المساعد الشخصي الرقمي

مشاهدة النسخة كاملة : تفويلـة عملت 265 كيلو بس!! ما اسباب استهلاك البنزين العالى؟


NicEgypt
11-12-2010, 07:37 AM
السلام عليكم ورحمة الله

بعد حكاية الكربراتير الجديد الصينى ... وبعد استرجاعة للبائع .... قمت بتركيب كربراتير استيراد
وكانت المفاجأة ان تفويــلة بنزين 90 عملت 265 ك ... التفويلة 45 لتر !!!

كنت اشكو من استهلاك البنزين العالى منذ تركيب الكربراتير الصيني واللى من ضمن مشاكلة الجامة
الاستهلاك العالى .
وبعد تخلصى منة وتركيب كربراتير استيراد فحصة متخصص كربراتير واكد لى انة تمام
كانت المفاجأة انى لاول مرة ف حياتى اسيب العربية لحد ما البنزين يخلص تماما !
لدرجة انها شحتت ومعرفتش اوصل البنزينة نهائى التى تبعد على الدائري 4 كيلو مترات
ولولا وجود سيارة اخري تسير معى كنت فى خبر كان .. وبالتالـى قمت ما طلبة منى الميكانيكى لتجربة الاستهلاك ... تـمن التفويلة كالعادة بنزين 90 هى 79 ج + جنية للعامل يعنى 80 ج طارو فى 265 ك
العربية مكنتش كدة الاول
لا يوجد اي نوع من انواع الدخنة سواء سوداء او بيضاء والمكنة تم عمل عمرة لها ولا اشم اي
رائحة غير طبيعية من الشمكان .. كما تم ضبط التاكيهات منذ ايام لدى متخصص تاكيهات وقالى
ان طبق البنزين كان محمل ثنة صغيرة وغيرة بأصغر نمرة واحدة بس "10 "

سؤالى : مـا هى اسباب استهلاك البنزين العالى فى اي سيارة عموما ... وسياراتى خصوصا ؟
لا يوجد اي نوع من انواع الدخنة سواء سوداء او بيضاء والمكنة تم عمل عمرة لها ولا اشم اي
رائحة غير طبيعية من الشمكان .. كلة سليم

samirayad
11-12-2010, 06:39 PM
كنت اشكو من استهلاك البنزين العالى منذ تركيب الكربراتير الصيني واللى من ضمن مشاكلة الجامة
الاستهلاك العالى .
وبعد تخلصى منة وتركيب كربراتير استيراد فحصة متخصص كربراتير واكد لى انة تمام
كانت المفاجأة انى لاول مرة ف حياتى اسيب العربية لحد ما البنزين يخلص تماما !


طيب

ماهو كده الكربوراتير مظلوم

سواء الصينى أو الأستيراد الحالى

طالما الآداء واحد

ولكن لى عندك شوية أسئله لتصور السبب القوى لزيادة أستهلاك البنزين عندك

1- هل ظهرت بوادر زيادة الأستهلاك فور أنتهاء العمره مقارنة بما قبل العمره ....؟

2- ماهو موقف دورة الأشعال ( بوجيهات وسلوك وبوبينا وشكل الشراره الخارجه من عند نهاية الكابلات ) ..............؟

قويه والأربعه زى بعض ......وهل كشفت على البوجيهات ............؟

3- هل أطمئننت أيضا على كون باب الكربوراتير العلوى مفتوح والمحرك ساخن (أى أن الباب

واقف على سيفه ) ................؟

4- ماهو عمر الدبرياج عندك وموقف عملية السحب وصوت المكنه مع تزويد السرعه ..................؟

5- ماهو موقف فلتر الهواء ( جديد ولا قديم ) ...............؟

6- ماهو موقف الفرامل ..........أطمنت على حرارة الجنوط

ولقيت كل فردتين حرارتهم زى بعض ولا لا ..............؟

7- ماهو موقف بلى العجل ....هل بتسمع صوت نحر أو ونه صادره من أحد الأجناب .....؟

8- ماهو موقف الشكمان ...........سالك ولا مكتوم ..............؟

كفايه كده حاليا

NicEgypt
11-12-2010, 07:11 PM
طيب

ماهو كده الكربوراتير مظلوم

سواء الصينى أو الأستيراد الحالى

طالما الآداء واحد

الصينى بالذات مش مظلوم لان لة اكتر من مشكلة مختلفة لو حضرتك تتذكرها .. بالاضافة لتشارك
نفس المشكلات مع الراجل كبير السن اللى قابلتة هناك . حسيت بالاستهلاك من اول مركب مروراَ
بالكربراتير القديم بتاعها الى الحالى الاستيراد


ولكن لى عندك شوية أسئله لتصور السبب القوى لزيادة أستهلاك البنزين عندك

1- هل ظهرت بوادر زيادة الأستهلاك فور أنتهاء العمره مقارنة بما قبل العمره ....؟

حسيت ف البداية استهلاك رهيب وهى فى التليين . كنت بحط صفيحة ف اليوم وكنت بدورها فترة الليل فقط حوالى 6 ساعات او خمس ساعات فقط ثم اعود للمنزل من اجل السـحور .. " كان فى رمضان "
ولما قلت للميكانيكى قالى المكنة مـحملة ودة عادى فى التليين انها تاكل . بعد التليين بألفين ك تقريبا
اتظبطت وتمام جداَ لفترة طويلة .. ثم رجعت مرة اخري وقالى ان السبب الكربراتير باظ بيقطع بوجيهات ودخنة سوداء مع رائحة بنزين محروق من الشمكان تحرق العين لما تقرب منها .. تم اصلاح الكربراتير وشراء غيرة ورجعت تشم بنزين بعد التغيير . الى ان قررت شراء كربراتير جديد


2- ماهو موقف دورة الأشعال ( بوجيهات وسلوك وبوبينا وشكل الشراره الخارجه من عند نهاية الكابلات ) ..............؟

البوجيهات يابانى اللى هى NGK بشتريها على طول تم تركيبها مع الكربراتير الجديد لفحص اداء
الكربراتير الجديد .. يعنى من اسبوع تقريبا لا اكثر مع طقم ســلوك جديدة باردو
.. فكيت بوجية واحد لقيت حرقة كويس
مفكتش الباقى لان المكنة مفهاش اي اهتزاز يعنى دايرة طبيعي ولا يوجد بها اي رجــة وبالتالى
يبقى البوجيهات كلها سليمة . دة السبب انى مفكتش باقي البوجيهات
الشرارة قويه والأربعه زى بعض

-* البوبينة بقالها 3 شهور تقريبا وجيدة .. الشرارة شكلها طبيعي ...
" هل ممكن اسبراتير يسبب استهلاك عالى للبنزين ؟ "

3- هل أطمئننت أيضا على كون باب الكربوراتير العلوى مفتوح والمحرك ساخن (أى أن الباب

واقف على سيفه ) ................؟


نعم


4- ماهو عمر الدبرياج عندك وموقف عملية السحب وصوت المكنه مع تزويد السرعه ..................؟

تم تغيير الاسطوانة فقط بجديدة ايطالى .. اما الديسك فلا قالو لى انة لا يحتاج ومصاريف ع الفاضى
وبالنسبة للاحساسى ان عمرة قرب ومحتاج يتغير بس شغال حاليا والميكانيكى اكد لى ان عمرة قريب وقالى غيرة احسن لكنى معرفش الديسك ممكن يسبب اية ف حالة تجاهلة . صوت المكنة ف التزويد عالى على الغيارات الاولانية .. لكنها بتسحب عادى جدا . كباري ومطالع ممتازة حتى ولو معايا ثـقل


5- ماهو موقف فلتر الهواء ( جديد ولا قديم ) ...............؟

لة 6 شهور حسب تاريخة فى قائمتى " عامل اجندة بكل شيئ للسيارة "

6- ماهو موقف الفرامل ..........أطمنت على حرارة الجنوط
ولقيت كل فردتين حرارتهم زى بعض ولا لا ..............؟

نعم .. تيل فرامل امامى وخلفي جديد زيرو .. وحرارة الجنوط طبيعية شبة دافئة فى الامام والاتنين زى بعض . كاوتش جديد طنابير امامية جديدة تيل جديد تماسك فرامل جيد




7- ماهو موقف بلى العجل ....هل بتسمع صوت نحر أو ونه صادره من أحد الأجناب .....؟

لا اشتكى من بلي عجل .. واعلم تماما بها حين حدوثها وقمت بتغيير واحدة بعد العمرة امامية
وسبق وحركت السيارة كتير وهى واقفة " يعنى ازقها وهى وقفة والماتور واقف " ومفيش صوت
ونة .. ومفيش مقاومة غير طبيعية اثناء الزق .. يعنى مش تقيلة ف الزق


8- ماهو موقف الشكمان ...........سالك ولا مكتوم ..............؟

الشكمان كلة جديد من المشترك اللى عند الماتور مرورا بالمسورة وعلبة البيئة / البينة بالكامل كلة كلة متغير من اولة للاخرة . وشدة الهواء طبيعية منة ولا يوجد سخونة بالماتور . كما لا يوجد لون للدخنة

كفايه كده حاليا[/QUOTE]
اوكى :) واعتذر انى اخدت فى الرد 25 دقيقة لتنسيق " الاقتباس " ليسهل قراءتة لحضرتك وللجميع

hazem_khidr
11-12-2010, 07:27 PM
طب يا تري كنت بتحسب استهلاك البنزين ازاي؟
علي الطريق ولا جوه البلد؟
كانت الطريق زحمه و بتقف و تتحرك كتير ولا لاء؟؟
بتحرق علي الغيارات؟؟؟
اسلوب القياده و الطريق في اوقات كتير بتفرق في استهلاك الوقود

samirayad
11-12-2010, 07:42 PM
طب يا تري كنت بتحسب استهلاك البنزين ازاي؟

نرجو الأجابه على هذا التساؤل

atgps
11-12-2010, 07:55 PM
هل كشفت على أى تسريب أو رشح للبنزين خصوصا فى خط الراجع ؟؟

samirayad
11-12-2010, 07:58 PM
أيضا كما قال الزميل

هل أطمئننت على عمل خط الراجع للتنك

حتلاقى خط الراجع على جانب الكربوراتير

___________________

وأنت مدور على السلانسيه

شوفه فيه ضغط بنزين ولا لا

samirayad
11-12-2010, 08:03 PM
والميكانيكى اكد لى ان عمرة قريب وقالى غيرة احسن لكنى معرفش الديسك ممكن يسبب اية ف حالة تجاهلة . صوت المكنة ف التزويد عالى على الغيارات الاولانية .. لكنها بتسحب عادى جدا . كباري ومطالع ممتازة حتى ولو معايا ثـقل


على فكره موضوع عدم تغييرك للديسك ده

مش حلو برضه

بس خليه على جنب حاليا

اما الديسك فلا قالو لى انة لا يحتاج ومصاريف ع الفاضى


وياريتك ماسمعت

كلام الجماعه دول

أوحش حاجه

الكلام عن شىء بدون معرفة دوره فى العمل

NicEgypt
11-12-2010, 09:12 PM
طب يا تري كنت بتحسب استهلاك البنزين ازاي؟
علي الطريق ولا جوه البلد؟
كانت الطريق زحمه و بتقف و تتحرك كتير ولا لاء؟؟
بتحرق علي الغيارات؟؟؟
اسلوب القياده و الطريق في اوقات كتير بتفرق في استهلاك الوقود
الحساب كان جوة البلد واشارات وزحمة .. وسبق وقارنت بين جوة البلد وبرة وكان الفرق بسيط ف حدود 50 ك زيادة فقط ولدى ملف اكسيل بكتب فية دايما الكيلو متر الحالى وهو بيحسب كل حاجة
بما فية اللتر بيعمل كام كيلو وهو متوسط 5 كيلو فى اللتر الواحد .. الملف كان احد الاخوة حطة
هنا فى المنتدى وانا زودت علية معادلات حسابية وعدلتة لحساب عدد الكيلومترات ف اللتر الواحد
وموعد تغيير الزيوت والفلاتر والبوجيهات وخلافة ملف صيانة كامل بمذكر او منبة
ان شاء الله هبقى ارفعة باردو للافادة .. حرق غيارات لاء مش بحرق غيارات بخلي المكنة تمشى براحتها دون ضغط

نرجو الأجابه على هذا التساؤل
عَلم :)
هل كشفت على أى تسريب أو رشح للبنزين خصوصا فى خط الراجع ؟؟

انا كشفت كشف ظاهري كلة تمام ورجعت ورا ف التنك وبصيت مفيش اي تسريب .. لكن بفكر
بكرة اخلي الميكانيكى يفك دة كلة وابص وعارف انة هيقولي الفك ملوش لازمة طالما مفيش ريحة
بنزين او تسريب تحت العربية لكن هضغط علية واشوف وان مكتش هنزل افكة انا

أيضا كما قال الزميل

هل أطمئننت على عمل خط الراجع للتنك

حتلاقى خط الراجع على جانب الكربوراتير

___________________

وأنت مدور على السلانسيه

شوفه فيه ضغط بنزين ولا لا
ضغط الراجع جيد ومراجع علية وفكيت الخرطوم خالص ف مرة وبصيت ع الكربراتير
لقيت الراجع شغال تمام وضرب بنزين برة طبعا فركبت الخرطوم تانى زى مكان ومشيت معة بعينى
بس من تحت العربية لحد التنك مفيش تسريب

على فكره موضوع عدم تغييرك للديسك ده

مش حلو برضه

بس خليه على جنب حاليا



وياريتك ماسمعت

كلام الجماعه دول

أوحش حاجه

الكلام عن شىء بدون معرفة دوره فى العمل
انا شاكك ان منة بس مش لدرجة الاستهلاك العالى دة . طيب انا بفكر اشيل العمة وفلتر الهوا خالص
واطلع اجرب لانى مشيت ف مرة بدون العمة وحسيت ان العربية فايقة شوية ف التسارع وتجميع السرعة ولا ملوش علاقة ؟

MmFFoR
11-12-2010, 10:02 PM
اكشف على بيك البنزين و غيره بواحد اصغر! و على فكرة طبيعي جدا بعد العمرة ان الاستهلاك بيزيد لان البساتم بتوسع و الصبابات بتكبر

samirayad
11-12-2010, 10:12 PM
و على فكرة طبيعي جدا بعد العمرة ان الاستهلاك بيزيد لان البساتم بتوسع و الصبابات بتكبر

أزاى الكلام ده

نرجو الأفاده الفنيه

لتعديل مفهومنا الهندسى

samirayad
11-12-2010, 10:18 PM
الحساب كان جوة البلد واشارات وزحمة .. وسبق وقارنت بين جوة البلد وبرة وكان الفرق بسيط ف حدود 50 ك زيادة فقط ولدى ملف اكسيل بكتب فية دايما الكيلو متر الحالى وهو بيحسب كل حاجة
بما فية اللتر بيعمل كام كيلو وهو متوسط 5 كيلو فى اللتر الواحد .. الملف كان احد الاخوة حطة
هنا فى المنتدى وانا زودت علية معادلات حسابية وعدلتة لحساب عدد الكيلومترات ف اللتر الواحد
وموعد تغيير الزيوت والفلاتر والبوجيهات وخلافة ملف صيانة كامل بمذكر او منبة
ان شاء الله هبقى ارفعة باردو للافادة .. حرق غيارات لاء مش بحرق غيارات بخلي المكنة تمشى براحتها دون ضغط



شوف

حقول لسعادتك على حاجه

الحسابات دى متنفعش فى حسابات أستهلاك البنزين

1- ظبط كاوتشك صح وغير فلتر الهواء بالمره

2- فول وخد قراءة عدد الكيلومترات

3- أعمل مشوار محترم على ال HIGH WAY صد رد

4- أرجع فول وشوف حتحط أد أيه بنزين

لما ترجع بالسلامه

قولنا حطيت بنزين ( فى التفويله التانيه )

أد أيه فى كام كيلو لما تاخد قراءة عداد الكيلومترات

فى نهاية رحلة الذهاب والعوده

علشان نبقى ماشيين على نور

محمد فيصل
11-12-2010, 11:02 PM
م. سمير المحترم
السلام عليكم
دائما رد حضرتك وافى وميسر ومبسط للفهم
جزاك الله كل الخير

samirayad
11-12-2010, 11:07 PM
شكرا ياهندسه

البركه فى أخونا : حازم

إللى تنبه لفكرة الحساب

أنا حاسس أنها ممكن تكون السبب فى أحساس صاحب الموضوع

بوجود خلل فى أستهلاك البنزين

______________

فدايما فى تحليل المشاكل

لازم ناخد السلم من أوله

يمكن يقابلنا حل المشكله

عند أول درجه على السلم

وده يبقى

فضل من الله

NicEgypt
12-12-2010, 04:36 AM
مهندس سمير
انا عملت بالفعل مشوار صغير بعد تركيب الكربراتير الاستيراد لتجربتة وبـدون الاعتماد على الكيلو متر نهائى
لتلافى مشكلة انة بيسجل غلط او ان الكيلومتر بيحسب خطأ
فولت العربية ومشيت مشوار 125 ك رجعت ع البنزينة وحط 23 لتر بالظبط وكسر

فية شيئ حصل انهاردة مش عارف هل يفيدنا ف الموضوع ام يـبعدنا عنة ويزيدة تعقيداّ !
هقولة ونعتبرة على الهامش .. رحت دورت السيارة وسبتها تسخن وكلة تمام
لما اضغط بنزين وهى سلانسية واثبت رجلي بتبطل ! .. دورت دارت ... سبتها شوية وضغط بنزين بالتدريج للاخر
الدواسة .. عملت فووووو وزي متكون بتكح لقيت صوتها بينزل وبتبطل .. لو فضلت مثبت رجلي ع الدواسة بتبطل
سبت الدواسة ف حالها تفضل دايرة .... بعد كدة طلعت من الركنة وبدءت امشى ف الشارع بمجرد ملفيت لقيتها
بتـنتــش .. بقت بترجنى وانا جواها ... يعنى تمشى بسرعتها وكأن فية حاجة بتوقف الموتور تمشى والعربية ترد لورا
تاخد سرعتها وتقوم باردو ردة لورا كأنها بترجك جواها .. ركنت لقيتها بطلت سبتها شوية ودورت وقلت خلاص
مش خارج انهاردة ... بقت ماشية بتكرك كأنك بتضغط بنزين ودوس فرامل تضغط بنزين ودوس فرامل لحد مركنت
سبتها ربع ساعة دايرة وضغط بنزين ع الاخر لقيت صوت الموتور علي دون توقف ! يعنى اتعدلت .. خرجت رحت مشواري وانا راجع لقيتها بتنتش تانى نفس القصة رغم انها مشيت كويس .. عملت الاتى :
1 - فكيت البكات كلها ونظفتها بمنظف كربراتير قوي وحطيت من المنظف فى الكربراتير
2 - غيرت فلتر البنزين بواحد جديد لنج
3 - فكيت البوجيهات الاربعة واتأكدت انها تمام ومفهاش حاجة ومع ذلك غسلتها بالمحلول
4 - فكيت العمة خالص وفلتر الهوا .. وبالتالى لغيت فلتر الهوا خالص ودخلت هوا اكتر للكربراتير
5 - فصلت عمة الزيت نهائى واخدت الكوعة الكاوتش خليتها ف وش العربية ادخل هوا اكتر للكربراتير كدة الكربراتير مفيش حوالية اي حاجة منة للهواء الطلق . وفكيت اي خرطوم لة علاقة بدخول هوا لة
6 - دورت العربية

مشيت مسافة لا بأس بها بعزم ضعيف ! ثم رجعت كما كانت تـنـتـش مع صوت فرقعة من الكربراتير " مش من الشكمان " كأن الكربراتير بيعطس . فضلت كدة لحد مركنت وروحت . هى بدور عادي وبسرعة
وشغالة سلانسية زى الفــل انما تيجي تتحرك هنا المشكلة !


اعتذر للاطالة .. مش عارف هل دة هيفيدنا ف الموضوع ولا عقدها اكتر .. طب نفكر سوي بصوت عالي ..لو فية حاجة وقفت ف دورة البنزين لما خلص البنزين تكون السبب .. بس ازاي لما دارت على طول بعد ما فولت من البنزينة ومشيت 70 كيلو زى الفل وانهاردة بس حصلت القصة دى انا حاسس ان بنزين 92 مش نافع معاها اساسا وانة اكبر خطأ عملتة وان كهربة الموتور مش مناسبة لة .. بس مفيش رجة وحرق البوجيهات زي الفل .. طيب الخطأ التانى انى انتظرت لحد ما البنزين خلص " عن طريق الخطأ " دون قصد واكيد فية حاجة دخلت دورة البنزين .. بس باردو ازاي ؟
لما ركبت فلتر البنزين الجديد اتملي بسرعة ودخل للكربراتير بنزين ومشيت عادى فايقة مسافة طويلة وراحت منتشة تانى ! حيران بصراحة مش عارف

hazem_khidr
12-12-2010, 06:14 AM
اللي حضرتك بتقول عليه دا في الغالب كهرباء
و اعتقد ان الاسبراتير بتاعك فيه حاجه
لو عادي شوف الابلاتين يكون لازق بيعمل الحكايه اللي حضرتك بتقول عليها كده بالضبط
اما لو الكتروني اكشف علي الشاكوش و الاتوماتيك بتاعه
و اتاكد كمان ان الموبينه سليمه لانها لو بايظه و العربيه سخنت او اخدت حرارتها العاديه
تلاقي العربيه بتقطع و تنتش

NicEgypt
12-12-2010, 06:35 AM
اللي حضرتك بتقول عليه دا في الغالب كهرباء
و اعتقد ان الاسبراتير بتاعك فيه حاجه
لو عادي شوف الابلاتين يكون لازق بيعمل الحكايه اللي حضرتك بتقول عليها كده بالضبط
اما لو الكتروني اكشف علي الشاكوش و الاتوماتيك بتاعه
و اتاكد كمان ان الموبينه سليمه لانها لو بايظه و العربيه سخنت او اخدت حرارتها العاديه
تلاقي العربيه بتقطع و تنتش

الاسبراتير ابلتين وكوندنسر مش اتوماتيك .. ومتغيرين من خمس شهور
العربية كانت زى الفل كل ما ف الامر الاستهلاك العالى .. ودة سبب انشائى للموضوع
ومناقشتة مع حضرتكم ... الجديد بقى ان بعد محطيت بنزين 92 حالها اتقلب ! يعنى مشية زى الفل
ببنزين 90 بس استهلاك علي مؤخراَ ... تنتيش غريب ومفيش سحب وبهدلة بعد البنزين دة
بس اللى محيرنى نقطة .. لو البنزين مغشوش او كهربة مش مظبوطة .. مشيت لية 70 كيلو بعد التفويل
يعنى كانت عملت كدة من ساعتها ! حتى لو دورة البنزين سدت مكنتش هتمشى خمسة كيلو على بعض
شيئ محير ... هغير طقم كهربا كامل واشيل البنزين دة كلة واحط 90 واشوف اية اللى هيحصل .. صح كدة .. لو مكنش هشوف ميكانيكى ومتأكد انة مش هيعرف يحلها وهيقعد يجرب ... انا سعيد طبعا بوجود حضرتك وردك استاذ حازم ... مازلت فى انتظار مهندس سمير على احر من الجمر :)
انا وراك يا بشمهندس ف اي منتدى مش هسيبك ROSE4U

samirayad
12-12-2010, 07:55 AM
ايه ياترى

طلمبة البنزين

بتودع وفى نزعها الأخير

MmFFoR
12-12-2010, 08:59 AM
اللي بتقوله ده واضح جدا انه كهربة العربيه فعلا! الاسبراتير مش محتاج ابلاتين و كوندينسر بس ( خللي بالك مش معنى انك غيره من شهر انهم سلام لأن اغلب اللي في السوق بيبقى مضروب) لازم تروح لميكانيكي شاطر يظبتلك الاسبراتير و الكهربه و اهم حاجة شاطر دي

samirayad
12-12-2010, 04:00 PM
لما ركبت فلتر البنزين الجديد اتملي بسرعة ودخل للكربراتير بنزين ومشيت عادى فايقة مسافة طويلة وراحت منتشة تانى ! حيران بصراحة مش عارف

ده أحد الأسباب إللى مشككانى

فى أقتراب أحتضار طلمبة البنزين

NicEgypt
12-12-2010, 04:29 PM
ايه ياترى

طلمبة البنزين

بتودع وفى نزعها الأخير

طرمبة البنزين راكبة بتاريخ 18 / سبتمبر / 2010 يعنى فى نهاية شهر تسعة من 3 شهور بس
وعلى فكرة لما غيرت فلتر البنزين امبارح اتملي عادى وبسرعة وبشوف ضغط الطرمبة ف الفلتر
عبارة عن فقاقيع صغيرة جدا والبنزين بيعلي لفوق يعنى بيتملي .. وبكدة الطرمبة اعتقد انها مظلومة
ومع هذا هغيرها بوحدة معايا جديدة باردو كان احد الميكانكية العظام افتى ان طرمبة سبب مشكلة قديمة
وجبت اتنين جدد استخدمت منهم واحدة والتانية معايا هركبها باردو مفيش مشاكل .. بس المشكلة القديمة
اخبارها اية ؟ اية الاسباب الرئيسية للاستهلاك البنزين لاي سيارة عموما ؟

samirayad
12-12-2010, 04:32 PM
وجبت اتنين جدد استخدمت منهم واحدة والتانية معايا طيب غير التانيه وشوف النظام

طالما عندك واحده أحتياطى

وجرب ونكمل بعد كده

بس أهم شىء تكون الطلمبات إللى معاك وشارى منها أثنين

زى الأساسيه تماما

__________________

ولو تعجبنى

أرفعلنا صوره من واحده من الأثنين الجداد

وصوره تانيه للقديمه خاااااااااااااااااااالص

بتاعة العصور القديمه

أى بتاعة المحرك الأساسيه والمصمم عليها دورة البنزين

NicEgypt
12-12-2010, 04:59 PM
طيب غير التانيه وشوف النظام

طالما عندك واحده أحتياطى

وجرب ونكمل بعد كده

بس أهم شىء تكون الطلمبات إللى معاك وشارى منها أثنين

زى الأساسيه تماما

__________________

ولو تعجبنى

أرفعلنا صوره من واحده من الأثنين الجداد

وصوره تانيه للقديمه خاااااااااااااااااااالص

بتاعة العصور القديمه

أى بتاعة المحرك الأساسيه والمصمم عليها دورة البنزين
دى صورة من الطرمبة القديمة بس من جوة اثناء شرحها فى موضوع
http://nicegypt.com/images/100_1506.JPG
رابط الموضوع :
http://www.masrmotors.com/vb/showthread.php?t=35521
هصور الطرمبتين بجانب بعض وارفعهم لحضرتك .. التصميم واحد والارقام متقاربة اللى مكتوبة
على الطرمبتين تحت السيريل نمبر .. بصيت عليهم وانا عند بائع قطع الغيار .. سبب التغيير افتى
وف النهاية لقيت القديمة شغالة وانها قطعت بسبب رواسب ع المصفة بس

hazem_khidr
12-12-2010, 05:01 PM
الابلاتين عندك بيلزق
جرب كده لما العربيه تنتش منك و اديها غيار عكسي حتلاقي العربيه فاقت
الاول غير طقم الكهربا و بعدين نشوف الوضع ايه

samirayad
12-12-2010, 05:07 PM
وف النهاية لقيت القديمة شغالة وانها قطعت بسبب رواسب ع المصفة بس

طيب ماتجرب القديمه

بعد ماتروقها

مش حتخسر حاجه طالمه هى شغاله

وبالذات لو قصة زيادة أستهلاك البنزين دى والقصص دى كلها

ظهرت بعد تغيير أحد الأثنين الجداد

samirayad
12-12-2010, 05:09 PM
التصميم واحد والارقام متقاربة اللى مكتوبة
على الطرمبتين تحت السيريل نمبر .

مفيش سريال نمبر بتكون أرقامه متقاربه

وبيدل على أنه لنفس القطعه الهندسيه

إلا أذا صانع القطعه لنفس الشركه المصنعه

نوه لهذا

يعنى وضح الكلام ده وقال أن ده هو ده ( أى السيريال نمبر )

samirayad
12-12-2010, 05:43 PM
مفيش سريال نمبر بتكون أرقامه متقاربه

وبيدل على أنه لنفس القطعه الهندسيه

إلا أذا صانع القطعه لنفس الشركه المصنعه

نوه لهذا

يعنى وضح الكلام ده وقال أن ده هو ده ( أى السيريال نمبر )

عزرا

فأنا أقصد

ال part number

وليس

ال serial number

ولكن سقط هذا منى سهوا

MmFFoR
12-12-2010, 11:21 PM
لو العيب مش عيب كهرباء يبقى اسمع اللي حقولهولك كويس! انزل الحرفيين و اسأل مين شغال في الشاهين! روحلوا و قوله انا عايز اغير الموتور ده! و اسقط موتور جديد 1600 انجيكشن ( حتلاقي كتير لأن اغلب سواقين التاكس بيغيروا الموتور الانجكشن لانهم عايزين الميكانيكية او هما نفسهم يصلحوا عربياتهم بنفسهم ولا كمبيوتر ولا وجع قلب ولا حساسات ولا بنزين 92 ماله ال 80) خللي يجيبلك موتور ستاندرد و حالة زيرو و يركبهولك و ياخد موتورك و ادفعله في الكلام ده الف جنيه و يبقى اشتريت دماغك ولا تنتيشة ولا استهلاك بنزين و حتلاقي عربيتك رجعت تاني تمشي 600 كيلو لكل تفويلة بمتوسط 12 كيلو لكل لتر 10 تفويلات بنزين 92 يبقى انت غطيت تمن الموتور الجديد و مبروك مقدما

NicEgypt
14-12-2010, 05:15 AM
عزرا

فأنا أقصد

ال part number

وليس

ال serial number

ولكن سقط هذا منى سهوا
الرقم اللى كنت اقصدة غير رقم البارت نمبر .. تحت البارت نمبر رقم اخر

لو العيب مش عيب كهرباء يبقى اسمع اللي حقولهولك كويس! انزل الحرفيين و اسأل مين شغال في الشاهين! روحلوا و قوله انا عايز اغير الموتور ده! و اسقط موتور جديد 1600 انجيكشن ( حتلاقي كتير لأن اغلب سواقين التاكس بيغيروا الموتور الانجكشن لانهم عايزين الميكانيكية او هما نفسهم يصلحوا عربياتهم بنفسهم ولا كمبيوتر ولا وجع قلب ولا حساسات ولا بنزين 92 ماله ال 80) خللي يجيبلك موتور ستاندرد و حالة زيرو و يركبهولك و ياخد موتورك و ادفعله في الكلام ده الف جنيه و يبقى اشتريت دماغك ولا تنتيشة ولا استهلاك بنزين و حتلاقي عربيتك رجعت تاني تمشي 600 كيلو لكل تفويلة بمتوسط 12 كيلو لكل لتر 10 تفويلات بنزين 92 يبقى انت غطيت تمن الموتور الجديد و مبروك مقدما

استاذ " mmffor " ارفع لك القبعة تحية وتقدير لك .. فكرة حضرتك بتغيير الموتور مستبعدة نوعاَ
ما من بالى لان الموتور عملت لة عمرة .. بس حضرتك نبهتنى لنقطة الموتور الانجيكشن ودى كانت غايبة عن بالى .. بس مشكلة الموتور انى لازم اروح احارب مع المرور ودى متعبة ف حد ذاتها
وموضوع ان الموتور يبقى كويس واستاندر دى الله اعلم انا وحظى الموتور الاستيرد زى البطيخة
اشكرك على نقطة الانجيكشن دى وعلى مشاركتك الرائعة كلامك كلة مبسط وواضح وف الجون فعلا
*-*-*-*-*-*-*-*-*-*-*-*
استاذ سمير والاخوة الاعضاء .. توصلت لحل للمشكلة الاخيرة والله اعلم الاستهلاك منها او لاء
فكيت الاسبراتير لتغيير الموبينة والكوندنسر وغيرتهم واثناء دة لقيت بوش ف شاكوش الاسبراتير
اعتقد ان دة السبب فى عدم سحب السيارة واللخبطة اللى حصلت وجربت سلك من سلوك البوجيهات
وخبط ع الاسبراتير لقيتة بيشتغل وبيفصل مع نفسة .. وقررت اشتري اسبراتير جديد بدل نظام الـجلب
وهو مسكن لا اكثر .. وتقريبا سعرة على ما اسمع ف حدود 300 ج والله اعلم
المشكلة الاخري : لقينا الكربراتير مـخنوق .. دورنا العربية ولقيت صوت الموتور مخنوق وبتبطل
اعتقد ان فية حاجة دخلت للكربراتير وناوي اروح لمتخصص كربراتير للمرة المليون
ولاول مرة هيفك الكربراتير الاستيراد وكان نفسى محدش يجي جمبة ويفضل زى مهو .

بالنسبة للاستهلاك العالى اصبحت مبهمة ومحدش عارف لها حل . ومفيش حد عايز يساعدنى
فى فك التنك وشكلي هعمل القصة دى بنفسى وهراجع على دورة البنزين لعل وعسى . محدش
مصدقنى فى الاستهلاك دة !!
استاذ سمير لدى سؤال : العربية حاليا مش بتسحب وبتبطل طبعا ولازم اروح بيها لبتاع الكربراتير
سألت الميكانيكى انى افك الكربراتير الاستيراد المخنوق واركب القديم رفض .. قلت لة تعالى ركبة
انت لو قلقان قالى لاء هتقطع منك بوجيهات ف الطريق وهتبدل الدنيا .. طيب عايز اعمل ف الكربراتير
اي مسكن تمشى بس شوية لحد بتاع الكربراتيرات مش تبطل منى ف الزحمة وازق وكدة . مش عارف
اية اللى ممكن اعملة .. هو رفض انة يظبط كهربا وسبها على كدة متبرجلة ومش مظبوطة معرفش يظبط الكهربا بسبب الخنقة الموجودة ف الكربراتير

samirayad
14-12-2010, 08:16 AM
استاذ سمير لدى سؤال : العربية حاليا مش بتسحب وبتبطل طبعا ولازم اروح بيها لبتاع الكربراتير
سألت الميكانيكى انى افك الكربراتير الاستيراد المخنوق واركب القديم رفض .. قلت لة تعالى ركبة
انت لو قلقان قالى لاء هتقطع منك بوجيهات ف الطريق وهتبدل الدنيا .. طيب عايز اعمل ف الكربراتير
اي مسكن تمشى بس شوية لحد بتاع الكربراتيرات مش تبطل منى ف الزحمة وازق وكدة . مش عارف
اية اللى ممكن اعملة .. هو رفض انة يظبط كهربا وسبها على كدة متبرجلة ومش مظبوطة معرفش يظبط الكهربا بسبب الخنقة الموجودة ف الكربراتير

الأستيراد مش مخنوق معاك

ممكن تكون فيه مشكله داخليه فى دايرة العوامه أو صمام الأبره الداخلى أو طلمبة التعجيل

ودول لو مش شغالين صح

يخلوا ضخ البنزين فى زور الكربوراتير رهيب جدا

حسب وضع ضغطك على الأكسراتير رهيب جدا

وده يحسسك أن الكربوراتير مخنوق

لأن كمية الهواء بسيطه والبنزين رهيب

زى الواحد إللى بياكل ومبيبلعش

والأكل واقف فى زوره

وده برضه يعملك أحلى أستهلاك فى البنزين

___________________

أنا شايف أنك راجل متمرس ..........بسم الله ماشاء الله

حاول تغير القديم الحالى ومنشال عندك

مكان اللى راكب

وجرب عربيتك وأنت واقف

وحتنجح أن شاء الله

samirayad
14-12-2010, 08:20 AM
بالنسبة للاستهلاك العالى اصبحت مبهمة ومحدش عارف لها حل . ومفيش حد عايز يساعدنى
فى فك التنك وشكلي هعمل القصة دى بنفسى وهراجع على دورة البنزين لعل وعسى . محدش
مصدقنى فى الاستهلاك دة !!


خللى التانك فى حاله حاليا

فالشك فيه مستبعد

بسبب وجود ملاحظة أستهلاك غير منطقى

MmFFoR
14-12-2010, 08:41 AM
و برضه من ضمن المحاولات فك تنك البنزين و نظفة ( جايز خدت تفويلة مرة من اللي بتبقى مليانة مية)

samirayad
14-12-2010, 04:57 PM
بعد حكاية الكربراتير الجديد الصينى ... وبعد استرجاعة للبائع .... قمت بتركيب كربراتير استيراد
وكانت المفاجأة ان تفويــلة بنزين 90 عملت 265 ك ... التفويلة 45 لتر !!!

كنت اشكو من استهلاك البنزين العالى منذ تركيب الكربراتير الصيني واللى من ضمن مشاكلة الجامة
الاستهلاك العالى .
وبعد تخلصى منة وتركيب كربراتير استيراد فحصة متخصص كربراتير واكد لى انة تمام
كانت المفاجأة انى لاول مرة ف حياتى اسيب العربية لحد ما البنزين يخلص تماما !


ضغط الراجع جيد ومراجع علية وفكيت الخرطوم خالص ف مرة وبصيت ع الكربراتير
لقيت الراجع شغال تمام وضرب بنزين برة طبعا فركبت الخرطوم تانى زى مكان ومشيت معة بعينى
بس من تحت العربية لحد التنك مفيش تسريب


أنا برضه بأشك أن ممكن يكون خط الراجع مسدود

لأنك بتقول فكيته من عند الكربوراتير

والصح حاليا

تفصله من عند التنك وتدور العربيه بحذر

وحط نهايته من عند التنك فى جركل مغلق وشفاف

بحيث تشوف الخط سالك ولا لا

والبنزين الزياده بيوصل لحد تنك البنزين من خلال خط الراجع ولا لا

NicEgypt
14-12-2010, 10:29 PM
المشكلة يا استاذ سمير .. ان خايف للعربية تعملها معايا وانا رايح لة .. والكربراتير القديم عيان باردو بس مش مخنوق
بيهبب بوجيهات ويقطعها .. يعنى ممكن اعطل بردة .. واعتقد ان افضل حل ان بتاع الكربراتير يشوفها على وضعها دة وحالها دة ويسمع صوت الموتور وهى كدة .. لو غيرت ممكن اروح هناك واركب الجديد ويطلع شغال وزى الفل ومفهوش حاجة .. والحركة دى حصلت معايا كتير فى اشياء مختلفة .. اشتكى منها وف النهاية تطلع شغالة مع نفسها :)
طيب انا بفكر انزل دلوقت افك خرطوم البنزين اللى طالع من الطرمبة واكشف بشكل عام على كل الخراطيم واسـد الخارج
اللى جاي من الطرمبة بحيث ان لو فية شوائب على مصفة الطرمبة ترد لجوة اية رأيك ؟؟
وهحاول انفخ فى خرطوم الداخل للكربراتير وانفخ باردو ف الخارج بحيث لو حاجة مسدودة تفك
وياسلام بقى لو ربنا كرمنى ببتاع كوتش حلو كدة استخدم ضغط الهوا من عندة متيهألى ممكن المشكلة تتحل وانا واقف
بدون الذهاب لبتاع كربراتير والانتظار فى طوابير الجمعية بتاعتهم دى . هل تفكيري دة صحيح ولايعمل مشكلة ؟

samirayad
14-12-2010, 10:46 PM
أنا برضه بأشك أن ممكن يكون خط الراجع مسدود

لأنك بتقول فكيته من عند الكربوراتير

والصح حاليا

تفصله من عند التنك وتدور العربيه بحذر

وحط نهايته من عند التنك فى جركل مغلق وشفاف

بحيث تشوف الخط سالك ولا لا

والبنزين الزياده بيوصل لحد تنك البنزين من خلال خط الراجع ولا لا

أنت أخدت بالك من كلامى ده

سهل جدا أنك تعمل القصه دى مع نفسك

جايز يكون خط الراجع مكتوم أو مسدود فعلا

ومفيش بنزين بيرجع للتنك

gadix
14-12-2010, 11:48 PM
الابلاتين عندك بيلزق
جرب كده لما العربيه تنتش منك و اديها غيار عكسي حتلاقي العربيه فاقت
الاول غير طقم الكهربا و بعدين نشوف الوضع ايه

يعني ايه يديها غيار عكسي ؟ و هيفوق العربية ازاي؟

NicEgypt
15-12-2010, 12:06 AM
اوكى هشوف موضوع الراجع من التنك .
هل فية اي خطورة لو سديت خرطوم الرداخ ؟ اي خرطوم فية ضغط هل يسبب مشكلة لو ضغط بشكل بسيط
----------------*-*-*-*------------
انا جبت رقم الموجود على الكربراتير " Solex C32/3" وبحثت عن كتالوج لة ولقيتة . الغريب انة مكتوب ف الكتالوج الجملة دى :
The need to completely overhaul a
carburettor is rare. A carburettor can normally
be kept in good working
ان اصلاح الكربراتير نادر .. الكتالوج فية انواع كتيرة للكربراتيرات من نوع ويبر ومذكور اسماء موديلات السيارات
والمواتير اللى يتحملها الكربراتير .. اللينك هنا
http://italiancarsclub.free.fr/Centre-Documents-Techniques/fiat/Manual%20De%20Reparacion%20Del%20Fiat%20uno/0923-03.PDF
ودة باردو مفيد :
http://www.retrospeed.org/documentacion/K&N.pdf

samirayad
15-12-2010, 12:10 AM
هل فية اي خطورة لو سديت خرطوم الرداخ ؟ اي خرطوم فية ضغط هل يسبب مشكلة لو ضغط بشكل بسيط


مش فاهم أنت تقصد أيه بالضبط

انا جبت رقم الموجود على الكربراتير وبحثت عن كتالوج لة ولقيتة . الغريب انة مكتوب ف الكتالوج الجملة دى :
The need to completely overhaul a
carburettor is rare. A carburettor can normally
be kept in good working


ده كلام طيب فى حق النوع إللى راكب عندك

وكده بيقلل نسب الشك فيه فعلا

NicEgypt
15-12-2010, 01:25 AM
مش فاهم أنت تقصد أيه بالضبط
ده كلام طيب فى حق النوع إللى راكب عندك

وكده بيقلل نسب الشك فيه فعلا

اقصد انى اسد خرطوم اللى طالع من طرمبة البنزين لثوان معدودة .. علشان لو رواسب ع المصفا
ترجع مع ضغط الطرمبة اللى مسدودة من فوق لـ 3 ثوانى مثلا
وانفخ فى داخل الكربراتير ... واسد خارج الكربراتير لمدة 3 ثوانى بحيث يكون فية ضغط داخلي
بنزين بيدخل ومش بيطلع والضغط دة ممكن يفوقة يخلينى اروح لبتاع كربراتير .. انا حاسس انى هعكلها
:) علشان كدة بسأل الضغط دة ممكن يضرب حاجة او يبوظ حاجة .. لما اسد اي خارج لثوان معدودة

samirayad
15-12-2010, 01:36 AM
انا حاسس انى هعكلها

ايه ياترى

بلاش القصه دى

ولو تعرف تجرب موضوع التشييك على نهاية الراجع من عند التنك يبقى أفضل

ولو مش حتعرف

أستعين بميكانيكى أفضل

NicEgypt
15-12-2010, 07:02 PM
السلام عليكم ورحمة الله
الاستاذ سمير والاخوة اعضاء المنتدى .. قمت بحل المشكلة الاخيرة ولله الحمد والتى تتعلق بفقد السحب اثناء السير
بالاضافة لتوقف الموتور بشكل مستمر مع صوت غريب للموتور " صوت ضعيف كأنة مخنوق " وعند الضغط على الاكسلتير بمجرد لمسة يتوقف الموتور عن العمل .

المشكلة تتخلص فى الكربراتير + الاسبراتير .
بالنسبة للكربراتير : قمت بفكة قطعة قطعة بناءاَ على الكتالوج الخاص بالكربراتير يشرح عمل كل قطعة بشكل جيد
ووجدت ما يعيق عملة " لدى صور اثناء الاصلاح سأرفقها لاحقاَ " اولا .. عدم وجود الجزء الثانى من احد البكات " الحتة اللى تحت اللى فيها فتحات البنزين الخاصة بالبك " ووجدت فقط الجزء العلوى وهو المسمار مما يعيق سير البنزين داخل الكربراتير بشكل طبيعي
" تخيل لو كنت رحت لبتاع كربراتير وقلت لة الكربراتير بايظ كان هيفطس م الضحك من منظر البك "
ولا سيما الخمسين جنية اللى هيطلبها اونطة .. المهم بعد كدة دخلت على الابرة والعوامة ولقيت العوامة البلاستيك في جزء ف النص بين القطعتين البلاستيك المنفوخين .. لقيت الجزء اللى بينهم دة متنى ثنة .. البشمهندس اللى فتحة علشان يكشف علية عوجة اكيد وهو بيقفل ! .. الخطأ الثالث : لقيت سوستة " مكنة الفاكيوم " مش فى مكانها ومتنية وطبعا متنية لانها مش ف مكانها اساسا ولما تضغط اكسراتير المفروض ان دراع الاكسراتير يضغط اثناء مشوارة دراع مكنة الفاكيوم علشان تبدء تشفط بنزين عن طريق الجلدة اللى جوة . لقيت مسمارين فى اماكن متفرقة بيلفو ع الفاضى غيرتهم .. بعد ما اطمنت على كل حاجة ورجعت كل بحاجة لمكنها واستخدمت بعض القطع القليلة من القديم اخدتة ورحت اركبة ف العربية .. " اخد منى ساعتين عمل " دورت السيارة وظبط مسمار الهوا ومسمار البنزين .. ولاول مرة ف حياتى اظبطها بنفسى بشكل صحيح .
وتأكدت من عدم وجود رعشة ف المكنة " رجة " بالاضافة لعدم وجود دخنة .. وبالنهاية تـعريق الشكمان مياة وهى المؤكد لنجاح العملية . بعدها خليت الميكانيكى راجع عليها ولم اخبرة انى اصلحتها وفهمتة انى رحت لبتاع الكربراتيرات وان خنقة الموتور فكت .لوحدها ومقتنعش طبعا .. دة بالنسبة للكربراتير

الاسبراتير : المشكلة كانت فى الجلبة اللى طلبو انى اعملها لة ومكنتش اعرف انها مسكن .. الميكانيكى كان مغير لى ابلاتين وكوندنسر امبارح ومعرفش يظبط كهربا ولا يعمل حاجة لمشكلة الكربراتير .. وطبعا البوش اللى كان موجود ف الاسبراتير كان العائق الاكبر فى عدم خروج كهربة مناسبة للسيارة مع مشكلة الكربراتير الاتنين عملو اتفاقية وعطلو السيارة بشكل كامل .. لان الاتنين روح السيارة . ظبط كهربة الاسبراتير لاول مرة باردو ف حياتى من المسمار او الصامولة اللى بيقولو عليها ودى كانت الخطوة الاولى قبل ظبط هـواء الكربراتير
يعنى كهربة الاول ثم ضبط هواء الكربراتير .. لسة هخلي الميكانيكى يراجع على ظبطة الكهربة لانى اول مرة اعملها لكنى حاسس انها مظبوطة الحمد لله .. لان مفيش رجة او رعشة من المحرك .. والحرق مظبوط ومفيش دخنة وصوت المحرك طبيعي .. خرجت جربت العربية لمسافة قصيرة والحمد لله زى الفل وفـايقة جداَ .. كانت نايمة وصحيت

انا سعيد لانى قمت بعمل اشياء لاول مرة وتكون النتيجة مرضية ومظبوطة .
كدة الحمد لله خلصنا المشكلة الاخيرة ... نرجع بقى للمشكلة الاولى " حاسس انى هضرب من حد معين هنا :) "
بعزك والله يا بشمهندس سمير :) ... المشكلة هى استهلاك البنزين المبالغ فية .. جبت جركن وفكيت الكنبة اللى ورا ثم خرطوم الراجع وحطيتة ف جركن ودورت العربية وانتظرت لحد ما بدء الخرطوم يرمى بنزين ف الجركن .. نزلت اخدت لفة كاملة تحت العربية " كالعادة مفيش اي تسريب بنزين " رجعت كل حاجة مكانها ومش عارف اعمل اية تانى ... لقيت تعريق خفيف جداَ من مدخل البنزين فى الكربراتير وطبعا التعريق دة عمرة ميوصل استهلاك البنزين لهذة الدرجة .. جبت كولية جديد وقطعت جزء من الخرطوم وقفلت الكولية على اخرة لدرجة انى كسرت 2 كولية من الضغط عليهم وقفلهم بشكل كبير وباردو فية تعريق بنزين خفيف . معذرة على الاطالة ولكنى اردت
افادة الغير في ما وجهتة وما قمت بعملة حتى ان صادف احدكم هذة المشكلة يكون على دراية بها .

samirayad
15-12-2010, 07:19 PM
مبدئيا

الله ينور عليك

وأنا كنت حاسس أنك قدها وقدود

ثانيا

أنصح بتجربة السياره بأه على ال freeway ( طريق سريع )

والتشييك على أستهلاك البنزين

لقيت الأمور تمام والحل يرضيك

يبقى قول

الحمد لله على كل حال فى أى نتيجه توصل لها ( مع حساب الأستهلاك )