المساعد الشخصي الرقمي

مشاهدة النسخة كاملة : تعرف علي " السنسور بارك " حساس الركن


TELEBK
09-08-2010, 11:50 AM
{ السنيور بارك " حساس الركن " }
السلام عليكم ورحمة الله وبركاته
أولا : ما هو السنسور بارك
طبعا كتير مننا سمع عن السنسور بارك أو حساس الركن الخاص بالسيارة ، وهوه مهم جدا عند الركن والرجوع للخلف لإنه بيساعد السائق علي معرفة المسافة المتبقية مابينه وبين السيارة ورائه وده بيكون بالصوت والمسافة المترية والتي تبدأ من مسافة 1.70متر الي مسافة 30 سم وهي المسافة التي يبدأ عندها عمله " 1.7متر" وينتهي بعدها عمله " 30 سم " , وبيعرفك لو فيه حاجة علي يمينك أو شمالك إنت مش شايفها أو في الظلام الحالك ومش قادر تقدر المسافة كويس أو لوحد بيعدي وراك ومش واخد بالك منه أو حجر صغير مش شايفة وممكن تتخبط فيه لإنه تحت مستوي نظرك ولو راكب عربيه عاليه ومش شايف مقدمة السيارة التي خلفك وممكن تخبط فيها من غير قصد عند الرجوع للخلف أو حائط ورائك ومحتاج تركن أمامه فممكن تسيب أقل مسافة ممكنه بإستخدامة وهيه بتوصل لحد 30 سم ، فكل ده بيساعد السنسور بارك علي إكتشافة ، وده بيكون عن طريق أربع حساسات أسطوانيه ذات رأس دائري بتركب في الإكصدام الخلفي للسيارة ، وبتكون بألوان محدده حوالي 4 الوان وهيه " أسود وأبيض و شامبين و أزرق غامق " وممكن يكون فيه ألوان تانيه بتنزل كل شوية بس هيه ديه الألوان المتاحة حالياً .
بالإضافة لإصدار صوت عند الرجوع بيتزايد مع إقتراب السيارة من أي جسم خلفي علشان لو مش واخد بالك منه .
يعني هوه بصفه عامة كويس للسيارة مش وحش بالعكس في رأيي إنه أصبح آداه هامة يجب وجودها في السيارة سواء للمبتدئ أو المتمرس وللرجل والمرأه .
ثانيا : أسعاره وأماكن شرائه
يتواجد السنسور بارك في محلات الإكسسوار الخاص بكماليات السيارات وهيه منتشرة في كل مكان ولكن أشهرها في التوفيقية وشارع ذكي ، وأسعاره بتبدا من 135 جنيه الي 150 جنيه وفي الغالب وده الخاص بحساسات الرجوع للخلف فقط ، وده بيكون صيني الصنع ، وفيه منه بيوصل ل 190 جنيه وده بيركب في الأمام والخلف للسيارة ،وبرضة بيكون صيني الصنع .
وبيشتمل علي 3 أجزاء رئيسية هيه :
1 - شاشة ديجيتال ألوان " صوتيه ".
2 - وحدة التحكم .
3 - رؤوس أسطوانية الشكل بتركب في الإكصدام الخلفي للسيارة .
ثالثا : تركيبه
يتم تركيب السنسور بارك إما عند كهربائي السيارات ، أو ممكن المحل الذي تم شراؤه منه يقوم بتركيبه لك في السيارة وده بيكون نظير دفع مبلغ لا يتجاوز ال 30 جنيه ، وبيأخذ تقريبا من 1.15 ساعة الي 1.30 ساعة في التركيب ، وهوه سهل جدا في تركيبه لإنه بيتوصل علي سلك نور المارشدير ، والعامل مبيقربش للضفيرة الخاصة بالسيارة نهائيا ، وكل السلوك الخاصة بيه بتكون مخفية في الفرش ومبيبانش منها غير رؤس الحساسات في الإكصدام أو الشاشة فقط علي التابلوه .
رابعا : مايجب مراعاته بعد تركيب السنسور بارك
كما ذكرت في كلامي فإن ألون السنسور بارك قليله يعني ممكن ماتناسبش كل ألوان السيارات ، فيجب في هذه الحاله إختيار أقرب أو أكثر الألوان التي تتماشي مع لون السيارة وتركيبها ، ولا تحاول أن تقوم بتلوين الحساسات بلون السيارة لإن ذلك يضعف من حساسيتها جدا جدا ، بل يجب أن تظل علي لونها الخاص بها حتي يمكن الإستفاده من كل خصائص الجهاز المتوفره فيه .
وفي النهاية أرجوا للجميع التوفيق
مع خالص شكري وتقديري
د / خالد

بدر بسيونى
09-08-2010, 11:54 AM
اسمحلى اشكرك واحييك على الموضوع المهم ده وانا مركبه وبعتمد عليه تماما فى الركن وحشر العربية

TELEBK
09-08-2010, 11:58 AM
اسمحلى اشكرك واحييك على الموضوع المهم ده وانا مركبه وبعتمد عليه تماما فى الركن وحشر العربية
لاشكر علي واجب ياأستاذ بدر ، ده واجب كل عضو في المنتدي إنه يساعد بأي حاجه ممكن تفيد الأعضاء الآخرين .

TELEBK
09-08-2010, 05:22 PM
وبرضه فيه نوع بيبقي بكاميرا وشاشة في الصالون ، أول ماتيجي ترجع للخلف الشاشه بتنزل من عند المرايه الداخلية وتتفتح وتبقي زي التليفزيون ، وفيه نوع تاني بيقدر يحسب المسافات بين العربية بتاعتك والعربيات المحيطة بيها أثناء المشي ، وهذان النوعان موجودان لكن لا أعرف سعرهم كام بالضبط .

TELEBK
10-08-2010, 12:32 AM
بالنسبة لمكان شراء السنسور بارك في التوفيقية ، هوه في شارع ذكي بيتباع وبيتركب عند " حسني عبد الحكيم " ، وتمنه بالتركيب بيكون 180 جنيه .

c2bo
10-08-2010, 01:01 AM
تشكر ياجميل

TELEBK
10-08-2010, 01:03 AM
تشكر ياجميل
لاشكر علي واجب GIFT4U

احمد بدر1978
10-08-2010, 01:33 AM
تسلم ايدك يا دكتورخالد

TELEBK
10-08-2010, 01:36 AM
تسلم ايدك يا دكتورخالد
ربنا يخليك يا أستاذ أحمد ، وفي إنتظار موضوعاتك الجميلة .

ahmed.bahlol
10-08-2010, 02:08 AM
ايه الجمال ده يا دكتور خالد تسلم ايدك احلي حاجة عرفتها منك دلوقتي انه سعره جميل مش غالي وتستحق انك تاخد مني دي ROSE4U

كومندا
10-08-2010, 02:53 AM
موضوع جميل ويستاهل التقدير

uubaby2000
10-08-2010, 03:44 AM
بنفع يتركب برة التوكيل؟ ولا هيروح مننا الضمان

Moh.Osama
10-08-2010, 03:56 AM
شكرا يا د/خالد على الشرح الوافى وجزاك الله خيرا

TELEBK
10-08-2010, 12:52 PM
ايه الجمال ده يا دكتور خالد تسلم ايدك احلي حاجة عرفتها منك دلوقتي انه سعره جميل مش غالي وتستحق انك تاخد مني دي ROSE4U
أشكرك وأتمني دوام المعرفة والخير بإذن الله .

prettykitty
10-08-2010, 12:53 PM
جزاك الله خيرا على الموضوع الجميل,,بس ينفع اركبه برة عند اى كهربائى ولا اروح التوكيل ولا ملوش علاقة بالضمان

TELEBK
10-08-2010, 12:54 PM
بنفع يتركب برة التوكيل؟ ولا هيروح مننا الضمان
لأ مفيش مشاكل من التركيب بره التوكيل لإن ده مش بيقرب من أساسيات العربية في حاجة فتوكل علي الله وركبة وبالتوفيق .

TELEBK
10-08-2010, 12:56 PM
جزاك الله خيرا على الموضوع الجميل,,بس ينفع اركبه برة عند اى كهربائى ولا اروح التوكيل ولا ملوش علاقة بالضمان
لأ ده مالوش علاقة بالضمان لإنه بعيد عن ضفيرة الكهرباء ، وبعدين زي ماقولت في سردي للموضوع أماكن تركيب السنسور وأسعارة وياريت لو حتركبيه عند كهربائي يكون عارف طريقة تركيبة ويفضل إللي حتشتريه من عنده يركبه ليكي .

TELEBK
10-08-2010, 12:59 PM
موضوع جميل ويستاهل التقدير
أشكرك وجزاك الله كل خير علي الرد الجميل .

tham1010
10-08-2010, 02:56 PM
موضوع حلو.. انا مش من القاهرة ... ممكن حضرتك تقولى لى التوفقية دى فين.. يعنى تبع أنهو حى ولا منطقة علشان الواحد يبقى يسأل لما ينزل القاهرة

TELEBK
10-08-2010, 03:07 PM
موضوع حلو.. انا مش من القاهرة ... ممكن حضرتك تقولى لى التوفقية دى فين.. يعنى تبع أنهو حى ولا منطقة علشان الواحد يبقى يسأل لما ينزل القاهرة
في شارع رمسيس عند الإسعاف ، ولو حضرتك جي من سفر ونزلت عبود ممكن تركب أي حاجة رايحة التحرير وتنزل عندها ، أو لو حضرتك جي من عند شارع رمسيس ومحطة مصر إركب أي تاكسي أو أوتوبيس أو ميكروباس رايح التحرير وإنزل عندها ، وهناك إسأل عن " حسني عبد الحكيم " وحتلاقيه عنده ، وعند ناس كتير هناك بس هوه ده إللي بيبيع وبيركب .

omardivel2005
10-08-2010, 03:43 PM
شاشة ديجيتال ألوان " صوتيه "*بيكون*شكلها*عامل*أزاى
*وشكراااااا*على*الموضوع*الجامد*دة

TELEBK
11-08-2010, 12:53 AM
شاشة ديجيتال ألوان " صوتيه "*بيكون*شكلها*عامل*أزاى
*وشكراااااا*على*الموضوع*الجامد*دة
هذه هي صور مجموعة السينسور بارك مجمعة في صورة واحدة وهي التي تباع عند محلات الكماليات وتكون كالتالي :
1 - شاشة ديجيتال بصوت تنبيهي .
2- أربع حساسات إسطوانية الشكل .
3- وحدة التحكم .
4- بنطة للفتح في الإكصدام " وهي تباع مع المحموعة وليست منفصلة عنها " .

TELEBK
11-08-2010, 02:09 PM
إستكمالا للموضوع ،،،
بالنسبة للشاشة بيتم لصقها علي التابلوه " فوقه " بلصق " دبل فيس " وليس بالتخريم أو غيره ، ويفضل أن يتم تركيبها بمعرفة صاحب السيارة حتي يمكن له ضبط موقعها ومكانها حسب زاوية رؤيته المثلي سواء في المنتصف أو علي الجانب .

السيد العيسوى
11-08-2010, 03:46 PM
الف شكر ياباشا 00 استفدنا كثيرا

TELEBK
12-08-2010, 01:17 AM
الف شكر ياباشا 00 استفدنا كثيرا

لاشكر علي واجب ، وإن شاء الله تكون الإفادة متبادلة .

أحمد السويسى
12-08-2010, 06:04 PM
موضوع فوق الممتاز شكرا يا أستاذ خالد كلنا أستفدنا بصراحة

بارك الله فيك

TELEBK
13-08-2010, 12:32 AM
موضوع فوق الممتاز شكرا يا أستاذ خالد كلنا أستفدنا بصراحة

بارك الله فيك

لاشكر علي واجب وأنا تحت أمركم في أي إستفسارات خاصة به ، في حدود معرفتي .

fofocom4
20-08-2010, 01:25 PM
شكرا على موضوعك الجميل

Nissan
20-08-2010, 02:41 PM
جميل الموضوع جدا شكرا على المعلومات المفيدة
بس انا حابب اضيف حاجة
فكرة العمل الخاصة بالسينيورز دى عاملة زى الخفاش بالظبط بيصدر موجات صوتية و لما بترجعله تانى بيقدر يحدد المسافة بينه و بين العائق و بتترجم لرقم بيظهر على الشاشة
و ده لينك فى شرح وافى على ال PDC park distance control
http://www.meeknet.co.uk/E38/E38_Park_Distance_Control_PDC.pdf

sad-bird
20-08-2010, 03:00 PM
{ السنيور بارك " حساس الركن " }


السلام عليكم ورحمة الله وبركاته
أولا : ما هو السنسور بارك
طبعا كتير مننا سمع عن السنسور بارك أو حساس الركن الخاص بالسيارة ، وهوه مهم جدا عند الركن والرجوع للخلف لإنه بيساعد السائق علي معرفة المسافة المتبقية مابينه وبين السيارة ورائه وده بيكون بالصوت والمسافة المترية والتي تبدأ من مسافة 1.70متر الي مسافة 30 سم وهي المسافة التي يبدأ عندها عمله " 1.7متر" وينتهي بعدها عمله " 30 سم " , وبيعرفك لو فيه حاجة علي يمينك أو شمالك إنت مش شايفها أو في الظلام الحالك ومش قادر تقدر المسافة كويس أو لوحد بيعدي وراك ومش واخد بالك منه أو حجر صغير مش شايفة وممكن تتخبط فيه لإنه تحت مستوي نظرك ولو راكب عربيه عاليه ومش شايف مقدمة السيارة التي خلفك وممكن تخبط فيها من غير قصد عند الرجوع للخلف أو حائط ورائك ومحتاج تركن أمامه فممكن تسيب أقل مسافة ممكنه بإستخدامة وهيه بتوصل لحد 30 سم ، فكل ده بيساعد السنسور بارك علي إكتشافة ، وده بيكون عن طريق أربع حساسات أسطوانيه ذات رأس دائري بتركب في الإكصدام الخلفي للسيارة ، وبتكون بألوان محدده حوالي 4 الوان وهيه " أسود وأبيض و شامبين و أزرق غامق " وممكن يكون فيه ألوان تانيه بتنزل كل شوية بس هيه ديه الألوان المتاحة حالياً .
بالإضافة لإصدار صوت عند الرجوع بيتزايد مع إقتراب السيارة من أي جسم خلفي علشان لو مش واخد بالك منه .
يعني هوه بصفه عامة كويس للسيارة مش وحش بالعكس في رأيي إنه أصبح آداه هامة يجب وجودها في السيارة سواء للمبتدئ أو المتمرس وللرجل والمرأه .
ثانيا : أسعاره وأماكن شرائه
يتواجد السنسور بارك في محلات الإكسسوار الخاص بكماليات السيارات وهيه منتشرة في كل مكان ولكن أشهرها في التوفيقية وشارع ذكي ، وأسعاره بتبدا من 135 جنيه الي 150 جنيه وفي الغالب وده الخاص بحساسات الرجوع للخلف فقط ، وده بيكون صيني الصنع ، وفيه منه بيوصل ل 190 جنيه وده بيركب في الأمام والخلف للسيارة ،وبرضة بيكون صيني الصنع .
وبيشتمل علي 3 أجزاء رئيسية هيه :
1 - شاشة ديجيتال ألوان " صوتيه ".
2 - وحدة التحكم .
3 - رؤوس أسطوانية الشكل بتركب في الإكصدام الخلفي للسيارة .
ثالثا : تركيبه
يتم تركيب السنسور بارك إما عند كهربائي السيارات ، أو ممكن المحل الذي تم شراؤه منه يقوم بتركيبه لك في السيارة وده بيكون نظير دفع مبلغ لا يتجاوز ال 30 جنيه ، وبيأخذ تقريبا من 1.15 ساعة الي 1.30 ساعة في التركيب ، وهوه سهل جدا في تركيبه لإنه بيتوصل علي سلك نور المارشدير ، والعامل مبيقربش للضفيرة الخاصة بالسيارة نهائيا ، وكل السلوك الخاصة بيه بتكون مخفية في الفرش ومبيبانش منها غير رؤس الحساسات في الإكصدام أو الشاشة فقط علي التابلوه .
رابعا : مايجب مراعاته بعد تركيب السنسور بارك
كما ذكرت في كلامي فإن ألون السنسور بارك قليله يعني ممكن ماتناسبش كل ألوان السيارات ، فيجب في هذه الحاله إختيار أقرب أو أكثر الألوان التي تتماشي مع لون السيارة وتركيبها ، ولا تحاول أن تقوم بتلوين الحساسات بلون السيارة لإن ذلك يضعف من حساسيتها جدا جدا ، بل يجب أن تظل علي لونها الخاص بها حتي يمكن الإستفاده من كل خصائص الجهاز المتوفره فيه .
وفي النهاية أرجوا للجميع التوفيق
مع خالص شكري وتقديري
د / خالد


تسلم ايدك دكتور خالد

TELEBK
21-08-2010, 04:19 AM
تسلم ايدك دكتور خالد
اشكرك لزوقك العالي .

karimfahmy99
26-08-2010, 09:47 AM
هل متوفر النوع الذى يتم تركيبة داخل الاكصدام الامامى و الخلفى ؟؟ و عند مين و بكام ؟

lenenmarcks
26-08-2010, 01:55 PM
ممكن صورة له

TELEBK
26-08-2010, 03:31 PM
ممكن صورة له
فيه صورة ليه في صفحة رقم 4 .

TELEBK
26-08-2010, 03:33 PM
هل متوفر النوع الذى يتم تركيبة داخل الاكصدام الامامى و الخلفى ؟؟ و عند مين و بكام ؟
أيوة موجود النوع ده ، وحتلاقية في شارع زكي في التوفيقية، حضرتك ممكن تروح هناك وتسأل وحتلاقيه وممكن تسأل عند حسني عبد الحكيم هناك ، وسعره حيكون في حدود 190 الي 210 جنيه.

m_elmasoudy
30-08-2010, 03:15 AM
شكرا على موضوعك الجميل ونتمنى المزيد

سيف الدين سعيد
20-10-2010, 03:37 AM
نشكرك يا جميل على المعلومات القيمه دى . ربنا يكرمك

kauodk
23-10-2010, 07:05 PM
تسلم ايدك يااستاذ

dr_eslam_66
03-11-2010, 04:19 PM
إيه المواضيع المفيدة دي المعلومة وكيفية تطبيقها وكمان تواصل مستمر مع الردود اهو دا المجهود ولا بلاش.
دلوقتي أنا كان عندي إستفسار لما السينسور بارك الخلفي بيركب على نور المارشيدير علشان يشتغل وانا راجع ورا بس أوك طيب ولو جيبت سينسور كامل ورا وقدام تفتكر الي قدام هيكون شغال بإستمرار طول ما أنا ماشي بقى ولا إيه.
كمان معلومة لو فيه شاشة مع السينسور انا أحب اوضح بس هيا مش شاشة دي يادوبك شوية شرط حمرا بتزبد كل ما كان العائق قريب من السينسور يفضل وضعها بالخلف اعلى الزجاج الخلفي في المنتصف بالظبط ومواجهة للأمام علشان وإنتا راجع لورا ماتقدرشي تعتمد على السينسور بس لازم كمان تستخدم المراية الي في النص أو تبص بنفسك لورى ماتفضلش تبص ورى ترجع وتسمع صوت السينسور تقوم واقف وباصص في الشاشة. وطبعا كل واحد بينام على الجنب الي يريحه.

ezakemo
09-11-2010, 10:13 AM
thanxxxxxxxxxxxxxxxxxxxxxxxxxxxxxxxxxxxxxxx

alfred_sharouni
09-11-2010, 11:06 AM
alf shouker very useful

سيف الدين سعيد
09-11-2010, 07:30 PM
إيه المواضيع المفيدة دي المعلومة وكيفية تطبيقها وكمان تواصل مستمر مع الردود اهو دا المجهود ولا بلاش.
دلوقتي أنا كان عندي إستفسار لما السينسور بارك الخلفي بيركب على نور المارشيدير علشان يشتغل وانا راجع ورا بس أوك طيب ولو جيبت سينسور كامل ورا وقدام تفتكر الي قدام هيكون شغال بإستمرار طول ما أنا ماشي بقى ولا إيه.
كمان معلومة لو فيه شاشة مع السينسور انا أحب اوضح بس هيا مش شاشة دي يادوبك شوية شرط حمرا بتزبد كل ما كان العائق قريب من السينسور يفضل وضعها بالخلف اعلى الزجاج الخلفي في المنتصف بالظبط ومواجهة للأمام علشان وإنتا راجع لورا ماتقدرشي تعتمد على السينسور بس لازم كمان تستخدم المراية الي في النص أو تبص بنفسك لورى ماتفضلش تبص ورى ترجع وتسمع صوت السينسور تقوم واقف وباصص في الشاشة. وطبعا كل واحد بينام على الجنب الي يريحه.
ياباشا فعلا كلام سيادتك مظبوط جدا . فعلا السينسور الأمامى بيكون شغال باستمرار طول ما العربيه دايره . وعموما دا مابيكونش مفيد غير للسيدات فقط اللى مش بيعرفوا يسوقوا كويس وضعاف فى ركن السياره .
كمان أحب اوضح لحضرتك ان فى شاشات ديجيتال بتبين المسافه رقميا . ودى بتكون شاشه صغيره مغلقه ويتم فتحها اوتوماتيكيا عند عمل السينسور اثناء الرجوع للخلف .
وعلى فكره ياباشا فكرة تركيب الشاشه فى الخلف على الزجاج الخلفى فكره ممتازه بجد . تستاهل عليها ROSE4U

dr_eslam_66
10-11-2010, 04:44 PM
ياباشا فعلا كلام سيادتك مظبوط جدا . فعلا السينسور الأمامى بيكون شغال باستمرار طول ما العربيه دايره . وعموما دا مابيكونش مفيد غير للسيدات فقط اللى مش بيعرفوا يسوقوا كويس وضعاف فى ركن السياره .
كمان أحب اوضح لحضرتك ان فى شاشات ديجيتال بتبين المسافه رقميا . ودى بتكون شاشه صغيره مغلقه ويتم فتحها اوتوماتيكيا عند عمل السينسور اثناء الرجوع للخلف .
وعلى فكره ياباشا فكرة تركيب الشاشه فى الخلف على الزجاج الخلفى فكره ممتازه بجد . تستاهل عليها ROSE4U
لا الله يخليك ياباشا ميرسي كتير بس للإعتراف بالحق ياعني الي يستاهل ROSE4U دا يبقى شركة هوندا علشان أنا خدت بالي منها في الهوندا الأكورد موديل 2004 الشاشة زي مابقولك يادوبك كام شرطة صفرا وبعدين شرط حمرا بعدها حسب المسافة الي فاضلة ومعاها طبعا صفارة قصيرة ومثبتة أعلى منتصف الزجاج الخلفي ومواجهة للداخل بتقدر تشوفها وإنتا راجع لورى سواء في مراية الصالون أو وإنتا باصص لورى.

ABCABCABC
12-11-2010, 08:24 PM
شكراً للدكتور / خالد

وسبحان الله - أنا كنت عايز اركب سنسور بارك و قولت أدخل على صفحة الكهرباء علشان أطرح موضوع جديد وأفهم فكرته و رأى الناس فيه - لقيت الموضوع قدامى

وشكراً للدكتور خالد و كل المشاركين

ابو جودة
12-11-2010, 08:33 PM
مشكوررررررررررررر

alfred_sharouni
17-11-2010, 11:23 AM
كل عام وانتم بخير
لو حد ركبه ف التيجو ياريت يقول بتوع توكيل ابو الفتوح عملوا ايه معاه علشان الضمان؟

شكرا

johnny161094
17-11-2010, 12:07 PM
الف شكر يا باشا تسلم ايدك :)

egymanmasr
22-11-2010, 07:15 AM
رااااااااااااااااااااااائع

seko700
23-11-2013, 06:26 PM
طب السينسور بارك ده ينفع يتركب لعربية تيريوس اللى الكاوتش متعلق على بابها الخلفى ؟

michohat
17-12-2013, 11:36 AM
السنسور بارك المخفي بدون تخريم موجود عند مين؟
حد جربه وهل له عيوب؟