عوجة فى الكاوتش 128

[ahmed gggg]

معاية 128 موديل 85 فردة الكاوتش الخلفى الشمال معوجة للداخل بزاوية بسيطة دى عيب اه وحلها اه وهل ليها تاثير على المدى البعيد وكمان فى تزييق فى فى العفشة الخلفية مع المطبات ده برده عيب اه وحلها اه وشكرا للمساعدة

[Kemo Kono]

هل العوجة ف الكاوتش ....او ف الجنط ....او الكاوتش راكب و الجنط شكله معدول بس هما الاتنين داخلين لجوه ...روح لاى واحد بتاع كاوتش و اظبط الكاوتش و بعد كده قوله اكشفلى على الكاوتش اللى ورا شمال ....هيكشف عليها ....اساله بقى قوله الجنط ده كويس و لا محتاج يتغير ...هل معووج او فيه لحامات ........و اساله الفرده دى حلوة ولا مش حلوة...هل هتحتاج تتغير ؟؟.... اما حكاية التزييق دى ...روح لنزينة اغسل العفشة بزيت و جاز و شحمها و هتروح خالص ....و ممكن تبقى تعدى على بتاع الزوايا اللى ف البنزينة و خليه يظبط زوايا و هتلاقيه بيقولك على اى حاجة ف العفشة عايزة تتغير ....و اعمل رصاص عشان تعرف لو الجنط معووج او الكاوتش معووج ولا لا .....يعنى هتلاقى حاجة عايزة تتظبط ...بالتوفيق ..متابع

[ahmed gggg]

شكرا يا ريس المهم انها مش مشكلة كبيرة صح

[mr_astra]

انا فهمت من سؤال حضرتك ان الفردة قلبة لجوة كليا بزاوية بسيطة .....لو ما فهمتة صح يبقى الحل ان ال128 فيها ورق سوست 2 او تلاتة واحدة اسمها الام والباقى بيكون اقصر منها وبما ان الفردة قالبة لجوة يبقى السوستة فى هذا الجنب مرفوعة زيادة عن اللزوم او متقنطرة زيادة عن اللزوم اوصفهالك لو تخيلنا ان السوستة دى عبارة عن قوس لتحت يبقى منتصف القوس دة اليمين غير الشمال واحدة اعلى من التانية ... الحل عند عفشجى سوست بيفكها وبيقنطرها الاتنين اد بعض وانت واقف على ايدة وبعد القنطرة هو بيحطها على مكتب حديد وبيقيس ارتفاع اقصى نقطة للقوس وعادة بيكون 27 سم او الفبريكة بتكون كدة وخلى العفشجى يحط شنمبر داخلى بين كل ورقة وورقة وشحم لمنع صوت التزيق وبالتوفيق
مع العلم ان لو فضلت ماشي بيها كدة كتير هتلاقى الكاوتش اتمسح من جنب وجنب

[ahmed gggg]

الف شكريا باشا