المساعد الشخصي الرقمي

مشاهدة النسخة كاملة : لأول مرة فى مصر : خليها تصدى وموديلها يعدى .. حملة تخفيض اسعار السيارات


عبدالله منصور
10-08-2010, 12:31 AM
بسم الله الرحمن الرحيم

السلام عليكم ورحمة الله وبركاته


---------------------------------------------------

طبعاً حضراتكم بتسألم ياترى ايه سبب رخص العربيات فى السعودية والخليج وغلوها فى مصر ؟

فى السعودية ماشاء الله ممكن تروح تجيب تويوتا كامرى زيرو ب 80 ألف مش هنقول لا ريال ولا جنيه احنا هنقول لرقم وبس لإن هما بيقبضوا بالريال وبيدفعوا بالريال واحنا بنبقض بالجنيه وبندفع بالجنيه وبالتالى هنذكر الرقم بس

يبقى ركزوا معايا كدا

تويوتا كامرى 2010 جميع الكامليات زيرو فى السعودية = 80 ألف

تويوتا كامرى 2009 << خد بالك من 2009 ومانيوال فى مصر= 527 ألف

بذمتكم مش حرام ؟؟
احنا مش بنتكلم على الكامرى دلوقتى

هنتكلم على الشاب او الطالب اللى نفسه يركب عربيه ومش لاقى غير المكسر والمستعمل وكل يوم عند صنايعى وخلافه
--


طيب ايه فايدة الكلام دا كلو ياعم عبدالله ؟ << أسمى عبدالله على فكرة what بالله ؟ هههههههه

هقول لحضراتكم

احنا هنبطل نشترى عربيات نهائى سواء جديدة او مستعملة والجديد بالذات ياجماعة

وقف خالص خالص خالص

طيب دانا خلاص حطيت فلوسى فى البنك عشان اشترى ,, سيبها فى البنك متسحبهاش ولا تفكر تروح توكيل ولا معرض

طيب انا بسأل الناس وخلاص بشترى . لا وقف خالص بدل ماهتدفع مثلاً 100 ألف فى عربية استنى كام شهر وهتاخد موديلها بتاع السنة الجديدة ب 90 ألف

طيب ازاى ؟؟ 444546

اقول لحضراتكم

الحملة دى اتعملت فى السعودية بنفس الاسم تقريباً : خليها تصدى وموديلها يعدى

معنى الشعار : خلى العربية واقفة عندك فى التوكيل لحد ماتصدى وتخلص السنة وينزل موديل السنة الجديدة وبردو مش هنشترى !!

عايزين العربيات فى المعارض والتوكيلات التراب ياكلها محدش يشترى خالص

http://www.manbaralrai.com/files/images/%D8%AE%D9%84%D9%8A%D9%87%D8%A7%20%D8%AA%D8%B5%D8%A F%D9%8A.jpg

ياجماعة محدش يقول دا كلام فاضى ويعنى هيا هتيجى عليا انا والحجات دى لالالا بالعكس
انت لما تفكر تشترى وتوقف مش هتبقى منك لوحدك لامن كلو وانا واثق من نتيجة الحملة والله

وبعد كام شهر اتفرجوا

عشان طمع الوكلاء اللى عندنا وجشعهم

ولعلمكم انا هطبع ورق وهوزعه هنا فى المحلة ومحدش يقول دا بلد فلاحين لا انا ازعل ANAA7TG

المدينة تختلف عن القرى ومحدش ينكر فضل الفلاحين ودا مش موضوعنا على فكرة خلونا نكمل

-------


هطبع ورق وهيتوزع ورمضان جاى وكل سنة وانتوا طيبين وكلوا هيقرأ

وهيبقى المنشور واحد يعنى هحطه لحضراتكم هنا جاهز على الطباعة

وياريت كلو يعمل التوقيع بتاعه :

الحملة الجديدة لشباب مصر

خليها تصدى وموديلها يعدى

وياريت ياشباب تربطوا الكلمة بلينك الموضوع كمان عشان اللى ميعرفش يعرف



--------------------

على فكرة انا عندى موقع بس مردتش انزل فيه الكلام دا وقولت خليها فى موقع متخصص وفى اهل السيارات

وانا اول واحد هغير توقيعى

وانتظروا منى أولى منشوراتى الجاهزة على الطباعة وكذلك بوسترات الحملة

مع تحياتى

قائد الحملة فى مصر : عبدالله منصور

خليها تصدى وموديلها يعدى
http://store2.up-00.com/azfiles/DWi07592.gif

issoPolo
10-08-2010, 12:39 AM
كلام جميل و انا معاك و احنا كنا هنشتري عربية الشهر دا اجلناها لشهر واحد بعد ارتفاع الاسعار

عبدالله منصور
10-08-2010, 12:48 AM
وانا والله كنت خلاص هجيب يا اسبرنزا يا أى تن

بس قولت هدفع لى فى الاسبرنزا 50 ألف وياعالم الصينى واللى بنسمعه ؟

ولا 65 ألف فى عربية مينى ماكينة 1100 عشان تبقى نص كماليات اوتوماتيك ولاحاجة ؟؟

أجلوا ياجماعة والله كام شهر وهتلاقوا الاسعار دى فى الارض

وانا هعمل الحملة على الفيس كمان

xabi
10-08-2010, 12:49 AM
انا فعلا سمعت عن الحمله دى فى السعوديه من فتره وعملت شغل عالى اوووووى..انما عندنا بيتهيألى الوضع بيختلف شويه..احنا عمرنا مااتفقنا على حاجه..كل واحد يقول يعنى هيا هتيجى عليا

عبدالله منصور
10-08-2010, 12:50 AM
اتمنى ادارة المنتدى تساعدنا وتدينا موافقة بتعليق بانر بكل صفحات المنتدى وانا هكلف احد اصدقائى بتصميم اكتر من بانر ونعرضه على حضراتكم

karem ali
10-08-2010, 12:58 AM
والله فكره حلوه وانا كمان معاكم
خليها تصدى و موديلها يعدى

crypt76
10-08-2010, 01:08 AM
المشكلة مش في الوكلاء ولا التجار (بغض النظر عن كونهم ولاد 250 في 544)
المشكلة الكبرى في مشيخة المنصر الي فارضة جمارك ليس لها اي مبرر او معنى غير "عايز تجيب عربية *********؟ معاك فلوس يعني؟ طيب تجبلنا معاك واحدة... آه هو كده، عاجبك ولا لا؟)

ليه ادفع زيادة 40% على عربية 1600 cc سوري يعني معفنة ولا تسوى بمقاييس العالم كله؟
طيب ليه ادفع 100% ولا 230% علشان اركب عربية نضيفة؟
على اساس اني ***** يعني ومش من حقي فلازم ادفع لاسيادي الاتاوة؟
طبعا الي هيقولي الجمارك دي الهدف منها حماية الصناعة الوطنية هرد عليه ***************
لان احنا (واقول احنا وانا اتمنى من كل قلبي مبقاش من "احنا" دي قريبا واكسر ورايا قلتين وانا خارج من المخروبة لأ وكمان اطلب لما اموت انهم يدفنوني براها علشان مش عايز يكون ليا اي علاقة بيها) معندناش لا صناعة ولا هباب ولما بنصنع (بنجمع، بنلزق، بنلصم... أو سميها زي ما ربنا يجود عليك) بنطلع اسوأ منتجات قلبك *****.

وفي النهاية بنركب عربيا من ازبل ما يكون وبنتحاسب على كل كمالية فيها (اساسية في اي حتة تانية) حساب الضالين، لا وكمان بيجيبولنا ******* منتجات العالم ويبيعوهالنا هنا على انها عربيات يعني وبتعمل فروووووم!!! وهيا مليانة عيوب وبلاوي سودة، ولا كأنك دفعت فيها ضعفين ثمنها لو لقيت فيها حاجة غلط يتعاملوا معاك بقرف من باب "انت عايز تركب عربية وكمان تتأمر يابني؟"

ولا شاري عربية ولا هتنيل وهوجه كل امكانياتي للخروج من ******* دي
وادعو الله من كل قلبي مرجعهاش تاني، حيا أو ميتاً أو مبعوثاً محاسباً

احمد بدر1978
10-08-2010, 01:08 AM
فكرة حلوة بس تنفيذها صعب شوية

fares515
10-08-2010, 01:10 AM
فكره جميله جدا وانا عن نفسي موافق عليها وهبدأ من نفسي مع انى كنت ناوي اشتري عربيه بعد رمضان بس بجد الفكره ده عجبتني جدا وياريت الكل يسترجل وييجي على نفسه كام شهر لحد منشوف النتايج واضحه أدام عينينا ومستنيين رأي الساده أصحاب المنتدى هل هيدعموا الحمله ويشجعوها اعلاميا ونحاول نوصلها لكل بيت في مصر ولا ....؟

ahmed.bahlol
10-08-2010, 01:18 AM
موضوع جميل يا استاذ عبدالله لكن انت نسيت حاجة مهمة انك عايش في مصر مش في اوربا الموضوع ده محتاج واقفة بجد علشان يكمل وتظهر نتائجه وربنا معاك ومعانا وبالتوفيق

yaser4050
10-08-2010, 01:31 AM
موضوع أكثر من رائع و أنا عن نفسى معاكم والله العظيم
بس ياريت الناس تاخد الموضوع بجدية أكتر لأن احنا بنتعرض لعملية نصب جماعية و لازم ردنا يكون جماعى
تونس لغت الجمارك نهائى لذلك بيركبوا هناك أحلى عربيات
احنا لازم نشجع منتج بلدنا ؟؟؟؟؟؟؟؟؟ طيب نشجعة ازاى و هو مافيهوش حيل يقف قصاد البلاد التانية و كمان أغلى منهم
بقانا سنيييييييييييييييييييييييييييييييييييييييييييييييي ييييييييييييييين بنقول احنا قربنا نخرج من عنق الزجاجة لكن............. يبدو ان الزاجة كلها عنق بس
خلونا نخلص من الناس الجهلة اللى بيضحكوا علينا و ياخدو فلوسنا عشان ياكلوا من بلد اية و يلبسوا منيين و يعيشوا على جثثنا

عبد الله الناصح
10-08-2010, 01:33 AM
وأنا أيضا كنت ناوى الفترة القادمة أشترى سيارة جديدة...أجلت الموضوع ومعاكم من الآن لغاية ما تنزل الأسعار وساعتها أجيب عربية بإمكانيات أعلي وبأقل سعرا وأوفر الباقي أستفيد به...أنا معاكم (خليها تصدى ومودلها يعدى)

عبدالله منصور
10-08-2010, 01:34 AM
المشكلة مش في الوكلاء ولا التجار (بغض النظر عن كونهم ولاد 250 في 544)
المشكلة الكبرى في مشيخة المنصر الي فارضة جمارك ليس لها اي مبرر او معنى غير "عايز تجيب عربية يا روح ****؟ معاك فلوس يعني؟ طيب تجبلنا معاك واحدة... آه هو كده، عاجبك ولا لا؟)

ليه ادفع زيادة 40% على عربية 1600 cc سوري يعني معفنة ولا تسوى بمقاييس العالم كله؟
طيب ليه ادفع 100% ولا 230% علشان اركب عربية نضيفة؟
على اساس اني كلب يعني ومش من حقي فلازم ادفع لاسيادي الاتاوة؟
طبعا الي هيقولي الجمارك دي الهدف منها حماية الصناعة الوطنية هرد عليه بأصوات مش لطيفة
لان احنا (واقول احنا وانا اتمنى من كل قلبي مبقاش من "احنا" دي قريبا واكسر ورايا قلتين وانا خارج من المخروبة لأ وكمان اطلب لما اموت انهم يدفنوني براها علشان مش عايز يكون ليا اي علاقة بيها) معندناش لا صناعة ولا هباب ولما بنصنع (بنجمع، بنلزق، بنلصم... أو سميها زي ما ربنا يجود عليك) بنطلع أقذر منتجات قلبك يتفها.

وفي النهاية بنركب عربيا من ازبل ما يكون وبنتحاسب على كل كمالية فيها (اساسية في اي حتة تانية) حساب الضالين، لا وكمان بيجيبولنا وساخة منتجات العالم ويبيعوهالنا هنا على انها عربيات يعني وبتعمل فروووووم!!! وهيا مليانة عيوب وبلاوي سودة، ولا كأنك دفعت فيها ضعفين ثمنها لو لقيت فيها حاجة غلط يتعاملوا معاك بقرف من باب "انت عايز تركب عربية وكمان تتأمر يابني؟"

ولا شاري عربية ولا هتنيل وهوجه كل امكانياتي للخروج من بركة العفن دي
وادعو الله من كل قلبي مرجعهاش تاني، حيا أو ميتاً أو مبعوثاً محاسباً

احييك على كلامك
بس التجار هيلاقوا الدنيا كدا
هيعملوا مشكلة مع الجمالك
توصل للغرفة التجارية
هتنزل الجمارك
صدقنى الموضوع هيبقى زى الفل والله

ماهى السعودية والخليج بيستوردوا مش بيصنعوا ورغم كدا الاسعار شديدة .

فكرة حلوة بس تنفيذها صعب شوية

بمساعدة حضرتك وغيرك هتبقى سهلة
فكره جميله جدا وانا عن نفسي موافق عليها وهبدأ من نفسي مع انى كنت ناوي اشتري عربيه بعد رمضان بس بجد الفكره ده عجبتني جدا وياريت الكل يسترجل وييجي على نفسه كام شهر لحد منشوف النتايج واضحه أدام عينينا ومستنيين رأي الساده أصحاب المنتدى هل هيدعموا الحمله ويشجعوها اعلاميا ونحاول نوصلها لكل بيت في مصر ولا ....؟

هبعت للإدارة ان شاء الله بس اهم حاجة ننال موافقة كبيرة فى الموضوع هنا

موضوع جميل يا استاذ عبدالله لكن انت نسيت حاجة مهمة انك عايش في مصر مش في اوربا الموضوع ده محتاج واقفة بجد علشان يكمل وتظهر نتائجه وربنا معاك ومعانا وبالتوفيق

نشتغل بس نبدء بنفسنا احنا كأعضاء واديك شفت الردود بنفسك اكتر من 3 او 4 كانوا هيشتروا انا منهم

يعنى عربيات تقريباً فى الكام رد الى فاتوا دول مش بأقل من ربع مليون جنيه ولا ايه ؟؟

شدوا حيلكوا بس

وانا هدعم الموضوع بالفيس بوك وبكل الطرق

عبدالله منصور
10-08-2010, 01:37 AM
موضوع أكثر من رائع و أنا عن نفسى معاكم والله العظيم
بس ياريت الناس تاخد الموضوع بجدية أكتر لأن احنا بنتعرض لعملية نصب جماعية و لازم ردنا يكون جماعى
تونس لغت الجمارك نهائى لذلك بيركبوا هناك أحلى عربيات
احنا لازم نشجع منتج بلدنا ؟؟؟؟؟؟؟؟؟ طيب نشجعة ازاى و هو مافيهوش حيل يقف قصاد البلاد التانية و كمان أغلى منهم
بقانا سنيييييييييييييييييييييييييييييييييييييييييييييييي ييييييييييييييين بنقول احنا قربنا نخرج من عنق الزجاجة لكن............. يبدو ان الزاجة كلها عنق بس
خلونا نخلص من الناس الجهلة اللى بيضحكوا علينا و ياخدو فلوسنا عشان ياكلوا من بلد اية و يلبسوا منيين و يعيشوا على جثثنا

وأنا أيضا كنت ناوى الفترة القادمة أشترى سيارة جديدة...أجلت الموضوع ومعاكم من الآن لغاية ما تنزل الأسعار وساعتها أجيب عربية بإمكانيات أعلي وبأقل سعرا وأوفر الباقي أستفيد به...أنا معاكم (خليها تصدى ومودلها يعدى)


ع البركة
4BY4

عبدالله منصور
10-08-2010, 01:42 AM
كلو يعمل التوقيع بتاعه زى بتاعى او على الاقل يضيف فيه زى التوقيع بتاعى ياجماعة عاوزين الموضوع يتنشر فى كل اقسام الموقع

كومندا
10-08-2010, 01:58 AM
موضوع جميل يا ابن بلدى يا غالى بس مصطفى كامل بيقولك مفيش فايده
الاسعار مبتنزلش اكتر من 5000 جنيه ده لو نزلة اساسا

lRatedl
10-08-2010, 02:05 AM
فكره جميله

Devill Blood
10-08-2010, 02:16 AM
المشكلة مش في الوكلاء ولا التجار (بغض النظر عن كونهم ولاد 250 في 544)
المشكلة الكبرى في مشيخة المنصر الي فارضة جمارك ليس لها اي مبرر او معنى غير "عايز تجيب عربية *********؟ معاك فلوس يعني؟ طيب تجبلنا معاك واحدة... آه هو كده، عاجبك ولا لا؟)

ليه ادفع زيادة 40% على عربية 1600 cc سوري يعني معفنة ولا تسوى بمقاييس العالم كله؟
طيب ليه ادفع 100% ولا 230% علشان اركب عربية نضيفة؟
على اساس اني ***** يعني ومش من حقي فلازم ادفع لاسيادي الاتاوة؟
طبعا الي هيقولي الجمارك دي الهدف منها حماية الصناعة الوطنية هرد عليه ***************
لان احنا (واقول احنا وانا اتمنى من كل قلبي مبقاش من "احنا" دي قريبا واكسر ورايا قلتين وانا خارج من المخروبة لأ وكمان اطلب لما اموت انهم يدفنوني براها علشان مش عايز يكون ليا اي علاقة بيها) معندناش لا صناعة ولا هباب ولما بنصنع (بنجمع، بنلزق، بنلصم... أو سميها زي ما ربنا يجود عليك) بنطلع اسوأ منتجات قلبك *****.

وفي النهاية بنركب عربيا من ازبل ما يكون وبنتحاسب على كل كمالية فيها (اساسية في اي حتة تانية) حساب الضالين، لا وكمان بيجيبولنا ******* منتجات العالم ويبيعوهالنا هنا على انها عربيات يعني وبتعمل فروووووم!!! وهيا مليانة عيوب وبلاوي سودة، ولا كأنك دفعت فيها ضعفين ثمنها لو لقيت فيها حاجة غلط يتعاملوا معاك بقرف من باب "انت عايز تركب عربية وكمان تتأمر يابني؟"

ولا شاري عربية ولا هتنيل وهوجه كل امكانياتي للخروج من ******* دي
وادعو الله من كل قلبي مرجعهاش تاني، حيا أو ميتاً أو مبعوثاً محاسباً


يا ساتر يارب يا ساتر ربنا يهديك مهما حدث مهما حدث مفيش حد يقول كده على بلده أبدا كده ألا إذا كان...أنت فاهمنى طبعا
بتسمى "مصر"بركة عفن؟؟؟؟؟ لا إله ألا الله لا إله الا الله معلش بكره تعرف وتفهم لأنك شكلك انسان صغير مش فاهم حاجة كفاية إنها ذكرت بالأمان فى القرآن يعنى فى كتاب الله , أنا مش عارف أزاى الأدارة سابت ردك ودى مش حرية شخصية دى إسمها اللى تسميها

Devill Blood
10-08-2010, 02:21 AM
أنا مش عارف راح فين المصريين راحوا فين طبعا بعد كده يقولولك كرامتنا مهدورة طيب ما دور مهدورة ليه إذا كان الأستاذ المحترم داخل يقوله أنا بحييك على كلامك
لو واحد خليجى قرأ كلام ذى ده هايقول أى هايقول المصريين دول ولاد *** مش يستهلوا فتفوته الأكل

Moh.Osama
10-08-2010, 02:49 AM
الموضوع كبير ومحتاج وقت وتخطيط للانتشار وان شاء الله ربنا يوفقنا

عبدالله منصور
10-08-2010, 02:57 AM
موضوع جميل يا ابن بلدى يا غالى بس مصطفى كامل بيقولك مفيش فايده
الاسعار مبتنزلش اكتر من 5000 جنيه ده لو نزلة اساسا
فى السعودية عمرهم ماتوقعهوا انها تنزل ريال واحد واديك شايف دلوقتى وصلوا لإيه

فكره جميله
ربنا يخليك

يا ساتر يارب يا ساتر ربنا يهديك مهما حدث مهما حدث مفيش حد يقول كده على بلده أبدا كده ألا إذا كان...أنت فاهمنى طبعا
بتسمى "مصر"بركة عفن؟؟؟؟؟ لا إله ألا الله لا إله الا الله معلش بكره تعرف وتفهم لأنك شكلك انسان صغير مش فاهم حاجة كفاية إنها ذكرت بالأمان فى القرآن يعنى فى كتاب الله , أنا مش عارف أزاى الأدارة سابت ردك ودى مش حرية شخصية دى إسمها اللى تسميها

بص ياغالى الراجل اخطأ بالفعل انا علقت على الجزأية الخاصة بالموضوع فقط

اللى مش عاجبه حاجة ياجماعة يعمل تبليغ عن الرد نفسه ويطالب بحذف الرد نفسه دون المساس بالموضوع

أنا مش عارف راح فين المصريين راحوا فين طبعا بعد كده يقولولك كرامتنا مهدورة طيب ما دور مهدورة ليه إذا كان الأستاذ المحترم داخل يقوله أنا بحييك على كلامك
لو واحد خليجى قرأ كلام ذى ده هايقول أى هايقول المصريين دول ولاد *** مش يستهلوا فتفوته الأكل

ياحضرة انا معلقتش على كلام الاخ اللى بيسئ فيه لمصر نهائى انا علقت على كلام مصلحة الجمارك وخلافه لاكن انا مقصدش اوافقه فى الكلام بتاع مصر دا نهائى وفضلت انى معلقش عليه عشان الموضوع مش ياخد مسار تانى وبعدين زى ماقلت للأخ الى سبق حضرتك
اضغط على علامة التعجب وبلغ عن رده طلاما مش عاجبك ايه المشكلة فى كدا ؟
الموضوع كبير ومحتاج وقت وتخطيط للانتشار وان شاء الله ربنا يوفقنا

بإذن الله لو كل واحد تولى صرف 10 جنيه فقط لاغير هيطبع له فوق ال 100 ورقة مع كتابة فى الورقة ان لو حد قدر يطبع بردو مفيش مشكلة انا هكتب حجات ممتازة فى أقرب وقت عشان تحس الجميع انه لازم يساهم معانا واظن واحد بيشترى عربية بألوفات لما يصرف 10 ولا 20 جنيه دعاية ويجيب عربية ارخص كام ألف دا غير كمان لو حد يعرفه او صديق او اخ او ابن او خلافه هيشترى هو كمان

--

الاخ اللى غلط فى حق البلد انا مش معاك نهائى ومكنتش عاوز اعلق على كلامك عشان الموضوع مش ياخد مسار تانى لاكن للأسف ناس فتحت الموضوع

بطلب من حضرتك بعد اذنك تعديل ردكـ

crypt76
10-08-2010, 03:02 AM
تسمح تقولي أنا أخطأت في مصر في إيه؟
لما أتكلم عن إني مخنوق مما وصلت إليه البلد في نقطة معينة وهي الجمارك والسرقة العلنية الي بتحدث لنا أكون أخطأت في مصر؟
لما أتحدث عن عدم تقبلي للمعاملة الي كلنا وانت أكيد منا مش طايقينها أكون أخطأت في مصر؟
المستنقع الذي أتحدث عنه يا سيدي الفاضل ليس البلد بأرضها أو جوها أو ترابها أو هواها
بل من يتحكمون فيها وفينا ويستخدمونا كمصدر رئيسي للدخل عن طريق الضرائب والجمارك وغيره الكثير..

وعلى أي حال إن كنت قد أخطأت فأنا أعتذر

Devill Blood
10-08-2010, 03:29 AM
تسمح تقولي أنا أخطأت في مصر في إيه؟
لما أتكلم عن إني مخنوق مما وصلت إليه البلد في نقطة معينة وهي الجمارك والسرقة العلنية الي بتحدث لنا أكون أخطأت في مصر؟
لما أتحدث عن عدم تقبلي للمعاملة الي كلنا وانت أكيد منا مش طايقينها أكون أخطأت في مصر؟
المستنقع الذي أتحدث عنه يا سيدي الفاضل ليس البلد بأرضها أو جوها أو ترابها أو هواها
بل من يتحكمون فيها وفينا ويستخدمونا كمصدر رئيسي للدخل عن طريق الضرائب والجمارك وغيره الكثير..

وعلى أي حال إن كنت قد أخطأت فأنا أعتذر

يا حبيب قلبى مهما حدث مهما حدث خلى غضبك لنفسك لا داعى للغلط فى بلدك علنى لأنك أكيد عارف أن مليون عربى سعودى او إمارتى او غيره بيخشوه المنتدى والموضوع مش مستاهل أصلا"تصدق بالله أنا عايش فى المنصورة يعنى أم الخناقات الناس كلها عايزة تمسك فى بعض "لكن عادى أنا برضه بحب المكان اللى عايش فيه والأرض اللى بمشى عليها حتى لو كانت مكسره مستحمل قرف النصب وقله الأدب لأنى عارف أنها لازم تتغير مفيش حاجة إسمها ستوب الأرض كروية ولا أى؟

Devill Blood
10-08-2010, 03:30 AM
فى السعودية عمرهم ماتوقعهوا انها تنزل ريال واحد واديك شايف دلوقتى وصلوا لإيه


ربنا يخليك



بص ياغالى الراجل اخطأ بالفعل انا علقت على الجزأية الخاصة بالموضوع فقط

اللى مش عاجبه حاجة ياجماعة يعمل تبليغ عن الرد نفسه ويطالب بحذف الرد نفسه دون المساس بالموضوع



ياحضرة انا معلقتش على كلام الاخ اللى بيسئ فيه لمصر نهائى انا علقت على كلام مصلحة الجمارك وخلافه لاكن انا مقصدش اوافقه فى الكلام بتاع مصر دا نهائى وفضلت انى معلقش عليه عشان الموضوع مش ياخد مسار تانى وبعدين زى ماقلت للأخ الى سبق حضرتك
اضغط على علامة التعجب وبلغ عن رده طلاما مش عاجبك ايه المشكلة فى كدا ؟


بإذن الله لو كل واحد تولى صرف 10 جنيه فقط لاغير هيطبع له فوق ال 100 ورقة مع كتابة فى الورقة ان لو حد قدر يطبع بردو مفيش مشكلة انا هكتب حجات ممتازة فى أقرب وقت عشان تحس الجميع انه لازم يساهم معانا واظن واحد بيشترى عربية بألوفات لما يصرف 10 ولا 20 جنيه دعاية ويجيب عربية ارخص كام ألف دا غير كمان لو حد يعرفه او صديق او اخ او ابن او خلافه هيشترى هو كمان

--

الاخ اللى غلط فى حق البلد انا مش معاك نهائى ومكنتش عاوز اعلق على كلامك عشان الموضوع مش ياخد مسار تانى لاكن للأسف ناس فتحت الموضوع

بطلب من حضرتك بعد اذنك تعديل ردكـ

والله أنا من اول اللى عايز أشترك معاك لأن الموضوع فعلا مهم الجمارك شدة أوى أوى و والله أنا نفسى كنت أجيب عربية من بورسعيد مستعمل لكن أوقفوه حتى الموضوع ده

DR A73
10-08-2010, 03:38 AM
و الله الراجل ده بيتكلم كلام زى الفل .... أنا معاك فى الحمله ان شاء الله

hazem_khidr
10-08-2010, 04:28 AM
منور المنتدي يا عبد الله
انا كمان من المحله علي فكره و عندنا اعضاء كتير هنا
ممكن نعمل مقابله و نتعرف علي بعض جميعا و نعمل الحمله كبيره

بالنسبه للاستاذ كريبت :
حضرتك ليك حق تنتقض اوضاع البلد انما السب و الشتيمه في البلد او غيرها ممنوع

الدملاوي
10-08-2010, 04:38 AM
وأنا معكم يا شباب

أنا بعيش بالغردقة ومستعد أساهم وأنشر الحملة هنا وأطبع 1000 مش 100 بس

يا ريت نشد حيلنا في حاجة عشان هو ده الطريق للمطالبة بأصل كل الحقوق

الحرية

POLICEE

ابو جودة
10-08-2010, 07:01 AM
وانا كمان معاكم يا رجاله والله الموفق والمستعان

Meemo The Beast
10-08-2010, 08:34 AM
استاذ عبدالله أحب أشكرك على تفكيرك المنطقي و روحك المتحضرة التي قد لا يتمتع بها الكثير من أبناء هذا الوطن على أعلى مستوياتهم.
و الحق أن أصواتنا قد بحت خلال السنوات الماضية منادين و مساندين لتلك الحملة منذ ان بدأت في السعودية و قد اشتركت في الكثير من المواضيع المتعلقة بخليها تصدي سواء على هذا المنتدى الكريم أو على منديات أخرى للسيارات و لكن مفيش فايدة و يؤسفني أن اقولها و السبب إحنا و ليس التجار "لعنة الله عليهم"و لا الجمارك "الله يحرقها"
القضية يا أستاذ عبدالله تتعلق بثقافتنا المتدنية فنحن نمتلك ثقافة الفشخرة على بعضنا بعضا و يبقى الواحد منا مش لاقي ياكل و تجده يتفشخر انه اشترى السلعة الفلانية أغلى من سعرها الحقيقي , و هنا نعطي الفرصة للتجار ينهشوا فينا طالما بيبيع و فيه حمير بتشتري ايه اللي حيوقفه عن الطمع و ارتفاع السعر
يا سيدي نحن نمتلك قوة جمعية تستطيع تجويع كل تاجر طماع ليست السيارات فحسب و لكن كل السلع , لو امتنع المتفشخرون عن الشراء فترة بسيطة و ووفروا فلوسهم لشراء طقم غيارات داخلية بدلا من المقطع اللي لابسينه لقتلنا التجار الطامعين و أجبرناهم على البيع بما يرضي الله و لكن كما ذكرت لحضرتك من قيل ثقافتنا متدنية و لا نمتلك من السلوك الجمعي ما يمكننا من الوقوف أمام الجشع و الإستغلال و صدقني هذا ينطبق على كل السلع - الكمالية منها على الأقل.
و اسف على الإطالة

Meemo The Beast
10-08-2010, 08:52 AM
يا ساتر يارب يا ساتر ربنا يهديك مهما حدث مهما حدث مفيش حد يقول كده على بلده أبدا كده ألا إذا كان...أنت فاهمنى طبعا
بتسمى "مصر"بركة عفن؟؟؟؟؟ لا إله ألا الله لا إله الا الله معلش بكره تعرف وتفهم لأنك شكلك انسان صغير مش فاهم حاجة كفاية إنها ذكرت بالأمان فى القرآن يعنى فى كتاب الله , أنا مش عارف أزاى الأدارة سابت ردك ودى مش حرية شخصية دى إسمها اللى تسميها

عزيزي ديفيل بلود
أحييك على غيرتك على مصر و لكن المشكلة أن المعطيات الحالية قد أفقدت الكثير من الشباب ولائهم لهذا الوطن و هو أمر طبيعي ما هو ما شفش خيرها لأننا نمر حاليا بأيام أسوأ من أيام الإحتلال فطبقة التجار و لاعبي الكرة و الرقاصون و القوادون فقط هم الذين يشعرون بالخير اما نحن جميعا فليس لنا إلا الغلاء و مضايقات المصالح الحكومية المتعفنة و البيئة الملوثة
و الكثير من الشباب لم يمر بفترات حاسمة من تاريخ مصر العظيم مثل أكتوبر 73 مثلا مما أدى بهم الى الإحساس بأنهم في بلاد بلا هوية (من وجهة نظرهم طبعا) و هو شعور عام حاليا بين الكثير من الشبان و خاصة في ظل نهش التجار لكل شئ بل ووصولهم الى مراكز اتخاذ القرار و اتيانهم بما يخدم مصالحهم فقط

بدر بسيونى
10-08-2010, 09:08 AM
الفكرة حلوة لا جدال بس ياريت ناخد بالنا ان كل سعودى عنده بدل العربية 5 فلو اجل شراء عربية مش حيتبهدل فى المواصلات واهم نقطة حد يفتكر ان الحكومة حتضعف ولا تنخ مااعتقدش

محمد اللبيدى
10-08-2010, 11:40 AM
السلام عليكم و رحمة الله و بركاته
كل عام و انتم بخير
فى الحقيقة ده موضوع ايجابى و ممتاز يا أستاذ عبدالله و كمان جاى فى وقته علشان احنا دخلين على رمضان و السوق بيكون نايم .
بس كان لي استفسار هل الكلام ده ينطبق على المستعمل و الف شكر ليك على مجهودك

عبدالله منصور
10-08-2010, 11:47 AM
وأنا معكم يا شباب

أنا بعيش بالغردقة ومستعد أساهم وأنشر الحملة هنا وأطبع 1000 مش 100 بس

يا ريت نشد حيلنا في حاجة عشان هو ده الطريق للمطالبة بأصل كل الحقوق

الحرية

POLICEE

ع البركة اللى ربنا يقدرك عليه اعمله وياشباب اللى ميقدرش يطلع 10 او 5 جنيه يصور الورقة كام نسخة كفاية يفرجها لكل اصحابه ويقولهم على كل اللى فيها وكل الى بيفكر يشترى عربية يقولوا الكلام دا

وانا كمان معاكم يا رجاله والله الموفق والمستعان

ع البركة

استاذ عبدالله أحب أشكرك على تفكيرك المنطقي و روحك المتحضرة التي قد لا يتمتع بها الكثير من أبناء هذا الوطن على أعلى مستوياتهم.
و الحق أن أصواتنا قد بحت خلال السنوات الماضية منادين و مساندين لتلك الحملة منذ ان بدأت في السعودية و قد اشتركت في الكثير من المواضيع المتعلقة بخليها تصدي سواء على هذا المنتدى الكريم أو على منديات أخرى للسيارات و لكن مفيش فايدة و يؤسفني أن اقولها و السبب إحنا و ليس التجار "لعنة الله عليهم"و لا الجمارك "الله يحرقها"
القضية يا أستاذ عبدالله تتعلق بثقافتنا المتدنية فنحن نمتلك ثقافة الفشخرة على بعضنا بعضا و يبقى الواحد منا مش لاقي ياكل و تجده يتفشخر انه اشترى السلعة الفلانية أغلى من سعرها الحقيقي , و هنا نعطي الفرصة للتجار ينهشوا فينا طالما بيبيع و فيه حمير بتشتري ايه اللي حيوقفه عن الطمع و ارتفاع السعر
يا سيدي نحن نمتلك قوة جمعية تستطيع تجويع كل تاجر طماع ليست السيارات فحسب و لكن كل السلع , لو امتنع المتفشخرون عن الشراء فترة بسيطة و ووفروا فلوسهم لشراء طقم غيارات داخلية بدلا من المقطع اللي لابسينه لقتلنا التجار الطامعين و أجبرناهم على البيع بما يرضي الله و لكن كما ذكرت لحضرتك من قيل ثقافتنا متدنية و لا نمتلك من السلوك الجمعي ما يمكننا من الوقوف أمام الجشع و الإستغلال و صدقني هذا ينطبق على كل السلع - الكمالية منها على الأقل.
و اسف على الإطالة
اولاًَ اشكرك على اشادتك بيا
ثانياً اشكرك لحسن اسلوبك فى الحوار
ثالثاً احنا فعلاً بنعمل كدا فى بعض وبنفتخر بحجات كتير فاضية ملهاش اى لزمة والتجار بالفعل يعنى الله المستعان

طبعاً عندنا فى المحلة زى اى مدينة متقسمة احياء الكلام دا حقيقى بالفعل :

واحد عنده محلين , واحد فى حى متوسط اسمه ......1
والتانى فى حى فاخر شوية نفس الاسم بس 2

ممكن تشترى حاجة فى المحل 1 بسعر 50 جنيه
وتشتريها هيا بالظبط من المحل 2 ب 95 جنيه !! او 90 جنيه !!

دى بردو حجات مش سهلة

ياريت نحافظ على نفسنا كشباب من بلد واحدة ونعرف ان البلد اللى جاى فيها مش عارفين هيودينا على فين

شوفوا احنا كنا جايبين ياميش رمضان السنة الى قبل اللى فاتت بكام والى فاتت بكام وجايبينو السنة دى بكام وانتوا تعرفوا البلد رايحة فين
عزيزي ديفيل بلود
أحييك على غيرتك على مصر و لكن المشكلة أن المعطيات الحالية قد أفقدت الكثير من الشباب ولائهم لهذا الوطن و هو أمر طبيعي ما هو ما شفش خيرها لأننا نمر حاليا بأيام أسوأ من أيام الإحتلال فطبقة التجار و لاعبي الكرة و الرقاصون و القوادون فقط هم الذين يشعرون بالخير اما نحن جميعا فليس لنا إلا الغلاء و مضايقات المصالح الحكومية المتعفنة و البيئة الملوثة
و الكثير من الشباب لم يمر بفترات حاسمة من تاريخ مصر العظيم مثل أكتوبر 73 مثلا مما أدى بهم الى الإحساس بأنهم في بلاد بلا هوية (من وجهة نظرهم طبعا) و هو شعور عام حاليا بين الكثير من الشبان و خاصة في ظل نهش التجار لكل شئ بل ووصولهم الى مراكز اتخاذ القرار و اتيانهم بما يخدم مصالحهم فقط

شكراً لردك واتمنى عدم الردود الجانبية ويكون اهتمامنا الاول والاخير بحملة الموضوع
الفكرة حلوة لا جدال بس ياريت ناخد بالنا ان كل سعودى عنده بدل العربية 5 فلو اجل شراء عربية مش حيتبهدل فى المواصلات واهم نقطة حد يفتكر ان الحكومة حتضعف ولا تنخ مااعتقدش

ماهما مكنش عندهم ال 5 عربيات دول فى الاول على فكرة

لاكن لما الاسعار نزلت شوية معملش زينا وقال حلو دى نزلت مثلاً الف ولا الفين جنيه ,, يلا روح اشترى

لالالا كانوا اذكية جداً بالفعل والحملة اتخطط لها بطريقة ممتازة وكان فى تواصل بينهم على مواقع الانترنت والمنتديات المختلفة وكان كل كلامهم واحد

العربيات نزلت عشرات الالاف هناك

وبالتالى قدر يجيب له واحدة ولزوجته واحدة ولإبنه كمان لو عاوز ايه المشكلة؟
دلوقتى انا راجل مثلاً هحط 100 ألف ريال فى عربية ,, العربية نفسها بقت 99 ألف , مرحش اشترها

طيب ب 95 ألف بردو ولا عبروا ,, التجار 90 ألف ومش هنزل ريال واحد ومش عاجبكم متشتروش

الحملة فى السعودية ردت على التجار : اه مش عاجبنا ومش هنشترى كدا بقى فى ضغط على الجمارك كمان

العملية ريحت من مجاميعه ,, نزلت الاسعار بعشرات الالاف

اهم حاجة الناس المستعجلة

ودى فلوسك فى البنك ياعم ومتفكرش فى عربيات خالص الا بعد كام شهر وشوف النتيجة

صدقونى الموضوع بإذن الله هينجح ومع ازدحام اول 10 ايام فى رمضان بالمساجد اتوعد فى خلال 24 ساعة من ردى دا اكون جهزت اول نموذج جاهز للطباعة واعرضوا هنا لو عجب 2 فقط نتوكل على الله ونبدء بالطباعة واهم حاجة يكون كلام الحملة واحد والورق اللى بيتوزع واحد

لو معجبش نسمع اقتراحات بشأن الورق ومفيش مشكلة خالص المنتدى مش هيطير واحنا مع بعض

ودا اسمى فى الفيس بوك للى عاوز يبعتلى اضافة ويكون فى تواصل بينا

Abdallh Mohamed Mansour

ايميل :
support@asfeer.com

تليفون :

0100993599

عبدالله منصور
10-08-2010, 11:51 AM
السلام عليكم و رحمة الله و بركاته
كل عام و انتم بخير
فى الحقيقة ده موضوع ايجابى و ممتاز يا أستاذ عبدالله و كمان جاى فى وقته علشان احنا دخلين على رمضان و السوق بيكون نايم .
بس كان لي استفسار هل الكلام ده ينطبق على المستعمل و الف شكر ليك على مجهودك

الأهم الجديد

والمستعمل لازم ينزل هو كمان ,, فى ناس متقدرش تجيب غير مستعمل لازم نعمل حسابهم وانا واحد منهم واكيد غيرى كتير منهم

وبكرة سعر الجديد يبقى زى سعر المستعمل

اللى مش مصدقنى ياجماعة يضيف احد خوانا وحبايبنا السعوديين ويسأله اسعار السيارات الجديدة والمستعملة والماركات والحجات دى

الاوبل عندهم ب 16 ألف ,, مش فكترا ولا استرال لاحاجة عالية اوى ونضيفة جداً ياجماعة

تخيل اوبل ب 16 الف

شدوا حيلكوا باس وانا عن نفسى والله هبدء النهاردة بإذن الله بتجهيز المنشور الأول للحملة

mahmfakl_2000
10-08-2010, 12:50 PM
ياريت
هذا موضوع جمبل جدا
وياربت تكون على كل شئ يرفعو سعره
كل شئ
مش السيارات بس

ولاكن دى ثقافه شعب الحاجه اللى تغلا يجرو عليها واحب ان افكركم بموضوع حديد التسليح
ولا نسيتم
والله انا اعرف ناس اشترت الحديد بسعر 8000جنيه ولسه مرمى فى الشارع لحد دلوقتى

wael_khaled
10-08-2010, 01:14 PM
موضوع جميل
بس انا اشتريت خلاص بس اوعدكم انى احاول انشر الفكره معاكم ما هو حتى لو سعر عربيتى اللى اشتريتها نزل ما انا لما اغيرها بعد كده ها ادفع فرق اقل ممكن اجي واحده تانيه لمراتى مثلا تبقى ارخص لو نزل سعرها صيانتها وقطع غيرها ها تنزل بالتبعيه

خليها تصدى وموديلها يعدى

بالتوفيق ان شاء الله

فادى
10-08-2010, 01:17 PM
أيا كان المسئول,
فان اسعار السيارات فى مصر مبالغ فيها,
من المهازل و المضحكات المبكيات أن السيارة عمرها الافتراضى (كما يقدره صناع السيارات انفسهم) هو 6 سنين او 100 الف كيلو!
بعد ذلك تتحول الى سيارة قديمة لا يمكن توقع اعطالها و لا تصبح أمنة.
و لكن رغم ذلك فهناك انظمة للتقسيط فى مصر تمتد الى 5 سنوات! سلعة عمرها 6 سنوات بنقسطها على 5 سنوات و ساعات بتوصل ل6 و 7 سنوات.
السيارة بطبيعتها سلعة غير معمرة, بل هى اقصر عمرا من الثلاجة و الغسالة و حتى التليفون المحمول و الحاسوب, لأنها تتعرض لعوامل البرى و التأكل و الصدمات بشكل كبير.
فكيف نشترى سلعة غير معمرة بثمن شقة 3 اوض فى منطقة متوسطة!

عبدالله منصور
10-08-2010, 01:41 PM
ياريت
هذا موضوع جمبل جدا
وياربت تكون على كل شئ يرفعو سعره
كل شئ
مش السيارات بس

ولاكن دى ثقافه شعب الحاجه اللى تغلا يجرو عليها واحب ان افكركم بموضوع حديد التسليح
ولا نسيتم
والله انا اعرف ناس اشترت الحديد بسعر 8000جنيه ولسه مرمى فى الشارع لحد دلوقتى

على البركة كسبنا عضو جديد فى الحملة بتاعنا

موضوع جميل
بس انا اشتريت خلاص بس اوعدكم انى احاول انشر الفكره معاكم ما هو حتى لو سعر عربيتى اللى اشتريتها نزل ما انا لما اغيرها بعد كده ها ادفع فرق اقل ممكن اجي واحده تانيه لمراتى مثلا تبقى ارخص لو نزل سعرها صيانتها وقطع غيرها ها تنزل بالتبعيه

خليها تصدى وموديلها يعدى

بالتوفيق ان شاء الله

معاك حق هتنزل الاسعار ادى العربية دى لزوجة حضرتك او على الاقل هتجيب لها واحدة بسعر حلو اوى والاهم نشر الفكرة

أيا كان المسئول,
فان اسعار السيارات فى مصر مبالغ فيها,
من المهازل و المضحكات المبكيات أن السيارة عمرها الافتراضى (كما يقدره صناع السيارات انفسهم) هو 6 سنين او 100 الف كيلو!
بعد ذلك تتحول الى سيارة قديمة لا يمكن توقع اعطالها و لا تصبح أمنة.
و لكن رغم ذلك فهناك انظمة للتقسيط فى مصر تمتد الى 5 سنوات! سلعة عمرها 6 سنوات بنقسطها على 5 سنوات و ساعات بتوصل ل6 و 7 سنوات.
السيارة بطبيعتها سلعة غير معمرة, بل هى اقصر عمرا من الثلاجة و الغسالة و حتى التليفون المحمول و الحاسوب, لأنها تتعرض لعوامل البرى و التأكل و الصدمات بشكل كبير.
فكيف نشترى سلعة غير معمرة بثمن شقة 3 اوض فى منطقة متوسطة!

الضمان يختلف عن العمر الافتراضى للسيارة

فى سيارات بقالها اقل من سنة وبتخرب من سوء الاستعمال

وفى سيارات موديلات التسعينات ماشاء الله عليها

mercedes
10-08-2010, 08:57 PM
السلام عليكم و رحمة الله و بركاته


و كل عام و أنتم بخير بمناسبة شهر رمضان الكريم , أعاده الله عليكم بالخير و اليمن و البركات

أنا شايف أن دى هتكون ضربة معلم بصحيح , أنها ممكن فعلا تخلى بتوع التوكيلات ينزلوا الأسعار و يعملوا عروض بيع أفضل بالتقسيط لمدد أطول و من غير فوايد بدل الاستعباط اللى هما بيعملوه ده .

بس المشكلة , أننا كشعب مصرى للأسف , كتير مننا بيحب الفشخرة , يعنى تلاقى الحملة دى لو اتعملت , تلاقيلك واحد قام منتهز الفرصة و رايح جايب عربية زيرو من التوكيل عشان يبقى مميز فى الشارع و يفضل مدة ماشى بيها بأكياس و لزق البودى بتاع المصنع و من غير نمر أو بنمر تجارية كمان , عشان كده يبقى الوحيد اللى متأكد و الناس متأكدة أنه هو راكب زيرو و أن العربية اللى معاه ماحدش حط رجله فيها قبله .

أنا شايف أن اللى عاوز يشترى زيرو , ماشى, بس يا اما يحرص أنه يجيب العربية بتاعته من بره مصر و فى الحالة دى أكيد هتيجى أحسن و مواصفاتها أحسن من اللى فى التوكيلات المصرية و كمان هيكون متأكد أنها ماتلعبش فيها قبل ماتتباع و لا اتخبطت و اترش منها رفرف ولا باب و هى لسه زيرو و يبيعوهاله على أنها فابريكة زى مابيحصل كتير هنا فى مصر و لا اتشال منها كماليات زى مابيحصل برضه فى مصر .

أو , أنه يشترى عربية كسر زيرو و على فكرة , اللى بيشترى عربية كسر زيرو ده مش زى اللى بيتجوز واحدة كانت متجوزة قبل كده و لا حاجة , ده عبارة عن شخص ناااااااااااااااصح جدا و فااااااااااااااهم جدا و بياخد عربية نفس موديل السنة و بيستفيد بكل حاجة فى العربية لأنها فعلا بتكون بحالة الزيرو و بيوفر فرق فلوس كبيييييير جدا و ده اللى بيحصل فى الدول المتقدمة زى مابيحصل هنا فى كندا , الناس هنا بتثق تماما فى حاجة اسمها Certified preowned cars , اللى هى بنقول عليها هنا كسر الزيرو و بتبقى لسه فى الضمان و بعدين الفيصل بين البايع و المشترى هو الفحص فى التوكيل, عشان نحرق دمهم زيادةwhat , يعنى نشترى من برة و نفحص عندهم و نمشى , يعنى يدوب يشتغلوا خدمات بس من غير مبيعات و اللى يلاقى العربية اللى هيشتريها سليمة يتوكل على الله و بشترى .

أنا بالنسبة لللى بيشترى أصلا مستعمل فده معندهوش مشكلة , هو كده كده بيشترى مستعمل .

شكرا و آسف للاطالة.


مرسيدس اس 550

bassemali
10-08-2010, 09:05 PM
أنا قررت أني أأجل قرارا الشراء لحد ماأنزل مصر أجازه شهر 2 اللي جاي إن شاء الله .....

uubaby2000
10-08-2010, 11:59 PM
يييييييييييييييييييييارب
انا معاكم يارجالة

sayed911
11-08-2010, 12:08 AM
انا بقى عايز اقول لحضرتك على حاجة انا طالب في سنة 3 كلية هندسة وبومشواري رايح 11 كيلو وجي 11 زيهم قول يعني في اليوم 25 كيلو عشان نكون وقيعين طبعا بصرف مصروف تاني على المواصلات ده اذا كانو موجودين من اساوا ده غير البهدلة فقررت اشترى نفسي واشترى دماغي واشترى عربية زيرو طبعا بحكم اني كنت عايش برة مصر :D مع العلم انا برة مصر كنت راحكب شيفروليه ابيكا 2007 زيرو بـ 38 الف ريال قولت ياض ابتدي شوف العربيات الزيرو ايه الكلام معيا 25 وقولت ها ابقى اقسط الباقي مبدئيا كده فتح كلام انتا متخيل انو ااقل عربية عشان تقدر تقول انك راكب عربية مش عجلة هيا الصيني A113 اللي بـ 50 والبيكنتوا لو قولت انو ها اركب اوتوماتيك ها اركب عربية مفيش فيها اييييييييييييييي حاجة خالص بـ 68 بعد القسط طبعا السعر ده ها يوصل لـ 70 بالمييييييييييت قوي كلو قالي خليك في لاـ 128 والسيات وعربيات ببلاش قولت ها اجيب عربية ببلاش ها ابات بيها عند الميكانيكي ولك ان تتخيل كم الإحباط اللي انا حاسس بيه 50 الف جنيه مش عارف اجيب بيهم عربية تقدر تقول انها فعلا تستاهل ويا سلام لو اشريتها وانا وانت طلاب بقة وطلع فيها مصيبة ولا عيب ادي ...... تاني فربنا يستر ونفسي حد لحد دلوقتي يفهمني ايه فائدة الجمرك غير الإتاوة علينا يعني ده المفروض برة بـ الـ 50 دول والله يا جماعة اركب بيهم تويوتا ولا ميتسوبيشي !!!!!!!!!!!!!!!!! حرامممممممممممممم

عبدالله منصور
11-08-2010, 01:13 AM
السلام عليكم و رحمة الله و بركاته


و كل عام و أنتم بخير بمناسبة شهر رمضان الكريم , أعاده الله عليكم بالخير و اليمن و البركات

أنا شايف أن دى هتكون ضربة معلم بصحيح , أنها ممكن فعلا تخلى بتوع التوكيلات ينزلوا الأسعار و يعملوا عروض بيع أفضل بالتقسيط لمدد أطول و من غير فوايد بدل الاستعباط اللى هما بيعملوه ده .

بس المشكلة , أننا كشعب مصرى للأسف , كتير مننا بيحب الفشخرة , يعنى تلاقى الحملة دى لو اتعملت , تلاقيلك واحد قام منتهز الفرصة و رايح جايب عربية زيرو من التوكيل عشان يبقى مميز فى الشارع و يفضل مدة ماشى بيها بأكياس و لزق البودى بتاع المصنع و من غير نمر أو بنمر تجارية كمان , عشان كده يبقى الوحيد اللى متأكد و الناس متأكدة أنه هو راكب زيرو و أن العربية اللى معاه ماحدش حط رجله فيها قبله .

أنا شايف أن اللى عاوز يشترى زيرو , ماشى, بس يا اما يحرص أنه يجيب العربية بتاعته من بره مصر و فى الحالة دى أكيد هتيجى أحسن و مواصفاتها أحسن من اللى فى التوكيلات المصرية و كمان هيكون متأكد أنها ماتلعبش فيها قبل ماتتباع و لا اتخبطت و اترش منها رفرف ولا باب و هى لسه زيرو و يبيعوهاله على أنها فابريكة زى مابيحصل كتير هنا فى مصر و لا اتشال منها كماليات زى مابيحصل برضه فى مصر .

أو , أنه يشترى عربية كسر زيرو و على فكرة , اللى بيشترى عربية كسر زيرو ده مش زى اللى بيتجوز واحدة كانت متجوزة قبل كده و لا حاجة , ده عبارة عن شخص ناااااااااااااااصح جدا و فااااااااااااااهم جدا و بياخد عربية نفس موديل السنة و بيستفيد بكل حاجة فى العربية لأنها فعلا بتكون بحالة الزيرو و بيوفر فرق فلوس كبيييييير جدا و ده اللى بيحصل فى الدول المتقدمة زى مابيحصل هنا فى كندا , الناس هنا بتثق تماما فى حاجة اسمها Certified preowned cars , اللى هى بنقول عليها هنا كسر الزيرو و بتبقى لسه فى الضمان و بعدين الفيصل بين البايع و المشترى هو الفحص فى التوكيل, عشان نحرق دمهم زيادةwhat , يعنى نشترى من برة و نفحص عندهم و نمشى , يعنى يدوب يشتغلوا خدمات بس من غير مبيعات و اللى يلاقى العربية اللى هيشتريها سليمة يتوكل على الله و بشترى .

أنا بالنسبة لللى بيشترى أصلا مستعمل فده معندهوش مشكلة , هو كده كده بيشترى مستعمل .

شكرا و آسف للاطالة.


مرسيدس اس 550

ياباشا لا إطالة ولا حاجة انت نورتنا والله

اهم حاجة انك افدتنا وقولت لنا رأيك وانك موافق دا غير كمان انك قولت عليها ضربة معلم ودى حاجة مفرحانى اوى

وبعدين فى عز ماحنا عاملين الحملة وتلاقى واحد رايح يركب عربية قولوا خليها معاك وابقى امسح بيها وشك لما المية تقطع ,ايه ياترى

نكمل على البركة يارجالة

أنا قررت أني أأجل قرارا الشراء لحد ماأنزل مصر أجازه شهر 2 اللي جاي إن شاء الله .....

وأجل براحتك خالص ياباشا لحد ما العربيات تنزل شهر 2 دا هتكون نزلت جامد اوى والله بس احنا ننفذ الكلام دا بحق وحقيقى

يييييييييييييييييييييارب
انا معاكم يارجالة

زادنا الشرفـ

انا بقى عايز اقول لحضرتك على حاجة انا طالب في سنة 3 كلية هندسة وبومشواري رايح 11 كيلو وجي 11 زيهم قول يعني في اليوم 25 كيلو عشان نكون وقيعين طبعا بصرف مصروف تاني على المواصلات ده اذا كانو موجودين من اساوا ده غير البهدلة فقررت اشترى نفسي واشترى دماغي واشترى عربية زيرو طبعا بحكم اني كنت عايش برة مصر :D مع العلم انا برة مصر كنت راحكب شيفروليه ابيكا 2007 زيرو بـ 38 الف ريال قولت ياض ابتدي شوف العربيات الزيرو ايه الكلام معيا 25 وقولت ها ابقى اقسط الباقي مبدئيا كده فتح كلام انتا متخيل انو ااقل عربية عشان تقدر تقول انك راكب عربية مش عجلة هيا الصيني A113 اللي بـ 50 والبيكنتوا لو قولت انو ها اركب اوتوماتيك ها اركب عربية مفيش فيها اييييييييييييييي حاجة خالص بـ 68 بعد القسط طبعا السعر ده ها يوصل لـ 70 بالمييييييييييت قوي كلو قالي خليك في لاـ 128 والسيات وعربيات ببلاش قولت ها اجيب عربية ببلاش ها ابات بيها عند الميكانيكي ولك ان تتخيل كم الإحباط اللي انا حاسس بيه 50 الف جنيه مش عارف اجيب بيهم عربية تقدر تقول انها فعلا تستاهل ويا سلام لو اشريتها وانا وانت طلاب بقة وطلع فيها مصيبة ولا عيب ادي ...... تاني فربنا يستر ونفسي حد لحد دلوقتي يفهمني ايه فائدة الجمرك غير الإتاوة علينا يعني ده المفروض برة بـ الـ 50 دول والله يا جماعة اركب بيهم تويوتا ولا ميتسوبيشي !!!!!!!!!!!!!!!!! حرامممممممممممممم

ياباشا 50 بر دى تجيب بيها أى حاجة انت عاوزها

تركب وتدلدل زى مابيقولوا

50 برا تركبك كامرى 2008

ممكن تركبك كآبرس 2005

كرولا 2009

بس دا برا ياحج

هنا يادوب نجيب سبرانزا a113 ومعاك حق ياسلام بقى لو العربية فيها مرض خاذوقى وعيب صناعة ولا حاجة نبقى لبسنا أسود ياحج

ربنا يستر بس فعلاً انا امكانياتى حالياً تسمح لى بإنى اجيب الاسبرانزا دى وبس وهبقى مديون لطوب الأرض كمان والله وغير دا كلو هجيبها ازقها لإنى ساعتها مش هيبقى معايا جنيه أفول بيه العربية حتى

دى قلت أدب من التجار والمعارض والتوكيلات حسبى الله ونعم الوكيل والله

المواصلات فى مصر حاجة قلة ادب

البنات بتتبهدل احلى بهدلة فى المواصلات , تحرش تلاقى ,, خطف تلاقى , استهبال فى الزحمة تلاقى

والشباب بيطلع عنيهم بردوا بس مش من نفس الامور بتاع البنات يعنى

لاكن بردو بيتعذبوا ANAA7TG منهم لله والله

احنا فعلاً نعمل الحملة دى ونأجل ياسيدى كام شهر نشوف هنوصل لإيه

اهم حاجة اصحاب التوكيلات يعرفوا

يعنى لازم المنشورات بتاعنا توصلهم وربنا يبارك يارب

انا عن نفسى

كل المنشورات اللى هطبعها هروح بعد الفجر احط ورقة تحت كل المساحات بتاع العربيات كلها واكيد الناس هتعرف احنا بنتكلم عن ايه

وكمان بعد زمايلى اللى طالع عنيهم لما عرفوا بالموضوع بتاعى قالوالى هات لنا الورق واحنا هنصوره وننشره ونوزعه معاك

يعنى ان شاء الله نعمل ضجة أكبر من السعودية بكتير كمان

uubaby2000
11-08-2010, 10:02 AM
انا بقى عايز اقول لحضرتك على حاجة انا طالب في سنة 3 كلية هندسة وبومشواري رايح 11 كيلو وجي 11 زيهم قول يعني في اليوم 25 كيلو عشان نكون وقيعين طبعا بصرف مصروف تاني على المواصلات ده اذا كانو موجودين من اساوا ده غير البهدلة فقررت اشترى نفسي واشترى دماغي واشترى عربية زيرو طبعا بحكم اني كنت عايش برة مصر :D مع العلم انا برة مصر كنت راحكب شيفروليه ابيكا 2007 زيرو بـ 38 الف ريال قولت ياض ابتدي شوف العربيات الزيرو ايه الكلام معيا 25 وقولت ها ابقى اقسط الباقي مبدئيا كده فتح كلام انتا متخيل انو ااقل عربية عشان تقدر تقول انك راكب عربية مش عجلة هيا الصيني A113 اللي بـ 50 والبيكنتوا لو قولت انو ها اركب اوتوماتيك ها اركب عربية مفيش فيها اييييييييييييييي حاجة خالص بـ 68 بعد القسط طبعا السعر ده ها يوصل لـ 70 بالمييييييييييت قوي كلو قالي خليك في لاـ 128 والسيات وعربيات ببلاش قولت ها اجيب عربية ببلاش ها ابات بيها عند الميكانيكي ولك ان تتخيل كم الإحباط اللي انا حاسس بيه 50 الف جنيه مش عارف اجيب بيهم عربية تقدر تقول انها فعلا تستاهل ويا سلام لو اشريتها وانا وانت طلاب بقة وطلع فيها مصيبة ولا عيب ادي ...... تاني فربنا يستر ونفسي حد لحد دلوقتي يفهمني ايه فائدة الجمرك غير الإتاوة علينا يعني ده المفروض برة بـ الـ 50 دول والله يا جماعة اركب بيهم تويوتا ولا ميتسوبيشي !!!!!!!!!!!!!!!!! حرامممممممممممممم

والله انا معايا سبعين الف وميجبوليش حتى بيكانتو ولا اى تن لانهم كمان سعرهم زاد ومش هيبقى معايا أأمن عليهم ولو مأمنتش وانا بنت مبعرفش اسوق اساسا هبوظ العربية اكيد

الواحد مخنوق اوى

فادي مكرم
11-08-2010, 10:40 AM
وانا كمان معاكم ف الحملة
بس ناوي اشتري مستعمل اليومين دول.... مش هتفرق ف المستعمل ؟

Eng . Mano
11-08-2010, 11:44 AM
معاكم ان شاء الله يا رجالة ، و لو فى جروب على الفيس بوك ياريت تقولوا ايه هو علشان اشترك فيه ، و انا عن نفسى حادعى اصحابى و معارفى كلهم للجروب ده و الحملة دى ،
انا عن نفسى عندى واحد قريبى عايز يجيب باسات ، و اتنين اصحابى واحد عايز الانترا و التانى عاوز كيا سول . و هما تقريبا راحوا اتفقوا و الاستلام قريب ، بس طبعا حابلغهم بالحملة دى و حاخليهم يوقفوا كل حاجة ، و طبعا لما يعرفوا ان فيها توفير ده احتمال يشتروا 127 احسن هههههههه. ربنا يوفقكوا ان شاء الله و تلاقى صدى للحملة دى و طبعا انا و كل معارفى معاكوا ؛

عبدالله منصور
11-08-2010, 02:52 PM
والله انا معايا سبعين الف وميجبوليش حتى بيكانتو ولا اى تن لانهم كمان سعرهم زاد ومش هيبقى معايا أأمن عليهم ولو مأمنتش وانا بنت مبعرفش اسوق اساسا هبوظ العربية اكيد

الواحد مخنوق اوى

آه من سواقتكم انتوا آه

كنت بهزر مع واحدة فى يوم << بتهزر مع واحدة ؟؟ يبقى جبتوا لنفسك من قبل ماتكمل ايه ياترى

جيت جنبها اوى بالعربية <<عربية ابن خالتى >> وهيا سايقة هيا كمان ورحت ضارب كلاكس البوليس POLICEE اختنا نطت من على الكرسى ولزقت فى الطارة وجابت الطارة يمين وشمال وكانت هتبوظ الدنيا ههههههههه

بصى خليكى معانا فى الحملة وان شاء الله ربنا يكرمنا ونركب احلى واحسن عربيات

هما يعنى السعوديين عندهم ارادة وعزيمة اقوى مننا ؟؟ لازم نبقى زيهم واحسن كمان وننزل الاسعار بحق وحقيقى ومحدش يشترى خالص

انتى ودى ال 70 الف دول فى البنك وامضى هناك بس ان عبدالله منصور له حق السحب من الحساب وملكيش دعوة بحاجة فلوس كتير << شكلك نصاب ههههههههههههههههه

خليكوا معانا فى الحملة وان شاء الله هتصدى وموديلها هيعدى

وانا كمان معاكم ف الحملة
بس ناوي اشتري مستعمل اليومين دول.... مش هتفرق ف المستعمل ؟


وقف يابرنس مش خسران حاجة
حط اتسل حتى احنا فى رمضان اهو ونفع بتوع التاكسيات الغلابة على مارمضان يخلص
هوب العيد جه , شهرين هوب العيد الكبير ساعتها ممكن تشترى زيرو مش مستعمل وربنا يوفقنا وننجح الحملة
على فكرة انت زى الفل واحلى حاجة التوقيع بتاعك

تسسسسسلم
معاكم ان شاء الله يا رجالة ، و لو فى جروب على الفيس بوك ياريت تقولوا ايه هو علشان اشترك فيه ، و انا عن نفسى حادعى اصحابى و معارفى كلهم للجروب ده و الحملة دى ،
انا عن نفسى عندى واحد قريبى عايز يجيب باسات ، و اتنين اصحابى واحد عايز الانترا و التانى عاوز كيا سول . و هما تقريبا راحوا اتفقوا و الاستلام قريب ، بس طبعا حابلغهم بالحملة دى و حاخليهم يوقفوا كل حاجة ، و طبعا لما يعرفوا ان فيها توفير ده احتمال يشتروا 127 احسن هههههههه. ربنا يوفقكوا ان شاء الله و تلاقى صدى للحملة دى و طبعا انا و كل معارفى معاكوا ؛

زى الفل
الجروب بس بظبطوا دلوقتى وهتلاقوه جاهز ان شاء الله على يوم السبت بالكتير اوى اوى

fares515
11-08-2010, 04:49 PM
أنا قمت بتغيير التوقيع واتمنى على كل الاعضاء اللي قرأو الموضوع انهم يغيرو توقيعهم كذلك
وبتمنى يكون فيه دعم اعلامي من اصحاب المنتدى يعني بنر كده على السريع بيعلن عن الحمله وكمان جروب الفيس بوك مهم جدا وملصقات وتصميمات حلوه عشان الحمله تنتشر بسرعه وبنا يعمل اللى فيه الخير

mercedes
11-08-2010, 05:31 PM
السلام عليكم و رحمة الله و بركاته

و كل عام و انتم بخير



أنا ماكانشى قصدى أن الناس تبطل تشترى عربيات و تتنطط فى المواصلات لأن ده هيكون حل غير عملى و خصوصا للى معاه أسرة و اطفال و كده و خصوصا أن المواصلات فى مصر ماتسرش حد و حالتها زبالة .

أنا رأيى أن اللى حاجز عربية زيرو فى التوكيل , يحاول - و لو مجرد محاولة - أنه يشترى كسر زيرو و هيكون هو المستفيد , أنه يشترى عربية بحالة الزيرو وممكن كمان تكون لسه فى الضمان و كمان فيه فرق سعر كبير و الفيصل فى حالة العربية هو الفحص الفنى فى التوكيل أو مراكز الخدمة المعتمدة و بالتالى يبقى ضربنا عصفورين بحجر واحد , أننا , ماشتريناش من التوكيل و الموزعين و فى نفس الوقت و الحملة نجحت , العميل اللى عاوز يركب عربية عشان هو أكيد تعباااااااااااااااااان جدا من غير عربية , بالفعل اشترى عربية و بحالة ممتازة و طبعا الأفضل لو اللى هيشترى عربية ينزلها من برة من الخليج و هتكون بحالة أفضل و بمواصفات خليجى و مضمونة مليون مرة عن الخليجى اللى بيتباع هنا , الكلام ده لو يعنى الحكاية زانقة معاه أوى أنه يركب زيرو .

شكرا و آسف للاطالة




مرسيدس اس 550

issoPolo
11-08-2010, 05:42 PM
احنا كنا هنشتري ماتركيس اوتوماتيك ب 95 الف بس اجلنا لشهر واحد يا رب ساعتها ال95 الف تجيب حاجة احسن بعد الحملة

meshooeng
11-08-2010, 06:03 PM
انا كنت رايح الاسبوع الماضى اشترى هيونداى ماتركس اللى على قدها قوى بس اعمل ايه على قد فلوسنا فى مصر اللى من المفترض انها تركبنا افخم السيارات بره مصر
ماعلينا
اتصلت بمعرض الطارق وحددو السعر ب 83500 ج
اتفقت على انى اذهب اليهم فى اليوم التالى واشترى بشرط انهم يخفضوا ال 500 ج وتبقى ب 83 الف فقط قال الموظف حضرتك شرفنا وربنا يسهل
المهم روحت فى الصباح للبنك سحبت الفلوس وطلعت على المعرض وهوبجوارالبنك فى الدقى وهناك صدمت ان الاسعار زادت والماتركس بقى سعرها 93000 ج
وقالو ان الجمارك زادت بالامس على الجديد
طعبا المفروض ان قارار الزيادة ينطبق على السيارات التى سوف تدخل البلاد بعد صدور القرار لكن فى بلدنا القرار بيطبق فور صدورة على كل البضاعة المتواجدة بالمخازن
علشان كده انا موافق على حملة المقاطعة
خليها تصدى ومودياها يعدى

_amr.mostafa_
11-08-2010, 06:40 PM
عى فكرة الحمة قديمة وموجوده في مصر من العام الماضي ...

وبعد شهر واحد من نزول الحملة في المواقع والمنتديات حققت مبيعات

السيارات في مصر اعلى معدل بيع ....

عبدالله منصور
11-08-2010, 10:10 PM
أنا قمت بتغيير التوقيع واتمنى على كل الاعضاء اللي قرأو الموضوع انهم يغيرو توقيعهم كذلك
وبتمنى يكون فيه دعم اعلامي من اصحاب المنتدى يعني بنر كده على السريع بيعلن عن الحمله وكمان جروب الفيس بوك مهم جدا وملصقات وتصميمات حلوه عشان الحمله تنتشر بسرعه وبنا يعمل اللى فيه الخير


تسلم والله وتغيير التوقيع دا شئ ممتاز

الحملة والدعاية اوعدك ان فى خلال الشهر الكريم بإذن الله تعالى واذا وفقنا الله ستكون الحملة معروفة ومشهورة وحديث كل المصريين الى بيهتموا بالعربيات

السلام عليكم و رحمة الله و بركاته

و كل عام و انتم بخير



أنا ماكانشى قصدى أن الناس تبطل تشترى عربيات و تتنطط فى المواصلات لأن ده هيكون حل غير عملى و خصوصا للى معاه أسرة و اطفال و كده و خصوصا أن المواصلات فى مصر ماتسرش حد و حالتها زبالة .

أنا رأيى أن اللى حاجز عربية زيرو فى التوكيل , يحاول - و لو مجرد محاولة - أنه يشترى كسر زيرو و هيكون هو المستفيد , أنه يشترى عربية بحالة الزيرو وممكن كمان تكون لسه فى الضمان و كمان فيه فرق سعر كبير و الفيصل فى حالة العربية هو الفحص الفنى فى التوكيل أو مراكز الخدمة المعتمدة و بالتالى يبقى ضربنا عصفورين بحجر واحد , أننا , ماشتريناش من التوكيل و الموزعين و فى نفس الوقت و الحملة نجحت , العميل اللى عاوز يركب عربية عشان هو أكيد تعباااااااااااااااااان جدا من غير عربية , بالفعل اشترى عربية و بحالة ممتازة و طبعا الأفضل لو اللى هيشترى عربية ينزلها من برة من الخليج و هتكون بحالة أفضل و بمواصفات خليجى و مضمونة مليون مرة عن الخليجى اللى بيتباع هنا , الكلام ده لو يعنى الحكاية زانقة معاه أوى أنه يركب زيرو .

شكرا و آسف للاطالة




مرسيدس اس 550


لما يستنى بردو كام شهر مفيهاش جاجة يعنى وربنا هيوفقنا بإذن الله

موضوع زيرو او كسر زيرو مش هتفرق اللى يهمنا العربيات اسعارها لازم تنزل
احنا كنا هنشتري ماتركس اوتوماتيك ب 95 الف بس اجلنا لشهر واحد يا رب ساعتها ال95 الف تجيب حاجة احسن بعد الحملة

شهر مش كفاية ومين عالم يمكن نجيب حاجة ممتازة جداً بس اصبروا ومحدش يستعجل نهائى والله وانا بإذن المولى عز وجل واثق من نجاح الحملة

انا كنت رايح الاسبوع الماضى اشترى هيونداى ماتركس اللى على قدها قوى بس اعمل ايه على قد فلوسنا فى مصر اللى من المفترض انها تركبنا افخم السيارات بره مصر
ماعلينا
اتصلت بمعرض الطارق وحددو السعر ب 83500 ج
اتفقت على انى اذهب اليهم فى اليوم التالى واشترى بشرط انهم يخفضوا ال 500 ج وتبقى ب 83 الف فقط قال الموظف حضرتك شرفنا وربنا يسهل
المهم روحت فى الصباح للبنك سحبت الفلوس وطلعت على المعرض وهوبجوارالبنك فى الدقى وهناك صدمت ان الاسعار زادت والماتركس بقى سعرها 93000 ج
وقالو ان الجمارك زادت بالامس على الجديد
طعبا المفروض ان قارار الزيادة ينطبق على السيارات التى سوف تدخل البلاد بعد صدور القرار لكن فى بلدنا القرار بيطبق فور صدورة على كل البضاعة المتواجدة بالمخازن
علشان كده انا موافق على حملة المقاطعة
خليها تصدى ومودياها يعدى


تجار وتوكيلات معندهمش ضمير وكذلك الجمار

احنا نمتنع عن شراء السيارات وهما يولعوا فى بعض الاتنين
عى فكرة الحمة قديمة وموجوده في مصر من العام الماضي ...

وبعد شهر واحد من نزول الحملة في المواقع والمنتديات حققت مبيعات

السيارات في مصر اعلى معدل بيع ....

حضرتك بتتكلم على اى دولة ؟

انا سمعت ان الناس مش عاجبها اسعار العربيات اه وكدا ودخل فى الموضوع الازمة العالمية وخلافه وكانت كل السلع تقريباً واقفة ونزلت اسعار العربيات شوية

لاكن حملة خليها تصدى وموديلها يعدى معمولة وحققت بعدها مبيعات عالية والكلام دا اعتقد انه مش فى مصر

كامل احترامى

ahmed_menaiem
11-08-2010, 11:16 PM
بس ياريت الناس كلها تشارك فى الحملة

_amr.mostafa_
12-08-2010, 01:47 AM
تسلم والله وتغيير التوقيع دا شئ ممتاز

الحملة والدعاية اوعدك ان فى خلال الشهر الكريم بإذن الله تعالى واذا وفقنا الله ستكون الحملة معروفة ومشهورة وحديث كل المصريين الى بيهتموا بالعربيات




لما يستنى بردو كام شهر مفيهاش جاجة يعنى وربنا هيوفقنا بإذن الله

موضوع زيرو او كسر زيرو مش هتفرق اللى يهمنا العربيات اسعارها لازم تنزل


شهر مش كفاية ومين عالم يمكن نجيب حاجة ممتازة جداً بس اصبروا ومحدش يستعجل نهائى والله وانا بإذن المولى عز وجل واثق من نجاح الحملة



تجار وتوكيلات معندهمش ضمير وكذلك الجمار

احنا نمتنع عن شراء السيارات وهما يولعوا فى بعض الاتنين


حضرتك بتتكلم على اى دولة ؟

انا سمعت ان الناس مش عاجبها اسعار العربيات اه وكدا ودخل فى الموضوع الازمة العالمية وخلافه وكانت كل السلع تقريباً واقفة ونزلت اسعار العربيات شوية

لاكن حملة خليها تصدى وموديلها يعدى معمولة وحققت بعدها مبيعات عالية والكلام دا اعتقد انه مش فى مصر

كامل احترامى

لا الحملة امتدت لي مصر لو بصيت على مواقع مصرية كتيييييير جدا هتلاقي

ان في ناس عملت مواضيع وحملات ...لكن !!!

عبدالله منصور
12-08-2010, 11:02 AM
بس ياريت الناس كلها تشارك فى الحملة

ان شاء الله كله هيشارك

وانا بمجرد ما ابتديت اخبر الناس عن الحملة

بدء يجيلى عروض من شئ أشبه براعى رسمى للحملة

واضح ان توكيلات السيارات ومعارض السيارات مكروهين

الكلام دا حقيقة وربنا يكرمنا يمكن نلاقى اللى يصرف لنا على الحملة كمان

بس احنا مش هنستنا انا ان شاء الله هحطلكم أول منشور النهاردة

تاخدوه على فلاشة ولاحاجة وعلى اقرب مكتوب كمبيوتر او تصوير وتقوله اطبعهالى
وعلى اول مطبعة واطبع الكمية اللى تقدر عليها

وبالتوفيق يارب



لا الحملة امتدت لي مصر لو بصيت على مواقع مصرية كتيييييير جدا هتلاقي

ان في ناس عملت مواضيع وحملات ...لكن !!!

يمكن !!

بس حملتنا ان شاء الله حاجة تانية

حملتنا مش مجرد واحد دخل كتب فى موقع ولا منتدى والسلام

هتبقى منشورات ومطبوعات ورقية وملصقات فى الشوارع

عبدالله منصور
12-08-2010, 10:31 PM
عاوزين تفاعل وعاوز اشوف ناس كتير قرأت الموضوع كدا

عبدالله منصور
12-08-2010, 10:45 PM
بسم الله الرحمن الرحيم
السلام عليكم ورحمة الله وبركاته
---

سبق وتحدثنا عن الحملة الجديدة لشباب مصر لما يعانون منه فى ارتفاع السيارات

وتم اقتراح فكرة عمل حملة خليها تصدى وموديلها يعدى بعدما حققت نجاح باهر بالمملكة العربية السعودية ودول الخليج

الموضوع السابق :

http://masrmotors.com/vb/showthread.php?t=32002


ونعلن لكم اليوم عن جروب الفيس بوك للحملة اللى نتمنى انه ينتشر بأقصى سرعة ويدخله اكبر عدد ممكن من الأعضاء

تفضلوا رابط الجروب :

http://www.facebook.com/#!/group.php?gid=137840342919658&ref=ts

احمد بدر1978
12-08-2010, 10:51 PM
شكرا على المجهود لعلة خير لنا جميعا

عبدالله منصور
12-08-2010, 11:05 PM
ان شاء الله

يسعدنا انضمامك استاذ احمد

Eng . Mano
13-08-2010, 01:09 AM
تمام اوى ، و انا طبعا معاكم و يارب تجيب نتيجة ؛

عبدالله منصور
13-08-2010, 01:29 AM
تمام اوى ، و انا طبعا معاكم و يارب تجيب نتيجة ؛

ان شاء الله هتجيب

بس اشترك واعمل دعاوى لكل اللى عندك

عبدالله منصور
13-08-2010, 01:33 AM
تم انشاء الجروب الرسمى

رجاء الإنضمام ودعوة كل الاصدقاء للإنضمام


بسم الله الرحمن الرحيم
السلام عليكم ورحمة الله وبركاته
---

سبق وتحدثنا عن الحملة الجديدة لشباب مصر لما يعانون منه فى ارتفاع السيارات

وتم اقتراح فكرة عمل حملة خليها تصدى وموديلها يعدى بعدما حققت نجاح باهر بالمملكة العربية السعودية ودول الخليج

الموضوع السابق :

http://masrmotors.com/vb/showthread.php?t=32002


ونعلن لكم اليوم عن جروب الفيس بوك للحملة اللى نتمنى انه ينتشر بأقصى سرعة ويدخله اكبر عدد ممكن من الأعضاء

تفضلوا رابط الجروب :

http://www.facebook.com/#!/group.php?gid=137840342919658&ref=ts

mooot
13-08-2010, 02:08 AM
موضوع رائع رائع رائع
و يا ريت ننشر الموضوع في كل مكان و أنا عن نفسي هتكلم في كل المنتديات اللي أنا مشترك فيها عن الموضوع ده.
بس الحملة دي عاوزه إدارة واعية و استمرارية.
و الحكاية كلها سنة واحدة و الأمور تبقي تمام.
و الموضوع عاوز تصعيد.
يعني علي الفيس بوك
و يا ريت لو يسمع و يوصل العاشرة مساءا او 90 دقيقة و غيرهم.
الموضوع هيسخن و يبقي ممتاااااااااااااااااااااااااااز

mooot
13-08-2010, 03:20 AM
ابعت لايميلات القنوات الفضئية عن هذا الموضوع
سخن سخن يا عم الحاج

تامين سيارات
13-08-2010, 12:03 PM
المشكلة مش في الوكلاء ولا التجار (بغض النظر عن كونهم ولاد 250 في 544)
المشكلة الكبرى في مشيخة المنصر الي فارضة جمارك ليس لها اي مبرر او معنى غير "عايز تجيب عربية *********؟ معاك فلوس يعني؟ طيب تجبلنا معاك واحدة... آه هو كده، عاجبك ولا لا؟)

ليه ادفع زيادة 40% على عربية 1600 cc سوري يعني معفنة ولا تسوى بمقاييس العالم كله؟
طيب ليه ادفع 100% ولا 230% علشان اركب عربية نضيفة؟
على اساس اني ***** يعني ومش من حقي فلازم ادفع لاسيادي الاتاوة؟
طبعا الي هيقولي الجمارك دي الهدف منها حماية الصناعة الوطنية هرد عليه ***************
لان احنا (واقول احنا وانا اتمنى من كل قلبي مبقاش من "احنا" دي قريبا واكسر ورايا قلتين وانا خارج من المخروبة لأ وكمان اطلب لما اموت انهم يدفنوني براها علشان مش عايز يكون ليا اي علاقة بيها) معندناش لا صناعة ولا هباب ولما بنصنع (بنجمع، بنلزق، بنلصم... أو سميها زي ما ربنا يجود عليك) بنطلع اسوأ منتجات قلبك *****.

وفي النهاية بنركب عربيا من ازبل ما يكون وبنتحاسب على كل كمالية فيها (اساسية في اي حتة تانية) حساب الضالين، لا وكمان بيجيبولنا ******* منتجات العالم ويبيعوهالنا هنا على انها عربيات يعني وبتعمل فروووووم!!! وهيا مليانة عيوب وبلاوي سودة، ولا كأنك دفعت فيها ضعفين ثمنها لو لقيت فيها حاجة غلط يتعاملوا معاك بقرف من باب "انت عايز تركب عربية وكمان تتأمر يابني؟"

ولا شاري عربية ولا هتنيل وهوجه كل امكانياتي للخروج من ******* دي
وادعو الله من كل قلبي مرجعهاش تاني، حيا أو ميتاً أو مبعوثاً محاسباً



كلامك فعلا حقيقى بس فى بلداخر مش مصر هنا الناس نايمة مش هاتقدر غير ان لو قلنا شيل الجمارك ممكن نطلع مدعومين من اى دولة معادية

هههههههههههههههههههههههه لوهى فعلا فكرة جامد لو حسيت فعلا بجدية اشترك
لانى بدفع ضرائب و جمارك بالعبيط ولا فى اى خدمة شوارع مكسرة و زفت بتبوظ العربية و بدفع فى صيانتها و لما بسافر بدفع كرتة ايجار الطريق ولا فى اى خدمة

حد يقول ان اسبرانزا a113 تتباع ب 50000 طبعا دا تهريج انا ادفع فيها فى دولة عادية 15000 او 20000 طب خليها 25000

طيب الماروتى بقى يبقى سعرها كام

عبدالله منصور
13-08-2010, 07:51 PM
سخنوا يارجالة

الى يقدر يفيدنى بإيميلات أى من القنوات وكدا يبلغنى وان شاء الله لما ارجع من التراويح هدور على ال90 دقيقة وهبعت لعمرو اديب وكل حاجة ان شاء الله

متنسوش تشتركوا فى الحملة على الفييس بوك

http://www.facebook.com/#!/group.php?gid=137840342919658&ref=ts

عبدالله منصور
13-08-2010, 07:52 PM
للرفع

عاوزين الموضوع دا يفضل هو التوب على المنتدى

حد يبلغ إدارة المنتدى بالموضوع

وان شاء الله بردو لما ارجع من التراويح هبلغهم واطلب منهم بالسماح لنا بالبانر الاعلانى ولو على البانر هصممه انا

Eng . Mano
13-08-2010, 10:03 PM
ان شاء الله هتجيب

بس اشترك واعمل دعاوى لكل اللى عندك
و انا بالفعل عملت دعاوى لكل اللى اعرفهم يا باشا ؛

عبدالله منصور
13-08-2010, 10:51 PM
اهو دا الكلام يابشمهندس

مبارك القناوى
14-08-2010, 04:43 AM
والله فكرة صعبة بس اكيد كلنا معاك فى افكرة دى

dr.death
14-08-2010, 11:19 AM
كفاية بقي نصب و استغلال كلنا عارفين ان كل العربيات الزيرو اللي جاية من برة بتبقي زبالة المصانع ومرتجع السوق الاوروبي او الاسواق الاجنبية عامة ويجو يبيعوهالنا هنا وادفع بالضعف واكتر وفي الاخر عربيات كلها عيوب ومشاكل علشان النصب والسرقة لاء خليهالهم بقي وانا متضامن مع الحملة

حبشها
15-08-2010, 02:11 AM
الله ينور انا كنت بفكر اغير الانوس لكن من جنون الاسعار مش مغير ورجعت فى كلامى

عبدالله منصور
16-08-2010, 12:39 AM
والله فكرة صعبة بس اكيد كلنا معاك فى افكرة دى

على البركة ومتنساش التوقيع

كفاية بقي نصب و استغلال كلنا عارفين ان كل العربيات الزيرو اللي جاية من برة بتبقي زبالة المصانع ومرتجع السوق الاوروبي او الاسواق الاجنبية عامة ويجو يبيعوهالنا هنا وادفع بالضعف واكتر وفي الاخر عربيات كلها عيوب ومشاكل علشان النصب والسرقة لاء خليهالهم بقي وانا متضامن مع الحملة

تمام ياريت تحط لينك الموضوع مع التوقيع يبقى تمام جداً

مشكور يابرنس

الله ينور انا كنت بفكر اغير الانوس لكن من جنون الاسعار مش مغير ورجعت فى كلامى

زى الفل وعدل التوقيع بس

uubaby2000
16-08-2010, 01:05 AM
هو العربيات نزلت عشان رمضان صحيح؟؟

yaser4050
16-08-2010, 02:32 AM
يا حبيب قلبى مهما حدث مهما حدث خلى غضبك لنفسك لا داعى للغلط فى بلدك علنى لأنك أكيد عارف أن مليون عربى سعودى او إمارتى او غيره بيخشوه المنتدى والموضوع مش مستاهل أصلا"تصدق بالله أنا عايش فى المنصورة يعنى أم الخناقات الناس كلها عايزة تمسك فى بعض "لكن عادى أنا برضه بحب المكان اللى عايش فيه والأرض اللى بمشى عليها حتى لو كانت مكسره مستحمل قرف النصب وقله الأدب لأنى عارف أنها لازم تتغير مفيش حاجة إسمها ستوب الأرض كروية ولا أى؟
كلام رائع بس كل انسان وله طاقه و بعدين حضرتك موش عايز العرب يعرفوا ايه ؟؟؟
هو طفشان المصريين لبلادهم موش بيعرفهم حاجة
بلاش كدة الأفلام و المسلسلات والإعلام والفضائيات راحوافين
كلامى موش معناة ان الناس تغلط لكن الواحد بصراحة بقى يائس
فاعذرنا

zego
16-08-2010, 02:42 PM
علي بركة الله

POSH3ER
18-08-2010, 05:35 PM
واللة انت عندك حق
و انا معاك يا كبير
خليها تصدي و موديلها يعدي

عبدالله منصور
19-08-2010, 12:58 AM
على بركة الله

المنشور الأول لحملة خليها تصدى وموديلها يعدى

1- فى المرفقات

2- لينك تحميل عشان السادة الزوار كمان يشاركونا لإن الحملة مش للأعضاء بس لأ دى لكل شباب مصر

http://file6.9q9q.net/Download/33146354/-------------------------1.doc.html

تم اصدار المنشور عن طريق الفيس بوك جروب الحملة :

http://www.facebook.com/#!/group.php?gid=137840342919658&ref=ts

عبدالله منصور
19-08-2010, 01:05 AM
بسم الله الرحمن الرحيم

السلام عليكم ورحمة الله وبركاته

---


ويستمر مجهودنا بإذن الله فى حملة لقضاء على ارتفاع اسعار السيارات فى مصر

الموضوع الرسمى للحملة :

http://masrmotors.com/vb/showthread.php?p=230027&posted=1#post230027

الجروب الرسمى للحملة :
http://www.facebook.com/group.php?gid=137840342919658&ref=ts


---

المنشور الآن جاهز للطباعة ومرفق لسيادتكم بهذه المشاركة
+ رابط تحميل للسادة الزوار

http://www.facebook.com/l.php?u=http://file6.9q9q.net/Download/33146354/-------------------------1.doc.html&h=4f704

الملف من صيغة doc بحاجة لبرنامج word لكى يعمل


--

تم الاتفاق مع مطبعة من قبل فى مدينتى المحلة الكبرى والمنشور هيكون عندهم الساعة 1 ان شاء الله وهيجهز عدد ألف نسخة بإذن الله على الساعة 10 بليل بعد صلاة التراويح

العدد قليل شوية بس مش مهم عشان الوقت مش ساعدنا المرة دى

ان شاء الله الألف هيتوزعوا على 4 مساجد كبار بإذن الله

يوم السبت بإذن الله هينطبع زيهم وهيتم توزيعهم بنادى بلدية المحلة الاجتماعى
يوم الأحد ان شاء الله نبعت للمعارض فى المحلة مثل معرض الكمونى للسيارات واهو بردو يبقى عرف 444546

نتمنى من الجميع الاجتهاد معنا

طبعة 1000 ورقة لن تكلفك أكثر من 10 جنيه مصرى !!
افعلها مرة واحدة فقط ومن ثم مؤكد سيظهر من يساعدنا ويطبع عدد ما على حسابه وآخر يطبع ونحن نطبع وبإذن الله سيكون انتشار رهيب

الطباعة ستكون مؤقتة بإذن الله حتى انضمام عدد ضخم للحملة على الفيس بوك
على البركة يارجالة

Ahmed Anwer
19-08-2010, 01:22 AM
موفق إن شاء الله ،،،

بس بتهيقلي بعد إنقطاع الكهرباء و المياة المتكرر

و دلوقتي مهددين بالقمح

يصبح التفكير في السيارات رفاهية !

ابو جودة
19-08-2010, 02:20 AM
بالتوفيق ان شاء الله[

عبدالله منصور
19-08-2010, 02:40 AM
موفق إن شاء الله ،،،

بس بتهيقلي بعد إنقطاع الكهرباء و المياة المتكرر

و دلوقتي مهددين بالقمح

يصبح التفكير في السيارات رفاهية !

بكل تأكيد ياباشا

وعلى فكرة انا زيى زى أى شاب فى مصر ويمكن اقل كمان

انا من النوع اللى هو فى فترة الاجازة هينزل يشتغل أى حاجة عشان يجيب فلوس يعنى زى كل شباب مصر تقريباً

بس لما حبيت افكر فى العربيات وكدا وشطحت بطموحى انى يبقى عندى عربية يوم ما وانا فى شبابى اخرج واتفسح واتنطط بيها لقيت ان دا هيبقى شئ مستحيل فى يوم من الايام والسبب زى ماحضرتك قولت الكهرباء والقمح وكمان مش هنعرف احنا كشباب نجيب شقة نتجوز فيها ولا حاجة

لاكن خلينا نطمح ياسيدى اننا هناخد قرض من بنك , تقسيط اى حاجة ونعمل حاجة صح

وبعدين انا عملت الحملة دى عشان يتجمع شباب مصر فى حاجة بردو لاكن للحملة اهداف اخرى بجانب الهدف الرئيسى وكل الاهداف دى ولله الحمد هتكون ممتازة جداً وهتحقق حجات بإذن حلوة لشباب مصر بس مطلوب منكم الصبر

وان شاء الله متجمعين فى الخير دايماً ياولاد المحروسة ..

بالتوفيق ان شاء الله[

ان شاء الله

عبدالله منصور
19-08-2010, 06:28 PM
للرفع

محدش علق على المنشور الاول يعنى ؟

عبدالله منصور
19-08-2010, 06:30 PM
للرفع

محدش علق على المنشور الاول يعنى ؟

احمد بدر1978
19-08-2010, 06:37 PM
منشور وافى جدا وبسيط
وكمان منسق
بالتوفيق ان شاء الله

odaoda
19-08-2010, 07:01 PM
ربنا يعينكوا

Injection
20-08-2010, 07:16 AM
أنا لسه داخل قارى الموضوع دلوقتى, وبصراحة مش قادر أعبر عن فرحتى بأن مواطن "مصرى" قرر يعمل حاجة ويحاول يغير من الواقع اللى حواليه, ومش هاقدر أمدح فى الحملة أكثر من اللى أتقالROSE4U.

بس فيه حاجة غايبة عنكوا يارجالة, دلوقتى القاهرة مثلا فيها 5 مليون عربية, العربية الواحدة ب100 ألف جنيه, والدنيا زحمة والطرق مبهدلة والمحاور مكسرة والحوادث بالعبيط, ده أنا بروح مدينة نصر الفجر فى ربع ساعة, أرجع الساعة 3 الضهر فى ساعة ونص وحرقة دم وعصبية للصبح بسبب غباء الناس وأثار الصيام عليهم.

فدلوقتى لو سعر العربية بقى ب 50 ألف, الناس هتشترى, والعيلة اللى عندها عربية هيبقى عندها أثنين وتلاتة, و50% من الناس اللى مامعاهمش عربيات هيشتروا, وعدد العربيات هيزيد الى 8 مليون على أقل تقدير.

حد يقدر يقولى العربيات دى هتركن فين, ولا حتى هتمشى فين فى الشارع, والزحمة اللى أساسا فى بعض المناطق ممكن تضطر تفطر فى عربيتك هيحصلها أيه, وتعداد الحوادث, والبنزين اللى غالى أصلا ومش هيكفى العربيات,ألخILIL.

البنية التحتية للبلد بايظة أصلا, والبلد ماشية بالبركة ومصر أساسا موجودة بأعجوبة, أى تغيير هيأثر على البلد لعدم وجود مساحة لحدوثه, زى زيادة المرتبات هيحصل قدامها نقص شديد فى السلع وبالتالى السلع هتغلى, وهكذا بالنسبة لأى حاجة زى البنزين والسيارات, وموضوع الجمارك على السيارات متوقع أصلا علشان موضوع الأنخفاض فى الجمارك على السيارات الأوروبية, وكان ده التصرف الصح علشان يواجهوا الزيادة اللى هتحصل فى عدد العربيات لو أنخفاض الجمارك أتطبق ومش بعيد السنة الجاية يغلوا البنزينMAD.

أنا مش ضد الحملة ولا حاجة بالعكس, أنا نفسى حد يقوم فى البلد دى ويقول لأ, وحضرتك عملت كده وأحييك على هذا, بس البلد ماشية بالبركة, وأى تغير بيحصل بيبهدل الدنيا كلها, زى علاقة أسعار البنزين بحياتنا كلها اللى هتتغير لو سعره طلع جنيه لفوق.

والسعودية مش مصر, الدنيا هناك أفضى من هنا بمراحل من ناحية التكدس, وخفض سعر العربيات مش هيأثر بصورة سلبية عندهم زى ماهيأثر هنا.

وبأحيى حضرتك على الحملة ومع تمنياتى لها بالنجاح (مفيش حد أعرفه هيشترى قريبفلوس كتير)

Injection
20-08-2010, 07:43 AM
وحاجة تانية, ياريت اللى عدل أو هيعدل توقيعه يعدله باللينك ده

http://www.masrmotors.com/vb/showthread.php?t=32002

علشان اللينك اللى فى التوقيع الأصلى بيعامل العضو كزائر ومبيعملش log in فبالتالى محدش بيعرف يكمل الموضوع نظرا لأنه بيتقطع.

vr.w32i
20-08-2010, 09:18 AM
انا حاسس انى جاى متاخر اوى اوى اوى (what)
بس ويعلم الله كونت رايح اشترى عربيه يوم الحد MADDRIVE
بس الفكره طارت من دماغى ويله انا معاكو فى الحمله SLAM
وجارى طبع المنشورات فى حلوان

وخليها تصدى بقا ويشربوها هوما وبردو مش هنشترى ANAA7TG

الدملاوي
20-08-2010, 09:43 AM
أنا لسه داخل قارى الموضوع دلوقتى, وبصراحة مش قادر أعبر عن فرحتى بأن مواطن "مصرى" قرر يعمل حاجة ويحاول يغير من الواقع اللى حواليه, ومش هاقدر أمدح فى الحملة أكثر من اللى أتقالROSE4U.

بس فيه حاجة غايبة عنكوا يارجالة, دلوقتى القاهرة مثلا فيها 5 مليون عربية, العربية الواحدة ب100 ألف جنيه, والدنيا زحمة والطرق مبهدلة والمحاور مكسرة والحوادث بالعبيط, ده أنا بروح مدينة نصر الفجر فى ربع ساعة, أرجع الساعة 3 الضهر فى ساعة ونص وحرقة دم وعصبية للصبح بسبب غباء الناس وأثار الصيام عليهم.

فدلوقتى لو سعر العربية بقى ب 50 ألف, الناس هتشترى, والعيلة اللى عندها عربية هيبقى عندها أثنين وتلاتة, و50% من الناس اللى مامعاهمش عربيات هيشتروا, وعدد العربيات هيزيد الى 8 مليون على أقل تقدير.

حد يقدر يقولى العربيات دى هتركن فين, ولا حتى هتمشى فين فى الشارع, والزحمة اللى أساسا فى بعض المناطق ممكن تضطر تفطر فى عربيتك هيحصلها أيه, وتعداد الحوادث, والبنزين اللى غالى أصلا ومش هيكفى العربيات,ألخILIL.

البنية التحتية للبلد بايظة أصلا, والبلد ماشية بالبركة ومصر أساسا موجودة بأعجوبة, أى تغيير هيأثر على البلد لعدم وجود مساحة لحدوثه, زى زيادة المرتبات هيحصل قدامها نقص شديد فى السلع وبالتالى السلع هتغلى, وهكذا بالنسبة لأى حاجة زى البنزين والسيارات, وموضوع الجمارك على السيارات متوقع أصلا علشان موضوع الأنخفاض فى الجمارك على السيارات الأوروبية, وكان ده التصرف الصح علشان يواجهوا الزيادة اللى هتحصل فى عدد العربيات لو أنخفاض الجمارك أتطبق ومش بعيد السنة الجاية يغلوا البنزينMAD.

أنا مش ضد الحملة ولا حاجة بالعكس, أنا نفسى حد يقوم فى البلد دى ويقول لأ, وحضرتك عملت كده وأحييك على هذا, بس البلد ماشية بالبركة, وأى تغير بيحصل بيبهدل الدنيا كلها, زى علاقة أسعار البنزين بحياتنا كلها اللى هتتغير لو سعره طلع جنيه لفوق.

والسعودية مش مصر, الدنيا هناك أفضى من هنا بمراحل من ناحية التكدس, وخفض سعر العربيات مش هيأثر بصورة سلبية عندهم زى ماهيأثر هنا.

وبأحيى حضرتك على الحملة ومع تمنياتى لها بالنجاح (مفيش حد أعرفه هيشترى قريبفلوس كتير)





الحال أسوأ كثيراً مما تظن يا صديقي
هناك أسر بل واحياء وتجمعات بأكملها أفقر مما تتخيل مصر ليست القاهرة فقط
بل أن هناك داخل القاهرة من هم افقر وأفقر
الفكرة هنا هو محاولة ألتماس طريق نحو النور والحرية المسلوبة منا
نحن في أسوأ حال مرت علىتاريخنا ولابد أن نتحرك حالاً وألا المستقبل سيكون مظلم وسيكون حساب ربنا -- قبل اولادنا -- لنا عسيراً
اللهم ما بلغت اللعم فأشهد ANAA7TG

vr.w32i
20-08-2010, 09:48 AM
انا قررت اشترى عجله اتمشى بيها واركب مكروباص بقا وخلاص

luckyman
20-08-2010, 10:28 AM
هو ده الكلام الصح الصح والمضبوط الله ينور عليك
فعلا ياريت نقف وقفة ضد جشع الوكلاء والموزعين واللى بيتحكموا فى السوق يمين شمال بدون حتى اى اخلاقيات وبيفرضوا علينا موديلات معينة يا اما معيبة او محدودة وباسعار غير مبررة وباهظة والمواطن المصرى بيتحرم من اخر التكنولوجيا والتنوع لدرجة بقت مهزله نفس العربية بنفس المواصفات الجوهرية وسعرها بيتراوح بين 30 او 40 الف زيادة بسبب لون اكر كروم وجنوط وفتحة سقف وكلام فارغ لا يغير فى جوهر السيارة فى شىء والمصيبة فى ناس بتدفع كما الحال مع الكيا سيراتو او الباسات اللى ممكن تلاقى نفس العربية بفرق سعر ممكن يوصل 60 الف لنفس الموديل بسبب الجنوط وفرش جلد وخامات موكيت السيارة ومهازل
فعلا ياريت نخليها تصدى والبارومة تاكلها ياريت المجتمع يتكاتف ويكون واعى بما يكفى ويمتلك ثقافة كفاية لحماية نفسة وحقوقة ومنفرضش على نفسنا موديلات محدودة فى طور التجارب زى العربيات الصينى اللى مالهاش سوق فى العالم الا فى مصر ولية لا بس تكون بسعر زهيد
ياريت يا جماعة بس مش ننضم للحمله دى خليها تصدى بس ياريت نتوقف على الاقبال على السيارات النتجة والمجمعة محليا المليئة بعيوب التصنيع وبخامات رديئة لا ترتقى ابدا بربع المستوع المطلوب والفايدة الوحيدة بتصب فى صالح التوكيل او الصانع المحلى
اضم صوتى اليك سيدى العزيز بشدة وتقبل خالص تحياتى ودمت بود

eng_zezo
20-08-2010, 11:35 AM
تمام اوي يا عبدالله بيه
انا معاكو في الحملة ان شاء الله
واللهي الموضوع ده مضايق كل الناس بلا استثناء .....
احنا كنا في السعودية واحنا اسرة كبيرة ( ما شاء الله) فكان معانا التويوتا الاندكروزر كانت مستعملة ( لما كنا في 2006 كان جايبين وحدة موديل 2003.. وتقريبا دي تساوي سعر عربية تويوتا كرولا هنا ... الالندكروزر هنا محدش متخيل تمنها اصلا ... . اكيد كلكو تعرفوها وكانت مريحانا جدا وبتشلنا في السفر الطويل واجمدة جدا جدا وفي كل حاجة .. انما بقى لما جينا مصر .... صعب جدا نجيب حاجة زي اللاندكروزر كدة او فان على الالقل .. انا و والدي كنا محتارين جدا .. ولحد دلوقتي ....حتى هو فكر في التريوس الجراند .. تخيلو يا جماعة ...... بعد لاندكروزر الـ 4500 بيفكر في التريوس المعفنة 1500 ..دي مقارنة في انه منطق دي... بس الحمد لله لسة مجبش....حتا فكرنا في الجيب الليبرتي .. بس دي للأسف مش 3 صفوف كراسي... انا حتى بهزر مع والدي . وقلتلو خلينا في المكروباص الهاي ياس..اهو 4 صفوف واتكيف والعزم حديد هههههه
تخيلو .... 200 الف جنيه مش عارفين نجيب بيهم عربية كبيرة .. مع انها في السعودية تجيب برادو أو باجيرو...ويفيض كان ..... والبنزين كمان هنا .. سعر اللتر بنزين 95 بـ60 هللة تقريبا ...تخيلو .. يعني اقل من ربع تمن اللتر 92 هنا ..حراااااااااام.......ايه اللي بيحصل ده .... بجد الموضوع ده تعبنا جدا .... وانا لما كنت هناك كنت راكب كامري وده لما كنت في اعدادي و ثانوي ( لسة عيل صغير ) انما دلوقتي انا في رابعة جامعة واركب لانسر بومة..... ده في انه ملة ده ... المقارنة غيير عادلة اطلاقا.... ولما نسافر بنسافر بعربيتين .. هم وقرف ونكد ......انا معاكو ... ا اوعدك الموضوع ده ينتشر في الاسماعيلية ........ هنا المعارض شغالة ناااااااااااااار كل يووم بتباع تقريبا 5 عربيات او اكتر من كل معرض.... انا بتكلم على الياباني والاوربي زي الالماني وكدة بصورة خاصة ..طبعا الامريكي مش عليه رجل خالص لأنو مش كتير وعايز بنزين 95 .. المهم (
انا ليه مش من حقي مثلا كمواطن عادي اركب عربية كويسة ...... ليه ده دايما بيبقى من احلامنا ....ليه دايما العربيات اللي هيا من فئة السيدان الكبيرة .. زي الكامري والاكورد والافالون والكابرس واللومينا بتبقى بس موجودة صور على الكمبيوترات .....
انا هطبع كتيييييييييييييييير اوي اوي وكل عربية في السماعلية هيكون تحت المساحات فيه ورقة وفي الجوامع الكبيرة بعد الجمعة وفي الاسواق الكبيرة زي مترو .....وكل صحابي هقولهم ونوزع سوا .. لازم الموضوع ده يتخططلو وبتنفذ صح.... واسف على الاطالة .. ده بس من الكبت اللي جوايا
والسلام خير الختاام

vr.w32i
20-08-2010, 12:05 PM
هو دا الشغل انا طبعت الورقه ونازل انهاردا بعد الفطار اطبعهم فى اى مطبعه وورونى بقا هيكسبو ازى

aateya
21-08-2010, 12:43 AM
حملة أكثر من رائعة المهم التضامن وفي الحقيقة هي مش بس موجهه للوكلاء في مصر بل أيضا لحبيب الملايين الغالي وزير مالية المحروسة , مع أني معدتش فاهم هي محروسة من إية بالضبط مع كل البلاوي اللي فيها

عبدالله منصور
21-08-2010, 02:27 AM
تسلموا يارجالة

zego
21-08-2010, 02:49 AM
ربنا يوفقك وكلنا معاك

abo-salama
21-08-2010, 04:19 PM
الحملة كويسة بس ياريت نعمل حملات على الفساد بشكل عام وجشع التجار فى كل السلع والخدمات والله من وراء القصد

Kemo Kono
21-08-2010, 04:40 PM
بالتوفيق ....انا معاك

MASalex
21-08-2010, 04:44 PM
خليها تصدى وموديلها يعدى

بالتوفيق ان شاء الله <!-- / message -->

بدر بسيونى
21-08-2010, 05:42 PM
ربنا معاكم وبالتوفيق ويارب يسهل والدنيا تتظبط

عبدالله منصور
22-08-2010, 01:38 AM
تسلموا يارجالة

عاوز حد يحط لى صورة كدا ويقولى اتفضل دى صور الورق اللى انا طبعته على حسابه وهنزل اوزعه

عاوز اشوف جدية كدا يا رجالة

عاوز كمان ابشركم بحاجة حلوة اوى ان شاء الله

ارسلت لكل المعارض ورق من اللى طبعناه

ومعرض معرفتش ادخله حطيت له على تحت كل المساحات بتاع العربيات اللى برا

غير كمان ان فى شباب اتفقت معاهم هينزلوا الشوارع معايا وبعد التراويح هيحدفوا الورق جوا العربيات اللى ماشية

عاوز اشوف حجات من دى يارجالة

عبدالله منصور
22-08-2010, 01:40 AM
مشكوووووورين

ياريت بس الاخ vr.w32i


يغير توقيعه وبلاش موضوع الجروب التانى دا

عاوزين الحملة نبقى احنا الى عاملنها من الالف للياء

وطالعة مع الموضوع اللى هنا بلاش جروبات تانية

وللعلم الجروب التانى الى انت حاطط لينكه فى ناس غير مصريين كمان يعنى تقريباً معمولة بشكل عربى

احنا بتاعنا لكل مصرى يابرنس

ارجو تعديل توقيعك ونشر الجروب بتاعنا احنا

عبدالله منصور
23-08-2010, 03:20 AM
للرفع

مش عاوزين الموضوع يقدم يارجالة

fineart607
23-08-2010, 11:25 AM
,والله فكره حلوه بس الواحد جاب خلاص ومش اعتقد ان ظروف الواحد تخلية هيشترى عربيه تانى
بس فعلا لازم نخرج من السلبية دى
وكده كده انا مش هجيب عربيه تانى فانا معكم خليها تصدى وموديلها يعدى

aymanay32
23-08-2010, 05:02 PM
المشكلة مش في الوكلاء ولا التجار (بغض النظر عن كونهم ولاد 250 في 544)
المشكلة الكبرى في مشيخة المنصر الي فارضة جمارك ليس لها اي مبرر او معنى غير "عايز تجيب عربية *********؟ معاك فلوس يعني؟ طيب تجبلنا معاك واحدة... آه هو كده، عاجبك ولا لا؟)

ليه ادفع زيادة 40% على عربية 1600 cc سوري يعني معفنة ولا تسوى بمقاييس العالم كله؟
طيب ليه ادفع 100% ولا 230% علشان اركب عربية نضيفة؟
على اساس اني ***** يعني ومش من حقي فلازم ادفع لاسيادي الاتاوة؟
طبعا الي هيقولي الجمارك دي الهدف منها حماية الصناعة الوطنية هرد عليه ***************
باً


الهدف مش حماية او دعم الصناعة المصرية

الهدف دعم و اثراء كبار رجال الاعمال فى البلد و الذين هم اصحاب مصانع تلك السيارات و عاوزين يقنعوا الناس و انفسهم انهم هم اصحاب البلدPOLICEE

aymanay32
23-08-2010, 05:10 PM
و ياريت كمان حملة غير دى تكون هدفها خروج قرار بالغاء قرار دخول السيارات الى مصر بموديل اقل من 5 سنوات و تخفيض فى الجمارك للفرد المواطن المصرى لسيارته الشخصية مرة واحدة كل 10 سنوات 80% اعفاء جمركى و ذلك لكون السيارة استعمال شخصى و حظر بيعها لمدة 5 سنوات حتى لا تكون وسيلة لتجار السيارات
بس للاسف الحكومة دى مش هتعمل كدة عشان الحكومة دى مش بتاعة الشعب
و لما يبقى للشعب حكومة يبقى نتكلم فى الجروب عن طلباتنا كشعب و اقتراحتنا لمستقبلنا و مستقبل بلدنا

elensaan
23-08-2010, 08:27 PM
انا عاوزها تصدي <o:p></o:p>
. انا عاوزها تصدي <o:p></o:p>
. انا عاوزها تصدي <o:p></o:p>
. انا عاوزها تصدي<o:p></o:p>
. انا عاوزها تصدي <o:p></o:p>
. انا عاوزها تصدي <o:p></o:p>
انا عاوزها تصدي <o:p></o:p>
<o:p> </o:p>
<o:p> </o:p>
وهتصدي لما الموديل يعدي<o:p></o:p>
. وهتصدي لما الموديل يعدي<o:p></o:p>
. وهتصدي لما الموديل يعدي<o:p></o:p>
. وهتصدي لما الموديل يعدي<o:p></o:p>
. وهتصدي لما الموديل يعدي<o:p></o:p>
. وهتصدي لما الموديل يعدي<o:p></o:p>
وهتصدي لما الموديل يعدي


بس انتو عارفين المشكلة فين يا جماعة؟
ان هنا في مصر الحديد كل اما بيصدي تمنو بيزيد
يعني عربية بيجوه 79 كانت سنة 79 بكام؟
اعتقد 4الاف جنيه؟
النهاردة باربعين الف جنيه
وانا لو حطيت 4الاف من ساعتها للنهاردة هيكونو النهاردة كام؟
ممكن حد يجاوب؟


4BY4

<o:p></o:p>

elensaan
23-08-2010, 09:18 PM
مجهود مشكور
بس عاوزين نعمل منشور علي شكل اعلان يعني ميستغرقش ثواني لقراءته
علشان الوقت اللي احنا فيه الكل مستعجل
يبقي لمحة يكون عرف الموضوع

issoPolo
24-08-2010, 12:05 AM
مجهود رائع منك يا bam و انا حاسس ان انت شغال لوحدك انا ولله لولا الدروس و المذاكرة كنت تزلت طبعت و وزعت و لكن كل يوم درس و واجبات بس انا طالع عمرة يوم الخميس الجاي لمدة 10 ايام و هرجع على الوقفة هدعلكوا بالتوفيق !

anies1
24-08-2010, 03:02 AM
انا مش عايزها تصدى انا عايزها تولع وتنفجر فى الكلاب اللى نافخنا دول .

السيد العيسوى
24-08-2010, 12:06 PM
والله فكره ممتازه 000 انا كنت رايح اشترى والفكره دى وقعت فى طريقى
والان خليها تصدى وموديلها يعدى

hisham750
25-08-2010, 11:41 AM
بجد ده حملة مهمة جدا وانا شايف ان لازم كلنا نشارك فيها بس المهم ان الناس يفهموا المعني لان في ناس مجرد مبقي معاه الفلوس مبيفكرش غير في الشراء بدون وعي اصحوا يا جماعة وفكروا كويس اوي في نوع العربية والبدائل المتاحة وخلوا بالكوا دولقت في عربيات مستعملة احسن من الجديد يعني بدل عربية صيني تعبانة ممكن تركب يباني قديم وحيبقي احسن او اكبر وانعم موتور
وكمان اسعار العربيات ده غالية علي الفاضي الاسعار الموجودة في مصر مش موجودة في حتة تانية وده فتح مجال للشركات تنتج منتج ضعيف وتكسب فية كويس اوي في مصر استغلوا السرقة والكدب والنصب من الوكلاء ونوم حماية المستهلك .... يريت نقدر نعمل حاجة في سعر السيارات في مصر علشان الواحد اتخنق اوي من حاجات كتتتتتتتتتتتتتتير جدددددددددددا

andiamo
25-08-2010, 12:00 PM
بجد فكرة تحفة الله يخرب بيت التجار الجشعين على الجماركعلى الضرايب
انا كنت هشترى البرافا مستعملة هأجلها للسنة اللى جايه لعل وعسى يحصل اللى اتفقنا علية

yaser4050
25-08-2010, 01:01 PM
كفاية بقي نصب و استغلال كلنا عارفين ان كل العربيات الزيرو اللي جاية من برة بتبقي زبالة المصانع ومرتجع السوق الاوروبي او الاسواق الاجنبية عامة ويجو يبيعوهالنا هنا وادفع بالضعف واكتر وفي الاخر عربيات كلها عيوب ومشاكل علشان النصب والسرقة لاء خليهالهم بقي وانا متضامن مع الحملة
كلام مظبوط - أولا شوف فخر الواحد بما يركب عربية مواصفات خليجى هو مفيش حاجة اسمها مواصفات خليجى و مواصفات مصرية و مواصفات موريتانية الخ. العربية طالعة من مصنع واحد و الفرق ممكن يكون بين أوروبا و أفريقيا لكن موش العودية و مصر
ثانيا العربية تيجى مصر يتشال منها حاجات و تتبدل فالبديل يبوظ تروح تشترى الأصلى من التوكيل اللى المفروض انها متشالة من عربيتك بأسعار خرافية.
ثالثا: انخفاض الجمارك هايحصل فى 2019 تريجيا من الآن لكنهم وجدوا بديل للجمارك وهو رفع الضريبة على السيارات المستوردة جدا و اجراءات اخرى ليحكموا خنق الشعب المصرى الذى يمثل العدو العبيط للحكومة و الرأسماليين او اسمحوا لى باستخدام اللفظ المناسب فى حالة الاستعمار التى نعيشها (الاقطاعيين)
رابعا فيه ناس عندنا مع الأسف أول ما يبقى معاه تمن العربية يجرى يشترى أو واحد مكانش لاقى فلوس وربنا أنعم عليه يجرى يتمنظر و يجيب العربية و يقول انا معايا انا حر
دا موش حر دا معندوش مبدأ فى حياته لأنة سمح لحد تانى يضربه على قفاه و تم استعماله لضرب الآخرين
يجب ان نقف وقفة رجالة فعلا و ناخد الموضوع جد لمدة أشهر بس
موش هانموت من غير عربيات
انا شخصيا كنت رياضى جدا كنت العب تايكوندو ثم ملاكمة ومع رفع اثقال و كرة قدم و عدو و لما جبت العربية بقيت بكرش و بعت العربية من سنة و قررت امشى على قد ماقدر و الحمدلله احسن دلوقتى و أقسم بالله امامكم و اشهد الله انى لن اشترى سيارة الا بالسعر العالمى مثل دول الخليج و غيرها
أخيرا بلدنا بتنهد علينا و احنا بنساهد اللى بيهدوها و يجروا على برة
ولادك أو حتى المساكين مايستهلوش انك تتدافع عن بيتهم و قوتهم.
خليك ايجابى و انضم للحملة دى و غيرها يمكن دورك انت يعدل حاجات مايلة كتير
(ان الله لا يغير ما بقوم حتى يغيروا ما بأنفسهم ) صدق الله العظيم
آسف جدا ع الاطالة

buzzmusic
25-08-2010, 01:07 PM
ادينا في ايد بعض فى عمل الانتشار ودا الاهم جداً جداً ونقل الموضوع في جميع المنتديات سواء كان خاصة بالسيارات اوي غير السيارات نكون على قلب رجل واحد

yaser4050
25-08-2010, 01:09 PM
مشاركة منقولة

قبل بضع سنوات استيقظ الشعب الأرجنتيني صباح أحد الأيام وإذا بتجـّار الدواجن والبيض قد اتفقوا على رفع سعر البيض كلهم مرة واحدة ، عقدوا اتفاقهم دون أن يفكروا في لحظة واحدة أن هناك من لا يستطيع أن يجد قوت يومه وأن هناك من يكّد النهار والليل ليسـّد رمق أطفال جياع هل تعلمون لماذا ؟ لانهم تجـّار جشعين حثالة لايهمم إلا أن يملئوا جيوبهم بأموال الناس كيفما اتفق .
فماذا حصل بعد ذلك ؟
الشعب الأرجنتيني شعب متطور وشعب يفهم الحضارة ويعرف القوانين ليس كالشعب الـ..........، لقد كان المواطن الارجنتيني ينزل الى السوبرماركت ويأخذ البيض وعندما يجد سعره مرتفعاً فإنه يعيده إلى مكانه ويقول : لا بأس ، ليس هناك داع للبيض حالياً ، لايضر أبنائي إن تركوا البيض لفترة بسيطة ، فالأكل ولله الحمد متوفر ،، كان هذا هو حال جميع المواطنين الأرجنتينيين ، لقد كان الشعب الأرجنتيني متفقون فكرياً فيما بينهم فعندما وجدوا ان سعر البيض مرتفع تركوه في السوق. (خلـّوه يفسد) .
فماذا تتوقعون انه حصل بعد ذلك ؟
بعد أيام وكالعاده تأتي سيارة التوزيع الخاصة بشركة الدواجن لتقوم بتنزيل الكميات الجديدة من البيض ولكنهم فوجئوا بأن اصحاب المحلات يرفضون إنزال أي كميات جديدة نظراً لأن البيض الذي لديهم مازال كما هو لم ينقص لأن الناس عزفوا عن الشراء ، فقام التجـّار بإعادة الكميات إلى مستودعاتهم وقالوا لنصبر أياماً قليلة لعل وعسى أن يعود المواطنين لشراء البيض ، انتظر التجـار أياماً وانتظر الشعب أياماً وانتظروا وانتظروا ،،، ولكن هل تعلمون من هو الخاسر في فترة الانتظار هذه ؟؟
هل هم المواطنون الذين لم يأكلوا البيض ؟؟
أم حثالة التجـّار الذين رفعوا سعر البيض ؟؟
ولا تنسوا أن الدجاج خلال فترة الانتظار مازال يبيض ويبيض ويبيض فالدجاج واصل إنتاجه ويابلادي واصلي ،،،،، وتورط حثالة التجـار بالبيض الذي ملأ الدنيا فقد تكدّس البيض في الثلاجات والمخازن والمستودعات والبقالات دون وجود مشترٍ ، والدجاج الخائن في المزارع قد اتفق مع المواطنين وواصل إنتاجه من البيض ولم يتوقف ، وأصحاب محلات التموين لم يطلبوا أي طبق بيض فالبيض الموجود لديهم بالأسعار الجديدة مازال متسمّراً في الرفوف ،،،، وبعد عدة أيام اتفق التجـّار الحثالة ولكن هذه المرة اتفاقاً جديداً وهو بيع البيض بسعره السابق قبل الارتفاع ،، ولكـّن الشعب الأرجنتيني الأبّي رفض أن يشتري البيض مرة أخرى ،، وذلك لكي يتأدب التجـّار ولا يعودوا لمثلها ،، فعاد التجـّار وخفضوا من سعر البيض مرة أخرى ولكن الشعب العظيم لم يشتري البيض . فكاد عقول التجـّار أن تزول ، فالخسائر تتراكم والموت قادم ( وليش تحط راسك براس الشعب الأرجنتيني ،، على بالك هذا الشعب العربي)
أخيراً وبعد كل هذا اتفق حثالة التجّار الخاسرين وهم خاسئين بأن يبيعوا البيض بربع سعره قبل الارتفاع مع تقديم اعتذار رسمي للشعب في الصحف بعدم تكرار ماحدث واصبح الشعب الأرجنتيني العظيم فائزاً في معركته مع التجار وفائزاً بأنه يشتري البيض بخصم 75% من سعره الأصلي . وهنيئاً للشعب الواعي ، الشعب المتفق فكرياً والعارف بمصلحته ،، لقد مسحوا وجوه التجـّار بالتراب وداسوا عليهم بأقدامهم .
بعد كل ماسبق ذكره نعود إلى العربي وإلى تجّار السيارات وحملة (خلوها تصدي)
إذا توقف الناس عن شراء السيارات فماذا يحصل ؟؟
1- تشاهد البائعين في شركات السيارات وهم يلعبون السودوكو على مكاتبهم.
2- تبقى السيارات في الأحواش ويغطيها التراب .
3- السيارات الموجودة في الموانئ يدفع التاجر عليها أجراً بالساعة فالمساحة التي يأخذها التاجر في الميناء بالإيجار وليست ملكاً لأبوه ولا يستطيع أن يأخذ السيارات التي في الميناء للمستودعات لأن المستودعات مليئة ويجب البحث عن أماكن أخرى آمنة لوضع السيارات الجديدة فيها
4- هناك بواخر قد وصلت للميناء وتحمل آلاف السيارات وحتى يتم إنزالها في الميناء يجب إفراغ الميناء من السيارات التي قبلها ،، ولكن السيارات لاتزال في الميناء ،،، ووقوف الباخرة في الميناء مكلّف للشركة المشغّلة للباخرة وكل ساعة وقوف للباخرة محسوبة على الباخرة بالإيجار فهي إما أن تنزل حمولتها وتغادر أو تغادر بحمولتها .
5- طيب ،، هناك العديد من البواخر قادمة في الطريق غير هذه التي وصلت للميناء ،، ماذا سيفعل التاجر؟
6- سيتصل التاجر بالشركة الأم ويخبرهم بوضع السوق وأنه لايرغب باستقبال أي سيارات حالياً ، فالمستودعات والمخازن امتلأت بالسيارات وكذلك الميناء الذي يحسب الساعات بالإيجار قد امتلأ .
7- ستضطر الشركة للصبر فترة ويضطر التاجر للصبر حتى يؤدب الشعب اللئيم،، وينتظر وينتظر والأيام تجري والموديل يعدي ، وتقوم الشركة بخفض الإنتاج ، ثم خفض عدد العاملين ، ثم يكثرون الموظفين الذين يلعبون السودوكو عند (الوكيل) في البلاد العربيه بعد أن كانوا يحصلّون الأموال من المواطنين من بيع السيارات التي قيمتها 40 الف ريال بـ 125 ألف ريال .
8- ولكن التاجر مازال يكابر ويقول اننا سنزيد اسعار السيارات 10% وحملة المقاطعة لم تؤثر علينا ، وهو جالس في مكتبه يبكي ربع ساعة ويلعب السودوكو ربع ساعة .
9- ثم اتصل (الوكيل) بالصحف المحلية وقال لهم: أنا ادفع لكم ملايين كل شهر عشان نعلن عن سياراتنا عندكم وانتوا تتكلمون عن حملة خلوها تصدي وتقولون انها أثرت على (وكلاء السيارات) ، ويكمل حديثه : اسمعوني زين لو شفت أي جريدة تتكلم عن الحملة أو تمدحها والله ماعاد نحط فيها إعلان واحد عن سياراتنا فهمتوا . ورؤساء التحرير يردون عليه : اوكى اللي تبيه يصير بس لاتوقف إعلاناتك عندنا.
10- بعد ذلك يعود التاجر (الوكيل) إلى مكتبه يبكي ويقول : ويلك أيها الشعب ، والله أن أوريكم ، تبون تخربون بيتي
11- ومازال (الوكيل) رافعاً أسعاره ويكابر ،، ومازال الشعب مقاطعاً وصابراً ، ولا بأس أيها الشعب فاصبر واصبر فالسيارات ليست كالأرز فهي لاتؤكل .
ختاماً ،،،،،،،،،،،،،،،،
أيها الشعب العربي استفد من قصة الشعب الأرجنتيني وتعّلم وطبّق قانون العرض والطلب كما تطبّقه باقي الشعوب حول العالم.
استمروا في حملة خلوها تصدي وطبقّـوها على جميع التجـّار

mercedes
25-08-2010, 02:14 PM
السلام عليكم و رحمة الله و بركاته



yesyesyesyesyesyes



مرسيدس اس430

cobra
26-08-2010, 05:41 AM
كنت هشترى عربيع مستعمله بس قررت استنى يمكن اقدر اجيبها زيرو HPPYBUSHPPYBUS
خليها تصدى وموديلها يعدى

lol64
26-08-2010, 07:23 AM
احسن يارجاله مصر هو ده الشعب المثقف الواعى وانا كمان ادعم الحمله دى والايام هاتورينا اللى هايحصل ان شاء الله خير

طاهرالمصرى
26-08-2010, 03:36 PM
السلام عليكم و رحمة الله
معكم إن شاء الله

عبدالله منصور
27-08-2010, 02:10 AM
اعتذر عن عدم متابعتى لكثرة مشغولاتى

اتمنى ان اجد من قام بمساعدتى وطبع المنشور الأول

هل هناك من طبع المنشور الأول ؟؟؟

ان كان هذا تم فأخبرونى لكى اجهز بالمنشور الثانى

ملحوظة : المنشور الاول الآن يوزع بالمحلة وطنطا والمنصورة

كل دا مجهود شخصى هتحطوا يدكوا فى ايدى امتى بقى وتطبعوا فى مدنكم كمان ؟؟

عبدالله منصور
27-08-2010, 02:13 AM
اعتذر عن عدم متابعتى لكثرة مشغولاتى

اتمنى ان اجد من قام بمساعدتى وطبع المنشور الأول

هل هناك من طبع المنشور الأول ؟؟؟

ان كان هذا تم فأخبرونى لكى اجهز بالمنشور الثانى

ملحوظة : المنشور الاول الآن يوزع بالمحلة وطنطا والمنصورة

كل دا مجهود شخصى هتحطوا يدكوا فى ايدى امتى بقى وتطبعوا فى مدنكم كمان ؟؟

يوسف سليم
27-08-2010, 07:05 AM
موضوع هايل جداً وإن شاء الله في الحملة دي أكون معاكم أكيد ... وخلاص مش هعمل زي ما حصل من قبل
حصل ايه ... سمعت في التلفاذ من حوالي 10 شهور أو أقل عن موضوع الاحتباس الحرارى وأن كل بيت في مصر لازم يطفي النور لمدة ساعة مش فاكر الان كانت كام بالضبط ولكن وقتها كنت عارف وبصراحة كنت ناوي ولكن وقت الحملة بتاعت موضوع الاحتباس الحراري .. كبرت دماغي وقلت على اساس اني مصري وكل حاجة في مصر خربانة وكده هو يعني جت عليا انا وبعدها وبصراحة حسيت اني سلبي اوي اوي اوي وخجلت من نفسي .. ومش عيب اني اعترف بخطئي ولكن العيب اني اتمادا في الخطأ وأكون سلبي .. مع خالص تحياتي

medo el sayed
27-08-2010, 10:37 AM
فعلا لازم وقفة جادة علشان يحس بيها وكلاء السيارات للحد من اسعارهم انا من السويس كل يومين تلاقى الميناء مكدسة بالسيارات و لازم كلها تطلع و لو مفيش نشترين هتقعد و دا خسارة ... فى حد يصدق ان عربية زى البكانتو او i10 فى الخليج بيشغلوها دليفيرى هنا فى مصر ب 65 و 70 الف ليه دا حرامممممممممممم و جشع و مين المستفيد غبور بيجمع فلوس زيادة و يجيب بفلوس الشعب توكيلات جديدة و منصور يأخد توكيلات جديدة فى كل شىء تكيفيات و سجاير .... الخ الخ

chap
27-08-2010, 02:56 PM
والله الحملة بتجيب فايدة انا سامع ان الاسعار بعد رمضان هتنزل
بس اكيد مش النزول الكبير بس هى بتنزل

عبدالله منصور
27-08-2010, 03:51 PM
ياشباب

نزول الاسعار

0.01 % يعتبر نجاح

بس بردو مش هتطمن ولا يهدى لى بال الا لما اعرف ان كلو بيطبع المنشورات بتاع الحملة

ياجماعة والله ماهتكلفكم 5 جنيه هتطبع 50 ورقة بالـ 5 جنيه دى ,, وال 50 شخص اللى هياخدوا الورق هيقولوا لـ 50 زيهم ومش بعيد واحد من ال 50 دول يروح يصول له 50 هو كمان

شدوا حيلكم كدا

bebo1074
27-08-2010, 03:51 PM
موضوع مهم جدااااا وخطوة اتاخرت كتير في مصر كان لازم تتم من زمان قوي انا معاكم في الحملة دي معا ضد الاستغلال ومص دم الناس في مصر معا ضد الجشع ضد الاستخفاف بالشعب المصري تحت مسميات جوفاء وشعارات خرقاء يستغل بها الشعب المصري لاغراض شخصية فقط
نعم خليها تصدي وموديلها يعدي
بس يا ريت نوحد جهودنا وننظم افكارنا بلاش تدخل في جدل خارج الموضوع بتاعناونركز علي تفعيل الحملة علي اكثر من مستوي حتي تحقق اهدافها ويا ريت كمان الحملة تخاطب كل الطبقات وكل الفئات لان دا مهم جدااااااا حتي تنجح جهودنا ان شاء الله تعالي

عبدالله منصور
28-08-2010, 02:02 AM
على البركة

اهم حاجة حتى اللى مش قادر يطبع ورق على حسابه يبلغ كل اللى يعرفهم بالحملة

عبدالله منصور
30-08-2010, 12:33 AM
عاوزين اقتراحات جديدة ياشباب

fares515
30-08-2010, 01:02 AM
نطالب اداره المنتدى المحترمين بوضع بنر لموضوع الحمله لان ده هيشهرها اكتر وكمان نعمل فروع للموضوع ده في منتديات تانيه على النت

SHA2Y_AWY
30-08-2010, 08:24 AM
علي فكره يا جماعه الفكره اتنفذت في الكويت من اكتر من سنة ونجحت جدا
مثلا سعر الكامري كاملة كان بـ 6750دينار دلوقتي سعرها كامله بـ 5600دينار
شايفين الفرق!!!!!
وبقى عليها اقبال اكتر ما كان عليها
وياريت كلنا نعمل الفكره دي بجد

SHERIF MARLBORO
30-08-2010, 12:27 PM
كل حاجه فى مصر عاوزه ثورة الحملة مش كفاية و توكيلات العربيات دول عوزين نشتريلهوات اتنين كيلوا بروما مشكلة و نوزعه على عربيتهم فى التوكيلات خليهم يقفلوا مش عوزين توكيلات احنا عوزين نستورد احسن

Mr.Mamo
30-08-2010, 12:30 PM
ممكن تطبقوا الفكرة دي علي منتج تاني
اللحمة
ايه رأيكوا نعمم الشغل شوية
يعني مش لازم علي العربيات بس

owsha
01-09-2010, 08:48 AM
معاكم ان شاء الله

ابوجاسرومصعب
02-09-2010, 06:07 PM
فكره حلوه ررررررر

mido_4up
02-09-2010, 06:51 PM
خليها تصدى و موديلها يعدى

عبدالله منصور
02-09-2010, 08:19 PM
نطبع المنشور التانى ولا نستنا شوية يارجالة ؟؟

اشرف حجازي
03-09-2010, 10:08 PM
كلام جميل وفعلا لابد من الايجابية في مواجهة الجشع المتفشي في مصر بالاخص

general mb
03-09-2010, 10:32 PM
انا محلاوى يا بوب ومعااكم فى الحمله دى :D

مبارك القناوى
06-09-2010, 04:56 AM
والله انا اشتركت على الجروب فى الفيس بوك لكن لسة عايز ناس كتير

علي هارون
06-09-2010, 05:45 AM
إلى الأمام يا رجالة وأنا معاكو قلبا وقالبا
وكان ليا استفساربخصوص صناعة السيارات في مصر
كنت سمعت ان جنرال موتورز شرطت علشان يفتحوا ان مفيش صناعة سيارات تتعمل
هل الكلام ده صحيح...؟!!!!

Injection
06-09-2010, 11:49 AM
إلى الأمام يا رجالة وأنا معاكو قلبا وقالبا
وكان ليا استفساربخصوص صناعة السيارات في مصر
كنت سمعت ان جنرال موتورز شرطت علشان يفتحوا ان مفيش صناعة سيارات تتعمل
هل الكلام ده صحيح...؟!!!!

بصراحة ومعلش يعنى الكلام ده هجص (هى جت على صناعة السيارات بس, ماكل الصناعات واقعة ومفيش ولا صناعة كبيرة ليها وزنها فى مصر) وزى نظرية المؤامرة بالظبط وبيفكرنى برده بواحد صاحبى عبيط زمان وأنا صغير كان بيقولى ماتشتروش أريال, ليه يا عم, علشان الشركة تابع أريال(أرييل) شارون.:)

عادل الشافعى
06-09-2010, 01:19 PM
ايوة كدة صح يا شباب مصر خليها تصدى ومديلها يعدى وبالتوفيق وانا معاكم

الهيكاري
06-09-2010, 04:29 PM
أنا معاكم يا رجالة في الحملة دي ، توكلنا على الله ، يا رب انصرنا على رجال الجمارك وأصحاب المعارض . دعوة صايم وراجل قايم

zego
07-09-2010, 03:39 AM
ايه يا جماعة الاخبار الخبر وصل للتوكيلات والتجار والا لسه طمنونا

عبدالله منصور
07-09-2010, 04:22 AM
طول مانا شغال لوحدى ومجهوت ذاتى الخبر مش هيوصل ابداً

ياجماعة انا هعمل بكرة ان شاء الله موضوع عشان نعرف راسنا من رجلينا

انتظروا موضوعى غداً بالقسم

تحياتى

Mr.Mamo
07-09-2010, 12:26 PM
ولا هتصدي ولا موديلها هيعدي
( لا ضرر ولا ضرار)
دا انكنت فعلا تقدر عليه

waleed116
08-09-2010, 11:51 AM
عزيزي ديفيل بلود
أحييك على غيرتك على مصر و لكن المشكلة أن المعطيات الحالية قد أفقدت الكثير من الشباب ولائهم لهذا الوطن و هو أمر طبيعي ما هو ما شفش خيرها لأننا نمر حاليا بأيام أسوأ من أيام الإحتلال فطبقة التجار و لاعبي الكرة و الرقاصون و القوادون فقط هم الذين يشعرون بالخير اما نحن جميعا فليس لنا إلا الغلاء و مضايقات المصالح الحكومية المتعفنة و البيئة الملوثة
و الكثير من الشباب لم يمر بفترات حاسمة من تاريخ مصر العظيم مثل أكتوبر 73 مثلا مما أدى بهم الى الإحساس بأنهم في بلاد بلا هوية (من وجهة نظرهم طبعا) و هو شعور عام حاليا بين الكثير من الشبان و خاصة في ظل نهش التجار لكل شئ بل ووصولهم الى مراكز اتخاذ القرار و اتيانهم بما يخدم مصالحهم فقط

مين الي بيغير علي البلد ؟

اذا كانت البلد مش بتعترك بشر اساسا ؟ واذا كانت اللبد بتحتقرك لانك بتحمل جواز سفرها القميئ .... الي اصلا ملهوش اي معني في مكان في العالم ؟

ياريت لما نحب نتكلم ونتحاور ... نكون واقعيين في كلامنا ... ثم العالم مش مسني رايك عن بلدك ... لانهم عارفيين حجمك ووضعك ... الي بقياده المرتزقه ... اصبحت رخيص ولا تسوي فلس (راي احد الصحفيات في دوله عربيه ) .. وكان رد وزاره الخارجيه المبجله ... نحن اشقاء واخوه ومصر بتترفع عن الصغائر !!!!!!!!!!
.... بلاد بلا معني وهويه .... صحيح بلاد بلا معني او اي هويه...اي شعب لما يحب يعرف عن نفسه .. بيقول انا عملت كذا او كذا . احنا ايه عملنا .؟؟؟؟ خربنا كل شيئ وكل معني وكل قيمه . حتي اثارنا سرقنها وصدرنها بابخس الاثمان الي الخارج .

النهايه ....

ابستم لانك انسان بلا هويه وبلا وطن وبلا معني .... ووطن يعني امان (صح ) ؟

هل احنا هنا في امان ؟؟؟؟؟؟؟ في حد فيكم في الشارع في امان ؟؟؟؟ هل حد فيكم بيامن علي امه او اخته .في اي مكان ؟

انا احيا في بلاد بلا هويه او معني .....
شكرا ...

gadix
08-09-2010, 12:42 PM
أنا معاكم
انا مقاطع شراء الجديد الا لما الجمارك توصل صفر %
انا مش بسرق عشان ارمي تعبي و قوت عيالي في كرش اي حد ميستاهلش غير الحرق بجاز وسخ
و لما احتاج عربية هشتري مستعمل

aaaaa72
08-09-2010, 07:41 PM
ان شاء اللة هنخليها تصدى وموديلها يعدى قولو آمين وان شاء اللة مشهنخلى مكان فى مصر ميشفش وميسمعش عن الحملة دىكل المواقع المتخصصة والغيرمتخصصة فى السيارات هنكتب فيها هنتكلم مش هنسكت تانى تعبنا من السلبية وآن الاوان نتكلم علشان كل الى بينهبو وبيسرقونا يتحاسبة ووقت الحساب قرب وعلى فكرة الكفن ملهوش جيب وربنا يخلى الشباب الحر الوطنى الى بيخاف على بلدة مصرررررررررررررررر

عبدالله منصور
09-09-2010, 03:53 AM
بسم الله الرحمن الرحيم

السلام عليكم ورحمة الله وبركاته
--

انا هدخل فى الموضوع على طول وبلغتنا العامة عادى جداً عشان نقصر المسافات

اولاً هل يرضيكم انا لوحدى او شخص واحد يتحمل كل حاجة عن الحملة بالطريقة دى ؟

انا ياجماعة بتولى كتابة منشورات الحملة اللى نزلنا المنشور الاول
وعملت جروب الحملة والموضوع هنا


كل دا عادى

تعالوا بقى للحركة المادية

انا طبعت الورق فى المحلة والمنصورة وطنطا واعداد ضخمة على حسابى ياجماعة

امتى حد هيشارك منكم ؟؟

سؤال لو اخدت الورقة ورحت اى مطبعة واديت لبتاع المطبعة 5 جنيه هيصورهالك 50 نسخة

الحملة نالت اعجاب ومؤيدين كتير ومش عارف اوصفلكم ايميلى اللى بقى فعلاً صندوق بريد بمعنى الكلمة والالاف يؤيدونا


لو افترضنا ان 100 شخص فقط من الحملة

كل واحد دفع 5 جنيه

= 500 جنيه فى 50 ورقة = 25000 ورقة انطبعت

ياجماعة ارجوكم 5 جنيه مش كتير والله

وهتساهموا معانا فى الحملة وهتنزل اسعار السيارات الاف الجنيهات مش 5 جنيه


انا هعمل زى عمرو أديبايه ياترى


عايز ناس ترد عليا تقولى هنطلع موضوع المنشور الاول وهنطبع بمبلغ كذا على حسابنا ونوزعه فى مدينة كذا

^^ ياترى هلاقى الناس دى ؟


لو كل واحد قال هو انا يعنى الى هغير الكون حالنا مش هيتصلح ولا هننجح ابداً

حط فى دماغك انك عامل اساسى او حتى تبقى شاركت بنصيب كبيير وان شاء الله ربنا هيكرمنا



منتظر ردود من ناس تقولى انا هطلع المنشور واطبعه بمبلغ كذا واوزعه فى مدينة كذا

منتظركم

geuvara_2010
09-09-2010, 05:08 AM
اكيد في ناس

عبدالله منصور
09-09-2010, 05:26 AM
وصلنى حالاً على الخاص واحد مستعد يتبرع ب 100 جنيه للحملة

ماشاء الله دى الناس ولا بلاش

انا رفضت انه يحولى المبلغ وياجماعة اى تحويل مبلغ ليا مرفوض نهااااااااائى ومش عاوزين اى كلمة من حد عاوز يخرب علينا الحملة انا مش هاخد جنيه واحد من حد هو طبعاً كان عاوز يحولهالى وانا اطبع واوزع بس الكلام دا مرفوض

انا جبتلكم المنشور لحد عندكم خدوه على فلاشة وعلى اى مكتبة تصوير عاوز اطبعه هيطبعوه لكم

النهاردة الوقفة كل سنة وانتوا طيبين

لو قدرنا نطبع شوية حلوين النهاردة ونوزعهم بكرة فى صلاة العيد وفى صلاة الجمعة هنبقى حققنا نجاح كبير اوى والله

منتظر ناس زى الراجل المحترم اللى بعتلى على الخاص دا

Mr.Mamo
09-09-2010, 11:40 AM
ربنا معاكو

abo-salama
09-09-2010, 05:11 PM
ربنا معاك الى اقدر اعمل هأخر شرا العربية لمعرض الأهرام

عبدالله منصور
09-09-2010, 05:19 PM
استمرارً للحملة تابعوا معنا هناكـ :

http://masrmotors.com/vb/showthread.php?t=34481

عبدالله منصور
09-09-2010, 05:23 PM
مفيش مشكلة اللى يقدر يعمل حاجة يعملها

وممكن واحد يتكلم عن الحملة ويبلغها للجميع

مع ان بردو 5 جنيه مش كتير ولا ايه ؟؟


عموماً ربنا معانا يارب

الكشفى
09-09-2010, 06:14 PM
طب ياريت تنزل المنشور وترفقة فى مرفقات الموضوع بحيث احنا ممكن ننزلة ونصورة ونوزعة برضو لانك مش هتعرف توصل عندنا فى الصعيد وكدة بيقى الانتشار اوسع

عبدالله منصور
10-09-2010, 03:47 AM
شكراً لرد حضرتك وياريت ينتشر فى الصعيد انا اسمع ان ماشاء الله تبارك الله الصعيد بيركبوا احلى واحدث عربيات

عبدالله منصور
11-09-2010, 01:54 AM
للرفع

ياشباب متنسوش الحملة

فى العيد كل الاصدقاء بتتجمع والعائلات كذلك

ارجوكم افعلوا اضعف الايمان وابلغوا اقاربكم واصدقائكم بحملتنا

وكل عام وانتم بخير

abo-salama
11-09-2010, 02:09 AM
كل سنة وانت طيب

عادل الشافعى
11-09-2010, 02:45 AM
كل سنة والامة الاسلامية بخير بمناسبة عيد الفطر المبارك ودى احسن فرصة علشان الناس كلها بتتجمع مع بعض نقول لكل الناس كل الى نقابلة نكلمة عن الحملة وان شاء اللة هنعرف كل الناس وهنوضح ليهم عن كل حاجة عن التوكيلات وان شاء اللة هنخليها تصدى وموديلها يعدىقولو آمين يا شباب مصر افتكرو ان احد التوكيلات اعلن فى رمضان عن تخفيض 100الف جنية ؟والتوكيل التانى الى اعلن عن دفع اول5 اقساط دة تخفيضات حقيقى يعنى شوفو المكاسب الى بيكسبوها خيالية واللة دة حرام دة سرقة عينى عينك وللاسف احنا الى بنشجعهم على انهم يسرقونا يا شباب اصحوا كفاية نوم بلاش كل واحد يقول انا مش هصلح الكون لازم تكون ليك كلمة اتكلم وبلاش تسكت ربنا هيحاسبك على سكوتك ANAA7TG

عبدالله منصور
11-09-2010, 12:25 PM
وانت بالصحة والسلامة

نحمد الله على كل حال ونأمل فى التغيير

تابع معنا :

http://masrmotors.com/vb/showthread.php?t=34481&page=2

عبدالله منصور
11-09-2010, 12:26 PM
وانت بالصحة والسلامة يالغالى

د. ضياء ناجى
12-09-2010, 11:07 AM
انا عن نفسى كنت واخد قرار الشراء قريب جدا ..لكن معنديش مشكله انى اؤجل الموضوع

واعتبرونى معاكوا ف الحمله .. وياريت حد يحط هنا لينك الحمله اللى ع الفيس بوك

ربنا يبارك فيكوا ويعينكوا

عبدالله منصور
12-09-2010, 05:36 PM
يسعدنا انضمامك يادكتور

تفضل لينك الحملة

http://www.facebook.com/#!/group.php?gid=137840342919658&ref=ts

madhat
13-09-2010, 06:46 AM
فكرة ممتازة . أنا كنت محوش 1000 جنية هأدفعه مقدم موتسكل حلاوة صينى بس والله هأجل الموضوع

حسام البورسعيدى
13-09-2010, 07:01 AM
وانا معاك يا باشا فى الحملة ...

ده حتى احنا ولاد بورسعيد اللى كان عندنا العربيات المنطقة الحرة بتترخص جديدة وكانت لوز لغوهالنا من 3 سنين واقتصرت على العربيات المستعملة بس وهتتلغى فى 2011 كمان وممكن يدفعونا جمارك ...

علشان تركب عربية جديدة اقل واجب خااااااااااااااااااالص 60 الف جنية ...

حرااااااااااااااااااااااااااام ومتلاقيش عندنا الا الاصدارات المواتير الصغيرة يعنى اقصى حاجة 1600 سى سى باستثناء الجيب و المرسيدس والبى ام والعربيات العالية دى اللى تمنها فوق السما ...

طب بالزمة مش حراااااااااااام !!!!!!

معاك فى الحملة يا باشا ويارب نقدر نغير فعلا .....

عبدالله منصور
13-09-2010, 08:23 AM
يامرحب بيك يابوالعربى :)

منور وياريت بس تقعد فى قعدة على كافيه ولاقهوة كدا وتقول الحوار بتاع الحملة دا

انا واثق ان تانى يوم بورسعيد كلها هتعرف


منور يابرنس

meemee
13-09-2010, 09:17 AM
والله هو كلام منطقي بس قابلني لو اتطبق
لمليون سبب
1- انا لو معايا فلوس ولاقي ت اي عربية لقطة هشتريها في ساعتها وهانسي الكلام ده
2- ويوم في مواصلاتنا الجملية يخليك تبيع اللي وراك واللي قدامك وتجيب عربية باي طريقة
3- السبب الحقيق ف رخص العربيات في السعودية انهم فلوسهم كتير وبغيروا عربيات بسرعة زي الموبايلات كده وهم شعب مستهلك وبيغيروا من باب الفشخرة

meemee
13-09-2010, 09:21 AM
وانا معاك يا باشا فى الحملة ...

ده حتى احنا ولاد بورسعيد اللى كان عندنا العربيات المنطقة الحرة بتترخص جديدة وكانت لوز لغوهالنا من 3 سنين واقتصرت على العربيات المستعملة بس وهتتلغى فى 2011 كمان وممكن يدفعونا جمارك ...

علشان تركب عربية جديدة اقل واجب خااااااااااااااااااالص 60 الف جنية ...

حرااااااااااااااااااااااااااام ومتلاقيش عندنا الا الاصدارات المواتير الصغيرة يعنى اقصى حاجة 1600 سى سى باستثناء الجيب و المرسيدس والبى ام والعربيات العالية دى اللى تمنها فوق السما ...

طب بالزمة مش حراااااااااااام !!!!!!

معاك فى الحملة يا باشا ويارب نقدر نغير فعلا .....


اللي بيحلمو بيشجعوا واحنا معاهم
شجع كوكاكولا

حسام البورسعيدى
13-09-2010, 09:29 AM
اللي بيحلمو بيشجعوا واحنا معاهم
شجع كوكاكولا

يا سيدى مهو لو احنا يا مصريين قعدنا نقول الشعارات الفاشلة دى (يعنى جت عليا - مصلحتى اولا - احنا هانغير الكون) اوعدك اننا عمرنا ما هنتقدم

وبعدين يا سيدى اهى محاولة مش يمكن يا اخى تيجى بفايدة ولو بسيطة حتى !!!!

وبعدين احنا قاعدين فى بيوتنا وبنشارك عن طريق النت يعنى من غير تعب يبقى مانحاولش لية ؟؟؟؟؟

انا بايد الفكرة والحملة ومعاكو باذن الله ...

fikreyabdelfatah
13-09-2010, 10:07 AM
والله كلامك معقول جدا وهيخلي الاسعار تنزل بس ياريت الكل يلتزم بيه وده فيه فايده كبيره لكل الفئات وياريت نشجع بشراء المستعمل وياريت نجدد الفديم زي ما بنشوف في امريكا السيارات العتيقه العجوزه اصبحت عروسه ليه مانكونش زيهم ولا احنا فالحين بس في التقليد في الحاجات التانيه طبعا قصدي معروف شكراا

meemee
13-09-2010, 10:48 AM
يا سيدى مهو لو احنا يا مصريين قعدنا نقول الشعارات الفاشلة دى (يعنى جت عليا - مصلحتى اولا - احنا هانغير الكون) اوعدك اننا عمرنا ما هنتقدم

وبعدين يا سيدى اهى محاولة مش يمكن يا اخى تيجى بفايدة ولو بسيطة حتى !!!!

وبعدين احنا قاعدين فى بيوتنا وبنشارك عن طريق النت يعنى من غير تعب يبقى مانحاولش لية ؟؟؟؟؟

انا بايد الفكرة والحملة ومعاكو باذن الله ...




كانوا فالاحو في موضوع مقاطعة اللحوم واهي حاجة مهمة ومع ذلك الكل كبر دماغه ومنه اللي دور ع بدائل تانية وكل كام واحد واحد بفكر يشتري عربية وانما كل كام واحد واحد ياكل لحمة كلهم
والله ولي التوفيق

mohamed1
14-09-2010, 05:42 PM
كويس انى قرأت الموضوع ده دلوقتى
كنا لسه هنشترى عربيه جديده
بس كده يبقى نستنى شويه مش هيحصلنا حاجه

وخليها تصدى وموديلها يعدى

booooy
15-09-2010, 12:29 AM
انا لقيت الجروب واشتركت فيه بس للاسف لقيت الوول بتاع الجروب مش عليه حاجة خالص تخص الموضوع وكل واحد بيعلن عن منتج او واحد بيمسى على واحد مينفعش يا جماعه كده احنا عايزين نأيد الحملة دى بجد
وافضل حاجة اننا نوزع ورق فى الجامعات بالموضوع ده ونحاول ناخد موقف بجد احنا مش صغيرين يعنى وكفاية لحد كده بجد حرام اسعار العربيات فى كل البلاد فى النازل اشمعنا احنا يعنى نفسى اعرف ليه هو احنا ناس ساذجة اوى بالدرجة دى عشان اللى ماسكين البلد يعملوا كده معانا

حسام البورسعيدى
15-09-2010, 12:36 AM
يا ريت يا باشا بس الموضوع محتاج مجهووووود وصبررررر كتير ...

بس ممكن يجيب نتيجة فى الاخر ولو 1 % اهو احسن من مفيش ...

abd000
15-09-2010, 01:35 AM
انا معاك ياباشا موضوع محترم ....... ومتخفوش ححنجح باذن الللة انا كنت ناوى اجيب وخلاص والهى منا شارى خليها عندهم لغاية متصدى وموديلها يروح فى60 داهية بس بجد مش عاوزين نياس من الموضوع متشفو لبيا العربيات فيها عاملة ازاى برخص التراب الى عندنا بارقام فلكية وتونس والجزاير كل الدول دى ياجماعة طبعا فضلا عن السعودية والخليج التويوتا لاند كروزر ب100 الف ريال سعودى الهى هنا ب 2مليون جنية وفى ناس ياما راكبها انا مش فاهم ازاى بس بجد لازمن نقف وقفة حلوة وهما كدة كدة لازمن ينزلو الاسعار عشان يبيعو وانا معاك وبيحيك ياباشا على الاقتراح المحترم دة وعندى احساس انو حيجيب نتيجة بس محتاج وقت وبعدين زى الاخ المحترم ما اتفضل اهى محولة نجحت بيقى الحمدلللة منجحتشى ادينا حاولنا وخلاص بس بلاش فعلا الشعارات الهابلة هى جت عليا وكلام من دة حراااام بقى عايزين نركب عربيات محترمة بقى زى الناس الطبيعية علي فكره يا جماعه الفكره اتنفذت في الكويت من اكتر من سنة ونجحت جداااااااااا ونزل اوى سعر الكورولا والكامرى الهما طبعا انضف من الى مصر مليون مرة ويريت بس لينك الحملة الى على الفيس بوك وشكررااااااااااااااااااااااااااااااااااااااااااااا ااااااااااااااااااااااااااااااااااااااااااااااا

عبدالله منصور
15-09-2010, 01:59 AM
مساء الخير عليكم جميعاً

كل سنة وانتوا طيبين مر رمضان بسرعة ومر وراه العيد

اولاً احب اقولكم على خبر جميل اوى وهو ان موقع مصرموتورز قرر يساندنا فى الحملة وبالفعل وافق على وضع بانر خاص بالحملة وان شاء الله هصمم البانر فى اقرب فرصة

بالنسبة للى بيقول لما الاقى عربية لقطة هشترى احب افكركم بإن الحملة للعربيات الجديدة والعربيات الجديدة سعر موحد اختلاف لايزيد عن 50 جنيه من معرض للتانى وغالباً مش بتلاقى اختلاف اصلاً

اما اللى بيقول كلنا بنشجع والكلام دا فأحب اقوله ياريتك تنضم معانا او لو مش عاوز تنضم مفيش اى مشكلة لاكن ياريت كمان متجرحش الحملة بأى كلام ملوش لزمة


فكرة عجبتنى جداً بتاع توزيع المنشور فى الجامعات

عن نفسى ابتديت بالفعل بالفكرة واتفقت مع صديق ليا فى جامعة عين شمس هيوزع بإذن الله فى مجمع كلية تجارة وكلية ألسن ووعدنى انه يشوف فى باقى المجمعات بتاع الجامعة

دلوقتى عاوز واحد يطلع يقولى

انا هوزع فى جامعة القاهرة

وتانى يقولى هوزع فى جامعة اسكندرية وهكذا

دى الخطوة اللى جاية يارجالة عاوزين نحدد الشباب بتوعنا اللى هيساعدونا فى جامعات مصر

amego
15-09-2010, 09:17 PM
ساعدونى لوجه الله تحويشة عمرى راحت فى الفيتارا اللى اتسرقت فى نهار رمضان بدون أى ضمير أو مراعاه للشهر الكريم ....... ووالله مكافأة منى للى يدلنى عليها
هى لونها كحلى غامق والعتب فضى نمرتها (س ج ب \ 6415 ) واللى يشوفها أو عنده أى معلومات يتصل بيا على الرقم ده (0124590670)
وربنا يجزيكم كل خير وللعلم اتسرقت يوم 20 رمضان \ 30اغسطس 2010
<!-- / message -->
<!-- / message --><!-- controls -->http://www.masrmotors.com/vb/sama-elarab2/misc/progress.gif

عادل الشافعى
15-09-2010, 11:56 PM
واللة فكر حلوة انا عن نفسى هطبع المنشور وهدية لمجموعة من اصحابى فى جامعة المنيا وربنا يوفقنا جميعا

عادل الشافعى
16-09-2010, 12:17 AM
انا ان شاء اللة بدات اطبع المنشور وان شاء اللة هيوصل جامعة المنيا وبعدين المراكز التابعة ليها علشان دة فايدة لينا كلنا وياريت كل المحافظات نلاقى ناس تعمل كدة زينا وان شاء اللة صوتنا هيسمع كل الناس فى مصر

عبدالله منصور
16-09-2010, 02:08 AM
ألف شكر يا استاذ عادل وربنا يكتر من امثالك

عبدالله منصور
16-09-2010, 02:10 AM
ساعدونى لوجه الله تحويشة عمرى راحت فى الفيتارا اللى اتسرقت فى نهار رمضان بدون أى ضمير أو مراعاه للشهر الكريم ....... ووالله مكافأة منى للى يدلنى عليها
هى لونها كحلى غامق والعتب فضى نمرتها (س ج ب \ 6415 ) واللى يشوفها أو عنده أى معلومات يتصل بيا على الرقم ده (0124590670)
وربنا يجزيكم كل خير وللعلم اتسرقت يوم 20 رمضان \ 30اغسطس 2010
<!-- / message -->
<!-- / message --><!-- controls -->http://www.masrmotors.com/vb/sama-elarab22/misc/progress.gif

ربنا يعوض عليك يارب وان شاء الله تلاقيها
ياريت تقولنا دا حصل ازاى عشان نتعلم ومنقعش فى نفس الغلطة

واللة فكر حلوة انا عن نفسى هطبع المنشور وهدية لمجموعة من اصحابى فى جامعة المنيا وربنا يوفقنا جميعا

ربنا يكتر من امثالك يا استاذ عادل

عبدالله منصور
16-09-2010, 10:43 PM
للرفع

للرفع

للرفع

abd000
17-09-2010, 03:51 AM
لاحول الللة ان شاللة تلاقيها وربنا يعوض عليك بس قولنا دة حصل ازاى بس عشان نتعلم وباذن الللة تلاقيها

abd000
17-09-2010, 04:37 AM
انا عاوز بس فى الاول ارد على الاخ الكريم الى بقول انة حينسى حكاية الحملة دى وكدا وملهاش لازمة انا بقولو ان ابن عمى كان راكب فى دبي الفئة السابعة جاى هنا يقولى مش عارف اركب كورولا ازاى لانى معنيش فلوسها وتقولى فلوسهم كتير لا مش كتير التجار او الوكلاء هما اصحاب المشكلة وبيرفعوها عشان شايفين الناس عادى بتشترى بالرقام دى وعادى عاجبهم يعنى انما اظن لو الناس مشترتش بكل بساطة حيخسر فحيطر انو ينزل السعر خالص خالص وانا عن نفسي بلغت اى حد من زمايلي او اقاربي الى حيشترم قريب انو يقضيها كدة اى حاجة لغاية ما الاسعار تنزل جامد وعادى كلهم وافقم وقالولى احنا بنعمل كدة فعلا,,,,,,,,,,, لان كلهم مستغلين اوى الاسعار دى على العربيات دى واذا قابلت حد بشترى حتلاقية متردد ومش طايق نفسة وبيقوللك لا خلاص انا حستنى شوية لما ربنا يكرم بعربية كويسة بسعر معقول وشكرا يارجالة

maro2004
17-09-2010, 05:49 AM
انا من الؤيدين لهذة الحملة لان اقل وكيل فى مصر يكسب مثلا فى سيارة ثمنها 100 الف بيكسب فيها 100% والجمارك بتكسب 40% كمان اخصمهم يبقى سعر السيارة اللى ب 100 الف يساوى 40 الف فقط وهذة كلام مدلول من جريدة اخبار اليوم ومصلحة الجمارك والسيارات اللى دخلت مصر
وانا معاكم وفين اتفاقية الجات هنا تتطبق بالعكس على السيارت
السيارت فى جميع انحاء العالم قل ثمنها بنسبة 10 الى 25 % وهنا فى مصر السيارات ترتفع لية مش عارف جشع تجار وجشع جمارك انا عن نفسى عاوز اشترى تويوتا ولكن بعد هذة العيوب اللى ظهرت عمرى ما افكر
واخاف على نفسى اركب هذة السيارة التى ثبت ان فيها عيوب خطيرة وشركة تويوتا سحبت اكثر من 8.5 مليون سيارة من امريكا والعالم بسبب نظام تعليق الفرامل ودواسة البنزين
انا معاك فى خلوها تصدى

maro2004
17-09-2010, 05:54 AM
انا عاوزها تصدي <o:p></o:p>
. انا عاوزها تصدي <o:p></o:p>
. انا عاوزها تصدي <o:p></o:p>
. انا عاوزها تصدي<o:p></o:p>
. انا عاوزها تصدي <o:p></o:p>
. انا عاوزها تصدي <o:p></o:p>
انا عاوزها تصدي <o:p></o:p>
<o:p> </o:p>
<o:p> </o:p>
وهتصدي لما الموديل يعدي<o:p></o:p>
. وهتصدي لما الموديل يعدي<o:p></o:p>
. وهتصدي لما الموديل يعدي<o:p></o:p>
. وهتصدي لما الموديل يعدي<o:p></o:p>
. وهتصدي لما الموديل يعدي<o:p></o:p>
. وهتصدي لما الموديل يعدي<o:p></o:p>
وهتصدي لما الموديل يعدي


بس انتو عارفين المشكلة فين يا جماعة؟
ان هنا في مصر الحديد كل اما بيصدي تمنو بيزيد
يعني عربية بيجوه 79 كانت سنة 79 بكام؟
اعتقد 4الاف جنيه؟
النهاردة باربعين الف جنيه
وانا لو حطيت 4الاف من ساعتها للنهاردة هيكونو النهاردة كام؟
ممكن حد يجاوب؟


4BY4

<o:p></o:p>

والله انا لو اشتريت ذهب بلاش اقولك ارض او شقة تساوى ملاين
لو وضعتهم فى البنك كانوا عملوا 140 الف جنية فى 31 سنة صح
يبقى احسن من السيارة

عادل الشافعى
17-09-2010, 01:23 PM
لازم علشان( نخليها تصدى وموديلها يعدى ) يبقى فية ايجابية يعنى مش بس كلام لازم كل الى يقدر يعمل حاجة يعملها يعنى الى شغال فى مكان يتكلم مع زملائة واصحابة وأول الغيث قطرة وعن طريق النت فى كل المواقع يا اخوانى فية ناس لسة ما تعرفش حاجة عن الحملة ودة دورنا احنا واللة هو الموفق

عادل الشافعى
17-09-2010, 02:10 PM
الحملة الجديدة لشباب مصر خليها تصدى .. وموديلها يعدى

abd000
17-09-2010, 09:35 PM
انا معاك وعاوز اشكرك على الموضوع كلة طبعا وعايز اقول لو حد اشترى الاهرام النهاردة حيلاقى فى السيارات اول صفحة ان مودلات سنة 2010 لسة عندهم متبعاتش و2011 خلاص نازلة فشهر اكتوبر معناه ببساطة ان الجديد هو البينباع فى الاول والقديم حيروح فين بتاع 2010 ؟؟؟؟؟ مكتوب انهم خلاص بيفكرم فى تنزيل الاسعار اهة و حضراتكم اكييد طبعا قريتم الكلام دة ,,,,,, يعنى ممكن يكون فى حاجة كويسة قريب والللة الموفق

ahmed khaled said
17-09-2010, 09:40 PM
انا كنت هاشتري بس اجلت

abd000
17-09-2010, 09:52 PM
لا اله الا انت سبحانك انى كنت من الظالمين

عبدالله منصور
18-09-2010, 01:19 AM
أشكركم جميعاً للمرور وان شاء الله تنتشر الحملة بقوة

بكرة الجامعات , عاوزين شباب جامعات مصر كلهم يعرفوا بالخبر

انا معاك وعاوز اشكرك على الموضوع كلة طبعا وعايز اقول لو حد اشترى الاهرام النهاردة حيلاقى فى السيارات اول صفحة ان مودلات سنة 2010 لسة عندهم متبعاتش و2011 خلاص نازلة فشهر اكتوبر معناه ببساطة ان الجديد هو البينباع فى الاول والقديم حيروح فين بتاع 2010 ؟؟؟؟؟ مكتوب انهم خلاص بيفكرم فى تنزيل الاسعار اهة و حضراتكم اكييد طبعا قريتم الكلام دة ,,,,,, يعنى ممكن يكون فى حاجة كويسة قريب والللة الموفق


الله ينور عليك وانا من دقايق كنت هنزل موضوع بالخبر دا

صانع الخيال
18-09-2010, 07:42 PM
انا معاكم فى الحملة يا رجالة انا كنت ناوى اجيب عربية بس معاكم فى الحملة وهأجل زيكم ويا رب الحملة تجيب نتيجة
عايزين ننشر الحملة فى منتديات تانية مشهورة حتى لو مش متخصصة للعربيات المهم يكون فيها قسم مخصص للعربيات

sherifgd
18-09-2010, 08:14 PM
قرأت الموضوع من الصفحه الأولى للأخيره
فكره رائعه و لو أحسنا التنفيذ سيكتب لها النجاح إن شاء الله
ما رأيكم لو كل واحد فينا أضاف لنك الحمله على الفيس بوك إلى رسائل الموبايل التى يرسلها إلى أصدقاؤه فى المباركه بالأعياد و ما شابه

عبدالله منصور
18-09-2010, 09:24 PM
ممتاز يارجالة

ان شاء الله هننشر فى منتديات تانية كبيرة بردو

MarEgypt
19-09-2010, 02:36 PM
الموضوع دا عشان يكون فعال لازم الناس تتكلم فيه فى كل مكان
مش كل المصريين بيدخلوا على النت
ومش كل الى بيدخلوا على النت هيقروا الموضوع دا

فلازم كل واحد مقتنع بالفكره الجميله دى يتكلم ويقنع بيها قرايبه (اخوه - خاله - عمه ........) ، اصحابه ، زمايله فى الكليه او الشغل ، أى حد يطلب منه نصيحه ، فى اى فرصه لازم يتكلم ويتكلم كتير ويقنع الى بيكمله، عشان هما بدورهم يقنعوا ناس تانى

وياريت تفاصيل اكتر عن ما حدث فى السعوديه ، عشان رواية تجربه ناجحه فعليا هى اقوى دوافع الاقناع

وفكره الورق flyer دى فكره حلوه اوىىىى

MarEgypt
19-09-2010, 02:42 PM
كمان كل الى عنده صفحه على الانترنت او فيس بوك يحط فيها الحمله

وعشان بعض المنتديات لا تسمح بوضع روابط لمنتديات اخرى

اتمنى الا يمانع صاحب الموضوع (ا/ عبدالله منصور) من طرح موضوعه فى منتديات اخرى ليتسنى لاعضاءه وضع روابط فى توقيعاتهم

ومش شرط يكون منتدى متخصص فى السيارات
اى منتدى غالباً بيكون فيه قسم اجتماعى يستوعب اى نوع من الموضيع الخارجه عن نشاط المنتدى
الهدف هو نشر نوع من الثقافه قد تكون جديده على المجتمع

ولا يوجد ما يمنع ان تضع رابط للحمله فى توقيع ايميلك

وفى النشرات الاليكترونيه والجروب المختلفه الى فى ياهو وجوجل وما شابههم الى بيبعتوا 100 ايميل فى اليوم

haytham r19
19-09-2010, 06:52 PM
ربنا معنا كلنا بس لما الناس تعرف تسوق كويس الاول نبقى نفكر فى العربية الكويسة

taklaloveu
26-09-2010, 12:53 AM
معاااااااااااااااااااكم من كل قلبى " خليها تصدى وموديلها يعدى "
خليهم يفرحوا بالزيرو ردئ المستوى غالى التمن
وفعلا لو فى صناعة سيارات حقيقيه عندنا كنا قلنا اوك
لكننا حتى مش عارفين نجمع
وعشان تكون مشاركتى ايجابيه انا كنت ناوى اشترى خلال الشهر الجارى لكنى هأجل الشرا كام شهر تضامنا معاكم
وأخيرا
" خ ل ي ه ا .. ت ص د ى .. و .. م و د ي ل ه ا .. ي ع د ى "

عادل الشافعى
26-09-2010, 07:53 AM
انا اتكلمت عن الحملة فى منتدى تانى متخصص فى السيارات بس لاسف ملقتش تفاعل ولا حماس مش عارف اية السبب بس بردة هنقول (خليها تصدى وموديلها يعدى ) وانا هحاول فى كل منتدى اعرض الحملة وربنا معانا

عبدالله منصور
26-09-2010, 08:51 AM
مش شرط نلاقى حماس او تفاعل او حتى تأييد فى منتديات تانية

فى عضو عجبنى رده جداً وهو ان فعلاً مش مصر كلها بتقعد على النت

فياريت موضوع المنشورات الورقية دا ينتشر

solidsnake
26-09-2010, 08:08 PM
http://www.contactcars.com/News_ViewStory.asp?NewsID=5370

البشاير هلت اهه يا رجالة ,,, عقبال موديلات 2011

ahmed nawawe
27-09-2010, 10:01 PM
الموضوع هايل واعتقد ان كتيير منا علشان يركب عربيه لازم يدفع اللي وراه واللي قدامه وبالتالي التجار بسم الله ما شاء الله منزلين شويه عربيات في اعتقادي متساويش كلمه 2010 دي التسعينات انضف وانعم منها بس لازم يجيبو اردئ خامات واقل كفاءه وطبعا التقفيل والشكل من جوه وبره ترجيع يعني وده طبعا علشان يغطو فارق السعر ويوصلو للناس بعربيه بسبعين تمانين الف اومال علشان احس اني راكب عربيه ادفع كام مش اقل من الضعف ...انا مشارك معاكم ويا ريت القرارت من المسئولين تتغيير ويحسو يعني ايه في حاجه اسمها خدمه الشعب وخدمه الوطن

for ever
28-09-2010, 05:19 PM
نفس الحمله اللتـي كـانت متبعـه في دول الخليج

وهـي ( حملة خليها تصدي ضد وكالات السيارات )

قـال المستهلك (خلوها تصدي ) قالت الوكالات ( أزمة وتعدي)؟؟؟
ولاكن اتمنـى بأن تجدو تجاوب بهذه الحمل عكـس ما حصل مع دول الخليـج

تحياتي لكم

عادل الشافعى
29-09-2010, 07:10 AM
لازم علشان الحملة تستمر يبقى كلنا ايد واحدة والى يقدر يعمل حاجة يعملها واكيد ربنا هيوفقنا

mohamedkamel8677
29-09-2010, 06:13 PM
WWW.MOBILE.DE
OK WE ANA MWAFQ
.. WE HADEKOM MAOQ3 TODKHOLO 3ALEH DH 3AN AS2AR EL3RBYAT ELMOST3MALA FE ALMANIA . ODKHOLO WE SHOFO ELAS3AR WE KAMAN BELSWAR WE ELTFASEL WE MO3DLAT ESTHLAK ELWAQOD WE 3ALA FEKRA ELMOQ3 DH FEH 3EDT LOGHAT BS LAMA TODKHOL E7ZF ELSYARAT ELE 3AMLA 7WADS 3ASHAN TOKH-SH 3ALA ELMOFED 3ALATOOOOOL
WWW.MOBILE.DE

ابن فنان
30-09-2010, 09:20 PM
خليها تصدى و موديلها يعدى

عبدالله منصور
01-10-2010, 07:17 PM
عليكم بقراءة هذا

هام جداً:

http://masrmotors.com/vb/showthread.php?p=253296#post253296

عبدالله منصور
02-10-2010, 09:37 PM
للرفع
للرفع
للرفع

mostafa fawzy
02-10-2010, 10:20 PM
الى الاخ العزيز صاحب فكرة خليها تصدى وموديلها يعدى الكلام ده ياحبيبى مش فى مصر لان المستوردون للسيارات مش اى حد دول اصحاب البلد وانت عارف اخلاقهم حلوة قد ايه ياحبيبى مجرد ما السنة تعدى الجوابات الى فى التوكيل بتتغير بموديل السنة الجديدة يعنى جواب 2009 بيتغير بجواب 2010 و2011 وده فى حالة اذا الشكل لم يتغير والى مش عاجبه يخبط راسه فى الحيط دى مصر ياحبيبى ام الدنيا واقرا راى عادل جزارين الى كان رئيس النصر للسيارات بتاعة ال 128 و الريجاتا والتمبرا لما كان بيبيع التمبر ب86000 دلوقتى بيقول صناعة السيارات فى مصر فاشلة لانها تعتمد على الحماية الجمركية ولم يبقى فى عمرها الا سنوات استكمال تطبيق الجات والمصانع الى الحرامية دوشينها بيها سوف تقفل ابوابها ولكن بعد ايه ما لموا مليارات من الشعب الغلبان مش باقول لك ام الدنيا

عبدالله منصور
03-10-2010, 06:01 PM
مصطفى فوزى

أعجبنى تعيلقك جداً


لاكن هما مش هيركبوا العربيات الى عندهم دى كلها هيحسوا بخسارة لإنهم استوردوا عدد وليكن عدد بسيط وهما اصلاً مازال عندهم عربيات يبقى الحل ينزلوا الاسعار عشان يبيعوا ولا يفضل موقف العربيات عنده ويوزعها مجاناً على افراد عيلته بقى ( يلبسها يعنى )

محمد الاسكندرانى777
03-10-2010, 09:41 PM
حاليا احنا فى اكتوبر 2010
تفتكر يا صاحبى اللى عايز يشترى لانسر دلؤتى يصبر لامتا
والموديلات الجديده هتنزل امتا

BASSEM BESO
04-10-2010, 11:35 PM
وياريت بناخد حقنا بالفلوس انا والله بعشق العربيات بس بعد اللى شوفتة من الوكلاء يخلينى العن البلد بالفيها بيدخلوا عربيات غالية ماشى ونشتريها ماشى وفيها عيوب ماشى وتوكيل حرامى ماشى وانا كمان ماشى من البلد دى اتخنقت والله

عبدالله منصور
06-10-2010, 10:12 AM
الموديلات الجديدة هتتوفر فى التوكيلات والمعارض على نص 10 بالكتير

اصبر انت ليناير بس

ابن فنان
06-10-2010, 10:29 AM
ياريت كلنا نعمل كده

عادل الشافعى
06-10-2010, 03:31 PM
على فكرة بدات ناس كتير تتفاعل مع الحملة وبدات اكتب فى منتديات تانى والكل بقى يشارك وان شاء اللة هنعمل حاجة

goudamahdy
08-10-2010, 12:49 AM
مشكور يا أستاذ عبد الله ع الفكرة الجميلة دي وربنا يوفقنا كلنا وما تبقاش مشكلة عربيات بس اللي تتحل تبقي كل مشاكلنا تتحل باذن الله.أنا الحمد لله مسافر وبعت عربيتي المستعملة وناوي ان شاء الله لما انزل اجيب زيرو وكده ممكن أأجل نزولي شوية من السفر لما نلاقي حل لموضوع الاستغلال ده . وربنا معانا يا شباب."يد الله مع الجماعة "

eng_sam_85
09-10-2010, 08:05 PM
انا ماكو من زمان.....بأمانه انا معايا 80000 الف ومش عارف اركب مستعملللللللل و التجار مجنننى و مش هشترى غير لما نبطل جشعععععععععععععععع

klose
10-10-2010, 05:30 AM
NICE TOPIC

ahmedsaif
10-10-2010, 10:36 AM
دى حمله جميله جدا بس يريت تكون عن طريق وسائل الاعلام

abdo982
10-10-2010, 12:05 PM
اتمنى ان الحملة دى تجد صدى و الاسعار تنزل فعلا ... انا كنت ناوى اشترى السايبا برايد ... العربية دى اول ما نزلت كانت ب 51500 و بعدين غليت بقت ب 52500 وبعدين رخصت بقت 47500 و بعدين رجعت تانى 52000 ... تفاوت الاسعار دى يبينلك ان التوكيلات دى اد ايه جشعة .... مستحيل تكون العربية دى وقفة عليه باكتر من 25000 و لا حاجة .... و الله حرام عليهم فعلا .... عموما يشربوها

M_HaFeZ
10-10-2010, 03:18 PM
تسمح تقولي أنا أخطأت في مصر في إيه؟
لما أتكلم عن إني مخنوق مما وصلت إليه البلد في نقطة معينة وهي الجمارك والسرقة العلنية الي بتحدث لنا أكون أخطأت في مصر؟
لما أتحدث عن عدم تقبلي للمعاملة الي كلنا وانت أكيد منا مش طايقينها أكون أخطأت في مصر؟
المستنقع الذي أتحدث عنه يا سيدي الفاضل ليس البلد بأرضها أو جوها أو ترابها أو هواها
بل من يتحكمون فيها وفينا ويستخدمونا كمصدر رئيسي للدخل عن طريق الضرائب والجمارك وغيره الكثير..

وعلى أي حال إن كنت قد أخطأت فأنا أعتذر

اهلا بيك ياهيثم
ازيك وايه اخبارك

-----------------------
معاكم فى الحمله

abd000
10-10-2010, 10:18 PM
يا جماعة احب ابلغكم ان كورولا 2011 نزلت السعودية ولانسر 2011 نزلت هناك برضو واشكالها متغيرة للاحسن والماكينة متغيرة يعنى خلاص الى عايز يشترى يصبر بقى على الاشكال الجديدة الى نازلة وربنا معاهم بقى يشوفو حيطوم الاشكال القديمة فين او يبيعوها خردة مثلا وان شاللللة مش هشترى غير لما نبطل جشعععععععععععععععع وخليها تصدى وموديلها يعدى يارجالة

abd000
10-10-2010, 10:37 PM
المشكلة ان معظم الناس معاه من 80 - 100 الف ومش عارفين يشتروم يا اخ ابراهيم

eng_sam_85
11-10-2010, 04:53 PM
ايوا سدقونى مش عارف اشترى و برضو مش هشترى الا لما نبطل جشععععععععععععع ANAA7TG
وخليها تصدى و موديلها يعدى 444546

عبدالله منصور
11-10-2010, 08:54 PM
خلوها تصدى

abd000
12-10-2010, 04:02 AM
ادى كورولا 2011 رياضية موجودة فى السعودية ادى الصور للمشفهاش عايز اعرف موديلات 2010 الموجودة فى مصر حيودوها فينhttp://i1189.photobucket.com/albums/z433/abd0001/toyota%20corolla/12820315852.gifhttp://i1189.photobucket.com/albums/z433/abd0001/toyota%20corolla/12820315851.gif

abd000
12-10-2010, 04:11 AM
يا جماعة هو عيب ان اسعار العربيات تنزل فى مصر

mr.sheetos
12-10-2010, 04:12 AM
معااااااك بالرغم من ان عندى عربية

عبدالله منصور
12-10-2010, 06:41 PM
شيتوس باشا

انت راجل محترم ودا الصح

وعلى الجروب على الفيس بوك الناس الى عندهم عربيات كمان أيدوا الحملة وحطوا بوسترات خليها تصدى والصور على الفيس بوك اللى عاوز يشوفها

abd000
13-10-2010, 02:26 AM
السلام عليكم يا اهل المنتدى الجميل انا عاوز اقوللكم ان فى بعض السيارات اسعارها نزلت فعلا حتى لو بقيم بسيطة زى السيراتو والتجار فعلا بيتكلمو على ان الناس صايمة عن الشراء لغاية مينزلوم الاسعار ومحدش بيشترى يعنى انا شايف انها حملة ناجحة بكل المقايس وباذن الللة الاسعار تنزل وحتنزل جامد بس نصبر شوية

lol64
13-10-2010, 02:54 AM
انا شايف انها ممكن تجيب نتيجه كويسه كل مابنقرب على نهايه 2010 وربنا يوفق

tamerfawzi
13-10-2010, 04:46 AM
ولله انا كنت داخل عشان اشوف سعر الاوكتافيا كام عشان اشتريها لايت السعر كتيييييييييييييييييييييييييييييييييييييييييير اوي وشفت حملتكو فانضميت اليكم
وخليها تصدي 120 الف يامصر مركبش عربيه انا اشتري شقه في اي حته
تعبانه وااجرها تجبلي 500 في الشهر احسن ميتنصب عليا وخليها تصدي

lol64
13-10-2010, 07:29 AM
ولله انا كنت داخل عشان اشوف سعر الاوكتافيا كام عشان اشتريها لايت السعر كتيييييييييييييييييييييييييييييييييييييييييير اوي وشفت حملتكو فانضميت اليكم
وخليها تصدي 120 الف يامصر مركبش عربيه انا اشتري شقه في اي حته
تعبانه وااجرها تجبلي 500 في الشهر احسن ميتنصب عليا وخليها تصدي

الله عليك اهو ده الكلام

عبدالله منصور
13-10-2010, 08:22 PM
دا الكلام يارجالة

احنا خلاص عرفنا وانضمينا واللى يهمنا نضم عناصر جديدة للحملة والكل يصوم عن الشراء

ابن فنان
14-10-2010, 01:03 AM
خليها تصدى .. وموديلها يعدى

eng_sam_85
15-10-2010, 11:43 AM
ولله انا كنت داخل عشان اشوف سعر الاوكتافيا كام عشان اشتريها لايت السعر كتيييييييييييييييييييييييييييييييييييييييييير اوي وشفت حملتكو فانضميت اليكم
وخليها تصدي 120 الف يامصر مركبش عربيه انا اشتري شقه في اي حته
تعبانه وااجرها تجبلي 500 في الشهر احسن ميتنصب عليا وخليها تصدي

يا باشا انا معايا 80000 و مش عارف اركب مستعمل بس ماتخيلتش ان حد معاه 120000 و مش عارف يركب مستعمل ...ده دليل انها بلد تيييييييييييييييييييييت
معلش بقى من غلبى وخليها تصدى و موديلها يعدىSPAGETY

ابن فنان
15-10-2010, 07:55 PM
خليها تصدى .. وموديلها يعدى

عبدالله منصور
15-10-2010, 08:12 PM
للرفع

للرفع

للرفع

muradz
16-10-2010, 01:20 AM
فعلا,وبعد أن تحولت مصر المحروسة إلى غابةمهروسة,يزحف فى شوارعها ملايين الذئاب والضباع والثعالب والكلاب السعرانة,وأخذنا المركز الأول فى حوادث السيارات بلا منازع,وفقدنا الأمل نهائيا فى أى أصلاح فى معظم مناصى حياتنا,وأصبحت السيارات أى كان موديلهانقمة وليست نعمة ...وعندما تعود سالما مع سيارتك فى نهاية اليوم تكون قد نجوت بأعجوبة,ولكنك مع ذلك معرض أنت وسيارتك للهلاك بنسبة 30% يوميا سواء داخل المدن أو على الطرق السعيدة(السريعة),وللحديث بقية ما دام فى العمر بقية.

eng_sam_85
16-10-2010, 07:52 PM
فى أمل يا شبااااااااااااااااااااااااااااااااااب ........و دى بدايه بس برضه مش هنقبل بيها.....خلينا طماعين شويهGIFT4U
شوف الخبر ده
http://www.contactcars.com/News_ViewStory.asp?NewsID=5509
4BY4

عبدالله منصور
16-10-2010, 08:58 PM
فى أمل يا شبااااااااااااااااااااااااااااااااااب ........و دى بدايه بس برضه مش هنقبل بيها.....خلينا طماعين شويهGIFT4U
شوف الخبر ده
http://www.contactcars.com/News_ViewStory.asp?NewsID=5509
4BY4

ربنا يبشرك بالخييييييييير يارب

koashraf
16-10-2010, 11:53 PM
okخليها تصدى وزى ماهما صدعونا (باحسبها صح تعيشها صح) انا كمان حاحسبها صح وأاجل قرار شراء سياره جديده وان شاء الله تنجح الحمله وساعتها مش حبيع السياره القديمه حديهاهديه للبواب.....

السيد شاهين على
17-10-2010, 09:45 AM
انا لله وانا اليه راجعون

narnona
17-10-2010, 10:48 AM
والله هي فكرة حلوة بس مش هتنفع في مصر بحس ان في اسلوب بلطجة في مصر يعني مثلا في الازمة العالمية الاسعار انخفضت في العالم كله حتي الدول الغنية انخفضت عقارات سيارات اطعمة كله انخفض الا في مصر لا حول ولا قوة الا بالله فنانين سرقة الشعب ربنا يكون في عون الفقير واللي مش فقير بردو الهم طايلوا لا يسعني القول الا حسبي الله ونعم الوكيل

عبدالله منصور
17-10-2010, 04:44 PM
انا لله وانا اليه راجعون

البقاء لله !

والله هي فكرة حلوة بس مش هتنفع في مصر بحس ان في اسلوب بلطجة في مصر يعني مثلا في الازمة العالمية الاسعار انخفضت في العالم كله حتي الدول الغنية انخفضت عقارات سيارات اطعمة كله انخفض الا في مصر لا حول ولا قوة الا بالله فنانين سرقة الشعب ربنا يكون في عون الفقير واللي مش فقير بردو الهم طايلوا لا يسعني القول الا حسبي الله ونعم الوكيل

يشرفنى او مشاركة تكتبيها تبقى فى موضوعى

بس احنا هنعمل ايه .. احنا بنحاول وان شاء الله الحملة هتنجح

eng_sam_85
18-10-2010, 10:09 PM
والله هي فكرة حلوة بس مش هتنفع في مصر بحس ان في اسلوب بلطجة في مصر يعني مثلا في الازمة العالمية الاسعار انخفضت في العالم كله حتي الدول الغنية انخفضت عقارات سيارات اطعمة كله انخفض الا في مصر لا حول ولا قوة الا بالله فنانين سرقة الشعب ربنا يكون في عون الفقير واللي مش فقير بردو الهم طايلوا لا يسعني القول الا حسبي الله ونعم الوكيل

يافندم لو فضلنا نقول كده مش هنعمل حاجه ..كل واحد يبدأ بنفسه عشان نشوف نتيجه لكن بالشكل ده وكل واحد هيقول منا لو استنيت غيرى مش هيستنى يبقى عمرنا ما هنتحرك.....كلنا يد واحده عشان نقول للجشع لا و الف لا
وشوفى الخبر ده و انتى تصدقينى و معلش لو طولت
http://www.almasry-alyoum.com/article2.aspx?ArticleID=273828
معا للقضاء على الجشع فى مصر و ليس السيارات فقط

el dib
19-10-2010, 10:46 PM
يا جماعة انتو نسيتو الجمارك و انها السبب الرئيسى فى ارتفاع الاسعار دا غير كمان ضرائب المبيعات .
املنا الوحيد فى اتفاقية الجات و التى تقوم بالغاء الجمارك تدريجيا بنسبة 10% سنويا وقد بدء تطبيقها بدايتاً من 2010 .
يعنى يا جماعة ادمنا 10 سنين عشان يلغو الجمارك ............. يدينا ويديكو طولة العمر

tamerfawzi
20-10-2010, 03:52 AM
يا باشا انا معايا 80000 و مش عارف اركب مستعمل بس ماتخيلتش ان حد معاه 120000 و مش عارف يركب مستعمل ...ده دليل انها بلد تيييييييييييييييييييييت
معلش بقى من غلبى وخليها تصدى و موديلها يعدىSPAGETY

المشكله اني مبحبش المستعمل هقولك قصه حلوه حصله معايا في الجمارك
انا شغال في ايطاليا ومعايا عربيه rav4 toyota2009 2000cc disl المهم رحت قولت ابعتها مصر بدل مشتري عربيه من مصر بمواصفات تعبانه روحت شاحن العربيه ونازل تخيل طلبو كام 295 الف غير كمان المستخلص قالي هنرش رشه كده حوالي 20 30 الف عشان اخرجهالك بالسعر ده ومتنسانيش بالحلاوه اولتلو لا لا لا لا لا وقف خلاص مش عايز اركب عربيات انا اسف حرجعها قالولي عشان ترجعها
عليك ارضيه شهر في الجمرك لازم تدفعها الاول مع العلم انا شاريها 15 الف يورو *

mohamedinegypt
20-10-2010, 06:08 AM
يا ريت الحملة دي تجيب نتيجة بس تفتكر وإحنا شعبنا دائماً بيقول هي جات عليا

mido_4up
20-10-2010, 01:24 PM
خليها تصدى يا باشا

محمد العدوى
20-10-2010, 01:40 PM
فكره جيميله محتاجه وقفه جاده وانا معاكم خليها تصدى وموديلها يعدى

eng_sam_85
20-10-2010, 02:48 PM
المشكله اني مبحبش المستعمل هقولك قصه حلوه حصله معايا في الجمارك
انا شغال في ايطاليا ومعايا عربيه rav4 toyota2009 2000cc disl المهم رحت قولت ابعتها مصر بدل مشتري عربيه من مصر بمواصفات تعبانه روحت شاحن العربيه ونازل تخيل طلبو كام 295 الف غير كمان المستخلص قالي هنرش رشه كده حوالي 20 30 الف عشان اخرجهالك بالسعر ده ومتنسانيش بالحلاوه اولتلو لا لا لا لا لا وقف خلاص مش عايز اركب عربيات انا اسف حرجعها قالولي عشان ترجعها
عليك ارضيه شهر في الجمرك لازم تدفعها الاول مع العلم انا شاريها 15 الف يورو *

يا نهاااااااااااااااااااااااار على السرقه العلنى ....بجد البلد دى مش هتتعدل غير لما تحصل ثوره ذى ثوره 1952 و ثوره تصحيح عشان الموظفين اللى اخدين على الرشاوى و بقت عادى جدا و كأنها حلال...الواحد قرفففففففف من الجشع والرشوه nononono

محمود1199
20-10-2010, 03:48 PM
http://www.masrmotors.com/vb/showthread.php?t=32002&highlight=%C7%E1%E3%E4%ED%C7&page=1

,والله الموضوع شكله جد وباين كدة اني هاجل موضوع العربية ده دلوقتي

محمود1199
20-10-2010, 03:50 PM
ربنا يوفقنا الي ما يحبه ويرضاه

الحملة الجديدة لشباب مصر

خليها تصدى .. وموديلها يعدى (http://masrmotors.com/vb/showthread.php?p=225431#post225431)

للتفاصيل اضغط هنا (http://masrmotors.com/vb/showthread.php?p=225431#post225431)

Princeofdoha2007
20-10-2010, 11:13 PM
انا معاكم بجد
و مش ناوى ادفع زياده 100% من تمن السياره
علشان الباشاوات يركبو المرسيدس و ال BMW على حسابى
و خليها تصدى و موديلها يعدى

hosam.m
22-10-2010, 03:39 AM
انا كنت ناوى اغير العربية اللى معايا
هنتظر مش هغيرها دلوقتى
وانا معاكم

eng_sam_85
22-10-2010, 08:46 AM
مش هقول إلا إننا إبتدينا نحس بمسؤليه تجاه البلد دى...المشوار طويل بس دايما بيبتدى بخطوه و انا متأكد إن فى ناس كتير فاقت و مفيش يأس طالما كلنا يد واحده
yesyes

عبدالله منصور
22-10-2010, 05:25 PM
ياربــ

دعواتكم ياشباب

كل جمعة ملحق السيارات بيدينا أمل
لاكن بضايق جداً لما مازلت الاقى عربية جديدة لسا معلقتش النمر

الناس دى بتفهم ازاى ؟

eng_sam_85
22-10-2010, 06:14 PM
ياربــ

دعواتكم ياشباب

كل جمعة ملحق السيارات بيدينا أمل
لاكن بضايق جداً لما مازلت الاقى عربية جديدة لسا معلقتش النمر

الناس دى بتفهم ازاى ؟

هقول لحضرتك ...الموضوع محتاج وقت فعلا عشان نوصل لكل الناس و مش بس كده ,إحنا محتاجين وقت أكبر عشان نغير مفاهيم البعض ... يعنى لو انا معايا فلوس اشترى و مش مشكله بقيت الناس طالما معايا وطبعا المثل الشهير اللى معهوش ميلذموش(what)
عشان كده متدايقش لو لقيت حد بيشترى ..و إعتبرها special case
بس لاذم تمشى فى حملتك دى و محدش يثبط من عذيمتك لاننا طالما مؤمنين بقضيه معينه صدقنى العمليه هتفرق كتير و الناس محتاجه فعلا انها تؤمن فقط ان الموضوع بجددددددد و تلاقى جديه من اللى حواليهم , ربنا معاك و يوفقك وانا معاك قلبا و قالبا و ربنا يعلم احتياجى للعربيه اد ايه حاليا بعد لما بعت عربيتى و لكن انا مؤمن ان فى تغيير هيحصل بإذن ربنا وانا مستنى التغيير ده
اسف على الإطاله

عبدالله منصور
22-10-2010, 06:19 PM
شكراً لزوق حضرتك ولكلامك الجميل جداً

وربنا يوفقنا يارب وان شاء الله العزم حديد حتى لو الدنيا كلها اشترت انا بردو همشى فى حملتى

eng_sam_85
22-10-2010, 10:12 PM
شكراً لزوق حضرتك ولكلامك الجميل جداً

وربنا يوفقنا يارب وان شاء الله العزم حديد حتى لو الدنيا كلها اشترت انا بردو همشى فى حملتى

اشكرك يافندم جدا على ذوقك , و دا اللى احنا محتاجينو فعلا عذم حديد (نقطه و هنكمل) GIFT4U ربنا يوفقك.

صلاح صالح
22-10-2010, 10:35 PM
انا معاكم هاسبها تصدى ومودلها يعدى وفى الاخر اكربها مصديه ومعديه وسعرها هينزل لان الجمارك هاتنزل بس حكومة نظيف مش هبلة اول حاجة هاترفع الضريبه اوى يعنى كل سنه هاتدفع جمرك وبعدين الوكيل مش عاوز يكسب منك فى العربية هيبعهالك بثمنا بره وبرده هو الكسبان هيحط فيها كمبيوتر كل 50 الف كيلو يوقف السياره علشان السيرفس وكل 20 الف عشان البوجيهات وكل 30 الف علشان التيل وكل 10 الاف علشان تحترم نفسك زى الرينو الناس دى مش هبلة احنا اللى غلابه وانا علشان اوفر اشتريت مرسديس 77 ب 45 الف وكل سنه بدفع 1300 ضريبه يعنى الحكومة برده يتربينا
تقبلو مرورى
وبرده انا معاكم

fares515
22-10-2010, 11:56 PM
تجربه شخصيه
كنت عايز اشترى عربيه معينه لكن لما بدا الموضوع قلت وماله أأجلها شويه لبدايه السنه الجديده
ودلوقتي بعد شهور من بدايه الموضوع العربيه نزل سعرها 50ألف جنيه! ولسا مش هشتري برده هستني تنزل كمان شويه مع ان الفلوس موجوده الحمد لله وكل حاجه بس برده مفيش أجمل من التعاون والتكاتف لتحقيق هدف معين

عبدالله منصور
23-10-2010, 12:40 AM
من ناحية الحكومة بتربينا مفيش فصال هى مش بس بتربينا فى السيارات لا فى كل حاجة

ربنا يستر

ربنا معانا وان شاء الله هيكون للحملة نجاحات اخرى

ابن فنان
23-10-2010, 03:41 PM
خليها تصدى .. وموديلها يعدى

abd000
23-10-2010, 06:08 PM
ياجماعة طبعا بشكركم وعاوز اقول ان اسعار العربيات نزلت جامد فعلا وعربيات محترمة زى السيراتو والانتر والانسر بسبب ان الاشكال الجديدة خلاص نزلت برة وبسبب الوعى الى بقى موجود عند الناس الناس فهمت بصراحة ان فى نصب بيحصل من الحملة المحترمة دى . بس برضة عاوزين ننتظر شوية كل مابنستى اكتر كل ما العربيات حتنزل اكتر واكتر يعنى نصحتى لاى حد عاوز يشترى انة يصبر ( ان الللة مع الصابرين ) لغاية محنشوف الموضوع حيوصل لفين

نور مجدى
23-10-2010, 08:55 PM
والله فكرة بس ياريت كلنا نتحد

eng_sam_85
23-10-2010, 10:30 PM
ياجماعة طبعا بشكركم وعاوز اقول ان اسعار العربيات نزلت جامد فعلا وعربيات محترمة زى السيراتو والانتر والانسر بسبب ان الاشكال الجديدة خلاص نزلت برة وبسبب الوعى الى بقى موجود عند الناس الناس فهمت بصراحة ان فى نصب بيحصل من الحملة المحترمة دى . بس برضة عاوزين ننتظر شوية كل مابنستى اكتر كل ما العربيات حتنزل اكتر واكتر يعنى نصحتى لاى حد عاوز يشترى انة يصبر ( ان الللة مع الصابرين ) لغاية محنشوف الموضوع حيوصل لفين



و لسه يا باشا ياما هتشوف ...و إفتكرنى 444546
والله فكرة بس ياريت كلنا نتحد

يا استاذ نور صدقنى كلنا متحدين و ياريت انتا كمان نكسبك معانا وكمان abd000 باشا ياريت تنورنا فى الحمله دى ...و احب انوه ان الاستاذ bam8572 هو صاحب الموضوع وهو اللى ماسك الحمله دى وكلنا انضمينا له و نتمنا له التوفيق بإذن ربنا و بصراحه فى شى مهم جدا هو عامله و ده اللى مخلينى معاه قلبا و قالبا انه متابع الموضوع و الردود و ده مخلى كل الناس مؤمنه بالموضوع و حاسه انه جدى...شكرا ليك مره تانيه يا bam8572 باشا yesyes

عبدالله منصور
23-10-2010, 10:34 PM
يارجالة احنا الحمد لله كدا تمام اوى

ياريت بس تكملوا فى نشر الحملة

احنا خلاص مطبقنها لاكن لسا فى ناس بتشترى ومش كلهم يقدروا ييشتروا يعنى لو طلبت من بعضهم يأجلوا مش هيقولوا لأ

abd000
23-10-2010, 11:25 PM
انا بس بشكرا الاخ bam8572 صاحب الفكرة المحترمة جدا وعاوز ابشركم ان الاسعار اعتقد انها حتنزل نزلة رهيبة الفترة الى جاية دى بفضل الحملة وطبعا انتم اجمل مافى الحملة وان الناس كلها مرحبة ومقتنعه بالموضوع وبتنفذة شكرا ليكم
(http://masrmotors.com/vb/member.php?u=60191)

عبدالله منصور
23-10-2010, 11:38 PM
العفو ياعبده بيه دا واجبى

نرجو منك بس نشر الحملة ومحدش يزعل منى انى بطلب فى كل رد ان الحملة تتنشر

لا انا عاوزها توسع وتوسع

omda8185
24-10-2010, 02:04 AM
وانا معاكو
خليها تصدي....
وموديلها يعدي
مع اني اصلا مش معايا فلوس حاليا اشتري عربيه بس هقول عالحملة دي للي عايز يشتري واخليه يأجلها
تحياتي ليكم جميعا

عبدالله منصور
24-10-2010, 11:46 AM
منور ياعمدة

wasa
24-10-2010, 02:14 PM
وانا معاكم .. انا كنت ناوى اشترى عربية اليومين دول قبل العيد .. بس قلت لأ .. أقف وقفه إحتجاجيه معاكم ..
وخليها تصدى وموديلها يعدى ...

lagrimas
24-10-2010, 09:21 PM
وأنا ياجماعة سجلت فى المنتدى عشان كنت ناوى اجيب عربية جديدة وكنت محتار بين اللانوس واللوجان بس بعد ما عرفت الحملة دى فعلا


خليـــــها تصدى .... وموديــــلها يعدى

لغاية لما يوزعوها على البطاقات الشخصية كمان

عبدالله منصور
24-10-2010, 09:43 PM
منورين يارجالة ياكبار اوى

أحبكم لما تتجمعوا فى الخير يا شباب مصر

abd000
25-10-2010, 03:29 AM
منورين يارجالة ماشالللة عظيم الناس فهمت خلاص النصباية بتاعت العربيات فى مصر

abd000
25-10-2010, 03:36 AM
اصل التجار شبعوم من مرسيدس s600 والبى ام دبليو الفئة السابعة 740 من عرق جبينا خلاص يعنى ركبوها وزهقم منها عاوزين اية تانى بس والهى منا شارى غير لما الاسعار تتضبط كدة وتبقى تمام وشكلها حلو وشيك زى السعودية او قريب شوية منها يلا زى بعضو مش لازم نبقى زى السعودية بس الاسعار تكون طبيعية كفاية جشع

abd000
25-10-2010, 03:56 AM
http://www.contactcars.com/News_ViewStory.asp?NewsID=5370 وكملوا يارجالة ادى النجاح بتاع الحملة الحمد للللة كلو بفضلكم بعد الللة طبعا وخليها تصدى وموديلها يعدى

عبدالله منصور
25-10-2010, 08:30 PM
الى الامام ياشباب

tamerfawzi
26-10-2010, 02:57 AM
قولو يارب ميكونش حلم

سيف الدين سعيد
26-10-2010, 03:15 AM
المشكلة مش في الوكلاء ولا التجار (بغض النظر عن كونهم ولاد 250 في 544)
المشكلة الكبرى في مشيخة المنصر الي فارضة جمارك ليس لها اي مبرر او معنى غير "عايز تجيب عربية *********؟ معاك فلوس يعني؟ طيب تجبلنا معاك واحدة... آه هو كده، عاجبك ولا لا؟)

ليه ادفع زيادة 40% على عربية 1600 cc سوري يعني معفنة ولا تسوى بمقاييس العالم كله؟
طيب ليه ادفع 100% ولا 230% علشان اركب عربية نضيفة؟
على اساس اني ***** يعني ومش من حقي فلازم ادفع لاسيادي الاتاوة؟
طبعا الي هيقولي الجمارك دي الهدف منها حماية الصناعة الوطنية هرد عليه ***************
لان احنا (واقول احنا وانا اتمنى من كل قلبي مبقاش من "احنا" دي قريبا واكسر ورايا قلتين وانا خارج من المخروبة لأ وكمان اطلب لما اموت انهم يدفنوني براها علشان مش عايز يكون ليا اي علاقة بيها) معندناش لا صناعة ولا هباب ولما بنصنع (بنجمع، بنلزق، بنلصم... أو سميها زي ما ربنا يجود عليك) بنطلع اسوأ منتجات قلبك *****.

وفي النهاية بنركب عربيا من ازبل ما يكون وبنتحاسب على كل كمالية فيها (اساسية في اي حتة تانية) حساب الضالين، لا وكمان بيجيبولنا ******* منتجات العالم ويبيعوهالنا هنا على انها عربيات يعني وبتعمل فروووووم!!! وهيا مليانة عيوب وبلاوي سودة، ولا كأنك دفعت فيها ضعفين ثمنها لو لقيت فيها حاجة غلط يتعاملوا معاك بقرف من باب "انت عايز تركب عربية وكمان تتأمر يابني؟"

ولا شاري عربية ولا هتنيل وهوجه كل امكانياتي للخروج من ******* دي
وادعو الله من كل قلبي مرجعهاش تاني، حيا أو ميتاً أو مبعوثاً محاسباً
عارف . انت تقريبا بتتكلم بلسانى . بس . الشعب بتاعنا دا هو اللى نيله ويستاهل الـ ................. بس انا للأسف بحب طبيعة البلد دى وماقدرش ابعد عن هواها وترابها .

Mr.Mamo
27-10-2010, 01:24 PM
أتوقع

سيبقي الحال كم هو عليه .. ولك رب تلجأ دائما اليه

مش عارف ليه حاسس ان الحمله دي بالذات هتمر مرور الكرام

عبدالله منصور
28-10-2010, 10:55 AM
الحملة بدء يبقى ليها نجاح بالفعل
مش عاوزين كلام ملوش معنى

Mr.Mamo
28-10-2010, 01:29 PM
اقصد ان الشعب بتاعنا بطبيعته بيبدأ كويس أوي لكن بينام مع الوقت
واحب افكرك بالكلام اللي ليه معني :
البداية بمقاطعة البضائع اليهودية و الامريكية ... فين الكلام ده دلوقتي ؟ ..
الثورة علي فرنسا التي منعت الحجاب ... فين الكلام ده دلوقتي ؟
قامت الدنيا حين تم رسم رسوم تسئ للمصطفي صلي الله عليه وسلم ... وقعدت تاني بعد شويه



الان حمله خليها تصدي وموديلها يعدي

انا مش ملاحظ يا جماعة تأثير أو تغيير لأن الخطوط مش واضحه


ممكن اوضح ليكو أكتر ؟

ما هي غايه الحمله بوجه عام ؟

ما هي الاهداف المرحلية للحملة ؟

ما هي الخطة الزمنيه لتحقيق الاهداف ؟

ما هي وسائل تحقيق كل هدف ؟


من هم الاشخاص المشاركين عددا ؟ وكم منهم فعال ؟


هل تم توزيع الادوار لتحقيق الوسائل ومن ثم تحقيق الاهداف ؟

متي نتوقع كجمهور يتمني أن تنجح الحملة و يتمني أن يجد طريقة يخدم بها الحملة أن تهبط اسعار السيارات
بعد عام ؟
بعد عشره أعوام ؟
حتي ولو بعد خمسين عام ؟
مش دي المشكلة لكن هل ممكن نتوقع ده ؟؟


يا جماعة لو فعلا الحملة ناجحة زي ما بتقولوا ؟


قولولنا حققتوا ايه من اهدافكوا عشان نساعدكوا

fares515
28-10-2010, 03:19 PM
لو مكنتش الحمله حققت على الأقل جزء بسيط من أهدافها
يكفي ان حضرتك منسق لمبيعات هيونداي وداخل محموق من الحمله ونفسك انها تقف..
لا انكر ان عدد المشاركين قليل نسبيا لكن اصلا في ناس كتير مسمعوش عنها نفسهم مسدوده عالشراء ومأجلينه..
الكل دلوقتي يا أستاذ مبيشتريش غير اول كل سنه عشان ال4%تخفيض في الجمارك..
وفي ناس مأجلينها لسنين كمان..باختصار السوق بالحمله المتواضعه ده او بدونها واقف
وموضوع الاحلال هو اللى كان ماكلكو عيش الفترة اللى فاتت..دلوقتي بالحمله او بدونها السوق رااااااااكد ولسا كمان..
باختصار لو الحمله نجحت انها تخلى شخص واحد يمتنع عن الشراء فهي ناجحه جدا فما بالك بمئات الناس عرفوها واقتنعو بيها وامتنعو عن شراء سيارات بعشرات وربما مئات الملاييين!!!...
هتكلم عن نفسي انا واحد من الناس كنت على وشك شراء سياره فاخره ولكن قريت موضوع الحمله واعجبني وقلت وماله ااجلها كام شهر لغايه ديسمبر..دلوقتي السياره اللى كنت عايز اشتريها انخفضت 50ألف وانا والله مكنتش اتوقع انها تنزل ولو الف واحد بس!!عارف هتقولي سياره فارهه يعني ال50ألف دول بالنسبه لك ولاحاجه هقولك لو قرش واحد ممكن اوفره انا احق بيه...بس خلص الكلام

abd000
28-10-2010, 05:19 PM
انا بقول للاخ المحترم الى بيقول ان الحملة ملهاش معنى انها لو كدة مكتش اسعار العربيات نزلت مليم يابية وكان زمانها فى الطالع والناس كلها بشترى متكسرش مادفينا احسن لو مش عاجباك الموضوع وابعد عنة ولو سياتك معاك فلوس تركب عربية غيرك معهوش ونفسة الاسعار بتنزل تدريجيا يابية وعندك امثلة زى السيراتو ولانسر والانترا والهيونداى كلة كلة ولو ان الموضوع بيبدا صغير وبيكبر واحدة واحدة مفيهاش اى حاجة على فكرة الموضوع بدا صغير فى السعودية وكبر والناس انبسطتت فى الاخر

الزعيم2
28-10-2010, 09:07 PM
ربنا معنا يارجاله ان كنت ناوى اشترى لحد ما قريت الحمله دى وقلت لنفسى مش هموت من غير عربيه لحد مانوضع حد لجشع الناس دى وبقول لكل من له يد فى اللى احنا فيه ده حسبى الله ونعم الوكيل مش فى اسعار السيارات بس فى الهوان اللى احنا فيه ده كمان دى كل حاجه بتصب فى مصلحة اصحاب البلد اللى هيا بقت مش بتعتنى بقت بتاعت الاسياد اصحاب الملايين اهم شئ يملى جيبه ومفيش حد يحاسب طلامه هينوبه من الحب جانب منهلله اللى كان السبب المهم لازم نتحرك احنا ونعمل اللى فى وسعنا علشان مفيش حد هيسئل علينا ومحدش فى البلد دى بيمسح دمعتك الا ايدك

عبدالله منصور
29-10-2010, 10:07 AM
قائد الحملة : المنشور الثانى لخليها تصدى هذا الإسبوع

أعلن عبدالله منصور قائد ورائد فكرة حملة خليها تصدى وموديلها يعدى على طرحه المنشور الثانى لحملة خليها تصدى وموديلها يعدى خلال هذا الإسبوع

وقال أنه سيذكر جانب من فعاليات الحملة والتى بدأت تظهر بالفعل على السوق المصرية وذلك رغم عدم انتشارها بالشكل الذى كان يأمل فيه مؤكداً استغلال العام الدراسى وشباب الجامعات فى نشر الحملة بشكل غير طبيعى

كما أفاد : سأناقش الجميع هذا الاسبوع . وأغد مؤيدى الحملة بخبر سار.

Mr.Mamo
29-10-2010, 02:55 PM
دا كلام جميل باستثناء
ان ولا هيونداي و لا كيا و لا لانسر أسعارها انخفضت
لااسعار زادت يا جماعة
وراجعو اسعار هيونداي بالترتيب
وقارنوا أول قائمة أسعار وغيرها



وعلي فكره أنا فرحان بالردود ان الحمله ليها تأثير بسيط لأني باختصار مش ضدها
أنا حبيت أعرف تأثيرها

abd000
29-10-2010, 03:03 PM
ياباشا حضرتك بتقول الكلام دة ازاى بس دة العربية الى انا عاوز اجبها باذن الللة نزل من تمنها 20 الف لغاية دلوقتى اتاكد من الاسعار تانى وبص على الاهرام النهاردة الجمعه واتاكد وشوف العروض والخصومات المعمولة على العربيات اتاكد اتاكد شوف كدة السيراتو اول مانزل كان بكام والنهاردة بكام ومش حتكلم عن الانترا شوف بكام دلوقت والبومة بكام دلوقت حضرتك اكيد عارف الاسعار كويس ولو مش عندك اجبهالك وفقا لشهر نوفمبر الى دخلنا فية

عبدالله منصور
30-10-2010, 12:41 AM
منورين ياشباب

آخر التصريحات :

تحديث الجمعة 9 مساءاً

عبدالله منصور : لن اتنازل عن الحملة حتى ولو فشلت وبإذن الله واثق من نجاحها

عبدالله منصور
30-10-2010, 12:55 AM
بسم الله الرحمن الرحيم
السلام عليكم ورحمة الله وبركاته

---

استمراراً لمجهودنا نحو حملة خليها تصدى وموديلها يعدى الذى ظهر مؤخراً البعض يدعى بأن الحملة ""فاشلة ""

ولاكن أود ان أقول ان الحملة ربما كانت فاشلة فى بدايتها لأنها لم يعلن عنها ولاكن الآن فإسمحلى الوضع مختلف تماماً ,, ربما قال ذلك لأنه مندوب مبيعات لشركة سيارات او لتوكيل او ربما هو من اعداء النجاح او ربما هو معه مايجعله يركب "" BMW "" ولايهمه الحملة فى شئ


--

أدخل فى موضوعى

مطلوب راجل محترم فى المدن التالية يقدر يدفع 5 من جيبه فقط لاغير ,, ياترى فى رجالة هتساعدنا ولا ال 5 جنيه كتيرة على رجالة عاوزين حملة تنجح واسعار عربيات تنزل بالالآف , تعالوا نشوف

فائدة ال 5 جنيه : هيتم طبع بيها المنشور التانى للحملة اللى هينزل الاسبوع دا

قيمة ال 5 جنيه : ممكن تصرفها فى دقيقة او اقل لإنها لا قيمة لها فى اشياء كثيرة ولاكن فى حملتنا فلها قيمة عظيمة


المدن والأحياء والجامعات المطلوب فيها :

مدينة القاهرة

مدينة الجيزة

مدينة حلوان

مدينة طنطا

مدينة الاسكندرية

مدينة بورسعيد

مدينة الاسكندرية

مدينة الجيزة

مدينة الاقصر

مدينة المنيا

مدينة أسوان

مدينة دمياط

مدينة كفر الشيخ

مدينة الزقازيق

-----


جامعات مطلوبة :

جامعة القاهرة

جامعة المنصورة

جامعة طنطا

جامعة عين شمس

جامعة الاسكندرية

----



جامعات عثرنا على رجال بها بالفعل

جامعة الفيوم

جامعة الزقازيق

جامعة المنيا

جامعة أسيوط


--


أنتظر رجآل المنتدى

fares515
30-10-2010, 03:49 AM
راجع الرسائل الخاصه

عبدالله منصور
30-10-2010, 10:49 AM
مشكور شكراً جزيلاً يا استاذ فارس وجازاك الله كل خير


يا شباب الاستاذ فارس كان أرسل لى قبل كدا انه على استعداد لدعم الحملة بمبلغ 100 جنيه بس انا رفضت انه يحولهم ليا عشان متحملش ذنبهم وطلبت منه يطبع المنشور الاول بأى مبلغ من معاه لكن طلاما ظهر اللى يشكك فى الحملة فأنا مش هخاف وربنا وحده يعلم انى هراعى ربنا كويس اوى فى الفلوس دى وهطلع أكتر من اللى كنت مطلعه فى المنشور الأول من جيبى وربنا هيكرمنا بإذن الله


المهم الأستاذ فارس بعتلى انه هيبعت نصف المبلغ تقريباً كدفعة أولى ونتمنى ان يظهر مثل استاذ فارس 2 فقط يدعمون الحملة بهذه الطريقة والله لتكون الحملة الأقوى فى مصر

على العموم جزيل الشكر للأستاذ فارس وننتظر منه أن يوفى بوعده معنا وانا على وعدى معكم بإذن الله تعالى بطباعة ونشر المنشور الثانى هذا الإسبوع

مازلنا ننتظر شباب من المدن والجامعات المذكورة لتوزيع المنشور الثآنى

eng_sam_85
30-10-2010, 11:00 PM
ياباشا حضرتك بتقول الكلام دة ازاى بس دة العربية الى انا عاوز اجبها باذن الللة نزل من تمنها 20 الف لغاية دلوقتى اتاكد من الاسعار تانى وبص على الاهرام النهاردة الجمعه واتاكد وشوف العروض والخصومات المعمولة على العربيات اتاكد اتاكد شوف كدة السيراتو اول مانزل كان بكام والنهاردة بكام ومش حتكلم عن الانترا شوف بكام دلوقت والبومة بكام دلوقت حضرتك اكيد عارف الاسعار كويس ولو مش عندك اجبهالك وفقا لشهر نوفمبر الى دخلنا فية



ياريت يا استاذ عبده الاسعار عشان الناس تطمئن ان الحمله ناجحهGIFT4U

Mr.Mamo
31-10-2010, 10:24 AM
نحتاج لمثال حي
الرجاء ذكر نوع واحد بعينه لسيارة هبط سعرها بسبب الحمله
مش حنضحك علي نفسينا يا جماعة
هو الحمله أثرت بالعافيه يعني
فييييييييييييين؟
فين النوع ده
أعتقد لو حد قال العربيه الفلانيه كان ثمنها ؟؟؟ جنيه وبعد الحمله نزل سعرها بقت بـ ؟؟ جنيه هيكون رد افضل بدل الكلام ده يا جماعة


انا ردي أهو بعد الحمله اتفضلوا ..
http://www.masrmotors.com/vb/showthread.php?t=38149

و الرد الثانيه
موضوع مثبت ( أسعار هيونداي محدث باستمرار
في الاسعار متغيره 4 مرات
ممكن تقارنوا حضراتكوا وتشوفوا التأثير الحقيقي للحمله


يا جماعه

أنتوا لحد دلوقتي كل همكوا تردوا عليا وخلاص

ماشي ردوا بس مش بالكلام
بالفعل
...
وأول فعل
هو الرد علي الاسئله
أ, وضع اجابات ليكوا لو كنتوا نسيتوا تعملو منهج محترم لحملتكوا

و السلام ختام

eng_sam_85
01-11-2010, 06:55 PM
اقول لحضرتك حاجه يا استاذ حسين...احنا فاشلين يا سيدى و دى حامله فاشله بس احنا متمسكين بيها ...معلش ناس بتحب الفشل بقه.....المحاوله احسن من مفيش و مفيش داعى لتثبيط عذم الناس لانه اسلوب مش حلو بصراحه

عبدالله منصور
01-11-2010, 07:55 PM
اقول لحضرتك حاجه يا استاذ حسين...احنا فاشلين يا سيدى و دى حامله فاشله بس احنا متمسكين بيها ...معلش ناس بتحب الفشل بقه.....المحاوله احسن من مفيش و مفيش داعى لتثبيط عذم الناس لانه اسلوب مش حلو بصراحه

برنسـ والله ,, فعلاً برنس

عبدالله منصور
02-11-2010, 01:28 AM
قائد الحملة : المنشور الثانى يصدر الثلاثاء الثانى من نوفمبر ويطبع الاربعاء ويوزع الجمعة والسبت بإذن الله

أعلن عبدالله منصور قائد حملة خليها تصدى وموديلها يعدى لخفض اسعار السيارات فى مصر أنه سيطرح المنشور الثانى للحملة اليوم ( الثلاثاء ) مؤكداً البدء فى نشره وتوزيعه فى ايام الجمعة والسبت القادمة

كما أعلن أنه بحاجة الى من يستطيع مساعدته فى توزيع منشورات الحملة فى العديد من مدن مصر

lol64
02-11-2010, 01:33 AM
قائد الحملة : المنشور الثانى يصدر الثلاثاء الثانى من نوفمبر ويطبع الاربعاء ويوزع الجمعة والسبت بإذن الله

أعلن عبدالله منصور قائد حملة خليها تصدى وموديلها يعدى لخفض اسعار السيارات فى مصر أنه سيطرح المنشور الثانى للحملة اليوم ( الثلاثاء ) مؤكداً البدء فى نشره وتوزيعه فى ايام الجمعة والسبت القادمة

كما أعلن أنه بحاجة الى من يستطيع مساعدته فى توزيع منشورات الحملة فى العديد من مدن مصر


انا اوزعها فى نويبع

عبدالله منصور
02-11-2010, 08:57 AM
شكراً لمساندة حضرتك ولو انى حاسس بسخرية من حضرتك ولاكن الله اعلم

عبدالله منصور
02-11-2010, 09:58 PM
عاجل : قائد حملة خليها تصدى وموديلها يعدى يقرر تأجل طرح وطباعة المنشور الثانى

ابن فنان
03-11-2010, 04:37 PM
خليها تصدى .. وموديلها يعدى

عبدالله منصور
06-11-2010, 12:36 AM
السلام عليكم

ياريت ياشباب اللى عاوز يضيف نقطة فى المنشور التانى يبلغنا بيها وباب الطلبات مفتوح حتى يوم الاثنين فقط وسيتم اعتماد المنشور بشكل رسمى يوم الثلاثاء

ومن لديه القدرة على كتابة منشور كامل لامانع من عرضه عليا ايضاً

ياريت الارسال على الخاص

والله ولى التوفيق

abd000
06-11-2010, 01:03 AM
يا استاذ محمد عيب تعد تقول كلام من دة مش عجبك الموضوع سيبة ملكش دخل بية دى حرية شخصية الى عاوز يشترى يشترى والى مش عاوز خلاص متعدش تقول كلام عمال على بطال وتكرة الناس فى الموضوع عشان الناس تشترى بالعافية سيب الناس فى حالها انا حجبللك اسعار السيارات الاسبوع دة باذن الللة

Mr.Mamo
08-11-2010, 12:02 PM
للمره الالف بعد المليون
لست ضد الحمله
بل من اشد المعجبين بالفكره
اريد ان أكون ميزان حرارة تأثير الحمله علي السوق و الشارع المصري ..

تفتكروا يعني لو مش في دماغي الحمله هتعب دماغي واتابع موضوعها ليه

يا ريت محدش يفهم كلامي غلط يا جماعة ( ومستني من حضرتك اسعار العربيات اللي نزلت يا استاذي الفاضل )
واحب اقول للحمله : أنه من المتوقع زياده اسعار موديلات كتيره بعد عيد الاضحي مباشره


وبجد ربنا يجزيكوا عن الشعب المصري كل خير و تكون بدايه

عبدالله منصور
08-11-2010, 06:59 PM
صراحة : منسق مبيعات (هيونداي) - جي بي أوتو


بتقلقنى منك وبتخلينى اشك فى كل كلمة بتقولها

عموماً منورنا ويشرفنا تكون عضو فى حملتنا

ahmdmagdy
08-11-2010, 07:26 PM
انا فعلا سمعت عن الحمله دى فى السعوديه من فتره وعملت شغل عالى اوووووى..انما عندنا بيتهيألى الوضع بيختلف شويه..احنا عمرنا مااتفقنا على حاجه..كل واحد يقول يعنى هيا هتيجى عليا
هو ده اللي بيحصل فعلا الموضوع بقاله 3 هور و العمليه ماشيه مفيش فايده للأسف

johnny161094
08-11-2010, 07:33 PM
و انا معاكو خليها تصدي و موديلها يعدي :)
بس هو انا مش عارف اخلي توقيعي ذي ما انتو عاملينو بالينك ممكن حد يقولي اعمله اذاي ؟؟

Mr.Mamo
09-11-2010, 12:13 PM
صراحة : منسق مبيعات (هيونداي) - جي بي أوتو


بتقلقنى منك وبتخلينى اشك فى كل كلمة بتقولها

عموماً منورنا ويشرفنا تكون عضو فى حملتنا
هههههههههههههههه

أنا مكتوب في بطاقتي ( الجنسيه : مصري ) علي فكره .

أبوسالم
09-11-2010, 08:03 PM
موضوع أكثر من رائع.. و أنا كنت فى الامارات من سنه 1988 الى 2010 بس انا لسه شباب ههههههههه بجد... المهم الاسعار فى مصر حرام جداا مثال فى الرنج روفر* والكامرى*وكيا سبورتاج * شوف الفرق فى السعر فى مصر ليه و كمان الموصفات اقل بكثير شوف هنا فى مصر الصينى بسعرفلوس كتير اليابنى فى الامارات كد حــــــــــــــــــرام ...................و انا معاكو خليها تصدي و موديلها يعدي

عبدالله منصور
11-11-2010, 12:41 AM
للرفع


للرفع

عبدالله منصور
13-11-2010, 01:34 AM
للرفع

الاهرام للسيارات النهاردة نازل 4 صفح بس ههههههههههه

Injection
13-11-2010, 03:48 AM
للرفع

الاهرام للسيارات النهاردة نازل 4 صفح بس ههههههههههه

444546444546444546444546444546

عبدالله منصور
13-11-2010, 09:26 PM
انا مش هموت نفسى لو محدش هيساعدنى انا هكتفى بالحملة على النت يارجالة

مش هعمل كل حاجة لواحدى حرام عليكم ساعدونى شوية فين الناس الى قالت هنوزع المنشورات

بجد شعب مش ممكن

eng_sam_85
15-11-2010, 06:04 PM
ممكن اقول اقتراح و لو فى ناس هتقول انه مش منطقى و مش فعال بس اهو اى حاجه..انتو تعرفو لو ان شعب مصر 100% فيهم 20 % مثلا بيقروا جرايد او منشورات لكن ممكن 90 % عندهم MSN او facebook على الاقل لذلك لو كل واحد بعت على MSN او facebook
لاصحابه رساله مختصره بالموضوع اعتقد ان الموضوع هينتشر اكتر
ايه رأيكو وهو موضوع مش هيكلفك اكثر من 3 دقائق فقط
فا ياريت حد يجهذ الصيغه اللى هتتبعت و ياريت تكون مختصره و فعاله عشان الناس تهتم وتقراها

ابن فنان
15-11-2010, 06:49 PM
ROSE4UHUUMGIFT4Uسبحان الله وبحمده..... سبحان الله العظيم

عبدالله منصور
16-11-2010, 04:13 AM
إلى : eng_sam_85

ياعم دا مفيش خالص انا حاسس بإحباط رهيب مش ممكن ياجماعة محدش بيتعاون مع حد خالص

eng_sam_85
16-11-2010, 08:47 AM
إلى : eng_sam_85

ياعم دا مفيش خالص انا حاسس بإحباط رهيب مش ممكن ياجماعة محدش بيتعاون مع حد خالص

لا يا باشا مش عايذين إحباط بسهوله كده لسه بدرى اوى...اقول لحضرتك حاجه , لما يجى دكتور و يعالج مرض معين بيدى جرعه و فتره العلاج حسب تشعب المرض فى الجسم و بيقول للمريض بتاعه اوعى تذهق من العلاج عشان هو ده سر شفاك مع إراده ربنا اولا
واحنا الحمد لله عندنا من الامراض المجتمعيه المتشعبه ما يكفى واهمهم جشع التاجر و صمت المواطن , مش عايذ اقولك ان دول متوطنين فى الشعب أو متشعبين فى الوطن بحد سواء عشان كده العلاج لاذم يبقى مكسف و طويل الامد عشان تشوف ثمره العلاج ده
معلش طولت فى كلامى ولكن فى النهايه بقول لازم نصبر على العلاج و منوقفوش لحد منشوف المرض بيذول بإذن ربنا
كل سنه و حضراتكم كلكم طيبين و بخير دايما يارب GIFT4U

عبدالله منصور
17-11-2010, 01:37 AM
وانت طيب ياباشا

بس فعلاً اخواننا المصريين مش بيساعدوا خالص ولاحتى بمجهود يعنى مش ممكن تقول لواحد وزع الورق دا على زمايلك يرد عليك زى ماتكون طلبت منه تروح بيت مشبوه ولاحاجة

والمشكلة انه هو نفسه من اشد الناس احتياجةً لركوب عربية ومش عارف ..

اسماعيل الشيخي
17-11-2010, 04:29 PM
اولا كل سنه و انتم طيبون و انشاء الله السنه الجايه يكون كل اعضاء المنتدي علي جبل عرفات انشاء الله و طبعا اي عضو في المنتدي من اخوانا المسيحيين باتمني ليهم كل الخير و دوام الصحه ان باشكركم علي الفكرة الجميله وان شاء الله حتجيب نتيجه و انا واحد من اعضاء المنتدي الجداد الحمله اثرت فيه و اقتنعت بيها( انا من حوالي ثلاث شهور كنت عاوز اشتري نيو اكسنت اتوماتيك جديدة وكنت ناوي اشتريها كاش علشان مبحبش موضوع البنوك وعلشان ظروف عملي الخاص مفيش دخل ثابت يعني ممكن شهر ربنا يرزقني ب 8000 جندي و شهر تاني 500 جندي يعني هيه و رزقها المهم بعد ما ربنا كارمني و جمعت 80000الف سالت عليها عندالتوكيل قلولي سعرها 84000 الكلام دة في شهر اغسطس المهم استنيت علي ما اجمع باقي المبلغ وتقريبا علي ما اتزكر كملت المبلغ بعد عيد الفطر رحت التوكيل قلولي هناك ان موديل 2010 خلاص مفيش منه ومفيش قدامك غير 2011 وسعرها 88500 مع ان العربيه مفهاش مسمار زياده عن 2010 المهم اتغظت علي الاخر وكنت حتنقط المهم قلت ماباليد حيله و اجيبها بالتقسيط واروح للبنوك و ربنا يسترها المهم واحد صاحبي ناصحني اروح بنك الاسكندريه فرع الغردقه علشان بيعملو فايده 6,3% علشان مطولش عليكو حصل موقف بايخ من البنك معايا واتغظت تاني وكنت حتنقط تاني ولغيت فكرة البنك وكنت كل ما ادخل المنتدي اشوف الحمله واقتنعت بيها و قلت لنفسي بلاها عربيه جديدة علي ايه يقعدالتوكيل يذل فينا و كل شويه يغلي سعر العربيه ولا البنوك تنصب علي الناس و تحط رقم للفايدة علي الورق و الفايدة عند ما تدخل في الجد تلقيه اعلي من الرقم المعلن المهم استخرت ربنا ونويت اشتري مستعمل و ربنا كرمني بعربيه اكسيل 97 محترمه وابتديت احبها انا اسف علي الاطاله بس اناحبيت احكي لاعضاء المنتدي تجربتي العمليه في شري عربيه جديدة علشان يعمل زيي ويشتري عربيه مستعمله يصبر نفسه بيها الي ان تتغير الظروف والتوكيلات و البنوك تحترم نفسيها و بالتوفيق للقائمين علي الحمله وانشاء الله حتجيب نتيجه

mohamedkamel8677
17-11-2010, 07:21 PM
ايمانا منى بمبادئ الحملة و أهدافها و الوعد الذى قطعتة على نفسى بمقاطعة الجديد فقد اشتريت سيارة قديمة عشان انا ان شاء اللة نازل مصر و محتاج عربية اتقاء لشر المواصلات العامة

ابن فنان
17-11-2010, 07:38 PM
خليها تصدى .. وموديلها يعدى

مهند النجار
27-11-2010, 06:51 AM
لازم يعني طب ماينفعش مستعمل ولا امشي نفسي بعربية ابويا
والذل بقا؟ايه ياترى

ahmed mustafa
03-12-2010, 01:33 AM
يا ريتنا نتفق مرة على حاجةايه ياترىايه ياترىايه ياترى

yamenmofeed
16-12-2010, 01:23 PM
انت كده بتضر اصحاب المعارض مش اللى على الجمارك
شوف طريقه للضغط على الجمارك هى الاقوى

therocky4ever
17-12-2010, 02:14 PM
انا معاكووووووووووووووووووووووووووووووووا يارجاله
انا اصلا كل اللى معايا 20000 وكنت ناوى ارميهم فى مقدم زيرو واقسط بس غيرت رايى وهاشترى حته مستعمله كده وللجديه فى الكلام انا طبيب وهانشر الحمله على كل المواقع والمنتديات الطبيه اللى انا مشرف عليها او اللى انا عضو فيها وماشاء الله فى منتديات اعضائها يعدوا المية الف عضو وانا بدورى هوصل صدى الحمله دى لكل طبيب وكذلك هاعرف كل اصحابى وزملائى فى العمل وربنا يجعله فى ميزان حسناتنا ويعم الخير على الجميع وتتحسن الاحوال بدل مانهج مالبلد دى....,,

semo2002_eg
19-12-2010, 03:40 PM
يعنى الجمارك المبالغ فيها جدا لموها و العربيات التحفة ( تبعا بتريق) الى بتتصنع فى مصر الى كانت يعنى زى 128 و بتتباع بتمن عربية يابانى برة و الاسعار المبالغ فيها دية كلها
بالاموال دية كلها كانوا زمانهم ظبطوا شوارع مصر و خلوها تنفع تشيل اضعاف اضعاف العدد الحالى .... الفلوس دية كلها راحت فييين و اتعمل بيها اية
انا صرفت على عربيتى اكتر من تمنها بسبب المطبات و الشوارع الى زى الزفت دية بالعات عالية على الارض مش فاهم لية؟ و اسفلت مكسر و متبهدل و مفارق الكبارى الغريبة دية
الجمارك دية سرقة علنى
خليها تصدى .. وموديلها يعدى

drasd
23-01-2011, 05:58 PM
على فكرة يا جماعة اسعار السيارات زادت مع مطلع السنة الجديدة انا نفسي اعرف هو جهاز حماية المستهلك دا مالوش اي رقابة على ارتفاع الاسعار الذي ليس له مبرر

عادل الشافعى
18-03-2011, 11:53 PM
ربنا نصرنا فى ثورة25يناير وان شاء اللة مصر هتتغير للاحسن :playing_music:

tuffman
19-03-2011, 01:03 AM
معاك قلبا و قالبا .. دعوة للتغييير

auto5truck
24-03-2011, 11:18 AM
من المنطق الأقتصادى أى سلعة بيقل الطلب عليها و يزيد العرض فبيقل سعرها بالتبعية و لكن أحنا فعلاً محتاجين لأعادة رسم أسلوبنا فى الأستهلاك و بالتالى أعادة ضبط أسعار السوق.

mosa_mody
24-03-2011, 12:55 PM
[QUOTE=auto5truck;381327]من المنطق الأقتصادى أى سلعة بيقل الطلب عليها و يزيد العرض فبيقل سعرها بالتبعية و لكن أحنا فعلاً محتاجين لأعادة رسم أسلوبنا فى الأستهلاك و بالتالى أعادة ضبط أسعار السوق.

[والله حضرتك ده المفروض بس فى مصر مفيش الكلام ده خالص وده نتيجة لاحتكار جميع السلع فى مصر عن طريق اتفاق الحرمية كلهم على سعر واحد444546

amaboubakr
29-03-2011, 01:24 AM
سلام عليكم
ياخوانا لازم بجد نفعل الحملة دي اكتر من كده وننشرها اكتر علشان الوكلاء اصبحوا جشعين بطريقة مسعورة واحنا برضك عاملين حملة عالفيس بوك اسمها حملة الغضب على الوكلاء ياريت ايدينا في ايد بعض خلاص الثورة قامت فلازم كلنا نقوم ونصحى كفاياهم مص في دم الشعب احنا الفلوس اللي بنشتري بيها العربيات مش لاقيينها في الشارع احنا الواحد فينا بيشرب المر علشان يحوش ويعمل جمعيات ويدوبك يكمل مقدم العربية مش تمنها فلازم يتوضع حل عن طريق النشر والصبر حتى يقضي الله أمرا كان مفعولا

eng_sam_85
01-04-2011, 05:27 PM
انا معاك يا استاذ amaboubakr (http://www.masrmotors.com/vb/member.php?u=18498)
و لازم نتحرك بسرعه

عمرو يحيي
22-05-2011, 09:46 AM
اتمنى ادارة المنتدى تساعدنا وتدينا موافقة بتعليق بانر بكل صفحات المنتدى وانا هكلف احد اصدقائى بتصميم اكتر من بانر ونعرضه على حضراتكم
خليها تصدى وموديلها يعدى لتخفيض الآسعار
نفسى يكون الشعار ده على كل المواقع عشان كلو يشارك فيه لكى نتخلص من جشع تجار هذه البلد
كنت هاشترى قريب وهأجل الموضوع لنصرت الحمله

يوسف نوور
18-06-2011, 08:33 AM
ياجماعة انا سيارتي فيات 128 موديل 88وماشية زي الفل وع الصحراوب بأجيب 115 كليو وبأفضل عليه فترة كبيرة وصوتها هادي جدا وممكن اجيب سرعة اكبر لولا ان الصحراوي اليومين دول مش زي زمان وبتاخد بنزين 80 وقطع غيار زي الفل وتصرف وتعدل فيها ببلاش والرفاهية والامان في السيارة يعتمد علي فلوسك اللي ممكن تدفعها وسيبك من السيارات الجديدة اللي من الورق المقوى
:CHUBBY~36:

mik
09-07-2011, 01:46 AM
يا جماعة فككم من حوار المقاطعة لانة مش هينفع
متهيالي نعمل حملة لالغاء الجمارك علي السيارات احسن وبعد الثورة يمكن العدل يتحقق

drali
09-07-2011, 04:53 AM
فى حملة بقى أحلى من كدة بعنوان

(سيبوهم يشتروها و اشتروها منهم كسر زيرو)


مين هما بقى؟؟؟؟؟؟؟؟؟


أيوة اللى معاهم فلوس محيراهم وبيزهقوا بسرعة ودول كتير قوى


أنا عن نفسى تبنيت الحملة دى

ههههههههههههههههههههه

kimotop
10-10-2011, 03:38 PM
كلام 100 100

خطوه لأعلى
10-10-2011, 04:01 PM
طب انتوا شغالين من 2010 هااا ايه النتيجة دلؤقتى
ولا حاجة بالعكس الاسعار ارتفعت جدا فى الجديد والمستعمل
محدش حاسس بينا

ابوجهاد
10-10-2011, 04:07 PM
متابع
سوقسوقسوقسوقسوقسوق

jojojojojo
02-12-2011, 03:21 AM
ان بتهيئالي احنا بنمشي بالعكس العربيات غليت مرخصتش ياريتني كنت اشتريت من زمان

المفكر
02-12-2011, 07:45 AM
يا جماعة الفكرة محتاجة انتشار عشان تكون فعالة
يعني لازم يحصل رواج ليها وهنلاقي النتيجة
معاكم إن شاء الله

شريف حجازي
26-02-2012, 12:31 PM
عشيييييييييييييييييييييييييييها ونام
:06A7D5~132:

MR speed
26-02-2012, 01:17 PM
يتهيألى لو اسعار العربيات رخصت فى مصر حتبقى مصيبة هو احنا ناقصين زحمة تخيلو كده لما العربيات ترخص الشعب كله حيشترى و مش حنعرف نتحرك ممكن نفكر فى حاجة زى كده لما انشاء الله نحسن شبكة الطرق عندنا MADDRIVE

Hisham.Elgazzar
26-02-2012, 01:47 PM
يتهيألى لو اسعار العربيات رخصت فى مصر حتبقى مصيبة هو احنا ناقصين زحمة تخيلو كده لما العربيات ترخص الشعب كله حيشترى و مش حنعرف نتحرك ممكن نفكر فى حاجة زى كده لما انشاء الله نحسن شبكة الطرق عندنا MADDRIVE
ماهو صاحب الفكرة أساسا الإدارة وقفتوا ، أكيد عشان الفكرة غلط وبعدين ليه وقف الحال وليه بنقارن نفسنا بالسعودية
ومش العربيات الجديدة دى بتتكسر بسرعة يعنى دخل فلوس ومصالح لناس عشان تمشى حال البلد ومخالفات أكتر وبنزين وزيوت اكتر ، حتى لو العربية بقت بمليون جنيه الناس برضه هتشترى
ربنا يصلح حال البلد آمين

epnmasr
26-02-2012, 03:49 PM
أولاً شكراً وتسلم إيدك على الموضوع والفكره
ثانياً كانت في محاوله من قبل لتفعيل الحمله في مصر لكن لم تنجح بسبب إن فعلاً الناس هنا معندهاش حماس ولا تعاون وكل واحد بيقول و أنا مالي هي جت عليا