المساعد الشخصي الرقمي

مشاهدة النسخة كاملة : عمليات ضبط المغذى (الكربوراتير )


samirayad
30-10-2010, 07:04 PM
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">
يحتاج الكربوراتير أثناء خدمته فى المحرك الى عمليات ضبط بين فتره وأخرى (يعنى لما نحس بخلل فى الآداء ).......... مثل ضبط السرعه البطيئه (السلانسيه ) أو مستوى البنزين فى غرفة العوامه .....

- يلاحظ أن عملية الضبط للكربوراتير لا تكون مفيده عند القيام بها الا أذا كان نظام الأشعال كاملا يعمل بصوره جيده ...وأن يكون خلوص صمامات المحرك مضبوط تماما (يعنى التاكيهات تمام ) ومظبوطه كما ينبغى .....
.
ولكل كربوراتير طريقة ضبط ...طبقا لتعليمات صانع الكربوراتير وصانع المحرك عامة ....

.الا أن طريقة الضبط تتشابه بدرجه كبيره بين الأنواع المختلفه من المغذيات (الكربوراتير يعنى ).......

1- طريقة ضبط السرعه البطيئه .........
.
- يلاحظ أن بعض المغذيات يكون فى تصميمها الداخلى تواجد عدد 2 بيكات أو أربعه بيكات لسحب البنزين من غرفة العوامه الخاصه بالكربوراتير .....

-المغذيات ذات البيكين (بوقين ) يكون لها صمامان خنق (بوابتين )على محور واحد (جنب بعض على أكس الكربوراتير ).......

- أم أربع بيكات بقه (مش أم أربعه وأربعين )....بيكون ليها بوابتين (قرصين ) على أكسين متوازين ....كل أكس عليه بوابتين ....أكس ثانوى وأكس رئيسى .....بيتوصلوا ببعض ميكانيكا من عند بكرة الأكسراتير للتحكم فى فتحاتهم مع السرعه ........

- المهم ....حنركز شويه مع الكربوراتير أبو بابين .....وأبو بكين .....2 بيك يعنى .....مش بكين عاصمة الصين ...........

- كل كربوراتير بيوجد على جانبيه مسمار هواء ومسمار بنزين ......

- بتبدأ عملية الضبط قبل أدارة المحرك بربط مسمار الهواء للنهايه حتى قاعدة المسمار على جسم الكربوراتير ( لحد ماتحس الرباط تقل معاك ....وبهدوء وبدون قوه لعدم الـتأثير على قاعدة المسمار )....

- بعد كده حنفك مسمار الهواء ده 3 لفات للخارج .....وبعد كده حندور المكنه .....

- حنبدأ بعد كده نربط مسمار البنزين (مسمار التحكم فى البوابه ....علشان نواربها شويه لخلق تخلخل من الممر الطبيعى للكربوراتير ...أى زور الكربوراتير ) لسحب بنزين السلانسيه من غرفة العوامه من بيك السرعه البطيئه .....

- أحنا بنعمل أيه دلوقتى ....بنربط فى مسمار البنزين على خفيف ....لحد مادوران المكنه يبقى منتظم (المكنه مابترعشى ) وعلى أقل سرعه ممكنه ....أى صوت المكنه يبقى واطى ومعقول ......

- بعد كده حنربط مسمار الهواء أو البنزين 90 درجه للداخل ....علشان نخللى السرعه تانى مضطربه ...المكنه ترعش تانى لأضعاف نسبة الخليط ....

- بعد كده حنفك تانى مسمار الهواء نصف لفه (180 درجه )....

- كده خلاص ظبطنا مسمار الهواء (مسمار السرعه البطيئه )....بس السرعه لسه مش كويسه ....حنعمل أيه تانى ....

- حنضبط المحرك ودورانه على أقل سرعه بأدارة مسمار التحكم فى صمام التحكم فى البوابه بتاعة الكربوراتير (مسمار البنزين ) للخارج ...لحد مانصل للمطلوب .....

- وكقاعده عامه ...فأنه يلزم المحاوله بالطريقه دى من مرتين الى ثلاث مرات ضبط للحصول على الوضع الصحيح للمسامير .........

2- ضبط مستوى البنزين بالعوامه ......

- يجب أن يكون مستوى البنزين فى العوامه مضبوطا تماما ........طيب أزاى ....

- بيقولك ...ده بيكون فى شكل علامه على جسم غرفة العوامه (من الداخل طبعا ) وذلك لتأمين مستوى البنزين فى البيكات .....

- مستوى البنزين بغرفة العوامه ...مهم جدا أيضا ....حيث أنه يؤثر بشكل كبير على نوعية الخليط ....

- زيادة المستوى فى العوامه ...تجعل الخليط غنى (العربيه حتاكل بنزين )....

- نقص مستوى البنزين فى غرفة العوامه يؤدى الى ضعف الخليط (المكنه حتبقى هزيله )....وترعش والسحب أى كلام ....

- بعض المغذيات ...تزود بزجاجة بيان (من الخارج طبعا ) لتوضيح مستوى البنزين فى العوامه .....

- ده موضوع بسيط عن كيفية ضبط الكربوراتير .....أطلعت عليه من زمان ......بس الصراحه ........بليه أهون من كده بكتير ...........أشكركم على قراءة الموضوع
















































































</TD></TR></TBODY></TABLE>

samirayad
30-10-2010, 07:06 PM
س - بس ياباش مهندس فى الخطوة دى نربط مين فيهم حضرتك بتقول هنربط مسمار الهواء او البنزين
مش ممكن تفرق دى ولا مين فيهم؟




ج - خليها الهواء ياباشا .....وسيب البنزين فى حاله للآخر فعلا .....( بمعنى أصح الشغل كله فى الهواء الأول .....وآخر مرحله البنزين فعلا )......وأليك تلخيص مبسط جدا عن تسلسل الخطوات بعيدا عن الدربكه اللى فوق ........
1-أربط مسمار الهواء حتى قاعدته للنهايه بهدوء .....
2-فك المسمار مره ثانيه بمقدار 3 لفات ....
3- شغل المكنه وأدر مسمار البنزين حتى الوصول لأقل سرعه منتظمه .....
4- أدر مسمار الهواء بمقدار 90 درجه للداخل (رباط يعنى )....
5- فك مسمار الهواء مره تانيه بمقدار نصف لفه (180 درجه )....
6- كده خلاص ظبطنا مسمار الهواء وملناش دعوه بيه ....
7- من خلال مسمار البنزين نظبط على السرعه اللى تعجبنا ( الرباط عليه تزويد سرعه .....وفكه العكس ).....طبعا حنلعب فى مسمار البنزين للوصول للوضع اللى أحنا عاوزينه ( سلانسيه عالى أو واطى )........ <!-- / message --><!-- sig -->
__________________

samirayad
30-10-2010, 07:10 PM
س - أيه اللى يحصل لو الخليط كان غنى أو فقيرا


ج - الخليط الغنى يؤدى الى
1- زيادة سرعة السلانسيه
2- زيادة أستهلاك البنزين على السلانسيه
3- قد يحدث تهبيب للبوجيهات مع زيادة نسبة غنى الخليط (أذا زاد الشىء عن حده أنقلب الى ضده )
4- لما ينقلب لضده والبوجيهات تهبب مع الغنى الفاحش .....حتقابلك صعوبه فى الدواره بعد كده
وخروج عادم مسود مائل للبياض وقت الدواره

الخليط الفقير يؤدى الى
2- عدم ثبات سرعة المكنه وقت السلانسيه
2- حريق هزيل وقت السلانسيه مع حدوث رعشه وأهتزاز بالمكنه وقد يحدث تبطيل للمكنه مع فقر الخليط الشديد
3- طبعا ده حيوفر معاك بنزين وقت السلانسيه
.....ومن هنا نلاحظ لا الغنى مطلوب ولا الفقر مطلوب .....وكل اللى مطلوب الوسطيه وليس المثاليه
لأن الوصول للمثاليه صعب جدا .....بل مستحيل فى كل الأحوال .....والكمال لله سبحانه وتعالى فقط


يقول الله سبحانه وتعالى فى محكم آياته
بسم الله الرحمن الرحيم
ّ وكذلك جعلناكم أمة وسطا ....لتكونوا شهداء على الناس ....ويكون الرسول عليكم شهيدا ّ
صدق الله العظيم

سبحان الله ....ما أحلى الربط بين تعاليم ديننا ....وجميع مايدور حولنا من أشياء .............
<!-- / message --><!-- sig -->

hema_hn
23-11-2010, 02:56 PM
الف شكر ليك يا هندسا

hema_hn
23-11-2010, 03:03 PM
س - أيه اللى يحصل لو الخليط كان غنى أو فقيرا


ج - الخليط الغنى يؤدى الى
1- زيادة سرعة السلانسيه
2- زيادة أستهلاك البنزين على السلانسيه
3- قد يحدث تهبيب للبوجيهات مع زيادة نسبة غنى الخليط (أذا زاد الشىء عن حده أنقلب الى ضده )
4- لما ينقلب لضده والبوجيهات تهبب مع الغنى الفاحش .....حتقابلك صعوبه فى الدواره بعد كده
وخروج عادم مسود مائل للبياض وقت الدواره

الخليط الفقير يؤدى الى
2- عدم ثبات سرعة المكنه وقت السلانسيه
2- حريق هزيل وقت السلانسيه مع حدوث رعشه وأهتزاز بالمكنه وقد يحدث تبطيل للمكنه مع فقر الخليط الشديد
3- طبعا ده حيوفر معاك بنزين وقت السلانسيه
.....ومن هنا نلاحظ لا الغنى مطلوب ولا الفقر مطلوب .....وكل اللى مطلوب الوسطيه وليس المثاليه
لأن الوصول للمثاليه صعب جدا .....بل مستحيل فى كل الأحوال .....والكمال لله سبحانه وتعالى فقط


يقول الله سبحانه وتعالى فى محكم آياته
بسم الله الرحمن الرحيم
ّ وكذلك جعلناكم أمة وسطا ....لتكونوا شهداء على الناس ....ويكون الرسول عليكم شهيدا ّ
صدق الله العظيم

سبحان الله ....ما أحلى الربط بين تعاليم ديننا ....وجميع مايدور حولنا من أشياء .............
<!-- / message --><!-- sig -->
احلى كلام الجزءالاخير

kohana
23-11-2010, 03:20 PM
إيه الحلاوة دى
لو ممكن بقى صور توضيحية لتظبيط الكاربراتير يبقى ميه ميه علشان الواحد يظبطه بنفسه بدل مابروح للميكانيكى

samirayad
23-11-2010, 07:16 PM
إيه الحلاوة دى
لو ممكن بقى صور توضيحية لتظبيط الكاربراتير يبقى ميه ميه علشان الواحد يظبطه بنفسه بدل مابروح للميكانيكى

للأسف معنديش صور حيه لكربوراتير حقيقى

فلو فى الأمكان ورفعت صوره للكربوراتير عندك

وخصوصا من الجوانب ( وشيل فلتر الهواء قبل التصوير )

ممكن نحدد سواء كيفية التعامل مع مسمارى الهوء والبنزين على الطبيعه

hema_hn
24-11-2010, 11:38 AM
للأسف معنديش صور حيه لكربوراتير حقيقى

فلو فى الأمكان ورفعت صوره للكربوراتير عندك

وخصوصا من الجوانب ( وشيل فلتر الهواء قبل التصوير )

ممكن نحدد سواء كيفية التعامل مع مسمارى الهوء والبنزين على الطبيعه
علم وجارى التصوير بإذن الله

matmm
25-11-2010, 06:03 PM
hwa alkrbrateer momken ykhly al3rbya tdrab mdaf3

samirayad
25-11-2010, 07:38 PM
hwa alkrbrateer momken ykhly al3rbya tdrab mdaf3


yes

ِit is possible

samirayad
26-11-2010, 07:55 PM
إيه الحلاوة دى
لو ممكن بقى صور توضيحية لتظبيط الكاربراتير يبقى ميه ميه علشان الواحد يظبطه بنفسه بدل مابروح للميكانيكى


http://im1.gulfup.com/2010-11-26/12907896551.jpg


- السهم العلوى بيشير لمسمار البنزين

- السهم السفلى بيشير لمسمار الهواء

_____________________________________


http://im1.gulfup.com/2010-11-26/12907903831.bmp


مسمار الرجلاش هذا ..........هو مسمار البنزين أيضا

NicEgypt
27-11-2010, 12:12 AM
الاستاذ سمير .. كعادة حضرتك دائما التمييز بمواضيعك المختلفة والرائعة والتى اتابعها فى منتديات مختلفة .
لدى بعض الاستفسارات اسمح لى بعرضها لك للافادة الجميع وافادتى فى اطار الكربراتير :

1 - كان لدى كرابراتير فى سيارتى ريجاتا 85 اس وما حدث انها تستهلك بنزين ثم وجدت قطع بالبوجيهات " بوجيهات مهببة بكربون اسود " اخبرنى الميكانيكى ان الكربراتير مات ولا داعى من اصلاحة .. علماَ اننى توجهت بة سابقا
الى 2 متخصصين كربراتير فقط فى شـبرا .. وقاموا بأصلاح العيب ويرجع بعد شهر مرة اخري . فما الحل ؟

2 - قمت بشراء كربراتير استيراد واحتفظت بالقديم .. اخذتة قبل التركيب لمتخصص اخر فى شبرا كبراتير
قام بفكة قطعة قطعة وتنظيفة وضبطة ثم قام بتركيبة .. لاحظت قبل التركيب ان الباب بيعلق لما بضغط بأيدي على
رجلاش الاكسلتير كأنى ضاغط بنزين مش بيرجع لوضعة دايماَ .. ولما قلت لة قالى عادى هياخد وقتة بس
بعد تركيبة وجدت هذا العيب يظهر احياناَ واحياناَ اخري لا .. يعنى كل يومين تلاتة مرة . فكرت فى اصلاحة
اخبرنى ميكانيكي انى لو رحت لحد بتاع كربراتير هيقولي اكس وباب على طول ودة يعتبر مــسكن فقط . فهل دة صحيح
مسكن فقط ؟ وما الحل فى هذة المشكلة ؟

3 - السيارة لا تدور بشكل سلس صباحاَ .. يجب ان اضغط كثيراَ قبل التدوير " احضر لها " وبعد ادارة الموتور ايضاَ
فهل هناك حل لذلك ؟؟ ام كل السيارات القديمة بهذا الحال ؟ تأخذ وقت يجوز الدقيقة لكى تدور ؟

samirayad
27-11-2010, 12:34 AM
1 - كان لدى كرابراتير فى سيارتى ريجاتا 85 اس وما حدث انها تستهلك بنزين ثم وجدت قطع بالبوجيهات " بوجيهات مهببة بكربون اسود " اخبرنى الميكانيكى ان الكربراتير مات ولا داعى من اصلاحة .. علماَ اننى توجهت بة سابقا
الى 2 متخصصين كربراتير فقط فى شـبرا .. وقاموا بأصلاح العيب ويرجع بعد شهر مرة اخري . فما الحل ؟


أشكرك أولا على زوقك وكرم أخلاقك

بالنسبه لموضوع تهبيب البوجيهات طالمه مصدره غزاره فى أستهلاك البنزين

فوارد يكون سببه البنزين الزائد للأسباب التاليه

1- أتساع البيكات وبالتالى يجب تغييرها

2- تلف أكس الباب وبالتالى بيقفل الباب ومن هنا بتزداد نسبة البنزين فى المخلوط

فهل الباب عندك بيبقى شكله أيه والمكنه ساخنه

هل بيكون مفتوح وواقف على سيفه ولا معلق ومقفول ( ده فى الكربوراتير القديم )

اخذتة قبل التركيب لمتخصص اخر فى شبرا كبراتير
قام بفكة قطعة قطعة وتنظيفة وضبطة ثم قام بتركيبة .. لاحظت قبل التركيب ان الباب بيعلق لما بضغط بأيدي على
رجلاش الاكسلتير كأنى ضاغط بنزين مش بيرجع لوضعة دايماَ .. ولما قلت لة قالى عادى هياخد وقتة بس
بعد تركيبة وجدت هذا العيب يظهر احياناَ واحياناَ اخري لا .. يعنى كل يومين تلاتة مرة . فكرت فى اصلاحة
اخبرنى ميكانيكي انى لو رحت لحد بتاع كربراتير هيقولي اكس وباب على طول ودة يعتبر مــسكن فقط . فهل دة صحيح
مسكن فقط ؟ وما الحل فى هذة المشكلة ؟


نفس المشكله

يهمنا فى الأول والنهايه أن الباب يكون مفتوح على سيفه والمكنه ساخنه

وموضوع تغيير أكس وباب

غير مجدى الصراحه

لأن زى ما أنت عارف

لو حتى تم التصنيع بأبعاد هندسيه صح

فهل تضمن أن الخامات المستخدمه فى التصنيع هى نفس الخامات الموجوده فى القطع الأصليه ( الأكس والباب )

مفيش عندنا حد بياخد باله من موضوع الخامات ده

من أى معدن وبيصنع

وبالتالى .....نجاح موضوع التصنيع مبيستمرش كتير

- السيارة لا تدور بشكل سلس صباحاَ .. يجب ان اضغط كثيراَ قبل التدوير " احضر لها " وبعد ادارة الموتور ايضاَ
فهل هناك حل لذلك ؟؟ ام كل السيارات القديمة بهذا الحال ؟ تأخذ وقت يجوز الدقيقة لكى تدور ؟

طيب قبل ماتدور

أبقى شيل الفلتر وشوف الباب قافل وموارب شويه ولا لا

وحاول تعمل عملية تليين لأكس الباب

حتى ولو بمزيل صدأ

زى ال wd 40

لأن ممكن تكون دايرة الشفاط مش شغاله عندك

والباب بيستمر مفتوحا على سيفه

وده يعاكسك فى الدواره وخصوصا صباحا

NicEgypt
27-11-2010, 03:51 AM
أشكرك أولا على زوقك وكرم أخلاقك

بالنسبه لموضوع تهبيب البوجيهات طالمه مصدره غزاره فى أستهلاك البنزين

فوارد يكون سببه البنزين الزائد للأسباب التاليه

1- أتساع البيكات وبالتالى يجب تغييرها

2- تلف أكس الباب وبالتالى بيقفل الباب ومن هنا بتزداد نسبة البنزين فى المخلوط

فهل الباب عندك بيبقى شكله أيه والمكنه ساخنه

هل بيكون مفتوح وواقف على سيفه ولا معلق ومقفول ( ده فى الكربوراتير القديم )



نفس المشكله

يهمنا فى الأول والنهايه أن الباب يكون مفتوح على سيفه والمكنه ساخنه

وموضوع تغيير أكس وباب

غير مجدى الصراحه

لأن زى ما أنت عارف

لو حتى تم التصنيع بأبعاد هندسيه صح

فهل تضمن أن الخامات المستخدمه فى التصنيع هى نفس الخامات الموجوده فى القطع الأصليه ( الأكس والباب )

مفيش عندنا حد بياخد باله من موضوع الخامات ده

من أى معدن وبيصنع

وبالتالى .....نجاح موضوع التصنيع مبيستمرش كتير



طيب قبل ماتدور

أبقى شيل الفلتر وشوف الباب قافل وموارب شويه ولا لا

وحاول تعمل عملية تليين لأكس الباب

حتى ولو بمزيل صدأ

زى ال wd 40

لأن ممكن تكون دايرة الشفاط مش شغاله عندك

والباب بيستمر مفتوحا على سيفه

وده يعاكسك فى الدواره وخصوصا صباحا

بالنسبة لموضوع الاكس والباب حضرتك اكدت لى انة فعلا مسكن ولا يجدى .. واشكرك على ذلك
جزاك الله كل خير لانى مكنتش فاهم ... بالنسبة للـ WD40 ففعلا تقدر تقول انى غرقت بية الكربراتير
والاجزاء المتحركة بكثرة ... بالنسبة للبيكات فتم تغيرها فعلا قبل كدة .

الكربراتير القديم انا صورتة لحضرتك علشان يكون الكلام واضح اكتر ..
دة القديم اللى اتقال لى انة بايظ ومش نافع وغيرة .. ومشكلتة انة بياكل بوجيهات وبنزين

http://www.m5zn.com/uploads/2010/11/26/photo/1126101611029sqdpqadx1552wmg1xp.jpg (http://games.m5zn.com/cooking_games.html)

لاحظ حضرتك وجود فرق بسيط ف الباب على كلامك انة عادى او الصح ان يبقى فية نسبة بسيطة
مفتوحة للباب صحح لى لو انا غلطان
http://www.m5zn.com/uploads/2010/11/26/photo/1126101611026mwofzym5r2cdi29em9.jpg (http://games.m5zn.com/cooking_games.html)
هل كدة فعلاَ الكربراتير دة مش ينفع نهائى ولا يصلح للعمل مرة اخري ؟

NicEgypt
27-11-2010, 04:35 AM
دة حضرتك صورة الكربراتير الحالى اللى راكب ف السيارة
مشكلتة انة مش بيدور الصبح الا بالتحضير وبيتأخر شوية عبال ميدور .. وباب الاكسلتير بيعلق احيانا
على فترات متباعدة جداَ . واتظبط شوية بعد WD40 . هما المشكلتين الصغيرين دول .

لاحظت ان الباب مفتوح فى الحالاتين بنفس النسبة سخنة وباردة
شاكر وجودك يا بشمهندس وردك المتميز .

samirayad
27-11-2010, 10:20 AM
لاحظ حضرتك وجود فرق بسيط ف الباب على كلامك انة عادى او الصح ان يبقى فية نسبة بسيطة
مفتوحة للباب صحح لى لو انا غلطان


ده الصح فعلا بالنسبه لوضع الباب والمكنه بارده

المهم يكون بيفتح زى الجديد على سيفه والمكنه ساخنه

وغالبا حتلاقيه بيستمر قافل والمكنه ساخنه

ولهذا بيتم تهبيب البوجيهات بالشكل الموصوف فى كلام حضرتك

( طبعا كلامنا ده كله على الكربوراتير القديم )

أما بالنسبه للكربوراتير الجديد


دة حضرتك صورة الكربراتير الحالى اللى راكب ف السيارة
مشكلتة انة مش بيدور الصبح الا بالتحضير وبيتأخر شوية عبال ميدور .. وباب الاكسلتير بيعلق احيانا
على فترات متباعدة جداَ . واتظبط شوية بعد WD40 . هما المشكلتين الصغيرين دول .

لاحظت ان الباب مفتوح فى الحالاتين بنفس النسبة سخنة وباردة
شاكر وجودك يا بشمهندس وردك المتميز .


الجديد بأه إللى مش شغال صح والمكنه بارده ومن هنا بيتعبك فى الدواره

أما وهى ساخنه فهو ماشى صح

_________________

طيب ماتحاول تنقل ميكانيزم التحكم فى الشفاط القديم بالجديد

بحيث تستفيد من حالة الجديد ساخنا

مع شفاط القديم

لجعل باب الكربوراتير الجديد يوارب وأنت بدور صباحا ( المكنه بارده )

أنا حقيقى مش فاكر

نظام الشفاط أيه فى الشاهين

هل بمية المكنه ولا بطريقة واير ميكانيكى

عموما لو وفقت بين الأثنين

حتاخد آداء أفضل وقت الدواره

samirayad
27-11-2010, 10:24 AM
فيه سؤال تانى ليك لأعادة تأكيد الكلام

هل مع وجود الكربوراتير القديم

كان بيقابلك مشكلة دواره

زى الجديد الحالى

أعتقد أجابتك حتكون بلا

والعيب بس كان موضوع تهبيب البوجيهات الفظيع كما بينت فى شرحك

_______________________

وبرضه ممكن تكون لاحظت

أن أستهلاك البنزين فى القديم كان كتير جدا

مقارنة بالجديد الحالى

بس عيب الجديد

هو موضوع

تعب الدواره

hema_hn
27-11-2010, 11:14 AM
باشا جبت صورة الكربراتير هيونداى اكسل
من جهة اليمين وانا ووجهى امام العربية
ممكن الضغط على الصورة للتكبير

http://www.masrmotors.com/vb/%3Ca%20href=http://www.alhnuf.com/up/pics-gif/upload/view_h.php?file=ab76d9446d%20target=_blank%3E[IMG]http://www.alhnuf.com/up/pics-gif/upload/uploads/thumbs/alhnufab76d9446d.jpghttp://www.alhnuf.com/up/pics-gif/upload/view_h.php?file=ab76d9446dhttp://www.alhnuf.com/up/pics-gif/upload/view_h.php?file=ab76d9446dhttp://www.alhnuf.com/up/pics-gif/upload/view_h.php?file=ab76d9446dhttp://www.masrmotors.com/vb/%3Ca%20href=http://www.alhnuf.com/up/pics-gif/upload/view_h.php?file=ab76d9446d%20target=_blank%3E[IMG]http://www.alhnuf.com/up/pics-gif/upload/uploads/thumbs/alhnufab76d9446d.jpg http://www.alhnuf.com/up/pics-gif/upload/uploads/thumbs/alhnufab76d9446d.jpg (http://www.alhnuf.com/up/pics-gif/upload/view_h.php?file=ab76d9446d)

من جهة الأمام
http://www.masrmotors.com/vb/%3Ca%20href=http://www.alhnuf.com/up/pics-gif/upload/view_h.php?file=0c2c8fc652%20target=_blank%3E[IMG]http://www.alhnuf.com/up/pics-gif/upload/uploads/thumbs/alhnuf0c2c8fc652.jpg http://www.alhnuf.com/up/pics-gif/upload/uploads/thumbs/alhnuf0c2c8fc652.jpg (http://www.alhnuf.com/up/pics-gif/upload/view_h.php?file=0c2c8fc652)


من جهة الشمال
http://www.masrmotors.com/vb/%3Ca%20href=http://www.alhnuf.com/up/pics-gif/upload/view_h.php?file=b12bc0b2ed%20target=_blank%3E[IMG]http://www.alhnuf.com/up/pics-gif/upload/uploads/thumbs/alhnufb12bc0b2ed.jpg (http://www.alhnuf.com/up/pics-gif/upload/view_h.php?file=b12bc0b2ed) http://www.alhnuf.com/up/pics-gif/upload/uploads/thumbs/alhnufb12bc0b2ed.jpg (http://www.alhnuf.com/up/pics-gif/upload/view_h.php?file=b12bc0b2ed)

فيه بكرة بلاستيك فى الجانب الشمال يعلوها بكرة صغيرة بلاستيك برده
كنت عايز اعرف بيعملو ايه البكرتين هو البكرة الكبيرة الى واضحة فى الصورة دى بتعلى العربية وتنزلها بس البكرة الشمال دى مش عارف بتعمل ايه
الكربراتير عندى بالتسخين اول ما جبت العربية كان شغال كويس كنت بدور ومبحطش رجلى على البنزين كانت بتعلى لوحدها وبتنزل تانى الموضوع ده مش شغال دلوقتى
اروح لمتخصص ولا الموضوع سهل
شكرا هندسا

samirayad
27-11-2010, 11:59 AM
اروح لمتخصص ولا الموضوع سهل


يفضل الذهاب لمتخصص

طالما لاتوجد خلفيه لديك

للتعامل مع هذه الأمور

hema_hn
27-11-2010, 12:25 PM
يفضل الذهاب لمتخصص

طالما لاتوجد خلفيه لديك

للتعامل مع هذه الأمور
والبكرتين يا هندسا بتوع ايه دول وحده كبيرة ووحدة صغيرة الكبيرة وعرفتها هى الى بتعلى وتوطى طيب الصغيرة
انت عارف ان الصنيعية لما بتسألهم يحسسو الواحد انه حيفتح ورشة جنبهم وياخد شغلهم.

samirayad
27-11-2010, 12:32 PM
الحقيقه الصور صغيره جدا

ومحتاجه أعادة رفع وتكبير للمنظر

hema_hn
27-11-2010, 01:16 PM
باشا لو ضغط عليها حتكبر بكبر الصفحة جرب وقلى

hema_hn
27-11-2010, 01:38 PM
دة حضرتك صورة الكربراتير الحالى اللى راكب ف السيارة
مشكلتة انة مش بيدور الصبح الا بالتحضير وبيتأخر شوية عبال ميدور .. وباب الاكسلتير بيعلق احيانا
على فترات متباعدة جداَ . واتظبط شوية بعد WD40 . هما المشكلتين الصغيرين دول .

لاحظت ان الباب مفتوح فى الحالاتين بنفس النسبة سخنة وباردة
شاكر وجودك يا بشمهندس وردك المتميز .
ممكن تقلى انت رافع الصور الى بتكبر دى ازاى
شكرا لتعاونك

EgyZizo
27-11-2010, 01:46 PM
يمكن تكبير الصور عدة مرات بالضغط عليها يا باشمهندس ..
معلش تاعبينك معانا

NicEgypt
27-11-2010, 02:52 PM
فيه سؤال تانى ليك لأعادة تأكيد الكلام

هل مع وجود الكربوراتير القديم

كان بيقابلك مشكلة دواره

زى الجديد الحالى

أعتقد أجابتك حتكون بلا

والعيب بس كان موضوع تهبيب البوجيهات الفظيع كما بينت فى شرحك

_______________________

وبرضه ممكن تكون لاحظت

أن أستهلاك البنزين فى القديم كان كتير جدا

مقارنة بالجديد الحالى

بس عيب الجديد

هو موضوع

تعب الدواره

بشمهندس سمير .. اشكرك كل الشكر للمتابعة الهندسية ..
بالنسبة لنظام الشفاط .. هى عن طريق مكنة فكيوم ميكانكية فى الكربراتير ودى الوحيدة
اللى نقلتها من القديم للجديد .. ولا جديد حدث
بالنسبة للقديم كان بيتأخر ف الدوارة باردو ... بس مش للدرجة دى .. يعنى ادور بالمفتاح تدور وتقف
ادور المفتاح تانى تدور بدون مضغط بنزين .. بالمفتاح فقط مرة او اتنين وتدور دة القديم اللى اخدت منة الشفاط
الجديد لازم احضر وادوس كتير وانا بدور .. وبعد متدور لو ضغط بنزين ع الاخر بحس انها شرقت
بتقوم مبطلة ولازم اثبت رجلي ع البنزين بعد مدور علشان متبطلشى

سؤال اخير يا بشمهندس .. ما هى الصيانة اللى من الواجب عملها للكربراتير عموما
وهل لو اتفك الكربراتير مينفعش تانى ولا يصلح للعمل والافضل انة مش يتفك ابدا ؟
وما هى الاجزاء اللى من الواجب تغييرها فى الاعطال .. زى مثلا التأخير ف الدوارة

samirayad
27-11-2010, 02:55 PM
وبعد متدور لو ضغط بنزين ع الاخر بحس انها شرقت
بتقوم مبطلة ولازم اثبت رجلي ع البنزين بعد مدور علشان متبطلشى

أربط مسمار البنزين سنه

وجرب

وستجد خيرا بأذن الله

samirayad
27-11-2010, 03:01 PM
باشا لو ضغط عليها حتكبر بكبر الصفحة جرب وقلى

أستخدم هذا الموقع

وأرفع عليه الصور مره أخرى

http://www.gulfup.com/

خد لينك مباشر للصور بعد الرفع

وحطها فى مربع الردود بعد حذفhttp://

NicEgypt
27-11-2010, 03:07 PM
[QUOTE=NicEgypt;296421]
سؤال اخير يا بشمهندس .. ما هى الصيانة اللى من الواجب عملها للكربراتير عموما
وهل لو اتفك الكربراتير مينفعش تانى ولا يصلح للعمل والافضل انة مش يتفك ابدا ؟
وما هى الاجزاء اللى من الواجب تغييرها فى الاعطال ولا تؤثر على ادائة ولا تكون مسكناَ
.. زى مشكلة التأخير ف الدوارة مثلاَ

samirayad
27-11-2010, 03:25 PM
[QUOTE=NicEgypt;296421]
سؤال اخير يا بشمهندس .. ما هى الصيانة اللى من الواجب عملها للكربراتير عموما
وهل لو اتفك الكربراتير مينفعش تانى ولا يصلح للعمل والافضل انة مش يتفك ابدا ؟
وما هى الاجزاء اللى من الواجب تغييرها فى الاعطال ولا تؤثر على ادائة ولا تكون مسكناَ
.. زى مشكلة التأخير ف الدوارة مثلاَ

مين قال كده

فصيانة الكربوراتير واجبه

للحصول على آداء أفضل

ومن أهم الأجزاء الواجب تغييرها بصفه دوريه فى الكربوراتيرات

هى البيكات بشكل عام

طبعا مع الغسيل بالبنزين أو أى منظف مخصص

لكل الأجزاء

ورش مزيل صدأ على الأجزاء العامله بحركه مفصليه زى باب دخول الهواء العلوى

أو باب الثروتل المركب على نهاية بكرة الأكسراتير

___________________

طالما البنزين بيمر فى مجارى حساسه زى البيكات

وبيمر على بوبة الخنق

وهو محمل بالخيرات ( الرمال والشموع والملوثات )

يبقى وارد هذه الملوثات تأثر على كفاءة تشغيل الكربوراتيرات

NicEgypt
29-11-2010, 03:03 AM
[QUOTE=NicEgypt;296441]

مين قال كده

فصيانة الكربوراتير واجبه

للحصول على آداء أفضل

ومن أهم الأجزاء الواجب تغييرها بصفه دوريه فى الكربوراتيرات

هى البيكات بشكل عام

طبعا مع الغسيل بالبنزين أو أى منظف مخصص

لكل الأجزاء

ورش مزيل صدأ على الأجزاء العامله بحركه مفصليه زى باب دخول الهواء العلوى

أو باب الثروتل المركب على نهاية بكرة الأكسراتير

___________________

طالما البنزين بيمر فى مجارى حساسه زى البيكات

وبيمر على بوبة الخنق

وهو محمل بالخيرات ( الرمال والشموع والملوثات )

يبقى وارد هذه الملوثات تأثر على كفاءة تشغيل الكربوراتيرات

أشكرك استاذ سمير شكراَ جزيلاَ على هذة الافادة . وعلى المتابعة الجيدة دائما كعادتك .

samirayad
29-11-2010, 08:22 AM
الله يخليك

hema_hn
29-11-2010, 09:07 AM
أستخدم هذا الموقع

وأرفع عليه الصور مره أخرى

http://www.gulfup.com/

خد لينك مباشر للصور بعد الرفع

وحطها فى مربع الردود بعد حذفhttp://
اوك يا هندسا معلش قرتها متأخر

hema_hn
01-12-2010, 05:39 PM
هندستنا
رحت لمتخصص كربراتير عشان يظبطلى السلنسيه قلى ان باب السلنسيه موارب حاجه بسيطة قوى وممكن امشى بيه
رأى حضرتك ايه الافضل اعمل الباب ده
وكمان كنت بصلح السنسور الكهربا بتاع الكربراتير الى هو لما اجى اشغل العربية الصبح الاربى ام يعلى وبعد ماتسخن اضغط ضغطة خفيفة على البنزين العربية تهدى
المفروض ان اتصلح مع الصيانة دى بس للأسف متصلحش ولازم اسخن بنفسى
هل مشكلة الباب هى الى متخليش التسخين يشتغل

samirayad
01-12-2010, 07:04 PM
رحت لمتخصص كربراتير عشان يظبطلى السلنسيه قلى ان باب السلنسيه موارب حاجه بسيطة قوى وممكن امشى بيه
رأى حضرتك ايه الافضل اعمل الباب ده


رش عليه wd 40 من الأجناب

وحاول تحركه كذا مره بصباعك مثلا أثناء الرش

لكى تتخلل الماده المزيته بال WD40

مناطق تحميل أكس الباب على جدارى الكاربوراتير

لتليين عمل أكس الباب

جايز يكون فيه شوية رواسب ورمال عبرت من خلال فلتر الهواء ومزرجنه سلاسة

حركته شويه

غالبا عدم مواربة الباب صح ممكن تكون السبب فى عدم سرعة التسخين

وعموما أنتظارك للتسخين ليس منه مشاكل

طالما المكنه بدور فور تشغيل الكونتاكت

ومع ضغطك على البنزين بتستقر سرعة ال rpm

عموما جرب موضوع ال WD 40

لتليين الحركه المفصليه لباب السلانسيه

hema_hn
01-12-2010, 10:44 PM
جارى التنفيذ باشا

samirayad
01-12-2010, 11:47 PM
بالتوفيق

بإذن الله

hamadapo
02-12-2010, 03:17 PM
شكراROSE4U

samirayad
02-12-2010, 03:59 PM
الله يخليك

ايمن عبدالحميد
03-12-2010, 12:21 AM
هذة الطريقة منظمة ومحترمة بس عاوزة حد فاهم كويس بيعمل اية - عموما احب اقولك ازاى تحكم على صحة ضبط الهوا - 1-ارجع للشكمان وقرب منة شوية اذا حسيت بحرقة فى العين او الانف يبقى الخلط غير صحيح
2- الموتور بيعرق قطرات من بخار الماءاذا الخلط صحيح3-تبطل العربية وتدور اكتر من مرة تلاقيها بتدور من غير رعشة اذا الخلط صحيح .4- قم بتغيير بكات البنزين بأخرى من نفس المقاس كل اربع او خمس شهور لأن البك بيوسعة البنزين5- راجع درجة قدرة ابرة العوامة على الاستجابة للشفط وذلك على الشفة السفلى لمدة دقيقة للتأكد من ان الابرة ليست ضعيفة واذا لقيت مفيش شفط منتظم للشفة يبقى الابرة ضعيفة ولا تحكم الغلق اثناء سير السيارة وبالتلى هتشفط بنزين رهيب 6- عدم تغيير البويجهات يضعف الاحتراق وبالتالى تشم رائحة بنزين نى اثناء تشغيل الموتور. واللة اعلمROSE4U

aymanay32
12-12-2010, 12:00 AM
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">
يحتاج الكربوراتير أثناء خدمته فى المحرك الى عمليات ضبط بين فتره وأخرى (يعنى لما نحس بخلل فى الآداء ).......... مثل ضبط السرعه البطيئه (السلانسيه ) أو مستوى البنزين فى غرفة العوامه .....

- يلاحظ أن عملية الضبط للكربوراتير لا تكون مفيده عند القيام بها الا أذا كان نظام الأشعال كاملا يعمل بصوره جيده ...وأن يكون خلوص صمامات المحرك مضبوط تماما (يعنى التاكيهات تمام ) ومظبوطه كما ينبغى .....
.
ولكل كربوراتير طريقة ضبط ...طبقا لتعليمات صانع الكربوراتير وصانع المحرك عامة ....

.الا أن طريقة الضبط تتشابه بدرجه كبيره بين الأنواع المختلفه من المغذيات (الكربوراتير يعنى ).......

1- طريقة ضبط السرعه البطيئه .........
.
- يلاحظ أن بعض المغذيات يكون فى تصميمها الداخلى تواجد عدد 2 بيكات أو أربعه بيكات لسحب البنزين من غرفة العوامه الخاصه بالكربوراتير .....

-المغذيات ذات البيكين (بوقين ) يكون لها صمامان خنق (بوابتين )على محور واحد (جنب بعض على أكس الكربوراتير ).......

- أم أربع بيكات بقه (مش أم أربعه وأربعين )....بيكون ليها بوابتين (قرصين ) على أكسين متوازين ....كل أكس عليه بوابتين ....أكس ثانوى وأكس رئيسى .....بيتوصلوا ببعض ميكانيكا من عند بكرة الأكسراتير للتحكم فى فتحاتهم مع السرعه ........

- المهم ....حنركز شويه مع الكربوراتير أبو بابين .....وأبو بكين .....2 بيك يعنى .....مش بكين عاصمة الصين ...........

- كل كربوراتير بيوجد على جانبيه مسمار هواء ومسمار بنزين ......

- بتبدأ عملية الضبط قبل أدارة المحرك بربط مسمار الهواء للنهايه حتى قاعدة المسمار على جسم الكربوراتير ( لحد ماتحس الرباط تقل معاك ....وبهدوء وبدون قوه لعدم الـتأثير على قاعدة المسمار )....

- بعد كده حنفك مسمار الهواء ده 3 لفات للخارج .....وبعد كده حندور المكنه .....

- حنبدأ بعد كده نربط مسمار البنزين (مسمار التحكم فى البوابه ....علشان نواربها شويه لخلق تخلخل من الممر الطبيعى للكربوراتير ...أى زور الكربوراتير ) لسحب بنزين السلانسيه من غرفة العوامه من بيك السرعه البطيئه .....

- أحنا بنعمل أيه دلوقتى ....بنربط فى مسمار البنزين على خفيف ....لحد مادوران المكنه يبقى منتظم (المكنه مابترعشى ) وعلى أقل سرعه ممكنه ....أى صوت المكنه يبقى واطى ومعقول ......

- بعد كده حنربط مسمار الهواء أو البنزين 90 درجه للداخل ....علشان نخللى السرعه تانى مضطربه ...المكنه ترعش تانى لأضعاف نسبة الخليط ....

- بعد كده حنفك تانى مسمار الهواء نصف لفه (180 درجه )....

- كده خلاص ظبطنا مسمار الهواء (مسمار السرعه البطيئه )....بس السرعه لسه مش كويسه ....حنعمل أيه تانى ....

- حنضبط المحرك ودورانه على أقل سرعه بأدارة مسمار التحكم فى صمام التحكم فى البوابه بتاعة الكربوراتير (مسمار البنزين ) للخارج ...لحد مانصل للمطلوب .....

- وكقاعده عامه ...فأنه يلزم المحاوله بالطريقه دى من مرتين الى ثلاث مرات ضبط للحصول على الوضع الصحيح للمسامير .........

2- ضبط مستوى البنزين بالعوامه ......

- يجب أن يكون مستوى البنزين فى العوامه مضبوطا تماما ........طيب أزاى ....

- بيقولك ...ده بيكون فى شكل علامه على جسم غرفة العوامه (من الداخل طبعا ) وذلك لتأمين مستوى البنزين فى البيكات .....

- مستوى البنزين بغرفة العوامه ...مهم جدا أيضا ....حيث أنه يؤثر بشكل كبير على نوعية الخليط ....

- زيادة المستوى فى العوامه ...تجعل الخليط غنى (العربيه حتاكل بنزين )....

- نقص مستوى البنزين فى غرفة العوامه يؤدى الى ضعف الخليط (المكنه حتبقى هزيله )....وترعش والسحب أى كلام ....

- بعض المغذيات ...تزود بزجاجة بيان (من الخارج طبعا ) لتوضيح مستوى البنزين فى العوامه .....

- ده موضوع بسيط عن كيفية ضبط الكربوراتير .....أطلعت عليه من زمان ......بس الصراحه ........بليه أهون من كده بكتير ...........أشكركم على قراءة الموضوع
















































































</TD></TR></TBODY></TABLE>

موضوع مفيد جدا
مشكور

samirayad
12-12-2010, 12:41 AM
الله يخليك

hm414
26-12-2010, 01:26 AM
تم العمل بما افدتنا به والحمد لله تم ظبط الكربيراتير وجزاك الله خيرا

samirayad
26-12-2010, 01:45 AM
الحمد لله

على صلاح الأحوال

وألف مبروك

hema_hn
26-12-2010, 11:12 PM
باشا الخوف من الدخان الابيض ولا الاسود من الجكمان
وليه الدخان بيبقى كثيف فى اول دوارة للعربية وبيطول وقته

samirayad
26-12-2010, 11:20 PM
أبيض مسود ................يبقى فيه شك فى بنزين زياده

أزرق مسود .............يبقى فيه شك فى زيت بيتحرق

وطبعا بيحكمك برضه للحكم على الأمور دى

1- ثبات منسوب مية التبريد

2- معدل أستهلاك الزيت

3- معدل أستهلاك البنزين

hema_hn
26-12-2010, 11:33 PM
شكرا على ردك يا هندسا

samirayad
26-12-2010, 11:38 PM
الله يخليك

samirayad
01-01-2011, 07:38 PM
أحب أضيف هذا التوبيك

لهذا الموضوع

http://www.masrmotors.com/vb/showthread.php?t=44710

cars admire
10-05-2011, 05:53 AM
GIFT4UGIFT4U:fun_36_3_3[1]::fun_36_3_3[1]::14369D~149::14369D~149::14369D~149::14369D~149:

kashtoot
28-07-2011, 11:42 PM
جزاكم الله خيرا

ياقوت فاروق
17-02-2012, 11:32 PM
موضوع جميل وشيق و بارك الله فيك بس لى سؤال اين مكان مسمار البنزين

ياقوت فاروق
17-02-2012, 11:34 PM
مسمار البنزين الى جنب مسمار الهواء

samirayad
17-02-2012, 11:39 PM
موضوع جميل وشيق و بارك الله فيك بس لى سؤال اين مكان مسمار البنزين

فى الواقع مسمار البنزين ماهو إلا مسمى نابع من خلال معنى

بمعنى

المسمار المسئول عن ضبط وضع باب الكربوراتير السفلى للتحكم فى عملية الخلخله

داخل الكربوراتير بيسمى عاميا بمسمار البنزين

لأنه من خلال التحكم فى وضع باب الكربوراتير يتم التحكم فى التخلخل

بالإشتراك مع الباب العلوى للكربوراتير

ومن هنا يتم التحكم فى كمية البنزين المسحوبه من غرفة العوامه

samirayad
17-02-2012, 11:43 PM
مسمار البنزين الى جنب مسمار الهواء

معلش الموقع مش مظبوط معايا

عموما لو مفيش جنب مسمار الهواء غيره

يبقى هو بالطبع المقصود بمسمار البنزين

ياقوت فاروق
18-02-2012, 02:04 PM
س/ برجاء رسم توضيحى لمسمار الهواء والبنزين

ياقوت فاروق
18-02-2012, 02:10 PM
انا عملت زى ماقلت بالضبط بس مشعارف مكان مسمار البنزين

samirayad
18-02-2012, 05:01 PM
س/ برجاء رسم توضيحى لمسمار الهواء والبنزين

هحاول أدور على رسم تفصيلى بهذا الخصوص

ونضيفه لهذا الموضوع

بس إدينى فرصه من الوقت

samirayad
18-02-2012, 05:51 PM
انا عملت زى ماقلت بالضبط بس مشعارف مكان مسمار البنزين

ياريت لو تعرف ترفعلى صوره جانبيه للكربوراتير عندك

من جهة بكرة الأكسراتير

هيكون ده أفضل

وهنشوف مكان مسمار البنزين

على الكربوراتير بتاع عربيتك

abdo1234456
19-04-2012, 08:38 PM
طبعا شكرا ليك على نقل الموضوع بس الكلام ده كلاته

هجس هجس هجس x هجسين تلاته
وعن تجربه

samirayad
19-04-2012, 11:48 PM
طبعا شكرا ليك على نقل الموضوع بس الكلام ده كلاته

هجس هجس هجس x هجسين تلاته
وعن تجربه


طيب إيه الصح يا أستاذ / عبده


على فرض

أن إللى أنت شوفته فى الموضوع إللى أنا ناقله ده

هجص

زى ماحضرتك بتقول

فياريت تنقلنا تجربتك

علشان نستفيد برضه من تجربتك

ewan yousef
14-11-2013, 02:56 AM
شكرا لحضرتك علي الكلام الجميل دة