غيرت الاسكترا ....وعندي مشكله كبيره بالله عليكم افيدوني (المحله الكبري)

[تيتو55555]

معي سياره اكسيل 1300 مانيول عاده(مش باور) غيرت الاسكترا بتاعتها ولكن بعد التغيير لقيت الدريكسيون تقيل شويه عن الاول قولت مش مشكله شويه شويه وهاخد عليه
بس المشكله الكبيره ان الدريكسيون في الملفات كان بيرجع لوحده بعد ما اخذ الملف ولكن دلوقتي الدريكسيون مبيرجعش لوحده لازم انا ارجعه سالت العفشجي اللي غير الاسكترا قاللي لسه الاسكترا مطبعتش وامشي بيها اسبوع وهاتهالي تاني هربط عليها والدريكسيون هيخف
فهل الكلام ده صحيح ولا ايه ؟؟؟؟؟؟؟

[samirayad]

طيب الأسكترا دى أستيراد ولا جديده

وهل العفشجى شحمها قبل التركيب ولا لا

[تيتو55555]

المشاركة الأصلية كتبت بواسطة samirayad طيب الأسكترا دى أستيراد ولا جديده وهل العفشجى شحمها قبل التركيب ولا لا

الف شكر علي المرور يا م/سمير
اسكترا استعمال والحمد لله الرجه والترزيعه اللي كانت في الطاره راحت خالص بس الدريكسيون مش بيرجع لوحده وتقيل واه الاسكترا اتشحمت والعفشجي قاللي امشي بيها 5 او 6 ايام وهتها تاني عشان هربط عليها تاني بس مش عارف موضوع الدريكسيون اللي مش بيرجع لوحده ده مقلقني

[samirayad]

أنتظر شويه

لأن تقلها بوجه عام حاليا

مؤشر كويس عن حالاتها الفنيه من الداخل

طالنا أتشحمت

ومع الأيام حيحصل بوش وحتخف معاك أفضل من الآن

على فكره ده مش وحش على طرق السفر السريعه

فالبوش مش مطلوب فى الطرق السريعه

وأركب باور وشوف

لازم تكون حريص جدا وتكلبش فى الدركسيون صح لو قابلتك شوية طرق مكسره ومسرع

أما عندك

فمفيش الكلام ده

عنصر الأمان كبير فعلا

وعلى البركه

[mr_astra]

ازاى سكاترا استيراد ولسة محملة للدرجة دى المفروض ان لو حالتها سليمة يكون الدركسيون خفيف ويرجع لوضع الزيرو بعد الملف وبنفس الوقت ما يكنش فيها بوش دة اللى انا اعرفة انما موضوع ان الدركسيون تقيل دة مش طبيعى فى سكاترا استيراد لو هى جديدة كنت قلتلك ماشي ....... انت بتقول ان العفشجى شحم الاسكاترا فهل شحم التياش بس ولا فك الاسكاترا من الداخل ؟
لان غالبا بستم الاسكاترا من الركنة قفش او سامحنى علبة الدركسيون دى متصينة يعنى معمولها بستم وشميز ومتباعة على انها استيراد