المساعد الشخصي الرقمي

مشاهدة النسخة كاملة : المرور التابع لك.. جراله إيه ؟؟


kimocyc
09-02-2011, 03:39 PM
السلام عليكم ورحمة الله اعضاء المنتدى الكريم..

ياريا الكل يشارك ويدلي بأخبار المرور التابع له..

- ماذا حدث له ؟؟
- هل تم حرقه أم لا ؟؟
- هل يعمل بكفاءة ؟؟
- هل تم نقل اعماله لمرور آخر ؟؟
- ما هي المدة الزمنية لإجراءات التراخيص والمخالفات وما إلى ذلك ؟؟
- طريقة التعامل الآن بعد ثورة 25 يناير اختلفت عما قبل ولا كما هي ؟؟
- تحصيل الغرامات والمخالفات موجودة ام تم التخفيف عن الشعب.. ؟؟

واسئلة كتييييييير جدا.. والكل مدعو للمشاركة..

kimocyc
09-02-2011, 03:43 PM
عن نفسي..

- مرور العجمي.. الاسكندرية: من يوم ما رخصت العربية وكان يوم ما يعلم بيه إلا ربنا.. قررت الا اراه إلا بعد 3 سنوات.. بس سمعت انه تم حرقه تماما..

حسام البورسعيدى
09-02-2011, 03:49 PM
اولا انا من بورسعيد ..

وبورسعيد مفيهاش غير مديريتين مرور فقط وهما مديرية مرور بورسعيد ومديرية مرور بورفؤاد ..

اللى شفتها بعينى وتفحصتها من الداخل هى مديرية مرور بورسعيد ..

تم حرقها بالكامل وتم سرقه كمبية كبيرة جدا من الموتوسيكلات المسحوبة (اكتر من 1000 موتوسيكل) بالاضافة الى موتوسيكلات المرور ..

والكارثة الاكبر انى وجدت ساحة مرور بورسعيد قد تحول (شونة سيارات) ووجدت ناس كتيير جدا بيفككوا العربيات اللى موجوده لغاية لما بقت كلها على الصاج ...

ونفس الكلام ده حدث فى بورفؤاد ...

ولا اعتقد انه تم نقل اعماله الى مكان اخر حاليا .....

kimocyc
09-02-2011, 04:12 PM
* مرور محرم بك - اسكندرية: تم حرقه تماما.. \ جاري العمل به \ جاري الإصلاح \ الموظفين حضور وانصراف وشكرا \ المخالفات: لا اعتقد والرخص المنتهية وما الى ذلك ابتداء من يوم السبت او بيحولك على مرور ابيس

mialbedewy
09-02-2011, 04:36 PM
عندنا مرور طنطا تم حرقه ونهبه وتم حرق موتوسيكلات ياماها بتاعت المرور بس المبني ده بتاع تراخيص السواقه وليس العربيات وكذلك بتاع ظباط المرور انما مبني تراخيص العربيات سليم
وفيه الشون بتاع المرور اللي فيه العربيات المسحوبة والموتوسيكلات اتسرق عن بكرة ابيه
حتي سمعت قصه طريفه ان 4 حرمية شركاء اختلفو علي عربية سيراتو فعشان ميخسروش بعض قرروا يحرقوها

MOTOR HEAD
09-02-2011, 06:44 PM
مرور السويس
تمت ازله السور بتاعه بالبلدوزر
سرقه الموتسكلات الصينى و الريس بتاع المرور
حرق الملفات:crazyW14:

Maged_Samy
09-02-2011, 08:55 PM
لو ملف العربيه اتحرق ازاى الناس هتجدد التراخيص وتبيع وتشترى ؟

karem ali
09-02-2011, 11:54 PM
انا عن نفسى من الاسكندريه و تابع لمرور محرم بك و اتحرق و بابا مرور العجمى و اتحرق هو كمان

kimocyc
10-02-2011, 12:02 AM
يلا يا رجالة مصر موتورز.. عايزين تفاعل اكتر ، ومعلومات اكتر

وكل الشكر لكل من تفاعل وقام بنقل التجربة

خالداعزالناس
10-02-2011, 12:26 AM
يمكن %90 من اقسام الشرطه اتحرقت :14369D~149:
يارب انعم على مصر فى القريب العاجل بالامن والامان ....
والى مستقبل قريب .... أفضل من ما قبل 25/1/2011

karem ali
10-02-2011, 03:30 AM
يلا يا رجالة مصر موتورز.. عايزين تفاعل اكتر ، ومعلومات اكتر

وكل الشكر لكل من تفاعل وقام بنقل التجربة
طب انا عاوز اعرف حاجه ضرورى انا دلوقتى هعمل ايه انا عربيتى محرم بك و الحمد لله اهو اتحرق السؤال باء
انا لم اروح اجدد هاعمل ايه و المخالفات الى على العربيه هيكون ايه العمل و على فكره التجديد القادم شهر 6 2011 ممكن اعرف ايه الى هيحصلايه ياترىايه ياترى

HaMaDa-ToUBaR
10-02-2011, 03:35 AM
انا كمان مرور بورسعيد وزى ما شوفتوا اتحرق بالكامل بالملفات بالدنيا كلها
انا بالنسبة لعربيتى دلوقتى وضعها اية من غير ورق انا مش عارف ؟؟؟؟؟

karem ali
10-02-2011, 03:40 AM
انا كمان مرور بورسعيد وزى ما شوفتوا اتحرق بالكامل بالملفات بالدنيا كلها
انا بالنسبة لعربيتى دلوقتى وضعها اية من غير ورق انا مش عارف ؟؟؟؟؟
حماده باشا اخبارك ايه يا جميل:14369D~149:

corsair
10-02-2011, 09:10 AM
انا الحمد لله المرور عندي قوات مسلحة يعني متخدش من الاخر

علي فكرة عايزين نقوم بمظاهره علشان نخفض الضريبة بتاعت العربية والتامين كمان علشان دول شوية حرمية

amr_love523
10-02-2011, 09:23 AM
انا تابع لمرور الاميرية ودة برضو اتحرق بس لسه فيه الروح يقدرو يشتغلو فيه

acounter01
10-02-2011, 11:12 AM
مرور فيصل عندنا زي ما هو
يا مليون خسسسسسسسسسسسسارة

karem ali
11-02-2011, 01:57 AM
انا الحمد لله المرور عندي قوات مسلحة يعني متخدش من الاخر

علي فكرة عايزين نقوم بمظاهره علشان نخفض الضريبة بتاعت العربية والتامين كمان علشان دول شوية حرمية
مرزق من يومك
444546444546

فاطومه المصريه
11-02-2011, 03:26 AM
مرور الاميريه المجمع بالكامل تم احراقه وسرقته
المجمع به القسم والمرور ومصلحه الجوزات و السجل المدنى

Komy
11-02-2011, 03:34 AM
عندنا مرور طنطا تم حرقه ونهبه وتم حرق موتوسيكلات ياماها بتاعت المرور بس المبني ده بتاع تراخيص السواقه وليس العربيات وكذلك بتاع ظباط المرور انما مبني تراخيص العربيات سليم
وفيه الشون بتاع المرور اللي فيه العربيات المسحوبة والموتوسيكلات اتسرق عن بكرة ابيه
حتي سمعت قصه طريفه ان 4 حرمية شركاء اختلفو علي عربية سيراتو فعشان ميخسروش بعض قرروا يحرقوها



ايوه فعلا السيراتو اتحرقت يا رجالة واللى اكدلى الكلم ده لختى لأنها ساكنة هناك

corsair
11-02-2011, 08:35 AM
مرزق من يومك
444546444546

انا اللي مرزق بردك يا ريت كان المرور عندي ولع زي عندكم وكان اتشال من عليا المخالفات زي ما اتشالت من عليك يا محظوظ

احمد بدر1978
11-02-2011, 08:58 AM
مرور العجمى ومحرم بيك فى خبر كان اتحرقوا

corsair
11-02-2011, 11:06 AM
عبال مرور اشمون يا ابو حميد

tamer0000
11-02-2011, 02:20 PM
حد يعرف مرور اكتوبر حصله حاجه ؟؟

zago boss
11-02-2011, 03:09 PM
ايه ده مرور فيصل زي ماهو ؟؟؟
طب انا نازل احرقه :crazyW14:

ramremo
16-02-2011, 10:46 PM
طيب حد يعرف الدراسه جراله ايه ؟؟

سالم سلامه
16-02-2011, 11:26 PM
مرور شبين الكوم بخير يا رجالهROSE4U

vr.w32i
17-02-2011, 03:27 AM
حد عندو اخبار عن مرور كفر الشيخ دسوق
اخبارو ايه
ومرور حلون وبحمد الله مش اتحرق بس هو اتكسر وانتقل لمرور الشروق ياديى السحله اللى زى الفل

Marawan Mohammed
17-02-2011, 08:00 AM
و الله شيء غريب الناس فرحانه فى حرق و تخريب إدرارات المرور

amrmaismail
17-02-2011, 03:36 PM
السلام عليكم يا شباب
مرور شرق الاسكندريه ( ابيس ) تمام مجرالهوش حاجة
ومرور العجمي بيرخصوا فيه

انا كنت شاري عربيه من القاهره وماشي بتصريح لغايه ما الملف ييجي من مصر بقالي سنه
ورحت القاهره صدرت الملف من هناك شهر ١٢ اللي فات :playing_music:

المهم كنت قلقان اوي ان الملف اللي حفيت علشان اصدره من القاهره اتحرق
وفرحت اويييييييييييي ان مرور ابيس ماتحرقش والملف سليم
المهم رحت ابيس وانا مطمن مالقتش الملف ANAA7TG

قلتلهم لأ ااااااااااااااااا انا مصدره من هناك
قالولي آهههه ده بييجي من القاهره علي محرم بك و محرم بك يبعته هنا

احـ ....:crazyW14:
يعني اتحرق

آه اتحرق

طيب انا اعيش بتصريح طول حياتي ؟؟

لأ خد تصريح المره دي وبعدين لما تيجي شهر ٥ يكون جات لنا تعليمات جديده

hyundai2005
17-02-2011, 03:42 PM
مرور كوم حماده - البحيره تم اقتحام الحضانه والتي يحتفظ فيها المرور بالعربيات والتكاتك والموتسيكلات الموقوفه او المسروقه او الممسوكه رخص واللي عامله حادثه وتم سرقه كل ما فيها من عربيات وتكاتك وموتوسيكلات

kimocyc
19-02-2011, 02:37 AM
طب انا عاوز اعرف حاجه ضرورى انا دلوقتى هعمل ايه انا عربيتى محرم بك و الحمد لله اهو اتحرق السؤال باء
انا لم اروح اجدد هاعمل ايه و المخالفات الى على العربيه هيكون ايه العمل و على فكره التجديد القادم شهر 6 2011 ممكن اعرف ايه الى هيحصلايه ياترىايه ياترى



السلام عليكم اولا.. آسف للتأخير في الرد

ثانيا.. على ما اعتقد والله اعلم حيصدر لك ترخيص مؤقت حتى اشعار آخر من القيادات وبخصوص المخالفات.. مش حيدققوا عليها لما يطلعلك ترخيص مؤقت.. يعني هتدفع الضريبة والتأمين بدون مخالفات وشكرا.

karem ali
20-02-2011, 01:04 AM
السلام عليكم اولا.. آسف للتأخير في الرد

ثانيا.. على ما اعتقد والله اعلم حيصدر لك ترخيص مؤقت حتى اشعار آخر من القيادات وبخصوص المخالفات.. مش حيدققوا عليها لما يطلعلك ترخيص مؤقت.. يعني هتدفع الضريبة والتأمين بدون مخالفات وشكرا.
شكرا ليك يا kimocyc على الرد و ان شاء الله نتقابل عن قريب فى اول مقابله
GIFT4U:fun_36_3_3[1]:

kimocyc
20-02-2011, 02:11 AM
شكرا ليك يا kimocyc على الرد و ان شاء الله نتقابل عن قريب فى اول مقابله
GIFT4U:fun_36_3_3[1]:

لا شكر على واجب..

إن شاء الله ع الخير مجتمعين

momen_bondok
20-02-2011, 03:00 PM
مرور الدراسة حد يعرف حصل لة اية

amrmaismail
21-02-2011, 10:17 AM
مرور الدراسة حد يعرف حصل لة اية


متابع باهتمام

mesho70
21-02-2011, 01:12 PM
- المرور
- نيابة المرور
- قسم الشرطة
- المطافى
- المحكمة
- النيابة العامة
- الحزب الوطنى
للاسف تم حرقهم جميعا ً

adel omran
01-03-2011, 10:55 AM
مرور حلوان تم حرقه بالكامل وحرق السيارات المتواجده به وتم نقل المرور الى التبين وعند التوجه اليهم بالتبين اخبرونى بالمرور بعد اسبوع ولانى مسافر وغير متواجد بالقاهره واستخدم سيارتى بالتنقل استفسرت واخبرونى بانه طالما انتهت رخصتى اثناء الاحداث الاخيره فسوف يكون هناك استثناء لتجديد الرخص ,,, وواحد تانى قالى انه مفيش شرطه علشان توقفك اصلا ,, ونا فى الحقيقه فى شرم الشيخ وفعلا مفيش حد بيوقفنى لان مفيش شرطه مرور تقريبا

Devill Blood
02-03-2011, 01:27 AM
ماذا عن مرور مدينة نصر حد يعرف؟

خالدخليفة
02-03-2011, 04:19 AM
على فكرة كلكم ناسيين ان جميع معلومات اى عربية او موتوسيكل مسجلة على كومبيوترات واللى بدورها مسجلة كل البيانات على شبكة الانترنت بناء على اكواد خاصة يعنى المسألة مسألة وقت فقط ويتم استعادة كل شىء حتى المخالفات وغالبا ستصدر ادارات المرور بيانا ت لكل سيارة بناء على مسئوليتها وبنفس المعلومات المسجلة عندها
اعتقد كده وده مجرد اجتهاد منى

alsaid.alabbas
24-04-2011, 06:17 PM
مرور طوسون حرق جميع الملفات رحت أدفع ضريبة سنة قالوا لازم أفحص مع أن ميعاد الفحص بعد سنة وفحصت وجبت شهادة مخالفات من مرور أبيس وعطوني ورقة أمشي بيها لمدة 6 شهور علي مايجي الكمبيوتر شكرا:crazyW14::crazyW14::crazyW14::crazyW14:

Egy News
24-04-2011, 06:23 PM
مرور بورسعيد اتحرق و في ملفات كتير راحت
يعني العربيه ال BMW ملهاش ورق حاليا

amrmaismail
26-04-2011, 04:05 PM
طب انا عاوز اعرف حاجه ضرورى انا دلوقتى هعمل ايه انا عربيتى محرم بك و الحمد لله اهو اتحرق السؤال باء
انا لم اروح اجدد هاعمل ايه و المخالفات الى على العربيه هيكون ايه العمل و على فكره التجديد القادم شهر 6 2011 ممكن اعرف ايه الى هيحصلايه ياترىايه ياترى


ولا حاجة فحص جديد بملف جديد اكن العربيه زيرو
بس اهم حاجة انك تكون معاك رخصة العربيه يا باشا

karem ali
27-04-2011, 05:53 PM
ولا حاجة فحص جديد بملف جديد اكن العربيه زيرو
بس اهم حاجة انك تكون معاك رخصة العربيه يا باشا
شكرا على الرد و اكيد معايه رخصه العربيه :14369D~149:GIFT4U

abo yasmen
28-04-2011, 06:20 PM
حد يعرف مرور نكلا جرالو اية اناعندي عربية سزوكي دفعتلةا ضريبة بس لسة مفحصتش عشان كنت جايب متور استراد انا دلوقت في المنمصورة

Rania Elhoseny
24-06-2011, 02:53 AM
ولا جراله اى حاجة ولا حتى الهوا ههههههه زى القطط بسبع ارواح هنقول ايه بقى نصيبه كدة

alsaid.alabbas
25-06-2011, 04:23 PM
السلام عليكم
في حالة ملفات السيارات المفقودة أوالمحروقة لابد من أعادة الفحص كامل
أنا كنت رايح مرور طوسون في الأسكندرية أدفع ضريبة وتأمينات سنة الباقية لي علي ميعاد الفحص
وقالوا لي لابد من فحص جديد وقد كان الأمور أسهل شوية ولكن مازال الموظفين متمسكين بالعجرفة وعدم الرد .
موظفة الكومبيوتر سدت الشباك في وش الزبائن وشتمت مراجع ولكنة من شباب الثورة
عاتبه بشدة وقدم ضدها مذكرة لرئيس الوحدة تقدم في سلوك الشعب الذي نفض عنة السكوت والأستكانة
ولن يتقبل بعد الآن هضم حقة أو أهانتة والله الموفق .