم عشان اجيب بلدي:crazyW14:

شل ما عني خسيت:crazyW14:
ممكن حضرتك تجيب العيش البر

phantiza
26-04-2011, 12:02 PM
اولا انا طبعا بستفيد من د.عمرو كاخصائي تخسيس وتغذيه...
بس المعلومه ديت انا سمعتها من دكتور انه يجب علي الشخص العادي او اللي ماشي بنظام تغذيه انه يمشي حوالي 150 خطوه عسكريه ( قالها كده باللفظ ) بما يعادل 3 دقائق...
والله احنا نكون صرحاء مع بعض مش كل الي بيعمل ريجيم يقدر يحافظ علي المشي بصفة منتظمة بس الاساسي طبعا النظام الغذائي
طبعا المشي حيسهل عملية نزول الوزن ويسرع عملية الحرق للسعرات

phantiza
29-04-2011, 04:39 PM
واضح ان الحملة جايبها ثمارها الجيدة والدليل محدش قالي وزنة لحد دلوقتي
حتي استاذة حنان صاحبة الفكرة واهو بقالنا 10 ايام ..عاوز اسمع اخبار حلوة قريب

د.كمال
04-05-2011, 04:09 AM
هى الناس راحت فين يادكتور .....أنا عايز حد يشجعنى

corsair
04-05-2011, 01:58 PM
اشجعك انا يا دكتور كمال

انا ابتديت رجيم من يومين

بفطر بيضه وكوباية قرفه بالجنزبيل بالليمون بالكمون

وبتغدي 2 بيضه وطبق سرطه

وبتعشي بيضه واحده

هههههههههههههههههههههههههه

والله انا حاسس اني هفقس قبل ما اخس من كتر اكل البيض واقول للدكتور شوفلي حاجه جانبه زي الجبنه القريش يقولي لازم تمشي علي النظام بحذفيره

اما نشوف هننزل ولا لا

corsair
04-05-2011, 02:03 PM
بقولك يا دكتور عمر ايه رائيك في العيش السن بتاع الرجيم اللي بيتباع في افران العيش الفينو

ودلوقتي مكتوبلي كانتلوب وانا مبكلش الكانتلوب ابدله بأيه

وهل الخوخ بيزود الجسم والجوافه بردك ولا لا

phantiza
04-05-2011, 03:52 PM
بقولك يا دكتور عمر ايه رائيك في العيش السن بتاع الرجيم اللي بيتباع في افران العيش الفينو

ودلوقتي مكتوبلي كانتلوب وانا مبكلش الكانتلوب ابدله بأيه

وهل الخوخ بيزود الجسم والجوافه بردك ولا لا
العيش السن كويس بس نصيحة بدل بينة وبين العيش البلدي
ممكن تبدل الكانتلوب باي فاكهة موجودة دلوقتي الا الموز

phantiza
04-05-2011, 04:18 PM
اشجعك انا يا دكتور كمال

انا ابتديت رجيم من يومين

بفطر بيضه وكوباية قرفه بالجنزبيل بالليمون بالكمون

وبتغدي 2 بيضه وطبق سرطه

وبتعشي بيضه واحده

هههههههههههههههههههههههههه

والله انا حاسس اني هفقس قبل ما اخس من كتر اكل البيض واقول للدكتور شوفلي حاجه جانبه زي الجبنه القريش يقولي لازم تمشي علي النظام بحذفيره

اما نشوف هننزل ولا لا
دة دكتور مين بقي ان شاء الله ياعم احمد
انت بصيت برة المنتدي ولا اية :fun_36_1_30[1]:

corsair
07-05-2011, 05:02 PM
ههههههههههههههههههههه

لا والله يا دكتور عمر بس انا عندي هاجس كدا معرفش اعمل رجيم بدون متابعه مع دكتور كاتشجيع لا اكتر وبيني وبينك انا هسيبه لاني بجد تقريبا زهقني وانا لسه في البدايه وهمشي من دماغي


بقولك بقا يا دكتور عمر انا دلوقتي بخاف اكل العيش البلدي الطري وباكل كل يوم بين وجبة الفطار والغدا 2 رغيف سن متوسط الحجم انا بحب العيش السن لاني ممكن اكله وافضل قاعد يومين من غير اكل

بالنسبة للموز ايه الضرر منه لاني مدمن اكل موز

انا دلوقتي بيقت ببدل ما بين البيض والجبن القريش بالكمون والشطه والطماطم والليمون يعني يوم بيض ويوم افطر جبنه قريش

الغذاء يوم تونه قطعه واحده بربع كوباية خل وليمونه كامله وكمون وشطه وحبة البركة

ويوم باكل قطعتين لحم تقريبا 150 جرام وزن القطعتين

ويوم ورك فرخه بدون جلد

وجبة الغذاء بتضم اساسي طبق سرطة من الطماطم والكابوتشا والفلفل الاخضر والخيار والفلفل الايطالي الاصفر والاحمر والليمون والخل والملح علي خفيف


العشا مبتعشاش للاسف هل ده في ضرر

هل لازم انظم مواعيد الاكل لاني غير منتظم الا في مواعيد الفطار فقط


انا بفطر الساعه 7.30 صباحا وبتغدي الساعه 7 مساءً

وبين الوجبتين زي ما قولت لحضرتك بضرب رغفين سن علي الساعه 2 ظهرا


وقبل النوم بشرب شاي رجيم جايبه من الصيدليه

وفي وسط اليوم ممكن اشرب كوباية شاي بنصف ملعقه سكر

او كوباية ينسون بحليب بنصف ملعقه سكر

ايه رائيك في النظام ده

طولت عليك يا غالي معلش استحملني هخدمك في اي شبكة دولية تحب تعملها هههههههههه

Hazemomar
07-05-2011, 06:18 PM
والله الموضوع ما شاء الله ... هيشجع الكل .. و ان شاء الله الكل يصل لليتمناه ... و انا مشارك ... ولا خلاص مفيش تذاكر فاضله :crazyW14: ....

phantiza
09-05-2011, 12:31 AM
ههههههههههههههههههههه

لا والله يا دكتور عمر بس انا عندي هاجس كدا معرفش اعمل رجيم بدون متابعه مع دكتور كاتشجيع لا اكتر وبيني وبينك انا هسيبه لاني بجد تقريبا زهقني وانا لسه في البدايه وهمشي من دماغي


بقولك بقا يا دكتور عمر انا دلوقتي بخاف اكل العيش البلدي الطري وباكل كل يوم بين وجبة الفطار والغدا 2 رغيف سن متوسط الحجم انا بحب العيش السن لاني ممكن اكله وافضل قاعد يومين من غير اكل

بالنسبة للموز ايه الضرر منه لاني مدمن اكل موز

انا دلوقتي بيقت ببدل ما بين البيض والجبن القريش بالكمون والشطه والطماطم والليمون يعني يوم بيض ويوم افطر جبنه قريش

الغذاء يوم تونه قطعه واحده بربع كوباية خل وليمونه كامله وكمون وشطه وحبة البركة

ويوم باكل قطعتين لحم تقريبا 150 جرام وزن القطعتين

ويوم ورك فرخه بدون جلد

وجبة الغذاء بتضم اساسي طبق سرطة من الطماطم والكابوتشا والفلفل الاخضر والخيار والفلفل الايطالي الاصفر والاحمر والليمون والخل والملح علي خفيف


العشا مبتعشاش للاسف هل ده في ضرر

هل لازم انظم مواعيد الاكل لاني غير منتظم الا في مواعيد الفطار فقط


انا بفطر الساعه 7.30 صباحا وبتغدي الساعه 7 مساءً

وبين الوجبتين زي ما قولت لحضرتك بضرب رغفين سن علي الساعه 2 ظهرا


وقبل النوم بشرب شاي رجيم جايبه من الصيدليه

وفي وسط اليوم ممكن اشرب كوباية شاي بنصف ملعقه سكر

او كوباية ينسون بحليب بنصف ملعقه سكر

ايه رائيك في النظام ده

طولت عليك يا غالي معلش استحملني هخدمك في اي شبكة دولية تحب تعملها هههههههههه
ماشاء الله كلة زي الفل بس ليا شوية ملاحظات
ممنوع الموز لان لية سعرات عالية اوي الموزة 100 جرام ممكن توصل ل102 سعر حراري
عشان اسهلهاللك100 جرام من الخيار 18 سعر حراري اظن الفرق واضح بين السعرات والكمية واحدة في الاتنين
حاول علي قد ماتقدر قلل من العيش السن عشان للاسف بيسبب هشاشة علي المدي الطويل
كل النظام الي متبعة كويس اوووي ياريت توزن نفسك كل اسبوع وممنوع انك تسيب الدكتور لانك ببساطة صعب انك تمشي لوحدك علي نظام الاكل

phantiza
09-05-2011, 12:40 AM
والله الموضوع ما شاء الله ... هيشجع الكل .. و ان شاء الله الكل يصل لليتمناه ... و انا مشارك ... ولا خلاص مفيش تذاكر فاضله :crazyW14: ....
بعت لحضرتك النظام المناسب ليك علي الخاص

corsair
10-05-2011, 03:31 PM
تسلملي يا غالي وان شاء الله امنع الموز خالص وهبدله ياما بالخيار يا بالتفاح

وبالنسبة للعيش السن هحاول اقلل منه لاني باكل كل يوم رغفين سن حجم وسط بين الفطار والغذاء

طب والجبن القريش واللبن مش ممكن يعوضوا اللي العيش السن بيعملوا يعني انا العيش السن مش هيسببلي هشاشه عظام لاني مواظب علي الجبن القريش واللبن والبيض يعني اكلي كله غني بالكالسيوم

nktis
10-05-2011, 11:54 PM
تسلملي يا غالي وان شاء الله امنع الموز خالص وهبدله ياما بالخيار يا بالتفاح

وبالنسبة للعيش السن هحاول اقلل منه لاني باكل كل يوم رغفين سن حجم وسط بين الفطار والغذاء

طب والجبن القريش واللبن مش ممكن يعوضوا اللي العيش السن بيعملوا يعني انا العيش السن مش هيسببلي هشاشه عظام لاني مواظب علي الجبن القريش واللبن والبيض يعني اكلي كله غني بالكالسيوم
لو هتوزن نفسك كل اسبوع يبقي عندي........ميزان الماني وزن وطول وفيه الوحده الانجليزيه والكيلو والوزن مجانا...................هههههههههههه

black-horse
09-06-2011, 01:04 PM
:12C186~161::CHUBBY~36:

black-horse
09-06-2011, 01:05 PM
شكرا يا دكتور علي موضوعك الجميل دة بجد اسعدتنا وافدتنا كتير
كنت احب احكي للاعضاء عن تجربتي الشخصية في موضوع الريجيم
انا زي الاخ كورسير كذا مرة اعمل ريجيم اخر مرة بقي كانت من حوالي سنتين
بس كان في حاجه مهمة جدا اتقالتلي
زي ما انت تخنت الكيلوات دي في كم سنة؟ متعتقدش انك هتخس في اسبوع؟؟؟
وبعدين دة لازم يبقي نظام حياة مش يومين وخلاص
اولا الملح والسكر ابتديت اقلل منهم بالتدريج لدرجة اني ممكن دلوقتي اكل سلطة من غير ملح خالص عادي جدا والسكر ف الشاي وصلت لاني اشربه من غير سكر خالص بس رجعت تاني بقيت احط نص معلقة
ثانيا واهم حاجة بقي
زي ما انت بتصرف علي عربيتك ومتستخسرش اصرف علي ريجيمك!! اعتبر الريجيم دة رقم واحد في حياتك فضي نفسك من شغلك شوية وكل حاجه في حياتك وابتدي الريجيم
متجوعش نفسك بمعني تفضل طول اليوم علي لحم بطنك, ومش عايز ترجع البيت تاكل التلاجة كلها !! مينفعش لازم توزع الاكل طول اليوم والفطار الكويس مهم جدا جدا جدا
الاكل المسائي اخطر حاجة بالليل الحرق بيقل اجدادنا زمان كانت حياتهم بتنتهي باذان العشا احنا بقي بنبتدي منه مع انهم زمان السمنة البلدي وكباية اللبن الصبح عليها معلقتين سمنة(كانو بيشريبوهم ازاي)
ولازم تشترك في جيم لان احنا متفقين انك واخد الموضوع جد
الجيم بقي اول اسبوع مشي 40 دقيقة عشان لو اكتر يبقي هتكون عضلات والمفروض الاول حرق الدهون وخليها علي 3 او 4 اقصي شئ ولو عايز تمارين بطن ممكن ربع ساعة
واهم حاجه بقي
هتلاقي فترات الميزان مبيتحركش
اسقط النظام دة او خد فري 3 ايام بس ابوس ايدك بلاش تدخل علي تلاجة الجيران
عشان جسمك اعلن الحرب
عارف الطفل الصغير الي بتسايسه اعتبر جسمك كدة وخليك دايما فاكر متزهقش
واستعين بالله وعدد نواياك لان تخيل لو انت مثلا بتنوي تعمل ريجيم للمحافظة علي جسمك اللي ربنا اداهولك
وكمان عشان تقدر تعبدة صح لانك ممكن تكون بتصلي وانت قاعد وما تصدق الصلاة تخلص لانك تعبان
وبنية اني ابقي مسلم مثالي وقدوة للاخرين وعدم الافراط في فضول الطعام كسنة فقهية
وايضا الرياضة علي فكرة من السنن ايضا وكمان المسلم القوي احب الي الله من المسلم الضعيف
وخد بالك من حاجه اول طلعة دي خدها بالهداوة بمعني هتلاقي نفسك كتير ف الاول بتقول اية دة مش هاكل شوكولاتة ومش هغرف طبقين مكرونة مش هشرب فخفخينا كل دة طب لية عااااااااااااااااااادي عودة ف الاول بالهداوة مش ريجيم قاسي لا
وكمان الطبق وطريقة التقديم وكل بالراحة جدا جدا جدا
والسر بقي الخطير...
السمك المشوي جبار بجد
هي دي كانت تحربتي مع الريجيم (استمر سنة ومتستغربش ان انا صبرت انا اكتر واحد مستعجل في الدنيا دي بجد)وارجو انكو تستفيدو بيها

corsair
09-06-2011, 02:10 PM
الله عليك يا غالي والله كلام في الجون بس اللي يعمل بيه مشكلتي اني خلقي ضيق وبزهق بسرعة بس المره ديه يا قاتل يا مقتول:w6w200504112220146b:12C186~161::k_crying77[1]:

corsair
09-06-2011, 02:16 PM
لو هتوزن نفسك كل اسبوع يبقي عندي........ميزان الماني وزن وطول وفيه الوحده الانجليزيه والكيلو والوزن مجانا...................هههههههههههه


ابعت يا كبير انا جاهز شوف هتشحنه امتي

nktis
10-06-2011, 12:22 AM
ههههههههههه.... ماشي يا عم
ومتقلقش عداده 220 انا عندي زباين من النوع الطخين وساعات بقلق علي الميزان بس بصراحه وحش واديك فكرتني موزنتش نفسي من فتره.......

corsair
10-06-2011, 11:21 AM
ههههههههههههههههههههههههههههه

لازم يعني تقول 220 ليه بس الفضايح ديه علي العموم انا مش هوصل للنص هههههههههههههه

nktis
12-06-2011, 11:44 PM
الدكتور عمرو phantazia بقاله فتره مش موجود معانا.......
لعل المانع خير ان شاء الله.........

مهند النجار
13-06-2011, 02:48 PM
ان شاء الله
هنعمل رجيم
هنلعب رياضة و لو نفعت ممكن نوضح لكم انتظروني و ادعولي مش اخس لا اتجح في الامتحانات انا في 3 ثانوي
انا 185
80

تحياتي

ahmed_harb777
21-06-2011, 02:50 AM
والله يادكتور انا زهقت من موضوع انظمه التخسيس دي
هي بتجيب نتائج كويسه جدا معايا بس مش بعرف دايما التزم بيها لاني في كل وجبه لازم اكل اكل معين وانا في اوقات كتير بكون خارج البيت لظروف الشغل وطبعا بضطر اكل اي احاجه

فانا عملت ليا نظام مع نفسي هو اني قللت الاكل بكل انواعه وبقيت املي معدتي بالمياه لحد لما اروح

عاوز اعرف رأيك
وشكرا

alymonir
21-06-2011, 04:03 AM
يوهووووووووووووه:w6w2005041122053268
هو فيه حد لسة هنا في الموضوع دة:14369D~149:
تخيلوا إني لسة شايفه دلوقتي444546
معلش استحملوني شوية رغي كدة قبل صلاة الفجر:shy:
حاحكيلكم قصة سريعة و عايز حد يفيدني بالله عليكم
و حاقتبس موضوع الحديث في نقاط دة علشان لقيته أحسن من الحكاوي وبيوفر وقت و مجهود:120105~352:

1- أنا كنت لحد الكلية تقريبا وزني أقل من الطبيعي ( طول 180 , وزن من71-76 كجم )
2- بدأت بعد التخرج و مع الشغل و اللخبطة في الأكل و لمة الفطار في الشغل وزني يزيد بالتدريج بس تقريبا مازيدتش عن 82 كجم:waving:
3- جالي من حوالي سبع سنين زي التهاب شديد في الاثنا عشر ( أقل من القرحة ) و قعدت أتعالج منه فترة طويلة و بعاني منه كل فترة لحد دلوقتي
4- القولون عندي ( و 90% من المصريين ) مش متضبط يعني فيه أكلات بتجيبلي انتفاخات و عسر هضم و الذي منه
5- ارتجاع المريء : اللي هو أصلا سبب التهاب الاثنا عشر بيعملي مشكلة جامدة جدا إني لما باجوع فم المعدة بيوجعني جدا باضطر اكل كتير ( سد للوجع )
6- بعد الزواج و شغل الورادي لمدة 4 سنين دلوقتي + عملية من سنتين قعدتني في البيت شهرين , ضربت:fun_36_1_7[1]:
وزني دلوقتي حوالي 92-93 كجم و في زيادة و مش عارف أعمل كنترول على نفسيILIL
ايه الحل ؟؟
مع العلم بإني مش عايز أعمل رجيم لأني كل ما أقرر أعمل رجيم الموضوع بيقلب بالعكس:08A742~169:
و كمان طبيعة شغل الورادي بتخليني مش عارف أنتظم على رياضة أو جيم:fun_7_5_128[1]:
ملحوظة : مش عايز شتيمة :)ANAA7TG:12EA6C~133:

phantiza
21-06-2011, 07:37 PM
الدكتور عمرو phantazia بقاله فتره مش موجود معانا.......
لعل المانع خير ان شاء الله.........
شاكر ليك يادكتور علي السؤال
الحمد لله اتمتع بكامل الصحة
اعتذر لانشغالي الطويل بالعمل

phantiza
21-06-2011, 07:44 PM
يوهووووووووووووه:w6w2005041122053268
هو فيه حد لسة هنا في الموضوع دة:14369D~149:
تخيلوا إني لسة شايفه دلوقتي444546
معلش استحملوني شوية رغي كدة قبل صلاة الفجر:shy:
حاحكيلكم قصة سريعة و عايز حد يفيدني بالله عليكم
و حاقتبس موضوع الحديث في نقاط دة علشان لقيته أحسن من الحكاوي وبيوفر وقت و مجهود:120105~352:

1- أنا كنت لحد الكلية تقريبا وزني أقل من الطبيعي ( طول 180 , وزن من71-76 كجم )
2- بدأت بعد التخرج و مع الشغل و اللخبطة في الأكل و لمة الفطار في الشغل وزني يزيد بالتدريج بس تقريبا مازيدتش عن 82 كجم:waving:
3- جالي من حوالي سبع سنين زي التهاب شديد في الاثنا عشر ( أقل من القرحة ) و قعدت أتعالج منه فترة طويلة و بعاني منه كل فترة لحد دلوقتي
4- القولون عندي ( و 90% من المصريين ) مش متضبط يعني فيه أكلات بتجيبلي انتفاخات و عسر هضم و الذي منه
5- ارتجاع المريء : اللي هو أصلا سبب التهاب الاثنا عشر بيعملي مشكلة جامدة جدا إني لما باجوع فم المعدة بيوجعني جدا باضطر اكل كتير ( سد للوجع )
6- بعد الزواج و شغل الورادي لمدة 4 سنين دلوقتي + عملية من سنتين قعدتني في البيت شهرين , ضربت:fun_36_1_7[1]:
وزني دلوقتي حوالي 92-93 كجم و في زيادة و مش عارف أعمل كنترول على نفسيILIL
ايه الحل ؟؟
مع العلم بإني مش عايز أعمل رجيم لأني كل ما أقرر أعمل رجيم الموضوع بيقلب بالعكس:08A742~169:
و كمان طبيعة شغل الورادي بتخليني مش عارف أنتظم على رياضة أو جيم:fun_7_5_128[1]:
ملحوظة : مش عايز شتيمة :)ANAA7TG:12EA6C~133:
اولا اهلا بيك معانا
ثانيا اشكر حضرتك عليانك مجرد ناوي تخس يعني الاساس للتخسيس موجود ناقصك بس الهدف الي المفروض تحققة عشان تكمل الي هو نزوللك حوالي7 او 8 كيلو (موضوعك بسيط اوي )
شوف ياسيدي
مش حددللك نوعية الاكل وكمية الاكل الي تاكلها بس حقوللك علي الممنوعات المعروفة للريجيم زي
(المياة الغازية . العسل .عصير القصب .اللب . السوداني.الشيبسي.................................. .....)
طبعا قائمة الممنوعات معروفة تجنبها فقط لمدة اسبوع وبلغني بالنتايج

phantiza
21-06-2011, 07:46 PM
والله يادكتور انا زهقت من موضوع انظمه التخسيس دي
هي بتجيب نتائج كويسه جدا معايا بس مش بعرف دايما التزم بيها لاني في كل وجبه لازم اكل اكل معين وانا في اوقات كتير بكون خارج البيت لظروف الشغل وطبعا بضطر اكل اي احاجه

فانا عملت ليا نظام مع نفسي هو اني قللت الاكل بكل انواعه وبقيت املي معدتي بالمياه لحد لما اروح

عاوز اعرف رأيك
وشكرا
انا الي مستني تقولي الاخبار اية بعد ماقللت كمية الاكل
هل حسيت بنزول الوزن؟

ahmed_harb777
22-06-2011, 02:19 AM
انا الي مستني تقولي الاخبار اية بعد ماقللت كمية الاكل
هل حسيت بنزول الوزن؟


الحمد لله بدأت تجيب نتيجه معايا بس بطيئه شويه لكن انا ان شاء الله مصر علي اني استمر في الموضوع ده لاني من فتره بدأت احس بألام في رجلي من تقل وزني اللي انا ماكنتش متعود عليه قبل كده
وشكرا علي اهتمامك

ahmed_2011
22-06-2011, 04:49 PM
ربنا يخليك يا دكتور والله انا فعلا محتاجة اعرف طرق صحية للتخسيس وبشكل سريع لاني بمشي علي ريجيم وانزل فعلا عليه وبعد كده بلخبط تاني وارجع ازيد انا مشكلتي المياه الغازية .. هل هي فعلا بتأثر كتير علي الجسم وبتزود الجسم بعيد عن الاكل يعني ؟

Rania Elhoseny
22-06-2011, 09:42 PM
شكرا يا دكتور ممكن بقى تقولنا على نظام مبنى على الهرم الغذائى وللاطفال كمان لو فى طفل بيعانى من السمنة

nktis
23-06-2011, 10:14 PM
متابع..............

phantiza
23-06-2011, 10:34 PM
ربنا يخليك يا دكتور والله انا فعلا محتاجة اعرف طرق صحية للتخسيس وبشكل سريع لاني بمشي علي ريجيم وانزل فعلا عليه وبعد كده بلخبط تاني وارجع ازيد انا مشكلتي المياه الغازية .. هل هي فعلا بتأثر كتير علي الجسم وبتزود الجسم بعيد عن الاكل يعني ؟
طبعا المياة الغازية ليها تاثير سريع علي زيادة الوزن
ممكن حضرتك تبدلها باي عصير فريش او اي عصير بيور او h2o

phantiza
23-06-2011, 10:39 PM
شكرا يا دكتور ممكن بقى تقولنا على نظام مبنى على الهرم الغذائى وللاطفال كمان لو فى طفل بيعانى من السمنة
عيون الطفل زي المرايا بالظبط يعني مش بياكل غير الي يتحط ادامة رز حياكل عيش حياكل
الاساس في نزول الوزن للاطفال يعتمد بشكل اساسي علي الام علي حسن انتقاء الغذاء وطبعا زيادة المجهود البدني( ممارسة اي رياضة )

_amr.mostafa_
23-06-2011, 11:41 PM
:k_crying77[1]:ياه انا نسيت خالص بس سؤال الفشار بيتخن طبعا خالي من اي حاجه يعني بس ذره

بدون زيت ومش عارف ايه

phantiza
20-07-2011, 12:40 AM
المشكلة في الزيت مش في الفيشار نفسة

MOUSTAFA_SAAD
20-07-2011, 07:44 AM
طبعا المياة الغازية ليها تاثير سريع علي زيادة الوزن
ممكن حضرتك تبدلها باي عصير فريش او اي عصير بيور او h2o

طب المياه الغازيه الدايت برده بتخن

bmkbmk
20-07-2011, 08:34 AM
يا شباب .. حد سمع عن برنامج P90X للياقة البدنية و التخسيس؟

corsair
20-07-2011, 08:50 AM
أيه النظام ده يا ابو كمال

يسلام لو نظام ينزلنا الجسم ده كله في يومين تلاته بدل الزل اللي احنا فيه ده

bmkbmk
20-07-2011, 09:35 AM
أيه النظام ده يا ابو كمال

يسلام لو نظام ينزلنا الجسم ده كله في يومين تلاته بدل الزل اللي احنا فيه ده


هههههههه يومين تلاتة ... دايما مستعجلين على كل حاجة يا شباب اليومين دولون :)

بص يا باشا هو نظام تمارين رياضية بيستمر معاك 3 شهور و يغير شكل جسمك تماما و ممكن تعمله تانى و تالت و رابع زى ما انت عايز ... و هو ينفع للوحوش اللى زى حالتنا عشان يخسو و ينفع كمان للرفيعين علشان يظبطوا شكل جسمهم و طبعا لياقتهم ( يلا نعمل فورمة الساحل)

وهى تمارين سويدى لمدة ساعة فى اليوم ست أيام فى الاسبوع يعنى فيه يوم راحة

و بيجى معاه نظام غذائى كمان علشان تمشى عليه من الرياضة

اعمل بحث على جوجل و شوف صور الناس اللى طبقت النظام ده و شوف لو عاوز تدوس يا موعلم :)

أكتب Fat P90X و اختار الصور و زيط يا دوود

corsair
20-07-2011, 10:17 AM
طب يا عم الحاج عايزين نشوفلنا حد في البلد اللي ما يعلم بيها الا ربنا ديه يطبقلنا النظام ده

mf
20-07-2011, 10:27 AM
:w6w2005041113562663:w6w2005041113562663:w6w200504 1113562663:w6w2005041113562663:w6w2005041113562663 :w6w200504112239346e:w6w200504112239346e:w6w200504 112239346eSPAGETYSPAGETYSPAGETYSPAGETYطب يا عم الحاج عايزين نشوفلنا حد في البلد اللي ما يعلم بيها الا ربنا ديه يطبقلنا النظام ده

bmkbmk
20-07-2011, 10:41 AM
طب يا عم الحاج عايزين نشوفلنا حد في البلد اللي ما يعلم بيها الا ربنا ديه يطبقلنا النظام ده

لو عاوز ملف التورنت بتاع التحميل ابعتهولك يا باشا ...
هى عبارة عن فيديوهات فيها التمارين تشغلها على الدى فى دى أو الكمبيوتر و تعمل التمرين و انت بتتفرج ... و معاها جدول بتمرين كل يوم و طبعا النظام الغذائى إياه

عموما اول ما اروح البيت ان شاء الله هبعت لك الملف

ahmedamro
23-09-2011, 11:07 PM
طيب لو مفيش فيها مشاكل يا دكتور بس اميلك الى على الياهو :fun_36_3_11[1]:

ahmedamro
24-09-2011, 01:46 PM
ايه الدكتور مش هيرد عليا ولا ايه

phantiza
02-10-2011, 01:02 AM
معلش مكنتش فاضي الايام الي فاتت والميل لحضرتك حبعتة علي الخاص

ahmedamro
02-10-2011, 09:54 PM
الف الف الف الف شكر انا ضفتك ومستنى انك تفتح انا بفتح من بعد الساعه 8 بليل ببقى لسا جاى من الشغل انا فى الانتظار

Good09
15-11-2011, 04:01 AM
ثانيا:تجنب شرب الماء اثناء وبعد الاكل (المفروض تشرب قبل كل وجبة 2 كوب ماء )

طيب المفروض يا دوكتور اشرب المية قبل الاكل باد ايه ؟
و كمان بعد الاكل بأد ايه؟
و هل الشوربة يستحن ما تكونش مع الاكل كمان ؟؟؟
ياريت الاجابة على الاسئلة السابقة و شكرا

phantiza
20-11-2011, 07:08 PM
يفضل شرب الماء قبل الاكل بتلت ساعة مع طبق سلطة كبير
بعد الاكل بساعة
الشوربة كلها دسم يفضل عدم شربها اثناء الريجيم
تحت امرك ورديت علي سياتك علي الخاص

Good09
21-11-2011, 02:10 AM
يفضل شرب الماء قبل الاكل بتلت ساعة مع طبق سلطة كبير
بعد الاكل بساعة
الشوربة كلها دسم يفضل عدم شربها اثناء الريجيم
تحت امرك ورديت علي سياتك علي الخاص
فعلا يا فندم و انا شاكر لحضرتك

alymonir
14-02-2012, 07:22 AM
ايه
خلاص ؟؟
كله خس و لا ايه ؟؟؟؟

phantiza
16-02-2012, 12:24 AM
الحمد لله تقريبا كدة كلة خس
لاني مش شايف حد بقالي كتيييييير

nktis
16-02-2012, 07:36 PM
سؤال للدكتور عمرو..........
طبعا حضرتك اكيد تعرف عن الاعلانات اللي ماليه التلفزيون عن لزق التخسيس ...
المنتج ده انا باعتقد اعتقاد كبير انه اشتغالات ونصب؟؟؟ وهل فيه فعلا منتج اصلي للتخسيس عباره عن لاصقات.؟؟
للاسف ناس كتير بيصدقوا الاعلانات.:w6w200504112236376d
:12EA7A~153:

megamoudy
02-03-2012, 09:41 AM
انا عندي 24 سنة
وطولي 168 سنتي ووزني 95 ......... بحاول اعمل ريجيم بس الجوع بيقتلني اعمل ايه والكرش شكله بايخ اوي

phantiza
25-05-2012, 09:56 AM
حضرتك ممكن تبعتلي بيانات عن
طبيعة شغللك
هل بتستعمل اي ادوية؟
مواعيد النوم والاستيقاظ؟

phantiza
09-02-2013, 12:36 AM
UP
UP
UP
:fun_36_1_39[1]:

phantiza
04-10-2014, 03:21 PM
شاهد التطور في عالم التخسيس الصور قبل وبعد كورس مكثف لتفتيت الدهون الموضعية باحدث الاجهزة الخاصلة علي شهادة الجودة الاوربية
خش وقول رايك
https://www.facebook.com/pages/%D9%85%D8%B1%D9%83%D8%B2-%D8%A7%D9%84%D8%A7%D8%B3%D8%B1%D8%A7%D8%A1-%D9%84%D9%84%D8%B9%D9%84%D8%A7%D8%AC-%D8%A7%D9%84%D8%B7%D8%A8%D9%8A%D8%B9%D9%8A-%D9%88%D8%A7%D9%84%D8%AA%D8%AE%D8%B3%D9%8A%D8%B3/235455479962660