المساعد الشخصي الرقمي

مشاهدة النسخة كاملة : ما هى الأعراض التى تحدث للسيارة بسبب تلف المانيفول


MOHAMED22
23-10-2010, 10:09 PM
أرجو من السادة الأعضاءالمشاركة والتعريف وعرض المشاكل التى تحدث للسيارة بسبب تلف المانيفول ولو ممكن شرح حتى لو بسيط عن وظيفة المانيفول لأن عندى مشكلة فى سيارتى ومش لاقى ليها حل عند الميكانيكية وقولت أسئل فى منتدانا الحبيب ما هو المانيفول ؟؟؟؟ يمكن يطلع السبب منه 00000 وشكرا

hazem_khidr
23-10-2010, 10:47 PM
ايه المشكله اللي بتظهر معاك؟؟

samirayad
23-10-2010, 10:53 PM
المانيفولد هو نطق باللغه العربيه لكلمة manifold الأنجليزيه

ولأى محرك أحتراق داخلى (مثل محركات السيارت ) يوجد نوعين من المانيفولدات

1- مانيفولد الدخول للهواء الفرش البارد وبنسميه هندسيا intake manifold

وده اللى بيخش منه الهواء القادم من فلتر الهواء لأسطوانات الحريق بالمكنه

2- مانيفولد العادم وده بنسميه هندسيا exhaust manifold ( أى مانفولد العادم ) وبيسمى لدى الصنايعيه بفرن المكنه (نظرا لسخونته الشديده من غازات العادم الخارجه من صبابات العادم ) الى خط الشكمان

بالمناسبه

كلمة مانيفولد بتترجم إلى مشعب ( أى مخرج ذو تشعبات )

أنت تقصد مين فيهم وأيه اللى بايظ فيه .................؟

MOHAMED22
23-10-2010, 11:32 PM
ايه المشكله اللي بتظهر معاك؟؟
عملت وش سلندر لأن الزيت دخل على المية المهم خدت وش السلندر وروحت المخرطة زودة وقشطة وركبة الميكانيكى وظهرت الشاكل الأتية السيارة فيها رعشة وصوت المحرك غير منتظم فى السرنسية وأنا ماشى على الثانى أوالثالث وأشيل رجلى من على دواسة البنزين ألاقى العربية تنتش والسيارة تترج والماتور يسقف والشكلة حصلت بعد عمل وش السلندر وأحب أعرف سيادتك اليوم الميكانيكى غير واير الدبرياج ووطى الدبرياج وغير البوجيهات ونضف الحساس والبوابة وضبط التيكهات وكانت النتيجة بعد الشغل دة إن سحب العربية أصبح بطىء يعنى جابت سرعة 120 بالعافية وأنا دايس على دواسة البنزين على الأخر والمشكلة كما هى رعشة ورجرجة وتنتيش وتسقيف وقولت أسئل يمكن يكون العيب منة

MOHAMED22
23-10-2010, 11:43 PM
المانيفولد هو نطق باللغه العربيه لكلمة manifold الأنجليزيه

ولأى محرك أحتراق داخلى (مثل محركات السيارت ) يوجد نوعين من المانيفولدات

1- مانيفولد الدخول للهواء الفرش البارد وبنسميه هندسيا intake manifold

وده اللى بيخش منه الهواء القادم من فلتر الهواء لأسطوانات الحريق بالمكنه

2- مانيفولد العادم وده بنسميه هندسيا exhaust manifold ( أى مانفولد العادم ) وبيسمى لدى الصنايعيه بفرن المكنه (نظرا لسخونته الشديده من غازات العادم الخارجه من صبابات العادم ) الى خط الشكمان

بالمناسبه

كلمة مانيفولد بتترجم إلى مشعب ( أى مخرج ذو تشعبات )

أنت تقصد مين فيهم وأيه اللى بايظ فيه .................؟
أشكرك على المعلومة القيمة وأشكرك على التصحيح وأرجو منك شرح مبسط للبند رقم 1 وشكرا مرة ثانية

samirayad
23-10-2010, 11:48 PM
شرح مبسط للبند رقم 1 وشكرا مرة ثانية

فى عربيتك الدايو ماتيز

المانيفولد بيبقى وراء البوابه اللى عليها بلف الأيدل وحساس البوابه ( تقريبا زى نظام السيارات الانوس مع فارق التشبيه )

ووظيفته فقط توصيل الهواء القادم من الفلتر ومار بالبوابه الى صبابات دخول الهواء

ليس أكثر من هذا

ومفيش حاجه ممكن تعملك خلل فى سرعة السلانسيه الا لو كان جوان المايفولد تالف أو المانيفولد مش متربط كويس على الوش

وأعتقد مفيش عندك أدنى مشكله فى مانيفولد دخول الهواء للمحرك من خلال شرحك لملابسات موضوع الزيت على الميه

http://www.masrmotors.com/vb/showthread.php?t=34414

MOHAMED22
24-10-2010, 12:03 AM
فى عربيتك الدايو ماتيز

المانيفولد بيبقى وراء البوابه اللى عليها بلف الأيدل وحساس البوابه ( تقريبا زى نظام السيارات الانوس مع فارق التشبيه )

ووظيفته فقط توصيل الهواء القادم من الفلتر ومار بالبوابه الى صبابات دخول الهواء

ليس أكثر من هذا

ومفيش حاجه ممكن تعملك خلل فى سرعة السلانسيه الا لو كان جوان المايفولد تالف أو المانيفولد مش متربط كويس على الوش

وأعتقد مفيش عندك أدنى مشكله فى مانيفولد دخول الهواء للمحرك من خلال شرحك لملابسات موضوع الزيت على الميه

http://www.masrmotors.com/vb/showthread.php?t=34414
بارك الله فيك يابشمهندس سمير على شرحك وسهولة توصيل المعلومة وربنا يكرمك
وشكرا

hazem_khidr
24-10-2010, 04:02 AM
اعتقد بنسبه كبيره ان المشكله في وش السلندر انه اتملي زياده عن المسموح
لان وش السلندر حساس جدا لو ارتفع عن معدله ولو لمللي واحد بيحدث خلل
في غرف الاشعال و نسبه الانضغاط و هي ما تؤدي الي حدوث البرجله و الصفع

MOHAMED22
24-10-2010, 11:30 PM
اعتقد بنسبه كبيره ان المشكله في وش السلندر انه اتملي زياده عن المسموح
لان وش السلندر حساس جدا لو ارتفع عن معدله ولو لمللي واحد بيحدث خلل
في غرف الاشعال و نسبه الانضغاط و هي ما تؤدي الي حدوث البرجله و الصفع
مساء الخير يا أستاذ حازم كلام حضرتك مضبوط ودة إلى حصل اليوم لأن الميكانيكى حل وشاف التقسيمة ولقاها سليمة ومضبوطة وقالى فى الحالة دى لازم نفك وش السلندرونراجع على الشغل إللى عملة الميكانيكى الأخر وفعلا قالى وش السلندر لازم يتغير لأنة تالف وورانى الفتحات إللى إتزودت وكانت حالتها سيئة جدا وقالى الوش إتقشط زيادة عن الازم ومعتش ينفع يتعمل معاة شغل وعلشان العربية ترجع مضبوطة لابد من تغير وش السلندر وكان متركبلة إتنين جيوان وبكرة إن شاء الله سوف أذهب لبورسعيد مع الميكانيكى علشان نجيب وش سلندر إستيراد لأن لايوجد منة جديد وربنا يسهل علينا المشوار ونلاقى المطلوب وربنا يسامح الميكانيكى إللى عمل الشغل الأولانى 0
وشكرا لك ياأستاذ حازم

hazem_khidr
24-10-2010, 11:49 PM
طب الحمد لله يا استاذ محمد ان المشكله طلعت في الوش فقط
ربنا يسهل و تلاقي وش كويس و الافضل يكون مفكوك من موتور قدامكم

علي فكره انا اسمي حازم مش خالد:)

MOHAMED22
25-10-2010, 12:02 AM
طب الحمد لله يا استاذ محمد ان المشكله طلعت في الوش فقط
ربنا يسهل و تلاقي وش كويس و الافضل يكون مفكوك من موتور قدامكم

علي فكره انا اسمي حازم مش خالد:)
أستاذ حازم أنا أسف جدا على الخطأ فى كتابة الأسم وأرجو من سيادتك قبول إعتذارى وسوف أقوم بتصحيح الأسم فورا وأشكرك مرة ثانية ROSE4U

oceanboy425
25-10-2010, 12:17 AM
محدش بيتعلم ببلاش ياما شوفت من الميكانيكية

حسام البورسعيدى
26-10-2010, 05:01 AM
طبعا المشكلة من الوش زى ما استاذ حازم قالك ..

وانصحك تجيب وش فبريكة ويتفك من الموتور قدامك ...

وعلى فكرة الميكانيكى مش غلطان اللى غلطان بتاع المخرطة ..

وعموما منصحش اى حد عنده مشكلة فى وش السلندر انه يخرطه لانه بيقلل عزم الموتور جامد ..

وان شاء الله تلاقى الوش فى بورسعيد ولو احتجت اى مساعده انا معاك ...........

تحياتى .............

MOHAMED22
26-10-2010, 11:05 PM
طبعا المشكلة من الوش زى ما استاذ حازم قالك ..

وانصحك تجيب وش فبريكة ويتفك من الموتور قدامك ...

وعلى فكرة الميكانيكى مش غلطان اللى غلطان بتاع المخرطة ..

وعموما منصحش اى حد عنده مشكلة فى وش السلندر انه يخرطه لانه بيقلل عزم الموتور جامد ..

وان شاء الله تلاقى الوش فى بورسعيد ولو احتجت اى مساعده انا معاك ...........

تحياتى .............
أنا عاجز عن الشكر فى شخصك الكريم ياأستاذ حسام وأحب أعرف حضرتك إن الميكانيكى هو إللى غلطان فى البداية وفى النهاية لأنة هو الذى حدد العيب ووضع العلاج بمعنى أنة قال الوش عايز يروح المخرطة علشان يتزود ويتقشط حتى بعد شغل المخرطة شاف الشغل إللى إتعمل فى وش السلندر المفروض وواجبةوضميرة يتحتم علية أن يقول الوش عايز يتغيرمن الأول أوحتى بعد شغل المخرطة لأنة عارف المشاكل التى من الممكن أن تحدث للسيارة بعد تركيب وش السلندر وهو بالحالة دى وفى الحالة دى كان يفهمنى بدل البهدلة واللف والدوران على ميكانيكية البلد لمدة أكثر من شهروخسارة ال 600 جنية إللى دفعتهم على الفاضى لأنى معنديش خبرة فى شغل وش السلندر وربنا يسامحة المهم اليوم إشتريت وش سلندر من بورسعيد ودفعت 850 جنيه بالعافية لأنه قليل فى السوق وماسكين فى سعرة والميكانيكى فحصة وقالى وش نضيف وبحاله الزيرو 0 وإنا معاك فى رأيك إن أى حد عندة مشكلة فى وش السلندر يغيرة ويريح دماغة ومالة وبلاش شغل المخرطة فى التزويد والقشط لأنها مسكنات مؤلمة ووقتية ونتائجها غير مرضية بالمرة لأنى إيتكويت منها

hazem_khidr
27-10-2010, 12:50 AM
الف مبروك الوس الجديد
عاوزين انطبعاتك عن العربيه بعد تركيبه

مهند سالم
27-10-2010, 02:12 PM
ألف مبروك حل المشكلة، وفي انتظار رأيك بعد التركيب

مهند سالم
27-10-2010, 02:15 PM
الف مبروك الوس الجديد
عاوزين انطبعاتك عن العربيه بعد تركيبه
بعد إذنك يا أستاذ حازم كنت عايز أسأل حضرتك عن ميكروباص فولكس، 1600سي سي موتور أمامي. هل هذا الميكروباص موديل 1980 أو قبل ذلك؟
وهناك من يسقط له موتور تويوتا جاز، هل هذا أفضل أو البنزين؟
وشكرا مقدما

MOHAMED22
28-10-2010, 09:12 PM
الف مبروك الوس الجديد
عاوزين انطبعاتك عن العربيه بعد تركيبه
مساء الخير أستاذ حازم وشكرا على إهتمامك وأحب أعرف سيادتك إن وش السلندر بعد التركيب أداءالسيارة أصبح أفضل وجميع المشاكل تقريبا إتحلت فيما عدا مشكلة واحدة وغريبة جدا حتى الميكانيكى قالهالى بوضوح وبكل صراحة قالى العربية فيها كتمة وبحاول أعرف السبب وإطلع جرب وشوف المهم دورت الكونتاكت ولاحظت إن صوت الموتور أصبح هادىء والرعشة إختفت وسحب السيارة كويس والمشكلة هى زى ماقالى إن العربية فيها كتمة وهى عبارة عن أول ما أدوس بنزين ألاقى العربية مكتومة وبعد كدة ألاقى الوضع أصبح طبيعى ولما أرفع قدمى من على دواسة البنزين وأذود بنزين تانى تحدث نفس الكتمة ودى لاحظتها فى جميع الغيارات من الأول حتى الخامس وكذلك فى المرشيدير نفس الكتمة وقلتلة على الملاحظة دى قالى أنا بحاول أعرف السبب وكشف بالكمبيوترتانى وقالى جميع الدواير سليمة ولم يسجل أعطال وهو راجع على جميع أجزاء السيارة من فلتر هواء وبنزين وطلمبة وجميع الحساسات والبوابة والرشاشات وجميع الوصلات والخراطيم حتى الكارتة ركب واحدة جديدة والنتيجة نفس الكتمة ورجع ركب القديمة تانى هو بصراحة لم يترك شىء فى السيارة إلا وشافة وقالى هات العربية يوم السبت علشان أشتغل فى العربية على رواقة علشان أقدرأحت إيدى على العيب دة وأخذت العربية ورحت لورشة كهربائى علشان أتأكد من كلامة وشرحت لة الوضع وكشف بالكمبيوتر ولم يسجل أى أعطال أوقراءة خطأ وقالى كل حاجة عندك سليمة إرجع للميكانيكى يشوف حل للكتمة دى وبصراحة وش السلندر ملوش دعوة بالكتمة دى وعلى العموم أنا إحترت وتعبت وروحى طلعت ومعنديش حل سوى الأنتظار ليوم السبت

samirayad
29-10-2010, 02:20 PM
أنا عاجز عن الشكر فى شخصك الكريم ياأستاذ حسام وأحب أعرف حضرتك إن الميكانيكى هو إللى غلطان فى البداية وفى النهاية لأنة هو الذى حدد العيب ووضع العلاج بمعنى أنة قال الوش عايز يروح المخرطة علشان يتزود ويتقشط حتى بعد شغل المخرطة شاف الشغل إللى إتعمل فى وش السلندر المفروض وواجبةوضميرة يتحتم علية أن يقول الوش عايز يتغيرمن الأول أوحتى بعد شغل المخرطة لأنة عارف المشاكل التى من الممكن أن تحدث للسيارة بعد تركيب وش السلندر وهو بالحالة دى وفى الحالة دى كان يفهمنى بدل البهدلة واللف والدوران على ميكانيكية البلد لمدة أكثر من شهروخسارة ال 600 جنية إللى دفعتهم على الفاضى لأنى معنديش خبرة فى شغل وش السلندر وربنا يسامحة المهم اليوم إشتريت وش سلندر من بورسعيد ودفعت 850 جنيه بالعافية لأنه قليل فى السوق وماسكين فى سعرة والميكانيكى فحصة وقالى وش نضيف وبحاله الزيرو 0 وإنا معاك فى رأيك إن أى حد عندة مشكلة فى وش السلندر يغيرة ويريح دماغة ومالة وبلاش شغل المخرطة فى التزويد والقشط لأنها مسكنات مؤلمة ووقتية ونتائجها غير مرضية بالمرة لأنى إيتكويت منها

مساء الخير أستاذ حازم وشكرا على إهتمامك وأحب أعرف سيادتك إن وش السلندر بعد التركيب أداءالسيارة أصبح أفضل وجميع المشاكل تقريبا إتحلت فيما عدا مشكلة واحدة وغريبة جدا حتى الميكانيكى قالهالى بوضوح وبكل صراحة قالى العربية فيها كتمة وبحاول أعرف السبب وإطلع جرب وشوف المهم دورت الكونتاكت ولاحظت إن صوت الموتور أصبح هادىء والرعشة إختفت وسحب السيارة كويس والمشكلة هى زى ماقالى إن العربية فيها كتمة وهى عبارة عن أول ما أدوس بنزين ألاقى العربية مكتومة وبعد كدة ألاقى الوضع أصبح طبيعى ولما أرفع قدمى من على دواسة البنزين وأذود بنزين تانى تحدث نفس الكتمة ودى لاحظتها فى جميع الغيارات من الأول حتى الخامس وكذلك فى المرشيدير نفس الكتمة وقلتلة على الملاحظة دى قالى أنا بحاول أعرف السبب وكشف بالكمبيوترتانى وقالى جميع الدواير سليمة ولم يسجل أعطال وهو راجع على جميع أجزاء السيارة من فلتر هواء وبنزين وطلمبة وجميع الحساسات والبوابة والرشاشات وجميع الوصلات والخراطيم حتى الكارتة ركب واحدة جديدة والنتيجة نفس الكتمة ورجع ركب القديمة تانى هو بصراحة لم يترك شىء فى السيارة إلا وشافة وقالى هات العربية يوم السبت علشان أشتغل فى العربية على رواقة علشان أقدرأحت إيدى على العيب دة وأخذت العربية ورحت لورشة كهربائى علشان أتأكد من كلامة وشرحت لة الوضع وكشف بالكمبيوتر ولم يسجل أى أعطال أوقراءة خطأ وقالى كل حاجة عندك سليمة إرجع للميكانيكى يشوف حل للكتمة دى وبصراحة وش السلندر ملوش دعوة بالكتمة دى وعلى العموم أنا إحترت وتعبت وروحى طلعت ومعنديش حل سوى الأنتظار ليوم السبت

فيه أستفسار بسيط من سعاتك الأول يا أستاذ : محمد

الميكانيكى اللى متحدد بالأزرق فى الأقتباسين

هو هو

ولا ده غير ده

hazem_khidr
29-10-2010, 03:05 PM
خد العربيه مشوار طويل ان شاء الله الكتمه تروح
لو ما راحتش يبقي في علبه شكمان مسدوده

احمد على 1999
29-10-2010, 04:00 PM
خد العربيه مشوار طويل ان شاء الله الكتمه تروح
لو ما راحتش يبقي في علبه شكمان مسدوده
سبقتنى كانت ايدى رايحة على الكيبورد اكتب احتمال شاكمان / علبة بيئة ....الخ

MOHAMED22
29-10-2010, 06:13 PM
فيه أستفسار بسيط من سعاتك الأول يا أستاذ : محمد

الميكانيكى اللى متحدد بالأزرق فى الأقتباسين

هو هو

ولا ده غير ده
مساء الخير يابشمهندس سمير أنا عاجز عن الشكرعلى إهتمامك فى حل مشكلتى وأحب أعرف حضرتك إن الميكانيكى دة غير دة الأولانى هوإلى بوظ وش السلندر ولخبطلى السيارةوعلشان كدة سيبتة وروحت للميكانيكى الثانى والميكانيكى الثانى وهو إلى جاب معايا وش السلندر الأستيراد وركبة

samirayad
29-10-2010, 07:26 PM
والمشكلة هى زى ماقالى إن العربية فيها كتمة وهى عبارة عن أول ما أدوس بنزين ألاقى العربية مكتومة وبعد كدة ألاقى الوضع أصبح طبيعى ولما أرفع قدمى من على دواسة البنزين وأذود بنزين تانى تحدث نفس الكتمة ودى لاحظتها فى جميع الغيارات من الأول حتى الخامس وكذلك فى المرشيدير نفس الكتمة وقلتلة على الملاحظة دى قالى أنا بحاول أعرف السبب ذهبت اليوم للميكانيكى وتم عمل الأتى تم تغير وير الدبرياج على الرغم إن الوير كان سليم وتم تغير البيجوهات على الرغم إن البيجوهات القديمة سليمة وتم ضبط التيكهات ووطى الدبرياج

طبعا ده الميكانيكى الأولانى ....إللى أنت مبقتش بتتعامل معاه

وبما أنه كان موطى الدبرياج ومغير واير دبرياج

متخللى الميكانيكى الشاطر الحالى

يرجع الدبرياج لوضعه الأولانى وجرب سحب العربيه مع أول رفع لرجلك من على الدواسه

فجايز يكون مشوار الدبرياج صغير حاليا

والتعشيق لمكونات الدبرياج مش كافى حاليا مع أول التحميل على دواسة البنزين

وأنا عارف أن التجميع بياخد معاك وقت حاليا ( عند أى نقله متعشقه على الفتيس )

MOHAMED22
29-10-2010, 09:25 PM
طبعا ده الميكانيكى الأولانى ....إللى أنت مبقتش بتتعامل معاه

وبما أنه كان موطى الدبرياج ومغير واير دبرياج

متخللى الميكانيكى الشاطر الحالى

يرجع الدبرياج لوضعه الأولانى وجرب سحب العربيه مع أول رفع لرجلك من على الدواسه

فجايز يكون مشوار الدبرياج صغير حاليا

والتعشيق لمكونات الدبرياج مش كافى حاليا مع أول التحميل على دواسة البنزين

وأنا عارف أن التجميع بياخد معاك وقت حاليا ( عند أى نقله متعشقه على الفتيس )
هو فعلا مشوار الدبرياج قصير جدا بدليل إنى برفع رجلى من على دواسة الدبرياج سنة سنة وبالراحة جدا غير الأول قبل ما أغير وير الدبرياج وكلام حضرتك مقنع تماما و غدا إن شاء الله لما أذهب للميكانيكى أقول لة على كلام حضرتك وسوف أخبرك بما حدث وأشكرك على إهتمامك ومساعدتك لى فى حل مشكلتى وجزاك الله كل خير وجعلة الله فى ميزان حسناتك

samirayad
29-10-2010, 10:48 PM
واضح أوى

أن الميكانيكى الأولانى على أده الصراحه

بالطبع هو معزور فى موصوع الوش

لأن موضوع الوش السبب الأساسى فيه هو الخراط

أكل زياده عن اللزوم من الوش بعد التزويد وبالتالى شغل الصبابات بأه أى كلام

ومن هنا حدثت معاك المشاكل بتاعة التنتيش والتفويت بعد الخراطه

علشان كده .....ونظرا لعدم وجود كفاءات فنيه فى ورش الخراطه تتبع الأسس

الهندسيه فى أعمال الخراطه والتسويه للأسطح العدله على الفرايز

فدايما بننصح بشراء أوشاش السلندر الأستيراد مع وجود مشاكل فى الأوشاش العامله بالمحركات

____________________________

من زاويه تانيه

فالميكانيكى القديم ....أخطأ فعلا فى أنه وطى الدبرياج

على الرغم أنك مغير ديسك وأسطوانه من سنه تقريبا

وبالتالى الوضع الحالى لمشوار الدبرياج القصير

لابد من علاجه ....بتطويل مشوار الدبرياج قليلا

حفاظا على أسطوانة الدبرياج ( التى تعتبر جديده )

MOHAMED22
30-10-2010, 06:56 PM
إنهاردة قولت للميكانيكى على كلام حضرتك وكان ردة إن المشكلة خاصة بالبنزين وليس الدبرياج وعلشان أقتنع بكلامة فتح الكبوت وحرك وير البنزين وأول ماداس على الوير حدثت كتمة البنزين نفس الكتمة التى تحدث وأنا ماشى بالسيارة وقلت لة ممكن يكون الكتمة دى بسبب وش السلندر إلى ركب ممكن يكون الضغط جوه مش مضبوط أوأى حاجة تانية لأنك جبت وش السلندر كامل بأجزاءة وركبتة كامل ممكن يكون فية أى جزء من أجزاءة تالفة أو مش مضبوطة قالى الوش إللى ركب بأجزاءة والله بحالة الزيرو أنا مراجع كل حاجة فية ومنضفة حتة حتة والمكنة دلوقتى مفيش حد يقدر يطلع فيها غلطة واحدة وأنا متأكد من إن وش السلندر ملوش دعوة بالكتمة ولو أنا شايف إن هو سبب أى مشكلة كنت غيرتة فورا وأنا مستعد أركبلك الوش القديم لوتحب وقالى أنا مسبتش أى حاجة فى العربية إلا رجعتها والكمبيوتر لم يسجل أى حاجة خطأ وجميع الأجزاء تعمل بكفائة وتركت له السيارة ومشيت وقلت يارب ساعدنى فى حل مشكلتى أنت سبحانك العليم بحالى

samirayad
30-10-2010, 07:16 PM
وعلشان أقتنع بكلامة فتح الكبوت وحرك وير البنزين وأول ماداس على الوير حدثت كتمة البنزين نفس الكتمة التى تحدث وأنا ماشى بالسيارة

مايمكن يكون فيه مشكله فى حساس البوابه مثلا

أو حساس تحديد الحمل عندك ( زى الماب عندنا فى الانوس والنوبيرا )


بالمناسبه أنت مركب البوابه القديمه ولا الوش كان معاه بوابه

وهل الكتمه دى كانت موجوده قديما ولا ظهرت بعد تركيب الوش فقط

وياريت لو تفتكر وقت ظهورها تحديدا

MOHAMED22
31-10-2010, 01:42 AM
أنا أسف يا بشمهندس سمير أنا تعبتك معايا وربنا يبارك فيك
بالنسبة للحساسات هو كان بيفك حساس ويركب حساس أخر من عندة ويلاقى نفس الكتمة ويركب إللى فكة تانى وعمل كدة مع كل الحساسات إللى موجودة فى العربية وقالى معلش أنا عملت كدة علشان أوصل للعيب وبالنسبة للبوابة البوابة القديمة هى إللى راكبة لأن الوش الجديد كان من غير بوابة وقالى البوابة سليمة وزى الفل والمنيفولد والجيوان سليم وكل حاجة أنت بتفكر فيها أنا عملتها والكتمة دى حصلت بعد تركيب وش السلندر الجديد وبالنسبة للميكانيكى الأولانى إللى عمل وش السلندر القديم بعد ما زودة وقشطة وركبة كانت ظهرت المشاكل الأتية رعشة شديدة وإهزاز فى السرنسية وكذللك فى المشى مع رجرجة وتنتيش وسحب ضعيف ولما أشيل رجلى من على دواسة البنزين ألاقى فى العربية رجرجة جامدة وأسمع صوت تصقيف فى الموتور وكل المشاكل دى راحت لما ركبت وش السلندر الجديد عند الميكانيكى الثانى ( الحالى ) فيما عدا حكاية كتمة البنزين ودى هى الجديدة فى الموضوع
وأحب أعرف حضرتك إنى روحت للميكانيكى الساعة 9 مساء وناقشتة فى كل صغيرة وكبيرة وكل إللى حضرتك قولت علية وكل ماقرأتة فى المنتدى يخص مشكلتى وفى الأخر إتفقت معاة إنى أجيب وش السلندر القديم كامل بجميع أجزاءة زى مافكة ويركبة مكان الوش الجديد كامل بجميع أجزاءة لأن ممكن يكون فية عيب فى أجزاء وش السلندر الجديد الداخلية وتكون هى السبب (أنا عارف إن دة مش حل صحيح ولكن أعمل إية هى كدة كدة خسرانة وربنا هو المعين )

وعندى سؤال لحضرتك خطر على بالى هل من الممكن إن يكون فية فتحة هواء أو فتحة مياة أو أى ممر فى وش السلندر الجديد تكون مسدودة أو مكتومة وغير واضحة أو ظاهرة وتكون هى سبب الكتمة دى وهل تنظيف الفتحات والممرات وتسليكها ممكن وشكرا
وأنا أسف على الأطالة والتكرارفى كلامى

احمد على 1999
31-10-2010, 02:19 AM
احتمال سير الكاتينة مرحل سنة

hazem_khidr
31-10-2010, 03:54 AM
يا تري وش السلندر لما جه الميكانيكي عمل روديه ولا لاء؟؟
ماهو لازم يعمل روديه علاوه علي انه يطمن علي الصبابات الموجوده
خليه يعمل روديه و خد العربيه مشوار زي ما بقولك و ان شاء الله تتحل

اقتباس:
<table border="0" cellpadding="6" cellspacing="0" width="100%"> <tbody><tr> <td style="border: 1px inset;" class="alt2"> المشاركة الأصلية كتبت بواسطة hazem_khidr http://www.masrmotors.com/vb/sama-elarab2/buttons/viewpost.gif (http://www.masrmotors.com/vb/showthread.php?p=271645#post271645)
خد العربيه مشوار طويل ان شاء الله الكتمه تروح
لو ما راحتش يبقي في علبه شكمان مسدوده
</td> </tr> </tbody></table>
سبقتنى كانت ايدى رايحة على الكيبورد اكتب احتمال شاكمان / علبة بيئة ....الخ
واحد يا باشا :)

samirayad
31-10-2010, 08:17 AM
احتمال سير الكاتينة مرحل سنة


أرجح هذا الأحتمال

فياريت يتحل غطاء السير ويتراجع على وضع تروس التقسيمه مع علامات الترقيم الموجوده على غطاء السير الداخلى

قبل ماتخليه يحل وش السلندر تانى

لأن كده حرام الصراحه

والمفروض طالما هو ميكانيكى بنفترض أنه شاطر

كان نظف الرأس كويس وأختبر شغل الصبابات وتطبيعها من أسفل الوش

من رأييى

متخليهوش يحل الوش

ولو هو طلب يحل الوش .....يبقى هو ميكانيكى تعبان من الأساس

ويفضل الذهاب لأستشارة واحد آخر على الطبيعه

كوجهة نظر مع وجود معاينه على الطبيعه

وشوفه حيقولك أيه ورد علينا قبل تنفيذ أى شىء

MOHAMED22
31-10-2010, 07:12 PM
هو راجع التقسيمة وكانت مضبوطة وبعد الفحص والتدقيق فى كل كبيرة وصغيرة ومش عارف يوصل لسبب كتمة البنزين ولم يتبقى غير حل وش السلندر الجديد لأنى لما سألتة إنت ركبت وش السلندر الجديد بجميع أجزاءة كماهو ولا فكيت مكوناتة ونضفتها ورجعت ركبتها تانى ولا عملت إية بالضبط علشان نوصل لحل قالى نضفت وش السلندر كما هو وركبتة بحالتة قلتلة خلاص الموضع إنتهى العيب ياباشا فى مكونات وش السلندر الجديد لأنة إستيراد مش زيرو وأكيد فية عيب أو غلطة فى مكوناتة الداخلية لأنى قولت لك إن الكتمة دى مكنتش موجودة مع الوش القديم بمكوناتة الأصلية بتاعت العربية وكانت مشكلة الوش القديم كما ذكرتها سابقا وعلى العموم هو بيفك وش السلندر خلاص علشان نشوف حل للمشكلة دى ودة كان أخر حل عندى وأحب أعرف حضرتك إنى ذهبت لأتنين كهربائية وميكانيكى علشان أشوف رأيهم وشرحت ليهم الحكاية من أولها لأخرها ومحدش عرف يحط إيدة على العيب ولى ملحوظة يظهر كدة إصحاب الورش ( الميكانيكية ) بيخلو الصنيعية هما إللى يعملو الشغل وهم كا معلمين يبوصو فى الأخر وطبعا الصنايعى ينضف كويس أو لأ أويربط كويس أو لأ مش فى دماغة ولا يهمة ودى أحد أسباب المشاكل والأخطاء التى تحدث عند الميكانيكية وندوخ أحنا بسبب أخطاءهم وسوف أعرفك بما حدث وأشكرك على سعة صدرك وتحملك لى فى حل مشكلة سيارتى وجزاك الله كل خير 0

samirayad
31-10-2010, 07:26 PM
لا حول ولا قوة إلا بالله

يظهر الميكانيكيه أصحاب الورش

حيقلبوا ورشهم زى نظام القهاوى والمعلم رضا

بحيث الصبى يوزع الطلبات وهما يخدوا الحساب فى الآخر

هما فعلا حياخدوا الحساب فى الآخر ...........أى يوم القيامه

لأنهم بيدوخوا الناس معاهم بدون مراعاه لمراقبة الله

وادى مشكله شبيهه

http://www.masrmotors.com/vb/showthread.php?t=37861&page=6

samirayad
31-10-2010, 08:31 PM
خليه يشيك على سلكان أخرام الزيت

إللى رايحه لتزييت سبايك عمود الكامات

بنفضها بالكمبروسور

جايز تكون مسدود قليلا وبالذات لو كان الوش مش محلول من على مكنه قديمه متقفله

وكان الوش فى العراء مثلا

فممكن تكون الأخرام مسدوده قليلا وبتعرقل عملية تزييت سبايك عمود الكامات فى البدايه

ومن هنا بتكون سرعة العمود ضعيفه فى البدايه وبتزداد مع دوسة البنزين

وده سبب وارد جدا لحدوث الكتمه المشار إليها

فكتمه فى البدايه .........يعنى صبابات مش شغاله صح فى البدايه

بسبب عمود كامه راكن وتقيل فى البدايه

كله وارد فعلا

samirayad
31-10-2010, 08:49 PM
فكتمه فى البدايه .........يعنى صبابات مش شغاله صح فى البدايه

بسبب عمود كامه راكن وتقيل فى البدايه


لاحظ أنه لو كان بعد أنتهاء الكتمه مباشرة

بتلاحظ ظهور عادم كثيف خارج من الشكمان

يبقى عمود الكامات فعلا ثقيل فى البدايه

MOHAMED22
31-10-2010, 11:51 PM
لاحظ أنه لو كان بعد أنتهاء الكتمه مباشرة

بتلاحظ ظهور عادم كثيف خارج من الشكمان

يبقى عمود الكامات فعلا ثقيل فى البدايه
هو فعلا لما كان بيزود بنزين جامد من الويركان دخان العادم بيطلع بكثافة ولونة أسود و إن الأكصدام مهبب من جنب الشكمان ودى أول مرة أشوف هباب على الأكصدام وبكرة إن شاء الله سوف أعرض علية كلام حضرتك و أنا رجعت من عندة الساعة 8,30 وإتفك وش السلندر وقالى الوش زى الفل أهه قلتة ماشى يا عم بس أنا معرفش إللى جوة زى الفل ولا لأ قالى أنا فكيتة علشان أريحك لأنى شايفك قلقان وبتشك فى وش السلندر رديت علية وقولت ما هو أنت برضة عايز تعرف سبب الكتمة وبرضة خايف على سمعتك وقالى معلش إنهاردة مش ها أشتغل فيها لأن زى ماأنت شايف عندى شغل كتير وتعالى بكرة ومش ها أعمل إى حاجة فيها إلا قدام عنيك قلت لنفسى قصر فى الكلام وبلاش تشد معاه هى مش ناقصة توتر أكتر من كدة وربنا يعمل إللى فيه الخير
عندى سؤال يا بشمهندس سمير
هل من الأفضل أنه ياخد فرغة وش السلندر الجديد ويركب فيها مكونات الوش القديم (عامود الكامة +الصبابات0000 إلخ ) ولا يراجع ويضبط الوش الجديد
وشكرا

samirayad
01-11-2010, 12:21 AM
هل من الأفضل أنه ياخد فرغة وش السلندر الجديد ويركب فيها مكونات الوش القديم (عامود الكامة +الصبابات0000 إلخ ) ولا يراجع ويضبط الوش الجديد
وشكرا <!-- / message -->

ياريت يفصص كل حاجه

ويركبلك كمان

عمود الكامه القديم بسبايكه على الوش الجديد

علشان تاخد دوران أسهل لعمود الكامه

لأن ممكن يكون عمود الكامه بتاع الوش الجديد تقيل فعلا فى أول دورانه البطىء من الركنه والتخزين السيىء المعروف بشون الأستيراد

بس أفضل أن صبابات الوش الحالى تكون هى نفس الصبابات الجديده إللى جايه معاه

لأنها بتطبيعة بلادها

ومش حيعرف يعملك روديه صح بصبابات الوش القديم على الوش الجديد

MOHAMED22
01-11-2010, 12:53 AM
ياريت يفصص كل حاجه

ويركبلك كمان

عمود الكامه القديم بسبايكه على الوش الجديد

علشان تاخد دوران أسهل لعمود الكامه

لأن ممكن يكون عمود الكامه بتاع الوش الجديد تقيل فعلا فى أول دورانه البطىء من الركنه والتخزين السيىء المعروف بشون الأستيراد

بس أفضل أن صبابات الوش الحالى تكون هى نفس الصبابات الجديده إللى جايه معاه

لأنها بتطبيعة بلادها

ومش حيعرف يعملك روديه صح بصبابات الوش القديم على الوش الجديد
شكرا شكرا شكرا يابشمهندس سمير على نصائحك وعلى مساعدتك ووقوفك بجانبى وبجانب جميع أعضاء المنتدى وغدا إن شاء الله سوف أقول لك عما تم وملاحظاتى على السيارة وربنا يسهل علينا الأمور

MOHAMED22
03-11-2010, 06:05 PM
السلام عليكم ورحمة الله وبركاتة
بعد التحية يابشمهندس سميرالحمد لله إستلمت السيارة من عند الميكانيكى يوم الأثنين الساعة 12 مساء والحمد لله مرة ثانية الميكانيكى ضبط الكتمة إللى كانت موجودة فى بداية البنزين وسألتة عن سبب الكتمة إللى كانت موجودة إللى دوختنا لمدة أسبوع ضحك وقالى أهم حاجة إن العربية بقت تمام وكتمة البنزين راحت بلا رجعة وأناحسب تحليلى لموقف الكتمة إن الميكانيكى نضف الفتحات والممرات إلى فى وش السلندر وضبط الصبابات لأنة قالى فى المرة الأخيرة هات جوان وش سلندرو جبتة لة ولما إستلمت العربية قالى أنا مركبتش الجوان الجديد ولما تيجى يوم السبت لازم نركب الجوان الجديد ودة تحليلى لموضوع كتمة البنزين أويمكن يكون عمل حاجة تانية والله أعلم وقالى إطلع وجرب وقولى على أى ملاحظة وملاحظاتى هى السرنسية مضبوط وهادى ومفيش رعشة بس مزود عيار البنزين سنة وسحب العربية أصبح ممتاز ومفيش تسقيف ولا رجرجة ورجعت لة تانى وقلت لة تمام بس العادم لونة أسود وبيطلع بكثافة قالى هو الموتور بياكل زيت شوية وعايزة طقم شنبر قلت لة محنا كنا فتحين بطنها قالى إركب وجرب العربية باقى الأسبوع وهاتها يوم السبت أعملك طقم شنبر ولو ليك إى ملاحظة عليها الفترة دى إبقى قولى عليها
وسؤالى يابشمهندس سمير بخصوص طقم شنبر هل هو جوان وش السلندر ولا حاجة تانية داخل الموتور لأنى سبق وعرفت حضرتك إنى معنديش خبرة فى شغل الموتور0
وأنا أشكرك بشدة على وقوفك بجانبى و وعلى مساعدتك لى وإمدادى بالمعلومات وإبداء الرأى الفنى فى حل مشكلتى مع السيارة وكانت أحد الأسباب التى ساعدت فى إصلاح السيارة وجزاك الله كل خيروبارك فيك وجعل الله كل ماقدمتة لى فى ميزان حسناتك 0000000 وشكرا

Badr Salah
03-11-2010, 06:28 PM
الحمد لله علي سلامة العربية
المهم ان العربية اتظبطت وانت بقيت مبسوط
انا بشكر المهندس سمير اللي يعتبر فعلاً كنز للمنتدي وشخصية رائعة مبتبخلش بأي معلومة لمساعدة الأخرين
شكراً يا باش مهندس

samirayad
03-11-2010, 06:29 PM
لأنة قالى فى المرة الأخيرة هات جوان وش سلندرو جبتة لة ولما إستلمت العربية قالى أنا مركبتش الجوان الجديد ولما تيجى يوم السبت لازم نركب الجوان الجديد

معلش يا أستاذ : محمد

لو قلتلك الميكانيكى ده مش مظبوط

أزاى يركبلك وش سلندر ( المفروض أنه جديد )

على جوان وش قديم

وملاحظاتى هى السرنسية مضبوط وهادى ومفيش رعشة بس مزود عيار البنزين سنة وسحب العربية أصبح ممتاز ومفيش تسقيف ولا رجرجة ورجعت لة تانى وقلت لة تمام بس العادم لونة أسود وبيطلع بكثافة

مبدأيا

تابع العادم بعد ماتعمل مشوار محترم على طريق سريع لنفض كل الكربون اللى فى الشكمان وتفويق المكنه

وأذا كان فلتر الهواء عاوز يتغير ....غيره

وجرب عربيتك براحتك

قالى هو الموتور بياكل زيت شوية وعايزة طقم شنبر قلت لة محنا كنا فتحين بطنها قالى إركب وجرب العربية باقى الأسبوع وهاتها يوم السبت أعملك طقم شنبر ولو ليك إى ملاحظة عليها الفترة دى إبقى قولى عليها

طيب فيه سؤال ليك

أزاى المكنه عاوزه طقم شنبر وأنت بتقول السحب ممتاز .......والكتمه راحت كمان

حقيقى أنا شاكك فى أفعال الميكانيكى ده

فبلاش تتعجل فى سماع كل مقترحاته

وجرب سحب عربيتك براحتك ....وتابع أستهلاك الزيت

وهناك سؤال آخر

هل المكنه كانت بتاكل معاك زيت قبل كده ................؟

وسؤالى يابشمهندس سمير بخصوص طقم شنبر هل هو جوان وش السلندر ولا حاجة تانية داخل الموتور لأنى سبق وعرفت حضرتك إنى معنديش خبرة فى شغل الموتور0


لا دا حاجه تانيه خالص

وحقيقى أنا دليلى أحتار مع هذا الميكانيكى

الذى يريد أن يغير طقم شنبر بعد ماكان حالل وش السلندر مرتين قبل كده

أنا مش قادر أفهم

بيعمل كده ليه ..............؟

فياريت تدينى فكره عن نظامه معاك فى مصنعياته

وأخد منك أد أيه إلى الآن ..............؟

samirayad
03-11-2010, 06:34 PM
الحمد لله علي سلامة العربية
المهم ان العربية اتظبطت وانت بقيت مبسوط
انا بشكر المهندس سمير اللي يعتبر فعلاً كنز للمنتدي وشخصية رائعة مبتبخلش بأي معلومة لمساعدة الأخرين
شكراً يا باش مهندس

الله يخليك

يا أستاذ : صلاح

وأنا متشكر لزوقك العالى

MOHAMED22
03-11-2010, 07:10 PM
لما روحت للميكانيكى الحالى كان راكب الوش القديم وحكيت لة الحكاية كلها وقلت لة على التنتيش والرجرجة 000إلخ فك البوجيهات وفلتر الهواءونضفها وضبط التيكهات وخد 40 جنية وشغل وش السلندرالجديد مع الجوان خد 300 جنيه وكتمة البنزين خد 100 جنيه و20 جنية دخان وطبعا وش السلندر الجديد ثمنة 850 جنيةوبالنسبة للسحب كويس جبت 120 ك جوة البلد بسهولة بس مطلعتش على طريق سريع علشان أشوف الأمبير حايجيب كام وبالنسبة لجوان وش السلندر كان مركب جوان جديد قبل مايفك الوش أخر مرة وبالنسبة للعادم مكنش مهبب وبيطلع بكثافة قبل كدة (قبل ما أعمل وش السلندر أول مرة ) وكان سحب السيارةكويس قبل الشغل الأولانى والثانى 0
وبصراحة أنا خايف أروح لميكانيكى أخر أخذ رأية فى الكلام دة

samirayad
03-11-2010, 07:16 PM
وشغل وش السلندرالجديد مع الجوان خد 300 جنيه وكتمة البنزين خد 100 جنيه

الراجل ده حرامى الصراحه

جرب عربيتك ولو ظهر فيها حاجه غير طبيعيه

مترحلوش تانى

وقولنا عن أنطباعك ....بعد ماتجرب العربيه

وأكرر

لو فلتر الهواء بحاجه للتغيير ...........غيره

أمال كان ناوى ياخد كام فى تغيير الشنبر

ايه ياترى

واد لعيب بصحيح ............( الميكانيكى طبعا )

عجبته فلوسك ياحج : محمد

والنفس أماره بالسوء

MOHAMED22
03-11-2010, 07:23 PM
الراجل ده حرامى الصراحه

جرب عربيتك ولو ظهر فيها حاجه غير طبيعيه

مترحلوش تانى

وقولنا عن أنطباعك ....بعد ماتجرب العربيه

وأكرر لو فلتر الهواء بحاجه للتغيير ...........غيره

أمال ناوى ياخد كام فى تغيير الشنبر

واد لعيب بصحيح ............( الميكانيكى طبعا )

عجبته فلوسك ياحج : محمد

والنفس أماره بالسوء
أشكرك يابشمهندس سمير من كل قلبى ولك منى ألف تحية

samirayad
03-11-2010, 07:25 PM
عاوزك تعملك مشوار محترم على ال high way

سافر يعنى من محافظه لمحافظه

وروق المكنه والشكمان من خلال السفر بسرعات معتدله

وشوف المكنه أخبارها أيه فى أستهلاك البنزين

وشوفها بتاكل زيت ولا لا

samirayad
03-11-2010, 07:29 PM
العربية عاملة 106500 ك وغيرت ديسك وأسطوانة من سنة تقريبا ودى أول مرة أعمل ليها وش سلندر وأول مرة الموتور يتحل <!-- / message -->

( ملحوظة ) السيارة دايو ماتيز

مش كتير

الكيلو مترات بتاعتك نهائيا

____________________

عاوز يغير ليه طقم شنبر الزبون ده

غالبا فعلا

بيبص على القريشينات ............قصدى الجنيهات

MOHAMED22
07-11-2010, 11:03 PM
السلام عليكم ورحمة الله وبركاتة
كل عام وأنتم بخير وتحياتى للمهندس سمير وأحب أعرف حضرتك بأنى إشتريت طقم شنبر وكاوتش صبابات و سير كاتينة وزيت موبل ومية خضرا موبل ودى كانت طلبات الميكانيكى الأخير إللى ركب وش السلندر الجديد ( الواد اللعيب بتاع القرشينات ) وبصراحة قلت لنفسى أكمل الشغل عندة وفى الأخر أقدر أدخل الفلوس إللى خادها منى فى الشغل إللى فات فى شغل طقم الشنبر وأغير سير الكتينة بالمرة لأنى لوروحت لميكانيكى تانى هايعمل من البحر طحينة وسوف أدفع فلوس أكتر لأنة سوف يعتبر الشغل دة جديد ويعتبرالميكانيكى إللى ركب وش السلندر أنة بوظ الدنيا وأخش فى متاهات تانية وأنا مش ناقص المهم هو عمل طقم الشنبر وإستلمت العربية اليوم الساعة 8 مساء وقالى أنا لينت العربية إنهاردة بس أمشى بالعربية فى حدود من 60 : 70 ومتقرس على العربية خلال فترة التلين وشوف المية والزيت بينقصو ولا لأ ولو ليك أى ملاحظة عدى عليا وبصراحة جربت العربية وكانت مضبوطة وكل المشاكل إللى كانت موجودة إنتهت والحمد لله ودة كان إنطباعى الأول بس لسة لما أشوف بعد فترة ولما أسافر بيها وأتمنى وأرجو من الله أن يكون كل شىء مضبوط وعلى ما يرام

samirayad
07-11-2010, 11:27 PM
بالتوفيق
يا أستاذ : محمد

MOHAMED22
08-11-2010, 12:02 AM
بالتوفيق
يا أستاذ : محمد
أشكرك يابشمهندس سمير على ذوقك وكرم أخلاقك

samirayad
08-11-2010, 03:54 PM
الله يخليك يا أخى